Շատերն են կանչված, բայց քչերն են ընտրված

Երկրի վրա ես շատերին եմ փնտրել՝ Իմ հետևորդները լինելու համար։ Այս բոլոր հետևորդների մեջ կան այնպիսիք, ովքեր ծառայում են որպես քահանաներ, ովքեր առաջնորդում են, ովքեր Աստծու որդիներն են, ովքեր Աստծու ժողովուրդն են, և ովքեր ծառայություն են մատուցում։ Ես նրանց դասակարգում եմ Իմ հանդեպ ցուցաբերած հավատարմության հիման վրա։ Երբ բոլորը դասավորված լինեն ըստ իրենց տեսակի, այսինքն, երբ բացահայտվի յուրաքանչյուր տեսակի մարդու բնությունը, ես նրանցից յուրաքանչյուրին կխմբավորեմ իր օրինական կարգում և յուրաքանչյուր տեսակի իր համապատասխան տեղում կդնեմ՝ մարդկանց փրկելու Իմ նպատակին հասնելու համար։ Ում Ես ցանկանում եմ փրկել, խմբերով կանչում եմ Իմ տուն և ապա՝ բոլորին ստիպում ընդունել վերջին օրերի Իմ գործը։ Միևնույն ժամանակ ես նրանց դասակարգում եմ ըստ տեսակի, այնուհետև պարգևատրում կամ պատժում եմ յուրաքանչյուր մարդու՝ հիմնվելով նրանց գործողությունների վրա։ Սրանք են այն քայլերը, որոնք կազմում են Իմ գործը։

Այսօր Ես ապրում եմ երկրի վրա, և Ես ապրում եմ մարդկանց միջավայրում։ Մարդիկ փորձառաբար ապրում են Իմ գործը և հետևում Իմ խոսքերին, և դրա հետ մեկտեղ Ես Իմ հետևորդներից յուրաքանչյուրին շնորհում եմ բոլոր ճշմարտությունները, որպեսզի նրանք կյանք ստանան Ինձնից և այդպիսով՝ ձեռք բերեն հետևելու ուղին։ Քանի որ Ես Աստված եմ՝ կյանք Շնորհողը։ Երկար տարիների Իմ աշխատանքի ընթացքում մարդիկ շատ բաներ են ձեռք բերել և շատ բաներից են հրաժարվել, բայց Ես դեռ ասում եմ, որ նրանք իրականում չեն հավատում Ինձ։ Որովհետև մարդիկ պարզապես իրենց բերանով ընդունում են, որ Ես Աստված եմ, բայց համաձայն չեն Իմ արտահայտած ճշմարտությունների հետ և, ավելին, չեն կիրառում այն ճշմարտությունները, որոնք Ես պահանջում եմ իրենցից։ Այսինքն՝ մարդիկ ընդունում են միայն Աստծու գոյությունը, բայց ոչ ճշմարտության գոյությունը. մարդիկ ընդունում են միայն Աստծու գոյությունը, բայց ոչ կյանքի գոյությունը. մարդիկ ընդունում են միայն Աստծու անունը, բայց ոչ Նրա էությունը։ Ես նողկում եմ նրանցից իրենց նախանձախնդրության համար, որովհետև նրանք միայն գեղեցիկ հնչող խոսքեր են օգտագործում՝ Ինձ խաբելու համար, և նրանցից ոչ մեկը ճշմարիտ սրտով չի երկրպագում Ինձ։ Ձեր խոսքերը պարունակում են նենգի գայթակղությունը, և դրանք ծայրահեղ ամբարտավան են՝ հրեշտակապետի իսկական արտահայտություն։ Ավելին՝ ձեր արարքները մաշված են և խայտառակության աստիճանի պատառոտված, և ձեր չափազանց մեծ ցանկություններն ու ագահ մտադրություններն ականջին վիրավորական են հնչում։ Դուք բոլորդ ցեցեր եք դարձել Իմ տանը, առարկաներ, որոնք Ես արհամարհանքով մերժում եմ։ Որովհետև ձեզնից ոչ մեկը չի սիրում ճշմարտությունը. փոխարենը դուք կցանկանայիք օրհնվել, երկինք բարձրանալ, Քրիստոսի՝ երկրի վրա ուժ գործադրելու փառահեղ տեսիլին հայել։ Բայց երբևէ մտածե՞լ եք, թե ինչպես կարող է ձեզ պես մեկը՝ խորապես ապականված մեկը, ով պատկերացում չունի, թե ինչ է Աստված, արժանի լինել Աստծուն հետևելուն։ Ինչպե՞ս կարող եք երկինք բարձրանալ։ Ինչպե՞ս կարող եք այդ աննախադեպ փառահեղ տեսիլի գեղեցիկ տեսարանին հայելուն արժանի լինել։ Ձեր բերանները լի են Ինձ խաբող խոսքերով, կեղտոտ, Ինձ դավաճանող և ամբարտավանության խոսքերով։ Դուք Ինձ երբեք չեք ասել անկեղծության խոսքեր, ոչ էլ սրբացված, Իմ խոսքը փորձառաբար ապրելու և Ինձ հնազանդվելու խոսքեր։ Ի վերջո, ինչպիսի՞ն է ձեր հավատքը։ Ձեր սրտերում միայն ցանկություն և փող կա, իսկ ձեր մտքերում՝ միայն նյութական բաներ։ Ամեն օր դուք հաշվարկում եք, թե ինչպես Ինձնից ինչ-որ բան ստանաք։ Ամեն օր հաշվում եք, թե որքան հարստություն և որքան նյութական բաներ եք ձեռք բերել Ինձնից։ Ամեն օր սպասում եք, որ ձեզ վրա ավելի ու ավելի շատ օրհնություններ գան, որպեսզի դուք վայելեք ավելի շատ, ավելի բարձր բաներ, որոնք կարելի է վայելել։ Ամեն պահ ձեր մտքերում ո՛չ Ես եմ, ո՛չ էլ ճշմարտությունը, որը գալիս է Ինձնից, այլ ձերամուսինները կամ կանայք, ձեր երեխաները և այն, ինչ ուտում և հագնում եք։ Դուք մտածում եք, թե ինչպես կարող եք ավելի լավ, ավելի բարձր հաճույք ստանալ։ Բայց նույնիսկ եթե դուք ձեր ստամոքսը պայթելու չափ լցնեք, մի՞թե դեռ պարզապես դիակ եք։ Եթե նույնիսկ զարդարվում եք այդպիսի գեղեցիկ հագուստով, մի՞թե դեռ պարզապես քայլող դիակ եք՝ զուրկ կենսունակությունից։ Դուք այնքան եք աշխատում հանուն ձեր ստամոքսի, որ ձեր մազերը ճերմակում են, բայց ձեզնից ոչ ոք ոչ մի մազ չի զոհաբերում Իմ գործի համար։ Դուք մշտապես շտապում եք՝ հոգնեցնելով ձեր մարմինները ու ծանրաբեռնելով ձեր ուղեղը՝ հանուն ձեր սեփական մսեղիի, ձեր որդիների ու դուստրերի, բայց ձեզնից ոչ ոք անհանգստություն կամ մտահոգություն չի ցուցաբերում Իմ մտադրությունների համար։ Ի՞նչ եք դեռ ակնկալում ստանալ Ինձնից։

Երբ աշխատում եմ, Ես երբեք չեմ շտապում։ Անկախ այն բանից, թե ինչպես են մարդիկ հետևում Ինձ, Ես Իմ գործն անում եմ՝ համաձայն Իմ սեփական քայլերի և Իմ սեփական ծրագրի։ Հետևաբար, չնայած դուք այդքան ապստամբ եք Իմ դեմ, Ես դեռևս անդադար աշխատում եմ և շարունակում եմ խոսել այն խոսքերը, որոնք մտադիր եմ խոսել։ Ես Իմ տուն կանչում եմ նրանց, ում նախասահմանել եմ, որպեսզի նրանք Իմ խոսքերը լսողներ լինեն։ Այնուհետև, բոլոր նրանց, ովքեր ենթարկվում են Իմ խոսքերին, ովքեր ծարավ են Իմ խոսքերին, Ես բերում եմ Իմ գահի առջև. բոլոր նրանց, ովքեր դավաճանում են Իմ խոսքերին, ովքեր չեն հնազանդվում կամ չեն ենթարկվում Ինձ և բացահայտորեն դիմադրում են Ինձ, Ես մի կողմ եմ նետում, որ սպասեն իրենց վերջնական պատժին։ Մարդիկ բոլորն ապրում են ապականության մեջ և չարի ձեռքի տակ, և այդ պատճառով Ինձ հետևողներից քչերն են փափագում ճշմարտությունը։ Այսինքն՝ մեծամասնությունն իրականում չի երկրպագում Ինձ. նրանք Ինձ ճշմարտացի կերպով չեն երկրպագում, այլ փորձում են Իմ վստահությունը շահել ապականության և ապստամբության միջոցով՝ խորամանկ միջոցներով։ Ահա թե ինչու եմ ասում. Շատերն են կանչված, բայց քչերն են ընտրված։ Նրանք, ովքեր կանչված են, բոլորը խորապես ապականված են, և բոլորն ապրում են նույն դարաշրջանում, բայց ընտրվածները նրանց մի մասն են միայն, նրանք են, ովքեր հավատում և ընդունում են ճշմարտությունը, և ովքեր կիրարկում են ճշմարտությունը։ Այս մարդիկ ամբողջի միայն շատ փոքր մասն են, և նրանց միջից Ես ավելի շատ փառք կստանամ։ Այս խոսքերի համեմատ՝ գիտե՞ք արդյոք՝ դուք ընտրյալների մեջ եք, թե ոչ։ Ինչպիսի՞ն կլինի ձեր վախճանը։

Ինչպես ասացի, Ինձ հետևողները շատ են, բայց Ինձ իսկապես սիրողները՝ քիչ։ Գուցե ոմանք ասեն. «Մի՞թե ես այդքան մեծ գին վճարած կլինեի, եթե չսիրեի Քեզ։ Մի՞թե ես հետևած կլինեի մինչ այստեղ, եթե չսիրեի Քեզ։ Համաձայն եմ, դու շատ պատճառներ ունես, և քո սերը շատ մեծ է, բայց որտե՞ղ է Իմ հանդեպ քո սիրո էությունը։ Այսպես կոչված «սերը» մաքուր և անբասիր կապվածությանն է վերաբերում, որտեղ քո սիրտն օգտագործում ես սիրելու, զգալու և ուշադիր լինելու համար։ Սիրո մեջ չկան պայմաններ, արգելքներ և հեռավորություն։ Սիրո մեջ չկա կասկած, խաբեություն և խորամանկություն։ Սիրո մեջ չկան գործարքներ, և բացարձակապես չկան կեղծիքներ։ Եթե դու սեր ունես, չես խաբի, չես բողոքի, չես դավաճանի, չես ապստամբի, չես պահանջի կամ չես փնտրի ինչ-որ բան ձեռք բերել կամ որոշակի չափով ինչ-որ բան ձեռք բերել։ Եթե դու սեր ունես, ուրախությամբ կնվիրաբերվես և ուրախությամբ զրկանքներ կկրես, համատեղելի կլինես Ինձ հետ և Ինձ համար կհրաժարվես այն ամենից, ինչ ունես՝ թողնելով ընտանիքդ, հեռանկարներդ, երիտասարդությունդ և ամուսնությունդ։ Հակառակ դեպքում քո սերն ընդհանրապես սե՛ր չէր լինի, այլ խաբեություն և դավաճանություն կլիներ։ Ինչպիսի՞ն է քո սերը։ Իսկակա՞ն սեր է, թե՞ կեղծ։ Որքա՞ն ես հրաժարվել։ Որքա՞ն ես զոհաբերել։ Որքա՞ն սեր եմ Ես քեզնից ստացել։ Գիտե՞ս։ Ձեր սրտերը լցված են չարությամբ, դավաճանությամբ և խաբեությամբ, ուստի, ձեր սիրո մեջ որքա՞ն անմաքրություն կա։ Դուք կարծում եք, թե արդեն բավականաչափ բաներից հրաժարվել եք Ինձ համար. դուք կարծում եք, թե ձեր սերն Իմ հանդեպ արդեն բավարար է։ Բայց այդ դեպքում ինչո՞ւ են ձեր խոսքերն ու գործողությունները միշտ ապստամբություն և խաբեություն պարունակում։ Դուք հետևում եք Ինձ, բայց չեք ընդունում Իմ խոսքը։ Սա սե՞ր է։ Դուք հետևում եք Ինձ, սակայն չեք ընդունում Իմ խոսքը։ Սա սե՞ր է։ Դուք հետևում եք Ինձ, բայց հետո մերժում եք Ինձ։ Սա սե՞ր է։ Դուք հետևում եք Ինձ, բայց չեք վստահում Ինձ։ Սա սե՞ր է։ Դուք հետևում եք Ինձ, բայց չեք կարող ընդունել Իմ գոյությունը։ Սա սե՞ր է։ Դուք հետևում եք Ինձ, բայց չեք վերաբերվում Ինձ այնպես, ինչպես Ինձ վայել է, և ամեն քայլափոխի դժվարություններ եք ստեղծում Ինձ համար։ Սա սե՞ր է։ Դուք հետևում եք Ինձ, բայց փորձում եք հիմարացնել Ինձ և խաբել Ինձ ամեն հարցում։ Սա սե՞ր է։ Դուք ծառայում եք Ինձ, բայց չեք երկյուղում Ինձնից։ Սա սե՞ր է։ Դուք դիմադրում եք Ինձ բոլոր առումներով և ամեն ինչում։ Սրանցից որևէ մեկը սե՞ր է։ Ճիշտ է, դուք շատ եք նվիրաբերել, բայց երբեք չեք կիրարկել այն, ինչ Ես պահանջում եմ ձեզնից։ Սա կարո՞ղ է սեր լինել։ Ուշադիր հաշվարկը ցույց է տալիս, որ դուք Ինձ համար սիրո ոչ մի նշույլ չունեք։ Այսքան տարիների աշխատանքից և Իմ տված բազմաթիվ խոսքերից հետո իրականում որքա՞ն եք ձեռք բերել։ Մի՞թե սա զգուշորեն հետհայացք գցելու արժանի չէ։ Ես ձեզ հորդորում եմ. նրանք, ում Ես կանչում եմ Ինձ մոտ, այն մարդիկ չեն, ովքեր երբեք չեն ապականվել. ավելի շուտ, նրանք, ում Ես ընտրում եմ, մարդիկ են, ովքեր իսկապես սիրում են Ինձ։ Հետևաբար դուք պետք է զգոն լինեք ձեր խոսքերում և արարքներում և քննեք ձեր մտադրություններն ու մտքերը, որպեսզի դրանք չանցնեն սահմանը։ Վերջին օրերի ժամանակ արեք առավելագույնը՝ ձեր սերն Իմ առջև զոհաբերելու համար, այլապես Իմ զայրույթը երբեք չի հեռանա ձեզնից։