Vizyon Travay Bondye a (2)

Yo te preche levanjil repantans lan nan Epòk Lagras la, e si lòm te kwè, enben li t ap sove. Jodi a, nan plas sali a, se sèlman pawòl konkèt ak pèfeksyon ki genyen. Yo pa t janm di si yon moun kwè, tout fanmi li nèt ap beni, oubyen depi l sove yon fwa li sove nèt. Jodia, pyès moun pa pale pawòl sa yo, epi bagay konsa pa alamòd. Nan epòk la, travay Jezi se te travay pou rachte tout limanite. Yo te padone peche tout moun ki te kwè nan Li yo; tout tan ou te kwè nan Li, Li t ap rachte ou; si ou te kwè nan Li, ou pa t ap yon pechè ankò, ou t ap soulaje anba peche ou yo. Se sa sa vle di lè yon moun sove e jistifye nan lafwa. Poutan nan moun ki te kwè yo, gen bagay ki rebèl e kontrè ak Bondye nan yo, epi yo dwe wete sa yo toudousman. Sali a pa vle di ke Jezi te genyen lòm nèt, men sa vle di lòm pa t yon pechè ankò, li resevwa padon pou peche li yo. Si ou te kwè, ou pa t ap janm viv nan peche ankò. Nan epòk la, Jezi te fè anpil travay disip Li yo pa t konprann epi Li te di anpil bagay moun pa t konprann. Sa a se paske, nan epòk la, Li pa t bay pyès esplikasyon. Kidonk, aprè plizyè ane Li te ale, Matye fè yon jeneyaloji pou Jezi, epi lèzòt yo te fè anpil bagay ki te daprè volonte lèzòm. Jezi pa t vini pou rann lòm pafè epi genyen lòm, men pou fè yon etap nan travay la: pote levanjil wayòm syèl la epi konplete travay krisifiksyon an. Epi konsa, yon fwa yo te kloure Jezi sou kwa a, travay Li a t ap rive nan bout li nèt. Men nan etap kounye a—travay konkèt la—anpil pawòl dwe pale, anpil travay dwe fèt, epi dwe genyen anpil pwosesis. Se konsa tou mistè travay Jezi a ak Jewova a dwe parèt aklè, yon fason pou tout moun ka konprann epi wè klè nan kwayans yo, paske sa se travay dènye jou yo, epi dènye jou yo se lafen travay Bondye a, tan pou travay la fini. Etap travay sa a ap fè w wè klè lwa Jewova yo ak redanmsyon Jezi a, e li la prensipalman pou w ka konnen tout travay plan jesyon si mil an Bondye a, epi apresye tout enpòtans ak esans plan jesyon similan sa a, epi konprann bi tout travay Jezi fè yo ak pawòl Li pale yo, e menm kwayans avèg ou ak adorasyon ou nan Bib La. Tout bagay sa yo ap pèmèt ou fin konprann nèt. Ou pral vin konprann toude travay Jezi fè yo ak travay Bondye ap fè kounye a; ou pral konprann epi wè tout verite a, lavi ak chemen an. Nan etap travay Jezi fè yo, poukisa Jezi te ale san Li pa t fini ak travay la? Se paske etap travay Jezi a pa t yon travay konklizyon. Lè yo te kloure L sou kwa a, pawòl Li yo te rive nan bout yo; aprè Krisifiksyon Li, travay Li te fini nèt. Etap kounye a diferan: se sèlman aprè yo fin pale pawòl yo nèt epi tout travay Bondye a fini, se lè sa a travay Li ap fini. Pandan etap travay Jezi a, gen anpil pawòl ki pa di oswa ki pa t atikile totalman. Poutan Jezi pa t bay enpòtans ak sa Li te di oswa sa Li pa t di paske ministè Li a pa t yon ministè pawòl, e konsa aprè yo fin kloure L sou kwa a, Li ale. Etap sa a te destine prensipalman nan enterè krisifiksyon an, epi li pa menm jan ak etap kounye a. Prensipalman, etap travay kounye gen bi pou fini, klarifye, epi fè tout travay rive nan fen yo. Si yo pa pale pawòl yo jouk nan fen yo, p ap gen okenn mwayen pou fini travay sa a, paske nan etap travay sa a, yo fè tout travay yo rive nan bout yo epi akonpli yo ak itilizasyon lapawòl. Nan moman an, Jezi te fè anpil travay lòm pa t ka konprann. Li te pati san fè bri, e jodi a gen anpil moun toujou ki pa konprann pawòl Li yo, konpreyansyon yo fo poutan yo toujou kwè li korèk, epi yo pa konnen yo gen tò. Alafen, etap travay kounye a ap mete yon fen nan travay Bondye a, epi l ap bay konkilizyon li. Tout moun pral vin konprann epi konnen plan jesyon Bondye a. Nosyon ki nan lòm yo, entansyon li yo, move konpreyansyon li, nosyon li sou travay Jewova ak Jezi, avi li sou moun lòt nasyon yo ak lòt deviyasyon ak erè li yo ap korije. E lòm pral konprann tout bon chemen la vi a, tout travay Bondye fè yo, e tout verite a. Lè sa rive, etap travay sa a ap rive nan bout li. Travay Jewova a se te kreyasyon mond la, se te kòmansman an; etap travay sa a se fen travay la, epi li se konklizyon an. Nan kòmansman an, travay Bondye a te reyalize pami moun chwazi an Izrayèl, epi se te kòmansman yon lòt epòk nan plas ki pi sen pase tout plas yo. Dènye etap travay la te reyalize nan peyi ki pi pa pwòp pase tout peyi yo, pou jije mond lan epi mete yon fen nan tan an. Nan premye etap la, travay Bondye a te fèt nan yon plas ki pi klere pase tout plas, epi dènye etap la te reyalize nan yon plas ki pi fènwa pase tout lòt plas, fènwa a pral disparèt, limyè a pral parèt, epi y ap rive konkeri tout moun. Lè yo rive konkeri moun ki nan kote ki pi pa pwòp sa yo ak kote ki pi fènwa sa yo, e tout popilasyon yo nèt rive konnen genyen yon Bondye ki se Bondye tout bon, epi yo rive byen konvenk chak moun, lè sa a y ap itilize reyalite sa a pou fè travay konkèt la atravè tout linivè a nèt. Etap travay sa a senbolik: yon fwa travay tan sa a fini, travay plan jesyon similan an ap rive nan bout li nèt. yon fwa yo fin konkeri sila yo ki nan plas ki pi fènwa pase tout plas yo, nou pa menm bezwen di anyen, se ap menm bagay la pou tout lòt kote yo. Konsa, se sèlman travay konkèt nan Lachin k ap gen senbòl ki enpòtan. Lachin gen tout kalite fòs fènwa, epi pèp Chinwa a reprezante tout moun ki pou lachè, pou satan epi pou lachè ak san. Se pèp Chinwa a gwo dragon wouj la plis kòwonpi, ki gen pifò opozisyon ak Bondye kote nati moun yo pi ba e pi pa pwòp, epi tou yo se echantiyon tout limanite ki kòwonpi a. Se pa yon fason pou di lòt peyi pa gen pwoblèm ditou; nosyon lòm yo se menm bagay, e malgre moun peyi sa yo ta gen bon nivo, si yo pa konnen Bondye, enben se sèten yo kont Li. Poukisa Jwif yo te kont epi defye Bondye tou? Poukisa Farizyen yo te kont Li tou? Poukisa Jida te trayi Jezi? Nan moman an, anpil nan disip yo pa t konnen Jezi. Poukisa, aprè yo te krisifye Jezi epi Li leve ankò a, moun toujou pa kwè nan Li? Eske tout dezobeyisans lòm pa menm? Se senpman moun Lachin yo se yon ekzanp, epi lè yo fin konkeri yo nèt yo pral tounen modèl ak echantiyon, epi yo pral sèvi yon referans pou lòt moun. Poukisa Mwen toujou di nou se yon konpleman pou plan jesyon mwen an? Se nan Chinwa yo ke koripsyon, sa ki pa pwòp, enjistis, opozisyon ak rebelyon manifeste plis nèt epi sa yo parèt aklè sou tout fòm yo ki varye. Yon kote, yo gen yon move nivo, epi yon lòt kote, lavi yo ak fason yo panse pa devlope epi abitid yo, anviwònman sosyal, fanmi kote yo fèt—tout nèt pòv epi yo pi pa devlope. Pozisyon yo ba tou. Travay nan plas sa a senbolik, e aprè travay tès sa fin reyalize nèt, travay Bondye ki vin aprè a ap fèt pi byen toujou. Si etap travay sa a ka fini, enben travay k ap vin aprè a ap pase menm jan an tou. Yon fwa etap travay sa a fin akonpli, y ap rive akonpli gwo siksè totalman, epi travay konkèt atravè tout linivè a nèt ap rive nan bout li. An reyalite, yon fwa travay pami nou an reyisi, sa ap egale siksè atravè tout linivè a nèt. Sa se enpòtans sa kifè m fè nou aji kòm modèl ak echantiyon. Rebelyon, opozisyon, sa ki pa pwòp, enjistis—yo jwenn yo tout nan moun sa yo, epi yo reprezante tout rebelyon limanite nan yo. Yo vrèman etonan. Kidonk, yo reprezante enkanasyon konkèt la, e yon fwa yo fin konkeri yo, y ap tounen echantiyon ak modèl pou lòt moun toubònman. Pa gen anyen ki pi senbolik pase premye etap ki te reyalize an Israel la: Izrayelit yo te pi sen epi yo te mwens kowonpi parapò ak tout lòt pèp yo, e se poutèt sa kòmansman nouvo epòk nan teritwa sa a te gen tout enpòtans sa a. Nou ka di zansèt limanite yo te soti an Izrayèl, epi Izrayèl sa a se te plas kote travay Bondye a te fèt. Nan kòmansman an, moun sa yo te pi sen, e yo tout te adore Jewova, epi travay Bondye a te bay pi gwo rezilta nan vi yo. Tout Bib La nèt te anrejistre travay de epòk: Youn se te travay Tan Lalwa a, epi lòt la se te travay Tan Lagras la. Ansyen Testaman an anrejistre pawòl Jewova yo pou Izrayelit yo ak travay Li an Izrayèl; Nouvo Testaman an anrejistre travay Jezi nan Jide. Men poukisa Bib La pa genyen pyès non Chinwa ladan l? Se paske de premye pati travay Bondye yo te reyalize an Izrayèl, se paske moun Izrayèl yo te moun chwazi—sa vle di yo te premye moun ki aksepte travay Jewova a. Yo te moun ki te mwens kowonpi nan tout limanite, epi nan kòmansman an, yo te gen lide leve je yo pou gade Bondye epi ba Li respè. Yo te obeyi ak pawòl Jewova yo, e yo te toujou ap sèvi nan tanp lan, epi yo te pote wòb prèt yo oswa kouwòn. Yo te premye moun ki adore Bondye, epi yo te premye moun ki fè objè travay Li a. Moun sa yo te echantiyon ak modèl pou tout limanite. Yo te echantiyon ak modèl sentete ak jistis. Moun tankou Jòb, Abraram, Lòt, oubyen Pyè ak Timote—yo tout te Izrayelit, epi yo se echantiyon ak modèl ki te pi sen yo. Izrayèl se te peyi ki adore Bondye an premye pami lèzòm, epi plis moun jis te sòti la pase tout lòt kote. Bondye te travay nan yo pou Li te ka jere limanite pi byen sou tout tè a nan tan k ap vini an. Yo te anrejistre sa yo te akonpli e dwati adorasyon yo ak Jewova, yon fason pou yo te ka sèvi kòm echantiyon ak modèl pou moun ki lwen Izrayèl pandan Epòk Lagras la; epi aksyon yo dire anpil milye lanne travay jouk jounen jodia.

Aprè fondasyon mond la, premye etap travay Bondye a te fèt an Izrayèl, epitou Izrayèl se te plas kote travay Bondye a fèt sou latè, epi li te baz travay Bondye a sou tè a. Dimansyon travay Jezi a te kouvri tout Jide. Pandan travay Li a, se yon ti group moun ki pa t Jide ki te konnen sa, paske Li pa t fè okenn travay pi lwen pase Jide. Jodia, yo pote travay Bondye a Lachin, epi sa fèt daprè dimansyon sa a. Pandan faz sa a, pa gen travay ki lanse lòt kote ke Lachin, simaye li pi lwen Lachin se travay k ap vin aprè. Etap travay sa a kontinye ak etap travay Jezi a. Jezi te fè travay redanmsyon, epi etap sa a se travay k ap kontinye travay sa a; travay redanmsyon an fini, epi nan etap sa a pa gen nesesite pou Sentespri a fè moun, paske etap travay sa a pa menm jan ak dènye etap la, epi anplis de sa, paske Lachin pa menm ak Izrayèl. Etap travay Jezi te fè a se te travay redanmsyon an. Lòm te kontanple Jezi, epi yon ti tan aprè, travay Li te kòmanse gaye pami moun lòt nasyon yo. Jodia, gen anpil moun ki kwè Etazini, an Angletè ak Risi, epitou poukisa mwens moun kwè nan Lachin? Paske Lachin se nasyon ki pi fèmen. Konsa, se te Lachin ki te aksepte chemen Bondye a andènye, epi menm kounye a sa fè mwens ke san lanne depi li te fè sa—pita ke Etazini ak Angletè. Dènye etap travay Bondye a te fèt sou tèritwa Lachin pou L ka fini ak travay Li a, e yon fason pou tout travay Li a ka rive akonpli. Tout moun an Izrayèl te rele Jewova Seyè yo. Nan moman an, yo te konsidere Li kòm chèf fanmi yo, epi tout Izrayèl nèt te vin fè yon gwo fanmi kote tout moun te adore Seyè Jewova yo a. Lespri Jewova a te konn parèt sou yo souvan, epi Li te konn pale e fè yo tande vwa L, epi itilize yon kolòn nyaj ak son pou gide lavi yo. Nan epòk sa a, Lespri a te bay direksyon an Izrayèl dirèkteman, pandan L ap pale epi fè moun yo tande vwa Li, yo te kontanple nyaj yo e tande kout loraj yo, e se nan fason sa a Li te rive gide lavi yo pou plizyè milye lane. Kidonk, se sèlman moun an Izrayèl ki te toujou ap adore Jewova. Yo kwè Jewova se Bondye yo, epi Li pa Bondye Moun lòt nasyon yo. Sa a se pa yon sipriz: Jewova, apre tou, te travay pami yo preske pou kat mil lane. Sou teritwa Lachin nan, epi aprè plizyè milye lane nan yon somèy pwofon, se sèlman kounye a dejenere yo vin konnen syèl yo, tè a ak tout bagay pa t fèt natirèlman, men se Kreyatè a ki te fè yo. Piske levanjil sa a te soti aletranje, espri feyodal e reaksyonè sa yo kwè tout moun ki aksepte levanjil sa a se trèt, yo se madichon ki te trayi Bouda, Zansèt yo a. Anplis sa, gen anpil nan espri feyodal sa yo ki mande, “Kòman fè pou pèp Chinwa a kwè nan Bondye etranje yo? Eske se pa zansèt yo y ap trayi? Eske se pa mal y ap fè?” Jodia, moun yo bliye lontan sa si Jewova se Bondye yo. Yo retire Kreyatè a nan fon lespri yo, epi yo kwè nan evolisyon pito, sa vle di lòm te evolye apati makak, epi mond natirèl la te vin ekziste toubònman. Tout bon manje limanite te jwi yo se lanati ki te bay yo, gen lòd nan lavi ak lanmò lòm, epi pa gen yon Bondye ki ekziste pou jere sa nèt. Anplis sa, genyen anpil moun ki pa kwè Bondye egziste ki kwè lè Bondye ap domine sou tout bagay se yon sipèstisyon epi sa pa syantifik. Men èske lasyans ka ranplase travay Bondye? Eske lasyans ka renye sou limanite? Preche levanjil nan yon peyi kote ki pa genyen kwayans nan Bondye se yon tach ki difícil, epi sa kreye gwo obstak. Jodia, èske pa gen anpil moun ki kont Bondye nan fason sa a?

Lè Jezi te vini pou fè travay Li a, anpil moun te konpare travay Li ak travay Jewova a, epi, lè yo wè yo pa t sanble, yo te kloure Jezi sou kwa a. Poukisa yo pa t jwenn konsistans nan travay yo a? Se te, nan yon pati, paske Jezi te fè nouvo travay, epi tou paske, avan Jezi te kòmanse travay Li a, pa t gen moun ki te ekri jeneyaloji Li. Si yon moun te fè sa, enben pa t ap gen nesesite pou enkyete, epi lè sa a kiyès ki t ap kloure Jezi sou kwa a? Si Matye te ekri non zansèt Jezi yo plizyè dizèn lanne anvan, enben Jezi pa t ap soufri yon gwo pèsekisyon konsa. Eske se pa sa? Depi lè moun yo te li jenealoji Jezi a—ke Li te pitit Abraram ak rasin David—enben yo t ap sispann pèsekisyon yo kont Li. Eske se pa yon wont dèske yo te ekri non zansèt Li yo twò ta? E se domaj pou Bib La anrejistre sèlman de etap nan travay Bondye a: yon etap se te travay Epòk Lalwa a, e yon travay se te Epòk Lagras la; yon etap se te travay Jewova, epi yon lòt etap se te travay Jezi a. Ala bon sa t ap bon si yon gran profèt te anonse travay jodia. T ap gen yon seksyon anplis nan Bib la ki rele “Travay Dènye Jou yo”—èske sa pa t ap pi bon? Poukisa Lòm dwe pase anba tout difikilte sa yo jodia? Nou ap viv yon moman vrèman difisil konsa! Si gen yon moun yo dwe rayi, se Ezayi ak Danyèl paske yo pa t anonse travay dènye jou yo avan, epi si gen yon moun pou blame, se apòt Nouvo Testaman an ki pa t ekri jenealoji dezyèm enkanasyon Bondye a pi bonè. Se pa ti wont sa a ye non! Nou dwe chache tout kote pou jwenn prèv, e menm si nou jwen kèk ti moso pawòl n ap toujou paka di si yo se prèv tout bon vre. Gade jan sa anbarasan! Poukisa Bondye kenbe tout sekrè sa yo sou travay Li a? Jodia, anpil toujou poko ka jwenn bon jan prèv ki valab, men yo toujou paka nye sa. Enben kisa yo dwe fè? Yo pa kapab swiv Bondye avèk fèmte, ni yo paka avanse nan dout sa a nonplis. Epitou, anpil “savan ki intelijan e ki gen don” adopte yon atitid “ann eseye pou n wè” lè y ap swiv Bondye. Sa se twòp pwoblèm atò! Eske bagay yo pa t ap pi fasil si Matye, Mak ak Lik te ka anonse lavni? Li t ap pi bon si Jan te ka wè verite lavi ki anndan wayòm nan—se byen domaj li te wè sèlman vizyon yo men li pa t wè vrè travay materyèl sou tè a. Se yon wont li ye lè konsa! Kisa ki pa mache nan Bondye? Poukisa, aprè travay Li a te fin byen fèt an Izrayèl, Li vin Lachin kounye a, epi, poukisa Li te dwe tounen moun, epi travay pèsonèlman ak viv pami lèzòm? Bondye twò meprisan pou lòm! Malgre Li pa t anonse moun yo sa davans, men Li te vini ak chatiman e jijman Li menm kote a. Sa vrèman pa fè okenn sans! Premye fwa Bondye te tounen moun nan, Li te soufri anpil eprèv paske Li pa t anonse lòm tout vrè verite a davans. Sètènman Li pa t ka bliye sa? Epi poukisa Li toujou pa di lòm sa fwa sa a? Jodia, se byen domaj dèske se swasant sis liv sèlman ki genyen nan Bib La. Se jis ke gen yon nesesite pou genyen yon anons anplis sou travay dènye jou yo! Eske ou pa panse sa? Menm Jewova, Ezayi ak David pa t mansyone travay jodia. Yo te trè lwen tan kounye a, se plis pase kat mil lane ki te separe yo nan kesyon tan an. Ni tou Jezi pa t anonse travay jodia totalman, Li te pale yon ti kras sou li, e poutan lòm toujou pa jwenn ase prèv. Si ou konpare travay jodia ak travay anvan an, kòman toude ka akòde youn ak lòt? Etap travay Jewova a te dirije l an Izrayèl, konsa si w ap konpare travay jodia ak li, enben ap vin gen yon pi gwo dezakò toujou; nou senpman pa ka konpare toude. Ou pa ni soti an Izrayèl, ni tou ou pa yon Jwif; gen yon bagay ki manke nan nivo ou ak tout bagay ki gen rapò ak ou—kòman ou kapab konpare tèt ou ak yo? Eske sa posib? Konnen ke jodi a se Epòk Wayòm nan, epi li diferan ak Epòk Lalwa e Epòk Lagras la. Nan nenpòt fason an, pa eseye aplike yon fòmil; ou p ap jwenn Bondye nan okenn fòmil konsa.

Kòman Jezi te viv pandan 29 van aprè nesans Li? Bib la pa anrejistre anyen sou lè l te timoun ak Jenn; èske w konnen ak kisa yo te sanble? Eske se paske Li pa t pase timoun oubyen jenn, epi lè L te fèt Li te gentan gen 30 tan? Ou konnen yon ti kras, kidonk piga ou neglijan lè w ap pateje pwendvi ou. Sa pa p fè w byen ditou! Bib la sèlman anrejistre avan Jezi te gen 30 tan Li, Li te batize epi Sentespri a te mennen L nan dezè a pou Satan te tante L. Epi Kat Levanjil Yo anrejistre twazan edmi travay Li a. Pa gen pyès done sou lè Li te timoun ak jenn, men sa pa pwouve Li pa t pase timoun ak jenn; se jis ke nan kòmansman an, Li pa t fè pyès travay, epi Li te yon moun tankou tout moun. Enben, èske nou te ka di Jezi te viv pandan 33 zan san Li pa t pase jenn oswa timoun? Eske Li te ka rive gen 33 zan edmi toudenkou? Tout sa moun ap panse sou Li sinatirèl epi yo pa reyalis. Pa gen dout Bondye ki tounen moun nan gen yon nati moun ki òdinè e nòmal, men lè L ap fè travay Li a se dirèkteman avèk nati moun ki pa konplè Li a epi ak divinite konplè Li a. Se akòz sa a ki fè moun gen dout sou travay jodia, e menm sou travay Jezi a. Malgre travay Bondye a diferan pandan de fwa Li te tounen moun nan, Nati Li pa diferan. Sètènman, si ou li kontni Kat Levanjil Yo, diferans yo ap gwo. Kòman w ap ka tounen sou lavi Jezi lè Li te timoun ak jenn? Kòman w ap ka konprann nati moun nòmal Jezi a? Petèt ou gen yon bon konpreyansyon sou nati moun Bondye a jodia, poutan ou pa ka byen sezi nati moun Jezi a, ankò mwens ou konprann li. Si Matye pa t anrejistre l, ou pa t ap gen okenn ide sou nati moun Jezi a. Petèt, se lè m ap rakonte w istwa Jezi pandan Li t’ap viv la, epi rakonte w bon jan verite sou lè Jezi te timoun ak jenn nan, w ap souke tèt ou epi di, “Non! Li pa t ka konsa. Li pa ka genyen pyès feblès, ankò mwen pou Li gen yon nati moun nòmal!” W ap menm rele ak fè bri. Se paske ou pa konprann Jezi ki fè ou gen nosyon sou Mwen. Ou kwè Jezi twò Bondye pou Li genyen bagay lòm nan Li. Men reyalite yo ap toujou reyalite. Pa gen moun ki swete pale yon fason kontrè ak verite reyalite yo, paske lè M ap pale se parapò ak verite a; se pa pawòl anlè ni se pa pwofesi. Konnen ke Bondye ka monte jouk kote ki wo anpil yo, epi anplis de sa, Li ka kache nan kote ki pi fon yo. Lespri ou pa ka imajine L, Li se Bondye tout kreyati yo, epi Li pa yon Bondye pèsonèl ke yon moun espesifik konsevwa.