Èske Trinite a Egziste?

Aprè verite sou Jezi ki pran fòm moun nan te parèt, men kisa lòm te kwè: Non sèlman Papa a nan syèl la, men Pitit la tou, epi menm Sentespri a. Se sa ki nosyon konvansyonèl lòm genyen an, ke genyen yon Bondye konsa nan syèl la: yon Bondye an twa pèsòn ki se Papa, Pitit la, ak Sentespri a. Tout limanite gen nosyon sa yo: Bondye se yon sèl Bondye, men Li gen twa pati, sa tout sila yo ki anrasine gravman nan nosyon konvansyonèl yo declare ki se Papa, Pitit la, ak Sentespri a. Sèlman twa pati sa yo mete ansanm se Bondye totalman. San Papa Sen an, Bondye pa tap konplè. Menmjan an, ni Bondye pa tap konplè san Pitit la oswa Sentespri a. Nan konsepsyon yo, yo kwè ni Papa pou kont Li ni Pitit la pou kont Li pa ka konsidere kòm Bondye. Se sèlman Papa a, Pitit la, ak Sentespri a ansanm ki ka konsidere kòm Bondye menm. Kounye a, tout kwayan relijye yo, ak menm chak disip pami nou, gen kwayans sa. Poutan, pou di si kwayans sa kòrèk, okenn moun pa ka eksplike, paske nou toujou gen anpil konfizyon konsènan zafè Bondye yo menm. Menmsi sa yo se nosyon, nou pa konnen si yo korèk oswa enkòrèk, paske nou gentan vin enfekte twò mal avèk nosyon relijye yo. Nou gentan aksepte nosyon konvansyonèl relijye sa yo twò fon anndan nou, epi pwazon sa gentan antre twò fon anndan nou. Pou rezon sa, konsa tou nan kesyon sa nou tonbe anba move enfliyans, paske Bondye an twa pèsòn nan senpleman pa egziste. Sa vle di, trinite Papa, Pitit la, ak Sentespri senpleman pa egziste. Tout sa yo se nosyon konvansyonèl ak kwayans enkòrèk lòm. Pandan plizyè syèk, lòm kwè nan Trinite sa, ke nosyon nan lespri lòm envante, ke lòm fabrike, epi ke lòm pat janm wè avan. Pandan anpil ane sa yo, genyen anpil moun ki ap analize Bib la ki eksplike “vrè sinifikasyon” Trinite a, men eksplikasyon sa yo sou Bondye an twa pèsòn nan antan ke twa moun diferan ki fè yon sèl se bagay ki vag epi ki pa klè, epi moun yo vin nan tout konfizyon avèk “fòm” Bondye. Pa gen okenn moun ki gran ki te janm ka bay yon vrè eksplikasyon; pi fò nan eksplikasyon yo akseptab nan sans rezònman ak sou papye, men okenn moun pa genyen yon konpreyansyon klè totalman sou sinifikasyon li. Se paske gran Trinite sa lòm kenbe nan kè li a senpleman pa egziste. Paske pa gen moun ki janm wè vrè vizaj Bondye, ni okenn moun pa janm gen chans ase pou yo monte lakay Bondye pou vizite nan objektif pou yo ka egzamine ki bagay ki prezan nan kay kote Bondye ye a, pou detèmine konbyen dizèn mil oswa santèn milyon jenerasyon ki nan “kay Bondye a” oswa pou envestige sou konbyen pati entrensèk Bondye a genyen. Prensipalman, sa ki dwe egzamine a se: epòk Papa ak Pitit la, ak Sentespri a; aparans diferan chak pèsòn; egzakteman kòman yo fè separe, epi kòman yo fè vin yon sèl. Malerezman, nan tout ane sa yo, menm yon sèl moun pa t ka detèmine verite a sou bagay sa yo. Yo tout senpleman ap devine, paske menm yon sèl moun pa janm monte nan syèl la pou vizite epi retounen avèk yon “rapò investigasyon” paske, nan objektif pou rapòte verite sou sijè a bay tout kwayan fidèl e relijye sa yo, tout limanite te entèrese ak kesyon Trinite a. Sètènman, lòm pa merite blam paske yo te fòme nosyon sa yo, paske poukisa Jewova Papa a pa t fè Jezi Pitit la akonpanye Li lè Li te kreye limanite? Si, o kòmansman, tout bagay te pote non Jewova, li te ka pi bon. Si yo dwe blame, ke yo blame moman tanporè Bondye Jewova a, ki pa t rele Pitit la ak Sentespri a devan Li nan moman kreyasyon an, men Li te pito egzekite travay Li pou kont Li. Si yo tout te travay an menm tan, lè sa a èske Yo pa t ap fè yon sèl? Si, depi nan kòmansman jiska la fen, te gen sèlman non Jewova a epi pa t gen non Jezi nan Epòk Gras la, oswa si lè sa a Li te toujou rele Jewova, alò èske Bondye pa t ap epanye de soufrans divizyon ke lèzòm ba Li? Sètènman, Jewova pa merite blam pou tout bagay sa yo; si yo gen pou blame, yo dwe blame Sentespri a, ki pandan plizyè ane te kontinye travay avèk non Jewova a, non Jezi a, epi ak menm non Sentespri a, ki twouble epi bay lòm konfizyon jiskaske lòm pa t ka konnen egzakteman kiyès Bondye ye. Si Sentespri a menm te travay san fòm oswa san imaj, epi plis ankò, san yon non tankou Jezi, epi lòm pa t ka ni touche ni wè Li, sèlman tande son loraj, alò èske yon travay konsa pa tap pi bon pou lèzòm? Nan ka sa a, kisa ki ka fèt kounye a? Nosyon lèzòm yo rasanble epi vin wo tankou yon mòn epi laj tankou lanmè, jiskaske Bondye tan jodi a pa ka sipòte yo epi yo vin twòp pou Li. Nan tan pase yo, lè te gen sèlman Jewova, Jezi, epi nan mitan Yo, Sentespri a, lòm te gentan nan konfizyon konsènan fason pou li jere sa, epi kounye a vin genyen ogmantasyon Toupisan an, ke yo menm di ki fè pati Bondye a tou. Kimoun ki konnen kiyès Li ye epi avèk ki pèsòn nan trinite a li te melanje oswa kache ladann pou nenpòt konbyen tan? Kòman lòm fè ka sipòte sa? Bondye an twa pèsòn nan pou kont Li te sifi pou lòm te ka pase tout vi l nan eksplike, men kounye a genyen “yon Bondye an kat pèsòn.” Kòman nou ka eskplike sa? Èske ou ka eksplike sa? Frè ak sèm yo! Kòman nou fè kwè nan yon Bondye konsa jiska jodi a? Respè pou nou. Bondye an twa pèsòn nan te gentan kont pou sipòte; kòman nou te fè kontinye gen yon lafwa fèm konsa nan sèl Bondye an kat pèsòn sa? Yo te ankouraje nou pou nou soti, poutan nou refize. A la yon bagay moun pa ka imajine! Nou vrèman etonan! Yon moun ka reyèlman rive nan nivo pou l kwè nan kat Bondye epi pou l pa konprann anyen ladann; èske nou pa panse ke sa se yon mirak? Mwen pa t ap konnen si nou ka fè yon gwo mirak konsa! Kite m di nou ke, an reyalite, Bondye an twa pèsòn nan pa egziste okenn kote nan mond sa! Bondye pa gen Papa epi Li pa gen Pitit Gason, e mwens ankò pa gen yon konsèp Papa ak Pitit la ki itilize Sentespri a ansanm tankou yon enstriman. Tout sa se pi gwo erè epi li senpleman pa egziste nan mond sa! Poutan menm move kwayans sa gen orijin li epi li pa totalman san fondman, paske lespri nou pa senp konsa, epi panse nou yo pa san lojik. O kontrè, yo ase apwopriye epi yo kreyatif, o pwen ke yo enpenetrab menm pou kèlkeswa demon an. Domaj la se paske tout panse sa yo gen erè epi yo senpleman pa egziste! Nou poko wè vrè verite a ditou; nou sèlman ap fè tèt nou travay epi ap fè imajinasyon, epi transfòme yo tout an istwa pou nou ka, avèk riz, gen konfyans lòt moun epi pou nou ka gen otorite sou moun sa yo ki san konprann, san entèlijans oswa san sans, jiskaske yo kwè nan “ansènyeman ekspè” ekstròdinè epi popilè nou yo. Èske sa se verite? Èske sa se chemen lavi lòm dwe resevwa? Yo pa gen sans menm! Menm yon sèl mo pa apwopriye! Pandan tout ane sa yo, se nou menm ki divize Bondye nan fason sa, epi chak jenerasyon divize Li plis chak fwa, jiskaske Bondye vin divize ouvètman an twa Bondye. Epi konnya li senpleman enposib pou lòm rejwenn Bondye antan ke yon sèl Bondye, paske nou divize Li twòp! Si M pat fè yon travay rapid avan li te twò ta, li difisil pou di pou konbyen tan nou t ap kontinye konsa avèk odas! Pandan nou kontinye ap divize Bondye nan fason sa, kòman Li fè toujou Bondye nou? Èske nou t ap ka rekonèt Bondye? Èske nou t ap toujou rekonèt Li kòm zanzèt nou epi retounen vin jwenn Li? Si M te rive pi ta, li pwobab pou nou te voye “Papa ak Pitit la,” Jewova ak Jezi, tounen an Izrayèl epi pwoklame ke nou fè pati Bondye. Erezman, kounye a se dènye jou yo. Finalman, jou Mwen t ap tann depi lontan an rive, epi se sèlman aprè mwen fin reyalize etap travay sa avèk pwòp men pa M ke nou sispann divize Bondye. Si se pat pou sa, nou tap depase lèbòn, epi menm mete tout vye demon ki pami nou yo sou tab nou pou n adore yo. Sa se estrateji nou! Se mwayen nou pou nou divize Bondye! Èske n ap kontinye fè sa kounye a? Kite m mande nou: konbyen Bondye ki genyen? Ki Bondye k ap ba nou sali? Èske se premye Bondye a, dezyèm nan, oswa twazyèm nou toujou ap priye a? Nan kiyès nan yo nou toujou kwè a? Èske se Papa a? Oswa Pitit la? Oswa èske se Sentespri a? Di M nan kiyès ou kwè a. Menm si nou di ke nou kwè nan Bondye avèk chak mo, sa nou vrèman kwè ladann nan se nan sèvo nou li ye! Tou senpleman nou pa gen Bondye nan kè nou! Epi poutan nan lespri nou gen anpil ide “Trinite” konsa! Èske nou pa dakò?

Si yo evalye twa etap travay la daprè konsèp Trinite sa a, donk dwe genyen twa Bondye pandan ke travay ke yo chak egzekite pa menm bagay. Si nenpòt nan nou di Trinite a egziste pou tout bon, alò eksplike kisa Bondye an twa pèsòn sa ye. Kisa ki Papa Sen an? Kisa ki Pitit la? Kisa ki Sentespri a? Èske Jewova se Papa Sen an? Èske Jezi se Pitit la? Alò e Sentespri a? Èske Papa a pa yon Espri? Èske nati Pitit la pa yon Espri tou? Èske travay Jezi a pa t travay Sentespri a? Èske travay Jewova a nan tan pase a pa t reyalize avèk menm Espri Jezi a? Konbyen Espri Bondye ka genyen? Daprè eksplikasyon ou a, twa pèsòn yo ki se Papa, Pitit la, ak Sentespri a se yonn; Si se sa vre, ebyen gen twa Espri, men genyen twa Espri vle di genyen twa Bondye. Sa vle di pa gen yon vrè Bondye inik; kòman yon Bondye konsa ka toujou genyen nati entrensèk Bondye? Si ou aksepte ke genyen sèlman yon sèl Bondye, alò kòman Li ka fè gen yon Pitit Gason epi pou L yon Papa? Èske sa yo pa senpleman nosyon pa w? Genyen sèlman yon sèl Bondye, sèlman yon sèl pèsòn nan Bondye sa, epi sèlman yon sèl Espri Bondye, menm jan li ekri nan Bib la ke “Genyen sèlman yon sèl Espri epi sèlman yon sèl Bondye.” Menmsi Papa ak Pitit ou pale de Yo a ta egziste, malgre tout bagay genyen sèlman yon sèl Bondye, epi vrè nati Papa, Pitit la, ak Sentespri a ou kwè ladann nan se vrè nati Sentespri a. Nou te ka di tou, Bondye se yon Espri, men L kapab tounen moun epi viv pami lèzòm, menmjan tou pou L domine sou tout bagay. Epri li gen tout bagay epi Li tout kote. Li ka nan kò fizik la epi nan mond lan oswa anlè mond lan an menm tan. Puiske tout moun di Bondye se sèl vre Dye a, donk gen yon sèl Bondye, ke pyès moun ni anyen pa ka divize jan yo vle! Bondye se sèlman yon sèl Espri, epi sèlman yon sèl pèsòn; epi sa se Lespri Bondye a. Si se jan ou di a, Papa, Pitit la, ak Sentespri a, lè sa a èske yo pa twa Bondye? Sentespri a se yon bagay, Pitit la se yon lòt, epi poutan Papa se yon lòt. Yo pa menm pèsòn epi vrè nati Yo diferan, alò kòman Yo chak ka fè pati yon sèl Bondye? Sentespri a se yon Espri; sa se yon bagay fasil pou lòm konprann. Si se konsa, alò Papa a se yon Espri plis toujou. Li pa t janm desann sou latè epi Li pat janm tounen moun; Li se Bondye Jewova nan kè lòm, epi sètènman li se yon Espri tou. Alò ki relasyon ki genyen ant Li menm ak Sentespri a? Èske se relasyon ant Papa a ak Pitit la? Oswa èske se relasyon ant Sentespri a ak Lespri Papa a? Èske vrè nati tout Espri se menm? Oswa èske Sentespri a se enstriman Papa a? Kòman moun ka eskplike sa? Epi tou ki relasyon ki genyen ant Pitit la ak Sentespri a? Èske se yon relasyon ant de Espri oswa relasyon ant yon moun an yon Espri? Tout sa yo se kesyon ki pa ka gen eksplikasyon! Si Yo tout se yon Espri, donk pa ka gen pawòl konsènan twa pèsòn, paske Yo tout gen yon sèl Espri. Si Yo te twa pèsòn diferan, lè sa a Espri Yo pa t ap gen menm fòs, epi senpleman yo pa t ka yon sèl Espri. Konsèp Papa, Pitit la, ak Sentespri a pa gen pyès sans! Sa segmante Bondye epi divize Li an twa pèsòn, yo chak gen stati ak yon Espri; alò kòman Li ka fè toujou yon sèl Espri epi yon sèl Bondye? Di Mwen, èske se Papa, Pitit la, ak Sentespri a ki te kreye syèl yo ak tè a, ak tout sa ki ladan yo? Kèk moun di se Yo tout ansanm ki te kreye yo. Alò kiyès ki te rachte limanite? Èske se te Sentespri a, Pitit la, oswa Papa a? Kèk moun di se Pitit la ki te rachte limanite. Alò kiyès ki Pitit la selon vrè nati Li? Èske Li pa enkanasyon Lespri Bondye a? Enkanasyon an rele Bondye nan syèl la Papa avèk atitid yon moun Bondye kreye. Èske ou pa konnen ke Jezi te fèt atravè konsepsyon Sentespri a? Sentespri a anndan li; kèlke swa sa w di, Li toujou fè yon sèl ak Bondye nan syèl la, paske Li se enkanasyon Lespri bondye a. Ide sa sou Pitit la se yon ide ki senpleman fo. Se yon sèl Espri ki egzekite tout travay la; se sèlman Bondye menm, sa vle di, Espri Bondye a ki egzekite travay Li a. Kiyès ki Espri Bondye a? Èske se pa Sentespri a? Èske se pa Sentespri a ki travay nan Jezi? Si se Sentespri a ki egzekite travay la (sa vle di, Lespri Bondye a), alò èske travay Li a te ka reprezante Bondye menm? Lè Jezi te rele Bondye nan syèl la Papa lè li t ap priye a, sa te fèt sèlman daprè yon atitid yon moun Bondye kreye, sèlman paske Sentespri te mete sou Li yon kò òdinè epi nòmal epi Li te gen aparans yon kreyati Bondye. Menmsi Sentespri a Bondye a te anndan Li, aparans eksteryè Li te toujou gen aparans yon moun nòmal; nou te ka di tou, Li te tounen “Pitit Lòm nan” ke tout moun, epi Jezi menm, te pale a. Puiske yo rele Li Pitit lòm nan, Li se yon moun (yon gason oswa yon fi, de tout fason yon moun avèk yon aparans lòm) ki te fèt nan yon fanmi nòmal epi òdinè. Pou rezon sa, Jezi k ap rele Bondye nan syèl la Papa te menm jan ak fason w ou te konn rele Li Papa; Li te fè sa avèk yon atitid yon kreyati Bondye. Èske ou toujou sonje Priyè Inivèsèl Jezi te aprann nou pou nou te memorize a? “Papa nou ki nan syèl la….” Li te mande tout moun pou yo rele Bondye nan syèl la Papa. Epi puiske Li menm tou te rele Li Papa, Li te fè sa avèk atitid yon moun ki kanpe sou yon pye degalite avèk nou. Puise nou rele Bondye nan syèl la Papa, sa montre ke Jezi te wè tèt Li sou menm pye degalite avèk nou, epi antan ke yon moun sou latè ke Bondye chwazi (sa vle di, Pitit Bondye a). Si nou rele Bondye Papa, èske se pa paske nou se kreyati Bondye? Kèlke swa fason otorite Jezi a te gran sou latè, avan krisifiksyon an, Li te senpleman yon Pitit lòm, ke Sentespri a (ki vle di Bondye) te gouvène epi Li te yonn nan kreyati yo sou latè, paske Li potko fin akonpli travay Li. Pou rezon sa, lè Li te rele Bondye nan syèl la Papa se te sèlman nan imilite ak obeyisans Li. Lè Li adrese Bondye (sa vle di, Lespri ki nan syèl la) nan fason sa, sepandan, sa pa pwouve Li te Pitit Espri Bondye nan syèl la. Men pito, se te senpleman paske atitid Li te diferan, se pa paske Li te yon pèsòn diferan. Ide egzistans plizyè pèssòn nan se yon erè. Avan krisifiksyon Li, Jezi te yon Pitit lòm ke kò fizik la te limite, epi Li pa t posede tout otorite Lespri a. Se poutèt sa Li te ka sèlman chache volonte Bondye Papa a avèk atitid yon kreyati Bondye. Se menm jan Li te priye twa fwa nan Jetsemani: “Se pa jan Mwen vle a, men se jan Ou vle a.” Anvan yo te kloure Li sou kwa, Li te sèlman Wa Jwif yo; Li te Kris la, Pitit lòm nan, e se pa t yon kò gloriye. Se poutèt sa, avèk pozisyon yon kreyati Bondye, Li te rele Bondye Papa. Kounye a, ou pa ka di tout moun ki rele Bondye Papa se Pitit la. Si se te sa, alò èske nou tout pa t ap vin tounen Pitit la depi lè Jezi te aprann nou Priyè Inivèsèl la? Si nou toujou pa kwè, alò di Mwen, kiyès nou rele Papa a? Si nou refere nou a Jezi, alò kiyès ki Papa Jezi daprè nou? Aprè Jezi te fin ale, ide Papa ak Pitit sa pa t egziste ankò. Ide a te valab sèlman pou ane lè Jezi te tounen moun nan; nan tout lòt sikonstans, relasyon an vin ant Senyè kreasyon an ak yon kreyati lè nou rele Bondye Papa. Pa gen yon moman ide Trinite Papa, Ptit, ak Sentespri sa ka egziste; se yon erè moun pa wè souvan atravè epòk yo epi li pa egziste!

Sa ka raple pi fò moun pawòl Bondye nan Jenèz: “An nou fè moun nan pòtrè nou, pou li sanble ak nou.” Puiske Bondye di an “Nou” fè lòm selon imaj “Nou”, donk “Nou” sinifi de oswa plis; puiske Li te deklare “Nou,” alò pa gen sèlman yon sèl Bondye. Nan fason sa, lòm te kòmanse panse ak abstraksyon pèsòn diferan yo, epi pawòl sa yo vin kreye ide Papa, Pitit la, ak Sentespri a. Alò, kòman w ka dekri Papa a? kòman w ka dekri Pitit la? Epi kòman w ka dekri Sentespri a? Èske petèt li te ka posib pou lèzòm jodi a te kreye nan imaj yon pèsòn ki gen ladann twa lòt pèsòn? Donk, èske imaj lòm menm jan ak imaj Papa, Pitit la, oswa Sentespri a? Imaj kiyès nan pèsòn Bondye yo ke lòm genyen? Ide lòm sa a senpleman enkòrèk epi li pa gen sans. Li sèlman ka divize Bondye an plizyè lòt Dye. Nan moman Moyiz te ekri liv Jenèz la, se te aprè Bondye te kreye lòm ki te fèt aprè mond lan te kreye. Nan kòmansman, lè mond lan te kòmanse, Moyiz pa t egziste. Epi se te jous aprè Moyiz te ekri Bib la, alò kòman li ta fè konnen sa Bondye nan syèl la te pale? Li pa t gen yon ti kras ide sou fason bondye te kreye mond lan. Nan Ansyen Testaman nan Bib la, yo pa mansyone Papa, Pitit la, ak Sentespri a, sèlman vrè Bondye a, Jewova, ki t ap fè travay Li an Izrayèl. Pandan epòk yo ap chanje, yo rele Li plizyè fason, men sa ka pwouve chak non se pou yon pèsòn diferan. Si se te vre, alò èske pa t ap gen anpil pèsòn nan Bondye ke moun pa t ap ka fin konte? Sa ki ekri nan Ansyen Testaman an se travay Jewova, yon etap travay Bondye menm pou kòmansman Epòk La Lwa a. se te travay Bondye, epi lè Li te pale, li te reyalize, epi lè Li te pase lòd, li te rete. Pa t gen lè Jewova te di Li se Papa ki te vini fè travay la, ni Li pa t janm bay pwofesi sou Pitit la ki t ap vin sove limanite. Lè moman Jezi a te rive, Bib la te di sèlman Bondye te tounen moun pou sove limanite, men se pa Pitit la ki te vini. Paske epòk yo pa menm epi travay Bondye fè yo diferan tou, Li dwe egzekite travay Li nan diferan dimansion. Nan fason sa, idantite li reprezante a diferan tou. Lòm kwè Jewova se Papa Jezi, men an reyalite menm Jezi pa t rekonèt sa, Li te di: “Nou pa janm separe tankou Papa ak Pitit; Mwen menm ak Papa ki nan syèl la se youn. Papa nan Mwen epi Mwen nan Papa a; lè lòm wè Pitit la, yo wè Papa ki nan syèl la.” Lè tout bagay fini, ke Li se Papa oswa Pitit la, Yo se yon sèl Espri, ki pa separe an plizyè pèsòn. Lè lòm eseye eksplike, sijè yo vin konplike avèk ide plizyè pèsòn nan, epi tou relasyon ant Papa, Pitit la, ak Sentespri a. Lè lòm pale de pèsòn diferan, èske sa pa materyalize Bondye? Lòm menm klase pèsòn yo an premye, dezyèm, epi twazyèm; tout sa yo pa lòt bagay ke imajinasyon lèzòm, ki pa merite referans, epi ki totalman enposib! Si ou te mande lòm: “Konbyen Bondye ki genyen?” li t ap di Bondye se Trinite Papa, Pitit la, ak Sentespri a: sèl vrè Dye a menm. Si ou te mande ankò: “Kiyès ki Papa a?” li t ap reponn: “Papa a se Espri Bondye nan syèl la; se Li menm ki respomsab tout bagay, epi Li se Mèt syèl la.” “Alò èske Jewova se Lespri a?” Li t ap di: “Wi!” Lè sa a si ou te mande l, “Kiyès ki pitit la?” li t ap di Jezi se Pitit la sètènman. “Alò ki istwa Jezi? Ki kote Li soti?” li t ap di: “Mari te fè Jezi atravè konsepsyon Sentespri a.” Alò èske vrè nati Li pa Lespri a tou? Èske travay li pa reprezante Sentespri a tou? Jewova se Lespri a, e se menm jan pou vrè nati Jezi a tou. Kounye a, nan dènye jou yo, nou pa bezwen menm di ke se Sentespri a k ap travay; kòman yo te ka diferan pèsòn? Èske se pa senpleman Lespri Bondye a k ap egzekite travay Sentespri a nan diferan fason? Konsa, pa gen diferans ant pèsòn yo. Se Sentespri a ki te konsevwa Jezi, epi san pyès dout, travay Li se te travay Sentespri a. Nan premye etap travay la Jewova te reyalize a, Li pa t ni tounen moun ni Li pa t parèt sou lòm. Donk lòm pa t janm wè aparans Li. Kèlke swa jan Li te gran epi Wo, Li te toujou Lespri a, Bondye menm ki te kreye lòm avan an. Sa vle di, Li te Lespri Bondye a. Lè Li te pale ak lòm nan mitan nyaj yo, Li te sepleman yon Espri. Pa gen moun ki te wè aparans Li; se sèlman nan Epòk Gras la lè Lespri Bondye a te tounen moun nan epi Li te enkane an Jide a ke lòm te wè imaj enkanasyon an premye fwa antan ke Jwif. Moun pot ko ka genyen yon santiman sou Jewova. Sepandan, se Sentespri a ki te konsevwa Li, sa vle di, se Lespri Jewova a Menm ki te konsevwa Li, epi Jezi te toujou fèt antan ke pèsonifikasyon Lespri Bondye a. Sa lòm te premye wè a se te Sentespri a ki te desann nan fòm yon pijon sou Jezi. Se pa t Lespri an deyò Jezi, men pito se te Sentespri a. Nan ka sa a, èske Lespri Jezi ka separe de Sentespri a? Si Jezi se Jezi, Pitit la, epi Sentespri a se Sentespri a, alò kòman yo ka fè vin yon sèl? Si se te konsa, travay la pa t ap ka reyalize. Lespri ki nan Jezi a, Lespri ki nan syèl la, ak Lespri Jewova Yo tout fè yonn. Li ka rele Sentespri a, Lespri Bondye a, Sèt Espri ranfòse yo, ak Lespri ki gen tout bagay la. Lespri Bondye a ka reyalize anpil travay. Li kapab kreye mond lan epi detwi li avèk inondasyon sou latè. Li ka rachte tout limanite, epi an plis, Li ka konkeri epi detwi tout limanite. Se Bondye menm ki reyalize tout travay sa e okenn lòt pèsòn diven yo pa ka fè travay sa nan plas Li. Yo ka rele Lespri Li a Jewova, Jezi, epi tou Toupisan an. Li se Senyè a ak Kris la. Li ka tounen Pitit lòm nan tou. Li nan syèl yo epi Li sou latè tou; Li anlè linivè byen wo epi Li pami foul moun sou latè. Li se sèl mèt syèl yo ak tè a! Depi moman kreyasyon jiska kounye a, se Sentespri Bondye a menm ki reyalize travay sa. Ke se travay nan syèl yo oswa nan kò fizik la, se Lespri Li a menm ki reyalize yo. Tout kreyati, nan syèl la oswa sou tè a, nan pla men toupisan Li an; tout sa se travay Bondye menm e okenn lòt moun pa ka fè l nan plas Li. Nan syèl yo, Li se Lespri a men Li se Bondye tou Li menm; pami lèzòm, Li se moun men Li toujou rete Bondye. Menmsi yo ka rele Li yon santèn milye non, Li toujou rete Li menm, epi tout travay la se ekspresyon dirèk Lespri Li. Redanmsyon tout limanite atravè krisifiksyon an te travay dirèk Lespri Li, epi se menm jan tou pou proklamasyon ak tout nasyon ak tout teritwa nan dènye jou yo. Tout tan, Bondye ka sèlman rele Toupisan an epi sèl vrè Dye a, Bondye ki gen tout bagay la menm. Pèsòn diferan yo pa egziste, mwens ankò ide Papa, Pitit, ak Sentespri a. Gen sèlman yon sèl Bondye nan syèl la ak sou tè a!

Plan jesyon Bondye a dire sis ane epi li divize an twa epòk ki baze sou diferans nan travay Li a: Premye Epòk la se ansyen Testaman an, Epòk La Lwa a; dezyèm nan se Epòk Gras la; epi twazyèm nan se sa dènye jou yo—Epòk Wayòm nan. Nan chak epòk yon idantite diferan prezante. Sa se sèlman akoz diferans nan travay la, sa vle di, egzijans travay la. Premye epòk travay la pandan Epòk La Lwa a te reyalize an Izrayèl, epi dezyèm epòk final travay redanmsyon an te fèt an Jide. Pou travay redanmsyon an, Jezi te fèt atravè konsepsyon Sentespri a epi antan ke sèl Pitit Gason. Tout sa yo te fèt akoz egzijans travay la. Nan dènye jou yo, Bondye swete fè travay Li rive jwenn lòt nasyon yo epi pou Li konkeri moun sa yo, pou non Li ka vin gran pami yo. Li swete gide lòm nan konpreyansyon ak antre nan tout verite a. Se yon sèl Espri ki fè tout travay Li a. Menm si li ka fè sa sou plizyè fòm, nati ak prensip travay yo pa chanje. Depi ou obsève prensip ak nati travay Yo reyalize yo, w ap konnen se yon sèl Espri ki fè yo. Gen kèk moun ki ka toujou di: “Papa a se Papa a; Pitit la se Pitit la; Sentespri a se Sentespri a, epi finalman, y ap vin fè yon sèl.” Alò kòman ou dwe fè yo tounen yonn? Kòman Papa ak Sentespri ka fè vin yon sèl? Si yo te fè de natirèlman, alò kèlke swa jan yo atache ansanm, èske Yo pa t ap rete kòm de pati diferan? Lè ou pale de fè yo tounen yon sèl, èske se pa senpleman de pati diferan w ap mete ansanm pou fè yonn konplè? Men èske yo pat de pati avan ki vin tounen yonn? Chak Espri gen yon nati diferan, epi de Espri pa ka fè yon sèl. Lespri a pa yon objè materyèl epi li diferan de tout bagay nan mond materyèl la. Jan lòm ka wè sa, Papa a se yon Espri, Pitit la se yon lòt, epi Sentespri a se yon lòt ankò, alò twa Espri yo melanje tankou twa vè dlo ki fè yonn. Donk èske sa pa twa yo ki fè yonn? Natirèlman sa se yon eksplikasyon ki fo! Èske sa se pa divize Bondye? Kòman Papa, Pitit la, ak Sentespri a ka fè yon sèl? Èske yo pa twa pati ki gen diferan nati? Genyen sa yo k ap di toujou, “Èske Bondye pat di klèman Jezi se Pitit byeneme Li a?” Jezi se Pitit byeneme Bondye, nan Li menm Li met tout afeksyon Li—sètènman se Bondye ki te di sa menm. Se Bondye ki t ap temwanye pou tèt Li menm, men senpleman nan yon lòt sans, sans sa se Lespri ki nan syèl la k ap temwanye sou pwòp enkanasyon Li. Jezi se enkanasyon Li, se pa Pitit Li nan syèl la. Èske ou konprann? Èske pawòl Jezi yo, “Mwen nan Papa a e Papa a nan Mwen,” pa vle di ke Yo se yon sèl Espri? Epi èske se pa akoz enkanasyon an Yo te separe ant syèl la ak tè a? An reyalite, Yo toujou yonn; kèlke swa jan sa ye, se senpleman Bondye k ap temwanye pou tèt pa Li. Akoz de chanjman nan epòk yo, egzijans travay la, ak diferan etap plan jesyon Li a, diferan non ke lèzòm rele Li diferan tou. LèLi te vini pou reyalize premye etap travay la, Li te ka sèlman rele Jewova, bèje Izrayelit yo. Nan dezyèm etap la, Bondye enkane a te ka sèlman rele Senyè, epi Kris. Men nan tan sa, Lespri ki nan syèl la te deklare sèlman Li se Pitit byeneme Bondye a epi Li pa t mansyone Li se sèl Pitit Bondye. Tou sepleman sa pa t rive. Kòman Bondye ta fè genyen yon sèl pitit? Ebyen èske Bondye pa t ap tou tounen lòm? Paske Li te enkanasyon an, Li te rele Pitit byenenme Bondye a, epi, a pati de sa, relasyon ant Papa ak Pitit la te kòmanse. Se te senpleman akoz separasyon ant syèl ak tè a. Jezi te priye avèk yon atitid moun. Puiske Li te mete sou Li yon kò moun nòmal konsa, se avèk atitid moun ke Li te di: “Kò Mwen se kò moun. Puiske Mwen te pran fòm moun pou Mwen vin sou tè a, kounye a Mwen trè lwen syèl la.” Pou rezon sa, Li te ka sèlman priye Bondye Papa a avèk yon atitd moun. Se te travay Li, epi se te avèk sa Lespri enkane Bondye a dwe ekipe. Moun pa ka di Li pa t Bondye senpleman paske Li te priye Papa a avèk yon atitid moun. Menm si Li te rele Pitit byenneme Bondye a, Li te toujou Bondye Limenm, paske Li te sèlman enkanasyon Lespri a, epi vrè nati Li te toujou Lespri a. Moun ap mande poukisa Li te priye si Li te Bondye menm. Sa se paske Li te Bondye enkane a, Bondye k ap viv nan kò fizik la, e se pa Lespri ki nan syèl la. Jan lòm ka wè sa, Papa, Pitit la, ak Sentespri a tout se Bondye. Sèlman se lè yo twa tounen yon sèl la yo ka konsidere kòm sèl vrè Dye a, epi, nan fason sa, pouvwa Li gran anpil! Toujou genyen sa yo ki di se sèlman nan fason Li sèt Espri ranfòse a. Lè Pitit la te priye a aprè Li te vini an, se Lespri a Li te priye. An reyalite, Li t ap priye avèk yon atitid moun. Paske kò fizik la pa konplè, Li pa t konplè epi Li te gen anpil feblès lè Li te vini nan kò a, epi Li te twouble anpil pandan Li t ap egzekite travay Li nan kò a. Se pou rezon sa Li te priye Bondye Papa a twa fwa avan krisifiksyon Li an, avèk anpil fwa menm anvan sa. Li te priye pami disip yo; Li te priye pou kont Li son yon mòn; Li te priye lè Li te sou bato lapèch la; Li te priye pami yon foul moun; Li te priye lè Li t ap kase pen an; epi Li te priye lè Li t ap beni lòt moun yo. Poukisa Li te fè sa? Se Lespri Li te priye; Li t ap priye Lespri a, Bondye nan syèl la, avèk yon atitid moun. Pou rezon sa, selon yon pozisyon moun, Jezi te tounen Pitit la nan etap travay sa. Nan etap kounye a, sepandan, Li pa priye. Pou ki rezon? Sa se paske sa Li pote se travay pawòl la, jijman, ak chatiman pawò la. Li pa gen nesesite lapriyè, epi ministè Li se pou Li pale. Yo pa mete Li sou kwa, epi lòm pa livre Li bay sila yo ki sou pouvwa. Li senpleman reyalize travay Li. Nan moman Jezi te priye a, Li t ap priye Bondye Papa a pou wayòm syèl la ka desann, pou volonte Papa a ka fèt, ak pou travay la ka vini. Nan etap sa, wayòm syèl la te gentan desann, alò èske Li toujou bezwen priye? Travay Li se pou Li mete yon fen nan epòk sa epi pa gen lòt epòk ankò, alò èske gen nesesite pou priye pou yon epòk k ap vin aprè? Mwen dezole men pa genyen!

Gen anpil kontradiksyon nan eksplikasyon lèzòm yo. An reyalite, tout sa yo se nosyon lòm; san plis analiz, nou tout t ap kwè yo kòrèk. Èske nou pa konnen ide sa sou Bondye antan ke Trinite pa lòt bagay ke nosyon lòm? Pa gen konesans lòm ki konplè e ki pwofon ase. Toujou genyen enpèfeksyon, epi lòm gen twòp ide; sa montre yon kreyati senpleman pa ka eksplike travay Bondye a. Genyen twòp bagay nan lespri lòm, yo tout soti nan lojik ak panse, ki kontrè ak verite a. Èske lojik ou a ka analize travay Bondye a konplètman? Èske ou ka rive genyen konesans nan tout travay Jewova yo? Èske se ou menm antan ke yon moun ki ka wè klè nan tout bagay, oswa èske se Bondye menm ki ka wè de letènite an letènite? Èske se ou ki ka wè de letènite depi lontan jiska letènite ki gen pou vini, oswa èske se Bondye ki ka fè sa? Sou ki baz ou fonde eksplikasyon w lan? Èske se ou ki Bondye? Se Bondye menm ki te kreye syèl yo ak tè a avèk tout sa ki ladan l. Se pa t ou menm ki te fè sa, alò poukisa w ap bay eksplikasyon ki enkòrèk? Kounye a, èske ou kontinye kwè nan Bondye Trinite a? Èske ou pa panse li twò lou pou ou nan fason sa? Li t’ap pi bon pou ou si w kwè nan yon sèl Bondye, se pa nan twa. Li pi bon si li lejè, paske fado Bondye a lejè.