အချက် ၁၁- ၎င်းတို့သည် အမှားတစ်စုံတစ်ခုကို ကျူးလွန်သည့်အခါ ပြုပြင်ခံရခြင်းကို လက်ခံပြီး နောင်တရသည့် သဘောထားတစ်ခု ရှိရမည့်အစား အယူအဆများကို ဖြန့်ဝေကာ ဘုရားသခင်ကို လူသိရှင်ကြား ဝေဖန်အကဲဖြတ်ကြလေသည်

ယနေ့တွင် ငါတို့သည် အန္တိခရစ်များ၏ အမျိုးမျိုးသော သရုပ်သကန်များထဲမှ အချက် ၁၁ ကို မိတ်သဟာယပြုကြမည်။ ၎င်းတို့သည် အမှားတစ်စုံတစ်ခုကို ကျူးလွန်သည့်အခါ ပြုပြင်ခံရခြင်းကို လက်ခံပြီး နောင်တရသည့် သဘောထားတစ်ခု ရှိရမည့်အစား အယူအဆများကို ဖြန့်ဝေကာ ဘုရားသခင်ကို လူသိရှင်ကြား ဝေဖန်အကဲဖြတ်ကြလေသည်ဟူ၍ ဖြစ်၏။ ဤအချက်၏ တိကျသော အကြောင်းအရာမှာ အန္တိခရစ်များက ပြုပြင်ခံရခြင်းကို သဘောထားပြုမူပုံအကြောင်းဖြစ်သည်။ တိတိကျကျဆိုရလျှင် ဤအရာနှင့် ရင်ဆိုင်ရသည့်အခါ ၎င်းတို့၏ သဘောထားနှင့် ဤသဘောထားကို ထားရှိစဉ် မည်သည့်အရာကို ၎င်းတို့ ဆက်လက်လုပ်ဆောင်သည်ဆိုသည်နှင့် မည်သည့် သရုပ်သကန်များ ရှိကြသည်ဟူသည်တို့ ဖြစ်သည်။ အန္တိခရစ်များက ပြုပြင်ခံရခြင်းအား သဘောထားပြုမူပုံနှင့်ပတ်သက်သော အကြောင်းအရာအပေါ် ငါတို့ မိတ်သဟာယပြုပြီးသား ဖြစ်သလော။ (ပြုပြီးသားဖြစ်သည်။ အန္တိခရစ်များက ၎င်းတို့၏ အလားအလာများနှင့် ကံကြမ္မာတို့အား သဘောထားပြုမူပုံနှင့်ပတ်သက်သည့် မိတ်သဟာယအတောအတွင်းတွင် ဤအရာကို ဆွေးနွေးခဲ့ပါသည်။) သို့ဆိုလျှင် ပြုပြင်ခံရခြင်းအပေါ် အန္တိခရစ်၏ သဘောထားမှာ အဘယ်နည်း။ အန္တိခရစ်များက ၎င်းတို့ ပြုပြင်ခံရသည့်အခါ မြွက်ဆိုသည့် လူသိများသော ဆိုရိုးများနှင့်ပတ်သက်၍ တစ်ချိန်က ငါတို့ မိတ်သဟာယပြုခဲ့သည် မဟုတ်လော။ (ဟုတ်ပါသည်။) ၎င်းတို့တွင် ဤအခြေအနေမျိုးအတွက် လူသိများသော ဆိုးရိုးစကားနှစ်ခုရှိသည်။ တစ်ခုမှာ “ဘုရားသခင်က ဖြောင့်မတ်သည်၊ ပြီးလျှင် ကျွန်ုပ်သည် လူတစ်ဦးဦးကို မဟုတ်ဘဲ ဘုရားကို ယုံကြည်သည်”ဟူ၍ ဖြစ်ပြီး အခြားတစ်ခုမှာ “သင်သည် ကျွန်ုပ်ကို ပြုပြင်ဖို့ ဝါနုလွန်းပါသေးသည်။ ဘုရားကို ကျွန်ုပ် မယုံကြည်ခဲ့လျှင် မည်သူ့ကိုမျှ ဂရုစိုက်မည် မဟုတ်ပါ” ဟူ၍ ဖြစ်သည်။ ပြီးလျှင် ၎င်းတို့သည် မိမိတို့ကို ပြုပြင်သူမည်သူကိုမဆို မုန်းသည်။ ထို့အပြင် ၎င်းတို့ ပြုပြင်ခံရသည်နှင့်တစ်ပြိုင်နက် ၎င်းတို့ ဖယ်ရှားရှင်းလင်းခံရတော့မည်ဟု သံသယဖြစ်ကြသည်။ အဆုံးတွင် ၎င်းတို့က ပြုပြင်ခံရခြင်းကို ငြင်းပယ်ရုံမက နေရာတိုင်းတွင် အယူအဆများကိုလည်း ဖြန့်ကြပုံနှင့်ပတ်သက်၍လည်း ငါတို့ မိတ်သဟာယပြုခဲ့ကြသည်။ ယင်းမှာ ငါတို့ ပြောဆိုဆွေးနွေးခဲ့သည့်အရာ ဖြစ်သည် မဟုတ်လော။ (ဟုတ်ပါသည်။)

၁။ အန္တိခရစ်များသည် ပြုပြင်ခြင်းကို ခံရခြင်းအကြောင်းအရင်း

၎င်းတို့၏ တစ်ကိုယ်ရေ အကျိုးစီးပွားများကို ထိပါးသည့်အခါ အန္တိခရစ်များက ပြုပြင်ခံရခြင်းအား သဘောထားပုံနှင့်ပတ်သက်၍ ငါတို့၏ ယခင် မိတ်သဟာယအပေါ် အမြန်ပြန်လည်သုံးသပ်မှုလေးတစ်ခု ငါ ယခုတင် ပြောခဲ့သည်။ ယနေ့တွင် ငါတို့သည် ဤအရာကို နောက်ထပ် ရှုထောင့်တစ်ခုမှ မိတ်သဟာယပြုပြီး စိစစ်မည်ဖြစ်ကာ အန္တိခရစ်များက ပြုပြင်ခံရသည့်အခါ မည်သည့် တိကျသော စိတ်သဘောထားကို ထုတ်ဖော်ပြသည်ဟူသည်နှင့် ၎င်းတို့တွင် မည်သည့်သဘောထားမျိုး ရှိကြသည်ဟူသည့်အရာအပြင် ၎င်းတို့၏ တိကျသည့် အမြင်များက မည်သည့်အရာများဖြစ်သည်ဟူသည်တို့ကို တစ်ချက်ကြည့်ကြမည်ဖြစ်ပြီး ဤအမြင်များကို အခြေခံ၍ ၎င်းတို့၏ စိတ်သဘောထားများကို ငါတို့ စိစစ်မည် ဖြစ်သည်။ ဤအရာတွင် ပြုပြင်ခြင်းနှင့်ဆိုင်သည့် အကြောင်းအရာ ပါဝင်သဖြင့် ပထမဆုံးအနေဖြင့် အန္တိခရစ်များ ပြုပြင်ခံရသည့် အကြောင်းရင်းများအကြောင်းကို မိတ်သဟာယပြုကြစို့။ ပြုပြင်ခြင်းသည် အခြေအမြစ်မရှိဘဲ လုပ်ဆောင်သည့် အရာတစ်ခု မဟုတ်ပေ။ ထို့ကြောင့် မည်သည့် ဆက်စပ်အကြောင်းအရာတွင်လည်းကောင်း၊ မည်သည့် အခြေအနေများအောက်တွင်လည်းကောင်း ဤအရာက အန္တိခရစ်တစ်ဦးထံ ဖြစ်ပျက်လိမ့်မည်နည်း။ ယင်းမှာ ထိုလူသည် အန္တိခရစ်တစ်ဦး ဖြစ်သောကြောင့် သက်သက် ဖြစ်မည်လော။ လူအချို့က “အဆင့်အတန်းရှိသည့် သူမည်သူမဆို၊ ထင်ရှားကျော်ကြားသည့်သူ မည်သူမဆို အဆုံးတွင် ပြုပြင်ခံရလိမ့်မည်”ဟူ၍ ပြောကြသည်။ ယင်းမှာ မှန်သလော။ (မမှန်ပါ။) သို့ဆိုလျှင် အန္တိခရစ်များသည် ၎င်းတို့ကို ပြုပြင်ခံရစေသည့် မည်သည့်အရာကို လုပ်ဆောင်ကြသနည်း။ သာမန်အမှားတစ်ခု ပြုလုပ်မိလျှင် ၎င်းတို့ ပြင်းထန်စွာ ပြုပြင်ခံရလိမ့်မည်လော။ ဤအရာသည် မိတ်သဟာယပြုသင့်သည် မဟုတ်လော။ (ဟုတ်ပါသည်။) အန္တိခရစ်များသည် အဘယ်ကြောင့် ပြုပြင်ခံရကြသနည်း။ ထိုအရာကို သဘောတရားအရ ကြည့်သည့်အခါ အန္တိခရစ်များတွင် မာနထောင်လွှားသော စိတ်သဘောထားများ ရှိကြသည်။ ၎င်းတို့သည် သမ္မာတရားကို ကျိုးနွံနာခံခြင်းမရှိကြ၊ ဘုရားနှုတ်ကပတ်တော်များ သို့မဟုတ် အပြုသဘောဆောင်သည့်အရာများကို မချစ်ကြ၊ သမ္မာတရားကို အလွန်အမင်း မနှစ်မြို့ကြကာ သမ္မာတရားကို မုန်းကြပြီး ဘုရားသခင်၏ ရန်သူများ ဖြစ်ကြသည်။ ထို့ကြောင့် ၎င်းတို့သည် ပြုပြင်ခံရသင့်သည် သို့မဟုတ် မညှာမတာပင် ဖော်ထုတ်ခံရသင့်ကြပေသည်။ ဤပြောဆိုချက်သည် မှန်ကန်သလော။ ၎င်းတို့၏ သရုပ်သကန်မျာနှင့် ထုတ်ဖော်ပြချက်များအရ ၎င်းတို့ကို အန္တိခရစ်များအဖြစ် ထူးခြားသည့်သွင်ပြင်လက္ခဏာကို ဖော်ပြကြသည်။ ထို့ကြောင့် ၎င်းတို့သည် ပြုပြင်ခံရသင့်ပြီး မညှာမတာပင် ဖော်ထုတ်ခံရသင့်သည်။ ၎င်းတို့မည်သို့ ပြုပြင်ခံရသည်ဖြစ်စေ ၎င်းတို့သည် မသနားထိုက်ပေ။ ၎င်းတို့သည် ငြင်းပယ်ခံရသင့်ပြီး မည်သူမဆိုသည် ၎င်းတို့ကို ပြုပြင်ရာတွင် လုံးဝ တရားပေသည်။ ယင်းမှာ အမှုအရာများ၏ ပကတိအခြေအနေ မဟုတ်လော။ (မဟုတ်ပါ။) သင် သေချာသလော။ အန္တိခရစ်တို့သည် အဘယ်ကြောင့် ပြုပြင်ခြင်း ခံရသနည်း။ ဤအတွက် အကြောင်းရင်းအချို့ကို ငါ ယခုတင် ဖော်ပြခဲ့သည်။ သင်တို့ထဲမှ အချို့က ထိုအကြောင်းရင်းများ မှန်ကန်ခြင်းမရှိဟု ခံစားကောင်း ခံစားရနိုင်သော်လည်း သင်သည် ထိုအရာနှင့်ပတ်သက်၍ သေချာခြင်းမရှိပေ။ ဤသည်မှာ အဘယ်ကြောင့်ဆိုသော် သင်တို့သည် အယူဝါဒများကိုသာ နားလည်ပြီး ဤအရာ၏ အနှစ်သာရကို မရိပ်စားမိသောကြောင့် ဖြစ်သည်။ ဤအရာကို သင်တို့ သတိမပြုမိသေးသည့် အချက်က သင်တို့သည် အန္တိခရစ်များ အဘယ်ကြောင့် ပြုပြင်ခံရသည်ဟူသည့် ကိစ္စကို ရှင်းရှင်းလင်းလင်း မသိမြင်သေးကြောင်းကို ပြပေသည်။ လူအများစုက ဤကိစ္စနှင့်စပ်လျဉ်း၍ အယူဝါဒများကိုသာ နားလည်ကြပြီး အန္တိခရစ်က ပြုပြင်ခံရသင့်ပြီး မညှာမတာ ဖော်ထုတ်ခံရသင့်သည်ဟု ၎င်းတို့၏ စိတ်နှလုံးများတွင် သိရှိကြသော်လည်း အန္တိခရစ်၏ တကယ့် အပြုအမူနှင့် စပ်လျဉ်း၍ ပိုင်းခြားသိမြင်မှု ကင်းမဲ့ကြလေသည်။ ဤအရာက ၎င်းတို့အနေဖြင့် ဤပြဿနာ၏ အနှစ်သာရ သို့မဟုတ် အန္တိခရစ်များ၏ အနှစ်သာရကို ရှင်ရှင်းလင်းလင်း မသိမြင်နိုင်ကြကြောင်းကို ညွှန်ပြသည်။ သမ္မာတရား လက်တွေ့ကျမှုကို မပိုင်ဆိုင်သည့် သူများသည် အယူဝါဒများကိုသာ နားလည်ကြသည်။ ၎င်းတို့သည် စည်းမျဉ်းစည်းကမ်းများကို ကြောင်းကျိုးမမြင်ဘဲ ပုံသေစောင့်ထိန်းကြလေသည်။ ထို့ကြောင့် တစ်စုံတစ်ခုကို အမှန်တကယ် လုပ်ဆောင်နေသည့် အန္တိခရစ်တစ်ဦး ရှိနေလျှင် ထိုအရာကို ၎င်းတို့က ရှင်းရှင်းလင်းလင်း သိမြင်နိုင်မည် မဟုတ်ပေ။

အန္တိခရစ်တစ်ဦးသည် အဘယ်ကြောင့် ပြုပြင်ခံရကောင်း ခံရနိုင်မည်နည်း။ အကြောင်းရင်းက အလွန် ရိုးရှင်းပေသည်။ ထိုအရာသည် ၎င်းတို့၏ အမျိုးမျိုးသော သရုပ်သကန်များ၊ ၎င်းတို့၏ အနှစ်သာရမှ ထုတ်ဖော်ပြသည့် မတူကွဲပြားသော အလေ့အထများနှင့် အပြုအမူများကြောင့် ဖြစ်သည်။ ပြီးလျှင် ဤအလေ့အထများ၊ အပြုအမူများနှင့် သရုပ်သကန်များသည် မည်သည့်အရာများ ဖြစ်သနည်း။ ပထမဆုံးအနေဖြင့် အန္တိခရစ်များသည် မိမိတို့ကိုယ်ပိုင် သီးခြားဖြစ်သော နိုင်ငံများကို ထူထောင်ကြသည်။ ၎င်းတို့၏ အန္တိခရစ် အနှစ်သာရကြောင့် ၎င်းတို့သည် ဘုရားသခင်ကို သူ၏ ရွေးချယ်ထားသော လူတို့အတွက် ပြိုင်ဆိုင်ကြပြီး ပိုင်နက်အတွက်လည်းကောင်း၊ လူတို့၏ စိတ်နှလုံးများအတွက်လည်းကောင်း ပြိုင်ကြလေသည်။ ဤအရာအားလုံးသည် ၎င်းတို့က ၎င်းတို့၏ကိုယ်ပိုင် သီးခြားဖြစ်သော နိုင်ငံများကို ထူထောင်ကြခြင်း ဖြစ်သည်။ တစ်စုံတစ်ဦးသည် ၎င်း၏ ကိုယ်ပိုင် သီးခြားဖြစ်သော နိုင်ငံကို ထူထောင်သည့်အခါ ၎င်းသည် မိမိ၏ တာဝန်ကို ထမ်းဆောင်နေခြင်းဖြစ်သလော။ (မဟုတ်ပါ။) ၎င်းသည် မိမိ၏ ကိုယ်ပိုင် ဩဇာလွှမ်းမိုးမှုနှင့် ဩဇာအာဏာ နယ်ပယ်ကို စီမံလျက် မိမိကိုယ်ပိုင် ပိုင်နက်ကို သီးသန့် ထိန်းချုပ်မှုရရှိရန်၊ မိမိကိုယ်ပိုင် အုပ်စုဖွဲ့ရန်၊ ဘုရားသခင်၏ ရွေးချယ်ထားသော လူတို့က ဘုရားသခင်ကို ငြင်းပယ်ပြီး ထိုအစား မိမိတို့နောက် လိုက်ရန်အလို့ငှာ ထိုသူတို့ကို အထင်အမြင်မှားစေဖို့ ကြိုးစားရင်း မိမိကိုယ်ပိုင် စီမံကိန်းကို ဆောင်ရွက်နေခြင်း ဖြစ်သည်။ ဤသည်မှာ ၎င်းတို့၏ တာဝန်ကို ထမ်းဆောင်ခြင်းမဟုတ်၊ ဘုရားသခင်နှင့် ထိပ်တိုက်တွေ့ခြင်း ဖြစ်သည်။ အန္တိခရစ်များက ဤသရုပ်သကန်များကို ဖော်ပြသည့်အခါ၊ ဤအရာများကို ၎င်းတို့ လုပ်ဆောင်သည့်အခါ ၎င်းတို့ ပြုပြင်ခံရသင့်ကြသလော။ (ပြုပြင်ခံရသင့်ပါသည်။) ဤသည်မှာ အန္တိခရစ်တစ်ဦးကို ပြုပြင်ခြင်းအတွက် အကြောင်းရင်းများထဲမှ တစ်ခု ဖြစ်သလော။ ဤသည်မှာ ၎င်းတို့၏ တိကျသည့် သရုပ်သကန်များထဲမှ တစ်ခု ဖြစ်သလော။ (ဟုတ်ပါသည်။) သို့ဆိုလျှင် သင်တို့သည် ယင်းကို ယခုလေးတင် အဘယ်ကြောင့် မပြောနိုင်ကြသနည်း။ ဤစကားများသည် သင်တို့၏ နှုတ်တွင်ရော၊ သင်တို့၏ စိတတွင်ပါ ရှိသည် မဟုတ်လော။ (ရှိပါသည်။) ဤသရုပ်သကန်သည် ငါ ယခုတင် ဖော်ပြခဲ့သည့် အယူအဆဆိုင်ရာ အကြောင်းရင်းများနှင့် ဆန့်ကျင်ကွဲလွဲသလော။ ယင်းတို့ကြားက ခြားနားချက်မှာ အဘယ်နည်း။ (ထိုအကြောင်းရင်းများက အမှန်တွင် ယေဘုယျဆန်သည်၊ ဘုရားသခင် ယခုတင် ဖော်ပြခဲ့သည့် သရုပ်သကန်မှာမူ အသေးစိတ်ကျပါသည်။ အန္တိခရစ်တစ်ဦး၏ လက်တွေကျသည့် သရုပ်သကန်တစ်ခု ဖြစ်သည်။) ယခင်က ဖော်ပြခဲ့သည့် အကြောင်းရင်းများသည် ယေဘုယျဆန်သည်။ ယင်းတို့သည် အယူဝါဒအချို့သာ ဖြစ်သည်။ အန္တိခရစ်များ အဘယ်ကြောင့် ပြုပြင်ခံရသည်ဟူသည့် တိကျသော အကြောင်းရင်းများ လုံးဝ မဟုတ်ခဲ့ပေ။ ဤသရုပ်သကန်သည် စစ်မှန်သည့် အကြောင်းရင်းများထဲမှ တစ်ခု ဖြစ်သည်။ ပထမဆုံးသော သရုပ်သကန်မှာ ၎င်းတို့သည် မိမိတို့ကိုယ်ပိုင် သီးခြားဖြစ်သော နိုင်ငံကို ထူးထောင်ရန် ကြိုးစားကြခြင်း ဖြစ်သည်။ ဒုတိယ သရုပ်သကန်မှာ ၎င်းတို့၏ လက်သီးပုန်းထိုးသော ကြိုးကိုင်ညွှန်ကြားခြင်း ဖြစ်သည်။ ဤသည်မှာ မိမိကိုယ်ပိုင် သီးခြားဖြစ်သော နိုင်ငံကို ထူထောင်ရန် ကြိုးစားခြင်းကဲ့သို့ပင် တူညီသည့် သဘာဝ ရှိသော်လည်း တိကျသည့် အလေ့အထများက ကွဲပြားသည်။ ထို့ကြောင့် လက်သီးပုန်းထိုးသော ကြိုးကိုင်ညွှန်ကြားခြင်း အားဖြင့် မည်သည့်အရာကို ဆိုလိုသနည်း။ ဤသည်မှာ အပြုသဘောဆောင်သည့် ဝေါဟာရလော သို့မဟုတ် အပျက်သဘောဆောင်သည့် ဝေါဟာရလော။ ထိုအရာတွင် ချီးကျူးသည့်သဘောဆောင်သော ဂယက်အနက်များ ရှိသလော သို့မဟုတ် အထင်သေးရှုတ်ချသောသဘောဆောင်သည့် ဂယက်အနက်များ ရှိသလော။ (အထင်သေးရှုတ်ချသော သဘောဆောင်သည့် ဂယက်အနက်များ ရှိပါသည်။) ပုံမှန်အားဖြင့် လက်သီးပုန်းထိုးသော ကြိုးကိုင်ညွှန်ကြားခြင်း မှုအားဖြင့် မည်သည့်အရာကို ဆိုလိုသနည်း။ ဤအရာတွင် မည်သည့်သရုပ်သကန်မျိုးတို့ ပါဝင်သနည်း။ (အန္တိခရစ်များသည် မိမိတို့၏ အဆင့်အတန်းကို ခိုင်မာစေဖို့ရန်အလို့ငှာ နောက်ကွယ်တွင် အမှုအရာများကို လုပ်ဆောင်ခြင်းဖြစ်သည်။ ဥပမာအနေဖြင့် အသင်းတော် ရွေးကောက်ပွဲများအတောအတွင်းတွင် သူတို့သည် နောက်ကွယ်တွင် မဲဆွယ်ကြသည်။) ဤသည်မှာ ပါဝင်သည့်အရာများထဲမှ တစ်ခုဖြစ်သည်။ တိုတိုပြောရလျှင် ဤသရုပ်သကန်မျိုးက အခြားသူတို့နှင့် မဆွေးနွေးဘဲ၊ ပွင့်လင်းမြင်သာမှုမရှိဘဲ၊ အမှုအရာအချို့ကို ခိုးကြောင်ခိုးဝှက် လုပ်ဆောင်ခြင်း၊ လူတိုင်းနောက်ကွယ်တွင် အခြေအနေများကို ကြိုးကိုင်ခြယ်လှယ်ခြင်း၊ အထူးသဖြင့် ထိုအကြောင်းကို အထက်ကို သို့မဟုတ် အထက်ခေါင်းဆောင်များကို သိခွင့်မပေးခြင်းတို့ကို ဆိုလိုသည်။ အန္တိခရစ်များသည် ထိုအရာများက စည်းမျဉ်းများကို ဆန့်ကျင်ပြီး သမ္မာတရားနှင့် မကိုက်ညီကြောင်း၊ ထိုအရာများက ဘုရားအိမ်တော်ကို ထိခိုက်နစ်နာစေကြောင်းနှင့် ဘုရားသခင်က ထိုအရာများကို စက်ဆုပ်ကြောင်း အပြည့်အဝ ကောင်းစွာ သိရှိလျက်ပင် အချို့သောအရာများကို တိတ်တဆိတ် လုပ်ဆောင်ကြသည်။ ၎င်းတို့သည် အခြေအနေကို ကြိုးကိုင်ညွှန်ကြားရန် စာတန်၏ လှည့်ကွက်များနှင့် လူသား နည်းစနစ်များကို အသုံးပြုရင်း ဤအရာများကို မရမက လုပ်ဆောင်ကြဆဲဖြစ်ပြီး ထို့နောက်တွင် တိတ်တဆိတ် ပြုမူဆောင်ရွက်ကြသည်။ အမှုအရာများကို တိတ်တဆိတ် လုပ်ဆောင်ခြင်း နောက်ကွယ်တွင် ၎င်းတို့၏ ရည်မှန်းချက်များမှာ အဘယ်နည်း။ ရည်မှန်းချက်တစ်ခုမှာ တန်ခိုးအာဏာကို အရယူဖို့ဖြစ်ပြီး နောက်တစ်ခုမှာ ၎င်းတို့ လိုချင်သည့် မည်သည့် အကျိုးစီးပွားကိုမဆို ရရှိရန် ဖြစ်သည်။ ဤရည်မှန်းချက်များအတွက် ၎င်းတို့သည် သမ္မာတရား စည်းမျဉ်းများ၊ အသင်းတော် စည်းမျဉ်းများ၊ ဘုရားသခင်၏ ရည်ရွယ်ချက်များနှင့် ထို့ထက်ပင်ပို၍ ၎င်းတို့၏ ကိုယ်ပိုင် အသိစိတ်ကို ချိုးဖောက်သည့် အမှုအရာများကို လုပ်ဆောင်ကြသည်။ ၎င်းတို့၏ လုပ်ရပ်များတွင် ပွင့်လင်းမြင်သာမှု မရှိပေ။ ၎င်းတို့သည် အမှုအရာများကို လူတိုင်းထံမှ ကွယ်ဝှက်ထားကြသည် သို့မဟုတ် အခြေအနေကို ထိန်းချုပ်ခြင်း သို့မဟုတ် အထက်ခေါင်းဆောင်များနှင့် ဘုရားသခင် ရွေးချယ်ထားသော လူတို့ကို နှစ်ပေါက်တစ်ပေါက်ရိုက်ခြင်းတည်းဟူသော ၎င်းတို့၏ ရည်မှန်းချက်ကို ဖြစ်မြောက်အောင်မြင်နိုင်ရန်အလို့ငှာ မိမိတို့၏ ဩဇာလွှမ်းမိုးမှု နယ်ပယ်အတွင်းရှိ ကြံရာပါ အရေအတွက် အနည်းငယ်ကိုသာ ပြောပြကြသည်။ လက်သီးပုန်းထိုးသော ကြိုးကိုင်ညွှန်ကြားခြင်း ဟူသည်မှာ လူအများစုက လုံးဝ သတိမမူမိစဉ်တွင် ၎င်းတို့က အချို့သော ဆုံးဖြတ်ချက်များချကာ အချို့သော အရာများကို စီစဉ်ညွှန်ကြားသည်ဟု ဆိုလိုပြီး ဤအရာများ ဖြစ်လာပြီးသည့်နောက်တွင် လူအများစုက ယင်းတို့၏ ရင်းမြစ်ကိုဖြစ်စေ၊ မည်သူက ထိုအရာများအား အစပြုခဲ့သည်ကိုဖြစ်စေ၊ အမှန်တကယ် မည်သည့်အရာ ဖြစ်ပျက်ခဲ့သည်ကိုဖြစ်စေ မသိကြချေ။ လူအများစုက ဘာမျှမသိဘဲဖြစ်ကြသည်မှာ အဘယ်ကြောင့်နည်း။ ဤသည်မှာ အန္တိခရစ်များ၏ ကောက်ကျစ်ဆိုးယုတ်မှု၊ ရက်စက်ကြမ်းကြုတ်ခြင်း ဖြစ်သည်။ ၎င်းတို့သည် ၎င်းတို့၏ လုပ်ရပ်များတွင် ညီအစ်ကို မောင်နှမများ၊ အထက်ခေါင်းဆောင်များနှင့် အထက်တို့ကို တမင်တကာ လိမ်လည်ကြသည်။ သင်သည် ဤအရာများကို စပ်စုရန် မည်သို့ ကြိုးစားသည်ဖြစ်စေ၊ မည်သူကို သင် မေးမြန်းသည်ဖြစ်စေ ယင်းတို့နောက်ကွယ်တွင် မည်သည့်အရာရှိသည်ကို မည်သူမျှ မသိကြသကဲ့သို့ အထူးသဖြင့် အချိန်ကြာမြင့်စွာက ဖြစ်ပျက်ခဲ့သည့် အရာများစွာအတွက် မည်သည့်အရာဖြစ်နေသည်ကို လူအများစုက မသိကြသေးပေ။ ဤသည်မှာ လက်သီးပုန်းထိုးသော ကြိုးကိုင်ခြယ်လှယ်ခြင်း ဖြစ်သည်။ ထိုအရာသည် အန္တိခရစ်များ အသုံးပြုသည့် မြင်နေကျ နည်းစနစ်တစ်ခု ဖြစ်သည်။ ၎င်းတို့က တစ်စုံတစ်ရာကို လုပ်ဆောင်လိုသည့်အခါ ထိုအရာကို အခြားမည်သူနှင့်မျှ ဆွေးနွေးခြင်းမရှိဘဲ သိုသိုသိပ်သိပ် ကြံစည်ကာ စီစဉ်ကြသည်။ ၎င်းတို့တွင် ယုံကြည်ကိုးစားရသည့် မည်သူမျှ မရှိလျှင် မိမိတို့ခေါင်းများထဲတွင် ၎င်းတို့၏ လျှို့ဝှက်ကြံစည်ခြင်းကို လုပ်ဆောင်ကြသည်။ ၎င်းတို့တွင် ကြံရာပါတစ်ဦးတလေ ရှိလျှင် ထိုသူတို့နှင့်အတူ တိတ်တဆိတ် လျှို့ဝှက်ကြံစည်ကာ စီစဉ်ကြလိမ့်မည်ဖြစ်ပြီး ၎င်းတို့၏ ဩဇာအာဏာ နယ်ပယ်အတွင်းရှိ မည်သူမဆို ၎င်းတို့၏ ကြိုးကိုင်ညွှန်ကြားခြင်း၊ ၎င်းတို့ အကြံများ၏ ပစ်မှတ်တစ်ခု ဖြစ်ကောင်းဖြစ်လာနိုင်သည်။ ဤလက်တွေ့လုပ်ဆောင်မှုမျိုး၏ အဓိက စရိုက်လက္ခဏာမှာ အဘယ်နည်း။ လူအများစုက စိတ်ရှုပ်ထွေးသည့် အခြေအနေတစ်ခုတွင် ရှိနေစဉ် မည်သည့်အရာဖြစ်နေသည်ကို သိပိုင်ခွင့် မရှိဘဲ အန္တိခရစ်များ၏ လှည့်စားခြင်း၊ ကြိုးကိုင်ညွှန်ကြားခြင်းနှင့် အထင်အမြင်မှားစေခြင်းတို့ကို ခံရလျက် ပွင့်လင်းမြင်သာမှု ကင်းမဲ့ခြင်း ဖြစ်သည်။ အန္တိခရစ်များက လက်သီးပုန်းထိုးသော ကြိုးကိုင်ညွှန်ကြားခြင်းကို ဆောင်ရွက်ကြပြီး ပွင့်လင်းသည့် သို့မဟုတ် ထင်သာမြင်သာရှိသည့် နည်းလမ်းတစ်ခုဖြင့် မပြုမူခြင်း သို့မဟုတ် မည်သည့်အရာဖြစ်နေသည်ကို လူတိုင်းအား သိခွင့်မပေးခြင်းသည် အဘယ်ကြောင့်နည်း။ အဘယ်ကြောင့်ဆိုသော် ၎င်းတို့ လုပ်ဆောင်နေသည့်အရာသည် စည်းမျဉ်းများ သို့မဟုတ် ဘုရားအိမ်တော်၏ စည်းမျဉ်းများနှင့် မကိုက်ညီကြောင်းနှင့် ၎င်းတို့က မကောင်းသည့်လုပ်ဆောင်ချက်များကို မဆင်မခြင် ကျူးလွန်နေမိကြကြောင်းတို့ကို လုံးဝ ကောင်းစွာ၊ ရှင်းလင်းစွာ သိကြသောကြောင့် ဖြစ်သည်။ ၎င်းတို့ လုပ်ဆောင်နေခဲ့သည့်အရာကို လူအများစုက သိခဲ့ကြမည်ဆိုလျှင် ထိုသူတို့ထဲမှ အချို့သည် ထကြွကာ ၎င်းတို့ကို ဆန့်ကျင်ကြမည်ဖြစ်ပြီး အထက်ခေါင်းဆောင်များက သိခဲ့လျှင် ၎င်းတို့ ပြုပြင်ခံရကာ ဖြုတ်ချခံရမည်ဖြစ်ပြီး ထို့နောက်တွင် ၎င်းတို့ အဆင့်အတန်းက အန္တရာယ်ရှိမည်ဖြစ်သည်။ ထို့ကြောင့် ၎င်းတို့သည် မိမိတို့လုပ်ဆောင်သည့် အချို့သော အရာများတွင် လက်သီးပုန်းထိုးသော ကြိုးကိုင်ညွှန်ကြားခြင်း နည်းစနစ်ကို ခံယူကျင့်သုံးကြပြီး ယင်းတို့နှင့်ပတ်သက်၍ အခြားလူတို့အား သိခွင့်မပေးကြပေ။ ၎င်းတို့၏ လက်သီးပုန်းထိုးသော ကြိုးကိုင်ညွှန်ကြားခြင်း၏ အကျိုးဆက်များသည် အသင်းတော်၏ အလုပ်နှင့် ဘုရားသခင်၏ ရွေးချယ်ထားသော လူတို့အတွက် အကျိုးရှိသလော။ လူတိုင်းအတွက် တည်ဆောက်စရာ ဖြစ်သလော။ မဖြစ်သည်မှာ အမှန်ဖြစ်၏။ လူအများစုက အထင်အမြင်မှားစေခြင်းခံရပြီး လိမ်လည်ခြင်းခံရကာ ယင်းမှ လုံးဝ အကျိုးဖြစ်ထွန်းမှု မရှိပေ။ အန္တိခရစ်များ အသုံးပြုသည့် ဤလက်သီးပုန်းထိုးသော ကြိုးကိုင်ညွှန်ကြားခြင်း နည်းစနစ်သည် သမ္မာတရား စည်းမျဉ်းများနှင့် ကိုက်ညီသလော။ ဤသည်မှာ ဘုရားသခင်၏ တောင်းဆိုချက်များအတိုင်း ပြုမူဆောင်ရွက်ခြင်း ဖြစ်သလော။ (မဟုတ်ပါ။) သို့ဆိုလျှင် အန္တိခရစ်များက လက်သီးပုန်းထိုးသော ကြိုးကိုင်ညွှန်ကြားခြင်းအား ဆောင်ရွက်ခြင်းနှင့်ဆိုင်သည့် ဤသရုပ်သကန်များကို သိရှိခံရသည့်အခါတွင် အန္တိခရစ်များသည် ပြုပြင်ခံရသင့်သလော။ ၎င်းတို့အနေဖြင့် ဖော်ထုတ်ကာ ငြင်းပယ်ခြင်းခံရသင့်သလော။ (ခံရသင့်ပါသည်။) လက်သီးပုန်းထိုးသော ကြိုးကိုင်ညွှန်ကြားခြင်းကို ဆောင်ရွက်ခြင်းသည် အန္တိခရစ်များ၏ ခိုင်မာသော သရုပ်သကန်တစ်ခု ဖြစ်သည်။

အန္တိခရစ်များ အလုပ်လုပ်သည့်အခါတွင် အခြား မည်သည့် သရုပ်သကန်များကို တွေ့ရလေ့ရှိသနည်း။ (အန္တိခရစ်များသည် မိမိတို့၏ကိုယ်ပိုင် အဆင့်အတန်းအတွက် လူတို့ကို ဖိနှိပ်ကာ ညှဉ်းဆဲကြသည်။) အန္တိခရစ်များအတွက် အခြားလူများကို ညှဉ်းဆဲခြင်းသည် အဖြစ်အများဆုံးသောအရာဖြစ်သည်။ ပြီးလျှင် ယင်းမှာ ၎င်းတို့၏ ခိုင်လုံသော သရုပ်သကန်များထဲမှ တစ်ခုဖြစ်လေသည်။ အန္တိခရစ်များသည် ၎င်းတို့၏အဆင့်အတန်းကို ထိန်းသိမ်းရန်အတွက် လူတိုင်းကို ၎င်းတို့အား နာခံပြီး အရေးစိုက်ရန် အစဉ်တောင်းဆိုကြသည်။ တစ်စုံတစ်ယောက်က ၎င်းတို့ကို အရေးမစိုက်သည်ကိုဖြစ်စေ၊ ၎င်းတို့အပေါ် ရွံမုန်းပြီး အတိုက်အခံပြုလုပ်သည်ကိုဖြစ်စေ တွေ့ရှိလျှင် ထိုသူကို နှိပ်ကွပ်ရန်အလို့ငှာ ဖိနှိပ်ခြင်းနှင့် ညှဉ်းပန်းနှိပ်စက်ခြင်း နည်းဗျူဟာများကို ကျင့်သုံးကြလိမ့်မည်။ အန္တိခရစ်များသည် ၎င်းတို့၏ ထင်မြင်ချက်များနှင့် ကွဲလွဲသူများကို မကြာခဏ ဖိနှိပ်သည်။ သမ္မာတရားကို လိုက်စားပြီး မိမိတို့တာဝန်များကို သစ္စာစောင့်သိစွာ ထမ်းဆောင်သူများကို ၎င်းတို့က မကြာခဏ ဖိနှိပ်သည်။ ၎င်းတို့ကို မြှောက်ပင့်ခြင်းမရှိသော အတော်အတန် ယဉ်ကျေးဖွယ်ရာရှိပြီး ဖြောင့်မတ်သည့်လူများကို ၎င်းတို့က မကြာခဏ ဖိနှိပ်သည်။ ၎င်းတို့နှင့် အဆင်မပြေသောသူ သို့မဟုတ် အလျှော့မပေးသောသူတို့ကို ဖိနှိပ်သည်။ အန္တိခရစ်များသည် အခြားလူများအား သမ္မာတရားစည်းမျဉ်းအရ မဆက်ဆံပေ။ လူတို့အား မျှမျှတတ မဆက်ဆံနိုင်ပေ။ ၎င်းတို့သည် တစ်စုံတစ်ယောက်ကို မနှစ်သက်သောအခါ၊ ၎င်းတို့အဖို့ တစ်စုံတစ်ယောက်က ပင်ကိုအားဖြင့် အလျှော့မပေးသည့် ပုံစံရှိသောအခါ ထိုလူကို တိုက်ခိုက်ပြီး ညှဉ်းပန်းရန် အခွင့်အရေးများ၊ ဆင်ခြေများကို ရှာဖွေကြပြီး မူမမှန်သောအကြောင်းပြချက်များကို အကြံထုတ်ကြလေသည်။ ၎င်းတို့ကို ဖိနှိပ်ရန်အတွက် အသင်းတော်၏ အလုပ်လုပ်နေသည်ဆိုသည့် ခေါင်းစဉ်ကိုပင် ယူသည်အထိဖြစ်သည်။ လူတို့က ဩဇာညောင်းလာပြီး ၎င်းတို့ကို မငြင်းရဲတော့သည့်အချိန်အထိ ၎င်းတို့က အလျှော့မပေးပေ။ လူများက ၎င်းတို့၏ အဆင့်အတန်းနှင့် အာဏာကို အသိအမှတ်မပြုမချင်း၊ ၎င်းတို့ကို အပြုံးနှင့် နှုတ်မဆက်မချင်း၊ ၎င်းတို့အပေါ် ထောက်ခံခြင်းနှင့် လိုက်လျောခြင်းကို မပြမချင်း၊ ၎င်းတို့နှင့်ပတ်သက်၍ မည်သည့်ထင်မြင်ချက်မျှ မရှိရဲသည်အထိ မဖြစ်မချင်း ၎င်းတို့သည် လက်မလျှော့ပေ။ မည်သည့်အခြေအနေတွင်မဆို၊ မည်သည့်အုပ်စုတွင်မဆို အခြားလူများအပေါ် အန္တိခရစ်တို့၏ ဆက်ဆံမှုတွင် “တရားမျှတခြင်း” ဟူသည့် စကားလုံးသည် မတည်ရှိပေ။ ပြီးလျှင် ဘုရားသခင်ကို အမှန်တကယ် ယုံကြည်သော ညီအစ်ကိုမောင်နှမများအပေါ် ၎င်းတို့၏ ဆက်ဆံရေးတွင် “ချစ်ခြင်း” ဟူသည့် စကားလုံးသည် မတည်ရှိပေ။၎င်းတို့၏ အဆင့်အတန်းကို ခြိမ်းခြောက်မှုရှိသော မည်သူကိုမဆို ၎င်းတို့၏ မျက်လုံးထဲမှ သံချောင်းတစ်ချောင်းအဖြစ်နှင့် နံဘေးတွင်ရှိသော ဆူးငြှောင့်တစ်ခုအဖြစ် မှတ်ယူပြီး ထိုသူကို ညှဉ်းပန်းရန်အတွက် အခွင့်အရေးများ၊ မူမမှန်သော အကြောင်းပြချက်များကို ရှာဖွေလိမ့်မည်။ ထိုလူက အလျှော့မပေးလျှင် ထိုလူကို ၎င်းတို့နှိပ်စက်ပြီး ထိုလူက နှိပ်ကွပ်မခံရမချင်း ၎င်းတို့ မရပ်ကြပေ။ အန္တိခရစ်တို့က ဤအရာကို လုပ်ဆောင်ခြင်းသည် သမ္မာတရားစည်းမျဉ်းများနှင့် လုံးဝ မကိုက်ညီဘဲ သမ္မာတရားနှင့် ရန်ဘက်ဖြစ်သောကြောင့် ၎င်းတို့သည် ကိုင်တွယ်ဖြေရှင်းခြင်း၊ ပြုပြင်ခြင်းကို ခံသင့်သလော။ ထိုမျှတင်မဟုတ်ဘဲ ၎င်းတို့ကို ဖော်ထုတ်ခြင်း၊ ပိုင်းခြားသိမြင်ခြင်းနှင့် စရိုက်လက္ခဏာ သတ်မှတ်ခြင်းသည်သာလျှင် အလုပ်ဖြစ်လိမ့်မည်။ အန္တိခရစ်သည် လူတိုင်းအား ၎င်းတို့၏ ကိုယ်ပိုင်နှစ်သက်မှုများ၊ ကိုယ်ပိုင် ကြံရွယ်ချက်များနှင့် ပန်းတိုင်များအရ ဆက်ဆံသည်။ ၎င်းတို့၏ ဩဇာအာဏာအောက်တွင် တရားမျှတစိတ်ရှိသူ၊ တရားမျှတစွာ ပြောဆိုနိုင်သူ မည်သူမဆို၊ တရားမမျှတမှုအတွက် တိုက်ခိုက်ရဲသူ မည်သူမဆို၊ သမ္မာတရားစည်းမျဉ်းများကို ထိန်းသိမ်းသူ မည်သူမဆို၊ အစစ်အမှန် ပါရမီရှိပြီး ပညာကြီးသူ မည်သူမဆို၊ ဘုရားသခင်အတွက် သက်သေခံချက်ပေးနိုင်သူ မည်သူမဆို၊ ဤသို့သောလူအားလုံးတို့သည် အန္တိခရစ်၏ မနာလိုမှုနှင့် ရင်ဆိုင်ရမည်။ ဖိနှိပ်ခံရမည်။ ဖယ်ကြဉ်ခံရမည်။ ပြီးလျှင် ၎င်းတို့ တစ်ဖန် ပြန်ထလာနိုင်ခြင်း မရှိသည်အထိ အန္တိခရစ်၏ ခြေထောက်အောက်တွင်ပင် နင်းချေခံရမည်။ ဤသည်မှာ အန္တိခရစ်က လူကောင်းများနှင့် သမ္မာတရားကို လိုက်စားသောသူများကို ဆက်ဆံသည့် မုန်းတီးမှုဖြစ်သည်။ အန္တိခရစ်က မနာလိုဖြစ်ပြီး ဖိနှိပ်သော လူအများစုနီးပါးသည် အပြုသဘောဆောင်သောပုဂ္ဂိုလ်များနှင့် လူကောင်းများ ဖြစ်ကြသည်ဟု ဆိုနိုင်သည်။ လူအများစုသည် ဘုရားသခင်က ကယ်တင်မည့်သူများ၊ ဘုရားသခင်က အသုံးပြုနိုင်သည့်သူများ၊ ဘုရားသခင်က စုံလင်စေမည့် သူများဖြစ်သည်။ ဘုရားသခင်က ကယ်တင်မည့်သူ၊ အသုံးပြုမည့်သူနှင့် စုံလင်စေမည့်သူများကို ဖိနှိပ်ခြင်း၊ ဖယ်ကြဉ်ခြင်းဖြစ်သည့် ဤသို့သော နည်းဗျူဟာများကို အသုံးချရာတွင် အန္တိခရစ်များသည် ဘုရားသခင်၏ ပြိုင်ဘက်များမဟုတ်သလော။ ၎င်းတို့သည် ဘုရားသခင်ကို အတိုက်အခံလုပ်သည့်သူများ မဟုတ်သလော။ ၎င်းတို့သည် သမ္မာတရားကို ဤကဲ့သို့ လိုက်စားကြသူများအား မနာလိုဖြစ်ကြ၊ တိုက်ခိုက်ကြပြီး ဖယ်ကြဉ်ကြသည်နှင့်အမျှ အသင်းတော်၏ အလုပ်နှင့် ဘုရားသခင် ရွေးချယ်ထားသော လူတို့၏ အသက်ဝင်ရောက်မှုတို့ကို တိုက်ရိုက် အဖျက်အမှောင့်လုပ်နေကြခြင်း ဖြစ်သည်။ ဤအန္တိခရစ်မျိုးသည် လူ့ဇာတိခံ ဘုရားသခင်အပေါ်တွင်သာမက၊ ဘုရားသခင်နောက်လိုက်သူများနှင့် သမ္မာတရား လိုက်စားသူများအပေါ်တွင်လည်း ရန်မူလိုကြသည်။ ဤသည်မှာ စစ်မှန်သော အန္တိခရစ်တစ်ဦး ဖြစ်သည်။ ဘုရားသခင် ရွေးချယ်ထားသော လူတို့သည် အန္တိခရစ်များ၏ ဤသရုပ်သကန်မျိုးအပေါ် ပိုင်းခြားသိမြင်မှု ရှိသင့်သလော။ ၎င်းတို့သည် အန္တိခရစ်များကို ဖော်ထုတ်ကာ ငြင်းပယ်သင့်သလော။ အန္တိခရစ်များတွင်ရှိသည့် စိတ်သဘောထားမျိုးကို သမ္မာတရားအား မိတ်သဟာယပြုခြင်းအားဖြင့် ဖြေရှင်း၍ရနိုင်သလော။ ၎င်းတို့၏ စိတ်သဘောထားသည် သမ္မာတရားနှင့် ဘုရားသခင်ကို မုန်းသည့် စိတ်သဘောထားတစ်ခုဖြစ်ပြီး ၎င်းတို့က သမ္မာတရားကို လုံးဝ လက်ခံကြလိမ့်မည် မဟုတ် သို့မဟုတ် ကျိုးနွံနာခံကြလိမ့်မည် မဟုတ်ပေ။ ထို့ကြောင့် ထိုသို့သော စစ်မှန်သည့် အန္တိခရစ်များကို ကိုင်တွယ်ရန် တစ်ခုတည်းသော နည်းလမ်းမှာ ထိုသို့သောလူတို့ကို ဖော်ထုတ်ဖို့၊ ပိုင်းခြားသိမြင်ကာ ငြင်းပယ်ဖို့ ဖြစ်သည်။ ဤသည်မှာ သမ္မာတရား စည်းမျဉ်းများနှင့်လည်းကောင်း၊ ဘုရားသခင်၏ ရည်ရွယ်ချက်များနှင့်လည်းကောင်း အပြည့်အဝ ကိုက်ညီပေသည်။ အန္တိခရစ်များက ဘုရားသခင်၏ ရွေးချယ်ထားသော လူတို့ကို ဤသို့ ညှဉ်းဆဲခြင်းသည် သိသာရှင်းလင်းစွာပင် ၎င်းတို့ကိုယ်တိုင် ဘုရားသခင်နှင့် ထိပ်တိုက်တွေ့ခြင်းနှင့် သူ၏ ရွေးချယ်ထားသောလူတို့အတွက် ဘုရားသခင်နှင့် ပြိုင်ဆိုင်ခြင်းဖြစ်သည်။ ၎င်းတို့သည် ၎င်းတို့ အထင်အမြင်မမှားစေနိုင်သကဲ့သို့ ထိန်းချုပ်၍ မရနိုင်သည့်သူများကို မနာလိုဖြစ်ကာ မုန်းကြသည်။ ၎င်းတို့သည် ဤလူတို့ကို မရရှိနိုင်ကြဘဲ ဘုရားသခင်ကိုလည်း ထိုသူတို့ကို ရရှိခွင့်မပေးကြပေ။ ဤနည်းဖြင့် ၎င်းတို့သည် အသင်းတော်တွင် ဘုရားသခင်၏ ရွေးချယ်ထားသောလူတို့အတွက် ဘုရားသခင်နှင့် ပြိုင်ဆိုင်ပြီး ထိုလူများအပေါ် ထိခိုက်နစ်နာမှုနှင့် ပျက်စီးခြင်း ရောက်စေသည့် စာတန်၏ အခန်းကဏ္ဍကို ဆောင်ရွက်နေကြသည် မဟုတ်လော။ အန္တိခရစ်များသည် သမ္မာတရား လိုက်စားသည့် ဘုရားသခင်၏ ရွေးချယ်ထားသော လူတို့ကို ဘုရားသခင် မရရှိအောင် တားဆီးလျက် ထိုသူတို့ကို မိမိတို့ကြိုးဆွဲရာကစေလိုကြပြီး ဘုရားသခင်နောက် လိုက်သည့်သူများအားလုံးကိုလည်း အထင်အမြင်မှားစေလိုကြသည့်အပြင် ဤလူများ၏ ကယ်တင်ခြင်း ရရှိသည့် အခွင့်အရေးများကို ပျက်စီးစေလျက်၊ ၎င်းတို့နောက်သို့ လိုက်စေလိုကြသည်။ ထိုအခါတွင်မှ ၎င်းတို့သည် မိမိတို့၏ ရည်မှန်းချက်ကို စွမ်းဆောင်ရရှိကြလိမ့်မည် ဖြစ်သည်။ လူတို့ကို သေသည်ထိ ထိခိုက်နစ်နာစေကြသည့် အန္တိခရစ်များသည် ဘုရားသခင်၏ အဓိကရန်သူများ ဖြစ်ကြသည် မဟုတ်လော။ သင်တို့သည် ၎င်းတို့ကို ပိုင်းခြားသိမြင်နိုင်သင့်ပေသည်။

အန္တိခရစ်များတွင် အခြား မည်သည့် သရုပ်သကန်များရှိကြသနည်း။ (သူတို့သည် အလုပ်အစီအစဉ်များကို ဆန့်ကျင်ကြပြီး အမှုအရာများကို မိမိတို့သဘောအတိုင်းသာ လုပ်ဆောင်ကြသည်။) ဤအရာနှင့် မိမိတို့ကိုယ်ပိုင် သီးခြားဖြစ်သော နိုင်ငံကို ထူထောင်ခြင်းနှင့် လက်သီးပုန်းထိုးသော ကြိုးကိုင်ညွှန်ကြားခြင်းတို့ကြား ဆင်တူမှုအချို့ ရှိသော်လည်း ထိုအရာသည်လည်း နောက်ထပ် တိကျသော သရုပ်သကန်တစ်ခု ဖြစ်သည်။ အန္တိခရစ်များက အမှုအရာများကို မိမိတို့သဘောအတိုင်း မည်သို့ လုပ်ဆောင်ကြသနည်း။ (အထက်က ဘုရားသခင်၏ ရွေးချယ်ထားသော လူတို့အား အယောင်ဆောင် ခေါင်းဆောင်များနှင့် အန္တိခရစ်များကို ပိုင်းခြားသိမြင်ရန် တောင်းဆိုသည့် အလုပ် အစီအစဉ်များကို ထုတ်ပြန်သော်လည်း အချို့သော အန္တိခရစ်များသည် ဤအလုပ်အစီအစဉ်များကို အကောင်အထည် ဖော်ရမည့်အစား လူတိုင်းအား မိမိတို့ကိုယ်ကို သိရှိစေရန်အတွက် “သင့်ကိုယ်သင် ပိုင်းခြားသိမြင်နိုင်သည့်အခိုက်အတန့်တွင်သာ အခြားလူတို့ကို သင် ပိုင်းခြားသိမြင်နိုင်သည်”ဟူသည့် မူမမှန်သော အကြောင်းပြချက်ကို အသုံးပြုကြကာ ညီအစ်ကို မောင်နှမများအား အယောင်ဆောင် ခေါင်းဆောင်များနှင့် အန္တိခရစ်များကို ပိုင်းခြားသိမြင်ခြင်း မရှိအောင် တားဆီးလေသည်။) ဤသည်မှာ အထက် အလုပ်အစီအစဉ်များကို ဆန့်ကျင်ခြင်းအပြင် အမှုအရာများကို မိမိတို့သဘောအတိုင်း လုပ်ဆောင်ခြင်းဖြစ်သည်။ အခြားမည်သည့်အရာဖြစ်သနည်း။ (အန္တိခရစ်များတွင် အထက်၏ အလုပ်အစီအစဉ်များနှင့်ပတ်သက်၍ မိမိတို့ကိုယ်ပိုင် စိတ်ကူးများ ရှိကြသည်။ အပြင်ပန်းအားဖြင့် ဤအစီအစဉ်များကို ၎င်းတို့ အကောင်အထည်ဖော်နိုင်ပြီး ညီအစ်ကို မောင်နှမများနှင့် မိတ်သဟာယပြုနေကြသည်ဟု ထင်ရသော်လည်း နောက်ဆက်တွဲအလုပ် လုံးဝ လုပ်ဆောင်ခြင်းမရှိ သို့မဟုတ် ဤအရာများကို လိုက်မေးမြန်းခြင်း မရှိသကဲ့သို့ နောက်ပိုင်းတွင် အလေးမထားဘဲနေလိုက်ကြသည်။) အန္တိခရစ်များက အမှုအရာများကို မိမိတို့သဘောအတိုင်း လုပ်ဆောင်ခြင်းဟူသည်မှာ အထက်က မည်သည့်အလုပ်ကို စီစဉ်နေသည်ဖြစ်စေ၊ အောက်တွင်ရှိသူများကို မည်သည့်အလုပ်အား အကောင်အထည်ဖော်ရန် အထက်က တောင်းဆိုသည်ဖြစ်စေ အန္တိခရစ်များက ထိုအရာကို ဘေးဖယ်ထားကြလိမ့်မည်၊ လျစ်လျူရှုကြလိမ့်မည်၊ အသိပေးကြလိမ့်မည် မဟုတ်သကဲ့သို့ အကောင်အထည်ဖော်ကြလိမ့်မည် မဟုတ်ပေ။ ထို့နောက်တွင် ၎င်းတို့ အလိုရှိသည့်အရာ၊ လုပ်ဆောင်ရန် လိုလားနေကြသည့်အရာနှင့် ၎င်းတို့ကို အကျိုးပြုမည့်အရာတို့အား လုပ်ဆောင်ကြလိမ့်မည်။ ဥပမာအနေဖြင့် အသင်းတော်၏ စာအုပ်ဖြန့်ဝေခြင်း စည်းမျဉ်းများအရ ဘုရားနှုတ်ကပတ်တော် စာအုပ်များကို ထုတ်ပြန်ခြင်းတွင် ပုံမှန် အသင်းတော် အသက်တာကို အသက်ရှင်သည့်လူတိုင်းသည် စာအုပ်တစ်အုပ် ရှိရမည်ဖြစ်သည်။ သို့သော် အန္တိခရစ်တစ်ဦးက ဤအရာကို မြင်သည့်အခါ “လူတိုင်းအတွက် စာအုပ်တစ်အုပ်လော။ ယင်းသည် ငါ့အတွက် မကောင်းသည့် အခြေအနေတစ်ခု ဖြစ်မည်မဟုတ်လော။ လူတစ်ယောက်လျှင် စာအုပ်တစ်အုပ်က မဖြစ်နိုင်ပါ။ လူတစ်ဦးစီက ငါ့အပေါ် အတိအကျ တွေးသည့်အရာအပေါ် အခြေခံ၍ ဤအလုပ်ကို ငါ ဆောင်ရွက်ပြီး အကောင်အထည်ဖော်ရမည်။ ထိုအရာသည် ပုံမှန် အသင်းတော် အသက်တာကို အသက်ရှင်ခြင်းအကြောင်းသာ မဖြစ်သင့်ဘဲ အလှူငွေပေးရာတွင် ယေဘုယျအားဖြင့် မည်သူပိုမိုပေးသည်ဟူသည့်အကြောင်း ဖြစ်သင့်သည်။ ခြွင်းချက်မရှိဘဲ မည်သည့် အလှူငွေမျှ မပေးသည့်လူများ သို့မဟုတ် ဆင်းရဲသောလူများသည် စာအုပ်မရသင့်ပါ။ ၎င်းတို့က စာတစ်အုပ်အတွက် ငါ့ကို အနူးအညွတ််တောင်းပန်ပြီး ငွေသားအချို့ကို အင်တင်တင်ဖြင့် ပေးလျှင် ၎င်းတို့ ပြုမူဆောင်ရွက်ပုံကို အခြေခံ၍ ၎င်းတို့ကို စာအုပ်တစ်အုပ် ပေးမည်၊ မပေးမည်ကို ငါ ဆုံးဖြတ်မည်”ဟု တွေးလေသည်။ ဤသည်မှာ အမှုအရာများကို စည်းမျဉ်းများအတိုင်း လုပ်ဆောင်ခြင်း ဖြစ်သလော။ ၎င်းတို့သည် မည်သည့်အရာကို လုပ်ဆောင်နေကြသနည်း။ ၎င်းတို့သည် အမှုအရာများကို မိမိတို့သဘောအတိုင်း လုပ်ဆောင်နေကြခြင်း ဖြစ်သည်။ အမှုအရာများကို မိမိတို့သဘောအတိုင်း လုပ်ဆောင်ခြင်းသည် လက်ရှိ အလုပ် အစီအစဉ်များအပြင် မိမိတို့ကိုယ်ပိုင် မူဝါဒများကို ချမှတ်ခြင်း၊ ၎င်းတို့၏ ဒေသန္တာရ အသင်းတော်တွင် ထိုမူဝါဒများအတိုင်း ပြုမူဆောင်ရွက်ခြင်း၊ ဘုရားအိမ်တော်က တောင်းဆိုသည့် အလုပ်အစီအစဉ်များနှင့် စည်းမျဉ်းများကို လုံးဝ အကောင်အထည်မဖော်ခြင်းနှင့် ထိုအစား မိမိတို့ကိုယ်ပိုင် ရည်မှန်းချက်များနှင့် ပန်းတိုင်များအတိုင်း ပြုမူဆောင်ရွက်ခြင်းကို ဆိုလိုသည်။ ၎င်းတို့သည် အပြင်ပန်းအားဖြင့် စာအုပ်များကို ဖြန့်ဝေနေခဲ့ကြပြီး အလုပ်တာဝန်က ပြီးစီးသည့်ပုံပေါ်သည်။ သို့သော် ထိုအရာကို လုပ်ဆောင်ခြင်းအတွက် ၎င်းတို့အတွက် အခြေခံအကြောင်းရင်းမှာ မည်သည့်အရာဖြစ်ခဲ့သနည်း။ ထိုအရာသည် ဘုရားအိမ်တော်၏ အလုပ် အစီအစဉ်များ သို့မဟုတ် အသင်းတော် စည်းမျဉ်းများကို အခြေမခံခဲ့ပေ။ ၎င်းတို့၏ ကိုယ်ပိုင် မူဝါဒများ၊ ကိုယ်ပိုင် လုပ်နည်းကိုင်နည်းများကို အခြေခံခဲ့သည်။ ဤသည်မှာ အမှုအရာများကို မိမိတို့သဘောအတိုင်း လုပ်ဆောင်ခြင်း ဖြစ်သည်။ ၎င်းတို့သည် ဘုရားအိမ်တော်၏ အလုပ်အစီအစဉ်များကို မည်သည့်ကျိုးနွံနာခံမှုမျှ လုံးဝ မပြကြပေ။ ၎င်းတို့သည် ထိုအလုပ်အစီအစဉ်များကို တစ်သဝေမတိမ်း အကောင်အထည် ဖော်နိုင်ခြင်း သို့မဟုတ် စီမံဆောင်ရွက်နိုင်ခြင်း မရှိကြဘဲ ထိုအစား မိမိတို့၏ ဒေသန္တာရ အသင်းတော်အတွင်းတွင် ၎င်းတို့ လက်တွေ့လုပ်ဆောင်ပြီး အကောင်အထည်ဖော်သည့် မိမိတို့ကိုယ်ပိုင် စည်းမျဉ်းများနှင့် စည်းကမ်းများစွာကို တိတ်တဆိတ် ထူထောင်ကြလေသည်။ ဤသည်မှာ မိမိတို့ကိုယ်ပိုင် သီးခြားဖြစ်သော နိုင်ငံကို ထူထောင်ခြင်း ဖြစ်သည်သာမက အမှုအရာများကို မိမိတို့ သဘောအတိုင်း လုပ်ဆောင်ခြင်း ပို၍ပင် ဖြစ်လေသည်။ တစ်နည်းအားဖြင့် ၎င်းတို့သည် မိမိတို့၏ ဒေသန္တာရ အသင်းတော်တွင် အလုပ် အစီအစဉ်များကို အကောင်အထည်ဖော်ကြသည့်အခါ ဤသည်တို့မှာ ၎င်းတို့ကိုယ်ပိုင် အစီအစဉ်များ၊ အထက်က ထုတ်ပြန်ခဲ့ပြီး အခြား အသင်းတော်များတွင် အကောင်အထည်ဖော်ခဲ့သည့် အလုပ်အစီအစဉ်များနှင့် ကွဲပြားသည့် အရာတစ်ခု ဖြစ်သည်။ အပေါ်ယံတွင် ၎င်းတို့သည် ဟန်ဆောင်လုပ်ပြကြပြီးဖြစ်သည်၊ ၎င်းတို့က အလုပ်အစီအစဉ်များကို လက်ခံရရှိကြပြီး ဖတ်ရှုကြသော်လည်း ထိုအလုပ်အစီအစဉ်များ တိတိကျကျ အကောင်အထည်ဖော်ပုံအတွက် ၎င်းတို့ကိုယ်ပိုင် နည်းစနစ်များ ရှိကြသည်။ ၎င်းတို့သည် ဘုရားအိမ်တော်၏ အလုပ်အစီအစဉ်များကို တကယ်ပင် အလေးမထားကြသကဲ့သို့ ပွင့်ပွင့်လင်းလင်း ချိုးဖောက်ကြသည်။ ဤအရာကို အမှုအရာများအား မိမိတို့သဘောအတိုင်း လုပ်ဆောင်ခြင်း ဟုခေါ်သည်။ အန္တိခရစ်များသည် အမှုအရာများကို မိမိတို့သဘောအတိုင်း အဘယ်ကြောင့် လုပ်ဆောင်ကြသနည်း။ (သူတို့သည် အသင်းတော်တွင် အာဏာကို စွဲကိုင်ချင်ကြပြီး အရာရာနှင့်ပတ်သက်၍ ဆုံးဖြတ်ချက်ချလိုကြသည်။) မှန်၏။ ၎င်းတို့က အာဏာကို ကိုင်စွဲလိုကြခြင်းသာ ဖြစ်သည်။ ၎င်းတို့သည် အာဏာရကာ အခြားသူတို့ကို ထိန်းချုပ်ဖို့၊ အခြားသူတို့ကို ၎င်းတို့အား အလေးဂရုပြုစေဖို့၊ နာခံစေဖို့နှင့် ကြောက်ရွံ့စေဖို့အတွက် အခွင့်အရေးရှိသမျှကို ရှာဖွေကာ အရယူကြသည်။ ၎င်းတို့သည် အခြားသူတို့ကို ထိန်းချုပ်ဖို့၊ ၎င်းတို့သာ ဤနေရာတွင် အာဏာကိုင်စွဲပြီး အခြားမည်သူမျှ မကိုင်စွဲကြောင်း၊ အခြားသူတို့အနေဖြင့် ၎င်းတို့၏ အတည်ပြုချက်ကို မယူဖို့၊ ၎င်းတို့ကို ကျော်သွားဖို့ တကယ်ကို မဖြစ်နိုင်ကြောင်းနှင့် မည်သူမျှ ၎င်းတို့ကို မကျော်လွန်နိုင်ကြောင်း လူတိုင်းကို သိစေဖို့အတွက် ၎င်းတို့၏ မတူကွဲပြားသော အလေ့အထများကို အသုံးပြုရန် ဆန္ဒရှိကြလေသည်။ ၎င်းတို့သည် အဓိကအားဖြင့် ဘုရားသခင် ရွေးချယ်ထားသော လူတို့ကို ထိန်းချုပ်ကာ အာဏာကို အရယူလိုကြသည်။ အန္တိခရစ်များက ဤသို့ ပြုမူနေကြခြင်းသည် အမှုအရာများကို သမ္မာတရား စည်းမျဉ်းများ သို့မဟုတ် ဘုရားအိမ်တော်၏ တောင်းဆိုချက်များအတိုင်း ကိုင်တွယ်နေကြခြင်း မဟုတ်သည်မှာ သိသာထင်ရှားပေသည်။ ထိုအရာသည် ခေါင်းဆောင်တစ်ဦး သို့မဟုတ် မိမိတာဝန်ကို ထမ်းဆောင်နေသည့်သူတစ်ဦးတလေက ပုံမှန်အားဖြင့် လုပ်ဆောင်သင့်သည့်အရာတစ်ခု မဟုတ်ပေ။ ထို့ကြောင့် အန္တိခရစ်များက ဤသရုပ်သကန်ကို ထုတ်ဖော်ပြသသည့်အခါ ၎င်းတို့ ပြုပြင်ခံရသင့်သလော။ ၎င်းတို့အနေဖြင့် ဖော်ထုတ်ခံရပြီး ငြင်းပယ်ခံရသင့်သလော။ (ဖော်ထုတ်ခံရပြီး ငြင်းပယ်ခံရသင့်ပါသည်။)

အန္တိခရစ်များ၏ အခြားသော သရုပ်သကန်များထဲမှ အချို့မှာ အဘယ်နည်း။ (အန္တိခရစ်များသည် လှူဖွယ်ပစ္စည်းများကို ခိုးယူကြသည်၊ ဘုရားအိမ်တော်၏ ငွေကို မိမိတို့ကိုယ်ပိုင် ပျော်ရွှင်မှုအတွက် သုံးကြပြီး အထူးအခွင့်အရေးများကို အကြိုက်တွေ့ကြသည်။) အထူးအခွင့်အရေးများကို အကြိုက်တွေ့ခြင်းသည် တိကျသည့် သရုပ်သကန်တစ်ခု ဖြစ်သည်။ အန္တိခရစ်တစ်ဦးက အဆင့်အတန်းကို ရရှိသည်နှင့်တစ်ပြိုင်နက် ၎င်းတို့ကို ထိန်းထား၍ရတော့ပေ။ ၎င်းတို့သည် အခြားသူတို့ကို ခြေအောက်တွင် နင်းချေရမည့် အရာများအဖြစ် မြင်ကြပြီး ၎င်းတို့ လုပ်ဆောင်သည့် အရာရာတိုင်းတွင် ထင်ပေါ်ကျော်ကြားမှုကို ခိုးယူချင်ကြသည်၊ အခွင့်အရေး အပြည့်အဝ ယူချင်ကြသည်။ ၎င်းတို့ လုပ်ဆောင်သည့် အရာရာအပြင် ၎င်းတို့ စကားပြောဆိုသည့်အခါတွင် အသာစီးရဖို့ ကြိုးပမ်းကြသည်။ မည်သည့်ထိုင်ခုံတွင် ၎င်းတို့ ထိုင်သည်ဖြစ်စေ အထူးထိုင်ခုံ ဖြစ်စေချင်ကြသည်။ ဘုရားအိမ်တော်၌ မည်သည့် ဆက်ဆံရေးကို မွေ့လျော်ရသည်ဖြစ်စေ အခြားမည်သူမဆို ရရှိသည့်အရာထက် ပိုကောင်းစေချင်ကြသည်။ ၎င်းတို့သည် လူတိုင်းအား ၎င်းတို့အပေါ် ပိုမိုအထင်ကြီးစေချင်ကြပြီး အခြားမည်သူမဆိုထက် ပို၍ အကောင်းမြင်စေချင်ကြသည်။ ၎င်းတို့တွင် အဆင့်အတန်း မရှိသည့်အခါ အဆင့်အတန်းကို လုယူချင်ကြပြီး ၎င်းတို့တွင် အဆင့်အတန်းရှိသည်နှင့်တစ်ပြိုင်နက် အလွန့်အလွန် မာနထောင်လွှားလာကြလေသည်။ ၎င်းတို့ကို စကားပြောသည့် မည်သူမဆို ၎င်းတို့ကို မော့ကြည့်ရမည်၊ မည်သူမျှ ၎င်းတို့နှင့် ဘေးချင်းယှဉ် လမ်းလျှောက်၍မရဘဲ ထိုအစား နောက်တွင် ခြေတစ်လှမ်း သို့မဟုတ် နှစ်လှမ်းအကွာတွင် ရှိနေရမည်ဖြစ်သည်။ မည်သူကမျှ ၎င်းတို့ကို အလွန် ကျယ်လောင်စွာ သို့မဟုတ် အလွန်ကြမ်းတမ်းစွာ စကားပြော၍မရ၊ မမှန်သည့် စကားများကို အသုံးပြု၍မရ သို့မဟုတ် ၎င်းတို့ကို မမှန်သည့် နည်းလမ်းဖြင့် ကြည့်၍မရပေ။ ၎င်းတို့သည် အားလုံးကို ချစ်တီးခေါင်းသန်းရှာကြလိမ့်မည်ဖြစ်ပြီး ယင်းတို့နှင့်ပတ်သက်၍ ပြောမည့်အရာ တစ်စုံတစ်ခု ရှိလိမ့်မည်။ မည်သူကမျှ ၎င်းတို့ကို စိတ်အနှောင့်အယှက်ပေး၍မရ သို့မဟုတ် ဝေဖန်၍မရ။ ထိုအစား လူတိုင်းက ၎င်းတို့ကို ရိုသေးလေးစားရမည်၊ ၎င်းတို့ကို ကပ်ဖားရမည်ဖြစ်ပြီး မြှောက်ပင့်ရမည်ဖြစ်သည်။ အန္တိခရစ်က အဆင့်အတန်းကို ရရှိသည်နှင့်တစ်ပြိုင်နက် ၎င်းတို့ သွားသည့်နေရာတိုင်းတွင် ထင်ရာမြင်ရာနှင့် တစ်ဇွတ်ထိုး ပြုမူဆောင်ရွက်ကြလိမ့်မည်ဖြစ်ပြီး အခြားသူတို့က ၎င်းတို့ကို ရိုသေလေးစားကြရန်အလို့ငှာ ကြွားဝါကြလိမ့်မည်။ ၎င်းတို့သည် အဆင့်အတန်းကို အကြိုက်တွေ့ကြပြီး အခြားသူတို့၏ လေးစားမှုကို အမှန်တကယ် တန်ဖိုးထားကြသည်သာမက ရုပ်ဝတ္ထု ပျော်ရွှင်မှုများသည်လည်း ၎င်းတို့အတွက် အထူးအရေးကြီးလေသည်။ ၎င်းတို့သည် အကောင်းဆုံး ဆက်ဆံမှုပေးသည့် အိမ်ရှင်များနှင့်အတူ နေချင်ကြသည်။ ၎င်းတို့၏ အိမ်ရှင်က မည်သူဖြစ်သည်ဖြစ်စေ ၎င်းတို့ စားသည့်အရာနှင့်စပ်လျဉ်း၍ ၎င်းတို့တွင် သီးသန့် တောင်းဆိုမှုများ ရှိကြပြီး အစားအစာက အတော်အတန် မကောင်းလျှင် မိမိတို့၏ အိမ်ရှင်ကို ပြုပြင်ဖို့ အခွင့်အရေး ရှာကြလိမ့်မည်။ ၎င်းတို့သည် အဆင့်မမီသော မည်သည့် ပျော်ရွှင်မှုကိုမဆို လက်ခံရန် ငြင်းပယ်ကြသည်။ ၎င်းတို့၏ အစားအစာ၊ အဝတ်အစား၊ နေရာထိုင်ခင်းနှင့် သယ်ယူပို့ဆောင်ရေး အားလုံးတို့သည် သိသိသာသာ ပိုကောင်းရမည်ဖြစ်သည်၊ သာမန်က တကယ်ကို အဆင်ပြေလိမ့်မည် မဟုတ်ပေ။ ၎င်းတို့သည် သာမန် ညီအစ်ကို မောင်နှမများရရှိသည့် အရာနှင့် အတူတူပင်ဖြစ်သော အရာများကို လက်မခံနိုင်ကြပေ။ အခြားသူတို့က မနက် ၅ နာရီ သို့မဟုတ် ၆ နာရီ ထမည်ဆိုလျှင် ၎င်းတို့က မနက် ၇ နာရီ သို့မဟုတ် ၈ နာရီ ထကြလိမ့်မည်။ ၎င်းတို့အတွက် အကောင်းဆုံး အစားအစာနှင့် ပစ္စည်းများကို သီးသန့်ထားပေးရမည်ဖြစ်သည်။ လူတို့ ပေးသည့် လှူဖွယ်ပစ္စည်းများပင်လျှင် ပထမဦးစွာ ၎င်းတို့၏ ဆန်းစစ်ခြင်း ခံရမည်ဖြစ်ပြီး ကောင်းသည့်အရာ သို့မဟုတ် တန်ဖိုးရှိသည့်အရာ မည်သည့်အရာကိုမဆို သို့မဟုတ် ပျော်မွေ့သည့် မည်သည့်အရာကိုမဆို ၎င်းတို့ သိမ်းထားကြလိမ့်မည်ဖြစ်ကာ အသင်းတော်အတွက် အကြွင်းအကျန်များကို ချန်ထားကြလိမ့်မည်။ ပြီးလျှင် အန္တိခရစ်များ လုပ်ဆောင်သည့် စက်ဆုပ်ဖွယ် အကောင်းဆုံးသောအရာ အခြားတစ်ခု ရှိ၏။ ထိုအရာမှာ မည်သည့်အရာနည်း။ ၎င်းတို့တွင် အဆင့်အတန်း ရှိသည်နှင့် တစ်ပြိုင်နက် ၎င်းတို့၏ အာသာဆန္ဒက ကြီးထွားလာသည်၊ ၎င်းတို့၏ ရည်မှန်းချက်များက ကြီးမားလာပြီး အပျော်အပါး လိုက်စားတတ်လာကြသည်။ ထို့နောက်တွင် ၎င်းတို့သည် ငွေသုံးလိုစိတ်၊ စားသောက်လိုစိတ် ဖြစ်ပေါ်ကြပြီး သို့ဖြစ်၍ အသင်းတော်၏ အလုပ်အတွက် အသင်းတော်က အသုံးပြုသည့် ငွေများအားလုံးကို မိမိတို့အတွက် ပိုင်ဆိုင်ချင်ကြသည်၊ မိမိတို့ နှစ်သက်သည့် မည်သည့်ပုံစံဖြင့်မဆို ခွဲဝေလိုကြသည်၊ မိမိတို့ အလိုဆန္ဒများအတိုင်း ထိန်းချုပ်ချင်ကြလေသည်။ အန္တိခရစ်များသည် ဤအာဏာမျိုးနှင့် ဤဆက်ဆံမှုမျိုးကို အကြိုက်တွေ့ကြပြီး ၎င်းတို့တွင် အာဏာရှိသည်နှင့်တစ်ပြိုင်နက် ကြည့်ရှုစစ်ဆေးခြင်းများအားလုံးနှင့် အမျိုးမျိုးသော သဘောတူညီချက်များကဲ့သို့ အရာရာတိုင်းပေါ် မိမိတို့၏ နာမည်ကို လက်မှတ်ထိုးချင်ကြသည်။ ၎င်းတို့သည် ဘောပင်တစ်ချောင်းဖြင့် မိမိတို့၏ လက်မှတ်ကို မရပ်မနား ရေးရသည့် ခံစားချက်၊ ငွေကို ရေလို ဖြုန်းတီးရသည့် ခံစားချက်ကို မွေ့လျော်ခံစားချင်ကြသည်။ အန္တိခရစ်တစ်ဦးတွင် အဆင့်အတန်းမရှိသည့်အခါ ၎င်းတို့ထဲ၌ ဤသရုပ်သကန်များကိုဖြစ်စေ၊ ၎င်းတို့က ဤလူစားမျိုး ဖြစ်သည်ကိုဖြစ်စေ၊ ၎င်းတို့တွင် ဤစိတ်သဘောထားမျိုး ရှိသည်ကိုဖြစ်စေ၊ ၎င်းတို့က ထိုသို့သောအရာများ လုပ်ဆောင်ကြမည်ကိုဖြစ်စေ မည်သူမျှ မမြင်နိုင်ကြပေ။ သို့သော် ၎င်းတို့က အဆင့်အတန်း ရရှိသည်နှင့်တစ်ပြိုင်နက် ဤအရာအားလုံး ပေါ်လွင်သွားသည်။ ၎င်းတို့က နံနက်တွင် ရွေးကောက်ခံရလျှင် ထိုနေ့ နေ့လည်အရောက်၌ ၎င်းတို့ အလွန့်အလွန် မာနထောင်လွှားလာကြသည်၊ ၎င်းတို့က ခေါင်းမော့ရင်ကော့နေကြသည်၊ စိတ်ကြီးဝင်ကြပြီး သာမန်လူတို့ကို အရေးမထားကြပေ။ အပြောင်းအလဲက အလွန်မြန်ဆန်စွာ ဖြစ်သွားသည်။ သို့သော် အမှန်တွင် ၎င်းတို့ မပြောင်းလဲကြပေ။ ၎င်းတို့ ထုတ်ဖော်ခံရခြင်းသာ ဖြစ်သည်။ ၎င်းတို့သည် ဤမာနထောင်လွှားသည့် ဟိတ်ဟန်များကို ပြုလုပ်ကြပြီး မည်သည့်အရာကို လုပ်ဆောင်ကြမည်နည်း။ ၎င်းတို့သည် အသင်းတော်တွင် ကပ်ပါးရပ်ပါး လုပ်လိုကြသည်၊ အဆင့်အတန်း၏ အကျိုးကျေးဇူးများကို မွေ့လျော်ချင်ကြသည်။ တစ်စုံတစ်ဦးက အရသာရှိသော အစားအစာကို တည်ခင်းသည့်အခါတိုင်းတွင် ၎င်းတို့သည် မိမိတို့၏ အနံ့ထွက်နေသည့် ခန္ဓာကို ထိန်းသိမ်းဖို့ အားဆေးများကို တောင်းဆိုရင်း ထိုအစားအစာကို စတင်၍ ခေါင်းမဖော်တမ်း စားကြလေသည်။ အထူးအခွင့်အရေးများကို အန္တိခရစ်များ ပျော်မွေ့ခြင်းက မကြာခဏ ဖြစ်ပွားသည်။ ဆိုးရွားမှု အဆင့်အရသာ ကွာခြားချက်များ ရှိသည်။ သွေးသား ပျော်ရွှင်မှုများကို ဖက်တွယ်သည့် လူတစ်ဦးတလေက ခေါင်းဆောင်တစ်ဦး ဖြစ်လာသည့်အခါ ၎င်းသည် အထူးအခွင့်အရေးများကို အကြိုက်တွေ့ချင်ကြသည်။ ဤသည်မှာ အန္တိခရစ်များ၏ စိတ်သဘောထား ဖြစ်သည်။ ၎င်းတို့အနေဖြင့် အဆင့်အတန်းကို ရရှိသည်နှင့်တစ်ပြိုင်နက် လုံးဝ ကွဲပြားခြားနားလာကြသည်။ အဆင့်အတန်းနှင့်အတူ လာသည့် ပျော်ရွှင်မှုများနှင့် အထူးဆက်ဆံမှုအားလုံးကို ခိုင်မာစွာနှင့် သေသေချာချာ မျှော်မှန်းကြသည် ဖက်တွယ်ထားကြသည်၊ လက်လွှတ်ကြလိမ့်မည်မဟုတ်၊ မိမိတို့၏ ချုပ်ကိုင်မှုကို တစ်စက်လေးမျှ အလျှော့ပေးလိမ့်မည်မဟုတ်၊ အနည်းငယ်မျှ လက်လွှတ်ဆုံးရှုံးခွင့်ပေးကြလိမ့်မည် မဟုတ်ပေ။ အန္တိခရစ်များ၏ ဤသရုပ်သကန်များနှင့် အလေ့အထများထဲမှ မည်သည့်အရာသည် သမ္မာတရား စည်းမျဉ်းများအတိုင်း ပြုမူဆောင်ရွက်ခြင်း ဖြစ်သနည်း။ တစ်ခုမျှ မဟုတ်ပေ။ ထိုအရာတစ်ခုစီတိုင်းသည် မြင်ရသည်မှာ အော်ဂလီဆန်စရာဖြစ်ပြီး စက်ဆုပ်စရာဖြစ်သည်။ ၎င်းတို့၏ အလေ့အထများနှင့် သရုပ်သကန်များသည် သမ္မာတရား စည်းမျဉ်းများနှင့် မကိုက်ညီသည်သာမက ၎င်းတို့သည် အသိစိတ်၊ ဆင်ခြင်တုံတရား၊ သို့မဟုတ် ရှက်စိတ် အနည်းငယ်မျှပင် မပိုင်ဆိုင်ကြပေ။ အန္တိခရစ်များတွင် အဆင့်အတန်းရှိသည့်အခါ မကောင်းမှုများကို မဆင်မခြင် ကျူးလွန်ကာ မိမိတို့ကိုယ်ပိုင် အာဏာနှင့် အဆင့်အတန်းအတွက် ကြိုးစားခြင်းအပြင် ၎င်းတို့သည် အသင်းတော်၏ အလုပ် သို့မဟုတ် ညီအစ်ကို မောင်နှမများ၏ အသက်ဝင်ရောက်မှုကို အကျိုးပြုမည့် မည်သည့်အရာကိုမဆို လုပ်ဆောင်ရန် ပျက်ကွက်ကြသည်သာမက အဆင့်အတန်း၏ အကျိုးကျေးဇူးများ၊ သွေးသား ပျော်ရွှင်မှုများနှင့် လူတို့က ၎င်းတို့ကို အထင်ကြီးကာ အမွန်အမြတ်ထားခြင်းတို့ကိုလည်း ပျော်မွေ့ကြလေသည်။ အချို့သော အန္တိခရစ်များသည် ၎င်းတို့ကို အစေခံရန် လူများကိုပင် ရှာကြကာ ၎င်းတို့သောက်သည့် လက်ဖက်ရည်ကို အခြားသူတို့အား တည်ခင်းစေပြီး ၎င်းတို့ ဝတ်သည့် အဝတ်အစားများကို အခြားသူတို့အား လျော်ဖွတ်စေသည့်အပြင် ၎င်းတို့ ရေချိုးသည့်အခါတွင်ပင် မိမိတို့၏ ကျောကို ပွတ်တိုက်ပေးဖို့ သီးသန့် လူတစ်ဦး ထားကာ ၎င်းတို့ အစားစားသည့်အခါ လိုလေးသေးမရှိ ပြုစုပေးမည့်သူတစ်ဦး ထားကြသည်။ သာ၍ပင်ဆိုးသည်မှာ အချို့သည် တစ်နေ့သုံးနပ်စာ အသီးသီးအတွက် သတ်မှတ်ထားသည့် စားသောက်ဖွယ်စာရင်းတစ်ခုပင် ရှိကြပြီး ဤအရာတင်မက အားဆေးများ သုံးစွဲချင်ကြပြီး ၎င်းတို့အတွက် မတူညီသည့် ဟင်းချိုမျိုးစုံကို ပြုတ်စေချင်ကြလေသည်။ အန္တိခရစ်များတွင် အရှက်တရား ရှိကြသလော။ မရှိကြပေ။ ထိုလူစားမျိုးကို ရိုးရိုး ပြုပြင်ခြင်းက အတော်အတန် သက်ညှာခြင်းဖြစ်သည်ဟု သင်တို့ ပြောကြမည်လော။ ၎င်းတို့ကို ပြုပြင်ခြင်းသည် ၎င်းတို့အား ရှက်စေလိမ့်မည်လော။ (ရှက်စေမည်မဟုတ်ပါ။) သို့ဆိုလျှင် ဤပြဿနာကို မည်သို့ ဖြေရှင်းနိုင်သနည်း။ အတော်လေး ရိုးရှင်းပေသည်။ ပြုပြင်ပြီးနောက် ၎င်းတို့ကို ဖော်ထုတ်ပြီး ၎င်းတို့ အဘယ်အရာဖြစ်သည်ကို သိခွင့်ပေးလော့။ ဤအရာကို ၎င်းတို့ အလျှော့ပေးသည်ဖြစ်စေ၊ မပေးသည်ဖြစ်စေ ၎င်းတို့ ထုတ်ပယ်ခံရသင့်ပြီး လူတိုင်းက ၎င်းတို့ကို ငြင်းပယ်သင့်ပေသည်။ သင်တို့သည် အန္တိခရစ်တစ်ဦးကို ရှာဖွေတွေ့ရှိသည်နှင့်တစ်ပြိုင်နက် ငြင်းပယ်နိုင်ကြသလော။ ၎င်းတို့ကို တိုင်ကြားကာ ဖော်ထုတ်ဖို့ သင်သည် ထရပ်ဝံ့သလော။ (ရပ်နိုင်ပါသည်။) သင်တို့သည် အမှန်တကယ် ရဲဝံ့ကြသလော၊ သို့မဟုတ် မရဲဝံ့ကြသလော။ ယခုတွင် သင်သည် သင့်ကို ထောက်ပံ့ရန် အခြားသူများရှိသည့်အခါ ၎င်းတို့ကို သင် ထရပ်ကာ ဖော်ထုတ်ဝံ့လိမ့်မည်ဖြစ်သော်လည်း အားပေးထောက်ပံ့မှုမရှိဘဲနှင့် သင်သည် သတ္တိရှိလိမ့်ဦးမည်လော။ ယခု သင် ရှိသည့်နေရာသည် အဆင်းနီသော နဂါးကြီး အုပ်စိုးမှုမရှိဘဲ ဘေးကင်းလုံခြုံသည်၊ ထို့ကြောင့် သင်က “မည်သည့်အရာကို ငါ ကြောက်ရွံ့ရမည်နည်း။ သူတို့သည် အန္တိခရစ်သာ ဖြစ်သည် မဟုတ်လော။ ငါတို့၏ အထောက်အပံ့အဖြစ် ဘုရားသခင်ရှိသဖြင့် အန္တိခရစ်ကို ဖော်ထုတ်ရန် ငါ သတ္တိရှိပြီး ငါ မကြောက်ပါ”ဟု တွေးသည်။ သို့သော် အဆင်းနီသော နဂါးကြီး၏ နိုင်ငံတွင်မူ မတူပေ။ သင်သည် အန္တိခရစ်တစ်ဦးကို ဖော်ထုတ်ပြီး ၎င်း၏ အဆင့်အတန်းကို ဆုံးရှုံးလျှင် ၎င်းက သင့်ကို ညှဉ်းဆဲဝံ့လိမ့်မည်၊ သင့်ကို သစ္စာဖောက်ဝံ့လိမ့်မည်ဖြစ်ပြီး အာဏာပိုင်များ၏ လက်သို့ သင့်ကို အပ်နှံဝံ့လိမ့်မည်။ သင်သည် ၎င်းကို ဖော်ထုတ်ဝံ့ဦးမည်လော။ (ဖော်ထုတ်ကောင်းဖော်ထုတ်ဝံ့မည် မဟုတ်ပါ။) ဖော်ထုတ်ကောင်း ဖော်ထုတ်ဝံ့မည်မဟုတ်။ သင်၏ သဘောထားက ချက်ချင်း ပြောင်းလဲသွားလိမ့်မည်။ ထိုအခြေအနေတွင် သင်သည် ၎င်းတိုကို ဖော်ထုတ်ဝံ့မည်မဟုတ်။ သို့ဆိုလျှင် ၎င်းတို့ကို မဖော်ထုတ်ဝံ့ခြင်းသည် မှန်ကန်သလော။ မမှန်ကန်ပေ၊ သင့်တွင် သက်သေခံချက် မရှိသကဲ့သို့ သင်သည် အောင်မြင်သူတစ်ဦး မဟုတ်ကြောင်းကို ဆိုလိုပေသည်။ ထိုအရာသည် ဘုရားသခင်၏ နောက်လိုက်တစ်ဦး ပြောသင့်သည့်အရာတစ်ခု မဟုတ်ပေ။ သင်သည် နှုတ်ဆိတ်မြဲနှုတ်ဆိတ်နေသော်လည်း သင်၏ စိတ်နှလုံးက “အသင် အန္တိခရစ်၊ အသင် နတ်ဆိုးနှင့် စာတန်၊ သင့်ကို ငါ ဖော်ထုတ်မည်။ သင့်ကို ငြင်းပယ်ဖို့ ဉာဏ်ပညာကို ငါ အသုံးပြုမည်ဖြစ်ပြီး အသင်းတော်မှ သင့်ကို ဖယ်ရှားမည်။ သင်သည် ဘုရားအိမ်တော်တွင် နေဖို့ မထိုက်တန်ပါ။ သင်သည် နတ်ဆိုးတစ်ဦးဖြစ်သည်။ သင်သည် စာတန်တစ်ဦးဖြစ်သည်။ သင့်ကို ငါ့စကားများဖြင့် လူသိရှင်ကြား ငါ မဖော်ထုတ်သော်လည်း သင့်ကို ငါ့စိတ်နှလုံးအတွင်းမှ ငါ ငြင်းပယ်သည်။ သမ္မာတရားကို နားလည်သည့် နောက်ထပ် ညီအစ်ကို မောင်နှမများကို ငါ ရှာဖွေမည်ဖြစ်ပြီး အတူတကွ သင့်ကို ငါတို့ ငြင်းပယ်မည်။ သင်၏ ခေါင်းဆောင်မှု သို့မဟုတ် သင်၏ ကြိုးကိုင်ညွှန်ကြားမှုကို ငါတို့ လက်ခံမည်မဟုတ်ပါ”ဟု အကြိမ်ကြိမ် အော်ဟစ်နေသည်ဆိုပါစို့။ ဤသည်မှာ ပြုမူဆောင်ရွက်ရန် မှန်ကန်သည့် နည်းလမ်းဖြစ်သလော။ (ဟုတ်ပါသည်။) အခြေအနေက ကောင်းကျိုးမပြုဘဲရှိကောင်းရှိနိုင်ပြီး အန္တိခရစ်တစ်ဦးကို လူသိရှင်ကြား ဖော်ထုတ်ခြင်းက သင့်ကို အန္တရာယ်တွင် ရှိစေကောင်းရှိစေနိုင်သော်လည်း ဘုရားသခင်၏ စေခိုင်းချက်တာဝန်၊ သမ္မာတရား စည်းမျဉ်းများနှင့် သင်၏ တာဝန်တို့ကို စွန့်လွှတ်၍မရ သို့မဟုတ် စွန့်ပစ်၍မရနိုင်ပေ။ အထူးအခွင့်အရေးများကို အကြိုက်တွေ့သည့် အန္တိခရစ်များ၊ အဆင့်အတန်း၏ အကျိုးကျေးဇူးများကို မရှက်မကြောက် မွေ့လျော်ခံစားသည့် အန္တိခရစ်များကိုမူ ၎င်းတို့ကို ငါတို့ ငြင်းပယ်သင့်ပြီး ဘုရားအိမ်တော်တွင် ကပ်ပါးကောင်းများ ဖြစ်လာခွင့်မပေးသင့် သို့မဟုတ် နောက်ထပ် ညီအစ်ကို မောင်နှမများကို ထိခိုက်နစ်နာစေခွင့် သို့မဟုတ် အထင်အမြင်မှားစေခွင့် မပေးသင့်တော့ပေ။ ၎င်းတို့ကို ငါတို့ ဖယ်ရှားသင့်သည်။ ဘုရားအိမ်တော်၏ ရင်းမြစ်များသည် ဤကပ်ပါးကောင်များကို ထောက်ပံ့ခြင်းအတွက် မဟုတ်ပေ။ ၎င်းတို့သည် ဘုရားအိမ်တော်အတွင်းတွင် အစာမစားထိုက်သကဲ့သို့ ဘုရားအိမ်တော်တွင် အရာရာတိုင်းကို မွေ့လျော်ခံစားထိုက်ခြင်း မရှိပေ။ ဤသည်မှာ အဘယ်ကြောင့်နည်း။ အဘယ်ကြောင့်ဆိုသော် ၎င်းတို့သည် နတ်ဆိုးများဖြစ်ကြပြီး ငြင်းပယ်ခံထိုက်သင့်ကြသောကြောင့် ဖြစ်သည်။ ဤသည်မှာ အန္တိခရစ်များ၏ နောက်ထပ် သရုပ်သကန်ဖြစ်သည့် အထူးအခွင့်အရေးများကို အကြိုက်တွေ့ခြင်း၊ အထူးအခွင့်အရေးများကို အရှက်မဲ့သည့် အကြိုက်တွေ့ခြင်း ဖြစ်သည်။ မည်သည့်အရာကိုမျှ ပံ့ပိုးခြင်းမရှိဘဲ ၎င်းတို့သည် ခေါင်းဆောင်မှု ရာထူးတစ်ခုကို ရရှိသည်နှင့်တစ်ပြိုင်နက် ၎င်းတို့သည် အာဏာကို အမိအရ ရယူသည်၊ မိမိတို့ အဆင့်အတန်း၏ အကျိုးကျေးဇူးများကို မွေ့လျော်ပြီး မိမိတို့အတွက် အရသာရှိသည့် အစားအစာကို အတင်းအဓမ္မ ချက်ပြုစေကာ ဝယ်ယူစေသည့်အပြင် ညီအစ်ကို မောင်နှမများ ကြိုးစားရှာထားသည့် ဥစ္စာပစ္စည်းများကို လုယူကာ သူတို့၏ ငွေနှင့် ပစ္စည်းများကို ခြိမ်းခြောက်ညှစ်ယူလေသည်။ ၎င်းတို့အတွက် ထိုအရာသည် လုပ်ရိုးလုပ်စဉ်တစ်ခု ဖြစ်ကာ တန်ဖိုးမဖြတ်နိုင်သည့် အခွင့်အလမ်း၊ တစ်ဖန် ဖြစ်လာလိမ့်မည်မဟုတ်သည့် အခွင့်အရေးတစ်ခု ဖြစ်သည်။ ဤသည်မှာ နတ်ဆိုးတစ်ဦး တွေးထင်သည့်ပုံစံ မဟုတ်လော။ အရှက်မဲ့သည့် တွေးခေါ်မှုပါတကား။ ဤလူစားမျိုးသည် ပြုပြင်ခံရသင့်သည်၊ ဖော်ထုတ်ခံရသင့်ပြီး ညီအစ်ကို မောင်နှမများ၏ ငြင်းပယ်ခြင်းခံရသင့်ပေသည်။

အန္တိခရစ်များ၏ အခြားသော သရုပ်သကန်အချို့မှာ အဘယ်နည်း။ မိမိကိုယ်တိုင်၏ အထက်နှင့် အောက်တွင်ရှိသောသူများကို လှည့်ဖြားခြင်းသည် တိကျသည့် သရုပ်သကန်တစ်ခုဖြစ်သလော။ (ဟုတ်ပါသည်။) အန္တိခရစ်များသည် ပင်ကိုအားဖြင့် ကောက်ကျစ်ဆိုးယုတ်ကြသည်။ ၎င်းတို့သည် ရိုးသားသည့် စိတ်နှလုံး၊ သမ္မာတရားကို ချစ်သည့် စိတ်နှလုံး သို့မဟုတ် အပြုသဘောဆောင်သည့် အရာများအတွက် ချစ်ခြင်းစိတ်နှလုံး မပိုင်ဆိုင်ကြပေ။ ၎င်းတို့သည် မှောင်မိုက်သည့် ချောင်များတွင် မကြာခဏ အသက်ရှင်နေကြသည်။ ရိုးသားသည့် သဘောထားဖြင့် မပြုမူကြ၊ မှန်ကန်စွာ ပြောဆိုခြင်းမရှိကြသကဲ့သို့ အခြားသူများအပေါ်ကိုရော၊ ဘုရားသခင်အပေါ်ကိုပါ ကောက်ကျစ်ဆိုးယုတ်ပြီး လှည့်ဖြားတတ်သည့် စိတ်နှလုံးများ ထားရှိကြသည်။ ၎င်းတို့သည် အခြားသူတို့ကို လှည့်ဖြားချင်ကြပြီး ဘုရားသခင်ကိုလည်း လှည့်ဖြားချင်ကြသည်။ ဘုရားသခင်၏ စေ့စေ့ကြည့်ရှုစစ်ဆေးခြင်းကို မဆိုထားနှင့်၊ အခြားသူတို့၏ ကြီးကြပ်မှုကို ၎င်းတို့ လက်ခံကြလိမ့်မည် မဟုတ်။ ၎င်းတို့သည် အခြားသူတို့ထဲတွင် ရှိသည့်အခါ စိတ်ထဲတွင် ၎င်းတို့ မည်သည့်အရာ စဉ်းစားနေပြီး စီစဉ်နေသည်၊ ၎င်းတို့က မည်သည့်လူစားမျိုးဖြစ်ပြီး သမ္မာတရားအပေါ် မည်သည့် သဘောထား ထားရှိကြသည် စသည်တို့ကို မည်သူ့ကိုမျှ လုံးဝ မသိစေချင်ကြပေ။ ၎င်းတို့သည် အခြားသူတို့အား ဤအရာတစ်ခုတလေကိုမျှ မသိရှိစေချင်ကြသကဲ့သို့ ဘုရားသခင်ကိုလည်း နားပူနားဆာလုပ်ချင်ကြသည်၊ သူ့ကို ဘာမျှမသိဘဲနေစေချင်ကြသည်။ ထို့ကြောင့် အန္တိခရစ်တစ်ဦးက အဆင့်အတန်းမရှိသည့်အခါ၊ လူတစ်စုတွင် အခြေအနေကို ကြိုးကိုင်ညွှန်ကြားဖို့ အခွင့်အလမ်းများ ၎င်းတို့တွင် မရှိသည့်အခါ ၎င်းတို့၏ စကားများနှင့် လုပ်ရပ်များနောက်ကွယ်တွင် မည်သည့်အရာ တည်ရှိနေသည်ကို မည်သူမျှ အမှန်တကယ် နားလည်သဘောပေါက်နိုင်ခြင်း မရှိကြပေ။ လူတို့က “၎င်းတို့သည် နေ့စဉ် မည်သည့်အရာအကြောင်းကို စဉ်းစားနေကြသနည်း။ ၎င်းတို့၏ တာဝန်ထမ်းဆောင်မှု နောက်ကွယ်တွင် ကြံရွယ်ချက်တစ်ခုတလေ ရှိသလော။ ၎င်းတို့သည် ဖောက်ပြန်ပျက်စီးခြင်းကို ထုတ်ဖော်ပြနေကြသလော။ အခြားသူတို့အပေါ် မနာလိုမှု သို့မဟုတ် အမုန်းတရား တစ်ခုတလေကို ၎င်းတို့ ခံစားကြသလော။ ၎င်းတို့သည် အခြားသူတို့အပေါ် အမြင်စောင်းမှုများ တစ်ခုတလေ ရှိကြသလော။ အခြားသူတို့ ပြောသည့်အရာအပေါ် ၎င်းတို့၏ အမြင်များက မည်သည့်အရာများ ဖြစ်သနည်း။ အချို့သောအရာများကို ၎င်းတို့ ကြုံရသည့်အခါ မည်သည့်အရာကို ၎င်းတို့ စဉ်းစားကြသနည်း”ဟု တွေးကြလေသည်။ အန္တိခရစ်များသည် ၎င်းတို့နှင့်ပတ်သက်၍ မည်သည့်အရာဖြစ်နေသည်ကို အခြားသူတို့အား လုံးဝ သိခွင့်မပေးကြပေ။ ၎င်းတို့သည် တစ်စုံတစ်ရာနှင့်ပတ်သက်၍ ၎င်းတို့၏ အယူအဆအကြောင်းကို စကားအနည်းငယ်ဖြင့် အမှန်ဖော်ပြကြလျှင်ပင် ထိုစကားများက မရေမရာဖြစ်ပြီး မပြတ်မသားဖြစ်နေလိမ့်မည်။ ၎င်းတို့သည် အခြားသူတို့အား ပြင်းပြင်းထန်ထန် စဉ်းစားသွားစေလျက် ၎င်းတို့က မည်သည့်အရာ ပေးသိဖို့ ကြိုးစားနေကြသည်ကို မခွဲခြားနိုင်ရန်အလို့ငှာလည်းကောင်း၊ ၎င်းတို့ မည်သည့်အရာ ပြောချင်သည် သို့မဟုတ် မည်သည့်အရာ ဖော်ပြရန် ကြိုးစားနေကြသည်ကို မသိရှိရန်အလို့ငှာလည်းကောင်း လှည့်ပတ်ပြောဆိုကြလေသည်။ ထိုသို့သော တစ်စုံတစ်ဦးက အဆင့်အတန်းရရှိသွားသည့်နောက် အခြားလူတို့ အနီးဝန်းကျင်တွင် ၎င်းတို့၏ အပြုအမူမှာ သာ၍ပင် ခိုးကြောင်ခိုးဝှက်ဖြစ်လာကြသည်။ ၎င်းတို့သည် မိမိတို့၏ ရည်မှန်းချက်များ၊ မိမိတို့၏ ဂုဏ်သတင်း၊ မိမိတို့၏ ပုံရိပ်နှင့် မိမိတို့၏ နာမည်၊ မိမိတို့၏ အဆင့်အတန်းနှင့် ဂုဏ်သိက္ခာ စသည်တို့ကို ကာကွယ်ချင်ကြလေသည်။ ထို့ကြောင့် ၎င်းတို့သည် အမှုအရာများကို ၎င်းတို့ လုပ်ဆောင်ပုံ သို့မဟုတ် အမှုအရာများ လုပ်ဆောင်ခြင်းအတွက် ၎င်းတို့၏ ကြံရွယ်ချက်များနှင့်ပတ်သက်၍ ပွင့်ပွင့်လင်းလင်း မပြောချင်ကြပေ။ ၎င်းတို့အနေဖြင့် အမှားတစ်ခုကို ပြုလုပ်မိသည့်အခါတွင်ပင်၊ ဖောက်ပြန်ပျက်စီးသော စိတ်သဘောထားတစ်ခုကို ထုတ်ဖော်ပြမိသည့်အခါတွင်ပင် သို့မဟုတ် ၎င်းတို့ လုပ်ရပ်များနောက်ကွယ်ရှိ ရည်ရွယ်ချက်များနှင့် ကြံရွယ်ချက်များက မှားယွင်းသည့်အခါတွင်ပင် ၎င်းတို့သည် မဖွင့်ဟချင်ကြသကဲ့သို့ ထိုအကြောင်းကို အခြားသူတို့အား သိခွင့်မပေးချင်ကြသည့်အပြင် ညီအစ်ကို မောင်နှမများကို လှည့်စားဖို့အတွက် အပြစ်ကင်းပြီး စုံလင်သည့် အသွင်အပြင်ကို အမြဲထားရှိကြသည်။ အထက်နှင့်ပတ်သက်၍လည်းကောင်း၊ ဘုရားသခင်နှင့် ပတ်သက်၍လည်းကောင်း ၎င်းတို့သည် နားကြားကောင်းသည့် အရာများကိုသာ ပြောဆိုကြပြီး အထက်နှင့် ၎င်းတို့၏ ဆက်ဆံရေးကို ထိန်းသိမ်းရန်အတွက် လှည့်ဖြားတတ်သည့် နည်းစနစ်များနှင့် အလိမ်အညာများကို မကြာခဏ အသုံးပြုကြသည်။ ၎င်းတို့၏ အလုပ်နှင့်ပတ်သက်၍ အထက်ကို အစီရင်ခံပြီး အထက်ကို စကားပြောသည့်အခါ ၎င်းတို့၏ အားနည်းချက်တစ်ခုတလေကိုမျှ မည်သူမျှ မသိရှိနိုင်ရန်အလို့ငှာ မကောင်းသည့် မည်သည့်အရာကိုမျှ ၎င်းတို့ လုံးဝ မပြောကြပေ။ ၎င်းတို့သည် အောက်ပိုင်းအဆင့်များတွင် ၎င်းတို့ လုပ်ဆောင်ပြီးသည့်အရာကိုဖြစ်စေ၊ အသင်းတော်တွင် ဖြစ်ပေါ်သည့် ပြဿနာများ တစ်ခုတလေကိုမျှဖြစ်စေ၊ ၎င်းတို့အလုပ်တွင်ရှိသည့် ပြဿနာများ သို့မဟုတ် အပြစ်အနာအဆာများကိုဖြစ်စေ၊ ၎င်းတို့ နားမလည်နိုင် သို့မဟုတ် ရှင်းရှင်းလင်းလင်း မမြင်နိုင်သည့်အရာများကိုဖြစ်စေ လုံးဝ ထုတ်ပြောကြလိမ့်မည် မဟုတ်။ ၎င်းတို့သည် ဤကိစ္စများနှင့်ပတ်သက်၍ အထက်ကို မည်သည့်အခါမျှ မမေးမြန်းဘဲ သို့မဟုတ် မရှာဖွေဘဲ ထိုအစား ၎င်းတို့၏ အလုပ်တွင် စွမ်းဆောင်နိုင်သည့်၊ ၎င်းတို့၏ အလုပ်ကို လုံးလုံးလျားလျား တာဝန်ယူဆောင်ရွက်နိုင်စွမ်း ရှိသည့် ပုံရိပ်တစ်ခုနှင့် အသွင်အပြင်တစ်ခုကိုသာ ပြသလေသည်။ ၎င်းတို့သည် အသင်းတော်တွင် တည်ရှိသည့် မည်သည့်ပြဿနာများကိုမဆို အထက်သို့ အစီရင်မခံကြသကဲ့သို့ အသင်းတော်တွင် အမှုအရာများက မည်သို့ ပရမ်းပတာဖြစ်နေသည်ဖြစ်စေ၊ ၎င်းတို့အလုပ်တွင် ဖြစ်ပေါ်သည့် အပြစ်အနာအဆာများ၏ အတိုင်းအတာ မည်သို့ဖြစ်စေ၊ သို့မဟုတ် အောက်ပိုင်းအဆင့်များတွင် ၎င်းတို့ အတိအကျ မည်သည့်အရာ လုပ်ဆောင်ကြပြီးသည်ဖြစ်စေ ဤအရာအားလုံးနှင့်ပတ်သက်၍ အထက်အား မတော်တဆ ကြားခွင့်မပေးရန် သို့မဟုတ် မည်သည့်သတင်းကိုမျှ ကြားခွင့်မပေးရန် ကြိုးပမ်းရင်း၊ ပကတိအခြေအနေကို ဖုံးကွယ်ရန် အားထုတ်မှုတစ်ခုအနေဖြင့် ဤကိစ္စရပ်များနှင့် ဆက်စပ်သည့် လူများ သို့မဟုတ် ၎င်းတို့အကြောင်း အမှန်တရားကို သိရှိသည့်လူများအား ဝေးကွာသော နေရာများကို ပြောင်းရွှေ့သည်အထိပင် လုပ်ဆောင်ရင်း ထိုအရာအားလုံးကို ထပ်တလဲလဲ ဖုံးဖိကြလေသည်။ ဤသည်တို့မှာ မည်သည့် အလေ့အထများ ဖြစ်သနည်း။ ဤသည်မှာ မည်သည့် အပြုအမူမျိုး ဖြစ်သနည်း။ သမ္မာတရားကို လိုက်စားသည့် လူတစ်ဦး ရှိသင့်သည့် သရုပ်သကန်မျိုး ဖြစ်သလော။ အလွန် သိသာစွာပင် မဟုတ်ပေ။ ဤသည်မှာ မကောင်းဆိုးဝါးတစ်ကောင်၏ အပြုအမူ ဖြစ်သည်။ အန္တိခရစ်များသည် အခြားလူများနှင့် ဘုရားသခင်ထံမှ ဤအမှုအရာများကို ထိမ်ချန်ထားရင်း မိမိတို့၏ အဆင့်အတန်း သို့မဟုတ် နာမည်ဂုဏ်သတင်းအပေါ် သက်ရောက်မှုတစ်ခု ရှိနိုင်မည့် မည်သည့်အရာကိုမဆို ဖုံးကွယ်ရန်၊ ဖုံးဖိရန် အစွမ်းကုန် လုပ်ဆောင်ကြလိမ့်မည် ဖြစ်သည်။ ဤသည်မှာ ၎င်းတို့၏ အထက်နှင့် အောက်တွင်ရှိသူများကို လှည့်ဖြားခြင်း ဖြစ်သည်။ ၎င်းတို့သည် ၎င်းတို့အောက်တွင်ရှိသည့်သူများကို “အထက်က ကျွန်ုပ်ကို အလွန် အထင်ကြီးပြီး အလွန် တန်ဖိုးထားသည်။ အထက်က ကျွန်ုပ်ကို ထိုသို့သော အရေးကြီးသည့် အလုပ်ကို အပ်လျက်၊ ထိုထိုသော အလုပ်တာဝန်များကို တာဝန်ပေးလေပြီ။ သူတို့သည် ကျွန်ုပ်၏ အလုပ်အတွက် လမ်းညွှန်ချက်များပေးလျက် ကျွန်ုပ်အပေါ် တကယ်ကို ကောင်းစွာ ဂရုစိုက်ပြီး ကျွန်ုပ်၏ ဘဝအတွက်လည်း တာဝန် အမှန်တကယ် ယူကြပြီးဖြစ်သည်။ အထက်က ထိုထိုသော ကိစ္စရပ်များကြောင့် ကျွန်ုပ်ကို ပြုပြင်ခဲ့ပြီး ထိုထိုသော နည်းလမ်းဖြင့် ကျွန်ုပ် လက်ခံခဲ့ကာ ထိုအရာအပေါ် ကျွန်ုပ်၏ သိနားလည်မှုက ထိုကဲ့သို့ဖြစ်သည်။ ဘုရားက ကျွန်ုပ်အား ချစ်ပုံကို ကြည့်ပါလော့။ သူသည် ကျွန်ုပ်ကို ကိုယ်တိုင်ကိုယ်ကျ ပြုပြင်ခဲ့ပြီး ကျွန်ုပ်၏ အလုပ်တွင် ကိုယ်တိုင် လမ်းညွှန်မှုပေးလေပြီ”ဟု မကြာခဏ ပြောကြလိမ့်မည်။ ပြီးလျှင် အထက်ကိုလည်း ၎င်းတို့က မိမိတို့၏ အလုပ်အတွက် တာဝန်အလွန်ယူကြသည့် ပုံစံတစ်ခု၊ ညီအစ်ကို မောင်နှမများကို အလွန်အမင်း ဂရုစိုက်ကာ မိမိတို့၏ စိတ်နှလုံးနှင့် အစွမ်းခွန်အားကို အပြည့်အဝ ရည်စူးဆက်ကပ်သည့် ပုံစံတစ်ခု ပုံဖမ်းကြသော်လည်း ညီအစ်ကိုတစ်ဦး သို့မဟုတ် ညီအစ်မတစ်ဦးက ၎င်းတို့ထံ မတူကွဲပြားသည့် စိတ်ကူး သို့မဟုတ် အယူအဆတစ်ခု တင်ပြခြင်းအကြောင်း သို့မဟုတ် မိမိတို့အလုပ်တွင်ရှိသည့် အပြစ်အနာအဆာများ သို့မဟုတ် လမ်းလွဲခြင်းများ တစ်ခုတလေအကြောင်းကို စကားတစ်ခွန်းမျှ လုံးဝ ပြောကြလိမ့်မည် မဟုတ်။ ၎င်းတို့သည် ၎င်းတို့နှင့်ပတ်သက်သည့် ပကတိအခြေအနေကို အထက်က သိရှိသွားလျှင် ထုတ်ပယ်ခံရမည်ကို ကြောက်လန့်လျက် ၎င်းတို့နှင့်ပတ်သက်သည့် အမျိုးမျိုးသော အမှန်တရားများကို အထက်က မသိအောင် ဖုံးကွယ်ရန် အပြင်းအထန် ကြိုးစားနေစဉ် အောက်လူများနှင့် ကောင်းမွန်သော ဆက်ဆံရေးတစ်ခု ထိန်းသိမ်းရန် အစွမ်းကုန် လုပ်ဆောင်ကြလေသည်။ ဤသည်မှာ ၎င်းတို့၏ အထက်နှင့် အောက်တွင်ရှိသည့်သူများကို လှည့်ဖြားခြင်း ဖြစ်သည် မဟုတ်လော။ အန္တိခရစ်တစ်ဦးက အာဏာကို အရယူသည်နှင့်တစ်ပြိုင်နက် မည်သူကမျှ ၎င်းတို့၏ စစ်မှန်သော အခြေအနေ၊ ၎င်းတို့၏ စစ်မှန်သော အနေအထား၊ သို့မဟုတ် ၎င်းတို့၏ တကယ့် လူ့သဘာဝ သို့မဟုတ် အလုပ် စွမ်းဆောင်ရည်များကို မရိပ်စားမိနိုင်ရန်အလို့ငှာ ၎င်းတို့ကိုယ်တိုင်နှင့်ပတ်သက်သည့် အမှန်တရားကို ဆက်လက် ကွယ်ဝှက်ထားရန် တတ်နိုင်သမျှ လုံးဝ လုပ်ဆောင်ကြသည်။ ၎င်းတို့အနေဖြင့် ခိုင်မာသည့် ခြေကုပ်တစ်ခုရရှိပြီး မိမိတို့၏ အာဏာနှင့် အဆင့်အတန်း၏ အကျိုးကျေးဇူးများကို အစဉ်အမြဲ မွေ့လျော်ခံစားနိုင်ရန်အလို့ငှာ ဤအရာများကို ဖုံးကွယ်ရန် နည်းစနစ်မျိုးစုံနှင့် နည်းလမ်းမျိုးစုံကို သုံးကြလိမ့်မည်။ မိမိကိုယ်တိုင်၏ အထက်နှင့် အောက်တွင်ရှိသောသူများကို လှည့်ဖြားခြင်းသည် အန္တိခရစ်များသာ လုပ်ဆောင်သည့်အရာတစ်ခု ဖြစ်သည်။ ထိုအရာသည် သမ္မာတရား စည်းမျဉ်းများနှင့် ကိုက်ညီသလော။ ဤသည်မှာ ဘုရားသခင်ကို အစေခံသည့် တစ်စုံတစ်ဦး ပိုင်ဆိုင်သင့်သော သရုပ်သကန်တစ်ခု ဖြစ်သလော။ သမ္မာတရား လိုက်စားသည့် တစ်စုံတစ်ဦး ပိုင်ဆိုင်သင့်သော သရုပ်သကန်တစ်ခု ဖြစ်သလော။ (မဟုတ်ပေ။) သို့ဆိုလျှင် အန္တိခရစ်တစ်ဦးက ဤသရုပ်သကန်မျိုး၊ ဤစိတ်သဘောထားမျိုးကို ပိုင်ဆိုင်သည့်အခါ ပြုပြင်ခံရသင့်သလော။ (ပြုပြင်ခံရသင့်ပါသည်။)

အန္တိခရစ်များ ပြုပြင်ခံရသည့် အကြောင်းရင်း ခြောက်ခုအကြောင်းကို ငါတို့ ယခုတင် ပြောဆိုပြီးဖြစ်သည်။ ပထမမှာ မိမိတို့ကိုယ်ပိုင် သီးခြားဖြစ်သော နိုင်ငံများကို ထူထောင်ခြင်း ဖြစ်သည်။ ဒုတိယမှာ လက်သီးပုန်းထိုးသော ကြိုးကိုင်ညွှန်ကြားခြင်းဖြစ်သည်။ တတိယမှာ အခြားသူတို့ကို ညှဉ်းဆဲခြင်းဖြစ်သည်။ စတုတ္ထမှာ အမှုအရာများကို မိမိတို့သဘောအတိုင်း လုပ်ဆောင်ခြင်းဖြစ်သည်။ ပဉ္စမမြောက်မှာ အထူးအခွင့်အရေးများကို အကြိုက်တွေ့ခြင်းဖြစ်ပြီး ဆမမြောက်မှာ မိမိတို့၏ အထက်နှင့် အောက်တွင်ရှိသောသူများကို လှည့်ဖြားခြင်း ဖြစ်သည်။ အခြားတစ်ခုတလေ ရှိသလော။ (ညီအစ်ကို မောင်နှမများကို အထင်အမြင်မှားစေဖို့ အယူလွဲမှုများနှင့် မှားယွင်းပြီး အဓိပ္ပာယ်မဲ့သောအရာများကို ဖြန့်ခြင်းဖြစ်သည်။) (ဘုရားသခင်ကို လုံးဝ မချီးမြှောက်ခြင်း သို့မဟုတ် သက်သေမခံခြင်းနှင့် ထိုအစား မိမိတို့ကိုယ်ကို အမြဲ သက်သေခံခြင်း၊ လူတို့ကို အထင်အမြင်မှားစေဖို့ စကားလုံးများနှင့် အယူဝါဒများကို ရေရွတ်ပြောဆိုခြင်းတို့ဖြစ်သည်။) (သန့်ရှင်းသော ဝိညာဉ်တော်က အသုံးပြုသည့် လူကို ဝေဖန်ခြင်း၊ တိုက်ခိုက်ခြင်းနှင့် မုန်းခြင်းတို့ ဖြစ်သည်။) ဤအရာသုံးခုထဲတွင် မည်သည့်အရာသည် ယှဉ်ကြည့်လျှင် ငါတို့ ဆွေးနွေးပြီးသားဖြစ်သည့် အကြောင်းရင်းခြောက်ခုနှင့် အနှစ်သာရအနေဖြင့် နီးစပ်သနည်း။ (မိမိတို့ကိုယ်ကို အစဉ်သဖြင့် ချီးမြှောက်ခြင်းနှင့် သက်သေခံခြင်း၊ ပြီးလျှင် ဘုရားသခင်ကို လုံးဝ သက်သေမခံခြင်း ဖြစ်သည်။) ထိုတစ်ခုသည် သဘာဝအားဖြင့် အတော်လေး ဆိုးရွား၏။ နောက်ထပ်ဆိုးရွားသောအချက်မှာ သန့်ရှင်းသော ဝိညာဉ်တော် အသုံးပြုသည့် လူကို တိုက်ခိုက်ခြင်းနှင့် ဝေဖန်ခြင်း၊ ထို့နောက်တွင် လူများကို အထင်အမြင်မှားစေဖို့ မှားယွင်းပြီး အဓိပ္ပာယ်မဲ့သောအရာများကို ဖြန့်ခြင်းဖြစ်သည်။ အန္တိခရစ်များ၏ အခြားသော တိကျသည့် သရုပ်သကန်အချို့ ရှိသင့်သော်လည်း ဤအရာများက အရာရာကို အနည်းနှင့်အများ ကိုယ်စားပြုသည်။ ထို့ကြောင့် ယနေ့တွင် ထိုအရာတစ်ခုစီနှင့်ပတ်သက်၍ မလိုအပ်သည့် အသေးစိတ်အချက်များကို ပြောဆိုရန် ငါတို့ မလိုအပ်ပေ။ ယင်းသည် ယနေ့ မိတ်သဟာယ၏ အာရုံစိုက်ရာ မဟုတ်ပေ။ ထိုအစား ယနေ့၏ အာရုံစိုက်ရာမှာ အန္တိခရစ်တစ်ဦးက အမှားတစ်စုံတစ်ခုကို ကျူးလွန်သည့်အခါ ပြုပြင်ခံရခြင်းကို လက်ခံပြီး နောင်တရသည့် သဘောထားတစ်ခု ရှိရမည့်အစား အယူအဆများကို ဖြန့်ဝေကာ ဘုရားသခင်ကို လူသိရှင်ကြား ဝေဖန်အကဲဖြတ်ပုံနှင့် ပတ်သက်ပေသည်။ တစ်နည်းအားဖြင့် ပြုပြင်ခံရပြီးနောက် အန္တိခရစ်တစ်ဦး၏ သဘောထား၊ ဤသဘောထား၏ ရင်းမြစ်နှင့် ၎င်းတို့၏ စိတ်သဘောထား အနှစ်သာရ၏ ပကတိအခြေအနေ၊ ဤသည်မှာ ငါတို့ ဆက်လက်မိတ်သဟာယပြုသင့်သည့် အဓိကအာရုံစိုက်ရာ ဖြစ်သည်။ ငါတို့ ယခုတင် ‌ဆွေးနွေးသွားသည့် အခြားသောအရာများမှာ ဤအရာနှင့် အတော်အတန် ဆက်စပ်သော သာ၍ သေးငယ်သည့် အကြောင်းအရာများဖြစ်သည်။ ယင်းတို့ကို ယခင်က ငါတို့ လုံလောက်အောင် အသေးစိတ်ကျကျ ဆွေးနွေးပြီးဖြစ်သဖြင့် ယနေ့တွင် အန္တိခရစ်များ၏ အမျိုးမျိုးသော သရုပ်သကန်များနှင့်ပတ်သက်သည့် ယခင် ငါတို့၏ မိတ်သဟာယကို အကျဉ်းရုံးလျက်၊ အသေးစိတ်မဟုတ်သကဲ့သို့ ယေဘုယျသော နည်းလမ်းတစ်ခုဖြင့် ယင်းတို့ကို ငါတို့ ယခုတင် မိတ်သဟာယပြုခဲ့သည်။ အန္တိခရစ်များသည် ဤသရုပ်သကန်များ၊ ဤစိတ်သဘောထားများနှင့် အနှစ်သာရများကို ပိုင်ဆိုင်ကြပြီး ဤအမှုအရာမျိုးများကို လုပ်ဆောင်ကြပြီးဖြစ်သည်။ ထို့ကြောင့် ၎င်းတို့သည် ပြုပြင်ခံရကာ ငြင်းပယ်ခံရမည်ဖြစ်သည်။ သို့သော် စစ်မှန်သည့် အန္တိခရစ်တစ်ဦး၊ အန္တိခရစ်တစ်ဦး၏ အနှစ်သာရကို ပိုင်ဆိုင်သည့်သူတစ်ဦးသည် ၎င်း လုပ်ဆောင်ပြီးဖြစ်သည့် ဤအရာများ သို့မဟုတ် ၎င်းတို့၏ ဤသရုပ်သကန်များသည် အန္တိခရစ်တစ်ဦးနှင့်သက်ဆိုင်သည်ကို အသိအမှတ်ပြုမည်လော။ (အသိအမှတ်ပြုမည် မဟုတ်ပါ။) စာတန်နှင့် နတ်ဆိုးများက ဘုရားသခင်ကို ၎င်းတို့ ဆန့်ကျင်ကြောင်း အသိအမှတ်ပြုသည်ကို မည်သည့်အချိန်တွင် သင် မြင်ဖူးသနည်း။ ဘုရားသခင်ကို ၎င်းတို့ ဆန့်ကျင်မိကြောင်း ၎င်းတို့ လုံးဝ အသိအမှတ်ပြုကြလိမ့်မည် မဟုတ်သကဲ့သို့ မည်သည့် အမှားမျိုးများကို ၎င်းတို့ ပြုမိပြီးသည်ဖြစ်စေ ၎င်းတို့ မှားခဲ့ကြောင်းကို လုံးဝ ဝန်ခံကြလိမ့်မည် မဟုတ်ပေ။ ထို့ကြောင့် အန္တိခရစ်များ၏ ဤအနှစ်သာရနှင့်ဆိုင်သော ရှုထောင့်အမြင်မှနေ၍ ယနေ့၏ မိတ်သဟာယအတွက် အကြောင်းအရာကို အစပြုလိုက်ကြစို့။

၂။ အန္တိခရစ်များသည် ပြုပြင်ခြင်းကို လက်မခံသောအခါ မည်သို့ပြုမူပုံ

က။ ၎င်းတို့အမှားလုပ်ထားသည်ကို ဝန်ခံရန် ငြင်းဆိုခြင်း

အန္တိခရစ်တစ်ဦးက မည်မျှကြီးမားသည့် အမှားတစ်ခုကို ပြုလုပ်မိပြီးသည်ဖြစ်စေ၊ မည်မျှများပြားသည့် မကောင်းမှုကို ၎င်းတို့ ကျူးလွန်မိပြီးဖြစ်သည်ဖြစ်စေ ၎င်းတို့ ပြုပြင်ခံရသည့်အခါ ၎င်းတို့ မတတ်သာသည့်အဆုံး ကျင့်သုံးရသည့် ပထမဆုံးသော အပြုအမူမှာ မိမိတို့ အပြစ်မရှိကြောင်း သက်သေထူရန် တစ်ပတ်ရိုက်ခြင်းကို အသည်းအသန် အသုံးပြုလျက် တစ်စုံတစ်ရာ အမှားလုပ်ထားသည်ကို လုံးဝ ငြင်းဆိုသည့် အပြုအမူဖြစ်သည်။ ဤသည်မှာ ၎င်းတို့က တစ်စုံတစ်ခုသော အမှားကျူးလွန်မိသည့်အခါ နောင်တရသည့် သဘောထားတစ်ခု ကင်းမဲ့ခြင်းဖြစ်သည်။ ယင်းကို အန္တိခရစ်များ၏ ဆယ်တစ်ခုမြောက်သော သရုပ်သကန်တွင် ဖော်ပြထားပေသည်။ အန္တိခရစ်များတွင် နောင်တရသည့် သဘောထား မရှိကြချေ။ ထို့ကြောင့် ၎င်းတို့သည် စိတ်ထဲတွင် မည်သည့်အရာကို စဉ်းစားနေကြသနည်း။ ၎င်းတို့သည် အဘယ်ကြောင့် နောင်တရသည့် သဘောထားတစ်ခု မရှိကြသနည်း။ (အဘယ်ကြောင့်ဆိုသော် ၎င်းတို့က တစ်စုံတစ်ရာ အမှားလုပ်ထားခြင်းမရှိဟု ယုံကြည်ကြသောကြောင့် ဖြစ်သည်။) မှန်ပေ၏။ အန္တိခရစ်များက ၎င်းတို့အနေဖြင့် တစ်စုံတစ်ရာ အမှားလုပ်မိကြောင်း လုံးဝ ဝန်မခံကြပေ။ သို့ဆိုလျှင် ၎င်းတို့က အန္တိခရစ်များ ဖြစ်ကြောင်းကို ၎င်းတို့ ဝန်ခံနိုင်ကြသလော။ ဤသည်မှာ ပို၍ပင် ခက်ခဲ၏။ သင်သည် အန္တိခရစ်တစ်ဦးကို ဖော်ထုတ်ဖို့ အချက်အလက် စာရင်းတစ်ခုကို ပြုလုပ်နိုင်လျှင် ထိုအရာကို ၎င်းတို့က လက်ခံနိုင်ကြလိမ့်မည်လော။ ဧကန်မုချပင် ၎င်းတို့သည် ဤအရာကို သာ၍ပင် လက်ခံနိုင်စွမ်းရှိကြလိမ့်မည် မဟုတ်။ ဤသရုပ်သကန်မျိုးများမှတစ်ဆင့် အန္တိခရစ်တစ်ဦး၏ အနှစ်သာရသည် ဘုရားသခင်ကို အတိုက်အခံလုပ်ပြီး သစ္စာဖောက်သည့် အနှစ်သာရဖြစ်ကြောင်းနှင့် ၎င်းတို့၏ စိတ်သဘောထားသည် သမ္မာတရားကို အလွန်အမင်း မနှစ်မြို့သည့်၊ သမ္မာတရားကို မုန်းတီးပြီး သမ္မာတရားအတွက် ချစ်ခြင်းမေတ္တာ လုံးဝ မရှိသည့် စိတ်သဘောထားတစ်ခု ဖြစ်ကြောင်းကို ငါတို့ မြင်နိုင်ပေသည်။ ထို့ကြောင့် အန္တိခရစ်များသည် ဖော်ထုတ်ခံရသောအခါတွင်၊ ပြုပြင်ခံရသောအခါတွင် ၎င်းတို့လုပ်ဆောင်သည့် ပထမဆုံးသောအရာမှာ ခုခံရန်အတွက် အမျိုးမျိုးသော အကြောင်းပြချက်များကို ရှာဖွေရန်၊ ကြိုးစားပြီး လွတ်အောင်ပြုလုပ်ရန်အတွက် ဆင်ခြေမျိုးစုံကို ရှာဖွေရန်၊ ဤသို့ဖြင့် တာဝန်ကို ရှောင်ဖယ်ရန်ဖြစ်သော ၎င်းတို့၏ပန်းတိုင် အထမြောက်ပြီး ခွင့်လွှတ်ခံရခြင်းဟူသည့် ၎င်းတို့၏ဦးတည်ချက်ကို ရရှိရန်အတွက်ဖြစ်သည်။ အန္တိခရစ်များ အကြောက်ဆုံးသော အရာမှာ ဘုရားသခင်ရွေးချယ်ထားသောလူတို့က ၎င်းတို့၏ စရိုက်၊ ၎င်းတို့၏ အားနည်းချက်များနှင့် ချို့ယွင်းချက်များ၊ ၎င်းတို့၏ ပျော့ကွက်၊ ၎င်းတို့၏ အစွမ်းအစအမှန်နှင့် လုပ်နိုင်စွမ်းအမှန်တို့အား ရိပ်စားမိမည်ကို ဖြစ်သောကြောင့် ၎င်းတို့သည် မိမိတို့၏ အားနည်းချက်များ၊ ပြဿနာများနှင့် ဖောက်ပြန်ပျက်စီးသော စိတ်သဘောထားများကို ဖုံးဖိရန်အလို့ငှာ မိမိတို့ကိုယ်ကို ပြရုပ်တင်ကြသည်။ ၎င်းတို့၏ မကောင်းမှုသည် ပေါ်လွင်လာပြီး ဖော်ထုတ်ခံရသည့်အခါတွင် ၎င်းတို့လုပ်ဆောင်သည့် ပထမဆုံးသောအရာမှာ ဤအချက်ကို ဝန်မခံခြင်း၊ သို့မဟုတ် လက်မခံခြင်း ဖြစ်သည်။ သို့မဟုတ် ၎င်းတို့၏ အမှားများကို ပြုပြင်ရန်၊ အစားထိုးဖြည့်ဆည်းရန် အစွမ်းကုန် လုပ်ဆောင်ရမည့်အစား ယင်းတို့ကို ဖုံးကွယ်ရာတွင် အသုံးပြုရန်၊ ၎င်းတို့၏ လုပ်ရပ်များအား အတွင်းသိသိသောသူများကို တစ်ပတ်ရိုက်ရန်နှင့် အထင်အမြင်မှားစေရန်၊ ကိစ္စ၏ အဖြစ်မှန်ကို ဘုရားသခင် ရွေးချယ်ထားသောလူများအား မြင်ခွင့်မပေးရန်၊ ၎င်းတို့၏ လုပ်ရပ်များသည် ဘုရားသခင်၏ အိမ်တော်အတွက် မည်မျှနစ်နာစေသည်ကိုလည်းကောင်း၊ အသင်းတော်အလုပ်ကို ၎င်းတို့ မည်မျှနှောင့်ယှက်ပြီး အဖျက်အမှောင့်လုပ်ခဲ့သည်ကိုလည်းကောင်း ထိုသူတို့အား အသိမပေးရန် နည်းလမ်းမျိုးစုံကို အကြံထုတ်ဖို့ ကြိုးစားခြင်းဖြစ်သည်။ အထက်က သိရှိသွားမည်ကို ၎င်းတို့အကြောက်ဆုံး ဖြစ်သည်မှာ အမှန်ပင်။ အဘယ်ကြောင့်ဆိုသော် အထက်က သိသွားသည်နှင့် တစ်ပြိုင်နက် ၎င်းတို့သည် စည်းမျဉ်းနှင့်အညီ ကိုင်တွယ်ဖြေရှင်းခံရမည်ဖြစ်ပြီး ၎င်းတို့အတွက် အားလုံး ပြီးဆုံးသွားလိမ့်မည်ဖြစ်ကာ ၎င်းတို့ဖြုတ်ချခြင်းခံရဖို့နှင့် ဖယ်ရှားရှင်းလင်းခြင်း ခံရဖို့မှာ သေချာ၏။ ထို့ကြောင့် အန္တိခရစ်များ၏ မကောင်းမှုလုပ်ခြင်း ဖော်ထုတ်ခံရသောအခါတွင် ၎င်းတို့လုပ်သော ပထမဆုံးသောအရာသည် ၎င်းတို့ မည်သည့်နေရာတွင် မှားသွားသည်၊ မည်သည့်နေရာတွင် စည်းမျဉ်းကို ချိုးဖောက်ခဲ့သည်၊ ၎င်းတို့ ပြုလုပ်ခဲ့သောအရာကို အဘယ်ကြောင့်ပြုလုပ်ခဲ့ရသည်၊ မည်သည့်စိတ်သဘောထား၏ အုပ်စိုးခြင်းကို ခံခဲ့ရသည်၊ ၎င်းတို့၏ ရည်ရွယ်ချက်များသည် မည်သည့်အရာဖြစ်သည်၊ ထိုအချိန်တွင် ၎င်းတို့၏ အခြေအနေက မည်သို့ဖြစ်သည်၊ ဤသည်မှာ ထိန်းကျောင်းရခက်ခြင်းကြောင့်၊ သို့မဟုတ် ရည်ရွယ်ချက်များ၏ မသန့်စင်မှုကြောင့် ဟုတ်မဟုတ်တို့ကို ပြန်လည်မဆင်ခြင်ကြည့်ခြင်း ဖြစ်သည်။ ယင်းတို့ကို ပြန်လည်ဆင်ခြင်ကြည့်ဖို့ မဆိုထားနှင့်၊ ဤအရာများကို စိတ်ဖြာလေ့လာခြင်း ပြုလုပ်ရမည့်အစား အချက်အလက်အမှန်များကို ဖုံးကွယ်ရန် နည်းလမ်းမရွေးကို ဦးနှောက်ခြောက်ခံ စဉ်းစားကြသည်။ တစ်ချိန်တည်းမှာပင် ၎င်းတို့သည် ဘုရားသခင် ရွေးချယ်ထားသော လူများကို တစ်ပတ်ရိုက်ရန်အလို့ငှာ ထိုသူတို့၏ ရှေ့တွင် မိမိတို့ကိုယ်ကို ရှင်းပြပြီး မှန်ကြောင်းပြရန် အစွမ်းကုန်ကြိုးစားကြကာ ၎င်းတို့အနေဖြင့် ဘုရားအိမ်တော်တွင် ဆက်လက်၍ မကောင်းမှုများကို မဆင်မခြင် ပြုလုပ်ပြီး ၎င်းတို့၏ အာဏာကို အလွဲသုံးစားလုပ်ကာ လူများကို ဆက်လက်၍ အထင်အမြင်မှားစေပြီး ထိန်းချုပ်နိုင်ရန်အလို့ငှာ၊ ပြီးလျှင် ၎င်းတို့၏ ရည်မှန်းချက်များကို လိုအင်ဆန္ဒများကို ဖြည့်ဆည်းရန် ထိုလူများအား ၎င်းတို့ကို အထင်ကြီးစေပြီး ၎င်းတို့ပြောသည့်အတိုင်း လုပ်ဆောင်စေရန်အလို့ငှာ အကြီးစားပြဿနာများကို အသေးစားပြဿနာများ ဖြစ်ပုံပေါက်စေပြီး အသေးစားပြဿနာများကို ပြဿနာမရှိပုံပေါက်စေသည့်အပြင် ဖြီးဖြန်းကြလေသည်။ အစမှအဆုံးထိ အန္တိခရစ်များသည် အမှန်တကယ် မည်သည့်အရာကို လုပ်ဆောင်နေကြသနည်း။ အန္တိခရစ်များ လုပ်ဆောင်သမျှမှာ အမှုအရာများကို ပြောဆိုရန်၊ အမှုအရာများကို လုပ်ဆောင်ရန် ကြိုးစားရင်း ဦးနှောက်ခြောက်ခံစဉ်းစားခြင်းနှင့် ဆုတောင်းပြီး မိမိတို့၏ အမှားများနှင့် ပြစ်မှားခြင်းများကို ဝန်ခံကာ မိမိတို့၏ကိုယ်ပိုင် ကြံရွယ်ချက်များနှင့် ဖောက်ပြန်ပျက်စီးသော စိတ်သဘောထားများကို သိရှိရန် ဘုရားသခင်ရှေ့မှောက်သို့ လာမည့်အစား မိမိတို့ကိုယ်ပိုင် အဆင့်အတန်းနှင့် ဂုဏ်သတင်းအတွက် မိမိတို့ကိုယ်ကို အလုပ်များစေကြခြင်း ဖြစ်သည်။ ၎င်းတို့ ပြုလုပ်မိသည့် အမှားများက အသင်းတော်၏ အလုပ်နှင့် ညီအစ်ကို မောင်နှမများအပေါ် ဖြစ်စေသည့် ထိခိုက်နစ်နာမှုကိုလည်း ဝန်မခံကြပေ။ ထိုအစား ၎င်းတို့သည် မိမိတို့၏ စိတ်နှလုံး အတွင်းနက်နက်နေရာများတွင် အကြိမ်ကြိမ် ကသုတ်ကရက် ရှာဖွေမြဲရှာဖွေနေကြသည်။ “မည်သည့်နေရာ အတိအကျတွင် အမှားတစ်ခုကို ငါ လုပ်မိလေပြီနည်း။ မည်သည့်နေရာတွင် ငါ သတိမထားဘဲ ထိုသို့ဖြင့် တစ်စုံတစ်ဦးအား ငါ့အပေါ် နိုင်ကွက်ရှိခွင့်ပေးလေပြီနည်း။ မည်သည့်နေရာတွင် ငါ လုံလောက်အောင် အားမထုတ်ဘဲ သို့မဟုတ် အမှုအရာများကို အပြည့်အဝ မစဉ်းစားဘဲ ထိုသို့ဖြင့် ငါသည် တစ်စုံတစ်ရာကို မှားယွင်းသွားခွင့်ပေးကာ ငါ့အပေါ် တိုက်ခိုက်ရာတွင် အသုံးပြု၍ရနိုင်သည့် ဝေဖန်မှုရင်းမြစ်တစ်ခု သို့မဟုတ် နိုင်ကွက်တစ်ခု ဖြစ်သွားစေခဲ့သနည်း”ဟူ၍ ဖြစ်သည်။ ၎င်းတို့သည် ဤအရာများကို အဖန်ဖန် စဉ်းစားပြီး ဆန်းစစ်ကြသည်၊ မစားနိုင် သို့မဟုတ် မအိပ်နိုင်ဖြစ်ကြသည်။ သို့သော် အန္တိခရစ်တစ်ဦးသည် ဘုရားသခင်ထံ ဆုတောင်းကာ ၎င်းတို့ တစ်စုံတစ်ရာ အမှားလုပ်မိပြီဖြစ်ကြောင်း ဝန်ခံဖို့မဆိုထားနှင့်၊ မိမိကိုယ်ကို လုံးဝ ပြန်လည်သုံးသပ်ခြင်း သို့မဟုတ် သိရှိခြင်း မရှိသည့်အပြင် ဘုရားနှုတ်ကပတ်တော်များပေါ် အခြေခံ၍ အဖြေများကို ရှာဖွေခြင်းမရှိ၊ ၎င်းတို့ လက်တွေ့လုပ်ဆောင်သင့်သည့် သမ္မာတရားများ သို့မဟုတ် ၎င်းတို့ လိုက်နာသင့်သည့် သမ္မာတရား စည်းမျဉ်းများကို ရှာဖွေခြင်းမရှိသကဲ့သို့၊ မိတ်သဟာယတွင် ဖွင့်ဟကာ ပြဿနာများကို ဖြေရှင်းဖို့ရန် သမ္မာတရားကို ရှာဖွေဖို့အတွက် ၎င်းတို့က သမ္မာတရားကို နားလည်သည့် ညီအစ်ကို မောင်နှမများအား သာ၍ မရှာဖွေကြပေ။ ကိစ္စရပ်တစ်ခုနှင့် ၎င်းတို့ ထိပ်တိုက်တွေ့သည့်အခါ ရှာဖွေခြင်း သို့မဟုတ် ကျိုးနွံနာခံခြင်းမရှိ။ ထို့ထက် ၎င်းတို့သည် သော ၎င်းတို့အကြောင်းကို လူသိနည်းလေ ပိုကောင်းလေဖြစ်သည်ဟူ၍လည်းကောင်း၊ မိမိတို့၏ ဂုဏ်သတင်းနှင့် အဆင့်အတန်းတို့ကို ထိန်းသိမ်းခြင်းက အကောင်းဆုံး မူဝါဒဖြစ်သည်ဟူ၍လည်းကောင်း တွေးထင်ရင်း မိမိတို့၏ ပြဿနာများကို ကွယ်ဝှက်ဖို့ အလိုရှိသလို အသုံးပြုနိုင်သည့် နည်းလမ်းတိုင်းကို အသုံးပြုဖို့ ကြိုးစားကြလေသည်။ အန္တိခရစ်များ၏ စိတ်နှလုံးများသည် ဤမျှ မှောင်မိုက်ပြီး ဘုရားသခင်ကို ကျိုးနွံနာခံမည့် ရည်ရွယ်ချက် စိုးစဉ်းမျှ မရှိဘဲ ပုန်ကန်မှုနှင့် ကောက်ကျစ်ဆိုးယုတ်မှုတို့ဖြင့် ပြည့်လေသည်။ အန္တိခရစ်များသည် မိမိတို့၏ ဂုဏ်သတင်းနှင့် အဆင့်အတန်း မထိခိုက်အောင် ထိန်းသိမ်းရန် နည်းလမ်းများကို အမြဲ ရှာဖွေနေကြသည်။ ၎င်းတို့ကို အားပေးကာ ကူညီဖို့ မည်သူက ၎င်းတို့နှင့်အတူ သမ္မာတရားကို မိတ်သဟာယပြုသည်ဖြစ်စေ “အရာရာကို ငါ နားလည်သည်။ သင်တို့၏ အကူအညီ ငါ မလိုပါ။ ငါ့တွင် ပြဿနာများရှိသည့်အချိန်တွင်ပင် ငါသည် သင်တို့ထက် ပိုကောင်းသည်။ သင်တို့ နားလည်သည့်အရာ အနည်းငယ်ဖြင့် ငါ့ကို သင်တို့ ကူညီနိုင်မည်ဟု ထင်သလော။ ဤနေရာတွင် သင်သည် သင်၏ အစွမ်းအစများကို အမှန်တကယ် ပိုလွန်ခန့်မှန်းနေခြင်း ဖြစ်သည်”ဟု မိမိတို့ဘာသာ တွေးရင်း ထိုအရာကို လက်မခံကြပေ။ အန္တိခရစ်များသည် ဤသို့သာ မာနထောင်လွှားကာ မိမိကိုယ်ကို မှန်သည်ဟု မှတ်ယူကြလေသည်။ ၎င်းတို့သည် အလွန်များသည့် မကောင်းသည့်အရာများကို လုပ်ဆောင်ကြသည့်တိုင် တစ်စုံတစ်ရာ အမှားလုပ်မိကြောင်း သို့မဟုတ် ၎င်းတို့တွင် ပြဿနာတစ်ခုတလေ ရှိကြောင်းကို ဝန်ခံဖို့ ငြင်းဆန်ကြလေသည်။ ၎င်းတို့၏ စိတ်နှလုံးများတွင် ၎င်းတို့သည် အလွန် စိတ်နှလုံးမာကျောပြီး မည်သူပြောသည့် စကားတစ်လုံးမျှ နားကိုထောင်ကြမည် မဟုတ်။ ၎င်းတို့၏ စိတ်များတွင် ဘေးဖယ်ထား၍မရနိုင်သည့် တစ်ခုတည်းသောအရာမှာ နောက်ပိုင်း၌ ၎င်းတို့၏ လုပ်ရပ်များက ၎င်းတို့၏ ဂုဏ်သတင်းနှင့် အဆင့်အတန်းအပေါ် မည်သည့် သက်ရောက်မှုမျိုး ရှိလိမ့်မည်ဟူသည့်အရာ ဖြစ်သည်။ ဤသည်မှာ ၎င်းတို့ကို အစိုးရိမ်စေဆုံးသောအရာဖြစ်ပြီး ၎င်းတို့ အပူပန်ဆုံးသောအရာ ဖြစ်သည်။

အန္တိခရစ်တစ်ယောက်သည် မှားယွင်းသည့်အရာများကို မည်မျှလုပ်ဆောင်သည်ဖြစ်စေ၊ မည်သည့်မှားယွင်းသည့်အရာမျိုးကို လုပ်ဆောင်သည်ဖြစ်စေ၊ ဘုရားသခင်၏ လှူဖွယ်ပစ္စည်းများကို တလွဲအသုံးပြုခြင်းဖြစ်စေ၊ ဖြုန်းတီးခြင်းဖြစ်စေ၊ အလွဲသုံးစားလုပ်ခြင်းဖြစ်စေ၊ သို့မဟုတ် အသင်းတော်၏ အလုပ်ကို နှောင့်ယှက်နေပြီး အဖျက်အမှောင့်လုပ်နေကာ ကြီးမားသော အမှားကို ပြုလုပ်ပြီး ဘုရားသခင်၏ အမျက်ဒေါသကို ဆွလျှင်ဖြစ်စေ ၎င်းတို့သည် အစဉ်သဖြင့် စိတ်တည်ငြိမ်အေးဆေးပြီး လုံးဝ ပူပင်မှုမရှိပေ။ အန္တိခရစ်တစ်ယောက်သည် မည်သည့်မကောင်းမှုမျိုးကို လုပ်ဆောင်သည်ဖြစ်စေ၊ သို့မဟုတ် မည်သည့်အကျိုးဆက်များကို ဖြစ်ပေါ်စေသည်ဖြစ်စေ မိမိတို့၏ အပြစ်များကို ဝန်ချပြီး နောင်တရရန် ဘုရားသခင်ရှေ့သို့ မည်သည့်အခါမျှ ချက်ချင်း မလာပေ။ သို့မဟုတ် ၎င်းတို့သည် ၎င်းတို့၏ မှားယွင်းလုပ်ဆောင်မှုများကို ဝန်ခံရန်၊ ၎င်းတို့၏ ပြစ်မှားခြင်းများနှင့် ဖောက်ပြန်ပျက်စီးခြင်းတို့ကို သိရှိရန်နှင့် ၎င်းတို့၏ ၎င်းတို့၏ ဒုစရိုက်အမှုများကို နောင်တရရန်အတွက် မိမိတို့ကိုယ်ကို ဖွင့်ဟပြီး ဖွင့်ပြောသည့် သဘောထားတစ်ခုဖြင့် ညီအစ်ကိုမောင်နှမများရှေ့ကို မည်သည့်အခါမျှ မလာပေ။ ထိုအစား ၎င်းတို့၏ ကိုယ်ပိုင်သိက္ခာနှင့် အဆင့်အတန်းကို ပြန်လည်ရရှိရန်အတွက် တာဝန်ကိုရှောင်ပြီး အပြစ်ကို သူတစ်ပါးတို့အပေါ် ပုံချရန် အမျိုးမျိုးသော ဆင်ခြေများကို ရှာဖွေဖို့ ဦးနှောက်ခြောက်ခံ စဉ်းစားကြသည်။ ၎င်းတို့ ဂရုစိုက်သည့်အရာမှာ အသင်းတော်၏ အလုပ်မဟုတ်ဘဲ ၎င်းတို့၏ ဂုဏ်သတင်းနှင့် အဆင့်အတန်းတို့ကို မည်သည့်နည်းနှင့်မျှ ထိခိုက်ခြင်း၊ သို့မဟုတ် သက်ရောက်ခြင်းရှိမရှိပင်ဖြစ်သည်။ ၎င်းတို့သည် မိမိတို့၏ ပြစ်မှားမှုများကြောင့် ဘုရားအိမ်တော်တွင် ဖြစ်ပွားသော ဆုံးရှုံးမှုများအတွက် ဖာထေးရန် နည်းလမ်းများကို စဉ်းစားတွေးတောခြင်း မရှိသကဲ့သို့ ဘုရားသခင်အပေါ် တင်ရှိသည့် အကြွေးများကိုလည်း ပေးဆပ်ရန် မကြိုးစားပေ။ ဆိုလိုသည်မှာ ၎င်းတို့သည် မှားယွင်းသည့်အရာတစ်ခုခုကို လုပ်နိုင်စွမ်းရှိကြောင်း၊ သို့မဟုတ် အမှားတစ်ခုလုပ်ခဲ့ကြောင်း မည်သည့်အခါမျှ ဝန်မခံပေ။ အန္တိခရစ်များ၏ စိတ်နှလုံးတွင် အမှားများကို ကိုယ်ကစ၍ဝန်ခံခြင်းနှင့် ဖြစ်ရပ်မှန်ကို အမှန်အတိုင်း ဖြစ်ကြောင်းကုန်စင်ပြောခြင်းတို့သည် အရည်အချင်းမရှိခြင်းနှင့် မိုက်မဲခြင်းဖြစ်သည်။ ၎င်းတို့၏ မကောင်းမှုများကို လူသိသွားပြီး ဖော်ထုတ်ခံရလျှင် အန္တိခရစ်များသည် ခဏတာပေါ့ဆသည့် အမှားတစ်ခုကိုသာ ဝန်ခံမည်ဖြစ်ပြီး တာဝန်ဝတ္တရားများကို ၎င်းတို့ကိုယ်တိုင် တမင်ပျက်ကွက်သည်ကို မည်သည့်အခါမျှ ဝန်ခံမည်မဟုတ်ပေ။ ပြီးလျှင် ၎င်းတို့၏ မှတ်တမ်းမှ အစွန်းအထင်းကို ဖယ်ရှားရန်အတွက် အခြားတစ်ယောက်အပေါ်သို့ တာဝန်ကို ပုံချဖို့ ကြိုးစားလိမ့်မည်။ ဤသို့သောအချိန်မျိုးတွင် အန္တိခရစ်များသည် ဘုရားအိမ်တော်အပေါ် ဖြစ်ပွားသည့် ဆုံးရှုံးမှုအတွက် ထေမိစေဖို့နည်းလမ်း၊ ဖွင့်ပြောဖို့နည်းလမ်း၊ မိမိတို့၏ အမှားများကို ဝန်ခံရန်နည်းလမ်း သို့မဟုတ် ဘုရားသခင် ရွေးချယ်ထားသော လူများအား ဤအကြောင်းကို ဖြစ်ကြောင်းကုန်စင် ပြောပြဖို့ နည်းလမ်းတို့ကို အရေးမစိုက်ပေ။ ၎င်းတို့သည် ကြီးသည့်ပြဿနာကို ငယ်အောင်၊ ငယ်သည့်ပြဿနာကို ပပျောက်အောင် နည်းလမ်းများ ရှာခြင်းကို အရေးစိုက်ကြသည်။ သူတစ်ပါးတို့က ၎င်းတို့ကို နားလည်ပြီး ကြင်နာသနားလာအောင်ပြုလုပ်ရန် ဓမ္မဓိဋ္ဌာန်ကျသော အကြောင်းပြချက်များကို ပေးကြသည်။ အခြားလူများ၏ စိတ်ထဲတွင် မိမိတို့၏ ဂုဏ်သတင်းကို ပြန်လည်ထိန်းသိမ်းရန်၊ မိမိတို့၏ ပြစ်မှားမှုများနှင့်သက်ဆိုင်သော အလွန့်အလွန် အပျက်သဘောဆောင်သော လွှမ်းမိုးမှုကို နည်းနိုင်သမျှ နည်းစေရန်၊ အထက်က ၎င်းတို့အား အဆိုးမမြင်စေရန်အပြင် အထက်က ၎င်းတို့အား မည်သည့်အခါမျှ တာဝန်မယူခိုင်းစေရန်၊ မဖြုတ်ချစေရန်၊ အခြေအနေကို စုံစမ်းစစ်ဆေးခြင်း မပြုစေရန် သို့မဟုတ် ၎င်းတို့ကို မကိုင်တွယ်စေရန် သေချာစေဖို့ ၎င်းတို့ အစွမ်းကုန် ကြိုးစားကြ၏။ ၎င်းတို့၏ ကိုယ်ပိုင်အကျိုးစီးပွားများ မထိခိုက်စေဖို့အတွက် ၎င်းတို့၏ ဂုဏ်သတင်းနှင့် အဆင့်အတန်းကို ပြန်လည်ရရှိစေရန် အန္တိခရစ်များသည် မည်သည့်ဒုက္ခပမာဏကိုမဆို ခံရန် လိုလားကြသည်။ ပြီးလျှင် မည်သည့်အခက်အခဲကိုမဆို ဖြေရှင်းရန် ဖြစ်နိုင်သမျှ နည်းစနစ်တိုင်းကို တွေးတောကြလိမ့်မည်။ ၎င်းတို့၏ ပြစ်မှားမှု၊ သို့မဟုတ် အမှား၏ တကယ့်အစမှနေ၍ အန္တိခရစ်များသည် ၎င်းတို့လုပ်ဆောင်သည့် မှားယွင်းသောအရာများအတွက် မည်သည့်တာဝန်ခံယူမှုကိုမဆို ထားရှိရန် လုံးဝ မည်သည့်ရည်ရွယ်ချက်မျှ မရှိပေ။ ၎င်းတို့လုပ်ဆောင်သည့် မှားယွင်းသောအရာများ နောက်ကွယ်ရှိ အရင်းခံအကြောင်းများ၊ ရည်ရွယ်ချက်များ၊ ဖောက်ပြန်ပျက်စီးသော စိတ်သဘောထားများကို ဝန်ခံရန်၊ မိတ်သဟာယဖွဲ့ရန်၊ ဖော်ထုတ်ရန် သို့မဟုတ် စိစစ်ရန် ရည်ရွယ်ချက်လုံးဝ မရှိပေ။ အသင်းတော်အလုပ်အပေါ်သို့ ၎င်းတို့ ဖြစ်စေသည့် ဆုံးရှုံးမှုနှင့် ဘုရားသခင်ရွေးချယ်ထားသောလူတို့၏ အသက်ဝင်ရောက်မှုအပေါ် ဖြစ်စေသော နစ်နာမှုအတွက် ဖာထေးလုပ်ဆောင်ပေးရန် သေချာပေါက် မည်သည့်ရည်ရွယ်ချက်မျှ မရှိပေ။ ထို့ကြောင့် အကြောင်းအရာကို မည်သည့်ရှုထောင့်ဖြင့် ကြည့်ပါစေ အန္တိခရစ်များသည် မိမိတို့၏ မှားယွင်းလုပ်ဆောင်မှုများကို ဝန်ခံရန် ခေါင်းမာစွာ ငြင်းဆန်ပြီး နောင်တရဖို့ထက် သေသာသေလိုက်ချင်သော သူများ ဖြစ်လေသည်။ အန္တိခရစ်များသည် ရွေးနုတ်ကယ်တင်ရန် မျှော်လင့်ချက်လုံးဝမရှိတော့အောင် အရှက်မဲ့ပြီး အရေထူသည်။ ၎င်းတို့သည် အသက်ရှင်နေသော စာတန်များမှလွဲ၍ အခြားမဟုတ်ပေ။ အသင်းတော်အတွင်းတွင် မည်မျှကြီးမားသည့် အမှားများကို ၎င်းတို့ ပြုလုပ်မိသည်ဖြစ်စေ ၎င်းတို့သည် မိမိတို့ ရင်များကို ကော့ကာ ဂုဏ်ယူဝင့်ကြားကြသည်။ ၎င်းတို့အနေဖြင့် မှားယွင်းသည့်အရာ တစ်ခုမျှ လုပ်ဆောင်ခြင်းမရှိဟု ယုံကြည်ရင်းနှင့် နောင်တရရန် ရည်ရွယ်ချက် အနည်းငယ်မျှ မရှိဘဲလျက် ဤအရာကို ၎င်းတို့ လုံးဝ ဂရုမစိုက်ကြချေ။ ၎င်းတို့ ကျူးလွန်မိပြီးဖြစ်သည့် အမှားများနှင့်ပတ်သက်၍ ၎င်းတို့သည် မည်သည့်မျက်ရည်မျှ လုံးဝ မကျသကဲ့သို့ ဤအရာများကြောင့် မည်သည့် ဝမ်းနည်းခြင်း သို့မဟုတ် နောင်တမျှ မခံစားဖူးကြပေ။ ဆန့်ကျင်ဘက်အနေဖြင့် ၎င်းတို့သည် မိမိတို့ကိုယ်ကို အမှုမဲ့အမှတ်မဲ့ ဖော်ထုတ်မိပြီး ထိုသို့ဖြင့် လူအများစုအား မိမိတို့၏ စစ်မှန်သော သဘောသဘာဝများကို မြင်ခွင့်နှင့် ၎င်းတို့ကို ငြင်းပယ်ခွင့် ပေးမိလျှင် ၎င်းတို့ စိတ်ဆင်းရဲကြသည်၊ သို့မဟုတ် ဝမ်းနည်းကြလေသည်။ ၎င်းတို့သည် အမှားများ ပြုလုပ်မိပြီးဖြစ်ကာ ၎င်းတို့၏ လုပ်ရပ်များက ဘုရားသခင်၏ ရွေးချယ်ထားသောလူတို့အပေါ် ထိခိုက်နစ်နာမှု ဖြစ်စေကာ အသင်းတော်၏ အလုပ်ကို ပျက်စီးဆုံးရှုံးမှု ဖြစ်စေပြီးနောက်တွင် ၎င်းတို့ ပြောသည့် စကားတိုင်းနှင့် ၎င်းတို့ လုပ်ဆောင်သည့် အရာတိုင်းသည် ဤအမှားများကို ထေမိစေဖို့ သို့မဟုတ် ဆုံးရှုံးမှုများကို ပြန်ရဖို့အတွက် မဟုတ်ဘဲ ထိုအစား ၎င်းတို့သည် မိမိတို့၏ကိုယ်ပိုင် ကြံရွယ်ချက်များကို ထားရှိကာ မိမိတို့ကိုယ်ကို ခုခံကာကွယ်ရန်၊ ဟန်ဆောင်ပြကာ ပြစားမှုတစ်ခု ပြုလုပ်ရန် ဖြစ်နိုင်သည့် မည်သည့် နည်းလမ်းကိုမဆို ဖန်တီးနေကြလေသည်။ ၎င်းတို့၏ ရည်မှန်းချက်မှာ ၎င်းတို့ လုပ်ဆောင်ခဲ့သည့်အရာသည် မတော်တဆဖြစ်ကြောင်း၊ ၎င်းတို့အနေဖြင့် တစ်ခဏမျှ သတိမမူခဲ့ခြင်းသာဖြစ်ကြောင်း ပိုများသည့် လူတို့အား မြင်စေရန်ဖြစ်သည်။ ထိုသို့ဖြင့် ၎င်းတို့သည် ထိုသူတို့၏ ခွင့်လွှတ်မှုကို ရရှိနိုင်သည်၊ ထိုသူတို့အား ၎င်းတို့ကိုယ်စား စကားပြောစေနိုင်ပြီး ဘုရားသခင်၏ ရွေးချယ်ထားသောလူတို့၏ ယုံကြည်ကိုးစားမှုနှင့် မျက်နှာသာပေးခြင်းတို့ကို ရရှိနိုင်ကာ ထိုသို့ဖြင့် အပြည့်အဝ တစ်ကျော့ပြန်လာဖို့ဖြစ်သည့် ၎င်းတို့ ရည်မှန်းချက်ကို ရရှိနိုင်ကြပေသည်။

အချို့သော အန္တိခရစ်များသည် ပြုပြင်ခြင်းခံရပြီးနောက် ၎င်းတို့ အဘယ်ကြောင့် ပြုပြင်ခံရသည်ကို နားလည်ရန်၊ ဖော်ထုတ်ခံရသည့် ကိစ္စရပ်တွင် မိမိတို့၏ အမှားက မည်သည့်နေရာ၌ အမှန်တကယ် တည်ရှိနေသည်ဟူသည်နှင့် ရှေ့ဆက်၍ ထိုအရာအတွက် ၎င်းတို့ မည်သို့ ပြုပြင်သင့်ကြသည်ဟူသည်တို့ကို သိရှိရန် မိမိတို့ကိုယ်ကို ပြန်လည်သုံးသပ်ခြင်း မရှိကြချေ။ ထိုအစား ၎င်းတို့သည် ပြုပြင်ခံရခြင်းကို အသုံးချကြသည်။ ပြုပြင်ခံရခြင်းကို ၎င်းတို့ လက်ခံခဲ့ပုံ၊ ထိုအရာမှ သင်ခန်းစာယူခဲ့ကြပုံ၊ ၎င်းတို့ ကျိုးနွံနာခံနိုင်ခဲ့ပုံနှင့် အထက်နှင့် သာ၍ ရင်းနှီးသော ဆက်သွယ်မှုရှိခဲ့ပြီးနောက် အထက်၏ အသိအမှတ်ပြုခြင်းကို ၎င်းတို့ ရရှိခဲ့ပုံတို့အား အခြားသူတို့နှင့် မိတ်သဟာယပြုကြလေသည်။ တစ်ချိန်တည်းတွင် ဤအန္တိခရစ်များသည် လူတို့ကို ပြုပြင်ခြင်းအတွက် အထက်တွင် စည်းမျဉ်းများမရှိကြောင်း၊ အထက်က လူတို့ကို ကြုံရာကျပန်း ပြုပြင်ကာ လူတို့၏ ခံစားချက်များကို ကိုယ်ချင်းစာခြင်းမရှိ၊ ငဲ့ကွက်ခြင်းမရှိသကဲ့သို့ လူသား အားနည်းချက်များကို ငဲ့ကွက်ခြင်းမရှိကြောင်းနှင့် ဤအရာများအားလုံး ရှိလင့်ကစား ၎င်းတို့က လုံးဝ ကျိုးနွံနာခံနေကြဆဲဖြစ်ပြီး ၎င်းတို့ထံ ကျရောက်သည့် အလုပ်ကို အကြွင်းမဲ့ အကောင်းဆုံး လုပ်ဆောင်နိုင်ကြဆဲဖြစ်ကြောင်း၊ ၎င်းတို့အနေဖြင့် အပျက်သဘောဆောင်လာခြင်းမရှိ၊ အားနည်းလာခြင်း သို့မဟုတ် အတိုက်အခံဖြစ်လာခြင်း မရှိသကဲ့သို့ မိမိတို့၏ တာဝန်ကိုလည်း စွန့်ခြင်းမရှိကြောင်းကို လူတို့အား ထင်မြင်စေလျက် အထက်နှင့်ပတ်သက်သည့် ၎င်းတို့၏ကိုယ်ပိုင် စိတ်မကျေနပ်မှုများနှင့် အယူအဆများကို ဖြန့်ရန်အတွက် ၎င်းတို့က ပြုပြင်ခံရခြင်းကို လက်ခံခဲ့ပုံအကြောင်း မိတ်သဟာယပြုခြင်းအားဖြင့် ဟန်ဆောင်ဗန်းပြမှုတစ်ခုကိုလည်း ဖန်တီးကြလေသည်။ အန္တိခရစ်တစ်ဦးက ဤအရာအားလုံးကို ပြောဆိုသည့်အခါ ထိုအရာသည် လူတို့အား သမ္မာတရားကို ကျိုးနွံနာခံစေရန်နှင့် ပြုပြင်ခြင်းကို လိုလိုလားလား လက်ခံစေရန် ပျက်ကွက်ရုံသာမက ဆန့်ကျက်ဘက်အနေဖြင့် လူတို့အား အန္တိခရစ် ကိုယ်တိုင်အတွက် အားကျမှု၊ လေးစားမှုနှင့် ရိုသေမှုတို့ကို ဖြစ်ပေါ်စဉ်တွင် ဘုရားသခင်နှင့်ပတ်သက်သော အယူအဆများနှင့် ထင်မြင်ချက်များ ဖြစ်ပေါ်စေပြီး ဘုရားသခင်အပေါ် သတိထားရှောင်လာစေသည်။ ဤရလဒ်နှစ်ခုဖြစ်ပေါ်ပြီးသည်နှင့်တစ်ပြိုင်နက် လူတို့ ပြုလုပ်သည့် အကြီးမားဆုံးသော သတိမမူမိခြင်းများမှာ မည်သည့် ပြစ်မှားမှုများကို အန္တိခရစ်က ကျူးလွန်မိခဲ့သည်၊ မည်သည့်အရာကို ၎င်းတို့ အမှားလုပ်မိခဲ့သည်ဟူသည်နှင့် ၎င်းတို့အနေဖြင့် မိမိတို့ အလုပ်တွင် တတ်စွမ်းနိုင်ခြင်း မရှိခဲ့သည့်အပြင် မကောင်းသည့် လုပ်ဆောင်ချက်များကို မဆင်မခြင် ကျူးလွန်ခဲ့သောကြောင့် အသင်းတော်၏ အလုပ်အတွက်လည်းကောင်း၊ ဘုရားအိမ်တော်အတွက်လည်းကောင်း ၎င်းတို့က ဆုံးရှုံးမှုများ ်ဖြစ်ပေါ်စေသည်ဟူသည့် အချက်တို့ ဖြစ်သည်။ ဤသည်မှာ အန္တိခရစ်တစ်ဦး၏ နည်းစနစ်များထဲမှ တစ်ခု ဖြစ်သည်။ မှားယွင်းသည့် တန်ပြန်စွပ်စွဲမှုတစ်ခု ပြုလုပ်ခြင်းနှင့် ထိုသို့ဖြင့် အခြားသူတို့ကို အထင်အမြင်မှားစေခြင်း ဖြစ်သည်။ ၎င်းတို့သည် မိမိတို့၏ တာဝန်တွင် ပေါ့ဆခဲ့ကြသောကြောင့်၊ မိုက်မဲပြီး မသိနားမလည်ခဲ့ကြသောကြောင့်၊ မိမိတို့ကိုယ်ပိုင် သီးခြားဖြစ်သော နိုင်ငံကို ထူထောင်ရန် ကြိုးစားခဲ့ကြသောကြောင့် ဘုရားအိမ်တော်၏ အလုပ်အပေါ် ဒုက္ခပြဿနာများစွာ ဖြစ်စေခဲ့ပြီး ညီအစ်ကို မောင်နှမများ၏ ဘဝများကို အင်မတန် ကြီးမားသည့် ဆုံးရှုံးမှုများ ဖြစ်စေခဲ့သည်ဟူသည့်အချက်ကို ၎င်းတို့ မည်သည့်အခါမျှ ထုတ်မပြောကြပေ။ ဤအရာများကို ၎င်းတို့ လုံးဝ ဝန်ခံခြင်း သို့မဟုတ် စိစစ်ခြင်း မရှိကြ၊ ဤကိစ္စရပ်များ၏ အမှန်တရားကို ၎င်းတို့ လုံးဝ ဖော်ပြခြင်းမရှိ၊ ၎င်းတို့ ဖြုတ်ချခံရခြင်းအတွက် အကြောင်းပြချက် သို့မဟုတ် ၎င်းတို့အဘယ်ကြောင့် ပြုပြင်ခံခဲ့ကြရသည်ဟူသည်ကို ၎င်းတို့ မည်သည့်အခါမျှ ထုတ်မပြောကြ။ ၎င်းတို့ ပြောဆိုသမျှမှာ အထက်က ၎င်းတို့ကို ပြုပြင်ခဲ့ပုံ၊ အထက်၏ ပြုပြင်ခြင်းက မည်မျှ လူမဆန်ပုံ၊ ၎င်းတို့ကို အထက်က မည်မျှ ပြင်းထန်စွာ စကားပြောခဲ့ပုံ၊ ၎င်းတို့ မည်မျှ ငိုကြွေးခဲ့ပုံ၊ ၎င်းတို့က မြေစာပင်ဖြစ်ခဲ့ပုံနှင့် ၎င်းတို့ မည်မျှ ဆင်းရဲဒုက္ခခံစားခဲ့ရပုံ၊ သို့ဖြစ်စေကာမူ မိမိတို့တာဝန်ကို မပျက်မကွက် ဆက်လက် ထမ်းဆောင်ရင်း ခါတိုင်းကဲ့သို့ပင် ထိုနေရာတွင် နေမြဲနေခဲ့ပုံ ဟူသည်တို့ ဖြစ်သည်။ အစမှ အဆုံးထိ အန္တိခရစ်တစ်ဦးသည် မိမိ၏ ကိုယ်ပိုင်အမှားကို အသိအမှတ်ပြုသည့် သဘောထား အနည်းငယ်မျှ ရှိဖူးသလော။ မရှိဖူးပေ။ စစ်မှန်သည့် အခြေအနေကို မသိသော မိုက်မဲကာ မသိနားမလည်သည့် လူများ၊ သမ္မာတရားကို နားမလည်သည့်လူများက ဤအရာကို ကြားသည့်အခါ “အထက်သည် လူတို့ကို ပြုပြင်ပုံတွင် မည်သည့် စည်းမျဉ်းမျှ မရှိပါ။ တစ်စုံတစ်ဦးက မိမိ၏ အလုပ်တွင် မည်မျှ ကောင်းစွာ လုပ်ဆောင်သည်ဖြစ်စေ သို့မဟုတ် မည်သို့ အဖိုးအခပေးသည်ဖြစ်စေ သူတို့သည် အလားတူပင် ပြုပြင်ခံရလိမ့်မည်ဖြစ်ပြီး နောက်ပိုင်းတွင် သူတို့သည် မည်သည့် အားနည်းချက်မျှ ပြ၍မရပါ၊ ကျိုးနွံနာခံရုံနာခံရမည်ဖြစ်သည်”ဟု တွေးကြသည်။ အန္တိခရစ်၏ မိတ်သဟာယနှင့် အထင်အမြင်မှားစေခြင်း အဆင့် ပြီးသည့်နောက်တွင်လည်းကောင်း၊ အမှုအရာများကို လုပ်ဆောင်ရာတွင် ၎င်းတို့သည် အတော်အတန်များသည့် အားထုတ်မှုပြုပြီးနောက်တွင်လည်းကောင်း ၎င်းတို့ စွမ်းဆောင်ရရှိသည့် ရလဒ်မှာ လူတို့အနေဖြင့် ပြုပြင်ခံရသည့်အခါ ဘုရားသခင်၏ စိတ်နှလုံးကို ပိုမိုသိနားလည်နိုင်မည့်အစား သို့မဟုတ် ပြုပြင်ခြင်းကို ဝမ်းမြောက်ဝမ်းသာ ကျိုးနွံနာခံကာ လက်ခံနိုင်ပြီးနောက် မိမိတို့ကိုယ်ပိုင် ဖောက်ပြန်ပျက်စီးသော စိတ်သဘောထား၊ မိမိတို့၏ မိုက်မဲမှုနှင့် မသိနားမလည်မှုတို့ကို သိရှိကာ ၎င်းတို့ အမှန်တကယ် မည်သူဖြစ်သည်ကို သိရှိမည့်အစား ရွံ့မုန်းမှုနှင့် အတိုက်အခံဖြစ်ခြင်းတို့ကို သာ၍ ခံစားကြရန်အလို့ငှာ လူတို့ စိတ်နှလုံးများတွင်ရှိသည့် ဘုရားသခင်အပေါ် အထင်လွဲမှုများနှင့် သတိထားမှုတို့ကို ပေါက်ဖွားစေခြင်း ဖြစ်သည်။ ဤအန္တိခရစ်၏ မိတ်သဟာယတစ်လျှောက်လုံးတွင် ၎င်းတို့ အမှားလုပ်ခဲ့သည့်အရာကို ၎င်းတို့ တစ်ကြိမ်တစ်ခါမျှ ဖော်ပြကြသလော။ မိမိတို့၏ အမှားကို ဝန်ခံသည့် သဘောထားအနည်းငယ်ကို ၎င်းတို့ တစ်ကြိမ်တစ်ခါမျှ ပြသကြသလော။ အနည်းငယ်မျှပင် မပြသကြပေ။ ဖြစ်စဉ်တစ်လျှောက်လုံးတွင် မိမိတို့ကိုယ်ပိုင် အမှားကို ၎င်းတို့ လုံးဝ အသိအမှတ်မပြုကြ။ အန္တိခရစ်တစ်ဦးက ထုတ်ပယ်ခံရပြီးနောက်တွင် ၎င်းတို့၏ အမှားက ဘုရားအိမ်တော်အတွက် ဆုံးရှုံးမှုတစ်ခု ဖြစ်စေခဲ့ပြီးဖြစ်ကြောင်း ဝန်ခံသည်ကို သင်တို့ ကြားဖူးကြသလော။ (မကြားဖူးပါ။) ထိုလူသည် အန္တိခရစ်တစ်ဦးဖြစ်ခဲ့မည်ဆိုလျှင် ထိုအရာကို ဝန်ခံမည်မဟုတ်။ ငါတို့သည် မိမိ၏ လုပ်ရပ်များက ဘုရားသခင်၏ လှူဖွယ်ပစ္စည်းများကို သောင်းချီ ဆုံးရှုံးမှုဖြစ်စေခဲ့သော်လည်း အဆုံးတွင် ၎င်း အမှားတစ်ခုတလေ လုပ်ဆောင်မိပြီးဖြစ်ကြောင်းကို မည်သည့်အခါမျှ အသိအမှတ်မပြုသည့် “အမျိုးသမီး ခေါင်းဆောင်” ကဲ့သို့သော အန္တိခရစ်အနည်းငယ်နှင့် အခြားလူသိများသော အန္တိခရစ်အနည်းငယ်အကြောင်းကို ပြောဆိုဆွေးနွေးကြပြီးဖြစ်သည်။ ၎င်းတို့သည် ၎င်းတို့ အမှားလုပ်ခဲ့သည့်အရာနှင့်ပတ်သက်၍ စကားတစ်ခွန်းမျှ ပြောဆိုခဲ့ခြင်းမရှိဘဲ၊ ထိုအစား အခြားသူတို့က ၎င်းတို့နှင့် အလုပ်မလုပ်ခဲ့ကြပုံအကြောင်းကိုသာ စောဒကတက်ကြသည်။ ၎င်းတို့သည် ကောင်းမွန်သည့်အရာ အားလုံးအတွက်လည်းကောင်း၊ မှန်ကန်စွာ လုပ်ဆောင်ထားသည့် မည်သည့်အရာမဆိုအတွက်လည်းကောင်း၊ မှန်ကန်သည့် ဆုံးဖြတ်ချက်အားလုံးအတွက်လည်းကောင်း နာမည်ကောင်း ရယူနေစဉ်တွင် တာဝန်၊ အမှား၊ ပြစ်တင်မှုရှိသမျှကို အခြားလူတို့၏ ပခုံးများပေါ် တွန်းပို့ခဲ့ကြသည်။ ဖြစ်ရပ်များတစ်လျှောက်လုံးတွင် ၎င်းတို့သည် ကြီးကြပ်သည့် အဓိကလူများ ဖြစ်ခဲ့ကြသော်လည် အမှားများအားလုံးကို အခြားလူတို့ ပြုလုပ်ခဲ့ကြခြင်းဖြစ်သည်ဟု ၎င်းတို့က အခိုင်အမာဆိုခဲ့ကြသည်။ ထိုသို့ဖြစ်လျှင် ၎င်းတို့က မည်သည့်အရာကို လုပ်ဆောင်နေခဲ့ကြသနည်း။ အန္တိခရစ်များသည် ဘုရားအိမ်တော်ကို ဆုံးရှုံးမှုများဖြစ်စေပြီး အခြားလူတို့က ဤအတွက် တာဝန်ယူရမည်ဖြစ်သည်။ သို့တိုင် အောင်မြင်မှု အနည်းငယ်မျှ ရှိသည့်အခါတိုင်းတွင် အန္တိခရစ်များက ထိုအရာကို လုပ်ဆောင်ခဲ့သူများမှာ ၎င်းတို့ဖြစ်ကြောင်း ပြောဆိုလျက် အသင်းတော်တွင်ရှိသည့်လူတိုင်း၊ ဘာသာတရားမရှိသောသူများကိုပင် ထိုအကြောင်းကို သိခွင့်ပေးဖို့ တရွရွဖြစ်လျက် ချက်ချင်း ပေါ်လာကြသည်။ အမှားအနည်းငယ်မျှ ၎င်းတို့ ပြုလုပ်မိသည့်အခါ ၎င်းတို့သည် ကြားခံပေးမည့်သူတစ်ဦးကို ရှာဖို့၊ တာဝန်ကို ပုံပေးဖို့အတွက် အပူတပြင်းလုပ်ဆောင်ကြသည်။ ၎င်းတို့သည် မည်သည့်ကိစ္စများကိုမဆို ချိုးနှိမ်ပစ်ရန် ကြိုးစားရင်း အကြီးစား ပြဿနာများကို သေးငယ်သည့် ပြဿနာများ ဖြစ်ပုံပေါက်အောင် လုပ်ပြီး သေးငယ်သည့် ပြဿနာများကို ပြဿနာမရှိပုံပေါက်စေသည်။ ဤသည်မှာ ၎င်းတို့အနေဖြင့် အခြားသူတို့၏ လေးစားမှုကို ချက်ချင်း ပြန်လည်ရရှိနိုင်ရန်နှင့် မိမိတို့၏ မူလ အဆင့်အတန်းနှင့် အာဏာတို့ကို အမြန်ပြန်လည်ရရှိနိုင်ရန်အလို့ငှာ မည်သူကမျှ ထိုအကြောင်းကို မသိရှိအတွက်ရန်လည်းကောင်း၊ လူတိုင်းက ထိုအကြောင်းကို အမြန်ဆုံး မေ့လျော့သွားကြရန်လည်းကောင်း၊ မည်သူကမျှ အမှန်တကယ် ဖြစ်ခဲ့သည့်အရာကို မသိရှိရန်အတွက်လည်းကောင်း ဖြစ်ပေသည်။ အန္တိခရစ်တစ်ဦးက တစ်စုံတစ်ရာကို အမှားလုပ်ဆောင်မိပြီးဖြစ်လျှင် ၎င်းတို့ကို လူတို့က မည်သို့ လက်တွေ့ကျကျ ပြုပြင်သည်ဖြစ်စေ၊ ထိထိမိမိ ပြောဆိုသည်ဖြစ်စေ ၎င်းတို့ အတိုက်အခံဖြစ်ကြလိမ့်မည်၊ ဆန့်ကျင်ကြလိမ့်မည်ဖြစ်ပြီး လုံးဝ လက်မခံဘဲနေကြလိမ့်မည်။ ပြီးလျှင် မျက်မြင်သက်သေများရှိလျှင်ပင် သို့မဟုတ် သက်သေအထောက်အထား ရှိလျှင်ပင် ၎င်းတို့သည် မိမိတို့၏ အမှားများကို ခေါင်းမာစွာ ဝန်ခံဖို့ ငြင်းပယ်ကြလိမ့်မည်ဖြစ်ပြီး မိမိတို့၏ စိတ်နှလုံးအတွင်းတွင် ပြုပြင်ခြင်း အသိအမှတ်ပြုကြလိမ့်မည်မဟုတ်၊ လက်ခံကြလိမ့်မည် မဟုတ်ပေ။ အန္တိခရစ်က “ဤအရာတွင် ကျွန်ုပ် မှားလျှင်ပင် အခြားလူများလည်း ပါဝင်ပတ်သက်ခဲ့သည်။ သူတို့ ပြုပြင်ခြင်းမခံရဘဲ ကျွန်ုပ်သာ အဘယ်ကြောင့် ပြုပြင်ခံရသနည်း။ တာဝန်ယူမှုတာဝန်ခံမှုအတွက် စစ်ဆေးခြင်းခံရသူမှာ ကျွန်ုပ်တစ်ဦးတည်းသာဖြစ်ပြီး အဘယ်ကြောင့် အခြားမည်သူမျှ မဟုတ်ရသနည်း”ဟု ပြောလိမ့်မည်။ ပြုပြင်ခြင်းက သမ္မာတရားနှင့်လည်းကောင်း၊ လက်တွေ့ကျမှုနှင့်လည်းကောင်း မည်မျှ ကိုက်ညီသည်ဖြစ်စေ၊ ၎င်းတို့ တလွဲ စွပ်စွဲခံရပြီးဖြစ်သည်၊ မတရားဆက်ဆံခံရခြင်းဖြစ်သည်၊ ၎င်းတို့အနေဖြင့် ဆင်းရဲဒုက္ခများစွာ ခံစားကာ အဖိုးအခများစွာ ပေးပြီးနောက်တွင် ထိုသို့ မဆက်ဆံသင့်သကဲ့သို့ သေးငယ်သော အမှားတစ်ခုအတွက် ထိုသို့ အတိုက်အခိုက် မခံရသင့်ဟု ခံစားကြလိမ့်မည်ဖြစ်သည်။ ထိုပြုပြင်မှုမျိုးကို ၎င်းတို့ လက်မခံရသင့်ကြောင်း ၎င်းတို့က ယုံကြည်ကြသည်။ သာမန် ညီအစ်ကို သို့မဟုတ် ညီအစ်မတစ်ဦးက ၎င်းတို့ကို ပြုပြင်လျှင် ၎င်းတို့က ဝုန်းဒိုင်းကြဲကာ မိမိတို့၏ တဇောက်ကန်းဖြစ်ခြင်းကို ပြလျက် သို့မဟုတ် ထိုသူတို့ကို လက်ဖြင့်ပင် ရွယ်ဝံ့လျက် ချက်ချင်း ပြန်တိုက်ခိုက်ကာ အတိုက်အခံလုပ်ကြလိမ့်မည်။ ၎င်းတို့ကို ပြုပြင်သူမှာ အထက်မှ ဖြစ်လျှင် အင်တင်တင်ဖြင့် နှုတ်ဆိတ်မြဲ နှုတ်ဆိတ်နေကြလိမ့်မည် ဖြစ်သော်လည်း စိတ်ထဲတွင် အလွန့်အလွန် မတရားဆက်ဆံခံရသည်ဟု ခံစားကြလိမ့်မည်။ ၎င်းတို့သည် သဘောမကျဖြစ်ကာ မလိုမလားဖြစ်ကြလိမ့်မည်ဖြစ်ပြီး “ဤအကြောင်းကို သင်တို့ သိသွားသည်မှာ ကျွန်ုပ်၏ ကံသာဖြစ်ဟု ထင်သည်။ အမှန်တွင် အဆင့်အားလုံးတွင်ရှိသည့် ခေါင်းဆောင်များစွာနှင့် ညီအစ်ကို မောင်နှမများက သင်တို့ မသိသည့် အင်မတန်ဆိုးရွားသော အရာများကို လုပ်ဆောင်ခဲ့ကြပြီး အမိခံလိုက်ရသူမှာ ကျွန်ုပ် ဖြစ်သည်။ ကျွန်ုပ်၏ကံက ထိုမျှဆိုးပေသည်တကား”ဟု ဆိုလျက် လွဲချော်သော အကြောင်းပြချက်များကို မကြာခဏ ရေရွတ်ကြလိမ့်မည်။ အထက် သို့မဟုတ် ညီအစ်ကို မောင်နှမများက ၎င်းတို့ကို မည်မျှပြုပြင်ပါစေ ထိုအရာကို အရှိအတိုင်းသာ လက်ခံရုံလက်မခံနိုင်ကြ၊ ကိစ္စရပ်၏ အမှန်တရားကို အသိအမှတ်မပြုနိုင်ကြသကဲ့သို့ တာဝန်မယူနိုင်ကြပေ။ တာဝန်နှင့် အမှန်တကယ် ဖြစ်ပျက်ခဲ့သည့်အရာကို ဝန်ခံခြင်းက ၎င်းတို့ကို သေစေမည့်အလားဖြစ်သည်။ ထိုအရာက ဘုရားအိမ်တော်ကို ကြီးမားသည့် ဆုံးရှုံးမှုတစ်ခု ဖြစ်စေခဲ့ကြောင်းကို မဆိုထားနှင့်၊ ၎င်းတို့က အမှားတစ်ခု ကျူးလွန်ပြီးဖြစ်ကြောင်း၊ ထိုကိစ္စအတွက် ၎င်းတို့တွင် တာဝန်ရှိကြောင်းကို လုံးဝ အသိအမှတ်ပြုကြလိမ့်မည် မဟုတ်ပေ။ ဤသည်မှာ အန္တိခရစ်တစ်ဦး၏ စိတ်သဘောထား ဖြစ်သည် မဟုတ်လော။ (ဟုတ်ပါသည်။) ဤသည်မှာ အန္တိခရစ်တစ်ဦး၏ စိတ်သဘောထား ဖြစ်၏။

အန္တိခရစ်တစ်ဦးသည် တစ်စုံတစ်ရာ အမှားလုပ်ခြင်းအတွက် ပြုပြင်ခံရပြီးနောက်တွင် ထိုပြုပြင်ခြင်းကို ၎င်းတို့က လက်မခံဘဲ မိမိတို့၏ စိတ်နှလုံးအတွင်းမှနေ၍ ကျိုးနွံနာခံခြင်း မရှိသည့်အပြင် ထိုအရာမှ ၎င်းတို့ လိုက်နာစောင့်ထိန်းသင့်သည့် သမ္မာတရားနှင့် သမ္မာတရား စည်းမျဉ်းများကို နားမလည်ကြသကဲ့သို့ ၎င်းတို့သည် တစ်စုံတစ်ရာကို အမှားလုပ်နိုင်စွမ်းရှိကြောင်းကိုလည်း ဝန်မခံကြချေ။ ၎င်းတို့၏ အခြေခံကျသော စရိုက်လက္ခဏာမှာ ယုံကြည်လက်ခံမှုမရှိခြင်း၊ လက်မခံခြင်းနှင့် အသိအမှတ်မပြုခြင်း ဖြစ်သည်။ အန္တိခရစ်များသည် ၎င်းတို့က စုံလင်သည့် လူများဖြစ်ကြောင်း၊ တစ်စုံတစ်ရာကို အမှားလုပ်ဆောင်နိုင်စွမ်း မရှိကြောင်း အဓိကအားဖြင့် ယုံကြည်ကြသောကြောင့် ဤနည်းလမ်းများဖြင့် ပြုမူကြသည်။ ၎င်းတို့အဖို့ အမှားပြုလုပ်ကြောင်း ၎င်းတို့ကို စွပ်စွဲသူ မည်သူမဆိုသည် မှားသည့်သူ ဖြစ်သည်။ မှားယွင်းသည့် အမြင်ရှုထောင့်ရှိသူ၊ ထိုကိစ္စရပ်နှင့်ပတ်သက်၍ မတူကွဲပြားသည့် အမြင်ရှုထောင့်အမြင်နှင့် ရပ်တည်ချက်ရှိသောသူမှာ ထိုသူဖြစ်သည်။ အန္တိခရစ်များက မိမိတို့ကို ပြုပြင်သူ မည်သူမဆိုသည် မိမိတို့၏ အားသာချက်များကို မမြင်သေးသောကြောင့် ထိုသို့လုပ်ဆောင်ခြင်းဖြစ်ကြောင်း၊ ထိုသူတို့က ၎င်းတို့အတွက် အမူအရာများကို ခက်ခဲအောင် ပြုလုပ်နေခြင်း ဖြစ်ကြောင်း၊ ၎င်းတို့၌ အပြစ်ရှာနေခြင်းဖြစ်ကြောင်းနှင့် ၎င်းတို့ကို တမင်တကာ ပစ်မှတ်ထားနေခြင်းဖြစ်ကြောင်း တွေးထင်ကြလေသည်။ ဤသည်မှာ အန္တိခရစ်တစ်ဦးတွင်ရှိသည့် စိတ်သဘောထားမျိုး ဖြစ်သည် မဟုတ်လော။ (ဟုတ်ပါသည်။) အန္တိခရစ်တစ်ဦးသည် အဓိကအားဖြင့် မိမိကိုယ်ကို အမှားများ ပြုလုပ်နိုင်သည့် တစ်စုံတစ်ဦးအဖြစ် မည်သည့်အခါမျှ မမြင်သောကြောင့် ဤအရာအတွက် ပြုပြင်ခံရခြင်းကို လက်ခံမည်မဟုတ်သကဲ့သို့ နောင်တတစ်ခုတလေမျှ ရှိလိမ့်မည် မဟုတ်ပေ။ ၎င်းတို့က မိမိတို့ စုံလင်သည်ဟုလည်းကောင်း၊ ၎င်းတို့ တစ်ဦးတည်းသည်သာ အမှားများ ပြုလုပ်နိုင်စွမ်းမရှိဟုလည်းကောင်း ယုံကြည်ကြလေသည်။ ဤအရာက ၎င်းတို့အနေဖြင့် မိမိတို့ ဖြောင့်မတ်ကြောင်း၊ သူတော်စင်တစ်ဦး ဖြစ်ကြောင်းကို ယုံကြည်ကြသည်ဟု သွယ်ဝိုက်ညွှန်းဆိုပေသည်။ ၎င်းတို့က ဖောက်ပြန်ပျက်စီးသော လူတစ်ဦးဖြစ်သည်ကို ၎င်းတို့ အမှန်တကယ် အသိအမှတ်ပြုမည်ဆိုလျှင် ၎င်းတို့က ဖောက်ပြန်ပျက်စီးမှု ပိုင်ဆိုင်ခြင်း၊ မှားယွင်းသည့်အရာများကို လုပ်ဆောင်နိုင်စွမ်းရှိကြောင်းနှင့် ၎င်းတို့အနေဖြင့် လူသားဖြစ်သည်နှင့်အမျှ အမှားများကို ပြုလုပ်ရန် သေချာကြောင်းကို အသိအမှတ်ပြုသင့်ကြပေသည်။ အချို့သောလူများသည် အတော်လေး မာယာကင်းပုံပေါ်ကြသော်လည်း လူတို့က မိမိတို့၏ အယူအဆများတွင် အားသာချက်တစ်ခုအဖြစ် ယူဆကြသည့် တစ်စုံတစ်ရာက ၎င်းတို့၏ လူ့သဘာဝအတွင်း၌ ရှိလေသည်။ ယင်းမှာ နိုင်လိုစိတ်ပြင်းပြခြင်းနှင့် အခြားသူတို့ထက် သာလွန်ဖို့ လွန်ကဲသော စိတ်ထက်သန်ခြင်း ဖြစ်သည်။ ဤလူများတွင် ထူးကဲသော စိတ်ထိန်းနိုင်ခြင်းရှိပြီး မိမိတို့ကိုယ်ကို အလွန်မြင့်မားသည့် တောင်းဆိုမှုများ ရှိကြသည်။ ၎င်းတို့သည် မိမိတို့ကိုယ်ကိုနှင့်ပတ်သက်၍ အလွန် တင်းကျပ်ကြသည်။ ၎င်းတို့ လုပ်ဆောင်သမျှတိုင်းတွင် ၎င်းတို့သည် အပြစ်အနာအဆာ သို့မဟုတ် သတိမမူမိခြင်း အနည်းငယ်ကိုမျှ ခွင့်မပြုဘဲ စုံလင်မှုနှင့် တကယ့်အကောင်းဆုံးကို တောင်းဆိုကြသည်။ တစ်ချိန်တည်းတွင် ၎င်းတို့သည် မိမိတို့လုပ်ဆောင်သည့် အရာရာတိုင်းတွင် အလွန့်အလွန် ဂရုစိုက်ကြသောကြောင့်၊ အမှုအရာများအပေါ် စဉ်းစားရာတွင် ၎င်းတို့ အလွန်တော်ကြပြီး အလွန့်အလွန် စေ့စပ်စွာ လုပ်ဆောင်ကြသောကြောင့် မည်သည့်အမှားကိုမျှ ၎င်းတို့ မလုပ်ဆောင်နိုင်ဟု မသိစိတ်၏ စေ့ဆော်မှုအရ ယုံကြည်ကြလေသည်။ ၎င်းတို့သည် ကိစ္စရပ်တိုင်းကို စေ့စပ်စွာနှင့် အပြည့်အဝ စဉ်းစားနေစဉ် အရာရာကို မည်သည့် အပြစ်အနာအဆာမျှမရှိဘဲ လုပ်ဆောင်ကြသည်။ ထို့ကြောင့် ၎င်းတို့အနေဖြင့် လုံးဝ မှားလိမ့်မည် မဟုတ်ဟု ယုံကြည်ကြသည်။ ၎င်းတို့ ပြုပြင်ခံရသည့်အခါ ၎င်းတို့အတွက် လက်ခံရန် အခက်ခဲဆုံးသောအရာမှာ အမှားတစ်ခုကို ၎င်းတို့ လုပ်နိုင်စွမ်း ရှိသည်ဟူသည့်အချက် ဖြစ်သည်။ ဤသည်မှာ ထိုသို့သောလူတို့က မိမိတို့ကိုယ်ကို မည်သို့ပြန်လည်သုံးသပ်ရမည်ကို မသိရသကဲ့သို့ ထိုသို့ တစ်ကြိမ်တစ်ခါမျှ လုပ်ဆောင်လိမ့်မည်မဟုတ်သည့် အကြောင်းရင်း ဖြစ်သည်။ ၎င်းတို့၏လူ့သဘာဝတွင်ရှိသည့် နိုင်လိုစိတ်ပြင်းပြခြင်းနှင့် အခြားသူတို့ထက် သာအောင်ပြုလုပ်ရန် စိတ်ထက်သန်မှုတို့ကို အပြုသဘောဆောင်သည့် အရာများအဖြစ် ၎င်းတို့က ရှုမြင်ကာ ယင်းတို့က သမ္မာတရား စည်းမျဉ်းများ ဖြစ်သည့်အလား လိုက်နာကြလေသည်။ ၎င်းတို့အနေဖြင့် ဤစည်းမျဉ်းများပေါ် အခြေခံ၍ အမှုအရာများကို လုပ်ဆောင်ပြီး မိမိတို့၏တာဝန်ကို ထမ်းဆောင်လျှင် လုံးဝ ချွတ်ချော်ကြလိမ့်မည် မဟုတ်သကဲ့သို့ အမှားဖြစ်လျှင်ပင် ထိုအရာကို ရှုထောင့်အမြင်နှင့်ဆိုင်သည့် ကိစ္စတစ်ခုအဖြစ်၊ လူတို့က မတူကွဲပြားသော အမြင်များရှိခြင်းအဖြစ် ၎င်းတို့က မြင်ကြပြီး ဤသည်မှာ ၎င်းတို့ လုပ်ဆောင်သည့်အရာက သေချာပေါက် မှားယွင်းသည့် သဘောမဟုတ်ဟု တွေးထင်ကြသည်။ ထို့ကြောင့် ၎င်းတို့ကို မည်သူက ပြုပြင်သည်ဖြစ်စေ ပြုပြင်ခြင်း သို့မဟုတ် ဖော်ထုတ်ခံရသည့်အရာက အမှန်တရားများနှင့် ကိုက်ညီသည်ဖြစ်စေ၊ မကိုက်ညီသည်ဖြစ်စေ ထိုအရာကို ၎င်းတို့က လက်ခံကြလိမ့်မည် မဟုတ်။ ၎င်းတို့က အမှန်တကယ် မှားယွင်းသည့် တစ်စုံတစ်ရာ လုပ်ဆောင်မိပြီးဖြစ်သည်ကို သိရှိလျှင် ထိုအရာကို ၎င်းတို့ အသိအမှတ်ပြုကြလိမ့်မည်လော။ (အသိအမှတ်ပြုမည် မဟုတ်ပါ။) ထိုအရာကို ၎င်းတို့ အသိအမှတ်ပြုကြမည်မဟုတ်၊ ၎င်းတို့ ချက်ချင်း နှုတ်ဆိတ်သွားလိမ့်မည်ဖြစ်ပြီး ၎င်းတို့က ထိုအရာကို နောက်ဆုံး ထုတ်ပြောသည့်သူ ဖြစ်လိမ့်မည်။ ၎င်းတို့သည် ထိုအရာကို လုံးဝ မည်သည့်အခါမျှ တင်ပြကြလိမ့်မည် မဟုတ်။ အန္တိခရစ်တစ်ဦးသည် မိမိတို့၏ အလုပ်တွင် အမှား သို့မဟုတ် အပြစ်အနာအဆာအချို့ ဖော်ထုတ်သည့် တစ်စုံတစ်ဦးနှင့် ကြုံရပြီး ဤအရာမှ ၎င်းတို့ ကွယ်ဝှက်၍မရသည်ကို မြင်လျှင် ၎င်းတို့သည် ထိုအမှားအား မည်သူ ပြုလုပ်ခဲ့သည်ကို ဆက်လက်ရှာဖွေဖော်ထုတ်နေသယောင် ဟန်ဆောင်ကြလိမ့်မည်ဖြစ်ပြီး ရှာဖွေရင်း ရှာဖွေပြီးနောက် တာဝန်ရှိသူမှာ ၎င်းတို့ဖြစ်ကြောင်းကို မမျှော်လင့်ဘဲ သိရှိလိုက်ရသည်။ တစ်စုံတစ်ဦးက “ထိုအရာကို လုပ်ဆောင်ခဲ့သူမှာ သင်ဖြစ်သည်။ အခြားတစ်စုံတစ်ဦး မဟုတ်ပါ။ သင်က ထိုအကြောင်း မေ့လျော့ခဲ့ခြင်းသာ ဖြစ်သည်”ဟု ပြောလျှင် ဤအရာကို အန္တိခရစ်တစ်ဦးက မည်သို့ တုံ့ပြန်မည်နည်း။ ဤအခြေအနေများတွင် ပုံမှန်လူတစ်ဦးသည် မည်သို့ လုပ်ဆောင်သင့်သနည်း။ အရှက်တရားရှိသည့် ပုံမှန်လူတစ်ဦးသည် မျက်နှာနီရဲသွားသင့်သည်၊ ရှက်သွားပြီး အနေခက်သင့်ကာ “ထိုအကြောင်းကို ကျွန်ုပ် မေ့သွားခဲ့သည်။ ထိုအရာကို ကျွန်ုပ် လုပ်ခဲ့ပါသည်၊ ကျွန်ုပ်၏ အမှားဖြစ်သည်။ အမှား ဆက်မဖြစ်ဖို့ရန်အလို့ငှာ ဤအတွက် မည်သို့ ပြုပြင်ရမည်ကို အမြန် အဖြေရှာကြစို့”ဟု ပြောလျက် ထိုအရာကို ချက်ချင်း ဝန်ခံသင့်သည်။ အရှက်တရား၊ အသိစိတ်နှင့် ဆင်ခြင်တုံတရားရှိသည့် တစ်စုံတစ်ဦးသည် မိမိတို့၏ အမှားကို ချက်ချင်း အသိအမှတ်ပြုကြလိမ့်မည်၊ ထို့နောက် ထိုအရာကို ဖြေရှင်းကာ ပြုပြင်မည်ဖြစ်သည်။ အခြားတစ်ဖက်တွင် အန္တိခရစ်တစ်ဦးသည် အရှက်မဲ့၏။ ၎င်းတို့က အမှားကျူးလွန်မိခဲ့သည့်သူဖြစ်ကြောင်းကို တစ်စုံတစ်ဦးက သိရှိသွားသည်နှင့်တစ်ပြိုင်နက် တစ်စုံတစ်ဦးက ဖော်ထုတ်သည်ကို ၎င်းတို့ ခံရပြီး တစ်စုံတစ်ဦးက ထိုအကြောင်းကို သိရှိသွားသည်နှင့်တစ်ပြိုင်နက် ၎င်းတို့၏ လေသံကို ချက်ချင်း ပြောင်းကြလိမ့်မည်ဖြစ်ပြီး မိမိတို့၏ အမှားကိုဝန်ခံခြင်းအား ရှောင်ရှားရန်၊ ထိုအမှားကို ပြုလုပ်ခဲ့သူက မိမိတို့ ဖြစ်ကြောင်းကို လက်ခံခြင်းအား ရှောင်ရှားရန် အမျိုးမျိုးသော နည်းလမ်းများကို စဉ်းစားကြလိမ့်မည်။ ၎င်းတို့သည် မျက်နှာပြောင်တိုက်၍ မုသားများကို ပြောကာ ကိုယ့်ကိုယ်ကိုယ် ကာကွယ်ရန် အကြောင်းပြချက်များ ပေးကြလိမ့်မည်။ ၎င်းတို့ အနီးအနာတွင်ရှိသူတိုင်းက ဤအရာကို ရှက်စရာနှင့် အနေခက်စရာအဖြစ် မြင်ကြလိမ့်မည် ဖြစ်သော်လည်း အန္တိခရစ်က မည်သည့်အရာကိုမျှ ခံစားရလိမ့်မည် မဟုတ်ပေ။ ၎င်းတို့သည် အကြီးစား ပြဿနာများကို သေးငယ်သည့် ပြဿနာများဟု ထင်ရအောင် ပြုလုပ်ကြလိမ့်မည်ဖြစ်ပြီး သေးငယ်သည့် ပြဿနာများကို ပြဿနာမဟုတ်သည့်အရာဟု ထင်ရအောင် ပြုလုပ်ကြလိမ့်မည်ဖြစ်ကာ ထို့နောက်တွင် ထိုကိစ္စကို မည်သည့်အခါမျှ ထပ်မံတင်ပြကြလိမ့်မည် မဟုတ်။ ဤကိစ္စရပ်တွင် ၎င်းတို့၏ မိုက်မဲမှုက ပေါ်လွင်သွားပြီးဖြစ်သည်။ ထို့ကြောင့် ၎င်းတို့သည် ရှက်စိတ်ဖြင့် မိမိတို့၏ မျက်နှာ နီရဲသွားခြင်းမရှိဘဲ၊ ပြီးလျှင် ၎င်းတို့၏ နှလုံးခုန်မြန်သွားခြင်းမရှိဘဲ တာဝန်ကို ခေါင်းရှောင်ဖို့ ကြိုးစားရင်း မိမိတို့၏ အမှားနှင့် အလိမ်အညာတို့ကို လူများစွာရှေ့တွင် ပွင့်ပွင့်လင်းလင်း ငြင်းကြလိမ့်မည်။ အန္တိခရစ်များတွင် ရှက်စိတ်တစ်ခုတလေ ရှိသလော။ (မရှိပါ။)

အချို့သော အန္တိခရစ်များသည် ယခုတင် ဖြုတ်ချခံရပြီးချိန်တွင် မကျေနပ်ချက်များဖြင့် ပြည့်နေကြသည်။ ၎င်းတို့သည် ဆုံးရှုံးသည့်စိတ် ခံစားရသည်၊ ၎င်းတို့တွင် အဆင့်အတန်း မရှိတော့၊ မည်သူကမျှ ၎င်းတို့ကို မလေးစားကြတော့ သို့မဟုတ် လိုလေသေးမရှိ ပြုစုပေးခြင်း မရှိကြတော့ဟူ၍လည်းကောင်း၊ အဆင့်အတန်း၏ အကျိုးကျေးဇူးများကို ၎င်းတို့ မွေ့လျော်ခံစား၍မရနိုင်တော့ဟူ၍လည်းကောင်း ခံစားကြလေသည်။ ၎င်းတို့ ပေးသည့် အဖိုးအခအားလုံးနှင့် ၎င်းတို့၏ အတိတ်က ဆင်းရဲဒုက္ခအားလုံးသည် ထိုအရာနှင့် ထိုက်တန်ခြင်း မရှိလေပြီဟု ခံစားကြပြီး ၎င်းတို့၏ စိတ်နှလုံးများက တရားမမျှတသည့် ခံစားချက်တစ်ခုနှင့် ပြည့်သွားသည်။ သို့သော် ၎င်းတို့ ပြုပြင်ခံရသည့်အခါ ၎င်းတို့ ပြသခဲ့သည့် သရုပ်သကန်များအတွက် သို့မဟုတ် ၎င်းတို့ အမှားလုပ်ခဲ့သည့် မည်သည့်အရာမဆိုအတွက် အပြစ်ရှိသည့်စိတ်အနည်းငယ်မျှ တွေ့ကြုံခံစားခြင်း မရှိကြပေ။ ထိုအရာက မျှတခြင်းမရှိဟု ၎င်းတို့ ခံစားရသည်။ ၎င်းတို့၏ စိတ်နှလုံးများက မကျေနပ်ချက်များ၊ စောဒကတက်မှုများအပြင်၊ ဘုရားသခင်အပေါ် အထင်လွဲမှုများနှင့် ပြည့်နေကြသည်။ ၎င်းတို့သည် မိမိတို့၏ အမှားကို အသိအမှတ်ပြုဖို့ ငြင်းကြပြီး မိမိတို့၏ အပြစ်ကို ပြုပြင်ဖို့ သို့မဟုတ် ပြုပြင်ခံရခြင်းကို လက်ခံဖို့၊ ဤဖြုတ်ချခြင်းကို လက်ခံဖို့ အစီအစဉ် မရှိကြသည်သာမက ဆန့်ကျင်ဘက်အနေဖြင့် ၎င်းတို့က “ဘုရားသခင်သည် မဖြောင့်မတ်ပါ။ တစ်စုံတစ်ဦးက မည်မျှ ဆင်းရဲဒုက္ခခံစားရပြီးဖြစ်စေ သို့မဟုတ် မည်မျှ ကြီးမားသည့် မတရားမှုကို ခံရပြီးသည်ဖြစ်စေ သူသည် ဤအရာကို အသေးစိတ်ပြန်ပြောပြပိုင်ခွင့် မရှိပါ။ ဤသည်မှာ အလွန် နာကျင်ဖွယ်ဖြစ်သည်။ ဘုရားသည်ပင်လျှင် မှီခိုအားကိုး၍မရပါ၊ ကျွန်ုပ်တွင် မှီခိုရမည့်သူ မည်သူမျှ မရှိပါ။ အနာဂတ်တွင် ဘုရားအိမ်တော်၌ တာဝန်တစ်ခုကို ကျွန်ုပ် ဆက်လုပ်လျှင်ပင် လွန်ကဲသော သတိထားမှုဖြင့် ကျွန်ုပ် ဆက်လုပ်ဆောင်ရလိမ့်မည်ဖြစ်ပြီး မည်သူ့ကိုမျှ ယုံကြည်၍မရပါ”ဟု တွေးကြလိမ့်မည်။ ၎င်းတို့သည် ဘုရားသခင်အပေါ် ခုခံမှုနှင့် အထင်လွဲမှုဖြင့် ပြည့်နေသည်။ ဤသည်မှာ မည်သည့် စိတ်သဘောထားမျိုး ဖြစ်သနည်း။ ၎င်းတို့သည် အမှုအရာမည်မျှကို အမှားလုပ်ဆောင်မိခဲ့သည်ဖြစ်စေ၊ အသင်းတော်၏ အလုပ်ကို မည်သို့ ကြီးမားသည့် ဆုံးရှုံးမှုများ ၎င်းတို့ ကျရောက်စေသည်ဖြစ်စေ၊ အသင်းတော်၏ အလုပ်ကို ၎င်းတို့ မည်မျှ အန္တရာယ်ဖြစ်စေခဲ့သည်ဖြစ်စေ ဤအရာများအား ယတိပြတ် လျစ်လျူရှု၍ရသည်ဟု ၎င်းတို့ တွေးထင်ကြပြီး မိမိတို့၏ ကဏ္ဍနှင့်ပတ်သက်၍ မည်သည့် တာဝန်မျှ ယူကြလိမ့်မည်မဟုတ်၊ သို့မဟုတ် မည်သည့် အမှားကိုမျှ အသိအမှတ်ပြုကြလိမ့်မည် မဟုတ်ပေ။ ထိုအစား ၎င်းတို့ကို စိတ်ပျက်စေသည်မှာ ဘုရားအိမ်တော်ဖြစ်ပြီး ဘုရားသခင်က ၎င်းတို့ကို တလွဲ စွပ်စွဲခဲ့သည်ဟု ယုံကြည်လျက်၊ ၎င်းတို့တွင် ရှိသည့် မကျေနပ်ချက်တစ်ခုတလေ၊ ၎င်းတို့ပေးခဲ့သည့် မဖြစ်စလောက်၊ သုံးမရသော မည်သည့်အဖိုးအခကိုမဆို ယူပြီး အလွန်ပင် တစ်ဆိတ်ကိုတစ်အိတ် လုပ်ကြလေသည်။ ၎င်းတို့၏ အမှားက ဘုရားအိမ်တော်ကို ဖြစ်စေခဲ့သည့် ဆုံးရှုံးမှုသည် ၎င်းတို့၏ စိတ်များတွင် လုံးဝ အရေးမပါပေ။ ၎င်းတို့က “ယင်းကို တွက်ချက်ရန် မလိုပါ သို့မဟုတ် ထိုအရာနှင့်ပတ်သက်၍ ဒုက္ခခံရန် မလိုပါ။ ယင်းကို မည်သူက ဆုံးရှုံးမှုတစ်ခုဟု ခေါ်မည်နည်း။ ထို့အပြင် မည်သည့် ခေါင်းဆောင်က အလှူငွေအချို့ကို မဖြုန်းတီးဘဲနေသနည်း။ အဘယ်သို့ဖြစ်ပြီး ကျွန်ုပ်တစ်ဦးတည်း ဖြစ်ရသနည်း။ မည်သည့်ခေါင်းဆောင်က ဘုရားအိမ်တော်ကို တစ်ကြိမ်တစ်ခါမျှ ဆုံးရှုံးမှုတစ်ခုတလေ မဖြစ်စေဘဲနေသနည်း။ ဘုရားသခင်၏ အလှူငွေများသည် မည်သည့်အရာဖြစ်သနည်း။ ထိုငွေသည် လူတိုင်းနှင့် သက်ဆိုင်သည်။ ထို့ကြောင့် အခြားသူတို့က ထိုအလှူငွေအား သုံးခွင့်ရလျှင် ကျွန်ုပ်က အဘယ်ကြောင့် သုံးခွင့်မရသနည်း။ အခြားသူတို့ကို ထိုအလှူငွေအား ဖြုန်းခွင့်ပေးသော်လည်း ကျွန်ုပ် ဖြုန်းခွင့်မရသလော။ ဘုရားအိမ်တော်ကို ဖြစ်စေခဲ့သည့် ဆုံးရှုံးမှုများအကြောင်းကို ကျွန်ုပ် ပြောဆိုလျှင်၊ အခြားလူတို့က ကျွန်ုပ်ထက် သာ၍များစွာ ဖြစ်စေခဲ့သည်။ ကျွန်ုပ်သည် အဘယ်ကြောင့် ပြင်းထန်စွာ ပြုပြင်ခံရပြီး ထုတ်ပယ်ခံရသည့် တစ်ဦးတည်းသောသူ ဖြစ်ရသနည်း။ စည်းမျဉ်းများနှင့်အညီ ပြုမူဆောင်ရွက်ခြင်းမရှိဘဲ မကောင်းသည့် လုပ်ဆောင်ချက်များကို မဆင်မခြင် ကျူးလွန်ခြင်းနှင့်ပတ်သက်၍မူ လူအချို့သည် ထိုအရာနှင့်စပ်လျဉ်း၍ ကျွန်ုပ်ထက်ပင် များစွာ ပိုဆိုးကြသည်။ ထို့ကြောင့် ထိုသူတို့ ပြုပြင်ခံရသည့်အခါ အဘယ်ကြောင့် ဖြုတ်ချခြင်း မခံရကြသနည်း။ အဖိုးအခပေးခြင်းအတွက်မူ ကျွန်ုပ်သည် လူအများစုထက် သာ၍ ကြီးမားသည့် အဖိုးအခ ပေးပြီးဖြစ်သည်။ ရိုးသားစစ်မှန်မှုအရ မည်သူက ကျွန်ုပ်နှင့် ယှဉ်နိုင်သနည်း။ တရားဒေသနာများနှင့် ပတ်သက်၍ကော အဘယ်သို့နည်း။ ကျွန်ုပ်သည် အခြားတစ်ဦးတလေထက် ထိုတရားဒေသနာများကို ပိုမိုဟောပြောပြီး ဖြစ်သည်။ ပြီးလျှင် သမ္မာတရားကို သိနားလည်ခြင်းနှင့် ပတ်သက်၍မူ ကျွန်ုပ်လောက် မည်သူ နားလည်သနည်း။ အထက်၏ပြုပြင်ခြင်းကို လက်ခံခြင်းနှင့် ပတ်သက်လာသည့်အခါ ထိုပြုပြင်ခြင်းကို ကျွန်ုပ်ထက် မည်သူ လက်ခံသနည်း။ စွန့်လွှတ်ခြင်းအရ မည်သူသည် ကျွန်ုပ်ထက် စွန့်လွှတ်ပြီးပြီနည်း။ ညီအစ်ကို မောင်နှမများကို ကူညီခြင်းနှင့် သူတို့၏ ပြဿနာများကို ဖြေရှင်းခြင်းအတွက်မူ မည်သူသည် ကျွန်ုပ်ထက် ယင်းကို ပိုမိုလုပ်ဆောင်သနည်း။ အသင်းတော်တွင် ဟိုသည်ပြေးလွှားပြီး အလုပ်လုပ်ခြင်းနှင့် ပတ်သက်လာသည့်အခါ မည်သူကမျှ ကျွန်ုပ်ကို လိုက်ဖမ်း၍မရနိုင်ပါ။ မည်သူ့ကို ညီအစ်ကို မောင်နှမများက မဲပေးသည်၊ ထောက်ခံပြီး အတည်ပြုပေးသည်ဟူသည်နှင့် ပတ်သက်လာသည့်အခါ မည်သူသည် ကျွန်ုပ်ထက် မဲပိုမိုရရှိသနည်း”ဟု စဉ်းစားကြလေသည်။ သင် မြင်သလော၊ ဤသည်တို့မှာ အန္တိခရစ်များ ပြုလုပ်သည့် နှိုင်းယှဉ်မှုများ ဖြစ်သည်။ ၎င်းတို့သည် ပြုပြင်ခြင်းသက်သက်နှင့် ရင်ဆိုင်ရသည့်အခါ အန္တိခရစ်များက ပါဝင်ပတ်သက်သည့် အရေးကိစ္စများအကြောင်းကိုသာ ပြောဆိုကြသည်။ သင် ပြုလုပ်ခဲ့သည့် အမှားများအားလုံးနှင့် သင် ချိုးဖောက်ခဲ့သည့် သမ္မာတရား စည်းမျဉ်းများအားလုံးကို သင် အသိအမှတ်ပြုလျှင်၊ ပြုပြင်ခြင်းကို သင် လက်ခံပြီး ကျိုးနွံနာခံနိုင်လျှင်၊ ထိုအချိန်မှစ၍ စည်းမျဉ်းများကို အခြေခံ၍ သင် ပြုမူဆောင်ရွက်ခဲ့ပြီး အသင်းတော်အလုပ်ကို သင် ဖြစ်စေခဲ့သည့် ဆုံးရှုံးမှုများအတွက် ထေမိစေဖို့ အစွမ်းကုန် သင် လုပ်ဆောင်ခဲ့လျှင် ဘုရားအိမ်တော်သည် သင်၏ ပြဿနာများကို ဆက်လက် စစ်ဆေနေမည် မဟုတ်လော။ ယင်းက သင့်ကို ရှုတ်ချမည်လော။ သင့်ကို ငရဲထဲသို့ ပစ်ချမည်လော။ သင့်ကိုယ်သင် ရှင်းပြခြင်းနှင့် ဆင်ခြေများ ဖန်တီးရာတွင် အလွန်များသော အားထုတ်မှုများစွာ ထားရှိဖို့ သင့်အတွက် လိုအပ်မှု တစ်ခုတလေ ရှိသလော။ သင်သည် သင်၏ မကျေနပ်မှုများနှင့်ပတ်သက်၍ ဤဝေ့ဝိုက်သောပုံစံဖြင့် ဆက်လက် စောဒကတက်ဖို့ သင့်အတွက် လိုအပ်မှုတစ်ခုတလေရှိသလော။ သင့်တွင် ဖောက်ပြန်ပျက်စီးသော စိတသဘောထားမရှိသကဲ့သို့ အမှားပြုလုပ်နိုင်စွမ်း မရှိသည်မှာ အမှန်တကယ်များ ဖြစ်နိုင်မည်လော။ တရားဒေသနာများစွာ ကြားပြီးနောက်တွင် သင် အမှန်တကယ် မည်သည့်အရာမျိုးဖြစ်သည်ကို မသိသေးသလော။ အနည်းငယ် ပြုပြင်ခံရပြီးနောက်တွင် မတရားဆက်ဆံခံရသည်ဟု သင် ခံစားသည်။ သင်သည် မည်သည့် မကောင်းမှုကိုမျှ မလုပ်ဆောင်လျှင် မည်သူသည် သင့်ကို ပြုပြင်ရန် လိုလားနေမည်နည်း သို့မဟုတ် ပြုပြင်ချင်မည်နည်း။ ထို့အပြင် သင်သည် တာဝန်ရှိသည့် ခေါင်းဆောင်တစ်ဦး မဖြစ်ခဲ့လျှင် မည်သူက သင့်ကို ပြုပြင်ရန် လိုလားနေမည်နည်း။ ဘုရားသခင်သည် လူတို့အား အသင်းတော် အသက်တာကို အသက်ရှင်ခွင့်ပေးလျက် လွတ်လပ်စွာ ရွေးချယ်ပိုင်ခွင့်ပေးပြီး လူတို့ လိုက်လျှောက်သည့် လမ်းကြောင်းနှင့် ၎င်းတို့ လိုက်စားသည့်အရာအတွက်မူ ယင်းမှာ ၎င်းတို့ကိုယ်ပိုင် အရေးကိစ္စ ဖြစ်သည်။ မည်သူကမျှ ဤအရာတွင် ဝင်ရောက်စွက်ဖက်မည်မဟုတ်။ သို့သော် ယခု ဘုရားအိမ်တော်တွင် ရှိသည့် ခေါင်းဆောင်တစ်ဦး၊ ကြီးကြပ်ရေးမှူးတစ်ဦးအနေဖြင့် သင်သည် အမှားတစ်ခု ပြုမိလျှင် ဘုရားအိမ်တော်ကို ဤအရာက ဖြစ်စေသည့် ဆုံးရှုံးမှုများသည် သေးငယ်သည့် ပြဿနာတစ်ခု ဖြစ်လိမ့်မည် မဟုတ်သကဲ့သို့ သင်သည် တစ်စုံတစ်ရာကို အမှားပြောမိလျှင် ဘုရားသခင်၏ ရွေးချယ်ထားသော လူတို့အပေါ်ရှိသည့် သက်ရောက်မှုကလည်း သေးငယ်သည့် ပြဿနာတစ်ခု ဖြစ်လိမ့်မည်မဟုတ်ပေ။ အဘယ်ကြောင့်ဆိုသော် သင် ယူထားသည့်တာဝန်သည် သာမန်လူတစ်ဦး၏ တာဝန်နှင့် ကွာခြားသောကြောင့် ဖြစ်သည်။ ထို့ကြောင့် အထက်က သင့်ကို ပြုပြင်ခြင်းသည် လုံးဝ ပုံမှန်ဖြစ်၏။ သင်သည် ဤအဆင့်အတန်း မရှိခဲ့လျှင် သို့မဟုတ် ဤတာဝန်ကို မယူခဲ့လျှင် အထက်က ထိုသို့ လုပ်ဆောင်မည်လော။ သာမန် ယုံကြည်သူမည်မျှသည် အထက်၏ ပြုပြင်ခြင်းခံရပြီနည်း။ သင်သည် ကြီးမားသည့် တာဝန်ကို ထမ်းဆောင်ပြီး သင်၏ အလုပ်နယ်ပယ်ကလည်း အလွန်ကြီးမားသောကြောင့် သင် အမှားတစ်ခု ပြုမိသည့်အခါတိုင်းတွင် သက်ရောက်မှုက အလွန်ကြီးမားသည်။ ထို့ကြောင့် သင်သည် ပြုပြင်ခံရဖို့ သေချာပေသည်။ ဤသည်မှာ အလွန်ပင် ပုံမှန်ဖြစ်ပေသည်။ ပြုပြင်ခံရခြင်းကိုပင် သင် လက်မခံနိုင်လျှင် သင်သည် ခေါင်းဆောင်ဖြစ်ဖို့ အရည်အချင်းပြည့်မီသလော။ သင်သည် ထိုအတွက် အရည်အချင်း မပြည့်မီပေ။ သင်သည် ညီအစ်ကို မောင်နှမများ၏ ရွေးကောက်ခြင်းခံရဖို့ အရည်အချင်းမပြည့်မီပေ။ သင်သည် ထိုအရာနှင့် မထိုက်တန်ပေ။ အမှားတစ်ခုကို သင် ပြုမိသည့်အခါ သင်သည် ထိုအတွက် တာဝန်ယူဖို့၊ ထိုအရာကို အသိအမှတ်ပြုဖို့ သတ္တိပင် မရှိပေ။ သင့်တွင် ထိုသို့သော ဆင်ခြင်တုံတရားပင် မရှိသောကြောင့် အဘယ်သို့ဖြစ်ပြီး ခေါင်းဆောင်တစ်ဦး ဖြစ်နိုင်ရသနည်း။ သင်သည် အရည်အချင်း မပြည့်မီသကဲ့သို့ ထိုက်တန်ခြင်းမရှိပေ။

အန္တိခရစ်များက အမှားတစ်ခု ကျူးလွန်မိပြီးဖြစ်သည်ကို အသိအမှတ်မပြုနိုင်ကြသည်မှာ အန္တိခရစ်များ၏ အနှစ်သာရကို ၎င်းတို့ ပိုင်ဆိုင်ကြသောကြောင့် အတိအကျ ဖြစ်ပေသည်။ ထို့ကြောင့် ၎င်းတို့ ပြုပြင်ခံရသည့်အခါ ၎င်းတို့သည် တာဝန်ယူရန် သို့မဟုတ် သမ္မာတရား စည်းမျဉ်းများကို ရှာဖွေရန် မလိုမလားဖြစ်နေကြသည်။ ဤအရာများကို လုပ်ဆောင်ဖို့ ၎င်းတို့ မလိုမလားဖြစ်ပြီး မိမိတို့၏ အမှားကို အသိအမှတ်ပြုဖို့ ငြင်းဆိုခြင်းကို ထောက်သော် ၎င်းတို့သည် သမ္မာတရားကို လက်တွေ့လုပ်ဆောင်နိုင်ကြသလော။ ဘုရားအိမ်တော်၏ အလုပ်အစီအစဉ်များကို ၎င်းတို့ ဆောင်ရွက်နိုင်ကြသလော။ လုံးဝ မဆောင်ရွက်နိုင်ကြပေ။ ထို့ကြောင့် အန္တိခရစ်တစ်ဦးက ခေါင်းဆောင်တစ်ဦး ဖြစ်သည့်အခါ မိမိတို့ကိုယ်ပိုင် စီမံကိန်းတွင် ပါဝင်ပတ်သက်ခြင်းမှလွဲ၍ ၎င်းတို့သည် ဘုရားအိမ်တော်၏ အလုပ်ကို အကျိုးပြုမည့် မည်သည့်အရာကိုမျှ တကယ့်ကို မလုပ်နိုင်ကြသည့်အပြင် အမှုအရာများကို သမ္မာတရား စည်းမျဉ်းများအတိုင်း မည်သည့်အခါမျှ လုပ်ဆောင်ကြလိမ့်မည် မဟုတ်သကဲ့သို့ ဘုရားအိမ်တော်၏ အလုပ်အစီအစဉ်များနှင့်အညီ အလုပ်ကို တစ်ကြိမ်တစ်ခါမျှလည်း ဆောင်ရွက်ကြလိမ့်မည် မဟုတ်ပေ။ အန္တိခရစ်တစ်ဦးက သေးငယ်သည့် အမှားတစ်ခုအတွက် ပြုပြင်ခံရသည်ဖြစ်စေ၊ အသင်းတော်အလုပ်ကို ကြီးမားသည့် ဆုံးရှုံးမှုများဖြစ်စေသည့် အကြီးစား ဆိုးဝါးသော အမှားတစ်ခုအတွက် ပြုပြင်ခံရသည်ဖြစ်စေ ၎င်းတို့သည် မိမိတို့အမှားကို အသိအမှတ်ပြုနိုင်စွမ်း မရှိကြသကဲ့သို့ ဤကိစ္စရပ်တွင် ပြစ်မှားမှုတစ်ခုကို ၎င်းတို့ ကျူးလွန်မိပြီးဖြစ်ကာ ဘုရားသခင်ကို အကြွေးတင်ရှိသည်ကို အသိအမှတ်မပြုနိုင်ကြပေ။ ဆန့်ကျင်ဘက်အနေဖြင့် မည်သည့်အချိန်တွင်ဖြစ်စေ ၎င်းတို့သည် ဤအရာက ဖြစ်စေခဲ့သည့် ဆုံးရှုံးမှုများနှင့် ပတ်သက်သက်မှုတစ်ခုတလေ ရှိခဲ့သည်ဟု ဝန်ခံဖို့ထက် သေသာသေလိုက်မည်ဖြစ်ပြီး ၎င်းတို့က အဓိက တာဝန်ရှိကြကြောင်း၊ ၎င်းတို့၏ လုပ်ရပ်များက မှားယွင်းခဲ့ကြောင်း၊ မှားယွင်းသည့် လမ်းကြောင်းကို ၎င်းတို့ ရွေးချယ်ခဲ့ကြောင်းကို အသိအမှတ်ပြုကြလိမ့်မည်မဟုတ်၊ သို့မဟုတ် ဤကိစ္စရပ်တွင် ၎င်းတို့အနေဖြင့် ခေါင်းရှောင်၍မရနိုင်သည့် တာဝန်ရှိကြောင်းကို ဝန်ခံဖို့ မဆိုထားနှင့်၊ အမှန်တရားကို ကောင်းစွာ သိရှိလင့်ကစား မကောင်းမှုကို တမင်သက်သက် ကျူးလွန်သည့် ၎င်းတို့၏အမှားကိုပင် ဝန်ခံကြလိမ့်မည် မဟုတ်ပေ။ ၎င်းတို့အနေဖြင့် ပြုမူဆောင်ရွက်သည့်အခါ မမှန်ကန်သည့် ရည်ရွယ်ချက်များ ရှိခဲ့ကြောင်း၊ မည်သူနှင့်မျှ ၎င်းတို့ ပူးပေါင်းဆောင်ရွက်နိုင်ခြင်း မရှိခဲ့ကြောင်း၊ ထင်ရာမြင်ရာနှင့် တစ်ဇွတ်ထိုး ပြုမူခဲ့ကြကြောင်း၊ အဆင့်အတန်း၏ အကျိုးကျေးဇူးများကို ၎င်းတို့ အရသာတွေ့ခဲ့ကြကြောင်း၊ မိမိတို့တာဝန်တွင် ပေါ့ဆခဲ့ပြီး ဘုရားအိမ်တော်၏ အလုပ်အတွက် ဆုံးရှုံးမှုများဖြစ်စေခဲ့ကြောင်းတို့ကို ဝန်ခံကြလိမ့်မည် မဟုတ်ပေ။ ထိုအစား ၎င်းတို့ အမှားတစ်ခု ပြုပြီးနောက်တွင် ၎င်းတို့ မည်မျှ ဆင်းရဲဒုက္ခ ခံစားရပြီးဖြစ်ကြောင်း၊ ထောင်ထဲသို့ ရောက်သွားခဲ့ရသော်လည်း ယုဒတစ်ဦး လုံးဝ မဖြစ်လာခဲ့ကြောင်း၊ အဖိုးအခမည်မျှ ၎င်းတို့ပေးခဲ့ပြီး ဘုရားအိမ်တော်၏ အလုပ်အတွက် မည်သည့် ကြီးမားသော ပံ့ပိုးမှုများ ၎င်းတို့ ပြုလုပ်ခဲ့ကြကြောင်းတို့ကို တစ်ချိန်လုံး ရှင်းပြကြလိမ့်မည်။ ၎င်းတို့သည် ဤအရာများကို နေရာတကာ ဖြန့်ဝေကာ ကြေညာကြလိမ့်မည်။ ၎င်းတို့၏ ပံ့ပိုးမှုများနှင့် ၎င်းတို့ပေးခဲ့သည့် အဖိုးအခကို လူသိရှင်ကြား သတင်းလွှင့်ခြင်းအပြင် ဘုရားအိမ်တော်က ၎င်းတို့ကို ပြုပြင်ရာတွင်လည်းကောင်း၊ ၎င်းတို့ကို ဆက်ဆံသည့် နည်းလမ်းတွင်လည်းကောင်း မှားယွင်းကာ မမျှတကြောင်းကိုလည်း ဖြန့်ဝေကြလိမ့်မည်ဖြစ်သည်။ နောင်တရသည့် သဘောထား ကင်းမဲ့ခြင်းအပြင်၊ ဘုရားသခင်အပေါ်တွင်လည်းကောင်း၊ ၎င်းတို့ကို ဘုရားအိမ်တော် ကိုင်တွယ်ဖြေရှင်းပုံအပေါ်တွင်လည်းကောင်း ၎င်းတို့က နေရာအနှံ့တွင် ဝေဖန်ကြလိမ့်မည်။ ၎င်းတို့ ပြောသည့်အရာကို ပိုများသည့်လူတို့က ယုံကြည်လျှင်၊ ၎င်းတို့ကို ပိုများသည့်လူတို့က ခုခံကာကွယ်ရန် ကြိုးစားလျှင်၊ ဘုရားအိမ်တော်အတွက် ၎င်းတို့ ပေးပြီးသည့် အဖိုးအခကို အသိအမှတ်ပြုပြီး လက်ခံကာ ဘုရားအိမ်တော်က အန္တိခရစ်ကို ဆက်ဆံရာတွင် မျှတမှုမရှိသကဲ့သို့ မတရားဆက်ဆံခဲ့သည်ဟု ယုံကြည်ကြလျှင် အန္တိခရစ်က ၎င်း၏ ရည်မှန်းချက်ကို ဖြစ်မြောက်အောင်မြင်ပြီး ဖြစ်လိမ့်မည်။ ၎င်းတို့သည် ဤအရာများကို လုပ်ဆောင်ရာတွင် မိမိတို့ကိုယ်ကို ချုပ်တည်းရန်မဆိုထားနှင့် မည်သည့်အခါတွင်မျှ ယိမ်းယိုင်ကြလိမ့်မည် မဟုတ်ပေ။ ၎င်းတို့သည် နောင်တရန် ရည်ရွယ်ချက်တစ်ခုတလေ ရှိဖို့မဆိုထားနှင့်၊ ဘုရားသခင်ကို ကြောက်ရွံ့သည့် စိတ်နှလုံးပင် မရှိကြပေ။ တစ်စုံတစ်ရာကို ၎င်းတို့ အမှားလုပ်မိပြီးနောက်တွင် ထိုအမှားကို အသိအမှတ်ပြုရန် ငြင်းဆိုကြသည်သာမက ဆန့်ကျင်ဘက်အနေဖြင့် တာဝန်ကို ခေါင်းရှောင်ရန် ကြိုးစားကြပြီး တစ်ချိန်တည်းတွင် မိမိတို့၏ အနာဂတ် ခရီးပန်းတိုင်အကြောင်းကို ပိုမို ပူပန်ကြလေသည်။ ၎င်းတို့၏ ခရီးပန်းတိုင်က ခြိမ်းခြောက်ခြင်း ခံရနေသည်ကို အန္တိခရစ်တစ်ဦးက မြင်သည့်အခါ သို့မဟုတ် ဘုရားအိမ်တော်က ၎င်းတို့ကဲ့သို့သော လူများအား ပျိုးထောင်တော့မည် မဟုတ်သည်ကို ကြားသည့်အခါ ၎င်းတို့ကို ပြုပြင်ကာ ဖော်ထုတ်ခဲ့သည့် လူများနှင့် ၎င်းတို့ကို သိက္ခာကျစေခဲ့သည့်လူများအပေါ် ၎င်းတို့၏ စိတ်နှလုံးနက်ရှိုင်းရာ၌ သာ၍ပင် အမုန်းတရား ခံစားကြလိမ့်မည်။ ၎င်းတို့ ပြုပြင်ခံရသည့် ဖြစ်စဉ်တစ်လျှောက်လုံးတွင် အန္တိခရစ်တစ်ဦးသည် လုံးဝ နောင်တရလိမ့်မည် မဟုတ်။ ၎င်းတို့၏ အဆင့်အတန်းနှင့် ခရီးပန်းတိုင်တို့က လုံခြုံစိတ်ချရမည်မဟုတ်ကြောင်း၊ ၎င်းတို့၏ လိုအင်ဆန္ဒများနှင့် ရည်မှန်းချက်တို့ လုံးဝ ပြီးမြောက်လိမ့်မည် မဟုတ်ကြောင်း ၎င်းတို့ အမှန်တကယ် သိရှိသွားလျှင် ရန်စောင်လာကြလိမ့်မည်ဖြစ်ပြီး ၎င်းတို့၏ အယူအဆများနှင့် အပျက်သဘောတို့ကို တိတ်တဆိတ် စတင်ဖြန့်ဝေကြလိမ့်မည်။ ၎င်းတို့ကို ပြုပြင်ခဲ့သည့် ညီအစ်ကို မောင်နှမများ သို့မဟုတ် အထက်အဆင့် ခေါင်းဆောင်များကို ၎င်းတို့ ဝေဖန်ကြလိမ့်မည်ဖြစ်ပြီး ၎င်းတို့ကို ပြုပြင်စရာ အကြောင်းရင်းမရှိကြောင်း၊ ၎င်းတို့ကို သိက္ခာဆယ်ခွင့် လုံးဝ မပေးခဲ့ကြောင်းကို ဆိုလျက် သန့်ရှင်းသော ဝိညာဉ်တော် အသုံးပြုသည့်လူကိုလည်း ဝေဖန်ပြီး တိုက်ခိုက်ကြလိမ့်မည်။ ၎င်းတို့သည် တကယ်ကို ဆင်ခြင်တုံတရား မရှိကြပေ။ ဤလူစားမျိုးသည် တရားဒေသနာ မည်မျှကြားရသည်ဖြစ်စေ သမ္မာတရားကို နားမလည်နိုင် သို့မဟုတ် ဘုရားသခင်ကို ကြောက်ရွံ့သည့် စိတ်နှလုံးအနည်းငယ်မျှ မရှိပေ။ ၎င်းတို့သည် ဘုရားသခင်ကို နှစ်ပေါင်းများစွာကြာ ယုံကြည်သည်ဖြစ်စေ ၎င်းတို့ ပိုင်ဆိုင်သင့်သည့် အသိစိတ် သို့မဟုတ် ဆင်ခြင်တုံတရားကိုပင် မပိုင်ဆိုင်နိုင်ကြပေ။ ၎င်းတို့သည် အမှန်တကယ် သနားစရာကောင်းလောက်အောင် အသုံးမကျသည့်အပြင် စက်ဆုပ်ဖွယ်ဖြစ်သည်။ အန္တိခရစ်တစ်ဦးသည် မကောင်းသည့် လုပ်ဆောင်ချက်များကို မဆင်မခြင် ကျူးလွန်ခြင်းအတွက် ပြင်းထန်စွာ ပြုပြင်ခံရသည်နှင့်တစ်ပြိုင်နက် ၎င်းအနေဖြင့် အမှားတစ်ခုတလေ လုပ်ဆောင်ခဲ့ကြောင်းကို လုံးဝ ဝန်မခံသကဲ့သို့ ၎င်းတို့အပေါ် မမျှတခြင်းအတွက် ဘုရားအိမ်တော်ကို ၎င်းတို့ စောဒကတက်ပြီး ဝေဖန်စဉ်တွင် တရားမျှတမှုမရှိဟူသည့် စိတ်ခံစားချက်နှင့်လည်း ပြည့်နေကြသည်။ ပြီးလျှင် နောက်ဆုံးတွင် ၎င်းတို့သည် ဘုရားအိမ်တော်ကို ရန်စောင်ကာ ကန့်ကွက်ပြောဆိုလျက် မိမိတို့၏ အယူအဆများကို ပွင့်ပွင့်လင်းလင်း စတင်ဖြန့်ဝေကြပြီး အဆုံးတွင် ၎င်းတို့ နှင်ထုတ်ခံရကြသည်။ ဤအဆင့်များထဲမှ တစ်ခုတလေတွင်ရှိသည့် အန္တိခရစ်၏ အပြုအမူအတွင်း၌ ပုံမှန်လူ့သဘာဝ အနည်းငယ်မျှ ရှိသလော။ အသိစိတ်နှင့် ဆင်ခြင်တုံတရားကကော အဘယ်သို့နည်း။ သမ္မာတရားနှင့် အပြုသဘောဆောင်သည့်အရာများကို ချစ်ခြင်းနှင့်ဆိုင်သည့် သရုပ်သကန်တစ်ခုလေ လုံးဝ ရှိသလော။ ဘုရားသခင်ကို ကြောက်ရွံ့သည့် စိတ်နှလုံး အနည်းငယ်မျှ ရှိသလော။ မရှိပေ၊ ဤအရာများတစ်ခုမျှ မပါရှိပေ။ အန္တိခရစ်တစ်ဦးသည် အစွန်းရောက်အောင် စက်ဆုပ်ဖွယ်ဖြစ်သည်၊ အရှက်တရားမဲ့ပြီး အလွန်အမင်း ကြောင်းကျိုးမသင့်ဖြစ်ပေသည်။ အဆင့်အတန်း၏ အကျိုးကျေးဇူးများကို ၎င်းတို့ မွေ့လျော်ခံစားနိုင်ခြင်း မရှိတော့သည့်အခါ ၎င်းတို့သည် မိမိတို့ကိုယ်ကို မျှော်လင့်ချက်မဲ့သောသူအဖြစ် သဘောထားလိုက်ကြပြီး မဆင်မခြင် စတင်ပြုမူကြသည်။ ၎င်းတို့သည် မိမိတို့အလုပ်တွင် မည်မျှမကျွမ်းကျင်သည်ဖြစ်စေ၊ အလုပ်စွမ်းဆောင်ရည်တွင် ၎င်းတို့ မည်မျှချို့တဲ့နေကြသည်ဖြစ်စေ အဆင့်အတန်း၏ အကျိုးကျေးဇူးများနှင့် အခြားသူတို့၏ လေးစားမှုကို မွေ့လျော်ခံစားချင်ကြဆဲဖြစ်သည်။ အဆင့်အတန်းနှင့် ဂုဏ်သတင်းတို့ကို မိမိတို့ဘဝထက် ပိုမိုအရေးကြီးသောအရာအဖြစ် ၎င်းတို့က မြင်ကြပြီး မည်မျှကြီးမားသည့် အမှားကို ၎င်းတို့ ပြုမိသည်ဖြစ်စေ၊ မည်သည့် အပြစ်ရှိသည့်စိတ်ကိုမျှ လုံးဝ မခံစားကြပေ။ ၎င်းတို့သည် လူသားပင် ဖြစ်ကြသလော။ ၎င်းတို့သည် သိုးရေခြုံထားသည့် ဝံပုလွေတစ်ကောင် ဖြစ်သည်။ အပြင်ပန်းအားဖြင့် လူအရေခြုံပြီး လူတစ်ဦးနှင့် တူကြသော်လည်း အတွင်းတွင် ၎င်းတို့က လူသားမဟုတ်ကြပေ။ ၎င်းတို့က အမှန်တကယ် စက်ဆုပ်ဖွယ်ဖြစ်ကြသည်။ အော်ဂလီဆန်စရာဖြစ်ပြီး ရွံစရာကောင်းကြပေသည်။

ခ။ ၎င်းတို့၌ ဖောက်ပြန်ပျက်စီးသော စိတ်သဘောထားရှိသည်ကို ဝန်ခံရန် ငြင်းဆိုခြင်း

အန္တိခရစ်တစ်ဦးက ပြုပြင်ခံရသည့်အခါ နောင်တမရရုံတင်မက အယူအဆများကိုလည်း ဖြန့်ကာ ပွင့်ပွင့်လင်းလင်း ဝေဖန်လေသည်။ ဤအတွက် ပထမဆုံးသော အဓိက အကြောင်းရင်းမှာ ၎င်းတို့သည် အမှားလုပ်မိပြီးဖြစ်သည်ကို အသိအမှတ်ပြုရန် ငြင်းဆန်ကြခြင်းဖြစ်သည်။ ဒုတိယအကြောင်းရင်းမှာ အဘယ်နည်း။ အန္တိခရစ်တစ်ဦးက ၎င်းတွင် ဖောက်ပြန်ပျက်စီးသော စိတ်သဘောထားရှိကြောင်းကို အသိအမှတ်မပြုခြင်း ဖြစ်သည်။ ဤသည်မှာ တစ်စုံတစ်ရာ အမှားလုပ်မိသည်ကို အသိအမှတ်ပြုရန် ငြင်းဆန်ခြင်းထက် သာ၍ ဆိုးရွားပြီး သာ၍ ခိုင်လုံသည် မဟုတ်လော။ ဘုရားသခင်၏ အမှုတော်ကို လက်ခံသူ၊ ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်းတို့ကို လက်ခံသူ မည်သူမဆို ပိုင်ဆိုင်သင့်သည့် အနိမ့်ဆုံး အသိပညာမှာ လူသားများက ဖောက်ပြန်ပျက်စီးကြကြောင်း၊ ၎င်းတို့သည် စာတန်၏ ဖောက်ပြန်ပျက်စီးစေခြင်းခံကြရကြောင်း၊ ၎င်းတို့တွင် ဆင်ခြင်တုံတရားနှင့် လူ့သဘာဝ ကင်းမဲ့ကြောင်း၊ သမ္မာတရား မပိုင်ဆိုင် သို့မဟုတ် ဘုရားသခင်ကို မသိကြကြောင်းနှင့် ဘုရားသခင်ကို အတိုက်အခံလုပ်သည့်သူများ ဖြစ်ကြောင်းတို့ကို ပထမဆုံး အသိအမှတ်ပြုရန် ဖြစ်သည်။ အန္တိခရစ်များကသာ ၎င်းတို့ ကိုယ်တိုင်က နတ်ဆိုးများနှင့် စာတန်များဖြစ်ကြောင်းကို တစ်ကြိမ်တစ်ခါမျှ ဝန်ခံဖို့မဆိုထားနှင့်၊ ၎င်းတို့အနေဖြင့် အလွန်အမင်း ဖောက်ပြန်ပျက်စီးပြီးဖြစ်ကာ ဖောက်ပြန်ပျက်စီးသော လူသားများသည် စာတန်နှင့် အားလုံး သက်ဆိုင်ကြောင်းကို လုံးဝ ဝန်ခံကြမည် မဟုတ်ပေ။ အထူးသဖြင့် လူအများစုက မိမိတို့ကိုယ်ကို ပြန်လည်သုံးသပ်နိုင်၊ သိရှိနိုင်ပြီး ပြုပြင်ခြင်းကို လက်ခံနိုင်သည့်အချိန်တွင် အန္တိခရစ်များက ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိသည်ကိုပင် ဝန်မခံနိုင်ကြပေ။ ဤသည်မှာ ဆိုးရွားသော ပြဿနာတစ်ခု ဖြစ်သည်။ အဘယ်ကြောင့် ဆိုးရွားသည်ဟု ငါ ပြောသနည်း။ အန္တိခရစ်များက သမ္မာတရားကို အသိအမှတ်ပြုနိုင်စွမ်း မရှိသကဲ့သို့ ဘုရားနှုတ်ကပတ်တော်များက သမ္မာတရားဖြစ်သည်ကို လက်မခံကြသည့်အတွက် ဘုရားနှုတ်ကပတ်တော်များတွင် ပြောထားသည့် မည်သည့်အရာကိုမဆို မိမိတို့၏ စိတ်နှလုံးအတွင်းထဲမှ လက်ခံရန် ငြင်းဆန်ကြသည်။ လူအချို့က “ယင်းကို သူတို့ လက်ခံရန် ငြင်းဆန်သည်ဟု ကိုယ်တော် အဘယ်သို့ ပြောနိုင်သနည်း။ သူတို့က နတ်ဆိုးများနှင့် စာတန်များဖြစ်ကြောင်း၊ ဘုရားသခင်၏ ရန်သူများဖြစ်ကြောင်း ဝန်ခံခဲ့ကြသည်”ဟု ပြောကြသည်။ ယင်းကို ဝန်ခံခြင်းအဖြစ် အဘယ်သို့ ယူဆသနည်း။ ဘာသာတရား မရှိသူတစ်ဦးကပင်လျှင် ၎င်းက လူကောင်းတစ်ဦးမဟုတ်ကြောင်း ပြောကောင်းပြောနိုင်သော်လည်း ယင်းက ဖောက်ပြန်ပျက်စီးသော စိတ်သဘောထားတစ်ခုရှိခြင်းကို ဝန်ခံခြင်းအဖြစ် မှတ်ယူ၍ ရသလော။ မှတ်၍မရပေ။ ဖောက်ပြန်ပျက်စီးသော စိတ်သဘောထားတစ်ခုရှိကြောင်း စစ်မှန်သည့် ဝန်ခံခြင်းမှာ ပထမဆုံးအနေဖြင့် သင် မည်သည့်လူစားမျိုး ဖြစ်သည်ကို သိရှိခြင်း ဖြစ်သည်။ ထိုအရာက အမျိုးမျိုးသော အတိုင်းအတာထိ ဘုရားသခင် ဖော်ပြသည့် မတူကွဲပြားသော ဖောက်ပြန်ပျက်စီးသည့် စိတ်သဘောထားများနှင့် မိမိကိုယ်ကို ဆက်စပ်နိုင်စေခြင်းအပြင် မတူကွဲပြားသော အခြေအနေများတွင်ရှိနေစဉ် သင်ထုတ်ဖော်ပြသည့် မတူကွဲပြားသော ဖောက်ပြန်ပျက်စီးသည့် စိတ်သဘောထားများကို ဆက်လက်၍ အသိအမှတ်ပြုနိုင်ခြင်းကိုလည်း ဆိုလိုသည်။ ဤအရာများသည် တူညီသည့် ခိုင်လုံသော သရုပ်သကန်များဖြစ်သည် မဟုတ်လော။ (ဟုတ်ပါသည်။) သို့သော် အန္တိခရစ်တစ်ဦးသည် ဘုရားနှုတ်ကပတ်တော်များကို အသိအမှတ်မပြုဘဲ ထိုအစား စက်ဆုပ်ရွံရှာသောကြောင့် ဤအရာများကို မပိုင်ဆိုင်ကြပေ။ ထို့ကြောင့် ၎င်းတို့သည် လူသားမျိုးနွယ်၏ ဖောက်ပြန်ပျက်စီးသော စိတ်သဘောထားများကို ဖော်ထုတ်သည့် ဘုရားနှုတ်ကပတ်တော်များကို နားထောင်ရုံနားထောင်ပြီး ထိုမျှသာဖြစ်သည်။ ၎င်းတို့သည် မိမိတို့ကိုယ်ကို လုံးဝ ပြန်လည်သုံးသပ်ခြင်းမရှိ၊ မိမိတို့ကိုယ်ကို စိစစ်ခြင်းမရှိ သို့မဟုတ် ၎င်းတို့၏ စိတ်နှလုံးအတွင်းထဲတွင် မိမိတို့ကိုယ်တိုင်နှင့် ဤစကားများကို ယှဉ်ကြည့်ခြင်း မရှိကြပေ။ တစ်နည်းအားဖြင့် ၎င်းတို့သည် မိမိတို့၏ အမျိုးမျိုးသော သရုပ်သကန်များ၊ ကြံရွယ်ချက်များ၊ အတွေးများနှင့် ရှုထောင့်အမြင်များကို ဘုရားသခင်၏ ဤနှုတ်ကပတ်တော်များအတိုင်း စိစစ်ကာ နှိုင်းယှဉ်ကြည့်ခြင်း မရှိကြပေ။ ၎င်းတို့က ဤအရာများကို လုံးဝ လုပ်ဆောင်ခြင်းမရှိကြ။ ၎င်းတို့က ဤအရာများကို မလုပ်ဆောင်ခြင်းသည် မည်သည့်အရာကို ညွှန်ပြသနည်း။ ၎င်းတို့အတွက်မှာမူ ဘုရားသခင် ပြောဆိုထားသည့် ဤစကားများသည် အမှုအရာများကို သရုပ်ဖော်သည့် နည်းလမ်းတစ်ခု၊ မတူကွဲပြားသော ရှုထောင့်အမြင်တစ်ခုသက်သက် ဖြစ်သည်။ ယင်းတို့သည် လူ၏ စိတ်သဘောထားများ၊ ပင်ကိုစရိုက်၊ လက်တွေ့လုပ်ဆောင်မှုများနှင့် အနှစ်သာရတို့ကို ဖော်ပြခြင်းနှင့်ဆိုင်သည့် မတူကွဲပြားသော နည်းလမ်းတစ်ခု သက်သက် ဖြစ်သည်။ ယင်းတို့သည် လူ၏ စိတ်သဘောထားများကို သတ်မှတ်ခြင်းအတွက် စံသတ်မှတ်ချက် လုံးဝ မဟုတ်ပေ ဟူ၍ဖြစ်လေသည်။ ဤသည်မှာ အန္တိခရစ်များက ဘုရားနှုတ်ကပတ်တော်များကို သမ္မာတရားအဖြစ် အလေးမထားပုံကို ဖော်ပြရန် တိကျမှန်ကန်သည့် နည်းလမ်းတစ်ခု ဖြစ်သည်။ အန္တိခရစ်များသည် လူသားမျိုးနွယ်၏ အမျိုးမျိုးသော ဖောက်ပြန်ပျက်စီးသည့် စိတ်သဘောထားများကို ဘုရားသခင်၏ ဖော်ထုတ်ခြင်းအပေါ် မိမိတို့၏ စိတ်များတွင် ခန့်မှန်းခြေ သိနားလည်မှုတစ်ခုသာ ရှိကြသော်လည်း ထိုအရာကို မိမိတို့၏ စိတ်နှလုံးများထဲတွင် လုံးဝ လက်မခံကြပေ။ ထိုအရာကို ၎င်းတို့ လက်မခံကြသည့်အတွက် ၎င်းတို့အပေါ် တစ်စုံတစ်ရာ ကျရောက်သည့်အခါ မိမိတို့၏ စိတ်သဘာထားကို ချုပ်တည်းရန်၊ မိမိတို့၏ လက်တွေ့လုပ်ဆောင်မှုများကို ပြောင်းလဲပြီး မိမိတို့၏ မမှန်ကန်သည့် ရှုထောင့်အမြင်များကို ဖြေရှင်းရန် ဘုရားနှုတ်ကပတ်တော်များကို ၎င်းတို့ အသုံးပြုနိုင်ကြသလော။ လုံးဝ အသုံးမပြုနိုင်ကြပေ။ အန္တိခရစ်များက သမ္မာတရားကို လက်မခံကြပေ။ ယင်းက ၎င်းတို့အနေဖြင့် မိမိတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိသည်ကို ဝန်မခံကြဟု ဆိုလိုပေသည်။ ဥပမာအနေဖြင့် မာနထောင်လွှားခြင်းကို ကြည့်လော့။ ဤစိတ်သဘောထားကို ဖော်ထုတ်သည့် ဘုရားနှုတ်ကပတ်တော်များက လူတွင် ဤစိတ်သဘောထား ထင်ရှားကာ ပေါ်လွင်သည့် နည်းလမ်းအချို့အကြောင်းကို ပြောဆိုသည်။ သမ္မာတရားကို လိုက်စားပြီး ဘုရားနှုတ်ကပတ်တော်များက သမ္မာတရားဖြစ်ကြောင်း အသိအမှတ်ပြုသည့် လူတစ်ဦးသည် မိမိတို့၏ကိုယ်ပိုင် အပြုအမူကိုလည်းကောင်း၊ စိတ်သဘောထားကိုလည်းကောင်း ဤဘုရားနှုတ်ကပတ်တော်များနှင့် နှိုင်းယှဉ်ချိန်ဆလိမ့်မည်ဖြစ်သည်။ ၎င်းတို့သည် ဤအရာများကို အကြိမ်ကြိမ် နှိုင်းယှဉ်ချိန်ဆလိမ့်မည်ဖြစ်ပြီး ထို့နောက်တွင် “ကျွန်ုပ်၌ မာနထောင်လွှားသော စိတ်သဘောထားတစ်ခု ရှိပါသည်။ ဤအရာကို ကျွန်ုပ် လုပ်ဆောင်သည့်အချိန်တွင် ကျွန်ုပ် ထုတ်ဖော်ပြခဲ့သည့် စိတ်သဘောထားဖြစ်သည်။ ကျွန်ုပ်၏ ဤအတွေးများ၊ လုပ်ရပ်များနှင့် သဘောထားတို့သည် မာနထောင်လွှားကြပါသည်။ အခြားသူတို့ကို ကျွန်ုပ် ဆက်ဆံသည့်၊ ကျွန်ုပ်၏ အလုပ်ကို လုပ်ဆောင်ပြီး ကျွန်ုပ်၏ တာဝန်ကို ကိုင်တွယ်သည့် ဤနည်းလမ်းများက မာနထောင်လွှားသည်”ဟု ဝန်ခံကြလိမ့်မည်။ ယင်းမှာ ဘုရားနှုတ်ကပတ်တော်များက သမ္မာတရားဖြစ်သည်ကို အသိအမှတ်ပြုခြင်း ဖြစ်သည် မဟုတ်လော။ (ဟုတ်ပါသည်။) ၎င်းတို့သည် ဘုရားနှုတ်ကပတ်တော်များကို စံနှုန်းအဖြစ် ရှုမြင်ကြပြီး မိမိတို့ကိုယ်ပိုင် အပြုအမူကို နှိုင်းယှဉ်မှုများပြုလုပ်ဖို့ အသုံးပြုကြပြီး ဆက်စပ်မှုတစ်ခု ရှာတွေ့သည့်အခါ ၎င်းတို့က မိမိတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိကြောင်း၊ ဘုရားသခင် ပြောဆိုသမျှတိုင်းသည် မှန်ကန်ပြီး လုံးဝ မမှားကြောင်းတို့ကို အမှုမဲ့အမှတ်မဲ့ အသိအမှတ်ပြုမိကြသည်။ ယခုတွင်မူ လူတို့က မိမိတို့တွင် ဖောက်ပြန်ပျက်စီးသော စိတ်သဘောထားတစ်ခုရှိသည်ဟု အသိအမှတ်ပြုပြီးနောက် မိမိတို့၏ ဖောက်ပြန်ပျက်စီးသော စိတ်သဘောထားကို ဖြေရှင်းဖို့ ဘုရားနှုတ်ကပတ်တော်များကို အသုံးပြုနိုင်ကြခြင်း ရှိမရှိဟူသည်ကို မပြောကြစို့နှင့်။ ပထမဆုံးအနေဖြင့် လူတို့က မိမိတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိသည်ကို အသိအမှတ်ပြုခြင်း ရှိမရှိဟူသည့်အကြောင်းကိုသာ ပြောဆိုကြစို့။ အသိအမှတ်ပြုခြင်းနှင့် ပတ်သက်လာသည့်အခါ ဆင်ခြင်တုံတရား၊ အသိစိတ်နှင့် ပုံမှန်တွေးခေါ်မှုတို့ကို ပိုင်ဆိုင်သည့် လူအများစုသည် ဘုရားနှုတ်ကပတ်တော်မှ ဉာဏ်အလင်းပေးခြင်းနှင့် အလင်းပြမှုတို့ကို ရရှိနိုင်ပြီး ထို့နောက်တွင် ဘုရားနှုတ်ကပတ်တော်များကို လက်ခံကာ “အာမင်”ဟု အမှုမဲ့အမှတ်မဲ့ ပြောဆိုမိကြသည်၊ ဘုရားနှုတ်ကပတ်တော်များက သမ္မာတရားဖြစ်ကြောင်း ဝန်ခံမိကြပြီး ထိုသို့ဖြင့် ၎င်းတို့သည် ဖောက်ပြန်ပျက်စီးသော စိတ်သဘောထားတစ်ခုရှိသည့် ဖောက်ပြန်ပျက်စီးသော လူသားတစ်ဦးဖြစ်ကြောင်း အသိအမှတ်ပြုကာ ဘုရားသခင် ရှေ့မှောက်တွင် ဦးညွှတ်ကြသည်။ ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခုရှိကြောင်း ၎င်းတို့ အသိအမှတ်ပြုပြီးသည်နှင့်တစ်ပြိုင်နက် ၎င်းတို့သည် ဘုရားသခင်၊ သမ္မာတရားနှင့် အထူးသဖြင့် ပြုပြင်ခံရခြင်းအပေါ် မှန်ကန်သည့်၊ သင့်တော်သည့် သဘောထားတစ်ခု ရှိကြလိမ့်မည်။ ဆိုလိုသည်မှာ ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိကြောင်း အသိအမှတ်ပြုနေစဉ်တွင် ၎င်းတို့ ပြုပြင်ခံရသည့်အခါ ဤပြုပြင်ခြင်းကို စိတ်နှလုံးမှ အမှတ်တမဲ့နှင့် မသိစိတ်၏ စေ့ဆော်မှုအရ ကျိုးနွံနာခံနိုင်ကြလိမ့်မည်ဖြစ်ပြီး လက်ခံရန် လိုလားနေကြလိမ့်မည်။ ပြုပြင်ခြင်းမှတစ်ဆင့် ၎င်းတို့ကို ချုပ်ထိန်းကာ ဆုံးမပဲ့ပြင်ဖို့ အခြားသူများကို တောင့်တကြသည့် လူအချို့ပင် ရှိပြီး ၎င်းတို့သည် ပြုပြင်ခံရခြင်းအပေါ် အပြုသဘောဆောင်သည့် ခံစားချက်များ အလွန် အလွယ်တကူ ဖြစ်ပေါ်ကြသည်။ ၎င်းတို့သည် ထိုအရာအပေါ် အပြုသဘောဆောင်သည့်၊ တက်ကြွသည့် သဘောထားတစ်ခု ရှိကြသည်။ ဤသည်တို့မှာ ပုံမှန်လူများဖြစ်သည်။ တစ်ဦးတည်းသော မူမမှန်သည့်လူများမှာ အန္တိခရစ်များဖြစ်ကြသည်။ ထိုသို့သော လူများသည် ဘုရားနှုတ်ကပတ်တော်များကို လက်မခံကြ၊ ထိုနှုတ်ကပတ်တော်များကို အထင်သေးမှုဖြင့် မကြာခဏ ်ငေါ့ကြပြီး မိမိတို့၏ စိတ်နှလုံးများတွင် အတိုက်အခံဖြစ်ကြသည်၊ ဝေဖန်ကာ ရှုတ်ချကြလေသည်။ ထို့ကြောင့် ၎င်းတို့သည် လူ၏ ဖောက်ပြန်ပျက်စီးသော စိတ်သဘောထားများကို ဘုရားသခင်၏ ဖော်ထုတ်ခြင်းနှင့် သရုပ်ဖော်ခြင်းတို့အပေါ် တူညီသည့် သဘောထားရှိကြသည်။ ယင်းမှာ မည်သည့် သဘောထားဖြစ်သနည်း။ ဥပမာအနေဖြင့် ဘုရားသခင်က လူတို့တွင် ဖောက်ပြန်ပျက်စီးသော စိတ်သဘောထားတစ်ခုရှိကြောင်းကို ပြောဆိုပြီး ထိုဖောက်ပြန်ပျက်စီးသော စိတ်သဘောထား၏ တိကျသည့် သရုပ်သကန်များအကြောင်း ပြောဆိုဆွေးနွေးခြင်းကို ကြည့်လော့။ အန္တိခရစ်တစ်ဦးက ဤတိကျသည့် သရုပ်သကန်များအကြောင်းကို ကြားသည့်အခါ ဤအရာကို လက်ခံရန် ၎င်းတို့ ငြင်းဆန်ရုံမျှသာ မဟုတ်ဘဲ ထိုအစား ၎င်းတို့သည် ဘုရားသခင် ပြောဆိုသည့် ဤတိကျသော သရုပ်သကန်များအား တိုး၍ အထင်သေးကြသည်။ ၎င်းတို့သည် အဘယ်ကြောင့် ထိုသို့ လုပ်ဆောင်ကြမည်နည်း။ အဘယ်ကြောင့်ဆိုသော် ၎င်းတို့သည် သမ္မာတရားနှင့် အပြုသဘောဆောင်သော အရာများအပေါ် စာတန်၏ သဘောထားဖြစ်သည့် စာတန်၏ ဆင်ခြင်တွေးခေါ်မှုစနစ်နောက်ကို လိုက်ကြသောကြောင့်ဖြစ်သည်။ ၎င်းတို့က “သင်သည် ဤအရာကို မာနထောင်လွှားမှုဟု ခေါ်သော်လည်း တတ်စွမ်းနိုင်သူများထဲတွင် မည်သူသည် မဝင့်ကြွားဘဲနေသနည်း။ ခေါင်းဆောင်မှု ပါရမီရှိသည့်လူများထဲတွင် မည်သူသည် ခံ့ညားထည်ဝါသော နည်းလမ်းတစ်ခုဖြင့် စကားမပြောဘဲနေသနည်း။ အဆင့်အတန်း ရှိသည့်လူတို့ထဲတွင် မည်သူသည် အနည်းငယ် မဝင့်ကြွားဘဲနေသနည်း။ ဤအရာများထဲမှတစ်ခုမျှသည် အရေးမကြီးပေ။ ဤအရာများအားလုံးသည် ဘာသာတရားမရှိသည့် လောကတွင် လုံးဝ ပုံမှန်ဖြစ်သော်လည်း ဤနေရာတွင် သင်တို့အားလုံးက တစ်ဆိတ်ကိုတစ်အိတ် လုပ်နေကြသည်။ ထို့အပြင် အခြားသူတို့နှင့် ဆွေးနွေးခြင်းမရှိဘဲ တစ်စုံတစ်ခုကို လုပ်ဆောင်ခြင်းသည် မာနထောင်လွှားမှုအဖြစ် အမှန်တကယ် မှတ်ယူ၍ရသလော။ ယင်းမှာ အမှန်တကယ်ပင် ထင်ရာစိုင်းခြင်း ဖြစ်သလော။ တတ်စွမ်းနိုင်သည့်လူများက ထိန်းချုပ်သင့်ပြီး အာဏာကို လက်ဝါးကြီးအုပ်နိုင်ခြင်းကို အရည်အချင်းရှိခြင်းဟု ခေါ်သည်။ သာမန်လူများဖြစ်သည့် သင်တို့နှင့် အမှုအရာများကို ဆွေးနွေးခြင်းတွင် အဘယ်အသုံးဝင်မှု ရှိသနည်း။ သင်တို့ အဘယ်အရာကို သိရှိကြသနည်း။ ထို့ကြောင့် ကျွန်ုပ်သည် မာနထောင်လွှားနေခြင်း မဟုတ်ပါ။ အရည်အချင်းရှိကာ တတ်စွမ်းနိုင်ခြင်းသာ ဖြစ်သည်။ ထိုအရာကို ခေါင်းဆောင်မှု အရည်အသွေးရှိခြင်းဟု ခေါ်ပြီး ယင်းမှာ မွေးရာပါ ပါရမီတစ်ခု ဖြစ်သည်။ ကျွန်ုပ်တွင် ထိုသို့သော ကြီးမြတ်သည့် ပင်ကိုစွမ်းရည်ရှိသည်။ မည်သည့်အရာကိုမဆို ကျွန်ုပ် လုပ်ဆောင်နိုင်သည်။ အခြေအနေများက မည်သည့်အရာဖြစ်စေ၊ သို့မဟုတ် မည်သည့် အဖွဲ့တွင် ကျွန်ုပ် ရှိသည်ဖြစ်စေ ကြီးကြပ်နိုင်သည်။ ဤသည်မှာ ပါရမီရှိသော လူတစ်ဦးဖြစ်ခြင်း ဖြစ်သည်။ ပါရမီရှိသည့် လူများသည် နင်းချေခြင်းမခံရသင့်သကဲ့သို့ ဖော်ထုတ်ခြင်းခံရသင့်ပေ။ ထိုအစား မည်သည့်အဖွဲ့တွင် သူတို့ရှိသည်ဖြစ်စေ၊ သူတို့ ချီးကျူးခံရသင့်သည်၊ ချီးမြှောက်ခံရသင့်ပြီး အရေးပါသည့် အခန်းကဏ္ဍများကို အပေးခံရသင့်သည်။ သူတို့သည် ခေါင်းဆောင်မှု အရည်အသွေးများရှိသည့် တတ်စွမ်းနိုင်သော၊ ပါရမီရှိသောလူများ ဖြစ်သဖြင့် ခေါင်းဆောင်တစ်ဦး၊ အကြီးအကဲတစ်ဦး၏ ပြောဆိုပြုမူပုံ ရှိသင့်သည်။ ၎င်းတို့က ဤအရာများကို ဖုံးကွယ်နေလျှင် ယင်းမှာ ဟန်ဆောင်ဗန်းပြနေခြင်း မဟုတ်လော”ဟု ပြောကြသည်။ ၎င်းတို့သည် မာနထောင်လွှားသော စိတ်သဘောထားအပေါ် ဘုရားသခင်၏ ဖော်ထုတ်မှုကို ဝေဖန်ကာ ရှုတ်ချဖို့အတွက် ဤမူမမှန်သည့် အကြောင်းပြချက်နှင့် ဤအယူလွဲများကို အသုံးပြုကြသည်။ ထို့ကြောင့် မည်သည့်အရာကို သင် ပြောသည်ဖြစ်စေ၊ ဘုရားသခင် ဖော်ပြကာ သတ်မှတ်သည့် ဖောက်ပြန်ပျက်စီးသော စိတ်သဘောထား၏ အမျိုးမျိုးသော သရုပ်သကန်များကို ၎င်းတို့ လုံးဝ အသိအမှတ်ပြုကြလိမ့်မည် မဟုတ်ပေ။ ၎င်းတို့က “ဘုရားပြောသည့် အရာသည် အမှုအရာများကို သရုပ်ဖော်ခြင်းနှင့်ဆိုင်သည့် နည်းလမ်းတစ်ခုသာ ဖြစ်သည်။ ထိုအရာသည် အတော်အတန် အပြုသဘောဆောင်သည်၊ သမားရိုးကျဖြစ်ကာ အစဉ်အလာ ဖြစ်သော်လည်း သမ္မာတရားအဖြစ် သတ်မှတ်၍မရပေ။ ထိုအရာက လူအချို့နှင့်သာ သင့်တော်သည်။ ဥပမာအနေဖြင့် လူအချို့သည် အတော်လေး မာယာကင်းပြီး ၎င်းတို့တွင် မည်သည့်ပါရမီမျှ မရှိကြသကဲ့သို့ အလွန် တတ်စွမ်းခြင်း သို့မဟုတ် တော်ခြင်းလည်း မရှိကြသည့်အပြင် ၎င်းတို့တွင် ခေါင်းဆောင်မှု အရည်အသွေးများ မရှိကြပေ။ ၎င်းတို့တွင် သင့်တင့်လျောက်ပတ်သည့် တွဲဖက်မရှိလျှင် ပြုမူဆောင်ရွက်သည့်အခါ အခြားသူတို့နှင့် တိုင်ပင်ရမည်ဖြစ်ပြီး မတိုင်ပင်လျှင် မိမိတို့ အလုပ်ကို မထမ်းဆောင်နိုင်ကြပါ။ ဤသည်မှာ ဘုရားနှုတ်ကပတ်တော်များနှင့် ကိုက်ညီသည့် လူစားမျိုး ဖြစ်သည်”ဟု တွေးကြသည်။ ဤကဲ့သို့သော အကြောင်းပြချက်များသည် စာတန်ဆန်သော အယူလွဲများနှင့် မှားယွင်းပြီး အဓိပ္ပာယ်မဲ့သောအရာများချည်းသာ ဖြစ်သည်။

ဘုရားနှုတ်ကပတ်တော်များက သမ္မာတရားဖြစ်သည်ကို အန္တိခရစ်များက လုံးဝ မယုံကြည်ကြပေ။ ထို့ကြောင့် ယင်းတို့ကို ၎င်းတို့ ကြားသည့် မည်သည့်အချိန်တွင်မဆို ၎င်းတို့သည် ဟန်ဆောင်လုပ်ပြရုံ လုပ်ပြကြသည်။ ၎င်းတို့သည် အသွင်အပြင်များကို ထိန်းဖို့အတွက် ဘုရားနှုတ်ကပတ်တော်များကို အသုံးပြုသည့် ဖာရိရှဲများကဲ့သို့သာ ဖြစ်ကြသည်။ ၎င်းတို့သည် ထိုနှုတ်ကပတ်တော်များကို မိမိတို့၏ စိတ်နှလုံးအတွင်းထဲတွင် လက်မခံကြ သို့မဟုတ် ဘုရားနှုတ်ကပတ်တော်များကို မိမိတို့၏ အသက်နှင့် မိမိတို့၏ လက်တွေ့လုပ်ဆောင်မှုအတွက် ရည်မှန်းချက် မဖြစ်စေကြပေ။ ဤသည်မှာ အန္တိခရစ်တစ်ဦးက အမှားတစ်ခုကို ကျူးလွန်သည့်အချိန်တွင် ထိုကိစ္စရပ်တွင် ၎င်းတို့ ထုတ်ဖော်ပြသည့် စိတ်သဘောထား၊ အနှစ်သာရတို့နှင့် စပ်လျဉ်း၍ ၎င်းတို့ကို သင် ပြုပြင်သည့်အခါ လက်ခံမည့်အရေးကို မဆိုထားနှင့်၊ ထိုအတွက် ၎င်းတို့ကို သင် ပြုပြင်ပြီး ဖော်ထုတ်သည့်အခါ ၎င်းတို့ တစ်စုံတစ်ရာ အမှားလုပ်မိသည်ကို ဝန်မခံကြမည့် အကြောင်းရင်း ဖြစ်သည်။ ၎င်းတို့က တစ်စုံတစ်ရာ အမှားလုပ်မိပြီးဖြစ်သည်ကို အသိအမှတ်ပြုရန် ငြင်းဆန်ခြင်းကဲ့သို့ပင် အန္တိခရစ်တစ်ဦးက ဖောက်ပြန်ပျက်စီးသော စိတ်သဘောထားတစ်ခုကို ထုတ်ဖော်ပြသည့်အခါ ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခုရှိကြောင်းကို ငြင်းဖို့အတွက် ၎င်းတို့တွင် အကြောင်းပြချက်တစ်ခုခု၊ ဆင်ခြေတစ်ခုခု၊ ရှင်းပြချက်တစ်ခုခု အမြဲ ရှိကြလိမ့်မည်။ ဥပမာအနေဖြင့် ကိစ္စရပ်တစ်ခုခုတွင် မာနထောင်လွှားသော စိတ်သဘောထားတစ်ခုကို ၎င်းတို့ ထုတ်ဖော်ပြသည့်အခါ ၎င်းတို့က အလောတကြီးဖြစ်နေခဲ့ကြောင်း၊ ထိုအရာက မကောင်းသည့် စကားလုံး ရွေးချယ်မှုတစ်ခုဖြစ်ကာ ၎င်းတို့၏ အသံကို အနည်းငယ် ကျယ်ကျယ်ပြောမိကြောင်း ပြောဆိုကြသည်။ ၎င်းတို့အနေဖြင့် အခြားသော ကိစ္စရပ်တွင် လှည့်ဖြားတတ်နေခဲ့ပြီး ပွင့်လင်းခြင်းမရှိခဲ့ဟု တစ်စုံတစ်ဦးက ပြောလျှင် ၎င်းတို့က လူအများစုတွင် ညံ့ဖျင်းသည့် အစွမ်းအစရှိသောကြောင့် ဖြစ်နေသည့်အရာကို ၎င်းတို့ပြောလျှင် အခြားသူတို့က နားလည်မည် မဟုတ်သကဲ့သို့ ၎င်းတို့ ပြောသည့်အရာကို အထင်လွဲကြမည်ဖြစ်ပြီး ဤသည်မှာ ၎င်းတို့ မပွင့်လင်းခဲ့ကြရသည့် အကြောင်းရင်းဖြစ်သည်ဟု ပြောကြသည်။ မည်သည့် ဖောက်ပြန်ပျက်စီးသော စိတ်သဘောထားကို ၎င်းတို့ ထုတ်ဖော်ပြသည်ဖြစ်စေ၊ ဆင်ခြေများနှင့် ရှင်းပြချက်များ အမြဲ ရှာတွေ့နိုင်ကြသည်။ ခြုံကြည့်သော် မည်သည့် ဖောက်ပြန်ပျက်စီးသော စိတ်သဘောထားကို ၎င်းတို့ ထုတ်ဖော်ပြသည်ဖြစ်စေ၊ ထိုအရာက မည်မျှသိသာသည်ဖြစ်စေ၊ ဆိုးရွားသည်ဖြစ်စေ ယင်းမှာ ဖောက်ပြန်ပျက်စီးသော စိတ်သဘောထားဖြစ်ကြောင်းကို ၎င်းတို့ လုံးဝ ဝန်ခံကြလိမ့်မည် မဟုတ်ပေ။ အန္တိခရစ်များသည် လူတို့ရှေ့တွင် တစ်ခုပြောကာ ၎င်းတို့နောက်ကွယ်တွင် အခြားတစ်ခု ပြောလျက် မကြာခဏ လိမ်ညာကြပြီး ၎င်းတို့က မည်သည့်အချိန်တွင် အမှန်တရား ပြောနေပြီး မည်သည့်အချိန်တွင် လိမ်ညာနေကြသည်ဟူသည်ကို မည်သူကမျှ မခွဲခြားနိုင်သည့်အပြင် မည်သူကမျှ မသိကြပေ။ သို့သော် ၎င်းတို့သည် မိမိတို့က ရိုးသားသောသူတစ်ဦးထက် လှည့်ဖြားတတ်သော လူတစ်ဦးဖြစ်သည်ကို လုံးဝ ဝန်ခံကြလိမ့်မည် မဟုတ်ပေ။ ဆန့်ကျင်ဘက်အနေဖြင့် ၎င်းတို့သည် မကြာခဏ မိမိတို့ကိုယ်ကို မှန်ကန်ကြောင်းပြကာ ၎င်းတို့ မည်သို့ အလွန်အမင်း မာယာကင်းမဲ့ကြသည်၊ အထူးသဖြင့် အခြားသူတို့နှင့်ရှိသည့်အခါ မည်သို့ ရိုးသားစစ်မှန်ကြသည်ဟူသည်နှင့် အခြားလူတစ်ဦးတွင် အခက်အခဲများ တစ်ခုတလေရှိသည့်အခါ မိမိတို့ စိတ်နှလုံးများ၏ ကြင်နာမှုဖြင့် ထိုလူကို ၎င်းတို့ မည်မျှ ကူညီချင်ကြသည်ဟူသည်တို့ကို ရှင်းပြကြသည်။ အန္တိခရစ်များက ၎င်းတို့တွင် ဖောက်ပြန်ပျက်စီးသော စိတ်သဘောထား ရှိသည်ကို ဝန်မခံရုံတင်မက ၎င်းတို့သည် မိမိတို့ကိုယ်ကို ဖုံးဖိဖာထေးရန် အမြဲ ကြိုးစားနေကြသည်၊ ၎င်းတို့အနေဖြင့် လူကောင်းတစ်ဦး၊ ကြင်နာသည့်လူတစ်ဦးဖြစ်ကြပုံနှင့်ပတ်သက်၍ ကြွားဝါနေကြလေသည်။ ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိသည်ကို ဝန်မခံရုံတင်မက တစ်ချိန်တည်းတွင် လူတို့ကို ဖျောင်းဖျရာတွင် ၎င်းတို့ မည်မျှ တော်ကြောင်း၊ လူတို့၏ မျက်နှာသာကို ရရှိခြင်းနှင့် လူတို့ကို စည်းရုံးသိမ်းသွင်းခြင်းတွင် ၎င်းတို့ မည်မျှတော်ကြောင်းတို့ကိုလည်း ကြွားဝါကြသည်။ လူတို့ကြားတွင် ပြုမူဆောင်ရွက်ခြင်း၊ စကားပြောဆိုခြင်းတို့နှင့် ပတ်သက်လာသည့်အခါ ၎င်းတို့ မည်မျှ မဟာဗျူဟာမြောက်ပြီး တတ်စွမ်းနိုင်ကြသည်၊ မည်သူကမျှ မထူးချွန်နိုင်သကဲ့သို့ ၎င်းတို့ကို မကျော်လွန်နိုင်ပုံ၊ မည်သူကမျှ ၎င်းတို့၏ အလုပ်အတွက် သာ၍ အရည်အချင်းမရှိပုံတို့ကို ကြွားဝါကြသည်။ အန္တိခရစ်တစ်ဦးက အဖိုးအခအနည်းငယ် ပေးသည့်အခါ အဆင့်မြင့်သည့် အယူဝါဒနှင့် သဘောတရားအချို့ကို ဟောပြောနိုင်ပြီး လူတို့ကို အထင်အမြင်မှားစေကာ လူအများစုကို ၎င်းတို့အား လေးစားစေသည့် အရာတစ်စုံတစ်ခုကို တိုတောင်းသည့် အချိန်ကာလတစ်ခုကြာ လုပ်ဆောင်သည့်အခါ ၎င်းတို့အနေဖြင့် မိမိတို့၏ ဖောက်ပြန်ပျက်စီးသော စိတ်သဘောထားကို အောင်မြင်စွာ ဖုံးဖိထားပြီး ဖြစ်သည်ဟူ၍လည်းကောင်း၊ လူတို့အား မိမိတို့၏ ဖောက်ပြန်ပျက်စီးသော စိတ်သဘောထားကို လျစ်လျူရှုစေဖို့ လုပ်ဆောင်နိုင်ပြီး ဖြစ်သည်ဟူ၍လည်းကောင်း တွေးထင်ကြလိမ့်မည်။ ထို့ကြောင့် အန္တိခရစ်များ၏ ဤသရုပ်သကန်များနှင့် မိမိတို့၏ ဖောက်ပြန်ပျက်စီးသော စိတ်သဘောထားအပေါ် ၎င်းတို့ထားရှိသည့် ဤသိနားလည်မှုမျိုးနှင့် သဘောထားမျိုးအရ ၎င်းတို့ ပြုပြင်ခံရသည့်အခါ ၎င်းတို့၏ ပထမဆုံးသော တုံ့ပြန်မှုမှာ ထိုအရာကို ဆန့်ကျင်ကာ အတိုက်အခံလုပ်ရန်၊ မိမိတို့၏ ဂုဏ်သတင်းကို ယခင်အတိုင်းပြန်ဖြစ်စေဖို့ တတ်နိုင်သမျှအရာရာကို လုပ်ဆောင်ရန် ဖြစ်သည်။ အသင်းတော်၏ အလုပ်အပေါ် ၎င်းတို့ ဖြစ်စေခဲ့ကြသည့် ဆုံးရှုံးမှုများကို အသိအမှတ်ပြုရန် ငြင်းဆန်ခြင်းအပြင် ဤကိစ္စရပ်တွင် ၎င်းတို့ ထုတ်ဖော်ပြသည့် ဖောက်ပြန်ပျက်စီးသော စိတ်သဘောထားနှင့် မိမိတို့၏ ဖောက်ပြန်ပျက်စီးသော စိတ်သဘောထား၏ မလုပ်လုပ်အောင် စေ့ဆော်မှုအောက်တွင် ကျူးလွန်မိခဲ့ကြသည့် အမှားတို့ကိုလည်း အသိအမှတ်ပြုရန် ၎င်းတို့ ငြင်းဆန်ကြလိမ့်မည်ဖြစ်သည်။ အန္တိခရစ်များ၏ ဤသရုပ်သကန်နှင့် အနှစ်သာရကို ထောက်သော် စိတ်သဘောထားဆိုင်ရာ ပြောင်းလဲမှုကို စွမ်းဆောင်ရရှိရန် ၎င်းတို့အတွက် ဖြစ်နိုင်သလော။ (မဖြစ်နိုင်ပါ။)

မိမိတို့အလုပ်တွင် အမှားများပြုလုပ်မိသည့်၊ ပျင်းရိသည့်၊ မိမိတို့အလုပ်ကို မဆောင်ရွက်သကဲ့သို့ တိကျသည့် အလုပ်တာဝန်များကို လျစ်လျူရှုနေစဉ် လူတို့ကို ဩဇာပေးနေသေးသည့်၊ မကောင်းသည့် လုပ်ဆောင်ချက်များကို မဆင်မခြင်ကျူးလွန်ကာ အမှုအရာများအား မိမိတို့သဘောအတိုင်း လုပ်ဆောင်ကြသည့် အန္တိခရစ်အချို့ကို ငါ ကြုံရပြီးဖြစ်သည်။ ထိုသို့သော အန္တိခရစ်များသည် ဤအရာအတွက် ပြုပြင်ခံရသည့်အခါ အပေါ်ယံတွင် ၎င်းတို့အနေဖြင့် အလွန် လိုက်လျောလွန်းသည့်ပုံပေါ်သော်လည်း နောက်ကွယ်တွင် ၎င်းတို့ လုံးဝ နောင်တမရကြပေ။ ၎င်းတို့၏ နောင်တမရသော သဘောထားမှ အကဲဖြတ်သော် ၎င်းတို့သည် ပြုပြင်ခံရခြင်းကို အနည်းငယ်မျှ လက်ခံခြင်း မရှိကြသေးပေ။ ပြုပြင်ခံရခြင်းကို ၎င်းတို့ လက်မခံခြင်းမှ အကဲဖြတ်သော် မည်သည့် ဖောက်ပြန်ပျက်စီးသော စိတ်သဘောထားများ၏ ထုတ်ဖော်ပြမှုများအား ၎င်းတို့ ပိုင်ဆိုင်သည်ကို ၎င်းတို့ လုံးဝ မဆန်းစစ်ဖူးကြပေ။ ထိုအစား ပြုပြင်ခံရပြီးနောက်တွင် ၎င်းတို့သည် အမှုအရာများကို မိမိတို့သဘောအတိုင်း လုပ်ဆောင်လျက်၊ လက်သီးပုန်းထိုးသော ကြိုးကိုင်ညွှန်ကြားခြင်းကို လုပ်ဆောင်လျက်၊ ၎င်းတို့၏ အထက်နှင့်အောက်တွင် ရှိသောသူတို့ကို လှည့်ဖြားလျက် မိမိတို့ကိုယ်ပိုင် သီးခြားနိုင်ငံများကို ထူထောင်ကာ အထူးအခွင့်အရေးများကို အကြိုက်တွေ့ကြရင်း အနည်းငယ်မျှ ပြောင်းလဲခြင်းမရှိဘဲ ၎င်းတို့ နှစ်သက်သည့် မည်သည့်အရာကိုမဆို ၎င်းတို့ ဆက်လက် လုပ်ဆောင်ကြသည်။ ၎င်းတို့သည် အဘယ်ကြောင့် အနည်းငယ်မျှ မပြောင်းလဲကြသနည်း။ ထိုအရာမှာ အဘယ်ကြောင့်ဆိုသော် အန္တိခရစ်များက ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိကြောင်းကို နည်းနည်းမျှ အသိအမှတ်မပြုကြသကဲ့သို့ သမ္မာတရားကို လက်မခံကြသောကြောင့် အတိအကျ ဖြစ်ပေသည်။ ထို့ကြောင့် ၎င်းတို့သည် ကြီးမားသည့် အာဏာကို စွဲကိုင်မည့်အခွင့်အရေးအား အမြန်ရယူကာ ထိုအာဏာရှိခြင်းကို အပြည့်အဝ အသုံးချကြပြီးနောက် မိမိတို့ အလိုရှိသည့်အရာကို လုပ်ဆောင်ရန်၊ မကောင်းသည့်အရာများကို အစွမ်းကုန် လုပ်ဆောင်ရန်နှင့် ဘုရားအိမ်တော်၏ အလုပ်ကို အဖျက်အမှောင့်လုပ်ကာ ဘုရားအိမ်တော်၏ ပုံမှန်ဖွဲ့စည်းပုံစနစ်ကို ထိခိုက်စေရန် ထိုအချိန်ကာလကို အခွင့်ကောင်းယူကြလေသည်။ ဘုရားအိမ်တော်မှ ရုပ်ဝတ္ထုဆိုင်ရာ အထူးအခွင့်အရေးမျိုးစုံကို မွေ့လျော်ခံစားရသော်လည်း ကောင်းမြတ်သည့်အရာတစ်ခုကိုမျှ လုံးဝ မလုပ်ဆောင်ကြချေ။ အပေါ်ယံအလုပ်တစ်ခုခကို လုပ်ဆောင်ခြင်းအပြင် ၎င်းတို့သည် မည်သည့်အရာကို ကျိတ်၍ လုပ်ဆောင်ကြသနည်း။ ၎င်းတို့က စုဝေးပွဲများကို ဖြစ်မြောက်အောင် စီမံကြသည်၊ စကားလုံးများနှင့် အယူဝါဒများကို ဟောပြောကြပြီး မဆက်စပ်သည့် အရေးကိစ္စများတွင်ပင် စွက်ဖက်ကြလေသည်။ ထိုမှတစ်ပါး ၎င်းတို့သည် လူတို့ကို ဆရာသာလုပ်နေကြသည်။ အထက်က ၎င်းတို့ကို တာဝန်ပေးထားသည့် တိကျသော အလုပ်တစ်ခုကိုမျှ ၎င်းတို့ မဆောင်ရွက်ကြသကဲ့သို့ အသေးစိတ်ကျသည့် ညွှန်ကြားချက်များ၊ ကြီးကြပ်မှု သို့မဟုတ် လမ်းညွှန်မှုတို့ကို ပေးဖို့အတွက် လူကိုယ်တိုင် ပေါ်မလာကြပေ။ ၎င်းတို့သည် အနီးဝန်းကျင်ရှိလူများကို အထက်စီးမှ အမိန့်ပေးရုံသာပြုကြပြီး ရံဖန်ရံခါဆိုသလို ၎င်းတို့တွင် အမှန်တကယ် ရွေးချယ်စရာမရှိသည့်အခါ အချို့သောအရာများကို ပြီးစီးစေဖို့နှင့် လမ်းညွှန်ချက်အချို့ ပေးဖို့အတွက် အလုပ်နေရာသို့ ပေါ်လာကြလိမ့်မည် ဖြစ်သည်။ ဤသည်မှာ ယာယီ စိတ်ထက်သန်မှု ပြခြင်းသာဖြစ်ပြီး ထို့နောက် မကြာမီတွင် ၎င်းတို့ကို မည်သည့်နေရာတွင်မျှ မတွေ့ရတော့ပေ။ ၎င်းတို့သည် တစ်စုံတစ်ဦးကို ရာထူးတိုးပေးသည့်အခါ သို့မဟုတ် တစ်စုံတစ်ဦးကို ရာထူးတစ်ခုအတွက် ခန့်အပ်သည့်အခါ ထိုလူ မတော်ကြောင်း မည်သူမျှ ပြော၍မရ သို့မဟုတ် ထိုအရာကို မည်သူမျှ ဆန့်ကျင်၍ မရသကဲ့သို့ အန္တိခရစ်သည် ထိုလူ၏ အလုပ်ကို မည်သည့်အခါတွင်မျှ စစ်ဆေးလိမ့်မည်မဟုတ်၊ သို့မဟုတ် ကြီးကြပ်လိမ့်မည် မဟုတ်ပေ။ ၎င်းတို့ ရာထူးတိုးပေးသည့် သို့မဟုတ် ခန့်အပ်သည့် လူက မကောင်းသည့်အရာများကို မည်မျှလုပ်ဆောင်သည်ဖြစ်စေ အခြားမည်သူမျှ ထိုသူတို့ကို ဖော်ထုတ်ခွင့်မရှိပေ။ မည်သူကမျှ ၎င်းတို့ကို ထုတ်ပယ်၍မရသကဲ့သို့ မည်သူကမျှ ၎င်းတို့ကို တိုင်ကြားခွင့်မရှိပေ။ ထိုလူကို တိုင်ကြားသည့်သူ မည်သူမဆိုသည် ၎င်းတို့၏ ရန်ဘက်ဖြစ်လာလိမ့်မည်။ ၎င်းတို့ အသုံးပြုနေသည့်လူက အသင်းတော်၏ အလုပ်ကို မည်မျှ ကြီးမားသည့် ဆုံးရှုံးမှုများ ဖြစ်စေသည်ဖြစ်စေ၊ ထိုအသင်းတော်၏ အလုပ်ကို မည်မျှ ကြီးမားသည့် အဖျက်အမှောင့်များ ၎င်းတို့ ဖြစ်စေသည်ဖြစ်စေ အန္တိခရစ်များက ၎င်းတို့ကို ကာကွယ်ရန် အစွမ်းကုန် လုပ်ဆောင်ကြလိမ့်မည်ဖြစ်ပြီး ထိုသို့လုပ်ဆောင်ရန် ၎င်းတို့ ပျက်ကွက်လျှင် ထိုလူနှင့် မပတ်သက်ဘဲနေရန် အမြန်လုပ်ဆောင်ကြလိမ့်မည်ဖြစ်ကာ တာဝန်မှ အမြန်ရုန်းထွက်ကြလိမ့်မည်ဖြစ်သည်။ အန္တိခရစ်များက မည်သည့်အရာကို လုပ်ဆောင်သည်ဖြစ်စေ၊ ထိုအရာက အခြားလူတို့ရှေ့တွင်ဖြစ်စေ၊ နောက်ကွယ်တွင်ဖြစ်စေ ၎င်းတို့သည် ဘုရားသခင်ကို ကြောက်ရွံ့သည့် စိတ်နှလုံး လုံးလုံး ကင်းမဲ့ကြသည်။ ၎င်းတို့သည် မယုံကြည်သူများ၊ မကောင်းဆိုးဝါးများနှင့် အသက်ရှင်နေသော စာတန်များဖြစ်ပြီး ၎င်းတို့သည် အရှက်မဲ့စွာ ရာထူးတစ်ခုကို သိမ်းပိုက်ရန်နှင့် အဆင့်အတန်း၏ အကျိုးကျေးဇူးများကို မွေ့လျော်ခံစားရန် ဆန္ဒရှိကြဆဲဖြစ်သည်။ ၎င်းတို့သည် ဘုရားအိမ်တော်ကို ကပ်ပါးရပ်ပါးလုပ်နေကြသည့် ကပ်ပါးကောင်များဖြစ်သည်။ ၎င်းတို့သည် ပြုပြင်ခံရပြီး မိမိတို့၏ အဆင့်အတန်းကို ဆက်ထိန်းနိုင်မည် မဟုတ်သည်ကို မြင်သည့်အခါ စိတ်ဓာတ်ကျ၊ စိတ်ပျက်ပြီး ဝမ်းနည်းအားငယ်သောသူအချို့ပင် ရှိကြသည်။ ၎င်းတို့သည် အဘယ်ကြောင့် ဝမ်းနည်းအားငယ်ကြသနည်း။ အဘယ်ကြောင့် စိတ်ဓာတ်ကျကြသနည်း။ အဘယ်ကြောင့်ဆိုသော် မိမိတို့၏ အဆင့်အတန်းကို ဆက်မထိန်းနိုင်သောကြောင့်ဖြစ်သည်။ အထူးအခွင့်အရေးများနှင့် အထူးဆက်ဆံမှုကို မွေ့လျော်ခံစားဖို့ ၎င်းတို့၏ အခွင့်အရေး မရှိတော့သောကြောင့်ဖြစ်သည်၊ မည်သူကမျှ ၎င်းတို့ကို မလေးစားတော့သောကြောင့်ဖြစ်ပြီး အာဏာဖြင့် ကစားသော ၎င်းတို့၏ နေ့ရက်ကာလများ ကုန်လွန်ပြီဖြစ်သောကြောင့် ဖြစ်သည်။ ၎င်းတို့သည် အရာရာတိုင်းကို မိမိတို့ကိုယ်တိုင်အတွက် စတင်လုပ်ဆောင်ရလိမ့်မည်။ ၎င်းတို့အနေဖြင့် ထိုနေရာတွင် ရပ်ရုံရပ်ပြီး အမိန့်များကို ထုတ်ပြန်မည့် အခွင့်အရေး ရှိလိမ့်မည် မဟုတ်တော့။ ၎င်းတို့၏ ဖောက်ပြန်ပျက်စီးသော စိတ်သဘောထားက ဖြစ်စေခဲ့သည့် မကောင်းသည့် အကျိုးဆက်များနှင့်ပတ်သက်၍ ၎င်းတို့ နောင်တမရ သို့မဟုတ် စိတ်မကောင်းမဖြစ်ကြပေ။ ထိုအစား အဆင့်အတန်း၏ အကျိုးကျေးဇူးများကို မွေ့လျော်မခံစားနိုင်တော့ခြင်းနှင့်ပတ်သက်၍ စိတ်မကောင်းဖြစ်ကြသည်၊ မျက်ရည်ကျကာ ဆုံးရှုံးသည့်ခံစားချက်တစ်ခုကို ခံစားကြလေသည်။ ဖြုတ်ချခံရပြီးနောက် နောက်ထပ် အခွင့်အရေးကို အကြိမ်ကြိမ် အရှက်မရှိ တောင်းဆိုသည့်လူအချို့ပင် ရှိသည်။ ငါ့ကို ပြောလော့၊ ထိုသို့သော လူတို့သည် နောက်ထပ် အခွင့်အရေး အပေးခံရနိုင်သလော။ ထိုအခွင့်အရေးဖြင့် မည်သည့်အရာကို လုပ်ဆောင်ရန် ၎င်းတို့ ရည်ရွယ်ကြသနည်း။ အသင်းတော်အပေါ် မှီခိုနေထိုင်ရန်၊ ကပ်ပါးရပ်ပါးလုပ်သောသူများ ဖြစ်ရန်နှင့် မဆင်မခြင် ပြုမူဆောင်ရွက်ရန် ဖြစ်သည်။ ၎င်းတို့ကို နောက်ထပ် အခွင့်အရေးပေးခဲ့မည်ဆိုလျှင် ၎င်းတို့သည် မိမိတို့ကိုယ်ပိုင် ဖောက်ပြန်ပျက်စီးသော စိတ်သဘောထားကို သိရှိလာကြမည်လော။ ၎င်းတို့သည် မိမိတို့ကိုယ်ကို သိရှိနိုင်ကြမည်လော။ (သိရှိနိုင်မည် မဟုတ်ပါ။) ၎င်းတို့အနေဖြင့် နောက်ထပ် အခွင့်အရေးရမည်ဆိုလျှင် ရှက်စိတ်အနည်းငယ် ရရှိကြမည်လော။ ၎င်းတို့၏ အကျင့်စရိုက် ပြောင်းလဲမည်လော။ နောက်ထပ် အခွင့်အရေးဖြင့် ၎င်းတို့သည် အမှုအရာများကို သမ္မာတရား စည်းမျဉ်းများအတိုင်း စတင်လုပ်ဆောင်ပြီး မိမိတို့ကိုယ်ပိုင် သီးခြားနိုင်ငံများကို ထူထောင်ရန် မကြိုးစားဘဲနေတော့မည်လော။ (နေမည်မဟုတ်ပါ။) ဤအရာတစ်ခုကိုမျှ ၎င်းတို့ လုပ်ဆောင်ကြမည်မဟုတ်။ ၎င်းတို့ ဇာတ်သိမ်းပြီ မဟုတ်လော။ သင်တို့သည် ပြုပြင်ခံရပြီး ထိုအရာသည် သင်တို့ကို ဖြုတ်ချရန်မှလွဲ၍ အထက်တွင် ရွေးချယ်စရာမရှိသည့် ဆိုးရွားသော ကိစ္စရပ်တစ်ခု ဖြစ်မည်ဆိုလျှင် သင်တို့သည် မည်သည့်အရာကို စဉ်းစားနေကြမည်နည်း။ (ကျွန်ုပ် အမှန်တကယ် ်ဖြုတ်ချခံရသင့်ခြင်းဖြစ်သည်။ အဘယ်ကြောင့်ဆိုသော် ကျွန်ုပ်၏ သဘာဝက အလွန် ကောက်ကျစ်ဆိုးယုတ်၍ ဖြစ်သည်၊ စည်းမျဉ်းများကို ချိုးဖောက်ပြီး ဘုရားသခင်ကို အတိုက်အခံလုပ်သည့် အရာများစွာကို ကျွန်ုပ် လုပ်ဆောင်ပြီးဖြစ်သောကြောင့်ဖြစ်သည်၊ အလွန်များသည့် မကောင်းမှုကို ကျွန်ုပ် ကျူးလွန်ပြီးဖြစ်ကာ အသင်းတော်၏ အလုပ်ကို အလွန်များသည့် ဆုံးရှုံးမှုများ ဖြစ်စေပြီးဖြစ်သောကြောင့် ဖြစ်သည်။ ကျွန်ုပ် ဖြုတ်ချခံရသင့်ပါသည်။) ဆင်ခြင်တုံတရား ပိုင်ဆိုင်သည့် လူတစ်ဦးသည် ပထမဆုံးအနေဖြင့် “ဤအချိန်အတောအတွင်းတွင် ငါ မည်သည့်အရာကို အမှန်တကယ် လုပ်ဆောင်ခဲ့သနည်း။ ငါ အဘယ်ကြောင့် ပြုပြင်ခြင်းခံခဲ့ရသနည်း။ ထိုအရာများကို လုပ်ဆောင်ခြင်းအတွက် ငါ ပြုပြင်ခံရခြင်းဖြစ်သလော၊ ပြီးလျှင် ငါ့ကို ပြုပြင်ခဲ့ချိန် ထိုလူပြောဆိုခဲ့သည့် အရာများသည် အမှန်တကယ် မှန်ကန်သလော။ ယင်းတို့ကို ငါ အဘယ်သို့ လက်ခံသင့်သနည်း။ ဤပြုပြင်ခြင်းကို ငါ မည်သို့ ကိုင်တွယ်သင့်သနည်း”ဟူ၍ မိမိတို့ကိုယ်ကို ပြန်လည်သုံးသပ်မည်ဖြစ်သည်။ ထို့နောက် ၎င်းတို့ အမှန်တကယ် မည်သည့်အရာ လုပ်ဆောင်ခဲ့သည်၊ ၎င်းတို့၏ လုပ်ရပ်များတွင် လူသားအလိုဆန္ဒ၏ မသန့်စင်မှုများ တစ်ခုတလေ ရှိခဲ့သလော၊ ၎င်းတို့တွင် အသိစိတ်နှင့် ဆင်ခြင်တုံတရား ရှိခဲ့ခြင်း ရှိမရှိ၊ ၎င်းတို့ လုပ်ဆောင်ခဲ့သည့်အရာက သမ္မာတရား စည်းမျဉ်းများနှင့် ကိုက်ညီခြင်း ရှိမရှိ၊ ၎င်းတို့ လုပ်ဆောင်ခဲ့သည့်အရာ မည်မျှသည် ဘုရားသခင်၏ သတ်မှတ်ချက်များနှင့် ကိုက်ညီပြီး ၎င်းတို့၏ သဘောအတိုင်း အမှုအရာ မည်မျှ လုပ်ဆောင်ခဲ့သည်ဟူသည်တို့ကို ၎င်းတို့ ဆန်းစစ်ကြမည်ဖြစ်သည်။ ဆင်ခြင်တုံတရားရှိသည့် လူတစ်ဦးသည် ဤကဏ္ဍများကို ဆန်းစစ်သင့်သည်။ မိမိတို့ အဆင့်အတန်းကို ၎င်းတို့ ဆုံးရှုံးပြီးခြင်း ရှိမရှိကိုဖြစ်စေ၊ ဘုရားအိမ်တော်က ၎င်းတို့ကို မျှတစွာဆက်ဆံပြီးဖြစ်လျှင် ၎င်းတို့တွင် အဆင့်အတန်းမရှိပါက လူတို့က ၎င်းတို့အပေါ် မည်သည့်အရာ တွေးထင်ကြလိမ့်မည်ကိုဖြစ်စေ၊ မည်သည့် အလားအလားမျိုးနှင့် ခရီးပန်းတိုင်မျိုးကို ၎င်းတို့ ရှိကြလိမ့်မည်ဟူသည်ကိုဖြစ်စေ ရေးကြီးခွင့်ကျယ် မလုပ်သင့်ပေ။ ဆင်ခြင်တုံတရားရှိသည့် လူတစ်ဦးသည် ထိုသို့သောအရာများနှင့်ပတ်သက်၍ ရေးကြီးခွင့်ကျယ် လုပ်မည်မဟုတ်ပေ။

အချို့သော အန္တိခရစ်များသည် မည်မျှပင်အရှက်မဲ့ကြသနည်း။ ဤအန္တိခရစ်များသည် ်ဖြုတ်ချခံရပြီးနောက်တွင် ညီအစ်ကို မောင်နှမများက ၎င်းတို့ကို ယခင်ကဲ့သို့ မလေးစားတော့လျှင်၊ ထိုသူတို့သည် ယခင်ကဲ့သို့ နွေးထွေးခြင်း သို့မဟုတ် ကြင်နာခြင်း ရှိရမည့်အစား အေးစက်ပြီး ၎င်းတို့ကို လျစ်လျူရှုလျှင် ဤအန္တိခရစ်များသည် ဤအရာကို ခံနိုင်ကြမည် မဟုတ်ပေ။ ၎င်းတို့သည် မိမိတို့၏ ဖောက်ပြန်ပျက်စီးသော စိတ်သဘောထားနှင့်ပတ်သက်၍ အလွန်သိတတ်ခြင်းမရှိစဉ်တွင် ဤအရာများနှင့်ပတ်သက်၍ ၎င်းတို့ အဘယ်ကြောင့် အလွန် အထိမခံဖြစ်ကြသနည်း။ ယင်းသည် ၎င်းတို့ သဘာဝ၏ တစ်စိတ်တစ်ပိုင်းဖြစ်သလော။ ၎င်းတို့တွင် ဂုဏ်သိက္ခာ ရှိသလော။ အရှက်တရားရှိကြသလော။ (မရှိပါ။) လူ့သဘာဝတွင် တန်ဖိုးအရှိဆုံးသောအရာနှစ်ခုမှာ အရှက်တရားနှင့် တည်ကြည်ဖြောင့်မတ်မှုဖြစ်သည်။ အန္တိခရစ်တစ်ဦးတွင် ဤအရာများထဲမှ တစ်ခုခု၏ အရိပ်အယောင် တစ်စက်မျှမရှိပေ။ အန္တိခရစ်များသည် အရှက်မဲ့ကြပြီး ဖောက်ပြန်ပျက်စီးသည့် စိတ်သဘောထားများကို ၎င်းတို့ မည်မျှထုတ်ဖော်ပြသည်ဖြစ်စေ သို့မဟုတ် မကောင်းမှု မည်မျှကျူးလွန်သည်ဖြစ်စေ ၎င်းတို့ မည်သည့်အရာကိုမျှ လုံးဝ မခံစားရပေ။ မည်သည့်အပြစ်ရှိသည့် စိတ်ကိုမျှ မခံစားရပေ။ သို့တိုင် ၎င်းတို့သည် မိမိတို့၏ နေထိုင်ခြင်းကို အချိန်ဆွဲချင်ကြသေးပြီး ဘုရားအိမ်တော်တွင် ကပ်စားချင်ကြသေးသည်။ ၎င်းတို့ ပြုပြင်ခံရကာ ဖော်ထုတ်ခံရပြီးနောက်၊ ၎င်းတို့ ဖြုတ်ချခံရပြီး အဆင့်အတန်းတစ်ခုမျှ မရှိတော့သည့်နောက်တွင် ညီအစ်ကိုမောင်နှမများအား လေးစားလိုက်နာစွာနှင့် ယဉ်ကျေးသမှုဖြင့် ၎င်းတို့ကို ကြည်ညိုလေးစားစေချင်ကြဆဲ ဖြစ်သည်။ ယင်းမှာ ဆင်ခြင်တုံတရား ကင်းမဲ့သည် မဟုတ်လော။ အန္တိခရစ်များ၏ ဤသရုပ်သကန်သည် သင်တို့အဖို့ ရွံစရာကောင်းသည်ဟု ထင်ရသလော။ (ထင်ရပါသည်။) ပြုပြင်ခံရသည့်အခါ အထူးဖြင့် ၎င်းတို့ ဖြုတ်ချခံရပြီး မိမိတို့၏ အဆင့်အတန်း ဆုံးရှုံးလျှင် ဆုံးရှုံးသည့်ခံစားချက်တစ်ခု လူတိုင်း ခံစားရသည်။ ၎င်းတို့အနေဖြင့် ကသိကအောက်ဖြစ်ရသည့် အခြေအနေတစ်ခုတွင် ထားရှိခံရပြီးဖြစ်သည်ဟု ခံစားရပြီး အခြားသူတို့ရှေ့တွင် အနည်းငယ် အရှက်ရကာ မည်သူကိုမဆို ရင်ဆိုင်ရန် အလွန်ရှက်မိလေသည်။ သို့သော် အရှက်တရားကို သိသည့် လူတစ်ဦးသည် လွဲချော်သော အကြောင်းပြချက်များကို ရေရွတ်မည် မဟုတ်ပေ။ လွဲချော်သော အကြောင်းပြချက်များကို မရေရွတ်ခြင်းသည် မည်သည့်အရာကို ဆိုလိုသနည်း။ ထိုအရာမှာ အမှုအရာတိုင်းကို လွဲချော်သောနည်းလမ်းတစ်ခုဖြင့် စဉ်းစားကာ ပြောဆိုမည့်အစား ၎င်းတို့ လုပ်ဆောင်ခဲ့သည့်အရာများက မှားယွင်းကြောင်း ရိုးသားစွာ အသိအမှတ်ပြုပြီး ထိုကိစ္စရပ်ကို မျှတစွာနှင့် ဆင်ခြင်တုံတရားရှိစွာ သဘောထားပြုမူရင်း အရာရာတိုင်းကို မှန်ကန်သည့် ပုံစံဖြင့် သဘောထားပြုမူနိုင်ခြင်းကို ဆိုလိုသည်။ မျှတကာ ဆင်ခြင်တုံတရား ရှိသည်ဟူသည်မှာ မည်သည့်အရာကို ဆိုလိုသနည်း။ သင်သည် တစ်စုံတစ်ခုအတွက် ပြုပြင်ခြင်းခံခဲ့ရသဖြင့် သင် လုပ်ဆောင်ခဲ့သည့် အရာနှင့်ပတ်သက်၍ ပြဿနာတစ်ခု ရှိရမည်ဟု ဆိုလိုပေသည်။ သင့်တွင် မည်သည့်ဖောက်ပြန်ပျက်စီးသော စိတ်သဘောထားရှိသည်ကို ဘေးဖယ်ထားလျက် သင်သည် ဤကိစ္စရပ်တွင် မှားမိခဲ့လျှင် ထိုအတွက် သင့်တွင် သေချာပေါက် တာဝန်တစ်ခုခုရှိသည်ဟုသာ ဆိုပါစို့။ ပြီးလျှင် သင့်တွင် တာဝန်ရှိသည့်အတွက် ထိုတာဝန်ကို သင် ထမ်းဆောင်သင့်ပြီး ထိုအရာကို လုပ်ခဲ့ကြောင်း အသိအမှတ်ပြုသင့်သည်။ ဤအရာကို သင် အသိအမှတ်ပြုပြီးသည်နှင့်တစ်ပြိုင်နက် သင့်ကိုယ်သင် ဆန်းစစ်သင့်ပြီး “ဤအရာတွင် မည်သည့် ဖောက်ပြန်ပျက်စီးသော စိတ်သဘောထားကို ငါ ထုတ်ဖော်ပြခဲ့သနည်း။ ဖောက်ပြန်ပျက်စီးသော စိတ်သဘောထား၏ စေ့ဆော်ခြင်းကို ငါ မခံခဲ့ရလျှင် ငါ၏ လုပ်ရပ်များသည် လူသားအလိုဆန္ဒနှင့် ရောနှောခဲ့သလော။ ဤအရာသည် မိုက်မဲမှုကြောင့် ဖြစ်ခဲ့ရခြင်း ဖြစ်သလော။ ယင်းသည် ငါ၏ လိုက်စားမှု၊ ငါ လျှောက်သည့် လမ်းကြောင်းနှင့် တစ်ခုတလေ ပတ်သက်မှုရှိသလော”ဟု မေးသင့်သည်။ မိမိကိုယ်ကို ဤကဲ့သို့ ဆန်းစစ်နိုင်ခြင်းကို ဆင်ခြင်တုံတရားရှိခြင်း၊ အရှက်တရားကို သိခြင်း၊ အမှုအရာများကို မျှတမှုဖြင့်၊ ဓမ္မဓိဋ္ဌာန်ကျသော နည်းလမ်း၊ အမှန်တရားများနှင့် ကိုက်ညီသော နည်းလမ်းတစ်ခုဖြင့် ရှုမြင်ခြင်းဟုခေါ်သည်။ ဤသည်မှာ အန္တိခရစ်များ ချို့တဲ့သည့်အရာ အတိအကျ ဖြစ်သည်။ ၎င်းတို့ ပြုပြင်ခံရသည့်အခါ ပထမဆုံးအနေဖြင့် “သင်သည် ငါ၏ ရှက်ဖွယ်ဖြစ်သော လျှို့ဝှက်ချက်ကိုပင် ဖော်ထုတ်လျက် အလွန်များသောလူတို့ရှေ့တွင် ငါကဲ့သို့သော ဂုဏ်သိက္ခာရှိသည့် ခေါင်းဆောင်တစ်ဦးကို အဘယ်သို့ဖြစ်ပြီး အလွန် မညှာမတာ ပြုပြင်နိုင်ရသနည်း။ ခေါင်းဆောင်တစ်ဦးအဖြစ် ငါ၏ ဂုဏ်သိက္ခာမှာ အဘယ်နည်း။ ငါ့ကို ပြုပြင်ရာတွင် ထိုအရာကို သင်ချေဖျက်လေပြီ မဟုတ်လော။ ယခုချိန်မှစ၍ မည်သူသည် ငါ့စကားကို နားထောင်လိမ့်မည်နည်း။ မည်သူကမျှ နားမထောင်လျှင် ခေါင်းဆောင်တစ်ဦးအဖြစ် အဆင့်အတန်းတစ်ခုတလေကို ငါ အဘယ်သို့ ရှိနိုင်မည်နည်း။ ယင်းက ငါ့ကို ပြယုဂ်တစ်ခုသာ ဖြစ်စေမည် မဟုတ်လော။ သို့ဆိုလျှင် အဆင့်အတန်း၏ အကျိုးကျေးဇူးများကို ငါ အဘယ်သို့ဖြစ်ပြီး မွေ့လျော်ခံစားရတော့မည်နည်း။ ငါသည် ညီအစ်ကို မောင်နှမများက ပေးသည့် ပစ္စည်းများကို မွေ့လျော်ခံစားနိုင်ခြင်းမရှိဘဲ နေတော့မည် မဟုတ်လော”ဟု တွေးကြသည်။ ဤအယူအဆက မှန်ကန်သလော။ သမ္မာတရားနှင့် ကိုက်ညီသလော။ ကျိုးကြောင်းခိုင်လုံသလော။ (မခိုင်လုံပါ။) ဤသည်မှာ ဆင်ခြင်တုံတရား ကင်းမဲ့ခြင်းနှင့် လွဲချော်သော အကြောင်းပြချက်များကို ရေရွတ်ခြင်းဖြစ်သည်။ ဂုဏ်သိက္ခာအားဖြင့် မည်သည့်အရာကို သင် ဆိုလိုသနည်း။ ခေါင်းဆောင်တစ်ဦးဟူသည်မှာ မည်သည့်အရာဖြစ်သနည်း။ ဧကန်မုချပင် သင်သည် ဖောက်ပြန်ပျက်စီးခြင်း မကင်းမဲ့သည်မှာ မဟုတ်သလော။ “သင်၏ ရှက်ဖွယ်သော လျှို့ဝှက်ချက်ကို ဖော်ထုတ်ခြင်း”ဟူသည့်အရာအားဖြင့် သင် မည်သည့်အရာကို ဆိုလိုသနည်း။ သင်၏ ရှက်ဖွယ်သော လျှို့ဝှက်ချက်မှာ အဘယ်နည်း။ သင်၏ ဖောက်ပြန်ပျက်စီးသော စိတ်သဘောထား ဖြစ်သည်။ သင်၏ ဖောက်ပြန်ပျက်စီးသော စိတ်သဘောထားသည် အခြားမည်သူမဆို၏ ဖောက်ပြန်ပျက်စီးသော စိတ်သဘောထားနှင့် အတူတူပင် ဖြစ်သည်။ ယင်းမှာ သင်၏ ရှက်ဖွယ်သော လျှို့ဝှက်ချက်ဖြစ်သည်။ သင်နှင့်ပတ်သက်၍ ထူးခြားသည့်အရာ ဘာမျှမရှိပေ။ သင်သည် အခြားသူတို့ထက် မသာလွန်ပေ။ သင့်တွင် အစွမ်းအစ အနည်းငယ်ရှိပြီး အလုပ်တစ်ခုခုကို လုပ်ဆောင်နိုင်ကြောင်းကိုသာ ဘုရားအိမ်တော်က မြင်သောကြောင့် သင့်ကို ရာထူးတိုးပေးကာ ပျိုးထောင်ပေးခဲ့ပြီး အထူးဝန်ထုပ်တစ်ခု ပေးခဲ့သည်၊ ထမ်းဆောင်ဖို့ အနည်းငယ် ပိုမိုပေးအပ်ခဲ့သည်။ သို့သော် ဤအရာက သင့်အနေဖြင့် အဆင့်အတန်းရှိသည်နှင့်တစ်ပြိုင်နက် ဖောက်ပြန်ပျက်စီးသော စိတ်သဘောထားတစ်ခု မရှိတော့ကြောင်းကို လုံးဝ မဆိုလိုပေ။ သို့တိုင် အန္တိခရစ်များက “ယခု ကျွန်ုပ်တွင် အဆင့်အတန်းရှိသဖြင့် ကျွန်ုပ်ကို သင် မပြုပြင်သင့်ပါ၊ အထူးသဖြင့် အလွန်များသော လူတို့ရှေ့တွင် မဖြစ်သင့်ပါ။ ယင်းက လူအများစုအား ကျွန်ုပ်၏ အခြေအနေမှန်ကို သိရှိသွားခွင့်ပေးမည်ဖြစ်သည်”ဟု ပြောလျက် ဤအရာကို တွယ်ကပ်နေသည်။ ဤသည်မှာ လွဲချော်သော အကြောင်းပြချက်ဖြစ်သည် မဟုတ်လော။ ဤလုပ်နည်းကိုင်နည်းကို မည်သည့်နေရာတွင် အသုံးပြု၍ရသနည်း။ အပြင်လူ့အဖွဲ့အစည်းတွင် တစ်စုံတစ်ဦးကို သင် ချီးကျူးအားပေးသည့်အခါ ၎င်းကို စုံလင်သောသူအဖြစ် သင် လွန်လွန်ကဲကဲ မြှောက်စားရမည်ဖြစ်ပြီး အပြစ်အနာအဆာ နည်းနည်းမျှမရှိသည့် စုံလင်ခြင်းနှင့်ဆိုင်သော ပုံရိပ်တစ်ခုကို ၎င်းတို့အတွက် ထူထောင်ပေးရမည်ဖြစ်သည်။ ယင်းမှာ လှည့်ဖြားတတ်သည် မဟုတ်လော။ ဘုရားအိမ်တော်က ဤအရာကို လုပ်ဆောင်မည်လော။ (လုပ်ဆောင်မည် မဟုတ်ပါ။) ယင်းမှာ စာတန်လုပ်ဆောင်သည့်အရာဖြစ်ပြီး အန္တိခရစ်များ တောင်းဆိုသည့်အရာ ဖြစ်သည်။ စာတန်သည် ဆင်ခြင်တုံတရား ကင်းမဲ့ပြီး အန္တိခရစ်များသည်လည်း ဤအရာနှင့်စပ်လျဉ်း၍ အလားတူ ဆင်ခြင်တုံတရား ကင်းမဲ့ပေသည်။ ထိုသို့သာမက ၎င်းတို့သည် လွဲချော်သော အကြောင်းပြချက်များကို ဖန်တီးကာ လွန်ကဲသော တောင်းဆိုချက်များကို တင်ပြကြသည်။ မိမိတို့၏ အဆင့်အတန်းကို ကာကွယ်ရန်အလို့ငှာ ၎င်းတို့ ပြုပြင်ခံရပုံနှင့် မည်သည့်အချိန်အခါများအတွင်းတွင် ၎င်းတို့ ပြုပြင်ခံခဲ့ရကာ မည်သည့်သဘောသွား အသုံးပြုထားသည်ဟူသည်တို့ကို အလေးထားရန် အထက်ကို ၎င်းတို့က တောင်းဆိုကြသည်။ ဤသည်မှာ လိုအပ်သလော။ သင်သည် ဖောက်ပြန်ပျက်စီးသော လူသားတစ်ဦးဖြစ်ပြီး စစ်မှန်ကာ မှန်ကန်သည့် အရာတစ်ခုအတွက် ပြုပြင်ခံရခြင်းဖြစ်သည်။ ထိုအရာကို သီးခြားနည်းလမ်းတစ်ခုဖြင့် လုပ်ဆောင်ရန် အဘယ်လိုအပ်မှုရှိသနည်း။ သင့်ကို ချီးကျူးအားပေးခြင်းသည် ညီအစ်ကို မောင်နှမများကို ထိခိုက်နစ်နာစေခြင်း ဖြစ်မည်မဟုတ်လော။ ဆိုးယုတ်သောလူတစ်ဦးဖြစ်သည့် သင်သည် အောက်တွင်ရှိသူများကြား မကောင်းသည့် လုပ်ဆောင်ချက်များကို မဆင်မခြင် ကျူးလွန်ကာ သင်၏ ကိုယ်ပိုင် သီးခြားနိုင်ငံကို ထူထောင်နိုင်ရန်အလို့ငှာ ချီးကျူးအားပေးခံရပြီး သင်၏ အဆင့်အတန်း ကာကွယ်ပေးခြင်းကို ခံရသင့်သလော။ ယင်းသည် ညီအစ်ကိုမောင်နှမများအတွက် မျှတမည်လော။ ယင်းသည် ၎င်းတို့အပေါ် တာဝန်ယူခြင်းကို ပြသခြင်းလော။ ယင်းမှာ ၎င်းတို့အပေါ် တာဝန်ယူခြင်းကို ပြသသည့် နည်းလမ်းတစ်ခု မဟုတ်ပေ။ ထို့ကြောင့် အန္တိခရစ်တစ်ဦးက ဤသို့ ပြုမူခြင်း၊ ဤသို့ စဉ်းစားခြင်းနှင့် ထိုတောင်းဆိုမှုမျိုးများကို ပြုခြင်းသည် ၎င်းတို့က လွဲချော်သော အကြောင်းပြချက်များကို ရေရွတ်ခြင်းနှင့် ပြဿနာရှာခြင်း၊ အရှက်တရား လုံးလုံး ကင်းမဲ့ခြင်းသက်သက် ဖြစ်ပေသည်။ ၎င်းတို့ အမှားလုပ်မိသည့် တစ်စုံတစ်ရာအတွက် ပြုပြင်ခံရချိန်တွင် အန္တိခရစ်တစ်ဦးသည် ၎င်းတို့၌ ဖောက်ပြန်ပျက်စီးသော စိတ်သဘောထားတစ်ခုရှိကြောင်းကို အသိအမှတ် မပြုသကဲ့သို့ မည်သည့်ဖောက်ပြန်ပျက်စီးသော စိတ်သဘောထားက ၎င်းတို့အား ထိုသို့သောအရာတစ်ခု လုပ်ဆောင်စေသည်ကိုလည်း မဆန်းစစ်ကြချေ။ လွဲချော်သော အကြောင်းပြချက် တစ်ပုံတစ်ခေါင်းကို ရေရွတ်ပြီးနောက် ၎င်းတို့သည် မိမိတို့ကိုယ်ကို ဆန်းစစ်ဖို့ ငြင်းဆိုသည်သာမက တန်ပြန်ရေးအစီအမံများကိုလည်း စဉ်းစားကြလေသည်။ “ဤအရာကို မည်သူ တိုင်ကြားသနည်း။ မည်သူက အထက်ထံသို့ ဤအရာကို ပေါက်ကြားစေခဲ့သနည်း။ ဤအရာ ငါ လုပ်ဆောင်ခဲ့သည်ကို မည်သူက ခေါင်းဆောင်များထံ တိုင်ကြားခဲ့သနည်း။ မည်သူဖြစ်သည်ကို ငါ သိရှိပြီး သင်ခန်းစာပေးရန် လိုအပ်သည်။ စုဝေးပွဲများအတောအတွင်းတွင် သူတို့ကို ငါ ပြစ်တင်မောင်းမဲပြီး ငါ အဘယ်မျှ ရှိန်လောက်သည်ကို သူတို့ကို ပြရန် လိုအပ်သည်”ဟူ၍ ဖြစ်သည်။ ၎င်းတို့ ပြုပြင်ခံရသည့်အခါ အန္တိခရစ်တစ်ဦးသည် “ဤအကြိမ်တွင် ငါ အမှုမဲ့အမှတ်မဲ့ဖြစ်ခဲ့ပြီး လျှို့ဝှက်ချက်ကို လွှတ်ခနဲပြောမိခဲ့သည်။ ထို့ကြောင့် နောက်တစ်ကြိမ်တွင် ဤအရာတစ်ဖန် မဖြစ်အောင် ထိန်းသိမ်းဖို့ ငါ အကောင်းဆုံး လုပ်ဆောင်ရမည်ဖြစ်ပြီး မည်သူမျှ သတိမပြုမိရန်အလို့ငှာ အောက်တွင်ရှိသည့် ညီအစ်ကို မောင်နှမများနှင့်အတူ အထက်ကို လိမ်လည်ဖို့ မတူကွဲပြားသည့် လုပ်နည်းကိုင်နည်းတစ်ခုကို ငါ ကြိုးစားရမည်။ မှန်ကန်သည့်အရာတစ်ခုကို ငါ လုပ်ဆောင်သည့်အခါ အမြန်ရှေ့ထွက်ပြီး ထိုအတွက် နာမည်ကောင်း ရယူသင့်သည်။ သို့သော် အမှားတစ်ခု ငါ လုပ်မိသည့်အခါ တာဝန်ကို အခြားတစ်စုံတစ်ဦးအပေါ် ငါ အမြန် လွှဲချရမည်”ဟု စဉ်းစားရင်း ထွက်ပေါက်ရှာရန် မိမိကိုယ်ကို ခုခံကာကွယ်ဖို့ တတ်နိုင်သမျှ လုပ်ဆောင်လိမ့်မည်ဖြစ်သည်။ ယင်းမှာ အရှက်မဲ့သည် မဟုတ်လော။ အဆုံးစွန်ထိ အရှက်မဲ့ပေသည်။ ပုံမှန်လူတစ်ဦး ပြုပြင်ခံရသည့်အခါ စိတ်ထဲတွင် ၎င်းတို့က “ငါ မကောင်းပါ။ ငါ့တွင် ဖောက်ပြန်ပျက်စီးသော စိတ်သဘောထားတစ်ခု ရှိသည်။ နောက်ထပ် ပြောရမည့်အရာ ဘာမျှမရှိပါ။ ငါ ကိုယ့်ကိုယ်ကို ပြန်လည်သုံးသပ်ရမည်”ဟု မိမိကိုယ်ကို သိုသိုသိပ်သိပ် ဝန်ခံကြသည်။ ၎င်းတို့သည် ဤအခြေအနေမျိုးကို တစ်ဖန် ကြုံရသည့်အခါ ဘုရားသခင် တောင်းဆိုသည့်အရာအတိုင်း ပြုမူဆောင်ရွက်ရန် တိတ်တဆိတ် ဆုံးဖြတ်ကြသည်။ ဤအရာကို ၎င်းတို့ စွမ်းဆောင်နိုင်ခြင်း ရှိသည်ဖြစ်စေ၊ မရှိသည်ဖြစ်စေ၊ မည်သို့ပင်ဖြစ်စေ ၎င်းတို့ ပြုပြင်ခံရသည့်အခါ ထိုအရာကို ဆင်ခြင်တုံတရားရှိသော နည်းလမ်းတစ်ခုဖြင့် ၎င်းတို့၏ စိတ်နှလုံးအတွင်းတွင် လက်ခံကြပြီး ၎င်းတို့က မှားယွင်းသည့်အရာ တစ်စုံတစ်ခု ဧကန်အမှန် လုပ်ဆောင်မိခဲ့ကြောင်းနှင့် ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိသည့်အတွက် ထိုအရာကို အသိအမှတ်ပြုရမည်ဖြစ်ကြောင်း ၎င်းတို့၏ ဆင်ခြင်တုံတရားက ၎င်းတို့ကို ပြောပြလေသည်။ ၎င်းတို့သည် မိမိတို့၏ စိတ်နှလုံးတွင် မည်သည့် အတိုက်အခံမျှမရှိဘဲ ကျိုးနွံနာခံကြပြီး ၎င်းတို့ မတရားခံရသည်ဟု အနည်းငယ်ခံစားရလျှင်ပင် ၎င်းတို့၏ အဓိကသဘောထားမှာ အပြုသဘောဆောင်ခြင်းနှင့်ဆိုင်သော သဘောထားတစ်ခု ဖြစ်သည်။ ၎င်းတို့သည် မိမိတို့ကိုယ်ကို ပြန်လည်သုံးသပ်နိုင်ကြသည်၊ နောင်တရနိုင်ကြပြီး အနာဂတ်၌ ဤကိစ္စရပ်တွင် အလားတူ အမှား မပြုမိရန် ကြိုးပမ်းဖို့ စိတ်ပိုင်းဖြတ်ချက်ချနိုင်ကြလေသည်။ တစ်နည်းအားဖြင့် အန္တိခရစ်တစ်ဦး မည်သည့်နောင်တမျှ မခံစားရသည်သာမက မိမိတို့၏ စိတ်နှလုံးတွင် အတိုက်အခံဖြစ်ပြီး ၎င်းတို့ လုပ်ဆောင်နေသည့် မကောင်းမှုကို ၎င်းတို့ လက်မလွှတ်နိုင်ကြသည်သာမက မကောင်းသည့် လုပ်ဆောင်ချက်များကို ၎င်းတို့ မဆင်မခြင် ဆက်လက်ကျူးလွန်နိုင်ရန်အလို့ငှာ၊ ၎င်းတို့၏ မကောင်းသည့် အပြုအမူကို ဆက်လက်လုပ်ဆောင်နိုင်ရန်အလို့ငှာ နောက်ထပ် ရှေ့ဆက်ရမည့်နည်းလမ်းကို ရှာဖို့ပင် ကြိုးစားကြလေသည်။ ၎င်းတို့ ပြုပြင်ခံရသည့်အခါ မိမိတို့ကိုယ်ပိုင် ဖောက်ပြန်ပျက်စီးသော စိတ်သဘောထား၊ မိမိတို့ အပြစ်၏ ရင်းမြစ်၊ မိမိတို့၏ ကြံရွယ်ချက်များ သို့မဟုတ် ၎င်းတို့၏ ဖောက်ပြန်ပျက်စီးသော စိတ်သဘောထားက ထုတ်ဖော်ပြခံရသည့်အခါ ၎င်းတို့အတွင်းတွင် ထွက်ပေါ်သည့် မတူကွဲပြားသော အခြေအနေများနှင့် ရှုထောင့်အမြင်များကို ၎င်းတို့ မဆန်းစစ်ကြချေ။ ၎င်းတို့သည် ဤအရာများကို လုံးဝ ဆန်းစစ်ခြင်းမရှိသကဲ့သို့ သို့မဟုတ် ချင့်ချိန်စဉ်းစားခြင်းမရှိသကဲ့သို့ အခြားတစ်ဦးတလေက ၎င်းတို့ကို အကြံပြုချက်များ၊ အကြံတို့ကို ပေးသည့်အခါ သို့မဟုတ် ၎င်းတို့ကို ဖော်ထုတ်သည့်အခါ လက်ခံခြင်းလည်း မရှိကြချေ။ ထိုအစား ၎င်းတို့၏ အဆင့်အတန်းကို ကာကွယ်နိုင်ရန်အလို့ငှာ ၎င်းတို့၏ အထက်နှင့် အောက်တွင်ရှိသည့်သူများကို လှည့်ဖြားဖို့အတွက် အမျိုးမျိုးသော နည်းလမ်းများ၊ နည်းစနစ်နှင့် နည်းဗျူဟာများကို လိုက်လံရှာဖွေဖို့ မိမိတို့၏ အားထုတ်မှုများကို တိုးကြလေသည်။ ၎င်းတို့သည် ဘုရားအိမ်တော်၌ အဖျက်အမှောင့်များဖြစ်စေရာတွင် မိမိတို့၏ အားထုတ်မှုများကို အရှိန်မြှင့်ကြပြီး မကောင်းမှုလုပ်ဆောင်ရန် မိမိတို့၏ အဆင့်အတန်းကို အသုံးပြုကြလေသည်။ ၎င်းတို့သည် အမှန်တကယ်ပင် မျှော်လင့်ချက်လုံးဝ မရှိကြပေ။

အန္တိခရစ်များ၏ အလုပ်၏ ကဏ္ဍတစ်ခုတလေကို တာဝန်ယူသည့်အခါ ၎င်းတို့သည် ဝတ်ကျေတမ်းကျေဖြစ်ကြပြီး ဆိုးယုတ်သောလူများနှင့် ဘုရားအိမ်တော်၏ အလုပ်ကို အဖျက်အမှောင့်လုပ်သောသူတို့ကို မသိကျိုးကျွံပြုကြသည် သို့မဟုတ် ထိုသူတို့တွက်ပင် ဖုံးဖိကောင်းဖုံးဖိပေးနိုင်သည်၊ အလိုလိုက်ကာ ကာကွယ်ပေးနိုင်ကြသည်။ ဖြုတ်ချခံရပြီးနောက်တွင် အန္တိခရစ်တစ်ဦးသည် မတူကွဲပြားသည့် တာဝန်တစ်ခုကို လုပ်ဆောင်သည့်အခါ ပြောင်းလဲလိမ့်မည်လော။ (ပြောင်းလဲလိမ့်မည် မဟုတ်ပါ။) ယင်းမှာ အဘယ်ကြောင့်နည်း။ (၎င်းတို့၏ သဘာဝ အနှစ်သာရနှင့်ပတ်သက်သည့် ပြဿနာတစ်ခုကြောင့်ဖြစ်သည်။) ထိုသို့သော ကြီးလေးသည့် အမှားတစ်ခုကို ကျူးလွန်ပြီးနောက်တွင် ၎င်းတို့သည် နောင်တမရကြသေးသကဲ့သို့ မိမိတို့၏ စိတ်နှလုံးတွင် အယူအဆများနှင့် မကျေမချမ်းမှုများကို ထားရှိကြဆဲဖြစ်သည်။ ထို့ကြောင့် ၎င်းတို့လုပ်ဆောင်သည့် မည်သည့်တာဝန်တွင်မဆို အနည်းငယ် ရိုးသားစစ်မှန်ဖို့ရန် ၎င်းတို့အတွက် ဖြစ်နိုင်သလော။ ၎င်းတို့တွင် အယူအဆများ သို့မဟုတ် မကျေမချမ်းမှုများ တစ်ခုတလေ မရှိမီတွင်ပင် မိမိတို့၏ တာဝန်၌ မကောင်းသည့် လုပ်ဆောင်ချက်များကို မဆင်မခြင် ကျူးလွန်းကြသည်။ ထို့ကြောင့် ဤအရာများကို ၎င်းတို့ စိတ်ထဲထားရှိနေချိန်တွင် ၎င်းတို့တာဝန်၌ ရိုးသားစစ်မှန်ရန် ၎င်းတို့အတွက် ဖြစ်နိုင်သလော။ (မဖြစ်နိုင်ပါ။) ရိုးသားစစ်မှန်မှုမရှိဘဲနှင့် ၎င်းတို့သည် ဝတ်ကျေတမ်းကျေ ဖြစ်ကြလိမ့်မည်လော။ မကောင်းသည့် လုပ်ဆောင်ချက်များကို ၎င်းတို့ မဆင်မခြင် ကျူးလွန်ကြလိမ့်မည်လော။ (ကျူးလွန်ကြပါလိမ့်မည်။) သင်တို့ထဲမှ အချို့သည် လက်ခံယုံကြည်ခြင်း ရှိကောင်းရှိနိုင်ကြမည် မဟုတ်ပေ။ ထို့ကြောင့် သင်တို့ကိုယ်တိုင် ကောင်းစွာ ကြည့်ရှုလော့။ ပြီးလျှင် သင် လက်ခံယုံကြည်သည့်နေရက် ရောက်ရှိလာလိမ့်မည်ဖြစ်သည်။ အန္တိခရစ်တစ်ဦးသည် မည်သည့်အခါတွင်မျှ မပြောင်းလဲနိုင်သကဲ့သို့ ၎င်းတို့ မည်သည့်နေရာတွင် အထားခံရသည်ဖြစ်စေ အမြဲ ကောင်းမြတ်ကြလိမ့်မည် မဟုတ်ပေ။ သမ္မာတရား လိုက်စားသည့် တစ်စုံတစ်ဦးသည် ဖောက်ပြန်ပျက်စီးသော စိတ်သဘောထားတစ်ခု ထုတ်ဖော်ပြခြင်းအတွက် ပြုပြင်ခံရပြီးနောက်တွင် အချို့သော ပြောင်းလဲမှုများကို ကြုံရသည်။ ၎င်းတို့၏ အခြေအနေက ကောင်းသည်ထက် ကောင်းလာသည်၊ ၎င်းတို့၏ သဘောထားက ပိုပိုပြီး တက်ကြွလာသည်၊ ၎င်းတို့၏ ရှုထောင့်အမြင်များက ပိုပိုပြီး အပြုသဘောဆောင်လာသည်၊ ၎င်းတို့ လိုက်စားမှု၏ ရည်မှန်းချက်များနှင့် ဦးတည်ချက်တို့သည် ပိုပိုပြီး မှန်ကန်လာသည်၊ ၎င်းတို့သည် ဘုရားသခင်ကို ကြောက်ရွံ့သည့် စိတ်နှလုံး တိုး၍ ဖြစ်ပေါ်ပြီး ၎င်းတို့၏ လူ့သဘာဝက ပိုပိုပြီး လေးစားမှုနှင့် ထိုက်တန်သည့်ပုံပေါ်လေသည်။ ဆန့်ကျင်ဘက်အနေဖြင့် အန္တိခရစ်တစ်ဦးက ပြုပြင်ခြင်းခံရလေ၊ ၎င်းတို့၏ စိတ်ထဲမှ မကျေမချမ်းမှုက ပိုမိုကြီးထွားလေဖြစ်ကာ ၎င်းတို့သည် ပို၍သတိထားရှောင်လာလေဖြစ်သည်၊ ၎င်းတို့ မတရားခံရသည်ဟု ၎င်းတို့၏ စိတ်နှလုံးတွင် ခံစားရလေဖြစ်ပြီး ဘုရားသခင်နှင့်ပတ်သက်၍ ၎င်းတို့၏ အယူအဆများ၊ အမုန်းတရားနှင့် စောဒကတက်ခြင်းများက သာ၍ ကြီးထွားလေဖြစ်သည်။ ၎င်းတို့ ပြုပြင်မခံရသေးသည့်အချိန်တွင် ၎င်းတို့၏ ဇာတိပကတိသည် အဖိုးအခ အနည်းငယ် ပေးနိုင်ကြသော်လည်း ၎င်းတို့ များစွာ ပြုပြင်ခံရသည့်အခါ ၎င်းတို့တွင် ရိုးသားစစ်မှန်မှု အနည်းငယ်မျှပင် မရှိကြပေ။ ၎င်းတို့သည် အမှန်တကယ်ပင် သေချာပေါက်ဖြစ်လမ်း မရှိသောကိစ္စတစ်ခု ဖြစ်သည်။ ဤအရာကို သင်ကိုယ်တိုင် စောင့်ကြည့်လေ့လာလော့။ ဤကဲ့သို့သောသူ မည်သူမဆိုသည် အခြားသူတို့ကို အားပေးဖို့အတွက် တရားဒေသနာများကို အမြဲ ဟောပြောကြသော်လည်း ၎င်းတို့ကိုယ်တိုင်က လုံးဝ လက်တွေ့လုပ်ဆောင်ခြင်းမရှိ သို့မဟုတ် မည်သည့် ဝင်ရောက်မှုမျှ မရှိကြပေ။ ဤသည်မှာ ထူးခြားသော လက္ခဏာတစ်ခု ဖြစ်သည်။ နောက်ထပ် ထူးခြားသော လက္ခဏာတစ်ခုမှာ မည်သည့်အလုပ်ကို ၎င်းတို့ လုပ်ဆောင်နေကြသည်ဖြစ်စေ ၎င်းတို့တွင် အဆင့်အတန်း ရှိသည်နှင့်တစ်ပြိုင်နက် ရှေ့ထွက်လာပြီး စိတ်ထက်သန်မှုအချို့ကို ပြနိုင်သော်လည်း မိမိတို့အလုပ်တွင် အမြဲ ဝတ်ကျေတမ်းကျေဖြစ်ကာ မကောင်းသော လုပ်ဆောင်ချက်များကို မဆင်မခြင် ကျူးလွန်ကြလေသည်။ အဆင့်အတန်းကို ၎င်းတို့ ဆုံးရှုံးသည့်အခါ ရန်စောင်လာကြသည်။ ၎င်းတို့သည် မိမိတို့၏ အခြေအနေကို မျှော်လင့်ချက်မဲ့သော အခြေအနေအဖြစ် သဘောထားလိုက်ကြပြီး ဘုရားသခင်ကို ကြောက်ရွံ့သော စိတ်နှလုံး လုံးဝ ကင်းမဲ့လျက် မထီလေးစားနှင့် မဆင်မခြင်ပြုသော နည်းလမ်းဖြင့်ပင် ပြုမူဆောင်ရွက်ကာ ဥပဒေမဲ့ ရိုင်းစိုင်းကြမ်းကြုတ်သောသူတစ်ဦးကဲ့သို့ ပြုမူကြလေသည်။ လူသားမျိုးနွယ်အားလုံးထဲတွင် ဤလူစားမျိုးသည် စံပြ အန္တိခရစ်တစ်ဦး ဖြစ်သည်။ ၎င်းတို့သည် အခြားလူတို့၏ အခြေအနေများကို နားလည်ရလွယ်ကူပြီး ၎င်းတို့တွင်လည်း မိမိတို့ကိုယ်ကိုနှင့်သက်ဆိုင်၍ ဤသိနားလည်မှုမျိုးရှိသည်ဟု ခံစားစေသည့် နည်းလမ်းတစ်ခုဖြင့် အလွန် ရှင်းလင်းစွာနှင့် အကျိုးသင့်အကြောင်းသင့် စိစစ်နိုင်ကြသည်။ သို့သော် အမှားတစ်မျိုးမျိုးကို ၎င်းတို့ ပြုမိသည့်အခါ ဖောက်ပြန်ပျက်စီးသော စိတ်သဘောထားတစ်ခုကို ၎င်းတို့ ထုတ်ဖော်ပြပြီးဖြစ်ကာ သင်က ၎င်းတို့ကို ဖော်ထုတ်ပြီး စိစစ်ဖို့ ကြိုးစားသည့်အခါ ၎င်းတို့တွင် မည်သည့် သဘောထားမျိုးရှိသည်ကို ကြည့်လော့။ ၎င်းတို့အနေဖြင့် ထိုအရာကို လုံးဝ လက်ခံရန် မလိုမလားဖြစ်နေကြလိမ့်မည်ဖြစ်ပြီး ထိုအရာကို ဝန်ခံခြင်းမရှိဘဲ ချေပရန်နှင့် မိမိတို့ကိုယ်ကို ခုခံကာကွယ်ရန် နည်းလမ်းအားလုံးကို စဉ်းစားကြလိမ့်မည်ဖြစ်သည်။ မည်သူကမျှ ၎င်းတို့ကို ထိပါးနိုင်ကြလိမ့်မည် မဟုတ်သကဲ့သို့ ၎င်းတို့ကို ဒေါသထွက်စေသည့် မည်သူမဆို သို့မဟုတ် ၎င်းတို့၏ ပြဿနာကို ဖော်ထုတ်သည့် မည်သူမဆိုသည် မိမိတို့ ဒုက္ခရောက်သည်ကို တွေ့ရှိကြလိမ့်မည်ဖြစ်ပြီး ၎င်းတို့၏ ရန်သူအဖြစ် ဆက်ဆံခံရလိမ့်မည် ဖြစ်သည်။

အန္တိခရစ်တစ်ဦးက အဆင့်အတန်းတစ်ခု ရှိသည့်အခါ ထိုအဆင့်အတန်းကို ကာကွယ်ရန် အခက်အခဲ အနည်းငယ်ကို ၎င်းတို့ ခါးစည်းခံနိုင်ကြပြီး အဖိုးအခအနည်းငယ် ပေးနိုင်ကြသည်။ ၎င်းတို့သည် နေအောက်တွင်ရှိသည့် လူတိုင်းကို ကရုဏာထားသည့်၊ လူတိုင်းကို ကယ်တင်ချင်သည့် ကြင်နာသော မျက်နှာတစ်ခု၊ သူတော်ကောင်း ယောင်ဆောင်သည့် မျက်နှာတစ်ခုကိုလည်း ဟန်ဆောင်ထားရှိနိုင်သည်။ သို့သော် ၎င်းတို့၏ အဆင့်အတန်းကို ၎င်းတို့ ဆုံးရှုံးသည်နှင့်တစ်ပြိုင်နက် ၎င်းတို့၏ စေတနာအားလုံး ပျောက်ကွယ်သွားသည်။ သို့တိုင် ၎င်းတို့သည် အတိတ်တွင် မွေ့လျော်ခံစားခဲ့ရသည့် အားပေးမှု၊ လေးစားမှုနှင့် အထူးအာရုံစိုက်ခြင်းတို့ကို ဖက်တွယ်ချင်ကြဆဲဖြစ်ပြီး မွေ့လျော်ခံစားချင်ကြဆဲဖြစ်သည်။ ၎င်းတို့သည် အဆုံးစွန်ထိ တကယ်ကို အရှက်မဲ့ကြပေသည်။ အန္တိခရစ်တစ်ဦးက မည်သည့်အဖွဲ့တွင်ရှိသည်ဖြစ်စေ ၎င်းသည် မည်သူကိုမျှ အကူအညီ သို့မဟုတ် တည်ဆောက်ပေးမှု အနည်းငယ်မျှ မပေးကြပေ။ သို့တိုင် ၎င်းတို့က လူတိုင်း၏ အားပေးမှုနှင့် လေးစားမှုတို့ကို မွေ့လျော်ခံစားချင်နေကြဆဲဖြစ်သည်။ ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခုရှိသည်ကို အခြားမည်သူက အသိအမှတ်ပြုသည်ဖြစ်စေ အန္တိခရစ်တစ်ဦးသည် မိမိတွင်လည်း ဖောက်ပြန်ပျက်စီးသော စိတ်သဘောထားတစ်ခု ရှိကြောင်းကို ထုတ်ပြောဆိုလိမ့်မည် မဟုတ်ပေ သို့မဟုတ် အတိတ်တွင် မည်သည့် ဖောက်ပြန်ပျက်စီးသော စိတ်သဘောထားမျိုး ၎င်းတို့ ထုတ်ဖော်ပြခဲ့သည့်အကြောင်းကို ပြောဆိုကြလိမ့်မည် မဟုတ်ပေ။ ၎င်းတို့သည် မိမိတို့ကိုယ်ကို လုံးဝ မစိစစ်ကြသကဲ့သို့ အကျပ်အတည်း ဖြစ်သည့်အခြေအနေတွင် ရောက်ရှိသည့်အခါ ၎င်းတို့က “ဟုတ်ပါသည်၊ ကျွန်ုပ် မကောင်းဆိုးဝါးတစ်ဦး ဖြစ်သည်၊ ကျွန်ုပ် စာတန်တစ်ဦး ဖြစ်ပါသည်”ဟူသကဲ့သို့သော တစ်စုံတစ်ရာကိုသာ ပြောဆိုကြလိမ့်မည်ဖြစ်ပြီး ထိုမျှသာဖြစ်သည်။ ၎င်းတို့သည် အဆင့်မြင့်ပုံရသည့်၊ အနှစ်မဲ့သော ဤစကားမျိုး အနည်းငယ်ကိုသာ ပြောကြသည်။ သင်သည် ၎င်းတို့ကို “မကောင်းဆိုးဝါးတစ်ဦးနှင့် စာတန်တစ်ဦး ဖြစ်ခြင်းနှင့်ဆိုင်သည့် မည်သည့် တိကျသော သရုပ်သကန်များနှင့် ထုတ်ဖော်ပြချက်များကို သင် ပိုင်ဆိုင်သနည်း။ သင် ပြုမူဆောင်ရွက်သည့်အခါ မည်သည့် ရည်ရွယ်ချက်နှင့် ကြံရွယ်ချက်မျိုးများ သင့်တွင် ရှိသနည်း”ဟု မေးလျှင် ၎င်းတို့က မည်သည့်အရာကိုမျှ လုံးဝ ပြောကြမည်မဟုတ်ပေ။ ၎င်းတို့သည် စာတန်တစ်ဦး မဟုတ်သလော။ အဆင်းနီသော နဂါးကြီးသည် အာဏာရလာကတည်းက မရေမတွက်နိုင်သည့် မကောင်းမှုများကို ကျူးလွန်ပြီးဖြစ်ကာ သူ၏ အုပ်စိုးမှုတစ်လျှောက်လုံးတွင် ၎င်းသည် မိမိ၏ အပြစ်များကို စဉ်ဆက်မပြတ် ဝန်ခံကာ အမှန်ပြင်နေစဉ်တစ်လျှောက်လုံးတွင် မိမိလူတို့ကို မိမိ၏ စော်ကားမှုအား စဉ်ဆက်မပြတ် အရှိန်မြှင့်နေခဲ့သည်။ ၎င်းက မိမိ၏ အပြစ်များကို အသိအမှတ်ပြုနေသည်ကို သင် မြင်သည့်အခါ ၎င်းအနေဖြင့် နောင်တရပြီး ပိုကောင်းမွန်သည့်နည်းလမ်းဖြင့် စတင်ပြုမူလိမ့်မည်၊ ၎င်းတွင် ဝန်ခံသည့် သဘောထားတစ်ခုရှိပြီး ထိုသို့သော အမှားများကို သေချာပေါက် တစ်ဖန် ကျူးလွန်လိမ့်မည်မဟုတ်ဟု သင် တွေးကောင်းတွေးနိုင်သည်။ သို့သော် ဆက်လက်၍ ဖြစ်ပျက်သည့်အရာများနှင့် အမှုအရာများဖြစ်ပေါ်ပုံတို့မှ အကဲဖြတ်သည့်အခါ အဆင်းနီသော နဂါးကြီးက မိမိ၏ အပြစ်များကို ဝန်ခံခြင်းသည် မိမိ၏ ပုံရိပ်နှင့် အဆင့်အတန်းကို ကာကွယ်ခြင်း၊ မိမိလူတို့ကို နှိပ်စက်ညှဉ်းပန်းသည့် အာဏာကို ဆက်လက် စွဲကိုင်ကာ သာ၍ ဆိုးရွားသည့်အရာများကို လုပ်ဆောင်ရန် လမ်းခင်းနေခြင်းအတွက်မျှသာ ဖြစ်ပေသည်။ အန္တိခရစ်များက အတူတူပင်ဖြစ်သည်။ ၎င်းတို့သည် နတ်ဆိုးများ၊ စာတန်နှင့် အဆင်းနီသော နဂါးကြီးကဲ့သို့ အလားတူ သဘာဝ အနှစ်သာရကို ပိုင်ဆိုင်ကြသည်။ ၎င်းတို့သည် မိမိတို့ကိုယ်ကို ဟန်ဆောင်ရာတွင် တော်ကြပြီး အကျင့်ပါနေသော လူလိမ်လူညာများ ဖြစ်ကြသည်။ ၎င်းတို့သည် အရှက်တရားကို မသိကြ၊ သမ္မာတရားနှင့် အပြုသဘောဆောင်သည့် အရာများကို အလွန်အမင်း မနှစ်မြို့ကြသကဲ့သို့ သမ္မာတရားကို နည်းနည်းမျှ လက်မခံကြပေ။ ထို့အပြင် ၎င်းတို့သည် ကြားကောင်းသည့်အရာများကိုသာ ပြောဆိုကြပြီး မကောင်းသည့်အရာမျိုးစုံကိုသာ လုပ်ဆောင်ကြသည်။ ညီအစ်ကို မောင်နှမများအနီးဝန်းကျင်တွင် အန္တိခရစ်များသည် မှန်ကန်သည့်အရာများကို မကြာခဏ ပြောဆိုကြပြီး အပေါ်ယံတွင် မှန်ကန်ပုံရသည့် အရာများကို လုပ်ဆောင်ကြသော်လည်း ဘုရားနှုကပတ်တော်များ၊ သမ္မာတရား စည်းမျဉ်းများနှင့်အညီ တစ်သဝေမတိမ်း လက်တွေ့လုပ်ဆောင်ရန်၊ ဘုရားအိမ်တော်၏ အလုပ်အစီအစဉ်များကို အကောင်အထည်ဖော်ရန် စေခိုင်းခံရသည့်အခါ ထိုအရာမျိုးကို ၎င်းတို့ ဘာမျှလုပ်ဆောင်ကြလိမ့်မည်မဟုတ်ဘဲ ထိုအစား အရိပ်အယောင်မရှိဘဲ ပျောက်ကွယ်သွားကြလိမ့်မည်။ ကြီးကြပ်မှု သို့မဟုတ် တိုက်တွန်းမှုမရှိဘဲ ၎င်းတို့ကို သင် လွှတ်ထားလျှင် ၎င်းတို့သည် မကောင်းသည့် လုပ်ဆောင်ချက်များကို မဆင်မခြင် ကျူးလွန်းကြလိမ့်မည်ဖြစ်ပြီး မိမိတို့၏ကိုယ်ပိုင် သီးခြားဖြစ်သော နိုင်ငံကို ထူထောင်ကြလိမ့်မည်။ အာဏာစွဲကိုင်ခြင်းနှင့်ဆိုင်သည့် ၎င်းတို့၏ ရည်မှန်းချက်ကို ရရှိရန်အတွက် ၎င်းတို့သည် မည်သည့် အခက်အခဲကိုမဆို ခါးစည်းခံကာ မည်သည့်အဖိုးအခကိုမဆို ပေးလိမ့်မည်ဖြစ်သည်။ အန္တိခရစ်များတွင် အခြားသော သဘာဝ အနှစ်သာရမျိုးရှိသည်ကို ငါတို့ မြင်နိုင်ပေသည်။ ယင်းမှာ ၎င်းတို့သည် တစ်ကိုယ်ကောင်းဆန်ပြီး စက်ဆုပ်ဖွယ်ကောင်းခြင်း ဖြစ်သည်။ မိမိတို့ကိုယ်တိုင်အတွက် တစ်စုံတစ်ရာကို လုပ်ဆောင်နေချိန်တွင် အဖိုးအခ အနည်းငယ် ပေးခြင်းအပြင် အပြန်အလှန်အနေဖြင့် မည်သည့်အရာမျှ မရရှိဘဲ ညီအစ်ကို မောင်နှမများအတွက်၊ ဘုရားအိမ်တော်အတွက် တစ်စုံတစ်ရာကို လုပ်ဆောင်ရန် သို့မဟုတ် ပြောဆိုရန် စေခိုင်းခံရလျှင် ၎င်းတို့သည် အလွန်ကြင်နာတတ်သောစိတ်ထား ရှိကြလိမ့်မည်လော။ ထိုဝန်ထုပ်ကို ၎င်းတို့ တာဝန်ယူကြလိမ့်မည်လော။ (တာဝန်ယူကြလိမ့်မည် မဟုတ်ပေ။) သို့ဆိုလျှင် အထက်က ၎င်းတို့ကို အကောင်အထည်ဖော်ရန် စေခိုင်းသည့် အရာများနှင့် ပတ်သက်လာသည့်အခါ၊ ထိုအလုပ်ကို စစ်ဆေးဖို့ အချိန်ရောက်လာသည့်အခါ ၎င်းတို့သည် ထိုအလုပ်တစ်ခုတလေကိုမျှ အကောင်အထည်ဖော်ပြီး ဖြစ်လိမ့်မည် မဟုတ်ပေ။ ယင်းမှာ အဘယ်ကြောင့်နည်း။ အဘယ်ကြောင့်ဆိုသော် ထိုသို့ လုပ်ဆောင်ခြင်းသည် မိမိတို့ကိုယ်ကို ပင်ပန်းစေပြီး ဆင်းရဲဒုက္ခခံစားစေဖို့ လိုအပ်မည်ဖြစ်သောကြောင့်ဖြစ်သည်။ ၎င်းတို့အနေဖြင့် အဖိုးအခ ပေးရမည်ဖြစ်ပြီး ထိုအရာမှ အကျိုးကျေးဇူးများစွာ ရရှိနိုင်ဖွယ်အလားအလာ ရှိမည်မဟုတ်ပေ။ သို့ဖြစ်၍ ၎င်းတို့သည် ယင်းကို လုပ်ဆောင်မည်ကို မဟုတ်ချေ။ လူအများစုက ယင်းမှ အကျိုးအမြတ်ရမည်ဆိုလျှင်၊ လူအများစုက ထိုအရာမှ အကျိုးကျေးဇူး ရရှိမည်ဆိုလျှင် အန္တိခရစ်တစ်ဦးသည် ထိုအတွက် အဖိုးအခတစ်ခု ပေးရန် လိုလားနေမည်လော။ လိုလားမည် မဟုတ်ပေ။ ထိုအရာသည် လူအများစုက ၎င်းတို့ကို လေးစားပြီး အောက်မေ့သတိရမည့် အရာတစ်ခုဖြစ်မည်ဆိုလျှင်၊ ၎င်းတို့ကို ကိုးကွယ်ကာ ချီးမွမ်းကြမည့်အရာတစ်ခု ဖြစ်မည်ဆိုလျှင်၊ ၎င်းတို့ လုပ်ဆောင်ခဲ့သည့် ဤကောင်းသောအရာအတွက် ၎င်းတို့အနေဖြင့် မျိုးဆက်နှင့်ချီ အောက်မေ့သတိရခံရမည်ဆိုလျှင် ၎င်းတို့ မည်သို့ ပြုမူကြမည်နည်း။ ၎င်းတို့သည် ချက်ချင်း စတင်လှုပ်ရှားကြမည်ဖြစ်ပြီး အခြားမည်သူမဆိုထက် သာ၍ ဝမ်းသာအားရ လုပ်ဆောင်ကြမည်ဖြစ်သည်။ ဤသည်မှာ အရှက်မဲ့သည် မဟုတ်လော။ စာတန်၊ နတ်ဆိုးသည် အမှန်တကယ်ပင် အရှက်မဲ့ပေသည်။ ၎င်းသည် မရေမတွက်နိုင်သည့် မကောင်းမှုများကို ကျူးလွန်ပြီးဖြစ်သည့်တိုင် လူတိုင်းအား ၎င်းကို အလွန်အမင်း ကျေးဇူးတင်ရှိစေချင်ဆဲ၊ လူတို့အား နီးကပ်စွာ ၎င်းနောက်လိုက်စေချင်ပြီး ၎င်းကို လွန်လွန်ကဲကဲ မြှောက်စားစေချင်ဆဲဖြစ်သည်။ ၎င်းက လူတို့ကို အလွန်နှိပ်စက်ညှဉ်းပန်းသည့်တိုင် ၎င်းတို့၏ချီးမွမ်းခြင်းကို ခံချင်ဆဲဖြစ်သည်။ အန္တိခရစ်များက အတူတူပင် ဖြစ်သည်။ အန္တိခရစ်တစ်ဦးက တရားဒေသနာမည်မျှ ကြားပြီးသည်ဖြစ်စေ၊ အယူဝါဒများ မည်မျှ ၎င်းတို့ နားလည်သည်ဖြစ်စေ ၎င်းတို့အား ဝတ်ကျေတမ်းကျေဖြစ်ခြင်းမရှိဘဲ အလုပ်တစ်ခုခု သို့မဟုတ် တာဝန်တစ်ခုကို ထမ်းဆောင်ရန် သင် စေခိုင်းလျှင် ထိုအရာကို ၎င်းတို့ မလုပ်နိုင်ကြပေ။ ၎င်းတို့အား မိမိတို့ကိုယ်ပိုင် သီးခြားဖြစ်သော နိုင်ငံကို ထူထောင်ခြင်း သို့မဟုတ် မကောင်းသည့် လုပ်ဆောင်ချက်များကို မဆင်မခြင် ကျူးလွန်းခြင်းအား ရှောင်ကြဉ်ရန် သင် စေခိုင်းလျှင် ထိုအရာကို ၎င်းတို့ မလုပ်ဆောင်နိုင်ကြပေ။ အဆင့်အတန်း၏ အကျိုးကျေးဇူးများကို မွေ့လျော်ခြင်း၊ ကိုယ်စိတ်ချမ်းသာမှုကို အရသာတွေ့ခြင်း၊ အဆင့်အတန်းနှင့် အထူးအခွင့်အရေးများကို အကြိုက်တွေ့ခြင်းအား ရှောင်ကြဉ်ရန် ၎င်းတို့ကို သင် တောင်းဆိုလျှင် ထိုအရာကို ၎င်းတို့ မလုပ်နိုင်ကြပေ။ အခြားသူတို့ကို မညှဉ်းဆဲရန်၊ သို့မဟုတ် မလိမ်ညာရန် ၎င်းတို့ကို သင် တောင်းဆိုလျှင် ၎င်းတို့ မလုပ်နိုင်ကြပေ။ လှူဖွယ်ပစ္စည်းများကို မဖြုန်းတီးရန်နှင့် ဘုရားအိမ်တော်၏ အကျိုးစီးပွားများကို ကာကွယ်ရန် ၎င်းတို့ကို သင် တောင်းဆိုလျှင် ထိုအရာကို ၎င်းတို့ မလုပ်နိုင်ကြပေ။ မိမိတို့ကိုယ်ကို သက်သေမခံရန် ၎င်းတို့ကို သင် တောင်းဆိုလျှင် ယင်းကို ၎င်းတို့ လုံးဝ လုပ်ဆောင်နိုင်ကြလိမ့်မည် မဟုတ်။ အပြန်အလှန်အနေဖြင့် မည်သည့်အရာကိုမျှ မရရှိဘဲ ဘုရားသခင်၏ ရွေးချယ်ထားသော လူတို့အတွက် အဖိုးအခအနည်းငယ် ပေးရန် သို့မဟုတ် မထင်ပေါ်ဘဲ အလုပ်အနည်းငယ်ကို လုပ်ဆောင်ရန် ၎င်းတို့အား သင် စေခိုင်းလျှင် ထိုအရာကို ၎င်းတို့ လုပ်ဆောင်နိုင်ကြလိမ့်မည် မဟုတ်ပေ။ မည်သည့်အရာကို ၎င်းတို့ လုပ်ဆောင်နိုင်ကြသနည်း။ ၎င်းတို့သည် မကောင်းသည့် လုပ်ဆောင်ချက်များကို မဆင်မခြင် ကျူးလွန်နိုင်ကြသည်၊ မိမိတို့ကိုယ်ပိုင် သီးခြားဖြစ်သော နိုင်ငံကို ထူထောင်နိုင်ကြသည်၊ မိမိတို့ကိုယ်ကို သက်သေခံနိုင်ကြသည်၊ လှူဖွယ်ပစ္စည်းများကို ဖြုန်းတီးနိုင်ကြသည်၊ အသင်းတော်တွင် ခိုကပ်နေနိုင်ကြသည်၊ အခြားသူတို့ကို ညှဉ်းဆဲနိုင်ကြသည်၊ ဆောင်ပုဒ်များကို ဟစ်ကြွေးနိုင်ကြသည်၊ အယူဝါဒများကို ရေရွတ်နိုင်ကြသည်၊ လူတို့ကို အထင်အမြင်မှားစေရန် အယူလွဲများနှင့် မှားယွင်းပြီး အဓိပ္ပာယ် မရှိသောအရာများကို ဖြန့်နိုင်ကြကာ စသည်တို့ကို လုပ်ဆောင်နိုင်ကြလေသည်။ ၎င်းတို့အတွက် ဤအရာများကို လုပ်ဆောင်ရန်မှာ အားထုတ်ရန်မလိုပေ။ သင်တို့ အနီးဝန်းကျင်တွင် ထိုကဲ့သို့သောသူ တစ်ဦးတလေ ရှိသလော။ အာဏာကို ၎င်းတို့ စွဲကိုင်သည်နှင့်တစ်ပြိုင်နက်၊ ၎င်းတို့တွင် အာဏာ အနည်းငယ်မျှ ရှိသည်နှင့်တစ်ပြိုင်နက် ၎င်းတို့သည် ဘုရားအိမ်တော်၏ ဘဏ္ဍာရေးကို ထိန်းချုပ်ချင်ကြလေသည်။ မည်သည့်အရာကို ၎င်းတို့ ဝယ်ယူသည်ဖြစ်စေ အရည်အသွေးမြင့်သည့်၊ စျေးကြီးပြီး နာမည်ရတံဆိပ်ရှိသည့် ကုန်ပစ္စည်းများကို ရရှိလိုကြပြီး ဤအရာကို အခြားမည်သူနှင့်မျှ ၎င်းတို့ မဆွေးနွေးကြ သို့မဟုတ် အခြားတစ်ဦးတလေက ပြောရန်ရှိသည့်အရာကို ၎င်းတို့က နားမထောင်ကြပေ။ ၎င်းတို့ကို အာဏာ အနည်းငယ် ပေးလိုက်သည်နှင့် ထိုအာဏာကို အကြိုက်တွေ့ကြသည်။ ၎င်းတို့ကို အာဏာအနည်းငယ် ပေးလိုက်သည်နှင့် ၎င်းတို့သည် အုပ်စုများ ဖွဲ့ချင်ကြပြီး အမှုအရာများကို မိမိတို့ သဘောအတိုင်း လုပ်ဆောင်ချင်ကြကာ အထက်ကို သို့မဟုတ် အခြားတစ်ဦးတလေကို နားထောင်ရန် ငြင်းဆန်ကြလေသည်။ ၎င်းတို့ကို အာဏာအနည်းငယ် ပေးလိုက်သည်နှင့် ၎င်းတို့ ဘုရားဖြစ်လာသကဲ့သို့ ခံစားပြီး အခြားသူတို့က ၎င်းတို့ကို အားပေးထောက်ပံ့ရန် မိမိတို့ကိုယ်ကို သက်သေခံချင်ကြကာ အုပ်စုဖွဲ့ချင်ကြသည်၊ မိမိတို့ကိုယ်ပိုင် ဂိုဏ်းကို ဖွဲ့ချင်ကြလေသည်။ ၎င်းတို့ကို အာဏာအနည်းငယ် ပေးလိုက်သည့်အခါ ညီအစ်ကို မောင်နှမများကို မိမိတို့လက်ခုပ်အတွင်းတွင် တင်းကျပ်စွာ ထိန်းချုပ်ထားချင်ကြသည်။ တစ်စုံတစ်ဦးကို ၎င်းတို့ထံမှ ဝေးရာသို့ ပြောင်းရွှေ့တာဝန်ပေးရန် ဘုရားအိမ်တော်၏ အလုပ်က လိုအပ်သည့်အခါ အတော်ပင် ခက်ခဲလိမ့်မည် ဖြစ်သည်။ ၎င်းတို့က ထိုအရာကို အတည်ပြုပေးရမှဖြစ်မည်ဖြစ်ပြီး တစ်စုံတစ်ဦးက ၎င်းတို့နှင့်အတူ ထိုအရာကို ဆွေးနွေးရန် လိုအပ်သကဲ့သို့ ထိုလူထံမှ ၎င်းတို့ မကြိုက်သည့် သဘောထားကို လက်ခံကြမည် မဟုတ်ပေ။ ၎င်းတို့တွင် အာဏာနှင့် ဩဇာလွှမ်းမိုးမှု ရှိကြောင်းကို တစ်လောကလုံးအား ၎င်းတို့ သိစေချင်ကြပြီး လူတိုင်းက ၎င်းတို့ကို လေးစားကာ ရိုသေရမည်ဖြစ်သည်။ ဤသည်မှာ အများအားဖြင့် အသိအမှတ်ပြုထားသည့် အချက်တစ်ခု ဖြစ်သည်။ ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိကြောင်းကို အန္တိခရစ်တစ်ဦးက လုံးဝ အသိအမှတ်ပြုလိမ့်မည် မဟုတ်ပေ။ ဤအရာကို သင်ကိုယ်တိုင် လေ့လာစောင့်ကြည့်လော့။ ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိကြောင်းကို ဝန်မခံသည့်သူများက တစ်စုံတစ်ရာ အမှားလုပ်ကာ ဖောက်ပြန်ပျက်စီးသော စိတ်သဘောထားတစ်ခုကို ထုတ်ဖော်ပြပြီးနောက်တွင် နောင်တရနိုင်ခြင်း ရှိမရှိဆိုသည်နှင့်၊ မည်သည့်ဦးတည်ချက်ကို ၎င်းတို့ ဖြစ်ပေါ်ပြီး အဆုံးတွင် မည်သည့်လမ်းကြောင်းကို လျှောက်ကြသည်၊ မိမိတို့ တာဝန်ကို ထမ်းဆောင်နေစဉ်တွင်လည်းကောင်း၊ အခြားသူတို့နှင့် ဆက်ဆံနေစဉ်တွင်လည်းကောင်း ၎င်းတို့ မည်သို့ ပြုမူကြသည်၊ အဆင့်အတန်းနှင့်စပ်လျဉ်း၍ ၎င်းတို့ မည်သို့ ပြုမူဆောင်ရွက်ကြပြီး အမှုအရာများကို လုပ်ဆောင်ခြင်းအတွက် ၎င်းတို့၏ နည်းလမ်းနှင့် နည်းစနစ်များက မည်သည့်အရာများဖြစ်သည်ဟူသည်တို့ကို ကြည့်လော့။ ဤအရာကို သင်တို့ ပိုင်းခြားသိမြင်နိုင်ကြလိမ့်မည်လော။ ဤအရာများနှင့်ပတ်သက်၍ ကောက်ချက်များ သင်တို့ ချလာနိုင်လျှင် သင်တို့တွင် ချင့်ချိန်နိုင်စွမ်းတစ်ခုခု ရှိပေသည်။

ဂ။ ဘုရားသခင်၏ နှုတ်ကပတ်တော်များသည် သမ္မာတရားဖြစ်ပြီး အရာခပ်သိမ်းကို နှိုင်းဆချင့်ချိန်သည့် စံသတ်မှတ်ချက်ဖြစ်ကြောင်း ဝန်ခံရန် ငြင်းဆိုခြင်း

အန္တိခရစ်များက ပြုပြင်ခံရခြင်းကို ငြင်းပယ်ခြင်းနှင့် အမှားတစ်ခုတလေ ကျူးလွန်မိသည့်အခါ နောင်တရသည့် သဘောထားတစ်ခု ကင်းမဲ့ခြင်းအတွက် တတိယမြောက် အကြောင်းရင်းတစ်ခု ရှိသည်။ ယင်းမှာ ဘုရားသခင်၏ နှုတ်ကပတ်တော်များသည် သမ္မာတရားဖြစ်ပြီး အရာခပ်သိမ်းကို နှိုင်းဆချင့်ချိန်သည့် စံသတ်မှတ်ချက်ဖြစ်ကြောင်း ဝန်ခံရန် ၎င်းတို့ ငြင်းဆိုခြင်း ဖြစ်သည်။ ယခင် အကြောင်းရင်းနှစ်ခုနှင့်ပတ်သက်၍ အတော်ပင် အသေးစိတ်ကျသည့် မိတ်သဟာယကို ငါ ပြုပေးခဲ့သည်။ ဤတစ်ခုသည် ၎င်း၏ တိုက်ရိုက်အဓိပ္ပာယ်အရ ပထမနှစ်ခုနှင့် အနည်းငယ် ကွဲပြားသော်လည်း အနှစ်သာရအားဖြင့် ယင်းတို့သည် ဘုရားနှုတ်ကပတ်တော်များက သမ္မာတရားဖြစ်သည်ကို အသိအမှတ်ပြုရန် အန္တိခရစ်များ ငြင်းပယ်ခြင်း ဟူသည့် ဤတစ်ခုနှင့် ဆက်စပ်ပေသည်။ ထို့ကြောင့် ငါတို့၏ မိတ်သဟာယကို ငါတို့ တိုတိုနှင့် အကျဉ်းချုပ် ပြု၍ရသည်။ အန္တိခရစ်တစ်ဦးက ပြုပြင်ခံရပြီး သမ္မာတရားနှင့်ပတ်သက်၍ သင်က ၎င်းနှင့် မိတ်သဟာယပြုသည့်အခါ၊ အမှုအရာများ လုပ်ဆောင်ခြင်းအတွက် သမ္မာတရား စည်းမျဉ်းများနှင့် စည်းမျဉ်းများအကြောင်းကို ပြောဆိုသည့်အခါ ၎င်းသည် ဤအရာကို ကြားပြီးနောက် လက်ခံနိုင်လိမ့်မည်လော။ (လက်ခံနိုင်လိမ့်မည် မဟုတ်ပါ။) အန္တိခရစ်တစ်ဦးက သမ္မာတရားကို မည်သည့်အချိန်တွင် ကြားသည်ဖြစ်စေ ထိုသမ္မာတရားအပေါ် တူညီသည့် သဘောထားဖြစ်သည့် ရှုတ်ချခြင်းနှင့် အတိုက်အခံလုပ်ခြင်း သဘောထား အမြဲ ရှိလိမ့်မည်ဖြစ်သည်။ သမ္မာတရား စည်းမျဉ်းများမှာ အဘယ်နည်း။ ယင်းတို့သည် တစ်စုံတစ်ရာအား မည်သို့ လုပ်ဆောင်ရမည်ကို အကဲဖြတ်ခြင်းအတွက် စံနှုန်းဖြစ်သည်။ ထိုအရာကို ဘုရားနှုတ်ကပတ်တော်၏ သမ္မာတရားနှင့် လုံးဝ အညီ လုပ်ဆောင်ထားသရွေ့ လူတစ်ဦး လုပ်ဆောင်သည့်အရာသည် စည်းမျဉ်းနှင့်အညီ ဖြစ်လိမ့်မည်။ ဤသည်မှာ အမှုအရာများကို စည်းမျဉ်းများအတိုင်း လုပ်ဆောင်ခြင်း ဖြစ်သည်။ သင်၏ မိတ်သဟာယသည် သမ္မာတရား စည်းမျဉ်းများနှင့်ကိုက်ညီလျှင် အန္တိခရစ်တစ်ဦးက လုံးဝ လက်ခံလိမ့်မည်မဟုတ်။ သင်၏ မိတ်သဟာယက အပြုသဘောဆောင်လေ၊ လက်တွေ့ကျလေ၊ တရားမျှတလေ၊ မှန်ကန်ပြီး အမှန်တရားအပေါ် အခြေခံလေ၊ အန္တိခရစ်တစ်ဦးအတွက် လက်မခံနိုင်ဖွယ် ဖြစ်လေဖြစ်လိမ့်မည်။ ၎င်းသည် သမ္မာတရား သို့မဟုတ် အမှန်တရားများကို လက်ခံရန် ငြင်းဆန်ရင်း လွဲချော်သော အကြောင်းပြချက်များဖြင့် တုံ့ပြန်လိမ့်မည်။ ထိုကိစ္စရပ်တွင် မိမိ၏ တာဝန်များကို ကောင်းမွန်စွာ ဖြည့်ဆည်းဖို့အတွက် မည်သို့ ပြုမူဆောင်ရွက်ရမည်ဟူသည်နှင့် ပတ်သက်၍ ၎င်းကို သင် ပြောဆိုလျှင် ၎င်းအနေဖြင့် ဆင်းရဲဒုက္ခခံပြီး အဖိုးအခ ပေးပြီးဖြစ်ပုံအကြောင်းကို သင့်အား ပြောပြကြလိမ့်မည်။ သင်သည် သမ္မာတရား စည်းမျဉ်းများနှင့်အညီ မည်သို့ ပြုမူဆောင်ရွက်ရမည် ဟူသည်နှင့်ပတ်သက်၍ ၎င်းကို ပြောဆိုလျှင် ၎င်းအနေဖြင့် လမ်းမည်မျှ ခရီးနှင်ပြီးဖြစ်ကြောင်း၊ ဆင်းရဲဒုက္ခ မည်မျှခံစားပြီဖြစ်ကြောင်းနှင့် မည်မျှပြောဆိုမှုကို လုပ်ဆောင်ပြီးဖြစ်ကြောင်း သင့်အား ပြောပြလိမ့်မည်။ ရိုးသားသောလူတစ်ဦး မည်သို့ဖြစ်ရမည်၊ ရိုးသားပြီး စစ်မှန်သော စိတ်နှလုံးဖြင့် မည်သို့ ပြုမူကာ တာဝန်တစ်ခု ထမ်းဆောင်ရမည်ကို ၎င်းအား သင် ပြောဆိုလျှင် ၎င်းတို့ စိတ်ဝင်စားလိမ့်မည် မဟုတ်သကဲ့သို့ သင့်ကို လျစ်လျူရှုလိမ့်မည်။ ၎င်းတို့ ပြုမူဆောင်ရွက်သည့်အခါ နည်းစနစ်များ၊ အကြံများနှင့် လှည့်ကွက်များကိုသာ အာရုံစိုက်လိမ့်မည်။ ခြုံကြည့်သော် အန္တိခရစ်တစ်ဦးတွင် မိမိ၏ လုပ်ရပ်များအတွက် ကိုယ်ပိုင် တစ်မူထူးခြားသော စည်းမျဉ်းအစုံရှိပြီး ထိုစည်းမျဉ်းများက အခြားသူတို့၏ အမြင် သို့မဟုတ် ဘုရားသခင်၏ အမြင်တွင် မည်မျှ မှားယွင်း၊ နိမ့်ကျ၊ ရယ်ဖွယ်ကောင်းပြီး အဓိပ္ပာယ်မဲ့သည်ဖြစ်စေ၊ ဤနည်းလမ်းများနှင့် စည်းမျဉ်းများအား ကိုင်စွဲခြင်းကို ၎င်းတို့ လုံးဝ ငြီးငွေ့ကြလိမ့်မည် မဟုတ်ပေ။ ၎င်းတို့သည် ဘုရားနှုတ်ကပတ်တော်များကို သမ္မာတရား စည်းမျဉ်းများအဖြစ် လက်ခံကြလိမ့်မည် မဟုတ်သကဲ့သို့ မိမိတို့ကိုယ်ပိုင် စည်းမျဉ်းများကိုလည်း စွန့်လွှတ်ကြလိမ့်မည်မဟုတ်ပေ။ ထို့ကြောင့် ၎င်းတို့ကို သင် မည်သို့ ပြုပြင်သည်ဖြစ်စေ၊ ဖော်ထုတ်သည်ဖြစ်စေ၊ ဖြုတ်ချသည်ဖြစ်စေ၊ အမှုအရာများကို တိုင်းတာခြင်းအတွက် ၎င်းတို့၏ စံသတ်မှတ်ချက်များ၊ ရှုထောင့်အမြင်များနှင့် သဘောထားတို့ကို လုံးဝ ပြောင်းလဲလိမ့်မည် မဟုတ်ပေ။ ဤစံသတ်မှတ်ချက်များထဲမှ အချို့သည် လူသား လောကဓာတ်ပညာနှင့်ဆိုင်သည်၊ အချို့မှာ အသိပညာနှင့်ဆိုင်သည်၊ အချို့မှာ ရိုးရာယဉ်ကျေးမှုနှင့်ဆိုင်ပြီး အချို့မှာ ဤလောက၏ ဆိုးယုတ်သော ရေပန်းစားမှုများနှင့် သက်ဆိုင်သည်။ သို့သော် ဤအရာများ မည်မျှ မှားယွင်းကောင်းမှားယွင်းနိုင်သည်ဖြစ်စေ အန္တိခရစ်တစ်ဦးက လက်မလွှတ်နိုင်ပေ။ ၎င်းတို့သည် လူ့အဖွဲ့အစည်း၌ မည်သည့် ဆိုးယုတ်သော ရေပန်းစားမှုများ၊ မည်သည့် ဆိုရိုးများနှင့် ရှုထောင့်အမြင်များ လူကြိုက်များသည်ဖြစ်စေ လက်ခံကြလိမ့်မည် ဖြစ်သော်လည်း ဘုရားနှုတ်ကပတ်တော်များ သို့မဟုတ် သမ္မာတရားက အရာခပ်သိမ်းနှင့် အဖြစ်အပျက်ခပ်သိမ်းကို တိုင်းတာခြင်းအတွက်၊ အရာရာကို တိုင်းတာခြင်းအတွက် ၎င်းတို့၏ စံသတ်မှတ်ချက် လုံးဝ မဟုတ်ပေ။ ၎င်းတို့သည် ဘုရားသခင်နောက်လိုက်ပြီး ဘုရားအိမ်တော်တွင် ကပ်ပါးရပ်ပါး နေကြသော်လည်း သမ္မာတရားကို ငြင်းပယ်ကာ ရှုတ်ချနေကြသည်။ သမ္မာတရားကို ငြင်းပယ်ကာ ရှုတ်ချနေကြသော်လည်း ၎င်းတို့သည် လောကထံမှလာသော အယူလွဲမှုများနှင့် မှားယွင်းပြီး အဓိပ္ပာယ်မရှိသောအရာမျိုးစုံကို ရိုသေလေးမြတ်ကာ အထင်ကြီးနေကြလေသည်။ ၎င်းတို့ လက်မခံနိုင်သည့် တစ်ခုတည်းသောအရာမှာ ဘုရားနှုတ်ကပတ်တော်များ၊ သမ္မာတရား ဖြစ်သည်။ အန္တိခရစ်များ၏ ဤအနှစ်သာရမှ အကဲဖြတ်သည့်အခါ ၎င်းတို့သည် စုဝေးပွဲများကို တက်နေကြသော်လည်း၊ ဘုရားနှုတ်ကပတ်တော်များကို ဖတ်ပြီး မိမိတို့၏ ယုံကြည်ခြင်း လမ်းကြောင်းတွင် တာဝန်တစ်ခုကို ထမ်းဆောင်ကြသော်လည်း အမှုအရာတစ်ခုက သေချာပေသည်။ ၎င်းတို့၏ စိတ်သဘောထားက လုံးဝ ပြောင်းလဲလိမ့်မည် မဟုတ်သကဲ့သို့ လောကီနှင့်လည်းကောင်း၊ ဆိုးယုတ်သော ရေပန်းစားမှုများနှင့်လည်းကောင်း သက်ဆိုင်သည့် ၎င်းတို့၏ ရှုထောင့်အမြင်များလည်း ပြောင်းလဲလိမ့်မည် မဟုတ်ပေ။ အန္တိခရစ်တစ်ဦးအား အသက်ဝင်ရောက်မှု သို့မဟုတ် စိတ်သဘောထားဆိုင်ရာ ပြောင်းလဲမှုအကြောင်းကို ပြောဆိုရန် သင် စေခိုင်းလျှင် ၎င်းတို့၏ စကားက အဘယ်ကြောင့် အလွန် သဘာဝယုတ္တိနှင့် မညီကြောင်း၊ စက်ဆုပ်ဖွယ်ဖြစ်ပြီး အချိုးမကျဖြစ်ကြောင်းတို့ကို သင် တွေးမိလိမ့်မည်။ ယင်းတို့သည် အပြင်လူတစ်ဦး၏ စကားများကဲ့သို့ ထင်ရလိမ့်မည်ဖြစ်ပြီး ၎င်းတို့သည် ဝိညာဉ်ရေးရာ သိနားလည်မှု ကင်းမဲ့သော်လည်း ဝိညာဉ်ရေးရာ ပြည့်ဝပြီး အသက်ပိုင်ဆိုင်သယောင် ဟန်ဆောင်နေသည့် နားဝေတိမ်တောင်ဖြစ်သော လူတစ်ဦးသက်သက် ဖြစ်သည်။ ထိုအရာသည် အဆုံးစွန်ထိ အမှန်တကယ် စက်ဆုပ်ဖွယ် ဖြစ်သည်တကား။ ဘုရားနှုတ်ကပတ်တော်များကို သမ္မာတရားအဖြစ် မည်သည့်အခါမျှ လက်မခံဖူးသည့် တစ်စုံတစ်ဦး သို့မဟုတ် ဘုရားနှုတ်ကပတ်တော်များကို မိမိတို့၏ အသက်အဖြစ် မည်သည့်အခါမျှ လက်မခံဖူးသည့် တစ်စုံတစ်ဦးသည် အသက်ကို ပိုင်ဆိုင်နိုင်သလော။ ယင်းမှာ ရယ်စရာတစ်ခု ဖြစ်သည် မဟုတ်လော။ သင်တို့ အနီးဝန်းကျင်ကို ကြည့်ကာ “ကျော်ကြားသည့် မည်သူမည်ဝါက ဤအရာကို ပြောခဲ့သည်။ ထိုစာအုပ်က ဤအရာ ပြောခဲ့သည်။ ထိုရုပ်သံဇာတ်လမ်းတွဲက ဤအရာ ပြောခဲ့သည်။ အပြောင်မြောက်ဆုံး ထိုလက်ရာက ဤအရာပြောဆိုသည်” သို့မဟုတ် “ကျွန်ုပ်တို့၏ ရိုးရာယဉ်ကျေးမှုက ဤအရာဖြစ်သည်။ ကျွန်ုပ်တို့၏ ဇာတိမြေတွင် ဤအရာကို ကျွန်ုပ်တို့ ပြောကြသည်။ ကျွန်ုပ်တို့ မိသားစုတွင် ဤစည်းမျဉ်း ရှိကြသည်” စသည်ဖြင့် ပြောမြဲပြောနေသည့်သူ တစ်ဦးတလေရှိမရှိ ဟူသည်ကို စစ်ဆေးလော့။ မည်သူ့တွင် ဤအရာများ ပြောစရာ တစ်ပုံတစ်ပင် အမြဲရှိနေကြောင်း၊ ဘုရားနှုတ်ကပတ်တော်များကို ကြားပြီးနောက်တွင် မည်သူသည် တို့ထိခြင်းမခံရဘဲ ရှိနေကြောင်း၊ ဘုရားနှုတ်ကပတ်တော်များအပေါ် ၎င်းတို့၏ သိနားလည်မှုနှင့်ပတ်သက်၍ အမှန်တကယ် မိတ်သဟာယပြုနိုင်သည့်အချိန်တွင် နားဝေတိမ်တောင်ဖြစ်သည့် စကားများ၊ အဓိပ္ပာယ်မဲ့သည့် စကားများနှင့် ဝိညာဉ်ရေးရာ နားလည်သဘောပေါက်မှု ကင်းမဲ့သည့် စကားများကိုသာ ပြောဆိုကြောင်းနှင့် ဘုရားနှုတ်ကပတ်တော်များအပေါ် သဘောပေါက်နားလည်နိုင်စွမ်း သို့မဟုတ် သိနားလည်မှု မရှိသော်လည်း မည်သူသည် ထိုနှုတ်ကပတ်တော်အချို့ကို အတင်းအကျပ် တစ်စချင်းဆက်စပ်ရန် ကြိုးစားပြီး ဝိညာဉ်ရေးရာ ပြည့်ဝသယောင်ဟန်ဆောင်ကြောင်းတို့ကို ကြည့်လော့။ ဤသည်မှာ အလွန်အမင်း အော်ဂလီဆန်စရာ ဖြစ်ပါတကား။ ဤလူများသည် ဘုရားသခင်ကို နှစ်ပေါင်းများစွာ ယုံကြည်ပြီးဖြစ်ကာ တရားဒေသနာများကို ကြားပြီး စုဝေးပွဲများကို နှစ်ပေါင်းများစွာ တက်ရောက်ပြီးဖြစ်သည့်တိုင် ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိကြောင်းကို မယုံကြည်နိုင်လောက်အောင် မသိကြသေးသကဲ့သို့ ၎င်းတို့တွင် မမှန်ကန်သည့် ရှုထောင့်အမြင်များရှိကြောင်း သို့မဟုတ် ၎င်းတို့၏ မှားယွင်းပြီး အဓိပ္ပာယ်မဲ့သော ရှုထောင့်အမြင်များက ဘုရားနှုတ်ကပတ်တော်များနှင့် လုံးဝ ဆန့်ကျင်ကာ ရှေ့နောက်မညီ ဖြစ်ကြောင်းကို ရှာဖွေတွေ့ရှိခြင်း မရှိသေးပေ။ ဤအတွက် အကြောင်းရင်းမှာ အဘယ်နည်း။ ထိုအရာမှာ ပြုပြင်ခြင်းကို လက်ခံရန် အန္တိခရစ်များ၏ ငြင်းပယ်ခြင်းနှင့် အမှားတစ်ခုတလေ ကျူးလွန်မိသည့်အခါ နောင်တရသည့် သဘောထားတစ်ခု ကင်းမဲ့ခြင်းတို့နောက်ကွယ်တွင်ရှိသည့် တတိယ အကြောင်းရင်းဖြစ်သည်။ ယင်းမှာ ၎င်းတို့က ဘုရားသခင်၏ နှုတ်ကပတ်တော်များသည် သမ္မာတရားဖြစ်ပြီး အရာခပ်သိမ်းကို နှိုင်းဆချင့်ချိန်သည့် စံသတ်မှတ်ချက်ဖြစ်ကြောင်း ဝန်ခံရန် ငြင်းဆိုသည်ဟူ၍ ဖြစ်၏။ ဤသည်မှာ ပြဿနာ၏ ရင်းမြစ်ဖြစ်သည်။

အန္တိခရစ်များက ပြုပြင်ခံရခြင်းကို လက်ခံရန် ငြင်းဆန်ခြင်းသည် အဘယ်ကြောင့်ဖြစ်သနည်း။ တစ်စုံတစ်ရာနှင့် ၎င်းတို့ ရင်ဆိုင်ရသည့်အခါ ၎င်းတို့ နောင်တရရမည့်အစား အမျိုးမျိုးသော အယူအဆများကို ဖြန့်ကာ ဘုရားသခင်ကိုပင် ဝေဖန်ကြခြင်းသည် အဘယ်ကြောင့်နည်း။ အကြောင်းရင်းများမှာ အလွန် ရှင်းလင်းပေသည်။ ဦးစွာပထမ အန္တိခရစ်များက ၎င်းတို့ ဧကန်အမှန် အမှားလုပ်နိုင်ကြောင်းကို လုံးဝ အသိအမှတ်မပြုကြပေ။ ဒုတိယအနေဖြင့် ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိကြောင်းကို လုံးဝ အသိအမှတ်မပြုကြပေ။ တတိယအနေဖြင့် ဘုရားသခင်၏ နှုတ်ကပတ်တော်များသည် သမ္မာတရားဖြစ်ပြီး အရာခပ်သိမ်းကို နှိုင်းဆချင့်ချိန်သည့် စံသတ်မှတ်ချက်ဖြစ်ကြောင်း ဝန်ခံရန် ၎င်းတို့ ငြင်းဆိုကြသည်။ ပြုပြင်ခံရခြင်းကို လက်မခံသောသူအားလုံး၊ အမှားများ ပြုမိသည့်အခါ ဖောက်ပြန်ပျက်စီးသော စိတ်သဘောထားတစ်ခုကို သိသာထင်ရှားစွာ ထုတ်ဖော်ပြသည့်သူအားလုံး၊ ဘုရားသခင် ရွေးချယ်ထားသော လူတို့အပေါ် မကြာခဏ ဒုက္ခပေးသူများအားလုံး၊ အရေအတွက်မသိရသည့် ဘုရားသခင် ရွေးချယ်ထားသော လူတို့၏ အသက်ဝင်ရောက်မှုကို နှောင့်နှေးစေပြီး ဘုရားအိမ်တော်၏ အလုပ်ကို ဆုံးရှုံးမှုများ ဖြစ်စေသည့်သူအားလုံးအတွက်၊ ဤလူများသည် ပြုပြင်ခံရသည့်အခါ နောင်တ သို့မဟုတ် နောင်တရသည့် သဘောထား မရှိလျှင် အမှုအရာတစ်ခုမှာ သေချာ၏။ ယင်းမှာ ၎င်းတို့သည် အန္တိခရစ်များ၏ ဤသရုပ်သကန်သုံးခုလုံးကို ပိုင်ဆိုင်ကြခြင်းဖြစ်သည်၊ မှန်သလော။ (မှန်ပါသည်။) ခြုံကြည့်လိုက်လျှင် အန္တိခရစ်များက ပြုပြင်ခံရခြင်းအား ငြင်းပယ်ရသည့် အကြောင်းရင်းသုံးခု ရှိပေသည်။ ယင်းတို့ကို တစ်ဖန် အစအဆုံး ဖတ်လော့။ (ဦးစွာပထမ အန္တိခရစ်များက ၎င်းတို့ ဧကန်အမှန် အမှားလုပ်နိုင်ကြောင်းကို လုံးဝ အသိအမှတ်မပြုကြပေ။ ဒုတိယအနေဖြင့် ၎င်းတို့တွင် ဖောက်ပြန်ပျက်စီးသော စိတ်သဘောထားတစ်ခု ရှိကြောင်းကို လုံးဝ အသိအမှတ်မပြုကြပေ။ တတိယအနေဖြင့် ဘုရားသခင်၏ နှုတ်ကပတ်တော်များသည် သမ္မာတရားဖြစ်ပြီး အရာခပ်သိမ်းကို နှိုင်းဆချင့်ချိန်သည့် စံသတ်မှတ်ချက်ဖြစ်ကြောင်း ဝန်ခံရန် ၎င်းတို့ ငြင်းဆိုကြသည်။) စုစုပေါင်း သုံးခုရှိသည်။ ပထမ အကြောင်းရင်း နှစ်ခုနှင့်ပတ်သက်၍ ငါတို့ အတော်ပင် အသေးစိတ်ကျကျ ဆွေးနွေးခဲ့ကြသည်။ နောက်ဆုံးတစ်ခုသည် တိုက်ရိုက် အဓိပ္ပာယ်အရ ပထမနှစ်ခုနှင့် အနည်းငယ် ကွာခြားသော်လည်း အနှစ်သာရအရ ပထမနှစ်ခုသည် ဘုရားနှုတ်ကပတ်တော်များက သမ္မာတရား ဖြစ်ကြောင်းကို အသိအမှတ်ပြုရန် အန္တိခရစ်များ ငြင်းဆိုခြင်းနှင့် ဆက်စပ်ပေသည်။ ထို့ကြောင့် ထိုအကြောင်းရင်းနှင့်ပတ်သက်၍ နောက်ထပ် အသေးစိတ်ကျကျ ငါတို့ မိတ်သဟာယပြုမည် မဟုတ်။ ကောင်းပေပြီ၊ ယနေ့အတွက် ငါတို့၏ မိတ်သဟာယကို ဤနေရာတွင် အဆုံးသတ်ကြစို့။ နှုတ်ဆက်ပါသည်။ (နှုတ်ဆက်ပါသည်၊ ဘုရားသခင်။)

၂၀၂၀ ခုနှစ်၊ စက်တင်ဘာလ ၁၉ ရက်