Yuav Caum Qhov Tseeb Li Cas (1)

Nyob rau peb txoj kev sib txoos ua ke dhau los no peb sib qhia txog lub ncauj lug dab tsi? (Vim li cas tib neeg thiaj li yuav tsum caum qhov tseeb.) Tom qab peb sib qhia tag lawm, kuv muab ib lub ncauj lug rau nej mus xav tom tsev—lub ncauj lug ntawd yog dab tsi? (Yuav caum qhov tseeb li cas.) Nej puas to taub txog lub ncauj lug no? (Vajtswv, kuv to taub txog lub ncauj lug ntawd me ntsis. Thaum hais txog qhov yuav caum qhov tseeb li cas ntawd, nws yog hais txog qhov saib qhov peb nthuav txoj kev qias vuab tsuab thiab tus moj yam qias vuab tsuab tawm rau ntawm txhua tus tib neeg, txhua qhov xwm txheej, thiab txhua yam uas peb ntsib txhua hnub, thiab tom qab ntawd ces nrhiav qhov tseeb los daws tej teeb meem no. Nyob rau tib lub sij hawm no, qhov ua ib teg dej num ntawd yog hais txog tej cov hauv paus ntsiab lus, yog li ntawd peb yuav tsum nrhiav qhov tseeb kom thiaj li to taub tias yuav ua li cas thiaj li mus raws li cov hauv paus ntsiab lus no thaum peb ntsib ntau tes dej num uas tsis zoo ib yam—qhov ntawd yog lwm txoj kev xyaum ua raws li qhov tseeb.) Yog li ntawd hais txog ib yam ces yog nrhiav qhov tseeb nyob rau hauv yus lub neej txhua hnub, hos lwm yam ces yog nrhiav tej hauv paus ntsiab lus ntawm qhov tseeb thaum tab tom ua yus tes dej dum kom tiav. Puas muaj lwm kis ntawm txoj kev caum no lawm thiab? Qhov no yuav tsum tsis yog ib lub ncauj lug uas nyuaj, puas yog? Nej puas to taub txog qhov “yuav caum qhov tseeb li cas”? Nej to taub li cas txog qhov no? Qhov to taub txog lub ncauj lug no mas muaj kev cuam tshuam txog qhov siv sij hawm ntau los xav txog lub ncauj lug no, ces tom qab ntawd yuav sau txog tej kev paub uas kawm tau los ntawm txoj kev to taub ntawd cia. Yog koj tsuas saib ib muag rau lub ncauj lug ntawd es xav txog lub ncauj lub ntawd me ntsis xwb, tab sis tsis siv sij hawm los sis tsis siv zog rau lub ncauj lug ntawd, los sis tsis ua tib zoo xav txog lub ncauj lub ntawd li, ces qhov ntawd tsis yog to taub. To taub txhais tias koj xav txog qhov ntawd tiag tiag, koj siv zog tiag tiag los ua tib zoo xav txog qhov ntawd, koj kawm tau txoj kev paub tiag tiag, thiab koj tau txais kev tig ras to taub thiab kev paub meej, thiab koj tau sau qee qhov nqis zog—tej no yog cov txiaj ntsim uas tau txais los ntawm txoj kev to taub. Tam sim no, nej puas to taub txog lub ncauj lug no tiag tiag? Nej tsis muaj leej twg to taub txog lub ncauj lug no tiag tiag, puas yog? Zaum tas los no, kuv twb muab hauj lwm rau nej mus ua tom tsev lawm, uas yog ib lub ncauj lug es kom nej thiaj li npaj tau, tab sis nej tsis muaj leej twg to taub txog lub ncauj lub no thiab nej tsis ua tiag tiag li. Puas yog nej cia siab tias kuv yuav muab pub rau nej? Los sis puas yog nej xav tias, “Lub ncauj lug no mas yooj yim heev, tsis tob li. Peb twb paub lawm, yog li ntawd ces peb tsis tas to taub li—peb twb to taub lub ncauj lug no lawm”? Los sis puas yog tias nej tsis nyiam cov lus nug thiab tej yam uas ntsig txog txoj kev caum qhov tseeb? Qhov teeb meem yog dab tsi? Tsis yog tias nej ua hauj lwm khwv heev dhau lawm lod? Qhov laj thawj yog dab tsi tiag tiag? (Tom qab mloog Vajtswv cov lus nug thiab tig xav txog kuv tus kheej lawm, kuv xav tias qhov laj thawj tseem ceeb ces yog qhov tias kuv tsis nyiam qhov tseeb. Kuv tsis saib Vajtswv cov lus kom tseem ceeb tiag tiag, thiab kuv tsis to taub txog qhov tseeb tiag tiag. Kuv kuj cia siab tias yuav muab lo lus teb rau kuv. Kuv cia siab tias thaum Vajtswv qhia txog lub ncauj lub ntawd tag lawm, ces kuv yuav muaj peev xwm to taub lub ncauj lug ntawd. Ntawd yog tus cwj pwm uas kuv muaj.) Puas yog cov tib neeg feem coob yeej zoo li no? Zoo li nej swm rau qhov uas muab pub rau nej lawm. Thaum hais txog qhov tseeb, nej tsis ua tiag tiag thiab nej tsis siv zog. Tshwj xeeb mas nej nyiam qhov ua ub ua no thiab khiav mus los yam dig muag ntsuav xwb. Txhua yam uas nej ua mas yog nkim nej lub sij hawm pov tseg xwb; nej lam ua kom dhau xwb thaum hais txog qhov tseeb, thiab nej tsis ua tiag tiag. Ntawd yog nej tus yam ntxwv tseeb.

Qhov yuav caum qhov tseeb li cas ntawd yog ib lub ntawm cov ncauj lug uas pheej kawm txog nyob rau hauv Vajtswv lub tsev. Tib neeg feem coob yeej to taub qee qhov kev qhuab qhia txog qhov yuav caum qhov tseeb li cas, thiab lawv paub qee yam thiab ntau txoj kev los xyaum ua raws li qhov tseeb ntawd. Muaj ib txhia tib neeg uas twb ntseeg Vajtswv los tau ntev lawm uas muaj qee qhov kev paub tiag tsis ntau los yeej tsawg lawm, thiab lawv kuj tau paub txog ntau qhov kev ua tsis tau thiab kev poob tsag lawm, thiab tau muaj kev xav phem thiab kev qaug zog lawm. Nyob rau tus txheej txheem ntawm qhov caum qhov tseeb ntawd, lawv kuj tau paub ntau yam zoo thiab phem lawm, thiab nyob rau hauv qhov caum qhov tseeb ntawd, lawv tau kawm paub los ntawm lawv tej kev ntsib kev pom lawm es thiaj li muaj qee qhov nqi zog. Lawv kuj cia li tau ntsib ntau qhov kev nyuaj thiab kev tab kaum, nrog rau ntau qhov teeb meem tiag tiag hauv lawv lub neej los sis cheeb tsam ib puag ncig. Muab hais kom luv luv ces, tib neeg feem coob muaj qee qib kev to taub txog txoj kev caum qhov tseeb, tsis hais nyob rau hauv lub cev los sis los ntawm qee qhov teeb meem tiag tiag, thiab lawv kuj muaj qee qhov kev paub ntawm txoj kev qhuab qhia txog txoj kev caum qhov tseeb ntawd thiab. Thaum tib neeg tau pib ntseeg Vajtswv los sis taug txoj kev caum qhov tseeb lawm, tsis hais txog qhov seb lawv puas tau tiv kev txom nyem rau txoj kev ntawd los sis seb lawv tsuas siv zog me ntsis rau txoj kev caum qhov tseeb ntawd xwb, lawv txhua tus puav leej yuav muaj qee qhov kev to taub txog txoj kev caum qhov tseeb ntawd tsis ntau los yeej tsawg. Rau cov uas nyiam qhov tseeb mas, txoj kev to taub no sawv cev rau tej nqi zog tiag tiag thiab muaj nqis heev li, tab sis cov uas tsis caum qhov tseeb ntawd tsis paub, tsis kawm kom paub los ntawm lawv txoj kev ntsib kev pom, los sis los ntawm qhov nqi zog li. Muab zuaj zog los hais ces, cov tib neeg feem coob yeej mus rau tom ntej yam tsis yig thiab tsis zais tus cwj pwm uas pheej “tos thiab saib” rau thaum caum qhov tseeb, nyob rau tib lub sij hawm no kuj muaj ib qho me me txog qhov zoo li caum qhov tseeb thiab. Nyob rau hauv cov tib neeg feem coob tej kev xav, kev xam pom, los sis kev paub mas, qhov caum qhov tseeb yog ib yam zoo thiab tseeb ceeb tshaj plaws li. Lawv xav txog qhov caum qhov tseeb ntawd zoo ib yam li yog ib lub hom phiaj ntawm lub neej uas tib neeg yuav tsum caum, thiab haj tseem ntau tshaj ntawd lawm thiab, zoo ib yam li txoj kev uas lawv yuav tsum taug nyob rau hauv lub neej. Txawm yog raws li ib lub tswv yim los sis raws li lawv tej kev ntsib kev pom thiab kev paub tiag tiag los xij, tib neeg txhua tus xam hais tias qhov caum qhov tseeb ntawd yog ib yam zoo thiab tseem ceeb tshaj plaws li. Tsis muaj ib txoj kev caum twg los sis ib txoj kev twg uas tib neeg ntiaj teb koom tes rau es yuav muab piv tau rau qhov caum qhov tseeb los sis txoj kev caum qhov tseeb li. Qhov caum qhov tseeb ntawd tsuas yog tib txoj kev yog uas tib neeg yuav tsum taug xwb. Raws li yog ib tug ntawm ib haiv neeg mas, qhov caum qhov tseeb ntawd yuav tsum yog txhua tus tib neeg lub hom phiaj ntawm lub neej, thiab lawv yuav tsum xam pom qhov ntawd li yog txoj kev uas yog rau tib neeg taug. Tam sim no, ib tug tib neeg twg yuav caum qhov tseeb li cas? Tam sim no kiag, nej hais tau cov tswv yim yooj yim, muaj qab hau los, uas tej zaum cov tib neeg feem coob yuav pom zoo thiab. Txhua tus xav tias tej hom kev caum thiab kev xyaum ua no muaj feem cuam tshuam rau qhov caum qhov tseeb. Lawv ntseeg tias tej uas muaj feem cuam tshuam tshwj xeeb rau qhov caum qhov tseeb ntawd mas tsuas lam: tau txais txoj kev paub txog yus tus kheej, kev lees txim thiab kev lees txim hloov dua siab tshiab xwb, ces tom qab ntawd mam li nrhiav tej hauv paus ntsiab lus ntawm qhov tseeb los xyaum ua tawm hauv Vajtswv cov lus los, thiab thaum kawg, mam li ua neej raws li Nws cov lus nyob rau yus lub neej txhua hnub thiab to taub qhov muaj tiag ntawm qhov tseeb. Qhov no yog txoj kev to taub thiab kev nkag siab uas yeej muaj tas li uas cov tib neeg feem coob muaj txog qhov yuav caum qhov tseeb li cas. Dhau ntawm tej tswv yim uas nej paub thiab nkag siab ntawd lawm, kuv tau muab ib co kev thiab tswv yim tshwj xeeb zuaj zog ua ke los hais txog qhov xyaum rau txoj kev caum qhov tseeb. Hnub no, peb yuav sib qhia kom ntxaws ntxiv txog qhov no.

Dhau ntawm ob peb qho tswv yim uas nej tau hais lawm ntawd, kuv tau muab hais ntxaws dua lawm thiab muab zauj zog ua ke los ua ob lub tswv yim hais txog qhov yuav caum qhov tseeb li cas. Ib lub tswv yim ces yog “tso tseg.” Qhov no puas yooj yim? (Yooj yim.) Qhov no mas tsis nyuaj li. Nws kuj cim tau yooj yim thiab yooj yim to taub thiab. Tseeb tiag, qhov xyaum ua mas tej zaum yuav nyuaj txog ib theem thiab. Koj pom lawm los, tias lub tswv yim no mas yooj yim dua li cov uas nej tau hais los lawm. Tej uas nej hais lawm ntawd mas tsuas yog ib co tswv yim xwb. Tej ntawd zoo li siab thiab tob thiab, tseeb tiag, yeej muaj ib sab khov khov thiab, tab sis tej ntawd mas nyuaj tshaj li yam ua kuv nyuam qhuav qhia rau nej lawm. Thawj lub tswv yim ces yog “tso tseg,” thiab lub tswv yim ob ces yog “koj tus kheej yuav tsum mob siab.” Tsuas yog ob lub tswv yim no xwb, uas yog tag nrho muaj cuaj lo lus. Saib xwb tib neeg yeej to tau ob lub tswv yim no lawm, thiab tib neeg paub tias yuav xyaum raws li ob lub tswv yim ntawd li cas yam tsis kawm txog ob lub tswv yim no li—ob lub tswv yim no los kuj cim tau yooj yim thiab. Thawj lub tswv yim yog dab tsi? (Tso tseg.) Lub ob ne? (Koj tus kheej yuav tsum mob siab.) Koj puas pom? Ob lub tswv yim no tsis yooj yim lod? (Yooj yim mas.) Ob lub tswv yim no meej tshaj li qhov nej hais lawm. Qhov no hu li cas? Qhov no hu ua meej. Qhov siv cov lus tsawg dua ntawd puas txhais tias qee yam meej dua? (Tsis txhais li ntawd.) Txawm qee yam meej los sis tsis meej los tsis tseem ceeb. Qhov tseem ceeb ces yog qhov tias seb hais puas tau lub ntsiab thiab puas ua hauj lwm thaum tib neeg muab coj los xyaum ua raws xwb. Ntxiv ntawd, qhov saib seb qhov txiaj ntsim uas tau los ntawm qhov xyaum ua raws ntawd seb yog dab tsi mas tseem ceeb heev; seb qhov ntawd puas daws tau tib neeg tej kev nyuaj uas tseem ceeb; seb qhov ntawd puas pab tau tib neeg los taug txoj kev caum qhov tseeb; seb qhov ntawd puas cia tib neeg los daws tau lawv tus moj yam qias vuab tsuab ntawm lub hauv paus; thiab seb qhov xyaum ua raws ntawd puas pab tau tib neeg los rau ntawm Vajtswv lub xub ntiag, thiab lees txais Nws cov lus thiab qhov tseeb, vim li ntawd qhov tau txiaj ntsim thiab lub hom phiaj uas caum qhov tseeb mas yog qhov tsim nyog tau txais. Qhov no puas yog lawm? (Yog.) Tam sim no nej twb hnov txog ob lub tswv yim no lawm uas yog “tso tseg” thiab “koj tus kheej yuav tsum mob siab” lawm, thiab nej paub ob lub tswv yim no lawm. Qhov kev sib cuam tshuam ntawm ob lub tswv yim no thiab qhov caum qhov tseeb ntawd yog dab tsi? Peb yam no puas txuas rau cov tswv yim uas nej tau hais lawm, los sis peb yam no muaj kev cov nyom nrog cov tswv yim uas nej tau hais lawm? Qhov no mas tseem tsis tau tau meej, puas yog? (Nws tseem tsis tau meej kiag li.) Muab hais kom dav dav ces, cov tswv yim tshwj xeeb ntawm qhov xyaum txoj kev caum qhov tseeb ntawd ces yog ob lub tswv yim uas kuv nyuam qhov tham txog ntawd xwb. Hais txog ob lub tswv yim no, lub ntsiab tshwj xeeb ntawm lub tswv yim ib uas yog: tso tseg ntawd yog dab tsi? Yam uas yooj yim thiab ncaj tshaj plaws uas nej xav txog thaum nej hnov ob lo lus hais tias “tso tseg” ntawd yog dab tsi? Yus yuav muab lub tswv yim no los xyau ua li cas? Feem tshwj xeeb tshaj thiab lub ntsiab ntawm lub tswv yim no yog dab tsi? (Muab yus tus moj yam qias vuab tsuab tso tseg.) Dhau ntawm yus tus moj yam qias vuab tsuab lawm, tshuav dab tsi ntxiv thiab? (Kev xav phem thiab kev xav hauv nruab siab.) Kev xav phem thiab kev xav hauv nruab siab, kev xav, yus lub siab nyiam, thiab tej uas yus nyiam. Dab tsi ntxiv thiab? (Lub tswv yim rau txoj kev ua neej uas phem, tej muaj nqis uas tsis yog lawm thiab tej kev saib rau lub neej.) (Yus tej kev npaj siab thiab kev ntshaw.) Muab hais kom luv luv ces, thaum tib neeg sim los xav txog tej yam uas lawv yuav tsum muab tso tseg ntawd, dhau ntawm ntau tus cwj pwm uas muaj feem cuam tshuam rau tus moj yam qias vuab tsuab, lawv kuj xav txog tej yam uas ua rau tib neeg muaj kev xav thiab muaj kev xam pom thiab. Yog li ntawd, thiaj li muaj ob feem loj: Feem ib muaj feem cuam tshuam rau tus moj yam qias vuab tsuab thiab lwm feem muaj feem cuam tshuam rau tib neeg tej kev xav thiab tej kev xam pom. Dhau ntawm ob feem no lawm, tshuav dab tsi ntxiv uas nej xav txog thiab? Nej paub tsis meej lawm, puas yog? Qhov laj thawj rau qhov no yog dab tsi? Qhov laj thawj ces yog qhov tias tej yam uas los rau hauv nej lub siab ntawd yeej yog kiag tej ncauj lug uas, nyob rau nej lub neej txhua hnub txij thaum nej pib ntseeg Vajtswv los, nej pheej ntsib thiab tib neeg pheej hais txog. Tab sis hais txog tej teeb meem uas tsis muaj leej twg hais txog, uas yeej tsis muaj nyob rau hauv tib neeg li—nej yeej tsis paub tej teeb meem no li, nej yeej tsis ras txog tej teeb meem no li, nej hais tsis tau tej teeb meem no, thiab nej kuj tsis tau pom tej teeb meem no dua kom thiaj li to taub li. Qhov no yog qhov laj thawj uas nej paub tsis meej. Kuv nrog nej tham txog qhov no vim kuv xav kom nej xav dua thiab ua tib zoo xav txog qhov teeb meem uas peb yuav sib qhia rau tom ntej, es kom nej thiaj li paub zoo.

Tam sim no peb yuav sib qhia txog ob yam loj uas muaj feem ntsig txog rau qhov seb yus yuav caum qhov tseeb li cas: yam ib yog tso tseg, thiab yam ob yog koj tus kheej yuav tsum mob siab. Cia peb pib sib qhia txog yam ib—tso tseg tso. Qhov no mas tsis yog cia li lam muab ib tug cwj pwm, tej tswv yim ntawm lub ntiaj teb, yus tus kheej lub siab nyiam, kev ntshaw tej koob hmoov, thiab lwm yam uas muab tshab txhais tau dav dav tso tseg xwb. Qhov xyaum muab “tso tseg” uas kuv yuav qhia txog hnub no ntawd mas muaj ib lub hom phiaj tshwj xeeb thiab cheem tsum kom tib neeg muab saib kom meej thiab xyaum ua raws li ntawd nyob rau hauv lawv lub neej txhua hnub. Qhov yuav muab coj los hais ua ntej txog qhov muab “tso tseg” ntawd yog dab tsi? Thawj qhov uas tib neeg yuav tsum tau muab tso tseg nyob hauv lawv txoj kev caum qhov tseeb ntawd ces yog tib neeg ntau txoj kev xav. Nej xav txog dab tsi thaum kuv hais txog ntau txoj kev xav no? Tej kev xav no muaj dab tsi nyob rau hauv? (Txoj kev tsis ua tib zoo xav, txoj kev tsis quav ntsej, thiab kev tub nkeeg.) Txoj kev tsis ua tib zoo xav puas yog ib txoj kev xav? (Raws li kuv to taub mas kev xav txhais tias thaum tib neeg ua ub ua no rau thaum ua lawv tej dej num raws li qhov seb lawv xav li cas xwb. Lawv hloov mus raws li tus cwj pwm rau txhua yam nyob ntawm seb lawv xav zoo los sis tsis zoo.) Tej kev xav no puas yog tej uas kuv tham txog? Qhov no puas yog qhov muab kev xav coj los piav? (Vajtswv, kuv txoj kev to taub txog kev xav mas yog qhov tias tej kev xav ntawd muaj kev feeb tsis meej, kev xeeb txob, nrog rau kev zoo siab, kev chim siab, kev tu siab, thiab kev xyiv fab nyob rau hauv.) Qhov no mas yog qhov muab hais kom dav dav xwb. Yog li ntawd qhov hais txog tam sim no yog hais txog qhov ua ub ua no raws li qhov seb lawv xav li cas xwb, qhov ntawd puas yog ib qho kev xav? (Qhov ntawd tsuas yog ib qho kev qhia tshwm xwb.) Nws yog ib qho kev qhia tshwm txog txoj kev xav xwb. Qhov xav phem, feeb tsis meej, thiab tu siab—tej no yog txhua qhov kev qhia tshwm txog txoj kev xav xwb, tab sis tej no tsis yog lo lus tshab txhais ntawm txoj kev xav kiag li. Yog li ntawd, tib neeg yuav ua li cas to taub thawj yam uas lawv yuav tsum tau muab tso tseg nyob rau hauv qhov caum qhov tseeb ntawd—ntau qhov kev xav lod? Tej uas tib neeg muab tso tseg thaum lawv muab ntau qhov kev xav ntawd tso tseg yog dab tsi? Qhov ntawd yog muab tej kev xav hauv siab, tej kev xav hauv lub hlwb thiab tej kev xav uas tshwm tuaj rau hauv ntau qhov xwm txheej thiab lub ntsiab, nrog rau ntau tus tib neeg, xwm txheej, thiab txhua yam ntawd tso tseg. Ib txhia ntawm tej kev xav no cia li dhau los ua ib tug tib neeg lub siab lawm. Thiab, txawm tias ib txhia tsis dhau los ua ib tug tib neeg lub siab los, tej kev xav no yeej cuam tshuam rau tus tib neeg ntawd tus cwj pwm rau hauv lawv tej kev ua. Yog li ntawd, tej kev xav no muaj dab tsi nyob rau hauv? Tej kev xav no muaj, piv txwv li, kev qaug zog, kev ntsim siab, kev chim siab, kev feeb tsis meej, kev tsis kaj siab, nrog rau kev caij tsuj, tsis zoo li luag lwm tus, thiab kev quaj los kua muag vim kev zoo siab nyob rau hauv—txhua yam no yuav muab suav tau tias yog kev xav. Tej no puas yog tej kev qhia tshwm uas khov khov txog kev xav? (Yog.) Tau hais li no lawm, nej puas paub tias ib txoj kev xav yog dab tsi? Tej no puas muaj ib yam dab tsi cuam tshuam rau txoj kev tub nkeeg thiab kev tsis ua tib zoo xav uas nej hais txog? (Tsis muaj.) Tej no tsis muaj kev sib cuam tshuam li. Yog li ntawd, tej uas koj hais txog ntawd yog dab tsi? (Tus moj yam qias vuab tsuab.) Tej ntawd yog ib hom kev qhia tshwm txog tus moj yam qias vuab tsuab. Tej kev xav uas kuv nyuam qhuav hais no uas yog kev caij tsuj, kev qaug zog, tsis zoo li luag lwm tus, thiab ntau yam ntxiv ntawd puas muaj ib yam dab tsi cuam tshuam rau tus moj yam qias vuab tsuab li? (Tej kev xav uas Vajtswv nyuam qhuav hais txog no tsis muaj feem ntsig txog rau tus moj yam qias vuab tsuab, tej kev xav no tsis hloov tus moj yam qias vuab tsuab, los sis tej kev xav no mus tsis tau txog qib ntawm ib tug moj yam qias vuab tsuab.) Yog li ntawd, tej kev xav no yog dab tsi? Tej kev xav no yog txoj kev zoo siab, kev chim siab, kev tu siab, thiab kev xyiv fab txog txoj kev ua neej, thiab tej kev xav no yog tej kev xav uas tshwm tuaj thiab tej kev qhia tshwm uas nthuav tawm tuaj rau thaum tib neeg ntsib tej yam xwm txheej. Ib co kev xav mas tej zaum tshwm tuaj vim muaj ib tug moj yam qias vuab tsuab, hos lwm cov kev xav mas tsis tau mus txog qib ntawd thiab tsis muaj feem ntsig txog rau tus moj yam qias vuab tsuab, tab sis tseeb tiag tej kev xav no yeej muaj nyob rau hauv tib neeg tej kav hauv lub hlwb lawm. Nyob rau tej xwm txheej zoo li no, tsis hais txawm tib neeg yuav ntsib yam xwm txheej dab si, los sis txawm lub ntsiab yuav yog dab tsi loj xij li, tej kev xav no yeej yuav cia li ua rau lawv txoj kev txiav txim thiab kev xam pom mus txog ib theem twg, thiab tej kev xav no yeej yuav ua kom seb tib neeg yuav tuaj tog twg thiab yuav taug txoj kev twg. Ntau qhov kev xav uas peb nyuam qhuav hais txog ntawd mas feem ntau yog phem xwb. Puas muaj ib qho es yog nyob rau nruab nrab, uas yog tsis phem thiab tsis zoo li? Tsis muaj, tsis muaj ib qho zoo kiag li. Kev nyuaj siab, kev qaug zog, kev ntsim siab, kev chim siab, tsis zoo li luag lwm tus, kev feeb tsis meej, kev tsis kaj siab, thiab caij tsuj—tag nrho tej no puav leej yog tej kev xav uas phem. Puas muaj ib qho ntawm cov kev xav no es pab tau tib neeg kom muaj xav qhov zoo txog lub neej, qhov muaj tib neeg, thiab txhua qhov xwm txheej uas lawv ntsib nyob rau hauv lub neej li? Tsis muaj ib yam zoo li lod? (Tsis muaj li.) Tej no puav leej yog tej kev xav uas phem nkaus xwb. Yog li ntawd no cov kev xav twg thiaj li zoo me ntsis? Ua li hais txog qhov kev xav tau thiab kev ntshaw ne? (Ob yam no yog nyob rau ntawm nruab nrab lawm.) Yog mas, ob yam no nyob rau ntawm nruab nrab lawm. Dab ntsi ntxiv thiab? Kev xav tau, kev ntshaw thiab kev saib kom muaj nqis. Peb qhov kev xav uas peb tham txog no yog hais txog dab tsi? Tej no yog tej uas pheej muab zais tob tob rau hauv tib neeg lub siab thiab tus ntsujplig; tej no yeej tswj tau tib neeg lub siab thiab tej kev xav hauv lub hlwb thiab yeej cuam tshuam tau rau tib neeg tej kev xav hauv siab thiab rau lawv tej kev xam pom thiab tus yam ntxwv coj rau txoj kev ua ub ua no. Yog li ntawd, txawm muaj tej kev xav no nyob rau hauv tib neeg lub neej tiag tiag, los sis nyob rau hauv lawv txoj kev ntseeg Vajtswv thiab qhov caum qhov tseeb los xij li, tej kev xav no yeej yuav cuam tshuam los sis hloov tib neeg lub neej txhua hnub thiab cuam tshuam lawv tus cwj pwm coj rau lawv tej dej num tsis ntau los yeej tsawg. Tseeb tiag, tej kev xav no kuj yuav cuam tshuam rau tib neeg txoj kev txiav txim thiab tog uas lawv tuaj ntawd rau thaum caum qhov tseeb, thiab tshwj xeeb mas, tej kev xav hauv siab uas tsis ua dab tsi thiab phem no yeej yuav cuam tshuam rau tib neeg loj heev li. Thaum tib neeg nco tau zoo es pib los paub txog lawv tus kheej tej kev xav uas txawv txawv no lawm, los sis pib los muaj ib qho kev ras uas paub txog tej xwm txheej thiab ntau yam, cheeb tsam ib puag ncig, thiab lwm tus tib neeg lawm, ces lawv ntau txoj kev xav thiaj li yuav maj mam zoo tuaj. Thaum tej kev xav no zoo tuaj lawm, thiab thaum tib neeg laus zus thiab paub ntau txog tej xwm txheej hauv ntiaj teb lawm, ces tej kev xav no mam li maj mam ruaj khov nyob rau hauv lawv, nyob tob tob hauv lawv nruab siab, tej kev xav no yuav dhau los ua qhov tswj lawv txhua tus txoj kev ua neej lawm. Ces lawv thiaj li maj mam tig lawv txhua tus tus cwj pwm, lawv txoj kev zoo siab, kev chim siab, kev tu siab thiab kev xyiv fab, lawv tej kev nyiam, nrog rau lawv txoj kev caum lub hom phiaj thiab txoj xub ke hauv lub neej, thiab ntau yam ntxiv lawm. Vim li ntawd es tej kev xav no thiaj li tseem ceeb rau txhua leej txhua tus tib neeg. Vim li cas kuv thiaj li hais li no? Vim hais tias thaum tib neeg pib muaj ib qho kev ras txog ib cheeb tsam puag ncig lawv lawm, ces tej kev xav no maj mam hloov lawv txoj kev zoo siab, kev chim siab, kev tu siab thiab kev xyiv fab, tej kev xav no hloov lawv txoj kev txiav txim thiab tib neeg txoj kev txawj, tej xwm txheej, thiab txhua yam, thiab tej kev xav no hloov lawv tus cwj pwm. Tseeb tiag, tej kev xav no yuav hloov tib neeg tej cwj pwm thiab tej kev xam pom thaum hais txog qhov seb lawv ntsib thiab saib tib neeg, tej xwm txheej, thiab txhua yam uas nyob ib puag ncig lawv ntawd zoo li cas. Haj yam tseem ceeb tshaj thiab, tej kev xav uas phem no hloov tej kev thiab tej hauv paus ntsiab lus uas tswj qhov tib neeg nplig lawv tus kheej, nrog rau cov hom phiaj uas lawv caum thiab lub hauv paus rau tib neeg tus cwj pwm. Tej zaum nej yuav xav tias qhov kuv tau hais lawm no mas tsis yooj yim to taub, tias tej zaum nws yuav nyuaj heev. Kuv mam muab ib qhov piv txwv rau nej ces tom qab ntawd tej zaum nej yuav to taub txhua yam zoo me ntsis. Piv txiv li, muaj ib txhia tib neeg uas, thaum tseem yog me nyuam yaus, saib kuj zoo li sawv daws, tab sis hais lus tsis meej, thiab tsis ntshe li, ua rau lwm tus uas nyob hauv lawv tsev neeg thiab cov uas nyob sab nraud tsis nyiam lawv kiag li es hais tias: “Tus me nyuam no ruam, qeeb qeeb, thiab yog ib tug neeg hais lus tsis yog. Saib rau lwm tus tib neeg tej me nyuam mas hais lus tau zoo heev es lawv muab lawv tus ntiv tes mus nqe tau tib neeg. Hos tus me nyuam no mas tsuas moov moov qhov ncauj tas hnub xav. Nws tsis paub xyov yuav hais dab tsi thaum ntsib tib neeg li, tsis paub xyov yuav piav los sis yuav kho nws tus kheje li cas li tom qab ua tej yam tsis yog lawm, thiab ua tsis tau kom tib neeg lom zem li. Tus me nyuam no yog ib tug neeg ruam.” Nws niam nws txiv los hais li no, tej txheeb ze thiab tej phooj ywg los hais li no, thiab lawv cov xib fwb qhia ntawv los kuj hais li no thiab. Qhov xwm txheej no ntxiv ib qho kev nyuaj siab uas qhov muag tsis pom rau cov tib neeg zoo li no. Ces vim qhov raug tej xwm txheej zoo li no, cov tib neeg ntawd thiaj li muaj qee hom cwj pwm uas tsis paub txog lawm. Hom cwj pwm no yog dab tsi? Lawv xav hais tias lawv tsis zoo nkauj zoo nraug, tsis ntxim nyiam kiag li, thiab tias thaum lwm tus pom lawv mas lawv tsis zoo siab kiag li. Lawv ntseeg tias lawv kawm ntawv tsis tau zoo, qeeb qeeb, thiab yeej txaj muag rua lawv lub qhov ncauj los hais lus rau lwm tus tas li. Thaum tib neeg muab tej yam rau lawv mas lawv txaj muag hais tias ua koj tsaug, thiaj li xav rau lawv tus kheej hais tias, “Vim li cas es kuv tus nplaig raug khi tas li xwb? Vim li cas lwm tus tib neeg hos yog cov neeg hais tau lus npliag lias? Kuv ruam dhau lawm!” Ces thaum kawg, lawv thiaj li xav tias lawv mas tsis muaj nqis li, tab sis tseem tsis kam lees paub txog qhov tsis muaj nqis, qhov uas ruam ntawd li thiab. Nyob hauv lawv lub siab mas lawv pheej nug lawv tus kheej tias, “Kuv ruam npaum li ntawd tiag tiag ntag? Kuv tsis zoo npaum li ntawd tiag tiag ntag?” Lawv niam lawv txiv los yeej tsis nyiam lawv li thiab, thiab lawv cov kwv cov tij thiab cov nkauj cov muam, lawv cov xib fwb qhia ntawv los sis cov neeg kawm ntawd nrog lawv los ib yam nkaus. Thiab muaj qee lub caij lawv tsev neeg, lawv tej txheej ze thiab tej phooj ywg hais txog lawv li no tias, “Nws qig taub, nws ob lub qhov muag thiab lub qhov ntswg me me, thiab qhov zoo li ntawd mas, thaum nws loj tuaj nws yeej yuav tsis vam meej li.” Yog li ntawd, thaum lawv saib hauv daim iav, lawv txawm pom tias lawv ob lub qhov muag yeej me tiag. Nyob rau qhov xwm txheej no, qhov tsis kam lees, qhov tsis zoo siab, qhov tsis txaus siab, thiab qhov tsis lees txais uas nyob tob tob puag hauv lawv nruab siab ntawd thiaj li maj mam tig los lees txais thiab lees paub txog qhov lawv tus kheej tsis zoo, tsis muaj txaus, thiab tej teeb meem lawm. Txawm tias lawv tuaj yeem lees txais qhov muaj tiag no los, yeej muaj ib qho kev xav uas tsis lees nyob tob tob puag hauv lawv nruab siab thiab. Qhov kev xav no hu li cas? Qhov ntawd yog hu ua tsis zoo li luag lwm tus. Cov tib neeg uas xav tias tsis zoo cuag lwm tus ntawd tsis paub tias lawv qhov zoo yog dab tsi. Lawv tsuas xav tias lawv mas tsis ntxim nyiam, pheej xav tias ruam, thiab tsis paub ua ub ua no li. Muab hais luv luv ces, lawv xav tias lawv mas tsis paub ua ib yam dab tsi li, tsis zoo nkauj zoo nraug, tsis ntse, thiab teb qeeb qeeb. Yog muab piv rau lwm tus mas lawv tsis zoo thiab kawm ntawv tsis tau zoo li. Tom qab loj hlob nyob rau ib qho chaw zoo li ntawd, qhov kev xav tias tsis zoo li luag lwm tus ntawd thiaj li maj mam tswj tau lawv lawm. Qhov kev xav no thiaj li tig mus ua ib hom kev xav uas los muab koj lub siab khi thiab muaj npuv nkaus rau hauv koj lub siab lawm. Tsis hais txog qhov txawm koj twb loj hlob lawm, tau mus rau hauv lub ntiaj teb lawm, twb yuav txij nkawm thiab tsim tsa muaj kev khwv noj khwv haus lawm los xij, thiab tsis hais txog koj lub meej mom li, txoj kev xav tias tsis zoo li luag lwm tus ntawd twb cog tuaj rau hauv koj qhov chaw loj hlob es tsis muaj hnub muab tshem tau tawm mus lawm. Tab txawm tom qab koj twb pib ntseeg Vajtswv thiab koom pawg ntseeg lawm los xij li, koj tseem xav tias koj zoo pes nrab xwb, tsis muaj lub peev xwm zoo, hais lus tsis meej, thiab ua tsis tau ib yam dab tsi li. Koj xav tias, “Kuv tsuas ua yam kuv ua tau xwb. Kuv tsis tas cia siab los ua thawj coj li, kuv tsis tas caum qhov tseeb li, kuv tsuas txaus siab rau qhov ua ib tug uas tsis tseem ceeb li xwb, es cia lwm tus saib kuv zoo li cas los nyob ntawm lawv siab nyiam.” Thaum cov tawm tsam Khetos thiab cov thawj coj cuav tshwm los, ces koj tsis muaj peev xwm qhia los sis muab lawv nthuav tawm li, tias koj ua tsis tau li ntawd. Koj thiaj li xav tias tsuav koj tus kheej tsis yog ib tug thawj coj cuav los sis ib tug tawm tsam Khetos xwb ces qhov ntawd yeej txaus lawm, tias tsuav koj tsis tsim kev tab kaum thiab kev cuam tshuam xwb ces qhov ntawd yeej tsis ua li cas, thiab tias qhov ntawd yeej txaus lawm tsuav yog koj tuaj yeem sawv nyob rau koj tus kheej qhov chaw xwb. Nyob tob tob puag hauv koj lub siab mas, koj xav tias koj tsis zoo txaus thiab tsis zoo npaum li lwm tus tib neeg, tias lwm tus mas tej zaum yeej yog tej uas tau txoj kev cawm dim, thiab tias koj, qhov zoo tshaj plaws, ces yog ib niag neeg ua Vajtswv tes dej num xwb, yog li ntawd ces koj thiaj li xav tias koj tsis tsim nyog rau txoj hauj uas caum qhov tseeb. Tsis xav txog qhov koj muaj peev xwm tuav tau qhov tseeb npaum li cas li, ces koj thiaj li tseem xav tias, pom tias Vajtswv tau npaj koj los muaj hom peev xwm uas koj muaj thiab los zoo li qhov koj zoo ntawd, ces tej zaum Nws yeej tau npaj koj los ua ib tug neeg ua Vajtswv tes dej num xwb, thiab tias koj tsis muaj feem cuam tshuam rau qhov caum qhov tseeb, los ua ib tug thawj coj, los ua ib tug tuav lub luag hauj lwm, los sis kom dim li; tab sis, koj txaus siab hlo los ua tus tib neeg uas tsis tseem ceeb tshaj plaws. Txoj kev xav tias tsis zoo li luag lwm tus ntawd tej zaum tsis yog yug muaj nyob rau hauv koj, tab sis nyob rau lwm qib lawm, vim koj tsev neeg qhov xwm txheej thiab qhov chaw uas koj loj hlob ntawd, koj poob los rau qhov pes nrab los sis muaj txoj kev txiav txim tsis zoo, ces qhov no thiaj li ua rau muaj qhov kev xav hauv siab tias tsis zoo li luag lwm tus ntawd tshwm nyob rau hauv koj. Txoj kev xav no cuam tshuam rau txoj xub ke uas yog ntawm koj txoj kev caum, hloov txoj kev txhawb uas yog rau koj txoj kev caum, thiab nws kuj txwv koj txoj kev caum uas yog lawm thiab. Thaum koj txoj kev caum uas yog thiab txoj kev txiav txim siab uas yog uas tsim nyog koj muaj rau hauv koj txoj kev ua neej ntawd raug lawm, ces koj txoj kev txhawb siab kom caum txhua yam zoo thiab kom caum qhov tseeb ntawd thiaj li daig lawm. Txoj kev daig no tsis yog tshwm sim los ntawm koj cheeb tsam ib puag ncig los sis los ntawm ib tug neeg twg li, thiab tseeb tiag Vajtswv tsis tau txiav txim siab tias koj tsim nyog raug qhov ntawd, tab sis nws tshwm sim los ntawm ib txoj kev xav phem heev uas nyob tob tob puag hauv koj lub siab. Tsis yog li no lod? (Yog mas.)

Nyob rau sab nraum daim tawv mas, qhov tsis zoo li luag lwm tus ntawd yog ib txoj kev xav uas tshwm nyob rau hauv tib neeg; tab sis qhov tseeb tiag, qhov ua rau muaj qhov no ces yog lub zej lub zog, yog tib neeg ntiaj teb, thiab yog qhov chaw uas tib neeg nyob. Kuj muaj txoj kev xav no vim tib neeg tus kheej tej hom phiaj thiab xwb. Yeej hais tau tias lub zej zog thiab tib neeg ntiaj teb yog los ntawm Ntxwgnyoog los, vim txhua tus tib neeg ntiaj teb yog nyob rau hauv tus phem qab hwj chim, uas raug Ntxwgnyoog muab uas qias vuab tshuab heev lawm, thiab tsis muaj leej twg qhia tau tiam tom ntej kom raws li qhov tseeb los sis raws li Vajtswv tej kev qhuab qhia lawm, tab sis tsuas qhia tau raws li tej uas los ntawm Ntxwgnyoog los lawm xwb. Yog li ntawd, qhov uas tau los ntawm txoj kev qhuab qhia txog Ntxwgnyoog tej rau tiam tom ntej thiab rau tib neeg ntiaj teb ces yog, dhau ntawm qhov ua rau tib neeg tus moj yam thiab lub ntsiab tseeb kom qias vuab tsuab lawm, qhov tias nws ua rau muaj tej kev xav uas phem nyob rau hauv tib neeg. Yog tias tej kev xav uas phem no tsuas yog muaj nyob ib ntus xwb, ces tej kev xav uas phem no yuav tsis cuam tshuam loj rau ib tug tib neeg lub neej. Txawm li cas los xij, yog ib txoj kev xav uas phem tuaj cag tob tob rau hauv ib tug tib neeg nruab siab thiab tus ntsujplig lawm thiab nyob rau hauv ruaj khov lawm, es yog yeej tsis muaj peev xwm hno qab txog los sis muab tshem tawm tsis tau li, ces nws yeej yuav cuam tshuam tus tib neeg ntawd txhua txhua txoj kev txiav txim siab, txhua txoj kev ntawm qhov uas lawv ntsib nrog tib neeg, tej xwm txheej, thiab txhua yam, yam uas lawv xaiv thaum ntsib tej teeb meem loj ntawm lub hauv paus ntsiab lus, thiab txoj kev uas lawv yuav taug nyob rau hauv lawv lub neej—qhov no yog qhov cuam tshuam uas tib neeg lub zej zog muaj rau txhua tus tib neeg tiag tiag. Lwm kis ces yog tib neeg tus kheej tej hom phiaj xwb. Qhov ntawd ces yog, tej kev kawm thiab tej kev qhuab qhia uas tib neeg tau txais thaum lawv loj hlob tuaj, txhua txoj kev xav hauv lub hlwb thiab tej tswv yim nrog rau txoj kev los nplij lawv tus kheej uas lawv lees txais, nrog rau ntau yam uas tib neeg hais uas yog los ntawm Ntxwgnyoog los, mus txog ntua rau theem uas tib neeg tsis muaj peev xwm tswj tau thiab ua tau kom tej teeb meem lawv ntsib ntawd ploj mus kom tag vim txoj kev xam pom thiab muaj lub ntsiab uas yog. Yog li ntawd, vim qhov xwm txheej nyuaj uas tsis paub txog no hloov, thiab raug qhov xwm txheej no caij tsuj thiab tshwj lawm, es tib neeg thiaj li ua tsis tau dab tsi li tab sis muaj tej kev xav uas phem thiab siv tej kev xav uas phem no los tawm tsam tej teeb meem uas lawv tsis muaj peev xwm daws, hloov, los sis ua kom ploj mus kom tag. Cia peb muab txoj kev xav hauv siab uas hais txog qhov tsis zoo li luag lwm tus ntawd coj los ua ib qho piv txwv. Koj niam koj txiv, tej xib fwb qhia ntawv, koj cov txwj laug, thiab lwm cov uas nyob ib puag ncig koj ntawd sawv daws puav leej muaj ib qho kev ntsuam xyuas uas tsis tseeb txog koj lub peev xwm, txoj kev ua neej, thiab tus cwj pwm, thiab thaum kawg qhov no tsuas yog tawm tsam koj, tsim txom koj, ua kom koj ua tsis taus pa, txwv koj, thiab khi koj xwb. Thaum kawg, thaum koj tsis muaj zoo tawm tsam mus ntxiv lawm, ces koj tsis muaj kev xaiv lawm ces thiaj li xaiv ib lub neej uas lees txais tej kev tsim txom thiab txaj muaj no yam ntsiag to, cia lilees txais ntsiag to uas yog tawm tsam koj txoj kev txiav txim uas zoo dua lawm, qhov no yog qhov muaj tiag uas tsis ncaj nrab thiab tsis ncaj ncees lawm. Thaum koj lees txais qhov muaj tiag no lawm, ces tej kev xav uas thaum kawg muaj nyob rau hauv koj ntawd mas yog qhov tsis zoo siab, tsis txaus siab, yog tej uas tsis zoo thiab tsis nce qib li; koj thiaj li tsis ua lub neej muaj kev txhawb siab thiab muaj xub ke ntxiv lawm, koj haj yam tsis caum tej hom phiaj uas yog thiab raug rau lub neej lawm, tab sis muaj ib txoj kev xav tob tob hauv nruab siab uas yog qhov tsis zoo li luag lwm tus nyob rau hauv koj lawm. Thaum muaj txoj kev xav no rau hauv koj lawm, ces koj xav tias koj tsis muaj chaw tig lawm. Thaum koj ntsib ib qho teeb meem uas cheem tsum kom koj xav, ces koj yuav ua tib zoo xav txog yam uas koj xav hais thiab txoj kev xam pom uas koj xav muab los hais nyob rau hauv nruab siab ntau zaus, tab sis koj tus kheej tseem hais tsis tau kom nrov nrov thiab. Thaum ib tug twg hais tib qho kev xam pom uas koj muaj ntawd, mas koj ho cia kom koj tus kheej muaj ib qho kev ruaj siab nyob rau hauv koj lub siab, uas yog qhov kev ruaj siab tias koj tsis phem tshaj li lwm tus. Tab sis thaum muaj qhov xwm txheej zoo ib yam li ntawd tshwm sim dua, los koj tseem hais rau koj tus kheej tias, “Kuv hais tsis tau li ib txwm hais, ua tsis tau ib yam dab tsi kom ceev, los sis ua kom kuv tus kheej txaus luag li. Kuv mas tsis zoo li, kuv ruam, kuv tsis ntse, kuv yog ib tug neeg ruam. Kuv yuav tsum tau kawm kom paub nyob twj ywm es tshuas mloog xwb, txhob hais lus li.” Vim li no es peb thiaj li pom tias, txij thaum muaj txoj kev xav hauv siab txog qhov tsis zoo li luag lwm tus tawm tuaj rau thaum txoj kev xav no twb cog tob tob rau hauv ib tug tib neeg nruab siab lawm, thaum ntawd lawv tseem muaj lawv txoj kev xav ywj siab thiab txoj cai uas raug cai uas Vajtswv muab rau lawv thiab lod? (Tsis muaj lawm.) Lawv twb tsis muaj tej no lawm. Leej twg kiag tsis muaj tej no? Koj yeej hais tsis tau kom tseeb tseeb, puas yog? Tsis muaj nej leej twg hais tau kom tseeb tseeb li. Qhov no yog vim thoob plaws qhov txheej txheem no, koj tsis yog tus raug xwb tab sis kuj yog tus ua thiab—koj yog tus uas lwm tus tib neeg ua rau, thiab koj kuj yog tus uas koj tus kheej ua rau thiab. Vim li cas thiaj li muaj li ntawd? Kuv nyuam qhuav hais tam sim no hais tias ib qho uas muaj qhov tsis zoo li luag lwm tus rau hauv koj ntawd yog los ntawm koj tus kheej tej hom phiaj los. Vim koj pib muaj txoj kev paub txog koj tus kheej lawm, ces koj lub hauv paus txiav txim rau tej xwm txheej thiab rau txhua yam ntawd thiaj li muaj lub hauv paus nyob rau hauv Ntxwgnyoog txoj kev qias vuab tsuab, thiab lub zej zog thiab tib neeg ntiaj teb twb muab tej kev xam pom li no cog rau hauv koj lawm uas tsis yog Vajtswv qhia. Yog li ntawd, tsis hais txog qhov tias thaum twg los sis nyob rau lub ntsiab twg es koj muaj tej kev xav hauv siab txog qhov tsis zoo li luag lwm tus, thiab tsis hais txog qhov seb koj muaj tej kev xav hauv siab txog qhov tsis zoo li luag lwm tus ntawd mus txog rau theem twg lawm, koj yeej raug tej kev xav hauv siab no khi thiab tswj yam tsis muaj kev pab li, thiab koj siv tej kev uas Ntxwgnyoog muab cog rau hauv koj lawm no los daws tib neeg, tej xwm txheej thiab thxua yam uas nyob ib puag ncig koj. Thaum muab tej kev xav hauv siab txog qhov tsis zoo li luag lwm tus ntawd cog tob tob rau hauv koj nruab siab lawm, ces tej kev xav no tsis yog cuam tshuam koj nkaus xwb, tej kev xav no kuj tswj koj tej kev xam pom txog tib neeg thiab txhua yam, thiab koj tus cwj pwm thiab tej kev ua tib si thiab. Yog li ntawd, cov tib neeg uas raug tej kev xav hauv siab txog qhov tsis zoo li luag lwm tus ntawd tswj ho to taub tib neeg thiab txhua yam tau li cas? Lawv xav tias lwm cov tib neeg mas zoo tshaj lawv, thiab lawv kuj xam pom tias cov tawm tsam Khetos los zoo dua lawv lawm thiab. Txawm tias cov tawm tsam Khetos muaj tej moj yam phem thiab tsis muaj kev ua neej zoo los, lawv tseem saib cov tawm tsam Khetos ntawd li yog cov tib neeg uas tsim nyog xyaum raws thiab cov qauv uas yuav tau kawm raws. Lawv haj tseem hais rau lawv tus kheej tias, “Saib seb, txawm tias cov tawm tsam Khetos ntawd muaj ib tug moj yam phem thiab muaj kev ua neej phem los, lawv muaj peev xwm thiab muaj peev xwm ua hauj lwm dua kuv. Lawv qhia tau lawv tej peev xwm tawm rau ntawm lwm tus lub xub ntiag thiab hais lus rau ntawm coob coob tus tib neeg lub xub ntiag yam tsis txaj muag los sis muaj lub siab tawv qhawv. Lawv muaj peev xwm tiag tiag. Kuv piv tsis tau lawv li. Kuv tsis tawv txaus.” Dab tsi ua rau muaj qhov no tshwm sim tuaj? Yeej muab hais tau hais tias ib feem ntawm qhov ntawd ces yog koj tej kev xav hauv siab txog qhov tsis zoo li luag lwm tus ntawd tau cuam tshuam koj txoj kev txiav txim rau tib neeg lub ntsiab seeb lawm, nrog rau koj txoj kev xam pom thiab txoj kev xav thaum hais txog txoj kev xam pom txog lwm tus tib neeg. Tsis yog li no lod? (Yog kawg.) Yog li ntawd tej kev xav hauv siab txog qhov tsis zoo li luag lwm tus ntawd ho cuam tshuam qhov koj nplij koj tus kheej li cas? Koj hais rau koj tus kheej tias, “Kuv yeej yug los ruam, tsis muaj peev xwm los sis tsis tawv, thiab kuv yeej kawm txhua yam qeeb qeeb. Saib tus tib neeg ntawd seb: Txawm tej zaum lawv ua rau muaj kev tab kaum thiab kev cuam tshuam, thiab lam tau lam ua los, yam tsawg kawg lawv yeej muaj peev xwm thiab khov. Txawm koj mus qhov twg los xij, lawv yeej yog hom tib neeg uas tib neeg xav siv, hos kuv tsis yog.” Thaum twg muaj ib yam dab tsi tshwm sim mas, thawj yam uas koj ua ces yog txiav txim rau koj tus kheej thiab tsis qhib siab li. Txawm qhov teeb meem yuav yog dab tsi los xij li, koj thim rov qab thiab tsis mob siab, thiab koj ntshai tsis kam ris lub luag hauj lwm. Koj thiaj li hais rau koj tus kheej tias, “Kuv yeej yug los ruam. Txawm kuv yuav mus qhov twg los xij li, yeej tsis muaj leej twg nyiam kuv li. Kuv tsis tawv, kuv yuav tsum tsis txhob khav txog kuv tej niag peev xwm uas me me ntawd. Yog muaj ib tug twg qhuas kuv, ces qhov ntawd ua pov thawj qhia tias kuv zoo thiab. Tab sis yog tsis muaj ib tug twg qhuas kuv li, ces qhov ntawd yuav tsis ua rau kuv muaj peev xwm los hais tias kuv yeej ua tau hauj lwm thiab ua tau hauj lwm zoo. Yog kuv tsis ruaj siab txog txoj hauj lwm ntawd, ces kuv yeej hais tsis tau tias kuv ruaj siab—yog tias kuv ua txoj hauj lwm ntawd puas ne, thaum ntawd kuv yuav ua li cas? Yog tias kuv raug qhuab ntuas ne? Kuv yuav txaj muag heev li! Qhov ntawd tsis txaj muag li lod? Kuv cia tsis tau kom qhov ntawd tshwm sim rau kuv.” Sim saib seb—qhov ntawd tsis tau cuam tshaum koj tus cwj pwm lod? Koj tej kev xav hauv siab txog qhov tsis zoo li luag lwm tus ntawd twb hloov thiab tswj koj tus cwj pwm ntawm qhov koj nplig koj tus kheej li cas ntawd mus txog ib theem lawm. Qhov ntawd muab hu tau ua ib qho tshwm sim uas tau los ntawm koj tej kev xav txog qhov tsis zoo li luag lwm tus mus txog ib theem lawm.

Nyob rau hauv qhov hloov ntawm txoj kev xav hauv siab txog qhov tsis zoo li luag lwm tus ntawd, nws cuam tshuam koj li cas thaum hais txog ntau hom tib neeg, txawm lawv yog cov tib neeg uas muaj kev ua neej, muaj kev ua neej zoo me ntsis, los sis tsis muaj kev ua neej los sis muaj kev ua neej phem? Tsis muaj ib qho ntawm koj tej kev xam pom txog tib neeg ntawd es yog mus raws li qhov tseeb los sis mus raws li Vajtswv cov lus li, tej kev xam pom ntawd mas haj yam tsis mus raws li Vajtswv tej kev cheem tsum li thiab. Nyob rau tib lub sij hawm no, nyob rau hauv qhov hloov ntawm txoj kev xav hauv siab txog qhov tsis zoo li luag lwm tus ntawd, koj xaiv los ua tib zoo coj koj tus kheej, ceev faj thiab ntshai kawg, thiab feem ntau mas koj nyob twj ywm thiab nyuaj siab heev. Koj tsis muaj qhov kev txiav txim siab uas sawv tsees mus los sis tsis muaj kev txhawb siab li, thiab thaum koj muaj qee qhov kev npaj siab uas zoo thiab kub siab es xav ua me ntsis hauj lwm mas, koj txawm xav hais tias, “Qhov no tsis yog kuv khav theeb lod? Tsis yog kuv muab kuv tus kheej thawb mus lawm tom ntej lod? Kuv tsis yog khav kuv tus kheej lod? Tsis yog kuv muaj plhus lod? Qhov no tsis yog qhov kuv ntshaw lub meej mom lod?” Koj qhia tsis tau tias tus yeeb yam ntawm qhov koj tus kheej ua ntawd yog dab tsi kiag. Tej kev tim tsum, kev muaj siab, kev txiav txim siab thiab tej kev ntshaw txog txoj kev ua neej, nrog rau qhov uas koj siv zog ua kom tau, uas yog qhov tsim nyog thiab qhov uas koj yuav tsum tau ua ntawd, koj yuav muab tej no tig ntau zaus thiab ua tib zoo xav txog tej no ntau zaus rau hauv koj lub siab. Thaum koj pw tsis tsaug zog rau yav hmo ntuj lawm, ces koj yuav ua tib zoo saib tag los ua tib zoo saib dua thiab hais tias, “Kuv puas tsim nyog ua tes hauj lwm ntawd? Au, tab sis kuv tsis zoo txaus nas, kuv tsis muaj cuab kav ua tes hauj lwm ntawd. Kuv ruam heev li. Kuv tsis muaj tej kev txawj uas tib neeg muaj, los sis tsis muaj peev xwm li!” Thaum koj noj, koj xav hais tias, “Lawv noj peb pluag tuaj ib hnub thiab ua lawv tes dej num tau zoo, thiab lawv lub neej muaj nqis. Kuv noj peb pluag tuaj ib hnub thiab tab sis ua kuv tes dej num tsis tau zoo, thiab kuv lub neej tsis muaj nqis kiag li. Kuv tshuav Vajtswv nqi, thiab tshuav kuv cov kwv tij thiab cov muam nqi! Kuv tsis tsim nyog thiab yuav tsum txhob noj ib phaj mov li.” Thaum ib tug twg tais caus dhau lawm, ces lawv tsis muaj nqis li lawm, thiab lawv tsis muaj peev xwm ua tau ib yam dab tsi li lawm. Txawm yuav muaj dab tsi tshwm sim rau lawv los, thaum cov tib neeg tais caus ntsib tej kev nyuaj, lawv thim rov qab lawm xwb. Vim li cas lawv ho ua li no? Ib qho laj thawj ces yog qhov tias qhov no yog lawv txoj kev xav hauv siab txog qhov tsis zoo li luag lwm tus. Vim lawv xav tias lawv qis qis, lawv tsis muaj cuab kav mus rau ntawm tib neeg, lawv haj tseem tsis kam ua tej uas yuav tsum tau ua thiab tej luag hauj lwm uas lawv yuav tsum ua thiab, thiab lawv tsis kam ua tej uas yeej muaj peev xwm ua kom tau nyob rau hauv lawv tus kheej txoj kev txawj thiab lub peev xwm, thiab nyob rau hauv txoj kev paub txog lawv tus kheej txoj kev ua neej. Txoj kev xav hauv siab txog qhov tsis zoo li luag lwm tus no cuam tshuam txhua kis ntawm lawv txoj kev ua neej, nws cuam tshuam lawv tus cwj pwm thiab, tseeb tiag, nws kuj cuam tshuam lawv tus yam ntxwv thiab. Thaum nyob ib puag ncig lwm cov tib neeg mas, lawv tsis tshua nthuav lawv tus kheej tej kev xam pom tawm li, thiab koj yeej tsis hnov lawv hais txog lawv tus kheej txoj kev xav los sis lub tswv yim kom meej li thiab. Thaum lawv ntsib ib qho teeb meem mas, lawv tsis muaj cuab kav hais li, tab sis pheej tig thiab thim rov qab. Thaum muaj ob peb tug tib neeg xwb mas, lawv tawv txaus mus zaum nrog cov tib neeg ntawd, tab sis thaum muaj tib neeg coob coob mas, lawv nrhiav ib ceg kaum tsev es mus rau ntawm qhov teeb tsaus tsaus xwb, tsis muaj cuab kav los nrog lwm cov tib neeg li. Thaum twg lawv xav tias lawv xav hais qee yam zoo thiab kub siab thiab xav nthuav lawv tus kheej tej kev xam pom thiab tej tswv yim tawm los qhia tias yam uas lawv xav ntawd yog thiab, los haj tseem tsis muaj cuab kav ua tau li ntawd li thiab. Thaum twg lawv muaj tej tswv yim zoo li ntawd mas, lawv txoj kev xav hauv siab txog qhov tsis zoo li luag lwm tus ntawd tawm tuaj tag nrho, ces txoj kev xav hauv siab ntawd tswj lawv, ua kom lawv ua tsis taus pa, es qhia lawv hais tias, “Txhob hais ib yam dab tsi li, koj tsis zoo. Txhob nthuav koj tej kev xam pom tawm, cia li khaws koj tej tswv yim rau koj tus kheej xwb. Yog muaj ib yam dab tsi hauv koj lub siab es koj xav muab hais tiag tiag li, ces muab sau cia rau hauv koos piv tawj es koj tus kheej mam li xav txog yam ntawd xwb. Koj yuav tsum tsis txhob cia ib tug twg paub txog yam ntawd li. Yog tias koj hais qee yam yuam kev ne? Qhov ntawd mas yuav txaj muag heev li!” Lub suab no pheej hais kom koj txhob ua qhov no, txhob ua qhov tod, txhob hais li no, txhob hais li tod, ua kom koj tuav txhua lo lus uas koj xav hais ntawd twj ywm cia xwb. Thaum muaj qee yam uas koj xav hais es koj tig mus mloog koj lub siab ntev ntev lawm, ces ua rau koj thim rov qab thiab tsis muaj cuab kav hais li, los sis tsis li ntawd mas koj txaj muag hais heev li, ntseeg tias yuav tsum txhob hais qhov ntawd, thiab yog koj hais ces koj xav tias cuag li koj twb ua txhaum qee qhov cai los sis txhaum txoj kev cai lawm ntag. Thiab muaj ib hnub es koj kub siab lug nthuav koj tus kheej txoj kev xam pom tawm, mas nyob tob tob puag hauv nruab siab koj nyuaj siab thiab siab tsis kaj siab yam tsis muaj dab tsi piv tau li. Tab txawm tias txoj kev xav hauv siab txog qhov tsis kaj siab no maj mam yaj mus lawm los xij, koj txoj kev xav hauv siab txog qhov tsis zoo li luag lwm tus ntawd maj mam muab tej tswv yim, tej kev npaj siab thiab tej kev npaj uas koj muaj es xav hais lus, xav nthuav koj tus kheej tej kev xam pom, xav ua ib tug tib neeg zoo li sawv daws, thiab xav kom zoo ib yam li txhua tus ntawd tua lawm. Cov uas tsis to taub koj ntseeg tias koj yog ib tug tib neeg uas lus tsawg tsawg, nyob twj ywm, muaj tus yam ntxwv txaj muag, yog ib tug uas tsis nyiam kom nrov tshaj lwm tus. Thaum koj hais lus rau ntawm lwm cov tib neeg coob coob, koj txaj muag thiab koj lub ntsej muag mas liab ploog xwb; koj xav rau koj tus kheej xwb, thiab qhov tseeb tiag, tsuas yog koj xwb thiaj li paub tias koj xav tias koj tsis zoo li luag lwm tus. Koj lub siab muaj txoj kev xav hauv siab txog qhov tsis zoo li luag lwm tus thiab twb muaj txoj kev xav hauv siab no los tau ntev lawm, tsis yog ib txoj kev xav hauv siab uas nyob ib ntus xwb. Tab sis, nws tswj koj tej kev xav hauv lub hlwb uas nyob hauv koj lub siab ruaj heev li, nws muab koj ob daim di ncauj kaw ruaj heev li, ces yog li ntawd txawm koj to taub txhua yam zoo npaum li cas, los sis txawm koj muaj tej kev xam pom thiab tej tswv yim zoo li cas rau tib neeg, rau tej xwm txheej thiab rau txhua yam los xij li, koj tsuas muaj cuab kav xav txog thiab tig txhua yam mus rau koj tus kheej lub siab xwb, yeej tsis muaj cuab kav hais lus kom nrov nrov li. Txawm lwm cov tib neeg yuav pom zoo rau yam koj hais, los sis kho koj thiab thuam koj los xij li, koj yeej yuav tsis muaj cuab kav ntsib los sis pom ib yam zoo li ntawd li. Vim li cas thiaj li muaj li no? Qhov ntawd yog vim koj txoj kev xav hauv siab txog qhov tsis zoo li luag lwm tus ntawd nyob rau hauv koj lub siab lawm, es hais rau koj tias, “Txhob ua li ntawd, koj npaj tsis txhij. Koj tsis muaj hom peev xwm ntawd, koj tsis muaj hom uas muaj tiag ntawd, koj tsis tsim nyog ua li ntawd, qhov ntawd tsis yog koj. Tam sim no txhob ua ib yam dab tsi los sis xav txog ib yam dab tsi li. Koj tsuas yuav yog tus koj tiag tiag xwb los ntawm qhov ua lub neej nyob rau hauv qhov tsis zoo li luag lwm tus. Koj tsis tsim nyog caum qhov tseeb los sis qhib koj lub siab es hais yam koj xav hais thiab txuas lus nrog lwm cov ib yam li lwm cov tib neeg ua li. Thiab vim koj tsis zoo, koj tsis zoo npaum li lawv.” Txoj kev xav hauv siab txog qhov tsis zoo li luag lwm tus no coj tib neeg txoj kev xav hauv lawv lub siab lawm; txoj kev xav hauv siab no txwv lawv kom txhob ua tiav yam uas ib tug tig neeg zoo li sawv daws yuav tsum ua kom tiav thiab txhob ua lub neej ntawm txoj kev ua neej uas lawv tsim nyog ua, thiab nws kuj tig tej kev thiab tej ntsiab lus, thiab tej xub ke thiab tej hom phiaj ntawm qhov lawv xav li cas txog tib neeg thiab txhua yam, lawv nplig lawv tus kheej li cas thiab ua li caslawm thiab. Tab txawm yog lawv ntseeg tias lawv yuav tsum ua ib tug tib neeg coj ncaj thiab lawv xyiv fab rau qhov kev ua ib tug tib neeg coj ncaj los xij, lawv yeej tsis muaj cuab kav los nthuav lawv tej kev ntshaw ua ib tug tib neeg coj ncaj tawm nyob rau hauv tej lus los sis tej dej num es kom to taub txog lub neej txoj sia ntawm qhov kev ua ib tug tib neeg coj ncaj li. Vim lawv txoj kev xav hauv siab txog qhov tsis zoo li luag lwm tus ntawd, es lawv thiaj li haj tseem tsis muaj cuab kav los ua ib tug tib neeg coj ncaj li thiab—lawv tsis muaj cuab kav kiag li. Thaum lawv hais qee yam ncaj ncees mas, lawv maj nroos saib rau ntawm cov tib neeg uas nyob ib puag ncig lawv, thiab xav hais tias, “Puas muaj ib tug twg muaj ib lub tswv yim xav txog kuv li? Lawv puas yuav xav hais tias, ‘Puas yog koj tab tom sim los ua ib tug tib neeg coj ncaj? Puas yog koj tsuas xav ua ib tug tib neeg coj ncaj es kom koj thiaj li dim xwb? Qhov no tsis yog txoj kev ntshaw kom tau koob hmoov xwb lod?’ Au tsis yog, kuv tsis muaj cuab kav hais ib yam dab tsi li. Lawv txhua tus puav leej hais tau lus ncaj ncees heev li, tsuas yog kuv xwb thiaj li hais tsis tau. Kuv tsis tsim nyog li lawv tsim nyog, kuv nyob rau sab uas qis tshaj plaws.” Peb pom tau los ntawm tej kev qhia tshwm thiab kev nthuav tawm tshwj xeeb no los hais tias thaum txoj kev xav uas phem no—txoj kev xav hauv siab txog qhov tsis zoo li luag lwm tus—pib cuam tshuam thiab nrhau cag rau hauv tib neeg nruab siab lawm, ces tshwj yog tias lawv caum qhov tseeb lawm xwb mas nws thiaj li tsis nyuaj rau lawv muab rho tawm thiab khiav dim ntawm txoj kev xav hauv siab ntawd txoj kev tswj, thiab lawv thiaj li yuav tsis raug txoj kev xav hauv siab no tswj rau hauv txhua yam uas lawv ua lawm. Tab txawm muab hais tsis tau tias txoj kev xav hauv siab no yog ib tug moj yam qias vuab tsuab los xij, nws twb ua rau muaj kev cuam tshuam uas phem heev li lawm; nws rhuav lawv txoj kev ua neej loj heev thiab muaj ib qho kev cuam tshuam uas phem heev rau ntau txoj kev xav thiab kev hais lus thiab tej kev ua ntawm lawv txoj kev ua neej lawm, uas muaj tej txim loj heev li. Qhov nws hloov tau me ntsis ntawd yog los cuam tshuam lawv tus yam ntxwv, lawv tej kev nyiam thiab tej kev muaj siab; qhov nws hloov tau loj ntawd yog los cuam tshuam lawv tej hom phiaj thiab txoj xub ke hauv lub neej. Vim qhov ua rau muaj txoj kev xav hauv siab txog qhov tsis zoo li luag lwm tus no, vim qhov txheej txheem ntawm txoj kev xav no thiab vim lub txim uas txoj kev xav no coj los rau ib tug tib neeg, txawm koj saib mus rau kis twg los, qhov no tsis yog qee yam uas tib neeg tsim nyog muab tso tseg mus lod? (Yog.) Ib txhia tib neeg hais tias, “Kuv tsis xav hais tias kuv tsis zoo li luag lwm tus thiab kuv tsis raug ib yam dab tsi tswj li. Tsis muaj leej twg txeev thab kuv los sis saib kuv tsis tseem ceeb, thiab tsis tau muaj ib tug twg txeev ua kom kuv ua tsis taus pa li. Kuv ua neej nyob ywj siab heev, yog li ntawd qhov ntawd tsis txhais hais tias kuv tsis muaj txoj kev xav hauv siab txog qhov tsis zoo li luag lwm tus lod?” Puas yog li ntawd? (Tsis yog, muaj qee zaum peb yeej tseem muaj txoj kev xav hauv siab txog qhov tsis zoo li luag lwm tus ntawd thiab.) Tej zaum koj tseem muaj thiab, tsis hais ntau los sis tsawg li. Tej zaum nws yuav tsis tswj koj lub siab, tab sis qee zaum mas nws yeej tshwm sim tau txhua lub sij hawm thiab. Piv txwv li, koj khiav mus rau qee tus neeg uas koj nyiam, qee tus neeg uas paub tshaj koj, qee tus neeg uas muaj kev txawj tshwj xeeb thiab muaj peev xwm tshaj koj, qee tus neeg uas khav theeb tshaj koj, qee tus neeg uas ris nra hnyav tshaj koj, qee tus neeg uas lim hiam dua koj, qee tus neeg uas siab thiab zoo tshaj koj, qee tus uas muaj meej mom nyob hauv lub zej zog, qee tus neeg uas nplua nuj, qee tus neeg uas muaj kev kawm ntawv thiab muaj lub meej mom siab tshaj koj, qee tus neeg uas laus dua thiab twb ntseeg Vajtswv los tau ntev lawm, qee tus neeg uas paub dua thiab muaj qhov muaj tiag nyob rau hauv lawv txoj kev ntseeg Vajtswv, ces thaum ntawd koj cheem tsis tau koj txoj kev xav hauv siab txog qhov tsis zoo li luag lwm tus kom txhob muaj tshwm tuaj li. Thaum muaj txoj kev xav hauv siab no tshwm tuaj lawm mas, koj “txoj kev ua neej nyob ntawd yaj ntshis mus lawm, mas koj ntshai thiab tsis paub xav li lawm, ces koj cia li xav tias yuav hais koj tej lus li cas, koj txoj kev hais lus cia li tsis npliag li lawm, koj mloog zoo li raug txwv rau hauv koj cov lus thiab tej kev xav lawm, ces koj tus kheej cia li pib ua txuj lawm xwb. Tej no thiab lwm cov kev tshwm sim yeej tshwm sim tau vim muaj koj txoj kev xav hauv siab txog qhov tsis zoo li luag lwm tus ntawd tshwm tuaj. Tseeb tiag, txoj kev xav hauv siab txog qhov tsis zoo li luag lwm tus ntawd tsuas yog ib ntus xwb, thiab thaum muaj txoj kev xav hauv siab no tshwm tuaj, koj tsuas yuav tsum tau saib koj tus kheej kom meej, yuav tsum paub, es thiaj li tsis raug txoj kev xav hauv siab no tswj xwb.

Ntau txoj kev xav uas yuav tsum tau muab tso tseg uas peb tham txog hnub no mas yog tej uas muab cog tob tob rau hauv tib neeg lub siab lawm. Qhov cuam tshuam uas tej no muaj rau koj ntawd mas tsis yog ib ntus xwb, tab sis qhov cuam tshuam ntawd mas loj thiab tob heev. Thaum koj pw tsis tsaug zoo rau thaum ib tag hmo, thaum koj nyob ib leeg, ces tej tib neeg, tej xwm txheej thiab txhua yam uas ua kom muaj tej kev xav ntawd tshwm tuaj rau hauv koj thiab tej uas cog tob tob rau hauv koj lub siab lawm ntawd yuav maj mam tshwm ib qho me ntsis tuaj rau saum koj lub hlwb. Ib lo lus, ib lub suab, ib lo lus foom phem, ib lub suab ntaus, ib qho chaw, ib yam khoom, ib pab tib neeg, los sis ib qho xwm txheej uas pheej tshwm tuaj tas li txij thaum pib mus rau thaum xaus—tag nrho cov tib neeg, tej xwm txheej thiab txhua yam no uas nyob tob tob puag hauv koj lub siab uas ua kom muaj txhua qhov kev xav uas phem tshwm tuaj rau hauv koj ntawd txawj ua yeeb yam rau hauv koj lub siab zoo ib yam li ib zaj yeeb yaj kiab. Nws ua yeeb yam tas li, mus txog ntua rau thaum kawg thiab tos nco xwb koj twb thim rov qab mus rau tej kev xav uas nyob tob tob puag hauv koj lub siab lawm, ces lub sij hawm ntawd nws thiaj li cuam tshuam koj tej kev xav hauv siab, koj txoj kev ua neej, koj tus cwj pwm, thiab lub neej yav tom ntej. Thaum koj nyob ib leeg nkaus lawm xwb, thaum koj tawm tsam tej kev nyuaj siab, thaum koj muaj kev txiav txim siab, thiab thaum koj tag kev cia siab lawm, ces koj cia li khiav mus nkaum thiab zam txhua tus, tig rov qab mus xav txog koj tus kheej qhov teeb meem, qhov xwm txheej, thiab pab tib neeg uas ua rau koj mob siab lawm xwb. Txawm tej tib neeg, tej xwm txheej thiab txhua yam uas tawm tsam koj thiab lawv ua rau mob koj, thiab lawv muab tej kev xav uas phem cog rau hauv koj lawm, thaum koj tag kev cia siab thiab nyuaj siab, thaum koj ua tsis tau, txawm thaum koj raug qhuab ntuas thiab qhuab qhia los sis raug koj cov kwv tij thiab nkauj muam tsis lees paub lawm, ces koj tig rov qab mus rau hauv txoj kev xav hauv siab uas tau hloov koj lub neej lawm, txawm yuav yog kev nyuaj siab, kev ntsim siab, kev chim siab, los sis qhov tsis zoo li luag lwm tus los xij li. Txawm tias tej kev xav no coj txhua yam kev mob siab los rau koj, los sis tej kev xav no ua rau koj tsis kaj siab, los sis tej kev xav no ua rau koj quaj, los sis tej kev xav no ua rau koj xeeb txob los, koj tseem cheem tsis tau koj tus kheej kom txhob tig rov qab mus rau txoj kev xav uas phem uas koj muaj rau lub sij hawm ntawd thiab. Thaum koj tig rov qab mus rau lub sij hawm ntawd, ces txoj kev xav uas phem ntawd rov qab txhawb nws lub zog los hloov koj dua. Thaum txoj kev xav uas phem no cuam tshuam koj, rov qab hais kom koj nco, thiab ceeb toom rau koj tag zog dua, ces nws cuam tshuam koj txoj kev mloog Vajtswv cov lus thiab koj txoj kev to taub txog cov hauv paus ntsiab lus ntawm qhov tseeb lawm. Thaum muaj tej kev xav uas phem no rau hauv koj nruab siab ib zaug dua, thaum tej kev xav uas phem no tswj koj tej kev xav hauv lub hlub lawm, ces koj txoj kev nyiam qhov tseeb yuav tsuag zog lawm, haj tseem yuav muaj qhov tsis nyiam kiag li, los sis muaj tej kev xav hauv siab uas tawm tsam qhov tseeb thiab. Vim txoj kev mob siab thiab txoj kev tsis ncaj uas koj tau raug nyob rau yav tag los lawm ntawd, mas tej zaum koj yuav haj yam ntxub tib neeg ntiaj teb thiab lub zej zog, thiab, tseeb tiag, ntxub txhua yam uas tau tshwm sim lawm, thiab txhua yam uas yuav tshwm rau yav tom ntej. Tej kev xav no pheej tshwm nyob rau hauv koj lub siab tas li, thiab tej kev xav no pheej hloov koj tej kev xav hauv siab, koj tus yeeb yam thiab koj tus yam ntxwv tas li. Tej kev xav no kuj pheej hloov qhov koj xav nyob rau hauv txoj kev ua koj tes dej num, nrog rau koj tus cwj pwm thiab tej kev xam pom nyob rau hauv txoj kev ua koj tes dej num thiab, tseeb tiag, hloov koj txoj kev mob siab thiab kev txiav txim siab rau txoj kev caum qhov tseeb thiab. Tej zaum koj tsuas nyuam qhuav npaj koj txoj kev txiav txim siab los caum qhov tseeb xwb thiab yeej tsis xav tias yuav rov nyuaj siab dua, yeej tsis ntseeg tias koj tsis zoo txaus thiab tsis thim rov qab dua li lawm; txawm li cas los xij, thaum muaj ib txoj kev xav uas phem nyob puv nkaus hauv koj lub siab mus ib nyuag ntu xwb los, koj txoj kev mob siab caum qhov tseeb ntawd yuav ploj mus lawm tag nrho, yaj ntshis mus lawm yam tsis muaj lw kiag. Thaum koj txoj kev mob siab caum qhov tseeb ntawd yaj ntsis mus lawm yam tsis muaj lw nyob rau qhov xwm txheej zoo li no lawm, ces thaum ntawd koj yuav xav tias txoj kev caum qhov tseeb ntawd mas tsis txaus nyiam thiab tias txoj kev ntseeg Vajtswv thiab txoj kev dim ntawd mas tsis muaj qab hau rau koj li lawm. Qhov muaj hom kev xav hauv siab zoo li no tshwm tuaj thiab muaj tus yam ntxwv no ua rau koj tsis kam los rau ntawm Vajtswv lub xub ntiag dua li lawm, tsis kam los thov nyeem Vajtswv cov lus los sis mloog Vajtswv cov lus li lawm, tseeb tiag, koj haj yam tsis muaj kev txiav txim siab los sis tsis xav los muab Vajtswv cov lus coj los xyaum ua raws, los sis tsis los ua ib tug uas caum qhov tseeb lawm. Qhov no yog qhov teeb meem loj thiab qhov kev cuam tshuam uas ntau qhov kev xav uas phem no muaj rau cov tib neeg uas taug txoj kev caum qhov tseeb. Tseeb tshaj ntawd, cov kev xav uas phem no ua rau muaj kev tab kaum thiab kev puas tsuaj rau tib neeg, thiab ib lub sij hawm mus rau ib lub sij hawm cov kev xav uas phem no tshem txoj kev ruaj siab uas koj nyuam qhuav muaj ntawd thiab tshem ob peb lub hauv puas ntsiab lus uas hais txog tus cwj pwm uas koj nyuam qhuav to taub ntawd es muab tej no tig mus rau qhov tsis muaj qab hau li lawm. Ib pliag ntshis xwb, cov kev xav uas phem no txawm siv ua rau koj tsis muaj peev xwm paub txog qhov muaj Vajtswv, Vajtswv tej koob hmoov, Vajtswv lub hwj chim kav, thiab Nws tej kev pab koj uas nyob hauv koj nruab siab lawm, thiab ib pliag ntshis xwb koj txawm siv muaj tej kev xav uas phem no puv nkaus lawm. Thaum koj muaj tej kev xav uas phem no puv nkaus lawm, ces koj tus moj yam qias vuab tsuab yuav tswj koj kiag tam sim ntawd. Thaum koj tus moj yam qias vuab tsuab tswj koj lawm mas, koj cia li dhau los ua ib tug tib neeg txawv lawm thiab koj qhia ib lub ntsej muag txawv rau tib neeg, tej xwm txheej thiab txhua yam uas nyob ib puag ncig koj lawm. Ces txoj kev hlub uas koj muaj yav dhau los ntawd ploj lawm, txoj kev siab ntev uas koj muaj yav dhau los ntawd ploj lawm, lub zog uas koj muaj yav dhau los es los tiv kev txhom nyem, los tiv kev nyuaj siab thiab los sib zog ua hauj lwm ntawd ploj lawm, txoj kev mob siab uas koj keev muaj es kom yoo tau ib pluag mov tsis noj thiab pw me ntsis xwb kom thiaj li ua tau koj tes dej num zoo ntawd ploj lawm, ces qhov uas hloov tau tej ntawd chaw ces yog ib txoj kev ntxub txhua txhua tus tib neeg lawm xwb. Lub hauv paus tseem ceeb ntawm txoj kev ntxub uas koj muaj rau txhua tus no yog dab tsi? Lub hauv paus no yog los ntawm koj tus moj yam qias vuab tsuab los, tab sis kuj yog tej teeb meem, tej tib neeg, tej xwm txheej thiab txhua yam uas koj tau raug nyob rau yav dhau los lawm ntawd ua rau muaj tej kev xav uas phem no rau hauv koj thiab. Koj thiaj li hais tias, “Kuv zam txim rau lwm tus, tab sis leej twg zam txim rau kuv? Kuv qhia kev to taub rau lwm tus, tab sis leej qhia kev to taub rau kuv? Txawm yog kiag kuv niam kuv txiv los sis kuv cov kwv tij thiab cov muam los twb tsis qhia ib qho kev to taub rau kuv li! Lwm cov tib neeg txhua tus puav leej ua yuam kev, yog li ntawnd kuv los yeej ua tau yuam kev thiab! Lwm cov tib neeg los yeej muaj kev xav phem thaum raug qhuab qhia thiab raug qhuab ntuas, yog li ntawd vim li cas kuv thiaj li muaj tsis tau? Lwm cov tib neeg los yeej dag kom thiaj li hloov tau thiab thiaj li tau txoj hauj lwm, yog li ntawd vim li cas kuv thiaj li ua tsis tau? Yog koj ua tau, yog li ntawd kuv los yeej ua tau thiab! Lwm cov tib neeg coj tsis ncaj thiab ua txhua yam kom zam dhau lawv tej luag hauj lwm thaum ua lawv tej dej num, yog li ntawd kuv los yeej yuav ua thiab. Lwm cov tib neeg tsis caum qhov tseeb, yog li ntawd kuv los yeej yuav tsis caum thiab. Lwm cov tib neeg ua tsis muaj hauv paus ntsiab lus, yog li ntawd kuv los yeej yuav ua tsis muaj thiab. Lwm cov tib neeg tsis tiv thaiv tej kev ntshaw ntawm Vajtswv lub tsev, yog li ntawd kuv los yeej yuav tsis tiv thaiv thiab. Kuv tsuas yuav ua raws li yam uas txhua tus ua xwb. Qhov ntawd ho txhaum dab tsi?” Qhov uas hais li no yog dab tsi? Txawm peb saib qhov ntawd rau ntawm koj tej kev xav hauv lub hlwb los sis tus moj yam uas nthuav qhov ntawd tawm los, qhov ntawd yeej tsis yog ib qho hloov li, cuag nkaus li koj tau dhau los ua lwm tus neeg lawm xwb. Muaj dab tsi tshwm rau ntawm no? Lub hauv paus ces yog qhov hais tias koj tau hloov ib yam nyob rau sab hauv lawm xwb. Tej zaum saib rau sab nraud mas koj zoo ib yam xwb tab sis tej koj ua txhua hnub yeej tsis hloov, koj lub suab hais lus yeej tsis hloov, qhov koj zoo li cas ntawd yeej tsis hloov li, thiab yeej tsis muaj leej twg coj koj kev los sis ua kom koj muaj siab nyob rau tom qab li, yog li ntawd vim li cas es txoj kev xav cia li hloov kiag tam sim ntawd? Ib qho ces yog qhov hais tias tej kev xav uas phem uas tau muab cog tob tob rau hauv koj nruab siab lawm ntawd ua kom hloov. Ib tug neeg uas pheej muaj tej kev xav hauv siab txog txoj kev ntsim siab thiab kev chim siab nyob rau hauv lawv lub siab ntawd yuav, thaum muaj tus yam ntxwv zoo, nquag los rau ntawm Vajtswv lub xub ntiag los thov Vajtswv, los nyeem Vajtswv cov lus, thiab yuav tiv hais tias txhua yam yeej yuav mus zoo thaum caum qhov tseeb thiab ua lawv tes dej num. Yog lawv ntsib qee yam uas tsis yog li qhov lawv nyiam, los sis lawv xav thim rov qab, ua tsis tau los sis txaj muag rau hauv tes hauj lwm los sis lub neej, los sis lawv poob ntsej muag los sis lawv tej kev ntshaw raug puas tsuaj lawm, ces txoj kev ntsim siab thiab kev chim siab uas tej kev xav uas phem ua muaj nyob rau hauv lawv siab ntawd yuav ua kom lawv haj yam chim es tswj tsis tau. Tej zaum yav tas los ntawd lawv raug qee qhov xwm txheej uas txawv txawv, xws li raug saib tsis taus, los sis cia li lam raug cov neeg ua phem ntaus, los sis lawv tej khoom ntiag tug raug txeeb mus lawm, los sis raug thab los sis haj tseem raug cov neeg lim hiam ua kom poob ntsej muab thiab; tej zaum ib txhia tib neeg muaj tej phooj ywg los sis cov saib xyuas uas ua ntau yam nyuaj rau lawv nyob rau tom hauj lwm, thiab tej zaum ib txhia tib neeg raug kev ntxub ntxaug thiab coj tsis ncaj rau los ntawm cov neeg uas lawv kawm ntawv nrog thiab cov sib fwb qhia ntawv nyob rau tom tsev kawm ntawv vim lawv kawm tsis tau zoo, tsis muaj tus yam ntxwv zoo nyob rau tom tsev, los sis vim lawv niam lawv txiv yog cov neeg ua liaj ua teb thiab yog cov neeg txom nyem zog nyob hauv lub zej zog, thiab ntau yam ntxiv. Thaum ib tug tib neeg raug txhua hom kev coj tsis ncaj rau nyob rau hauv lub zej zog, thaum lawv txoj kev ncaj ncees ntawm leej tib neeg raug muab tshem mus lawm, los sis thaum lawv tej kev ntshaw raug muab faib los sis lawv tej khoom ntiag tug raug txeeb ntawm lawv mus lawm, ces cov noob ntawm txoj kev ntsim siab cia li cog tob tob rau hauv lawv nruab siab lawm, yog li ntawd lawv thiaj li yuav coj txoj kev ntsim siab no mus rau hauv lub zej zog, mus rau ntawm cov tib neeg ntiaj teb, thiab haj tseem mus rau ntawm lawv tus kheej tsev neeg, thiab lawv tej phooj ywg thiab tej txheeb ze thiab. Tej kev xam pom ntawm cov uas muaj kev ntsim siab cog rau hauv lawv lub siab ntawd raug txoj kev ntsim siab no hloov, thiab lawv tej kev xav kuj cia li yoog mus raws li txoj kev ntsim no lawm thiab.

Thaum kev ntsim siab tau tuaj cag tob tob rau hauv ib tug tib neeg lub siab lawm, ces nws cia li dhau los ua ib qho kev xav lawm, thiab thaum ib tug twg ua neej nyob rau hauv txoj kev xav ntawm txoj kev ntsim siab no lawm, ces lawv txoj kev xav txog tib neeg ntiaj teb thiab txog txhua yam yuav tsis yog li lawm. Lawv tej kev xam pom txog tib neeg thiab txhua yam yuav hloov thiab txawv li qhov uas lawv ib txwm yog lawm. Lawv tsis muaj peev xwm nkag siab txog ib tug tib neeg, ib qho xwm txheej, los sis ib yam dab tsi kom zoo thiab kom yog lawm, thiab lawv kuj yuav txiav txim thiab teem txim rau tej ntawd thiab. Lawv pheej nrhiav ib lub cib fim kom lawv muaj kev nyuaj siab thiab kev ntsim siab. Lawv cia siab tias muaj ib hnub lawv yuav muaj hwj chim thiab muaj kev hloov, thiab lawv yuav muaj peev xwm los muab tej kev nyuaj siab no los ua kev pauj kua zaub ntsuab kom yog thiab kom raug rau cov uas tau thab thiab tau ua rau lawv mob siab nyob rau yav tas los lawm. Txawm li cas los xij, tam sim no kiag mas, lawv tsis muaj ib txoj hau kev twg uas tsim nyog ua tau qhov no, yog li ntawd thaum kawg lawv ib txhia yuav los ntseeg Vajtswv. Tom qab lawv los ntseeg Vajtswv lawm, lawv thiaj li xav hais tias, “Au, tam sim no kuv ntseeg Vajtswv lawm thiab tam sim no kuv tsa tau taub hau siab lawm. Kuv yuav cia Vajtswv txiav txim siab txhua yam rau kuv kom cov tib neeg lim hiam thiaj li tau txais lawv tej kev rau txim kom ncaj ncees. Li no mas thiaj li zoo!” Yog li ntawd, tam sim no lawv ntseeg Vajtswv lawm, lawv thiaj li muab lawv txoj kev ntsim siab thiab kev chim siab log tob tob rau hauv siab lawm, lawv thiaj li muab txhua yam uas lawv tus kheej muaj los fij, los tiv kev txom nyem, los raug kev txom nyem, khiav rau ub rau no thiab ua hauj lwm nyob hauv Vajtswv lub tsev, cia siab tias muaj ib hnub lawv lub zog yuav coj txoj hmoo zoo los rau lawv thiab hloov txhua yam, thiab tias, thaum hnub ntawd los txog ces lawv yuav khov dua thiab tsis qaug qheb ntxiv lawm, ces lawv mam li ua kom cov uas tau thab lawv thiab ua rau lawv raug txaj muag heev lawm ntawd raug rau txim. Lawv lub hom phiaj ntawm qhov ua txhua yam no yog xav kom lawv tus kheej pom cov uas tau ua rau lawv mob siab thiab txaj muag yam tsis paub kawg no raug rau txim thiab raug pauj rov qab. Lawv coj txoj kev xav no mus rau hauv lawv txoj kev ntseeg Vajtswv, kev tiv kev txom nyem, thiab muab lawv tus kheej fij. Nyob rau sab nraud mas zoo li lawv yeej tsis yws los sis tsis ntshaw los sis tsis cheem tsum ib yam dab tsi li, hais tias lawv tus kheej tsuas mob siab ua lawv tes dej num nyob hauv Vajtswv lub tsev kom kawg siab xwb, thiab tias tsis muaj ib qho kev txom nyem twg es yuav loj dhau lawm. Txawm li cas los xij, qhov tseeb tiag, tej kev xav txog kev ntsim siab thiab kev chim siab uas nyob hauv lawv nruab siab mas yeej tseem kho tsis tau tau thiab tej kev xav ntawd yeej tseem tsis tau tso lawv tseg li. Lub sij hawm uas ib tug neeg twg qhia nws lub tswv yim rau lawv thiab nthuav lawv tus moj yam qias vuab tsuab tawm mas, lawv yeej tig kiag rov qab mus rau tej kev xav txog kev ntsim siab thiab kev chim siab tam sim ntawd kom thiaj li pom thiab daws tau qhov teeb meem no. Lawv xav hais tias, “Puas yog koj thuam kuv? Puas yog koj sim thab kuv vim kuv tsis muaj kev txhaum? Muaj coob tus tib neeg thab kuv heev li, tab sis koj tos saib seb thaum kawg muaj dab tsi tshwm rau lawv!” Tsuav yog ib tug neeg twg tau hais qee yam txog lawv lawm mas mob lawv heev, txawm yog tsis yog txhob txwm hais los xij li. Tab sis yog tus tib neeg ntawd hais qee yam mob mas, lawv tej kev xav txog kev ntsim siab thiab kev chim siab yeej tshwm tuaj, ua rau lawv rov qab tig mus rau txoj kev xav hauv siab uas ntsim siab txog txhua yam li. Yeej pom tseeb tias txoj kev xam pom no, txoj kev xav no, tau cuam tshuam lawv txoj kev xam pom thiab tus cwj pom coj rau tib neeg thiab txhua yam, thiab tej kev thiab tej ntsiab uas lawv nplij lawv tus kheej thiab txoj kev ua. Txawm leej twg tawm tej tswv yim thiab tej kev xav uas yog rau lawv los xij li, lawv pheej xav hais tias, “Lawv saib tsis taus kuv thiab xav thab kuv. Puas yog lawv xav hais tias thab kuv mas yooj yim heev?” Lawv siv txoj kev xam pom no thiab txoj hau kev ntawm qhov ua txhua yam no los daws teeb meem, thiab lub sij hawm no lawv tej kev xav txog kev ntsim siab thiab kev chim siab ntawd mas haj yam loj nyob rau hauv lawv lub siab. Thaum tej kev xav txog kev ntsim siab thiab kev chim siab ntawd cog tob tob rau hauv lawv nruab siab lawm, mas tej kev xav no haj yam loj hlob ntxiv mus, ces tus tib neeg ntawd haj yam yuav siv tej kev xav no los saib txhua hom tib neeg, txhua qhov xwm txheej thiab txhua yam, thiab lawv kuj pheej hais rau lawv tus kheej tas li tias lawv yuav tsum tau ntxub txhua txhua tus thiab tias yeej tsis muaj ib tug twg ua zoo rau lawv lawm. Txawm lawv ntseeg ib nyuag pliag hais tias muaj ib tug neeg twg ua zoo rau lawv los, tsis ntev xwb lawv yeej yuav hais rau lawv tus kheej yam tso siab plhuav thiab tsis ras txog li hais tias, “Txhob xav zoo li ntawd. Dhau ntawm Vajtswv tus uas zoo tiag tiag lawm, ces tsis muaj cov tib neeg zoo lawm. Txhua tus yeej saib ntsoov rau koj tej hmoov phem thiab yeej tsis muaj ib tug twg xav kom koj noj qab nyob zoo. Lawv xav hais tias koj tsis muaj kev txhaum yog li ntawd lawv thiaj li thab koj, thiab thaum lawv pom koj ua tau qee yam zoo mas lawv tsuas lam qhuas koj thiab sim ua li lawv tus kheej nyiam koj xwb. Yog li ntawd tsis txhob ntseeg ib tug twg thiab tsis txhob ua zoo rau ib tug twg li. Koj yuav tsum ceev faj thiab thiab txhob ntseeg lwm cov tib neeg.” Thaum twg ib tug neeg twg hais ib lo lus rau lawv mas, lawv yeej saib lo lus ntawd kom meej, xav hais tias, “Puas yog nws hais rau kuv ne? Vim li cas nws thiaj li hais li ntawd? Puas yog nws sim tawm tsam kuv thiab ua qee yam kom zoo ib yam li kuv? Puas yog nws xav thab kuv?” Tej kev xav hauv siab txog kev ua xyem xyav, kev ntsim siab thiab kev chim siab tas li li no hais rau lawv thiab ua kom lawv siv tej kev xav hauv siab no rau hauv qhov lawv mus ntsib nrog thiab sib hais nrog txhua hom tib neeg, txhua qhov xwm txheej, thiab txhua yam, tab sis lawv tus kheej twb tsis paub kiag li hais tias tej no yog txhua hom kev xav uas phem xwb. Tej kev xav uas phem no tswj lawv txoj kev txiav txim nruj heev thiab khi lawv txoj kev xav hauv lub hlwb nruj heev, thiab tej kev xav no txwv lawv kom txhob saib ib tug neeg twg, ib qho xwm txheej twg los sis ib yam twg los ntawm txoj kev xav los sis lub ntsiab uas yog. Thaum ib tug neeg pib ua lub neej nyob rau hauv tej kev xav uas phem no lawm, ces qhov khiav kom dim tej kev xav no txoj kev tswj mas nyuaj heev li. Ua ntej ib tug neeg twg tso tej kev xav uas phem no tseg, mas lawv twb ua neej nyob rau hauv tej kev xav uas phem no yam tsis paub txog lawm, twb saib tib neeg, tej xwm txheej thiab txhua yam, twb ntsib tib neeg, tej xwm txheej thiab txhua yam los ntawm tej kev xam pom uas tsis yog uas muaj tshwm hauv tej kev xav uas pem no tuaj lawm. Ua ntej tshaj, qhov no yuav coj mus rau txoj kev phem, kev ua xyem xyav, kev tsis ntseeg thiab kev tawv ncauj, thiab tus neeg ntawd kuj yuav saib mus rau lwm tus los ntawm txoj kev ua yeeb ncuab thiab xav tawm tsam lawv. Tej kev xav uas phem no coj tus tib neeg ntawd tej kev xav hauv lub hlwb thiab tej kev xam pom uas nyob rau hauv tus tib neeg ntawd lub siab, thiab tej kev xav uas phem no coj tus tib neeg ntawd txhua lo lus thiab txhua tes dej num. Vim li ntawd, thaum tus tib neeg no los daig rau hauv tej kev xav uas phem no lawm, yog tias tus tib neeg no yog ib tug uas caum qhov tseeb, ces tej kev xav uas phem no yuav ua rau muaj teeb meem rau hauv thiab muaj kev cuam tshuam rau tus tib neeg ntawd lub siab thiab lub hlwb, yog li ntawd haj yam ua rau tus tib neeg ntawd xyaum ua raws li qhov tseeb tsawg. Vim txoj kev phem, kev tab kaum thiab kev puas tshuaj uas tej kev xav uas phem no ua, ces thiaj li muaj ib qho txwv tias tus tib neeg muaj peev xwm muab qhov tseeb coj los xyaum ua raws tau txog qhov twg xwb thiab, thaum tus tib neeg ntawd ntsib qee qhov xwm txheej mas, tus tib neeg ntawd tej kev xav hauv siab yeej hloov nws tas li. Tseeb tiag, qhov cuam tshuam uas tseem ceeb tshaj plaws ces yog qhov hais tias tus tib neeg ntawd raug ntau qhov kev xav uas phem no hloov, yog li ntawd qhov xyaum ua raws li qhov tseeb ntawd thiaj li ua rau tus tib neeg ntawd sab heev. Tus tib neeg ntawd tsis muaj peev xwm siv lub siab zoo thiab lub ntsiab ntawm txoj kev ua neej, thiab txoj kev xav ua ywj siab uas Vajtswv tsim, thiab tej hauv paus ntsiab lus ntawm qhov tseeb uas tib neeg tsim nyog xyaum ua thiab ua raws rau hauv lawv txoj kev ntsib tib neeg thiab txhua yam uas nyob ib puag ncig lawv, thiab nyob rau hauv lawv txoj kev txiav txim rau tib neeg thiab txhua yam uas nyob ib puag ncig lawv.

Txij li tej uas kuv tau hais txog no los rau tam sim no, txawm nej yuav saib sab twg tuaj los xij, ntau qhov kev xav uas phem no yeej tswj txhua tus tib neeg lub hlwb tsis ntau los yeej tsawg lawm. Vim tej kev xav uas phem tswj tib neeg lub hlwb lawm, ces yeej yuav muaj ib qho kev nyuaj twg uas yuav tshwm tuaj rau thaum lawv xyaum ua raws li qhov tseeb. Vim li ntawd, thaum lawv mus thoob qhov txheej txheem ntawm qhov caum qhov tseeb lawm, tib neeg yuav tsum muab cov tib neeg, tej xwm txheej thiab txhua yam uas ua rau muaj tej kev xav uas phem uas tshwm tuaj rau hauv lawv no tso tseg mus ntxiv. Piv txwv li, txoj kev xav uas phem txog qhov tsis zoo li luag lwm tus uas peb twb tham txog ua ntej lawm ntawd. Txawm yog qhov xwm txheej twg ua rau koj muaj txoj kev xav hauv siab txog qhov tsis zoo li luag lwm tus los sis leej twg los sis qhov xwm txheej twg ua rau muaj txoj kev xav hauv siab ntawd los xij, koj yuav tsum muaj txoj kev to taub kom yog rau koj tus kheej lub peev xwm, koj lub zog, thiab koj tej kev txawj, thiab qhov zoo ntawm koj tus kheej txoj kev ua neej. Qhov xav tias tsis zoo li luag lwm tus ntawd mas tsis yog lawm, thiab qhov xav tias zoo tshaj li luag lwm tus ntawd mas tsis yog lawm thiab—ob yam no puav leej yog tej kev xav uas phem. Qhov tsis zoo li luag lwm tus ntawd muab koj tej kev ua khi tau, muab koj tej kev xav hauv lub hlwb ntawd khi tau, thiab hloov tau koj tej kev xam pom thiab lub ntsiab. Ib yam nkaus thiab, qhov xav tias zoo tshaj li luag lwm tus ntawd los yeej muaj qhov kev cuam tshuam uas phem no thiab. Yog li ntawd, txawm nws yog qhov tsis zoo li luag lwm tus los sis lwm qhov kev xav uas phem los xij li, koj yuav tsum muaj txoj kev to taub uas yog rau tej kev tshab txhais uas coj mus rau qhov muaj txoj kev xav no. Ua ntej tshaj plaws mas, koj yuav tsum to taub tias tej kev tshab txhais ntawd tsis yog lawm, thiab txawm yog hais txog koj lub peev xwm, koj txoj kev txawj, los sis qhov zoo ntawm koj txoj kev ua neej los xij li, tej kev soj ntsuam thiab tej lus xaus uas tej kev tshab txhais hais txog koj ntawd yeej tsis yog lawm. Yog li ntawd, koj yuav tsum tshuaj xyuas thiab paub koj tus kheej kom yog yog, thiab khiav kom dim ntawm txoj kev xav hauv siab txog qhov tsis zoo li luag lwm tus ntawd tau li cas? Koj yuav tsum muab Vajtswv cov lus los ua lub hauv paus uas tau txais txoj kev paub txog koj tus kheej, kawm kom paub seb koj txoj kev ua neej, lub peev xwm, thiab txoj kev txawj zoo li cas, thiab seb koj paub dab tsi. Piv txiv li, piv txwv tias koj keev nyiam hu nkauj thiab hu tau zoo, tab sis ib txhia tib neeg pheej thuam koj thiab saib tsis taus koj, hais tias koj mas suab tsis zoo thiab hais tias koj txoj kev hu nkauj mas tsis muaj suab li, yog li ntawd tam sim no koj thiaj li xav hais tias koj hu tsis tau nkauj zoo thiab tsis muaj cuab kav hu nkauj rau lwm tus lawm. Vim cov tib neeg hauv ntiaj teb ruam thiab tsis paub zoo es thiaj li soj ntsuam tsis yog thiab txiav txim tsis yog txog koj lawm, es qhov muaj cai uas koj tsim nyog tau rau txoj kev ua neej thiaj li raug txwv, thiab koj txoj kev txawj thiaj li raug txwv lawm. Vim li ntawd, koj thiaj li tsis muaj cuab kav hu ib zaj nkauj li, thiab koj tsuas tawv txaus los muab qhov ntawd tso tseg thiab hu nkauj nrov nrov rau thaum tsis muaj ib tug twg nyob puag ncig los sis thaum koj tus kheej nyob ib leeg lawm xwb. Vim koj xav hais tias koj raug caij tsuj heev dhau lawm, ces thaum koj tsis nyob ib leeg ntawd koj thiaj li tsis muaj cuab kav hu ib zaj nkauj li; koj tsuas muaj cuab kav hu rau thaum koj nyob ib leeg xwb, xyiv fab rau lub sij hawm thaum koj hu tau nkauj nrov nrov thiab meej meej, ua cas yuav yog ib lub sij hawm uas zoo thiab kaj siab ua luaj li! Tsis yog li ntawd lod? Vim txoj kev puas tsuaj uas tib neeg tau ua rau koj lawm, ces koj thiaj li tsis paub los sis tsis pom tseeb tias koj ua tau dab tsi tiag tiag, koj ua tau dab tsi zoo, thiab koj ua tsis tau dab tsi zoo. Nyob rau qhov xwm txheej zoo li no mas, koj yuav tsum kho txoj kev soj ntsuam kom yog thiab ntsuas koj tus kheej kom yog raws li Vajtswv cov lus. Koj yuav tsum tsim tsa yam koj tau kawm paub lawm thiab seb koj lub zog nyob qhov twg, ces tawm mus ua yam uas koj ua tau; hos hais txog tej uas koj ua tsis tau ntawd, tej koj ua tsis tau zoo thiab tej kev tu ncua ntawd, koj yuav tsum ua tib zoo xav txog thiab paub txog tej ntawd, thiab koj kuj yuav tsum soj ntsuam kom yog thiab paub seb koj lub peev xwm zoo li cas, txawm lub peev xwm ntawd zoo los sis phem los xij li. Yog koj tsis to taub los sis tsis tau txais txoj kev paub kom meej txog koj tus kheej tej teeb meem, ces nug cov tib neeg uas nyob ib puag ncig koj uas muaj kev to taub es kom ntsuam xyuas koj. Tsis hais txog qhov seb yam lawv hais ntawd puas yog li, yam tsawg kawg mas yam ntawd yuav muab qee yam rau koj los xav thiab yuav pab kom koj muaj ib lub hauv paus txiav txim los sis qhia txog koj tus kheej. Thaum ntawd koj thiaj li daws tau qhov teeb meem tseem ceeb ntawm tej kev xav uas phem uas zoo li qhov tsis zoo li luag lwm tus ntawd, ces mam li maj mam txav ntawm tej kev xav uas phem ntawd tawm. Tej kev xav hauv siab txog qhov tsis zoo li luag lwm tus ntawd mas kho yooj yim yog tias yus paub txog tej kev xav hauv siab ntawd, ras txog tej kev xav hauv siab ntawd, thiab nrhiav qhov tseeb.

Rau cov uas raug kev tsis ncaj ncees, cov uas raug saib tsis taus thiab raug ntxub ntxaug nyob rau hauv lub zej zog, rau hauv ntau txoj kev khwv noj khwv haus, thiab rau hauv ntau qhov chaw lawm ntawd, tej kev xav hauv siab txog txoj kev ntsim siab thiab kev chim siab uas tshwm muaj nyob rau hauv lawv ntawd puas yooj yim kho? (Yooj yim.) Yuav kho tej kev xav hauv siab ntawd li cas? (Tej kev xav hauv siab ntawd yuav tsum yog hais txog tib neeg, tej xwm txheej thiab txhua yam mus raws li Vajtswv cov lus, muab tej kev xav uas phem ntawm txoj kev ntsim siab thiab kev chim siab no tso tseg, thiab muab cov tib neeg, tej xwm txheej thiab txhua yam uas tau ua rau lawv mob siab nyob rau yav tas lawm ntawd tso tseg.) Qhov muab “Tso tseg” ntawd tsuas yog cov lus xwb—koj yuav muab tso tseg tau li cas? Piv txwv li, ib tug poj niam tham ib tug txiv neej es thaum kawg nws raug tus txiv neej ntawd dag coj mus pw ua ke thiab dag kom muab nyiaj rau tus txiv neej ntawd, ces thaum twg tus poj niam ntawd xav txog qhov no mas nws muaj kev chim siab heev li, thiab thaum twg txoj kev chim siab no tshwm tuaj mas nws nyem nrig thiab hauv nws nruab siab mas muaj kev ntsim siab puv nkaus xwb. Nws xav txog tus txiv neej ntawd lub ntsej muag, nws xav txog txhua yam uas tus txiv neej ntawd hais, nws xav txog txhua yam uas tus txiv neej ntawd ua rau nws mob siab, thiab nws yim xav txog tej no mas, nws yim chim siab heev, nws yim xeeb txhob ntxiv, yim nyuaj siab ntxiv, thiab nws txoj kev ntsim siab yim loj tuaj ntxiv. Nws pheej xav txog qhov no es thiaj li tsis xav ua nws tes dej num mus ntxiv lawm, thiab nws xav phem zuj zus tuaj, nws hais rau nws tus kheej tias kom txhob so tab sis kav tsij ua hauj lwm thiab tham nrog lwm cov tib neeg xwb, es thaum nws pw tsis tsaug zog rau yav hmo ntuj ntawd, nws yuav tsum noj cov tshuaj tsaug zog kom tsaug zog. Nws tsis muaj cuab kav nyob ib leeg li los sis tsis muaj cuab kav cia nws lub siab so li. Lub sij hawm uas nws pom tias nws tus kheej nyob ib leeg xwb, lub sij hawm uas nws so, ces txawm muaj txoj kev ntsim siab no tshwm tuaj rau hauv nws thiab nws xav ua pauj rov qab, ua kom tus uas ua rau nws mob siab ntawd tuag kiag mus, yim tsis zoo siab ces yim xav tuag zoo dua xwb. Yog muaj ib hnub es nws hnov xov hais tias tus txiv neej ntawd cia li tuag lawm tiag tiag, ces tsuas yog thaum ntawd xwb mas nws thiaj li muaj peev xwm muab nws tej kev xav hauv siab txog txoj kev ntsim siab thiab kev chim siab ntawd tso tseg. Xav txog qhov no seb: Yog tus txiv neej ntawd tuag lawm tiag tiag, yog tus txiv neej ntawd tau qhov uas nws tsim nyog tau thiab raug rau txim lawm no, koj puas yuav muaj peev xwm muab qhov xwm txheej uas ua rau muaj kev ntsim siab thiab kev chim siab tshwm tuaj thiab qhov nco tau nyob tob tob puag hauv koj nruab siab ntawd tshem tawm mus? Koj puas yuav muaj peev xwm muab txoj kev ntsim siab ntawm qhov xwm txheej ntawd tso tseg? Txoj kev ntsim siab ntawd puas yuav ploj mus tau tiag tiag? (Tsis tau.) Yog li ntawd, qhov ua rau tus tib neeg uas ua rau koj mob siab ploj mus thiab raug kev rau txim, los sis tuag rau ib txoj kev tuag uas tsis zoo siab kiag li, los sis raug pauj rov qab, los sis los rau qhov xaus uas phem ntawd puas yog txoj hau kev los kho txoj kev ntsim siab thiab kev chim siab? (Tsis yog.) Ces yog li ntawd, ib txhia tib neeg hais tias, “Thaum koj paub tias koj muaj tej kev xav txog kev ntsim siab thiab kev chim siab no lawm, koj yuav tsum muab cov kev xav no tseg tso mus.” Qhov no puas yog txoj kev xyaum ua? (Tsis yog.) Yog li ntawd thaum ib tug neeg hais tias, “Koj yuav tsum muab cov kev xav no tso tseg mus” ntawd yog dab tsi? (Qhov ntawd yog kev qhuab qhia.) Yog, qhov ntawd yog kev qhuab qhia, tsis yog txoj kev xyaum ua. Kuv twb nyuam qhuav qhia nej tias yuav kho txoj kev xav hauv siab txog qhov tsis zoo li luag lwm tus li cas lawm, ces qhov no yog ib txoj hau kev los muab qhov tsis zoo li luag lwm tus ntawd tso tseg mus. Tam sim no nej puas muaj txoj kev xyaum? (Muaj.) Yog li ntawd nej yuav muab txoj kev ntsim siab thiab kev chim siab ntawd tso tseg mus tau li cas? Qhov tsis txhob xav txog ob qho no puas yog txoj kev xyaum? (Tsis yog.) Ib txhia tib neeg hais tias kom muab ob qho kev xav no ntiab tawm mus es txhob nco txog lawm—qhov no puas yog txoj kev los daws teeb meem? Qhov no puas yuav txhais hais tias nej twb muab ob qho no tso tseg mus lawm? (Tsis yog, nws tsis txhais li ntawd.) Qhov co nej taub hau, qi nej ob lub qhov muag thiab tsis xav txog ib yam dab tsi li, los sis nej tus kheej pheej khwv tas li ntawd tsis yog txoj hau kev los daws qhov teeb meem no, thiab qhov no tsis yog txoj kev xyaum uas yog los muab tej kev xav uas phem no tso tseg mus. Yog li ntawd txoj kev xyaum no yog dab tsi kiag? Nej yuav muab tej no tso tseg mus tau li cas? Nej yuav daws qhov teeb meem no tau li cas? Nej puas muaj ib lub tswv yim zoo los daws qhov no? Yuav kom muab tau tej no tso tseg mus mas, nej yuav tsum mus ntsib tej no kiag, txhob nkaum tej no los sis txhob khiav ntawm tej no mus. Koj tsis ntshai qhov nyob ib leeg lod? Koj tsis ntshai tsam rov qab nco txog qhov no xwm txheej no lod? Koj tsis ntshai tsam ib tug neeg twg rov qab qhib koj lub qhov txhab lod? Yog li ntawd tsis txhob ntshai, es coj tag nrho cov tib neeg, tej xwm txheej thiab txhua yam uas tau ua rau mob koj thiab ua rau koj muaj kev ntsim siab thiab kev chim siab nyob rau yav tas los lawm, thiab tag nrho cov tib neeg uas muaj kev xav txog koj thiab cov uas koj nco tau, es muab lawv txhua tus sau cia, paub lawv ib tug zuj zus txoj kev ua neej kom raws li Vajtswv cov lus, paub lawv tej moj yam, lub tswv yim, nthuav lawv lub ntsiab tseeb tawm thiab paub lawv lub ntsiab tseeb, thiab saib kom paub tias cov tib neeg ntawd yog leej twg tiag tiag. Ces koj cov lus xaus rau thaum kawg—tib co lus xaus uas koj muaj—ces yuav yog qhov hais tias cov tib neeg ntawd txhua tus puav leej yog cov neeg phem, lawv yog cov dab phem, tsis yog tib neeg! Txawm lawv yuav siv lub tswv yim twg los ua kom koj mob siab los sis cuab ntxiab rau koj thiab ua kom koj puas tsuaj los xij, lawv lub ntsiab tseeb ces yog cov dab phem lub, tsis yog tib neeg lub, thiab lawv tsis yog tej uas Vajtswv xaiv kiag li. Tsis muaj ib tug ntawm cov tib neeg ntawd muaj peev xwm los rau ntawm Vajtswv lub tsev li, hos koj yog tus Vajtswv xaiv tseg. Tam sim no koj muaj peev xwm los mloog tej lus qhuab qhia hauv Vajtswv lub tsev, ua koj tes dej num hauv Vajtswv lub tsev, thiab koj los tau rau ntawm Vajtswv lub xub ntiag—qhov no yog Vajtswv tsa koj sawv thiab qhia txoj kev siab zoo rau koj. Hos cov tib neeg ntawd mas yeej tsis tau muab hais txog hais tias yog cov tib neeg uas Vajtswv pom li. Vim li ntawd, thaum koj pib los ntseeg Vajtswv lawm, koj yuav tsum muaj ciam kem koj tus kheej thiab lawv. Yog tias koj tseem xav nrog lawv, ces koj yeej yuav tsis muaj peev xwm tawm tsam yeej lawv li, ces koj yuav raug lawv caij tsuj thiab raug rau txim, raug lawv ntxub ntxuag thiab raug lawv thab, raug lawv ua kom puas tsuaj, haj tseem raug lawv tsim txom thiab. Txhua yam uas lawv ua ntawd qhia txog yam uas cov dab phem ua thiab yam uas Ntxwgnyoog ua. Yog koj xyiv fab rau txoj kev koom nrog lawv thiab tawm tsam lawv, ces koj kuj tsis yog ib tug tib neeg thiab. Koj zoo tib yam li lawv xwb, thiab koj muaj peev xwm ua tib yam li lawv ua thiab. Qhov no yog vim tias cov dab phem tsis yog tsuas cuab ntxiab rau tib neeg xwb, tab sis lawv ib leeg kuj ua kom ib leej puas tsuaj thiab—qhov no yog ib tug dab phem tus yeeb yam. Pom hais tias koj twb raug Vajtswv xaiv tseg lawm thiab koj yog cov tib neeg ntiaj teb uas Vajtswv tsim tug lawm, ua li cas cov dab phem thiaj li tsis xaiv koj? Ua li cas lawv thiaj li tsis ua kom mob koj thiab cuab ntxiab rau koj? Lawv ua kom txhua tus puas tsuaj. Lawv ib leeg ua kom ib leej puas tsuaj thiab, yog li ntawd lawv haj yam tsis cia los sis tsis tso tib neeg tseg li! Qhov no qhia hais tias lub ntiaj teb no thiab tib neeg ntiaj teb mas phem heev thiab raug Ntxwgnyoog tej kev caij tsuj. Qhov ua ib tug tib neeg zoo mas nyuaj heev, thiab qhov los ua ib tug tib neeg dog dig uas tsis xav kom raug saib tsis taus los kuj nyuaj heev li thiab. Koj sim zam seb puas dhau, tab sis koj zam tsis tau. Qhov no yog lub ntiaj teb. Txij ntawm qhov to taub txaus es thiaj li muaj peev xwm los pib kawm ntawv, nkag rau hauv lub zej zog thiab pib ua hauj lwm, mus txog ntua rau thaum tuag, leej twg thiaj li tsis raug saib tsis taus nyob rau lawv tiam neej, los sis tsis raug dag thiab tsis raug tsim txom? Yeej tsis muaj ib tug twg zoo li no kiag li. Txawm koj yuav txawj los sis muaj peev xwm npaum li cas los xij li, yeej yuav muaj ib tug neeg twg muaj peev xwm tshaj koj es saib tsis taus koj tas li. Txawm li cas los xij, qhov txawv ces yog qhov hais tias txhua tus nyias yeej muaj nyias lub tswv yim rau txoj kev ua neej uas sib txawv. Ib txhia tib neeg mas tiv kev txom nyem thiab lees txais kev txom nyem, tab sis ib txhia mas txawv. Tom qab raug dag ntaus zaus lawm, thiab raug thab mus txog qhov uas lawv tiv tsis taus mus ntxiv lawm thiab raug kev txom nyem heev dhau lawm, ces tej kev xav xws li kev ntsim siab thiab kev chim siab thiaj li tshwm tuaj rau hauv lawv, es lawv thiaj li ntxub tib neeg ntiaj teb thiab lub zej zog. Thaum koj tau pom lub ntsiab thiab tus yeeb yam ntawm cov uas ua rau koj puas tshuaj ntawd meej meej lawm thiab pom tias lawv lub ntsiab tseeb yog cov dab phem lub lawm, ces txoj kev ntsim siab thiab kev chim siab uas koj muaj ntawd tsis coj mus rau tib neeg ntxiv lawm, tab sis coj mus rau cov dab phem lawm xwb, ces thaum ntawd koj txoj kev ntsim siab tsis nqig zog lawm lod? (Nqig zog lawm.) Koj txoj kev ntsim siab nqig zog lawm. Ces qhov txiaj ntsim ntawm qhov nqig zog lawm ntawd yog dab tsi? Nws yog qhov hais tias, thaum koj rov qab ntsib hom xwm txheej no dua, koj yuav tsis xav ntau dua lawm thiab yuav tsis saib qhov xwm txheej no li yog ib qho nyuaj lawm. Tab sis, koj yuav saib qhov xwm txheej no li yog ib qho uas yog, koj yuav paub thiab yuav siv Vajtswv cov lus thiab qhov tseeb los ntsuam xyuas qhov xwm txheej no, koj yuav saib cov tib neeg uas rov qab ua rau koj puas tsuaj los ntawm lub ntsiab zoo thiab lub siab zoo thiab qhov laj thawj ntawm txoj kev ua neej, thiab koj yuav siv qhov uas Vajtswv tau qhia koj, txoj kev thiab tej hauv paus ntsiab lus uas Vajtswv tau qhia rau koj lawm ntawd los ua koj txoj kev ntsuam xyuas cov tib neeg ntawd lawm xwb. Thaum koj siv qhov Vajtswv tau hais rau koj lawm ntawd los ntsuam xyuas lawv, ces yuav tsis muaj kev ntsim siab thiab kev chim siab nyob rau hauv koj dua lawm, tab sis koj yuav los paub tib neeg ntiaj teb txoj kev qias vuab tsuas, paub cov dab phem lub ntsej muag, thiab paub tseeb thiab qhia tau hais tias Vajtswv cov lus yog qhov tseeb uas muaj ib lub ntsiab tob thiab zoo heev li. Thaum koj siv Vajtswv cov lus thiab qhov Vajtswv tau hais rau koj, qhov Nws tau qhia koj lawm ntawd los saib ib qho xwm txheej zoo li qhov no, ces qhov xwm txheej no tsis yog tsis ua rau koj puas tsuaj dua lawm xwb, thiab tsis yog tsis ua rau koj muaj kev ntsim siab thiab kev chim siab heev lawm xwb, tab sis qhov txawv ces yog nws yuav ua rau txoj kev ntsim siab thiab kev chim siab nyob hauv koj nruab siab ntawd maj mam nqig zog lawm, ces thaum koj rov qab raug hom xwm txheej no dua, koj lub siab yuav paub tab, thiab koj tus moj yam yuav hloov.

Hais txog qhov seb koj yuav tso txoj kev ntsim siab thiab kev chim siab uas peb tau tham lawm ntawd tseg li cas ntawd , ib kis ces yog los saib kom meej meej txog cov uas hu ua tsis yog noob neej no, los saib kom meej meej tias lawv tus yeeb yam thiab lub ntsiab tseeb yog dab Ntxwgnyoog li, lawv lub ntsiab tseeb mas phom sij heev rau tib neeg, lawv lub ntsiab tseeb mas yeej zoo ib yam thiab koom tib lub hauv paus ib yam li dab Ntxwgnyoog thiab tus zaj loj liab ploog, lawv cuab ntxiab rau koj, lawv ua rau koj puas tsuaj, ib yam li Ntxwgnyoog ua rau tib neeg ntiaj teb qias vuab tsuab lawm ntag. Thaum koj to taub lub ntsiab no lawm, thaum ntawd koj tsis tso qee qhov ntawm koj tej kev xav txog kev ntsim siab thiab kev chim siab tseg lod? (Tso.) Ib txhia tib neeg hais tias, “Qhov tsuas to taub tej no xwb mas tsis txaus li. Qee zaum kuv tu siab tsuas yog xav txog qhov ntawd xwb!” Thaum koj tu siab lawm koj yuav tsum ua dab tsi? Koj ua puas tau yog tsis muaj kev tu siab kiag li? Yeej muaj tej uas caws pliav tas li, tab sis qhov muaj tej caws pliav ntawd tsis yog ib yam phem. Nws yog kiag tej xwm txheej ntawm txoj kev tsis ncaj nyob hauv lub zej zog ntag, thiab cov tib neeg, tej xwm txheej thiab txhua yam no ua rau muaj kev ntsim siab thiab kev chim siab tshwm tuaj rau hauv koj, uas ua rau koj paub tej kev tsis ncaj nyob rau hauv lub zej zog, uas ua rau koj paub tib neeg ntiaj teb txoj kev phom sij, txoj kev xav ua kom puas tsuaj thiab kev phem, thiab ua rau koj paub lub ntiaj teb txoj kev tsis ncaj thiab kev puas ntsoog, kom thiaj ua rau muaj kev ntshaw txoj kev kaj thiab xav tau txoj kev cawm dim los cawm koj tawm ntawm txoj kev txom nyem uas muaj nyob hauv koj no. Yog li ntawd, txoj kev ntshaw no puas muaj ib lub ntsiab li? (Muaj.) Txoj kev ntshaw no puas los yooj yim? (Tsis yooj yim.) Yog koj tsis tau raug kev puas tsuaj nrog tib neeg ntiaj teb los sis hauv lub zej zog li, ces koj yuav xav tias yeej muaj ntau tus tib neeg zoo nyob ib puag ncig. Yog koj tawm mus es ntog thiab muaj ib tug neeg twg los pab koj, los sis koj mus yuav khoom tab sis tsis muaj nyiaj txaus es tus tib neeg nyob ntawm koj ib sab pab koj, los sis koj ua rau koj lub hnab poob lawm es ib tug neeg twg pom es xa tuaj rau koj, mas koj yuav xav tias muaj coob tus tib neeg zoo nyob ib puag ncig. Nyob rau hauv txoj kev xav no thiab vim koj muaj txoj kev to taub txog lub zej zog no, koj yuav muaj kev to taub npaum li cas rau lub ntsiab ntawm Vajtswv txoj kev cawm tib neeg ntiaj teb dim los sis qhov kev cheem tsum ntawm qhov Vajtswv ua tes hauj lwm cawm dim? Koj txoj kev ntshaw kom tus Cawm Seej los cawm kom dim ntawm txoj kev txom nyem loj ntawd loj npaum li cas? Koj yuav tsis xav tau ntau pes tsawg, puas yog? Nws yuav tsuas yog ib hom kev xav tau, uas yog ib hom kev xav hauv nruab siab xwb. Ib tug neeg twg yim raug txoj kev nyuaj siab thiab kev txom nyem nyob rau hauv lub ntiaj teb, raug txhua yam kev tsis ncaj ncees, los sis, muab ua lwm txoj kev hais, ib tug neeg twg yim nyob ntev rau hauv lub zej zog no thiab nyob nrog tib neeg ntiaj teb, ib tug neeg twg uas muaj kev ntsim siab thiab kev chim siab rau tib neeg ntiaj teb thiab lub zej zog, ces lawv yim xav kom Vajtswv coj tiam uas phem no mus rau qhov xaus kom sai li sai taus, rhuav tshem cov tib neeg ntiaj teb uas phem no kom sai li sai tau, es cawm lawv dim ntawm txoj kev txom nyem loj kom sai li sai tau, es pauj kiag rau cov phem thiab tiv thaiv cov zoo—tsis yog li ntawd lod? (Yog.) Yog li ntawd, nyob rau qhov no, koj ua tib zoo xav hais tias, “Au, kuv yuav tsum ua tsaug rau cov dab phem ntawd tiag tiag li. Kuv yuav tsum ua lawv tsaug vim lawv txoj kev tsis ncaj ncees thiab rau txoj kev ntxub ntxaug kuv, thab kuv thiab caij tsuj kuv. Nws yog lawv tej kev ua uas phem thiab txoj kev puas tsuaj uas lawv tau ua rau kuv lawm es yuam kom kuv los rau ntawm Vajtswv lub xub ntiag, ua kom kuv txhob ntshaw caum lub ntiaj teb los sis txoj sia nrog cov tib neeg no mus ntxiv lawm, ces qhov ntawd thiaj li ua rau kuv txaus siab hlo los rau ntawm Vajtswv lub tsev, los rau ntawm Vajtswv lub xub ntiag, los txaus siab hlo muab kuv tus kheej fij rau Vajtswv, los muab tag nrho kuv lub neej fij, los ua ib lub neej kom muaj qab hau, es txhob koom nrog cov tib neeg phem mus ntxiv lawm. Yog tsis li ntawd ces kuv yeej tseem yuav zoo ib yam li lawv, caum lub ntiaj teb, caum lub koob meej thiab tshaj thawj, lub neej zoo, tej kev txaus siab ntawm lub cev nqaij daim tawv, thiab ib lub neej zoo rau yav tom ntej. Tam sim no kuv ntseeg Vajtswv lawm, yog li ntawd tsis tas yuav txoj niag kev nkhaus no mus ntxiv lawm. Kuv tsis saib lawv los ntawm txoj kev ntsim siab mus ntxiv lawm. Kuv pom meej meej tias lawv yog leej twg lawm tiag. Muaj lawv los ua dej num rau Vajtswv, thaiv Vajtswv tes dej num. Yog tsis muaj lawv, ces kuv yeej tsis muaj peev xwm los pom tias lub ntiaj teb no thiab tib neeg ntiaj teb lub ntsiab tseeb yog dab tsi kiag li, ces yeej tseem yuav xav hais tias lub ntiaj teb no thiab cov tib neeg ntiaj teb no mas zoo tshaj li. Tam sim no uas kuv twb raug txoj kev txom nyem no lawm, ces kuv yuav tsis muab kuv tej kev vam thiab kev cia siab tso rau hauv lub ntiaj teb no los sis rau hauv ib tug neeg zoo twg ob txhais tes mus ntxiv lawm. Tab sis, kuv xav kom Vajtswv lub nceeg vaj los, thiab xav kom Vajtswv txoj kev ncaj thiab kev ncaj ncees los kav.” Vim qhov to taub li no lawm, koj tej kev xav txog kev ntsim siab thiab kev chim siab tsis maj mam nqig lod? (Nqig mas.) Tej kev xav ntawd yeej nqig mas. Thiab koj tej kev xav thiab kev xam pom txog tej tib neeg, tej xwm txheej thiab txhua yam nyob hauv koj lub siab ntawd tsis tau hloov lod? Qhov no tsis qhia tias txoj kev uas koj yuav taug nyob rau yav tom ntej, koj tej kev xaiv, thiab koj tej hom phiaj tsis maj mam hloov, thiab tias koj tsis maj mam tig mus rau txoj kev caum tej hom phiaj thiab txoj xub ke uas yog lod? (Qhia mas.) Koj hais kom rov qab nco txog tej uas twb tshwm sim nyob rau yav tas los lawm uas ua rau koj puas siab thiab ua rau koj ntxub lub ntiaj teb thiab, thaum koj tau pom meej meej txog tej ntawd lub ntsiab thiab lub ntsiab tseeb lawm, hauv koj lub siab muaj kev ua Vajtswv tsaug puv npo. Thaum koj muaj kev ua tsaug puv npo lawm, thaum ntawd koj tus kheej tsis muaj kev xyiv fab rau qhov ntawd lod? Thaum ntawd koj tsis xav hais tias, “Cov tsis ntseeg uas tsis ntseeg Vajtswv ntawd yeej tseem raug dag, raug puas tsuaj thiab raug tus vajntxwv ntawm cov dab phem uas yog Ntxwgnyoog noj. Txaus hlub ua luaj li! Yog kuv tsis ntseeg Vajtswv thiab tsis tau los rau ntawm Vajtswv lub xub ntiag mas ntshe kuv tsuas zoo ib yam li lawv xwb thiab uas yog caum lub ntiaj teb, phoom ub phoom no kom tau koob meej, tshaj thawj, thiab meej mom, raug kev txom nyem ntau heev thiab ntshe kuv yeej yuav tsis hloov li. Ntshe kuv yuav khiav tsis dim txoj kev txhaum li—cas yuav tu siab ua luaj li! Tam sim no kuv ntseeg Vajtswv lawm, kuv mam li to taub qhov tseeb thiab pom qhov no tseeb tseeb. Txoj kev uas tib neeg tsim nyog taug mas yog txoj kev caum qhov tseeb—qhov no yog qhov muaj nqis tshaj plaws, muaj qab hau tshaj plaws. Tam sim no Vajtswv tau qhia txoj kev siab zoo li ntawd rau kuv lawm kom kuv thiaj li tsis raug txoj kev txom nyem ntawd mus ntxiv lawm, kuv yuav txiav txim siab mus caum Vajtswv qab kom mus txog ntua thaum kawg, mus mloog Nws cov lus, mus ua lub neej kom raws li Nws cov lus, es tsis ua lub neej zoo li kuv ua nyob rau yav tas los lawm, uas yog thaum kuv tsis ua lub neej kom zoo li ib tug tib neeg kiag li.” Koj pom lawm lod, tias txoj kev vam uas zoo no tau tshwm tuaj lawm, puas yog? Tej hom phiaj uas yog thiab txoj xub ke hauv lub neej tsis tau maj mam loj hlob nyob rau hauv tib neeg tej kev xav hauv lub hlwb thiab txoj kev ras lod? Thiab tam sim no lawv tsis muaj peev xwm mus taug txoj kev uas yog nyob rau hauv lub neej lod? (Lawv muaj.) Yog li ntawd, thaum twb muaj tej kev thiab kev vam uas zoo no lawm, nws puas cheem tsum kom rov qab los xav txog tej kev xav uas phem ntawd? Tom qab xav txog tej kev xav ntawd los tau ib ntus los sis xav txog tej kev xav ntawd los tau ntau zaus mus txog ntua thaum koj to taub tej kev xav ntawd lawm, thaum tej no tsis cuam tshuam koj lub siab los sis tsis tswj txoj kev uas koj taug rau thaum ntawd lawm, ces koj tso tau tej kev xav txog kev ntsim siab thiab kev chim siab no tseg yam tsis ras txog lawm, tej kev xav no tsis tswj koj lub siab mus ntxiv lawm thiab, thaum lub sij hawm dhau mus, koj twb daws tau qhov teeb meem ntawm koj tus moj yam qias vuab tsuab lawm. Qhov uas daws koj tus moj yam qias vuab tsuab ntawd puas muaj feem xyuam rau txoj kev caum qhov tseeb? (Muaj.) Thiab qhov ntawd tsis txhais hais tias koj tau taug txoj kev hauv lub neej uas yog lawm lod? Qhov taug txoj kev uas yog ntawd yeej tsis nyuaj li; ua ntej tshaj mas koj yuav tsum xub tso tag nrho koj ntau qhov kev xam pom txog lub ntiaj teb, yus txoj kev ua neej, thiab cov tib neeg ntiaj teb uas tsis ua raws li tej uas muaj tseeb tseg. Koj pom tau meej meem li cas txog tej kev xam pom uas tsis mus raws li tej uas muaj tseeb no? Koj yuav daws tej no li cas? Tej kev xam pom uas tsis mus raws li tej uas muaj tseeb no muaj nyob nraim nkoos rau hauv koj tej kev xav hauv koj lub siab, thiab tej kev xam pom no coj txoj kev txiav txim thiab kev xav hauv lub hlwb ntawm koj txoj kev ua neej, nrog rau koj tus cwj pwm, koj txoj kev hais lus thiab tej kev ua, tseeb tiag, nrog rau koj lub siab thiab qhov laj thawj tib si. Tseem ceeb tshaj ntawd, tej kev xam pom no coj thiab hloov koj tej hom phiaj hauv lub neej thiab txoj kev uas koj taug. Yog li ntawd, cia li muab tag nrho tej kev xav uas phem ntawd tso tseg thiab cia li muab tag nrho tej kev xav uas tswj koj ntawd tso tseg—qhov no yog thawj kauj ruam uas koj yuav tsum xyaum nyob rau hauv txoj kev caum qhov tseeb. Ua ntej tshaj ces xub daws qhov teeb meem ntawm ntau qhov kev xav uas phem tso, daws tej kev xav uas phem no thaum koj paub tej ntawd, es tsis txhob cia kom muaj teeb meem tuaj tom qab. Thaum daws tau tej teeb meem no lawm, ces koj yuav tsis raug saw hlau khi, tsis ris tej kev xav uas phem no nrog koj mus rau hauv txoj kev caum qhov tseeb ntxiv lawm, thiab koj yuav muaj peev xwm nrhiav qhov tseeb thiab kho tau thaum koj muaj ib tug moj yam qias vuab tsuab. Qhov no puas yog ib yam uas ua tau yooj yim? Qhov no mas tsis yooj yim kiag li.

Thaum kuv twb qhia thiab muab tej kev xav uas phem no cais lawm, nej puas tau siv tej uas kuv hais no rau nej tus kheej? Ib txhia tib neeg hais tias, “Kuv tseem hluas thiab kuv tsis muaj kev paub txog lub neej ntau pes tsawg. Kuv tsis tau thim rov qab los sis ua tsis tau los sis tsis tau raug ib qho kev nyuaj siab li. Qhov ntawd tsis txhais hais tias kuv tsis muaj ib qho kev xav uas phem li lod?” Txhua tus yeej muaj tej kev xav uas phem no; thxua tus yeej yuav ntsib ntau yam kev nyuaj siab thiab yeej yuav muaj tej kev xav uas phem no xwb xwb li. Piv txwv li, vim qhov keeb kwm hauv lub zej zog tej kev phem nyob rau tiam no, ces coob tus me nyuam thiaj li loj hlob rau hauv ib yim neeg uas muaj ib leej niam los sis ib leej txiv xwb, muaj ib txhia tsis muaj ib leej niam txoj kev hlub li, muaj ib txhia tsis muaj ib leej txiv txoj kev hlub li. Yog ib tug twg tsis muaj ib leej niam los sis ib leej txiv txoj kev hlub li, ces lawv raug muab suav tias tsis muaj qee yam lawm. Tsis hais txog qhov muaj hnub nyoog pes tsawg rau thaum koj tsis muaj koj txiv los sis koj niam txoj kev hlub lawm, los ntawm txoj kev xav txog kev ua neej mas, qhov ntawd yuav muaj ib qho kev cuam tshuam rau koj tsis ntau los yeej tsawg. Ib txhia tib neeg yuav tsis qhib lawv tus kheej lub siab, ib txhia yuav xav tias lawv qis dua lwm tus, ib txhia yuav xeeb txhob, ib txhia yuav muaj ib qho kev xav txog txoj kev tsis kaj siab thiab tsis ruaj, thiab ib txhia yuav ntxub ntxuag thiab zam poj niam los sis txiv neej. Txawm yog qhov twg los, cov uas loj hlob nyob rau qhov chaw zoo li no yuav, tsis ntau los yeej tsawg, muaj qee qhov kev tsis zoo nyob rau hauv lawv txoj kev ua neej. Nyob rau txoj kev hais lus tshiab niaj hnub no mas, lawv tsis paub hais kom muaj tseeb me ntsis li. Piv txwv li, cov ntxhais uas loj hlob tsis muaj ib leej txiv txoj kev hlub ntawd yuav tsis tshua paub thaum hais txog txiv neej. Lawv yuav tsum tau kawm kom paub tias yuav saib xyuas lawv tus kheej tej kev tim tsum txij thaum tseem hluas hluas los li cas, thiab haj tseem ris ib lub nra hnyav ntawm tsev neej tej nyiaj txiag thiab ntau txoj hauj lwm uas yuav tsum tau ua thiab, ib yam li lawv niam, txaus siab hlo kawm thaum ntxov ntxov kom paub txhawj txog thiab saib xyuas txhua yam, los sis kom paub tiv thaiv lawv tus kheej, lawv niam thiab lawv tsev neeg. Lawv muaj ib txoj kev paub txog txoj kev tiv thaiv tus kheej uas ruaj khov thiab kuj yuav muaj tej kev xav hauv siab uas ruaj khov heev txog qhov qis tshaj li lwm tus thiab. Yam tsis paub txog li, thaum lawv loj hlob rau hauv qhov chaw zoo li no, lawv yuav xav tob tob nyob rau hauv lawv nruab siab tias lawv muaj qee qhov uas tsis zoo txaus thiab qhov no yog qhov kev xav hauv siab uas lawv muaj yam tsis paub txog, tsis hais txog qhov seb txoj kev xav hauv siab no puas tau cuam tshuam lawv txoj kev txiav txim los sis txoj kev txiav txim siab nyob rau yav tas los los tsis tau cuam tshuam li. Muab hais kom luv luv ces, thaum ib tug tib neeg loj hlob tiav tiav lawm, ces yuav muaj qee qhov kev xav uas phem uas coj lawv tej kev xav hauv lub hlwb uas twb yeej muaj nyob rau tod los ntev lawm, thiab yeej yuav muaj ib qho laj thawj tias vim li cas thiaj li muaj tej kev xav no. Piv txwv li, yog ib txhia me nyuam tub uas loj hlob rau hauv ib yim neeg uas muaj ib leej niam xwb es tsis muaj txiv, ces lawv yeej kawm paub txij thaum ntxov ntxov los lawm tias yuav nrog lawv niam saib xyuas tsev neeg tej hauj lwm hauv tsev li cas, lawv tus cwj pwm yeej muaj qee qhov kev txhawj txog leej niam. Ces lawv zoo siab saib xyuas cov me nyuam ntxhais thiab muaj ib txoj kev hlub tshua rau cov me nyuam ntxhais, lawv tsis muaj kev cais cov me nyuam ntxhais thiab zoo siab tiv thaiv cov poj niam, hos lawv muaj kev saib tsis taus cov txiv neej. Muaj ib txhia uas haj tseem muaj ib hom kev tsis nyiam nyob tob tob hauv siab thiab tsis nyiam txiv neej kiag li, lawv ntxub ntxaug txiv neej, ntseeg hais tias txhua tus txiv neej mas tsis muaj yam ntxwv zoo thiab tsis lim xeeb li, thiab tias txiv neej tsis ua yam uas yog thiab tsim nyog. Tseeb tiag, muaj ib txhia nyob hauv cov tib neeg no uas yeej zoo thiab. Txawm li cas los xij, yeej zam tsis dhau qhov hais tias yuav muaj ib txhia uas muaj qee qhov kev xav uas tsis tseeb los sis tsis tsim nyog txog txiv neej los sis poj niam, thiab cov neeg no txhua tus puav leej muaj yam uas tsis zoo txaus thiab kev txhaum nyob rau hauv lawv txoj kev ua neej. Yog ib tug neeg twg pom tias koj muaj ib qho teeb meem zoo li no es muab qhov teeb meem ntawd qhia rau koj, los sis yog koj pom thiab paub tias koj tus kheej muaj hom kev xav uas phem heev no los ntawm qhov saib tus kheej kom meej, thiab tias qhov ntawd twb cuam tshuam koj tej kev xaiv thiab txoj kev xyaum rau hauv qhov koj saib tib neeg thiab txhua yam zoo li cas, thiab koj nplij koj tus kheej thiab ua li cas lawm, ces koj tsim nyog xav txog koj tus kheej thiab paub koj tus kheej. Koj yuav tsum paub thiab kho txoj kev xav uas phem no raws li txoj kev kaj ntawm Vajtswv cov lus, siv zog los muab txoj kev khi, kev tswj thiab kev hloov ntawm txoj kev xav uas phem no tshem tawm, siv zog los txwv txoj kev zoo siab, kev chim siab, kev tu siab, kev xyiv fab, kev xav hauv lub hlwb, kev txiav txim, lub siab thiab qhov laj thawj ntawm koj txoj kev ua neej kom txhob dhau los ua qhov meej tseeb, coj mus rau qhov phem los sis mus dhau li qhov tej ntawd ua tau lawm. Dab tsi ntxiv thiab? Thaum koj tau siv zog los txwv tau tsis pub tej no tshwm sim lawm, ces koj yuav muaj peev xwm los ua ib lub neej zoo los ntawm lub siab zoo thiab qhov laj thawj ntawm txoj kev ua neej thiab muaj tus cwj pwm thiab lub siab ntawm txoj kev ua neej uas Vajtswv tau muab rau tib neeg lawm. Qhov ntawd yog, koj siv zog los tswj koj tej kev xav hauv lub hlwb, tus cwj pwm, lub siab, lub peev xwm ntawm txoj kev txiav txim, thiab koj lub siab thiab qhov laj thawj nyob rau hauv tus ciaj ciam ntawm txoj kev ua neej uas Vajtswv tau qhia lawm. Yog li ntawd, txawm txoj kev xav uas phem twg tswj koj los xij, koj muaj ib qho teeb meem txog kis ntawd rau koj txoj kev ua neej. Nej to taub qhov no lawm, puas yog? (Yog.)

Tib neeg txoj kev caum qhov tseeb yog ua tau raws li lub hauv paus ntawm lub siab zoo, qhov laj thawj, tus cwj pwm thiab lub siab ntawm txoj kev ua neej, thiab tib neeg tej kev xav. Koj pom lawm lod, tias nyob rau hauv tus ciaj ciam ntawm txoj kev ua neej uas Vajtswv muab rau tib neeg ntawd mas, tsis muaj ib yam dab tsi tshaj li qhov ua tau, tsis muaj ib yam dab tsi tshaj li qhov tsim nyog, tsis muaj ib yam dab tsi uas tsis muaj tseeb li, thiab tsis muaj qhov cais los sis tsis muaj tus cwj pwm uas tsis kam lees txais li. Qhov tshaj li qhov tsim nyog ntawd qhia tau li cas? Pheej xav hais tias koj tsis zoo, hais tias koj mas tsis muaj ib yam dab tsi li—qhov no tsis yog tshaj li qhov tsim nyog lawm lod? Qhov no tsis yog qhov tsis muaj tseeb lod? (Yog.) Qhov muab cov txiv neej saib rau qhov siab, ntseeg hais tias txiv neej mas zoo heev, hais tias txiv neej mas muaj peev xwm tshaj poj niam, hais tias poj niam mas tsis muaj kev ruaj siab, hais tias poj niam mas tsis zoo, hais tias lawv mas tsis muaj peev xwm npaum li txiv neej thiab hais tias, muab hais tag nrho ces, lawv tsis zoo npaum li txiv neej—qhov no tsis yog tshaj li qhov tsim nyog lawm lod? (Yog.) Qhov muab txhua yam ua kom tshaj li qhov ua tau lawm ntawd ho qhia tau li cas? Nws yog qhov pheej xav kom mus tau dhau li qhov koj xav ua tau lawm thiab pheej xav kom mus kom dhau qhov koj ua tau. Ib txhia tib neeg pom lwm cov tib neeg pw tsib teev tuaj ib hmo xwb los twb muaj peev xwm mus ua hauj lwm tau rau ib hnub lawm, yog li ntawd ces lawv yuav tsum pw plaub teev tuaj ib hmo xwb es mam li saib seb lawv ho ua tau mus kav pes tsawg hnub. Ib txhia tib neeg pom lwm cov tib neeg noj ob pluag mov rau ib hnub thiab tseem muaj zog heev li, muaj peev xwm ua tau hauj lwm tas hnub li, yog li ntawd ces lawv yuav tsum noj ib pluag mov rau ib hnub xwb—qhov no tsis yog ua kom lub cev puas tsuaj lod? Lub ntsiab ntawm qhov pheej sim ua kom muaj peev xwm tshaj li qhov koj ua tau ntawd yog dab tsi? Koj nrog koj tus kheej lub cev nqaij daim ntawd sib tw ua tus dab tsi? Ib txhia tib neeg muaj hnub nyoog tsib caug tawm xyoo xwb hniav twb lov lawm thiab twb cua tsis taus pob txha los sis noj tsis tau kab tsib mus ntxiv lawm. Lawv hais tias, “Txhob txhawj, txawm kuv lov ob peb tug hniav los xij, tsis muaj teeb meem, kuv mam li cua tas zog! Kuv yuav tsum kov yeej txoj kev nyuaj siab no. Yog kuv tsis ua kom yeej txoj kev nyuaj siab no, ces kuv tsuas yuav qaug zog thiab tsis muaj qab hau li lawm xwb!” Qhov no tsis yog ua txhua yam kom mus txog qhov tshaj li qhov ua tau lod? (Yog kawg.) Koj xav tias koj yuav ua tau tej ntawd tab sis koj ua tsis tau thiab nyob hauv txoj kev ua neej koj yeej tsis tau txais tej ntawd li. Koj tsis tau txais tej ntawd los ntawm koj lub peev xwm, txoj kev ntse, los sis lub siab, los sis tej uas koj kawm los, los sis los ntawm koj lub hnub nyoog thiab qhov yog txiv neej los sis yog poj niam ntawd los li, tab sis tab txawm koj tsis tau txais tej ntawd los xij, koj tseem xav hais tias yuav tsum tau txais. Ib txhia poj niam mas xav ua kom lawv lub zog loj, thiaj li hais tias, “Peb cov poj niam los yeej ua tau yam uas txiv neej ua tau thiab. Txiv neej tsim tsa tau tej vaj tse, yog li ntawd peb los yeej ua tau thiab; txiv neej tsav tau nyoob hoom, yog li ntawd peb los yeej tsav tau thiab; txiv neej ua tau ib co neeg uas xuas nrig sib ntaus, yog li ntawd peb los yeej ua tau thiab; txiv neej nqa tau ib lub hnab hnyav ob puas phaus, yog li ntawd peb los yeej nqa tau thiab.” Tab sis thaum kawg, lawv raug puas tsuaj loj heev los ntawm qhov ntawd los es lawv nto qob ncaug tau ntshav lawm xwb. Lawv puas tseem xav kom zoo li muaj peev xwm tshaj li qhov lawv muaj lawm? Qhov no tsis yog tshaj li qhov ua tau lawm lod? Qhov no tsis yog tshaj li qhov tsim nyog lawm lod? Tej uas muaj tshwm sim no puav leej yog tshaj li qhov ua tau thiab tshaj li qhov tsim nyog lawm. Cov tib neeg ruam mas nquag xav txog tej teeb meem thiab saib tej tib neeg, tej xwm txheej, thiab txhua yam zoo li no, thiab qhov no kuj yog qhov lawv saib thiab daws teeb meem thiab. Yog li ntawd, yog tib neeg xav daws tej kev tshaj li qhov tsim nyog uas muaj tshwm tuaj no mas, lawv yuav tsum tau xub ua kom tej uas tshaj li qhov ua tau ntawd xaus thiab muab tso tseg mus tso. Qhov phem tshaj ntawm tej no yog ntau qhov kev xav uas phem nyob rau hauv lawv nruab siab. Nyob rau hauv qee qhov xwm txheej mas, tej kev xav no pheej ua rau lawv muaj tej kev xav hauv lub hlwb uas phem thiab siv tej tswv yim phem, ces thiaj li ua rau lawv mus yuam kev lawm. Tej kev xav uas phem no tsis yog tsuas ua rau saib zoo li tib neeg tsis ntse, tsis paub dab tsi, thiab ruam xwb, tab sis tej kev xav uas phem no ua rau lawv mus yuam kev thiab raug kev txom nyem. Vajtswv xav tau ib tug tib neeg dog dig uas caum qhov tseeb xwb, tsis yog ib tug tib neeg ruam, tshaj li qhov tsim nyog thiab phem los caum qhov tseeb. Vim li cas thiaj li yog li no? Cov tib neeg uas ruam thiab phem ntawd tsis muaj peev xwm to taub txhua yam kom yog, haj yam tsis muaj txoj kev to taub uas dawb huv txog qhov tseeb li. Cov tib neeg uas ntseeg yuam kev thiab phem ntawd kuj siv ntau txoj kev phem los to taub, los saib thiab los xyaum ua raws li qhov tseeb thiab—qhov no mas phem heev thiab muaj teeb meem rau lawv. Lawv yuav raug kev txoj nyem loj heev, thiab qhov ntawd kuj yog kev tsis hwm Vajtswv kiag li thiab. Vajtswv tsis xav kom koj ua kom tshaj li qhov koj ua tau, los sis siv tej tswv yim tshaj li qhov ua tau thiab phem los xyaum ua raws li qhov tseeb. Tab sis, nyob rau hauv tej xwm txheej uas nyob hauv koj txoj kev ua neej uas yog rau txhua yam ntawd, thiab nyob rau hauv tus ciaj ciam ntawm txoj kev ua neej uas koj tuaj yeem to taub thiab ua tau ntawd, Nws xav kom koj muab Vajtswv cov lus coj los xyaum, xyaum ua raws li qhov tseeb, thiab ua raws li Nws tej kev tim tsum. Lub hom phiaj kawg ces yog kom koj tus moj yam qias vua tsuab hloov, kom thiaj li kho tau thiab hloov tau tag nrho koj tej kev xav hauv lub hlwb thiab tej kev xam pom, kom paub tob txog koj txoj kev to taub txog tib neeg tus moj yam qias vuab tsuab thiab koj txoj kev paub txog Vajtswv, thiab thiaj li ua kom koj muaj kev zwm rau Vajtswv ntxiv thiab ruaj khov thiab tseeb ntxiv—qhov no thiaj li yog qhov koj yuav tau txais txoj kev cawm dim.

Nws puas muaj qab hau rau Kuv los qhia txog qhov yuav muab ntau txoj kev xav uas phem tso tseg mus? (Muaj.) Kuv lub hom phiaj nyob rau hauv qhov ua li no yog dab tsi? Nws yog qhov hais tias, tsis hais txog qhov seb ntau txoj kev xav uas phem no twb tshwm sim ntev los lawm los sis tej kev xav uas phem nyuam qhuav tshwm sim rau tam sim no xwb, nej yeej muaj peev xwm nrhiav tau txoj kev yog los kho tej kev xav uas phem no, los muab tej kev xav uas phem no tshem tawm thiab kho mus rau txoj kev yog, es muab tej kev xav uas yuam kev thiab phem no tso tuaj rau tom qab, es maj mam mus rau qhov uas nej tsis daig rau hauv tej kev xav uas phem no ntxiv lawm, txawm yuav muaj dab tsi tshwm sim los xij li. Thaum rov qab muaj ntau txoj kev xav uas phem tuaj dua, ces koj yuav paub thiab to taub, koj yuav paub txog qhov kev puas tsuaj uas tej kev xav uas phem no ua rau koj thiab, tseeb tiag, koj kuj yuav tsum maj mam muab tej kev xav uas phem tso tseg mus thiab. Thaum muaj tej kev xav no tshwm tuaj, koj yuav muaj peev xwm xyaum txoj kev tswj tus kheej thiab siv tswv yim, ces koj yuav muaj peev xwm muab tej kev xav no tso tseg mus los sis nrhiav qhov tseeb los kho thiab los saib xyuas tej kev xav no. Txawm yuav yog qhov twg los xij li, tej kev xav no yuav tsum tsis cuam tshuam koj rau thaum hloov mus rau txoj kev yog, tus cwj pwm yog, thiab lub ntsiab yog rau hauv qhov seb koj saib tib neeg thiab txhua yam zoo li cas, thiab koj nplij koj tus kheej thiab ua li cas ntawd. Ua li no es tej teeb meem thiab tej kev uas thaiv koj txoj kev caum qhov tseeb ntawd thiaj li yuav tsawg zuj zus, es koj thiaj li yuav muaj peev xwm mus caum qhov tseeb nyob rau hauv tus ciaj ciam ntawm txoj kev ua neej uas Vajtswv cheem tsum yam tsis muaj kev tab kaum, los sis muaj kev tab kaum kom tsawg zuj zus, ces koj thiaj li yuav kho tau tus moj yam qias vuab tsuab uas koj nthuav tawm nyob rau hauv txhua hom xwm txheej. Tam sim no koj puas muaj ib txoj kev mus rau tom ntej uas hais txog qhov yuav kho ntau txoj kev xav uas phem no li cas? Ua ntej tshaj plaws, saib koj tus kheej kom meej hais txog txoj kev qias vuab tsuab uas koj nthuav tawm thiab saib seb tej kev xav uas phem no puas hloov koj lub siab thiab seb koj puas coj tej kev xav uas phem los rau hauv qhov seb koj saib tib neeg thiab txhua yam zoo li cas, thiab qhov koj nplij koj tus kheej thiab ua zoo li cas ntawd. Ntxiv ntawd, saib tej uas koj nco tau tob tob nyob rau hauv koj nruab siab lawm ntawd kom meej thiab saib seb tej uas tau tshwm sim rau koj lawm no puas ua rau muaj tej kab caws pliav los sis tej cim, thiab seb tej no puas pheej tswj kom koj los siv tej kev thiab tej tswv yim uas yog los saib tib neeg thiab txhua yam, thiab los nplij koj tus kheej thiab ua. Ua li no es thaum ntau txoj kev xav uas phem uas tshwm tuaj rau thaum ua rau mob koj nyob rau yav tas los lawm ntawd raug rho tawm lawm, ces yam uas koj yuav tsum ua ntxiv mus ntawd yog muab tej kev xav cais, paub txog tej kev xav ntawd thiab kho tej kev xav ntawd ib qho zuj zus kom mus raws li qhov tseeb. Piv txwv li, ib txhia tib neeg raug txhawb los ua thawj coj ntau zaus lawm, tab sis hos raug muab hloov chaw los sis raug xa mus rau lwm qhov lawm, ces thiaj li muaj txhua yam kev xav uas phem tshwm sim rau hauv lawv. Thoob plaws qhov txheej txheem ntawm qhov raug txhawb thiab tom qab ntawd raug muab hloov chaw thiab raug muab xa mus rau lwm qhov tas li ntawd, los lawv yeej tsis paub txog tias vim li cas thiaj li tshwm sim kiag li, ces yog li ntawd lawv yeej tsis paub txog lawv tus kheej tej kev tu ncua thiab tej kev ua tsis tau zoo, lawv tus kheej txoj kev qias vuab tsuab, los sis lub hauv paus uas tsim tej ntawd yog tej kev txhaum uas lawv ua. Lawv yeej tsis daws tej teeb meem no li, es thiaj li muaj ib yam uas nyob tob tob rau hauv lawv, ces lawv thiaj li xav hais tias, “Qhov no yog qhov Vajtswv lub tsev siv tib neeg li cas ntag. Thaum koj raug siv, ces koj raug tsa sawv, hos thaum koj tsis raug siv, ces koj raug rho tawm.” Cov tib neeg uas muaj hom kev xav hauv siab no tej zaum yuav muaj ib qho chaw nyob rau hauv lub zej zog uas yog qhov chaw uas lawv hais li cas los tau, tab sis nyob hauv Vajtswv lub tsev mas koj xav hais tias tsis muaj chaw rau koj hais tau dab tsi li, tsis muaj cai hais tau dab tsi li, thiab tsis muaj xwm txheej dab tsi los hais li, yog li ntawd yam uas koj ua tau ces yog tswj txhua yam cia xwb. Qhov tswj txhua yam cia no mas tsis yog ib qho muab tso tseg tau mus tab sis nws yog qhov muab khaws cia tob tob rau hauv nruab siab xwb. Muaj ib txhia tib neeg uas xav hais tias muaj ib hnub lawv yuav ua lawv tes dej num kom zoo es yog lawv cov kwv tij thiab cov muam pom qhov no ces cov kwv tij thiab cov muam ntawd yuav xaiv lawv los ua thawj coj dua; kuj muaj ib txhia uas xav ua lawv tes dej num ntsiag to xwb es tsis xav los ua ib tug thawj coj dua lawm, ces lawv thiaj li hais tias, “Kuv yuav tsis ua ib tug thawj coj lawm txawm leej twg txhawb kuv los xij li. Kuv poob ntsej muag tsis tau, thiab kuv uv tsis tau qhov mob ntawd. Txawm leej twg los ua thawj coj los sis raug hloov chaw lawm los tsis muaj dab tsi cuam tshuam kuv. Kuv yuav tsis ua thawj coj dua lawm, yog li ntawd kuv yuav tsis tau tiv txoj kev mob thiab txoj kev xav txog qhov raug tawm tsam uas los ntawm qhov raug muab hloov chaw ntawd los. Kuv tsuas yuav ua koj tes hauj lwm kom zoo thiab tuav lub luag hauj lwm no xwb, hos hais txog lub hom phiaj thiab qhov kawg twg nyob tos kuv ntawd, kuv muab qhov ntawd tso rau hauv Vajtswv ob txhais tes—qhov ntawd yog nyob rau ntawm Vajtswv xwb.” Hom kev xav li no yog dab tsi? Nws kuj tsis yog qhov hais tias tsis zoo li luag lwm tus tag nrho thiab; kuv xav hais tias yeej tsim nyog muab qhov ntawd hu ua kev nyuaj siab—kev nyuaj siab, kev qaug zog, tsis qhib siab thiab raug txwv lawm. Lawv xav hais tias, “Vajtswv lub tsev yog ib qho chaw uas muaj kev ncaj ncees, tab sis kuv raug txhawb thiab tom qab ntawd raug muab hloov chaw tas li. Kuv xav hais tias yuam kev heev lawm, tab sis kuv tsis muaj kev los cam qhov ntawd li, yog li ntawd kuv tsuas yuav ua raws li ntawd xwb! Nov yog Vajtswv lub tsev, kuv yuav mus cam tau kuv zaj rau qhov twg? Kuv swm rau qhov nyob zoo li no lawm. Tsis muaj leej twg nyob hauv lub ntiaj teb no es xav ntau txog kuv li ces nyob hauv Vajtswv lub tsev los yeej tib yam nkaus thiab. Kuv yuav tsis xav txog tias txhua yam yuav zoo li cas nyob rau yav tom ntej lawm.” Lawv qaug zog tas hnub li, lawv yeej tsis nyiam ib yam dab tsi li, lawv tsuas lam ua txhua yam uas lawv ua ntawd kom dhau xwb, lawv tsuas ua me ntsis ntawm yam uas lawv ua ntawd xwb thiab tsis muaj dab tsis ntxiv li lawm; lawv tsis kawm ntawv, lawv tsis siv zog, lawv tsis xav kom tob tob txog ib yam dab tsi li, thiab lawv yeej tsis txaus siab tiv kev txom nyem li. Nyob rau thaum kawg, lawv lub zog tas sai heev li, txoj kev muaj siab nyob rau thaum pib ntawd txias lawm, lawv xav hais tias tsis muaj ib yam dab tsi muaj feem xyuam txog lawv li, thiab yav dhau los ntawd lawv yog tus uas tuag lawm xwb. Qhov no tsis yog kev qaug zog lod? (Yog kawg.) Muaj ib txhia nug lawv hais tias, “Koj xav li cas txog qhov raug muab hloov chaw?” Lawv txawm teb hais tias, “Kuv tsis muaj peev xwm. Kuv tsim nyog xav li cas? Kuv tsis to taub txog qhov ntawd.” Ces lwm tus tib neeg nug lawv hais tias, “Yog koj rov qab raug xaiv los ua thawj coj dua no, koj puas yuav nyiam ua lawm?” Ces lawv txawm teb hais tias, “Au, kuv yuav xav ua ua tus dab tsi? Qhov ntawd tsis muaj qab hau! Kuv tsis muaj peev xwm thiab kuv ua tsis tau kom txaus Vajtswv lub siab nyiam li.” Qhov hais tias lawv tag kev vam lawm thiab tau muab tso tseg lawm ntawd mas tsis yog qhov tseeb kiag li. Lawv tsuas yog qaug zog, nyuaj siab, tsis qhib siab thiab tag kev cia siab lawm xwb. Es lawv thiaj li tsis xav hais yam uas nyob rau hauv lawv lub siab mus ntxiv lawm, lawv tsis xav qhib siab lug hais, thiab lawv tsis xav daws lawv tus kheej tej teeb meem, tej kev nyuaj, tej yeeb yam qias vuab tsuab thiab tej moj yam qias vuab tsuab—lawv tsuas yog pheej muab ib lub ntsej muag tuab tuab los looj xwb. Qhov no yog txoj kev xav dab tsi? (Kev nyuaj siab.) Lawv kuj tuav rawv rau lub tswv yim hais tias: “Kuv yuav ua yam uas Vajtswv hais kom kuv ua thiab rau siab ua txoj hauj lwm uas pawg ntseeg npaj rau kuv ua. Yog kuv ua txoj hauj lwm ntawd tsis tag, ces txhob hais tias yog tim kuv vim nws tsis yog kuv uas ua kom kuv tsis muaj peev xwm!” Qhov tseeb tiag, tus tib neeg zoo li ntawd yeej ntseeg Vajtswv tiag tiag, thiab lawv muaj kev mob siab. Lawv yeej yuav tsis ncaim Vajtswv mus li, lawv yeej yuav tsis tso lawv tes dej num tseg li, thiab lawv yeej yuav caum Vajtswv qab tas li. Nws tsuas yog hais tias lawv tsis cuab pob ntseg mloog kom to taub lub neej txoj sia xwb, los sis tsis tig los kom paub tus kheej, los sis tsis kho lawv tus moj yam qias vuab tsuab xwb. Qhov no yog teeb meem dab tsi? Lawv puas yuav tau txais qhov tseeb vim qhov ntseeg li no? Qhov no tsis yog teeb meem rau lawv lod? (Yog kawg.) Yeej tsis muaj hnub lawv yuav hais tias lawv tsis ntseeg Vajtswv li, tab txawm yog lawv raug ntaus kom tuag los xij li. Txawm li cas los xij, vim ntawm qee qhov xwm txheej uas tshwj xeeb, vim lawv tau raug qee qhov xwm txheej uas tshwj xeeb thiab ntau yam lawm, thiab qee tus tib neeg tau hais qee yam rau lawv lawm, ces lawv thiaj li dhuav thiab tau qaug zog lawm es lawv thiaj li rov qab sawv tsis tau dua thiab tsis muaj ib lub zog li lawm. Qhov no puas qhia hais tias lawv muaj tej kev xav uas phem? (Qhia.) Qhov muaj tej kev xav uas phem no ua pov thawj qhia hais tias muaj ib qho teeb meem, thiab thaum muaj ib qho teeb meem lawm, koj yuav tsum daws qhov teeb meem ntawd. Yeej ib txwm muaj ib txoj kev los daws tej teeb meem uas yuav tsum tau daws ntawd—tej teeb meem ntawd tsis yog daws tsis tau. Nws tsuas yog nyob ntawm qhov seb koj puas daws qhov teeb meem ntawd thiab seb koj puas xav los daws qhov teeb meem ntawd los tsis xav xwb. Yog koj xav, ces yeej tsis muaj ib qho teeb meem uas nyuaj heev es daws tsis tau li. Koj los rau ntawm Vajtswv lub xub ntiag thiab nrhiav qhov tseeb nyob rau hauv Nws cov lus, ces koj yeej daws tau txhua txoj kev nyuaj lawm. Txawm li cas los xij, tsis yog koj txoj kev tu siab, kev nyuaj siab, kev qaug zog thiab kev caij tsuj tsis pab koj daws koj tej teeb meem xwb tab sis, qhov txawv, tej ntawd ua tau rau koj tej teeb meem haj yam loj ntxiv thiab phem zuj zus tuaj. Nej puas ntseeg qhov no? (Ntseeg.) Yog li ntawd, txawm tam sim no koj tab tom muaj tej kev xav twg los sis tam sim no koj tau poob mus rau tej kev xav twg lawm los xij, kuv cia siab hais tias koj yuav muaj peev xwm muab tej kev xav hauv siab uas tsis yog lawm no tso tuaj rau tom koj qub qab. Txawm koj muaj qhov laj thawj twg los sis koj hais ub hais no los xij, lub sij hawm koj poob mus rau hauv txoj kev xav uas phem lawm, ces thaum ntawd koj twb poob mus rau hauv ib txoj kev xav uas phem tshaj li lawm. Thaum koj tau poob mus rau hauv ib txoj kev xav uas phem tshaj li lawm, ces txoj kev xav ntawd yeej yuav tswj koj txoj kev caum, thiab koj tej kev mob siab thiab tej kev xav tau, thiab, tseeb tiag, tej hom phiaj uas koj caum nyob rau hauv lub neej, thiab lub txim ntawm qhov no mas loj heev.

Thaum kawg no, muaj qee yam uas kuv xav qhia rau nej: Tsis txhob cia ib txoj kev xav me me hauv siab los sis ib txoj kev xav uas yooj yooj yim, tsis tseem ceeb muab koj ntswj mus tag koj sim neej es cia txoj kev xav ntawd cuam tshuam koj txoj kev tau txais txoj kev cawm dim thiab rhuav tshem koj txoj kev cia siab rau txoj kev cawm dim, puas to taub? (To taub.) Koj txoj kev xav no tsis yog phem xwb, yog muaj hais kom yog yog ces, nws tseem tawm tsam Vajtswv thiab qhov tseeb tiag tiag li thiab. Tej zaum koj yuav xav hais tias qhov no yog ib txoj kev xav nyob rau hauv txoj kev ua neej xwb, tab sis raws li Vajtswv pom mas, qhov no tsis yog ib txoj kev xav uas yooj yooj yim xwb, tab sis nws yog ib lub tswv yim uas tawm tsam Vajtswv. Nws yog ib lub tswv yim uas tej kev xav uas phem ntawd ntaus cim rau es tib neeg thiaj li muab siv los tawm tsam Vajtswv, tawm tsam Vajtswv cov lus thiab qhov tseeb. Yog li ntawd, kuv cia siab hais tias, muab xav hais tias koj xav los caum qhov tseeb, koj yuav saib koj tus kheej kom meej es saib seb koj puas tuav rawv rau tej kev xav uas phem no thiab tawm tsam Vajtswv yam tawv ncauj heev thiab ruam heev thiab nrog Nws sib tw. Yog tias koj nrhiav pom lo lus teb los ntawm txoj kev saib kom meej no, yog tias koj los paub tseeb thiab paub meej lawm, ces kuv hais kom koj xub muab tej kev xav no tso tseg mus. Tsis txhob saib tej kev xav no muaj nqis los sis tuav rawv tej kev xav no, vim tej kev xav no yuav rhuav tshem koj, tej kev no yuav rhuav tshem koj lub hom phiaj, thiab tej kev xav no yuav rhuav tshem lub cib fim thiab txoj kev cia siab uas koj muaj rau hauv txoj kev caum qhov tseeb thiab txoj kev tau txais kev cawm dim. Ntawm no yog qhov kuv yuav muab qhov kev sib qhia rau hnub no xaus li no.

Lub Cuaj Hlis Hnub Tim 24, Xyoo 2022