67. Tom Qab Ntiab Kuv Txiv Tawm Lawm
Ob peb xyoos dhau los no, kuv mus ua kuv tes dej num deb ntawm tsev lawm ces nyob nyob kuv txawm hnov tias kuv txiv raug liam tias yog ib tug neeg phem thiab raug ntiab tawm hauv pawg ntseeg mus lawm. Qhov ntawd hais tias nws tsis muaj ib lub luag hauj lwm zoo nyob rau hauv pawg ntseeg li, tau tshaj tej kev xav phem thiab kev tsis zoo tawm, thaiv tib neeg txoj kev rau siab ua lawv tes dej num. Ces cov nus thiab cov viv ncaus thiaj li qhia thiab qhuab ntuas nws ntau zaus lawm tab sis nws yeej tsis kam lees txais ib qho li, thiab tseem ua yeeb ncuab rau cov uas tau muab nws qhia tshwm thiab qhuab ntuas nws lawm ntawd thiab. Kuv yoob tag rau qhov xov xwm ntawd. Kuv paub tias nws npau taws, tab sis kuv mloog zoo li nws muaj kev ua neeg zoo, nws hlub cov nus thiab cov viv ncaus, thiab ib txwm pab lawv daws tej kev nyuaj uas lawv muaj nyob rau hauv lub neej. Peb cov neeg zej zog los puav leej hais tias nws muaj txiaj ntsim heev thiab ntxim hlub tshaj, yog li vim li cas nyob nyob es nws cia li raug ntiab tawm vim kev ua phem? Txij thaum tau lees txais Vajtswv tes hauj lwm ntawm tiam kawg nyob rau xyoo 2001 los, nws tau tshaj tawm txoj moo zoo thiab ua nws tes dej num. Nws pw rau hauv pawg taws thiab tim tej toj ntxas kom txhob raug Tsoom Fwv Koom Tsham Suav ntes tau. Nws tau ntsib kev txom nyem loj heev, thiab txawm tias nws ua tsis tau ib yam dab tsi zoo tshaj los xij, nws yeej tau sib zog ua hauj lwm los tau ntau lub xyoos lawm. Es ua li cas nws ho raug ncaws tawm tau zoo li ntawd? Kuv poob siab tsam tus thawj coj pawg ntseeg saib xyuas qhov ntawd tsis yog lawm. Vim li cas nws thiaj li tsis tau txais ib lub hwv tsam los lees txim hloov dua siab tshiab mas? Thaum xav txog kuv txiv mas mob siab tshaj, thiab kuv nrog nws tu siab mus tau ib ntus.
Thaj tsam li ib lub xyoos tom qab ntawd kuv txawm rov qab los ua kuv tes dej num rau hauv kuv lub nroog lawm. Thawj zaug thaum kuv pom kuv txiv mas, kuv tseem nrog nws tu siab heev thiab xav ua yam uas kuv ua tau rau nws. Nws los yeej saib xyuas kuv zoo heev li thiab. Tab sis kuv maj mam paub tias muaj qee yam tsis yog nyob rau hauv qhov nws tham lus ntawd. Nws pheej hais yam tsis zoo uas ua kom ib tug twg to taub yuam kev thiab kom lawv tus kheej txav deb ntawm Vajtswv, thiab kom ntxhov siab tas li. Piv txwv li kuv niam. Nws twb yog pawg ntseeg ib tug thawj coj lawm, tab sis nws tseem raug rho tawm vim tsis muaj peev xwm zoo thiab tsis ua tes hauj lwm uas muaj qab hau, yog li ntawd nws thiaj li muaj tus yam ntxwv tsis zoo los tau ib ntus. Kuv txiv los yeej tsis qhia txog Vajtswv txoj kev xav los pab nws li, tab sis hais tias, “Nyob rau hauv Vajtswv lub tsev mas tsis muaj kev ruaj ntseg li, thiab txhua tus yeej yuav raug rho tawm rau ib hnub twg xwb li. Puas yog Vajtswv tsis paub tias koj tsis muaj peev xwm? Vajtswv yeej txhob txwm cuab qhov no rau koj lawm, uas yog xaiv koj los ua ib tug thawj coj thiab tom qab ntawd ho rho koj tawm kom koj txom nyem. Qhov koj muaj peev xwm qis ntawd twb raug npaj tseg los ntawm Vajtswv lawm. Yog hais tias Vajtswv tsis muab lub peev xwm zoo rau koj, ces koj yeej yuav ua koj tes dej num tsis tau zoo li!” Tom qab nws hais li ntawd lawm, kuv niam tus yam ntxwv haj yam phem tuaj. Kuv mas npau taws heev thaum kuv hnov txog qhov nws hais ntawd, thiab hnov zoo li nws tsis muaj qab hau kiag li. Qhov ntawd yog kev hloov pauv tes dej num uas ib txwm muaj nyob rau hauv pawg ntseeg, tab sis nws hais tias qhov ntawd yog Vajtswv txhob txwm ua kom qee tus neeg txom nyem xwb. Qhov ntawd tsis yog lawm. Pawg ntseeg npaj thiab hloov kho tib neeg tej dej num raws li qhov lawv paub zoo, muab hais ua lwm lo lus ces yog kom ua pawg ntseeg tes hauj lwm tau ntaug leev thiab tau zoo dua xwb. Ib qho ntxiv, ces yog pab kom tib neeg paub lawv tus kheej lub peev xwm thiab tus yeeb yam, es kom lawv thiaj li nrhiav tau ib teg dej num thiab txoj hauj lwm uas phim rau lawv thiab siv qhov lawv paub zoo tau zoo ntxiv tuaj thiab ua tau lawv feem xwb. Qhov kev npaj tseg no thiaj li haum raws li cov hauv paus ntsiab lus tag nrho thiab muaj txiaj ntsim rau pawg ntseeg tes hauj lwm thiab rau tib neeg txoj kev to taub lub neej txoj sia. Kuv niam raug rho tawm ntawm nws txoj hauj lwm ua tus thawj coj lawm, tab sis nws kuj ua lwm tes dej num uas phim rau nws lawm thiab, thiab nws tuaj yeem siv qhov ua tsis tau no los ua kom paub nws tus kheej thiab los xyaum kom paub. Qhov ntawd tsis yog ib yam zoo lod? Kuv txiv coj tsis ncaj rau qhov tseeb tau li cas? Kuj muaj ib tug nus nyob hauv pawg ntseeg uas tau tawm nws txoj hauj lwm kom nws thiaj li yuav ua tau nws tes dej num puv sij hawm thiab. Thaum nws tes dej num tsis muaj ntau lawm, ces nws kuj nrhiav ua lwm txoj hauj lwm kom khwv tau nyiaj ntxiv. Qhov ntawd yog txoj hauj lwm hnyav, thiab nws nrhiav tau noj tau haus thaum tseem ua nws tes dej num. Nws yeej tsis tau siv lub zog ua ib yam dab tsi li, thiab thaum nws dhuav lawm ces nws thiaj li qaug zog heev li lawm. Thaum kuv txiv paub lawm, ces nws thiaj li hais rau tus nus ntawd tias, “Kuv tsev neeg yeej noj nyog nyob nyog zoo lawm, tab sis vim ntseeg Vajtswv ces peb thiaj li tso ntau yam tseg lawm. Tam sim no peb yuav luag tsis muaj ib qho nyiaj li lawm, ces kuv yuav tsum tau ua hauj lwm hnyav. Koj twb tso ntau yam tseg lawm, tab sis muaj ib hnub tej zaum koj yuav quaj xwb xwb li…” Kuv yoob tag thaum hnov nws hais li ntawd. Vim li cas nws thiaj li qhia nrog tus nus zoo li ntawd? Thaum tib neeg muab txhua yam tso tseg los muab lawv tus kheej fij rau Vajtswv, txawm tias nyob rau hauv lawv lub neej lawv yeej tsis muaj khoom vaj khoom tsev uas muaj nqis ntau heev, thiab lawv muaj kev txom nyem me ntsis los xij, qhov lawv tau txais ces yog qhov tseeb thiab txoj sia. Qhov ntawd yog qee yam uas muab nyiaj txiag los yuav tsis tau. Qhov kuv txiv hais mas yeej tsis haum raws li qhov tseeb. Peb lub neej yeej tsis nyuaj tshaj qhov keev muaj li yav dhau los, thiab muaj ntau zaus thaum kuv txiv muaj teeb meem txog kev nrhiav hauj lwm ua los sis muaj kev nyuaj nyob rau hauv lub neej, ces Vajtswv yeej qhib ib txoj kev taug rau nws, pab nrhiav ib txoj hauj lwm kom phim rau nws es thiaj li khwv tau noj tau haus. Ua ntej tau txais txoj kev ntseeg, nws haus luam yeeb thiab haus dej haus cawv tas li thiab nws txoj kev noj qab haus huv tsis zoo li. Nws ob txhais tes tshee nyho thaum tuav nws tais mov. Nws tso tseg tsis haus dej haus cawv tom qab nws los ntseeg Vajtswv lawm thiab siv nws lub sij hawm los ua nws tes dej num thiab qhia cov nus thiab cov viv ncaus, ces nws txoj kev noj qab haus huv thiaj li zoo zuj zus tuaj lawm. Txhua tus uas pom nws puav leej hais tias nws zoo heev lawm, tias nws zoo li ib tug neeg tshiab lawm. Peb tsev neeg tau txais txoj hmoov hlub los ntawm Vajtswv los ntau heev, tab sis kuv txiv yeej tsis hais txog qhov ntawd li, tiam sis tsuas muab ntau yam ntxeev thiab yws xwb, txhob txwm ua kom tib neeg to taub yuam kev thiab liam rau Vajtswv xwb, lom txwm tab kaum lawv txoj kev sib raug zoo nrog Vajtswv, coj kom lawv txav deb ntawm Vajtswv mus thiab ntxeev siab rau Vajtswv.
Muaj ntau yam zoo li ntawd. Tom qab kuv tso kuv txoj kev kawm tseg los ua kuv tes dej num puv sij hawm nyob rau hauv pawg ntseeg lawm, ces nws hais tas li tias, “Koj siv ntau yam heev uas tsis tseg ib txoj rau koj tus kheej yeej tawm li. Muaj ib hnub koj yuav khuv xim qhov ntawd xwb.” Qhov ntawd mloog zoo li tsis yog rau kuv li. Vim ib tug neeg raug tsim tawm los los ua lawv tes dej num nyob rau hauv pawg ntseeg mas yeej yog thiab raug lawm. Qhov ntawd yog kuv lub luag hauj lwm thiab kuv tes dej num. Kuv tso kuv txoj kev kawm tseg raws li kuv tus kheej txoj kev xav xwb. Qhov muaj peev xwm ntseeg thiab raws Vajtswv qab thiab ua kuv tes dej num nyob rau hauv pawg ntseeg mas yog Vajtswv txoj hmoov hlub rau kuv. Thiab qhov ua kuv tes dej num rau hauv pawg ntseeg los tau npaum li no lub xyoos lawm, kuv thiaj li to taub qee qhov tseeb, thiab tau txais txhua yam uas kuv yeej tsis tau txais sab nrauv los li. Kuv paub qhov tib neeg tsim nyog nrhiav nyob rau hauv lub neej thiab kuv to taub ntau yam heev nyob rau hauv lub ntiaj teb zoo zog tuaj lawm. Kuv tsis ua raws li txoj kev ntseeg phem hauv lub ntiaj xws li cov neeg hluas uas tsis yog cov ntseeg. Tej no yog tej yam muaj tseeb heev uas kuv muab tau los uas kuv nrhiav tsis tau tim tsev kawm ntawv. Tab sis kuv txivsiv nws tes dej num rau Vajtswv mus rau fab tsis zoo lawm. Qhov ntawd tsis yog tshaj tawm txoj kev phem thiab txoj kev tuag lod? Kuv txawm teb rov qab tias, “Kuv yuav tsis khuv xim qhov ntawd li! Tej zaum kuv tsis tau kawm ntawv los tau ob peb lub xyoos, thiab hloov los ua kuv tes dej num lawm, tab sis kuv kawm tau ntau qhov tseeb thiab tau txais ntau heev. Kuv yeej kawm tsis tau dab tsi los ntawm tej phau ntawv ntawd li. Qhov koj hais ntawd mas tsis haum raws li qhov tseeb.” Kuv poob siab ntav thaum nws npau taws hlo, thiab nws nyem nrig npau taws ntsuav zoo li nws tab tom yuav xuas nrig rau kuv. Ces kuv thiaj li paub tias kuv txiv tsis yog tus neeg uas kuv xav ntawd lawm. Kuv yeej ib txwm txiav txim rau nws raws li qhov nws ua zoo tshwm rau sab nrauv xwb, tsis yog ua raws cov hauv paus ntsiab lus ntawm qhov tseeb. Kuv ib txwm pom kuv txiv txhawj kuv heev thiab saib xyuas kuv tas li, pom muab kev hlub rau lwm cov nus thiab viv ncaus, thiab coj zoo li ib tug tib neeg uas tsis phem. Tab sis nyob rau hauv nws tus cwj pwm coj zoo ntawd, muaj qee yam phem nyob rau hauv nws lub siab. Nws muaj tej kev xav phem heev rau Vajtswv thiab Nws tes hauj lwm. Nws cov lus mas ntxim li sov siab thiab to taub, xav txog peb tej kev xaiv, tab sis qhov tseeb tiag nws tab tom tshaj tawm tej kev xav phem txog Vajtswv, ua kom tib neeg to taub yuam kev thiab liam rau Vajtswv. Qhov lees txais cov lus ntawd yuav ua rau peb muaj kev xav phem thiab kev to taub yuam kev txog Vajtswv, los sis haj yam xav tso txoj kev ntseeg tseg, xav tso kev ua peb tes dej num tseg thiab tso txoj siv rau Vajtswv ntawd tseg, thiab rov qab los rau hauv lub ntiaj teb. Qhov ntawd mas yog kev dag tiag tiag li!
Tom qab ntawd kuv txawn nyeem qee cov ntawm Vajtswv cov lus uas hais txog nws tus cwj pwm. Vajtswv Tus Uas Muaj Hwj Chim Loj Kawg Nkaus hais tias: “Cov neeg uas nyob hauv tsoom kwv tij thiab nkauj muam sawv daws uas tas zog nthuav tawm txog lawv txoj kev tsis zoo yog Ntxwgnyoog cov tub txib, thiab lawv tab kaum pawg ntseeg. Cov neeg zoo li no yuav tsum muab rho tawm thiab tshem tawm mus ib hnub tom ntej no. Hauv lawv txoj kev ntseeg Vajtswv, yog tias tib neeg tsis muaj lub siab huab fwm Vajtswv, yog tias lawv tsis muaj lub siab mloog lus rau Vajtswv, ces tsis yog tias lawv yuav tsis tuaj yeem ua ib txoj hauj lwm twg rau Nws xwb, tiam sis yuav rais los ua cov neeg uas tab kaum Nws txoj hauj lwm thiab yog cov tawm tsam Nws. Ntseeg Vajtswv tiam sis tsis mloog lus los sis tsis fwm Nws, thiab haj tseem tsis lees paub Nws thiab, yog ib qho kev txaj muag loj tshaj plaws rau ib tug ntseeg. Yog tias cov ntseeg tsis paub tab thiab hais lus tsis tseem ceeb thiab coj yam ntxwv li cov tsis ntseeg, ces lawv tseem phem tshaj cov tsis ntseeg lawm thiab; lawv yog ib co dab phem. … Qee tus tsis muaj dab tsi tshaj li uas muaj tus yam ntxwv qias vuab tsuab, hos ib txhia ho txawv: Tsis yog tias lawv muaj tus moj yam phem qias vuab tsuab xwb, tiam sis lawv tus yeeb yam los kuj phem kawg nkaus li thiab. Tsis yog tias lawv cov lus thiab tes hauj lwm qhia tshwm lawv tus moj yam phem qias vuab tsuab, thiab yam ntxwv ntxwgnyoog xwb; cov neeg no yog, ntxiv ntawd, tus tseem tseem Ntxwgnyoog ntag. Lawv tus xeeb ceem tab kaum thiab cuam tshuam Vajtswv txoj hauj lwm, nws cuam tshuam cov kwv tij thiab nkauj muam txoj kev nkag mus tau txoj sia, thiab nws rhuav tshem pawg ntseeg lub neej uas lawv ib txwm muaj. Sai sai no los sis tom ntej no, cov hma uas hnav tawv yaj no yuav tsum tau muab tshem tawm mus; pawg ntseeg yuav tsum muaj tus cwj pwm ruaj khov, tus cwj pwm tsis lees txais yuav, cov tub txib ntawm Ntxwgnyoog no. Tsuas yog qhov no xwb thiaj yog sawv tuaj Vajtswv tog, thiab cov neeg uas tsis tuaj Vajtswv tog yog cov poob rau hauv lub pas dej nrog Ntxwgnyoog” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Kev Ceeb Toom rau Cov Neeg Uas Tsis Xyaum Ua Raws Li Qhov Tseeb). “Cov tib neeg uas tsis siv zog kom tau nce qib tas zog xav kom lwm tus los tsis tau thiab tub nkeeg ib yam li lawv tus kheej thiab. Cov neeg uas tsis ua raws li qhov tseeb khib cov ua, thiab tas zog sim ntxias cov neeg uas tsis paub qhov tseeb thiab tsis muaj kev thoob tsib to nrog. Yam uas cov neeg no nthuav tawm txog tuaj yeem ua rau koj puas tsuaj, poob qis, muaj tus yam ntxwv tsis zoo li qub, thiab puv npo kev tsaus ntuj. Lawv ua rau koj nrug deb ntawm Vajtswv, thiab ua rau koj txhawb nqa cev nqaij daim tawv thiab ua rau koj ua raws koj tus kheej lub siab nyiam. Cov tib neeg uas tsis nyiam qhov tseeb thiab tsis mob siab rau Vajtswv tsis muaj kev paub txog—lawv tus kheej, thiab tus yam ntxwv ntawm cov tib neeg zoo li no ntxias lwm tus ua kev txhaum thiab tawm tsam Vajtswv. Lawv tsis xyaum ua raws li qhov tseeb, thiab tsis cia lwm tus los xyaum ua raws li qhov tseeb. Lawv txhawb nqa kev txhaum thiab tsis muaj qhov uas tsis nyiam lawv tus kheej kiag li. Lawv tsis paub lawv tus kheej, thiab lawv txwv lwm tus tsis pub paub txog lawv tus kheej; lawv kuj tseem cheem lwm tus kom txhob ntshaw qhov tseeb thiab. Cov neeg uas lawv dag ntxias tsis tuaj yeem pom txoj kev kaj. Lawv poob mus rau hauv kev tsaus ntuj, tsis paub lawv tus kheej, paub tsis meej txog qhov tseeb, thiab txav deb zuj zus ntawm Vajtswv mus lawm” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Kev Ceeb Toom rau Cov Neeg Uas Tsis Xyaum Ua Raws Li Qhov Tseeb). Thaum xav li no, kuv pom tias cov neeg uas ib txwm tshaj tawm tej kev xav phem thiab kev tsis zoo nyob rau ntawm cov nus thiab cov viv ncaus mas yog Ntxwgnyoog tug xwb. Cov tib neeg zoo li ntawd mas coj zoo li Ntxwgnyoog cov qhe, cuam tshuam thiab dag tib neeg, thiab txwv kom lawv txhob los rau ntawm Vajtswv xub ntiag. Kuv txiv hais tej yam zoo li no ntag, thiab hais tej ntawd tas li, tsis yog qhia tawm kev qias vuab tsuab los sis kev tsis zoo thiab kev qaug zog xwb. Qhov ntawd vim hais tias nws ntxub qhov tseeb thiab Vajtswv nyob rau hauv nws tus yeeb yam thiab lub ntsiab tseeb lawm, yog li ntawd thaum muaj ib yam dab tsi tshwm sim, ces tej kev xav uas nws hais tawm ntawd mas puav leej tsis haum nrog Vajtswv cov lus thiab qhov tseeb li, lawv puav leej xav phem txog Vajtswv, ua kom tib neeg to taub yuam kev, liam, thiab ntxeev siab rau Nws. Kuv pom tias nws tsis nrhiav qhov tseeb kiag li. Nws tsuas lam ua nws tes dej num kom tau txais koob hmoov xwb, thiab thaum nws tsis tau txais tej khoom koob hmoov txhawm rau nws txoj kev txom nyem thiab kev siv nyiaj, ces nws mam li xav zoo li tias nws ua tsis yog lawm, thiab haj tseem chim siab thiab ntxub Vajtswv kawg nkaus li. Nwstaug tsis tau raws txoj kev ntseeg, thiab xav thaiv lwm tus kev kom lawv tus kheej nrug deb ntawm Vajtswv, ntxeev siab rau Vajtswv, thiab nrog nws tawm tsam Vajtswv. Nws cov lus mas muaj Ntxwgnyoog tej tswv yim dag puv npo, puav leej tawm tsam tib neeg lub zog uas tsav lawv tes dej num thiab rhuav tshem lawv txoj kev sib raug zoo nrog Vajtswv. Tsis yog nws tsuas yog Ntxwgnyoog tus qhev xwb, tab sis tseem yog dab phem tug thiab. Ib tug neeg dog dig uas muaj lub siab zoo yuav tsis lom txwm ua qee yam zoo li ntawd, txawm tias lawv xav phem li cas thiab hnov qaug zog li cas los xij. Tsuas yog tus dab phem xwb thiaj li muaj txoj kev ua yeeb ncuab loj zoo li ntawd rau Vajtswv. Kuv xav ntau zuj zus tuaj lawm tias kuv txiv tsis yog ib tug neeg zoo, tab sis yog ib tug ua phem.
Kuv yeem lwm zaj lus ntawm Vajtswv cov lus tias: “Tej zaum nws yog hais tias nej txoj kev ntseeg Vajtswv tau ntau lub xyoo ntawd, koj yeej tsis tau foom lus phem rau ib tug twg los sis ua ib yam phem li, tab sis nyob rau hauv koj txoj kev koom xwm nrog rau Khetos, koj tsis muaj cuab kav qhia qhov tseeb, coj kom ncaj, los sis ua raws li Khetos cov lus; nyob rau qhov ntawd, Kuv hais tias koj yog tus neeg txaus ntshai thiab phem tshaj plaws hauv ntiaj teb. Tej zaum koj kuj yog ib tug uas coj xeeb ceem zoo thiab hlub koj tej kwv tij, phooj ywg, tus poj niam (los sis tus txiv), tej tub thiab tej ntxhais, thiab niam thiab txiv, thiab yeej tsis kav xyeem kom tau dab tsi ntawm lawv li, tab sis yog tias koj tsis muaj cuab kav muab kev sib raug zoo nrog Khetos, yog koj tsis muaj cuab kav yoog kom haum rau Nws, ces txawm hais tias koj yuav siv tag nrho txhua yam koj muaj los pab koj tej neeg nruab zej nruab zos los sis ua twb zoo tu koj niam, koj txiv, thiab txhua tus uas nyob hauv koj tsev neeg, los Kuv yeej yuav hais tau tias koj tseem yog ib tug neeg phem, thiab tsis tas li ntawd tseem yog ib tug txawj dag tshaj plaws” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Cov Tsis Sib Raug Zoo Nrog Khetos Yog Vajtswv Cov Yeeb Ncuab Tiag). Qhov no pab ua rau kuv pom tias peb qhia tsis tau ib tug neeg zoo nyob rau ntawm ib tug neeg phem los ntawm qhov seb lawv coj li cas rau lwm tus xwb, tab sis qhia tau los ntawm lawv tus cwj pwm coj rau Vajtswv thiab coj rau qhov tseeb. Txawm tias lawv yuav coj zoo npaum li cas los sis tib neeg yuav xav li cas rau lawv los xij, yog hais tias lawv ntxub qhov tseeb thiab Vajtswv tiag tiag, ces lawv yuav yog ib tug ua phem uas yog ib tug yeeb ncuab rau Vajtswv. Txawm tias saib sab nrauv los mas zoo li kuv txiv muaj lub siab zoo, pab cov nus thiab cov viv ncaus rau thaum lawv tsis muaj ib yam dab tsi, yeej tsis nkees, thiab yeej tsis xam ib qho nqi dab tsi rau qhov txhawb nqa cov nus thiab cov viv ncaus, txawm tias ntxim li nws yog ib tug neeg zoo, hom neeg siab zoo los xij, nyob rau hauv tus yeeb yam thiab lub ntsiab tseeb mas nws dhuav qhov tseeb, nws ntxub qhov tseeb. Nws paub meej meej tias Vajtswv twb muab peb tej kev xam pom tsis yog rau txoj kev ntseeg uas tsuas yog nrhiav koob hmoov xwb ntawd qhia tshwm lawm, tab sis thaum Vajtswv npaj ib qho xwm txheej tsis haum rau nws tus kheej tej kev xav phem lawm, qhov ntawd tsis txaus nws txoj kev ntshaw rau cov koob hmoov, ces nws txawm muaj kev xav phem rau Vajtswv puv npo, txiav txim rau Nws thiab haj yam ntxub Nws. Los tau npaum li no lub xyoos lawm los, nws yeej tsis tig xav txog nws tus kheej los sis yeej tsis nrhiav qhov tseeb li, tab sis pheej txiav txim rau Vajtswv tes hauj lwm thiab tshaj tawm nws tej kev xav phem txog Vajtswv tas li. Tej kev xav nyob rau hauv nws cov lus mas muaj Ntxwgnyoog tej tswv yim dag, ua rau tib neeg xav phem thiab qaug zog yam xav tsis txog li. Qhov ntawd txaus ntshai tshaj. Vajtswv ntsuam xyuas tib neeg raws li lawv lub ntsiab tseeb, rau ntawm lawv tus cwj pwm uas coj rau Vajtswv thiab coj rau qhov tseeb. Tab sis kuv ntsuam xyuas kuv txiv raws li qhov nws coj tshwm sab nrauv xwb. Thaum pom nws muaj tus cwj pwm zoo me ntsis, ces kuv txawm ntseeg tias nws yog ib tug neeg zoo thiab tias pawg ntseeg tsis tsim nyog muab nws ntiab tawm, yog li ntawd kuv thiaj li xav txhawb nqa nws. Kuv tsis to taub qhov tseeb los sis tsis siv Vajtswv cov lus los ua kuv txoj kev coj kev ua. Kuv mas ruam tshaj. Thaum to taub qhov no lawm, kuv thiaj li xav tias qhov pawg ntseeg muab kuv txiv ntiab tawm ntawd mas yeej yog lawm. Nws ntxub Vajtswv thiab ntxub qhov tseeb, yog li ntawd qhov raug pawg ntseeg ntiab tawm mas tsuas yog nws liam rau nws tus kheej xwb. Ces kuv thiaj li tsis tu siab rau nws mus ntxiv lawm. Kuv hnov kaj siab lug tuaj lawm xwb.
Tom qab ntawd txawm muaj lwm yam tshwm sim uas ua rau kuv haj yam to taub nws zoo ntxiv tuaj thiab. Kuv txiv hnov tias ib tug viv ncaus uas tau qhuab ntuas nws ua ntej dhau los lawm ntawd raug ntiab tawm ntawm nws tes dej numlawm. Nws txaus siab hlo rau qhov xov xwm ntawd, thiab ua lub zeem muag ntxim ntxub, nws tom hniav nkawv thiab hais tias, “Puas nco tau tias koj qhuab ntuas kuv li cas lawm? Koj hais tias kuv mas tsis ua raws li lub hauv paus ntsiab lus rau kuv tes dej num, kuv tsis xyaum ua raws qhov tseeb li. Tam sis no txog koj zeeg lawm!” Nws ua lub qhov muag tsiv nyaum tshaj thiab ua lub ntsej muag txaus ntshai heev. Kuv pom tias nws tsis muaj kev khuv leej dab tsi li. Thaum nws raug qhuab ntuas, nws yeej tsis nrhiav qhov tseeb thiab kawm tsis tau ib qho dab ts li, tab sis ntxub tus neeg ntawd mus ntau xyoo vim yog tau ua rau nws poob ntsej muag lawm. Qhov no ua pov thawj qhia rau kuv ntxiv tias kuv txiv yog ib tug uas muaj lub ntsiab tseeb nrog lub siab phem, ib tug ua phem uas ntxub qhov tseeb. Qhov no yog ib tug ua phem qhia tawm txog nws tus cwj pwm tiag, thiab qhov muab nws ntiab tawm hauv pawg ntseeg mas yeej yog lawm.
Tom qab ntawd, Vajtswv lub tsev tau npaj kom cov pawg ntseeg tuaj tshuaj xyuas thiab saib seb puas muaj ib tug twg raug tshem tawm los sis raug ntiab tawm tsis yog kev yog cai, los sis seb puas muaj ib tug twg uas raug tshem tawm los sis raug ntiab tawm lawm uas yeej tau lees txim hloov dua siab tshiab lawm tiag tiag. Rau cov neeg no, pawg ntseeg mam li txiav txim rov qab muab lawv los tuav lub luag hauj lwm qub kom raws li lub hauv paus ntsiab lus. Tus thawj coj tshiab tsis paub kuv txiv qhov xwm txheej. Nws pom ntiav ntiav txog kuv txiv qhov kev rau siab thiab txaus siab los txhawb cov nus thiab cov viv ncaus xwb, tias nws tau pab lawv nrhiav hauj lwm, tias nws txhawj heev, thiab tias nws tau muab qee yam khoom fij lawm. Yog li ntawd tus thawj coj ntawd thiaj li xav tias ntshe qhov nws raug ntiab tawm ntawd mas tsis yog kev yog cai lawm, thiab xav coj nws rov qab los rau hauv pawg ntseeg. Thaum hnov tus thawj coj hais li no, kuv yoob tag li, vim kuv paub rau hauv kuv lub siab tias qhov nws raug ntiab tawm ntawd mas puav leej haum raws li cov hauv paus ntsiab lus lawm, tias qhov ntawd yeej tsis yog ib qho kev ntiab tawm uas yuam kev li. Ces kuv txawm hais kiag tam sid tias, “Yuav tsis tso cai cia kuv txiv rov qab nkag los tau lawm.” Qhov tsis paub kuv txiv, ces nws tsuas qhia txog qhov tib neeg tim tsum lub hwv tsam los lees txim hloov dua siab tshiab xwb. Thaum xub thawj kuv xav tham txog nws tus cwj pwm tshwj xeeb, tab sis kuv txawm ua xyem xyav, thiab tsis hais dab tsi li. Kuv xav tias nws yog kuv txiv tus uas tau tu kuv los tau ntau npaum li no lub xyoos lawm. Yog nws paub tias kuv tau thaiv nws txoj kev ua rau nws rov qab tau los lees dua, ces ntshe nws yuav mob siab heev, thiab npau taws rau kuv heev! Thaum xav li ntawd, kuv txawm tsis hais dab tsi li, tab sis kuv hnov txhaum heev tom qab tus thawj tawm mus lawm. Tsuas yog kuv niam thiab kuv xwb thiaj li paub meej meej txog kuv txiv qhov xwm txheej, thiab qhov tsis hais tawm rau thaum lub sij hawm tseem ceeb zoo li no ces yuav tiv thaiv tsis tau pawg ntseeg tes hauj lwm. Hmo ntawd kuv mas ntxeev tiaj khwb rwg thiab tig mus tig los, ces txawm xav txog ib zaj lus ntawm Vajtswv cov lus tias: “Ntxwgnyoog yog leej twg, cov niag dab phem yog leej twg, thiab leej twg yog Vajtswv cov yeeb ncuab yog hais tias tsis yog cov neeg tawm tsam uas tsis ntseeg Vajtswv? Lawv tsis yog cov neeg uas tsis mloog Vajtswv lus lod? Lawv tsis yog cov uas hais tias muaj kev ntseeg, tab sis ho tsis muaj qhov tseeb lod? Lawv tsis yog cov uas lam nrhiav kom tau koob hmoov thaum uas tsis muaj cuab kav yuav ua tau tim khawv rau Vajtswv xwb lod? Koj tseem nrog cov niag dab phem ntawd ua ke hnub no thiab tseem muaj siab thiab hlub lawv, tab sis nyob rau qhov no tsis yog koj muab kev npaj siab zoo rau Ntxwgnyoog xwb lod? Tsis yog koj ua hauj lwm ua ke nrog cov niag dab phem xwb lod? Yog cov neeg niaj hnub no tseem tsis muaj cuab kav qhia tau qhov txawv ntawm qhov zoo thiab qhov phem, thiab tseem yuav ua hlub yam neeg dig mus ntxiv thiab ua siab zoo yam tsis muaj ib qho kev npaj siab yuav nrhiav Vajtswv txoj kev xav los sis muab cuab kav khaws Vajtswv qhov kev npaj siab zoo ua lawv tug, ces lawv qhov chaw kawg ces yuav phem tshaj xwb. Leej twg los xij uas tsis ntseeg tus Vajtswv hauv cev nqaij daim tawv ces yog ib tug yeeb ncuab rau Vajtswv. Yog koj muaj lub siab zoo thiab kev hlub rau ib tug yeeb ncuab, ces puas yog koj tsis muaj ib qho kev txawj xav txog kev ncaj ncees li mas? Yog koj muaj kev sib raug zoo nrog rau cov uas Kuv ntxub thiab cov uas Kuv tsis pom zoo nrog rau, thiab tseem muaj kev hlub los sis kev xav ntawm tus kheej rau lawv thiab, ces koj tsis yog tus tsis mloog lus lod? Tsis yog koj txhob txwm tawm tsam Vajtswv lod? Ua tus neeg zoo li ntawd puas muaj qhov tseeb mas? Yog neeg muaj lub siab zoo rau cov yeeb ncuab, kev hlub rau cov niag dab phem, thiab kev hlub tshua rau Ntxwgnyoog, ces tseem tsis yog lawv txhob txwm tab kaum Vajtswv tes hauj lwm thiab lod?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv thiab Tib Neeg Yuav Nkag Mus So Ua Ke). Kuv ntshai heev thaum kuv xav txog Vajtswv cov lus. Kuv paub zoo heev tias kuv txiv ntxub qhov tseeb thiab tawm tsam Vajtswv lawm, tias nws yog ib tug ua phem nyob rau hauv lub ntsiab tseeb. Nws tsis haum raws li pawg ntseeg cov hauv paus ntsiab lus ntawm qhov coj tib neeg rov qab nkag los. Tab sis kuv tseem xav npog nws thiab tiv thaiv nws, ces kuv thiaj li tsis muaj peev xwm qhia nws tus cwj pwm phem tshwm. Kuv ua lub siab muag dhau lawm. Ces kuv thiaj li ua lub neej nrog tej tswv yim phem zoo li “Ntshav daws dua dej” thiab “Tib neeg tsis muaj sia; nws yuav ua li cas muaj tau kev ywj pheej los ntawm tej kev xav?” Kuv xav tias nws yog kuv txiv, yog li ntawd kuv yuav ua siab phem dhau heev tsis tau, kuv yuav tsum tau ua zoo. Kuv ntshai tsam kuv txiv ntxub kuv yog nws paub tias kuv tham txog nws tej teeb meem, tias nws yuav hais kuv tias tsis ris txiaj ris ntsig thiab hais tias qhov nws tu kuv los tau npaum li no lub xyoos mas tsis muaj txiaj ntsim li. Kuv tsis saib txhua yam kom mus raws li Vajtswv cov lus. Kuv tab tom tiv thaiv kuv txiv raws li qhov kev xav ntau dua li qhov tiv thaiv pawg ntseeg tes hauj lwm. Kuv tab tom tawm tsam thiab ntxeev siab rau Vajtswv nyob rau hauv txhua yam uas kuv ua. Kuv txiv lub ntsiab tseeb mas yog kiag ib tug ua phem, thiab yog hais tias nws rov qab los rau hauv pawg ntseeg, ces nws yuav tab kaum pawg ntseeg lub neej thiab cuam tshuam txoj kev to taub txog lub neej txoj sia ntawm cov nus thiab cov viv ncaus. Qhov ntawd tsis yog ua kom kuv yog tus pab rau ib tug ua phem lod? Kuv yim xav txog qhov ntawd, ces kuv yim xav tsis zoo xwb. Kev ua neej raws li kuv tej kev xav, mas kuv yuav tsis paub qhov yog los ntawm qhov tsis yog li, ces thiaj li tsis paub cov hauv paus ntsiab lus ntawm kev ua neeg lawm.
Kuv nyeem ib zaj lus ntawm Vajtswv cov lus tias: “Vajtswv cov lus hais kom tib neeg coj rau lwm tus los ntawm lub hauv paus ntsiab lus dab tsi? Hlub yam uas Vajtswv hlub, thiab ntxub yam uas Vajtswv ntxub: Qhov no yog lub hauv paus ntsiab lus uas yuav tsum tau ua raws. Vajtswv hlub cov uas caum qhov tseeb thiab muaj peev xwm ua raws li Nws txoj kev xav. Kuj muaj cov tib neeg uas peb yuav tsum hlub thiab. Cov uas tsis muaj peev xwm ua raws li Vajtswv txoj kev xav, cov uas ntxub Vajtswv, thiab ntxeev siab rau Vajtswv—Vajtswv ntxub cov tib neeg no, yog li peb yuav tsum ntxub lawv ib yam nkaus thiab. Qhov no yog yam uas Vajtswv hais kom tib neeg ua. Yog tias koj niam koj txiv tsis ntseeg Vajtswv, ces lawv tsis ntxub Nws; thiab yog tias lawv ntxub Nws, ces Vajtswv los kuj yuav tsis nyiam lawv kiag li thiab. Yog li ntawd, yog tias koj raug hais kom ntxub koj niam koj txiv, koj puas tuaj yeem ua tau? Yog tias lawv tawm tsam Vajtswv thiab cem Nws, lawv kuj yog kiag cov tib neeg Nws ntxub thiab foom lus phem rau. Ntawm qhov xwm txheej zoo li no, koj tsim nyog muaj kev coj rau koj niam koj txiv li cas yog tias nkawd tav tsis pub koj ntseeg Vajtswv, los sis yog tias nkawd tsis ntseeg? Ntawm lub sij hawm Tiam Hmoov Hlub, Tswv Yexus hais tias, ‘Leej twg yog Kuv niam? Thiab leej twg yog Kuv cov kwv tij? … Vim leej twg los xij uas ua li txoj kev xav ntawm Kuv Txiv uas nyob rau saum ntuj ceeb tsheej, ces yog Kuv tus kwv tij, thiab tus muam, thiab leej niam.’ Qhov lus hais no twb muaj nyob rau hauv Tiam Hmoov Hlub lawm, thiab tam sim no Vajtswv cov lus yim huab tsim nyog: ‘Hlub yam Vajtswv hlub, thiab ntxub yam Vajtswv ntxub.’ Cov lus no tau txiav ncaj nraim los rau lub ntsiab, tiam sis pheej tsis tshua txaus siab rau lawv lub ntsiab lus tseeb” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tsuas Yog Lees Paub Yus Tus Kheej Tej Kev Xam Pom Yuam Kev Xwb Yus Thiaj Li Hloov Pauv Tau Tiag Tiag). Vajtswv cov lus muab cov hauv paus ntsiab lus uas kuv tim tsum rau kuv los siv rau kuv txiv. Nws yog kuv txiv, tab sis nws muaj tus yeeb yam thiab lub ntsiab tseeb uas phem. Nws ntxub qhov tseeb thiab yog Vajtswv tus yeeb ncuab. Nws tsuas tsim kev tab kaum rau hauv pawg ntseeg thiab rhuav tshem cov nus thiab cov viv ncaus xwb. Vajtswv ntxub thiab dhuav cov neeg zoo li ntawd, thiab Nws yuav tsis cawm cov neeg phem. Qhov tsuas xav txog qhov kuv txoj kev hlub tshua thiab kev hlub rau nws xwb mas yuav yog qhov tsis zoo rau cov nus thiab cov viv ncaus lawm, qhov ntawd yuav rhuav tshem pawg ntseeg, thiab yuav los tuaj tus neeg phem tog los tawm tsam Vajtswv thiab ua Vajtswv tus yeeb ncuab xwb!
Tom qab ntawd, kuv niam thiab kuv tau kawm txog qhov ntawd, thiab wb ob leeg xav tias qhov ntawd yog Vajtswv tab tom sim wb xwb, tias wb yuav tsum xyaum ua raws qhov tseeb thiab txhawb nqa pawg ntseeg tej kev ntshaw. Yog hais tias wb npog thiab tiv thaiv kuv txiv thiab tsis muab nws tus cwj pwm phem coj los rau qhov kaj, ces wb yuav muaj feem nrog nws qhov kev phem, thiab wb yuav raug Vajtswv foom phem thiab rau txim ib yam nkaus thiab. Tseem tsis tau pom zoo cia kuv txiv rov qab los tuav tes dej num qub, tab sis thaum cov nus thiab cov viv ncaus tuaj saib peb, nws txawm siv tshaj tawm txog txoj kev tsis zoo thiab txoj kev tuag uas tab kaum lawv lawm. Yog hais tias nws rov qab los tiag, ces pab pawg twg uas nws tau txuas lus nrog ntawd yuav piam sij, thiab pawg ntseg twg uas nws tau txuas lus nrog ntawd los yuav muaj cov neeg raug tsim txom puv npo thiab! Yog hais tias kuv tsis ua tib zoo xav thiab pheej nyob ntsiag to mus, qhov ntawd yuav puas rau cov nus thiab cov viv ncaus, thiab yuav cuam tshuam rau pawg ntseeg tes hauj lwm! Kuv haj yam ntshai tuaj thiab paub tias nyob rau lub sij hawm tseem ceeb li no, ces kev tiv thaiv pawg ntseeg tes hauj lwm los sis kev npog ib tug neeg phem mas yog ntsig txog tog ua kuv tuaj. Tus thawj coj pawg ntseeg tsis paub kuv txiv, xav tias nws ntxim zoo li ib tug neeg zoo, thiab tab tom xav seb puas tsim nyog muab lwm lub hwv tsav rau nws rov qab los rau hauv pawg ntseeg dua. Tab sis wb tsis paub nws, yog li ntawd wb yuav tsum xyaum ua raws qhov tseeb thiab coj ncaj, thiab hais tawm txog nws tus cwj pwm phem ncaj ncees rau wb tus thawj coj. Ob peb hnub tom qab ntawd tus thawj coj tau tuaj tim wb tsev tuaj sib txoos ua ke. Kuv niam thiab kuv txawm qhib siab lug hais tawm txog kuv txiv tus cwj pwm phem, ces thaum kawg thiaj li tsis caw nws rov qab los lawm. Kuv hnov kaj siab heev thaum kuv muab qhov no coj los xyaum ua raws.
Thaum xub thawj kuv paub ntiav ntiav txog kuv txiv tus cwj pwm xwb ces kuv thiaj li tsis muaj ib qho kev thoob tsib txog nws li. Kuv qhia tsis tau ib tug neeg zoo los ntawm tus phem. Los ntawm qhov kuv txiv raug ntiab tawm lawm ntawd, ces kuv thiaj li xyaum tau qee qhov tseeb thiab tau txais qee qhov kev thoob tsib, thiab pom meej meej txog lub ntsiab tseeb ntawm qhov kuv txiv yog ib tug neeg phem. Kuv kov yeej tej kev txwv ntawm kev ua lub siab muag thiab kev coj rau nws raws li cov hauv paus ntsiab lus ntawm qhov tseeb lawm. Qhov ntawd yog Vajtswv txoj kev tiv thaiv thiab kev cawm dim rau kuv! Ua tsaug rau Vajtswv Tus Uas Muaj Hwj Chim Loj Kawg Nkaus!
