Deklarasyon kris nan kòmansman—Chapit 1
Louwanj vin jwenn Siyon epi kote Bondye rete a parèt. Non sen glorifye a, non tout pèp ap fè lwanj pou li a, pwopaje. A, Bondye ki gen tout pouvwa a! Chèf kreyasyon an, Kris dènye jou yo—Li se Solèy k ap klere ki leve sou Mòn Siyon an, k ap domine an majeste ak grandè sou tout kreyasyon an.
Bondye ki gen tout pouvwa a! Nou rele Ou ak anpil kè kontan; nou danse epi nou chante. Se Ou menm ki redanmtè nou tout bon vre, gran Wa kreyasyon an! Ou fè yon gwoup venkè epi ou akonpli plan jesyon Bondye a. Tout pèp yo ap rasanble an foul sou montay sa a. Tout pèp yo gen pou mete agenou devan twòn nan! Se Ou menm sèl ki Bondye tout bon epi Ou merite glwa ak lonè. Tout glwa, louwanj, ak otorite se pou twòn nan! Sous lavi a koule soti nan twòn nan, li wouze epi li bay tout foul moun Bondye yo manje. Lavi a chanje chak jou; nouvo limyè ak revelasyon suiv nou, ofri nou nouvèl pèspektiv sou Bondye san rete. Nan mitan eksperyans yo, nou rive gen sètitid konplè sou Bondye. Pawòl li toujou parèt aklè, parèt aklè nan moun ki dwat yo. Nou si tèlman beni! Rankontre Bondye fasafas chak jou, kominike ak Bondye nan tout bagay, epi bay Bondye otorite sou tout bagay. Nou medite sou pawòl Bondye ak swen, kè nou rete trankil nan Bondye, alò nou vin devan Bondye, kote nou resevwa limyè Li. Chak jou, nan lavi nou, aksyon nou, pawòl nou, panse nou, ak lide nou, nou viv nan pawòl Bondye, nou an mezi fè distenksyon nan tout sikonstans. Pawòl Bondye gide fil la nan eguiy la; sanzatann, bagay ki kache anndan nou parèt aklè, youn apre lòt. Kominyon ak Bondye pa ka tann; Bondye fè panse nou ak lide nou parèt aklè. Chak moman n ap viv devan fòtèy Kris kote nou sibi jijman. Satan kontinye okipe tout kote nan kò nou. Jodi a, pou n rejwenn souvrènte Bondye, tanp Li dwe netwaye. Nou dwe angaje nou nan yon lit pou lavi ou lanmò pou n ka tounen byen Bondye nèt. Se sèlman lè ansyen moun nou te ye avan an krisifye, lavi resisite Kris la ka renye ak otorite.
Kounye a Sentespri a monte yon chaj nan chak kwen nou yo pou batay pou reklamasyon nou! Toutotan nou pare pou n renonse ak tèt nou epi dispoze pou kolabore ak Bondye, se sèten Bondye ap oryante nou epi pirifye kè nou nan tout sikonstans, epi reprann sa Satan te okipe, pou Bondye ka rann nou konplè pi vit posib. Pa gaspiye tan—viv chak moman nan Pawòl Bondye. Edifye ak sen yo, antre nan wayòm nan epi antre nan laglwa ansanm ak Bondye.
