Se Sèlman lè Ou Sibi Zeprèv Douloure W Ap Ka Konnen Jan Bondye Bèl
Nan ki dimansyon ou renmen Bondye jodi a? Epitou konbyen bagay ou konnen sou tout sa Bondye te fè nan ou yo? Sa yo se bagay ou dwe aprann. Lè Bondye rive sou latè, tout sa Li te fè nan lòm epi tout sa Li te pèmèt lòm wè se yon fason pou lòm rive renmen Li epi rive konnen Li tout bon vre. Lòm sa a kapab soufri pou Bondye e li te ka rive lwen konsa, nan yon fason, se akoz lanmou Bondye, nan yon lòt fason, se akoz sali Bondye a; anplis de sa, se akoz jijman ansanm ak travay chatiman ke Bondye te fè nan lòm lan. Si ou san jijman, chatiman ansanm ak zeprèv Bondye yo, epi si Bondye pa fè nou soufri, lè sa a, nan tout onètete nou pa vrèman renmen Bondye. Tank Bondye ap fè pi gwo travay nan lòm, se tank soufrans lòm lan vin pi gwo, se plis li parèt aklè kijan travay Bondye a enpòtan, e se tank kè lòm kapab vrèman renmen Bondye. Kijan ou aprann fason pou renmen Bondye? San touman ak rafinman, san zeprèv douloure—e si, anplis desa, tout sa Bondye te bay lòm yo se te gras, lanmou, ak mizèrikòd—èske ou ta kapab rive nan yon pwen kote ou vrèman renmen Bondye? Sou yon bò, se pandan zeprèv Bondye yo ke lòm rive konnen lakin li yo epi li rive wè ke li ensiyifyan, meprizab epi enferyè, ke li pagen anyen e li pa anyen; nan yon lòt bò, Bondye kreye diferan sikonstans pandan zeprèv Li yo pou lòm ki rann lòm plis anmezi pou li esperimante bote Bondye a. Malgre doulè a anpil, e pafwa ensipòtab—li menm rive nan nivo chagren ki pi rèd la—akoz lòm eksperimante l, li wè kijan travay Bondye a bèl nan li, e se sèlman sou fondasyon sa a ke yon lanmou veritab pou Bondye pran nesans nan lòm. Jodi a, lòm wè ke avèk gras, lanmou ansanm ak mizèrikòd Bondye pou kont yo, li pa kapab vrèman konnen tèt li, alevwa pou li rive kapab konnen esans lòm. Se sèlman atravè rafinman ansanm ak jijman Bondye, epi se pandan pwosesis rafinman an li menm, ke lòm ka konnen feblès li yo epi li ka konnen ke li pa gen anyen. Kidonk, lanmou lòm pou Bondye fonde sou baz rafinman ansanm ak jijman Bondye. Si ou sèlman jwi gras Bondye, pandan ou genyen yon vi familyal pèzib oswa benediksyon materyèl, nan ka sa a ou pat rive genyen Bondye epi yo pa kapab konsidere kwayans ou nan Bondye kòm yon siksè. Bondye te deja akonpli yon etap nan travay gras la nan lachè, epi Li te deja bay lòm benediksyon materyèl yo, men lòm paka vin pafè avèk gras, lanmou ansanm ak mizèrikòd sèlman. Nan eksperyans lòm, li rankontre yon pati nan lanmou Bondye epi li wè lanmou ansanm ak gras Bondye, poutan akoz li te eksperimante sa pandan yon sèten tan, li wè ke gras Bondye ansanm ak lanmou Li ansanm ak mizèrikòd Li pa kapab rann lòm pafè, yo pa kapab revele sa ki kòwonpi nan lòm epi yo pa kapab retire karaktè kòwonpi an nan lòm oswa pou rann lanmou li oswa lafwa li pafè. Travay gras Bondye a se te travay pandan yon epòk epi lòm pa kapab konte sou jwisans gras Bondye a yon fason pou li ka konnen Bondye.
Pa ki mwayen pèfeksyon Bondye nan lòm te rive akonpli? Li te akonpli pa mwayen karaktè jis Li a. Karaktè Bondye konpoze prensipalman avèk jistis, kòlè, majeste, jijman ansanm ak malediksyon, epi Li pèfeksyone lòm prensipalman pa mwayen jijman Li an. Gen kèk moun ki pa konprann epi k ap mande poukisa Bondye ka rann lòm pafè atravè jijman ak malediksyon sèlman. Yo di: “Si Bondye ta dwe modi lòm, èske lòm pa t ap mouri? Si Bondye ta dwe jije lòm, èske lòm pa t ap kondane? Nan ka sa a, kijan yo ka rann li pafè?” Sa yo se pawòl moun ki pa konnen travay Bondye a. Sa Bondye modi se dezobeyisans lòm epi sa Li jije se peche lòm. Byenke Li pale di epi san rete, Li revele tout sa ki anndan lòm, L ap revele atravè pawòl sevè sa yo sa ki esansyèl anndan lòm, poutan atravè yon jijman konsa, Li bay lòm yon konesans pwofon sou esans lachè a epi se konsa lòm soumèt li devan Bondye. Lachè lòm soti nan peche ak nan Satan, li dezobeyisan epitou li se objè chatiman Bondye. Kidonk, pou pèmèt lòm konnen tèt li, pawòl jijman Bondye yo dwe rive sou li epi yo dwe itilize tout kalite rafinman; se sèlman lè sa a ke travay Bondye a kapab efikas.
Daprè pawòl ke Bondye pwononse yo, nou ka wè Li deja kondane lachè lòm lan. Èske pawòl sa yo, nan ka sa a, pa pawòl malediksyon? Pawòl ke Bondye pwononse yo revele vrè koulè lòm, epi atravè yon revelasyon konsa, li resevwa jijman l, epi lè li wè ke li pa kapab satisfè volonte Bondye, li santi doulè ansanm ak remò anndan li, li santi li redevab anpil anvè Bondye epi li pa kapab akonpli volonte Bondye. Gen moman kote Sentespri a ap disipline w anndan w, epi disiplin sa a soti nan jijman Bondye; gen moman kote Bondye repwoche w epi kache fas Li pou ou, kote Li pa ba ou okenn atansyon epi Li p ap travay anndan w, L ap chatye ou san fè bri yon fason pou li rafine w. Travay Bondye nan lòm vize prensipalman pou rann karaktè jis Li a klè. Ki temwayaj ke lòm rann finalman sou Bondye? Lòm temwaye ke Bondye se Bondye jis la, ke karaktè Li se jistis, chatiman ansanm ak jijman; lòm bay temwayaj sou karaktè jis Bondye a. Bondye itilize jijman Li an pou rann lòm pafè, li te renmen lòm epi li te sove lòm—men ki kantite nan lanmou Li a ke li kenbe? Gen jijman, majeste, kòlè ansanm ak malediksyon. Byenke Bondye te modi lòm nan tan pase yo, Li pat konplètman jete lòm nan labim, men Li te itilize mwayen sa a pou Li rafine lafwa lòm; Li pat touye lòm, men Li te aji yon fason pou rann lòm pafè. Esans lachè a se sa ki soti nan Satan—Bondye te di li jan li ye a ekzakteman—men aksyon Bondye te akonpli yo pat akonpli swivan pawòl Li yo. Li modi w yon fason pou ka renmen Li, epi pou ka konnen esans lachè a; Li chatye w yon fason pou ka reveye w, pou pèmèt ou konnen lakin ki nan ou epi pou konnen endiyite total lòm lan. Kidonk, malediksyon Bondye yo, jijman li an, majeste ansanm ak kòlè li—yo tout la yon fason pou rann lòm pafè. Tout sa Bondye fè jodi a ansanm ak karaktè jis ke Li fè parèt aklè anndan nou an—yo tout la pou rann lòm pafè. Se konsa lanmou Bondye an ye.
Nan nosyon tradisyonèl lòm yo, li kwè ke lanmou Bondye se gras Li, mizerikòd Li ansanm ak senpati Li pou feblès lòm. Byenke bagay sa yo se lanmou Bondye yo ye tou, yo pa twò inilateral e yo pa mwayen prensipal ke Bondye itilize pou Li rann lòm pafè. Gen kèk moun ki kòmanse kwè nan Bondye akoz maladi. Maladi sa a se gras Bondye pou ou; san li, ou pa t ap kwè nan Bondye epi si ou pat kwè nan Bondye, nan ka sa a ou pa t ap ka rive kote ou ye la a—kidonk menm gras sa a se lanmou Bondye. Nan moman kwayans nan Jezi a, moun yo te fè anpil bagay ke Bondye pat renmen paske yo pat konprann verite a, men Bondye gen lanmou ak mizerikòd, epi Li te mennen lòm jis kote li ye la a, epi byenke lòm pa konprann anyen, Bondye toujou pèmèt lòm pou swiv Li epi, anplis desa, Li te dirije lòm jis jounen jodi a. Eske sa se pa lanmou Bondye? Sa ki manifeste nan karaktè Bondye se lanmou Bondye—sa se yon verite absoli! Lè konstriksyon legliz la te rive nan bout li, Bondye te fè etap nan travay moun k ap fè sèvis yo epi li te jete lòm nan twou san fon an. Pawòl nan tan moun ki t ap fè sèvis yo se te malediksyon yo tout te ye: malediksyon lachè ou, malediksyon nan karaktè satanik kowonpi w la epi malediksyon nan bagay ki nan ou ki pa satisfè volonte Bondye. Travay Bondye te akonpli nan etap sa a te manifeste sou fòm majeste, yon ti tan apresa, Bondye te ekzekite etap travay chatiman an epitou zeprèv lanmò a te vin parèt. Nan yon travay konsa, lòm te wè kòlè, majeste, jijman ansanm ak chatiman Bondye, poutan li te wè gras Bondye, lanmou Li ansanm ak mizèrikòd Li. Tout sa Bondye te fè e tout sa ki te manifeste kòm karaktè Li, se te lanmou Bondye pou lòm, e tout sa Bondye te fè te kapab satisfè bezwen lòm yo. Li te fè li yon fason pou rann lòm pafè epi Li te pran swen lòm selon valè li. Si Bondye pat fè sa, lòm t ap enkapab pou prezante li devan Bondye epi li pa t ap genyen okenn mwayen pou li konnen vrè vizaj Bondye. Depi lè lòm te kòmanse kwè nan Bondye jiska jounen jodi a, Bondye te gradyèlman pran swen lòm an fonksyon valè lòm, yon fason pou lòm te ka gradyèlman, anndan li, vin konnen Bondye. Se sèlman lè li rive nan moman jodi a ke lòm reyalize nan ki pwen jijman Bondye a mèveye. Etap nan travay moun k ap fè sèvis yo te premye ensidans nan travay malediksyon an soti nan tan kreyasyon an jiska jounen jodia a. Yo te madichonnen lòm nan twou san fon an. Si Bondye pa t fè sa, jodi a lòm te ka pa gen yon vrè konesans sou Bondye; se te sèlman atravè malediksyon Bondye a ke lòm rankontre karaktè Li ofisyèlman. Yo te revele lòm atravè zeprèv moun k ap fè sèvis yo. Li te wè ke lwayote li a pa t akseptab, ke valè li a te twò piti, epi li pa t kapab satisfè volonte Bondye e pretansyon pou li toujou satisfè Bondye te sèlman pawòl. Malgre Bondye te modi lòm nan etap travay moun k ap fè sèvis yo, lè nou gade dèyè kounye a, etap sa a nan travay Bondye a te mèveye. Sa te pote yon gwo tounan pou lòm epi sa te lakoz yon gwo chanjman nan fason li viv. Avan epòk moun k ap fè sèvis yo, lòm pat konprann anyen nan pouswit lavi a, kisa sa vle di pou yon moun kwè nan Bondye oswa sajès travay Bondye a epi li pat konprann nonplis ke travay Bondye a kapab teste lòm. Soti nan epòk moun k ap fè sèvis yo pou rive jiska jodi a, lòm wè nan ki pwen travay Bondye a mèveye—li ensondab pou lòm. Lòm enkapab pou li imajine kijan Bondye fonksyone pandan l ap itilize sèvo li, epi li rann li kont nan ki pwen valè li an piti epi gen twòp dezobeyisans nan li. Lè Bondye te modi lòm, se te yon fason pou Li jwenn yon rezilta epi Li pat touye lòm. Malgre Li te modi lòm, Li te fè sa atravè pawòl epi malediksyon Li yo pa t reyèlman rive sou lòm, paske sa Bondye te modi se te dezobeyisans lòm e kidonk Li te pwononse pawòl malediksyon Li yo yon fason pou Li te rann lòm pafè. Ke Bondye jije lòm oswa modi li, toulede rann lòm lan pafè: toulede fèt yon fason pou rann sa ki enpi anndan lòm pafè. Pa mwayen sa a, lòm vin rafine epi sa ki manke anndan lòm vin pafè atravè pawòl Li yo ansanm ak travay Li a. Chak etap nan travay Bondye a—keseswa pawòl di oubyen yon jijman oswa yon chatiman—yo vin rann lòm pafè epi li absoliman apwopriye. Bondye pa t janm fè yon travay menm jan ak sa a atravè tout tan ki pase yo; jodi a, Li ap travay nan nou yon fason pou nou ka apresye sajès Li. Malgre nou te andire doulè anndan nou, nou santi nou djanm epi anpè nan kè nou; se yon benediksyon li ye pou nou kapab jwi etap sa a nan travay Bondye a. Kelkeswa sa ou kapab genyen nan tan k ap vini an, tout sa nou wè nan nou nan travay Bondye a jodi a se lanmou. Si lòm pa eksperimante jijman ansanm ak rafinman Bondye, aksyon li yo ansanm ak pasyon li genyen an pral toujou rete nan yon nivo sipèfisyèl epi karaktè li pral toujou rete menm jan. Éske nou ka konte sa kòm yon bagay ke Bondye te rive genyen? Jodi a, malgre toujou gen anpil awogans ak ògèy anndan lòm, karaktè lòm pi estab ke jan li te ye avan sa. Jan Bondye trete w la fèt nan objektif pou sove w epi malgre ou ka santi kèk doulè nan moman an, gen yon jou k ap vini kote pral genyen yon chanjman nan karaktè w. Nan moman sa a, ou pral gade annaryè epi ou pral wè nan ki nivo travay Bondye an saj epi nan moman sa a, ou pral vrèman konprann volonte Bondye. Jodi a, gen moun ki di yo konprann volonte Bondye, men sa pa tèlman yon verite. An reyalite, y ap bay manti, paske alè aktyèl, yo poko konprann si volonte Bondye se pou sove lòm oswa pou modi lòm. Petèt ou pa kapab wè sa klèman kounye a, men gen yon jou ki pral vini kote ou pral wè jou glorifikasyon Bondye a rive, epitou ou pral wè nan ki pwen li enpòtan pou renmen Bondye, yon fason pou ka aprann konnen kòman moun viv epi lachè w pral viv nan monn pa Bondye ki gen renmen an, yon fason pou lespri w vin libere, lavi w pral plen ak lajwa epi ou pral toujou pwòch Bondye epi ou pral tounen bò kote Li. Nan moman sa a, ou pral vrèman konnen nan ki pwen travay Bondye a gen valè jodi a.
Jodi a, anpil moun pagen konesans sa a. Yo kwè ke soufrans pagen valè, monn lan rejte yo, lavi familyal yo twouble, Bondye pa renmen yo epi pèspektiv yo sonm. Soufrans kèk moun atenn yon nivo ekstrèm epi panse yo tounen lanmò. Sa se pa lanmou veritab pou Bondye; moun konsa manke kouraj, yo pagen pèseverans, yo fèb epi yo san pisans! Bondye paka tann pou lòm renmen Li, men tank lòm renmen Li se tank soufrans lòm vin anpil epi tank lòm lan renmen Li se tank lòm sibi tribilasyon. Si ou renmen Li, tout kalite soufrans pral tonbe sou ou lè sa a—epi si ou pa renmen Li, apresa tout bagay pral pase byen pou ou petèt epi tout bagay pral pèzib ozanlantou w. Lè ou renmen Bondye, ou pral santi ke pifò bagay ozalantou w ensimontab epi paske valè ou genyen an twò piti, ou pral vin rafine; anplis des a, ou p ap kapab satisfè Bondye epitou ou pral toujou santi ke volonte Bondye twò wo, ke lòm pagen kapasite pou atenn li. Akoz tout bagay sa yo, ou pral vin rafine—paske gen anpil feblès anndan w ansanm ak anpil bagay ki ki pa kapab satisfè volonte Bondye, ou pral vin rafine enteryèman. Poutan, nou dwe klèman wè ke moun ka sèlman jwenn pirifikasyon an atravè rafinman. Kidonk, pandan dènye jou sa yo, nou dwe rann temwayaj bay Bondye. Kelkeswa anplè soufrans ou yo, ou ta dwe mache jiska lafen e menm rive nan dènye souf ou, ou dwe toujou fidèl ak Bondye epi soumèt ou anba plan Bondye yo; se sa sèlman ki vrèman montre ou renmen Bondye epi se sa sèlman ki se temwayaj djanm e retantisan an. Lè w ap sibi tantasyon nan men Satan, ou dwe di: “Kè mwen se pou Bondye epi Bondye te deja genyen m. Mwen paka satisfè w—Mwen dwe konsakre tout bagay nan mwen pou m satisfè Bondye.” Plis w ap satisfè Bondye se plis Bondye ap beni w, se plis lanmou w pou Bondye ap vin pi djanm; demèm, ou pral gen lafwa ansanm ak rezolisyon epi ou pral santi pa gen anyen ki pi diy oswa enpòtan ke pase lavi w nan renmen Bondye. Moun ka di si lòm renmen Bondye, nan ka sa a li p ap gen chagren. Byenke gen moman kote lachè w fèb epi w ap fè fas ak anpil pwoblèm reyèl, pandan moman sa yo, ou vrèman konte sou Bondye epi nan lespri w, ou pral vin konsole epi ou pral santi sètitid ke w gen yon bagay pou depann sou li. Nan fason sa a, ou pral anmezi pou simonte anpil sikonstans e kidonk ou pa pral plenyen sou Bondye akoz angwas ke w ap soufri a. Olye desa, ou pral vle chante, danse epi priye, rasanble epi kominye, reflechi sou Bondye epi ou pral santi ke tout moun, matyè ansanm ak bagay ki ozanlatou w yo ke Bondye te òganize yo nan plas yo. Si ou pa renmen Bondye, tout bagay w ap gade pral nwi w epi pagen anyen ki pral fè w plezi; ou pa pral lib nan lespri w men ou pral vin oprime, kè w pral toujou ap plenyen sou Bondye epi ou pral toujou santi ke w ap soufri anpil touman e ke li enjis anpil. Si ou p ap pouswiv bonè, men pou ka satisfè Bondye e pou Satan pa akize w, nan ka sa a yon pouswit konsa pral ba ou anpil fòs pou renmen Bondye. Lòm kapab akonpli tout sa Bondye di epi tout sa li fè kapab satisfè Bondye—se sa ki vle di lè reyaite a kontwole w. Pouswiv satisfaksyon Bondye se itilize lanmou w pou Bondye pou mete pawòl Li yo an pratik; kelkeswa tan an—menm lè lòt yo san fòs—anndan w toujou gen yon kè ki renmen Bondye, ki gen yon pwofon dezi pou Bondye e ki manke Bondye. Se sa a ki vrè pozisyon an. Grandè pozisyon w depann de grandè lanmou w pou Bondye, de kapasite w pou kenbe fèm lè w ap sibi zeprèv, si ou fèb lè gen kèk sikonstans ki prezante devan w epi si w ap kontinye pèsevere lè frè ak sè w yo rejte w; se lè reyalite rive ki pral montre ak kisa lanmou w pou Bondye sanble. Nou ka wè apati yon gwo mòso nan travay Bondye a ke Bondye vrèman renmen lòm, menm si zye lespri lòm pa toujou konplètman ouvri epi li pa kapab wè klèman yon gwo pati nan travay Bondye a ansanm ak volonte Li, ni tout bèl bagay sou Bondye; lòm gen yon lanmou ki twò piti pou Bondye. Ou te kwè nan Bondye pandan tout tan sa a, epi jodi a, Bondye koupe tout mwayen pou ka chape poul ou. An reyalite, ou pagen lòt chwa ke pran bon chemen an, bon chemen ke jijman sevè ansanm ak sali siprèm Bondye a te mennen w sou li a. Se sèlman aprè li fin sibi zeprèv ansanm ak rafinman ke lòm konnen ke Bondye agreyab. Aprè li fin fè eksperyans lan pou rive jouk jounen jodi a, nou ka di ke lòm te aprann konnen yon pati nan jan Bondye bèl, men sa pa sifi paske lòm manke anpil. Lòm dwe fè plis eksperyans nan travay mèveye Bondye a ansanm ak plis eksperyans nan tout rafinman soufrans ke Bondye te ranje yo. Se sèlman lè sa a karaktè lòm ka chanje.
