Chapit 5

Mòn ak rivyè yo chanje, dlo yo koule nan wout yo, epi lavi lòm pa dire menm jan ak tè a avèk syèl la. Se sèlman Bondye ki gen tout pouvwa a ki se lavi etènèl epi resisite, ki kontinye jenerasyon aprè jenerasyon, pou tout tan! Tout bagay ak tout evènman nan men Li, epi Satan anba pye Li.

Jodi a, se avèk chwa predestine Bondye ke Li deliver nou anba pouvwa Satan. Li se Redanmtè nou tout bon vre. An reyalite, lavi etènèl epi resite Kris la te fòme anndan nou, epi li te chwazi nou pou nou konekte ak lavi Bondye a, pou nou kapab vin fas a fas avèk Li, pou nou ka manke Li, bwè Li, epi jwi Li. Sa se ofrann konpatisan Bondye te fè avèk pri san ki soti nan kè Li.

Sezon yo vini epi yo ale, yo pase atravè van ak glas, yo rankontre ak tèlman anpil nan soufrans, pèskekisyon, ak tribilasyon lavi a, tèlman anpil nan refi ak kalomni nan mond lan, tèlman anpil nan fo akizasyon gouvènman yo, poutan ni lafwa Bondye ni desizyon Li pa diminye yon ti kras. Pandan Li angaje Li avèk tout kè Li ak volonte Bondye, ak jesyon epi ak plan Bondye yo, pou yo ka akonpli, Li bay pwòp vi Li. Pou tout miltitid pèp Li a, Li pa epanye pyès doulè, epi Li nouri epi aroze yo avèk swen. Kèlke swa jan nou manke konnen, oswa jan nou difisil, nou dwe sèlman soumèt devan Li, epi lavi resisite Kris la ap chanje nati nou te genyen anvan an…. Pou tout pitit gason premye ne say o, L ap travay san kanpe, san manje ni repo. Konbyen jou ak nwit, atravè konbyen gwo solèy cho ak fredi entans, L ap veye sou Siyon avèk tout kè Li.

Mond lan, demè, travay ak tout bagay, li renonse ak tout, ak kè kontan, byen dispoze, epi jwisans mond lan pa gen anyen pou wè avèk Li…. Pawòl ki sot nan bouch Li frape anndan nou, epi yo ekspoze bagay ki kache nan fon kè nou. Kòman nou ka fè pa konvenk? Chak fraz ki soti nan bouch Li ka vin reyalite nan nou menm nenpòt lè. Kèlke swa sa nou fè, nan prezans Li oswa an sekrè, pa gen anyen Li pa konnen, pa gen anyen li pa konprann. Tout bagay ap parèt a klè devan Li an reyalite, malgre plan ak aranjman nou yo.

Chita devan Li, santi lajwa nan lespri nou, alèze pi trankil, poutan nou toujou santi nou vide pi nou vrèman gen dèt anvè Bondye: sa se yon mèvèy enpansab ak enposib pou reyalize. Sentespri a sifi pou pwouve Bondye ki gen tout pouvwa a se sèl vrè Dye a! Se yon prèv moun pa ka nye! Nou menm nan group sa a beni abondaman! Si se pa pou gras ak konpasyon Bondye, nou te ka sèlman ale nan pèdisyon epi swiv Satan. Se sèlman Bondye ki gen tout pouvwa a ki ka sove nou!

Ha! Bondye ki gen tout pouvwa a, Bondye pratik la! Se Ou menm ki te ouvè zye espirityèl nou yo, ki pèmèt nou kotanple mistè mond espirityèl la. Posiblite wayòm nan san limit. An nou ap veye pandan n ap tann. Jou a pa ka twò lwen.

Flanm dife lagè yo ap ajite, lafimen gwo zam yo ranpli lespas la, tanperati a vin cho, klima a chanje, yon kontajyon pral gaye, epi moun p ap gen lòt chwa ke mouri, sans pyès espwa pou yo viv.

Ha! Bondye ki gen tout pouvwa a, Bondye pratik la! Ou se fòterès inatakab nou an. Ou se refij nou. Nou kache anba zèl Ou, epi kalamite pa ka atenn nou. Sa se pwoteksyon ak swen diven Ou.

Nou tout leve vwa nou pou nou chante; nou chante nan louwanj, epi son louwanj nou rezone nan tout Sion! Bondye ki gen tout pouvwa a, Bondye pratik la, te prepare destinasyon gloriye sa pou nou. Rete vijilan—o, rete ap veye! Jiskaprezan, li pa janm twò ta.