54. Kev Twm Xeeb Yog Kev Phem
Nyob rau thaum pib ntawm xyoo 2021, Viv Ncaus Zag Yim thiab kuv tau txhawb ib pawg ntseeg uas teeb tsa tshiab ua ke. Yim muaj txoj kev ntseeg tshiab thiab tsis muaj kev ntsib kev pom txog lub neej ntau, tab sis nws muaj peev xwm zoo thiab rau siab nrhiav qhov tseeb, yog li ntawd kuv thiaj li xav cob qhia nws kom sai li sai tau, vim hais tias qhov no yuav ua rau pawg ntseeg tes hauj lwm khiav tau zoo ntxiv tuaj. Kuv thiaj li txhob txwm kom Yim muaj feem nrog rau pawg ntseeg txhua txoj hauj lwm thiab kuv yuav txhawb nws thaum twg los xij uas kuv pom tias nws muaj ib qho tsis zoo txaus. Tom qab kev cob qhia los tau ib ntus lawm, Yim ua tau zoo heev. Tab sis ntau lub hlis tom qab ntawd, nws txawm raug nce qib thiab muab tes hauj lwm tshiab rau ua. Kuv tsis xav cia nws mus thiab hnov zoo li kuv plam ib tug neeg pab uas muaj peev xwm heev lawm. Thaum xav txog qhov kuv tus kheej yuav tau leg tag nrho pawg ntseeg tes hauj lwm mus rau tom ntej, yuav tau sib zog ua hauj lwm ntxiv, tab sis yog hais tias kuv qhov kev ua hauj lwm ntsib kev nyuaj, ces tib neeg yuav xav li cas rau kuv? Tom qab ntawd ua rau kuv xav tias qhov ntawd yuav muaj txiaj ntsim rau pawg ntseeg tes hauj lwm vim nws tuav ib txoj hauj lwm loj dua lawm. Kuv yuav tsum tsis coj twm xeeb li nttawd—thaum Yim mus lawm, kuv yeej cob qhia tau lwm tus kawg.
Tsis ntev tom qab ntawd, muaj ob peb pawg ntseeg nyob sib ze tau npaj ib lub rooj sib koom ua ke rau cov neeg ua hauj lwm saib xyuas, los mus hais lub ntsiab thiab qhia lawv tej kev ntsib kev pom. Tus thawj coj hais kom kuv xaiv ib tug neeg ua hauj lwm saib xyuas tuaj koom. Nyob rau lub sij hawm no, kuv xav kom Viv Ncaus Vab Mim tuaj koom. Nws yog ib tug saib xyuas tau zoo thiab muaj kev ceev faj thiab leg lub luag hauj lwm. Yog hais tias kuv xav nws mus koom lub rooj sib koom ua ke ntawd, ces nws haj yam yuav cob qhia tau cov nus thiab cov viv ncaus tau ntxiv thaum nws rov qab los, ces tom qab ntawd thiaj li yuav ua pawg ntseeg tes dej num saib xyuas tau zoo tuaj, uas yuav ua rau kuv zoo. Yog li ntawd kuv thiaj li xa Mim mus koom lub rooj sib koom ua ke no. Txawm li cas los xij, ob peb hnub tom qab Mim rov qab los ntawm lub rooj sib koom ua ke ntawd los lawm, ces tus thawj coj pheej tseem nrhiav nws. Kuv uv tsis tau thiaj li xav paub tias: “Puas yog tus thawj coj ntawd tab tom yuav nce qib rau Mim? Nws yog ib tug neeg saib xyuas uas paub zoo nyob hauv peb pawg ntseeg. Yog hais tias nws mus lawm, peb tes hauj lwm saib xyuas yuav tsis ntsib kev nyuaj lod? Ces cov nus thiab cov viv ncaus yuav xav li cas rau kuv? Yog hais tias kuv twb paub lawm, ces ntshe kuv yeej yuav tsis cia nws mus koom lub rooj sib koom ua ke ntawd li.” Tom qab ntawd, Mim txawm qhia kuv tias muaj lwm pawg ntseeg xav tau cov neeg ua hauj lwm saib xyuas ntau heev, yog li ntawd tus thawj coj ntawd thiaj li npaj muab tes hauj lwm tshiab rau nws. Kuv mas tsis xav lees qhov no li, tab sis kuv txhawj tias yog kuv tsis pom zoo, ces tus thawj coj ntawd yuav hais tias kuv mas twm xeeb thiab tsis txawj xav txog Vajtswv txoj kev xav li. Kuv ua tsis tau li cas thiaj li cia Mim mus lawm. Tom qab nws mus lawm, kuv ntxhov siab heev. Kuv xav rau kuv tus kheej tias: “Yog cov ntseeg tshiab tawm hauv pawg ntseeg mus vim tsis muaj cov neeg ua hauj lwm uas muaj peev xwm los saib xyuas lawv lawm, ces tus thawj coj ntawd puas qhuab ntuas kuv thiab hais tias kuv tsis leg kuv lub luag hauj lwm kom tiav li? Kuv yuav daws hom kev txaj muag ntawd li cas?” Kuv yim xav, ces kuv yim xav tawm tsam.
Muaj ib hnub, thaum kuv rov qab los ntawm ib lub rooj sib sau ua ke los tsev lawm, muaj ob tug viv ncaus uas tab tom ua hauj lwm saib xyuas cov los tshiab hais rau kuv tias: “Peb tau txais ib tsab ntawv tuaj ntawm tus thawj coj tuaj thov kom koj nrhiav ob tug neeg ua hauj lwm saib xyuas ntxiv thiab sau daim ntawv tshuaj ntsuam rau wb ob leeg.” Thaum kuv hnov li no lawm, kuv tsis zoo siab kiag li. Kuv thiaj li xav rau kuv tus kheej tias: “Puas yog tus thawj coj ntawd tab tom npaj muab lawv xa tawm thiab ne? Kuv nyuam qhuav cob qhia ob tug viv ncaus no xwb. Kuv muaj peev xwm muab hauj lwm ntau heev rau nkawv ces tam sim no tsis muaj kev txhawj ntau li lawm. Yog hais tias nkawv raug xa tawm lawm, ces tsis yog tsuas yuav ua rau kuv muaj hauj lwm ntau ntxiv xwb, kuv qhov kev ua hauj lwm yeej yuav ntsib kev nyuaj xwb xwb li. Yog tshwm sim li ntawd, ces tus thawj coj ntawd yuav tsis hais tias kuv tsis yog ib tug thawj coj zoo lod?” Tom qab tshwm sim li no rau kuv lawm, kuv txawm teb yam tsis zoo siab kiag li hais tias: “Kuv tsis paub qhov tus thawj coj tab tom xav ntawd tiag tiag li.” Ob tug viv ncaus pom tias kuv saib tsis taus thiab nug twv ntxhias tias: “Qhov xwm txheej ntawd yog dab tsi? Tsis yog tus thawj coj ntawd nyuam qhuav thov kom koj nrhiav ob tug neeg ua hauj lwm saib xyuas ntxiv xwb lod?” Tom qab hnov nkawv teb li ntawd lawm, kuv txaj muag me ntsis. Tom qab kuv siab tus lawm, kuv txawm lam teb tias, “Yog, ces ntshe peb yuav tsum xaiv qee cov neeg ua hauj lwm uas muaj tsim nyog.” Ntawd yog qhov kuv hais nrov nrov, tab sis nyob hauv kuv lub siab mas kuv tawm tsam txoj kev txiav txim siab ntawd tias: “Puas yog tus thawj coj ntawd saib peb pawg ntseeg zoo li ib qho chaw txawj cob qhia mas? Thaum xub thawj mas nws xav tau tus no, tam sim no nws xav tau tus tod. Thaum kawg pawg ntseeg tes hauj lwm thiaj li pib nce qib lawm, tab sis peb tsim nyog ua li cas yog hais tias nws rov muab cov neeg muaj kev txawj no xa tawm lawm?” Kuv yim xav txog qhov ntawd, kuv yim xav tsis zoo thiab txawm pib muaj kev yeeb ncuab rau tus thawj coj ntawd. Kuv tseem ua kuv tej dej num tiav, tab sis mob siab tsawg dua yav dhau los lawm. Tsis ntev tom qab ntawd, thaum tab tom nyob rau hauv ib lub rooj sib koom ua ke, tus thawj coj hais tias nws xav hnov ntxiv txog tus Nus Zaub Tsheej, vim hais tias nws xav nce qib thiab cob qhia nws. Kiag thaum kuv hnov li no lawm, qhov ntawd rov ua rau chim siab tuaj. Kuv thiaj li xav rau kuv tus kheej tias, “Tsheej tau ua nws tej dej num tau zoo lawm ces kuv thiaj li xav muab nws los saib xyuas tes hauj lwmsaib xyuas. Yog hais tias tag nrho cov tib neeg noraug xa tawm lawm, ces ntshe kuv yuav tau ua tag nrho tes hauj lwm no ib leeg xwb pod? Ces kuv puas yuav ua tau zoo mas?” Kuv yim xav txog qhov ntawd, ces kuv yim npau taws tias: “Kav tsij ua mus ntxiv, muab xa tawm mus kom tag! Txhob cia kuv los tav pawg ntseeg tes hauj lwm kev.” Ces tom qab ntawd, kuv tswj tsis tau kuv tus kheej kom ua siab txias txias thiab hnov ntxhov quas niab rau hauv lub rooj sib kom ua ke ntawd xwb. Tom qab qhov kev sib koom ua ke ntawd lawm, kuv taug kev rov qab los tsev thiab txiav txim siab sau ib tsab ntawv mus rau tus thawj coj, thov kom nws txhob muab Tsheej xa tawm. Nyob rau lub sij hawm ntawd, kuv mam li paub tias kuv tsis muaj qab hau li, thiab yog li ntawd kuv xav tias qhov zoo dua ces kawg sau ib tsab ntawv. Tab sis kuv tseem chim siab thiab xav tsis zoo.
Tom qab ntawd, tus thawj coj ntawd npaj ib lub rooj sib sau ua ke nrog peb, ces kuv thiaj li qhia txog kuv tus yam ntxwv thiab tus cwj pwm tam sim no. Tus thawj coj ntawd thiaj li qhiaib zaj lus ntawm Vajtswv txoj lus rau kuv. “Lub ntsiab tseeb ntawm cov tawm tsam Khetos txoj kev twm xeeb thiab txoj kev phem mas pom tau yooj yim heev li; lawv tej kev qhia kom pom meej txog hom no mas pom tseeb heev lawm. Pawg ntseeg muab ib txoj hauj lwm cob rau lawv ua, thiab yog tes hauj lwm no ua rau lawv nto moo thiab tau txiaj ntsim, thiab ua rau lawv tau ntsej muag no ces lawv nyiam heev li, thiab txaus siab hlo lees txais tes hauj lwm ntawd. Yog tias nws yog tes hauj lwm uas tib neeg tsis muaj kev ua tsaug los sis tsis ua rau tib neeg chim siab, los sis tsis ua kom lawv tau ntsej muag los sis tsis muaj txiaj ntsim rau lawv lub koob meej, tsis tau tshaj thawj, los sis meej mom li, ces lawv tsis nyiam, thiab yuav tsis lees txais tes hauj lwm ntawd, cuag nkaus li tes hauj lwm no tsis muaj dab tsi cuam tshuam rau lawv li, thiab tsis yog tes hauj lwm uas lawv yuav tsum ua. Thaum lawv ntsib tej kev nyuaj mas, tsis muaj qhov uas lawv yuav nrhiav qhov tseeb los daws tej kev nyuaj ntawd, haj yam tsis saib kom pom tseeb es ua tib zoo xav txog pawg ntseeg tes hauj lwm ntawd li. Piv txwv li, nyob rau hauv tus ciaj ciam ntawm Vajtswv lub tsev tes hauj lwm, raws li txhua yam uas tes hauj lwm ntawd cheem tsum mas, tej zaum yuav muaj kev hloov cov neeg ua hauj lwm ntawd qee tus. Yog muaj ob peb tus neeg raug hloov ntawm ib pawg ntseeg mus lawm, txoj kev uas zoo rau pawg ntseeg cov thawj coj los kho qhov teeb meem ntawd yog dab tsi? Yog lawv tsuas txhawj txog lawv pawg ntseeg tej kev ntshaw nkaus xwb, es tsis txhawj txog tag nrho txhua qhov kev ntshaw li, thiab tsis txaus siab hlo muab cov tib neeg ntawd hloov li no ces qhov teeb meem yog dab tsi? Vim li cas, ua ib tug thawj coj pawg ntseeg, lawv ho tsis muaj peev xwm ua raws li tej kev npaj uas tseem ceeb ntawm Vajtswv lub tsev? Ib tug neeg zoo li no puas ua tib zoo xav txog Vajtswv tej kev npaj siab? Lawv puas mob siab ua kom pom tseeb txog tes hauj lwm ntawd? Yog lawv tsis xav txog tes hauj lwm ntawm Vajtswv lubtsev kom tag nrho, tiam sis tsuas xav txog lawv pawg ntseeg tej kev ntshaw nkaus xwb no, lawv tsis twm xeeb thiab phem lod? Pawg ntseeg cov thawj coj mas yuav tsum zwm rau Vajtswv lub hwj chim kav thiab ua raws li tej kev npaj, thiab ua raws li tej kev npaj uas tseem ceeb thiab kev koom tes ntawm Vajtswv lub tsev. Qhov no yog qhov ua raws li qhov tseeb tej hauv paus ntsiab lus. Thaum tes hauj lwm ntawm Vajtswv lub tsev cheem tsum lawm, ces txawm lawv yuav yog leej twg los xij, txhua tus yuav tsum ua raws txoj kev koom tes thiab tej kev npaj ntawm Vajtswv lub tsev, thiab yuav tsum tsis txhob cia ib tug thawj coj los sis ib tug neeg ua hauj lwm twg tswj cuag nkaus li lawv yog tus thawj coj los sis tus neeg ua hauj lwm ntawd tug li los sis yuav tsum ua raws li tus thawj coj los sis tus neeg ua hauj lwm ntawd tej kev txiav txim siab. Qhov cov neeg Vajtswv xaiv ua raws li tej kev npaj uas tseem ceeb ntawm Vajtswv lub tsev ntawd yeej zoo heev thiab yog lawm, thiab txhua tus yuav tsum ua raws li tej kev npaj no, tshwj yog ib tug thawj coj los sis ib tug neeg ua hauj lwm twg txiav txim siab hloov tsis mus raws li lub hauv paus ntsiab lus xwb, ces thiaj li tsis tas ua raws. Yog yeej muaj ib qhov kev hloov li ib txwm muaj raws li cov hauv paus ntsiab lus, ces txhua tus ntawm cov neeg Vajtswv xaiv ntawd yuav tsum ua raws, thiab tsis txhob cia ib tug thawj coj los sis neeg ua hauj lwm twg muaj cai tswj ib tug twg li. Nej puas yuav hais tias tsis muaj ib teg hauj lwm uas tsis yog tes hauj lwm ntawm Vajtswv lub tsev li? Puas muaj ib teg hauj lwm uas tsis cuam tshuam rau txoj kev nthuav Vajtswv lub nceeg vaj txoj moo zoo kom dav li? Tej ntawd puav leej yog tes hauj lwm ntawm Vajtswv lub tsev, txhua tes hauj lwm yeej sib npaug zos, thiab tsis muaj qhov hais tias “yog koj li hauj lwm” thiab “yog kuv li hauj lwm” li. Yog qhov hloov ntawd mus raws li lub hauv paus ntsiab lus thiab raws li tej kev cheem tsum ntawm pawg ntseeg tes hauj lwm lawm, ces cov tib neeg no yuav tsum mus rau qhov chaw uas tim tsum lawv tshaj plaws. Yog li ntawd, cov tawm tsam Khetos ua li cas thaum ntsib qhov xwm txheej zoo li no lawm? Lawv nrhiav ntau yam kev los daws thiab hais li ub li no los tuav cov tib neeg uas tsim nyog no rau lawv tog, thiab lawv tsuas muab ob tug tib neeg dog dig xwb, ces tom qab ntawd nrhiav qee yam kev daws los tig kom ua nyuaj rau koj, lawv kawg hais tias hauj lwm ntau heev, los sis tias lawv muaj neeg ua hauj lwm tsis txaus, nrhiav tib neeg nyuaj, thiab yog muab ob tug neeg no hloov mus lawm, ces yuav muaj kev cuam tshuam rau tes hauj lwm loj heev xwb. Thiab lawv yuav nug koj hais tias lawv yuav ua li cas, thiab ua kom koj paub tias qhov muab tib neeg hloov mus ntawd yog txhais tias koj tshuav lawv nqi. Qhov no tsis yog txoj kev uas cov dab phem ua lod? Qhov no yog qhov cov tsis ntseeg Vajtswv ua hauj lwm. Cov tib neeg uas pheej ua txhua yam thiab tiv thaiv lawv tus kheej tej kev ntshaw nyob rau hauv pawg ntseeg ntawd—lawv puas yog cov tib neeg zoo? Lawv puas yog cov tib neeg uas ua raws li tej hauv paus ntsiab lus? Yeej tsis yog kiag li. Lawv yog cov tsis ntseeg Vajtswv thiab cov neeg tsis ntseeg. Thiab qhov no tsis yog twm xeeb thiab phem lod? Yog ib tug neeg twg muaj peev xwm raug hloov ntawm ib tug tawm tsam Khetos mus ua lwm tes dej num lawm mas, nyob hauv tus tawm tsam Khetos ntawd lub siab pheej yeej tawm tsam thiab tsis kam txais yuav qhov ntawd li—lawv xav tawm hauj lwm, thiab tsis muaj kev kub siab ua ib tug thawj coj los sis ua tus thawj coj ntawm pab pawg li lawm. Qhov teeb meem no yog dab tsi? Vim li cas lawv thiaj li tsis ua raws li pawg ntseeg tej kev npaj? Lawv xav hais tias qhov muab ‘tus neeg ntawm lawv sab tes xis’ ntawd hloov mus mas yuav cuam tshuam rau txoj kev ua hauj lwm thiab kev nce qib ntawm lawv tes hauj lwm, thiab tias lawv lub meej mom thiab lub koob lub npe yuav muaj kev cuam tshuam, uas yog yuav yuam kom lawv siv zog ua hauj lwm ntxiv thiab raug kev txom nyem ntxiv kom thiaj li ua tau hauj lwm—uas yog qhov kawg uas lawv xav ua. Lawv txeev loj hlob tuaj tau zoo, thiab tsis xav siv zog ua hauj lwm ntxiv los sis raug kev txom nyem ntxiv, yog li ntawd lawv thiaj li tsis xav tso tus tib neeg ntawd mus. Yog Vajtswv lub tsev pheej yuav hloov xwb, ces lawv yws heev thiab haj tseem xav muab lawv tus kheej tes hauj lwm tso pov tseg thiab. Qhov no tsis yog twm xeeb thiab phem lod? Cov neeg Vajtswv xaiv tsim nyog muab faib kom haum nyob rau hauv Vajtswv lub tsev. Qhov no tsis muaj feem dab tsi txog ib tug thawj coj, ib tug thawj coj pab pawg, los sis ib tug neeg twg li. Txhua tus yuav tsum ua raws li lub hauv paus ntsiab lus; qhov no yog Vajtswv lub tsev txoj kev cai. Cov tawm tsam Khetos tsis ua raws li Vajtswv lub tsev cov hauv paus ntsiab lus, lawv ntxias dag tas li txhawm rau lawv tus kheej lub meej mom thiab tej kev ntshaw, thiab ua kom cov kwv tij thiab cov muam uas muaj lub peev xwm zoo ntawd los tiam lawv kom sau nthwv tau lawv lub hwj chim thiab lub meej mom los ua ke xwb. Qhov no tsis yog twm xeeb thiab siab phem lod? Saib sab nrauv los mas, qhov tuav rawv cov tib neeg uas muaj lub peev xwm zoo nyob nrog nraim lawv thiab tsis tso cai muab lawv hloov tawm ntawm Vajtswv lub tsev mas pom tias cuag nkaus li lawv tab tom xav txog pawg ntseeg tes hauj lwm ntag, tab sis qhov tseeb tiag ces lawv tsuas xav txog lawv tus kheej lub hwj chim thiab lub meej mom xwb, thiab tsis yog xav txog pawg ntseeg tes hauj lwm hlo li. Lawv ntshai tsam lawv yuav ua pawg ntseeg tes hauj lwm tsis tau zoo, tsam raug hloov, thiab tsam poob lawv lub meej mom lawm. Cov tawm tsam Khetos tsis ua tib zoo xav txog Vajtswv lub tsev tes hauj lwm loj, es tsuas xav txog lawv tus kheej lub meej mom, tiv thaiv lawv tus kheej lub meej mom yam tsis xam txog tej nqi saib xyuas rau ntawm Vajtswv lub tsev tej kev ntshaw li, thiab thaiv lawv tus kheej lub meej mom thiab tej kev ntshaw kom pawg ntseeg tes hauj lwm piam sij xwb. Qhov no yog twm xeeb thiab phem” (Txoj Lus, Phau 4. Kev Nthuav Tawm Cov Tawm Tsam Khetos. Lub Ntsiab Tseeb Plaub: Qhov Muab Cov Tawm Tsam Khetos Tus Cwj Pwm thiab Lub Ntsiab Tseeb ntawm Lawv Tus Moj Yam Zoj Zog Los Hais Ua Lub Ntsiab (Ntu Ib)). Vajtswv cov lus qhia tshwm tias cov tawm tsam Khetos twm xeeb thiab ntxim ntxub npaum li cas. Yuav kom txuag tau lawv lub meej mom thiab lub koob lub npe, mas lawv yuav tsum zais ntawm tib neeg thiab tsis txaus siab qhia lub meej mom thiab lub koob lub npe tawm rau lawv, tsis xav txog pawg ntseeg tes hauj lwm ib qho me me kiag li. Kuv pom tias kuv tus kheej tus cwj pwm mas zoo nkaus li ib tug tawm tsam Khetos tus ntag. Tshwj xeeb mas yog thaum kuv nyeem cov kab ntawv no, “Cov tawm tsam Khetos tsis ua raws li Vajtswv lub tsev cov hauv paus ntsiab lus, lawv ntxias dag tas li txhawm rau lawv tus kheej lub meej mom thiab tej kev ntshaw, thiab ua kom cov kwv tij thiab cov muam uas muaj lub peev xwm zoo ntawd los tiam lawv kom sau nthwv tau lawv lub hwj chim thiab lub meej mom los ua ke xwb. Qhov no tsis yog twm xeeb thiab siab phem lod?” Vajtswv cov lus ua rau kuv nyuaj siab heev. Kuv thiaj li tig xav txog kuv tus cwj pwm tam sim no tias: Thaum kuv paub tias tej zaum Mim yuav raug nce qib, ces kuv txawm txhawj tsam tes hauj lwm saib xyuas yuav ntsib kev nyuaj thiab yuav puas rau kuv lub koob lub npe, yog li ntawd kuv thiaj li tsis xav cia nws tawm, thiab haj tseem khuv xim tias kuv tau xa nws mus koom lub rooj sib koom ua ke ntawd lawm thiab. Thaum tus thawj coj thov kom kuv nrhiav ob tug neeg saib xyuas ntxiv thiab sau daim ntawv tshuaj ntsuam txog kuv ob tug viv ncaus ntawd, kuv txawm twv tias tus thawj coj ntawd tab tom npaj muab nkawv xa tawm ces kuv thiaj li tawm tsam thiab cam. Kuv haj tseem muaj kev yeeb ncuab rau tus thawj coj ntawd thiab. Thaum tus thawj coj xav nce qib rau Tsheej, ces kuv txawm paub tias nws ua tau raws li cov hauv paus ntsiab lus rau kev nce qib thiab kev cob qhia lawm, tab sis thaum kuv xav txog qhov tias qhov ntawd yuav muaj kev cuam tshuam rau pawg ntseeg tes hauj lwm tshaj tawm txoj moo zoo thiab kev saib xyuas li cas yog nws mus lawm, ces kuv thiaj li tsis xav cia nws mus. Kuv saib cov nus thiab cov viv ncaus cuag nkaus li yog kuv cov neeg uas pab thiab pab txhawb ntag, thiab xav tuav lawv tag nrho cia rau kuv tus kheej los pab kuv tuav kuv lub meej mom thiab lub koob lub npe kom ruaj khov thiaj li ua kom tau raws li kuv tej kev ntshaw uas twm xeeb xwb. Kuv yeej tsis xav txog pawg ntseeg tej kev ntshaw li, thiab kuv yeej tsis xav tias yuav ua li cas Vajtswv thiaj li txaus siab. Kuv mas twm xeeb tshaj thiab qis heev. Cov tsis ntseeg ntawm lub ntiaj teb ua txhua yam uas lawv ua tau los tuav kom tau lawv txoj kev txawj siab tshaj rau ntawm lawv ib sab los pab lawv nthuav lawv tej kev lag luam kom dav thiab tsim kho lawv tej lag luam. Kuv tseem ua kuv tus kheej tes dej num ib yam nkaus li ntawd xwb. Kuv saib kuv tes dej num zoo li kuv tus kheej txoj kev lag luam kiag ntag, coj ua raws li kuv tus kheej cov hauv paus ntsiab lus thiab tsuas xav txog kuv tus kheej lub koob lub npe thiab lub meej mom xwb. Vajtswv ntxub thiab qias tej kev coj ua zoo li ntawd—Kuv tab tom taug tus tawm tsam Khetos txoj kev tawm tsam Vajtswv ntag.
Tom qab ntawd, kuv pom lwm zaj lus ntawm Vajtswv cov lus. “Yog ib tug twg hais tias lawv nyiam qhov tseeb thiab tias lawv nrhiav qhov tseeb, tab sis nyob hauv lub ntsiab tseeb, lub hom phiaj uas lawv nrhiav yog ua kom paub lawv tus kheej, khav theeb, ua kom tib neeg hwm lawv, kom ua tiav lawv tus kheej tej kev ntshaw, thiab kev ua lawv tes dej num mas tsis yog los zwm rau Vajtswv los sis ua kom Vajtswv txaus siab li, tiam sis ho yog ua kom tau koob meej, tau tshaj thawj thiab lub meej mom xwb, ces lawv txoj kev nrhiav thiaj li tsis raug cai. Vim muaj li ntawd, ces thaum tham txog pawg ntseeg tes hauj lwm, lawv tej kev ua puas yog ib qho kev cuam tshuam, los sis lawv puas pab ua kom nce qib mus rau tom ntej? Pom meej tseeb tias lawv yog ib qho kev cuam tshuam; lawv ua tsis tau kom nce qib mus rau tom ntej li. Ib txhia tib neeg tuav tus chij ntawm kev ua pawg ntseeg tes hauj lwm tiam sis tsuas nrhiav kom lawv tus kheej tau koob meej, tau tshaj thawj thiab tau lub meej mom xwb, leg lub hauj lwm rau lawv tus kheej, tsim pab pawg me me rau lawv tus kheej, tsim lub nceeg vaj me me rau lawv tus kheej—hom neeg no puas ua lawv tes dej num? Tag nrho tes hauj lwm uas lawv ua ntawd mas tsuas yog tab kaum, cuam tshuam, thiab rhuav tshem pawg ntseeg tes hauj lwm xwb. Lub txim ntawm qhov lawv nrhiav kom tau koob meej, tshaj thawj, thiab meej momntawd yog dab tsi? Ua ntej tshaj, qhov no yuav raug rau cov neeg Vajtswv xaiv txoj kev noj thiab kev haus Vajtswv txoj lus li ib txwm ua thiab kev to taub qhov tseeb, qhov ntawd tav lawv txoj kev to taub lub neej txoj sia kev lawm, cheem kom lawv txhob taug tau txoj kev ntseeg Vajtswv uas yog, thiab ua rau lawv taug txoj kev uas tsis yog—uas yuav ua rau cov neeg xaiv tseg ntawd piam sij, thiab coj kev puas tsuaj los rau lawv. Thiab thaum kawg qhov ntawd yuav muaj feem xyuam li cas rau pawg ntseeg tes hauj lwm? Qhov ntawd yog kev tab kaum, kev tshwm sim tsis zoo, thiab kev faib. Qhov no yog qhov tau los ntawm tib neeg txoj kev nrhiav suab npe thiab lub meej mom. Thaum lawv ua lawv tes dej num li no lawm, tsis yog qhov no txhais tau tias tab tom taug ib tug tawm tsam Khetos txoj kev lod? Thaum Vajtswv hais kom tib neeg tso lub koob meej, tshaj thawj, lub meej mom tseg, qhov ntawd tsis yog Nws tav tib neeg kev kom txhob muaj cai los xaiv; tab sis, nws yog vim hais tias, thaum nrhiav lub koob meej, tshaj thawj, thiab lub meej mom, tib neeg tab kaum thiab cuam tshuam pawg ntseeg tes hauj lwm thiab kev to taub lub neej txoj sia ntawm cov neeg Vajtswv xaiv, thiab haj yam cuam tshuam ntxiv rau tib neeg txoj kev noj thiab kev haus Vajtswv cov lus, kev to taub qhov tseeb, ces thiaj li tau txais Vajtswv txoj kev cawm dim. Qhov no yog ib qho tseeb uas hloov tsis tau. Thaum tib neeg nrhiav lub koob meej, tshaj thawjthiab lub meej mom rau lawv tus kheej, ces paub tseeb tias lawv yuav tsis nrhiav qhov tseeb thiab tias lawv yuav tsis ua siab ncaj ncees ua lawv tes dej num kom tiav. Lawv tsuas tham lus thiab ua kom tau koob meej, tshaj thawj thiab lub meej mom xwb, thiab tag nrho tes hauj lwm lawv ua, ces yog txhawm rau tej ntawd, yam tsis muaj kev zam ib qho me me li. Kev coj thiab kev ua zoo li ntawd mas yog, yam tsis muaj lus nug li, taug cov tawm tsam Khetos txoj kev lawm; qhov ntawd yog ib qho kev tab kaum thiab kev cuam tshuam Vajtswv tes hauj lwm, thiab tag nrho tej uas tau los ntawd mas cuam tshuam txoj kev tshaj tawm lub nceeg vaj txoj moo zoo thiab ua raws li Vajtswv lub siab nyiam nyob rau hauv pawg ntseeg. Yog li ntawd, yus yuav hais tau tseeb tias txoj kev uas cov nrhiav lub koob meej, tshaj thawj thiab lub meej mom taug ntawd mas yog txoj kev tawm tsam Vajtswv. Qhov ntawd mas txhob txwm tawm tsam Nws ntag, tsis hais dab tsi rau Nws li—qhov ntawd yog sib koom tes nrog Ntxwgnyoog nyob rau hauv txoj kev tawm tsam Vajtswv thiab ua yeeb ncuab rau Nws. Qhov no yog tus yeeb yam ntawm tib neeg txoj kev nrhiav koob meej, tshaj thawj, thiab lub meej mom. Qhov teeb meem uas ntsig txog tib neeg txoj kev nrhiav lawv tus kheej tej kev ntshaw ces lub hom phiaj uas lawv nrhiav ntawd yog Ntxwgnyoog lub hom phiaj—tej ntawd yog lub hom phiaj uas lim hiam thiab tsis ncaj ncees. Thaum tib neeg nrhiav tus kheej tej kev ntshaws xws li koob meej, tshaj thawj thiab lub meej mom, lawv cia li rais los ua Ntxwgnyoog ib qho kev siv yam ras tsis txog lawm, lawv rais los ua ib qho chaw rau Ntxwgnyoog, thiab tshaj qhov ntawd, ces lawv rais los ua Ntxwgnyoog tus duab lub cev lawm. Lawv tuav ib teg hauj lwm phem nyob rau hauv pawg ntseeg; rau pawg ntseeg tes hauj lwm, thiab rau pawg ntseeg lub neej uas ib txwm muaj thiab rau txoj kev nrhiav ntawm cov neeg Vajtswv xaiv, qhov kev cuam tshuam uas lawv ua yog tab kaum thiab rhuav tshem; lawv muaj ib qho kev cuam tshuam tsis zoo thiab phem” (Txoj Lus, Phau 4. Kev Nthuav Tawm Cov Tawm Tsam Khetos. Yam Cuaj: (Ntu Ib)). Vim Vajtswv cov lus, ces kuv thiaj li paub tias tus yeeb yam thiab lub txim ntawm qhov tsis xyaum ua raws li qhov tseeb thiab qhov pheej thaiv yus tus kheej tej kev ntshaw tas li ntawd mas yog kev phem tiag tiag li. Qhov ntawd cuam tshuam pawg ntseeg tes hauj lwm thiab tav pawg ntseeg tes hauj lwm kev thiab yog ib qho kev ua dej num rau Ntxwgnyoog ntag. Pawg ntseeg cob qhia thiab nce qib rau tib neeg kom ua rau lawv tau txais kev cob qhia uas phim rau txoj hauj lwm ntawd, thiab cia lawv siv lawv tej txuj ci uas zoo tshaj plaws. Qhov no thiaj li muaj txiaj ntsim rau peb cov nus thiab cov viv ncaus txoj kev tob taub lub neej txoj sia thiab pawg ntseeg tes hauj lwm thiab ua tau raws li Vajtswv txoj kev xav—qhov ntawd yog ib qho zoo uas kuv, uas yog ib tug thawj coj, tsim nyog thaiv thiab txhawb nqa. Tiam sis, thaum kuv pom nce qib rau cov nus thiab cov viv ncaus, mas kuv tsis zoo siab rau lawv li, tab sis tsuas xav txog kuv tus kheej lub koob lub npe thiab lub meej mom xwb. Kuv xav tias cov nus thiab cov viv ncaus no ua tau zoo lawm, lawv yog kuv cov neeg uas pab thiab pab txhawb nqa. Ntshe kuv twb tsis tshua txhawj txog qhov seb lawv ua puas tiav tej dej num uas nyob hauv kuv pawg ntseeg, peb tuaj yeem ua hauj lwm kom tau zoo ntxiv, es kuv lub meej mom thiaj li yuav ruaj khov. Yog li ntawd thaum nce qib thiab muab ib tug xa tawm zuj zus lawm, ces kuv thiaj li tawm tsam, chim siab thiab tsis xav cia lawv mus li. Kuv yeej tsis xav txog qhov yuav ua rau kom pawg ntseeg tes hauj lwm zoo dua ib qho me me kiag li, thiab kuv yeej tsis xav txog qhov xwm txheeej uas yuav npaj kev cob qhia li cas rau lawv thiaj li zoo tshaj plaws, ua kom lawv muab lawv tej txuj ci tawm los siv li. Kuv puas hais tau tias yog kev ua kuv tes dej num tiav? Kuv coj yog kiag li Ntxwgnyoog tus neeg ua hauj lwm uas cuam tshuam pawg ntseeg tes hauj lwm ntag. Kuv tsuas ua kom tiav kuv tes dej num txhawm rau kuv tus kheej lub koob lub npe thiab lub meej mom xwb, thiab txawm kuv yuav ua ntau npaum li cas los xij, Vajtswv yuav tsis lees paub txog qhov ntawd li. Kuv xav txog cov xib fwb thiab cov txwj laug ntawm lub ntiaj teb sab kab li kev cai ntseeg uas paub zoo tias Pawg Ntseeg ntawm Vajtswv Tus Uas Muaj Hwj Chim Loj Kawg Nkaus tau hais lus tim khawv lawm tias tus Tswv twb rov qab los lawm, tiam sis, vim lub meej mom thiab nyiaj txiag, lawv tseem mob siab tshaj plaws mus txwv cov ntseeg kom txhob tshuaj xyuas txoj hau kev tseeb thiab txais tos tus Tswv. Lawv saib lawv cov ntseeg zoo li lawv tej khoom ntiag tug, thiab tuav cov ntseeg ntawd ruaj ruaj rau hauv lawv txoj kev tswj fwm. Lawv nrog Vajtswv sib txeeb cov ntseeg es thiaj li rais los ua cov tawm tsam Khetos thiab dab phem cov tub qhe, raug teem txim thiab raug Vajtswv foom phem rau lawm. Qhov kuv ua ntawd puas muaj ib qho txawv ntawm cov xib fwb thiab cov txwj laug li? Yog hais tias kuv tsis lees txim hloov dua siab tshiab li, ces kuv yuav ntsib tib txoj hmoo ib yam li cov Falixais ntawm lub ntiaj teb sab kab lis kev cai ntseeg, ua txhaum rau Vajtswv tus moj yam thiab thev Nws txoj kev rau txim thiab tej kev foom phem.
Nyob rau lub sij hawm ntawd, kuv pom lwm zaj lus ntawm Vajtswv cov lus. “Rau ntawm nej txhua tus uas ua nej tes dej num puv npo, txawm tias koj yuav nkag siab qhov tseeb zoo npaum li cas los sis nkag siab ntiav li cas los xij, txoj hau kev ntawm kev xyaum ua uas yooj yim tshaj plaws kom to taub qhov muaj tiag ntawm qhov tseeb mas yuav tsum xav txog tej kev ntshaw ntawm Vajtswv lub tsev hauv txhua yam, thiab tso koj tej kev ntshaw ntawm tej kev twm xeeb, koj tus kheej tej kev xav, tej kev txhawb siab ntsws, kev khav theeb, thiab lub meej mom tseg. Muab tej kev ntshaw ntawm Vajtswv lub tsev tso ua ntej tshaj—qhov no yog qhov tsawg kawg nkaus uas yus yuav tsum tau ua. Yog ib tug neeg ua lawv tes dej num tsis tuaj yeem ua tau ntau li qhov no, ces lawv muaj peev xwm hais tau tias yuav ua lawv tes dej num tau li cas? Qhov no tsis yog ua yus tes dej num. Koj yuav tsum xav txog tej kev ntshaw ntawm Vajtswv lub tsev ua ntej tshaj plaws, ua twb zoo xav txog Vajtswv txoj kev xav, thiab xav txog pawg ntseeg tes dej num, thiab muab tej kev xav no xav ua ntej thiab tseem ceeb tshaj plaws; tsuas yog tom qab ntawd nkaus xwb koj thiaj li tuaj yeem xav txog kev ruaj khov ntawm koj lub meej mom los sis lwm tus pom koj li cas. Nej tsis xav tias nws yuav ua rau yooj yim dua thaum nej muab nws faib ua cov kauj ruam no thiab sib cog lus rau qee yam los? Yog koj xyaum ua zoo li no mus ib ntus, koj yuav hnov tias kev ua tau zoo raws Vajtswv yeej tsis nyuaj li. Ntxiv rau qhov no, yog koj yuav tsum muaj peev xwm ua kom tau koj lub luag hauj lwm puv npo, ua koj yam uas yuav tau ua thiab tej dej num, tso koj tej kev ntshaw ntawm kev qia dub tseg, tso koj tus kheej tej kev npaj siab thiab tej kev txhawb siab ntsws tseg, muaj kev xav rau Vajtswv txoj kev xav, thiab xub muab tej kev ntshaw ntawm Vajtswv lub tsev, pawg ntseeg tes dej num, thiab tes dej num uas koj yuav ua ntawd tso ua ntej tso. Ces tom qab txoj kev ntsib kev pom qhov no mus ib ntus lawm, koj mam li hnov tias qhov no yog ib txoj hau kev zoo los coj koj tus kheej. Nws yog kev ua neej nyob ncaj ncees thiab siab dawb paug, yog tsis yog ib tug muaj paus ntsis los sis tsis muaj ib qho zoo li, thiab tsuas yog ua neej nyob thiab ntxim hwm dua li qhovntxim ntxub thiab siab phem. Koj mam li hnov tias qhov no yog yam uas ib tug neeg yuav tsum ua neej nyob thiab coj li cas. Maj mam ib qho zuj zus, txoj kev xav tau nyob hauv koj lub siab ua raws li koj tus kheej tej kev ntshaw thiaj li yuav muaj tsawg zuj zus mus” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tshem Yus Tus Moj Yam Qias Vuab Tsuab Tawm Xwb Thiaj Li Tau Txais Kev Ywj Pheej thiab Kev Dim). Vajtswv cov lus taw qhia ib txoj kev xyaum ua raws. Qhov tseem ceeb rau txoj kev ua peb tej dej num mas yog yuav tsum xub ua pawg ntseeg tes kev ntshaw ua ntej thiab muab peb tus kheej tej kev ntshaw tso pov tseg es los thaiv pawg ntseeg tes hauj lwm. Qhov tseeb tiag ces, cov tib neeg uas muaj kev txawj xav, muaj qab hau thiab muaj kev ua neeg ntawd yuav xav txog qhov tes hauj lwm cheem tsum, thiab zwm rau pawg ntseeg tej kev npaj yog hais tias tib neeg rov qab tau ua hauj lwm dua. Lawv yuav txhob xav txog lawv tus kheej tej kev ntshaw. Kis tseem ceeb ntawm yus tes hauj lwm ua ib tug thawj coj mas yog los saib xyuas cov nus thiab cov viv ncaus thiab cob qhia cov muaj kev txawj, ua kom txhua tus nus thiab viv ncaus muab lawv qhov kev txawj los siv thiab ua tau tej dej num uas phim rau lawv tshaj plaws ntawd tiav. Cov neeg Vajtswv xaiv mas yog Vajtswv li, tsis yog ib tug tib neeg twg li. Pawg ntseeg tuaj yeem xaiv los muab tib neeg xa tawm mus raws li qhov tim tsum rau tes hauj lwm thiab leej twg phim rau tes dej num twg tshaj plaws. Kuv tsis muaj cai muab tib neeg zais rau kuv tus kheej. Thaum kuv to taub qhov no lawm, kuv thiaj li txaus siab hlo tso kuv lub cev nqaij daim tawv tseg thiab tsis ntaus nqi tseem ceeb rau kuv tus kheej tej kev ntshaw uas twm xeeb thiab ntxim ntxub mus ntxiv lawm.
Muaj ib hnub, kuv tau txais ib tsab ntawv tuaj ntawm tus thawj coj tuaj, thov kom kuv sau ib daim ntawv ntsuam xyuas txog Tsheej. Nws xav kom tshuaj ntsuam xyuas seb puas nce qib Tsheej los coj tes hauj lwm saib xyuas. Kuv thiaj li xav rau kuv tus kheej tias: “Tam sim no Tsheej ua tus kav peb pawg ntseeg txoj moo zoo thiab tes hauj lwm saib xyuas. Yog hais tias nws tawm lawm thiab peb tes hauj lwm ntsib kev nyuaj, ces tus thawj coj ntawd yuav tsis hais tias kuv mas tsis muaj peev xwm no lod?” Tsuas yog thaum ntawd xwb, kuv thiaj li mam paub kiag tias, kuv rov twm xeeb thiab txhawj txog kuv tus kheej dua lawm xwb. Tsheej yog ib tug neeg saib xyuas uas muaj kev txawj, thiab yog cia nws los saib xyuas ib teg hauj lwm loj dua ntshe yuav muaj txiaj ntsim rau pawg ntseeg tes hauj lwm. Ntshe nws yuav cob qhia tau ntau tus ntxiv, yog li ntawd kuv tsim nyog txhawb nqa. Nyob rau lub sij hawm ntawd, kuv nco tau Vajtswv cov lus, uas hais tias: “Vajtswv yeej siab tshaj mus ib txhis thiab yeej txaus hwm mus tib txhis, hos tib neeg ces yeej tsis zoo thiab tsis muaj nqis mus ib txhis. Qhov no yog vim hais tias Vajtswv yeej muab Nws Tus Kheej xyeem thiab fij rau tib neeg ntiaj teb mus ib txhis lawm; tiam sis, tib neeg tsuas muab thiab siv zog rau lawv tus kheej mus ib txhis xwb. Vajtswv yeej tiv kev mob siab rau tib neeg ntiaj teb txoj kev muaj sia nyob mus ib txhis, tab sis tib neeg yeej tsis ua ib yam dab tsi pub txhawm rau txoj kev ncaj ncees los sis txoj kev kaj li, thiab tab txawm yog tib neeg siv zog li ib ntus los xij, tib ntsawj xwb qhov ntawd twb tiv tsis tau li lawm, rau qhov tib neeg lub zog yeej ib txwm yog ua txhawm rau lawv tus kheej xwb tsis yog ua txhawm rau lwm tus. Tib neeg yeej ib txwm twm xeeb, hos Vajtswv yeej ib txwm tsis twm xeeb li. Vajtswv yog lub hauv paus ntawm txhua yam uas ncaj ncees, zoo, thiab zoo nkauj, hos tib neeg yog tus uas ua raws thiab nthuav txhua yam kev qias neeg thiab kev phem tawm tuaj xwb. Vajtswv yeej yuav tsis hloov Nws lub ntsiab tseeb ntawm txoj kev ncaj ncees thiab qhov zoo nkauj li, tab sis tib neeg yuav ntxeev siab rau txoj kev ncaj ncees thiab txav deb ntawm Vajtswv nyob rau lub sij hawm twg los tau thiab nyob rau qhov chaw twg los tau” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Nws Yog Tseem Ceeb Heev los To Taub Vajtswv Tus Moj Yam). Vajtswv mas dawb huv tshaj plaws! Vajtswv mas yeej tsis twm xeeb mus ib txhis li, thiab Nws ua tes hauj lwm dab tsi los xij los sis Nws npaj qhov xwm txheej dab tsi rau tib neeg los xij, Nws yeej ua li ntawd tas li los ntawm txoj kev xav txog tib neeg lub neej, thiab kom hloov pauv tau thiab yaug tau peb tej moj yam qias vuab tsuab kom dawb huv, ua kom peb dim thiab ua neej nyob tau raws li kev ua neeg. Thaum tig xav txog kuv tus kheej, kiag thaum qhov xwm txheej uas Vajtswv hawv rau kuv tej kev ntshaw, kuv yws thiab tawm tsam thiab twm xeeb heev thiab ntxim ntxub tshaj plaws li. Thaum xav txog Vajtswv txoj kev dawb huv thiab txoj kev tsis twm xeeb ntawd, ces kuv txaj muag, khuv xim thiab tu siab. Kuv thiaj li paub tias kev ua neej nyob li no mas phem heev, qis heev thiab tsis muaj nqis li. Kuv yuav tsum tso qhov coj twm xeeb thiab ntxim ntxub tshaj ntawd tseg, tsuas xav txog kuv tus kheej lub koob lub npe thiab lub meej mom xwb. Kuv yuav tsum xub muab pawg ntseeg tej kev ntshaw tso ua ntej. Yog li ntawd kuv thiaj li sau tag nrho Tsheej tej ntawv tshuaj ntsuam xyuas thiab xa mus rau tus thawj coj ces, tom qab ntawd, Tsheej txawm raug nce qib mus ua ib tug thawj saib xyuas hauj lwm lawm. Tom qab xyaum ua raws li ntawd lawm, kuv zoo siab thiab kaj siab lug lawm.
Ib ntus tom qab ntawd, kuv pom tias Viv Ncaus Lis Huj muaj peev xwm zoo, qhia qhov tseeb tau ntxaws thiab txhij txhua, hlub thiab ua lub siab ntev rau cov nus thiab cov viv ncaus, muaj tej kev txawj uas tim tsum los mus tshaj tawm txoj moo zoo thiab saib xyuas cov ntseeg tshiab thiab phim rau txoj kev cob qhia. Tom qab Tsheej mus lawm, tsis yog peb tes hauj lwm tshaj tawm txoj moo zoo tsis ntsib kev nyuaj xwb, qhov ntawd haj tseem raug tsim kho tau me ntsis lawm thiab. Yav dhau los, kuv ib txwm xav tias thaum cov tib neeg no mus lawm, ces ntshe peb tes hauj lwm yuav ntsib kev nyuaj. Tam sim no kuv mam paub tias kuv mas yuam kev tag li lawm. Qhov no tsuas yog qhov kuv hle ub hle no txhawm rau txoj kev vam khom tej khoom muaj nqis uas muaj ua ntej thiab tsis ua tes hauj lwm muaj qab hau. Qhov tseeb tiag ces, qhov tseem ceeb rau yus lub siab ces yuav tsum yog nyob rau qhov chaw uas yog. Yog hais tias koj tuaj yeem xav txog Vajtswv txoj kev xav, txav deb ntawm qhov txhawj txog yus tus kheej xwb, es cob qhia cov uas muaj kev txawj tshiab kiag thaum lwm tus raug xa tawm lawm, thiab daws tej teeb meem nyob rau hauv koj tes hauj lwm kom ncav sij hawm, ces koj thiaj li yuav tau txais Vajtswv txoj kev coj qhia. Thiab koj tes hauj lwm yuav zoo zuj zus mus. Ua Vajtswv Tsaug!
