၃၆၄ သင်သည် အလွန်တော်လှန်ပုန်ကန်၏ကျူး

၁ သင်တို့သည် အလွန်တော်လှန် ပုန်ကန်ကြသည်၊ သင်တို့၏ဆန့်ကျင်မှုက အလွန်စိုးရိမ်ဖွယ်ရာ ဖြစ်နေကြသည်၊ သင်တို့သည် ငါ့ကို အထင်အမြင် သေးလွန်းနေကြသည်၊ သင်တို့သည် ငါ့အပေါ် အေးစက် လွန်းနေကြသည်၊ သင်တို့သည် ငါ့ကို အလွန်မုန်းတီးကြပြီး အနည်းငယ်သာ ချစ်ကြသည်။ ငါ၏လုပ်ငန်းကို သင်တို့ အထင်အမြင်သေးကြပြီး ငါ့လှုပ်ရှားမှုများကို သင်တို့ အလွန်စက်ဆုပ်ကြသည်။ သင်တို့၏ အပ်နှံမှုကား အဘယ်မှာနည်း။ သင်တို့၏ အကျင့်စရိုက်ကား အဘယ်မှာနည်း။ သင်တို့၏ ချစ်ခြင်းမေတ္တာကား အဘယ်မှာနည်း။ သင်တို့ အထဲမှာရှိသော မေတ္တာတရားကို မည်သည့်အချိန်တွင် ဖော်ထုတ်ကြသနည်း။ မည်သည့်အချိန်တွင် ငါ၏ အလုပ်ကို လေးလေးနက်နက် ထမ်းဆောင်ကြသနည်း။

၂ သင်တို့ ယနေ့ဘာလုပ်နေသည်ကို နားလည်သဘောပေါက်ကြဖူးပါသလား။ အတိအကျပြောရသော်၊ ကမ္ဘာလောက တစ်လျှောက်လုံး သောင်းကျန်းနေခြင်း၊ တစ်ဦးနှင့်တစ်ဦး လျှို့ဝှက်ကြံစည်နေခြင်း၊ တစ်ဦးနှင့်တစ်ဦး လိမ်လည်လှည့်ဖျားခြင်း၊ သစ္စာမဲ့စွာ၊ လျှို့ဝှက်စွာ၊ အရှက်မဲ့စွာ ပြုမူခြင်း၊ သမ္မာတရားကို မသိခြင်း၊ ကလိမ်ကကျစ်ကျခြင်းနှင့် လိမ်လည်လှည့်ဖျားခြင်း၊ မြှောက်ပင့် ပြောဆိုခြင်း၊ သင်တို့ကိုယ်သင်တို့ အခြားသူများထက် ပိုမိုကောင်းမွန်သည်၊ မှန်ကန်သည်ဟု တွေးတောနေခြင်း၊ စိတ်ကြီးဝင်နေခြင်း၊ တောတောင်များရှိ တောရိုင်း တိရစ္ဆာန်များကဲ့သို့ ရိုင်းစိုင်းစွာပြုမူခြင်းနှင့် သားရဲတိရစ္ဆာန်တို့၏ ဘုရင်ကဲ့သို့ ကြမ်းကြုတ်ခြင်းတို့ ဖြစ်သည်။ ဤသည်မှာ လူသတ္တဝါတစ်ဦးနှင့် ဆင်တူသော အရာလော။ သင်တို့သည် ရိုင်းစိုင်းပြီး မျှတမှုမရှိကြ။ သင်တို့သည် ငါ့စကားကို အဖိုးတန်ရတနာအဖြစ် ဘယ်တုန်းကမှ သဘောမထားကြ။ သို့သော် ထိုအစား အထင်သေးစရာကောင်းသော သဘောထားကို သင်တို့သည် မွေးစား အတည်ပြု ကျင့်သုံးခဲ့ကြပြီ။

၃ ဤနည်းလမ်းဖြင့် မည်သည့်နေရာတွင် စစ်မှန်သော လူ့ဘဝဆိုသည့် အောင်မြင်ဖြစ်ထွန်းမှုနှင့် လှပသည့် မျှော်လင့်ခြင်းများ ဆိုက်ရောက်လာနိုင်မည်နည်း။ သင်၏ တရားလွန် စိတ်ကူးစိတ်သန်းက သင်တို့ကို ကျားခံတွင်းမှ အမှန်တကယ် ကယ်ဆယ်လိမ့်မည်လော။ ဤအရာက လောင်နေသော မီးထဲက အမှန်တကယ် သင့်ကို ကယ်ဆယ်လိမ့်မည်လော။ သင်တို့သည် အမှန်တကယ် ငါ့အလုပ်ကို တန်ဖိုးမဲ့သော ရတနာအဖြစ် သဘောထားခဲ့လျှင် ဤအခြေအနေထိ သင်ကျဆင်းလိမ့်မည်လော။ သင်တို့၏ ကံကြမ္မာသည် အမှန်တကယ် မပြောင်းလဲနိုင်ပါ ဆိုသည်မှာ ဖြစ်နိုင်ပါမည်လော။ ယင်းကဲ့သို့သော နောင်တရခြင်းနှင့် သင်တို့သည် လိုလိုလားလား အသက်စွန့်လိုပါသလော။

“နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ လူ၏ အနှစ်သာရနှင့် ပင်ကိုလက္ခဏာ” ကို ကောက်နုတ်၍ ဆီလျော်စွာ ပြုပြင်ထားသည်