Monit Along Kai Keme Kevanthu lapen Alangphan Kemeparpik Kijutsi Kele Adim An Kepon

Monit ke pini asai lapen mohut asai aphuthak kachinidam asapso anbak ke do, bonta monit akhei atum koloso akrong si kilutjima puke chinine. Kasorjon pen si keman ason ateng si monit atum kasorjon pen keman ason arpu cheklem nangji: Monit atum Arnam kopima keklem Alanglilong charlidun nangji; nangtumphan Ne kopima nangkethan abidi ateng si nangtum klem nangji. Nangtum along methang amat ajat ason ta kachisik-chedangji pu aphan ke atovar ave, lapen nangtum methang aphan kachechariji aphan ta jakong ave; do’an ason ta Arnam akangjinso along si bikok nangpo, lapen Alangli angkang arlo si padothip nangji. Jongsi Arnam asai le monit aphan kijut, kemeparpik kijutsi kele adim, apor pen aphrang pidet, lapen jongsi laphan Arnam monit aphan kerakji aphan en lapen laso pen si Alanglilong kapadun – jongsi Alangli monit pen isi lamdon dokok – tangte lake kacherai kalidetpo, lapen lake monit akai a’ot ateng sai keklem kalidetpo. Jongsi Arnam le monit akijut akerap enpen alangphaan kachari lapen alangning kachepalong nang, pulote laso along ke Alangli monit aphan choklim kapinchong kalidetpo, mate Alangli monit aphan cherai ta longledetpo, bonta alar ke kijutsi kele nangji adim akerap pen si alangphaan cheparidengrongpo. Monit atum ke do’an ason pen mohut kevangji akijut lapen kijutsi kele nangji adim, lapen ning chethememe ason doma avema pu alam chemathaneilo. Jongsi kacherai asai ahut monit aphan ning kapachethe ason mesen pilote, lapen jongsi, monit aphan kacheraire aphrang, alangphaan mesen kijutsi kele adim kaparidun aphan pilo, tangte monit aphan kacheraike angthek le keklangkle anchot kali si, bonta kacherai asai angthek aphan sitame chophodetpo. Ladak kipuji puke, kacherai asai angthek keklang ke monit along pen ang-ang lapen aphrang kevang apor kemesenji avarsai kepavedet lapen monit along kachedan a’ot aphan kangsai lapen kapakeng pen. Lake monit pen lamdon kachipi penle kelongji kali, la kipuji puke, monit aphan hirjume lapen kangjinso kipi pen kali, bonta alar ke monit aning arlo a’ot alanglong pen “kejokvan” aphan kehekjok kapaklang lapen aphrang kevang apor kemesenji avarsai kepapraidak pen. Lahenlo kacherai asai athepi binonglo. Monit aphan jongsi kecheng ahut mesen ning kachethe pi, lapen kangsai lapen kapakeng asai ke aphi ansi keklem, pulo tangte monit atum laso kangsai lapen kepakeng aphan alanglong kedo kevang apor kemesenji avarsai ateng pen si dengpo, lapen kijut ahut ke, Kasorjon Abang aphan kasorjon pen keman atum thangnat ale aphan kamatha avepin pen kekroi puke thekdamlongledet si manrongpo; hadak kaiketa kachecharche, kachinine akekroi si doverpo, kalite alar ke monit atum thangnat checharche pen si Arnam along asonson chohangpo, lapen monit aning aphan ingthimlim pen kacheraiji puke un’edetpo. Laso ateng si, halapuson kacherai ke monit aphan chepalong thekthedetpo, mate, lapen anparta, Arnam aphan angthek chepaklangpi thekthelo. Lapuson kasorjon pen keman atum ke amethang arpu cheklem thekthelo lapen Arnam pen anam kapajum-pabat ansi dokhangjangpo; lake kacherai kalidetpo, bonta kangjinso lapen hirjume. Monit along kasiksak kethenei ason ke alang ajat ason aphan ta mathadamde bonta alang ang-ang lapen kevang apor kemesenji avarsai aphan anchot lapen alang lahei aphan si kumlin pinchongdet. Monit ke Arnam aphan alang ang-ang lapen kevang apor kemesenji avarsai apharman si kiridunchot; alang Arnam aphan kardom ke alang Alangliphan kanghon ajoine kali. Lapen lasi, monit aphan kacherai along, monit aning kelangno, amek adang kethe lapen alangphaan Arnam aphan kardom along kechakdun ason do’an tame kopine pinchong nangpo lapen laso aphi kavirdet nangpo. Lason keklem along, monit aphan kacherai angthek abang longdampo. Laso angthek pen si, monit aphan kacherai kechengsi angdeng malom ke monit along kedo kacharipeme kali akemang lapen ahir kangtangnei kadure aphan kapakak kenangsot, lapen, laso ajok pen si, monit along kedo Arnam aphan akanghon kapaklangji lapen alang monit akai aphan kachini, alang Arnam aphan kelangdam a’ot, lapen alang kedo alamjor kelarji aphan. Lason pen si, Arnam aphan monit akanghon ke pangthirdetpo, ladak kipuji puke, monit aning aphan ke cheraidetpo. Bonta do’an kasorjon pen keman ason aphan monit a’ot along ke, Arnam ke kacherai pu aphanchot le kacherai kali; alar ke, Alangli monit aphan kachepalongji aphan si kacherai, Alangli mena anong kethe apharman, lapen prapjin pen kanahoktang abinong’et monit kachinglit ason, kachepaplengji aphan. Jongsi Alangli kacheraiji aphan ansi kacheraichot, pulo tangte kacherai asai ardi abang ke ingbodetpo. Ladak kipuji puke jongsi, monit aphan cheraidet aphi, Arnam monit along pen Alangli ri kesanplot lapen monit kithi mate kereng aphan mathadunde, tangte lake monit aphan kelangchari kalidetpo, mate monit aphan kacheraike kepajokvanji aphan ta kalidetpo. Monit aphan cheraidet pen kachepalong pen anchotsi, lapen alang kijutsi ahut kemesen kele nangji adim keledam, lake kepajokvan asai aklong alamlo, lapen la anchotsi monit aphan kepajokvan akemang papleng unji. Kaprek alam pen pudam lote, monit atum kemesen kele nangji adim an kele lapen kesang along alang kilutdam anchotsi kasorjon pen keman atum an along kevangji arni aphan kemesen avarsailo pu nangji, lapen Kasorjon Abang keklem nangji asailo pu nangji. Jongsi monit le laso asai keklem nangji, pulo tangte lake angkang bi ongchotji: Lake monit aphan isi angdeng anke ponji, bonta lake monit aphan kijut un’epin kele nangji adim an ponthekthedetji. Monit ke monit ang-ang aphan kachongthuiji puke thekthe, mate, lapen anparta, alang monit akai along aphrang kevangji apor-varsai keme lapen mohut apor along kele nangji adim tame chak thekthe. Monit pen keklem asai, bonsitame, lake prekdak. Alangli si monit aphan kasorjonlo apot, Alangli alangphaan japonlo; Alangli monit aphan kepajok abang apot, Alangli alangphaan pajok pemepo, lapen ingthimlim pen alangphaan chepalongpo; Alangli monit aphan keja abang apot si; Alangli alangphaan choklim kele nangji adim an ponpo; lapen Alangli monit aphan sorjon lapen langchari apot si, Alangli monit ang-ang lapen kevangji akai along avarsai adai ta che’en nangpo. Lahenlo Kasorjon Abang keklem asailo. Monit akai along aphrang kevangji avarsai aphan kapangthir pen kacherai asai ke chepalonglok pusitame, monit aphan kijut ahut ke alangpharman Arnam kisikpitang kechoklim kele nangji adim an vanvek nangji. Lake klardak pen Arnam monit along sai klembom apot si monit atum kjiutsi kele nangji adim dolo lapen alangtum ang-ang ke kechaktanglo. Ladak, kachelon kijutsi kele nangji adim puke kedamtang apor ahut kepakengtang monit atum ning kachethe lapen avarsai aphan le kipudam kali; la pasonni cheprekdaklang. Halahei monit atum kemangdam lapen kiridun ke alang methang ok-vi arpum apharman kiridun kemeparpik ason akemang akar’i pen kevang akiridun ason pinak, monit aphan kisikpi kijutsi kele nangji adim kalidet. Monit aphan Arnam kopilo kisikpi, lason ahut, ephong monit aphan pangthirdet pen alangphaan kechak ahirjume lapen seme, lale pirthe sorjondet pen Arnam monit aphan kisikpi, lapen hala le kachongvai, kamatha, kapahancha, monit a’ok-vi pen ajok ketertelang. Labangso kijutsi kele adim ke inutvet abangphu aphan le kaselampi kali, bonta lake kadokave kedoan monit akhei apharman kesang adimlo. Lapen lasi, lahenlo monit akhei aphan kemenei kijutsi kele nangji adimlo.

Kasorjon Abang kaiketa kedaon kasorjon pen keman atum aphan kisik-kedangpi si aning kehang. Nang Alangli keklem ajat ason ta khinde mate kroikre nangne, lapen te nang Alanglihin kachedandong a’ot chibi nangne. Mo Alangli keklem asai kijut ahut Alangli kemang pachundam lote, laso ahutsi Alangli adak-atur chelongthupo. Pini, kopisi nangke Moab pensi nangkeplang, mate kethepik hi-i hang’et ke’er aso pu ningjejedet? Kopi apot si kangvaitang amonit atum alamm chethanthedet, lapen kasorjon pen keman ason alamm si ningje chotlo? Kasorjon pen keman – lahenlo monit aphan ki’ir binong amen, lapen lake alang aklong pen kedo angthek’lo. Amen kachelarvoi ke akai lapen sai apor kachelarvoi ajoine anchot; abinong’et ke, monit ke kasorjon pen keman thangbakbe ason anchot. Do’an kasorjon pen keman ason, lake a’ot kahenonei abang tame mate kangthirnei abang tame, kasorjon pen keman arpu cheklemvek nangji. Arnam kacherai asai keklem ahut, Alangli nangphan kevangji akai along avarsai, ang-ang mate kijutsi kele nangji adim akerap enpen nangcheparidengde. Abinong’et pen ke lason ke thangnat asai ta ave. Kacherai asai akemang ke monit aphan kasorjon pen keman arpu kapacheklemji, alangphaan Kasorjon Abang aphan kapardomji aphan henlo; laso aphi anchotsi alang kijutsi kele nangji adim along kilutdam unji. Monit akai ang-ang ke Arnam ari pensi kacheparideng. Nang ke nangmethang aphan kachechariji ajakong duredet: Monit kaike amat methang apharman si ketong-sarmong lapen apor kachipichot pu aphi sitame, alang methang aphan kacheparidengji puke jakong duredet si dokok. Jongsi nang nangmena aphrang kevangji avarsai aphan chechinithek, jongsi nang nang’ing-ang aphan checharithek, tangte nang kasorjon pen keman abang si dobomlang puhe? Thihek pen ke, Arnam koson si keklem pu langdamdepin pentame, Alangli keklem asai do’an ke monit apharman saidelo. Langdam sinang, siningrengme lapen pirthe lapen monit aphan sai kapaklempiji pura Arnam kasorjon ason doan: Hala chiklo, hala arni, lapen hala chiklolongso lale Alangli monit aphan kasorjonpi, hala marat-mareng lapen thengpi-thengphang, barla vangbarbar, barla, ningkrengso vangjir lapen ningkreng, lapen lasonsi dopiklang – kadokave ta monit kedolongji apharman si kasorjon saidelo. Lapen lasi, Arnam monit aphan ajat le ingsai lapen ado pilo sitame, lahei kadokave ke monit kejokvan kelongji aphan saidelo. Alangli monit along pen alang ok-vi arpum apharman kemang ason hekjok pusitame, lake monit aphan kapangthirji ajoinelo, lapen monit aphan kangpangthir ke alang kerengbomji aphan. Monit kijutsi kele nangji adim ke Arnam arideng along si do, kosonsi monit amethang aphan kachechari thekpo?

Ephong kacherai asai jongsi ketang lote, monit aphan ke isi kemepik apirthe along vandetpo. Labangso akai ke, chenam-chenum pen si, pirthe along si doji, bonta lake amutpi pensi pini arni monit akai ason kalidetji. Lake monit akhei aphan amutpi pen amat si kacheraidet aphi monit akhei aphan ketangji akailo, lake pirthe along monit aphan isi akimi kechengthu asonpo, lapen monit akhei atum lapuson akai kelong ke monit akhei atum isi akimi lapen kemepik apirthe along lut’etlo pu angthekpo. Lake pirthe along monit lapen Arnam aphan akimi akaipo. Lapuson kemepik akai atiri ke lapuson nangpo, monit aphan pangthirdet lapen cheraidet aphi, alang Kasorjon Abang athengno chehodai nangji. Lapen lasi, kacherai asai ke monit akhei atum hala kemepik kijutsi kele nangji adim lutle aphrang Arnam asai padusi angdenglo. Lapuson akai henlo pirthe along mohut arni monit akai, pirthe along alon kedonei akai, monit atum kar’ipik akai ajat, somindar aphurkimo along monit atum komantune ta kelonglepinlang akai. Lake ningkan 6,000 kisik-kedang pen kijutsi angthek keklanglo; lake monit akhei atum kar’inei asonlo, lapen lake monit aphan Arnam kachechak ason antalo. Bonta laso kachechak ason menmen ke nangchekokphit un’e: Monit atum mohut akai along kele nangji adim kilutlongji ke mo ephong hala kijut arni malom asai tang’etlo lapen alangphaan ingthimlim pen cherai’etlo, ladak kipuji puke, ephong Sobar aphan amutpi pen amat paremdet an nangji. Monit aphan pangthirdetlo aphi ke, alang ke pappi a’ot kave pen si dopo, atheke Sobar aphan Arnam parem’etpo, atheke kekroikre ajakong atum pen kacheraiji kabor’i avedetpo, lapen monit a’ok-vi arpum aphan katengkhengji abang jakong langno avedetpo. Lapen lasi monit atum jokvan lapen ingthirjir manpo – alang kijut un’e akai along lut’etpo. Jongsi kangting ajakong langno do’an aphan bengthip an matik ke monit nahok le dam ta jokvan kalidetji, lapen lasi laso aphi ke alang kachedan a’ot lapen kekhamkhedong a’ot avedet pensi dolongpo. Sobar aphan ke kaprek kali bonta bengchek si pado nangji, lapen anpar ke monit aphan akeme saide si manpo; non kedobom apor a’ot laso atheke pirthe along nahok ta Sobar non anta kisung aphan pathurplut titilang, lapen atheke Arnam kisik-kedang asai do’an angton pen non si kijut angdeng along an kele nangjilang. Ephong le Sobar aphan paremdetlo pulote, monit ke ingthimlim pensi kejok longpo; monit atum Arnam aphan chepalonglo lapen Sobar kachari angkang along pen angtan nangbarlo pulote, alang hokpet binong kedo kechoklim a’ot a’Arni aphan theklongpo. Monit aphan kechaktang akai puthot chelongthupo; monit jongjong atum kacheparideng nangji ason do’an – sonsi akechok lapen otlangno kepharthek ajakong, lapen methang aphan koson si kachepacholong lapen kachepindeng longji pu kachini, lapen mesen pen kerengdunthek abidi kachini – lahei kadokave ta puthot chelongthu’etpo. Jongsi Eve aphan pherui chongthuithe ason te, monit atum alangphaan kasorjon ketang pensi laso akai kelongphitji apotlo. Alang cholongpo, chepindeng longpo, lapen pirthe along mesen akai pensi dodun longpo. Sitame monit aphan kepangkre tangrong aphi ke, laso akai tangte kepapleng un’e kamanghu akemang ason mandetlo, lapen pini arni anta monit atum lahei ason matha anta haihedetlo. Abinong’et abang ke, laso akai keme lale monit atum kiridun ke akenangsot binonglo. Jongsi monit le lahei kijutsi kele adim avepin pen si dodun, pulote labangso pirthe along kelang kapangkre pen kedodun akai mangtune ta jut un’elo, lapen jongsi lake halapuson kemepik akai kalidet puson te, Sobar ang-ang kijutdam adim avedetpo mate pirthe along Sobar jakong kacheparideng akai jutjedetpo. Monit atum ke kangting ajakong kirim atum keledam un’e angkang along ledamvek nangji, lapen alang ledam lote, lake Sobar rem’etlo pu angthek nangmanpo. Lapuson pen si, ephong jongsi Sobar pen kapasiksak kavelo pulote, Arnam Amethang amat si monit akhei aphan cheparidengpo, lapen Alangli si monit akai arjong kangthim ta pinkhat lapen charidunpo; lason apor ahut ansi Sobar aphan ke ahokpet pen kaparem’etlo puji. Monit akai pini ke jatsemet keter-kacheho akai; lake kisung lapen kasiksak kachetongnang akai. Lake Sobar keremlo pu pudam un’e; monit atum kasiksak atalo pen kachepajok nangji dolang, nonsi monit akai akiduk pen nonsi kachepajok nangji dolang, mate Sobar kebar ajakong pen kachepajok nangjilang, lapen alang nonta Arnam aphuthak kachinidam nonta kadureparpik anvetlang. Monit kachetongnang akiduk-kelak do’an ta Sobar si kapinchong saidelo; Sobar henlo monit akai along kisung kevan abang, lapen Sobar aphan bengchek aphi ansi monit ke ingthimlim pen kisung atalo pen chepajok unji. Sitame Sobar aphan kebeng ke monit aning aphan kacherai lapen kacheparideng pensi pachun unji, monit aphan Sobar pen aron along anong’e ason kepaman penlo.

Pini arni, pirthe along mesen amont akai longdunde aphrang kachepahai’un abang kemandun kiri henlo monit kiri ke lapen choklim kachepinchonglong henlo alang kiridun ason, lapen Sobar aphan bengchek un’e aphrang lahei henlo alang kapaplengji pu akemang. Pathihek pen pudam lote, monit atum kaparem abang keman lapen choklim kachepamanlong kiridun, mate thedung asai aphan ale kevang, lake Sobar kebai ajakong pen kachepajoklo: Monit kiridun ke kaparem abang keman, bonta kijutsi angthek abang alang Sobar kebai ajakong pen kachepajok’un abang henlo. Sobar kebai ajakong pen chepajok undet aphi ansi monit ke pirthe along monit a’ot ateng akai pen dodunlongji, Arnam aphan kardom akai. Pini arni, monit kaparem abang kemanji lapen choklim kemanji pu kiridun heihui ke pirthe along mesen monit a’ot ateng akai pen dolongle aphrang kiridun nangji ason saidelo. Lahei aphan jatsemet kiridun ke ingthirjir kemanji lapen ahokpet aphan asai pen kapaklang thekji pu aphan ajoine, lapen Kasorjon Abang aphan kardomji aphan. Monit le jongsi pirthe along kemesen amonit akai chepahemphulong, isi kisung mate kasiksak kave akai, tangte monit ke kaparem abang kemanji pu kiri aron apor chipidunpo. “Kaparem abang keman” lapen “choklim abang kachepapinchong” lahei henlo monit aphan Arnam kipi kaparidun akemang, lapen lahei akemang kiridun pen si Alangli monit aphan ahokpet aphan asai pen kapaklang lapen ajor kedo akai pen pirthe kedodun kapinchonglo. Akemang abang ke monit aphan ingthimlim kapaman lapen alangphaan kacheparideng, lapen kaparem abang kemanlong lapen choklim kachepaman puke akerap ke’enponchot. Jongsi, mohut akai along, monit le hala kemepik kijutsi kele nangji adim along lutlong, kaparem abang keman lapen choklim kapinchongtang pu kelang ponji athai avelo; kedojilang ke asitin kasorjon pen keman ason amethang arpu kacheklem anchotpo. Pini arni, monit aphan lahei ason kaparidun ke monit aphan isi avarsai kapajirdam aphan anchot, laso atheke monit kiridun ason ansose kemangvet lapen asai keklem pen kapaklangme paman nang pu aphan. Kali pulote, monit ke keklardakde ason pen kacheraithip angbong si dodunrongpo, lapen kijut un’e akai along kilut dunji aphan ridunpo, lapen lake lapusonlo pulote, monit ke ansose jinsomeme kalidetjima? Lapuson si kiridun ke, thangnat akemang mate aron ave – lake methang aphan kachechongthui kalima? Kapadu ke, labangso kiridun ke amena amat si thangnat athe nangpipelo; kijut ahut ke, monit ke Sobar kachari angkang along si dobompo lapen amethang aphan halaso along pen kachesanjokji puta un’edetpo. Kopisi amethang aphan lapuson akemang ave akiri along kachejokdun nangji? Monit le kijut un’epin kele nangji adim lutdamlo te, Kasorjon Abang aphan monit ardompo, lapen monit atum kejokvan kelongtanglok lapen kijut un’e akai along kilut tangdet apot si, monit ke thangnat akemang aphan ta ridundelo, mate, lapen anparta, alang Sobar arideng inglim jokplotpo. Lason apor along, monit amethang adim chichinipo, lapen amethang arpu cheklempo, lapen alangtum aphan pakengke mate pangthirthe putame, anuttin tame amethang arpu cheklempo. Halaso apor ahut, monit ke angthek lapen anghoi pentame kasorjon pen keman abang si chedovetpo. Anpar ke kangtui lapen kangdai pu akethak dobombelo; anuttin abangphu tame ingsamjin pensi prekjam arpu cheklempo. Laso aphi tame monit ke arong ateng pen kedovet lapen monit akhei aphan kachelon peme kijutsi kele adim along si dobomjilang; Kasorjon Abang aphan kardomji pu ajoine pensi monit ke amethang arpu cheklempo, lapen lake laso amonit akhei henlo lale kijut un’epin apor aphan ta monit akhei kemanji. Halaso apor ahut ke, monit ke Arnam arideng pen katheangtang akai chepalong’etpo, Arnam arideng kanghon lapen keraikom kedo akai, Arnam pen kedorappet akai. Monit akhei pirthe along mesen akai pen rengdun longpo, lapen kadokave amonit ta akechok atovar along lutdunpo. Ningkan 6,000 akisik-kedang Sobar aphan kaparem pamepo, atheke Arnam Alangli kasorjon ason along abinong’et monit araje chelongthu’etpo, lapen lason apot si, Arnam kemangvek ason abang ke plengdetpo. Kecheng ahut ke, monit akhei aphan Sobar a’ot palangnone aphrang, pirthe along monit akhei atum mesen akai pensi dobom. Aphi ke, monit atum Sobar a’ot langnodet anke, monit atum abinong’et a’ot chepangbodetlo, lapen laso Arnam kisik-kedang asai nangchenglo, lapen kemesen monit akai puthot kapalongthuji aphan Sobar pen kachedan aron nangchenglo. Ningkan 6,000 Arnam kisik-kedang asai jutdet ansi pirthe along monit akhei akai arong-atang pen kechengji; halaso ahut ansi monit atum kemesen akai kelongji, lapen Arnam tame Alangli monit aphan kasorjon akemang kecheng ahut chelongthupo, lapen-pen si abinong’et monit pen kachinglit antalo. Lapen lasi, ephong le monit atum pirthe along kemesen monit akhei akai pirthe along kelong lote, monit ke kaparem abang kemanji mate choklim kachepamanji pu kiridun kangtonlo, atheke monit ingthirjirpo. Hala “kaparem abang” lapen “choklim kachepaman” pu lale monit atum kaningje ke Arnam pen Soabr angbong ron kedobom ahut monit aphan kipi kaparidun asonlo, lapen lahei kedokok atheke monit a’ot langnodetlo pu apotchot. Lake nangphan isi akemang nangkipi pen lapen nangphan isi akemang nangparidun pensi, Sobar aphan kaparem unji. Nangphan kaparem abang mate choklim kachepaman abang nangkapamantoi mate kopine asai nangke’enpo along akenang ke nanglong Sobar aphan kapatherakji aphan kenangsot angthek kachepado henlo. Kijut ahut ke, monit atum pirthe along kemesen akai pensi dopo, lapen monit atum ingthirjir nangmanpo; lason cheplanglo pulote, monit atum kaparem abang kemanji pu aning hangbom jilangma? Alangtum kadokave ta kasorjon pen keman atum kalima? Kaparem abang keman lapen choklim abang kachepaman alam le ningjedam lote, lahei alamthe ke Sobar aphan si kejongdam, lapen monit along kedo aketer a’ot aphan. Laso “kaparem abang” pu alamthe Sobar lapen jakong langno atum aphuthak kehai aphan le kejongdam kalima? Nangle nang ke choklim kapinchongtang abanglo pu kaningje ahut, nanglong kopi asonsi choklim kemanlo? Lake nang ketheme Arnam akanghon kachepalongji aphan pura, nang nangmethang aphan nang’ot lapen nangkun langno pen chetevar etlo pu kalima? Lahei ason ke monit along kedo aketer lapen otlangno aphan kimindam pensi kaningje, lapen Sobar aphan kapaphodam pen; lahei ke Arnam aphan kapaphodam penle kaningje kali.

Jongsi nonle nang kaparem abang kemanji lapen choklim abang kachepamanji ridunde, pulote mohut aporke, monit akhei pirthe along mesen akai pen kedo ahut, lapuson kiridunji aphan avarsai avedetji. Halaso apor ahut, anuttin abangphu akijut kosonpoma lake pacheklangdakpo. Halaso apor ahut, nang kopuson ahormu loma puke klardakpo, lapen jongsi nang kaparem abang man ingtung mate choklim kachepaman kangtung do, lake kichun un’e ason mandetpo. Lake lapuson anvetpo, alang kachedandong a’ot ajoine, monit ke kapacheklangdak aphi adai pho nangkokpo. Halaso apor ahut, monit atum kiridunji ke bang pen anpar akangtui adim kachoridun kalilo, ajahak atum aphan ke kaparem abang keman lapen kaprek atum abang ke choklim kachepaman, mate ajahak atum aphan ke kechengsi kahache Arnam asomar keman; alangtum lahei ason ridundelo. Kadokave ta Arnam kasorjon pen keman ason saidepo, kadokave ta pirthe along si dopo, lapen kadokave ta Arnam pen si pirthe along dorappetpo. Nonke Arnam pen Sobar angbong ron kedo aporlo, lake labangso aron kijut along kele nangjilang aporlo, monit aphan ingthimlim pen kacheparidenglong nangjilang apor; lake angdeng kachelar apor. Lapen lasi, monit atum kiridun nangji ke kaparem abang keman kalite Arnam amonit angbong inut kachepaman henlo. Pini arni anghoi angbong kacheprek dopik, bonta mo apor nangle lote lapuson kacheprek do’an ta avelapji: Lahai amonit kedoan atum anghoi angdeng isivetpo, alangtum kadokave ta monit akhei along apun-achak kedo abangphu saidepo lapen pirthe athak chibarkri pen si dorappetpo, ladak kipuji puke alangtum kadokave ta apun-achak kedo kasorjon pen keman atum saidepo, lapen kadokave aphan ta chingbarkri mate isivet asonsi pipo. Atheke Arnam asai akai kacheprekjam, lapen Alanglisai akemangdam ta cheprekjam, jongsi laso asai nangtum along si nangklem, pulote nangtum choklim kemanji lapen kaparem abang kemanji aphan apun-achak dolo; jongsi laso asai angtan si keklem pulote hadak kedo amonit atum kechengsi aphong kacheraiji amonit adilung kemanji, lapen kechengsi aphong choklim kachepamanlongji amonit adilung kemanji apun dolo. Pini arni, labangso asai angtan le keklem kali, lasi kaprek adet amonit atum ke choklim kachepamanji lapen kaparem abang kemanji aphan apun-achak avelang, lapen alangtum ke kechengsi amonit adilung kemanji puke un’elo. Atheke Arnam asai akemang ke prekjam apot si, Arnam asai akai tame prekjamlo, lapen labangso ale mate angthek tame prekjamlo, hadak henlo kechengsi adilung, hala ke, haladak kedo ke kaparem abang atum, lapen lasi hini angdeng adilung tame dopo lake choklim kachepamanlongji atum. Ephong jongsi isi adilung aphan choklim kapinchong dolote, hadak isi animona lapen apun-achak kapangbar aphan dopo, lapen lasi mohut akai along choklim kapamanji hini angdeng lapen kethom angdeng adilung dopo, bonta kijut un’e akai along ke latum do’an ta isivetpo, lapen hadak thangnat angdeng-anghoi kethakdam avelo. Alangtum aphan prekjam apor ahut si choklim kapinchong pu anvetpo, lapen alangtum angbong angdeng-anghoi kethakdam puke avelo. Mo kadokave aphan ta choklim kapinchong’etlo pu apor nangle lote, lapen mindarsong adang the-bi asai do’an ta keplenglap apor nangle lote, hadak angdeng-anghoi along kacheprek avelo lapen kadokave ta angdeng-angdeng chibarkripo. Pini arni, labangso asai nangtum anglum si keklemlo atheke nangtum kaparem abang keman nangji apot. Jongsi laso asai Britain along si keklem pulote, Britain atum si kechengsi adilung nangmandetpo, nangtum le kechengsi adilung kemanji asonthot. Lake nangtum ke pini arni nangtum along bangso asai kecheng ponji aphan ingjangdong pen kanghon ahirjume kelongtang apot pu anchot, lapen jongsi lake nangtum along le keklem kali pu asonte, nangtum si hini angdeng adilung, kalidet kethom angdeng adilung, kalite phli angdeng, mate pho angdeng adilung nangmanrongpo. Lake thangnat kali bonta asai keklem apor kacheprekjam ajoine anchot; kechengsi adilung lapen hini angdeng adilung pule isi abang ke ingtuichet mate ingdaichet pu aphan le kejongdam kali, lake lahei amonit atum aphan choklim kapinchong apor si kapaklangdam. Pini arni lahei alamthe nangtum aphan nangthanlo, bonta nangtum aphan kopipot si aphrang pen nang thanthedet? Atheke, isi angthun pen kali pulote, monit atum akele anat damjui titi. Langdam sinang, Alangli kedo apor ahut Jisu pulo: “Ne kedamjui apot, lasi Ne chelethupo.” Pini arni, ongdung atum ke lahei alamthe aphan aning do’itji, lapen alangtum aning kehang ke akelok apindeng kachingthang lapen siningrengme arlo alangtum angkang kave aningkarong aphan kachonghong. Lahenlo, ongdung alamthe ke ningjedap aret henodak ta do; jongsi lahei aphan ningjedap aret pulote, monit atum akele anat kedamji mon’epo. Monit abang ke bi ongchot, lapen alanglong lahei alamthe arlo kedo ahokpet alam kachiniji aphan jakong ave.

Monit le pirthe along ahokpet monit akai chepalong unlote lapen kedoan Sobar jakong aphan benghetlo tangte, pirthe along monit joike pen dolongpo. Pini arni ason ra ajat ason ta chingvuikung kalipo: Monit hejan angbong kachepho, rat angbong kachepho, kasiksak’ir hemtun angbong alam – lahei atum akele akisung, lapen ongdung akiduk vandet! Monit akai ladak ke ningdukmeme anpin! Ephong le monit aphan kacherai longlo te, alang aning lapen kamatha ta chelarphitpo: Alanglong Arnam aphan man kipi lapen kanghon aning dopo. Ephong mindarsong angkang along Arnam aphan man kipi kangtung atum an aphan cheraidet lote, ladak kipuji puke, ephong Sobar aphan kaparemdet, lapen ephong le Sobar – kedoan akangting ajakong – aphan phatek arlo kethap longlo, pulote pirthe along monit akai ke kasiksak pen kejoklo, lapen alang pirthe along jokvan pensi dodun longpo. Jongsi monit akai along ke ok-vi pen kacherapphring kachepho lapen ok-vi arpum pen kasiksak’ir ason ave, tangte lake ansose si kejoipikji apotlo. Monit along ok-vi pen kacherapphring kachepho akele siksak’ir ongchot, lapen monit along lapuson ason kedo ke alang Sobar kebai ajakong pen kachepajok nangji dolang pu angtheklo. Jongsi nangle nang korte lapen ingjir atum pen lasonthot kachepho si do, jongsi nang hemtum along do’an abangphu atum pen ta lasonthot kachepho si do, tangte nang thangnat kamathadam parsik avelo, lapen nang majok aphan ta thangnat kamatha parsik nangji avelo. Thangnat ta memuchot avelo, lapen lapuson pensi monit ke alang kisung do’an ason pen chitim anke jokvanpo. Pirthe along kemesen amonit akai pen kedodun, monit atum ta tekela atum atengpo; ok-vi pen si kedobom abanglang pusitame, alang tekela atum pen kachingbar thepikpo. Lahenlo angdung kiti asemelo, monit aphan kechaktang kijutsi aseme. Pini arni monit ke kapakeng lapen kangsai kephonanglo; monit laheihui kachetongnang lake thangnat ale vangve pusi nang mathajima? Kapakeng lapen kangsai asai ke tangte thangnat athe avepin pen si keklemme ason loma? Aphrang ahut kipu ke monit aphan kapakeng lapen kangsai asai keklem ke alangphaan isi aklong kave ahilik along kethapji aphan, ladak kipuji puke alanglong pen ang-ang lapen kevangjilang akai along avarsai do’an ke’enlap. Lake kaprek kali bonta esonvet aphan: monit aphan kapangthir. Monit aphan kemanglor penle aklong kave ahilik along kethap kali, laso aphi le lale Arnam alanglong pen ari chepajokplot. Alar ke, lake monit arlo kedo kachedandong a’ot pen kachingvaiji aphan, atheke mo kijut apor ahut monit arlo kedo ason do’an ta ingthirjirji mene pu aphan, atheke alang Arnam aphuthak ahokpet agian kelongji aphan lapen inut ingthirjir abangphu ateng kemanji aphan. Jongsi lale klem’etlo pulote, kadokave do’an ason ta plenglappo. Chenam-chenum pen ta, mo lahei monit arlo kedo kepho nangji ason do’an pen chingsai’etlo, lapen monit ke klangdong angthek chepadolo pulote, Sobar aphan ke paremdetpo, lapen monit arlo abinong’et pen kedo ason angbong pen isi-hini ason ke ingthirjir kalilang pusitame, ephong le Sobar aphan kaparemlo pulote, halahei anpar ke kisung-kapasiksak unji ajakong avelo, lapen halaso apor ahut monit ke amutpi ingthimlim pensi kangthirjir nangmandetpo. Monit mantune ta lapuson akai chetong longlelang, bonta Sobar aphanle keparemdetlo pulote, kadokave ta cheklamlapji lapen monit arlo halahei masapsap akisung doanta jut’etpo, lapen ephong le hala akethepi akisung le kijutlo pulote, kaprek do’an akisung tame nangjutlapji. Labangso Arnam pirthe along monit nangcheparje apor ahut, Alangli jongjung si monit anglum Alangli sai kacheklem ahut, Alangli keklem asai do’an ta Sobar aphan kaparemji aphan si keklem, lapen Alangli Sobar aphan kaparemji ke monit aphan kacherai lapen nangtumphan choklim nangkapinchong pen. Nangtum kacheklangdong angthek chepado lote, lake, lapenpen si, Sobar aphan kaparem angthekpo. Monit aphan aphrangsi ke cheraipo lapen padu ke choklim pinchongpo atheke Sobar aphan kapremji ajoine. Thihek pen pudam lote, ajat le punon, Sobar aphan kaparem penpen si lake monit akhei kedoan aphan kisung kachechaknang atalo pen kejokvanlo. Asai le mindarsong adang ta dengpon mate China alongchot pule langdamdepin pen tame, lahei kadokave ta Sobar aphan kaparemji lapen monit akhei do’an aphan kejokvan kevanpiji ajoine pen loklo, atheke monit aphan kesang adim along kapalut longji aphan. Arnam monit nangcheparje abang, labangso ok-vi jongjong, lake jonglor lapen pathihek penle pudam pulote Sobar aphan kaparemji aphanlo. Ok-vi along Arnam asai aphan ale ke’enpon ke singrengme arum kedo kadokave Arnam aphan kanghon atum an aphan kejokvan kevanpi henlo, lake monit akhei aphan kacherai longji aphan, lapen, anparta, Sobar aphan kaparemji aphan. Arnam kisik-kedang asai angpong ason aphan ke kadokave monit akhei along kejokvan kevanji aphan Sobar aphan kaparem pen pachekak un’e. Kopipot si, laso asai ongdung aphan along, kaiketa nangtum angthek kachepadonang alam keklangverlo? Lapen komat aphan si laso angthek kachepaklang kimindamlo? Lake Sobar aphan le kimindam kalima? Lason angthek kachepaklang ke Arnam aphan, lapen lake Arnam asai angthek chelonglo puta pacheklangdakji aphan. Angthek kachepado puta Sobar aphan kaparem asai pen si cheraploklo; jongsi Sobar pen kachedan aron ave pute, monit atum angthek chepado teng’ai nangnedetji apotlo. Atheke Sobar aphan paremvek nangkokji, monit aphan kepajok apor ahut amat si, Arnam ta monit atum Sobar athengno Alangliphan angthek chepado nangji pulo, laso akerap enpen si Alangli monit aphan kapajok lapen Sobar pen ron kachedan. Laso angthek ateng si, monit ke kejokvan kelong nangji akemang antalo lapen te Sobar aphan kaparemji aphan arisim amatlo, lapen lasi monit ke Arnam kisik-kedang asai amutpi along angpong asonlo, hapu Sobar abang ke thangbakbe kapanahok ason pinaklo, hoturlo. Nang chematha tahai nang ke thangnat klemkle pusi, bonta nangkun along kachelar kedo ajoine, angthek chepado’etlo, lapen labangso angthek kachepado ke Sobar aphan si keparodam lapen monit aphan le kaselamdam kali. Monit ke lapuson angthek pen aning kacheparongji apun ave. Koson si alang Arnam pen keklem asai aphan kachini unpo? Arnam kachedan akemang ke Sobar; monit, lapuson ahut ke, kejokvan kelong nangji abang. Monit along chongthui-chobai lapen kapahi’i akun do, lapen lason asai kachiniji aphan alanglong jakong ave. Lake Sobar kachongthui-chobai ajoine lapen monit along aphrang pen amena amat kedo ason kali, bonta Sobar aphan si kejongdam. Pini arni, Arnam asai kethenai ke Sobar aphan kaparem, lake, monit aphan ingthimlim pen kacherai, atheke monit atum Sobar athengno angdung kithi mate padusi angthek chepadoji mene pu aphan. Lapuson pensi, kadokave ason ta pachundetpo. Ongdung alam along ke, nangmek renglor athengno ke thangnat klemklelang pusi cheklangji, bonta abinong ke, asai abang ke kechuntanglo. Monit atum ke kichuntang asai do’an theklongdak nangji pusi kamatha, bonta nangphan nangpatheklonglepin pensi, Ne ke Nesai chepatang’etlo, atheke Sobar tame ari chirung’etlo, laso alamjor ke alang amutpi pensi keremtanglo, atheke kedoan Arnam abidi-sore, jakong lapen kachepahemphupon pen si Sobar aphan paremdetlo. Lahenlo abinong’et kachepado nangji angtheklo, lapen lale monit along keklangdak kapaklangdam ave pusitame, lake mekrenglor jongjong penke checharche pusitame, Sobar ke keremtang chenamlo. Laso asai amutpi pen si Sobar aphan keparodam lapen Sobar pen kedo aron ajoine si kedengpon asai. Lapen lasi, monit atum kechuntanglo pu ketheklongle ason dopik khangjanglang, bonta lake, Arnam amek along, arjidingklui pensi kichuntanglo. Lake Arnam asai along aklong kedo ahokpet ason angbong pen isilo.

Ephong Sobar aphan paremdet lote, hala ke pudam me mate, monit aphan jongsi hai pame lote, lahei asai do’an ke kejok kelongji ajoinelo pu monit atum chechinipo, lapen laso akejok kelongji aphan lake Sobar arideng pen monit aphan thidunjok nangji. Arnam ningkan 6,000 angdeng an sai keklem angbong ingdeng kethom’an thak’lo: Aron Akai, Kanghon-Kangjinso Akai, lapen Khristo Arat Kepangri Akai. La ingdeng kethom an asai amo sitame monit akhei atum kejok kelongji apharmanlo, pudamlo pulote, Sobar kepahenotang amonit akhei aphan kejok kevanji si la klemlo. Bonsitame, laso ahut, la keplang atheke Arnam lapen Sobar ron kachedanji aphanlo. Lasi, kejokji aphan asai amo le ingdeng kethom kethak ason thakthak, Sobar pen aron kachedan ta ingdeng kethom an thak’lo, lapen la Arnam asai amo sonni sitame dihu isivet si klemlo. Sobar pen ron kachedan athe lake monit akhei kejokji aphanvetlo, lapen monit akhei aphan kejok kevanji lake isivet angdeng penle sai kechokji kalidet ajok, Sobar pen ron kachedan la ta angkung lapen aphurun ason thakrep’lo, lapen Sobar monit aphan ko’an si kepahenoma lapen monit atum akenang ko’an doma laso ateng pen si Sobar aphuthak abe thurpo. Monit atum kamatha lake, Arnam Sobar aphuthak hile-kaman pen lapen pirthe amonit atum ason hini asong angbong chethurprup si laso aron chedanpo pusi kroilo. Lake monit aning kere pen kamatha alammlo; bonta lake nahok ta keledamde lapen chinipameme alammlo, bonta lake monit atum kekroi alammlo. Lapen monit atum kejok kelongji atovar lake Sobar pen ron kachedan anchotlo pu neli non ningjedet apot si, ron kachedan ke lason henlo pusi monit atum ke munthidunlo. Monit aphan kejok kevanji aphan sai angdeng ingdeng kethom do, la kopiloma pulote Sobar pen ron kachedanji lapen kaparemkokji aphan sai angdeng kethom an thakdaklo. Bonta Sobar pen ron kachedan asai ahokpet arlo alamm lake prekjam asai amo keklem pen ajok si amo pleng unji: monit aphuthak kangjinso, monit apap ajoine kacharkli adan keplang, monit apap an kadiya, monit aphuthak kehai, lapem monit aphan kepachoklim henlo. Ahokpet alamm abang ke, Sobar pen ron kachedan lake hile-kaman humprup pen kali, bonta monit aphan kejok kevan, monit achethe aphuthak keklem, lapen Arnam aphan ahakhi karjappi thekji aphan monit aot-adur kelar henlo. Sobar aphan ron kaparem ke lason pen henlo. Sobar aphan keparem lake monit a’ot-adur kaheno aphan kelarphun henlo. Sobar aphan keparem, lake, monit aphuthak kejok kevan, lapen ajok katherak’it aSobar aphan ingnanghet si, monit atum kejokvan longpo. Lasi, monit atum kejok kelongji ke Sobar aphan ron kithur henlo, lapen monit kejok kelong along laso aron kachedan lake cheklangdak binonglo. Kijut arni angdeng ahut, monit aphuthak kachepahaiji ahut henlo, Sobar pen ron kachedan padusi aphonglo, lapen monit aphan Sobar arideng pen kepajok kechoklim asailo. Monit aphan kachepahai pu arlo alammjor ke Sobar kachepa’ok det kedo along pen kacheruithu – monit komatma Sobar pahingnotang abang – Kapinchong abang kachepahai aphi kedun, laso pen ajok alang sobar aphan Che-o’po lapen plenglim pen Arnam along cheruithupo. Lason pen pulote, monit atum jokkroi-jokvan longpamepo. Lasi, kachepahai asai lake Sobar aphuthak ron kithur padu asailo lapen Arnam asai amo along kachisik Sobar aphan keparemji pu kepadusi angdeng asailo. Laso asai pen kali pulote, monit aphan kejokvan kangthimlim kevangpiji aphan un’e, Sobar aphan ta parem un’e, lapen monit akhei atum komentune ta kelangme ahavar lutdun longlelo, mate Sobar arideng pen jok un’elo. Lason thakthak si, Sobar pen ron kachedan pajutdet matik ke monit aphuthak kejok kevan asai jut un’elo, pima Arnam asai angkung along achoset asai lake monit aphan kejok kevan piji aphan henlo. Kechengsi amonit atum ke Arnam arideng si dolo, bonta Sobar asat lapen kepaheno’et pen ajok, monit atum aphan Sobar si ingnangchek’lo lapen kaheno arideng klobup’lo. Lasi, Sobar ke Arnam asai keklem amo along keparemvek nangji asonlo. Athema Sobar monit aphuthak kachepahemphudet ajok, lapen Arnam sai keklem amo along kenangsotnei ason ke monit henlo apot si, monit aphan jongsi pajokji pulote, alangliphan Sobar arideng pen thidunjok nangkokpo, la kopiloma pulote Sobar monit aphan ingnangchek aphi la aphan Sobar arideng pen enthujokpo. Lasi, Sobar monit a’ot barim an kachelar pen ajok si Sobar aphan parem nangpo, laso akachelar lake monit a’ot binonglo. Lason pen ajok si, kangnangtang amonit, Sobar arideng pen jok unpo. Monit jongsi Sobar akangnang lapen abe pen jok’lo pulote, Sobar amorjat dampo, monit aphan Sobar a’ot kaheno arideng pen pajokphlotpo, laso aron along ke monit si ale kedonai abang plangpo, lapen laso aron kachedan jutdet lote Sobar ke ado kephovek nangji abang plangpo, laso aphi lote monit aphan kepajok asai amo pleng pamepo.

Arnam ke kapingchongtang api aphan alar kehuiji mathathe; Alangli Sobar aphan anchotsi parem ingtunglo. Alangli sai do’an – lake ado kipi mate kangsai pu sita – Sobar aphan si manglo; lahei asai lake monit akhei kejokji aphan si klemlo, lapen lahai kadokave ke Sobar aphan keparemji aphanlo, lapen la kemangdam eson dolo: lake kijut ahut an Sobar aphuthak kachedanji aphanlo! Sobar aphuthak haidet matik ke Arnam sangselo! Sobar aphan paremdet ansi Alangli sangpo. Athema Alangli sai amo do’anta Sobar aphan si manglo, lapen Sobar kapahingnotang amonit atum anke Sobar ahukum aber si dolo lapen Sobar arideng si renglo apot si, Sobar aphan ron chedande lapen paruhup’he te, lahei amonit atum aphan Sobar aredeng pen loledetji pajokjedetji, lapen latum aphan pajok longledetpo. Latum aphan jongsi pejokpon longle pulote, Sobar aphan parem un’elang pu aphanlo, lapen la virvelang pu aphanlo. Lasi, Arnam ningkan 6,000 angbong sai keklem amo along, kechengsi amo lake Alangli aron-atang aphuthak si klemlo, lapen puthot amo ahut lake Alangli Kanghon-Kangjinso Akai si sai klemlo, lake, thengparpan athak apran kachipi henlo, lapen puthot kethom angdeng asai amo ahut lake Alangli monit akhei aphan kacheraiji abe kachivung mate kachepahaiji asai si klemlo. Lahei asai anta Sobar monit aphan kapaheno angdeng ansi klemlo, lake Sobar aphan keparemji aphanlo, lapen asitin angdeng ta Sobar aphan keparemji ajok lo. Arnam ningkan 6,000 kesik kedang kemangdam sai keklem achoset amo lake dragon hi-i hang’et ake’er aphan ron kachedanji aphanlo lapen monit aphuthak sai keklem ta Sobar aphan keparemji aphanlo, Sobar pen ron kachedanji aphanlo. Arnam ningkan 6,000 an ron chedanlo, lapen Alangli ningkan 6,000 sai keklem lake monit aphan isi apirthe kimi along kevanji aphan si klemlo. Sobar jongsi remdetlo pulote, monit atum kejok longpamepo. Tangte lake pini arni Arnam pen keklempon sai akrong laso ateng si klemlo kalima? Lake pini arni keklempon sai akrongvek’lo: monit atum aphan kapajokvan, laso ajok monit atum ajat aron pen ajok kisung kephophedetji aphan, lapen kekok kangnang pen kejokvanji aphan. Lahei asai anke nangtum aphan nanglangrai pen lapen nangtum akenang ateng pensi klemlo, pudamlo pulote nangtum keklem kepachun’un anke nangtum aphan nang pador’etlo. La “vokak aphan thengpi achelon along pardon toite,” mate nangtum aphan ajat ason ta nangpaklem bor’i’e; bonta, lahei asai anta nangtum akenang ateng pensi klemlo. Sai angkungtin keklem anta monit atum akenangsot ason ateng pen si klemlo; sai angkungtin ta Sobar aphan keparemji asai si klemlo. Ahok alam ke, kecheng ahut ke Kapinchong Abang lapen Alangli kapinchongtang amar angbong adak chehelole. Lahei adai kepadodun lake Sobar henlo. Monit atum aphan Sobar kapahenodak ajok ajat ason ta latum checharche lapen ajat ason ta papho un’edetlo. Monit ke kepho abanglo, bang kachongthuilong abang manlo. Sobar jongsi remdetlo pulote, kapinchongtang amar an Kapinchong Abang aphan aman pipo, lapen Kapinchong Abang ta Alangli kapinchongtang amar aphan chelang si Alangli amat chejaponpo. Monit atum kereng nangji akai ke la anchotlo. Lasi, Arnam asai abinong’et lake Sobar aphan keparemji aphanlo anchot, lapen Sobar jongsi remdetlo pulote, ajat ason ta chunpo. Pini arni nangtum theklonglo, Arnam monit angbong kevang lake lammso kali. Nangtum aphan arnivang nang kapasiksakji, kali-kalang alam keningjeji, lapen Alangli arje kosonma lapen Alangli kosonsi kereng lapen lam kaningjema pu kachepaklangji le pirthe kevang kali. Alangli monit ason kacheparjan lake nangtum amek chingpu pen Alangliphan kelangji aphan mate mek kachingpu aphan kali, mate nangtum aphan kamanghumeme alam kaningje lapen sap throksi kethengthip anghap kangpu alamm aphuthak kaparjuji aphan anchot kali. Bonta, Alangli Monit kacheparje keplang lake Sobar aphan keparemji aphanlo. Alangli amat monit atum angbong vang si monit ason cheparjan si monit aphan kepajokji lapen Sobar aphan ron kachedanji si vanglo; Alangli Monit nang kacheparjan athe ke la henlo. Sobar aphan keparemji aphan kali lepute, Alangli mena amat laso asai klemkledetji apotlo. Arnam monit atum angbong Alangli sai keklemji aphan kevang lake, monit atum angbong Alangli kachepaklangdakji aphan lapen monit atum Alangliphan alam karjuji aphan; tangte la asapso asai ma? La joike asai kali binong! La monit atum kematha ateng pen chingbarbe: la Arnam pirthe kevang lake monit atum Alangliphan kepalangphrongji aphan, la monit atum Arnam ahokpetma mate kalima pu kapachiniji aphan, lapen Arnam ke chepabipik bonta sedengpik. Lahei lapu’an akejoi ma? La planglo athema Sobar monit a’ok aphan pahenolo, lapen Arnam kepajok kangtung lake monit henlo, lapen Arnam Sobar aphan ron kachedanji lapen monit aphan Alangli mena amat kiviji si monit a’ok ason cheparjanlo. Alangli sai aphan ale kedo la anchotlo. Arnam phongni aphong monit ason kacheparjan lake Sobar aphan keparemji aphan lapen monit aphan kepajokji aphanlo. Kopima la Sobar pen ron kachedan’un lake Arnam anchotlo, la Arnam aKarjong kalite Arnam monit ason kacheparjan aBang le klem pu sitame. Thihek pen pulote, Arnam apherangke atum le Sobar pen ron kachedanji kali, Sobar kepahenotang amonit atum puke aphi alamlo. Arnam apherangke atum ta laso aron kachedanji aphan ajakong ave, lapen monit atum ke la ansose si jakong ave muchotlo. Bonta, Arnam jongsi monit akai aphuthak sai keklemji pulote, Alangli monit aphan kepajokji aphan pirthe Alangli mena amat vang ingtung pulote, Alangli monit ason cheparjan nangkokpo – lake, Alangli amat monit asonthot man nangkokpo, lapen Alangli mena a’ot-adur lapen Alangli keklem nangji asai klem si, monit atum angbong vang si Alangli amat monit aphan pajok nangpo. Kali pulote, jongsi Arnam akarjong mate monit atum si laso asai keklem pulote, laso aron thangta angthek avedetpo, lapen la komentune ta jutjelo. Arnam monit ason cheparjan si Sobar aphan ron thurpo pu ajok si monit atum kejokji atovar longchotlo. La anchot kalisi, laso ahut ansi Sobar rempo lapen ajat asai ta keklemji lapen ale kacho’enji aphan atovar chelongledetpo. Arnam monit ason kacheparjan Abang keklem asai lake Arnam aKarjong pen papleng un’e, lapen monit atum Arnam apharman keklem piji puke un’e binonglo, kopima Alangli keklem asai lake monit achethe apharman si klempilo, lapen monit a’ot-adur kaheno kelarji aphan si la klemlo. Monit atum jongsi laso aron chedan nangji lepute, la kaphere thirik pen si katjuipo, lapen la amena a’ot-adur kaheno chelar un’edetji apotlo. La monit aphan thengparpan athak pen kepajokji aphan un’edetpo, mate monit aning kaheno aphan chepahai un’edetpo, bonta asapso asai si klem unchotpo lapen aron ateng dam un’e asai si klempo mate Sobar aphan keparem unji asai kalidetpo. Tangte la pi chonghoipo? Monit akhei aphan chepalong un’e asai keklem, lapen Sobar aphan parem un’edet pulote kopi si ale kedolo? Lasi, Sobar pen ron kachedan’un lake Arnam Amena amat anchotji, lapen monit la klem un’edetji. Monit keklem nangji asai lake lam karju lapen aphi suding kidun, kopima monit atum ke pirthe lapen sining kapinchong’un ajakong ave, lapen, la anchot kali, Sobar aphan kachesongji ajakong ta ave. Monit ke Kapinchong Abang aphan anchotsi Arnam Alangli mena amat akeja pen ajok aning pangsam unchotji, lapen ansi Sobar ke remji; monit keklem’un asai ke la anchotlo. Lasi, ron kachedan kecheng abataitin, kaprek alamthe pen pudam lote, kai kimi asai kapangcheng abataitin, laso asai lake Arnam amena amat si klemlo, Alangli pen ajok si angton aove aphan japonlo lapen monit akhei an aphan akimi atovar ingpupilo. Isi akai aove kimi ingpu lote Sobar pen ron kachedan kapangchenglo, lapen ajok monit atum akimi, lapen akelangme ahavar, akimi aove Arnam amat kejapon ahavar anat lutlo. Monit ke kedoan amar ahemphulo, bonta ale kelong atum anke Sobar pen ron kachedan ajaton plangpo. Sobar lake ajat amar aphan pahenolo, la ajat aron ahut sita kerem abanglo, lapen la aphan lahei aron jutdet lote ado pipo. Arnam, monit lapen Sobar angbong, kelangselet memeji lapen kekoirok memeji abang lake Sobar aphan henlo. Sobar kacheparideng longtang amonit atum jongsi Arnam latum aphan cheparideng longledet pulote, Sobar alar latum si ado phopo. La bang kethom angbong pen, Arnam aphan anchotsi hormu kedoan ta ardom chot nangji. Sobar kapahenotang amonit atum jongsi Arnam cheparidengthudet lapen latum Arnam pen keja ahokpet atovar anat pangno lote, latum ke, Arnam akechak ason denglongpo lapen Arnam apharman latum kaheno atum aphan ingsaipipo. Arnam ke ahokpet si kehai aBang plangpo lapen Sobar ke remdetpo, bonta monit atum angbong ke ajahak atum ke haipo lapen ajahak atum ke rempo. Kehai atum anke aphrang kedam atum arideng si dopo, lapen kerem atum anke kerem atum arideng si dopo; lake anuttin atum aphan kethak angtheklo, lapen lake Arnam sai keklem amo kirip angdenglo. Lapen, Arnam asai an angbong pen kemangdam asonlo, lapen lake lar un’elo. Arnam sai keklem amo along achoset ason lake monit aphan pap pen kepajok aphan si manglo, lapen laso achoset akemang ajoine si Arnam monit ason cheplanglo, laso asai ajoine, lapen Sobar aphan keparemji ajoine. Arnam monit ason kacheparjan cheng lake Sobar aphan keparemji aphanlo: Alangli amat monit ason cheparjanlo, lapen thengparpan athak apran chipilo, kechengsi asai kepaplengji aphan, lake monit akhei aphan pap pen kepajok henlo. Lason thakthak si, laso asai amo ta Arnam amena amat si klemlo, Alangli monit ason cheplang si monit atum angbong sai cheklemlo, monit atum Alangliphan kepathek longji aphan lapen Alangli mena amat Alangli lamm kaningjeji aphan. Ahok, Alangli sai cheklembom dambom ahut eson sonni asai klempon tema, bonta Alangli sai keklem ahokpet ason lake Sobar aphan keparemji, monit akhei aphan Alangli chepahai si, lahei amonit atum aphan Alangli kacheparidengji aphanlo. Lasi, Arnam monit ason kacheplang aBang keklem asai lake joike asai kali. Alangli kemang asai jongsi, Arnam ke ahokpet, chepabihek lapen cheklangdakde pu monit aphan kachepaklang chotji aphanchot, bonta Alangli laso asai kepaplengji aphan kali pulote Alangli monit ason cheplangpledet ta chokji apotlo. Arnam monit ason cheplangplepin sitame, Alangli kachepabihek lapen kacheklangdakde a’ot-adur, Alangli anong kethe lapen akangthir’et, lake monit angno chepaklang’un, bonta lahei ason pen ajok monit aphuthak sai keklem pen kacheton avedetpo. Lahei ason monit aphan pajok un’e mate pachoklim un’e, Sobar aphan keparem ke aphi alamlo. Sobar aphan keparem asai along jongsi Karjong hejan ron pachedanrong pulote, lason asai ke ador do’o’edet ason si plangpo; monit aphan kacheparidengji aphan un’edetpo lapen monit ang’ang lapen akachecharmek phangnodetpo. Lason thakthak si, pini arni Arnam asai keklem lake angkur arsikjit lapen ingchimpik. Alangliphan monit atum patheklongnang pu anchot kali si, monit amek pachingpuji aphan, mate la aphan asapbak aning kepathe lapen aning ingdukchetji mene pu aphan; lason asai lake angkur ave. Nang jongsi lason agian akethek-kere alam ningjethek pulote, nang ke Arnam ahokpet kacheparjan alam nang chini pamemelang pu aphanlo.

Arnam kisik-kedang asai keklem angdeng lake Arnam amena amat si cheklemlo. Kechengsi asai angdeng – pirthe kapinchong – Arnam amena amat si klemlo, lapen Alangli kali pu asonte, badu ta monit akhei aphan kapinchongji ajakong ave; puthot hini asai angdeng lake monit akhei an aphan pap pen kelang asai, laso asai lethot ta Arnam amena amat si klemlo; lapen kethom asai angdeng lake: Arnam asai angdeng kepajutji aphan ta Arnam amena amat si klemvek nangji akenang thepik binonglo. Pap pen kelang asai, monit aphuthak kachari asai, kacheparideng asai, lapen monit akhei aphan kepachoklim asai anta Arnam Amena amat si klemlo. Alangli amat jongsi laso asai klemkle pulote, Alangliphan monit atum arjappi un’edetpo, lapen monit atum Alangli sai klemlongledetpo. Sobar aphan keparemji aphan, monit aphan kacheparideng longji aphan, lapen pirthe athak monit aphan mesen pen kereng avarsai kelongji aphan, Alangli amat monit aphan japonlo lapen monit atum angbong sai klemlo; lake Alangli sai keklem amo ajoinelo, lapen Alangli sai apharman, Alangli amat si laso asai klemvek nangkokpo. Monit atum kekroi jongsi Arnam pirthe kevang lake Alangliphan kepalangji aphan, monit aphan aning keparongji aphan pule matha lote, lason akamatha ke ador avelo, angkur avelo. Monit atum kachinidam ingdai ongchotlo! Arnam Amena amat sai keklem pen ajok si Alangli sai keklem chunpameji. Monit atum ke Arnam apharman sai keklempi un’e. Kopima la along Arnam a’ot-adur mate Alangli ning ingthin monit along ave, la Arnam asai keklempi un’e, lapen monit laso asai klemdet pusita, la thangnat ta ale avedetji. Arnam kechengsi aphong monit keman lake pap pen kelangji aphan, monit akhei an aphan pap pen kepajokji aphan, monit aphan kecham pangthir lapen alang pap kadiya a’ot kepadoji aphan. Kachepahai asai keklem la ta Arnam amena amat monit atum angbong klemlo. Laso apor ahut jongsi, Arnam kethanmek alam ningjechot pulote, komatne athekkere mate kethekser abang le Alangli dim cheraidet sita chokji apotlo; la kethanmek alam si kaningje chotji pulote, monit le Arnam adim arjap sita chokji. Sita monit atum jonghele Arnam amena amat keklem asai keklempiji aphan bor’i sita, la keklemji aphan ajakong avedetji. Laso asai Arnam amena amat si klemvek nangji: Arnam amena amat monit cheplangsi laso asai klem vek nangji. Lamthe akai arni, kethanmek alam ansi ningjechot pulote, Isaiah kalite Elijah montri atum aphan le laso asai paklem ta chokji apotlo, lapen Arnam amena amat klemkledet ta chokji apotlo. Kopima laso akai malom keklem asai lake kethanmek asai anchot, lapen laso ahut jasemet lamthe asai pensi monit aphuthak charilo lapen Sobar aphan ta parem’ilo apot si, laso asai monit klem un’e, lapen Arnam amena amat si klemvek nangji. Aron-atang akai arni Jehova laso asai klemlo, lapen Alangli lamthe ningje si kethanmek atum pen ajok penang alam ningjelo lapen asai ta klemlo. La kopiloma pulote Jehova alar monit atum arjappime pu aphanlo, lapen Alangli pharman kethanmek atum penang an alam lapen ason lapen mang alam anta thantheklo. Kecheng ahut keklem asai lake monit a’ot-adur kelar asai le klemphitlo lapu kali, lapen monit apap pen thangnat kacherap ave, lapen monit atum keklem nang lake aron-ateng kekroi anchotlo. Lasi Jehova monit ason cheparjan si monit atum angno Alangli cheklangdakdedetlo; bonta Alangli Moses lapen kaprek atum aphan ingki si, latum aphan Alangli pharman paningje lapen sai paklemtoilo, lapen monit akhei atum angbong sai paklemlo. Kechengsi asai angdeng Arnam keklem lake monit atum keja abang keplang. La pen ajok Sobar aphan ron pangchenglo, bonta laso aron cheng pamelo lapu kalilang. Sobar aphan ron kachedan pame pu kecheng lake Arnam kachepharlo pen henlo, lapen la pini arni anta dobomlo. Lake Arnam sai keklem kapangchenglo, lapen laso asai ron kachedan kali pu sitame, mate kopi asai kethe pu tame, ron kachedanji asai aphan anujok ke’e ason cheplangdetlo. Puthot, hini aphong ahut asai angdeng lake Kanghon-Kangjinso Akailo lapen monit a’ot barim kelarji aphan la parloponlo, lapen Arnam amena amat si monit achethe larphunlo. Laso asai ke Arnam amena amat si klem nanglo: Ladak Arnam monit ason cheparjan nangkoklo. Alangli jongsi monit cheplangple pulote, badu ta laso asai along Alangli dular arjappi un’edetji, kopima aso asai lake Sobar pen ron kachedan asai penak. Kecheng ahut Jehovah keklempon asai angdeng ke monit akai achethe pirthe athak kachejaji aphanchot. Lake Arnam keklemcheng asailo lapen ladak non amatke ajat aron, mate ajat tame kethedung asai avelang, kevangjilang aron aphansi pathirdam lo. Aphithu, hini angdeng asai along Kanghon kangjinso akai ke monit atum a’ot barim kelarji aphansi klemlo, la kepudam ke Arnam amethangsi monit achethe vanpilo. Lake Arnam amena pensi keklemvek nangji lo: ladak kenangji atheke Arnam amena monit cheman nangpo. Jongsi Alangli monit nang chemanmedet pu asonte, maduta Alangphan laso asai angdeng along kelarphlotji un-edetpo, pima lake kengsetsi Sobar pen kachedan asai peklangdam lo. Laso asai jongsi Arnam alar monit arjaplo pulote, monit jongsi Sobar angno arjap lote, Sobar ta kerem chekrongkredetji lapen la aphan parem un’edetji. Laso asai ke Arnam monit ason kacheparjan abang si la paremvek nangkoklo, kopima Arnam monit ason kacheparjan abang ahokpet ke Arnam lo, Alangli monit achethe ason ben dolo, lapen Alangli si kapinchong Abanglo; ajat le plang sita, Alangli angthek lapen a’ot-adur chelarlelo. Lapen lasi, Alangli monit arje ason cheplang si Sobar Alangli ingno kachehodaidetji aphan laso asai klemlo. Kijutsi asai angdeng keklem arni ahut, monit aphan laso asai paklemlo lapen lamthe paningjelo pulote, alangli latum angno lam ningje un’edetpo, lapen kethanmek alam le ningjelo pulote, laso akethanmek alam ke monit aphuthak chepahai un’elo. Monit ason kacheparjan pen, Arnam Sobar aphan paremdetlo lapen la chehodaidet nangkoklo. Alangli Sobar aphan keparem ahut, monit aphuthak kachepahai ahut, lapen monit aphan kacheparidenglong ahut, laso asai angdeng jut pamepo lapen chun pamepo. Arnam sai keklem amo along, Arnam alar monit arjap un’e. Pudamlo pulote, isi akai kejapon lapen sai amo kepangcheng lake Arnam amena amat keklemvek nangji akenangsot binong. Monit aphan kepaklang lapen kethanmek asai lahei ke monit atum klem’un tema, sita Arnam Alangli mena amat keklemvek nangji asai, Arnam amena amat Sobar pen ron kachedan nangji asai pulote, laso asai ke monit atum pachun un’e. Kechengsi asai angdeng ahut, Sobar pen ron chedan jokphlot ahut, Jehovah amena amat Israel arat atum aphan kethanmek atum kaningje alam pen ajok japonlo. Laso aphi, hini angdeng asai ahut lake Sobar pen ron kachedan angdenglo, lapen Arnam Amena amat monit ason cheparjan si laso asai klemlo. Sobar pen kacheraplok asai anke Arnam monit ason kacheparjan Abang penta kacherap dolo, la kopiloma pulote laso asai ke monit atum pachun un’e. Monit jongsi ron chedan nangji pulote, la Sobar aphan parem un’edetpo. La Sobar arideng si dokok pulote koson si Sobar aphan kachedanji ajakong kedopo? Monit ke angbong si karjap: nang jongsi Sobar anat charchunglo pulote, nang ke Sobar amonitlo, bonta Arnam aphan aning pangsamlo pulote, nang ke Arnam amonitlo. Monit jongsi Arnam alar laso aron chedanlo pulote, la klem unjima? Monit jongsi klem pulote, arjidingklui arni pen la vir’etpo kalima? Aphrang pen me herang along jang’etpo kalima? Lasi, monit atum ke Arnam keklem asai along arjappi un’e, pudamlo pulote monit atum along ke Arnam a’ot-adur ave, lapen nang jongsi Sobar pen ron chedanlo pulote, nang la aphan parem un’edetpo. Monit atum ke ajahak asai ansi klem unchotji; monit atum aphan kepakroithek ajakong do, bonta Arnam amena asai along alang arjappi un’e. Kosonsi monit le Sobar pen ron kachedan unpo? Nang pangchengche aphrang pen amat si Sobar ke nangphan nang ingnangchekpo. Arnam amat Sobar pen ron chedandet pen lapen monit Arnam phan alam arju pen ansi, monit aphan Arnam cheparideng longji lapen Sobar akangnang pen jok unji. Monit amena agian lapen ajakong pen kelong’un ason jumpik khangjang; alang amena aphan chepachoklim un’e, japon thekthe, lapen, la anchot kali si, Sobar aphan ta parem un’e. Monit agian lapen akethek penchot ke Sobar abidi langno aphan phangno un’e, tangte koson si monit la aphan ron chedan unpo?

Kachepachoklimji aning kehang atum an kachepachoklimji aphan avarsai do, lasi kadokave atum ta phere nangne: Mo ephrang ke nangtum laso adim along lutdun longji. Bonta nang jongsi kachepachoklimji aphan nang ning hanghe pulote, lapen kedoivet ahavar along lutdun ingtungte pulote, lake nang rideng si dolo. Kachepachoklimji aphan aning kehang lapen Arnam aphan ahukum karju atum, lam karju atum an, lapen amena asai cheklem pame atum an – lahei amonit atum aphan ke pachoklim’un. Pini arni, amena sai cheklem pameme atum an, Arnam aphan alam arjujedet atum an, lapen Arnam aphan chehodaidetde atum an, kenangsot ke Karjong Kangthir pen ajok kachecharmek lapen kachini ajakong longlo bonta asai cheklemkledet atum an – lahei amonit atum’an aphanke pachoklim un’elo. Arnam aphan kekroithip lapen ahukum karju atum aphan ke pachoklim’un, latum ahut pen lam arjujechet sita; aphi kihungdun aphan aning kehang atum aphan pachoklim’un. Laso aphuthak nangtum matha chepasung nangnelo. Nang laso akhrong along kiridunji ningkehang dotik ke, nangphan pachoklim un’lang. Nangtum angbong pen inutnat aphan ta ne nang kevarchorji mate nang ke’obupji aphan ne ning hanghe, bonta inut amonit jongsi kemesenji aphan aning hanghe pulote, tangte nang methang aphan si chephangnolo; Ne le nangphan nang kevar kalilo, bonta nang methanglo. Nang methang jongsi kemesenji aphan nang ning hanghe pulote – nang jongsi seletlo pulote, kalite nang sai cheklem pameme pulote, mate lam arjuje te, kalite ahok aphi hungdunde te lapen nang ning kehang aling klemlo pulote, nang jongsi henodak pulote, nang mena anong lapen pirthe akhi aphan si hunglo pulote, lapen beisa asai klemlo pulote, nang methang apap nang methang si chinghor nangkokpo; lapen kangjinso kelongmeme abang kalilo. Ne ning kehang lake nangtum kadokave aphan nangpachoklimji pu henlo, kali pusita nangtum aphuthak kachepahai anbak ke do nangji apotlo, atheke laso asai angdeng kichun pameji aphan. Arnam aning kehang ke kadokave aphan kepachoklimji pu henlo, Alangli nang kacheparidenglong, Alangli pen nang cham pangthir pame, lapen Alangli kachinghon amonit keplang henlo. Nangtum angno ne kaningje alam ke ador ave lapen arjumeme alam kalidet tahai – bonta lake ahok alamlo. Ne laso alam kaningje pen ajok nangtum aphan nang’obuppo, nangtum aphan ning kethe avelo, lapen nangtum aphan nang pajok ingtungtelo lapu kali. Pini arni ne nangtum aphan kapajokji asai si klemlo, la kopiloma pulote kejok kevan asai angthun si ne klembomlo. Anuttin amonit ta kechoklim keplangji avarsai do: Nang ning kehang, nang aphi kihungdun ninghang pulote, mo kijut ke nang laso aphuthak ale chetheklongpo, lapen inutnat aphan ta obuppo lapu kali. Nang jongsi kamatha ingdaiplang pulote, Ne nanglong pen kenangji ason ta la anchotpo; nang jongsi kamatha angdeng ingchimpik pulote, kamatha kangchim henlo Ne nanglong pen kar’i; nang jongsi chinine lapen ketok kelang thekthe pulote, nang ko’anma kethek laso ateng pensi Ne nangphan ar’ilo; jongsi nangke ketok kelang kethek abang pulote, nang ketok kelang kethek atengsi ar’i lo; nang jongsi sar’eng arleng pulote, nang arta ateng pen si ne nanglong pen ar’ilo; nang jongsi alohi chakthekpik abang pulote, nanglong pen ne kenangji lake laso akethek pen henlo; nang jongsi alohi chakthekthe pusi ningjelo, lapen ajahak asai ansi klemthekchotlo, langdam sinang Birta keme kapachethang, kalite kardom ahem kalana, kalite kaprek mondoli asai along kacherapdun si thekchot pulote, ne nanglong pen kenangji ke nang kethek an asai apot henlo. Kekroithip, kijut arni an lam karju, lapen Arnam aphan ahokpet pen kanghon – la henlo kopima nang kepaplengvek nangji lo, lapen la sonthom ason pen anpar akeme asai ke avelo. Ajat le punon, monit atum la sonthom asai keklem paplengvek nangji, ansi la aphan pachoklim unji. Bonta, kadokave aphuthak, nang ahokpet pen aphi hungdunkri nangji, aphrang lapen athak anat dambom nangji, lapen dojoijedet nangji. Ne pulo anuttin amonit ta kachepachoklimji aphan avarsai do lapen kachepachoklimji aphan ajakong do, lapen la ahok alamlo, bonta nang kihungdun asai nang klem pamemedetlo. Nang jongsi la sonthom asai papleng un’e pulote, mo kijut ke nangphan nangvarchor nangkokpo. Kadokave ta kapaprapji aphan si ne ar’ilo, lapen anuttin ta Karjong Kangthir asai lapen kachini dovek nangpo, lapen ha kijut arni anta kroithip nangpo, kopima laso asai lake nangtum anuttin keklem nangji asailo. Nangtum jongsi nangtum asai cheklem’et lote, nangtum aphan nangpachoklimpo, lapen nangtum hakhi karjap aphuthak angtong thepikpo. Hakhi karjapthek atum lake Sobar aphan ron kehai atumlo lapen Arnam akechak kelong atumlo, lapen kelangme ahavar along kereng longji atumlo.