దేవుడు తనకు తానే అద్వితీయుడు IX

అన్నిటి జీవానికి దేవుడే మూలం (III)

ఈ మధ్య కాలంలో, మనం దేవుని గురించి తెలుసుకోవడానికి సంబంధించిన అనేక విషయాల గురించి మాట్లాడుకున్నాం మరియు ఇటీవల మనం దీనికి సంబంధించిన మరియు చాలా ముఖ్యమైన అంశం గురించి మాట్లాడుకున్నాం. అంశం ఏమిటి? (అన్నిటి జీవానికి దేవుడే మూలం.) నేను మాట్లాడిన అంశాలు మరియు ఇతివృత్తం ప్రతి ఒక్కరిపై స్పష్టమైన ముద్ర వేసినట్లు అనిపిస్తుంది. ఇంతకు ముందు, మానవాళి మనుగడ కోసం దేవుడు సృష్టించిన పర్యావరణానికి సంబంధించిన కొన్ని అంశాల గురించి, అలాగే దేవుడు మానవజాతి కోసం సిద్ధం చేసిన, ప్రజలు జీవించడానికి అవసరమైన అనేక రకాల పోషణ గురించి మాట్లాడుకున్నాం. వాస్తవానికి, దేవుడు చేసేది ప్రజల మనుగడ కోసం పరిస్థితులను అనుకూలపరచడానికి లేదా వారి రోజువారీ పోషణను సిద్ధం చేయడానికి మాత్రమే పరిమితం కాదు. దానికి బదులుగా, ఇది ప్రజల మనుగడ కోసం మరియు మానవజాతి జీవితం కోసం అనేక విభిన్న కోణాలు మరియు అంశాలతో కూడిన చాలా గూఢమైన మరియు అవసరమైన పనిని పూర్తి చేయడం. ఇవన్నీ దేవుని కార్యాలు. దేవుని యొక్క ఈ కార్యాలు ప్రజల మనుగడకు మరియు వారి రోజువారీ పోషణకు పరిస్థితులను అనుకూలపరచడానికి మాత్రమే పరిమితం కాలేదు-అవి దాని కంటే చాలా విస్తృత పరిధిని కలిగి ఉన్నాయి. ఈ రెండు రకాల పనులే కాకుండా, మనిషి జీవించడానికి అవసరమైన అనేక పరిస్థితులను మరియు మనుగడ కోసం స్థితుగతులను కూడా ఆయన సిద్ధం చేస్తాడు. ఈరోజు మనం చర్చించుకోబోయే అంశం ఇదే. ఇది కూడా దేవుని కార్యాలకు సంబంధించినది; లేనట్లయితే, దాని గురించి ఇక్కడ మాట్లాడటం అర్థరహితం అవుతుంది. ప్రజలు దేవుణ్ణి తెలుసుకోవాలనుకుంటే, వారికి “దేవుడు” అనే పదం గురించి లేదా దేవుడు ఏమి కలిగి ఉన్నాడు మరియు ఆయన ఏమై యున్నాడు అనే దానికి సంబంధించిన వివిధ అంశాల గురించి అక్షరార్థ అవగాహన మాత్రమే ఉంటే, అది నిజమైన అవగాహన కాదు. కాబట్టి దేవుని గురించిన జ్ఞానానికి మార్గం ఏమిటి? ఇది ఆయన క్రియాల ద్వారా ఆయనను తెలుసుకోవడం మరియు ఆయనకు సంబంధించిన అనేక కోణాలలో ఆయనను తెలుసుకోవడం. కాబట్టి, దేవుడు అన్నిటిని సృష్టించిన సమయంలో ఆయన కార్యాల గురించి తెలుసుకోవడానికి మనం మరింత సహవాసం చేయాలి.

దేవుడు అన్నిటిని సృష్టించినప్పటి నుండి, అవి క్రమబద్ధమైన మార్గంలో మరియు ఆయన సూచించిన నియమాలకు అనుగుణంగా పనిచేస్తూ, పురోగమిస్తూ ఉన్నాయి. ఆయన పరిశీలనలో, ఆయన పరిపాలనలో, మానవజాతి మనుగడలో ఉంది మరియు అన్ని వేళలా అన్ని విషయాలు క్రమబద్ధమైన మార్గంలో అభివృద్ధి చెందుతూ ఉన్నాయి. ఈ నియమాలను మార్చగలిగేది లేదా నాశనం చేయగలిగేది ఏదీ లేదు. దేవుని పరిపాలన వల్లనే అన్ని జీవులు అభివృద్ధి చెందుతున్నాయి, మరియు ఆయన పరిపాలన మరియు కార్యనిర్వహణ కారణంగానే అన్ని జీవులు మనుగడ సాగించగలుగుతున్నాయి. దేవుని పరిపాలనలో అన్ని జీవులు ఉనికిలోకి వస్తాయి, వృద్ధి చెందుతాయి, అదృశ్యమవుతాయి మరియు ఒక క్రమ పద్ధతిలో పునర్జన్మ పొందుతాయి. వసంత ఋతువు వచ్చినప్పుడు, చినుకులతో కూడిన వర్షం తాజా ఋతువు యొక్క అనుభూతిని కలిగిస్తుంది మరియు నేలను తడి చేస్తుంది. నేల కరగడం ప్రారంభమవుతుంది, మరియు నేలలో నుండి గడ్డి మొలకెత్తడం ప్రారంభమవుతుంది, అలాగే చెట్లు క్రమంగా ఆకుపచ్చగా మారుతాయి. ఈ జీవరాశులన్నీ భూమికి తాజా తేజాన్ని అందిస్తాయి. సమస్త జీవులు ఉనికిలోకి వచ్చి అభివృద్ధి చెందుతున్నప్పుడు ఇలాగే ఉంటుంది. వసంత ఋతువు యొక్క మాధుర్యాన్ని అనుభవించడానికి మరియు కొత్త సంవత్సరాన్ని ఆరంభించడానికి అన్ని రకాల జంతువులు తమ బొరియల నుండి బయటకు వస్తాయి. సమస్త జీవులు వేసవిలో వేడిలో గంతులేస్తాయి మరియు ఋతువు తెచ్చిన వెచ్చదనాన్ని ఆస్వాదిస్తాయి. అవి వేగంగా పెరుగుతాయి. చెట్లు, గడ్డి మరియు అన్ని రకాల మొక్కలు చివరకు వికసించి ఫలాలు కాసేంత వరకు, అవి చాలా వేగంగా పెరుగుతాయి. వేసవిలో మనుషులతో సహా సమస్త జీవులు తీరిక లేకుండా ఉంటాయి. శరదృతువులో, వర్షాలు శరదృతువు యొక్క చల్లదనాన్ని తెస్తాయి మరియు అన్ని రకాల జీవులు పంట కాలపు రాకను గ్రహించడం ప్రారంభిస్తాయి. సమస్త జీవులు ఫలాలను ఇస్తాయి మరియు శీతాకాలంలో ఆహారాన్ని కలిగి ఉండేలా మానవులు ఈ వివిధ రకాల పండ్లను పండించడం ప్రారంభిస్తారు. శీతాకాలంలో, చలి వాతావరణం నెలకొనడంతో సమస్త జీవులు క్రమంగా నిశబ్దమైపోయి, విశ్రాంతి తీసుకోవడం ప్రారంభిస్తాయి మరియు ఈ ఋతువులో ప్రజలు కూడా విశ్రాంతి తీసుకుంటారు. ప్రతీ కాలం, వర్షాకాలం నుండి వేసవి కాలానికి, ఆకురాలు కాలం నుండి శీతాకాలానికి మార్పు చెందుతూ ఉంటాయి-ఈ మార్పులన్నీ దేవునిచేత ఏర్పాటు చేయబడిన నియమాల ప్రకారం జరుగుతాయి. ఆయన ఈ నియమాలను ఉపయోగించి అన్ని విషయాలను మరియు మానవాళిని నడిపిస్తాడు మరియు మానవజాతి కోసం ఒక గొప్ప మరియు రంగురంగుల జీవన విధానాన్ని రూపొందించాడు, వివిధ ఉష్ణోగ్రతలు మరియు రుతువులలో మనుగడ సాగించగలిగే వాతావరణాన్ని సిద్ధం చేశాడు. అందువల్ల, మనుగడ కోసం ఈ రకమైన క్రమబద్ధ వాతావరణంలో, మానవులు ఒక క్రమబద్ధమైన మార్గంలో జీవించగలరు మరియు అభివృద్ధి చెందగలరు. మానవులు ఈ నియమాలను మార్చలేరు మరియు ఏ వ్యక్తి లేదా జీవి వాటిని ఉల్లంఘించలేవు. లెక్కలేనన్ని మార్పులు సంవించినప్పటికీ-సముద్రాలు పొలాలు మారాయి, పొలాలు సముద్రాలుగా మారాయి-ఈ నియమాలు ఉనికిలో కొనసాగుతున్నాయి. దేవుడు ఉనికిలో ఉన్నాడు కాబట్టి, మరియు ఆయన పరిపాలన మరియు ఆయన కార్యనిర్వహణ కారణంగా అవి ఉనికిలో ఉంటాయి. ఈ రకమైన క్రమబద్ధత మరియు విస్తృతమైన వాతావరణంతో, ప్రజల జీవితాలు ఈ నియమాలు మరియు చట్టాల పరిధిలో కొనసాగుతాయి. ఈ నియమాల ప్రకారం తరతరాలుగా ప్రజలు పెరుగుతున్నారు మరియు తరతరాలుగా ప్రజలు వాటికి అనుగుణంగా మనుగడ సాగిస్తున్నారు. మనుగడ కోసం ఈ క్రమబద్ధమైన వాతావరణాన్ని, అలాగే తరతరాలుగా దేవుడు సృష్టించిన అనేక విషయాలను ప్రజలు అనుభవిస్తున్నారు. ఈ రకమైన నియమాలు సహజసిద్ధమైనవి మరియు వాటిని పెద్దగా పట్టించుకోవాల్సిన అవసరం లేదని ప్రజలు భావించినప్పటికీ, దేవుడు ఈ నియమాలను నిర్దేశిస్తున్నాడని, ఈ నియమాలను దేవుడే పరిపాలిస్తున్నాడని వారు భావించలేనప్పటికీ, ఏది ఏమైనా, దేవుడు ఎల్లప్పుడూ ఈ మార్పులేని పనిలో నిమగ్నమై ఉంటాడు. ఈ మార్పులేని పనిని బట్టి మానవజాతి మనుగడ కలిగి ఉండాలి మరియు మానవజాతి జీవించాలి అన్నదే ఆయన ఉద్దేశ్యం.

మానవజాతి మొత్తాన్ని పోషించడానికి దేవుడు అన్ని విషయాలకు సరిహద్దులు నిర్ధేశించాడు

ఈరోజు నేను అన్ని విషయాలకు దేవుడు వర్తింపజేసిన ఈ నియమాలు మానవజాతి మొత్తాన్ని ఎలా పోషిస్తాయి అనే అంశంపై మాట్లాడబోతున్నాను. ఇది చాలా పెద్ద అంశం, కాబట్టి మనం దీన్ని అనేక భాగాలుగా విభజించి, వాటిని ఒక్కొక్కటిగా చర్చించవచ్చు, తద్వారా అవి మీకు స్పష్టంగా వివరించబడతాయి. ఈ విధంగా మీకు దీనిని గ్రహించడం సులభం అవుతుంది మరియు మీరు దానిని క్రమంగా అర్థం చేసుకోగలుగుతారు.

మొదటి భాగం: ప్రతి రకం భూభాగం కోసం దేవుడు సరిహద్దులు ఏర్పాటు చేయడం

కాబట్టి, మొదటి భాగంతో ప్రారంభిద్దాం. దేవుడు అన్నిటినీ సృష్టించినప్పుడు, ఆయన పర్వతాలు, మైదానాలు, ఎడారులు, కొండలు, నదులు మరియు సరస్సులకు సరిహద్దులు గీసాడు. భూమిపై పర్వతాలు, మైదానాలు, ఎడారులు మరియు కొండలు, అలాగే వివిధ నీటి వనరులు ఉన్నాయి. ఇవి వివిధ రకాల భూభాగాలను కలిగి ఉన్నాయి, కాదా? వాటి మధ్య, దేవుడు హద్దులు గీసాడు. మనం సరిహద్దులను గీయడం గురించి మాట్లాడేటప్పుడు, పర్వతాలకు వాటి వర్ణనలు ఉన్నాయని, మైదానాలకు వాటి స్వంత వర్ణనలు ఉన్నాయని, ఎడారులకు నిర్దిష్ట పరిమితులు ఉన్నాయని మరియు కొండలకు స్థిరమైన ప్రదేశం ఉందని అర్థం చేసుకోవాలి. నదులు మరియు సరస్సులు వంటి నిర్ణీత పరిమాణం గల నీటి నిల్వలు కూడా ఉన్నాయి. అంటే, దేవుడు అన్నిటినీ సృష్టించినప్పుడు, ఆయన ప్రతీ దానిని చాలా స్పష్టంగా విభజించాడు. ఒక పర్వతం యొక్క వ్యాసార్థం ఎన్ని కిలోమీటర్లు ఉండాలి మరియు దాని పరిధి ఎంత మేరకు ఉండాలి అనేది దానిని దేవుడు అప్పటికే నిర్ణయించాడు. ఒక మైదానం యొక్క వ్యాసార్థం ఎన్ని కిలోమీటర్లు ఉండాలి మరియు దాని పరిధి ఎంత మేరకు ఉండాలి అనేది కూడా ఆయన నిర్ణయించాడు. అన్ని విషయాలను సృష్టిస్తున్నప్పుడు, ఆయన ఎడారుల పరిమితులను అలాగే కొండల పరిధిని మరియు వాటి పరిమాణాలను మరియు వాటి సరిహద్దులును కూడా నిర్ణయించాడు—ఇవన్నీ ఆయనచే నిర్ణయించబడ్డాయి. ఆయన నదులు మరియు సరస్సులను సృష్టించే సమయంలో వాటి పరిధిని నిర్ణయించాడు—వాటన్నిటికీ తమ సరిహద్దులు ఉన్నాయి. కాబట్టి మనం “సరిహద్దులు” గురించి మాట్లాడినప్పుడు దాని అర్థం ఏమిటి? అన్ని విషయాలకు నియమాలను ఏర్పాటు చేయడం ద్వారా దేవుడు అన్ని విషయాలను ఎలా పరిపాలిస్తాడనే దాని గురించి మనం మాట్లాడాము. అంటే, భూమి యొక్క భ్రమణం లేదా గడిచే కాలాన్ని బట్టి పర్వతాల పరిధి మరియు సరిహద్దులు విస్తరించవు లేదా తగ్గవు. అవి స్థిరమైనవి, మార్పులేనివి, మరియు వాటి మార్పులేనితనాన్ని నిర్ధేశించింది దేవుడే. మైదాన ప్రాంతాల విషయానికొస్తే, వాటి పరిధి ఏమిటి, వాటి సరిహద్దులు ఏమిటి అనేది—దేవుడు నిర్ణయించాడు. వాటికి వాటి సరిహద్దులు ఉన్నాయి కాబట్టి ఒక మట్టి దిబ్బ భూమి నుండి యాదృచ్ఛికంగా పైకి లేవడం అనేది అసాధ్యం. ఒక మైదానం అకస్మాత్తుగా పర్వతంగా మారదు-ఇది అసాధ్యం. మనం ఇప్పుడే మాట్లాడుకున్న నియమాలు మరియు సరిహద్దుల అర్థం ఇదే. ఎడారుల విషయానికొస్తే, మనం ఇక్కడ ఎడారులు లేదా ఏదైనా ఇతర భూభాగం లేదా భౌగోళిక ప్రదేశం యొక్క నిర్దిష్ట విధుల గురించి కాకుండా, వాటి సరిహద్దులను మాత్రమే పేర్కొంటాము. దేవుని పరిపాలనలో, ఎడారి సరిహద్దులు కూడా విస్తరించవు. ఎందుకంటే దేవుడు దానికి దాని నియమాన్ని, దాని పరిమితులను ఇచ్చాడు. దాని విస్తీర్ణం ఎంత పెద్దగా ఉండాలి మరియు దాని పని ఏమిటి, అది దేనికి కట్టుబడి ఉండాలి మరియు అది ఎక్కడ ఉండాలి-ఇవన్నీ ఇప్పటికే దేవునిచేత ఏర్పాటు చేయబడ్డాయి. ఇది దాని పరిమితులను దాటదు లేదా దాని స్థానాన్ని మార్చుకోదు, మరియు దాని ప్రదేశం తనకు నచ్చినట్లు విస్తరించదు. నదులు మరియు సరస్సుల వంటి జలప్రవాహాలు అన్నీ క్రమబద్ధంగా మరియు నిరంతరంగా ఉన్నప్పటికీ, అవి తమ పరిధి బయటకు లేదా సరిహద్దులు దాటి ఎప్పటికీ ప్రవహించవు. అవన్నీ ఒక దిశలో, అవి ప్రవహించాల్సిన దిశలో, క్రమబద్ధంగా ప్రవహిస్తాయి. కాబట్టి దేవుని పరిపాలన యొక్క నియమాల ప్రకారం, భూమి యొక్క భ్రమణం లేదా గడిచే కాలం కారణంగా ఏ నది లేదా సరస్సు నిర్హేతుకంగా ఎండిపోదు లేదా తనకు నచ్చినట్లు దాని ప్రవాహం యొక్క దిశను లేదా దాని ప్రవాహం యొక్క పరిమాణాన్ని మార్చుకోదు. ఇదంతా దేవుని ఆధీనంలో ఉంది. అంటే, ఈ మానవజాతి మధ్యలో దేవుడు సృష్టించిన అన్ని విషయాలకు వాటి నిర్దిష్ట స్థలాలు, ప్రాంతాలు మరియు పరిమితులు ఉన్నాయి. అంటే, దేవుడు అన్నిటినీ సృష్టించినప్పుడు, వాటి యొక్క సరిహద్దులను స్థాపించాడు మరియు వాటిని నిర్హేతుకంగా మార్చడం, పునరుద్ధరించడం లేదా సవరించడం సాధ్యం కాదు. “నిర్హేతుకంగా” అంటే ఏమిటి? వాతావరణం, ఉష్ణోగ్రత లేదా భూమి యొక్క భ్రమణ వేగం కారణంగా అవి తమకు తాముగా మారవు, విస్తరించవు లేదా వాటి అసలు రూపాన్ని మార్చుకోవు. ఉదాహరణకు, ఒక పర్వతం ఒక నిర్దిష్ట ఎత్తులో ఉంటుంది, దాని అడుగు భాగం ఒక నిర్దిష్ట ప్రాంతం మేరకు ఉంటుంది, అది భూమి లేదా సముద్ర మట్టానికి ఒక నిర్దిష్ట ఎత్తులో ఉంటుంది మరియు ఇది నిర్దిష్ట మొత్తంలో వృక్షసంపదను కలిగి ఉంటుంది. ఇదంతా దేవుడు ప్రణాళిక చేసి లెక్కించాడు మరియు ఇది తనకు తానుగా మారదు. మైదానాల విషయానికొస్తే, ఎక్కువ మంది మానవులు మైదానాలలో నివసిస్తుంటారు మరియు వాతావరణంలో ఎటువంటి మార్పులు వాటి ప్రదేశాలను లేదా వాటి ఉనికి యొక్క విలువను ప్రభావితం చేయవు. దేవుడు సృష్టించిన ఈ వివిధ భూభాగాలు మరియు భౌగోళిక పరిసరాలలో ఉన్న విషయాలు కూడా నిర్హేతుకంగా మార్చబడవు. ఉదాహరణకు, ఎడారి యొక్క ఏర్పాటు, భూగర్భ ఖనిజ నిక్షేపాల రకాలు, ఎడారిలోని ఇసుక పరిమాణం మరియు దాని రంగు, ఎడారి యొక్క మందం-ఇవి తమకు తాముగా మారవు. అవి తమకు తాముగా ఎందుకు మారవు? ఎందుకంటే ఇది దేవుని పరిపాలన మరియు ఆయన కార్యనిర్వహణ. దేవుడు సృష్టించిన ఈ విభిన్న భూభాగాలు మరియు భౌగోళిక పరిసరాలలో, ఆయన ప్రతి దానిని ప్రణాళికాబద్ధంగా మరియు క్రమబద్ధంగా నిర్వహిస్తున్నాడు. కాబట్టి ఈ భౌగోళిక వాతావరణాలన్నీ ఇప్పటికీ ఉనికిలో ఉన్నాయి మరియు దేవుడు సృష్టించిన వేలాది సంవత్సరాల తర్వాత కూడా అవి వాటి విధులను నిర్వహిస్తూనే ఉన్నాయి. కొన్నిసార్లు అగ్నిపర్వతాలు విస్ఫోటనం చెందడం మరియు భూకంపాలు సంభవించడం మరియు భూమిలో పెద్ద మార్పులు రావడం జరుగుతున్నప్పటికీ, దేవుడు ఖచ్చితంగా ఏ రకమైన భూభాగం కూడా దాని అసలు పనితీరును కోల్పోకుండా చూస్తాడు. దేవుని ఈ కార్యనిర్వహణ, ఈ నియమాలపై ఆయన పరిపాలన మరియు నియంత్రణ కారణంగా మాత్రమే ఇవన్నీ-మానవాళి చూసే మరియు ఆనందించే ఇవన్నీ-భూమిపై ఒక క్రమపద్ధతిలో మనుగడ సాగించగలవు. కాబట్టి భూమిపై ఉన్న ఈ వివిధ భూభాగాలను దేవుడు ఎందుకు ఈ విధంగా నిర్వహిస్తాడు? ఆయన ఉద్దేశ్యం ఏమిటంటే, వివిధ భౌగోళిక వాతావరణాలలో జీవించే జీవులన్నీ స్థిరమైన వాతావరణాన్ని కలిగి ఉంటాయి తద్వారా అవి స్థిరమైన వాతావరణంలో జీవిస్తూ అభివృద్ధి చెందుతాయి. ఈ విషయాలన్నీ-చలించేవి మరియు చలించలేనివి, నాసికా రంధ్రాల ద్వారా ఊపిరి పీల్చుకునేవి మరియు అలా చేయలేనివి—మానవజాతి మనుగడకు ఒక ప్రత్యేకమైన పర్యావరణాన్ని ఏర్పరుస్తాయి. ఈ రకమైన పర్యావరణం మాత్రమే మానవులను తరతరాలుగా పోషించగలదు మరియు ఈ రకమైన పర్యావరణం మాత్రమే మానవులు శాంతియుతంగా, తరాలు తరబడి జీవించేలా చేయగలదు.

నేను ఇప్పుడే మాట్లాడినది కాస్త పెద్ద అంశం, కనుక ఇది మీ జీవితాల నుండి కొంతవరకు తొలగించబడినట్లు అనిపించవచ్చు, కానీ మీరు అందరూ దానిని అర్థం చేసుకోగలరని నేను నమ్ముతున్నాను, అవునా? అంటే, అన్ని విషయాలపై దేవుని ఆధిపత్యంలో ఉన్న దేవుని నియమాలు చాలా ముఖ్యమైనవి-నిజానికి చాలా ముఖ్యమైనవి! ఈ నియమాల ప్రకారం అన్ని జీవుల పెరుగుదలకు ముందస్తు షరతు ఏమిటి? ఇది దేవుని పాలన కారణంగా ఉంది. ఆయన పరిపాలన కారణంగానే అన్ని విషయాలు తమ స్వంత విధులను ఆయన పాలనలో నిర్వహిస్తాయి. ఉదాహరణకు, పర్వతాలు అడవులను పోషిస్తాయి మరియు అడవులు తిరిగి వాటి లోపల నివసించే వివిధ పక్షులు మరియు జంతువులను పోషిస్తాయి మరియు రక్షిస్తాయి. మైదానాలు మానవులకు పంటలు వేయడానికి అలాగే వివిధ పక్షులు మరియు జంతువులకు అనువుగా ఉంటాయి. మానవజాతిలో ఎక్కువ మంది చదునైన భూమిలో నివసించేందుకు అవి వీలు కల్పిస్తాయి మరియు ప్రజల జీవితాలకు సౌలభ్యాన్ని అందిస్తాయి. అలాగే మైదానాలలో గడ్డి భూములు-పెద్ద పెద్ద పచ్చిక బయళ్ళు కూడా ఉంటాయి. గడ్డి భూములు నేలను కప్పి ఉంచేలా మొక్కలను అందిస్తాయి. అవి మట్టిని కాపాడతాయి మరియు పచ్చిక బయళ్ళు మీద నివసించే పశువులు, గొర్రెలు మరియు గుర్రాలను పోషిస్తాయి. ఎడారి కూడా దాని స్వంత విధిని నిర్వహిస్తుంది. ఇది మానవులు నివసించే ప్రదేశం కాదు; తేమతో కూడిన వాతావరణాన్ని పొడిగా మార్చడం దీని విధి. నదులు మరియు సరస్సుల జల ప్రవాహాలు ప్రజలకు సౌకర్యవంతమైన మార్గంలో త్రాగునీటిని తీసుకువస్తాయి. అవి ప్రవహించే చోట, ప్రజలకు తాగడానికి నీరు ఉంటుంది మరియు అన్ని విషయాల యొక్క నీటి అవసరాలు తగినట్టుగా తీర్చబడతాయి. ఇవి వివిధ భూభాగాలకు దేవుడు గీసిన సరిహద్దులు.

రెండవ భాగం: జీవము కలిగిన ప్రతి రూపము కోసం దేవుడు సరిహద్దులను ఏర్పాటు చేయడం

దేవుడు గీసిన ఈ సరిహద్దుల కారణంగా, వివిధ భూభాగాలు మనుగడ కోసం వివిధ పర్యావరణాలను ఏర్పరిచాయి మరియు మనుగడకు సంబంధించిన ఈ పర్యావరణాలు వివిధ రకాల పక్షులు మరియు జంతువులకు సౌకర్యవంతంగా ఉంటాయి మరియు వాటి మనుగడకు వీలు కల్పించాయి. దీని నుండి వివిధ జీవుల యొక్క మనుగడ కోసం పర్యావరణాలకు సరిహద్దులు ఏర్పాటు చేయబడ్డాయి. ఇది మనం తదుపరి మాట్లాడుకోబోయే రెండవ భాగం. ముందుగా, పక్షులు మరియు జంతువులు మరియు కీటకాలు ఎక్కడ నివసిస్తాయి? అవి అడవులు మరియు దట్టమైన పొదల్లో నివసిస్తాయా? ఇవి వాటి నివాస స్థలాలు. కాబట్టి, వివిధ భౌగోళిక వాతావరణాలకు సరిహద్దులను ఏర్పరచడమే కాకుండా, దేవుడు వివిధ పక్షులు మరియు జంతువులు, చేపలు, కీటకాలు మరియు మొక్కలన్నింటికీ కూడా సరిహద్దులు గీశాడు మరియు నియమాలను ఏర్పాటు చేశాడు. వివిధ భౌగోళిక వాతావరణాల మధ్య వ్యత్యాసాల కారణంగా మరియు వివిధ భౌగోళిక పర్యావరణాల ఉనికి కారణంగా, వివిధ రకాల పక్షులు మరియు జంతువులు, చేపలు, కీటకాలు మరియు మొక్కలు మనుగడ కోసం వివిధ పర్యావరణాలు ఉన్నాయి. పక్షులు, జంతువులు మరియు కీటకాలు వివిధ మొక్కల మధ్య నివసిస్తాయి, చేపలు నీటిలో నివసిస్తాయి మరియు మొక్కలు భూమిపై పెరుగుతాయి. భూమి పర్వతాలు, మైదానాలు మరియు కొండలు వంటి వివిధ ప్రాంతాలను కలిగి ఉంటుంది. పక్షులు మరియు జంతువులు తమ నివాసాలు ఏపరచుకున్న తర్వాత, అవి ఎటు కావాలంటే అటు సంచరించవు. వాటి నివాసాలు అడవులు మరియు పర్వతాలు. ఏదో ఒకరోజున, వాటి నివాసాలు ధ్వంసమైతే, ఈ అమరిక అస్తవ్యస్తమవుతుంది. అమరిక అస్తవ్యస్తమైన వెంటనే, ఎలాంటి పర్యవసానాలు ఉంటాయి? ఎవరు మొదట దెబ్బతింటారు? అది మానవజాతే. దేవుడు ఏర్పాటు చేసిన ఈ నియమాలు మరియు పరిమితులలో, మీరు ఏదైనా అసాధారణమైన విషయాన్ని చూశారా? ఉదాహరణకు, ఏనుగులు ఎడారిలో నడవడం. మీరు అలాంటిది ఎప్పుడైనా చూశారా? ఇది నిజంగా జరిగితే, ఇది చాలా అసాధారణమైన విషయం, ఎందుకంటే ఏనుగులు అడవిలో నివసిస్తాయి మరియు వాటి మనుగడకు దేవుడు సిద్ధం చేసిన పర్యావరణం అది. అవి తమ మనుగడకు తగిన పర్యావరణాన్ని మరియు నివాస స్థలాన్ని కలిగి ఉన్నాయి, కాబట్టి అవి ఎందుకు అటూఇటూ తిరుగుతాయి? సింహాలు లేదా పులులు సముద్ర తీరంలో నడవడం ఎవరైనా చూశారా? లేదు, మీరు చూడలేదు. సింహాలు మరియు పులుల అడవిలో మరియు పర్వతాలు మీద నివసిస్తాయి. సముద్రంలోని తిమింగలాలు లేదా సొరచేపలు ఎడారిలో ఈత కొట్టడాన్ని ఎవరైనా చూశారా? లేదు, మీరు చూడలేదు. తిమింగలాలు మరియు సొరచేపలు సముద్రంలో తమ నివాసాలను ఏర్పరుచుకున్నాయి. మానవుల యొక్క జీవన పర్యావరణంలో, గోధుమ రంగు ఎలుగుబంట్లతో సహజీవనం వ్యక్తులు ఉన్నారా? తమ ఇళ్లలోపల, బయట ఎల్లప్పుడూ తమ చుట్టూ నెమళ్లు లేదా ఇతర పక్షులను కలిగి ఉండే వ్యక్తులు ఉన్నారా? కోతులతో ఆడుకునే డేగలు లేదా అడవి బాతులను ఎవరైనా చూశారా? (లేదు) ఇవన్నీ అసాధారమైన విషయాలుగా ఉంటాయి. మీ చెవులకు చాలా విచిత్రంగా అనిపించే ఈ విషయాల గురించి నేను మాట్లాడటానికి కారణం, దేవుడు సృష్టించినవన్నీ-అవి ఒకే చోట స్థిరంగా ఉన్నాయా లేదా అవి నాసికా రంధ్రాల ద్వారా శ్వాసించగలవా అనే దానితో సంబంధం లేకుండా—అవి తమ మనుగడ కోసం తమ స్వంత నియమాలను కలిగి ఉన్నాయి అని మీరు అర్థం చేసుకోవాలి. దేవుడు ఈ జీవులను సృష్టించడానికి చాలా కాలం ముందు, ఆయన వాటి కోసం వాటి స్వంత నివాస స్థలాలను మరియు వాటి మనుగడకు అనువైన పరిసరాలను అప్పటికే సిద్ధం చేశాడు. ఈ జీవులు తమ మనుగడకు తగినట్టుగా నియమించిన పర్యావరణాలను, ఆహారాన్ని మరియు నియమిత నివాస స్థలాలను కలిగి ఉన్నాయి మరియు అవి తమ మనుగడకు అనువుగా నియమించిన స్థలాలను, తమ మనుగడకు అనువైన ఉష్ణోగ్రతలతో కూడిన ప్రదేశాలను కలిగి ఉన్నాయి. అందువల్ల, అవి అటూఇటూ సంచరించవు లేదా మానవజాతి మనుగడను నిర్వీర్యం చేయవు లేదా ప్రజల జీవితాలను ప్రభావితం చేయవు. మానవాళికి మనుగడ కోసం ఉత్తమమైన పర్యావరణాన్ని కల్పిస్తూ, దేవుడు అన్ని విషయాలను ఈ విధంగా నిర్వహిస్తాడు. అన్నిటిలో ఉన్న జీవరాసులలో ప్రతి ఒక్కటి తమ మనుగడకు సంబంధించిన పర్యావరణంలో తమ స్వంత జీవాధారమైన ఆహారాన్ని కలిగి ఉంటుంది. ఆ ఆహారంతో, అవి మనుగడ కోసం తమ స్థానిక పర్యావరణంతో జత చేయబడి ఉంటాయి. ఆ రకమైన పర్యావరణంలో, తమ కోసం దేవుడు ఏర్పాటు చేసిన నియమాలకు అనుగుణంగా అవి మనుగడ సాగిస్తూ, అభివృద్ధి చెందుతూ మరియు ముందుకు సాగుతూ ఉంటాయి. ఈ రకమైన నియమాల కారణంగా, దేవుని ముందస్తు నిర్ణయం కారణంగా, సమస్త విషయాలు మానవజాతితో సామరస్యంగా జీవిస్తాయి మరియు మానవజాతి అన్నిటిపై పరస్పరం ఆధారపడుతూ జీవిస్తుంది.

మూడవ భాగం: మానవజాతిని పోషించడం కోసం దేవుడు పర్యావరణాన్ని మరియు జీవావరణాన్ని సంరక్షించడం

దేవుడు అన్నిటినీ సృష్టించాడు మరియు వాటికి సరిహద్దులను ఏర్పరచాడు; వాటిలో ఆయన అన్ని రకాల జీవులను పోషించాడు. మరోవైపు, ఆయన మానవాళి మనుగడ కోసం విభిన్న మార్గాలను కూడా సిద్ధం చేసాడు, కాబట్టి మానవులు జీవించడానికి ఒక మార్గం మాత్రమే కలిగి ఉండరని లేదా మనుగడ కోసం కేవలం ఒక రకమైన పర్యావరణాన్ని మాత్రమే కలిగి ఉండరని నీవు చూడవచ్చు. మానవుల కోసం వివిధ రకాల ఆహారాన్ని మరియు నీటి వనరులను దేవుడు సిద్ధం చేయడం గురించి మనం ఇంతకు ముందు మాట్లాడుకున్నాము, మానవజాతి భౌతిక జీవితాన్ని కొనసాగించడానికి ఇది చాలా కీలకం. అయినప్పటికీ, ఈ మానవజాతిలో, ప్రజలందరూ ధాన్యాలపై ఆధారపడి జీవించరు. భౌగోళిక పర్యావరణాలు మరియు ప్రాంతాలలోని వ్యత్యాసాల కారణంగా ప్రజలు వివిధ మనుగడ మార్గాలను కలిగి ఉన్నారు. ఈ మనుగడ మార్గాలు అన్నిటినీ దేవుడే సిద్ధం చేసాడు. కాబట్టి మానవులందరూ ప్రధానంగా వ్యవసాయంలో నిమగ్నమై ఉండరు. అంటే, ప్రజలందరూ పంటలు పండించి ఆహారాన్ని సంపాదించుకోరు. ఇది మనం మాట్లాడబోయే మూడవ భాగం: మానవజాతి యొక్క విభిన్న జీవన విధానాల కారణంగా సరిహద్దులు ఏర్పడ్డాయి. కాబట్టి మానవులు కలిగి ఉన్న ఇతర జీవన విధానాలు ఏమిటి? వివిధ ఆహార వనరుల పరంగా, ఏ ఇతర రకాల ప్రజలు ఉన్నారు? అనేక ప్రాథమిక రకాలు ఉన్నాయి.

మొదటిది వేటాడే జీవన విధానం. అది ఏమిటో అందరికీ తెలుసు. వేటాడి జీవించే వారు ఏమి తింటారు? (ఆట.) వారు అడవిలోని పక్షులు మరియు జంతువులు తింటారు. “ఆట” అనేది ఆధునిక పదం. వేటగాళ్ళు దానిని ఆటగా భావించరు; వారు దానిని ఆహారంగా, తమ రోజువారీ జీవనోపాధిగా భావిస్తారు. ఉదాహరణకు, వాళ్ళు ఒక జింకను పట్టుకొంటారు. వాళ్ళు ఈ జింకను పట్టుకొన్నప్పుడు, అది ఒక రైతు నేల నుండి ఆహారాన్ని పొందడం లాటిందే. ఒక రైతు నేల నుండి ఆహారాన్ని పొందుతాడు, మరియు అతను ఈ ఆహారాన్ని చూసినప్పుడు, అతను సంతోషిస్తాడు మరియు ఉపశమనం పొందుతాడు. తినడానికి పంటలు ఉండడంతో, కుటుంబం ఆకలితో అలమటించదు. రైతు మనసు ఆందోళన నుండి విముక్తి పొందుతుంది మరియు అతను సంతృప్తి పడతాడు. ఒక వేటగాడు కూడా తాను పట్టుకున్నదానిని చూసేటప్పుడు ఉపశమనాన్ని మరియు సంతృప్తిని పొందుతాడు, ఎందుకంటే అతను ఇకపై ఆహారం గురించి చింతించాల్సిన అవసరం లేదు. తదుపరి భోజనానికి తినడానికి ఏదో ఒకటి ఉంది మరియు ఆకలితో ఉండవలసిన అవసరం లేదు. ఈ వ్యక్తి జీవనోపాధి కోసం వేటాడతాడు. వేటపై ఆధారపడి జీవిస్తున్న వారిలో ఎక్కువ మంది పర్వత అరణ్యాల్లో నివసిస్తారు. వారు వ్యవసాయం చేయరు. అక్కడ వ్యవసాయ యోగ్యమైన భూమిని కనుగొనడం అంత సులభం కాదు, కాబట్టి వారు వివిధ జీవరాశులు మరియు వివిధ రకాల వేటలపై ఆధారపడి జీవిస్తారు. ఇది సాధారణ ప్రజలకు భిన్నమైన మొదటిరకపు జీవన విధానం.

రెండవ రకం పశువుల కాపరుల జీవన విధానం. జీవనోపాధి కోసం పశువులను మేపుకునే వారు భూమిని కూడా సాగు చేస్తారా? (లేదు) అయితే వాళ్ళు ఏమి చేస్తారు? వాళ్ళు ఎలా జీవిస్తారు? (చాలా వరకు, వాళ్ళు జీవనోపాధి కోసం పశువులు మరియు గొర్రెలను మేపుతారు, మరియు శీతాకాలంలో వారు తమ పశువులను వధించి తింటారు. వారి ప్రధాన ఆహారం గొడ్డు మాంసం మరియు గొర్రె మాంసం, మరియు వాళ్ళు పాలు టీ తాగుతారు. పశువుల కాపరులు నాలుగు రుతువుల్లోనూ తీరిక లేకుండా ఉన్నప్పటికీ, వాళ్ళు బాగా తింటారు. వాళ్లకు పాలు, పాల ఉత్పత్తులు మరియు మాంసం పుష్కలంగా ఉంటాయి.) జీవనోపాధి కోసం పశువులను మేపుకునే వారు ప్రధానంగా గొడ్డు మాంసం మరియు గొర్రె మాంసం తింటారు, గొర్రె పాలు మరియు ఆవు పాలు తాగుతారు మరియు పొలంలో తమ పశువులను మేపడానికి పశువులు మరియు గుర్రాలపై సరదాగా స్వారీ చేస్తుంటారు. వారు ఆధునిక జీవితంలోని ఒత్తిళ్లను ఎదుర్కోరు. వారు రోజంతా విశాలమైన నీలి ఆకాశం మరియు పచ్చిక బయళ్లను చూస్తుంటారు. పశువుల పెంపకంపై ఆధారపడి జీవిస్తున్న వారిలో అత్యధికులు గడ్డి భూములపై నివసిస్తున్నారు మరియు వారు తరతరాలుగా తమ సంచార జీవన విధానాన్ని కొనసాగించగలుగుతున్నారు. పచ్చిక బయళ్లలో జీవితం కాస్త ఒంటరిగా ఉన్నప్పటికీ, ఇది చాలా సంతోషకరమైన జీవితం కూడా. ఇది చెడ్డ జీవన విధానం కాదు!

మూడవ రకం చేపలు పట్టే జీవన విధానం. మానవజాతిలో ఒక చిన్న భాగం సముద్రం లేదా చిన్న ద్వీపాలలో నివసిస్తుంది. వాళ్ళు సముద్రానికి అభిముఖంగా నీటి మధ్యలో ఉంటారు. ఈ ప్రజలు జీవనోపాధి కోసం చేపలు పట్టుకుంటారు. జీవనోపాధి కోసం చేపలు పట్టే వారికి ఆహారం ఏది? వారి ఆహార వనరులలో అన్ని రకాల చేపలు, సముద్రపు ఆహారం మరియు సముద్రంలోని ఇతర ఉత్పత్తులు ఉంటాయి. జీవనోపాధి కోసం చేపలు పట్టే ప్రజలు భూమిని సాగు చేయరు, దానికి బదులుగా వాళ్ళు ప్రతిరోజూ చేపలు పడుతుంటారు. వారి ప్రధానమైన ఆహారంలో వివిధ రకాల చేపలు మరియు సముద్ర ఉత్పత్తులు ఉంటాయి. వారు అప్పుడప్పుడు బియ్యం, పిండి మరియు రోజువారీ అవసరాల కోసం వీటిని అమ్ముతుంటారు. ఇది నీటికి సమీపంగా నివసించే ప్రజల యొక్క విభిన్నమైన జీవన విధానం. నీటికి సమీపంగా నివసిస్తూ, వారు తమ ఆహారం కోసం దానిపై ఆధారపడతారు మరియు చేపల వేటతో జీవనం సాగిస్తారు. చేపలు పట్టడం అనేది వారికి ఆహారాన్ని మాత్రమే కాకుండా, జీవనోపాధిని కూడా ఇస్తుంది.

భూమిని సాగు చేయడమే కాకుండా, మానవజాతి చాలా వరకు పైన పేర్కొన్న మూడు జీవన విధానాలకు అనుగుణంగా జీవిస్తుంది. ఏది ఏమైనప్పటికీ, జీవనోపాధి కోసం అత్యధిక శాతం మంది వ్యవసాయం చేస్తుంటారు, చాలా కొద్ది మంది మాత్రమే పశువులను మేపడం, చేపలు పట్టడం మరియు వేటాడటం ద్వారా జీవనం సాగిస్తుంటారు. మరి వ్యవసాయం చేసుకుంటూ జీవిస్తున్న ప్రజలకు ఏం కావాలి? వారికి కావాల్సింది భూమి. తరతరాలుగా, వారు భూమిలో పంటలు వేయడం ద్వారా జీవిస్తున్నారు మరియు వాళ్ళు కూరగాయలు, పండ్లు లేదా విత్తనాలు ఇలా ఏవీ నాటిన, వాళ్ళు భూమి నుండి తమ ఆహారాన్ని పొందుతున్నారు మరియు తమ రోజువారీ అవసరాలను తీర్చుకుంటున్నారు.

ఈ విభిన్న మానవ జీవన విధానాలకు ఆధారమైన ప్రాథమిక పరిస్థితులు ఏమిటి? వారు జీవించగలుగుతున్న పర్యావరణాలను ప్రాథమిక స్థాయిలో కాపాడడం ఖచ్చితంగా అవసరం లేదా? అంటే, వేటతో జీవిస్తున్న వారు పర్వత అరణ్యాలను లేదా పక్షులు మరియు జంతువులను కోల్పోతే, వారికి జీవనాధారం లేకుండా పోతుంది. ఈ జాతి మరియు ఈ విధమైన వ్యక్తులు ఏ దిశలో వెళ్లాలి అనేది అనిశ్చితంగా మారుతుంది మరియు వారు అంతరించి పోవచ్చు కూడా. మరియు జీవనోపాధి కోసం పశువులను మేపుకునే వారి పరిస్థితి ఏమిటి? వారు దేనిపై ఆధారపడతారు? వారు నిజంగా ఆధారపడేది వారి పశువుల మీద కాదు, కానీ వారి పశువులు జీవించగలిగే పర్యావరణం-పచ్చిక బయళ్ళు మీద. పచ్చిక బయళ్ళు లేకపోతే, పశువుల కాపరులు తమ పశువులను ఎక్కడ మేపుతారు? పశువులు మరియు గొర్రెలు ఏమి తింటాయి? పశువులు లేకుంటే ఈ సంచార జాతులకు జీవనోపాధి ఉండదు. వారి జీవనోపాధికి ఆధారం లేకపోతే, ఈ ప్రజలు ఎక్కడికి వెళతారు? మనుగడ కొనసాగించడం వారికి చాలా కష్టంగా మారుతుంది; వారికి భవిష్యత్తు ఉండదు. నీటి వనరులు లేకుంటే, నదులు, సరస్సులు పూర్తిగా ఎండిపోతే, నీటిపై ఆధారపడి జీవించే ఆ చేపలన్నీ ఇంకా ఉండేవా? అవి ఉండవు. నీరు మరియు చేపల మీద ఆధారపడి జీవిస్తున్న ఈ ప్రజలు మనుగడ కొనసాగించగలుగుతారా? వారికి ఆహారం లేనప్పుడు, వారి జీవనోపాధికి ఆధారం లేనప్పుడు, ఈ ప్రజలు మనుగడ కొనసాగించలేరు. అంటే, ఏదైనా జాతి వారి జీవనోపాధికి లేదా వారి మనుగడకు ఎప్పుడైనా ముప్పు ఏర్పడితే, ఆ జాతి ఇకపై కొనసాగదు మరియు వారు భూమ్మీద నుండి అదృశ్యమైపోయి, అంతరించిపోవచ్చు. మరియు జీవనోపాధి కోసం వ్యవసాయం చేసే వారు తమ భూమిని కోల్పోతే, వారు అన్ని రకాల మొక్కలను పెంచకపోతే, ఆ మొక్కల నుండి ఆహారం తీసుకోలేకపోతే, అప్పుడు ఫలితం ఎలా ఉంటుంది? తిండి లేకపోతే, మనుషులు ఆకలితో చనిపోకుండా ఉంటారా? మనుషులు ఆకలితో చచ్చిపోతుంటే ఆ మానవ జాతి అంతరించిపోదా? కాబట్టి వివిధ రకాల పర్యావరణాన్ని కాపాడడంలో దేవుని ఉద్దేశం ఇది. విభిన్న వాతావరణాలు మరియు పర్యావరణ వ్యవస్థలు మరియు వాటిలోని అన్ని విభిన్న జీవులను నిర్వహించడంలో దేవుడికి ఒకే ఒక ఉద్దేశ్యం ఉంది—అది అన్ని రకాల ప్రజలను పోషించడం, వివిధ భౌగోళిక వాతావరణాలలో నివసించే వ్యక్తులను పోషించడం.

సృష్టిలోని అన్ని విషయాలు వాటి స్వంత నియమాలను కోల్పోయినట్లయితే, అవి ఇకపై ఉనికిలో ఉండవు; అన్ని విషయాలకు సంబంధించిన నియమాలు కోల్పోయినట్లయితే, అన్ని విషయాల మధ్యనున్న జీవరాసులు కొనసాగలేవు. మానవాళి మనుగడ కోసం ఆధారపడిన తమ పర్యావరణాలను కూడా కోల్పోతారు. మానవాళి వాటన్నిటినీ కోల్పోనట్లయితే, వారు తరతరాలుగా ఫలించడం మరియు అభివృద్ధి చెందడం అనే దానిని వారు కొనసాగించలేరు. మానవులు ఇప్పటి వరకు జీవించి ఉండడానికి కారణం, వారిని పోషించడానికి, మానవజాతిని వివిధ మార్గాల్లో పెంపొందించడానికి, దేవుడు సృష్టిలోని అన్ని విషయాలను వారికి అందించాడు. దేవుడు మానవాళిని వివిధ మార్గాల్లో పోషించడం వల్లనే మానవజాతి ఇప్పటి వరకు మనుగడ సాగిస్తోంది. మనుగడకు అనుకూలమైన మరియు సహజ నియమాలు సక్రమంగా ఉన్న స్థిరమైన పర్యావరణాన్ని బట్టి, భూమి మీదున్న అన్ని రకాల ప్రజలు, అన్ని విభిన్న జాతులు, తమకు నిర్ధేశించిన ప్రాంతాలలో జీవించగలుగుతారు. ఈ ప్రాంతాలను లేదా వారి మధ్యనున్న సరిహద్దులను దాటి ఎవరూ వెళ్లలేరు ఎందుకంటే దేవుడే వాటిని ఏర్పరిచాడు. దేవుడు ఈ విధంగా సరిహద్దులను ఎందుకు ఏర్పరిచాడు? ఇది మానవజాతి అంతటికీ చాలా ముఖ్యమైన విషయం-నిజంగా చాలా ముఖ్యమైనది! దేవుడు ప్రతి విధమైన జీవికి ఒక పరిధిని ఏర్పరిచాడు మరియు ప్రతి విధమైన మనిషికి మనుగడ మార్గాలను నిర్ణయించాడు. ఆయన భూమి మీదున్న వివిధ రకాల ప్రజలను మరియు వివిధ జాతులను కూడా విభజించి వారికి ఒక పరిధిని ఏర్పాటు చేశాడు. దీని గురించి మనం తదుపరి చర్చిస్తాము.

నాల్గవ భాగం: విభిన్న జాతుల మధ్య దేవుడు సరిహద్దులను గీయడం

నాల్గవది, దేవుడు వివిధ జాతుల మధ్య సరిహద్దులను గీసాడు. భూమిపై శ్వేతజాతీయులు, నల్లజాతీయులు, గోధుమ రంగులో మరియు పసుపు రంగులో ఉండే ప్రజలు ఉన్నారు. వీరు వివిధ రకాల వ్యక్తులు. దేవుడు ఈ విభిన్న రకాల వ్యక్తుల జీవితాల కోసం ఒక పరిధిని కూడా నిర్ణయించాడు మరియు దాని గురించి తెలియకుండానే, ప్రజలు దేవుని కార్యనిర్వహణకు అనుగుణంగా తమ మనుగడకు తగిన వాతావరణంలో జీవిస్తారు. దీని నుండి ఎవరూ బయటకి అడుగు పెట్టలేరు. ఉదాహరణకు, శ్వేతజాతీయులను పరిశీలిద్దాం. వారిలో అత్యధికులు నివసించే భౌగోళిక పరిధి ఏమిటి? చాలా మంది యూరప్ మరియు అమెరికాలో నివసిస్తున్నారు. నల్లజాతి ప్రజలు ప్రధానంగా నివసించే భౌగోళిక పరిధి ఆఫ్రికా. గోధుమ రంగు ప్రజలు ప్రధానంగా ఆగ్నేయాసియా మరియు దక్షిణ ఆసియాలో, థాయిలాండ్, ఇండియా, మయన్మార్, వియత్నాం మరియు లావోస్ వంటి దేశాలలో నివసిస్తున్నారు. పసుపు రంగులో ఉండే ప్రజలు ప్రధానంగా ఆసియాలో, అంటే చైనా, జపాన్ మరియు దక్షిణ కొరియా వంటి దేశాలలో నివసిస్తున్నారు. దేవుడు ఈ వివిధ రకాల జాతులన్నింటిని తగిన విధంగా విభజించాడు, తద్వారా ఈ విభిన్న జాతుల వారు ప్రపంచంలోని వివిధ ప్రాంతాలకు కేటాయించబడతారు. ప్రపంచంలోని ఈ విభిన్న ప్రాంతాలలో, దేవుడు చాలా కాలం క్రితం మానవులలోని ప్రతి విభిన్న జాతికి తగిన మనుగడ వాతావరణాన్ని సిద్ధం చేశాడు. ఈ మనుగడ వాతావరణాలలో, దేవుడు వారి కోసం వివిధ రంగుల మరియు తీరుల నేలలను సిద్ధం చేశాడు. మరో మాటలో చెప్పాలంటే, శ్వేతజాతీయుల శరీర తీరు నల్లజాతీయుల శరీర తీరులా ఉండదు మరియు వారు ఇతర జాతులకు చెందిన వ్యక్తుల శరీర తీరుకు కూడా భిన్నంగా ఉంటారు. దేవుడు అన్నిటినీ సృష్టించినప్పుడు, ఆ జాతికి మనుగడ కోసం ఆయన అప్పటికే వాతావరణాన్ని సిద్ధం చేశాడు. అలా చేయడంలో ఆయన ఉద్దేశ్యం ఏమిటంటే, ఆ రకమైన వ్యక్తులు అభివృద్ధి చెందడం ప్రారంభించినప్పుడు మరియు సంఖ్య పెరుగుతున్నప్పుడు, వారు ఒక నిర్దిష్ట పరిధిలో స్థిరపడవచ్చు. దేవుడు మానవులను సృష్టించకముందే, ఆయన అప్పటికే వాటన్నిటినీ ఆలోచించాడు-ఆయన శ్వేతజాతీయులు అభివృద్ధి చెందడానికి మరియు మనుగడ సాగించడానికి యూరప్ మరియు అమెరికాలను ప్రత్యేకపరచి ఉంచాడు. కాబట్టి దేవుడు భూమిని సృష్టిస్తున్నప్పుడు ఆయనకు అప్పటికే ఒక ప్రణాళిక ఉంది, ఆయన ఆ భూమిలో ఉంచిన వాటిని అక్కడ ఉంచడంలో మరియు ఆ భూమి మీద ఆయన పోషించిన వాటిని పోషించడంలో ఆయనకు ఒక లక్ష్యం మరియు ఉద్దేశ్యం ఉంది. ఉదాహరణకు, ఆ భూమిలో ఏ పర్వతాలు, ఎన్ని మైదానాలు, ఎన్ని జల వనరులు, ఎలాంటి పక్షులు మరియు జంతువులు, ఏ చేపలు మరియు ఏ మొక్కలు ఉండాలి అనే వాటిని దేవుడు చాలా కాలం క్రితమే సిద్ధం చేశాడు. ఒక నిర్దిష్ట రకపు మానవునికి, ఒక నిర్దిష్ట జాతి మనుగడకు పర్యావరణాన్ని సిద్ధం చేసేటప్పుడు, దేవుడు అన్ని రకాల కోణాల నుండి అనేక సమస్యలను పరిగణనలోకి తీసుకోవాల్సి వచ్చింది: భౌగోళిక వాతావరణం, నేల యొక్క తీరు, వివిధ జాతుల పక్షులు మరియు జంతువులు, వివిధ రకాల చేపల పరిమాణం, చేపల శరీరాలను తయారు చేసే అంశాలు, నీటి నాణ్యతలో తేడాలు, అలాగే అన్ని రకాల మొక్కలు…. దేవుడు చాలా కాలం క్రితమే వీటన్నింటినీ సిద్ధం చేశాడు. శ్వేతజాతీయుల మనుగడ కోసం ఆ రకమైన పర్యావరణాన్ని దేవుడు సృష్టించి, సిద్ధం చేసాడు మరియు సహజంగానే అది వారికి చెందుతుంది. దేవుడు అన్నిటినీ సృష్టించినప్పుడు దాని గురించి చాలా ఆలోచించి ఒక ప్రణాళికతో పని చేసాడని మీరు చూసారా? (అవును, వివిధ రకాలైన వ్యక్తుల కోసం దేవుడు చాలా శ్రద్ధగా ఆలోచించాడని మనం చూసాం. వివిధ రకాల మనుషులు మనుగడకు ఆయన సృష్టించిన పర్యావరణంలో, ఎలాంటి పక్షులు మరియు జంతువులు మరియు చేపలు, ఎన్ని పర్వతాలు మరియు ఎన్ని మైదానాలు సిద్ధం చేయాలి అనే దాని గురించి ఆయన అత్యంత శ్రద్ధగా మరియు ఖచ్చితత్వంతో ఆలోచించాడు.) ఉదాహరణకు శ్వేతజాతీయులను తీసుకోండి. శ్వేతజాతీయులు ప్రధానంగా ఏ ఆహారాలు తింటారు? శ్వేతజాతీయులు తినే ఆహారాలు ఆసియా ప్రజలు తినే ఆహారాలకు చాలా భిన్నంగా ఉంటాయి. శ్వేతజాతీయులు తినే ప్రధాన ఆహారాలలో ముఖ్యంగా మాంసం, గుడ్లు, పాలు మరియు కోళ్ల ఉత్పత్తులు ఉంటాయి. రొట్టె మరియు బియ్యం వంటి ధాన్యాలు సాధారణంగా పళ్ళేనికి ఒక ప్రక్కన ఉండే అదనపు ఆహారాలు. వెజిటబుల్ సలాడ్ తినేటప్పుడు కూడా, వారు కొన్ని కాల్చిన గొడ్డు మాంసం లేదా చికెన్ ముక్కలు వేసుకుంటారు మరియు గోధుమ ఆధారిత ఆహారాన్ని తినేటప్పుడు కూడా వారు చీజ్, గుడ్లు లేదా మాంసాన్ని కలుపుతారు. అంటే, వారి ప్రధాన ఆహారాలలో గోధుమ ఆధారిత ఆహారాలు లేదా బియ్యం అనేవి ప్రధానమైనవి కావు; వారు పెద్ద మొత్తంలో మాంసం మరియు చీజ్ తింటారు. వారు తినే ఆహారాలలో కేలరీలు చాలా ఎక్కువ కాబట్టి వారు తరచుగా ఐస్ వాటర్ తాగుతారు. కాబట్టి, శ్వేతజాతీయులు చాలా దృఢంగా ఉంటారు. దేవుడు వారికి జీవనాధారాన్ని మరియు జీవన పర్యావరణాలను సిద్ధం చేశాడు, కాబట్టి వాళ్ళు ఇతర జాతులకు చెందిన ప్రజల జీవనశైలికి భిన్నమైన ఈ జీవన విధానాన్ని కలిగి ఉంటారు. ఈ జీవన విధానంలో ఒప్పు లేదా తప్పు అనేది లేదు-అది సహజసిద్ధమైనది, దేవునిచే ముందుగా నిర్ణయించబడింది మరియు ఇది దేవుని ఆజ్ఞలు మరియు ఆయన ఏర్పాట్ల నుండి కలిగింది. ఈ జాతికి ఈ జీవన విధానం ఉంది మరియు ఈ జీవనాధారాలు వారి జాతి కారణంగా, మరియు వారి మనుగడ కోసం దేవుడు సిద్ధం చేసిన పర్యావరణం కారణంగా ఉన్నాయి. శ్వేతజాతీయుల మనుగడ కోసం దేవుడు సిద్ధం చేసిన పర్యావరణం మరియు ఆ పర్యావరణం నుండి వారు పొందే రోజువారీ జీవనాధారం గొప్పదని మరియు సమృద్ధితో కూడినదని మీరు చెప్పవచ్చు.

దేవుడు ఇతర జాతుల మనుగడకు అవసరమైన పర్యావరణాలను కూడా సిద్ధం చేశాడు. నల్లజాతీయులు కూడా ఉన్నారు-నల్లజాతీయులు ఎక్కడ ఉంటారు? వీరు ప్రధానంగా మధ్య మరియు దక్షిణ ఆఫ్రికాలో ఉంటారు. అలాంటి పర్యావరణంలో జీవించడానికి దేవుడు వారి కోసం ఏమి సిద్ధం చేశాడు? ఉష్ణమండల వర్షారణ్యాలు, అన్ని రకాల పక్షులు మరియు జంతువులు, అలాగే ఎడారులు మరియు ప్రజల మధ్య జీవించే అన్ని రకాల మొక్కలు. వారికి నీటి వనరులు, జీవనాధారాలు మరియు ఆహారం ఉన్నాయి. దేవుడు వారిపట్ల పక్షపాతం చూపలేదు. ఇంతకాలం ఏం చేసినా, వారి మనుగడకు సమస్య ఏర్పడలేదు. వారు కూడా ప్రపంచంలోని ఒక భాగంలో ఒక నిర్దిష్ట స్థానాన్ని మరియు నిర్దిష్ట ప్రాంతాన్ని ఆక్రమించారు.

ఇప్పుడు మనం పసుపు రంగు వ్యక్తుల గురించి మాట్లాడుకుందాం. పసుపు రంగు ప్రజలు ప్రధానంగా భూమి యొక్క తూర్పున ఉన్నారు. తూర్పు మరియు పశ్చిమ ప్రాంతాల యొక్క వాతావరణాలు మరియు భౌగోళిక స్థానాల మధ్య ఉన్న తేడాలు ఏమిటి? తూర్పున, భూమిలో ఎక్కువ భాగం సారవంతమైనది మరియు పదార్థాలు మరియు ఖనిజ నిక్షేపాలతో సమృద్ధిగా ఉంటుంది. అంటే, అన్ని రకాల భూమి-ఉపరితల మరియు భూగర్భ వనరులు పుష్కలంగా ఉన్నాయి. మరియు ఈ సమూహానికి, ఈ జాతికి, దేవుడు వారికి తగిన నేలను, పర్యావరణాన్ని మరియు వివిధ భౌగోళిక పర్యావరణాలను కూడా సిద్ధం చేశాడు. ఆ భౌగోళిక పర్యావరణానికి మరియు పాశ్చాత్య దేశపు పర్యావరణానికి మధ్య చాలా తేడాలు ఉన్నప్పటికీ, ప్రజలకు అవసరమైన ఆహారం, జీవనోపాధులు మరియు మనుగడకు మూలాలను కూడా దేవుడు సిద్ధం చేసాడు. పాశ్చాత్య దేశాలలోని శ్వేతజాతీయుల కంటే ఇది జీవించడానికి భిన్నమైన వాతావరణం. అయితే నేను మీకు చెప్పవలసిన ఒక విషయం ఏమిటి? తూర్పు జాతి ప్రజల సంఖ్య దాదాపుగా పెద్దది, కాబట్టి దేవుడు భూమి యొక్క ఆ భాగంలో పశ్చిమానికి భిన్నమైన అనేక అంశాలను జోడించాడు. అక్కడ, ఆయన అనేక విభిన్న ప్రకృతి దృశ్యాలను మరియు అన్ని రకాల విస్తారమైన పదార్థాలను జోడించాడు. అక్కడ సహజ వనరులు చాలా పుష్కలంగా ఉన్నాయి; భూభాగం కూడా వైవిధ్యమైనది మరియు భిన్నమైనది, భారీ సంఖ్యలో ఉన్న తూర్పు జాతికి చెందిన ప్రజలను పోషించడానికి సరిపోతుంది. పశ్చిమానికి మరియు తూర్పుకు ఉన్న ఆ తేడా ఏమిటంటే, తూర్పున-దక్షిణం నుండి ఉత్తరం వరకు, తూర్పు నుండి పడమర వరకు-వాతావరణం పశ్చిమం కంటే మెరుగ్గా ఉంటుంది. నాలుగు రుతువులు స్పష్టంగా విభిన్నంగా ఉంటాయి, ఉష్ణోగ్రతలు అనుకూలంగా ఉంటాయి, సహజ వనరులు సమృద్ధిగా ఉంటాయి మరియు సహజ దృశ్యాలు మరియు భూభాగం యొక్క రకాలు పశ్చిమ దేశాల కంటే మెరుగ్గా ఉంటాయి. దేవుడు ఇలా ఎందుకు చేశాడు? దేవుడు తెలుపు మరియు పసుపు ప్రజల మధ్య చాలా హేతుబద్ధమైన సమతుల్యతను తీసుకొచ్చాడు. దీని అర్థం ఏమిటి? శ్వేతజాతీయుల ఆహారం, వారు ఉపయోగించే వస్తువులు మరియు వారిని ఆనందపరిచే అంశాలు పసుపు రంగు ప్రజలు ఆనందించగలిగే వాటి కంటే చాలా మెరుగ్గా ఉన్నాయని దీని అర్థం. అయితే, దేవుడు ఏ జాతి పట్లా పక్షపాతం చూపడు. దేవుడు పసుపు ప్రజలకు మనుగడ కోసం మరింత అందమైన మరియు మెరుగైన వాతావరణాన్ని ఇచ్చాడు. ఇదే సమతుల్యత.

ప్రపంచంలోని ఏ ప్రాంతంలో ఏ రకమైన ప్రజలు నివసించాలో దేవుడు ముందుగానే నిర్ణయించాడు; మానవులు ఈ పరిమితులను దాటి వెళ్లగలరా? (లేదు, వారు వెళ్ళలేరు.) ఎంత అద్భుతమైన విషయం! వేర్వేరు యుగాలలో లేదా అసాధారణ సమయాల్లో యుద్ధాలు లేదా ఆక్రమణలు జరిగినప్పటికీ, ఈ యుద్ధాలు మరియు ఆక్రమణలు ప్రతి జాతి మనుగడకు దేవుడు ముందుగా నిర్ణయించిన పర్యావరణాలను పూర్తిగా నాశనం చేయలేవు. అంటే, దేవుడు ప్రపంచంలోని ఒక నిర్దిష్ట ప్రాంతాన్ని ఒక నిర్దిష్ట రకమైన వ్యక్తుల కోసం స్థిరపరిచాడు మరియు వారు ఆ పరిమితులను దాటి వెళ్ళలేరు. ప్రజలు తమ భూభాగాన్ని మార్చడం లేదా విస్తరించడం అనే ఒక రకమైన ఆశయాన్ని కలిగి ఉన్నప్పటికీ, దేవుని అనుమతి లేకుండా, దానిని నెరవేర్చుకోవడం చాలా కష్టం. వారు విజయం సాధించడం చాలా కష్టం. ఉదాహరణకు, శ్వేతజాతీయులు తమ భూభాగాన్ని విస్తరించాలనుకున్నారు మరియు వారు కొన్ని ఇతర దేశాలను వలసరాజ్యంగా మార్చుకున్నారు. జర్మన్లు ​​కొన్ని దేశాలను ఆక్రమించారు, మరియు బ్రిటన్ ఒకప్పుడు భారతదేశాన్ని ఆక్రమించింది. ఫలితం ఏమిటి? చివరికి, వారు విఫలమయ్యారు. వారి వైఫల్యం నుండి మనకు ఏమి అర్ధమవుతుంది? దేవుడు ముందుగా నిర్ణయించిన దానిని నాశనం చేయలేరు. కాబట్టి, బ్రిటన్ విస్తరణ ఎంతగా ఊపందుకున్నప్పటికీ, చివరికి వారు ఇక ఉపసంహరించుకోవలసి వచ్చింది, వారు వదిలి వచ్చిన భూమి ఇప్పటికీ భారతదేశానికి చెంది ఉంది. ఆ నేల మీద నివసించే వారు ఇప్పటికీ భారతీయులు, బ్రిటిష్ వారు కాదు, ఎందుకంటే దేవుడు దానిని అనుమతించడు. చరిత్ర లేదా రాజకీయాలను పరిశోధించే వారిలో కొందరు దీనిపై థీసిస్‌లు అందించారు. బ్రిటన్ ఎందుకు విఫలమైందనే దానికి వారు కారణాలను చెబుతారు, అది ఒక నిర్దిష్ట జాతిని జయించలేకపోవడం వల్ల కావచ్చు లేదా మరేదైనా మానవ కారణాల వల్ల కావచ్చు…ఇవి అసలు కారణాలు కావు. అసలు కారణం దేవుడే-ఆయన అనుమతించడు! దేవుడు ఒక నిర్దిష్ట భూమిలో ఒక జాతిని నివసించడానికి అనుమతించాడు మరియు వారిని అక్కడ స్థిరపరుస్తాడు మరియు దేవుడు వారిని ఆ భూమి నుండి తరలించడానికి అనుమతించకపోతే, వారు ఎప్పటికీ కదిలించబడరు. దేవుడు వారికి ఒక నిర్ధేశిత ప్రాంతాన్ని కేటాయిస్తే, వారు ఆ ప్రాంతంలోనే ఉంటారు. మానవజాతి ఈ నిర్వచించబడిన ప్రాంతాల నుండి విముక్తి పొందలేరు లేదా తమను తాము విడిపించుకోలేరు. ఇది ఖచ్చితం. ఆక్రమణదారుల శక్తులు ఎంత గొప్పగా ఉన్నా, లేదా ఆక్రమణకు గురైన వారు ఎంత బలహీనంగా ఉన్నా, ఆక్రమణదారుల విజయాన్ని అంతిమంగా దేవుడే నిర్ణయించాలి. ఇది ఇప్పటికే ఆయనచే ముందుగా నిర్ణయించబడింది మరియు దానిని ఎవరూ మార్చలేరు.

దేవుడు వివిధ జాతులను ఎలా విభజించాడో పైన చెప్పబడింది. జాతులను విభజించేందుకు దేవుడు చేసిన పని ఏమిటి? మొదట, ఆయన పెద్ద ఎత్తున భౌగోళిక పర్యావరణాన్ని సిద్ధం చేశాడు, ప్రజలకు వేర్వేరు ప్రదేశాలను కేటాయించాడు, ఆ తర్వాత తరతరాలుగా ప్రజలు ఆ ప్రదేశాలలో మనుగడ సాగించారు. ఇది స్థిరపడింది—వారి మనుగడ కోసం నిర్వచించబడిన ప్రాంతం స్థిరపడింది. మరియు వారి జీవితాలు, వారు ఏమి తింటారు, వారు ఏమి త్రాగుతారు, వారి జీవనోపాధులు—వాటన్నిటినీ దేవుడు ఎప్పుడో స్థిరపరిచాడు. మరియు దేవుడు అన్నిటినీ సృష్టిస్తున్నప్పుడు, ఆయన వివిధ రకాలైన ప్రజల కోసం వేర్వేరు సిద్ధపాట్లు చేసాడు: వివిధ రకాల నేలలు, వివిధ పర్యావరణాలు, వివిధ మొక్కలు మరియు విభిన్న భౌగోళిక వాతావరణాలు ఉన్నాయి. వేర్వేరు ప్రదేశాలలో వేర్వేరు పక్షులు మరియు జంతువులు కూడా ఉన్నాయి, వివిధ జలాలు తమ ప్రత్యేక రకాల చేపలు మరియు జల ఉత్పత్తులను కలిగి ఉన్నాయి. కీటకాల రకాలను కూడా దేవుడు నిర్ణయించాడు. ఉదాహరణకు, అమెరికా ఖండంలో పెరిగేవన్నీ చాలా పెద్దగా, చాలా పొడవుగా మరియు చాలా ధృడంగా ఉంటాయి. పర్వత అరణ్యంలోని చెట్ల వేర్లు చాలా లోతుగా ఉంటాయి, కానీ అవి చాలా పొడవుగా పెరుగుతాయి. అవి వంద మీటర్లు లేదా అంతకంటే ఎక్కువ ఎత్తు కూడా పెరగగలవు, కానీ ఆసియాలో ఉన్న అరణ్యాలలోని చెట్లు ఎక్కువగా అంత పొడవు ఉండవు. ఉదాహరణకు కలబంద మొక్కలను తీసుకోండి. జపాన్లో అవి చాలా చిన్నగా మరియు చాలా సన్నగా ఉంటాయి, కానీ అమెరికాలోని కలబంద మొక్కలు చాలా పెద్దవి. ఇక్కడ తేడా ఉంది. అదే మొక్క, అదే పేరు, కానీ అమెరికా ఖండంలో ఇది ప్రత్యేకించి పెద్దగా పెరుగుతుంది. ఈ వివిధ అంశాలలోని తేడాలు ప్రజలకు కనిపించకపోవచ్చు లేదా వారు గ్రహించకపోవచ్చు, కానీ దేవుడు అన్నిటినీ సృష్టిస్తున్నప్పుడు, ఆయన వాటిని వర్ణించాడు మరియు వివిధ జాతుల కోసం వివిధ భౌగోళిక వాతావరణాలను, విభిన్న భూభాగాలను మరియు విభిన్న జీవులను సిద్ధం చేశాడు. దేవుడు వివిధ రకాల ప్రజలను సృష్టించాడు మరియు వారిలో ప్రతి ఒక్కరికి ఏమి అవసరమో మరియు వారి జీవనశైలి ఏమిటో ఆయనకు తెలుసు.

దేవుడు సమస్తమును పరిపాలించడం మరియు అన్నింటికీ ఆయనే సమకూర్చడం, సమస్తానికి ఆయనే దేవుడైయుండుట

ఈ విషయాలలో కొన్నింటిని గురించి మాట్లాడిన తర్వాత, మనం ఇప్పుడు చర్చించిన ప్రధాన అంశం గురించి మీరు ఏదైనా నేర్చుకుమని భావిస్తున్నారా? మీరు అర్థం చేసుకోవడం ప్రారంభించినట్లు భావిస్తున్నారా? నేను విస్తృతమైన అంశంలోని ఈ కోణాల గురించి ఎందుకు మాట్లాడాలని ఎంచుకున్నానో ఇప్పుడు మీకు స్థూలమైన అవగాహన కలిగి ఉంటుందని నేను నమ్ముతున్నాను. అది నిజమా కాదా? మీరు ఎంతవరకు దీనిని అర్థం చేసుకున్నారనే దాని గురించి మీరు కొంచెం మాట్లాడవచ్చు. (అన్ని విషయాలకు దేవుడు నిర్ణయించిన నియమాల ప్రకారం మానవాళి మొత్తం పోషించబడుతూ ఉంది. దేవుడు ఈ నియమాలను నిర్ణయించేటప్పుడు, ఆయన వివిధ జాతులకు వివిధ పర్యావరణాలు, విభిన్న జీవనశైలులు, విభిన్న ఆహారాలు మరియు వివిధ వాతావరణాలు మరియు ఉష్ణోగ్రతలను కల్పించాడు. మానవజాతి అంతా భూమిపై స్థిరపడి మనుగడ సాగించేలా ఇది జరిగింది. దీనిని బట్టి మానవాళి మనుగడ కోసం దేవునికున్న ప్రణాళికలు చాలా ఖచ్చితమైనవని నేను చూడగలను మరియు ఆయన జ్ఞానం మరియు పరిపూర్ణత మరియు మానవుల పట్ల ఆయనకున్న ప్రేమను నేను చూడగలను.) (దేవుడు నిర్ణయించిన నియమాలు మరియు పరిధిని ఏ వ్యక్తి, సంఘటన లేదా విషయం మార్చలేదు. అదంతా ఆయన పరిపాలనలో క్రింద ఉంది.) అన్నిటి అభివృద్ధి కోసం దేవుడు నిర్ణయించిన నియమాల దృక్కోణం నుండి చూస్తే, మానవజాతి మొత్తం, అందులోని రకాలు అన్ని, దేవునిచే సమకూర్చబడి, పోషించబడలేదా? ఒకవేళ ఈ నియమాలు నాశనం చేయబడితే లేదా దేవుడు మానవజాతి కోసం ఈ నియమాలను ఏర్పాటు చేయకపోతే, మానవజాతి భవిష్యత్తు ఎలా ఉంటుంది? మానవులు తమ మనుగడకు అవసరమైన ప్రాథమిక పర్యావరణాన్ని కోల్పోయిన తర్వాత, వారికి ఏదైనా ఆహార వనరు ఉంటుందా? ఆహార వనరులు సమస్యగా మారే అవకాశం ఉంది. ప్రజలు తమ ఆహార వనరులను కోల్పోతే, అంటే తినడానికి ఏమీ దొరక్కపోతే, వారు ఎన్ని రోజులు బ్రతకగలరు? బహుశా వారు ఒక్క నెల కూడా ఉండరు మరియు వారి మనుగడే సమస్యగా మారుతుంది. కాబట్టి దేవుడు ప్రజల మనుగడ కోసం, వారి నిరంతర ఉనికి, పునరుత్పత్తి మరియు జీవనోపాధి కోసం చేసే ప్రతి పని చాలా ముఖ్యమైనది. దేవుడు తన సృష్టిలో చేసే ప్రతీ పని, మానవజాతి మనుగడతో దగ్గరి సంబంధం కలిగి ఉంటుంది మరియు అది విడదీయరానిది. మానవజాతి మనుగడ సమస్యగా మారితే, దేవుని కార్యనిర్వహణ కొనసాగగలదా? దేవుని కార్యనిర్వహణ ఇంకా ఉంటుందా? దేవుని కార్యనిర్వహణ అనేది ఆయన పోషించే మానవాళి యొక్క మనుగడతో కలిసి ఉంటుంది, కాబట్టి దేవుడు తన సృష్టిలోని అన్నిటి కోసం ఎలాంటి సన్నాహాలు చేసినా మరియు ఆయన మానవుల కోసం ఏమి చేసినా, ఇదంతా ఆయనకు అవసరం, మరియు మానవజాతి మనుగడకు ఇది కీలకం. దేవుడు అన్నింటి కోసం నిర్ణయించిన ఈ నియమాలు తొలగిపోయినా, ఈ నియమాలు ఉల్లంఘించబడినా లేదా వీటికి అంతరాయం కలిగినా, అన్ని విషయాలు ఇకపై ఉనికిలో ఉండవు, మానవజాతి మనుగడకు పర్యావరణం లేదా వారి రోజువారీ జీవనాధారం లేదా మానవజాతి కూడా కొనసాగదు. ఈ కారణంగా, మానవజాతి రక్షణకు దేవుని యొక్క కార్యనిర్వహణ అనేది కూడా ఉనికిలో ఉండదు.

మనం చర్చించుకున్న ప్రతి విషయం, ప్రతి ఒక్క విషయం, ప్రతి అంశం, ప్రతి ఒక్క వ్యక్తి యొక్క మనుగడకు చాలా దగ్గరగా ముడిపడి ఉంటుంది. మీరు ఇలా అనవచ్చు, “నీవు మాట్లాడుతున్నది చాలా పెద్ద విషయం, అది మనం చూడగలిగేది కాదు” మరియు బహుశా “నీవు మాట్లాడుతున్న దానితో నాకు ఎలాంటి సంబంధం లేదు” అని చెప్పే వ్యక్తులు ఉండవచ్చు. అయితే, నీవు అన్ని విషయాలలో ఒక భాగంగా మాత్రమే జీవిస్తున్నావని; దేవుని పరిపాలనలో ఉన్న సృష్టిలోని అన్ని విషయాలలో నీవు ఒకరు అని మర్చిపోవద్దు. దేవుని సృష్టిలోని విషయాలు ఆయన పరిపాలన నుండి వేరు చేయబడవు మరియు ఏ ఒక్క వ్యక్తి కూడా ఆయన పరిపాలన నుండి తనను తాను వేరు పరచుకోలేడు. ఆయన పరిపాలనను కోల్పోవడం మరియు ఆయన ఏర్పాటును కోల్పోవడం అంటే ప్రజల జీవితాలు, ప్రజల భౌతిక జీవితాలు కనుమరుగవుతాయి. మానవాళి మనుగడ కోసం దేవుడు పర్యావరణాన్ని ఏర్పాటు చేయడం యొక్క ప్రాముఖ్యత ఇది. నీవు ఏ జాతికి చెందావు లేదా నీవు ఏ భూభాగంలో నివసిస్తున్నావనే దానితో సంబంధం లేదు, అది పశ్చిమాన అయినా లేదా తూర్పులో అయినా-మానవజాతి మనుగడ కోసం దేవుడు ఏర్పాటు చేసిన పర్యావరణం నుండి నిన్ను నీవు వేరు చేసుకోలేవు, మరియు మానవుల మనుగడ కోసం ఆయన ఏర్పాటు చేసిన పర్యావరణపు పోషణ మరియు వనరుల నుండి నిన్ను నీవు వేరు చేసుకోలేవు. నీ జీవనాధారం ఏదైనప్పటికీ, నీవు బ్రతకడానికి దేనిపై ఆధారపడుతున్నా, మరియు నీ భౌతిక జీవితాన్ని కొనసాగించడానికి మీరు దేనిపై ఆధారపడుతున్నా, దేవుని పరిపాలన మరియు ఆయన కార్యనిర్వహణ నుండి నిన్ను నీవు వేరు పరచుకోలేవు. కొంతమంది ఇలా అంటారు: “నేను రైతును కాదు; నేను జీవనోపాధి కోసం పంటలు వేయను. నేను నా ఆహారం కోసం ఆకాశం మీద ఆధారపడను, కాబట్టి మనుగడ కోసం దేవుడు స్థాపించిన పర్యావరణంలో నేను బ్రతకడం లేదు. అలాంటి పర్యావరణం నుండి నాకు వచ్చింది ఏమీ లేదు.” అది సరియైనదేనా? నీవు నీ జీవనాధారం కోసం పంటలు వేయవు అంటున్నావు, కానీ నీవు ధాన్యాలు తినవా? నీవు మాంసం మరియు గుడ్లు తినవా? నీవు కూరగాయలు మరియు పండ్లు తినవా? నీవు తినే ప్రతిదీ, నీకు అవసరమయ్యే ఇవన్నీ, మానవాళి మనుగడ కోసం దేవుడు ఏర్పాటు చేసిన పర్యావరణం నుండి వేరు చేయలేనివి. మరియు మానవాళికి అవసరమైన ప్రతిదాని యొక్క మూలం దేవుడు సృష్టించిన అన్నిటి నుండి వేరు చేయబడదు, మొత్తంగా అవి మీ మనుగడకు పర్యావరణాన్ని ఏర్పరుస్తాయి. నీవు త్రాగే నీరు, నీవు ధరించే దుస్తులు మరియు నీవు ఉపయోగించే అన్ని వస్తువులు-వీటిలో దేనిని దేవుని సృష్టిలోని విషయాల నుండి పొందలేదు? కొంతమంది ఇలా అంటారు: “దేవుని సృష్టిలోని విషయాల నుండి పొందని వస్తువులు కొన్ని ఉన్నాయి. నీవు చూడు, ఆ వస్తువులలో ప్లాస్టిక్ ఒకటి. ఇది రసాయన పదార్థం, మానవ-నిర్మిత పదార్థం.” అది సరియైనదేనా? ప్లాస్టిక్ నిజానికి మానవ-నిర్మితమైనది, మరియు ఇది ఒక రసాయన పదార్థం, అయితే ప్లాస్టిక్ యొక్క అసలు భాగాలు ఎక్కడ నుండి వచ్చాయి? అసలు భాగాలు దేవుడు సృష్టించిన పదార్థాల నుండి వచ్చాయి. నీవు చూసే మరియు ఆనందించే వస్తువులు, నీవు ఉపయోగించే ప్రతి ఒక్క వస్తువు, దేవుడు సృష్టించిన వాటి నుండి వచ్చాయి. అంటే, ఒక వ్యక్తి ఏ జాతికి చెందినప్పటికీ, ఏ జీవనోపాధికి చెందినప్పటికీ, లేదా మనుగడ కోసం ఎలాంటి పర్యావరణంలో జీవించినప్పటికీ, వారు దేవుడు సమకూర్చిన దాని నుండి తమను తాము వేరు చేసుకోలేరు. కాబట్టి ఈ రోజు మనం చర్చించుకున్న ఈ విషయాలు “అన్నిటి జీవానికి దేవుడే మూలం” అనే మన అంశానికి సంబంధించినవా? ఈరోజు మనం చర్చించుకున్న విషయాలు ఈ పెద్ద అంశం కిందకు వస్తాయా? (అవును.) బహుశా ఈరోజు నేను మాట్లాడిన వాటిలో కొన్ని విషయాలు కొంచెం సైద్ధాంతికంగా మరియు చర్చించడానికి కష్టంగా ఉండవచ్చు. అయితే, మీరు బహుశా ఇప్పుడు దాని గురించి బాగా అర్థం చేసుకున్నారని నేను భావిస్తున్నాను.

సహవాసంలో ఇటీవల కాలంలో, మనం సహవాసం చేసిన అంశాల శ్రేణి చాలా విస్తృతమైనది మరియు వాటి పరిధి చాలా విశాలమైనది. కాబట్టి మీరు దానంతటినీ అర్ధం చేసుకోవడానికి కొంత ప్రయత్నం చేయాల్సి ఉంటుంది. ఎందుకంటే దేవునిపై ప్రజలకున్న విశ్వాసానికి సంబంధించిన ఈ విషయాలను ఇంతకు ముందెన్నడూ చర్చించలేదు. కొంతమంది ఈ విషయాలను ఒక మర్మముగా వింటారు మరియు కొంతమంది ఒక కథగా వింటారు-ఏ దృక్పథం సరైనది? వీటన్నింటిని మీరు ఏ కోణం నుండి వింటున్నారు? (దేవుడు తన సృష్టిలోని అన్నిటిని ఎంతో పద్దతిగా ఏర్పాటు చేసాడని మరియు అన్నిటికి నియమాలు ఉన్నాయని మనం చూశాము మరియు ఈ మాటల ద్వారా మనం దేవుని పనుల గురించి మరియు మానవజాతి యొక్క రక్షణకు సంబంధించి ఆయన చేసిన ఖచ్చితత్వంతో కూడిన ఏర్పాట్ల గురించి మరింత అర్థం చేసుకోగలము.) ఈ సహవాస సమయాలలో, అన్నిటికి సంబంధించిన దేవుని కార్యనిర్వహణ పరిధి ఎంతవరకు విస్తరించిందో మీరు చూశారా? (మనుష్యులందరిపైనా, ప్రతిదానిపైనా.) దేవుడు ఒక జాతికి మాత్రమే దేవుడా? ఆయన ఒక రకమైన ప్రజలకు దేవుడా? ఆయన మానవజాతిలో కొద్ది భాగానికి మాత్రమే దేవుడా? (లేదు, ఆయన కాదు.) అలా కాదు కాబట్టి, దేవుని గురించి మీకున్న జ్ఞానం ప్రకారం, ఆయన మానవజాతిలో కొద్ది భాగానికి మాత్రమే దేవుడు అయితే, లేదా ఆయన మీ దేవుడు మాత్రమే అయితే, ఈ దృక్పథం సరైనదేనా? దేవుడు అన్నిటిని నిర్వహించి, పరిపాలిస్తున్నాడు కాబట్టి, ప్రజలు ఆయన కార్యాలను, ఆయన జ్ఞానాన్ని మరియు అన్నిటి మీద ఆయన చేసే పరిపాలనలో వెల్లడయిన ఆయన సర్వశక్తిని చూడాలి. ఇది ప్రజలు తప్పక తెలుసుకోవాల్సిన విషయం. దేవుడు అన్నిటి నిర్వహిస్తాడని, అన్నింటిని పరిపాలిస్తున్నాడని మరియు మానవజాతి మొత్తాన్ని పరిపాలిస్తున్నాడని నీవు చెప్తూ, మానవజాతిపై ఆయన పరిపాలనను గూర్చిన అవగాహన లేదా వివేచన నీకు లేకపోతే, ఆయన అన్నిటిని పరిపాలిన చేస్తున్నాడని నీవు నిజంగా గుర్తించగలవా? నీవు నీ హృదయంలో, “నేను గుర్తించగలను, ఎందుకంటే నా జీవితం పూర్తిగా దేవునిచేత పరిపాలించబడడం నేను చూస్తున్నాను.” అని అనుకోవచ్చు. అయితే దేవుడు నిజంగా అంత చిన్నవాడా? లేదు, ఆయన కాదు! నీవు కేవలం నీ పట్ల దేవుని రక్షణను మరియు నీలో ఆయన కార్యాన్ని మాత్రమే చూస్తున్నావు మరియు ఈ విషయాల నుండి మాత్రమే నీవు ఆయన పరిపాలనను చూస్తున్నావు. అది చాలా చిన్న పరిధి మరియు దేవుని గూర్చిన నిజమైన జ్ఞానాన్ని పొందడానికి నీకున్న అవకాశాలపై ఇది వినాశకరమైన ప్రభావాన్ని చూపుతుంది. ఇది అన్నిటిపై దేవుని పరిపాలనను గూర్చిన నీ నిజమైన జ్ఞానాన్ని కూడా పరిమితం చేస్తుంది. నీవు దేవుని గూర్చిన నీ జ్ఞానాన్ని దేవుడు నీకు సమకూర్చే వాటికి మరియు నీ పట్ల ఆయన రక్షణ పరిధికి పరిమితం చేస్తే, నీవు ప్రతిదానిని ఆయన పరిపాలిస్తున్నాడని, ఆయన అన్నిటినీ పరిపాలిస్తున్నాడని, మరియు మానవజాతి మొత్తాన్ని పరిపాలిస్తున్నాడని నీవు ఎప్పటికీ గుర్తించలేవు. నీవు వీటన్నింటిని గుర్తించడంలో విఫలమైనప్పుడు, నీ విధిని దేవుడు పరిపాలిస్తున్నాడనే వాస్తవాన్ని నీవు నిజంగా గుర్తించగలవా? లేదు, నీవు గుర్తించలేవు. నీవు హృదయంలో నీవు ఆ అంశాన్ని ఎప్పటికీ గుర్తించలేవు-నీవు అంత ఉన్నత స్థాయి అవగాహనకు ఎప్పటికీ చేరుకోలేవు. నేను చెప్పేది మీకు అర్థమైందా, అవునా? వాస్తవానికి, ఈ విషయాలను మరియు నేను మాట్లాడుతున్న ఈ అంశాన్ని మీరు ఎంత మేరకు అర్థం చేసుకోగలరో నాకు తెలుసు, కాబట్టి నేను దీని గురించి ఎందుకు మాట్లాడుతూ ఉంటాను? ఎందుకంటే ఈ విషయాలను దేవుని యొక్క ప్రతీ అనుచరుడు, దేవునిచే రక్షించబడాలని కోరుకునే ప్రతీ వ్యక్తి తప్పనిసరిగా గ్రహించాలి-ఈ విషయాలను అర్థం చేసుకోవడం చాలా అవసరం. ఈ క్షణంలో నీవు వాటిని అర్థం చేసుకోనప్పటికీ, ఏదో ఒక రోజు, నీ జీవితం మరియు సత్యాన్ని గూర్చిన నీ అనుభవం ఒక నిర్దిష్ట స్థాయికి చేరుకున్నప్పుడు, నీ జీవన విధానంలోని మార్పు ఒక నిర్దిష్ట స్థాయికి చేరుకున్నప్పుడు మరియు నీవు ఒక నిర్దిష్ట సామర్ధ్యాన్ని పొందినప్పుడు, అప్పుడు మాత్రమే నేను మీకు సహవాసంలో చెప్తున్న ఈ విషయాలు నిజంగా దేవుని గూర్చిన జ్ఞానాన్ని నీకు అందిస్తాయి మరియు సంతృప్తి పరుస్తాయి. కాబట్టి ఈ మాటలు, దేవుడు అన్నిటిపై పరిపాలన చేస్తున్నాడనే మీ భవిష్యత్ అవగాహన కోసం మిమ్మల్ని సిద్ధం చేయడానికి మరియు దేవుని గురించి మీ అవగాహనకు పునాది వేస్తాయి.

ప్రజల హృదయాలలో దేవుని గురించి ఎంత అవగాహన ఉందో, అది కూడా వారి హృదయాలలో ఆయనకున్న స్థానం మేరకు మాత్రమే ఉంటుంది. వారి హృదయాలలో దేవుని గురించిన జ్ఞానం ఎంత గొప్పదో, వారి హృదయాలలో దేవుడు అంత గొప్పవాడు. నీకు తెలిసిన దేవుడు శూన్యంగా మరియు అస్పష్టంగా ఉంటే, నీవు విశ్వసించే దేవుడు కూడా శూన్యంగా మరియు అస్పష్టంగా ఉంటాడు. నీకు తెలిసిన దేవుడు నీ స్వంత వ్యక్తిగత జీవిత పరిధికి మాత్రమే పరిమితం చేయబడ్డాడు మరియు నిజమైన దేవునితో ఎలాంటి సంబంధం ఉండదు. ఈ విధంగా, దేవుని యొక్క ఆచరణాత్మక చర్యలను తెలుసుకోవడం, దేవుని యొక్క వాస్తవికతను మరియు ఆయన సర్వశక్తిని తెలుసుకోవడం, దేవుని యొక్క నిజమైన గుర్తింపును తెలుసుకోవడం, ఆయన ఏమి కలిగి ఉన్నాడు మరియు ఏమై ఉన్నాడో తెలుసుకోవడం, ఆయన తన సృష్టిలోని అన్నిటిలో వ్యక్తీకరించిన చర్యలను తెలుసుకోవడం-దేవుని గూర్చిన జ్ఞానాన్ని వెంబడించే ప్రతి వ్యక్తికి ఈ విషయాలు చాలా ముఖ్యమైనవి. ప్రజలు సత్యం యొక్క వాస్తవికతలోకి ప్రవేశించగలరా అనే దానిపై అవి ప్రత్యక్ష ప్రభావాన్ని చూపుతాయి. నీవు దేవుని గురించి నీ అవగాహనను కేవలం మాటలకు పరిమితం చేస్తే, నీవు దానిని నీ స్వంత చిన్న చిన్న అనుభవాలకు, నీవు దేవుని కృపగా భావించే వాటికి లేదా దేవుని గూర్చిన చిన్న సాక్ష్యాలకు పరిమితం చేస్తే, అప్పుడు నీవు విశ్వసించే దేవుడు ఖచ్చితంగా నిజమైన దేవుడు కాదని నేను చెప్తాను. అంతే కాదు, నీవు విశ్వసించే దేవుడు ఊహాజనిత దేవుడని, నిజమైన దేవుడు కాదని కూడా చెప్పవచ్చు. ఎందుకంటే నిజమైన దేవుడు ప్రతిదానిని పరిపాలిస్తాడు, ప్రతిదాని మధ్యన సంచరిస్తాడు, ప్రతిదానిని నిర్వహిస్తాడు. సమస్త మానవాళి యొక్క విధిని మరియు ప్రతిదానిని ఆయన తన చేతుల్లో ఉంచుకున్నవాడు. నేను మాట్లాడుతున్న దేవుని కార్యం మరియు చర్యలు కేవలం కొంత మందికి మాత్రమే పరిమితం కాదు. అంటే, అవి ప్రస్తుతం ఆయనను అనుసరిస్తున్న వ్యక్తులకు మాత్రమే పరిమితం కాదు. ఆయన కార్యాలు అన్నిటిలో, అన్నిటి మనుగడలో, మరియు అన్నిటి మార్పు యొక్క నియమాలలో వ్యక్తీకరించబడ్డాయి. మీరు దేవుని సృష్టిలోని అన్నిటిలో ఆయన యొక్క కార్యాలలోని దేనినైనా చూడలేకపోతే లేదా గుర్తించలేకపోతే, నీవు ఆయన కార్యాలను గూర్చి సాక్ష్యమివ్వలేవు. నీవు దేవుని గూర్చి సాక్ష్యమివ్వలేకపోతే, నీకు తెలిసిన చిన్న “దేవుడు” గురించి నీవు మాట్లాడుతూ ఉంటే, నీ స్వంత ఆలోచనలకు పరిమితమై మరియు నీ సంకుచిత మనసులో ఉన్న, అలాంటి దేవుని గురించి నీవు మాట్లాడుతూ ఉంటే, అప్పుడు దేవుడు నీ విశ్వాసాన్ని ఎన్నటికీ మెచ్చుకోడు. నీవు దేవుని గూర్చి సాక్ష్యమిచ్చేటప్పుడు, నీవు దేవుని కృపను ఎలా ఆనందిస్తున్నావనే విషయంలో మాత్రమే నీవు సాక్ష్యమిస్తే, నీవు దేవుని క్రమశిక్షణను మరియు ఆయన గద్ధింపును ఎలా అంగీకరిస్తావు మరియు ఆయనను గూర్చి ఇచ్చే సాక్ష్యంలో నీవు ఆయన ఆశీర్వాదాలను ఎలా ఆనందిస్తావు, అప్పుడు అది ఏమాత్రం సరిపోదు మరియు ఆయనను అది ఎంత మాత్రము సంతృప్తి పరచదు. మీరు దేవుని గూర్చి ఆయన చిత్తానుసారంగా సాక్ష్యమివ్వాలనుకుంటే, నిజమైన దేవుని గురించి సాక్ష్యమివ్వాలనుకుంటే, దేవుని చర్యలను బట్టి ఆయన ఏమి కలిగి ఉన్నాడు మరియు ఆయన ఏమై ఉన్నాడో మీరు చూడాలి. ప్రతీ దానిపై నియంత్రణ కలిగి ఉన్న దేవుని అధికారాన్నిమీరు చూడాలి మరియు ఆయన మానవాళి అందరికీ ఎలా సమకూరుస్తున్నాడనే సత్యాన్ని చూడాలి. నీవు నీ రోజువారీ పోషణ మరియు జీవితంలో నీ అవసరాలు దేవుని ద్వారా తీరుతున్నాయని నీవు గుర్తిస్తూ, దేవుడు తన సృష్టిలోని అన్నిటిని మానవాళికి సమకూర్చడం కోసం ఏర్పరిచాడు, మరియు అన్నిటిని పరిపాలించడం ద్వారా, ఆయన మానవజాతి మొత్తాన్ని నడిపిస్తున్నాడు అనే సత్యాన్ని నీవు చూడలేకపోతే, అప్పుడు నీవు దేవుని కోసం సాక్ష్యమివ్వలేవు. ఇవన్నీ చెప్పడంలో నా ఉద్దేశ్యం ఏమిటి? ఏమిటంటే, తద్వారా మీరు దీన్ని తేలికగా తీసుకోరు, నేను మాట్లాడిన ఈ విషయాలు మీ వ్యక్తిగత జీవితానికి సంబంధం లేనివి అని మీరు పొరపాటుగా నమ్మరు మరియు మీరు ఈ అంశాలను కేవలం ఒక రకమైన జ్ఞానంగా లేదా సిద్ధాంతంగా పరిగణించరు. మీరు నేను చెప్పే విషయాలను అలాంటి వైఖరితో వింటే, అప్పుడు మీరు ఒక్కటి కూడా పొందలేరు. మీరు దేవుణ్ణి తెలుసుకునే ఈ గొప్ప అవకాశాన్ని కోల్పోతారు.

వీటన్నింటి గురించి మాట్లాడటంలో నా లక్ష్యం ఏమిటి? నా లక్ష్యం ప్రజలు దేవుణ్ణి తెలుసుకోవడం, దేవుని ఆచరణాత్మక చర్యలను ప్రజలు అర్థం చేసుకోవడం. నీవు ఒక్కసారి దేవుణ్ణి అర్థం చేసుకున్న తర్వాత మరియు నీవు ఆయన చర్యలను తెలుసుకున్న తర్వాత, అప్పుడు మాత్రమే నీవు ఆయనను తెలుసుకునే అవకాశం లేదా వీలు కలిగి ఉంటావు. ఉదాహరణకు, మీరు ఒక వ్యక్తిని అర్థం చేసుకోవాలనుకుంటే, మీరు వారిని ఎలా అర్థం చేసుకుంటారు? వారి బాహ్య రూపాన్ని చూసి అర్ధం చేసుకుంటారా? వారు ఏమి ధరిస్తారు మరియు వారు ఎలా దుస్తులు ధరిస్తారు అని చూసి అర్ధం చేసుకుంటారా? వారు ఎలా నడుస్తారో చూసి అర్ధం చేసుకుంటారా? వారి జ్ఞానం యొక్క పరిధిని చూసి అర్ధం చేసుకుంటారా? (లేదు) అయితే మీరు ఒక వ్యక్తిని ఎలా అర్థం చేసుకుంటారు? మీరు ఒక వ్యక్తి యొక్క మాటలు మరియు ప్రవర్తన, వారి ఆలోచనలు మరియు వారు తమ గురించి వ్యక్తపరిచే మరియు వెల్లడించే విషయాల ఆధారంగా మీరు ఒక అవగాహనకు వస్తారు. ఒక వ్యక్తిని మీరు ఇలానే తెలుసుకుంటారు, ఒక వ్యక్తిని మీరు ఇలానే అర్థం చేసుకుంటారు. అలాగే, మీరు దేవుణ్ణి తెలుసుకోవాలనుకుంటే, మీరు ఆయన ఆచరణాత్మక కోణాన్ని, ఆయన వాస్తవిక కోణాన్ని అర్థం చేసుకోవాలనుకుంటే, మీరు ఆయన కార్యాల ద్వారా మరియు ఆయన చేసే ప్రతి ఒక్క ఆచరణాత్మక విషయం ద్వారా ఆయనను తెలుసుకోవాలి. ఇది ఉత్తమ మార్గం, మరియు ఇది ఏకైక మార్గం.

మానవాళికి మనుగడ కోసం స్థిరమైన పర్యావరణాన్ని అందించడానికి దేవుడు అన్నిటి మధ్యనున్న సంబంధాలను సమతుల్యం చేస్తాడు

దేవుడు అన్నిటిలో తన కార్యాలను వ్యక్తపరుస్తాడు మరియు ఆయన అన్నిటిని పరిపాలిస్తాడు మరియు అన్నిటి నియమాలను నియంత్రిస్తాడు. దేవుడు అన్నిటికి చెందిన నియమాలను ఎలా పరిపాలిస్తాడో అలాగే ఆ నియమాల ప్రకారం మానవజాతికి ఎలా సమకూరుస్తాడు మరియు వారిని పోషిస్తాడు అనే దాని గురించి మనం ఇప్పుడే మాట్లాడుకున్నాం. ఇది ఒక కోణం. తరువాత, మనం మరొక కోణం గురించి మాట్లాడకోబోతున్నాము, ప్రతిదానిపై నియంత్రణ కలిగి ఉండటానికి దేవుడు ఉపయోగించే ఒక మార్గం ఇది. అన్నిటిని సృష్టించిన తర్వాత, దేవుడు వాటి మధ్యనున్న సంబంధాలను ఎలా సమతుల్యం చేసాడు అనే దాని గురించి నేను మాట్లాడుతున్నాను. ఇది కూడా మీకు చాలా పెద్ద అంశం. అన్నిటిని మధ్యనున్న సంబంధాలను సమతుల్యం చేయడం-దీనిని ప్రజలు సాధించగలదా? లేదు, మానవులు అలాంటి ప్రయత్నం చేయలేరు. ప్రజలు కేవలం నాశనం మాత్రమే చేయగలరు. వారు అన్నిటి మధ్యనున్న సంబంధాలను సమతుల్యం చేయలేరు; వారు వాటిని నిర్వహించలేరు మరియు అటువంటి గొప్ప అధికారం మరియు శక్తి మానవజాతి యొక్క పరిధికి మించినవి. ఈ రకమైన పనిని చేయగల శక్తి దేవునికి మాత్రమే ఉంది. కానీ అలాంటి పని చేయడంలో దేవుని ఉద్దేశ్యం ఏమిటి-అది దేని కోసం? ఇది కూడా మానవజాతి మనుగడకు దగ్గరి సంబంధం కలిగి ఉంది. దేవుడు చేయదలచిన ప్రతి ఒక్క పని అవసరమే-ఆయన చేయగలిగినది లేదా చేయకూడనిది అంటూ ఏదీ లేదు. ఆయన మానవజాతి మనుగడను కాపాడటానికి మరియు ప్రజల మనుగడకు అనుకూలమైన పర్యావరణాన్ని అందించడానికి, ఆయన చేయవలసిన కొన్ని అనివార్యమైన మరియు ముఖ్యమైన విషయాలు ఉన్నాయి.

“దేవుడు అన్ని విషయాలను సమతుల్యం చేస్తాడు” అనే పదబంధం యొక్క అసలైన అర్ధాన్ని గమనిస్తే, ఇది చాలా విస్తృతమైన అంశంగా కనిపిస్తుంది. మొదటిది, “అన్ని విషయాలను సమతుల్యం చేయడం” అనేది అన్నిటిపై దేవునికున్న ఆధిపత్యాన్ని సూచిస్తుంది అనే భావన ప్రజలకు కల్పిస్తుంది. “సమతుల్యత” అనే ఈ పదానికి అర్థం ఏమిటి? మొదట, “సమతుల్యత” అనేది ఏదైనా సమతాస్థితిని కోల్పోకుండా చూడడాన్ని సూచిస్తుంది. ఇది వస్తువులను తూకం వేయడానికి త్రాసులను ఉపయోగించడం లాంటిది. త్రాసులను సమతుల్యం చేయడానికి, రెండు వైపులా బరువు ఒకే విధంగా ఉండాలి. దేవుడు అనేక రకాలైన విషయాలను సృష్టించాడు: తమ స్థానంలో స్థిరంగా ఉండే విషయాలు, కదిలే విషయాలు, జీవించే విషయాలు, శ్వాసించే విషయాలు, అలాగే శ్వాసించని విషయాలు. ఈ విషయాలన్నీ, ఒకదానినొకటి బలోపేతం చేసుకుంటూ, ఒకదానినొకటి అదుపులో ఉంచుకుంటూ, పరస్పర ఆధారిత మరియు పరస్పర అనుసంధాన సంబంధాన్ని సాధించడం సులభమా? వీటన్నింటిలో ఖచ్చితంగా సూత్రాలు ఉన్నాయి, కానీ అవి చాలా క్లిష్టంగా ఉన్నాయి, కాదా? ఇది దేవునికి కష్టమేమీ కాదు, కానీ మనుషులకు మాత్రం అధ్యయనం చేయడానికి ఇది చాలా క్లిష్టమైన విషయం. “సమతుల్యత”, ఇది చాలా సులువైన పదం. అయితే, ప్రజలు దీనిని అధ్యయనం చేస్తే, మరియు ప్రజలు స్వయంగా సమతుల్యతను కల్పించాల్సిన అవసరం వస్తే, అన్ని రకాల విద్యావేత్తలు—మానవ జీవశాస్త్రవేత్తలు, ఖగోళ శాస్త్రవేత్తలు, భౌతిక శాస్త్రవేత్తలు, రసాయన శాస్త్రవేత్తలు మరియు చరిత్రకారులు కూడా దానిపై పని చేస్తే—ఆ పరిశోధన యొక్క అంతిమ ఫలితం ఎలా ఉంటుంది? దాని ఫలితం ఏమీ ఉండదు. ఎందుకంటే దేవుని సృష్టి మొత్తం చాలా అపురూపమైనది మరియు మానవజాతి దాని రహస్యాలను ఎప్పటికీ తెలుసుకోలేదు. దేవుడు అన్నిటినీ సృష్టించినప్పుడు, ఆయన వాటి మధ్య సూత్రాలను స్థాపించాడు, పరస్పర సంయమనం, అన్యోన్యత మరియు సంరక్షణ కోసం వివిధ మనుగడ మార్గాలను ఏర్పాటు చేశాడు. ఈ వివిధ పద్ధతులు చాలా క్లిష్టంగా ఉంటాయి మరియు అవి ఖచ్చితంగా సాధారణమైనవి లేదా ఏక దిశలో ఉండేవి కావు. ప్రజలు తమ మనస్సులను, వారు సంపాదించిన జ్ఞానాన్ని మరియు అన్నిటిపై దేవునికున్న నియంత్రణ వెనుక ఉన్న సూత్రాలను నిర్ధారించడానికి లేదా అధ్యయనం చేయడానికి వారు గమనించిన సంఘటనలను ఉపయోగించినప్పుడు, ఈ విషయాలను కనుగొనడం చాలా కష్టం మరియు ఏదైనా ఫలితాన్ని సాధించడం కూడా చాలా కష్టం. ప్రజలు ఏ ఫలితాలనైనా పొందడం చాలా కష్టం; దేవుని సృష్టిలోని అన్నిటిని పరిపాలించడానికి మానవ ఆలోచన మరియు జ్ఞానంపై ఆధారపడినప్పుడు ప్రజలు తమ సమతుల్యతను కాపాడుకోవడం చాలా కష్టం. ఎందుకంటే ప్రజలకు అన్నిటిని యొక్క మనుగడ సూత్రాలు తెలియకపోతే, ఈ రకమైన సమతుల్యతను ఎలా కాపాడుకోవాలో వారికి తెలియదు. కాబట్టి, ప్రజలు అన్నిటిని నిర్వహించి, పరిపాలించినట్లయితే, వారు ఈ సమతుల్యతను నాశనం చేసే అవకాశం చాలా ఉంది.

కాబట్టి, దేవుడు అన్నిటి మధ్యనున్న సంబంధాలను ఎలా సమతుల్యం చేస్తాడు? మొదటిది, ప్రపంచంలోని కొన్ని ప్రదేశాలలో సంవత్సరం పొడవునా మంచు పడుతూ ఉంటుంది, మరికొన్ని ప్రదేశాలలో, నాలుగు రుతువులు వసంతఋతువులాగే ఉంటాయి మరియు శీతాకాలం అనేది ఎప్పుడూ రాదు, మరియు ఇలాంటి ప్రదేశాలలో, మీకు ఎన్నడూ మంచు ముక్క గాని లేదా మంచు రేణువులు గాని కనిపించవు. ఇక్కడ, మనం విస్తృత వాతావరణం గురించి మాట్లాడుతున్నాము మరియు దేవుడు అన్నిటి మధ్యనున్న సంబంధాలను సమతుల్యం చేసే పద్ధతులకు ఇదొక ఉదాహరణ. ఇది రెండవ పద్ధతి: కొన్ని పర్వత శ్రేణులు పచ్చని వృక్షసంపదతో కప్పబడి ఉన్నాయి, అన్ని రకాల మొక్కలు నేలను కప్పి ఉంచుతాయి మరియు వాటి గుండా నడుస్తున్నప్పుడు పైనున్న సూర్యుడు కనిపించనంత దట్టమైన అడవులు కూడా ఉన్నాయి. కానీ మరొక పర్వత శ్రేణిని చూస్తే, అక్కడ ఒక్క గడ్డి పూస కూడా పెరగడం లేదు, పొరలన్నీ బీడుబారి పోయాయి, పర్వతాలు పాడైపోయాయి. పైకి చూడడానికి, రెండూ కూడా దుమ్ము కుప్పగా కూర్చబడి పర్వతాలుగా ఏర్పడ్డాయి, కానీ ఒకటి దట్టమైన అడవితో కప్పబడి ఉంది, మరొకటి ఒక్క గడ్డి పూస కూడా లేకుండా, బీడుబారి ఉంది. దేవుడు అన్నిటి మధ్యనున్న సంబంధాలను సమతుల్యం చేసే రెండవ పద్ధతి ఇది. ఇది మూడవ పద్ధతి: ఒక వైపు చూస్తే, మీరు సువిశాలమైన పచ్చిక బయళ్ళు, గాలికి ఊగుతున్న పచ్చని పొలాల్ని చూడవచ్చు. మరో వైపు చూస్తే, మీరు కనుచూపు మేరలో, బీడుబారిన ఎడారిని చూడవచ్చు, గాలి వీచే ఇసుక మధ్య ఒక్క జీవిగాని, అంతేగాక నీటి వనరు గాని ఉండదు. ఇది నాల్గవ పద్ధతి: ఒక వైపు చూస్తే, గొప్ప నీటి వనరులతో కూడిన సముద్రం లోపల ప్రతిదీ మునిగి ఉంది, మరోవైపు చూస్తే, మీరు ఒక్క మంచి నీటి చుక్క కూడా దొరక్క చాలా కష్టపడుతుంటారు. ఇది ఐదవ పద్ధతి: ఇక్కడి భూమి మీద తరచుగా చిరు జల్లులు కురుస్తూ ఉంటాయి మరియు వాతావరణం పొగమంచుగా మరియు తేమగా ఉంటుంది, అయితే మరొక ప్రక్కనున్న భూమి మీద, సూర్యుడు తరచుగా భగభగా మండుతూ ఉంటాడు, మరియు ఇక్కడ ఒక్క వర్షం చుక్క పడితే అది అరుదైన సంఘటన. ఇది ఆరవ పద్ధతి: ఒక చోట ఎతైనప్రదేశం ఉంటుంది, అక్కడ గాలి సాంద్రత తక్కువగా ఉండి, మనిషికి ఊపిరి పీల్చుకోవడం కష్టంగా ఉంటుంది, మరొక చోట చిత్తడి నేలలు మరియు లోతట్టు ప్రాంతాలు ఉన్నాయి, ఇవి వివిధ రకాల వలస పక్షులకు ఆవాసాలుగా పనిచేస్తాయి. ఇవి వివిధ రకాల వాతావరణాలు, లేదా వివిధ భౌగోళిక పర్యావరణాలకు అనుగుణంగా ఉండే పరిస్థితులు లేదా పరిసరాలు. అంటే, వాతావరణం మొదలుకొని భౌగోళిక పర్యావరణం వరకు మరియు నేలలోని వివిధ అంశాలు మొదలుకొని నీటి వనరుల సంఖ్య వరకు, మానవజాతి మనుగడ కోసం దేవుడు పర్యావరణం పరంగా పెద్ద ఎత్తున ప్రాథమిక పర్యావరణాలను సమతుల్యం చేస్తాడు, ప్రజలు జీవించే వాతావరణంలోని గాలి, ఉష్ణోగ్రత మరియు తేమలో సమతుల్యతను సాధించడం కోసం ఇవన్నీ చేస్తాడు. ఈ విభిన్న భౌగోళిక పర్యావరణాల కారణంగా, ప్రజలు స్థిరమైన గాలిని కలిగి ఉంటారు మరియు వివిధ రుతువుల ఉష్ణోగ్రత మరియు తేమ స్థిరంగా ఉంటాయి. ఇది ప్రజలు ఎప్పటిలాగే మనుగడ కోసం ఆ విధమైన పర్యావరణంలో జీవించడానికి వీలు కల్పిస్తుంది. మొదట, పర్యావరణాన్ని సమగ్రంగా సమతుల్యం చేయాలి. ఇది వివిధ భౌగోళిక ప్రదేశాలు మరియు నిర్మాణాల వినియోగం ద్వారా, అలాగే వివిధ వాతావరణాల మధ్య మార్పుల ద్వారా జరుగుతుంది, ఇది దేవుడు కోరుకునే మరియు మానవజాతికి అవసరమైన సమతుల్యతను సాధించడానికి ఒకదానినొకటి పరిమితం చేయడానికి మరియు తనిఖీ చేయడానికి వీలు కల్పిస్తుంది. సమగ్ర పర్యావరణ కోణంలో నుండి దీనిని మాట్లాడుతున్నాను.

ఇప్పుడు మనం వృక్షసంపద గురించి సవివరంగా మాట్లాడుకుందాం. వాటి సమతుల్యత ఎలా సాధించబడుతుంది? అంటే, మనుగడ కోసం సమతుల్యత కూడిన పర్యావరణంలో వృక్షసంపద ఎలా కొనసాగగలుగుతుంది? సమాధానం ఏమిటంటే, వివిధ రకాల మొక్కల జీవితకాలం, వృద్ధి రేట్లు మరియు పునరుత్పత్తి రేట్లను నిర్వహించడం ద్వారా మనుగడ కోసం వాటి పర్యావరణాన్ని కాపాడుతుంది. చిన్న గడ్డిని ఉదాహరణగా తీసుకుందాం—వసంత రెమ్మలు, వేసవి పువ్వులు మరియు శరదృతువు పండ్లు ఉన్నాయి. పండు నేలమీద పడిపోతుంది. మరుసటి సంవత్సరం, పండు నుండి విత్తనం మొలకెత్తుతుంది మరియు అదే నియమాల ప్రకారం కొనసాగుతుంది. గడ్డి యొక్క జీవితకాలం చాలా తక్కువగా ఉంటుంది; నేలపై పడిన ప్రతి విత్తనం, వేర్లు పారి, మొలకెత్తుతుంది, వికసిస్తుంది మరియు పండ్లను కాస్తుంది మరియు మొత్తం ప్రక్రియ—వసంత, వేసవి మరియు శరదృతువు అనే మూడు ఋతువుల తర్వాత మాత్రమే పూర్తవుతుంది. అన్ని రకాల చెట్లు కూడా తమ స్వంత జీవితకాలాన్ని కలిగి ఉంటాయి మరియు మొలకెత్తడానికి మరియు ఫలాలు కాయడానికి వివిధ కాలాలను కలిగి ఉంటాయి. కొన్ని చెట్లు కేవలం 30 నుండి 50 సంవత్సరాల తర్వాత చనిపోతాయి-ఇది వాటి జీవితకాలం. కానీ వాటి పండు నేలమీద పడుతుంది, అది వేర్లు పారి, మొలకెత్తుతుంది, వికసించి ఫలాలను ఇస్తుంది మరియు మరో 30 నుండి 50 సంవత్సరాల వరకు అది జీవిస్తుంది. ఇది దాని పునరావృత రేటు. ఒక పాత చెట్టు చనిపోతుంది మరియు ఒక కొత్త చెట్టు పుట్టుకొస్తుంది; అందుకే నీవు ఎల్లప్పుడూ అడవిలో పెరుగుతున్న చెట్లను చూడవచ్చు. అయితే అవి తమ సాధారణ చక్రం మరియు జనన మరియు మరణ ప్రక్రియలను కూడా కలిగి ఉంటాయి. కొన్ని చెట్లు వెయ్యి సంవత్సరాలకు పైగా జీవించగలవు మరియు కొన్ని మూడు వేల సంవత్సరాలు కూడా జీవించగలవు. అది ఏ రకమైన మొక్క అయినా లేదా దాని జీవితకాలం ఎంతైనా సరే, సాధారణంగా చెప్పాలంటే, అది ఎంతకాలం జీవిస్తుంది, దాని పునరుత్పత్తి సామర్థ్యం, దాని పునరుత్పత్తి ఎంత వేగంగా మరియు ఎంత తరచుగా ఉంటుంది మరియు అది ఉత్పత్తి చేసే మొక్కల సంఖ్య ఆధారంగా దేవుడు దాని సమతుల్యతను నిర్వహిస్తాడు. తద్వారా గడ్డి మొదలుకొని చెట్ల వరకు, సమతుల్య పర్యావరణ వాతావరణంలో వృద్ధి చెందుతూ, పెరుగుతూ ఉంటాయి. కాబట్టి నీవు భూమి మీదున్న అడవిని చూసినప్పుడు, దానిలో పెరిగే ప్రతిదీ, గడ్డి మరియు చెట్లు రెండూ, తమ స్వంత నియమాల ప్రకారం నిరంతరం పునరుత్పత్తి చేస్తూ, పెరుగుతూ ఉంటాయి. వాటికి మానవజాతి నుండి అదనపు ప్రయత్నం లేదా సహాయం అవసరం లేదు. ఈ రకమైన సమతుల్యత కలిగి ఉండటం వల్లనే అవి మనుగడ కోసం తమ స్వంత పర్యావరణాన్ని నిర్వహించగలుగుతున్నాయి. వాటి మనుగడకు అనువైన పర్యావరణంలో ఉన్నందున మాత్రమే, ప్రపంచంలోని అడవులు మరియు పచ్చిక బయళ్లు భూమిపై మనుగడ సాగించగలుగుతున్నాయి. వాటి ఉనికి తరతలుగా ప్రజలను, అలాగే అడవులు మరియు పచ్చిక బయళ్లలోని-పక్షులు మరియు జంతువులు, కీటకాలు మరియు అన్ని రకాల సూక్ష్మజీవులను పోషిస్తున్నాయి.

దేవుడు అన్ని రకాల జంతువుల మధ్యనున్న సమతుల్యతను కూడా నియంత్రిస్తాడు. ఆయన ఈ సమతుల్యతను ఎలా నియంత్రిస్తాడు? ఇది మొక్కలను పోలి ఉంటుంది-వాటి పునరుత్పత్తి సామర్థ్యం, వాటి పునరుత్పత్తి ఎంత మేరకు ఉంటుంది మరియు అది ఎంత తరచుగా ఉంటుంది మరియు జంతు ప్రపంచంలో అవి పోషించే పాత్రల ఆధారంగా ఆయన వాటి సమతుల్యతను నిర్వహిస్తాడు మరియు వాటి సంఖ్యలను నిర్ణయిస్తాడు. ఉదాహరణకు, సింహాలు జీబ్రాలను తింటాయి, కాబట్టి సింహాల సంఖ్య జీబ్రాల సంఖ్యను మించి ఉంటే, జీబ్రాల గతి ఎలా ఉంటుంది? అవి అంతరించిపోతాయి. మరియు జీబ్రాలు సింహాల కంటే చాలా తక్కువ సంతానాన్ని ఉత్పత్తి చేస్తే, వాటి గతి ఏమిటి? అవి కూడా అంతరించిపోతాయి. కాబట్టి, జీబ్రాల సంఖ్య సింహాల సంఖ్య కంటే చాలా ఎక్కువగా ఉండాలి. ఎందుకంటే జీబ్రాలు తమ కోసం మాత్రమే కాక, సింహాల కోసం కూడా ఉనికిలో ఉన్నాయి. మీరు దీన్ని ఇలా కూడా చెప్పవచ్చు: ప్రతి జీబ్రా మొత్తం జీబ్రాలలో ఒక భాగం, అయితే ఇది సింహాల నోటికి కూడా ఆహారం. సింహాల పునరుత్పత్తి వేగం జీబ్రాలను ఎప్పటికీ అధిగమించదు, కాబట్టి వాటి సంఖ్య ఎన్నడూ జీబ్రాల సంఖ్య కంటే ఎక్కువగా ఉండదు. ఈ విధంగా మాత్రమే సింహాల ఆహార వనరుకు భరోసా ఇవ్వబడుతుంది. కాబట్టి, జీబ్రాలకు సింహాలు సహజ శత్రువులు అయినప్పటికీ, ప్రజలు తరచుగా రెండు జాతులు తీరిక సమయంలో అదే ప్రాంతంలో విశ్రాంతి తీసుకోవడం చూస్తారు. సింహాలు వాటిని వేటాడి తినడం వల్ల జీబ్రాల సంఖ్య ఎన్నటికీ తగ్గదు లేదా అంతరించిపోదు మరియు “రాజు” అనే హోదా కారణంగా సింహాలు వాటి సంఖ్యను ఎప్పటికీ పెంచుకోవు. ఈ సమతుల్యత దేవుడు చాలా కాలం క్రితం స్థాపించాడు. అంటే, దేవుడు అన్ని జంతువుల మధ్య సమతుల్యతకు సంబంధించిన నియమాలను ఏర్పాటు చేశాడు, తద్వారా అవి ఈ రకమైన సమతుల్యతను సాధించగలవు మరియు ఇది ప్రజలు తరచుగా చూసే విషయం. జీబ్రాలకు సింహాలు మాత్రమే సహజ శత్రువులా? కాదు, మొసళ్ళు కూడా జీబ్రాలను కూడా తింటాయి. జీబ్రాలు చాలా నిస్సహాయ జంతువులుగా కనిపిస్తాయి. వాటికి సింహాల క్రూరత్వం లేదు, మరియు భీతిగొలిపే శత్రువైన సింహాన్ని ఎదుర్కొన్నప్పుడు, అవి చేయగలిగినదంతా పరుగెత్తడమే. ఎదిరించడానికి కూడా వాటికి శక్తిలేదు. అవి సింహాన్ని అధిగమించలేనప్పుడు, తినడానికి తమను తాము దానికి అప్పగించుకుంటాయి. జంతు ప్రపంచంలో దీనిని తరచుగా చూడవచ్చు. ఈ రకమైన విషయాన్ని చూసినప్పుడు మీకు ఎలాంటి భావాలు మరియు ఆలోచనలు కలుగుతాయి? మీరు జీబ్రా మీద జాలిపడతారా? మీరు సింహాన్ని అసహ్యించుకుంటారా? జీబ్రాలు చాలా అందంగా కనిపిస్తాయి! కానీ సింహాలు మాత్రం వాటిని ఎల్లప్పుడూ అత్యాశతో చూస్తుంటాయి. మరియు మూర్ఖంగా, జీబ్రాలు చాలా దూరం పరుగెత్తవు. అక్కడ ఒక చెట్టుకింద చల్లని నీడలో సింహం తమకోసం ఎదురుచూస్తూ ఉండడం అవి చూస్తాయి. అది ఏ క్షణంలోనైనా వచ్చి వాటిని తినవచ్చు. ఇది వాటికి బాగా తెలుసు, అయినప్పటికీ అవి ఆ ప్రాంతాన్ని విడిచి వెళ్లవు. ఇది ఒక అద్భుత విషయం, దేవుని ముందస్తు నియమాన్ని మరియు ఆయన పరిపాలనను వ్యక్తపరచే ఒక అద్భుత విషయం. నీవు జీబ్రా మీద జాలిపడతావు కానీ నీవు దానిని రక్షించలేవు మరియు నీవు సింహాన్ని అసహ్యించుకుంటావు కానీ నీవు దానిని నాశనం చేయలేవు. జీబ్రా సింహం కోసం దేవుడు సిద్ధం చేసిన ఆహారం, కానీ సింహాలు ఎన్ని తిన్నా జీబ్రాలు తుడిచిపెట్టుకుపోవు. సింహాలు ఉత్పత్తి చేసే సంతానం చాలా తక్కువగా ఉంటుంది మరియు అవి చాలా నెమ్మదిగా పునరుత్పత్తి చేస్తాయి, కాబట్టి అవి ఎన్ని జీబ్రాలను తిన్నా, వాటి సంఖ్య జీబ్రాలను అధిగమించదు. ఇందులో సమతుల్యత ఉంది.

ఈ రకమైన సమతుల్యతను కాపాడడంలో దేవుని లక్ష్యం ఏమిటి? ఇది ప్రజల మనుగడకు సంబంధించిన పర్యావరణాలతో పాటు మానవజాతి మనుగడకు సంబంధించినది. జీబ్రాలు, లేదా సింహం వేటాడే-జింక లేదా ఇతర జంతువులు—చాలా నెమ్మదిగా పునరుత్పత్తి చేస్తే మరియు సింహాల సంఖ్య బాగా పెరిగితే, మానవులు ఎలాంటి ప్రమాదాన్ని ఎదుర్కొంటారు? సింహాలు తమ ఆహారాన్ని తినడం సాధారణ విషయం, కానీ సింహం ఒక వ్యక్తిని తినడం అనేది విషాదం. ఈ విషాదం దేవుడు ముందుగా నిర్ణయించినది కాదు, ఇది ఆయన పరిపాలనలో జరిగేది కాదు, అంతేకాదు మానవజాతిపైకి ఆయన తెచ్చినది కాదు. దానికి బదులుగా, ఇది ప్రజలు తమపైకి తెచ్చుకునే విషయం. కాబట్టి దేవుడు చూస్తున్నట్లుగా, మానవాళి మనుగడకు అన్నిటి మధ్య సమతుల్యత చాలా ముఖ్యం. అది మొక్కలు లేదా జంతువులు అయినా, ఏ ఒక్కటీ దాని సరైన సమతుల్యతను కోల్పోదు. మొక్కలు, జంతువులు, పర్వతాలు మరియు సరస్సులు-దేవుడు మానవజాతి కోసం ఒక క్రమమైన పర్యావరణ వాతావరణాన్ని సిద్ధం చేశాడు. ప్రజలు ఈ రకమైన—సమతుల్యతతో కూడిన—పర్యావరణ వాతావరణాన్ని కలిగి ఉన్నప్పుడు మాత్రమే వారి మనుగడ సురక్షితంగా ఉంటుంది. చెట్లు లేదా గడ్డి యొక్క పునరుత్పత్తి సామర్థ్యం తక్కువగా ఉంటే లేదా వాటి పునరుత్పత్తి వేగం చాలా నెమ్మదిగా ఉంటే, నేల తేమను కోల్పోదా? నేల తేమను కోల్పోతే, అది ఇంకా ఆరోగ్యకరంగా ఉంటుందా? నేల దాని వృక్షసంపదను మరియు తేమను కోల్పోయినట్లయితే, అది చాలా త్వరగా క్షీణిస్తుంది మరియు దాని స్థానంలో ఇసుక ఏర్పడుతుంది. నేల క్షీణించినప్పుడు, ప్రజల మనుగడకు అవసరమైన పర్యావరణం కూడా నాశనం అవుతుంది. ఈ విధ్వంసంతో పాటు అనేక విపత్తులు వస్తాయి. ఈ రకమైన పర్యావరణ సమతుల్యత లేకపోతే, ఈ రకమైన పర్యావరణ పరిసరాలు లేకపోతే, అన్ని విషయాల మధ్య అసమతుల్యత కారణంగా ప్రజలు తరచుగా విపత్తులకు గురవుతారు. ఉదాహరణకు, కప్పల పర్యావరణ పరిసరాలను నాశనం చేయడానికి దారితీసే పర్యావరణ అసమతుల్యత ఏర్పడినప్పుడు, అవన్నీ ఒకచోట చేరుతాయి, వాటి సంఖ్య బాగా పెరుగుతుంది మరియు ప్రజలు నగర వీధుల్లో పెద్ద సంఖ్యలో కప్పలు తిరగడాన్ని కూడా చూస్తారు. పెద్ద సంఖ్యలో కప్పలు ప్రజల మనుగడకు అవసరమైన పర్యావరణాన్ని ఆక్రమించినట్లయితే, దానిని ఏమని పిలవాలి? విపత్తు. దానిని విపత్తు అని ఎందుకు పిలుస్తారు? మానవాళికి ప్రయోజనకరమైన ఈ చిన్న జంతువులు వాటికి తగిన ప్రదేశంలో ఉన్నప్పుడు ప్రజలకు ఉపయోగపడతాయి; అవి ప్రజల మనుగడకు అవసరమైన పర్యావరణ సమతుల్యతను కాపాడతాయి. కానీ అవి విపత్తుగా మారితే, అవి ప్రజల జీవితాల క్రమాన్ని ప్రభావితం చేస్తాయి. కప్పలు తమ శరీరాలతో పాటు తెచ్చుకునే అన్ని విషయాలు మరియు అన్ని అంశాలు ప్రజల జీవన నాణ్యతను ప్రభావితం చేస్తాయి. అవి ప్రజల శరీర అవయవాలను కూడా దాడి చేస్తాయి-విపత్తులలో ఇది ఒక రకం. మరొక రకమైన విపత్తు ఉంది, ఇది మానవులు తరచుగా అనుభవించేది, అధిక సంఖ్యలో మిడుతలు కనిపించడం. ఇది విపత్తు కాదా? అవును, ఇది నిజంగా భయంకరమైన విపత్తు. మానవులు ఎంత సామర్థ్యం కలిగి ఉన్నారనే దానితో సంబంధం లేదు-ప్రజలు విమానాలు, ఫిరంగులు మరియు అణు బాంబులను తయారు చేయవచ్చు-మిడుతలు దాడి చేసినప్పుడు, మానవజాతి దగ్గర ఏ పరిష్కారం ఉంది? వాటిపై ఫిరంగులు ఉపయోగించగలరా? మెషిన్ గన్‌లతో వాటిని కాల్చగలరా? లేదు, వాళ్ళ వల్ల కాదు. అప్పుడు వాటిని తరిమికొట్టడానికి పురుగుమందులు పిచికారీ చేయగలరా? అది కూడా అంత తేలికైన పని కాదు. ఆ చిన్న మిడతలు ఏం చేయడానికి వస్తాయి? అవి ప్రత్యేకించి పంటలు మరియు ధాన్యాలు తింటాయి. మిడతలు వాలిన చోట పంటలు పూర్తిగా నాశనమవుతాయి. మిడతల దాడిచేసే సమయంలో, రైతులు ఏడాది పొడవునా తినే ఆహారాన్ని మిడతలు రెప్పపాటులో పూర్తిగా తినేస్తాయి. మానవులకు, మిడతల రాక ఒక చికాకు మాత్రమే కాదు-ఇది ఒక విపత్తు. కాబట్టి, పెద్ద సంఖ్యలో మిడుతలు కనిపించడం అనేది ఒక రకమైన విపత్తు అని మనకు తెలుసు, అయితే ఎలుకల సంగతేంటి? ఎలుకలను వేటాడి తినే పక్షులు లేకపోతే, అవి చాలా వేగంగా, మీరు ఊహించిన దానికంటే వేగంగా వృద్ధి చెందుతాయి. మరియు ఎలుకలు అదుపు లేకుండా వ్యాపిస్తే, మానవులు మంచి జీవితాన్ని గడపగలరా? మానవులు ఎలాంటి పరిస్థితిని ఎదుర్కోవాల్సి వస్తుంది? (ఒక అంటువ్యాధి.) అయితే అంటువ్యాధి మాత్రమే పర్యవసానంగా ఉంటుందని మీరు అనుకుంటున్నారా? ఎలుకలు దేనినైనా నమిలేస్తాయి మరియు అవి చెక్కను కూడా కొరుకుతాయి. ఒక ఇంట్లో కేవలం రెండు ఎలుకలు ఉంటే, అక్కడ నివసించే ప్రతి ఒక్కరికీ అవి ఇబ్బందిగా మారతాయి. కొన్నిసార్లు అవి నూనెను దొంగిలించి తింటాయి, మరియు కొన్నిసార్లు అవి రొట్టె లేదా తృణధాన్యాలు తింటాయి. మరియు అవి తినని వాటిని కేవలం కొరికి అక్కడ చిందరవందర చేస్తాయి. అవి దుస్తులు, పాదరక్షలు, ఫర్నీచర్-అన్నిటినీ కొరుకుతాయి. కొన్నిసార్లు అవి అల్మారాపైకి ఎక్కుతాయి-ఎలుకలు తొక్కిన తర్వాత కూడా ఆ వంటకాలను తినగలరా? నీవు ఆ వంటకాలను శుభ్రపరిచినప్పటికీ, నీ మనసు అప్పటికీ కుదుటపడదు, కాబట్టి నీవు వాటిని బయట పడేస్తావు. ఇవి మనుషులకు ఎలుకలు తెచ్చే చికాకులు. ఎలుకలు చిన్న జీవులు అయినప్పటికీ, ప్రజలకు వాటిని పరిష్కరించుకునే మార్గం లేదు మరియు దానికి బదులుగా అవి పెట్టె ఇబ్బందులను భరించవలసి ఉంటుంది. ఒక పెద్ద గుంపు కాదు, అంతరాయాన్ని కలిగించడానికి కేవలం ఒక జత ఎలుకలు ఉంటే చాలు. వాటి సంఖ్య పెరిగి విపత్తుగా మారితే, పర్యవసానాలను ఊహించలేము. చీమల వంటి చిన్న జీవులు కూడా విపత్తుగా మారవచ్చు. అలా జరిగితే, అవి మానవాళికి చేసే నష్టాన్ని కూడా విస్మరించలేము. చీమలు ఇళ్లకు చాలా నష్టం కలిగిస్తాయి, అవి కూలిపోతాయి. వాటి బలాన్ని విస్మరించకూడదు. వివిధ రకాల పక్షులు విపత్తు సృష్టిస్తే అది భయానకం కాదా? (అవును.) మరో విధంగా చెప్పాలంటే, జంతువులు లేదా జీవరాసులు, అవి ఏ రకం అయినప్పటికీ, వాటి సమతుల్యతను కోల్పోతే, అవి అసాధారణ పరిధిలో, క్రమరహిత పరిధిలో పెరుగుతాయి, పునరుత్పత్తి చేస్తాయి మరియు జీవిస్తాయి. అది మానవాళికి అనూహ్యమైన పర్యవసానాలను కలుగజేస్తుంది. ఇది ప్రజల మనుగడను మరియు జీవితాలను ప్రభావితం చేయడమే కాకుండా, మానవజాతికి విపత్తును కూడా తెస్తుంది, ప్రజలు పూర్తిగా నాశనమయ్యే మరియు నిర్మూలమైపోయే పరిస్ధితిని కూడా తెస్తుంది.

దేవుడు అన్నిటినీ సృష్టించినప్పుడు, పర్వతాలు మరియు సరస్సులు, మొక్కలు మరియు అన్ని రకాల జంతువులు, పక్షులు మరియు కీటకాల జీవన పరిస్థితులను సమతుల్యం చేయడానికి, ఆయన అన్ని రకాల పద్ధతులను మరియు మార్గాలను ఉపయోగించాడు. ఆయన ఏర్పరిచిన నియమాల ప్రకారం అన్ని రకాల జీవులు జీవించాలి మరియు వృద్ధి చెందాలన్నదే ఆయన లక్ష్యం. సృష్టిలోని ఏ ఒక్కటీ ఈ నియమాల వెలుపలికి వెళ్లదు మరియు నియమాలను ఉల్లంఘించడం సాధ్యం కాదు. ఈ రకమైన ప్రాథమిక పర్యావరణంలో మాత్రమే మానవులు సురక్షితంగా జీవించగలరు మరియు తరతరాలుగా వృద్ధి చెందగలరు. ఏదైనా జీవి దేవుడు స్థాపించిన పరిమాణం లేదా పరిధిని దాటితే, లేదా దాని వృద్ధి రేటు మరియు పునరుత్పత్తి ప్రాబల్యం లేదా ఆయన నిర్దేశించిన సంఖ్య మించిపోయినట్లయితే, మానవజాతి మనుగడకు సంబంధించిన పర్యావరణం వివిధ స్థాయిలలో విధ్వంసానికి గురవుతుంది. మరియు అదే సమయంలో, మానవజాతి మనుగడకు ముప్పు ఏర్పడుతుంది. ఒక రకమైన జీవి యొక్క సంఖ్య చాలా ఎక్కువగా ఉంటే, అది ప్రజల ఆహారాన్ని దోచుకుంటుంది, ప్రజల నీటి వనరులను నాశనం చేస్తుంది మరియు వారి నివాస స్థలాలను నాశనం చేస్తుంది. ఆ విధంగా, మానవజాతి యొక్క పునరుత్పత్తి లేదా మనుగడ స్థితి వెంటనే ప్రభావితమవుతుంది. ఉదాహరణకు, నీరు అన్నిటికీ చాలా ముఖ్యం. ఎలుకలు, చీమలు, మిడతలు, కప్పలు లేదా మరేదైనా జంతువులు ఎక్కువగా ఉంటే, అవి ఎక్కువ నీరు త్రాగుతాయి. అవి త్రాగే నీటి పరిమాణం పెరిగేకొద్దీ, ప్రజల త్రాగునీరు మరియు నిర్ణీత పరిధిలోని త్రాగునీటి వనరులు మరియు ప్రవాహ ప్రాంతాలలోని నీటి వనరులు తగ్గిపోతాయి మరియు వారు నీటి కొరతను ఎదుర్కొంటారు. అన్ని రకాల జంతువుల సంఖ్య పెరిగిపోవడంతో, ప్రజల త్రాగునీరు నాశనమైతే, కలుషితమైతే లేదా నిలిచిపోతే, మనుగడకు సంబంధించిన అటువంటి కఠిన పర్యావరణంలో, మానవజాతి మనుగడ తీవ్రమైన ప్రమాదంలో పడుతుంది. కేవలం ఒక రకం లేదా కొన్ని రకాల జీవులు వాటికి తగిన సంఖ్యను మించిపోతే, అప్పుడు మానవజాతి మనుగడకు అవసరమైన గాలి, ఉష్ణోగ్రత, తేమ మరియు గాలి నాణ్యత కూడా విషపూరితమైపోతుంది మరియు వివిధ స్థాయిలలో నాశనం చేయబడుతుంది. ఈ పరిస్థితులలో, మానవుల మనుగడ మరియు విధి కూడా ఈ పర్యావరణ కారకాల నుండి ఎదురయ్యే ప్రమాదాలను ఎదుర్కోవలసి ఉంటుంది. కాబట్టి, ఈ సమతుల్యత లోపిస్తే, ప్రజలు పీల్చే గాలి పాడవువుతుంది, వారు త్రాగే నీరు కలుషితమవుతుంది మరియు వారికి అవసరమైన ఉష్ణోగ్రతలు కూడా మారుతాయి మరియు వివిధ స్థాయిలలో ప్రభావితమవుతారు. అది జరిగితే, సహజంగానే మానవజాతి మనుగడకు సంబంధించిన పర్యావరణాలు విపరీతమైన ప్రభావాలను మరియు సవాళ్లను ఎదుర్కోవలసి ఉంటుంది. మానవుల మనుగడకు సంబంధించిన ప్రాథమిక పర్యావరణాలు నాశనం చేయబడిన ఈ రకమైన పరిస్థితుల్లో, మానవజాతి యొక్క విధి మరియు అవకాశాలు ఎలా ఉంటాయి? ఇది చాలా తీవ్రమైన సమస్య! ఎందుకంటే సృష్టిలోని ప్రతీది మానవాళి కోసం ఏ కారణం చేత ఉనికిలో ఉందో, ఆయన సృష్టించిన ప్రతి దాని యొక్క పాత్ర ఏమిటి, ప్రతీది మానవాళిపై ఎలాంటి ప్రభావం చూపుతుంది మరియు మానవాళికి అది ఏ స్థాయిలో ప్రయోజనం చేకూరుస్తుందో దేవునికి తెలుసు. ఎందుకంటే దేవుని హృదయంలో వీటన్నింటి పట్ల ఒక ప్రణాళిక ఉంది మరియు ఆయన సృష్టించిన అన్నిటి యొక్క ప్రతి అంశాన్ని ఆయన నిర్వహిస్తాడు, అందుకే ఆయన చేసే ప్రతి పని మానవాళికి చాలా ముఖ్యమైనది మరియు అవసరమైనది. కాబట్టి ఇప్పటి నుండి, నీవు దేవుని సృష్టిలోని విషయాలకు సంబంధించి ఏదైనా పర్యావరణానికి చెందిన సంఘటనను లేదా దేవుని సృష్టిలోని కొన్ని సహజ నియమాలను గమనించినప్పుడల్లా, దేవుడు సృష్టించిన ప్రతి విషయం యొక్క ఆవశ్యకతను గూర్చి మీకు ఇకపై సందేహం ఉండదు. నీవు ఇకపై తెలివితక్కువ మాటలు ఉపయోగించి దేవుని సమస్త ఏర్పాట్లు మరియు మానవాళికి అందించే వివిధ మార్గాలను గూర్చి ఏకపక్ష తీర్పులు ఇవ్వవు. అలాగే నీవు ఆయన సృష్టిలోని అన్నిటికి సంబంధించిన దేవుని నియమాల గురించి ఏకపక్ష నిర్ధారణలకు రావు. అవునా?

మనం ఇప్పుడు మాట్లాడుకున్న ఇదంతా ఏమిటి ఏమిటి? ఒక్కసారి ఆలోచించండి. దేవుడు తాను చేసే ప్రతిదానిలో తన స్వంత ఉద్దేశాన్ని కలిగి ఉన్నాడు. ఆయన ఉద్దేశం మానవులకు అంతుచిక్కనిది అయినప్పటికీ, ఇది ఎల్లప్పుడూ మానవజాతి మనుగడతో విడదీయరాని విధంగా మరియు శక్తివంతంగా సంబంధించి ఉంది. ఇది ఖచ్చితంగా అనివార్యమైనది. ఎందుకంటే దేవుడు ఎన్నడూ వ్యర్ధమైన దానిని చేయలేదు. ఆయన చేసే ప్రతిదాని వెనుక ఉన్న సూత్రాలు ఆయన ప్రణాళిక మరియు ఆయన జ్ఞానంతో నింపబడి ఉన్నాయి. ఆ ప్రణాళిక వెనుక ఉన్న లక్ష్యం మరియు ఉద్దేశం మానవజాతిని కాపాడడం, విపత్తును నివారించడానికి మానవజాతికి సహాయపడడం, ఇతర జీవుల క్షీణత మరియు దేవుని సృష్టిలోని దేని వలనయినా మానవులకు ఎలాంటి హాని జరగకుండా చేయడం. కాబట్టి ఈ అంశంలో మనం చూసిన దేవుని కార్యాలు మానవాళికి దేవుడు సమకూర్చే మరో పద్ధతిని వివరిస్తున్నాయని చెప్పవచ్చా? ఈ కార్యాల ద్వారా దేవుడు మానవాళిని పెంచి పోషిస్తున్నాడని మనం చెప్పగలమా? (అవును.) ఈ అంశానికి మరియు “అన్నిటి జీవానికి దేవుడే మూలం” అనే మన సహవాసం యొక్క ఇతివృత్తానికి మధ్య బలమైన సంబంధం ఉందా? (అవును.) చాలా బలమైన సంబంధం ఉంది మరియు ఈ అంశం దానిలోని ఒక కోణం. ఈ అంశాల గురించి మాట్లాడక ముందు, ప్రజలు దేవుని గురించి, మరియు ఆయన కార్యాల గురించి కొంత అస్పష్టమైన అవగాహన మాత్రమే కలిగి ఉన్నారు—వారికి నిజమైన అవగాహన లేదు. అయితే, ప్రజలకు ఆయన కార్యాలు మరియు ఆయన చేసిన పనుల గురించి చెప్పినప్పుడు, వారు దేవుడు చేసే పనుల యొక్క సూత్రాలను అర్థం చేసుకోగలరు మరియు వారు వాటి గురించి అవగాహన పొందగలరు మరియు వాటిని చేరుకోగలరు—అవునా? దేవుడు ఏదైనా చేసినప్పుడు, అంటే అన్నిటినీ సృష్టించడం మరియు పరిపాలించడం వంటివి చేసినప్పుడు, ఆయన హృదయంలో అన్ని రకాల చాలా సంక్లిష్ట సిద్ధాంతాలు, సూత్రాలు మరియు నియమాలు ఉన్నప్పటికీ, సహవాసంలో ఒక భాగాన్ని గూర్చి నేర్చుకోవడానికి మీకు సహాయపడడం ద్వారా ఇవి దేవుని కార్యములు మరియు అవి వాస్తవమైనవి అని మీ హృదయాలలో అవగాహన పొందడం మీకు సాధ్యం కాదా? (సాధ్యం) అలాంటప్పుడు దేవుని గురించి మీ ప్రస్తుత అవగాహన మునుపటి కంటే ఎలా భిన్నంగా ఉంది? ఇది దాని అంశంలో భిన్నంగా ఉంది. ఇంతకు ముందు, మీ అవగాహన చాలా శూన్యంగా ఉంది, చాలా అస్పష్టంగా ఉంది, ఇప్పుడు మీ అవగాహనలో దేవుని పనులకు సరిపోయేలా, దేవుడు ఏమి కలిగి ఉన్నాడు మరియు ఏమై ఉన్నాడో అనే దానికి సరిపోయేలా చాలా ఖచ్చితమైన ఆధారాలు ఉన్నాయి. కాబట్టి, నేను చెప్పిన బోధనా విషయాలన్నీ దేవుని గురించి మీరు అవగాహన పొందడానికి దోహదపడతాయి.

ఫిబ్రవరి 9, 2014