58. Ib Tug Neeg Ua Hauj Lwm Rau Tsoom Fwv Txoj Kev Xaiv

Kuv txiv tau ua txhaum txoj cai lij choj thiab nws raug ntes ua ntej kuv yug los lawm. Tej yam zoo li ntawd mas txaj muag heev rau cov Neeg Suav uas nyob rau yaj sab nyob rau xyoo 1970 tawm ntawd. Kuv loj hlob nyob nrog tej kev thuam ntawm txhua tus neeg uas nyob puag ncig kuv. Kuv niam yeej ib txwm hais rau kuv tias, “Koj yuav tsum tau sib zog ua hauj lwm kom zoo. Peb yuav cia lwm tus neeg saib tsis taus peb tsev neeg tsis tau.” Cov lus ntawd cog tob heev rau hauv kuv lub siab lawm. Yog li kuv thiaj li mob siab heev rau kuv tej kev kawm. Kuv tau cog lus tias nyob rau yav tom ntej mas, kuv yuav zoo tshaj sawv daws thiab hloov txhua tus tus cwj pwm uas coj rau peb. Kuv tau los ua ib tug xib fwb qhia ntawv tom qab kawm tiav qib siab lawm. Nws yog ib txoj kev khwv noj khwv haus uas tsis poob lawm, tab sis tseem nyob deb ntawm kuv lub hom phiaj uas ua kom zoo tiag tiag. Ces yog li, kuv thiaj li vam khom rau kuv tej kev sib raug zoo thiab xa phaj tshab mus rau cov thawj coj hauv nroog, cia siab tias yuav raug xa mus ua tsoom fwv ib txoj hauj lwm.

Peb lub xyoos tom qab ntawd, ces raws nraim li qhov kuv cia siab, kuv tau ib txoj hauj lwm ua tus tuav ntaub ntawv hauv tsoom fwv lub chaw ua hauj lwm hauv nroog, uas ua rau kuv muaj lub tsam thawj tau nrog tej thawj coj ntau heev li. Saib mas nws muaj koob npe tshaj li. Tshwj xeeb tshaj mas yog thaum kuv rov qab mus rau kuv lub zos, mas tus tswv zos thiab tag nrho cov neeg nyob rau tod mas ua rau kuv sov siab heev li thiab muaj ntau tus neeg ua kev zoo siab rau kuv—kuv tsev neeg los kuj tau txais txiaj ntsig los ntawm qhov ntawd los thiab. Cov neeg nyob thoob plaws ib cheeb tsam ntawd mas khib heev li. Kuv niam thiaj li hais yam zoo siab hlo rau kuv tias, “Vim koj tau tsoom fwv ib txoj hauj lwm lawm, ces txawm koj tus tij laug mus rau qhov twg los nws qhia rau txhua tus tias nws tus kwv yog leej twg, nws tus kwv ua hauj lwm nyob rau qhov twg. Tom qab tau txhua lub xyoo los no, ces thaum kawg peb kuj tsa tau taub hau sawv thiab zoo siab lawm!” Kuv zoo siab heev uas hnov kuv niam hais li no. Peb tsev neeg muaj kev nyuaj ntau yam los tau ntau lub xyoo lawm. Tsis yog peb nyob tos hnub no xwb lod? Tom qab ntawd ces kuv pib sib zog ua hauj lwm tuaj, ua hauj lwm dhau sij hawm lig txog ib tag hmo txhua zaus kiag thiab haj tseem tsis so nyob rau cov hnub so li thiab. Kuv haj yam muaj sij hawm tsawg los nrog kuv poj niam thiab me nyuam nyob lawm. Nyob rau xyoo 2008 lawm. Kuv tseem siv kuv lub sij hawm feem ntau rau tes hauj lwm ntawd. Tab sis kuv tsuas mus koom tej kev sib txoos ua ke rau ub rau no xwb, thiab tsis tau nyeem Vajtswv cov lus ntau pes tsawg. Kuv tes hauj lwm mas mus tau zoo tiag tiag li—Kuv ris tej thawj coj txiaj ntsig thiab hwm tej neeg ua hauj lwm ua ke heev, thiab thaum muaj ib txoj hauj lwm uas siab dua qhib ces sawv daws hais tias, kuv yuav tsum tau xwb. Kuv hnov zoo tias qhov ntawd yuav yog kuv lub hwv tsam los ua kom tau raws nraim li qhov kuv xav tau ntawm lub neej lawm, kom tau ntsej tau muag tiag tiag, yog li kuv txawm pib sib zog ua hauj lwm tshaj qub thiab hais lus mos lus muag rau tej thawj coj. Txawm li ntawd los, kuv tseem swb rau ib tug thawj coj tus tub lawm thiab, ces tom qab ntawd kuv thiaj li raug xav mus rau ib qho chaw ua hauj lwm uas dhuav neeg heev.

Qhov ntawd ua rau kuv chim siab heev, ces kuv txawm xav tias kuv cov neeg ua hauj lwm ua ke yeej yuav tham txog kuv thiab saib tsis taus kuv xwb. Kuv cia li tsis muaj lub siab ua thiab kuv tsis xav pom leej twg li lawm. Ces nyob rau lub sij hawm nyuaj siab ntawd, txawm muaj ib tug kwv tij hauv pawg ntseeg qhia rau kuv tias, “Koj tsis tau txais qhov kev nce qib no, tab sis ho raug xa mus rau ib qho chaw ua hauj lwm uas dhuav neeg heev. Saib mas zoo li yog ib qho phem, tab sis qhov tseeb mas nws yog ib qhov zoo xwb! Saib mas, yog tias zaum no es txhua yam mus raws li koj xav, yog tias koj raug muab xa mus rau ib qho chaw ua hauj lwm uas tseem ceeb dua uas muaj meej mom siab dua, ces koj tsuas yuav haj yam xav tau ntau ntxiv xwb. Koj haj yam yuav ntsib kev sim siab ntau ntxiv, peem rau lub npe thiab lub meej mom hnub tag hnub tuaj. Koj yuav muaj sij hawm thiab kev xav los caum raws qhov tseeb tau li cas? Qhov no yog ib lub sij hawm tseem ceeb heev rau Vajtswv tes hauj lwm los cawm thiab ua kom tib neeg zoo tiav log lawm. Yog tias koj cia cov hnub tseem ceeb no dhau mus lawm, koj yuav raug cawm dim tau li cas? Qhov tsis tau txais qhov kev nce qib no mas yog Vajtswv txoj kev xav uas zoo—Vajtswv uv tsis taus qhov pom peb pheej raug Ntxwgnyoog siv thiab ua kom mob, qhov ua neej peem rau lub npe thiab tshaj thawj, ua kom ntshaw thiab sib ceg, ces plam peb lub hwv tsam ntawm kev cawm dim.” Nws cov lus ua rau kuv ras xeev; kuv thiaj li xav tias nws hais yog lawm. Yav dhau los ntawd mas, kuv tsuas rau siab rau txoj kev ua ib tug neeg kom tau ntsej tau muag xwb, yog li kuv yeej tswj tsis tau kuv lub siab kom tus thiab nyeem Vajtswv cov lus los sis caum raws qhov tseeb tiag tiag li. Tej zaum qhov swb ntawd yog ib qho hloov pauv ntawm kuv txoj kev ntseeg lawm.

Tom qab ntawd, kuv thiaj li nyeem ib zaj lus ntawm Vajtswv cov lus. “Raws li ib tug neeg dog dig, thiab tus uas nrhiav txoj kev hlub Vajtswv, to taub qhov tseeb txog lub teb chaws kom dhau los ua ib tug neeg ntawm Vajtswv cov neeg yog nej lub neej yav tom ntej uas tseeb tiag, thiab lub neej uas muaj nuj nqis thiab tseem ceeb tshaj plaws; tsis muaj leej twg tau txais koob hmoov ntau dua nej lawm. Vim li cas Kuv thiaj hais li no? Vim hais tias cov neeg uas tsis ntseeg Vajtswv ua neej nyob rau sab cev nqaij daim tawv xwb, thiab lawv ua neej nyob rau Ntxwgnyoog, tiam sis hnub no nej ua neej nyob rau Vajtswv, thiab ua neej nyob kom tau ua raws li Vajtswv lub siab nyiam. Twb yog vim li ntawd Kuv thiaj li hais tias nej lub neej yog qhov tseem ceeb tshaj plaws. Tsuas yog pab pawg neeg no xwb, uas tau raug xaiv los ntawm Vajtswv lawm, thiaj li muaj peev xwm ua lub neej uas tseem ceeb tshaj plaws: Tsis muaj leej twg hauv ntiaj teb no uas muaj peev xwm ua lub neej uas muaj nuj nqis thiab muaj txiaj ntsig zoo li no li lawm” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Paub Vajtswv Txoj Hauj Lwm Uas Tshiab Tshaj Plaws thiab Ua Raws Li Nws Cov Hneev Taw). Vajtswv cov lus yeej qhia meej meej txog qhov ua ib lub neej muaj qab hau lawm. Kuv thiaj rov xav txog kuv ntau lub xyoo uas peem rau lub npe thiab tshaj thawj—txawm tam sim no muaj meej mom thiab koob npe me ntsis lawm los xij, kuv tseem hnov qhuav qhawv xwb. Kuv ib txwm looj lub ntsej muag cuav nyob rau hauv tej kev ua nom ua tswv ntawd. Vim lub meej mom, ces kuv tsis yog tsuas yuav tsum tau ua zoo rau tej thawj coj xwb, tab sis kuv yuav tsum tau saib xyuas kuv cov neeg ua hauj lwm ua ke thiab, siv tag nrho kuv tus kheej los sib tw nrog lwm tus, ces txhua lub sij hawm ho ntshai tsam lwm tus tawm tswv yim tawm tsam kuv thiab. Kuv thiaj li to taub tiag tiag txog txoj kev nyuaj siab thiab ntxhov siab ntawm lub ntiaj teb ntawd lawm. Kuv thiaj li nug kuv tus kheej tias: Dab tsi yog qhov muaj qab hau, qhov muaj nuj nqis nyob rau tom qab ntawm qhov sib zog ua hauj lwm tag kuv lub neej los peem rau lub meej mom thiab lub suab npe? Puas yog lub ntsiab tag nrho ntawm kuv lub neej tsuas yog ua kom muaj suab npe, coj kom tau lub koob meej los rau kuv tsev neeg xwb? Tau ntau txhiab xyoo lawm, tsis yog muaj ntau tus neeg tseem ceeb uas muaj lub meej mom zoo tseem tuag mus lawm tes dawb tes npliag xwb lod? Vajtswv tsim tib neeg, tsis yog kom peb muaj lub suab npe nyob mus ib txhis los sis peem rau lub suab npe thiab lub meem mom xwb, tab sis yog kom peb kawm kom paub qhov tseeb thiab los paub Vajtswv, ua tes dej num ntawm ib tug neeg uas raug tsim los, thiab ua lub neej zoo li ib tug tib neeg tiag tiag. Qhov ntawd thiaj li yog tib lub neej uas muaj qab hau thiab muaj nqi, uas Vajtswv pom zoo thiab foom koob hmoov rau. Kuv thiaj li thov Vajtswv thaum kuv paub li no, npaj txhij los muab kuv qhov caum raws lub suab npe thiab lub meej mom tso tseg es los taug txoj kev tsim nyog taug hauv lub neej lawm.

Nyob rau qhov chaw ua hauj lwm uas kuv raug xav mus rau ntawd, yeej tsis muaj ib lub sij hawm uas khwv heev mus tag xyoo ntawd kiag. Kuv thiaj li siv lub hwv tsam ntawd los nyeem Vajtswv cov lus thiab npaj kuv tus kheej kom muaj qhov tseeb ntxiv, thiab thaum txog hnub so lawm, ces kuv yuav mus koom tej kev sib txoos ua ke thiab tshaj tawm txoj moo zoo rau lwm tus. Kuv muaj kev kaj siab heev, thiab kuv tsis tau ua txhua yam kom sib swm nrog tej neej ua hauj lwm ua ke ntawd ntxiv lawm. Kuv thiaj li tsis nyiam txhua qhov xwm txheej tsis zoo xws li kev cog kev sib raug zoo thiab kev siv tej hau kev uas tsis raug cai lawm. Kuv muaj kev ywj pheej tshaj qub thiab tau so tshaj qub lawm. Tab sis thaum kawg kuv ho rov raug xa dua mus rau tsoom fwv qhov chaw ua hauj lwm txiav txim rau kev rhuav tshem lawm thiab, uas yog qhov kuv tus kheej pom tias Tsoom Fwv Koom Tsham quab yuam thiab ua phem rau cov neeg dog dig li cas. Qhov ntawd ua rau kuv haj yam tsis sov siab rau tes hauj lwm kuv ua ntawd lawm.

Tsoom fwv yeej ib txwm yuam kom tib neeg tsiv tawm ntawm lawv tej vaj tse mus vim kev tsim kho ntug nroog, thiab them nyiaj tsawg heev li. Tib neeg yeej tsis zoo siab txog qhov ntawd li es thiaj li yuav tawm tsam. Pom tseeb tias tsoom fwv mas koom tes nrog cov neeg tsim kho nroog yam ntsiag to, kom tau tej txiaj ntsim ntau los ntawm tej kev ua luam thiab kev yuam cov neej dog dig ntawd. Tab sis lawv mas yeej ib txwm muab qhov tseeb ntxeev, hais tias tsuas yog cov tib neeg ntawd tsis kam tsiv tawm xwb thiab qhov ntawd mas tav txoj kev ntawm kev tsim kho ntug nroog lawm. Nruab hnub mas lawv yuav kom peb nplij cov tib neeg ntawd, ces hmo ntuj lawv ho yuav xa tib neeg mus thab lawv. Yog tias leej twg tawv tsis kam tsiv tawm, ces lawv yuav raug quab yuam raug ntes thiab raug ntaus, vim qhov tab kaum kev tsim kho ntug nroog. Yuav tsis tso qhov ua li ntawd tseg mus kom txog ntua thaum tus neeg ntawd kos npe. Kuv tseem nco tau ib txoj kev quab yuam kev rhuav tshem, muaj ib tug pej xeem tsis pom zoo thiab thov muab qhov ntawd mus hais rau hauv xeev, yog li tsoom fwv ib co uas tsiv nyaum tau muab nws txhom thiab ntaus nws. Tom qab ntawd nws thiaj li tuag tes tuag taw thiab tsis ntev ntawd ces nws txawm mob thiab tuag lawm. Muaj ib zaug ib tug thawj coj haj tseem hais luag ntxhi tim ntsej tim muag rau sawv daws hauv ib lub rooj sib tham tias, “Tam sim no tus neeg no tuag lawm, ces qhov ntawd tsawg ib tug neeg tuaj hais plaub, thiab tsawg ib lub txim rau peb lawm!” Txhua leej uas nyob rau hauv mas luag ntxhi ib yam nkaus. Thaum pom cov neeg ua hauj lwm rau tsoom fwv quab yuam thiab caij tsuj cov neej dog dig yam tsis xav txog tib neeg txoj sia li, ces kuv thiaj li paub tias qhov nyob rau hauv Tsoom Fwv Koom Tsham thiab koom nrog cov neeg ntawd yeej yuav tsis muaj dab tsi zoo li. Kuv thiaj li pib ua qhov zoo tshaj plaws los zam kom dhau lawv, kom txhob nyob txuam nrog lawv. Yog tias hais kom kuv mus nrog lawv tham, ces kuv yuav ua txhua yam uas kuv ua tau kom zam dhau, los sis mus pab tswj kev nyab xeeb xwb. Thaum kuv pom qee tus neeg uas sib txheeb zog raug ntaus es lawv quaj qw, uas ntsia lawv lub ntsiab muag tsis muaj kev pab li ces ua rau kuv hnov txhaum heev li. Qee zaum kuv haj tseem tsim los ntawm tej npau suav phem thaum ib tag hmo thiab. Kev ua neej nyob rau qhov xwm txheej zoo li ntawd txhua hnub mas yog ib txoj kev txom nyem heev. Kuv xav tias yog kuv pheej ua tes hauj lwm tsis muaj qab hau ntawd, ces tsis ntxov los lig kuv yuav raug rau txim lawm, ces kuv txawm xav tawm ntawm qhov chaw ntawd kom sai li sai tau. Txawm tias tej thawj coj hais tej lus txhawb siab kom kuv caum raws kuv tes hauj lwm los xij, kuv tsis muaj siab li lawm thiab yeej tsis hais lus mos lus muag rau lawv kom tau nce qib ntxiv lawm. Tab sis ua rau kuv ceeb loj heev, kiag lub sij hawm ntawd xwb ces kuv tau txais ib qho kev nce qib lawm. Kom mus ua tus thawj tswj ntawm lub nroog ntawd qhov chaws ua hauj lwm qhuab qhia.

Tom qab rov tau txais tes hauj lwm ntawd lawm, ces feem ntau kuv tau nyob rau txhua lub rooj sib tham nrog cov nom tswv tseem ceeb hauv nroog. Kuv cov neeg ua hauj lwm ua ke thiab cov neeg zej zog mas puav leej ua phooj ywg zoo heev nrog kuv thiab ua hauj lwm nyob nraim ntawm kuv ib sab. Kuv kuj muaj kev xyiv fab li ntawd thiab. Tos kuv paub xwb, ces kuv twb pib tsis tau so, thiab xav kom muaj nqis thiab kom cov thawj coj lees paub lawm. Thaum kuv tim tsum mus ua lag luam los sis tawm mus koom lub rooj sib tham tam tus thawj coj, ces qhov ntawd cuam tshuam qhov kuv yuav mus koom tau tej rooj sib txoos ua ke thiab ua kuv tes dej num lawm. Thaum xub thawj kuv yeej muaj kev cov nyom heev li, vim kuv yeej paub tias kuv tes dej num yog ib lub luag hauj lwm uas kuv yuav khiav tsis dhau lawm. Kuv yuav tso tsis tau kuv tes dej num tseg vim tus kheej tej hauj lwm, tab sis thaum kuv tej thawj coj npaj kom kuv mus ua tej yam zoo li ntawd, ces qhov ntawd txhais tau tias lawv muab kuv saib tseem ceeb heev. Yog tias kuv xaiv kuv tes dej num, ces kuv yuav tsum thov sij hawm so thiab tsoom thawj coj yuav tsis nyiam qhov ntawd. Lawv puas yuav hais tias kuv tso tes plau rau thaum txog lub sij hawm tseem ceeb, ces tom qab ntawd tseg tsis muab tej hauj lwm tseem ceeb rau kuv lawm? Lub sij hawm ntawd mas kuv txiav txim siab nyuaj heev li, yog li kuv thiaj li coj qhov ntawd los rau ntawm Vajtswv xub ntiag los thov Vajtswv, thov kom Nws coj kuv kev kom to taub Nws txoj kev xav thiab pab nrhiav txoj hau kev rau kuv xyaum ua raws. Tom qab ntawd kuv thiaj li nyeem zaj lus no hauv Nws cov lus: “Nyob rau tom qab txhua yam uas tshwm sim yog ib ntsug rog: Txhua txhua zaus tib neeg muab qhov tseeb coj los xyaum coj, los sis muab txoj kev hlub Vajtswv coj los xyaum coj, yuav muaj ib ntsug rog loj, thiab txawm tias tej zaum txhua yam yuav zoo rau lawv cev nqaij daim ntawv, nyob tob tob hauv lawv lub siab yog ib ntsug rog ntawm kev ciaj-thiab-kev tuag yuav, qhov tseeb, muaj tshwm tsim tuaj—thiab tsuas yog tom qab ntsug rog hnyav no, tom qab qhov tig rov qab los saib, thiaj txiav txim siab tau tias yeej los sis swb. Ib tug twg yeej tsis paub seb yuav luag los sis quaj. Vim hais tias ntau qhov ntawm tej kev xav hauv tib neeg mas tsis yog lawm, los sis vim hais tias muaj ntau ntawm Vajtswv tej lus muaj teeb meem nrog rau lawv tej kev xav, thaum tib neeg muab qhov tseeb coj los xyaum coj, ib ntsug rog loj tau sawv nyob rau tom qab. Qhov muab qhov tseeb no coj los xyaum coj, nyob rau tom qab, tib neeg yuav so kua muag ntau heev uas suav tsis txheeb vim txoj kev tu siab ua ntej lawv txiav txim siab zaum kawg los ua kom Vajtswv txaus siab. Nws yog vim ntawm ntsug rog no uas tib neeg tiv kev txom nyem thiab kev tsim kho kom zoo; qhov no yog txoj tseem kev txom nyem. Thaum ntsug rog los rau ntawm koj, yog tias koj muaj peev xwm sawv tuaj Vajtswv sab tiag, koj yuav muaj peev xwm ua rau Vajtswv txaus siab” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Txoj Kev Hlub Vajtswv Xwb Thiaj Yog Txoj Kev Ntseeg Vajtswv Tiag). Thaum ua tib zoo xav txog qhov no lawm, kuv thiaj li pom tias qhov no yog ib npluav rog ntawm qhov ua kom Vajtswv txaus siab los sis ua kom Ntxwgnyoog txaus siab, seb kuv yuav xaiv qhov twg. Kuv thiaj li paub tias thaum kuv ntsib tej yam, qhov kuv xub xav txog ces yog cov thawj coj tus cwj pwm thiab kuv tus kheej tes hauj lwm—lub suab npe thiab lub meej mom los tseem tseem ceeb heev rau kuv li thiab. Kuv thiaj li xav txog qhov, yuav kom cawm tib neeg dim mas, Vajtswv tau pheej hmoo loj heev li ntawd los ua cev nqaij daim tawv nyob rau tus zaj loj liab ploog lub teb chaws, los nthuav qhov tseeb tawm kom thiaj li cawm tau peb dim. Vajtswv twb muab txhua yam rau peb yam tsis yws los sis khuv xim li, tab sis saib kuv tus kheej mas, kuv twb ua tsis tau ib qho kev fij me me rau kuv tes dej num li. Kuv txoj kev txawj xav nyob qhov twg no? Thaum paub li no lawm ces ua rau kuv txaj muag heev. Kuv thiaj li thov Vajtswv, xav tso kuv tus kheej tej kev ntshaws tseg es ua kuv tes dej num xwb. Tom qab ntawd, ces kuv thiaj li muaj qhov yuav xaiv ntawm kuv tes dej num thiab kuv txoj hauj lwm ob peb zaug ntxiv, thiab qee zaum mas kuv qaug zog heev thiab peem txog qhov ntawd. Tab sis thaum kuv npaj txhij los ua kom Vajtswv txaus siab lawm, ces kuv pom tias Nws ib txwm qhib ib txoj hau kev rau kuv. Kuv tau qhia txoj moo zoo thiab ua kuv tes dej num kiag rau ntawm tej thawj coj ntsej muag los lawv yeej tsis paub li. Raws li Vajtswv txoj kev coj qhia, nws thiaj li pom tseeb tuaj tias qhov qhia txoj moo zoo mas thiaj yog kuv tes hauj lwm tiag, thiab kuv txoj kev kub siab ua kuv tes dej num txawm loj ntxiv lawm. Tsis ntev xwb ces tag nrho kuv tsev neeg txawm paub tias kuv yog ib tug ntseeg thiab kuv tshaj tawm txoj moo zoo lawm. Lawv puav leej tawm tsam kuv txoj kev ntseeg.

Kuv poj niam yog ib tug xib fwb qhia ntawv, yog li tsoom fwv them nyiaj hli rau nws thiab. Thaum xub thawj mas, nws tsis pub kuv xyaum ua raws kuv txoj kev ntseeg li, ces thiaj li hais tias, “Koj twb nyob rau hauv Tsoom Fwv txoj kev coj los tau ntau lub xyoo no lawm, yog li tsis yog koj tsis paub txog lawv tus cwj pwm coj rau txoj kev ntseeg. Lawv tab tom ntes cov ntseeg rau ub rau no. Tsis yog koj nrhiav kev phom sij lod? Yog tias koj pheej ua li no mus, ces nws yuav yog qhov kawg ntawm peb lub neej, qhov kawg ntawm peb tsev neeg tag nrho!” Kuv thiaj li qhia lus tim khawv txog Vajtswv rau nws thiab tham txog qhov tseem ceeb txog qhov kev muaj kev ntseeg. Kuv hais tias, “tam sim no Tus Cawm Seej twb nqis los lawm, tab tom nthuav qhov tseeb tawm los cawm tib neeg. Qhov no yog lub hwv tsam uas ib tiam muaj ib zaug kom raug cawm dim xwb. Tej txiaj ntsig thiab lub meej mom uas peb pom kiag rau ntawm peb ob lub qhov muag ntawd mas puav leej kav tsis ntev. Yog tias peb tsuas ua raws li Tsoom Fwv Koom Tsham hais xwb, es pheej xav kom nplua nuj xwb, qhov ntawd cawm puas tau peb dim ntawm tej kev puas tsuaj? Yog tias peb poob mus rau qhov ntawd, ces txawm muaj nyiaj los yuav tsis ua rau peb zoo dab tsi! Saib Tswv Yexus tus thwj tim Mathai mas—nws yog ib tug neeg sau se, yog ib txoj hauj lwm zoo. Tab sis thaum nws pom tus Cawm Seej, Tswv Yexus los lawm, ces nws txawm maj nroos los mus raws Nws qab. Tsis tas li xwb, yog tias peb pheej ua raws li Tsoom Fwv hais xwb es ua phem, ces peb yuav tau txais kev pauj rov qab, uas yog raug rau txim. Qhov caum raws Khetos ntawm tiam kawg mas thiaj li yog tib txoj hau kev kom raug cawm dim xwb.” Kuv poj niam tsis nyiam ib yam twg uas hais txog Vajtswv li thiab tsis mloog ib yam twg uas kuv hais txog qhov ntawd li. Thaum xub thawj mas nws tawm tsam kuv txoj kev ntseeg, tab sis tom qab ntawd, nws pom tias txij thaum kuv tau txais kuv txoj kev ntseeg los lawm, ces kuv tsis tawm mus noj mus haus nrog cov neeg ua hauj lwm ua ke thiab tsis tso tsev neeg tseg lawm, tab sis kuv ho muaj qhov zoo zuj zus nyob rau hauv kuv lub neej thiab muaj sij hawm los nrog nws thiab wb tus me nyuam nyob lawm. Tej thaum kuv txawm pib tham txog tej xwm txheej uas muaj feem xyuam rau lub neej. Nws thiaj li maj mam tso qhov tav kuv kev tseg lawm. Muaj mas, tag nrho kuv poj niam tsev neeg puav leej tawm kuv txoj kev ntseeg. Ib tug ntawm lawv uas ua hauj lwm rau tsoom fwv taw qhia rau kuv tias, “Thaum koj tseem hluas, koj tsim nyog xav txog qhov nce qib thiab khwv nyiaj. Ces koj niam koj txiv thiab tus me nyuam thiaj li yuav xyiv fab rau txhua yam ntawd nrog koj—qhov ntawd thiaj li yog tib yam uas ua muaj qab hau xwb. Tej uas koj tab tom caum raws rau koj txoj kev ntseeg ntawd mas puav leej tsis tseeb thiab tsis muaj qab hau!” Kuv thiaj li hais rau nws tias, “Koj tsis yog ib tug ntseeg, yog li koj tsis to taub qhov muaj qab hau thiab qhov muaj nqis ntawm qhov muaj txoj kev ntseeg thiab qhov cawm raws qhov tseeb. Qhov tseeb mas muaj nqis heev, thiab nws tuaj yeem taw qhia txoj hau kev txog lub neej rau peb, yaug kom peb txoj kev qias vuab tsuab dawb huv, thiab cia kom peb ua lub neej muaj qab hau. Tej no mas muab nyiaj piv tsis tau. Koj kuj yog ib tug nyob rau sab hauv Tsoom Fwv thiab, yog li qhia rau kuv seb, txij li thaum nyob rau hauv Tsoom Fwv txoj kev coj los, tom qab tau lub meej mom ntawd thiab tej khoom txiaj ntsig ntawd lawm, koj puas zoo siab tiag tiag mas? Hauv koj lub siab koj puas muaj kev thaj yeeb tiag mas?” Ces nws tsis muaj lus hais rau qhov ntawd li lawm. Thaum kuv tus dab laug pom tias kuv yeej tsis ua siab muag li, ces nws thiaj li hais npau taws npleev tias, “Yog tias koj tsis ua raws li peb cov lus qhia, thaum tsoom thawj coj paub txog koj txoj kev ntseeg lawm, qhov tsawg kawg ces koj yuav plam lub neej uas ruaj khov. Qhov hnyav mas, koj haj tseem yuav raug nte thiab, thiab tag nrho koj tsev neeg yuav raug cuam tshuam!” Lwm cov tib neeg los pom zoo nrog nws thiab hais tej yam uas sib xws nkaus, nias qees kuv kom hais rau lawv tias kuv yuav tso kuv txoj kev ntseeg tseg.

Kuv qhia meej meej rau lawv tias kuv twb txiav txim siab los caum raws Vajtswv qab mus ntxiv lawm, tab sis tom qab thaum los txog tsev ces kuv txawm pib ntshai. Yog tias kuv cov thawj coj paub, ces kuv yuav tsis yog tsuas raug rau txim los sis poob kuv txoj hauj lwm xwb, tab sis kuv yuav raug ntes mus nyob nkuaj, ces kuv yuav tsis tshuav dab tsi li lawm, thiab txhua tus neeg nyob ib ncig kuv yeej yuav tsis lees yuav kuv thiab lawv yuav txav deb. Nws yuav yog ib qho poob txoj hmoov hlub tag nrho. Kuv yuav tsis raug tso tseg dawb dawb do do lod? Kuv thiaj li muaj qee qhov cov nyom nyob rau hauv siab thaum xav li ntawd thiab kuv ntxhov siab heev pw tsis tsaug zog li. Thaum xav tias kuv yuav poob kuv lub neej uas tau zoo thiab txoj hauj lwm uas ntxim ntshaw ntawd tsis ntxov los lig, ces kuv hnov qhuav qhawv nyob rau hauv siab, chim siab tiag tiag li. Thaum kuv mob siab thiab nyuaj siab ntawd, ces kuv thov Vajtswv, thov kom Nws coj kuv kev kom to taub Nws txoj kev xav. Tom qab ntawd kuv thiaj li nyeem zaj lus no hauv Vajtswv cov lus: “Yug los rau ib thaj av qias neeg zoo li no, tib neeg tau raug haub ntxias los ntawm lub zej zog hnyav heev, lawv tau raug haub ntxias los ntawm tej cwj pwm qub qub, thiab nws tau raug qhia nyob rau hauv ‘tej tsev kawm ntawm txoj kev kawm qib siab.’ Txoj kev xav rov qab qees, txoj kev ntseeg uas lwj liam, saib lub neej tsis tseem ceeb, txoj kev txawj ntse rau lub neej uas ntxim ntxub, kev muaj txoj sia nyob yam tsis muaj nuj nqis, thiab lub neej thiab kev coj noj coj ua uas phem—tag nrho ntawm tej no tau nkag rau hauv tib neeg lub siab lawm, thiab txo thiab rhuav tshem lawv lub siab paub qhov zoo qhov phem lawm. Qhov tau los, ces tib neeg txav deb ntawm Vajtswv mus lawm, thiab haj tseem tawm tsam Nws heev dua. Ib hnub dhau mus tib neeg tus moj yam rais los nyaum zus, thiab yeej tsis muaj ib tug tib neeg twg uas yuav txaus siab hlo tso ib yam dab tsi rau Vajtswv li, tsis muaj ib tug tib neeg twg uas yuav txaus siab hlo mloog Vajtswv lus li, los sis, ntxiv ntawd, tsis muaj ib tug tib neeg twg uas yuav txaus siab hlo nrhiav Vajtswv qhov kev tshwm sim li. Dua ntawd, hauv Ntxwgnyoog txoj kev tswj fwm, tib neeg tsis ua dab tsi li tab sis caum txoj kev zoo siab, muab nws tus kheej cob rau txoj kev coj tsis ncaj ntawm cev nqaij daim ntawv hauv daim av uas nkos li nkos xwb. Txawm yog thaum lawv hnov qhov tseeb los, cov uas nyob hauv qhov tsaus tsis muab coj los xav es muab nws coj los xyaum ua raws, los sis lawv tsis xav nrhiav Vajtswv txawm yog tias lawv twb tau pom Nws qhov kev tshwm sim lawm. Ib tug tib neeg uas phem heev yuav muaj feem tau ntawm txoj kev cawm dim li cas? Ib tug tib neeg uas lwj liam heev yuav nyob tau rau hauv qhov kaj li cas?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Qhov Muaj ib Tug Moj Yam uas Tsis Hloov Yog Kev Ua Yeeb Ncuab rau Vajtswv). Vajtswv cov lus thiaj li nthuav lub hauv paus ntawm kuv txoj kev mob siab tawm. Vim li cas kuv thiaj li nyuaj siab ua luaj thaum yuav xaiv? Vim yog kuv raug Ntxwgnyoog muab ua qias vuab tsuab tob heev dhau lawm, thiab Ntxwgnyoog lub tswv yim tau dhau los ua kuv tus yeeb yam, tau dhau los ua kuv tej kev ua neej lawm. Txij li puag thaum kuv tseem me los kuv yeej ntseeg tej tswv yim phem xws li “Ua kom zoo tshaj lwm tus thiab coj kom tau lub meej mom los rau koj cov poj yawm txwv txoob,” muab tej ntawd los ua lub hom phiaj rau lub neej. Kuv thiaj li caum raws kom tau txais lwm tus txoj kev hwm thiab qhuas, qhov xav li ntawd thiaj li muaj kev txhawb zog. Hauv kuv txoj kev kub siab kom ua qhov no tiav, ces kuv yog ib tug tub kawm ntawv uas rau siab, thiab tom qab thaum nkag mus ua hauj lwm lawm, kuv yeej ib txwm siv zog peem kom paub tab, paub yoog, thiab paub hwm kom tej thawj coj thiaj li nyiam thiab tom qab ntawd tau txais tej kev nce qib. Txawm paub zoo tias txhua yam uas Tsoom Fwv ua ntawd yuav yog ib txoj kev phem heev li los xij, kuv tseem npaj kuv tus kheej es pom zoo ua raws, ua dej num rau Ntxwgnyoog thiab ua lub neej nyuaj siab tsis muaj kev kaj siab li. Nws yog Vajtswv Tus Uas Muaj Hwj Chim Loj Kawg Nkaus cov lus uas qhia rau kuv txog qhov muaj nqis thiab qhov muaj qab hau ntawm peb lub neej, thiab qhov no yog qhov ua rau kuv muaj kev sov siab zuj zus tuaj. Tab sis thaum yuav xaiv txog qhov tej zaum yuav poob kuv txoj hauj lwm thiab kuv lub neej yav tom ntej yog tias kuv pheej tuav kuv txoj kev ntseeg, thiab raug lwm tus tsis kam lees yuav, ces kuv thiaj li pom lub tswv yim phem tias “Ua kom zoo tshaj lwm tus thiab coj kom tau lub meej mom los rau koj cov poj yawm txwv txoob” ntawd tseem muaj nws tej tswv yim ntawd cog tob heev rau hauv kuv. Thiaj li ua rau qhov txiav txim siab ntawd nyuaj heev, mob siab heev, cuag nkaus li qhov tsis caum raws lub suab npe thiab tshaj thawj ntawd ces yog qhov tsis quav ntsej kuv lub luag hauj lwm tiag tiag los sis haj tseem yog ib qho phem heev li thiab. Kuv tsis txaus siab plam kuv lub suab npe thiab lub meej mom, cuag nkaus li qhov plam tej ntawd lawm mas zoo ib yam li qhov plam txoj sia lawm ntag. Txog ntua thaum kuv nyeem Vajtswv cov lus uas nthuav tawm ntawd ces kuv thiaj li pom tias Ntxwgnyoog siv qhov ntawd los khi tib neeg, los ua kom peb mob siab thiab ua kom peb tus kheej nrug deb ntawm Vajtswv thiab ntxeev siab rau Nws. Qhov ntawd thiaj li ua rau kuv nco txog ib zaj nkauj qhuas ntawm Vajtswv cov lus: “Tib neeg lub neej txoj sia tag nrho yog nyob hauv Vajtswv ob txhais tes, thiab yog tias nws tsis yog vim lawv txoj kev txiav txim siab rau ntawm Vajtswv lub xub ntiag, ces leej twg thiaj li yuav kam los ua neej yam tsis muaj qab hau nyob rau hauv tib neeg lub niag ntiaj teb uas qhuav qhawv no? Vim li cas thiaj li thab? Maj nroos tawm mus los ntawm lub ntiaj teb, yog tias lawv tsis ua ib yam dab tsi rau Vajtswv li, ces tag nrho lawv lub neej txoj sia puas yuav tsis nkim pov tseg xwb? Tab txawm Vajtswv tsis xav tias koj tej kev ua tsim nyog hais txog los xij, koj yuav tsis txaus siab hlo luag ntxhi rau thaum lub sij hawm koj tuag lov? …” (Raws Tus Me Nyuam Yaj Qab thiab Hu Cov Nkauj Tshiab). Zaj nkauj no txhawb kuv lub zog heev. Nyob rau lub neej no peb tsuas muaj caum puav xyoos nyob xwb, yog li peb yuav tsum tau siv lub cib fim no los paub Vajtswv tes hauj lwm es thiaj raug cawm dim, ua tes dej num ntawm ib tug uas raug tsim tawm los, es thiaj tau txais qhov tseeb thiab lub neej, yog tsis li ntawd ces lub hwv tsam kom raug Vajtswv cawm dim no yuav poob mus. Ces tsis yog peb lub neej yuav tsis tau dab tsi hlo li lod? Yog tias Tsoom Fwv Koom Tsham ntes, kaw, thiab tsim txom kuv vim kuv txoj kev ntseeg xwb, ces txawm tias kuv kawg rau txoj kev tuag los xij, kuv yuav tsis yws li. Vajtswv muab lub cib fim ntawm lub neej no rau kuv lawm, yog li kuv yuav tsum muab lub cib fim ntawd fij rau Vajtswv. Thaum kuv paub li no lawm ces kuv thiaj li thov Vajtswv tias, “Au Vajtswv! Kuv xav kom dim ntawm tus zaj loj liab ploog tej kev khis thiab muab tag nrho kuv tus kheej rau Koj. Thov coj kuv kev thiab muab txoj kev ntseeg rau kuv, thiab pab kom kuv hla dhau txoj kev nyuaj tom ntej no.”

Tom qab ntawd txawm muaj qee yam tshwm sim uas txhawb kuv kom tawm ntawm Tsoom Fwv Koom Tsham txoj kev coj mus kom sai li sai tau. Thaum kuv tseem nyob ntawm lub chaw ua hauj lwm qhuab qhia ntawd, muaj ib tug thawj coj tshawb pom txog qhov Tsoom Fwv muaj ib tug tswv cuab uas yog ib tug ntseeg, ces nws txawm tom hniav qawv nyooj laws, hais tias peb yuav tsum muab nws coj mus rau tim tub ceev xwm qhov chaw ua hauj lwm mus muab nws rau qee lub txim hnyav. Txawm tias qhov xwm txheej ntawd raug daws yam tsim nyog thiab nws dhau mus lawm los xij, kuv yeej tseem ntshai thaum uas kuv xav txog qhov Tsoom Fwv Koom Tsham tus cwj pwj coj rau txoj kev ntseeg. Kuv thiaj li xav tias nws ua phem heev rau txoj kev ntseeg thiab ntxub cov Ntseeg Vajtswv heev li, tsis ntxov los lig kuv yuav tsum yog lawv lub hom phiaj thiab. Qhov ntawd yog ib qho chaw phom sij heev kuv yuav tsum tawm kom sai li sai tau. Ntxiv ntawd, txhua lub xyoo los ntawd kuv tau hu nkauj qhuas Tsoom Fwv Koom Tsham thiab tau nrog nws ua phem ntau heev lawm. Yog tias kuv nyob rau hauv txoj kev cai ntawd, ces kuv tsuas yuav cuam tshuam rau nws ntxiv thiab yuav txhiv tsis tau kom dim lawm. Yog li thaum nyob rau theem ntawd kuv thiaj li paub tias kuv yuav tsum tau khiav tawm ntawm lub koom haum phem ntawd kiag tawm sid, es ntxuav kom huv si.

Thaum kuv qhia rau kuv poj niam txog qhov kuv xav ntawd, ces nws ntxhov siab kiag tam sid. Nws hais tias nws txhawb kuv txoj kev ntseeg tau, tab sis nws yuav tsis pub kuv tawm ntawm kuv txoj hauj lwm. Nws haj tseem hu kuv tej kwv tij nkauj muam tuaj cheem kuv thiab. Feem ntau lawv ua hauj lwm rau hauv tsoom fwv cov tuam txhab lag luam thiab txhawj tsam lawv tej hauj lwm yuav raug cuam tshuam yog kuv raug ntes. Kuv tus muam hlob hlob haj tseem txhos caug ntua ntawm kuv xub ntiag, quaj thiab rub kuv ob txhais tes los tuav, thiab hais tias, “Koj muaj ib txoj hauj lwm zoo kawg nkaus uas tau nyiaj hli siab uas txawm cov neeg kawm tag dov tawj los sis mav xim tawj los yeej nrhiav tsis tau li. Koj yuav tawm ntawm txoj hauj lwm zoo li no mus raws Vajtswv qab tau li cas?” Nws kuj hais tias tsuav yog kuv pheej tuav rawv kuv txoj kev ntseeg xwb ces nws yuav txhos caug nyob rau ntawd. Kuv lwm tus muam los kuj chim heev li thiab, thiab tham txog qhov uas nws tau tiv kev txom nyem los pab them kuv cov nqi kawm ntawv thiab tsis tau mus yuav txiv txog ntua rau thaum nws muaj 30 xyoo. Thaum kawg no peb kuj txaus siab rau txhua tes hauj lwm ntawd lawm thiab tag nrho tsev neeg tau txais txiaj ntsig los ntawm qhov ntawd los. Yog tias kuv tawm hauj lwm lawm, ces qhov ntawd yuav ua rau nws tu siab tom qab uas nws siv zog los tau ntau lub xyoo lawm. Kuv tus muam hlob hlob los kuj cem tias yog kuv tawm kuv txoj hauj lwm, ces nws yuav tsis tau txais ib qho nyiaj tshwj xeeb twg uas them rau kev so thaum muaj mob hauv nws lub tsev kawm ntawv lawm, thiab nws tus tub cia siab tias kuv yuav pab nrhiav ib txoj hauj lwm rau tus tub ntawd. Nws hais tias kuv tsuas xav txog kuv tus kheej hauv kuv txoj kev ntseeg xwb tsis tau, tab sis kuv yuav tsum xav txog kuv tsev neeg thiab. Nej muaj kev nyuaj siab rau txoj kev txiav txim siab xaiv nyob rau lub sij hawm ntawd. Mloog zoo li koj, koj tus tij laug thiab cov muam puav leej raug tej kev nyuaj siab los ua ke txij thaum koj tseem me los lawm. Yog, koj hais tau kiag tias lawv yog lub zog nyob tom qab txhawb kuv caum raws txoj hauj lwm ntawd. Lawv yeej yuav zoo siab xwb xwb li yog tias kuv ua li lawv hais, tab sis thaum ntawd kuv muaj kev ntseeg thiab ua li Vajtswv hais lawm, yog li kuv yuav tsum tau ua ib tug neeg uas raug tsim los tes dej num kom tsim nyog rau Vajtswv txoj hmoov hlub thiab txoj kev hlub. Yog kuv cog lus rau kuv tsev neeg tias kuv yuav tso kuv txoj kev ntseeg tseg, qhov ntawd yuav tsis yog kev ntxeev siab rau Vajtswv lod? Kev ntxeev siab rau Vajtswv yuav yog ib txoj kev ua txhaum loj heev, yog qee yam uas kuv yeej yuav ua tsis tau li. Kuv muaj qee qhov mob thiab qaug zog, tab sis kuv paub tias kuv yuav tsum tau xaiv qhov ntawd. Kuv thiaj li hais rau lawv tias, “Txawm koj muaj nyiaj ntau npaum li cas los sis txoj hauj lwm zoo npaum li cas los xij, qhov ntawd puas kho tau qhov mob uas khoob lug? Nws yuav puas tau yus txoj sia? Tsis yog ntau tus neeg nplua nuj, muaj hwj chim tseem ua lub neej rau txoj kev mob lod? Qhov muaj kev ntseeg thiab caum raws qhov tseeb thiaj li yog tib txoj kev los daws tej teeb meem no xwb. Tus Cawm Seej twb nqis los lawm, tab tom nthuavqhov tseeb tawm los cawm tib neeg. Qhov no yog ib lub cib fim uas yuav tsis muaj hnub rov los dua lawm, thiab nws dhau mus ceev heev li. Tej kev puas tsuaj loj yuav los txog rau peb nyob rau ib ntsai muag xwb. Yog tias tam sim no peb tsis caum raws Vajtswv qab thiab lees txim hloov dua siab tshiab rau Nws, ces thaum txog lub sij hawm uas tej kev puas tsuaj ntawd los txog mam li khuv xim ces lig dhau lawm!” Kuv twb qhia txoj moo zoo me ntsis rau lawv ua ntej ntawd lawm, tab sis lawv ntshai los koom, ntshai tsam raug Tsoom Fwv Koom Tsham ntes. Nyob rau lub sij hawm ntawd, kuv hais rau lawv tias: “Nej nias qees rau qhov caum raws Tshoom Fwv Koom Tsham qab, uas yog txoj kev ncaj qha mus rau dab teb. Qhov yuam kuv kom caum raws nws qab, tsis yog nej ua kom kuv piam sij lod? Nej puas paub tias cov neeg zoo li cas nyob rau hauv txoj kev cai ntawd? Lawv puav leej yog cov dab phem tawm tsam Vajtswv uas muaj peev xwm siv txhua hom kev txaus ntshai. Lawv yuav raug foom phem, raug rau txim. Tej kev puas tsuaj tab tom loj zuj zus tuaj txhua lub sij hawm. Yog tias nej tseem tsis ntseeg Vajtswv thiab lees txim hloov dua siab tshiab rau Nws, ces nej yuav poob mus rau tej kev puas tsuaj thiab raug rau txim. Kuv tau kawm paub qee qhov tseeb los ntawm kuv txoj kev ntseeg los tau ntau lub xyoo lawm, thiab kuv tau pom meej meej lawm tias qhov muaj kev ntseeg thiaj li yog tib txoj hau kev uas yog nyob rau hauv lub neej xwb. Nej yog kuv tsev neeg—nej tsis xav kom kuv tau qhov zoo tshaj plaws lod? Vim li cas nej thiaj li nias qees muab kuv thawb mus rau txoj kev phem no nrog Tsoom Fwv Khoom Tsham? Kuv yuav tsis cuam tshuam nej tus kheej cov kev xaiv, tab sis kuv txoj kev xaiv mas yog qhov muaj kev ntseeg thiab caum raws Vajtswv qab. Txawm kuv raug ntes thiab raug tsim txom lawm los xij, kuv yeej yuav taug txoj kev no mus kom txog thaum kawg.” Kuv poj niam ua ntsej muag hnya pauv ces txawm tawm mus lawm, ho lwm tus ces tsis hais ib lo lus rau kuv li. Tom qab ntawd, ces kuv poj niam muab kuv kaw rau hauv tsev thiab kom kuv tus dab luag nyob ntawd zov kuv tas hnub, tsis pub kuv nrug ntawm nws qhov muag li. Kuv mus tsis tau qhov twg li tau peb hnub sib txuas zws nkaus. Qhov ntawd ua rau ncua txhua yam hauv kuv tes dej num thiab kuv ntxhov siab heev li. Tsis paub xyov yuav ua li cas li, ces kuv thiaj li thov Vajtswv thiab thov Nws txoj kev coj qhia, kom Nws muab ib txoj kev tawm rau kuv. Ces yav tsaus ntuj ntawm hnub peb, kuv txiv thiaj li hu tuaj hais tias kuv niam tau ploj mus lawm, thiab kuv txiv xav kom kuv tus dab luag mus nrhiav kuv niam. Thaum kawg kuv thiaj li muaj hwv tsam tawm hauv tsev mus nrog nws lawm. Thaum wb taug kev mus, nws thiaj li hais rau kuv tias, “Koj yuav tau tso koj txoj kev ntseeg nawb! Tag kis koj tus tij laug yuav tuaj rau ntawm no, thiab nws hais tias nws yuav tsoo koj ob txhais ceg yog tias koj pheej tuav koj txoj kev ntseeg, tias txawm li cas los xij, nws yuav nrhiav ib txoj kev los ua kom koj tso txoj kev ntseeg tseg!” Thaum hnov li no ua rau kuv nyuaj siab heev. Kuv yeej paub tias yog kuv tsis khiav tawm ntawm lawv mus tam sim ntawd, ces kuv yuav tsis muaj lwm lub hwv tsam lawm. Tab sis thaum kuv tab tom yuav mus tiag tiag ntawd, ces kuv pom tias nws nyuaj heev qhov yuav hla dhau txoj kev nyuaj siab ntawd. Thaum saib cov neeg kuv hlub thiab thaj chaw nyob uas swm ntawd, xav txog lub neej tau zoo thiab txoj hauj lwm uas ntxim ntshaw ntawd—ces kuv hnov mob siab heev li, paub tias ib pliag ntshis xwb kuv yuav poob tag nrho tej ntawd lawm. Ces thiaj li muaj ib zaj nkauj qhuas Vajtswv uas peb hu heev heev hauv tej kev sib txoos ua ke tshwm los rau hauv siab: “Anplahas tau fij rau Yihaj—nej tau fij dab tsi lawm? Yauj tau fij txhua tsav txhua yam lawm—nej tau fij dab tsi lawm? Muaj neeg coob leej tau muab lawv txoj sia, tau muab lawv lub taub hau los pua, muab lawv tej ntshav los pua txhawm rau nrhiav txoj kev tseeb. Nej puas tau them tus nqi ntawd? …” (Raws Tus Me Nyuam Yaj Qab thiab Hu Cov Nkauj Tshiab, Nej Tau Fij Dab Tsi rau Vajtswv Lawm?). Nws hnov zoo li Vajtswv nyob kiag rau ntawd tim ntsej tim muag nrog kuv thiab nug cov lus nug no rau kuv. Vajtswv muab ib tug tub rau Anplahas thaum nws muaj 100 xyoo, tab sis nws tseem muaj peev xwm muab nws fij rau Vajtswv thiab. Muaj ntau tus tub txib tau muab lawv txoj kev hluas thiab tso lawv tej ntshav fij rau Vajtswv tes hauj lwm tshaj tawm txoj moo zoo, tab sis kuv tau muab dab tsi fij lawm? Vim txoj hauj lwm tsis tseem ceeb ntawd, vim lub suab npe thiab lub meej mom uas tsis muaj nqis kiag ntawm kuv xub ntiag ntawd es kuv thiaj li nyuaj siab li ntawd—ua li cas siab nqaim ua luaj li. Kuv puas tsim nyog rau txoj kev txom nyem loj, iab uas Vajtswv tiv los tu thiab txhawb kuv? Thiab txoj kev xaiv uas kuv xaiv ntawd muaj qab hau. Nws yog rau kuv txoj kev ntseeg, los ua tes dej num ntawm ib tug uas raug tsim tawm los thiab ua kom tiav kuv txoj num. Yog tias kuv tsis xaiv kuv tes dej num, ces qhov ntawd yuav yog qhov kuv khuv xim mus tag sim neej. Thaum xav txog qhov ntawd li ntawd ces kuv thiaj li txiav txim siab lawm. Thaum kuv tus dab laug nce mus saum tus ntaiv, ces kuv thiaj li siv lub hwv tsam ntawd khiav mus lawm. Txij thaum ntawd los, ces kuv tau ua kuv tes dej num nyob rau hauv pawg ntseeg puv sij hawm kiag lawm.

Txij thaum ntawd los ces kuv hnov tias muaj ob peb tug thawj coj thiab cov neeg ua hauj lwm ua ke nyob rau qhov chaw ua hauj lwm ntawd uas tau raus tes rau kev xiab nyiaj los caum raws lub meej mom thiab kev nplua nuj lawm, thiab thaum txhua qhov tshwm los rau qhov kaj lawm, ces lawv raug xa mus nyob kuaj. Kuv zoo siab heev uas tau txais Vajtswv txoj kev tiv thaiv. Yav tas los thaum kuv peem kom tau mus rau tom ntej mas, kuv yuav xa phaj tshab li txhua tus xa, thiab kuv yuav txais lwm tus neeg tej nyiaj xiab. Yog tias kuv nyob rau qhov chaw zoo li ntawd ces kuv yeej yuav kawg zoo li lawv. Ces tam sim no, txawm tias kuv tsis muaj txhua yam txiaj ntsig tshwj xeeb ntawd los sis txoj kev qhuas thiab txoj kev lwm tus ntshaw lawm los xij, kuv yeej ua tau ib teg dej num rau hauv pawg ntseeg, caum raws qhov tseeb, thiab ua ib tug neeg coj ncaj. Nyob rau hauv kuv lub siab, kuv hnov zoo siab tshaj plaws li, thiab kuv hnov tias qhov no yog txoj kev ua neej uas sov siab tshaj plaws lawm. Qhov no yeej yog qhov uas muaj qab hau, muaj nuj nqis tshaj plaws ntawm lub neej lawm. Zoo ib yam nkaus li qhov hais rau hauv zaj nkauj qhuas Vajtswv ntawm Vajtswv cov lus tias: “Koj yog ib yam muaj sia raug tsim los—koj yuav tsum pe hawm Vajtswv thiab caum raws ib lub neej muaj nuj nqis. Vim koj yog tib neeg, koj yuav tsum muab koj tus kheej fij rau Vajtswv thiab thev taus txhua yam kev txom nyem! Koj yuav tsum zoo siab thiab lees txais ib qho kev txom nyem me me uas koj tau ntsib rau niaj hnub no thiab ua ib lub neej muaj nuj nqis, zoo ib yam li Yauj thiab Petus. Nej yog cov neeg uas caum raws txoj hau kev yog, cov uas nrhiav kev tsim kho. Nej yog cov neeg uas sawv los hauv haiv neeg ntawm tus zaj loj liab ploog, cov uas Vajtswv hu ua cov ncaj ncees. Qhov ntawd tsis yog lub neej muaj nuj nqis tshaj plaws los?” (Raws Tus Me Nyuam Yaj Qab thiab Hu Cov Nkauj Tshiab, Lub Neej Muaj Nuj Nqis Tshaj Plaws). Vajtswv Tus Uas Muaj Hwj Chim Loj Kawg Nkaus yog Tus uas cawm kuv dim, cia kuv khiav dim ntawm Ntxwgnyoog tej kev puas tsuaj thiab tau txais Vajtswv txoj kev cawm dim.