50. Ib Qho Kev Kawm Los Ntawm Kev Caum Tib Neeg Qab uas Tsis Yog Caum Vajtswv Qab
Thaum kuv los ua ib tug thawj coj pab pawg thawj zaug mas, kuv zoo siab heev uas pom tias Kab Lia yuav saib xyuas kuv tes hauj lwm. Ua ntej dhau los ntawd kuv twb hnov nws tej lus qhia nyob rau hauv cov rooj sib txoos ua ke lawm thiab kuv xav tias nws muaj kev to taub zoo heev txog Vajtswv cov lus, tias nws tej lus qhia mas meej heevthiab nws txawj tham txog kev qhuas tias nws tus kheej muaj kev paub. Lwm cov nus thiab viv ncaus kuj hais tias nws muaj peev xwm zoo thiab nrhiav qhov tseeb thiab. Tshaj qhov ntawd, nws tau ua ib tug thawj coj tas li txij thaum kuv paub nws los, yog li ntawd kuv thiaj li qhuas nws heev li; kuv mloog mas zoo li nws nrhiav qhov tseeb thiab muaj qhov tiag ntawm qhov tseeb lawm, tias txhua yam uas nws ua mas, nws mob siab ua kom raws li cov hauv paus ntsiab lus. Yog li ntawd tsuav yog Kab Lia yog tus npaj ib txoj hauj lwm rau kuv xwb, ces kuv yuav mus saib xyuas txoj hauj lwm ntawd kiag tam sid. Tab sis tom qab ntawd, tom qab ua hauj lwm nrog nws tau ib ntus lawm, kuv pom tias nws yeej tsis ua tes hauj lwm uas muaj qab hau kom tiav li, thiab feem ntau yeej tsis qhia txog qhov tseeb rau peb los sis yeej tsis nug txog seb peb nyob li cas los sis ib qho kev nyuaj nyob rau hauv peb tes hauj lwm li. Thaum muaj ib tug twg hais txog tej teeb meem rau nws mas, nws yuav hais khav theeb ntshuav tias tus ub tus no mas tsis muaj peev xwm los sis tus ub tus no muaj ib tug moj yam khav theeb thiab yeej tsis ua raws li hais li. Yog hais tias nws tsis daws qhov teeb meem ntawd los ntawm qhov cem lawv, ces nws tsuas hloov lawv tes dej num xwb. Qhov ntawd ua rau cov nus thiab cov viv ncaus coob leej xav tias raug nws txwm lawm. Kuv thiaj li xav tias nws muaj qee qho teeb meem, tab sis tom qab ntawd kuv hos xav tias tej zaum nws ntxhov siab los vim qhov khwv heev rau nws tes dej num xwb, ces kuv thiaj li tsis xav txog qhov ntawd heev lawm. Vim kuv hwm nws thiab qhuas nws, ces kuvthiaj li tsis nrhiav qhov tseeb nyob rau hauv kuv tej kev ua li, ces tos kuv paub xwb kuv twb ua txhaum nrog nws lawm.
Muaj ib zaug Kab Lia tuaj ntsib kuv yam xav tsis txog thiab hais tias muaj ib qho xwm txheej tseem ceeb heev uas kuv yuav tsum tau mus koom kiag tam sim ntawd—ib txhia nus thiab viv ncaus twb qhia rau ib tug thawj coj theem siab lawm tias muaj ib tug viv ncaus nyob rau hauv peb pawg ntseeg uas qhia txoj moo zoo tsis mus raws lub hauv paus ntsiab lus. Kab Lia hais rau kuv tias, “Ua ntej tshaj ces mus qhuab ntuas nws thiab tshuaj xyuas tus yeeb yam ntawm nws tus cwj pwm, ces tom qab ntawd muab nws tes dej num hloov.” Kuv thiaj li xav tias tus viv ncaus ntawd tsuas xyaum seb yuav tshaj tawm txoj moo zoo li cas xwb, yog li ntawd qhov uas muaj qhov teeb meem no tshwm sim mas yog vim hais tias nws tseem tsis tau nkag siab ib co hauv paus ntsiab lus. Qhov cia li muab nws rho tawm ncaj qhantawd mas tsis yog lawm—tsis tsim nyog peb qhia nws thiab pab nws ua ntej tso lod? Tab sis qhov paub tias Kab Lia twb ua ib tug thawj coj los tau ntev lawm, kuv thiaj li xav tias nws yuav tsum muaj kev xam pom txog txhua yam zoo dua lawm, yog li ntawd kuv thiaj li mus muab tus viv ncaus ntawd rho tawm, ib yam li Kab Lia hais. Muaj lwm lub sij hawm thaum ib pab pawg muaj rooj sib txoos ua ke es yuav tsum tau los xaiv ib tug thawj coj pab pawg, ces Kab Lia txawm hais rau kuv tias Choo ua tsis tau ib tug sib tw vim hai tias muaj qee qhov kev phom sij ntawm fab kev ruaj ntseg nrog nws. Choo tsis txaus siab lees txais qhov kev npaj tseg no ces thiaj li hais qhov nws tsis txaus siab nyob rau hauv ib lub rooj sib txoos ua ke tom qab ntawd. Tom qab Choo paub txog qhov no lawm, tsis tas qhia qhov tseeb rau Txoov lis, nws tsuas hais tias nws tsis muaj tus moj yam zoo ces thiaj li thov kom kuv los sau cov nus thiab cov viv ncaus tej kev ntsuam xyuas txog nws ntawd kiag tam sim ntawd. Tom qab ntawd, Kab Lia hais tias Choo yuav tsis tso qhov no tseg thiab taw tes rau cov thawj coj thiab cov neeg ua hauj lwm tej kev txhaum, thiab yeej tsis tig xav txog nws tus kheej los sis tsis paub nws tus kheej li. Yog li ntawd raws li nws tus cwj pwm mas, nws tsim nyog raug txwv tsis pub koom cov rooj sib txoos ua ke es cia nws tig xav nyob rau tim tsev. Nyob rau lub sij hawm ntawd kuv kuj xav tias Choo mas khav theeb heev li, tab sis kuv tsis tau saib seb nws puas coj zoo li ntawd tas li tiag tiag, haj yam tsis qhia thiab pab nws li. Kuv tsuas ua raws li qhov Kab Lia hais thiab txwv nws tsis pub koom cov rooj sib txoos ua ke lawm. Tom qab ntawd muaj lwm lub sij hawm uas thaum Kab Lia thiab nws cov neeg uas koom ua ke cia li hu kuv thiab ob peb tug thawj coj pawg ntseeg tuaj ua ke los mus nyeem ib qho kev ntsuam xyuas txog Ab Das Lis, uas yog tus saib xyuas tes hauj lwm ntau yam, rau peb. Nws hais tias Ab Das Lis yog ib tug tawm tsam Khetos ces thiaj li thov kom peb ho qhia peb tej kev xam pom, seb peb puas pom zoo qhov muab nws ntiab tawm. Kuv yoob tag li thaum hnov li ntawd. Kuv twb muaj kev sib txuas lus nrog Ab Das Lis ob peb zaug lawm, thiab zoo li nws yeej ris lub nra nyob hauv nws tes dej num tiag tiag lawm—nws rais los ua ib tug tawm tsam Khetos tau li cas? Kab Lia thiab nws cov neeg uas sib koom ua ke txawm hais tias Ab Das Lis mas khav theeb kawg nkaus li thiab tag nrho nws tes hauj lwm mas yog xav kom tau txais lub hwj chim xwb. Nws yeej tsis mob siab ua nws tus kheej tes hauj lwm li, tab sis pheej qhia txog qhov tseeb rau cov nus thiab cov viv ncaus uas nyob rau lwm pawg ntseeg los mus daws lawv tej teeb meem tas li. Kab Lia hais tias nws tsuas tas zog ua kom kov yeej tib neeg xwb, thiab tias nws ua li no kom ua rau tib neeg nkag siab yuam kev thiab tsim kom muaj ib lub chaw rau nws tus kheej nyob rau hauv tib neeg lub siab, thiab lwm yam. Thaum hnov tej kev ntsuam xyuas tias Ab Das Lis nquag qhia los mus daws teeb meem, ces kuv thiaj li xav rau kuv tus kheej tias, “Qhov ntawd yeej zoo ib yam li uas dog dig rau kuv xwb. Qhov ntawdho ua rau nws yog ib tug tawm tsam Khetos tau li cas?” Tab sis tom ntawd dua, kuv xav tias kuv tsuas yuav ntsib Ab Das Li li ob peb zaug lawm xwb, hos Kab Lia thiab nws cov neeg ua hauj lwm ua ke mas sib txuas lus nrog nws nyob rau hauv lawv tej dej num ntau heev. Lawv yuav tsum muaj kev to taub zoo dua kuv, thiab vim Kab Lia to taub qhov tseeb lawm, ces nws txoj kev xam pom txog txhua yam thiaj li raug ntxiv tuaj lawm, tsis tas hais txog qhov tias nws twb tau sib tham thiab txiav txim li no nrog ntau tus neeg ua hauj lwm ua ke, ces yuav tsum yog xwb. Yog li ntawd, yog tsis nrhiav dab tsi ntxiv lawm, ces kuv thiaj li pom zoo muab Ab Das Li ntiab tawm.
Tom qab ntawd muaj ib hnub kuv txawm cia li hnov tias Kab Lia thiab lwm cov neeg ua hauj lwm ua ke ib txhia raug muab rho tawm lawm. Qhov no ua rau kuv ceeb tag thiab kuv yeej tsis paub tias yog vim li cas qhov ntawd thiaj li tshwm sim. Tsis ntev ntawd ib tug thawj coj theem siab txawm los nrog kuv tham, hais tias kuv los yeej raug ib txhia nus thiab viv ncausmuab qhia tawm ib yam nkaus lawn thiab. Nws kuj hais tias qhov txwv tsis pub Choo koom cov rooj sib ua ke ntawd mas tsis mus raws li cov hauv paus ntsiab lus lawm, qhov ntawd yog caij tsuj nws. Ces tus thawj thiaj li hais kom kuv mus coj nws rov qab los rau hauv pawg ntseeg thiab mus qhia rau lwm tus txog qhov xwm txheej no. Kuv ceeb tag li tias kuv tau saib xyuas txhua yam rau Choo tsis raug lawm, vim hais tias qhov ntawd tsuas yog qee yam uas Kab Lia thiab lwm tus puav leej tau pom zoo rau xwb. Qhov ntawd yuav txhaum tau li cas? Yog hais tias txhaum lawm, qhov ntawd tsis tab kaum thiab cuam tshuam pawg ntseeg tes hauj lwm lod? Kuv yeej tsis tau xav tias kuv yuav khwv heev rau kuv tes dej num hnub tas hnub tuaj, tiam sis thaum kawg tseem ua ib qho kev cuam tshuam thiab. Kuv txawmntshai, tsis kaj siab, thiab meem txom heev li. Ces kuv thiaj li thovVajtswv tias, “Au Vajtswv! Xav tsis txog qhov no kiag li thiab kuv tsis paub xyov Koj txoj kev xav rau qhov no yog dab tsi. Thov coj kuv kev kom paub txhua yam uas kuv tuaj yeem paub tau.” Kuv yeej tsis muaj ib qho kev paub tseem ceeb txog kuv tus kheej rau thaum lub sij hawm ntawd li, tab sis thaum kawg kuv tau coj rau Choo tsis mus raws li lub hauv paus ntsiab lus lawm. Qhov ntawd mas tsis ncaj ncees thiab mob nws heev li. Yog li ces hnub tom qab ntawd, kuv thiaj li thov txim rau Choo thiab coj nws rov qab los rau hauv pawg ntseeg lawm. Kuv kuj lees paub txog qhov kuv ua yuam kev rau lwm cov nus thiab viv ncaus lawm thiab. Ces txawm muaj ib tug nus hais rau kuv yam tag kev cia siab nrho hais tias, “Koj yog ib tug thawj coj pawg ntseeg, tab sis tsis yog koj tsis tiv thaiv cov nus thiab cov viv ncaus xwb, koj kuj tseemnrog Kab Lia ua phem thiab. Koj nyob rau ntawm ib txoj kev puas tshuaj thiab koj tab tom cab peb txhua tus nrog koj nqis mus rau hauv dab tuag teb. Kuv ntseeg tsis tau koj mus ntxiv lawm.” Qhov nws hais ntawd mas nkag ncaij nraim los rau hauv lub siab thiab ua rau chim siab heev li, tab sis kuv paub tias qhov xwm txheej ntawd yuav tsum yog los ntawm Vajtswv los, yog li ces kuv tsim nyog zwm rau qhov ntawd.
Ces yog li ntawd, kuv thiaj li ua kom kuv tus kheej siab tus thiab tig xav tias: Vim li cas kuv thiaj li ua raws Kab Lia qab mus ua phem—qhov teeb meem nyob qhov twg tiag tiag? Tom qab ntawd kuv txawm nyeem ib zaj lus ntawm Vajtswv cov lus uas qhib kuv ob lub qhov muagme ntsis lawm. Vajtswv cov lus hais tias: “Qhov uas koj qhuas tsis yog Khetos txoj kev txo hwj chim, tab sis yog cov neeg yug yaj cuav uas sawv zoo nkauj txoj xwb. Koj tsis tau txais txoj kev ntxim hlub los yog lub tswv yim ntawm Khetos, tab sis tau los ntawm cov nyiam ywj pheej uas qaug quav txoj kev txaus siab nrog tej kev phem kev qias hauv lub ntiaj teb no. Koj xav luag rau qhov uas Khetos txom nyem tsis muaj chaw yuav tso Nws lub taub hau, tab sis koj qhuas cov cev tuag uas nrhiav tej khoom uas muab fij thiab ua lub neej nyob nrog txoj kev quav cawv. Koj tsis txaus siab hlo raug kev txom nyem ua ke nrog Khetos, tab sis koj zoo siab muab koj tus kheej koom nrog cov neeg tawm tsam khetos, txawm tias lawv pub tsuas yog rau sab nqaij tawv, lo lus, thiab kev tswj hwm rau koj xwb los xij. Txawm tam sim no kiag los, koj lub siab tseem tig mus rau lawv, mus rau lawv lub koob npe, mus rau lawv lub meej mom, mus rau lawv lub hwj chim. Thiab koj tseem muaj tus cwj pwm uas pom tias Khetos tes hauj lwm mas ua nyuaj heev thiab tsis kam lees txais tes hauj lwm ntawd li. Vim li no Kuv thiaj hais tias koj tsis muaj kev ntseeg kom paub txog Khetos. Lub ntsiab uas koj tau caum raws Nws los txog hnub no tsuas yog vim hais tias koj tsis muaj lwm txoj kev xaiv lawm xwb. Cov duab uas tsim nuj yuav nyob hauv koj lub siab mus ib txhis; koj tsis tuaj yeem hnov qab lawv txhua lo lus thiab tes hauj lwm, los sis lawv cov lus haub ntxias thiab sab tes. Lawv yog cov zoo tshaj plaws thiab yog cov uas siab tawv nyob hauv nej lub siab mus ib txhis. Tiam sis qhov no tsis zoo li ntawd rau Khetos nyob rau niaj hnub no. Nws tsis tseem ceeb hauv koj lub siab mus ib txhis, thiab tsis tsim nyog tau txais txoj kev ntshai mus ib txhis li. Vim Nws yog neeg dog dig dhau, muaj hwj chim tsawg dhau, thiab tsis muaj koob meej dab tsi li” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Koj Puas Yog ib Tug Ntseeg Vajtswv Tiag?). Qhov Vajtswv nthuav tawm nyob rau hauv Nws cov lus ntawd pab ua rau kuv pom tias txawm kuv yog ib tug ntseeg los xij, Vajtswv yeej tsis muaj chaw nyob rau hauv kuv lub siab li. Qhov kuv pe hawm ntawd ces yog lub meej mom thiab lub hwj chim, ib tug yam ntxwv siab thiab yog ib tug uas tham lus zoo xwb. Thaum kuv pom kiag tias Kab Lia muaj peev xwm thiab hais lus npliag zoo, tias nws yuav qhia tau zoo thiab twb ua ib tug thawj coj los tau ntev lawm, ces kuv thiaj li ntseeg yuam kev tias nws to taub qhov tseeb thiab muaj qhov tiag ntawm qhov tseeb lawm, yog li ntawd nws txawm ua dab tsi los xij yuav tsum mus raws li cov hauv paus ntsiab lus lawm. Vim li ntawd, thaum nws npaj kom kuv ua qee yam, kuv thiaj li tsuas mus ua kiag raws li qhov nws hais ntawd xwb yam tsis ua tib zoo xav li, los sis haj tseem tsis nrhiav cov hauv paus ntsiab lus ntawm qhov tseeb li thiab. Tshwj xeeb ces yog kuv yeej tsis tau xav txog qhov qhov siv kev thoob tsib rau nws li. Saib raws sab nraud mas, kuv yeej nyeem Vajtswv cov lus txhua hnub thiab ua kuv tes dej num txij thaum sawv ntxov mus txog ntua thaum tsaus ntuj, tab sis cov hauv paus ntsiab lus uas kuv tau siv rau hauv kuv tes dej num thiab kuv tus qauv rau txoj kev ntsuam xyuas txhua yam mas yeej tsis mus raws li Vajtswv cov lus li. Tiam sis, kuv mloog Kab Lia lus rau txhua yam thiab ua yam uas nws hais. Tsuas zoo ib yam nkaus li thaum kuv saib xyuas qhov xwm txheej ntawm tus viv ncaus uas qhia txoj moo zoo ntawd: kuv puab nyob rau lub sij hawm qhov muab nws rho tawm ncaj qha ntawd mas tsis tsim nyog lawm, tab sis vim qhov ntawd yog Kab Lia qhov kev npaj tseg lawm, ces kuv thiaj li tsis lees kuv tus kheej thiab ua ntsej dig lag muag ua raws nws qab xwb. Thiab kuv yeej tsis nrhiav cov hauv paus ntsiab lus ntawm qhov tseeb nyob rau hauv qhov xwm txheej ntawm Choo li thiab, tab sis cia li ua li qhov Kab Lia xav tau xwb, ces thiaj Ii txwv tsis pub nws koom cov rooj sib txoos ua ke lawm. Tom qab ntawd muaj qhov xwm txheej ntawm kev tawm suab los muabAb Das Lis ntiab tawm. Thaum hnov Kab Lia hais tias Ab Das Lis yog ib tug tawm tsam Khetos, ces txawm tias qhov ntawd tsis muaj qab hau thiab ntxim li tsis yog teeb meem rau kuv los xij, kuv xav tias Kab Lia muaj kev thoob tsib thiab kev nkag siab tib neeg thiab txhua yam zoo dua kuv. Qhov ntawd kuj yog qee yam uas nws thiab lwm cov neeg ua hauj lwm ua ke tau txiav txim siab ua ke los ntawm kev sib qhia lawm, yog li kuv thiaj li tsis xav tias lawv yuav yuam kev li. Kuv nrog Kab Lia ua phem lawm txawm tias yuav yog ib qho xwm txheej uas muab ib tug neeg ntiab tawm zoo li ntawd los xij; kuv pom zoo muab Ab Das Li ncaws tawm ntawm pawg ntseeg mus, yuav luag rhuav tshem nws lub hwv tsam tau txais kev cawm dim. Kuv yeej tsis paub mus txog ntuas thaum tom qab uas Ab Das Li muaj muaj ib qho kev ncaj ncees, es nws tau Kab Kia thiab nws pab pawg tej kev ua phem qhia tshwm thiab qhia tawm. Tsis yog lawv tsis kam lees txais qhov ntawd xwb, tab sis tseem tuaj tom qab txhawb qhov ua pauj rau nws thiab ua kom nws raug ncaws tawm thiab. Kuv yeej tsis lom txwm rau txim rau Ab Das Lis zoo li qhov lawv tau ua lawm, tab sis kuv los yeej tsis nrhiav qhov tseeb li thiab. Kuv tau tuaj Kab Lia thiab lwm tus tog pab ua pauj rau thiab rhuav tshem ncaj qha rauAb Das Lis. Ces kuv yeej tau koom ua phem nrog lawv lawm. Nyob hauv kuv txoj kev ntseeg mas, yeej tsis muaj chaw nyob hauv kuv lub siab rau Vajtswv los sis rau Nws cov lus li; kuv tsuas pe hawm lub peev xwm, kev ntsib kev pom, lub hwj chim, thiab lub meej mom xwb. Kuv mloog txhua tus uas muaj meej mom thiab hwj chim lus xwb, uas yog nyob ncig lawv zoo li ib tub qhe. Kuv tsis yog ib tug ntseeg tseeb hlo li. Vajtswv yog ib tug Vajtswv uas ntxub qhov phem, thiab kuv ntseeg Vajtswv tab sis ho pe hawm thiab raws ib tug neeg qab, haj tseem muaj peev xwm ua phem raws nws qab thiab tawm tsam Vajtswv thiab. Nyob rau theem ntawd kuv thiaj li paub tias qhov no yog kuv ib qho teeb meem loj, thiab yog hais tias kuv tsis lees txim hloov dua siab tshiab, ces kuv yuav raug Vajtswv tsis lees paub thiab raug ntiab tawm xwb xwb li. Tom qab ntawd kuv paub tias Kab Lia thiab cov tib neeg uas nws ua hauj lwm nrog ntawd yeej tsis ua tes hauj lwm muaj qab hau, tsuas maj nroos thiab xav muaj hwj chim xwb, thiab caij tsuj thiab nplawm lwm tus ywj siab. Lawv xav kho cov nus thiab cov viv ncaus tej kev ntsuam xyuas, kho kom lawv zoo saib, tsim kev ua pov thawj cuav ntxiv rau, tas zog ua kom Ab Das Lis, uas yog tus muab lawv qhia tshwm thiab qhia tawm, raug ntiab tawm. Lawv tswj tej kev xaiv tsa los ntawm tej kev nyiag zais ntsis hloov, thiab txhawb nqa thiab rho tib neeg tawm raws li lawv siab nyiam. Lawv tau ua phem ntau heev lawm; qhov ntawd tau txiav txim tias lawv yog cov tawm tsam Khetos thiab raug ntiab tawm ntawm pawg ntseeg mus ib txhis lawm. Tom qab ntawd tus thawj coj thiaj li nug lwm cov nus thiab viv ncaus seb lawv puas muaj kev xam pom tias tsim nyog tswj kuv li cas. Saib raws li qhov kuv tau coj nyob rau hauv kuv tes dej num thiab keeb kwm ntawm kuv tej kev ua yav dhau los, ces lawv hais tias kuv to taub yuam kev lawm thiab pom zoo muab hwv tsam rau kuv ib zaug los lees txim hloov dua siab tshiab thiab cia kuv nyob hauv pawg ntseeg thiab ua tes dej num mus ntxiv. Kuv thiaj li zoo siab heev. Kuv tau ua yam tsis nrhiav qhov tseeb, koom nrog cov tawm tsam Khetos ua phem, tab sis pawg ntseeg ho tsis ncaws kuv tawm. Tseem muab ib lub cib fim rau kuv los lees txim hloov dua siab tshiab thiab. Kuv ua tsaug ntau ntau rau Vatswv vim Nws txoj kev hlub tshua.
Tom qab kuv nyeem qee cov ntawm Vajtswv cov lus uas ua rau kuv muaj kev thoob tsib txog lub ntsiab tseeb ntawm Kab Lia thiab nws pab pawg. Vajtswv cov lus hais tias: “Lub hom phiaj tseem ceeb ntawm tus tawm tsam Khetos thaum lawv tawm tsam thiab muab tus neeg uas tsis pom zoo nrog lawm ntawd cais tawm yog dab tsi? Lawv nrhiav kev los tsim ib qho xwm txheej rau hauv pawg ntseeg kom tsis txhob muaj ib lub suab cov nyom rau lawv tus kheej, kom lawv lub hwj chim, lawv lub meej mom ua thawj coj, thiab lawv cov lus thiaj li muaj tseeb. Txhua tus yuav tsum mloog lawv hais, thiab tab txawm txhua tus muaj kev xav sib txawv los xij, txhua tus yuav tsum tsis txhob muab qhov kev xav ntawd nthuav tawm li, tiam sis cia qhov kev xav ntawd ua tswj ua paug rau hauv txhua tus lub siab xwb. Tus uas muaj cuab kav tab meeg tsis pom zoo nrog lawv mas dhau los ua tus tawm tsam Khetos tus yeeb ncuab ntag, thiab lawv yuav xav txhua txoj kev li lawv xav tau los ua txhua yam nyuaj rau tus ntawd, thiab tos tsis taus kom tus ntawd ploj mus li. Qhov no yog ib qho ntawm cov kev uas cov tawm tsam Khetos tawm tsam thiab muab tus neeg uas tsis pom zoo nrog lawv ntawd cais tawm mus kom txheem tau lawv lub meej mom thiab tiv thaiv tau lawv lub hwj chim. Lawv xav hais tias, ‘Qhov koj muaj tej kev xav sib txawv ntawd mas tsis ua cas, tiam sis tsis pub koj mus muab lawv tham rau ub rau no li koj nyiam, thiab haj yam tsis pub koj saib tsis taus kuv lub hwj chim thiab lub meej mom thiab. Yog koj muaj qee yam yuav hais, koj cia li hais rau kuv twj ywm xwb tau lawm. Yog koj hais qhov ntawd rau ntawm txhua tus lub xub ntiag es ua rau kuv poob ntsej muag, ces koj tab tom thov kom raug thuam, thiab kuv yuav tau saib xyuas koj ntag.’ Hom moj yam no yog moj yam dab tsi? Cov tawm tsam Khetos tsis pub lwm tus hais lus ywj siab. Yog lawv muaj ib txoj kev xav—ces txawm yog xav txog tus tawm tsam Khetos los sis lwm yam los xij—lawv yuav tsum khaws qhov kev xav ntawd cia rau lawv tus kheej xwb; lawv yuav tsum tsis txhob ua rau tus tawm tsam Khetos ntawd poob ntsej muag li. Yog tsis li ntawd, ces tus tawm tsam Khetos yuav saib lawv li ib tug yeeb ncuab, thiab tawm tsam thiab muab lawv cais tawm mus. Tus yeeb yam no yog yeeb yam dab tsi? Nws yog tus yeeb yam ntawm tus tawm tsam Khetos ntag. Thiab yog vim li cas lawv thiaj li ua li no? Lawv tsis tso cai rau pawg ntseeg muaj lwm lub suab, lawv tsis pub muaj cov neeg uas tsis pom zoo nrog lawv nyob rau hauv pawg ntseeg, lawv tsis tso cai rau cov uas Vajtswv xaiv tseg los tab meeg qhia qhov tseeb thiab txheeb xyuas tib neeg li. Qhov uas lawv ntshai tshaj plaws ces yog tsam raug tib neeg muab nthuav tawm thiab txheeb xyuas xwb; lawv tas zog ua kom lawv lub hwj chim thiab lub meej mom uas lawv muaj nyob rau hauv tib neeg lub siab ntawd nyob ruaj khov, kom lawv thiaj li yuav tsis hnov ua zog hlo li lawm. Lawv yeej tsis zam ib yam dab tsi uas rhuav tshem los sis cuam tshuam rau lawv txoj kev muab hlob, lub koob lub npe, los sis lub meej mom thiab qhov muaj nuj nqis ntawm ib tug thawj coj li. Qhov no tsis yog ib qhov kev qhia kom pom meej txog cov tawm tsam Khetos tus yeeb yam phem lod? Lawv tsis txaus siab rau lub hwj chim uas lawv twb muaj lawm, lawv thiaj li ua kom lub hwj chim ntawd nyob ruaj khov thiab ruaj ntseg thiab nrhiav kev tswj fwm mus ib txhis li. Lawv tsis yog xav tswj lwm tus tus cwj pwm xwb, tiam sis kuj xav tswj lwm tus lub siab thiab” (Txoj Lus, Phau 4. Kev Nthuav Tawm Cov Tawm Tsam Khetos. Yam Ob: Lawv Tawm Tsam thiab Cais Cov Tsis Pom Zoo Tawm). Qhov nyeem Vajtswv cov lus ntawd ua rau kuv to taub qee qhov txog cov tawm tsam Khetos tej moj yam phem. Vim qhov xav tuav lawv tus kheej txoj hauj lwm kom ruaj khov, ces lawv thiaj li saib cov uas muaj kev thoob tsib tshaj lawv, cov uas muaj peev xwm muab lus qhia rau lawv thiab muab lawv qhia tshwm, thiab yuav tsis muaj ib yam dab tsi los cheem tau kom txhob nplawm thiab caij tsuj lawv li yog yeeb ncuab. Lawv haj tseem muab kev iab liam ntawm txhua yam kev txhaum tsub rau cov neeg ntawd kom muab lawv tshem tawm ntawm pawg ntseeg mus es thiaj li ua tiav lawv lub hom phiaj ntawm qhov tuam lawv lub hwj chim nyob rau hauv pawg ntseeg. Qhov no mas yog kis txawj dag thiab phem tshaj plaws ntawm cov tawm tsam Khetos. Kuv pom tau tias cov tawm tsam Khetos mas muaj kev ua neeg phem heev, muaj tej moj yam uas tsiv nyaum, thiab ntxub qhov tseeb thiab txhua yam zoo heev li. Kab Lia thiab lwm tus tau coj tus cwj pwm yog kiag li qhov Vajtswv piav qhia ntag. Thaum ib txhia nus thiab viv ncaus tau txais kev thoob tsib lawm, es tom qab ntawd muab lus qhia rau lawv los sis muab lawv qhia tawm, mas tsis yog lawv tsis kam lees qhov no los ntawm Vajtswv los thiab tsis tig xav txog lawv tus kheej xwb, tab sis tseem xav caij tsuj cov nus thiab cov viv ncaus ntawd thiab ua kom lawv raug ncaws tawm thiab. Ab Das Lis pom tias lawv tau ua txhaum cov hauv paus ntsiab lus nyob rau hauv lawv tej kev ua lawm, yog li ntawd nws thiaj li muab lawv qhia tawm thiab qhia tshwm, tom qab uas lawv tau pib caij tsuj nws, thiab npaj tej ntaub ntawv los ua kom nws raug ncaws tawm ntawm pawg ntseeg mus. Tab sis lawv qhov pov thawj tsis muaj txaus thiab pawg ntseeg tsis pom zoo. Los lawv yeej tsis tso tseg li thiab, tab sis tas zog ua kom Ab Das Lis raug tshem tawm xwb es lawv thiaj li haj tseem tau kho lwm tus tej kev ntsuam xyuas txog nws thiab, kho kom txhua yam zoo saib thiab ntxeev qhov muaj tseeb, hais tias qhov Ab Das Lis qhia thiab pab lwm tus ntawd yog qhov nws ua ib tug tawm tsam Khetos uas coj tib neeg xav yuam kev ntag. Lawv npuaj thiab teem txim rau nws ywj siab; lawv yeej tsis so mus txog ntua thaum lawv ua rau Ab Das Lis raug tshem tawm ntawm pawg ntseeg mus lawm. Cov tawm tsam Khetos no mas zoo kiag li tus zaj loj liab ploog ntag, caij tsuj thiab tawm tsam txhua tus uas tsis pom zoo nrog lawv, lom txwm iab liam cov tsis pom zoo thiab rhuav tshem cov ntawd kom tuav tau lawv tus kheej txoj hauj lwm khov kho xwb. Lawv yuav tsis tso cai cia lwm tus tawm suab nyob rau hauv pawg ntseeg uas lawv muaj hwj chim kav li, thiab yuav rau txim txhua tus uas muab lus qhia rau lawv. Thiab vim Nkaj Txos, uas yog lwm tus tswv cuab hauv pawg ntseeg, pheej nquag muab lus qhia txhua yam rau lawv thiab hais lawv tej teeb meem tawm, ces lawv thiaj li tawm tsam nws yam zais ntshis tom qab qub, muab nws cais tawm mus nyob nws tus kheej thiab kom tig xav txog nws tus kheej, thiab tsis pub nws ua tes dej num. Vim qhov chim heev, lawv thiaj li haj tseemhais tias txawm nws raug faib cais mus nyob rau tim tsev lawm los xij, lawv yeej tseem yuav tsis tso tseg, thiab nias qees ua kom nws raug tshem tawm ntawm pawg ntseeg mus, thiab yuav tsis tso tseg kom mus txog ntua thaum lawv ua tau tiav lawm. Muaj tus thawj coj ntawm lwm pawg ntseeg uas raug lawv txoj kev rau txim thiab kev caij tsuj vim hais tias nws muaj kev xam pom txawv txog qhov uas muab Nkaj Txos tshem tawm—ces lawv thiaj li muab nws tshem tawm ntawm nws tes dej num lawm.
Kuv pom tias Kab Lia thiab nws pab pawg ntawm cov tawm tsam Khetos phem npaum li cas, tias lawv muaj peev xwm ua txhua yam uas tsis xws li tib neeg los rhuav tshem cov nus thiab cov viv ncaus kom lawv thiaj li tuav tau lawv txoj hauj lwm. Lawv mas haj yam tsis yog tib neeg li. Kuv thiaj li nug kuv tus kheej tias: Kuv puab qab tshob thiab ua raws li ib tug tawm tsam Khetos uas phem zoo li ntawd rau txoj kev ua phem nrog nws tau li cas? Vim li cas kuv twb yog ib tug ntseeg lawm los tseem pe hawm thiab raws ib tug neeg qab thiab? Vim li cas kuv thiaj li teev rau ib tug tawm tsam Khetos uas ua phem thiab? Tom qab thov Vajtswv thiab nrhiav lawm, ces kuv thiaj li tau txais qee qhov kev to taub txog lub hauv paus keeb cag ntawm qhov kuv ua tsis tau. Kuv nyeem qhov no nyob hauv Vajtswv cov lus tias: “Qee leej tib neeg muaj cuab kav tiv kev txom nyem tau, muaj peev xwm them tus nqi tau, nyob rau sab nraud mas coj zoo, tau txais kev hwm zoo, thiab xyiv fab hlo rau kev qhuas ntawm lwm tus. Nej puas hais tau tias tej hom cwj pwm nyob sab nraud li no muaj peev xwm muab hais tau tias yog qhov muab qhov tseeb coj los xyaum ua? Puas muaj ib tug neeg twg txiav txim tau tias cov tib neeg zoo li no tab tom ua tau zoo raws Vajtswv txoj kev xav? Vim li cas tib neeg thiaj pom cov neeg zoo li no ib zaug tas ib zaug dua thiab xav tias lawv tab tom ua tau zoo raws Vajtswv, taug txoj kev ntawm qhov muab qhov tseeb coj los xyaum ua, thiab ua raws Vajtswv txoj kev? Vim li cas qee leej tib neeg thiaj xav li no? Nws tsuas muaj tib qho lus piav qhia txog qhov no nkaus xwb. Qhov lus piav qhia txog ntawd yog dab tsi? Nws yog qhov tias tib neeg ntau leej, qee cov lus nug—xws li tias qhov muab qhov tseeb coj los xyaum ua txhais tau li cas, qhov ua kom tau zoo raws Vajtswv txhais tau li cas, thiab kev muaj qhov tseeb qhov muaj tiag txhais tau li cas—tseem tsis tau meej tseeb heev. Vim li ntawd, thiaj li muaj qee leej tib neeg raug dag tas li los ntawm cov neeg uas nyob rau sab nraud mas zoo li muaj kev ntseeg sab ntsujplig, txawj ntse, nyob chaw siab, thiab zoo heev. Hos cov tib neeg muaj peev xwm txawj hais cov npe ntawv thiab tej kev qhuab qhia, thiab cov uas tej kev hais lus thiab kev ua mas zoo li tsim nyog qhuas, cov uas raug lawv dag yeej tsis tau ntsia mus rau lub ntsiab tseeb ntawm lawv tej kev ua, cov keeb laj fai uas nyob tom qab lawv tej kev ua, los sis seb lawv cov hom phiaj yog dab tsi kiag li. Ntau tshaj ntawd, lawv yeej tsis tau ntsia seb cov tib neeg no puas zwm rau Vajtswv tiag tiag, los sis lawv yeej tsis tau txiav txim siab seb cov tib neeg no puas ntshai Vajtswv thiab zam kev phem. Lawv yeej tsis tau pom meej txog txoj kev ua neeg lub ntsiab tseeb ntawm cov tib neeg no li. Dua li ntawd, pib ntua thawj kauj ruam ntawm sib paub nrog lawv, lawv tau, me ntsis thiab me ntsis, qhuas thiab hwm cov tib neeg no, thiab nyob rau thaum kawg, cov tib neeg no thiaj tau rais los ua lawv cov mlom lawm. Tsis tas li ntawd, nyob hauv qee leej txoj kev xav, cov mlom uas lawv pe hawm—thiab cov uas lawv ntseeg muaj peev xwm tso lawv tsev neeg thiab txoj hauj lwm tseg, thiab cov uas zoo li muaj peev xwm them tus nqi tau—yog cov neeg ua tau zoo raws Vajtswv tiag thiab yog cov uas muaj peev xwm tau txais qhov tshwm sim thiab cov hauv kev kawg zoo. Hauv lawv txoj kev xav, cov mlom no yog cov uas Vajtswv qhuas” (Txoj Lus, Phau 2. Hais Txog Qhov Kev Paub Vajtswv. Yuav Ua Li Cas Paub Tau Vajtswv Tus Yam Ntxwv thiab Qhov Tshwm Sim Uas Nws Tes Dej Num Yuav Ua Kom Tiav). “Tsuas muaj tib lub hauv paus cag uas ua rau tib neeg muaj tej kev ua thiab kev xam pom uas tsis paub qab hau zoo li no xwb, los sis cov kev xav thiab kev xyaum ua rau ib sab xwb—thiab hnub no Kuv yuav qhia nws rau nej: Qhov laj thawj yog tias, txawm tej zaum tib neeg yuav caum raws Vajtswv, taij thov Nws txhua hnub, thiab nyeem Nws cov lus hais tawm txhua hnub los xij, tseeb tiag lawv yeej tsis to taub txog Nws txoj kev xav li. Qhov no yog lub hauv paus cag ntawm qhov teeb meem. Yog tias muaj ib tug twg to taub txog Vajtswv lub siab thiab paub txog yam uas Nws nyiam, yam uas Nws tsis nyiam kiag li, yam uas Nws xav tau, yam uas Nws tsis txais yuav, hom tib neeg uas Nws hlub, hom tib neeg uas Nws tsis nyiam, hom qauv twg uas Nws siv thaum xav tau dab tsi los ntawm tib neeg, thiab Nws siv hom hau kev twg coj los ua kom lawv zoo tshaj plaws, ces tus tib neeg ntawd puas tseem muaj lawv tus kheej tej kev xav lawm? Cov tib neeg zoo li no puas muaj peev xwm mus pe hawm lwm tus tau thiab? Ib tug tib neeg dog dig puas muaj peev xwm rais ua lawv tus mlom tau? Cov tib neeg uas to taub txog Vajtswv txoj kev xav yeej muaj tej kev xam pom uas muaj qab hau ntau tshaj ntawd. Lawv yuav tsis lam tau lam pe hawm ib tug neeg qias vuab tsuab, los sis lawv yuav tsis, thaum tab tom taug txoj kev ntawm qhov muab qhov tseeb coj los xyaum ua, lam tau lam ntseeg qi muag nti tuav raws ob peb txoj kev cai los sis cov keeb laj fai ntawd uas sib txig sib luag nrog rau qhov muab qhov tseeb coj los xyaum ua” (Txoj Lus, Phau 2. Hais Txog Qhov Kev Paub Vajtswv. Yuav Ua Li Cas Paub Tau Vajtswv Tus Yam Ntxwv thiab Qhov Tshwm Sim Uas Nws Tes Dej Num Yuav Ua Kom Tiav). “Tsis hais lawv yuav nyob rau qib twg ntawm txoj kev coj li, lawv yeej tseem yog tib neeg li sawv daws xwb, thiab yog koj saib lawv li yogcov siab dua koj, yog koj xav hais tias lawv nyob siab dua koj, hais tias lawv zoo dua los sis txawj dua koj, thiab hais tias lawv tsim nyog coj koj, hais tias lawv yeej ib txwm zoo li nyob siab tshaj lwm tus, ces qhov ntawd yuam kev lawm—nws yog koj qhov muag txaij pom tus duab cuav xwb. Thiab daim duab cuav uas qhov muag txaij pom no ho yuav ua rau muaj dab tsi tshwm sim los? Daim duab cuav uas qhov muag txaij pom no, qhov kev to taub tsis yog no yuav ua rau koj siv tej kev cheem tsum uas tsis yog raws li qhov tseeb coj los ntsuas koj cov thawj coj; nyob rau tib lub sij hawm ntawd, yam koj tsis nco paub txog li, koj yuav raug mooj los ntawm lawv qhov uas hu-ua kev coj uas txaus nyiam thiab zoo nkauj, los sis lawv tej peev xwm thiab kev txawj, yam koj tsis nco ras txog li, koj yuav pe hawm lawv, thiab lawv yuav rais los ua koj cov Vajtswv. Txoj kev ntawd, txij kiag thaum uas lawv pib rais los ua tus qauv koj xav xyaum raws, yam khoom rau koj pe hawm, los txog rau thaum uas koj rais mus ua ib tug ntawm cov caum lawv qab, yog txoj uas yuav coj koj ncaim ntawm Vajtswv mus yam tsis nco xav txog li. Thiab txawm yog kiag thaum koj maj mam txav ntawm Vajtswv mus, los koj yeej tseem ntseeg hais tias koj tseem caum Vajtswv qab, hais tias koj ntseem nyob hauv Vajtswv lub tuam tsev, hais tias koj tseem nyob hauv Vajtswv xub ntiag. Yam tsis nco paub txog li, txawm li cas los xij, koj yuav raug ib tug uas raug Ntxwgnyoog muab ua qias vuab tsuab lawm, los sis ib tug tawm tsam Khetos kiag rub tawm mus. Qhov no yog ib qho xwm txheej uas phom sij heev” (Txoj Lus, Phau 4. Kev Nthuav Tawm Cov Tawm Tsam Khetos. Yam Rau). Vajtswv cov lus muab kuv txoj kev xav phem qhia tshwm. Kuv ntsuam xyuas seb tib neeg puas nrhiav qhov tseeb los sis tsis nrhiav raws li lawv tus cwj pwm coj rau sab nrauv, tab sis kuv yeej tsis siv kev thoob tsib los saib lawv tus yeeb yam thiab lub ntsiab tseeb, los sis tsis saib rau lawv tej hom phiaj thiab tej kev txhawb siab ntawm lawv tej kev ua li. Kuv xav tias yog ib tug neeg muaj peev xwm tso txhua yam tseg, muab lawv tus kheej fij, qhia lawv txoj kev to taub txog Vajtsw cov lus, thiab nthuav tawm ntau yam txogtxoj kev paub nws tus kheej, ntxim zoo li yog ib tug neeg uas muaj kev ntseeg heev li, ces lawv thiaj li yuav yog ib tug uas nrhiav qhov tseeb thiab muaj qhov tiag ntawm qhov tseeb lawm. Vim li ntawd thaum kuv pom hauv kuv tej kev sib txuas lus nrog Kab Lia tias nws txawj qhia thiab hais lus tau zoo, thiab nws txoj kev to taub uas nws qhia nyob rau hauv cov rooj sib txoos ua ke mas muaj qab hau heev, ces kuv thiaj li xav tias ntshe nws nrhiav qhov tseeb thiab muaj qhov tiag ntawm qhov tseeb lawm. Qhov uas haj tseem phem tshaj ntawd, ces kuv ntseeg yuam kev rhuav tias qhov muaj ib tug thawj coj tas li rau thaum lub sij hawm ntawd mas txhais tau tias nws nrhiav qhov tseeb lawm. Vim tag nrho tej kev ntseeg yuam kev no, kuvcia li ua yam tsis paub nws, uas yog hwm thiab pe hawm nws, ces thaum kawg thiaj li los koom nrog nws ua phem. Kuv yeej tsis ntsuam xyuas nws los sis tsis ua kom paub nws lub ntsiab tseeb seb puas mus raws li Vajtswv cov lus, tab sis tsuas ua raws li kuv tus kheej tej kev xav phem thiab tej kev xav xwb. Txawm tias kuv yog ib tug ntseeg los xij, kuv cia li lam pe hawm thiab raws ib tug neeg qab. Kuv tau raws li ib tug tawm tsam Khetos qab, tau ua kev phem ntau heev lawm. Kuv mas txhav thiab ruam ua luaj li! Thaum kuv hais lus txhawb txoj kev ntiab Ab Das Lis tawm ntawm pawg ntseeg mus, qhov ntawd cuag nkaus li kuv yeej tsis paub dab tsi kiag li. Kuv muaj qee qhov kev ua xyem xyav, tab sis kuv yeej tsis ua raws li Vajntsujplig txoj kev coj qhia thiab tsis nrhiav qhov tseeb li. Tiam sis, kuv ua raws li tej kev xav phem thiab tej kev xav, xav tias cov thawj coj thiab cov neeg ua hauj lwm ntawd to taub qhov tseeb thiab muaj qhov muaj tseeb lawm, thiab tias lawv yuav pom tau tej teeb meem ntawd zoo lawm. Yog li ntawd kuv cia li tsis siv kev thoob tsib li es cia li ua ntsej lag muag dig koom nrog Kab Lia es pom zoo cia muab Ab Das Lis ncaws tawm lawm. Nyob rau ib qho xwm txheej tseem ceeb uas ntsig txog ncaj qha rau ib tug neeg seb puas tuaj yeem tau txais kev cawm dim los sis tsis tau, qhov muab ib tug neeg tshem tawm yam tsis tsim nyog ces tuaj yeem rhuav tshem lawv lub hwv tsam tau txais kev cawm dim—qhov ntawd yog ib txoj kev txhaum loj heev! Kuv tau saib nws lub neej zoo li tsis muaj dab tsi li, cia li maj nroos pom zoo kom muab nws ntiab tawm. Nws yog ib tug ntseeg tseegb, tab sis kuv yuav luag ua rau nws raug tshem tawm ntawm pawg ntseeg mus. Yog ib qho kev ua txhaum loj heev! Tsis yog kuv tshuav nws nqi xwb, tab sis kuv tau ua txhaum rau Vajtswv lawm. Kuv tsis yog lom txwm ua phem thiab rau txim rau Ab Das Lis, tab sis tej thaum tau pom zoo nrog, kuv tau koom nrog ib tug tawm tsam Khetos li Kab Lia los rhuav tshem Ab Das Li—kuv yog tus koom tus tawm tsam Khetos. Txawm tias qhov ntawd tsuas qhia txog yus txoj kev xav xwb los xij, nws tau nthuav tawm tus yeeb yam phem heev rau hauv kuv lawm thiab tias kuv yeej tsis muaj kev hlub rau lwm tus kiag li. Cov nus thiab cov viv ncaus zoo li Ab Das Lis, uas yog tus muaj kev ncaj ncees thiab muaj peev xwm txhawb pawg ntseeg tes hauj lwm mas tsim nyog tau txais kev tiv thaiv, vim hais tias Vajtswv cawm cov neeg uas nrhiav qhov tseeb thiab muaj kev ncaj ncees ntawd xwb. Tab sis kuv coj zoo li Ntxwgnyoog tus qhev, pom zoo muab nws ntiab tawm. Los ntawm qhov coj li ntawd, kuv thiaj li tuaj cov dab phem tawm tsam Khetos ntawd tog lawm, uas yog hauj lwm tag tsam Vajtswv. Tam li yog ib tug thawj coj pawg ntseeg, kuv tsim nyog txhawb pawg ntseeg tej kev ntshaw nyob rau hauv txhua yam, thiab tiv thaiv cov nus thiab cov viv ncaus kom txhob raug rhuav tshem los ntawm cov tawm tsam Khetos thiab cov ua phem. Tab sis kuv ua raws li qhov lawv ua phem, caij tsuj tib neeg thiab ua kom lawv raug ncaws tawm. Qhov no mas phom sij heev rau cov nus thiab cov viv ncaus. Qhov ntawd ua rau kuv ntshai heev thaum pom tias kuv tau ua tej yam phem zoo li ntawd lawm. Kuv yeej tsis nrhiav qhov tseeb los sis tsis muaj lub siab hwm Vajtswv li; kuv yeej tsis paub txog qhov ua phem loj zoo li ntawd huv si, haj tseem xav tias kuv tab tom txhawb pawg ntseeg tes hauj lwm thiab. Kuv mas tsis meej pem kiag li thiab ntxim ntxub tshaj! Qhov ntawd zoo ib yam li qhov tus nus ntawd hais ntag, tias kuv nyob rau ntawm ib txoj kev puas ntsoog thiab yuav muab lwm tus cab nqis mus hauv dab tuag teb nrog kuv. Saib raws li kuv tus cwj pwm mas, qhov muab kuv rho tawm thiab tshem tawm ntawm pawg ntseeg los yuav tsis yog kev ua tshaj li, tab sis Vajtswv tau muab ib lub hwv tsam rau kuv los lees txim hloov dua siab tshiab, cia kuv ua ib teg hauj lwm nyob rau hauv pawg ntseeg mus ntxiv. Kuv ua tsaug ntau ntau rau Vajtswv txoj kev hlub tshua thiab txoj kev cawm dim rau kuv. Nyob rau tib lub sij hawm ntawd, kuv kuj to taub tiag tiag lawm tias qhov mob siab rau tej kev txawj thib tej peev xwm sab nrauv, ua ntsej lag muag dig hwm ib tug thawj coj, pe hawm lub hwj cim, thiab tsis nrhiav qhov tseeb rau thaum ntsib teeb meem mas yog ib yam phom sij tiag tiag li. Kuv tuag yeem raugcov tawm tsam Khetos thiab cov ua phem dag thiab siv txhua lub sij hawm. Nyob rau hauv ub ntsiab tseeb mas, los ntawm qhov pe hawm thiab raws ib tug neeg qab, kuv raws Ntxwgnyoog qab thiab yog ib tug yeeb ncuab rau Vajtswv. Yog hais tias kuv tseem tsis lees txim hloov dua siab tshiab thiab, ces Vajtswv yuav tsis kam lees txais yuav kuv thiab ntiab kuv tawm. Kuv yim xav txog qhov ntawd, ces kuv yim xav tias qhov kuv ua tsis tau no yuav tsis nthuav tawm tau qee qhov qias vuab tsuab los sis qhov ua yuam kev–qhov ntawd yog ib qho kev phem heev, thiab kuv yuav luag ua rau kuv kheej ua txhaum.
Tom qab ntawd kuv tau nyeem Vajtswv txoj lus ntxiv uas qhia rau kuv txog txoj kev yog rau cov thawj coj thiab neeg ua hauj lwm. Vajtswv cov lus hais tias: “Thaum cov kwv tij thiab cov muam xaiv tau ib tug neeg los ua ib tug thawj coj, los sis Vajtswv lub tsev muab tus tib neeg ntawd nce qib los ua ib teg hauj lwm twg los sis ua ib teg dej num twg lawm, qhov no tsis tau txhais hais tias tus tib neeg ntawd muaj ib lub meej mom los sis ib txoj kev ncaj ncees uas tshwj xeeb, los sis tias qhov tseeb uas tus tib neeg ntawd to taub mas tob dua thiab ntau dua cov uas lwm tus tib neeg to taub—thiab haj yam tsis txhais hais tias tus tib neeg no muaj peev xwm zwm rau Vajtswv, thiab yuav tsis ntxeev siab rau Nws li. Qhov ntawd kuj tsis tau txhais hais tias tus tib neeg ntawd paub Vajtswv, thiab yog ib tug neeg uas hwm Vajtswv thiab. Lawv yeej tsis muaj tej no li, tseeb tiag; qhov nce qib thiab qhov cob qhia ntawd tsuas yog muab nce qib thiab cob qhia los ntawm txoj kev paub nkaus xwb, tsis npaum li qhov Vajtswv twb npaj tseg ua ntej thiab pom zoo lawm. Qhov muab lawv nce qib thiab cob qhia lawv ntawd tsuas yog txhais hais tias lawv tau nce qib, thiab tos cob qhia lawv lawm xwb. Thiab qhov kawg ntawm qhov kev cob qhia no yog nyob ntawm seb tus tib neeg no puas caum qhov tseeb, thiab nyob ntawm seb lawv puas muaj peev xwm xaiv txoj kev caum qhov tseeb xwb. Yog li ntawd, thaum ib tug neeg twg uas nyob hauv pawg ntseeg tau nce qib thiab raug cob qhia los ua ib tug thawj coj lawm, tus tib neeg ntawd tsuas tau nce qib thiab raug cob qhia los ntawm txoj kev paub nkaus xwb; qhov ntawd tsis tau txhais hais tias tus tib neeg ntawd twb yog ib tug thawj coj uas tsim nyog, los sis yog ib tug uas muaj peev xwm txaus lawm, tias tus tib neeg ntawd twb muaj peev xwm ua tes hauj lwm uas ua ib tug thawj coj, thiab tuaj yeem ua tau tes hauj lwm tiag tiag lawm—tsis yog li ntawd. Tib neeg feem coob tsis pom tseeb txog tej no, thiab lawv hwm cov tib neeg uas tau nce qib no vam khom rau cov tib neeg no tej kev xav hauv nruab siab, tiam sis qhov no yog ib qho yuam kev. Txawm lawv twb ntseeg tau ntau xyoo npaum li cas lawm los xij, cov uas tau nce qib ntawd puas muaj qhov muaj tiag ntawm qhov tseeb tiag tiag? Yeej tsis muaj. Lawv puas muaj peev xwm ua kom tej txheej txheem hauj lwm ntawm Vajtswv lub tsev tawg paj txi txiv? Yeej tsis muaj. Lawv puas paub leg lub luag hauj lwm? Lawv puas muaj kev mob siab ua hauj lwm? Lawv puas muaj peev xwm zwm rau Vajtswv? Thaum lawv ntsib ib qho teeb meem, lawv puas muaj peev xwm tshawb nrhiav qhov tseeb? Tag nrho tej no yeej tsis paub tias lawv muaj peev xwm li. Cov tib neeg no puas muaj ib lub siab uas hwm Vajtswv? Thiab lawv hwm Vajtswv npaum li cas? Lawv puas ua raws li lawv lub siab nyiam thaum lawv ua tej yam? Lawv puas muaj peev xwm nrhiav Vajtswv? Thaum lub sij hawm uas lawv ua tes hauj lwm ua thawj coj, lawv puas nquag los rau ntawm Vajtswv lub xub ntiag los tshawb nrhiav Vajtswv lub siab nyiam tas li? Lawv puas muaj peev xwm coj qhia tib neeg kom to taub txog qhov muaj tiag ntawm qhov tseeb? Lawv yeej tsis muaj peev xwm ua tej yam zoo li no kiag tam sim ntawd. Tseem tsis tau cob qhia lawv thiab lawv muaj kev paub tsawg heev, yog li ntawd lawv thiaj li tsis muaj peev xwm ua tej no. Vim li no qhov muab ib tug neeg twg nce qib thiab cob qhia ib tug neeg twg ntawd tsis tau txhais hais tias tus tib neeg ntawd twb to taub qhov tseeb, los sis hais tau hais tias tus tib neeg ntawd twb muaj peev xwm ua lawv tes dej num yam zoo heev li lawm. … Qhov uas Kuv hais li no yog dab tsi? Yog los qhia rau txhua tus hais tias lawv yuav tsum ua tib zoo muab ntau hom tib neeg uas muaj kev txawj nyob rau hauv Vajtswv lub tsev nce qib thiab cob qhia kom yog, thiab tsis txhob ua nyuaj rau cov tib neeg no. Raws li ib txwm mas, tib neeg yuav tsum tsis txhob muaj qhov kev xav uas tsis muaj tseeb txog lawv thiab. Qhov uas pheej ua lawv tsaug los sis hwm lawv ntawd mas ruam dhau lawm, los sis qhov uas ua nyuaj rau lawv ntawd mas tsis ncaj ncees thiab tsis zoo. Yog li ntawd txoj kev ua rau lawv uas tsim nyog tshaj plaws yog txoj kev zoo li cas? Yog txoj kev uas xav hais tias lawv yog cov tib neeg dog dig thaum muaj ib qho teeb meem uas yuav tsum tau tshawb nrhiav, yog los nrog lawv sib tham thiab ib leeg kawm los ntawm ib leeg tej uas ua tau zoo thiab ib leeg txhawb ib leeg. Tsis tas li ntawd xwb, nws yog txhua tus lub luag hauj lwm uas los saib xyuas seb cov thawj coj thiab cov neeg ua hauj lwm ntawd puas ua hauj lwm tiag tiag, seb lawv puas siv qhov tseeb los daws teeb meem; tej no yog tej qauv thiab tej hauv paus ntsiab lus los ntsuas seb tus thawj coj los sis tus neeg ua hauj lwm ntawd ua puas tau. Yog lawv muaj peev xwm qhuab ntuas thiab daws tau teeb meem, ces lawv siv tau. Tiam sis yog lawv twb daws thiab kho tsis tau tej teeb meem dog dig, ces lawv tsis phim ua ib tug thawj coj los sis ib tug neeg ua hauj lwm, thiab yuav tsum tau muab rho tawm mus kom sai. Cia li xaiv lwm tus, thiab tsis txhob ncua tes hauj lwm ntawm Vajtswv lub tsev. Qhov ncua tes hauj lwm ntawm Vajtswv lub tsev ntawd yog rhuav tshem koj tus kheej thiab lwm tus xwb, nws tsis zoo rau leej twg li” (Txoj Lus, Phau 5. Tej Luag Hauj Lwm ntawm Cov Thawj Coj thiab Cov Neeg Ua Hauj Lwm. Tej Luag Hauj Lwm ntawm Cov Thawj Coj thiab Cov Neeg Ua Hauj Lwm (5)). Kuv xyaum tau los ntawm Vajtswv cov lus los tias ib tug neeg raug xaiv los ua ib tug thawj coj los sis tus neeg ua hauj lwm, los sis raug nce qib mus ua qee txoj hauj lwm mas tsis txhais tau tias lawv muaj qhov tiag ntawm qhov tseeb, tias lawv mob siab rau Vajtswv los sis hwm Nws. Yog hais tias lawv tsis nrhiav qhov tseeb, lawv yuav rais los ua ib tug thawj coj cuav los sis ib tug tawm tsam Khetos, thiab yuav raug muab qhia tshwm thiab raug ntiab tawm. Cov thawj coj thiab cov neeg ua hauj lwm muaj hwv tsam los xyaum ua ntau dua, thiab ris lub nra ntau dua es thiaj li paub Vajtswv tes hauj lwm. Tab sis tsis muaj ib tug ntawm lawv cov ntawd raug ua kom zoo tiav log li—lawv muaj tej moj yam qias vuab tsuab zoo ib yam nkaus li lwm tus thiab, yog li ntawd ua ntej lawv tau txais qhov tseeb thiab hloov tau tus moj yam, tej zaum lawv yuav txaus siab ua lawv tes hauj lwm thiab tsis ua kom haum raws li cov hauv paus ntsiab lus. Lawv puav leej yuav tsum raug Vajtswv txoj kev txiav txim thiab kev nthuav tawm, kev qhuab qhia thiab kev qhuab ntuas, ces thiaj li yuav tau txais kev saib xyuas los ntawm lwm tus. Yog hais tias cov thawj coj thiab cov neeg ua hauj lwm ua haum raws li cov hauv paus ntsiab lus ntawm qhov tseeb thiab txhawb pawg ntseeg tes hauj lwm, ces cov neeg Vajtswv xaiv yuav tsum txhawb lawv thiab koom tes rau lawv tes hauj lwm. Yog hais tias lawv tsis ua kom haum raws li cov hauv paus ntsiab lus, taug txoj kev tsis yog lawm, thiab tsis ua tes hauj lwm muaj qab hau, ces lawv yuav raug qhuab ntuas thiab raug qhia tshwm, es mam saib seb lawv puas muaj peev xwm lees txais qhov tseeb, lees txim hloov dua siab tshiab thiab hloov pauv. Yog hais tias lawv muaj peev xwm lees txim hloov dua siab tshiab thiab hloov paub, ces qhov ntawd txhais tau tias lawv yog cov tib neeg uas yog lawm thiab yuav lees txais tau qhov tseeb. Tab sis yog hais tias lawv ua tsis tau, yog hais tias lawv nplawm thiab caij tsuj lwm tus, ces lawv tsis yog cov tib neeg uas yog thiab lawv yuav raug muab qhia tawm thiab raug muab qhia tshwm. Tsuas yog qhov saib cov thawj coj thiab cov neeg ua hauj lwm zoo li no uas ua raws li cov hauv paus ntsiab lus ntawm qhov tseeb xwb mas thiaj li yog haum raws li Vajtswv txoj kev xav. Tab sis yav dhau los mas, kuv yeej tsis saib txhua yam raws li Vajtswv cov lus li. Kuv tsis muaj ib qho kev thoob tsib tshaj li Kav Lia thiab lwm tus li, tab tsis tsuas ua ntsej lag muag dig hwm lawv xwb, ces thiaj li ua rau kuv ua raws cov tawm tsam Khetos qab txoj kev ua phem yam daws tsis tau lawm. Qhov nyeem Vajtswv cov lus ua rau kuv muaj ib txoj kev xyaum ua raws, thiab suav txij thaum ntawd los kuv thiaj li xav los nrhiav cov hauv paus ntsiab lus ntawm qhov tseeb nyob rau hauv txhua yam, saib rau txhua yam thiab cov tib neeg raws li Vajswv cov lus, tseg qhov tsis coj ruam thiab tsis paub qab hau li ntawd thiab tseg tsis ua ntsej lag muag dig raws lwm tus qab zoo li qhov kuv ua nyob rau yav dhau los lawm.
Tom qab ntawd kuv pom tias thaum ib tug thawj coj theem siab qhia rau peb rau txog ib qho kev xaiv tsa pawg ntseeg cov thawj coj, nws mas nyuaj siab heev rau qhov yuav ua txhua yam kom tiav yam tsis mob siab txog qhov qhia cov hauv paus ntsiab lus ntawm qhov tseeb li. Muaj ib zaug thaum nws qhia nyob rau hauv lub rooj sib txoos ua ke txog kev kho ib tug neeg tes dej num, thaum lub sij hawm nws qhia tiav lawm ntawd, tsuas muaj ib nrab tswv cuab hauv pawg ntseeg thiaj li tuaj txog xwb, ces nws txawm kom peb hais peb txoj hauj lwm. Vim cov tib neeg ib nrab tsis hnov qhov nws qhia thaum xub thawj thiab tsis paub cov hauv paus ntsiab lus uas ntsig txog rau qhov tseeb, ces thiaj li tsis muaj hnub lawv yuav paub tej ntawd li. Ces lub rooj sib txoos ua ke ntawd thiaj li mus tsis taus ntxivlawm thiab qhov ntawd tsim tau ib qho xwm txheej phem heev. Kuv pom tias nws tsis ua kom cov nus thiab cov viv ncaus to taub cov hauv paus ntsiab lus ntawm qhov tseeb, tab sis maj nroos los saib xyuas qhov xwm txheej ntawd thiab ua kom tiav xwb. Kuv nco tau qhov kuv raug ib tug tawm tsam Khetos dag thiab qhov ntawdthiaj li rau muaj qhov ua ntsej lag muag dig raws nws qab. Kuv tsis xav lam ua raws li ib tug neeg twg ua ntej kuv tau txais kev nkag siab meej txog cov hauv paus ntsiab lus. Yog li ntawd, kuv thiaj li nrhiav ob peb tug viv ncaus los nrhiav qhov xwm txheej no ua ke. Muaj ib tug ntawd lawv hais tias tus thawj coj no tau npaj kev xaiv tsa nyob rau lwm pawg ntseeg tib yam nkaus li no. Tsis ua raws li cov hauv paus ntsiab lus. Kuv xav tias vim tus thawj coj no twb ua tes hauj lwm yam tsis tau txais kev txhawb los ntawm lwm tus li, ces qhov ntawd txhais tau tias nws muaj ib qho teeb meem lawm. Yog ib tug thawj coj mas, qhov nws tsis coj peb kev kom los to taub qhov tseeb ntawd ces yuav cuam tshuam rau pawg ntseeg tag nrho, yog li ntawd tsim nyog kuv muab tej teeb meem no hais tawm rau nws. Tab sis tom qab ntawd kuv txawj tias tej zaum nws yuav caij tsuj kuv yog hais tias kuv muab lus qhia rau nws. Txawm li cas los xij, thaum xav txog qhov kuv nrog cov tawm tsam Khetos ua phem li cas nyob rau yav dhau los lawm ntawd, kuv txawm ntshai txog qhov ua ntsej lag muag dig raws ib tug neeg qab dua, thiab tsis txhawb rau pawg ntseeg tej kev ntshaw. Kuv ntxhov siab kawg li. Yog li ntawd kuv thiaj li los rau ntawm Vajtswv xub ntiag los thov Vajtswv, nrhiav ib txoj kev xyaum ua raws. Kuv pom qhov no nyob rau hauv Vajtswv cov lus tom qab ntawd: “Tib neeg tsim nyog muaj tus yam ntxwv zoo li cas rau qhov uas lawv saib ib tug thawj coj los sis ib tug neeg ua hauj lwm? Yog hais tias qhov ib tug thawj coj los sis ib tug neeg ua hauj lwm yeej ua yog lawm, ces koj yuav tsum ua raws li lawv hais; yog hais tias qhov lawv ua tsis yog lawm, ces koj yuav tsum muab lawv qhia tshwm, thiab tawm tsam lawv kiag thiab hais tawm ib lub tswv yim txawv. Yog lawv tsis muaj peev xwm ua tau tes hauj lwm muaj qab hau, thiab raug nthuav tawm hais tias yog ib tug thawj coj cuav, ib tug neeg ua hauj lwm cuav los sis ib tug tawm tsam Khetos, ces koj yeej muaj peev xwm tsis lees txais lawv txoj kev coj, thiab koj kuj yuav hais qhia txog thiab muab lawv nthuav tawm” (Txoj Lus, Phau 4. Kev Nthuav Tawm Cov Tawm Tsam Khetos. Yam Peb: Lawv Cais thiab Tawm Tsam Cov Uas Caum Nrhiav Qhov Tseeb). Vajtswv cov lus muab cov hauv paus ntsiab lus rau kuv coj los xyaum ua raws. Yog hais tias ib tug thawj coj los sis neeg ua hauj lwm coj tus cwj pwm tsis tsim nyog, ces koj tuaj yeem qhia qhov tseeb rau lawv los ntawm txoj kev hlub, los pab lawv—qhov no thiaj li haum mus raws li Vajtswv txoj kev xav. Thaum xav txog qhov kuv ua tsis tau nyob rau yav dhau los ntawd mas ua rau kuv pom meej tias qhov no yog ib lub hwv tsam rau kuv los muab qhov tseeb coj los xyaum ua raws lawm. Kuv yuav tsum ua kom mus raws li Vajtswv txoj lus, thiab txhob tuav kuv cov lus qhia cia vim hais tias kuv ntshai tsam raug kev caij tsuj xwb. Thiab yog li ntawd, kuv thiaj li hu tau mus rau tus thawj coj ntawd thiab qhia tag nrho tej teeb meem uas kuv tau pom hauv nws tes hauj lwm thaum lub sij hawm ntawd rau nws; ces nws thiaj li lees txais tag nrho tej ntawd lawm. Nyob rau hauv ib lub rooj sib txoos ua ke ob peb hnub tom qab ntawd, kuv hnov nws txoj kev qhia tias nws tau txais qee yam lus taw qhia thiab kev pab los ntawm cov tswv cuab hauv pawg ntseeg rau nws tes dej num, thiab los ntawm txoj kev tig xav txog nws tus kheej es thiaj li pom tias txoj kev uas nws taug thiab nws tes hauj lwm tsis ntev los no muaj teeb meem tiag. Tej teeb meem thiab chaw thuam uas kuv tau taw qhia rau nws ntawd mas yog ib feem ntawm nws qhov kev tig xav, thiab los ntawm qhov ntawd los nws thiaj li to taub cov hauv paus ntsiab lus, thiab paub tias yuav saib xyuas thiab daws tej teeb meem uaszoo li ntawd li cas. Kuv mas zoo siab heev thiab ua Vajtswv tsaug rau txoj kev coj kuv kev los xyaum ua raws qhov tseeb. Kuv muaj kev kaj siab heev nyob rau hauv kuv lub siab lawm.
Kuv paub los ntawm tej kev ntsib kev pom no tias yog ib tug ntseeg uas tsis xam qhov tseem ceeb rau ntawm kev nrhiav qhov tseeb, tab sis ua ntsej lag muag digpuab qab tshob thiab ua raws lwm cov tib neeg qab xwb, ces kuv mas ntxim zoo li yuav ua phem thiab tawm tsam Vajtswv tau txhua lub sij hawm. Kuv los kuj muaj peev xwm pom Vajtswv txoj kev ntse thiab; Nws cia cov tawm tsam Khetos tuaj tshwm rau hauv pawg ntseeg kom peb tau tsim kho kev thoob tsib, rais los muaj peev xwm muab Ntxwgnyoog lub zog ntiab tawm, ces thiaj li tsis raug cov tawm tsam Khetos dag thiab raug tswj mus ntxiv lawm. Thaum peb paub cov tawm tsam Khetos thiab tseg tsis pe hawm lawv ywj siab lawm, ces thiaj li yuav ua dej num tiav rau ntawm cov tawm tsam Khetos ntawd thiab muab lawv tshem tawm ntawm pawg ntseeg mus tau. Txawm tias kuv tau ntsib tau pom qee qhov ua tsis tau thiab dawm ntog lawm los xij, thiab thaum xav txog tej ntawd ua rau kuv tu siab, vim qhov rhais ruam yuam kev no kuv thiaj li muaj peev xwm hloov tau kuv txoj kev xav thiab tej kev xav uas yuam kev ntawd, uas ua rau kuv tseg tau qhov ua ntsej lag muag dig pe hawm thiab ua raws lwm cov tib neeg qab tau lawm. Kuv thiaj li muaj peev xwm los nrhiav cov hauv paus ntsiab lus ntawm qhov tseeb thaum txhua yam tshwm sim thiab tas zog ua zoo li tus uas caum raws Vajtswv qab tiag tiag. Vim Vajtswv qhov kev coj qhia thiaj li tau txais tag nrho tej no lawm. Kuv ua Vajtswv tsaug!
