Twa Avètisman

Kòm yon moun ki kwè nan Bondye, ou pa ta dwe rete fidèl a okenn lòt pase Li nan tout bagay, epi kapab konfòme w avèk volonte L nan tout bagay. Men, menm si tout moun konprann mesaj sa a akòz divès kalite difikilte lòm yo—akòz inyorans li, manke bon sans, ak koripsyon, paregzanp—verite sa yo, ki pi aparan e ki pi fondamantal nan tout, yo pa totalman evidan nan li, epi konsa, anvan fen nou vin enposib pou chanje, Mwen ta dwe premyeman di nou kèk bagay ki gen yon enpòtans ekstrèm pou nou. Anvan Mwen kontinye, nou ta dwe premyeman konprann sa: pawòl Mwen pale yo se verite pou tout limanite; yo pa sèlman pou yon moun espesifik oswa yon kalite moun. Se poutètsa, nou ta dwe konsantre sou konpreyansyon pawòl Mwen yo ki soti nan pwendvi verite a, epi dwe gen yon atitid atansyon tout bon ak senserite; pa inyore yon sèl pawòl oswa verite mwen pale, epi pa trete tout pawòl Mwen pale yo alalejè. Nan lavi nou, Mwen wè nou te fè anpil sa ki pa gen rapò a verite a, e konsa Mwen mande yon fason patikilye pou nou vin sèvitè verite a, pou nou pa esklav mechanste ak lèdè, e pou nou pa pilonnen verite a oswa sal okenn kwen nan kay Bondye a. Sa se avètisman Mwen ba nou. Koulyeya, Mwen pral pale sou sijè aktyèl la.

Premyèman, pou byen lavni nou, nou tadwe chèche apwobasyon Bondye a. Sa vle di, depi nou rekonèt nou se yon manm kay Bondye a, enben nou ta dwe pote lapè lespri bay Bondye ak satisfè L nan tout bagay. Ou dwe, nan yon lòt sans, gen prensip nan aksyon w yo epi konfòme w ak verite a nan yo. Si sa a depase w, lè sa a Bondye pral deteste w e voye w jete, epi tout moun va meprize w. Yon fwa w te tonbe nan yon sitiyasyon difisil konsa, yo pa ka konte w lè sa a nan kay Bondye a, ki se jisteman sa sa vle lè Bondye pa apwouve w.

Dezyèmman, nou ta dwe konnen Bondye renmen sila yo ki onèt. An gwo, Bondye fidèl, e konsa yo ka toujou fè pawòl Li konfyans; Aksyon Li yo, anplis, yo san fot e yo pa kesyone yo, poutètsa Bondye renmen moun ki onèt avè L nèt. Onètete vle di bay Bondye kè w, otantik ak Bondye nan tout bagay, ouvè avè L nan tout bagay, pa janm kache reyalite yo, pa eseye twonpe moun ki anwo ak anba w, epi pa fè bagay sèlman pou jwenn favè Bondye. Brèf, onèt se lè w pwòp nan aksyon w yo ak pawòl ou yo, epi pa twonpe ni Bondye ni lòm. Sa mwen di a senp anpil, men pou nou li de fwa difisil. Anpil moun ta pito kondane nan lanfè pase pou yo pale ak aji onètman. Se pa etonan, Mwen gen lòt tretman Mwen sere pou moun ki malonèt. Natirèlman, Mwen konnen byen kijan li difisil pou nou onèt. Paske nou tout entelijan anpil, tèlman bon nan mezire moun ak pwòp ti mezi pa nou, sa fè travay Mwen pi senp. E piske nou chak kenbe sekrè nou anndan nou, ebyen lè sa a, Mwen pral mete nou, youn pa youn, nan dezas pou dife fè lekòl ak nou, se konsa, apre sa nou ka vin mouri tache ak kwayans nou nan pawòl Mwen yo. Alafen, Mwen pral rache pawòl “Bondye se yon Bondye ki fidèl,” la nan bouch nou, lè sa a, nou pral bat lestomak nou epi lamante. “Kè lòm toujou ap detounen!” Kouman eta lespri nou pral ye nan moman sa a? Mwen imajine ou pa pral triyonfan tankou ou ye kounye a. Epi ankò mwens ou pral “pwofon epi difisil pou yo konprann ou” jan ou ye kounye a. Nan prezans Bondye, gen kèk moun ki respekte prensip tradisyonèl yo, yo pran swen pou yo “byen konpòte yo,” epoutan yo montre kwòk yo epi yo parèt grif yo nan prezans Lespri a. Èske nou tap konte kalite moun sa yo nan ran moun onèt yo? Si w se yon ipokrit, yon moun ki kalifye nan “relasyon entèpèsonèl yo,” lè sa a Mwen di, san dout ou se yon moun ki ap eseye jwe ak Bondye. Si pawòl ou yo klible ak eskiz ak jistifikasyon san valè, lè sa a Mwen di, ou se yon moun ki rayi mete laverite an pratik. Si w gen anpil konfidans, ou ezite pataje, si w opoze ak fòs pou devwale sekrè w yo—difikilte w yo—anvan lòt moun yo chèche chimen limyè a, lè sa a Mwen di, ou se yon moun ki pa pral rive delivre fasil, epi ki pa pral fasil sòti nan fènwa a. Si chèche chimen verite a byen fè w plezi, lè sa a ou se yon moun ki toujou rete nan limyè a. Si w kontan anpil paske ou se yon moun k ap sèvi nan kay Bondye a, k ap travay avèk dilijans ak konsyans nan fènwa toujou bay epi pa janm pran, lè sa a Mwen di ou se yon sen ki rete fidèl, paske ou pap chèche okenn rekonpans epi ou senpleman yon moun onèt. Si w vle fran, si w vle depanse tout ou menm, si w kapab sakrifye lavi w pou Bondye epi kanpe fèm nan temwayaj ou, si w onèt nan pwen kote ou konnen se sèlman Bondye pou satisfè epi pa konsidere tèt ou oswa pran pou tèt ou, lè sa a Mwen di, moun sa yo se moun ki jwenn nouriti nan limyè a epi ki pral viv nan Peyi Wa a pou tout tan. Ou tadwe konnen si gen vre lafwa ak vre fidelite nan ou, si w gen yon istwa nan soufri pou Bondye, epi si w te soumèt nèt bay Bondye. Si w manke sa yo, enben gen dezobeyisans ki rete nan ou, desepsyon, goumandiz, ak plent. Kòm kè w pa onèt, ou pa t janm te resevwa rekonesans pozitif nan men Bondye epi pa t janm viv nan limyè a. Jan sò a ap soti nan fen an depann si yo gen yon kè onèt epi ki wouj tankou san, epi si yo gen yon nanm ki pwòp. Si w se yon moun ki malonèt anpil, yon moun ki gen yon kè malis, yon moun ki gen yon nanm ki pa pwòp, lè sa a, ou mètsèten w ap fini nan plas kote yo pini lòm nan, jan sa ekri nan istwa sò w la. Si w deklare w onèt anpil, e poutan ou pa janm rive aji ann akò avèk verite a oswa pale yon pawòl ki vre, lè sa a èske w toujou ap tann pou Bondye rekonpanse w? Èske w toujou espere pou Bondye konsidere w tankou pòm nan je Li? Èske kalite panse sa yo pa absid? Ou twonpe Bondye nan tout bagay; ki jan kay Bondye te kapab kenbe yon kalite moun tankou w, avèk men pa pwòp ou yo?

Twazyèm bagay Mwen vle di nou se sa a: Chak moun, pandan yap viv lavi lafwa yo nan Bondye, te fè bagay ki reziste e twonpe Bondye. Kèk move zak pa bezwen anrejistre kòm yon ofans, men gen kèk ki pa gen padon; paske gen anpil zak ki vyole dekrè administratif yo, ki ofanse dispozisyon Bondye. Anpil moun ki gen enkyetid sou pwòp sò yo ka mande kisa zèv sa yo ye. Nou ta dwe konnen, nou awogan e meprizan nan nati nou, epi pa vle soumèt ak reyalite yo. Pou rezon sa a, Mwen pral di nou ti pa ti pa apre nou te reflechi sou tèt nou. Mwen egzòte n pou jwenn yon pi bon konpreyansyon sou kontni dekrè administratif yo, epi fè yon efò pou konnen dispozisyon Bondye a. Si se pa sa, nou pral trouve li difisil pou kenbe bouch nou sele, lang nou pral deplase twò lib nan pale awotvwa, epi ou pral ofanse dispozisyon Bondye a envolontèman e tonbe nan fènwa a, epi pèdi prezans Sentespri a ak limyè a. Paske nou san prensip nan aksyon nou yo, paske ou fè e di sa ou pa ta dwe, ou va resevwa yon pinisyon ki apwopriye. Ou ta dwe konnen, menm si w san prensip nan pawòl ak zèv, Bondye gen anpil prensip nan tou de. Rezon kifè w resevwa pinisyon se paske w te ofanse Bondye, se pa yon moun. Si, nan lavi w, ou komèt anpil ofans kont dispozisyon Bondye a, lè sa a ou oblije vin yon pitit lanfè. Pou lòm sa ka parèt ou te sèlman komèt kèk zak ki kontrè ak verite a, e pa gen anyen anplis. Eske w okouran, sepandan, nan je Bondye ou déjà yon moun ki pa gen ofrann pou peche ankò? Paske w te vyole dekrè administratif Bondye yo plis pase yon fwa epi, anplis, ou pa t montre okenn siy repantans, pa gen okenn lòt rekou men pou ou se plonje nan lanfè, kote Bondye pini lòm nan. Yon ti kantite moun, pandan y ap swiv Bondye, te komèt kèk zak ki te vyole prensip yo, men apre yo te fin trete e jwenn gidans, yo dekouvri pwòp koripsyon yo gradyèlman, apre sa antre sou wout dwat reyalite a, epi yo rete byen fonde jodi a. Kalite moun sa yo se moun ki va rete nan fen an. Men, li onèt pou Mwen chèche; si w se yon moun onèt ak yon moun ki aji selon prensip, lè sa a ou kapab yon konfidan Bondye. Si nan aksyon w ou pa ofanse dispozisyon Bondye, epi chèche volonte Bondye, epi ou gen yon kè ki gen respè pou Bondye, lè sa a lafwa w rive nan nivo estanda. Nenpòt moun ki pa respekte Bondye epi ki pa gen yon kè k ap tranble nan krent li gen anpil chans pou l vyole dekrè administratif Bondye yo. Anpil moun sèvi Bondye sou fòs pasyon yo, men yo pa gen okenn konpreyansyon sou dekrè administratif Bondye yo, mwens toujou nenpòt lide sou enplikasyon pawòl Li yo. Epi konsa, ak bon entansyon yo, yo souvan fè bagay ki deranje jesyon Bondye a. Nan ka grav yo, yo jete yo deyò, yo pa gen okenn lòt chans pou swiv Li, epi yo jete yo nan lanfè, tout asosyasyon nan kay Bondye a fini. Moun sa yo ap travay nan kay Bondye a sou fòs bon entansyon inyoran yo, epi fini nan fè dispozisyon Bondye a fache. Moun yo pote fason yo sèvi ofisyèl ak chèf yo nan kay Bondye a epi yo eseye mete yo ann aplikasyon pou gran mèsi, yo panse yo ka aplike isit la san jefò. Yo pa janm imajine, Bondye pa gen dispozisyon yon ti mouton, men dispozisyon yon lyon. Se poutètsa, moun ki asosye ak Bondye pou premye fwa yo pa kapab kominike avèk Li, paske kè Bondye pa menm jan ak kè lòm. Se sèlman apre w fin konprann anpil verite ou ka kontinye vin konnen Bondye. Konesans sa a pa fèt ak pawòl ak doktrin, men li ka itilize tankou yon trezò pou antre nan konfidans sere avèk Bondye, epi kòm prèv Li pran plezi nan ou. Si w manke reyalite konesans epi w pa ekipe ak verite a, lè sa a sèvis pasyone w la ka sèlman pote sou ou repiyans ak degoutans Bondye. Depi kounye a ou ta dwe kalkile kwayans nan Bondye pa ditou tankou etid teyoloji!

Menmsi pawòl Mwen itilize pou M avèti n yo kout, tout sa Mwen dekri yo se sa ki pi manke nan nou. Nou dwe konnen sa Mwen pale kounye a se nan sousi pou travay final Mwen an nan mitan lòm, nan sousi pou detèmine fen lòm. Mwen pa swete fè plis travay ki pa sèvi anyen, ni Mwen pa swete kontinye gide moun sa yo ki san espwa tankou bwa pouri, e ankò mwens pou kontinye dirije moun kap nouri move entansyon yo an kachèt. Petèt yon jou nou pral konprann entansyon ki serye dèyè pawòl Mwen yo ak kontribisyon Mwen te fè pou limanite. Petèt yon jou nou pral sezi mesaj la ki fè nou kapab deside pwòp fen nou.