Monit Nangkacheparje Along Kachepatujoi Alam (3)

Arnam le Alangli sai keklempon ahut, Alangli kevang ke ajat tame kikim mate kachesongpon along kachetodunji aphan kali, bonta Alangli birta keme pachethang asai kapachunji aphan. Aphongtin Alangli ok keman ahut, lake isi asai angdeng kapachunji aphan anchot lapen puthot akimi akai kapangchengpon. Nonke Arnam Arat Keoangri Akai nangle etlo, lasonsi labangso kepangri alongri kasekeji aphanlo. Laso asai angdeng ke monit atum asai kali, lapen lake kejongdamvet isi angdeng amonit atum aphan asai kali, bonta lake isi aphar Arnam asai kapachunji aphan anchot lapen Alangli keklemvek nangji pima asai kapachunpon, lake pirthe athak Alangli sai choklim pen kisik-kedangji aphanlo, lapen laso ajok anong the’iji aphan. Arnam ok kachepharlotang abang keklem asai ke pima hala monit atum ke’enpon Karjong Kangthir ason pen chepreklang. Pirthe athak along Arnam Alangli sai keklem kevang ahut, Alangli ningdo’e ke Alangli birta keme pachethang kapachunji aphan anchot. Kadokave Alangli birta keme pachethang pen akaprek alam doan ke, Alangli ajat along ta klemkledetlo, anpartame amek kachecharchedet pu ason ansi pemanlo. Alangli keklemvek nangji asai si Alangli klem-dam ponbomlo, lapen monit atum keklemji pu asai aphuthak anke kadokave ta Alangli mathadunletledetlo. Alangli laso asai keklem ke pima Alangli koloso akai ahut si kedoma pachetonponlo lapen Alangli kepachunvek nangji laso birta keme pachethang si pima klemlo, athe ke kadokave prekjam alam doan Alangli mathadam pen angtan si do’etlo. Alangli ke Amethang aphan monit akhei atum angbong kereng aphuthak kenangsotnei kachini nangji ke ansose chepadordelo, mate Alangli ke hamphang asai amo ansose charlile, mate pima monit atum kachinidam ajat pu sitame Amethang aphan chepathekdundedetlo. Kadokave pima monit atum kenangjivek aphuthak anke Alangli angton pen ta mathaletle lapen Alangli ke Alangli deng kalidet anke klemkledetlo. Lapen lasi, monit kethekdamlong ateng, Arnam ok kachepharlotang abang ke akeongpi along akadure kedopik pen pima Alangli ke penang an ahormu monit atum kedengvek nangji anta pima ardi thangnat ta pidundedetlo, lapen Alangli ke lason aphuthak thangnat ta kachinidam avedetlo. Lason ahormu ke chethe aphuthak thekprong gian asonlo, lason thakthak si jongjong methang kachelangchariji aphan kekroidam chithikvet alamlo lapen bang pen lam chingki-chethanlo, Alangliphan ke thangnat ta kachephodam kepon klangkledetlo. Bonta nang chenam si matha un’edetji Arnam ok kachepharlotang abang pen ke masapso tame phu keplengple ason puke. Pima lake lapulo, Alangli monit atheng ke Alangli kai jongjung abangphu ason si do-thaklo lapen Alangli phu tarlok tame mesen pen si munthi-munlanglo, Alangliphan kechok lapen kechokche angbong kelangdamthek ajakong piponlo. Anpartame, Alangli ke akaprek ajat ason pen plengchenche, kadokave atheke kopima monit (pinchong api) si salajong cheparidengvekji aphan. Arnam ok kacheman ke Alangli methang birta keme pachethangji aphan anchot. Alangli sai ke angton akai along tame japonlo, inut amonit mate adim along pu kali, bonta somindar adangpi alonglo. Lake Alangli sai keklem kachejaponlo lapen Alangli keklempon kekroidam chithikvet alamlo. Madu tame lake lar un’elo, lapen monit ke laso along kachejokdunji aphan atovar ta ave. Aphongtin Arnam ok kacheplang ahut, Alangli halaso akai ahut keklem asai si Alanglilong chevanlo, lapen monit atum along si ingkoi, thomkep, phlikep, mate anparta throksikep mate throknerkep an aningkan kedorapji aphan mathaletle pima laso pen ajok alang kachini muchotji lapen Alangliphan aklong alam kelongdunji aphan. Lason ke akenang amat si avelo! Lason keklempon puke Arnam along kedolor akun aphuthak monit atum kachinidam parnukji puke kalipinlo, adular ke, lake alang kamunthidamthap along si pabatdunpo lapen ajok alang kamunthidam alam lapen kachindam doan ta kelar un’edet si manpo. Lake laso apot si nangtum kadokave adenglo Arnam ok kachepharlotang abang keklem asai aphuthak kachinidun pemeji aphanlo. Chenam si nangtum ke Ne nangtum aphan kaningjetang alam kachinidam ke thekthedet pu chokchelo: “Lake pima Ne kevangtang jongjong monit achethe kachomatlong pu aphan kalidet?” Nangtum laso alamthe chetengnedet loma: “Arnam pirthe along kevang ke jongjong monit akai kerengji aphan kali?” Nangtum Arnam akemang ok kacheman ahut chinidundedetlo, mate nangtum ke “Kosonsi Arnam pirthe along kevang ke kapinchongtang abang akai ason kachomatji aphan si kamatha?” pu alam ajor chinidam loma. Arnam pirthe along kevang ke Alangli sai kapachunji aphan isinat anchot, lapen lasi Alangli sai pirth along ke thiheklo. Alangli pirthe along kevang ke Arnam aKarjong kachejapon pen ajok Alangli ok abang arpum inut kangtangkring amonit chepinchongdet si komatma kardomhem kejaponji pu akemang pen kalipin. Arnam pirthe along kevang ahut, lake Lam si ok pachemanlo; monit, tebontame, Alangli sai chininedetlo lapen Alangliphan ketoi bor’i si ajat ta pekdetlo. Bonta nangtum kadokave chemathadam nangji ke pima Arnam henlo “Lam pen si ok chemanlo,” ok abang-arpum le pima Arnam aKarjong pen ajok kacheman si malomso aphan ke Arnam amolo pu kelangdamji aphan kali. Arnam Amethang ke katikiji ahormu kalidet, bonta lake Lam si ok chemanlo, lapen pini arni Alangli hokum long peme pen si Alangli sai nangtum kadokave angbong cheklemponlo. Nangtum kadokave chinilo, lapen chorolo, pima Arnam ok kachepharlotang abang ke thekdak ahokpetlo, tebonta nangtum cheparjan ke thangnat ta chininedet asonthot. Arnam ok kachepharlotang abang asai pen Alangli arje kachepharlo nangkok akenangsot lapen ardi alam an, nangtum doan ke laheihui akijumnei ta long dundedetlo lapen bang akaprek abe dunsi ningchibi pen lamthe kaningjedun paklerlo. Nang Arnam ok kachepharlotang abang ke nang kemathadam atenglo pu kroidam loma?

Arnam ok kacheman ke bangso akai kachejapon lapen akimi asai keklem kepangchengponji aphan isinat anchot. Lake nangtum laso alam kachini nangji akenangsot dolo. Lake monit atum akeklem-kedam pen ongdung kacheprek do, lapen elongvet achethe along ke la hini jongpon un’e. Monit ke alangphan sai keklem’imelo pu aphan ke arjidingklui pen si tiki lapen pachoklim nangkokji, lapen monit atheng akenangji pima lake akangtui angdeng si jasemetpet kedo nangji. Monit atum jongjong monit atheng pen kamathadamthek le kelongdun anchot nangji kalidet, bonta alang ke ansose si chinidam nangji penang an alang anut kaprek pen kachepho along kekroidam chithikvet lapen kachejapon aron keklem along, lapen, anpartame, alang ke monit atum kethek-kere lapen kangthir keme gian aphuthak ansose si kacharlidam apor chipivek nangji. Lahenlo kopima monit along ke kedo padorvek nangji. Tebontame, lake Arnam ok kacheman aphan ke kali, athe Alangli sai ke monit pharman cheklangkle mate monit asai ta kalidet; lake, alar bonta, Alangli abang kethan kejongdak alamthelo lapen kejongdak asai kepachunponlo pima Alangli keklemvek nangji ateng pen. (Ahokpet ta, Alangli sai ke kejongvet apor ateng pen si klemponlo, cheparengmesen lapen mathakrang pen kali, lapen laso kecheng ke Alangli birta keme pachethang pachunji pu apor ahut penlo.) Alangli ke monit atum akai along mate monit atum asai along chetodunde, lake athe, Alangli monit atheng ke laheihui (laso apot ke Alangli sai along siksakse puvoiphit tame) along asontin pen ta padorde. Alangli ke Amethang birta keme pachethangji si pachunchot lake Alangli keklem nangji apor lo pulote; Alangli ajat angdeng along pu sitame, Alangli ke aphrang anat si dambomlo pima Alangli keklem pachunvek nangji asai keklempon. Alangli aphuthak monit atum ajat tame chinidam doan lapen ajat tame monit atum Alangli phuthak kamunthidam, Alangli sai ke angton pen thangnat rodamkutke. Langdam sinang, Jisu le Alangli sai keklem ahut, inutnat ta chinine Alangli chenam ta komat lone, bonta Alangli aphrang dambomlo Alangli sai ateng pen. Lason ajat tame Alangli keklem pachunvek nangji asai keklempon along Alangliphan khangdun un’e. Laso apot si, Alangli ke kechengsi chethanthe mate pangdakde Alangli mena angthek, lapen monit ke Alangli phiphi dun jongjonglo. Ahokpet ke lason Arnam kachepabihek apot anchot kalilang, bonta lake Arnam ok along keklempon akrong atengthotlo. Alangli ke laso akrong ateng si klem thekchotlo, athe monit ke amek pen Alangliphan ajat ahin pen tame pangthek thekthedetji. Lapen jongsi monit le Alangliphan pangthek thekdet pulote, alang ke Alangli sai along ajat ta cherapdun ke thekthedetji. Anpar sitame, Alangli ke monit atum Alangli ok kacheman kachinidunji aphan pule ok kemandam kalidet; lake sai keklemji aphan lapen Alangli birta keme pachethangji aphan. Laso athe ajoine si, Alangli angthek rat pachiniprongji aphan ke Alangli thangnat ta ardi pipedetlo. Alangli kadokave asai pima Alangli keklemji ateng pen patangthei ahut lote, Alangli angton angthek lapen angdeng tame monit atum aphan ahokpet paklardakpo. Arnam ok kacheman sitame dojoi lapen thangnat kapangdakdam alam ave. Alangli monit aphan tame mathadamde mate kosonsi monit atum Alangli phiphi kidunbom loma ta mathadamde, bonta Alangli birta keme pachethang asai kapaplengji si aphrang anat dambomlo lapen Alangli keklem kapachunvek nangji asai si klembomlo. Alangli sai keklem atovar along madu tame karjapdunji un’edetlo. Alangli sai kepajut nangji apor nangkele ahut Alangli, lake chingtontepin pen chenam si patangpo lapen pajutdamvekpo, lapen anpar ke madu tame laso alam kethanji un’elo. Alangli monit along pen Alangli sai patanget pen damjui aphi ansi Alangli keklem asai alam monit atum chinidampo, angton pen amat le nonpu kalidet puvoiphit tame. Lapen lake monit aphan arjidingklui apor an endetji Alangli kechengcheng ahut asai Alangli keklempon akemang aphuthak klardak pen kachinidamji aphan. Kaprek ahin pen pulote, Arnam ok kachepharlotang abang akai ahut keklempon asai ke hini aphar an kethakpon do. Isi aphar along kedo asai ke pima Arnam ok kachepharlotang abang Amethang ok pen keklem lapen alamthe ke pima Arnam ok kachepharlotang abang Amethang si kaningjepon. Alangli ok abirta keme kapachethang le angton pen patangtheilo, akaprek aphar asai abang ke komatmatma Karjong Kangthir pen kachejapon atum si klempiponpo. Lake laso apor ahut henlo pima monit atum amethang ajakong cheharjak nangji, athe Arnam ke atovar paklang’et tanglo, lapen lake monit si laso atovar along kengkam chejordun nangvekpo. Lake lason le pu tame, Arnam ok kacheman ke aphar asai an kapachunji aphanlo, lapen anke Karjong Kangthir lapen komatmat ma Karjong Kangthir pen kachejapon atum doan si laso asai pachunpipon nangpo. Laso apot si, monit ke kopima asai aphan chinidun nangji pima la Arnam ok kacheman pen laso angdeng ahut keklempon nangji akenangsot kacherap kedoma, lapen alang choklim si kopima Arnam ok kacheman ke akenangsot alam lapen kopi si laso asai pima Alangli keklem pachunvek nangji doma chinidunvek nangji, lapen Arnam along hanghedet nangji monit aphan akehangdam asonthot ateng pen. Laso along si monit akachokche dolo, alang kamunthidamthap, lapen anparta ansose, alang athikdut kalidet.

Arnam ok kachemanpon ke monit atum Alangli ok aphuthak kapachinidamji pu akemang kali, mate monit aphan Arnam ok kachepharlotang abang aok lapen hala monit angbong akacheprek kepathakdamji aphan kalidet; mate Arnam ok kachemanpon ke monit ajakong pen kapangsaithekji aphan aseke kipipon kali, lapen anpar akijum muchotlang Alangli keklempon athe ke monit atum Arnam ok kachepharlotang abang aphan kaparcho si, laso pen ajok nongnam thedung kelongji aphan kali. Laheihui ason doan pen henlo Arnam ok kachepharlopon pu abinong’et akemangdam kalipin. Mate Arnam ok kachemanpon ke monit aphan akoi keputotji aphan ta kalidet, mate monit aphan chinilor pen kapaklangdakji pu kali. Laheihui doan ason pen ke Arnam abinong’et akemangdam kali. Aphongtin Arnam ok kachemanpon, lake isi asai ateng pen pima kapatepek un’edet ason. Lake Alangli thedung asai lapen Alangli kethedung kisik-kedangdam pima Alangli cheparjan pen Alangli keklempon aphan ajoine, lapen pima monit kamathadam alam aphan ajoine pu kalidet. Arnam pirthe along kevang kea the Alangli sai akenangji ateng pen puchot, lapen lake akenangsotlo puchot. Alangli pirthe along kevang ke pirthe along kijui pangtarthapji pu akemang pen kali, bonta Alangli keklem pachunvek nangji asai nangkeklemji aphanlo. Kopi athe si tangte Alangli chemathadamji lason ardikhup anghor lapen lason thedung siksak meme deng pen laso asai kepachunponji along? Arnam ok kachemanpon ke Alangli kenangji ahut puchot, lapen kaiketa keprekjek akenangsot ateng. Jongsi lake monit atum aphan Alangliphan kapalangji lapen ke alangtum kamatha akrong kapatheji aphan pu ajoine anchot asonte, Alangli ke, chenam theklor penlo, monit atum angbong lapuan akarjang pen ke vangvedetji. Alangli pirthe along kevang ke Alangli kisik-kedangdam lapen Alangli kethedung asai aphan ajoinelo, lapen ke pima Alangli monit akhei aphan ansose si kelongdamji meme pulo. Alangli kevang ke laso akai apharman cheklanglo, Alangli kevang ke Sobar aphan kehaiji, lapen Alangli Amethang aphan ok ateng kachingchoi ke Sobar aphan kehaiji aphanlo. Anpar sitame, Alangli kevang ke angton monit akhei doan aphan alangtum akai kereng along kejadunji aphanlo. Kadokave lahei alam anke Alangli kisik-kedangpon saidelo, lapen lake somindar adangpi asai keklem aphuthak alamlo. Jongsi Arnam ok kacheman ke jongjong monit aphan Alangli ok abang aphuthak kapachiniji puchot lapen monit atum amek kangpu’iji puchot asonte, kopi athe si Alangli alongtin adet tame kedamtheithedetji? Lake tangte anpar akejoipikji alam kaliji puhe? Bonta Alangli lason klemkledetlo, alar ke elong mesen adim ingvai si dodamlo lapen Alangli keklem pachunvek nangji asai klem pangchenglo. Laso ok isinat anchot si jongdamvet akenangsot ardilo. Alangli ke angton akai apharman si cheklanglo, lapen laso akai along angton pen asai tame klemponlo; Alangli aban akai ke kepajut pemanlo lapen akimi ke pangchengponthulo. La kadokave ke pima Arnam kisik-kedangpon along akenangsot alam saidelo, lapen la kadokave ke pima Arnam pirthe along kevang pen sai keklempon akenangsot asai angdeng isi apharlo. Jisu le pirthe athak kevang ahut, Alangli ke ajahak alam ansi ningjechotlo lapen ajahak asai ansi klemponlo; Alangli Amethang aphan monit atum achethe pen langdamdelo, lapen Alangli ke Alangli sai Alangli patangdet pen aphi chedamjuilo. Pini arni, Ne kaningje patang’et ahut lapen nangtum aphan si Ne lamthe doan pi’et aphi, lapen nangtum kadokave tame chinidam’et pen, laso angdeng Ne sai along ke kapajutponlo, ajat le kosonma nangtum akai along cheman tame. Mohut ke ajahak amonit atum ke laso angdeng si Ne sai along klemjilang lapen pirthe along lasonsi klembomjilang laheihui alamthe akerap enpon pen; halaso apor ahut, monit asai lapen monit atum kikim-kerang ke pangchengpo. Bonta, nonjong ke, Arnam Alangli sai ke Alangli birta keme pachethang kapachunji aphan si klemlo lapen Alangli sai eson angdeng kapatangji aphan. Monit atum ke kachingrum lapen asong aninghanglo, lapen ningrong chipi amei adim aphan ardi pilo, tebontame kopima Arnam aningdokdenei ke chenam si monit atum kachingrum lapen mei heihui henlo. Arnam ke monit pen lam chingki-chethan lapen kaningjepon aron-ateng kali; lahenlo Arnam asai keklemlo, lake akemepik akejokvanlo lapen nangtum aphan pajoklo. Tebontame, Ne nangtum kachingrum amei pen ke ahok chetereklo, lapen Ne ke nangtum ason aron kekokhet akai ke nangcheplangdun pen do thekthe. Ne ke ongdung aron ke ningdokde; latum ke monit aphan khamkhelo alangphan elong angdeng an pasangkok si paphrangji haihelo, lam ta ningje haihelo, lapen lun ta lun haihelo, alang amek ke nangphan si pakengson pen kelang pangchinglo. Ne chenam si nangtum kachingrum amei ason ke ningdokde lapen Ne chenam si akeongpi kachingrum amei ke langseletlo. Ne nangtum pen laso ateng kachingrum rappetji ke patepeklo, athe lason ajat akerengdun ke paphrangdun thekthelo lapen nangtum ke ongdung ningarong amei lapen ongdung penang aron aphan si langdamlo. Jongsi nangtum aphan le pajaji toilo pulote nang ke kadokave amonit atum aphan angton pen ta aron along si bikokpo, lapen latum ke nangtum akejapon aron aber dokok si aling pen tame chepajokplot thekthelo; alar ke dhorom avarmon si ansose pen arsikjik chemanthupo, lapen monit atum akeklem-kedam si kebatbom dothurongpo. Ajahak amonit atum ke birta keme thanbomlo lapen latum kachingrum along ningjebomlo lapen latum ke lakledetlo, lapen ajahak ke sangsepin pen penang arni aphan birta keme kethandam si dambomlo. Laheihui doan ke kadokave ta monit atum kethedung kachingrum lapen meipi pusi pulo; latum ke chethe kecho lapen kijun alam ke thangnat ta cherapdunlokle, ningkarong kachipi, mate jokvan kipi akarjong aphuthak. Laheihui doan kadokave ke mei saidelo! Nangtum ke mei kepado along kacherapdun atumlo, lasonthot si thedung lapen bihek kachingrum, la kadokave tame Nephan ke palangseletlo, lapen Ne ke lahei along ajat ta ningkedokdun pu mathadamde. Lahenlo Ne sai keklem kerkoidam chithikmek alamlo: Ne ke kachingrum ahut ke birta keme kethanji ninghanghe, mate Ne ke ongdung rat ameipi kacheto along tame ajat alam ta pangdakji akar’i ave, lapen nangtum kadokave aphan Panini-nithom apharman keprekjek meipi kepadoji pu nangkebai ke durepiklang. Ne la kachekroidam theklongle pima nangtum kadokave ta ingnilo, do-thakvet si menmen kopine ningdokdunde ason lote thurdunham, kachingrum along; Ne nangtum aphan ajat ningkarong amei angbong lason kedo kelangji ningdokdelo, lapen anpar sitame, Ne lason nangtum kibi aningkarong amei along chetongdun ta thekthelo. Koanma nangtum lason keklempon, lapuan si Ne ningkedokde theklonglo. Ne ke masapso ta laheihui ningkarong amei lapen nangtum aron along ninghang dunde; koanma nangtum lahei kemesen asai klempon puvoiphit sitame, Ne lahei kadokave tame kelangselet si theklonglo. Lake pima nangtum kisik-kedangpon doan ke kechokchedet mate pima nangtum doan ke ardi avedet; lake pima Ne nangtum lason akedo-kethak aphan langseletlo lapen, anpar sitame, Ne ke laso along kapachetondunji puke un’elo. Nangtum ke Ne ninghang ateng pen pen keklemji asai aphan masapso ta chininedetlo. Jisu le kedamtang ahut Alangli sai keklempon, ajahak adim along lam than tangdet pen aphi, Alangli ke Alangli risangho atum doan aphan japonlo rongsopi angtan an lapen latum pen tovar along chethanlo pima lake arpu ateng si lahei chinidun pemelo. Alangli ke lasonsi sai cheklem ponbomlo. Alangli sai ke mulukpi angbong jumhek lapen heloving. Alangliphan nangtum kopi si kehangpon ma pu kelangdam pen ke, Arnam ok kacheman ke jongjong amonit atum akai ason ke kalidet nangji; Alangli ke Alangli sai keklempon nangji, lapen, Alangli ke ingnilun, arjaplun, mate dambom sitame, Alangli ke ningjevek nangpo. Alangli ke ajat apor ahut sitame klemvek nangpo lapen Alangli “keklemponbom” along ke chington longlelo, kalite Alangli ke Alangli deng doan kachelangset pupo. Laheihui monit akehangdam doan ke monit atum kamathadam chokloma? Konatlo nangtum angthikdut aot ke? Nangtum ke tangte karju paongpikpelo puhe? Ne tangte nangphan Ne sai ateng pen Nephan pangchap nangji langma? Tangte Ne nangphan Ne birta keme kapachethang asai kapachun ateng pen than-mum dunji akenang doma? Ne chini pemelo kopima Ne keklem pachunvek nangji asai doan lapen Ne keklem kapachun ponji ahut; ladak kea nut kaprek atum kachejookdunji akenang avelo. Lake nangphan chenam si matha tahailo athe ke Ne ongdung asai pachunchelang, bonta laso ahut anke Ne sai ke kepajutthu anlo. Jisu alamthe son Phli Birta Keme along le langdam lonang: Lahei doan ke dorphlup kalilangma? Laso apor ahut, Jisu le synagogue along kilutdam lapen lam kethan ahut, akeongpi ke Alangli lomsonat apor angbong si patangdetlo, lapen Alangli lam than patangdet aphi, Alangli Amethang arisangho atum aphan telong pen ponlo lapen ajat alam thanthepin pen chekakdundaklo. Akeongpi along ke, komatmat ma synagogue angbong kachethan seroi ke lasi alangtum angbonglo, bonta lake ajat alam sitame anpar ke Jisu pen thangnat ta kacherap avelo. Arnam ke Alangli keklem kapachunvek nangji ateng pen si klemponlo, lapen laso abat lapen akangtui ta kali. Nonke, penang an atum Nephan ansose lam kaningje lapen ansose kethanji si ninghanglo, jumnei ta arnisi along penang an apor aphan. Nangtum ketheklong ateng, Arnam ke Alangli kaningje lote Arnam ason chepavelo, lapen Alangli komatma kaningje ke Arnam anchotlo. Nangtum kadokave ta mek kavelo! Kadokave tame marat ativi atumlo! Nangtum kadokave ke aphu plengple ahormu aphan anke chininedetlo! Nangtum along ke penang kamunthidamthap alam si dopetlo! Nangtum kehang kedam ke helo ongchotlo! Nangtum doan ke monit asema avedetlo! Nangtum ke kopilo Arnam puke masapsonat ta chinidamdedetlo! Nangtum kekroidam ke pima kadokave lam thanbang lapen lam thanthek doan ke Arnam pulo, lapen pima madu tame komatma nangtum aphan lamthe pen padordunji puke nangtum apo chenamlo. Nephan thantha, kadokave nangtum doan, nang “kechoklim kapinchong” atheng lapen “bang pen prekdunjek” arje kacheklang ke, aphu keplenglim masapsobak anta dolangma? Nang tebonta sining hemrengme arni aphan chinilo! Nangtum anuttin sitame aningkeho lapen kahenodak asaiphu atum saidelo, lasi kosonsi nang la aphu plenglim ketheklongpo? Kosonsi nangtum akechok lapen akechokche angbong kethakvet thekpo? Ne nangtum angbong ongdung pajirlo, bonta nangtum angbong bang koan si laso ale kepado theklo? Komat si la kacheparideng longthei kedolo? Nangtum ke pini arni kedambom komat si laso atovar kangpu loma pu tame chininelo, lasi nangtum ke Nephan kehang ingtontedetlo, Nephan laheihui kangnekmeme lapen ajor kavedet ason si nanghang ronglo. Tangte nangtum ke katherak mahang erlaplelangma? Ne dorplup alam ningjejelangma? Ne dorplup asai klempipelangma? Nangtum angbong komat si ahokpet Ne lamthe doan kabirtivet pen chehoklo? Nang ke Ne kedobom ahut Nephan chorothaplo, bonta nang pachobei lapen chongthuilo nang le kave lote! Nangtum asai amo doan ke palangselet memelo, lapen latum ke Nephan chesonglo! Ne chinilo pima nangtum Nephan ke thangnat athe avepin si lam kaningjetoilo lapen sai paklemtoilo alar ke nangtum amek pangkrangji lapen nangtum matha akrong pangdangji aphan kali, athe ke nangtum akai kachelarphunji aphan ajoine kalidet. Ne ongdung alam nangtum aphan ningje tanglo. Nangtum akai ta hako pen si chelar’et nangji apotlo, lasi kopi apotlo tangte nangtum nonputa nang aban atengthot le pini anta aphi chiruibomlang? Tangte lake pima Ne lamthe nanglong pen chonghupondetlo lapen nangtum ke lahei longdundedet puloma? Ahokpet alam thanpo, Ne ke anpar kaningjeji ninghanghelo nangtum aphan kapabopdetji puke – lake thangnat ale kave si manpo! Ne ke ale kaveve asai ke ansose keklemji ninghanghelo! Nangtum ke nang kamatha angkang si pathechotlo lapen nang mek pangkrangji si ninghanglo, lapen chethe kelongji aphan kalidet! Nangtum doan kadokave ta methang aphan si chechongthuilo! Ne nangtum aphan arjulo, koan si akeongpi Ne kopima nangtum pen chepathengnono ahut kaningjepon doan nangtum asai ateng keklem dolo? Kadokave nangtum keklem ke mekbin pen pathu si bang aphan chongthui’ilo! Ne komatmat ma nangtum angbong kelangdun abang ason langdunchot aphan anke langseletlo, lapen Ne nangtum akar’ipik aphan karnukkrung pen ningdokdundelo. Jongsi nangtum doan le ahok atovar kiriji mate ahok aphan kang’itji kalidetlo, pulo tangte nang ke Ne ningkedokdenei ahormu saidelo! Ne chinilo pima nangtum ke Ne salajong kaningjepon karjudun athe ke nangtum akar’ipik ningchepangsamji aphan mate isi pen isi nangtum ningkeho akar’idam doan kapalengji aphan. Nangtum ke laso ahok kerengbom aphan kiridunji pu masap ta mathaletle, mate choklim atovar pen chethe along kilutdunji aphan ta ridundelo; laheihui kehangdam ke nangtum angbong chenam si avedet. Kadokave nangtum keklem ke Arnam aphan kijui’i ahormu selamdet pima nang kacharli lapen ningkedokdam. Nangtum ke chethe aphan kiridunji ke masapsovet ningkehang’e, bonta kar’idam ason ke dopik ningkarikraktak! Lason amonit atum aphan chethe atovar alam kethan-kemum puke tomonso aphan kachingki pen ketheklong kacheprek avelo; Ne ke kadokave angton ningje’et’edet tahai meme! Nangtum aphan Ne nangpulang: Jongsi nangtum doan ke nangtum aning arlo thangnat ale kavedet si kapaplengji kiridamchot pulote, nangtum ke Nelong vangvedet si kemeneipo! Nangmethang aphan chepajokluri! Nangtum ke nangtum kar’idam sikjik ason pen nangtum chethe kiridun’i aphan mate nangtum Nephan kapaningjeji si athe ke’enpon puke klemkledet si kemeneipo. Laheihui kadokave ke mekbinlo atheke nangtum doan along ingtuiving kethek dolo! Ne nangphan puthot arjuthulo: Kopuan si kopima Ne nangphan kilutdunji aphan kipu pen nang ahokpet ta kilutdun ketheklo? Nang ke tangte kadokave pima Ne kaningjetang an nang longduntheiloma? Nang ke tangte Ne nangphan kaningjetang alam doan pen asai ateng klempon thekloma?

Arnam Amethang amat si akaitin along asai keklem thikponlo, bonta nang ke pima chinidamvek nangji, ajat akrong penle Arnam sai klem putame, Alangli ke kopine kachesong pangchengji aphan le kevang kali, mate keprekjek meipi heihui kibiji ta kalidet, mate ajat ason asong nangtum apharman kaselamji pu kalidet. Alangli jongjung kevang athe ke Alangli keklem pachunvek nangji asai pima keklemponji aphan. Alangli sai ke majok amonit aphan tame isi angang kekhang pen pasungselo. Tebontame Alangli sai Alangli keklempon ke Alangli ninghang atenglo; ajat tame kopima monit kamatha mate kachinidam do sitame, Alangli ningkedo ke Alangli sai keklem aphuthak pen anchotlo. Pirthe kapinchong pen nonjong arni an, laso adak aphar kethom angdeng asai an do’etlo; Jehovah pen Jisu an, lapen Aron Akai pen Kanghon-Kangjinso Akai anlo, Arnam ke monit aphan keprekjek ameipi phaphepinlang, mate Alangli ke kadokave monit akhei doan aphan angton pen pachingrumrelang atheke pirthe adangpi sai keklem ameipi kephaji aphan lapen laso pen ajok Alangli sai kachepahemphu pangdangji aphan puke. Kadokave Alangli keklempon anke bangso akai angton pen kechengcheng asai angdenglo kejongdamvet apor ateng lapen kejongvet adim ateng penlo, laso pen si laso akai along paklangji aphan lapen monit akhei aphan kosonsi alangtum achethe kerengdunji ma pu kachejapon. Keprekjek ameipi heihui ke monit atum kachingrum saidelo; monit doan pangrumpet pen kapachetong puke monit atum asailo kangkir ningkarong chipiji aphan. Arnam ke kangkir talonponpe lapen, anpartame, lahei doan langseletlo; Alangli ke keprekjek ameipi heihui phaponpe lapen, anpar sitame, Alangli lahei ke ningdokde si theklonglo. Nonke nang chinivek nangpo chenam ta kopilo laso asai pima Arnam ok kachepharlotang abang keklempon!