Arnam asai ingdeng kethom kachini henlo Arnam aphan kachini atovar lo

Monit akhei aphan kelangchari asai ke pasonthom angdeng kethakpon do, athema lake monit akhei aphan kapajokji asai ke sonthom angdeng an kethak dokok. Laheihui sonthom angdeng kethakpon along ke pirthe kapinchong asai jokponpe, bonta alar pasonthom angdeng keklem asai ke Aron Akai, Kanghon-Kangjinso Akai lapen Khrist Recho Kepangri Akai. Pirthe kapinchong asai puke monit akhei angton pen kapahache asai henlo. Laso asai ke monit akhei aphan kapajokji pu kali, lapen monit akhei aphan kapajokji asai pen thangnat ta cheraplok ave, athe pirthe kapinchong ahut ke, monit akhei aphan Sobar phangnonepinlang, lapen lasi halaso ahut monit akhei aphan kapajok nangji asai ke klem jokplotlang. Monit akhei aphan kapajok asai keklem kapangchengpon ke monit akhei aphan Sobar phangnodet aphi, lapen lasi monit akhei aphan kelangchari asai tame monit akhei atum henodak aphi si pangchengponlo. Akaprek alam penke, Arnam kisik-kedang monit aphan kecheng angthek ke monit akhei aphan kapajokji asailo, lapen lake pirthe kapinchong asai penle nangkeman kalidet. Lake monit akhei atum kahenodak akun longdet aphi pima kisik-kedang asai nangkedo pangchenglo, lapen lasi monit akhei aphan kelangchari asai along ke sonthom aphar dolo, sonphli angdeng alar ke, mate kai phli alar. Lahenlo si lake kechoklim akronglo Arnam monit akhei aphan kisik-kedangpi pu kejongdam’ime. Kapadusi akai le kanghapponlo pulo tangte, monit akhei aphan kelangchari asai tame angton pen kepajutponlo. Kisik-kedang asai kapajutponlo pu atheke kadokave monit akhei aphan kapajokji asai keklem angton pen kapatanglo, lapen pima monit akhei ke alangtum akedambom kijutsi adim keledamlo. Kadokave monit akhei aphan kapajok asai penpete, monit akhei aphan kelangchari asai tame avedetji, mate kethom angdeng asai tame avedetdundetji. Lake klardak penlo athema monit akhei atum akun kahenodak apotlo, lapen athema monit akhei ke lasonsi kejokji aphan akenangsot dolo, pima Jehovah pirthe kapinchong ingtonkoklo lapen Aron Akai asai si nangpangchengphitlo. Laso pen si monit akhei aphan kelangchari asai chenglo, athe ke pima lason pen anchot si monit akhei aphan kapajokji asai pangchenglo. “Monit akhei aphan kelangchari” pu kipudam ke monit akhei achethe aphan kejapon, akimi kapinchong, pirthe along (lake pulote, monit akhei ke pima tebonta kaphangno tanglo). Tebonta, lake monit akhei atum akejok pen si pima Sobar ke phangno’ilo, athe lake pulote, lasbangso kahenodak monit akhei aphan pachekirlaji pulo. Laso kipudam ke “monit akhei aphan kelangchari” henlo. Monit akhei aphan kapajok asai ke pirthe kapinchong asai cherapdunde, lapen lasi monit akhei aphan kelangchari asai along ke pirthe kapinchong asai ke cherapdunde, bonta alar ke sonthom angdeng asai si dolo pima lahei ke pirthe kapinchong pen akachepreklo. Monit akhei aphan kelangchari pu kachinidamji aphan, lake la sonthom asai angdeng aphurkimo alam kachinidam nangji akenangsotlo – lake kopima anuttin tame kejokji aphan pulote chinidunvek nangpo. Arnam kapinchong api doan ateng pen, nang ke pangthekvek nangji pima monit ke Arnam si kapinchong, lapen nang ke pangthekvek nangji laso monit akhei kehenodak atiti, lapen, anpartame, monit aphan kepajokji asai amokha. Jongsi nangtum le Arnam abe kelongji aphan kethan aron alam ateng pen koson si keklemji chinichotlo, bonta monit akhei aphan koson si Arnam kapajokpon loma puke masapso ta chinine, mate monit akhei kahenodak atiri tame chinine lepute, lake kopima nang Arnam kapinchongtang api ateng pen akadurelo. Nang ke halahei ahok kachinidam pen anchot ke ningchepangsam nangne pima asai keklemji aphan, tebonta Arnam kisik-kedang asai ajam kethepik alam ke kachinidunde si dokok – jongsi lasonlo pulote, nang ke mena si chepathek-chepare ongchotlo. La sonthom asai angdeng heihui ke monit aphan Arnam kisik-kedangpi arlo atomo saidelo, somindar adangpi birta keme apharman nangkeman, kadokave monit akhei along thedung kemanghumeme ason, lapen latum doan ke kecheng anujoklo birta keme kapachethang along. Jongsi nang le kejoike ahok aphuthak chinidamchotlo pima nang kai pen pacherappon si, lapen la thangnat ta kachini ave, kethedung kemanghumeme lapen kelangdammek ason angton pen, tangte nang kai ke kechokchedet ahormu pen kacheprek avelo, kelang’ichot aphan pen anpar ke akeme thangnat avelo kalima?

Jongsi monit le keklem-kedam aphan ansi mathavetchot, lapen Arnam asai lapen monit gian aphuthak ke adunthu si langchotlo, tangte lake masapso alam aphan si ardi pipiklo bontame ansose kenangsot ahormu aphan ke langkranglo kalima? Pima lason ke nang chinivek nangji, nang chinivek nangji; pima kopima nang keklem-kedampon nangji, nang ke laso ateng si klemponvek nangji. Laso pen anchot si nang ke komatma inut kosonsi ahok kiri nangjima pu kachini abanglo. Mo nanglong le birta keme pachethang nangji pu arni nanglerok lote, jongsi nang ke lapuan si ningje thekchot pima Arnam ke thedung lapen kangthirpet a’Arnam, pima Alangli ke kangtangnei a’Arnam, madu kethedung amonit tame pachingbardun un’edet a’Arnam, lapen pima Alangli pen anpar athak ke ajat ta kavedet a’Arnam lo…, jongsi nang le laheihui ale kavedet lapen kapahanchathap alam si ningje thekchotlo tebonta arsikjik akenangsot lapen ajor kedo alam ke kopima ningje thekthedetlo pulo tangte; jongsi nang le Arnam aphan kachini mate Arnam asai aphuthak ajat ta ningje athai avedet, lapen, anapar sitame, ahok alam than thekthe, mate monit along kopi si akadure paklang thekthe, tangte nangson ke inut alang mena adeng cheklem thekthe abanglo. Arnam apharman hakhi kachipi lapen birta keme kapachethang Khrist recho kepangri alongri ke kejoike alam kalidet. Nang aphrangsi ke ahok chepalongdet nangjilang, lapen laso kelangdammek pima chinidamvek nanglang. Nang le laso Arnam asai keprekjam angdeng kelangdammek lapen ahok aphuthak klardaklo pulote, nangning arlo nang Arnam asai aphan chinidunlo, lapen ajat le Arnam klempon tame – lake monit aphan kangthirpet akangsai mate kecham-kangsirpon pu tame – nang ke kecheng anujok along kethenei kelangdammek longdun tanglo, lapen nang ke ahok ateng keklem-kedamji aphan longdun’etlo, lason pen si nang ke mo kijut antame Arnam aphiphi dun thekji. Nang chinivek nangji pima Alangli kopima ajat le klem sitame, Arnam asai keklem akemang ke chelarle, Alangli keklempon aning ke chelarle, lapen Alangli monit aphan ningkehang alam ta chelarle. Alangli lamthe le koanma sodak pu sitame, koanma varmon le pherememe pu sitame, Alangli keklemji pu asai ateng pen ke chelarlelo, lapen Alangli kemangdam monit aphan kapajokji puke chelarlelo. Mate Alangli sai aning chelarle, laso along pima lake monit aphan kijut kepaklangpon asai mate monit atum kemang adim keledam pu kalilang, lapen lake kapadusi angdeng asai ta kalilang, mate Arnam kisik-kedang kemangdam angton pen kapajutlo pu asai ta kalilang, lapen laso along pima lake Alangli monit aphan keklem apor ahutlo. Alangli sai aning ke kaiketa monit akhei aphan kapajok henlo; lahenlo nangtum Arnam aphan kekroi along kecheng anujok peman nangji. Sonthom asai angdeng akemangdam ke kadokave monit akhei aphan kapajokji henlo – lake athe monit aphan choklim pen kapajok Sobar kacheraidet along pen. La sonthom asai angdeng asontin tame adichi lapen akenangsot alam cheprekjam puvoiphit tame, lapen asontin ta kepajok asai keklem cheprekjamlo monit akhei aphan kenangji ateng pen. Nang le ephong tame laheihui sonthom asai angdeng akemang alam chinidunlo, tangte nang ke asontin sonthom asai angdeng keklem akenangsot alam ta kosonsi kachorijima chinipo, lapen ke kosonsi Arnam aninghang ateng pen ningpangsamdunjima tame pangthek thekpo. Nang jongsi laso adim an lelote, tangte lake, kadokave kelangdammek doan pen ketheneipo, nang Arnam aphan kekroi along kecheng anujok chemanpo. Nang ke keklem-kedam joike atovar mate akarnuk ahok aphan anchot ke ridunver nangne, bonta la kelangdammek pen keklem-kedam pachetonnon, laso pen ajok ahok ateng pen asai klem-dam thekponpo lapen laso kelangdammek aphuthak gian tame longpo. Laso pen anchot si nang ke komatma inut angton pen ahok kiri abang manpo.

La sonthom asai angdeng ke Arnam angton pen kisik-kedang aning along si dolo, lapen laso along ke Arnam akun lapen Alangli ke kopima pu tame chethanponlo. Komatmatma Arnam pasonthom asai angdeng keklem aphuthak chinidundedet atum anke kopusonsi Arnam akun kachethanpon tame mathadunkranglo, mate latum ke Arnam asai kethek-kere tame chinidundelo. Latum ke Alangli penang an monit akhei aphan kapajok akrong alam tame kachinidunde si dokoklo, lapen Alangli ningkehang angton monit akhei aphan alam antalo. La sonthom asai angdeng ke monit akhei kapajok asai si plenglim pen paklangponlo. Komatmat ma la sonthom asai angdeng aphuthak chinine atum anke Karjong Kangthir kaprek-kaprek adichi lapen kekroidamvet akeklem asai doan tame chinidundelo, lapen komatmat ma kethan aron alam along anchot si chepachinirlingver pima lake Arnam aphan kethan aron alam ansi kibikok elong angdeng asai along ke’o tekang’et amonit atum saidelo, lapen komatma Arnam aphan akekroi ta keklangrim lapen ningchetheklong kalidet. Lason amonit atum ke Arnam pen kejok longdundeveklo. La sonthom Arnam asai angdeng pen anchot si Arnam akun angton pen plenglim than thekji lapen pachoklim pen Arnam akemangdam monit akhei aphan angton pen kapajokji pu alam than thekji. Lake cheklangdaklo pima Alangli Sobar aphan paremdetlo lapen monit akhei aphan chelonglo; lake Arnam kehai pu cheklangdaklo, lapen ke Arnam angton pen akunlo pu kachethanponlo. Komatmatma la sonthom Arnam asai angdeng angbong pen isi angdeng ansi chinidunchotlo pulote Arnam akun tame ephar ansi chinichotlo. Monit atum kamunthidam ateng pen, lake joike athe laso isi asai angdeng pen tame kethan aron alam pemantheklo, lapen la kacheman pen pima monit atum Arnam aphuthak aron pathik ponpo lapen lake Arnam akun angton pen kachepaklangpon along la isinat aphar Arnam akun pen si enponchotpo. Anpartame, monit atum kahemandam along angdung ke arlo pangvuijam, lason ke pima monit atum akun aphan isivet along si padovetverlo, arpum, lapen Arnam akethek-kere, alson thakthak si Arnam asai keklemvekji pu kachisikdam ateng, kithikvet ahoi angbong si bilo, kroilo pima jongsi Arnam le aphrang lasonthot, tangte Alangli ke doan apor sitame laso atengthot si dopo lapen kaike chelarlelo. Komatmatma la sonthom asai angdeng kachini lapen kachorothek atum anchot si angton lapen choklim pen Arnam aphan chiniji. Akejumnei sita, latum ke Arnam aphan Israel aso a’Arnam puan ke pupelo, mate Jihudi atum, lapen Alangliphan ke komatma monit apharman si thengparpan athak kaike sitame kithinang a’Arnam lo puke langdamdelo. Jongsi Alangli sai isi angdeng pen anchot si Arnam aphan chinidun chotlo, tangte alangtum gian ke masapsovet si dolang, lapen talopi alang imu pen anpar ke akeong ke kalidetlo. Jongsi kali, kopi athe si penang an dhorom aban keraikom atum Arnam aphan thengparpan along akereng le kesakpo? Lake athema monit atum Arnam aphan elong ahoi angbong si bichot apot kalima? Penang an amonit atum Arnam aphan khamkhe lapen Karjong Kangthir asai aphan pasiksakdunlo athema latum ke Arnam asai kacheprekjam lapen angkang kethe’o pu chiinedetlo, lapen, anpar sitame, latum ke Karjong Kangthir asai aphuthak kalakhaji aphan masapso gian lapen kethan aron alam ansi cheparidenglo kalima? Lason amonit atum kephoponlong ke pahanchathap ason puvoiphit tame, latum doan ke ane chepathe lapen cheparoka asema si dolo lapen latum ke Karjong Kangthir asai aphan ardi kave pusi hokponlo, Karjong Kangthir aot-adur keme atheng aphan patepeklo lapen, anpar sitame, masapso aban alamthak pen enpon si “kapatini” Karjong Kangthir asai aphan. Latum ke lason si cheparjanlo, lapen angton pen si alangtum mena kacharli lapen akethek apot si chekroilo, lapen ke latum doan pirthe adang ta humridamthek pusi chekroiponlo. Lason amonit atum ke komatmatma Karjong Kangthir kelangselet lapen ke’otang atumlo, lapen latum ke tangte akimi akai ahut virdetdejima? Tangte komatmatma Arnam angno kevang atum lapen Alangliphan cheklangdak pen khamkhelo ta kachinidunde lapen kethek kaduredet masapso amonit atum, komatma latum doan ke kopuan si kere pu kachepaklangchot atum kalima? Baibel aphuthak kachinidam masapso penchot, latum pirthe “toklang amo” along kengpak chibidunji aphan bor’ilo; kapahanchathap kethan aron alam pen monit aphan bonta thanlo, latum ke Karjong Kangthir asai aphan aphi pachiruithuji si bor’ilo lapen alangtum mena kamathadam akangkang angbong ansi kibiji klemponlo. Latum doan ke amek chechardakdelo, latum ke Arnam ningkan suri throk asai ephongvet pen si kelangji bor’ilo. Laheihui amonit atum along ke thangnat ta kamathadamthek ale kedo jongdam meme avelo! Chenam ta, koanma Arnam aphuthak kachinidam monit atum kethedung, lapuan si latum doan ke Alangli sai kangsaidunji inglenpo. Anpar sitame, latum ke pini arni Arnam asai aphuthak alangtum kachinidam alam ke masapso si ningjechot, bonta latum doan ke alangtum akangsaidam along parsikse. Koanma Arnam aphuthak monit atum kachini kijum, lapuan si latum doan ke kachinidunde lapen mena aphan kethekpik chekrong’ipo lapen koanma latum Arnam abang aphan kachini pu chepaklang – tebonta latum ke kethanchot alam si ningjelo, lapen ke thangnat kechok angthek ave. Lason amonit atum doan ke ajatnon ale kavelo. Komatmat ma Karjong Kangthir asai aphan ke kapathu ason ketheklong atum anke arsikjik ale kedo atum kalilo! Komatmatma Karjong Kangthir akmi asai latum kachetonglong ahut aphan mathaletle atum anke, komatma alangtum angho chinghiphet, kangsai keprapnei atumlo, komatma alangtum mena menmen kamathadamlet aling aphan akejoi pen ajakong pidet si Karjong Kangthir asai akechoklim aphan pakroikredetlo, lapen komatma patherak lapen nongno kejo – tangte lason atum ke man-peng kipi thekthe amonit atumlo pima Karjong Kangthir asai aphan chininelo kalima? Tangte latum ke, anpar tame, ane kachepathepikpik amonit atum, komatma mena aphan cheparokaver lapen kelangchari un’edet amonit kalima? Jongsi mo arnisi lason amonit atum Karjong Kangthir akimi asai aphan kedengdun dolo pu sitame, Arnam ke latum aphan chechakpivekji. Latum ke komatmatma Arnam asai keklempi atum doan aphan kelang langrop anchot ta kali, bonta latum ke Arnam Amethang aphan sitame nongno jothaplo. Lason keletlottot amonit atum aphan ke diya un’edetji, non akai ahut anchot kali mate kevangji akai antalo, lapen latum ke meherang along si kaike aphan virdun nangpo. Lason man-peng kipi thekthedet, keprang angchot amonit atum ke Arnam aphan kekroi ason si klemlo, lapen koanma lasonthot amonit atum keong, lapuan si latum doan ke Arnam kechari aron-atang along pasiksakdunvek atumlo. Kadokave komatmatma ane chepathekloi atum doan ke kekhang un’edet, lapen komatma aphrang pen madu aphan ta kekroikredet, kadokave ta laso atovar le kedam kalima? Latum arni pen arni tame Arnam aphan khamkhelo kalima, Arnam ke pima kaiketa akimiver lapen keban un’edet? Pini arni, nangtum chinivek nangji kopi athe si nangtum Arnam asai la sonthom angdeng akenangsot alam kachinivek nangkoklo. Ne kaningje alamthe doan ke nangtum aphan si ale dolo, lapen lake kangtheidang kethan alam kali. Jongsi nangtum le lahei porhidamchot atheke losei athak ardon si kangplongpon ahut mir heihui aningkedokpon pu ason ke, kadokave Ne keklem kachepaduk thangnat ale avedetji kalima? Nangtum anuttin tame nangtum mena asema chichini nangji. Ongdung nangtum ke lam chethak si thekronglo; kapinchong alam akarju doan kachethak si nangtum ade pen paklerlo, bonta nangtum ardi kedoklong alam aphuthak karjudun kaningjedun ke jat ta avedetlo. Pini arni lethot ta, nangtum nonpu arsikjik ale kave kachingki-chethan along si dolo, nang aban asema doan kachelarji thekthelo, lapen ongdung nangtum ke nang akangtui ahok kelongji aphan akiridam along atovar kachelarji pu akemangdam amat si avelo, bonta alar ke nang kai kerengdun ke ningarongchen pen kalidetlo. Kosonsi lason amonit atum le mo kijutsi arni an Arnam aphiphi kidun thekpo? Jongsi nang mo kijut arni atovar an dun thekdet pu tame, kopi ale si nangtum aphan kedopo? Lason ke nang bidi doan kederdedet aphrangjong chelarthei si kemelo, ahokpet kiridam punon, mate prapjin pen kache’odun putame. Apor kedambom ahut si nang ke bang ajoine pen kereng’idun abang chemandetpo – tangte nangtum lapuanpin akangdei lapen man-peng kavedet adeng cheparjan ponjima?

La sonthom asai angdeng doan ke angton pen Arnam asai kabirtiponlo; lahei doan ke Arnam monit akhei aphan kapajokpon kabirtidun alam saidelo, lapen lahei doan ke mang ben alam kalilo. Jongsi nangtum le ahokpet ninghang Arnam angton akun aphuthak kachiniji aphan ridunji, tangte nang ke Arnam keklempon la sonthom asai angdeng alam chinidunvek nangji, lapen, anpar sitame, nang ke asontin angdeng tame varnolo. Lake akejumneilo pima komatmat si Arnam aphan kachiniji aphan kiri atum doan. Monit amethang ke Arnam aphan ahokpet kachinidam chepinchong thekthe. Lake esonbak kopima monit amethang le kahemandam kalidet, mate lake Karjong Kangthir le inut salajong abangphu aphan keprekjek kelana kedo pu angthek ajoine kali. Tebontame, laso gian ke pima monit atum Arnam asai aphan chomat longdet pen aphi si vanglo, lapen laso Arnam aphuthak kachinidam ke pima Arnam asai ahokpet alam kachomatlongdet aphi ansi vanglo. Laso akachinidam ke menmen mathalet pen ke long un’edetji, lapen mate lake kopine kethanmeji ason ta kalidet. Lake angton pen si methang jongjung kachomatlong ateng si kacherap do. Arnam monit akhei aphan kapajok ke laheihui sonthom asai angdeng atiri along si dolo, tebonta laso kapajok asai angbong along penang an keklem adichi dolo lapen penang an abidi dolo Arnam akun kachepaklangji atovar. Lake kopima monit aphan akesungneilo kapangthekji, lapen lake kopima monit aphan kesungneilo kachinidamji. Akai kacheprek’et pen ajoine, Arnam asai along kacheprek dolo, keklemdam adim tame kachelar dolo, laso asai kelongdun atum tame kachelar dolo, lapen do’olang – laheihui doan kadokave ta sonthom asai angdeng along si dopetlo. Isi langdamvet pulote, Karjong Kangthir keklem asai akrong akacheprek, lason thakthak si Arnam akun, arje, amen, angthek, mate kaprek akacheprek along ta kachelar dolo, kadokave doan ta la sonthom asai angdeng along si dopetlo. Isi asai angdeng ke isi aphar aphan ansi paklang unchotji, lapen lake elong adim angkang ansi dochotlo. Laso along ke akai kachethakjam dodunde, mate Arnam asai kacheprek ave, akaprek ahin tame dure muchotlang. Lake keklardak ahokpet alamlo. La sonthom asai angdeng ke monit akhei aphan Arnam kapajokji angton pen asailo. Monit atum Arnam asai chinivek nangji lapen Arnam akun kepajokji asai keklem along; laso ahaok alam avete, nang Arnam aphan kachinidun kedo ke jat ta kali bonta kangkokvang alamthelo, kephodun longlepin alam pen si kacheparoka pen anpar jat ta kalilo. Lason akachinidam ke monit aphan bai un’e mate parem un’e; lake non ahut kephoji alamlo, lapen lake ahok kali. Lake dopikji lapen nang eno aphan parjumesen tahaiji meme, bonta jongsi lake Arnam kedotang akun pen pachedaikoilo pulote, Arnam nangphan nangdiya un’edetji. Alangli nang akachinidam nangkipudunde anchot ta kalilang, bonta Alangli ke nangphan adai-areng ta en’edetji athe ke komatma Alangliphan nongno kejothap apap klemdet abang puke. Arnam aphan kachini pu alamthe doan ke kaningje joi aretre. Nang lam kaningje paklardakthek lapen abai dokok puvoiphit tame, lapen nang lamthe doan ke reset pima nang ke ake’ik apot ta akelok pemanthek lapen akelok alar ake’ik pemanlo puvoiphit tame, nonpu nang ke Arnam aphuthak kachinidam along pulote nang akarnuk pen angtan si dolang. Arnam ke komatne pima nang langpememe pen kangsaime mate cheparengmesen pen kachoropon, mate mathakrang pen kejongdun abang kali. Nang anuttin lapen abangphutin aphan ta rolo, tebonta nang ke akesung dokoklo Arnam akangthirpet lapen kangjinsothek kethedung aphuthak choklim alamthe pen than pajirmiji longledetlo – lahenlo kopima kerem abangphutin kachichinidamthu alamlo. Penang an lam kaningjethekneinei komatma Arnam aphuthak kethanthek atum dolo puvoiphit tame, kopima latum kethan kapajirmiponthek ke bonta Arnam apharman kedotang amonit atum pharo ahok alam kaningjepon tanglo, monit atum komatma kedorchit alamthe kacheparidenglong anchot sitame, laso aphuthak kethandamji ingchoklong dolo. Lasi lake theklongji pima Arnam aphuthak kachinidam kedo ke kechoklim lapen ahokpet along, lapen ke lamthe ke’enpon kereset mate lamthe kangcho’o apot kalidet, lapen pima monit atum akachinidam lapen Arnam aphuthak kachini heihui ke angton pen si cherapdunde. Arnam aphan kachini akethan ke sonsuri sontham alam pen anpar akangtuilang. Laso akethanpon ke pima masapso aphai atum komatmatma Arnam aphan kachiniji kiri atum anchot si longdunji, lapen komatne kethekpik apot penle kelongdunji kali. Lasi, nangtum Arnam aphan kachini lapen ahok aphan kiridun ke lahei doan ahormu ke pima oso thi’i sitame longthekji pu matha nangne. Chenam si nang ke nang hemtun isi akai along, mate nang kai aphuthak akemangdam along, mate nang choboche akai along ke haidonglo angton pen, bonta ahok aphuthak lapen Arnam aphan kachini akethan along lelo pute, nanglong ke methang aphan jat ta chepaklang move lapen nang ke jat ta longlelang. Ahok ateng asai keklempon along, lake lason pume, nangtum aphan thedung akesunglo, lapen Arnam aphan kachini ke anpar sose akethenei akesunglo. Lake nangtum akesunglo, lapen lake monit akhei angton pen kachetong akesunglo. Komatmatma Arnam aphan kachini akrong along ajahak kelongpon kedo atum, madu tame isi mesen angdeng an ke ledamdepinlang. Monit atum chinine kopima Arnam aphan kachini pu kidudam, mate kopi athe si Arnam aphan kachini nangji akenangsotlo, mate kopuan aphant si do nangji inut bang Arnam aphan kachini longji. Lahenlo kopima monit akhei atum lapuan kamanghuprong kedo, lapen lake chenamsi kethenei kapatar monit akhei atum kachetong ponlo – inutnat tame laso akarju ke thakdun thekthe, mate madu tame laso akarju kethakdunji ninghanghe, athema, pini arni an, inutnat tame monit akhei angbong ke laso asai aphuthak kecharlidam chepa’undet avelang. Anparta, la sonthom asai angdeng kapatar monit akhei aphan pachinidet pen lote, isi kethekser Arnam aphan pima kachini amonit atum asong cheparidengpon nangcheklangpo. Ahoklo, Ne ningthelo pima lasonlo te, lapen, anpar sitame, Ne laso asai keklembom si dolo, lapen lason kethekser amonit atum mohut arni ke ansose kacheklang theklongji si ningchethelo. Latum ke komatmatma laheihui sonthom asai angdeng akechok aphuthak hakhi pidunthekji atum si manpo, lapen, ahoklo, latum ke laheihui sonthom asai angdeng aphuthak hakhi kechodun longcheng atum si chemanpo. Bonta ningrunhup lapen ningoimemeneiji anpar ke jat ta avelo jongsi lason kethekser amonit atum Arnam asai mo kepajut ahut anta nangklangkledet, mate jongsi salajong inut pen banghini atum aphan dengchot si Arnam ok kachepharlotang abang kapachoklim puchotlo. Tebonta, lake ahir kavenei asai si cheklangponpo. Ajat asai le punon sitame, Ne nonpu ningthelo pima komatmat si ahok aphan kiridun atum anke laso ahirjume longpo. Ha kecheng apor ahut pen, lasonthot ke thangnat asai tame klemponpepinlang; lason asai keklempon ke monit atum kachingthur aphurkimo along cheklangklepinlang. Jongsi nang le ahokpet chemandun komatmat ma Arnam aphan kachini kechengsi abang, lake tangte kadokave api angbong aman kangtuinei kalidetjima? Tangte ajat api tame monit akhei angbong ke Arnam ketoi ateng ansoseji kalima? Lason asai kelongji ke kejoike kali, bonta mo kepajutsi ke nong’e athe longji. Alangtum pinso-arloso mate akheitin pu langdamdepin pen, kadokave komatmat si Arnam aninghang aphuthak kachinidam kelongdunthek atum anke, mo kejut ahut, Arnam pen kethedung aman-peng longji, lapen pima Arnam kachepahemphulong kelongdunji atum ke latum anchotlo. Lake pini arni asailo, lapen lahenlo mohut arni asai; lake kejutsilo lapen ke kangtuinei asailo ningkan suri throk keklem asai kapachunponji, lapen laso keklempon akrong ke pima monit doan aphan kethakvet pangdakpo. Monit atum Arnam aphan kapachininang asai pen ajok, cheprekjam monit atum angdeng doan tame paklangpo: Komatmat ma Arnam aphan kachini atum anke Arnam ahirjume kelongdunji athenglo lapen Alangli lamchak heihui dengdunlo, tebonta komatmat si Arnam aphan kachininedet atum anke atheng kalilo Arnam ahirjume kelongji aphan lapen Alangli lamchak heihui dengdelo. Komatmat si Arnam aphan kachini anke Arnam pen chetebokhet atumlo, lapen komatmat si Arnam aphan kachininedet anke Arnam pen kachetebokhet atum pu hok un’elo; Arnam pen chetebokhet atum anke Arnam ahirjume ajat tame longdunpo, bonta komatmat si Alangli pen kachetebokhet atum kalidet anke Alangli asai asontin along ta ale kave atumlo. Lake asat kelang, kangsirpon, mate ado kipi pu sitame, kadokave laheihui ahormu doan ke monit atum Arnam aphan kachinidamji aphan ajoine si padusi ke klemponlo, lapen lasi monit atum Arnam along chehodaiji meme pulo. Lake lahenlo pima kepadusi ke kelongji aphan angthek. La sonthom asai angdeng tame thangnat ta kachepatu ave, lapen lake monit atum Arnam aphan kachinidun along ale asonlo, lapen monit aphan Arnam aphuthak kachinidam along angton lapen arsikjik pen kelongji aphan rapdunlo. Kadokave laso asai ke monit aphan si ale saidelo.

Arnam Amethang asai amat si kelangdammeklo pima monit atum chinidunvek nangji, athe Arnam asai ke monit atum longdun un’e, lapen monit atum cheparideng longle. La sonthom asai angdeng ke Arnam kisik-kedang angton penlo, lapen ladak ke thangnat kethedung kelangdammek ave pima monit atum kachinidamji aphan. Jongsi monit le laso kangtangrak kelangdammek chinine pulote, lake Arnam aphan kachiniji joikekelo, lake Arnam aninghang aphuthak kachiniji joikekelo, lapen, anpar sitame, monit atum kedam akrong ke kesung batbom si manpo. Kelangdammek ave lote, monit ke laso akehelo an nangpale thekthedetji apotlo. Lake laso kelangdammeklo pima monit aphan keraikom pini arni an, lapen monit aphan kethenei keraikom si pajirlo. Mohut arni, nangtum kachinidam parnukvek nangpo, lapen nang ke Alangli ninghang ason angton pen chinidamvek nangpo lapen Alangli kereset asai ardi aphuthak la sonthom asai angdeng angbong chini nangpo. Lapen anchot si nangtum ahokpet aman angdenglo. Kepajutsi asai angdeng along ke inutvet arjapjelo, bonta kedamtang hini angdeng penpen angton cheraprappet si isi chemanlo, lake pima pulote la sonthom asai angdeng angbong pen isi angdeng pen si angton kepajok asai klemlo pulote un’evek chenamlo. Kepajutsi asai angdeng ke monit aphan angton pen pajokpon unlo puvoipit sitame, lake pima lahenlo akenangsotlo laso isi angdeng amethang cheklemdetji pu aphan kali, lapen pima kedamtang hini asai angdeng ke monit aphan Sobar kepangrompon along pen kapajok along nangnedetji lapu kali. La sonthom angdeng angbong pen isinat angdeng sitame pima lahenlo kadokave monit akhei atum kachini nangji kelangdammeklo pu chepangtui un’e, athe kepajok asai angton pen tame la sonthom asai angdeng henlo, latum angbong isinat angdeng kalidet. Kepajok asai pachun longletik anke, Arnam kisik-kedang tame angton pen kapajutpon un’edetpo. Arnam abang arpum, Alangli kun, lapen Alangli kethek-kere doan ta kepajok asai along si angton pen chethanlo; lahei doan ke kecheng ahut monit aphan pangdakde, bonta kepajok asai keklem ahut si pajo pen pangdakponlo. Asontin angdeng kepajok asai along tame Arnam akun epharphar paklangponlo, lapen Alangli arpum aphar antalo; asontin asai angdeng along ke jongdak lapen angton pen Arnam abang arpum aphuthak kethanpon kali. Lason ke, kepajok asai keklem angton pen kangtonponlo puke la sonthom asai angdeng tame patang peme nangjilang, lapen lasi monit atum Arnam aphuthak angton pen kachinidam ke Arnam la sonthom asai angdeng pen ke pachekak un’elo. Kopi si monit atum isi asai angdeng pen kelongdam ke Arnam akun anchotlo pima lake Alangli sai eson aphar pen si paklanglo. Lake pima akun lapen abang arpum mo kejut angdeng aphi mate aphrangjong ahut kepaklangpon pu thanpet un’e. Lake athema monit akhei aphan kepajok asai ke ephongvet akai apor ahut pakenglep pen patangdetji puke un’e, mate elongvet adim along amat, bonta pajo pajo pen monit atum kachingthurpon angdeng cheprekjam apor lapen adim ateng pen si arnukbom manji. Laso asai ke pima angdengtin along si klemlo, lapen lake isinat angdeng penke un’edetji. Lasi, Arnam angton akethek-kere ke sonthom angdeng along si chithinglor pen paklanglo, tebontame isi jongvet angdeng along kali. Alangli angton abang arpum lapen Alangli angton pen kethek-kere doan tame laheihui sonthom angdeng along si jaidaklo, lapen asontin angdeng along ta Alangli arpum dolo, lapen asontin angdeng ta Alangli sai kethek-kere kabirtidun saidelo. Monit atum angton pen Arnam akun laheihui sonthom angdeng along kachethanpon chinidun nangji. Kadokave laso Arnam abang ke kadokave monit akhei atum doan aphan akenangsotneilo, lapen jongsi monit atum le latum Arnam aphan karcho ahut laso kachinidam avedet, tangte latum doan ke komatmat si Buddha aphan karcho atum pen kacheprek avelo. Arnam asai monit angbong keklem ke monit along pen chepatute, lapen kadokave ta komatmat si Arnam aphan karcho atum anke chinivek nangji. Arnam ke la sonthom asai angdeng monit aphan kapajok asai keklemponlo, monit si chinidun nangpo kopi si Alangli kethan loma lapen ke laheihui sonthom asai angdeng keklem ahut. Lahenlo kopima monit atum keklemponvek nangji. Kopisi monit aphan Arnam kachepatu ke pima monit atum kelong un’edetji asonlo, lapen pima monit atum kachini nangnedetji apotlo, tebontame pima monit aphan Arnam kachepaklang ke pima monit atum chinidunvek nnagpo, lapen ke pima monit atum cheparideng nangpo. La sonthom asai angdengtin tame kedamtang angdeng kechengpon anujok ateng si klemlo; lake methang salajong klemponpe, kepajok asai pen akaprek lapu kali. Akai along lapen sai keklem adichi pima thedung kacheprekjam do puvoiphit tame, aklong’et ke nonpu ta monit akhei aphan kapajokji aphan, lapen laso kepajok asai angdengtin tame kedamtang pen arnuk muchotlo. Laso asai angdengtin ta dambomlo kedamtang kecheng atiri pen, lake athe pavir un’elo. Lason pen si, Alangli sai pima kaiketa akimiver lapen ban un’edetlo, Arnam ke Alangli kun kaiketa asontin akacheprek paklang ponbomlo pima la monit aphan aphrang ephong ta paklangklelang, lapen ke kaiketa monit aphan Alangli akimi asai lapen Alangli akimi arpum si chepaklangponlo, lapen aban dhorom raikom atum laso aphan chekhangji bor’ipik puvoiphit tame, lapen cheklangdak pen khamkhelo, Arnam ke kaiketa akimi asai klembom pima Alangli kemang ateng penlo. Alangli sai ke kaiketa chelarponvoi, lapen athema laosn apot si, lake kaiketa monit atum pen kachedaiponkoi chetonglok titilo. Lasi, lasonthotlo, Alangli kun tame aiketa chelarvoilo, Alangli sai kelong atum lapen akai antalo. Anpartame, Alangli ke kaiketa pima aphrang keklemklelang asai si klemponlo, lason asai si klemlo pima monit aphan patheklong ke aphrang keklemtang asai pen akacheprekdak asonlo, kapachedaikoiji aphan. Monit ke esonvet asai aphan ansi deng unchotji, mate esonvet akrong akeklem-kedam, lapen lake monit aphan sungkrunglo asai kedengji aphan, mate keklem-kedam akrong heihui, pima kadokave ta akesunglo, mate ingtuimuchotlo, lahei pen. Bonta Karjong Kangthir ke kaiketa akimi asai si klembom, lapen lasi dhorom aphuthak kethekserser asong pen asong klangbomlo pima Arnam akimi asai kekhamkheji aphan. Laheihui amonit atum ke theksersar si chemanlo athema monit ke kosonsi Arnam ke kaiketa akimiver lapen ban un’edet pu aphuthak kachini ave, lapen Arnam keklemvekji asai kachithik alam tame kachinidun ave, lapen, anpartame, monit aphan Arnam kapajokpon akrong penang an alam tame chinidunde. Lasonsi, monit ke ningjedak thekthe jongsi laso asai ke pima Karjong Kangthir pen si vanglo pulote, lapen, jongsi laso asai ke Arnam Amethang amatol pulote. Penang an amonit atum ke eson akamathadam along si dothipver titi, jongsi kopine alamthe angno kevang kacheton dokok pulote, latum ke dengdet titi, lapen jongsi kedamtang ahut asai pen akacheprekdam dokok, tangte latum khamkhe lapen che’obuppo. Pini arni, nangtum kadokave ta lason kekroidamvet alam along le otthip kalima? La sonthom asai angdeng kepajok along ke nangtum aphan lapuan kethe akephopon jat ta avedet, lapen komatmatma kekroi do pima kedamtang hini asai angdeng ke anghor apot latum thangnat ta chinidundedet ta chokji. Latum mathalo pima laheihui angdeng doan ke mulukpi aphan pangdakdelo lapen ke un’an akeprap pen o’bup si akemepo, laso pen ajok monit atum kedamtang hini angdeng la sonthom asai angdeng angbong pen apot ningchepalut’it’elo. Ongdung atum akekroi ke pima kedamtang hini asai angdeng keklempon athe ke akenhkam pahelo ongchotlo, lapen ke Arnam aphan kachiniji jat avarsai ta ave – pima lake nangtum akamathalo. Pini arni, nangtum kadokave ta kroilo pima lake laso ateng pen keklem ke ahoklo, bonta mo arnisi nnagleji nangtum Ne sai akenangsot alam chichinipo: Chininon pima Ne ke thangnat asai ta klemklelo pima la jongsi ale kavedet anke. Ne ke nangtum aphan la sonthom asai angdeng pangdak’et tanglo, lahei ke nangtum aphan ale ta do’etpo; laheihui sonthom asai angdeng doan ke angton pen Arnam kisik-kedang aning along si dopetlo, lahei ke anuttin somindar adang along kemangdam’e chemanvekpo. Arnisi ke, nangtum kadokave tame laso asai akenangsot alam chichinipo. Chininon pima nangtum Arnam asai khamkhelo, mate nang mena kamunthidam alam pen pini arni asai aphan kalakhadam si enlo, athema nangtum ke Arnam keklemjivek asai kachepathik alam chini dundedetlo, lapen athema nangtum ke Karjong Kangthir asai aphan arsikjik pen endundedetlo. Nangtum ke Arnam abirudhe si dolo lapen Karjong Kangthir asai along kapasiksakdun ke nangtum kamunthidam alam lapen kedolor ane kachepathe pen ajoinelo. Lake athema Arnam asai ke chokchedet apot kali, bonta athema nangtum doan chenam si athikdut kalidet apotlo. Alangtum Arnam aphan kekroi longdet aphi ta, ajahak amonit atum ke monit konat pen si kevang loma pu chethandak thekthelang, tebonta latum ke mulukpi angno Karjong Kangthir asai kechok lapen kechokche aphuthak rat angno lam kethan haibomlang. Latum ke komat si Karjong Kangthir akimi asai kedotang athanbang aphan tame lam thanthulo, akaprek alam si pulo lapen ningjedunthulo; alangtum monit atheng ke ingdeiheklo, lapen latum along masapso tame kemathathek aboi avedetlo. Lason amonit atum doan aphan Karjong Kangthir asai ke’odet ason arni nangleledetjima, lapen meherang ame pen kapachodet ason? Latum ke Arnam asai aphan chininedetlo, bonta Alangli sai aphan jongdunlo, lapen ke kosonsi keklem nangjima Arnam aphan si thanlo. Kosonsi lason aphu plengple amonit atum Arnam aphan kachiniji? Monit Arnam aphan kachini ke kiribom lapen laso ateng keklem chomat longbom ahut; lake kejong kangsirdunthap pen apor kalidet pima monit Arnam aphan kachini ke Karjong Kangthir patheang adak-atur pen apot. Koan ma Arnam aphuthak kachinidam monit atum along kechoklim kedo, lapuan si latum Alangliphan kekhamkhe kijumdam dopo. Laso adular ke, koanma monit atum Arnam aphan kachini kadure, lapuan si latum doan ke Alangliphan kekhamkhe dopo. Nang kamunthidamthap, nang aban asema, lapen nang monit atheng, ot-dur lapen keme kangthir ketheklong doan ke “atirilo” nang Arnam aphan kekhangpon, lapen koanma kaheno, man-peng kave lapen akangdei nang keman, lapuan sose si nang ke Arnam ahutur chemanpo. Komatmatma kangtangkring kamunthidamthap alam cheparidengpon lapen komat si mena si kechoklo pu akun kedo atum anke Arnam ok kachepharlotang abang pen chelangselet ansose batlo; lason amonit atum doan ke kekroikrelang atumlo. Jongsi nang kamunthidamthap alam le chepachokche, tangte latum ke kaiketa Arnam abirudhe si dopo; nang ke Arnam pen chingbarbedet khangjangpo, lapen ke kaiketa Alanglilong pen kachehelo si dopo.

Nang kamunthidamthap aban doan arei chibidet pen anchot si nang akimi gian longdunji, tebonta aban gian ke aban kamunthidam alam pen ajor chetonvek nangji pu aphan kali. “Kamunthidam pen kekroi” pu kipu ke monit le kahemandam ason aphan pima lahei ke nonjong arni pen chetontelo. Jongsi aban gian ke kedamtang aban akai ahut do’etlo lapen monit aphan akimi asai along kapalutdun longji aphan pasanglo, tangte lason gian lethot tame isi kamunthidam akekroilo. Jongsi monit le lason gian aphan kechoklim akrong ponthek lapen ke cheprekjam akrong pen ajok Arnam aphan chinidamlo, aban lapen akimi oangvuipet pen, tangte aban gian ke monit aphan kapame ason si chemanpo, lapen ke kimi akai along monit kilutdun aphan avarsai manpo. Arnam aphan kachinidun akethan nang kenangji ke penang kekroidamvet chepathik alam chepathekpetji aphan: kosonsi Arnam aphan kachiniji atovar kilutdun longji aphan, koloso ahokpet si nang Arnam aphan kachinidunji along kenangvekji doma, lapen kosonsi nang kamunthidamthao akekroi lapen aban asema che’o thekjima laso pen ajok nang tame kadokave Arnam akimi asai kisik-kedang along kachipidundet thekji meme. Jongsi nang le laheihui kekroidam chithikvet alam pen si kecheng anujok enponlo Arnam aphan kachiniji kacharli along, tangte nang kachini gian ke ansose si akarnuk pen anpar akarnuk chemanpo. Nang jongsi la sonthom asai angdeng aphuthak kachinidam klardaklo – lake lason pumelo, Arnam angton kisik-kedang kemangdamlo – lapen jongsi nang le kedamtang hini Arnam keklem asai angdeng pen pachingbarpontheklo non kedobom angdeng pen, lapen lake Arnam si keklem ponlo pu theklonglo, tangte nanglong ke kachingbarbedet kangtangrak kecheng anujok dopo. Inutpet a’Arnam si kedamtang la sonthom asai angdeng tame klemponlo; lake kethenei kelangdammeklo, lapen lahenlo isinat atovarlo Arnam aphan kachiniji. La sonthom asai angdeng ke Arnam Amethang anchot si klempon patang thekchotji, lapen madu amonit ta lason asai Alangli dular ke klem un’e – lake lason si pulo pima Arnam Amethang anchot si Alangli mena asai ha kecheng pen pini an patang thekchotji. La sonthom Arnam asai angdeng tame kaprek kaprek akai lapen adim along si pachun ponlo puvoiphit tame, lapen asontin asai sitame cheprekjam puvoiphit tame, lake kadokave inutpet a’Arnam si klem patanglo. Kadokave kelangdammek doan, lahenlo kethenei kelangdammeklo pima monit atum kachinivek nangji, lapen jongsi monit le la angton pen chinidaklo tangte, alang ke karjap paprapji ta thekpo. Pini arni, kethenei akesung kachetong prekjam adhorom lapen kekroi asong atum ke pima latum Karjong Kangthir asai aphan chininedetlo, lapen ke Karjong Kangthir asai lapen Karjong Kangthir keklem asai kalidet angbong thak thekthedetlo – athema laso pen, kedamtang hini asai angdeng asonthot si, Jehovah Arnam keklemtanglo. Monit atum Arnam aphiphi dunlo pu sitame, ongdung atum ke nonpu ta lake kechoklim atovarlo pu chethan thekthelang. Monit atum kaningri ke laso atovar ke Arnam Amethang si kejapon atovar puloma mate kali, lapen Arnam ok kachepharlotang abang ke ahok kalima kalang, lapen ongdung amonit atum nonpu ta thangnat angthek longle kosonsi lason ahormu aphuthak kelangji aphan. Komatmatma Arnam aphiphi kidun atum anke laso atovar aphan pangthek thekthelo, lapen lasi laheihui amonit atum angbong birta kethanpon doan sitame masapso ansi rodam chotlo, lapen ke angton pen kemesen pu kalidetlo, lapen laso apot si lason amonit atum chethe along kilutdun kesung dokoklo. Jongsi monit le la sonthom asai angdeng pima latum aphan keprekjam apor, keprekjam adim, lapen ke keprekjam amonit atum Arnam Amethang si klempon theklong pu asonte; jongsi monit le pima asai cheprekjam pu sitame theklong, lake kadokave tame inutpet Arnam si klemlo, lapen pima lake inutpet a’Arnam si keklem tangdetlo apot, tangte lake akechokpo lapen kechokche avepinpo, lapen pima monit akamunthidam akekroi pen kacheprek puvoiphit tame, ladak ke kroikre un’elo pima inutpet a’Arnam si sai klemponlo – jongsi monit le chenam ta puthek pima lake inutpet a’Arnam si sai klemlo, tangte monit akamunthidam akekroi doan ke ajor kavenei si man’etpo, kethanji anta ale kaveneilo. Athema monit akelangdammek doan ke klardakde, lapen athema monit ke Jehovah aphan Arnam pusi chinichot, lapen Jisu ke Hemphulo, lapen pini arni Arnam ok kachepharlotang abang aphuthak ning pahinidak, penang an amonit atum ke Jehovah lapen Jisu asai along ansi apor chipichotlo, lapen ke pini arni sai aphuthak anke kamunthidam akekroi pensi dipthiplo, ongdung amonit atum ke kaiketa ningbirilo, lapen pini arni asai aphan arsikjik pen en’elo. Monit ke kapajutsi hini asai angdeng aphuthak thangnat ta munthidam ave, lahei ke cheklangkle. Pima la athe ke monit atum kapajutsi hini asai angdeng kacheklangdakji alam chinidamde, lapen lahei salajong theklonglelang. Lake athema laheihui asai angdeng ke theklonglelo pima monit ke alang ninghang aling si hemandamlo; alang kopi pen si vanglo pu mathathepin, ladak ke ahokpet avedetlo lason kehemandam angthek paklangji, lapen lahei inutnat ta pachokdundelo. Monit ke alanglong kamathadam kechok aling aphan si ajakong akejoi pidetlo, tomon akapherememe aphan varchorlo lapen ke alang kahemamdam alam aphan si chepajoikelo, athe la thangnat ta ahokpet ave alang kahemandam alam kapaklang’iji aphan, lapen lasi monit kahemandam alam le “ahokpet” pamanlo, lahei aphuthak esonnat ta angthek kapaklangji avedetlo pu sitame. Lasi monit akekroidam ke alang mena alang phu along kahemandam a’Arnam aphanlo, lapen ahokpet a’Arnam aphan ke riredetlo. Jongsi inutbak abangphu lason akekroidam le dokok, tangte pharo amonit atum angbong ke lason thakthak prekjam so pharo akekroidam ta dopo. Monit ke lason akekroi si cheparidenglo athema alang ke Arnam ahokpet asai theklonglelang, athema alang ke alang ani pen si arjulongchotlang lapen alang amek pen theklonglelang. Monit ke thansera lapen tomo si arjulonglo – bonta alang ke Arnam ahokpet asai keklem aphuthak kachinidam karjulong ke ahut-adak pen puchotlo. Lasi lake pima komat si ningkan isivetlang Arnam aphan akekroi alangtum methang kamunthidam ateng pen kekroitang amonit atum saidelo. Lason thakthak si ahoklo athe komatmat ma alangtum akai dingpi Arnam aphan kekroitang atum kedoan. Komatmat si ahok ketheklongledet atum anke kekroi pen chepajokplot un’elo pima latum Arnam aphuthak kamunthidam akekroi pen. Monit kekroidam ke pima alang amena aphan chepajok’etlo alang aban kamunthidam akekroi akerakhet doan pen, lapen ke akimi alongri along lutdunlo pulo. Tangte monit atum chininelangma pima komatmat si ahokpet Arnam arje ketheklongledet atum anke ajat ta kali bonta kamunthidam akekroi lapen dengrong alam chotlo pu kalima? Monit atum mathalo pima alang kamunthidam akekroi anke chokpetlo lapen thangnat kechokche avelo pulo, lapen alang mathalo pima laheihui kamunthidam akekroi ke Arnam pen si vanglo. Pini arni, monit le Arnam asai ketheklong ahut, alang penang an aningkan pen kapinchongpon kamunthidam akekroi doan tutselo. Kahemandam lapen abidi doan kedamtang ahut apot ke laso angdeng asai aphan pasiksakdunlo, lapen lake monit aphan akesung asonlo lason kamunthidam akekroi chepajokji lapen lason abidi ke chokche pu pangthekji. Komatmatma pini arni penang an Arnam aphiphi kidun atum laso kamunthidam akekroi ahin asai angdeng pen angdeng keklempon si arsik muchotlang keman, lapen laheihui amonit atum ke pajo pen Arnam ok kachepharlotang abang aphan ane thekloi ahotur si chemanpo. Laso kachelangselet atiri ke monit atum kamunthidam akekroi lapen kahemandam along si dolo. Monit kamunthidam akekroi lapen kahemandam alam ke pini arni asai aphan ahotur si chemanlo, monit kamunthidam akekroi pen kachingbarbedet asai kedoan. Lason klardak pen cheplanglo athema ahokpet ason ke monit aphan akejoi pen jakong pipe alang kehamandam along, lapen, anpartame, monit atum joike pen ahokhe pu pangthek thekthe, lapen monit kamunthidam akekroi lapen kahemandam doan ta ahokpet kedobom along ke arjap un’e, lapen, anpar sitame, athema monit ke ahokpet akechoklim lapen keklardak along ke mathadun un’edetji, lapen salajong aphu pen alang kamunthidam akekroi pajoklo lapen alang mena kahemandam alam si che’enlo. Lake monit kamunthidam akekroi kechokchedet apot pusi punangkokpo, lapen Arnam asai keklem kechokche apot pu kalilo. Monit ke alang ninghang aling hemandammelo, bonta alang ajat tame Arnam asai mate asontin along sitame akejoi pen chekroikre jongdunnolo; Arnam asai ahokpet along ke monit atum patepekdun un’e. Nang le nang kehemandam alam aphan akejoi pen jakong pilo tame, lapen Jehovah lapen Jisu asai keklem aphuthak jumesensen atomo pangrum sitame, bonta nang ke Jehovah lapen Jisu asontin angdeng along asai keklem ahokpet apot ke pangthek thekthelo; lake lason henlo kithikmek alam, lapen lake kelangchari aronlo, lapen nangtum ke laheihui alam akenangsot aphuthak chinivek nangji. Monit kroilo pima laso angdeng asai ke monit kamunthidam akekroi pen ke kachingbar ave, lapen pima lake kedamtang hini asai angdeng aphan ta kalilo. Alang kahemandam along, monit kroilo pima kedamtang ahut hini asai angdeng ke chenam ta pini arni asai pen isinat kali – bonta nang tangte hokponloma Arnam asai keklemjivek alam anke kadokave tame isinatlo pu, pima Alangli sai ke kaiketa keklem-kedam penlo, lapen pima, alongtin akai pu sitame, kaiketa ladak ke komatma Alangli sai kekhangdun lapen ahok aphan kekhamkhedun amonit atum kangbak doveklo? Komatmatma kadokave pini laso asai angdeng aphan kekhang lapen kekhamkhe atum anke kedamtang arni ahut tame Arnam abirudhe si thurveklo, athe lason amonit atum ke kaiketa Arnam ahotur si dopo. Komat amonit atum si Arnam asai ahokpet alam kachini anke la sonthom asai angdeng doan inutpet a’Arnam si keklemlo pu theklongji, lapen ke alangtum kamunthidam akekroi doan che’obupji. Laheihui amonit atum henlo Arnam aphan kachini, lapen lason amonit atum anke komatmatma Arnam aphiphi ahok si kidunlo. Arnam angton pen kisik-kedang kijutji dokdok an nangkele ahut lote, Arnam kadokave asontin ahormu tame keklem ateng thakvetpo. Monit aphan ke Kapinchong abang mena ari pen si selamlo, lapen mo kijut ahut Alangli angton pen monit aphan Alangli kachepahemphu along pachelethu nangji; lake la sonthom asai angdeng kangtonponlo. Kijut arni angdeng ahut keklem asai, lapen kedamtang hini angdeng Israel lapen Judea along, doan ke somindar adangpi Arnam kisik-kedang kemangdam atenglo. Madu tame lake patepek un’elo, lapen lake Arnam asai ahokpetlo. Monit atum laso asai chomat longlelang mate anset theklonglelang puvoiphit tame, nonputa ahokpet doan ke ahoklo, lapen lake ajat amonit ta kroikre un’elo. Jongsi nang le eson asai angdeng ansi chinichotlo, lapen akaprek hini asai angdeng aphan ke chininedetlo kedamtang apor ahut, tangte nang ke angton pen Arnam kisik-kedang kemangdam ateng alam ahokpet than thekthelo, lapen nang Arnam aphuthak kachinidam ke ihin anatlo, athe nang Arnam aphan akekroi along nang Alangliphan chinine lapen mathathedetlo, lapen lasi nang ke Arnam apharman hakhi karjapji atheng kalidetlo. Nang nonjong haut laheihui ahormu alam kachinidam ke ongparpiklo mate pahanchathaplo pu aling tame, mo kijut ahut ke, nangtum ke chinidamvek nangji, lapen angton pen kroidunvek nangji, lapen kadokave amonit atum Arnam angton pen asai theklongpo lapen Arnam kachepahemphu aber si chehodaidun’etpo. Kepajut ahut laso asai, kadokave adhorom tame isi si manpo, kadokave api doan tame Kapinchong abang chepahemphu aber si chelethupo, kadokave api doan tame inutpet a’Arnam aphan si archopo, lapen kadokave kahenodak adhorom anke thangnat ta ale avedetpo, anpar ke nangcheklangkledetpo.

Kopi athe si laso sonthom asai angdeng alam ke’enponver nangkoklo? Akai kedambom along, hamphang kachingthur along, lapen aseme arje kachelarbom kadokave sonthon asai angdeng akachelarponbom along. Monit akhei ke Arnam asai ateng apor ahut chelardunbom, lapen amethang amat ke chemanme. La sonthom Arnam asai angdeng ke’enponver athe ke kadokave api doan, lapen kadokave amonit asontin adhorom lapen asong kedoan, inutpet a’Arnam kachepahemphu aber kevanlapji aphanlo. Kopi adhorom si nang kekroidun loma pu langdamdepin pen, kapajut ke nang angton pen Arnam kachepahemphu aber chipithei nangpo. Arnam Amethang anchot si laso asai klem unchotji; lake madu dhorom kirim akehoi atum tame un’edetji. Pirthe along ardi doklong penang an adhorom do, lapen asontin tame mena akehoi do, mate kejabang dolo, lapen prekjam adettin lapen alongritin kadokave pirthe adangpi along si aphiphi kidun atum chepratjamlo; alongtin adet, akethe mate aso pu tame, prekjam adhorom kirimdun dovek’lo. Tebontame, koanma dhorom pirthe adangpi dopetlo pu sitame, kadokave monit atum somindar angbong kepajut kedoji ke inutpet Arnam akethan ateng si dopetji, lapen alangtum akereng ke dhorom kiri akehoi mate keja atum le kachejaponji kali. Lake lasonsi pulo pima monit akhei ke eson jongvet dhorom kirim akehoi mate kejapon atum akethan ateng kalidet, bontame, monit akhei angton aphan Kapinchong abang si cheja ponchotlo, komatsi sining lapen pirthe lapen kedo’an ahormu kapinchong abang, lapen komat si monit akhei aphan kapinchong abang – lake chenam ahokpetlo. Pirthe along ardi doklong penang an adhorom dolo puvoiphit tame, koanma latum kethelo pu sitame, latum do’an ta Kapinchong abang kachepahemphupon aber si dopetlo, lapen latum do’an tame laso kachepahemphupon angkang pen angtan dam un’elo. Monit akhei kachingthur, hamphang kepaphrangpon, plangmena asonthan kachingthurpon – asontin tame Kapinchong abang kisik-kedang pen ke chepajok un’elo, lapen laso asai ke pima majok dhorom kirim akehoi atum keklem undetji ason kali. Dhorom akehoi atum ke isi kedovet adhorom kachejapon anchot, lapen Arnam apharman cheklang thekthe, mate latum ke sining lapen pirthe lapen kadokave ahormu do’an kapinchongbang Inutpet abang apharman cheklang thekthe. Dhorom akehoi atum ke kadokave komatmat si bangso adhorom arlo kedo’an aphan ansi cheja thekchot, bonta latum ke kadokave sining arum api kedo’an aphan ke hokum pi un’e – lake pirthe adangpi ta kekroidamvek ahok alammlo. Dhorom akehoi atum ke kejabang atumchot, lapen Arnam (Kapinchong abang) pen ke chingbarbelo. Kadokave ahormu do’an ta Kapinchong abang arideng si dopet, lapen mo kijut ahut ke latum kadokave tame Kapinchong abang arideng si chiruithulappo. Monit akhei aphan ke Arnam si ahokpet kapinchong, lapen ajat adhorom pu sitame, anuttin abangphu ta Arnam kachepahemphu aber chelethuvekpo – lake chekokvekpo. Arnam anchotsi Lapuan Kangtui kadokave ahormu do’an angbong, lapen kadokave api do’an angbong kangtuinei jabanglo pima Alangli kachepahemphu abei si chiruidamthu nangji. Koanma monit atum aman akangtui pu aling kalilo, pima monit ke monit akhei aphan kemang kijut adim an pon thekthe, lapen madu sitame kadokave ahormu do’an aphan keme-keheno ateng thakvet thekthe. Jehovah Amethang si monit akhei aphan pinchonglo lapen asontin ta mena ateng pen thakvetlo, lapen mo kijut apor nangkele ahut ke Alangli si Alangli mena asai Amethang aphan klemvekpo, kadokave ahormu do’an mena ateng pen thakvetvetpo – laso asai ke Arnam kalite madu tame klem un’edetji. La sonthom asai angdeng kecheng pen pini arni an keklempon ke kadokave Arnam Amethang amat si pachunlo, lapen ke inutpet a’Arnam si klemponlo. La sonthom asai angdeng ahokpet alamm ke kadokave monit akhei aphan Arnam kachejapon ahokpet apotlo, laso ahok alamm ke madu ta var’un’elo. La sonthom asai angdeng kepajut ahut, kadokave ahormu ta amena ateng pen thakvetvetpo lapen ke Arnam kachepahemphu aber chiruithu’etpo, athe somindar adangpi sitame laso inutpet a’Arnam ansi dochot, lapen akaprek adhorom heihui avelo. Komatma pirthe kapinchong thekthedet abang ke kepajutji ason ta van thekthedetji, tebontame komatma pirthe kapinchongvek abang ke kepajut tame vanvekpo. Laso apotsi, jongsi komatne abnag bangso akai akijut van thekthedet lapen ke alang phu kachepangchoji si monit aphan rapdunchot, tangte alang ke Arnam kalivek’lo, lapen ke monit akhei apharman aHemphu ta kalivek’lo. Alang ke lason thedung asai klem thekthedetji; inut anchotsi komatma lason asai ke klem unchot, lapen kadokave pima do’an atum ke laso asai keklem un’edet anke hotur saidelo lapen Arnam kalilo. Kadokave kaheno adorom do’an ke Arnam pen chingbarbelo, lapen latum do’an ke Arnam pen kachingbardundedet ajok, latum ke Arnam ahotur saidelo. Kadokave asai ta laso inutpet a’Arnam si klemlo, lapen somindar adangpi tame laso inutpet a’Arnam si hokum piponlo. Alangli ke Israel mate China along si sai keklempon puvoiphi tame, Karjong mate ok si laso asai klemponlo puvoiphit sitame, kadokave ta Arnam Amethang si klemponlo, lapen ke madu ta la klem thekthe. Lake klardak’lo athema Alangli henlo kadokave monit akhei a’Arnam binonglo pima Alangli ke akejoi pen si klemlo, ajat ahin penta ahoi kekhang avepin – lahenlo kadokave kelangdammek pen ketheneilo. Arnam pinchongtang api ateng pen, jongsi nang le Arnam pinchongtang api ateng pen adeng cheklemji ninghang lapen Arnam aninghang kopi doma chinidun, nang ke Arnam asai sitame chinidunvek nangji, nang ke Arnam pinchongtang api doan aphan aningkehang kopima chinidunvek nangji, nang ke Alangli kisik-kedang kemangdam chinidunvek nangji, lapen nang ke kadokave Alangli keklempon asai ajor alam chinidunvek nangji. Komatmatma la kachinidundedet atum anke Arnam pinchong api pu hok un’edetji! Arnam pinchongtang api ateng pen, jongsi nang le nang konat pen si kevangma pu chichininedet, monit akhei aphurkimo chinidamdedet lapen kadokave Arnam keklemtang asai ta chinine, lapen, anpar tame, kosonsi monit akhei pini arni an kachingthurpon loma chininedetlo, lapen angton monit akhei komat si hokum pibom loma pu chininedet, tangte nang kenang deng tame cheklem thekthedetji. Arnam si monit akhei aphan pini arni an vanlo, lapen Alangli monit aphan kapinchong arni pen bangso apirthe along Alangli kaiketa alangphan che’o’e. Karjong Kangthir asai keklem ingtonte, monit akhei aphan kejapon sangsepin. Bonta monit akhei atum pima Arnam do pu chemathathelang, Arnam aphan kachini ke durepik alamlo. Tangte Arnam pinchong api doan atum laso pen anpar katherakmeme alam kalilangma? Arnam salajong si monit aphan chejalo, bonta monit si Arnam keklem asai chinidundedetlo. Nang ke Arnam pinchongtang apilo, tebonta nang ke nang mena aphurkimo chichininelo, lapen ke komat si nangphan nang kedambom along chejaloma pangthek thekthe, nang ke Arnam keklem asai aphuthak mathadunletlelo, lapen lasi nang ke Arnam aphan chini un’edetlo. Jongsi nang le non anta chinine, tangte nang ke Arnam apharman hakhi kachipiji atheng cheman un’elo. Pini arni, Kapinchong abang salajong si kadokave amonit atum aphan puthot chejaponthulo, lapen kadokave amonit atum aphan Alangli kethek-kere, jakongtheparpik, kepajok, lapen akemepik ason an chepatheklonglo. Tebonta nang ke nonpu chemathaletle lapen chinidunde – nang ke laso apot si komatma kejok kelongledetji abanglo? Komatmat ma Sobar abe kedo atum anke Arnam alamthe chininelo, tebonta komatmat si Arnam abe kedo anke Arnam ase arjudun longpo. Kadokave komatmat ma Ne kaningje alam chemathadam lapen chinidun atum anke komatma kejok longji abanglo lapen Arnam apharman hakhi chipi thekpo; komatmatma Ne kaningje alam kachininedet atum anke Arnam apharman hakhi arjap thekthe, lapen ke komatma kivirdetjivek atum saidelo. Komatmat ma Arnam ninghang ason chinidunde lapen Arnam asai aphuthak mathadunletle atum anke Arnam aphuthak tame kachiniji ta longdundeveklo, lapen lason amonit atum anke Arnam apharman hakhi chipi thekthelo. Jongsi nang le Arnam apharman hakhi chipidunji ninghang, tangte nang ke Arnam aphan chinivek nangji; Arnam aphuthak kachinidam kichunji ke Arnam asai pen ajoklo. Kadokave asontin along, jongsi nang le Arnam aphan chiniji ninghang, tangte nang ke Arnam asai chinivek nangji: Arnam keklem asai kachinidun ke aphrangsi akenangsotneilo. La sonthom asai angdeng le kijutlo pulote, Arnam apharman hakhi kachipi’undet isi adilung amonit atum aphan pemanji, laso adilung ke Arnam aphan kachini atumlo. Laheihui amonit atum kadokave ta Arnam aphan chini lapen ke ahok ateng si asai tame klemponpo. Latum ke monit atheng lapen kamathadunthek si dopo, lapen kadokave ta la sonthom asai angdeng Arnam kepajok asai aphuthak chinidunpo. Laso asai ke pima mo kijut ahut si pachunpo, lapen laheihui amonit atum doan ke ningkan suri throk kisik-kedang kapacharklepon asailo, lapen ke lahenlo padusi Sobar aphan kaparemdet kangtangnei ahakhi kipiponlo. Komatmatma Arnam apharman hakhi kachipi’un atum anke Arnam kachechak lapen ahirjume longdunpo, lapen laso adilung ke pima mo kijut anta dodunpo, laso adilung ke Arnam kelangchari si cheparidenglo lapen Arnam apharman hakhi arjappilo. Chenam si komatmatma nangtum angbong le laso adilung along bangphu chemandun, mate chenamta ebeng an pu tame, mate ajahak atumchot – lake nangtum ninghang lapen nangtum kiridun ateng pen si langpo.