Pawòl Bondye A Akonpli Tout Bagay

Bondye pale pawòl Li yo epi fè travay Li dapre diferan epòk yo, epi nan diferan epòk yo, Li pale pawòl ki diferan. Bondye pa soumèt Li devan règleman yo, ni Li pa repete menm travay la, ni Li pa santi Nostalgie pou bagay tan lontan yo; Li se yon Bondye ki toujou nouvo e ki pa janm vye, epi Li pale nouvo pawòl yo chak jou. Ou ta dwe respekte sa ki ta dwe respekte jodi a; sa a se responsablite ak devwa moun. Li enpòtan anpil pou yo santre pratik yo sou limyè ak pawòl Bondye yo sèjousi. Bondye pa soumèt Li devan règleman yo, epi Li kapab pale nan anpil pèspektiv diferan yo pou montre sajès ak tout puisans Li. Li pa enpòtan si Li pale nan pèspektiv Lespri Bondye a, oswa nan pèspektiv lòm, oswa nan pèspektiv twazyèm moun nan—Bondye se toujou Bondye, epi ou pa ka di, Li pa Bondye akòz Li pale nan pèspektiv lòm nan. Pami kèk moun gen parèt nosyon kòm yon rezilta nan pèspektiv yo diferan ki soti nan ki Bondye pale. Moun sa yo pa gen konesans sou Bondye, e pa yo gen konesans sou travay Li. Si Bondye te toujou pale nan yon sèl pèspektiv, èske lòm pa tap mete règ sou Bondye? Èske Bondye ta ka pèmèt lèzòm aji yon fason konsa? Nan kèlkeswa pèspektiv Bondye pale, Li genyen rezon pou fè sa. Si Bondye te dwe toujou pale nan pèspektiv Lespri a, èske w ta kapab angaje avèk Li? Kidonk, pafwa Li pale nan twazyèm moun nan pou Li ba w pawòl Li yo epi gide w nan reyalite. Tout sa Bondye fè, li apwopriye. An rezime, se Bondye ki fè tout bagay, epi ou pa ta dwe gen dout sou sa. Li se Bondye, e konsa nan kèlkeswa pèspektiv pawòl Li soti a, L ap toujou Bondye. Sa a se yon verite ki pa ka chanje. Sepandan L ap travay, Li se toujou Bondye, epi esans Li pa pral chanje! Pyè renmen Bondye tèlman epi li te yon nonm dapre pwòp kè Bondye, men Bondye pa t temwaye l kòm Seyè a oswa Kris la, paske esans yon moun se sa li ye, epi li pa janm ka chanje. Nan travay Li, Bondye pa soumèt Li devan règleman yo, men Li itilize metòd ki diferan yo pou rann travay Li efikas epi apwofondi konesans lòm sou Li. Chak metòd travay Li ede lòm konnen L, e se pou rann moun pafè. Kèlkeswa metòd travay Li anplwaye, yo chak se pou bati moun ak rann moun pafè. Menmsi youn nan metòd travay Li yo ka te dire pou lontan, sa a se pou tanpere lafwa moun gen nan Li. Konsa, pa ta dwe gen okenn dout nan kè w. Sa yo se tout etap travay Bondye yo, epi nou dwe obeyi yo.

Sa ki pale jodi a se antre nan reyalite—li pa monte nan syèl la, oswa gouvènen tankou wa yo; tout sa ki pale a se pouswit antre nan reyalite. Pa gen pouswit ki pi pratik pase sa a, epi pale de gouvènen kòm wa yo se pa yon bagay pratik. Lòm gen gwo kiryozite, e li toujou sèvi ak nosyon relijye li yo pou mezire travay Bondye a jodi a. Apre l fin fè eksperyans anpil nan metòd travay BonDye yo, lòm toujou pa konnen travay Bondye a, li toujou ap chèche siy ak mèvèy yo, epi li toujou ap gade pou l wè si Pawòl Bondye yo te akonpli. Eske se pa yon inyorans estrawòdinè? San akonplisman pawòl Bondye yo, èske w tap toujou kwè Li se Bondye? Jodi a, anpil moun konsa nan legliz la ap tann pou kontanple siy ak mèvèy yo. Yo di, si pawòl Bondye yo akonpli, enben Li se Bondye; si pawòl Bondye yo pa akonpli, enben Li pa Bondye. Èske w kwè nan Bondye lè sa a paske pawòl Li yo akonpli, oswa paske Li se Bondye Li menm? Fason lòm wè kwayans nan Bondye a dwe korije! Lè w wè, pawòl Bondye yo pa akonpli, ou retire kò w—èske sa a se kwayans nan Bondye? Lè w kwè nan Bondye, ou dwe lage tout bagay nan men Bondye epi obeyi tout travay Bondye a. Bondye te pale anpil pawòl nan Ansyen Testaman an—kilès nan yo ou te wè ki akonpli ak pwòp je w? Èske w ka di Jewova pa Bondye ki vre a paske w pa t wè sa? Menm si anpil pawòl ka te akonpli, lòm pa kapab wè sa aklè paske lòm pa gen verite a e li pa konprann anyen. Gen kèk ki vle kouri ale lè yo santi pawòl Bondye yo pa te akonpli. Eseye l. Gade si w ka kouri ale. Apre w te fin kouri ale, ou pral toujou retounen. Bondye kontwole w avèk pawòl Li, epi si ou kite legliz la ak pawòl Bondye a, ou pa pral gen okenn mwayen pou viv. Si ou pa kwè sa a, eseye l ou menm—Eske w pans ou ka jis kite? Lespri Bondye a kontwole w. Ou pa ka kite. Sa a se yon dekrè administratif Bondye! Si gen kèk moun ki vle eseye, yo kapab! Ou di moun sa a se pa Bondye, kidonk komèt yon peche kont Li epi wè kisa L ap fè. Li posib pou kò w pa mouri epi ou ap toujou kapab manje ak abiye tèt ou, men li pral ensipòtab mantalman; ou pral santi estrès ak touman; pa gen anyen ki pral pote plis doulè. Lòm pa ka sipòte touman mantal ak devastasyon—petèt ou kapab sipòte soufrans kò a, men ou pa kapab sipòte nèt estrès mantal ak touman ki dire lontan. Jodi a, gen kèk moun ki vin negatif paske yo pa t kapab wè siy ak mèvèy yo, men pa gen okenn ki oze kouri ale kèlkeswa jan yo negatif la, paske Bondye kontwole moun ak pawòl Li. Malgre pa te gen okenn prèv reyèl, men pesonn pa ka chape toujou. Eske se pa aksyon Bondye sa yo ye? Jodi a, Bondye vin sou tè a pou bay lòm lavi. Jan moun yo imajine sa, Li pa konvenk ou nan montre siy ak mèvèy yo pou asire yon relasyon nan lapè ant Bondye ak lòm. Tout moun ki pa gen konsantrasyon yo sou lavi, epi ki pito konsantre sou fè Bondye montre siy ak mèvèy yo, se Farizyen yo ye! Epi se Farizyen yo ki te kloure Jezi sou kwa a. Si w mezire Bondye selon pwòp opinyon w sou kwayans nan Bondye, kwè nan Bondye si pawòl li yo rive vre, epi endesi e menm pale mal sou Bondye si yo pa akonpli, lè sa a, èske w pa kloure l sou kwa a? Kalite moun sa yo neglijan nan devwa yo, epi pran plezi avèk avaris nan konfò!

Yon kote, pi gwo pwoblèm ak moun se paske li pa konnen travay Bondye a. Menmsi atitid lòm nan pa yon atitid ki nan refi, li se yon atitid ki nan dout. Lòm pa nye, men li pa rekonèt nèt tou. Si moun yo gen yon konesans konplè sou travay Bondye a, yo pa pral kouri ale. Lòt pwoblèm lan se paske lòm pa konnen reyalite. Jodi a, se avèk pawòl Bondye a chak moun angaje; tout bon, nan tan kap vini an, ou pa ta dwe panse kotanple siy ak mèvèy yo. Mwen di w klèman: Pandan etap aktyèl la, tout sa w kapab wè se pawòl Bondye yo, e menmsi pa gen okenn reyalite, lavi Bondye a ka toujou fòje nan moun. Se travay sa a ki se travay prensipal Wayòm Milenè a, epi si ou pa ka wè travay sa a, enben ou pral vin fèb epi ranvèse desann; ou pral desann nan mitan eprèv yo epi, men pi grav ankò, Satan ap mete w nan prizon. Bondye vin sou latè prensipalman pou L pale pawòl Li yo; sa ou angaje avèk li a se pawòl Bondye a, sa ou tande a se pawòl Bondye a, sa ou respekte a se pawòl Bondye a, sa ou fè eksperyans lan se pawòl Bondye a, epi enkanasyon Bondye sa a itilize pawòl la prensipalman pou rann moun pafè. Li pa montre siy ak mèvèy yo, e sitou li pa fè travay Jezi te fè nan tan lontan an. Malgre yo se Bondye, epi yo tou de se kò, ministè Yo pa menm. Lè Jezi te vini, li te fè yon pati nan travay Bondye a epi li te pale kèk pawòl—men Kisa ki travay prensipal Li te akonpli? Sa Li te akonpli prensipalman se te travay krisifiksyon an. Li te vin sanble ak kò peche pou konplete travay krisifiksyon an epi rachte tout limanite, e se pou peche tout limanite yo Li te sèvi kòm ofrann pou peche. Sa a se travay prensipal la Li te akonpli. Alafen, Li te bay chemen kwa a pou gide moun ki te vini pita yo. Lè Jezi te vini, se te sitou pou konplete travay redanmsyon an. Li te rachte tout limanite, e li te pote levanjil wayòm syèl la bay lèzòm, epi, anplis, li te fè chimen wayòm syèl la. Kòm konsekans, tout moun ki te vini apre yo te di, “Nou ta dwe mache sou chimen kwa a, epi sakrifye tèt nou pou kwa a.” Natirèlman, nan kòmansman an, Jezi te fè kèk lòt travay tou epi li te pale kèk pawòl pou fè lòm repanti epi konfese peche l yo. Men, ministè Li se te toujou krisifiksyon an, epi twa ane edmi Li te pase tan ap preche chimen an se te nan preparasyon pou krisifiksyon ki te vini apre a. Plizyè fwa Jezi te priye yo se te pou krisifiksyon an tou. Lavi yon moun nòmal, Li te mennen e trant-twa ane edmi Li te viv sou latè yo te sitou nan sousi pou konplete travay krisifiksyon an; yo te dwe ba Li fòs pou antreprann travay sa a, sa ki rezon ki fè Bondye te konfye L travay krisifiksyon an. Ki travay Bondye enkane a ap akonpli jodi a? Jodi a, Bondye vin lachè prensipalman pou konplete travay “Pawòl la ki parèt nan lachè a,” pou sèvi ak pawòl la pou fè lòm pafè, epi fè lòm aksepte antann ak pawòl la e rafinman pawòl la. Nan pawòl Li yo li fè w jwenn pwovizyon e gen lavi; nan pawòl Li ou wè travay Li ak zèv li yo. Bondye sèvi ak pawòl la pou pini ak rafine w, e konsa, si ou soufri difikilte, se akòz pawòl Bondye a tou. Jodi a, Bondye pa travay ak reyalite, men ak pawòl yo. Se sèlman apre pawòl Li a vini sou ou Sentespri a ka travay nan ou epi lakòz ou soufri doulè oswa santi dousè. Se sèlman pawòl Bondye a ki ka pote w nan reyalite, epi sèlman pawòl Bondye a kapab rann ou pafè. E konsa, omwen ou dwe konprann sa a: Travay Bondye te fè pandan dènye jou yo se prensipal itilizasyon pawòl Li pou fè chak moun pafè epi gide moun. Tout travay, li fè se atravè pawòl la; Li pa sèvi ak reyalite yo pou pini w. Gen de lè kèk moun reziste ak Bondye. Bondye pa lakòz gwo malèz ou a, kò w pa pini, ni ou pa soufri difikilte—men pi vit pawòl li vini sou ou, epi rafine w, li ensipòtab pou ou. Èske se pa konsa? Pandan tan moun k ap fè sèvis yo, Bondye te di pou jete lòm nan twou san fon an. Èske lòm rive reyèlman nan twou san fon an? Senpleman nan sèvi ak pawòl pou rafine moun yo, lòm te antre nan twou san fon an. E konsa, pandan dènye jou yo, lè Bondye vin nan lachè, Li itilize prensipalman pawòl la pou akonpli tout bagay epi fè tout bagay klè. Se sèlman nan pawòl Li yo ou ka wè kiyès Li ye; sèlman nan pawòl Li yo ou ka wè, Li se Bondye menm. Lè Bondye enkane a vini sou latè, Li pa fè okenn lòt travay men pale pawòl yo—konsa pa gen okenn bezwen pou reyalite; pawòl yo sifi. Se paske Li te vin prensipalman fè travay sa a, pou pèmèt moun wè pouvwa ak sipremasi Li nan pawòl li yo, pou pèmèt moun wè nan pawòl Li yo kouman li kache tèt li avèk imilite, epi pou pèmèt moun konnen tout sa Li ye nan pawòl Li yo. Tout sa Li genyen e tout sa Li ye se nan pawòl Li yo li ye. Sajès Li ak mèvèy Li nan pawòl Li yo. Nan sa a ou fèt pou wè anpil metòd Bondye itilize yo pou pale pawòl Li yo. Pifò nan travay Bondye a te pwovizyon, revelasyon, epi fè zafè ak moun pandan tout tan sa a. Li pa madichonnen yon moun alalejè, e menm lè Li fè sa, se nan pawòl Bondye a Li madichonnen yo. e konsa, nan epòk Bondye vin nan lachè a, pa eseye wè Bondye k ap geri malad yo e chase move lespri yo ankò, epi sispann toujou ap chèche siy—pa gen okenn pwen! Siy sa yo pa ka fè moun pafè! Pou pale klè: Jodi a, vre Bondye a Li menm ki nan kò a pa aji; Li sèlman pale. Sa a se verite a! Li sèvi ak pawòl yo pou rann ou pafè, epi li sèvi ak pawòl yo pou nouri e wouze w. Li itilize pawòl yo tou pou travay, epi li itilize pawòl yo nan plas reyalite pou fè ou konnen reyalite Li a. Si ou kapab wè travay Bondye fason sa a, enben li difisil pou ou negatif. Olye ou konsantre sou bagay ki negatif, ou ta dwe konsantre sèlman sou sa ki pozitif—sa ki vle di, Kit pawòl Bondye yo akonpli ou pa, oswa kit gen evenman reyalite yo ou pa, Bondye lakòz moun jwenn lavi ki soti nan pawòl Li yo, e sa se pi gwo nan tout siy yo; epi menm plis konsa, li se yon reyalite yo paka konteste. Sa a se prèv ki pi bon an ki pèmèt moun konnen Bondye, e se menm yon siy ki pi gwo pase siy yo. Se sèlman pawòl sa yo ki kapab rann moun pafè.

Pi vit epòk Wayòm nan te kòmanse, Bondye te kòmanse lage pawòl Li yo. Nan lavni, pawòl sa yo pral akonpli gradyèlman, e nan tan sa a, lòm ap grandi nan lavi. Itilizasyon pawòl Bondye a pou revele dispozisyon kòwonpi lòm pi reyèl, e li pi nesesè, epi li pa sèvi ak anyen men pawòl la pou L fè travay Li yon fason pou L rann lafwa lòm pafè, paske jodi a se Epòk Pawòl la, epi li mande pou lafwa, rezolisyon, ak koperasyon lòm. Travay Bondye enkane dènye jou yo se itilizasyon pawòl Li pou sèvi ak bay moun. Se sèlman apre Bondye enkane a fin pale pawòl Li yo pral kòmanse akonpli. Pandan tan Li pale a, pawòl L yo pa akonpli, paske lè Li nan etap kò a, pawòl Li yo pa ka akonpli. Sa se pou moun ka wè Bondye se kò epi Li pa Lespri; pou lòm ka wè, reyalite Bondye a ak pwòp je pa li. Jou travay Li fini, lè tout pawòl Li ta dwe pale sou latè yo fin pale, pawòl Li yo ap kòmanse akonpli. Kounye a se pa epòk akonplisman pawòl Bondye yo, paske Li poko fin pale pawòl Li yo. Se konsa, lè ou wè, Bondye toujou pale pawòl Li sou latè, pa tann pawòl Li yo akonpli; lè Bondye sispann pale pawòl Li yo, epi lè travay Li sou tè a fini, se lè sa pawòl Li yo ap konplè. Nan pawòl Li pale sou latè, gen, nan yon sans, pwovisyon lavi, e nan yon lòt, gen pwofesi—pwofesi bagay ki gen pou vini yo, bagay ki pral fèt, ak bagay ki poko akonpli yo. Te gen tou pwofesi nan pawòl Jezi yo. Nan yon sans, Li bay lavi, Li te pale pwofesi. Jodi a, pa gen okenn pale de pote soti pawòl ak reyalite yo an menm tan paske gen twò gwo diferans ant sa pwòp je lòm ka wè ak sa Bondye fè. Yo ka sèlman di, yon fwa travay Bondye a konplè, pawòl Li yo pral akonpli, epi reyalite yo ap vini apre pawòl yo. Pandan dènye jou yo, Bondye enkàne a reyalize ministè pawòl la sou tè a, epi lè L ap reyalize ministè pawòl la, Li pale pawòl yo sèlman, epi li pa okipe lòt zafè. Yon fwa travay Bondye a chanje, pawòl Li yo ap kòmanse akonpli. Jodi a, pawòl yo sèvi premyèman pou rann ou pafè; lè Li jwenn glwa nan tout linivè a, travay Li pral konplè—tout pawòl ki ta dwe pale yo pral pale, epi tout pawòl yo ap vin reyalite. Bondye vin sou tè a pandan dènye jou yo pou L fè ministè pawòl la pou lèzòm ka konnen L, pou lèzòm ka wè sa Li ye, pou yo wè sajès li ak tout bèl zèv Li ki soti nan pawòl Li a. Pandan epòk Wayòm nan, Bondye sèvi ak pawòl sa a prensipalman pou L konkeri tout limanite. Nan lavni, pawòl Li ap vini tou sou tout relijyon, sektè, nasyon ak denominasyon. Bondye sèvi ak pawòl la pou L konkeri, pou l fè tout moun wè, pawòl li pote otorite ak pisans—e konsa jodi a, nou fè fas sèlman ak pawòl Bondye a.

Pawòl Bondye te pale nan epòk sa a diferan ak sa yo te pale pandan epòk Lalwa, e konsa, tou, yo diferan ak pawòl yo te pale pandan epòk Gras la. Nan epòk Gras la, Bondye pa t fè travay pawòl la, men Li te dekri senpleman krisifiksyon pou rachte tout limanite. Bib la sèlman dekri poukisa yo te kloure Jezi sou kwa a, ak soufrans Li te sibi sou kwa a, ak kijan yo ta dwe kloure lòm sou lakwa pou Bondye. Pandan epòk sa a, tout travay Bondye fè yo te santre sou krisifiksyon an. Pandan Epòk wayòm nan, Bondye enkàne a pale pawòl yo pou konkeri tout moun ki kwè nan Li. Sa a se “Pawòl la ki parèt nan lachè”; Bondye te vini pandan dènye jou yo pou fè travay sa a, sa ki vle di, Li te vin akonpli enpòtans Pawòl aktyèl la ki parèt nan lachè. Li sèlman pale pawòl yo, e gen prèv reyè yo. Sa a se esans Pawòl la parèt ki parèt nan lachè a, e lè Bondye enkàne a pale pawòl Li yo, sa a se aparans Pawòl nan lachè a, e se Pawòl ki vini nan lachè a. “Anvan tout bagay Pawòl la te la, Pawòl te avèk Bondye epi Pawòl la te Bondye, epi Pawòl la te vin tounen moun.” Sa a (travay la ki gen aparans Pawòl la nan lachè a) se travay, Bondye pral akonpli nan dènye jou yo, e se chapit final la nan tout plan jesyon Li, e konsa Bondye gen pou vini sou latè epi manifeste pawòl Li yo nan lachè. Sa ki fèt jodi a, sa k pral fèt nan lavni, sa Bondye ap akonpli, dènye destinasyon lòm nan, moun k ap sove yo, moun k ap detwi yo, elatriye—tout travay sa a ki ta dwe reyalize nan fen an te deklare klèman, epi se tout yon fason pou akonpli enpòtans aktyèl Pawòl la ki parèt nan lachè a. Dekrè administratif yo ak konstitisyon ki te deja pibliye, moun ki pral detwi yo, moun ki pral antre nan repo—pawòl sa yo dwe akonpli. Sa a se travay Bondye enkàne a te akonpli prensipalman pandan dènye jou yo. Li fè moun konprann pou ki kote moun Bondye predestine yo ye e pou ki kote moun Bondye predestine yo ye, kijan pèp Li a ak pitit gason L yo pral klase, kisa k pral rive pèp Izrayèl la, kisa k pral rive peyi Lejip—nan lavni, chak pawòl sa yo pral akonpli. Ritm travay Bondye a pral akselere. Bondye sèvi ak pawòl la kòm mwayen pou L revele lòm sa ki dwe fèt nan chak epòk, sa Bondye enkàne a dwe fè pandan dènye jou yo, e ministè Li a ki dwe fèt, epi pout pawòl sa yo se pou akonpli enpòtans aktyèl Pawòl la ki parèt nan lachè a.

Mwen te deja di, “Tout moun ki konsantre sou kontanple siy ak mèvèy yo, yo pral abandone yo; yo pa moun yo pral rann pafè.” Mwen te pale anpil pawòl, men lòm pa gen pi piti konesans travay sa a, epi, apre yo te fin rive nan pwen sa a, moun toujou mande pou siy ak mèvèy yo. Èske kwayans ou nan Bondye pa anyen plis pase pouswit siy ak mèvèy yo, oswa èske se yon fason pou w gen lavi? Jezi te pale anpil pawòl tou, e kèk nan yo toujou bezwen akonpli. Èske w ka di Jezi pa Bondye? Bondye te temwaye, Li te Kris la epi Pitit Bondye renmen anpil la. Èske w ka nye sa? Jodi a, Bondye pale pawòl yo sèlman, epi si ou pa konnen sa byen, enben ou pa ka kanpe fèm. Èske w kwè nan Li paske Li se Bondye, oswa èske kwayans ou baze sou si wi ou non pawòl Li yo te akonpli? Èske w kwè nan siy ak mèvèy yo, oswa ou kwè nan Bondye? Jodi a, Li pa montre siy ak mèvèy yo—èske Li se Bondye vre? Si pawòl Li pale yo pa akonpli, èske Li se Bondye vre? Èske si pawòl Li pale yo akonpli ou non detèmine esans Bondye a? Poukisa gen kèk moun ki toujou ap tann akonplisman pawòl Bondye yo anvan yo pral kwè nan Li? Sa pa vle di yo pa konnen L? Tout moun ki posede nosyon sa yo se moun ki nye Bondye. Yo sèvi ak nosyon yo pou mezire Bondye; si pawòl Bondye yo akonpli, yo kwè nan Li, epi si yo pa akonpli, enben yo pa kwè nan Li; epi yo toujou pouswiv siy ak mèvèy yo. Èske moun sa yo se pa Farizyen tan modèn yo? Si w kapab kenbe fèm ou non depann si wi ou non ou konnen vre Bondye a, sa enpòtan anpil! Plis reyalite pawòl Bondye a nan ou pi gwo, se plis konesans ou sou reyalite Bondye a pi gwo, epi se plis ou kapab kanpe fèm pandan eprèv yo. Plis ou konsantre sou wè siy ak mèvèy yo, se mwens ou kapab kanpe fèm, epi ou pral tonbe nan mitan eprèv yo. Siy ak mèvèy yo se pa fondasyon an; se sèlman reyalite Bondye a ki se lavi. Gen kèk moun ki pa konnen efè travay Bondye a dwe akonpli. Yo pase jou yo nan konfizyon, yo pa pousuiv konesans travay Bondye a. Objektif pouswit yo se sèlman fè Bondye satisfè dezi yo tout tan, epi se sèlman konsa yo pral serye nan kwayans yo. Yo di, yo pral pouswiv lavi a si pawòl Bondye yo akonpli, men si pawòl Li yo pa akonpli, enben pa gen posiblite pou yo pouswiv lavi a. Lòm panse, kwayans nan Bondye se pouswit nan kontanple siy ak mèvèy yo epi pouswit nan monte nan syèl la ak twazyèm syèl la. Okenn nan yo pa di, kwayans yo nan Bondye se pouswit antre nan reyalite, pouswit lavi, epi pouswit pou Bondye genyen yo. Ki valè yon pouswit konsa? Moun ki pa pouswiv konesans Bondye ak satisfaksyon Bondye se moun ki pa kwè nan Bondye; yo se sila yo ki pale mal sou Bondye!

Koulye a, èske nou konprann kisa kwayans nan Bondye ye? Èske kwayans nan Bondye vle di kontanple siy ak mèvèy yo? Èske sa vle di monte nan syèl la? Kwè nan Bondye pa fasil nan pi piti bagay la. Yo ta dwe pirifye pratik relijye sa yo; pouswiv gerizon pou malad la e chase move lespri yo, konsantre sou siy ak mèvèy yo, konvwate Gras Bondye a, lapè e kè kontan plis toujou, pouswiv pèspektiv yo e konfò nan lachè—sa yo se pratik relijye, epi pratik relijye sa yo se yon kalite kwayans ki vag. Kisa ki vre kwayans nan Bondye jodi a? Li se akseptasyon pawòl Bondye a kòm reyalite lavi w epi konnesans Bondye a ki soti nan pawòl Li a pou reyalize yon vre lanmou pou Li. Pou ou kapab klè: Kwayans nan Bondye se pou ou ka obeyi Bondye, renmen Bondye, epi fè devwa yon kreyati Bondye ta dwe fè. Sa a se objektif kwayans nan Bondye. Ou dwe jwenn yon konesans sou bote Bondye a, sou kijan Bondye diy pou L jwenn reverans, sou kijan, nan kreyati Li yo, Bondye fè travay delivrans lan epi rann yo pafè—sa yo se eleman esansyèl kwayans ou nan Bondye. Kwayans nan Bondye se prensipalamn chanjman an ki soti nan yon lavi lachè pou ale nan yon lavi renmen Bondye; ki soti nan viv nan koripsyon pou ale nan viv nan lavi pawòl Bondye yo; li soti nan domèn Satan epi li viv anba swen ak pwoteksyon Bondye; li se kapab akonpli obeyisans pou Bondye e non obeyisans pou lachè; li pèmèt Bondye jwenn tout kè w, pèmèt Bondye rann ou pafè, epi libere tèt ou soti anba dispozisyon koripsyon satanik la. Kwayans nan Bondye se sitou pou pouvwa ak tout glwa Bondye ka manifeste nan ou, pou w ka fè volonte Bondye, e akonpli plan Bondye a, epi kapab rann temwayaj pou Bondye devan Satan. Kwayans nan Bondye pa ta dwe vire toutotou dezi pou kontanple siy ak mèvèy yo, ni li pa ta dwe nan sousi pou kò pèsonèl ou. Li ta dwe sou pouswit konnen Bondye, e kapab obeyi Bondye, epi, tankou Pyè, obeyi L jouk li mouri. Sa yo se objektif prensipal yo nan kwè nan Bondye. Yon moun manje ak bwè pawòl Bondye a pou l konnen Bondye e satisfè L. Manje ak bwè pawòl Bondye a ba w yon pi gwo konesans sou Bondye, se sèlman apre sa ou ka obeyi L. Se sèlman avèk konesans Bondye ou ka renmen L, e se objektif lòm ta dwe genyen nan kwayans li nan Bondye. Si, nan kwayans ou nan Bondye, ou toujou ap eseye kontanple siy ak mèvèy yo, lè sa a, opinyon kwayans sa a nan Bondye pa bon. Kwayans nan Bondye se prensipalman aksepte pawòl Bondye a kòm reyalite lavi a. Lè w mete an pratik pawòl ki soti nan bouch Bondye yo epi pote yo nan ou, se sèlman konsa ou atenn objektif Bondye. Lè l kwè nan Bondye, lòm ta dwe fè efò pou Bondye rann li pafè, pou l kapab soumèt devan Bondye e pou l obeyi Bondye nèt. Si ou ka obeyi Bondye san plenyen, sonje dezi Bondye yo, reyalize nivo Pyè a, epi posede estil Pyè, Bondye pale de li a, enben se pral lè ou fè siksè nan kwayans nan Bondye, epi sa pral vle di, Bondye te genyen w.

Bondye fè travay li nan tout linivè a. Tout moun ki kwè nan Li dwe aksepte pawòl Li, epi manje ak bwè pawòl Li; pa gen moun Bondye ka genyen nan kontanple siy ak mèvèy Bondye montre yo. Pandan tout epòk yo, Bondye te toujou itilize pawòl la pou rann moun pafè. Kidonk, nou pa ta dwe konsakre tout atansyon nou sou siy ak mèvèy yo, men yo ta dwe fè efò pou Bondye rann pafè. Nan Epòk Lwa Ansyen Testaman an, Bondye te pale kèk pawòl, e nan Epòk Gras la, Jezi, tou, te pale anpil pawòl. Aprè Jezi te fin di anpil pawòl, dènye apot ak disip yo te fè moun yo pratike dapre kòmandman Jezi te bay yo epi yo te fè eksperyans daprè pawòl ak prensip Jezi te pale yo. Nan dènye jou yo, Bondye sèvi ak pawòl sa a prensipalman pou rann lòm pafè. Li pa sèvi ak siy e mèvèy yo pou toupizi lòm, oswa konvenk lòm; sa pa ka rann klè pouvwa Bondye a. Si Bondye te montre sèlman siy ak mèvèy yo, lè sa a Li ta enposib pou L fè reyalite Bondye a klè, e konsa li ta enposib pou L rann moun pafè. Bondye pa rann moun pafè ak siy e mèvèy yo, men Li sèvi ak pawòl la pou woze e gade moun, apre sa obeyisans konplè lòm nan ak konesans lòm nan osijè Bondye reyalize. Sa a se objektif travay li fè ak pawòl Li pale yo. Bondye pa sèvi ak metòd montre siy ak mèvèy pou rann lòm pafè—Li sèvi ak pawòl, epi Li itilize anpil metòd travay ki diferan pou rann lòm pafè. Kit se rafineman, relasyon, separasyon, oswa pwovizyon pawòl yo, Bondye pale nan anpil pèspektiv diferan pou rann lòm pafè, epi pou bay lòm yon pi gwo konesans travay la, sajès ak mèvèy Bondye yo. Lè lòm fin konplè nèt nan moman Bondye fini epòk la nan dènye jou yo, lè sa a li pral kalifye pou gade siy ak mèvèy yo. Lè w vin konnen Bondye epi kapab obeyi Bondye kèlkeswa sa Li fè, ou p ap gen nosyon sou Li ankò lè w wè siy ak mèvè yo. Nan moman sa a, ou fin pouri e ou pa kapab obeyi Bondye nèt sou tout pwen—èske w panse ou kalifye pou wè siy ak mèvèy yo nan eta sa a? Lè Bondye montre siy ak mèvèy yo, se lè sa a Bondye pini moun, epi tou se lè sa a epòk la chanje, epi, anplis, se lè sa a epòk la fini. Lè travay Bondye a fèt nòmalman, Li pa montre siy ak mèvèy yo. Lè L montre siy ak mèvèy yo se yon bagay senp ki ridikil pou Li, men sa se pa prensip travay Bondye a, ni se pa objektif jesyon Bondye sou moun. Si lòm te wè siy ak mèvèy yo, e si kò espirityèl Bondye ta parèt devan lòm, èske tout moun pa tap kwè nan Bondye? Mwen te di deja, yon gwoup moun ki genyen viktwa yo soti nan Lès, moun ki soti nan mitan gran tribilasyon an. Ki sa pawòl sa yo vle di? Yo vle di, moun sa yo, yo te genyen yo, te obeyi sèlman vreman apre yo te fin sibi jijman e pinisyon, epi relasyon e separasyon, e tout kalite rafinman. Kwayans moun sa yo pa vag e abstrè, men li reyèl. Yo pa t wè siy ak mèvèy yo, ni mirak yo. Yo pa pale de lèt difisil ak doktrin yo, oswa ide pwofon; olye sa yo gen reyalite, ak pawòl Bondye yo, e yon vre konesans reyalite Bondye a. Èske yon gwoup moun konsa pa pi kapab rann pouvwa Bondye a klè? Travay Bondye pandan dènye jou yo se vre travay. Pandan epòk Jezi a, Li pa t vin pou rann lòm pafè, men Li te rachte lòm, e konsa Li te fè kèk mirak pou fè moun swiv Li. Paske Li te vin konplete prensipalman travay krisifiksyon an, epi montre siy pa t fè pati travay ministè Li a. Kalite siy sa yo ak mèvèy yo se te travay ki te fèt pou rann travay Li efikas; se te travay siplemantè, epi yo pa t reprezante travay epòk la tout antye. Pandan epòk Lalwa nan Ansyen Testaman an, Bondye te montre kèk siy ak mèvèy tou—men travay Bondye fè jodi a se yon vre travay, e li pa t ap montre siy ak mèvèy kounye a ditou. Si Li te montre siy ak mèvèy yo, yo tap jete vre travay Li nan dezòd, epi Li pa tap kapab fè travay anplis. Si Bondye te di pou itilize pawòlpou rann moun pafè a, men tou te montre siy ak mèvèy yo, lè sa a èske li ta ka klè si wi ou non lòm kwè nan Li vreman? Kidonk, Bondye pa fè bagay sa yo. Gen twòp bagay relijyon nan lòm; Bondye vini pandan dènye jou yo pou mete tout nosyon relijye yo ak bagay sinatirèl andedan moun yo deyò, epi fè moun konnen reyalite Bondye a. Li vin retire imaj yon Bondye ki abstrè e ki gen fantezi—imaj yon Bondye ki, nan lòt pawòl yo, pa egziste ditou. Epi konsa, kounye a sèl bagay ki gen anpil valè a se pou w gen yon konesans reyalite! Verite a pase sou tout bagay. Ki kantite verite ou genyen jodi a? Èske tout sa montre siy ak mèvèy yo se Bondye? Move lespri yo ka montre siy ak mèvèy tou; èske yo tout se Bondye? Nan kwayans li nan Bondye, sa lòm ap chèche se verite a, e sa li pouswiv la se lavi, olye siy ak mèvèy yo. Sa ta dwe objektif tout moun ki kwè nan Bondye.