64. Qhov Kuv Tau Txais los ntawm Qhov Ua ib Tug Neeg Coj Ncaj
Nyob rau ntawm ib lub rooj sib tham txog tes hauj lwm, ib tug thawj coj txawm nug kuv tias pawg ntseeg tes hauj lwm saib xyuas cov los tshiab uas kuv saib xyuas ntawd ua mus li cas lawm. Kuv txawm yoob tag li. Kuv tsis tau soj qab txog tes hauj lwm ntawd los tau ob peb hnub dhau los lawm thiab kuv tsis paub tej ntawd ntxaws. Kuv tsim nyog teb li cas? Yog kuv hais tias kuv tsis paub, ces tus thawj coj ntawd thiab lwm cov neeg ua hauj lwm ua ke yeej yuav hais tias kuv tsis ua tes hauj lwm muaj qab hau, thiab qhov ntawd yuav ua rau txaj muag xwb xwb li. Ces kuv txawm xav tias kuv tsuas qhia qhov kuv paub los ua ntej ntawd xwb ces mam li saib seb kuv yuav ua li cas tom qab ntawd. Yog li ntawd kuv txawm teb tias, “Twb npaj tseg tag nrho rau tes hauj lwm ntawd, thiab peb tau ntxiv qee cov tswv cuab rau pawg ua hauj lwm lawm.” Ces tus thawj coj ntawd hais kiag tam sid tias, “Koj tsis teb nqe lus nug ntawd, koj tsuas dag xwb. Qhov ko yog kev txawj ntxias dag. Yog hais tias koj tsis paub, ces tsuas hais tias tsis paub xwb thiab soj qab xyuas kom sai li sai tau raws li qhov koj ua tau. Vim li cas koj tsis hais ncaj nraim li ntawd mas? Qhov ko mas tsis zoo. Qhov yuam kev ces yog yuam kev, thiab koj yuav tsum muaj cuab kav lees qhov ntawd!” Kuv xav tsis thoob thiab tsis kaj siab li, thiab kuv lub ntsej muag kub lug. Txawm tshwm sim li qhov kuv ntshai lawm ntag. Kuv mloog zoo li poob ntsej muag tag, uas txhua tus tau pom kuv tag lawm. Kuv paub tias qhov tus thawj coj hais ntawd mas yog lawm, tab sis kuv zwm tsis tau rau hauv kuv lub siab li. Kuv mloog zoo li nws twb tsis tau hais ntau npaum li ntawd. Tsis yog qhov zoo lod yog hais tias kuvsaib xyuas qhov ntawd kom sai li qhov kuv ua tau? Vim li cas tiag es nws thiaj li yuav tsum qhuab qhia thiab qhuab ntuas kuv rau ntawm txhua tus tib neeg ntawd xub ntiag? Kuv mas chim siab tiag tiag, yog li ntawd kuv thiaj li thov Vajtswv twg ywm tias, “Vajtswv, kuv tsis pom zoo rau qhov tau tshwm sim hnub no lawm thiab kuv yuav zwm tsis tau rau qhov ntawd. Thov qhia kuv es kom kuv thiaj li paub tau kuv tus kheej thiab xyaum tau qhov ntawd.”
Tom qab ntawd kuv tau nyeem Vajtswv cov lus. “Ua ntej cia peb los saib seb hom lus nug twg uas Vajtswv Yehauvas tau nug Ntxwgnyoog. ‘Koj mus qhov twg los?’ Qhov no tsis yog lo lus nug ncaj qha lov? Puas muaj ib lub ntsiab lus zais li? Tsis muaj; nws tsuas yog ib lo lus nug ncaj ncaj xwb. Yog Kuv nug nej tias: ‘Koj tuaj qhov twg tuaj?’ nej yuav teb lis cas? Nws puas yog ib lo lus nug nyuaj teb? Nej puas yuav hais tias: ‘Kuv mus ncig ntuj ncig teb los xwb, thiab mus nce toj nqis taug’? (Tsis hais.) Nej yuav tsis teb li no. Yog li ntawd, nej xav li cas thaum nej pom Ntxwgnyoog teb li no? (Peb xav tias Ntxwgnyoog ruam, tiam sis kuj yog ib tug txawj dag ntxias thiab.) Nej puas tuaj yeem qhia yam uas Kuv tab tom xav? Txhua zaus uas Kuv pom Ntxwgnyoog cov lus no, Kuv saib zoo li ntxim ntxub heev, vim Ntxwgnyoog hais lus, thiab tiam sis nws cov lus tsis muaj qhov tseeb kiag li. Ntxwgnyoog puas teb Vajtswv cov lus? Tsis teb, cov lus Ntxwgnyoog hais tsis yog lus teb, cov lus ntawd tsis muaj nqis dab tsi li. Lawv tsis yog ib lo lus teb rau Vajtswv lo lus nug. ‘Mus ncig ntuj ncig teb los xwb, thiab mus nce toj nqis taug hauv lub ntiaj teb los xwb.’ Koj txoj kev nkag siab ntawm cov lus no yog dab tsi? Lo uas Ntxwgnyoog tuaj qhov twg tuaj? Nej puas tau txais ib lo lus teb rau lo lus nug no li? (Tsis tau.) No yog ‘txoj kev txawj ntse’ ntawm Ntxwgnyoog txoj kev txawj ntxias dag—tsis cia ib tus neeg twg paub txog lub ntsiab uas nws hais tiag tiag. Thaum tau hnov cov lus no lawm koj tseem tsis tuaj yeem pom yam nws tau hais, txawm tias nws twb tau teb tas lawm. Tab sis Ntxwgnyoog ntseeg tias nws teb tau zoo tshaj plaws. Yog li koj xav li cas? Ntxim ntxub heev? (Yog lawm.) Tam sim no koj pib xav tias txoj kev teb rau cov lus no ntxim ntxub heev. Ntxwgnyoog cov lus muaj ib tug yam ntxwv phem: Qhov Ntxwgnyoog hais ntawd ua rau koj khawb koj lub taub hau, tsis tuaj yeem paub lub ntsiab ntawm nws cov lus. Qee zaum mas Ntxwgnyoog muaj kev txhawb siab thiaj li txhob txwm hais lus, thiab qee zaum mas yog raug tswj hwm los ntawm nws tus yeeb yam, cov lus zoo li no thooj txhij tshwm thiab tawm ncaj qha hauv Ntxwgnyoog lub qhov ncauj tuaj. Ntxwgnyoog tsis siv sij hawm kom ntev los luj cov lus ntawd li; tiam sis, cia li hais kiag cov lus ntawd yam tsis ua twb zoo xav li. Thaum Vajtswv nug tias Ntxwgnyoog mus qhov twg los, ces Ntxwgnyoog txawm teb ob peb lo lus uas tsis meej xwb. Koj yeej xav tsis thoob, yeej tsis paub xyov Ntxwgnyoog los qhov twg los tiag tiag li. Puas muaj nej leej twg hais lus zoo li no? Txoj kev hais li no yuav hais li cas? (Nws yog cov lus uas ua ob siab thiab tsis muaj lo lus teb meej meej.) Peb yuav siv cov lus zoo li cas los qhia txog txoj kev hais lus zoo li no? Cov lus hloov thiab cov lus dag. Piv txwv tias ib tug neeg twg tsis xav qhia rau lwm tus paub tias nag hmo lawv ua dab tsi. Koj nug lawv tias: ‘Kuv pom koj nag hmo. Koj tau mus qhov twg?’ Lawv tsis qhia koj ncaj qha tias lawv mus qhov twg. Tiam sis, lawv hais tias: ‘Nag hmo yog hnub dab tsi. Cas yuav sab ua luaj li!’ Lawv puas teb koj lo lus nug? Lawv teb los ma, tiam sis lawv tsis teb li qhov koj xav tau. Nov yog ‘txoj kev ntse’ nyob hauv tib neeg txoj kev hais lus cuav. Koj yuav tsis tuaj yeem paub tias lawv hais li ntawd yog txhais li cas, thiab tsis paub txog lub ntsiab los sis lub hom phiaj ntawm lawv cov lus. Koj tsis paub yam uas lawv xav zam kom dhau vim tias hauv lawv lub siab lawv muaj lawv zaj—qhov no yog txawj ntxias” (Txoj Lus, Phau 2. Hais Txog Qhov Kev Paub Vajtswv. Vajtswv Tus Kheej, tus Uas Tsuas Yog Tib Tug Xwb IV). Kuv pom los ntawm qhov Vajtswv cov lus nthuav tawm tias Ntxwgnyoog cov lus thiab tej kev ua puav leej yog tej kev txhawb siab thiab kev ntxias dag. Yuav kom npog tau nws tej kev xav uas txaj muag ntawd ces, nws thiaj li hais mus mus los los kom tib neeg nkag siab tsis tau qhov ntawd. Qhov ntawd mas yog txawj dag thiab txawj ntxias tiag tiag li. Ntxwgnyoog teb Vajtswv cov lus nug tsis meej, ua rau nkag siab yuam kev. Qhov ntawd mas qias rau Vajtswv. Rau ntawm kuv ces, kuv tsis paub kom meej meej tias qhov saib xyuas cov los tshiab ntawd mus zoo li cas lawm, tab sis kuv hais qhov tseeb. Kuv teb tsis yog ua rau tus thawj coj ntawd paub tsis meej. Kuv teb nqe lus nug yam tsis cia tus thawj coj pom qhov tseeb. Yuav kom tiv thaiv tau kuv lub ntsej muag thiab lub meej mom, thiab kom tus thawj coj ntawd tsis paub tias kuv tsis ua hauj lwm kom muaj qab hau thiab kom cov kwv tij thiab cov muam thiaj li yuav saib taus kuv, ces kuv yuav tsum ua ntsej muag tuab npawv hais qee yam los npog qhov muaj tseeb, los dag thiab ntxias dag lawv. Kuv tab tom qhia tawm ib tug moj yam phem ntag! Thaum rov qab xav txog qhov ntawd mas, kuv yeej ib txwm ua li ntawd nrog cov kwv tij thiab cov muam. Zoo li tej thaum, qee cov tib neeg nug qee cov nqe lus nug txog fab kev txawj rau kuv, tab sis kuv tsis muaj kev to taub zoo txog tej yam ntawd kiag li, thiab kuv ntshai tsam kev qhia qhov tseeb ntawd yuav ua rau lawv saib tsis taus kuv, yog li ntawd kuv thiaj li hais tej yam zoo li, “Yog daws tsis tau qhov teeb meem no, qhov ntawd tsis yog ib qho teeb meem ntsig txog rau koj theem kev txawj lod? Tsis yog vim hais tias koj lam ua koj tes dej num kom dhau xwb lod? Los sis puas yog koj tsis xyaum thiab sib txuas lus li?” Saib raws sab nrauv, mas zoo li kuv tab tom teb nqe lus nug ntag, tab sis kuv paub rau hauv kuv lub siab lawm tias hom lus teb ntawd yeej daws tsis tau qhov teeb meem ntawd. Kuv xav tias thaum kuv nug cov lus nug zoo li ntawd rov qab, lawv yuav tig xav rau lawv tus kheej, ces lawv thiaj li yuav tseg tsis nug tej lus nug ntawd rau kuv lawm. Qhov ua li ntawd, ces tej kuv ua tsis tau zoo thiaj li yuav tsis raug muab qhia tshwm. Kuv mas txawj ntxias thiab txawj dag tas li kom thiaj li tiv thaiv tau kuv lub koob lub npe thiab lub meej mom. Kuv zoo siab rau qhov hais lus dag dua li qhov poob ntsej muag. Ntawd tau nthuav tawm kuv tus yeeb yam dag, txawj dag uas dhuav qhov tseeb lawm. Kuv xav tias kev dag thiab kev ntxias dag mas ntse tshaj, tab sis qhov tseeb tiag, qhov ntawd mas ruam heev! Txawm hais tias kuv dag thiab ua kom txhua tus nkag siab yuam kev, thiab ua kom lawv hwm kuv thiab xav tias kuv ua tau hauj lwm thiab yuav ua kuv tes dej num zoo los xij, Vajtswv yuav tsis pom zoo—Nws yuav qias kuv. Yog li es qhov pom zoo rau cov tib neeg no yuav zoo dab tsi? Nyob rau thaum lub sij hawm ntawd, kuv hnov tes dawb tes npliag thiab ntxim hlub tshua kawg. Kuv khwv heev txij thaum sawv ntxov mus txog ntua yav hmo ntuj, tab sis kuv yeej hais tsis tau ib qho ncaj ncees li. Kuv tus moj yam txawj dag mas yeej tsis tau hloov hlo li, thiab kuv tsis muaj ib qho tiag ntawm qhov tseeb li. Qhov raug tus thawj coj ntawd muab qhia tshwm, qhuab qhia thiab qhuab ntuas hnyav heev rau hnub ntawd mas yog ib qho ceeb toom rau kuv! Kuv paub tias kuv yuav ua li ntawd mus ntxiv tsis tau lawm, tab sis kuv yuav tsum lees txim hloov dua siab tshiab rau Vajtswv, nrhiav los ua ib tug neeg coj ncaj, thiab ua neej nyob rau qhov muaj tseeb ntawd.
Tom qab ntawd, kuv xav paub seb kuv puas tseem muaj lwm tus cwj pwm coj tsis ncaj lawm thiab. Kuv paub tias kuv yuav tsum tau xav tom ntej tom qab thiab hloov pauv tej cwj pwm ntawd. Kuv paub los ntawm qhov tig xav txog yus tus kheej uas muaj qee qhov kev txawj ntxias nyob rau hauv kuv daim ntawv teev tum tshiab tam sim no ib yam nkaus thiab. Kuv sau tes hauj lwm uas ua tiav ntawd ntxaws ntxaws, txhij txhua ntau zuj zus lawm. Tab sis tes hauj lwm ua tiav sai sai thiab ua tsis tau zoo ntawd kuv sau txog cov ntsiab lus dav dav xwb, los sis tsis sau txog qhov tsim kho kiag li. Kuv nco tias muaj ib txoj hauj lwm uas ua tsis tau zoo, thiab thaum txog lub sij hawm los sau daim ntawv teev num lawm, kuv txawm pib xav txog qhov txhua tus yuav xav li cas rau kuv yog hais tias kuv sau qhov tseeb. Lawv puas hais tias kuv yuav ua txoj hauj lwm me me ntawd tsis tau, tias kuv tsis muaj peev xwm? Kuv ntaus nqi txog qhov zoo thiab qhov tsis zoo, ces thiaj li txiav txim siab tsis sau txog qhov ua nce qib ntawm txoj hauj lwm ntawd es thiaj li tsis muaj leej twg paub, thiab tej zaum lawv yuav xav tias kuv khwv heev es thiaj li tsis nco qab txog qhov ntawd lawm xwb. Kuv mas zais ntsis, coj tsis caj thiab txawj dag zaum tas zaum thiab. Kuv mas txawj dag heev li! Kuv txoj kev ntseeg los tau npaum li no lub xyoos, txawm kuv ua tej dej num tau ntau heev thiab thev taus kev nyuaj thiab tiv taus kev txom nyem los xij, kuv yeej tsis mob siab muab qhov tseeb coj los xyaum ua li. Kuv tsuas xav txog qhov yuav tiv thaiv kuv lub koob lub npe thiab lub meej mom xwb, yog li ntawd tseem tshuav deb heev kuv thiaj li yuav hais lus tau zoo li thiab ua tau zoo li ib tug neeg coj ncaj. Kuv tsis muaj cuab kav coj kom tau yooj yim thiab qhib siab lug—qhov ntawd mas ntxim hlub tshua kawg! Tej thaum kuv txawm nug kuv tus kheej tias: Vajtswv tham lus rau peb ntau heev lawm, thiab kuv twb nyeem Nws cov lus me ntsis lawm, tab sis kuv puas ua lub neej tau raws li ib qho ntawm qhov muaj tseeb ntawd mas? Kuv haj tseem sau tsis tau ib daim ntawv teev num raug li. Ces qhov ua li ntawd thaum kawg kuv yuav tau txais dab tsi? Kuv mloog zoo li kuv twb nyob ze ze ntawm qhov kev phom sij lawm. Yog tsis lees txim hloov dua siab tshiab thiab tsis nrhiav kev hloov pauv tus moj yam, ces kuv yuav raug Vajtswv muab ntiab tawm tau txhua theem. Kuv thiaj li thov Vajtswv rau hauv kuv lub siab tias, “Vajtswv, kuv raug ua qias vuab tsuab ntau heev lawm. Kuv tau dag thiab ntxias dag tas li los tiv thaiv kuv lub ntsej muag thiab lub meej mom. Thov qhia kom kuv los paub kuv tus kheej tiag tiag.”
Tom qab ntawd kuv tau nyeem Vajtswv cov lus ntxiv, tej lus ntawd hais tias: “Yog hais tias nej yog ib tug thawj coj los sis ib tug neeg ua hauj lwm, nej puas ntshai tsam Vajtswv lub tsev nug thiab saib xyuas nej tes hauj lwm mas? Nej puas ntshai tsam Vajtsw lub tsev yuav nrhiav pom qhov nej tsis quav ntsej thiab qhov ua nej tes hauj lwm yuam kev ces nej yuav raug qhuab ntuas mas? Nej puas ntshai tsam tom qab ntawd es tus Nyob Siab Saud paub nej lub peev xwm thiab tus yeeb yam tiag, ces Nws yuav pom nej qhov txawv thiab tsis xav nce qib rau nej? Yog hais tias koj muaj tej kev ntshai li no lawm, qhov no ua pov thawj tau tias koj tej kev txhawb siab mas yeej tsis txhawm rau pawg ntseeg tes hauj lwm li, koj tsuas ua hauj lwm txhawm rau lub meej mom thiab lub koob npe xwb, uas ua pov thawj tau tias koj muaj tus moj yam ntawm ib tug tawm tsam Khetos lawm. Yog hais tias koj muaj tus moj yam ntawm ib tug tawm tsam Khetos lawm, ces koj yeej yuav taug cov tawm tsam Khetos txoj kev, thiab yuav ua txhua yam txhaum ib yam nkaus li cov tawm tsam Khetos xwb xwb li. Yog hais tias, nyob hauv koj lub siab, koj tsis muaj kev ntshai Vajtswv lub tsev txoj kev saib xyuas koj tes hauj lwm, thiab koj muaj peev xwm teb tau tus Nyob Siab Saud tej lus nug thiab tej lus nug xyuas, yam tsis tau zais ib qho dab tsi li, thiab hais raws li qhov koj koj paub lawm, ces txawm qhov koj hais ntawd yuav yog los sis tsis yog los xij, txawm tias yuav tsis xav txog txoj kev qias vuab tsuab uas koj ntxeev siab ntawd los xij—txawm yog koj yuav ntxeev siab zoo li tus moj yam ntawm ib tug tawm tsam Khetos los xij—koj yeej yuav tsis raug xam tias yog ib tug tawm tsam Khetos. Qhov tseem ceeb ces seb koj puas muaj peev xwm paub koj tus kheej tus moj yam tawm ib tug tawm tsam Khetos, thiab seb koj puas muaj peev xwm nrhiav qhov tseeb kom daws tau qhov teeb meem no xwb. Yog hais tias koj yog ib tug neeg uas kam lees txais qhov tseeb, kho tau koj tus moj yam ntawm ib tug tawm tsam Khetos lawm. Yog hais tias koj paub zoo tias koj muaj tus moj yam ntawm ib tug tawm tsam Khetos puv npo thiab tseem tsis nrhiav qhov tseeb los mus daws tus moj yam ntawd thiab, yog hais tias koj pheej tas zog npog los sis dag txog tej teeb meem uas tau tshwm sim thiab tsis kam lees leg lub luag hauj lwm ntawd, thiab yog hais tias koj tsis kam lees txais qhov tseeb thaum raug qhuab qhia thiab qhuab ntuas, ces qhov no yog ib qho teeb meem loj lawm, ces koj yuav tsis txawv li ib tug tawm tsam Khetos ntag. Qhov paub tias koj muaj tus moj yam ntawm ib tug tawm tsam Khetos, vim li cas koj thiaj li tsis muaj cuab kav ntsib qhov teeb meem ntawd? Vim li cas koj thiaj li tsis qhib siab lug hais tias, ‘Yog tus Nyob Siab Saud xav nug txog kuv tes hauj lwm, kuv yuav hais txhua yam uas kuv paub, thiab yog hais tias pom qhov kuv ua tsis tau zoo ntawd lawm, ces tus Nyob Siab Saud yuav tsis siv kuv mus ntxiv thaum Nws paub, thiab kuv yuav poob kuv lub meej mom, kuv puas tseem hais tau qhov kuv yuav tsum hais ntawd kom tau meej meej mas?’ Qhov koj ntshai tsam raug saib xyuas thiab nug xyuas tom qab Vajtswv lub tsev los tshuaj xyuas koj tes hauj lwm ntawd mas ua pov thawj tau tias koj nyiam koj lub meej mom ntau dua qhov tseeb lawm. Qhov no tsis yog tus moj yam ntawm ib tug tawm tsam Khetos lod? Qhov tuav rawv lub meej mom nyob siab tshaj txhua yam mas yog tus moj yam ntawm ib tug tawm tsam Khetos ntag. Vim li cas koj thiaj li saib lub meej mom muaj nqis ua luaj li? Lub meej mom muaj txiaj ntsim dab tsi? Yog hais tias lub meej mom coj kev puas tsuaj, tej kev nyuaj, kev txaj muag, thiab kev mob siab los rau koj, koj puas tseem saib lub meej mom muaj nqis lawm mas? (Tsis saib.) Qhov muaj lub meej mom mas yeej muaj txiaj ntsim ntau heev, xws li lwm tus tib neeg yuav khib, hawm, hwm, thiab qhuas, thiab suav nrog kev qhuas thiab kev hwm tib si. Tshaj qhov ntawd kuj hnov zoo li zoo tshaj thiab muaj cai tshaj uas ua rau koj muaj meej mom thiab qhuas tias yus tus kheej muaj nqis thiab. Tshaj qhov no lawm, koj kuj tuaj yeem xyiv fab yam uas lwm tus tsis xyiv fab thiab, xws li qhov daig rawv rau lub meej mom thiab qhov saib tshwj xeeb. Tej yam zoo li no mas koj haj yam tsis muaj cuab kav xav txog li, thiab yog qhov uas koj npau suav toog rau. Koj puas hwm tej yam no thiab? Yog hais tias tsuas yog yam khoob lug xwb, tsis muaj qhov tseem ceeb tiag, thiab tsis muaj lub hom phiaj tiag los tiv thaiv lub meej mom, ces qhov kev hwm lub meej mom ntawd tsis yog ruam xwb lod? Yog hais tias koj tso tau txhua yam xws li tej kev ntshaw thiab tej kev xyiv fab ntawm cev nqaij daim tawv lawm, ces lub suab npe thiab lub meej mom yuav tsis nyob nrog nraim koj mus ntxiv. Yog li ntawd, qhov yuav tsum tau daws ua ntej daws tej teeb meem ntsig txog kev hwm thiab kev nrhiav lub meej mom yog dab tsi? Ua ntej tshaj, pom kom tshab qhov xeeb txawm ntawm qhov teeb meem ua kev phem thiab kev ntxias dag, kev npog, kev zais, nrog rau qhov tsis kam Vajtswv lub tsev saib xyuas, nug xyuas, thiab tshuaj xyuas, txhawm rau xyiv fab hlo rau lub meej mom. Saib seb qhov no puas yog txhob txwm tawm tsam thiab ua yeeb ncuab rau Vajtswv. Yog hais tias koj pom tshab plaws tus yeeb yam thiab lub txim ntawm kev ntshaw lub meej mom lawm, ces yuav daws tau qhov teeb meem ntawm kev nrhiav lub meej mom xwb. Thiab yog tsis muaj peev xwm pom tshab lub ntsiab tseeb ntawm txoj kev ntshaw lub meej mom, ces yeej yuav daws tsis tau qhov teeb meem no li” (Txoj Lus, Phau 4. Kev Nthuav Tawm Cov Tawm Tsam Khetos. Yam Yim: Lawv Yuav Ua Kom Lwm Tus Mloog Lawv Lus Nkaus Xwb, Tsis Yog Qhov Tseeb los sis Vajtswv li (Ntu Ob)). Cov lus ntawd pab ua rau kuv paub tias kuv yuav tso tsis tau kuv tus kheej tseg los ntawm txoj kev dag thiab kev ntxias dag vim hais tias kuv tuav rawv kuv lub koob lub npe thiab lub meej mom heev dhau lawm. Yuav kom tiv thaiv tau kuv lub npe thiab txoj hauj lwm, ces yog li ntawd tus thawj coj yuav tsis pom qhov muaj tseeb ntawm tej kuv tsis soj qab txog tes hauj lwm, kuv thiaj li tas zog dag, siv tswv yim dag, ua kom tus thawj coj ntawd nkag siab yuam kev rau kuv cov lus. Nyob rau hauv kuv daim ntawv teev num kuv npog tej kuv ua tsis tau zoo, tsuas sau qhov zoo xwb, tsis sau qhov phem li, es lwm tus thiaj li yuav xav tias kuv yog ib tug thawj coj uas ua hauj lwm muaj qab hau. Kuv ntshai tsam lawv yuav pom kuv lub ntsej muag tiag thiab yuav tsis hwm kuv mus ntxiv lawm, ces tom qab ntawd kuv yuav tsis xyiv fab rau qhov tau los ntawm lub meej mom ntawd lawm. Thaum kuv pom nyob rau Vajtswv cov lus: “Qhov tuav rawv lub meej mom nyob siab tshaj txhua yam mas yog tus moj yam ntawm ib tug tawm tsam Khetos ntag.” Thaum kawg kuv thiaj li paub tias qhov no yog ib qho teeb meem loj lawm. Ces kuv txawm xav txog cov tawm tsam Khetos uas raug ntiab tawm mus lawm ntawd. Lawv ib txwm nrhiav lub npe thiab lub meej mom nyob rau hauv lawv tes dej num, thiab lawv siv tej tswv yim los ntxias dag tuaj tom qab, yog li ntawd lawv thiaj li raug muab qhia tshwm thiab raug ncaws tawm lawm. Kuj muaj cov thawj cuav uas xyiv fab rau tej txiaj ntsim ntawm lub meej mom. Lawv ib txwm txawj ntxias dag nyob rau hauv lawv tes dej num thiab npog qhov tseeb thaum lawv tsis ua tes hauj lwm tiag, uas txhawb pawg ntseeg tes hauj lwm. Kuv nco tau ib tug muam uas saib xyuas tes hauj lwm txoj moo zoo. Nyob rau lub sij hawm ntawd nws tab tom saib xyuas lwm tes hauj lwm ib yam nkaus thiab, tab sis nws mas dag thiab txawj ntxias dag nyob rau hauv ob txoj hauj lwm ntawd tib si. Nyob rau hauv tes hauj lwm txoj moo zoo, nws hais tias nws tseem khwv rau lwm tes hauj lwm, thiab thaum nyob rau hauv lwm tes hauj lwm ces nws txawm hais tias nws tseem khwv nrog tes hauj lwm txoj moo zoo. Qhov tseeb tiag nws yeej tsis ua nws ob teg hauj lwm ntawd li, ces thaum kawg nws thiaj li raug muab qhia tshwm thiab raug muab ntiab tawm mus lawm. Tej kev qhia los ntawm lwm tus qhov ua tsis tau mas yog ib qho kev ceeb toom rau kuv. Kev hais lus tso dag ua si thiab txawj ntxias dag txhawm rau kuv lub npe thiab lub meej mom mas tsuas yog kev dag kuv tus kheej thiab lwm tus xwb, yog neeg ruam. Tsuas yog cov tib neeg coj ncaj xwb thiaj li muaj qhov tiag taw khov kho nyob tau rau hauv Vajtswv lub tsev, hos cov neeg txawj dag ces yuav raug muab qhia tshwm thiab raug muab ntiab tawm mus sai sai los sis tom qab ntawd. Nyob rau hauv kuv txoj kev ntseeg kuv tsis nrhiav los ua ib tug neeg coj ncaj, tab sis kuv tab tom nqis tes ua, ua kom muaj kev xav tsis yog, thiab tab txawm kuv dag qee cov tib neeg lawm los xij, kuv yeej yuav khiav tsis dim Vajtswv txoj kev tshawb xyuas li. Thaum kawg Vajtswv yuav muab kuv qhia tshwm thiab muab kuv ntiab tawm mus. Ces, kuv thiaj li ras txog qhov tseem ceeb ntawm kev coj ncaj thiab paub tias kev coj ncaj raws li Vajtswv cheem tsum thiab kam lees txais Nws txoj kev tshawb xyuas nyob rau hauv tag nrho txhua yam mas yog tib txoj hau kev uas yuav tau txais Nws qhov kev pom zoo. Ib yam li Vajtswv txoj lus hais tias: “Yog hais tias ib tug neeg twg ib txwm hais qhov muaj tiag nyob hauv lawv lub siab tas li, yog lawv hais lus ncaj ncees, yog hais tias lawv ua lub siab dawb paug, thiab tsis lam tau lam ua thaum ua lawv tes dej num kiag li, thiab yog hais tias lawv tuaj yeem xyaum ua raws qhov tseeb li qhov lawv to taub, ces tus neeg no thiaj li muaj kev cia siab txog kev tau txais qhov tseeb. Yog hais tias ib tug neeg twg ib txwm npog lawv tus kheej thiab zais lawv lub siab kom tsis muaj leej twg pom tej ntawd meej tseeb, yog hais tias lawv ua cuav tsab los mus ntxias dag lwm tus, ces lawv yuav poob rau txoj kev phom sij loj heev, lawv yuav ntsib teeb meem loj heev, yuav ua rau lawv tau txais qhov tseeb nyuaj heev. Nej tuaj yeem pom los ntawm ib tug neeg twg lub neej txoj sia txhua hnub thiab pom lawv tej lus thiab tej kev ua tias lawv tej kev xav yog dab tsi. Yog hais tias tus neeg no ib txwm ua txuj, ib txwm yuav li nws lub siab xav xwb, ces tus neeg no tsis yog ib tug uas kam lees txais qhov tseeb, thiab lawv yuav raug nthuav tawm thiab raug ntiab tawm sai sai no los sis tsis ntev no. … Cov tib neeg uas yeej tsis qhib lawv lub siab, cov uas ib txwm zais thiab npog txhua yam, cov uas ua txuj hais tias lawv mas ntxim hwm, cov uas xav kom tib neeg hwm lawv, cov uas tsis pub lwm tus paub txog lawv kom tag, cov uas xav kom tib neeg hwm lawv—cov tib neeg no tsis yog ruam lod? Cov tib neeg no mas yog cov ruam tshaj plaws! Qhov ntawd yog vim hais tias qhov tseeb txog tib neeg yuav tsum raug muab qhia tshwm sai sai no los sis tsis ntev no. Lawv yuav taug txoj kev twg nyob rau hauv lawv txoj kev coj zoo li no? Qhov nov yog Falixais txoj kev. Cov hais lus zoo tab sis siab phem puas muaj kev phom sij los sis tsis muaj? Cov no yog cov tib neeg uas Vajtswv ntxub tshaj plaws, yog li ntawd koj puas xav tias lawv phom sij los tsis phom? Tag nrho cov neeg uas yog Falixais puav leej taug txoj kev puas ntsoog xwb!” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Muab Yus Lub Siab rau Vajtswv, Es Yus Thiaj Li Tuaj Yeem Tau Txais Qhov Tseeb). Qhov pheej zais thiab npog tas li, qhov pheej ua txuj tas li ntawd yog txoj kev taug uas tsis yog lawm, thiab yog hais tias koj tsis hloov, ces thaum kawg koj yuav raug rhuav tshem pov tseg. Kuv thiaj li thov Vajtswv thiab txiav txim siab hlo, npaj txhij los pib nrhiav kev hloov pauv tus moj yam thiab ua neeg coj ncaj lawm.
Kuv xav txog qhov Vajtswv cov lus hais tias: “Txhua yam koj ua, txhua yam kev nqis tes ua, txhua yam kev xav, thiab txhua yam kev coj ua yuav tsum nqa coj los tso rau ntawm Vajtswv xub ntiag. Kev niaj hnub ua neej sab ntsujplig ntawm koj—koj txoj kev thov Vajtswv, koj qhov txav los ze rau Vajtswv, koj qhov kev noj thiab kev haus Vajtswv cov lus, koj qhov kev sib qhia siab nrog koj cov kwv tij thiab cov muam, thiab koj lub neej hauv pawg ntseeg—thiab koj qhov kev sib koom tes ua dej num ntawd yuav tsum muab coj los tso rau ntawm Vajtswv xub ntiag rau Nws txoj kev tshawb xyuas kom meej. Nws yog yam kev xyaum ua uas yuav pab koj ua tiav loj hlob rau hauv lub neej. Txheej txheem ntawm kev lees txais Vajtswv txoj kev tshawb xyuas kom meej yog txheej txeem ntawm kev ua kom dawb huv. Koj yim kam lees txais Vajtswv txoj kev tshawb xyuas kom meej ntau npaum li cas, koj yim raug ua kom dawb huv ntau npaum li ntawd thiab koj yim ua raws li Vajtswv tej kev npaj siab ntau npaum li ntawd, yog li koj yuav tsis raug yaum nkag los rau kev qaug dej qaug cawv, thiab koj lub siab yuav nyob hauv Nws lub xub ntiag. Koj yim kam lees txais Nws txoj kev tshawb xyuas kom meej ntau npaum li cas, yim ua rau Ntxwgnyoog muaj kev txaj muag thiab koj yim muaj rab peev xwm ntxeev siab tawm tsam lub cev nqaij daim tawv ntau npaum li ntawd. Yog li, kev lees txais Vajtswv txoj kev tshawb xyuas kom meej yog ib txoj kev uas cov tib neeg yuav tsum tau xyaum ua raws” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Ua Cov Uas Raws Li Nws Tej Kev Npaj Siab Kom Zoo Tiav Log). Los ntawm qhov xav txog Vatswv cov lus es kuv thiaj li tau txais ib txoj kev taug ntawm kev xyaum ua tias: lees txais Vajtswv txoj kev tshawb xyuas. Tsuav yog peb lees txais Vajtswv txoj kev tshawb xyuas xwb ces thiaj li yuav daws tau peb tej kev txhawb siab thiab tej tsw yim rau kev dag thiab txawj ntxias dag tau yooj yim, thiab tsuas yog li ntawd xwb mas peb lub siab thiaj li yuav rais los dawb huv tau thiab coj ncaj ntau zuj zus, thiab tsuas yog li ntawd xwb peb thiaj li muaj peev xwm xyaum ua qhov tseeb tau yooj yim thiab ua peb tej dej num tau zoo. Tom qab to taub Vajtswv txoj kev xav lawm, kuv tau xyaum qhib kuv lub siab rau Vajtswv, tsis ua txuj los sis tsis npog kuv tus kheej, thiab lees txais Vajtswv txoj kev tshawb xyuas nyob rau hauv tag nrho txhua yam lawm. Tom qab ntawd kuv hais rau kuv tus kheej thaum kuv sau daim ntawv teev num tias yuav coj ncaj thiab lees txais Vajtswv txoj kev tshawb xyuas, thiab piav qhia tes hauj lwm uas kuv ua tsis tiav ntawd tau raug zoo. Thaum tus thawj coj nug txog kuv tes hauj lwm, kuv yuav ua tib zoo xyaum qhia qhov tseeb. Thaum lwm tus nug cov lus nug rau kuv, kuv coj ncaj rau qhov uas kuv tsis paub. Yog hais tias kuv paub lawm, kuv yeej hais tias kuv paub, thiab yog hais tias kuv tsis paub, ces kuv yeej hais tias kuv tsis paub. Tom qab muab qhov no coj los xyaum ua lawm kuv thiaj li kaj siab ntau heev tuaj lawm. Kuv tau ntsib tau pom tias qhov ua tib zoo lees txais Vajtswv txoj kev tshawb xyuas ntawd yog ib txoj kev to taub qhov muaj tiag ntawm qhov tseeb thiab tshem txoj kev qias vuab tsuab tawm. Yog tsis raug qhuab qhia los sis tsis raug qhuab ntuas, kuv yuav tsis mob siab los tshuaj xyuas kuv tus kheej tus moj yam qias vuab tsuab, thiab yuav tsis nrhiav qhov tseeb kom to taub qhov muaj tseeb hlo li. Thiab txawm kuv ntseeg los tau pes tsawg xyoo, kuv ua tej dej num ntau npaum li cas los sis kuv ntsib kev txom nyem ntau npaum li cas lawm los xij, kuv tus moj yam qias vuab tsuab yeej yuav tsis hloov pauv kiag li. Kuv yuav tsis tau txais kev cawm dim txawm hais tias kuv yuav tuav rawv kuv txoj kev ntseeg mus txog thaum kawg los xij, kuv yeej yog lub hom phiaj raug Vajtswv muab ntiab tawm mus.
Qhov raug qhuab qhia thiab raug qhuab ntuas rau thaum lub sij hawm ntawd tau qhia qhov tseem ceeb ntawm txoj kev coj ncaj rau kuv, ces kuv thiaj li muaj qee qhov kev to taub txog kuv tus moj yam phem uas txawj dag thiab txawj ntxias dag lawm. Ntawd yog Vajtswv txoj kev hlub thiab kev cawm dim.
