თავი 64

ჩემი სიტყვები უკუღმართად არ უნდა გაიგოთ; ისინი ყველა ასპექტიდან უნდა გესმოდეთ და, მით უმეტეს, ხშირად უნდა დაფიქრდეთ და არაერთხელ იმსჯელოთ მათზე — არა მხოლოდ ერთი დღით ან ღამით. თქვენ არ იცით, რაში მდგომარეობს ჩემი განზრახვები ან რა ასპექტებში მაქვს საკუთარი გულის სისხლი გაღებული; როგორ შეგიძლიათ ჩემი განზრახვების გათვალისწინება? აი, ასეთები ხართ ადამიანები — სრულიად უუნარონი, ჩაუღრმავდეთ დეტალებს, ყურადღებას მხოლოდ ზედაპირზე ამახვილებთ და მხოლოდ მიბაძვა შეგიძლიათ. როგორ შეიძლება, ამას სულიერება ეწოდოს? ეს მხოლოდ ადამიანის ენთუზიაზმია; ეს არის ის, რასაც მე არ ვიწონებ და, უფრო მეტიც, რაც მძულს. მე შენ ამას გეტყვი: ყოველივე, რაც მძულს, უნდა აღმოიფხვრას უნდა დარჩეს, რათა გამოიწრთოს უბედურების შუაგულში და უნდა გამოსცადოს ჩემი წვა და განკითხვა. წინააღმდეგ შემთხვევაში, ადამიანებს არ ეცოდინებათ, რას ნიშნავს შიში, და ასეთი უზნეონი იქნებიან; ისინი მუდამ ადამიანური თვალით შემხედავენ მე — ასეთი უგუნურები არიან! სატანის იდეებისგან გათავისუფლების საუკეთესო გზა ჩემთან დაახლოება და თანაზიარებაა. მინდა, რომ ყველამ ამ წესის შესაბამისად იმოქმედოთ, რათა თავიდან აიცილოთ განსჯა და ზარალის განცდა თქვენს ცხოვრებაში.

ადამიანებთან ურთიერთობა ძალიან რთულია, ისინი მუდამ შებოჭილები არიან გარეშე ადამიანებისაგან, მოვლენებისა და საგნებისგან, ისევე როგორც საკუთარი წარმოდგენებისაგან. შედეგად, მათ არ შეუძლიათ ჩემთვის კარგი მოწმობა და არც ძალიან კარგად თანამშრომლობა. მე მუდმივად გიჭერთ მხარს და გზრდით, თუმცა თქვენ უბრალოდ არ შეგიძლიათ, მაქსიმალურად ეცადოთ ჩემთან თანამშრომლობას. ყოველივე ეს საკმარისად აჩვენებს, რომ თქვენ არ გესმით ჩემი. როდესაც დადგება დრო — როდესაც აღარ გექნებათ ჩემს შესახებ არანაირი ეჭვები — ვერავინ შეძლებს, ხელი შეგიშალოს ჭეშმარიტი გზით სიარულში და ვერანაირი ადამიანური წარმოდგენა ვერ შეგბოჭავს. რატომ ვამბობ ამას? ნამდვილად გესმის ჩემი გამონათქვამების მნიშვნელობა? თქვენ მხოლოდ მაშინ მოიპოვებთ მცირე გაგებას, როდესაც ასეთ სიტყვებს განვმარტავ. ადამიანები უბრალოდ ასეთი სულელები და გონებაშეზღუდულნი არიან. მხოლოდ მაშინ იწყებენ მცირედი ტკივილის შეგრძნებას, როდესაც ნემსი ძვალს ხვდება. ესე იგი, როდესაც ჩემი სიტყვები შენი ავადმყოფობის წყაროზე მიუთითებენ, მხოლოდ მაშინ ხარ სრულად დარწმუნებული. მიუხედავად ამისა, ხანდახან კვლავ არ გსურთ ჩემი სიტყვების პრაქტიკაში განხორციელება ან საკუთარი თავის შეცნობა. ამ ეტაპზე, კვლავ რატომ ვერ მიმხვდარხართ, რამდენად რთულია ადამიანებთან გამკლავება? ნუთუ ჩემი სიტყვები საკმარისად ცხადი ან გამჭვირვალე არ არის? მე მინდა, რომ ითანამშრომლოთ ჩემთან, როგორც გულწრფელად, ისე სერიოზულად; მიუხედავად იმისა, ამბობ თუ არა რაიმე სასიამოვნო სიტყვებს, მანამ, სანამ გსურს, რომ ითანამშრომლო ჩემთან და შეგიძლია გულწრფელად თაყვანი მცე მე, ჩემი დაცვის ქვეშ მოექცევი. მაშინაც კი, თუ ასეთი ადამიანი ძალიან უმეცარია, მე ნათელს მოვფენ მას, რათა მათ შეძლონ უმეცრების განდევნა. ეს იმიტომ, რომ ჩემი ქმედებები აუცილებლად შეესაბამება ჩემს სიტყვებს; მე ვარ ყოვლისშემძლე ღმერთი, რომელიც ასრულებს თავის სიტყვას.

მე დაუყოვნებლივ გავუმჟღავნებ ჩემს განზრახვებს ეკლესიებსა და ყველა პირმშო ძეს და აღარასდროს იქნება არაფერი დაფარული, რადგან დადგა დღე, როდესაც ყველაფერი გაცხადებულია. ესე იგი, სიტყვა „დაფარული“ამიერიდან აღარ გამოიყენება, მით უმეტეს, არაფერი დაფარული აღარ იარსებებს. ყველა დაფარული ხალხი, მოვლენა და საგანი უთუოდ სათითაოდ გამოაშკარავდება. მე ვარ ბრძენი ღმერთი, რომელიც ფლობს სრულ ხელმწიფებას. ყველა მოვლენა, საგანი და ცალკეული ადამიანი ჩემს ხელშია. მე ვდგამ ნაბიჯებს მათ გამოსავლენად და ყველას სათითაოდ, წესისამებრ გამოვავლენ. რაც შეეხება ნებისმიერს, ვინც ბედავს ჩემთან მლიქვნელობას ან ცდილობს ჩემგან რაიმეს დამალვას, უზრუნველვყოფ, რომ ისინი აღარასდროს წამოდგნენ. მე ვიმოქმედებ ამგვარად, რათა ეს ყველაფერი თვალსაჩინო იყოს თქვენთვის. კარგად დააკვირდით! გულის სისხლი, რომელიც გავიღე, ფუჭი არ იქნება; ის გამოიღებს ნაყოფს. ვინც არ დამიჯერებს ან არ დამემორჩილება, დაუყოვნებლივ მიიღებს ჩემს განკითხვას. კიდევ ვინ ბედავს ჩემს წინააღმდეგ წასვლას? თქვენ ყველანი მე უნდა მემორჩილებოდეთ. ამას გეტყვი: ყველაფერი, რასაც ვამბობ და ვაკეთებ, ჩემი ყოველი ნაბიჯი და იდეა, აზრი და ჩანაფიქრი, რომელიც დღეს მაქვს, ყველაფერი სწორია; ისინი ადამიანს აბსოლუტურად არ უტოვებენ რაიმე შემდგომი განსჯის საშუალებას. ისევ და ისევ, რატომ გეუბნებით, რომ ყველაფერი, რაც უნდა გააკეთოთ, არის მიყოლა და რომ არ არის საჭირო ამაზე მეტად ფიქრი? სწორედ ამ მიზეზით. კიდევ გჭირდებათ ამის განმარტება ჩემგან?

თქვენი წარმოდგენები გბოჭავთ თქვენ, თუმცა არ ფიქრობთ, რომ ეს იმიტომ ხდება, რომ თავად არ გაგიღიათ ძალისხმევა. სამაგიეროდ, მიზეზებს ჩემში ეძებთ და ამბობთ, რომ მე არ მოგფინე ნათელი. ეს რა საუბარია? თქვენ თავად არ იღებთ პასუხისმგებლობას და მუდამ ჩემთან წუწუნებთ. მე გაფრთხილებ! თუ ასე გააგრძელებთ, განაგრძობთ არაფრის გაღებას, მაშინ განიდევნებით! მთელ დღეს ბევრს იმისთვის არ ვსაუბრობ, რომ დაგაშინოთ. ეს ნამდვილად ფაქტია: ვაკეთებ იმას, რასაც ვამბობ. როდესაც სიტყვები სწყდებიან ჩემს ბაგეებს, ისინი დაუყოვნებლივ იწყებენ აღსრულებას. ადრე სიტყვები, რომლებსაც წარმოვთქვამდი, ნელა სრულდებოდა; თუმცა ახლა საქმეები სხვაგვარადაა და ნელა აღარ მოხდება. გასაგებად რომ ვთქვათ, მე აღარ ვუბიძგებ და აღარ შევაგულიანებ; ამის ნაცვლად, მე გავიწევი და თქვენ გაიძულებთ წინ წასვლას. უფრო ნათლად რომ ვთქვათ, ისინი, ვინც ამას ფეხს აუწყობენ, გააგრძელებენ გზას, ხოლო, ვინც ვერ აუწყობენ ფეხს და ვერ გააგრძელებენ წინსვლას, განიდევნებიან. ადრე ყველანაირად ვცდილობდი, რომ თქვენთან მოთმინებით მესაუბრა, მაგრამ თქვენ უბრალოდ არ მისმენდით. ახლა, როდესაც საქმემ ამ ეტაპამდე მოაღწია, რას იზამთ? მართლა აპირებთ, განაგრძოთ საკუთარი თავის განებივრება? ასეთი ადამიანები ვერ გახდებიან სრულქმნილნი, არამედ უთუოდ ჩემს მიერ განიდევნებიან!