72. Tej Kev Sim Siab hauv Chav Kawm Ntxuav Hlwb
Nyob rau lub qab Xya Hli xyoo 2018, kuv raug ntes vim ntseeg Vajtswv thiab tshaj tawm txoj moo zoo. Muaj ib hnub nyob rau lub Kaum Hli, tub ceev xwm tau coj kuv mus rau ntawm xi-hawm-yuam (lub tsev nyob tshav puam) uas nyob rau hauv ib lub chaw ua si nyob ntawm ntug zos, uas yog ib qhov chaw ntxuav hlwb. Nyob rau lub sij hawm ntawd, kuv txhawj thiab ntshai me ntsis. Tej duab ntawm cov nus thiab cov viv ncaus uas raug nug thiab raug tsim txom zais ntshis ntawd txawm tshwm los ib vuag rau hauv kuv lub siab. Kuv thiaj li thov Vajtswv twj ywm tias, “Vajtswv, kuv tsis paub tias tub ceev xwm yuav tsim txom kuv li cas. Thov muab txoj kev ntseeg thiab lub zog rau kuv. Txawm kuv yuav ntsib kev tsim txom dab tsi los xij, kuv yuav tsis ua ib yam dab tsi los ntxeev siab rau Koj.” Tom qab kuv thov Vajtswv lawm, kuv siab nqig me ntsis lawm.
Tus neeg saib xyuas rau kev tsim kho peb nyob rau tod ces yog yawg hlob uas muaj lub xeem hu ua Laj, tus uas saib zoo li txawj dag thiab txawj ntxias heev. Nws kom peb sawv ua ib txoj kab sab thiab hais tias, “Cov chav ntawm no raug muab faib ua chav kawm ceev thiab chav kawm qeeb. Yog nej xav tsim kho thiab kawm kom tiav rau ntawm no sai, ces nej tuaj yeem xaiv chav kawm ceev. Nyob rau ntawm chav kawm qeeb, ces yuav raug ntaus rau lub sij hawm twg los tau thiab qhov chaw twg los tau. Tej ntawd yuav los zoo li tej pluas mov noj uas ib txwm muaj.” Thaum kuv hnov nws hais li no, kuv npau taws heev. Nws yog ib qho kev npaj los ua kom peb ntshai heev txog nws txoj kev caij tsuj kom peb ntxeev siab rau Vajtswv. Kuv twb raug ntes lawm, uas kuv paub tias tau tshwm sim vim Vajtswv tso cai, yog li kuv thiaj li txaus siab hlo los zwm rau Vajtswv txoj kev coj kev qhia thiab tej kev npaj tseg. Txawm lawv tau npaj tsim txom kuv li cas los xij, kuv yeej yuav tsis ntxeev siab rau Vajtswv li. Thaum xav li no, ces kuv thiaj li hais tias, “Kuv yuav kawm chav kawm qeeb.” Hmo ntawd, Laj tau nug peb kaum ob leeg uas tau xaivchav kawm qeeb kom los sawv ua ib kab rau hauv tshav puam. Muaj plaub los sis tsib tug tub ceev xwm uas yog txiv neej nqa rawv cov qws hluav taws xob, uas muaj ntau zaus lawv taws cov qws hluav taws xob ntawd kom thiaj li muaj ib lub suab nrov. Cov tub ceev xwm ntawd kuj muaj cov poom dej kua txob uas ntsim ntsim thiab muaj cov dej kua noob zaub nyob rau hauv lawv tej hnab ris, uas yeej npaj txhij siv tej ntawd los tsim txom peb thaum twg los tau lawm. Thaum pom li no lawm, kuv thiaj li paub tias qhov ntawd yog ib qho kev tsim, ib qho kev sim siab losntawm Vajtswv los rau kuv, ces kuv thiaj li xav txog qee yam uas Vajtswv hais tias, “‘Nyob rau lub sij hawm kawg, tus tsiaj nyaum yuav sawv los tsim txom Kuv cov tib neeg, thiab cov uas ntshai txoj kev tuag yuav raug tus tsiaj nyaum ntaus ib lub cim rau. Cov uas tau pom dua Kuv lawm yuav raug tua los ntawm tus tsiaj nyaum.’ Tus ‘tsiaj nyaum’ hauv cov lus no yeej yog kiag Ntxwgnyoog ntag, tus ntxias dag ntawm noob neej” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Cov Lus nyob rau thaum Pib, Tshooj 120). Pawg Koom Tsham siv txoj kev tsim txom ntawm sab cev nqaij daim tawv los yuam tib neeg kom ntxeev siab rau Vajtswv, thiab yog koj tsis tuaj yeemmuab koj txoj sia tso rau txoj kev tsim txom ntawd, ces ntshe koj yuav raug kev phom sij uas yog raug coj mus, raug ntiab tawm yam tsis txuag kiag li. Kuv thiaj li thov Vajtswv twj ywm tias, “Vajtswv, txawm hnub no lawv yuav ntaus kuv yam vwm ntsuav npaum li cas los xij, kuv txaus siab hlo muab kuv txoj sia tso rau thiab tuag rau hauv Koj ob txhais tes, thiab tso kuv txoj sia tseg es sawv khov kho los ua kom Koj txaus siab.” Tom qab ntawd, Laj txawm nug kuv tias, “Koj xav mus nyob rau chav kawm twg?” Kuv thiaj li hais tias, “Chav kawm qeeb.” Nws npau taws heev thaum nws hnov li no, yog li nws thiaj li muab kuv ncaws pov rhees mus rau hauv lub pas dej paj lawm. Kuv lub dab taws mus tsoo ib lub ntawm cov av ci uas nyob ib ncig ntawm lub pas dej paj ntawd, mas mob tshaj plaws li. Tom qab ntawd, nws ncaws ib tug tib neeg ib tug zuj zus mus rau hauv piam teb, thiab hais kom peb sawv los. Thaum peb tab tom sawv los ntawd, muaj ob peb tug tub ceev xwm tsuag dej kua txob thiab dej kua zaub rau peb lub ntsej muag ib tug zuj zus. Ces kuv txawm zam thiab poob mus rau hauv lub pas dej paj uas nyob tom kuv qub qab lawm. Kuv lub ntsej muag mas mob kub lug, thiab kuv ncia thiab hnoos. Ces tub ceev xwm siv qws hluav taws xob los ntsw peb lub ntsej muag thiab lub cev. Kuv mloog zoo li kuv raug koob chob ntag. Mob tshaj plaws li. Lawv tsim txom peb txuas ntxiv uas yog ntaus, ncaws, thiab siv hluav taws xob ntsw peb ntev tshaj ib teev.
Txuas ntxiv ntawd, ces lawv txawm pib coj peb mus hauv chav kawm ntxuav hlwb. Ua ntej tshaj, ib tug txiv neej uas lub xeem hu ua Huaj tso ib daim yeeb yaj duab rau peb saib. Lub ntsiab lus yog hais txog qhov Teb Chaws Suavvam meej thiab los muaj hwj chim thiab muaj koob meej tau li cas. Nws kuj haisntau yam los teem txim thiab tuam mom Vajtswv thiab. Peb thiaj li cav nrog nws, ces nws txawm taw tes rau ntawm qhov rooj, thiab ua ntsej muag phem ntsuav nws txawm ceeb toom rau peb tias, “Leej twg los xij uas tsis xav nyob hauv chav no ces tawm mus tau!” Kuv paub tias qhov tawm ntawm chav kawm mus mas haj yam yuav mag Laj rau txim hnyav dua, yog li kuv thiaj li tsis hais dab tsi ntxiv li lawm. Txhua hnub ua ntej noj sus thiab noj hmo mas, Laj yeej yuav nug peb ib tug zuj zus seb peb kawm tau dab tsi nyob rau hauv chav kawm, seb puas mua jdab tsi hloov pauv nyob rau hauv peb txoj kev xav, txawm peb ntseeg Vajtswv los sis tsis ntseeg los xij, thiab ntawm lub teb chaws thiab Vajtswv seb peb yuav xaiv qhov twg. Muaj ib hnub, Laj sam hwm kom peb kaum ob leeg mus sawv ntsug ua ib kab thiab nug kuv tias, “Koj puas tseem xav mus hauv chav kawm lawm? Koj puas kam kos npe rau ib daim ntawv lees paub, ib daim ntawv lees txim hloov dua siab tshiab, thiab ib daim ntawv tso tseg?” Kuv paub tias qhov kos npe rau “Peb Daim Ntawv” no ces yuav txhais tau tias yog tsis kam lees thiab ntxeev siab rau Vajtswv ntag, yog li kuv thiaj li hais tias, “Tsis kos.” Thaum Laj hnov li no lawm, nws sib sib zog npuaj kuv, ua rau kuv lub ntsej muag mob kub lug. Ces nws txawm nug thiab ntaus lwm cov nus thiab viv ncaus tib yam nkaus li no. Tom qab dhau mus ib zeeg lawm, nws rov qab los nug kuv dua. Kuv hais tias tsis kos, ces nws txawm rov qab npuaj kuv dua. Nws nug peb zoo li no ntev txog ib teev, nias qees peb txhua tus yuav luag txog plaub zaug. Tau peb hmo sib law liag, lawv ntaus thiab ncaws peb, los sis tsim txom peb uas yog siv dej kua txob, dej kua zaub, thiab qws hluav taws xob yuam kom peb txhob lees thiab ntxeev siab rau Vajtswv, txhua zaus, mas yuav luag txog ib teev. Kuv ob sab ceg raug ntsw doog dub nciab thoob plaws. Tsis ntev tom qab ntawd, kuv ob sab ceg cia li khaus heev uas tiv tsis tau li lawm, kuv yuav tsum sib sib zog khawb kom ntshav tawm es thiaj li hnov zoo zog tuaj. Txhua hnub mas siv sij hawm ntev tshaj kaum teev rau qhov kev ntxuav hlwb, ua rau kuv nyuaj siab heev. Kuv tsis paub tias lawv yuav xaiv dab tsi los nug thiab tsim txom peb rau zaum tom ntej li. Nyob rau lub sij hawm ntawd mas, thaum twg kuv hnov Laj cov lus txib nrov nrov tias, “Cov tub zov, tuav cov qws, coj los ntsw sob!” Kuv lub plawv nres tsis dhia ib pliag. Thaum kuv saib tub ceev xwm nqa lawv cov qws hluav taws xob uas cig xiav lus los rau ntawm peb, ces kuv lub cev txawm laim txias tswj tsis tau li lawm.
Kuv nco tau tias muaj ib hnub, thaum ib tug viv ncaus tsis teb Laj ib nqe lus nug raws li qhov nws xav tau, ces nws txawm npau taws thiab hais tias, “Koj muaj cuab kav cam kuv thiab lod?! Txhos caug!” Tus viv ncaus ntawd tsis txhos caug, yog li Laj thiab ob peb tug tub ceev xwm thiaj li muab nws cab tawm mus rau tom qhov chaw uas tsis muaj leej twg soj qab saib lawm ces muab nws ncaws. Ib pliag tom qab ntawd, peb txawm hnov nws lub suab qw nrov kawg nkaus siab ntsws. Tshaj li kaum feeb tom qab ntawd, thiaj li coj nws rov qab los ces pom nws lo av tag thiab nws cov plaub hau ntxhov poog. Ib zaug ntxiv thiab, Laj tas zog hawv thiab hem nws kom txhos caug rau ntawm Laj xub ntiag, ces Laj muab nws ncaws rau hauv piam teb thiab muab lub hnab roj hmab dub los khwb nws taub hau. Laj tsuag dej kua txob rau hauv lub hnab ntawd, ua rau nws co co nws lub taub hau, nti peem, thiab hnoos tas li. Lawv khwb lub hnab rau saum nws ntev thaj tsam li ob feeb mam li muab tshem tawm. Thaum kawg, nws raug yuam kom nws txhos caug rau ntawm lawv xub ntiag. Kuv mas npau taws heev thaum kuv pom niag Laj siab phem ntawd ua li ntawd rau nws. Kuv xav tawm tsam lawv heev li, tab sis kuv paub tias tsis yog kuv tsis muaj peev xwm pab nws ua li no xwb, tab sis peb cov seem txhua tus haj tseem yuav mag ntaus thiab mag tsim txom hnyav ntxiv thiab. Hmo ntawd, kuv pw tsis taus li. Kuv lub siab muaj tag nrho cov duab ntawm qhov tub ceev xwm tsim txom cov tib neeg uas kuv pom ob peb hnub dhau los lawm. Kuv ntxhov siab thiab nyuaj siab kawg. Kuv tab tom saib Pawg Koom Tsham tshaj tawm txhua hom kev to taub yuam kev los ua kom txhob lees txais thiab teem txim rau Vajtswv, tiam sis kuv tsis muaj cuab kav cam lawv li, ces kuv thiaj li mag rau txim thiab mag ntaus tas li. Kuv tsis paub tias xyov kuv thev khov kho puas taus li lawm yog tseem ua li no txuas ntxiv mus. Kuv thiaj li thov Vajtswv twj ywm tias, “Vajtswv! Kuv yuav kov yeej kev qaug zog ntawm lub cev nqaij daim tawv thiab ua txhua yam los tuav tej lus tim khawv khov kho rau Koj tau li cas? Thov muab txoj kev ntseeg thiab lub zog rau kuv.” Thaum kuv ua tib zoo xav thiab tig xav lawm, ib sob lus ntawm Vajtswv txoj lus tau tshwm los rau hauv kuv lub siab meej meej tias, “Tsis txhob ntshai, Vajtswv Tus Uas Muaj Hwj Chim Loj Kawg Nkaus yuav nyob nrog nraim koj xwb xwb li; Nws sawv tom qab ntawm nej thiab Nws yog nej daim hlau tiv thaiv” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Cov Lus nyob rau thaum Pib, Tshooj 26). Tom qab ua tib zoo xav txog Vajtswv cov lus zaum tas zaum thiab lawm, ces kuv lub siab thiaj li kaj tuaj. Kuv muaj Vajtswv txhawb nqa kuv. Txawm tias kuv poob rau qhov xwm txheej phom sij thiab raug hawv thiab raug ntaus los ntawm tus ceev xwm txhua hnub los xij, Vajtswv nyob nraim ntawm kuv ib sab txhawb kuv tas li, thiab kuv tsis yog raug tej ntawd ib leeg xwb. Yog tias kuv tsis muaj kev ntseeg Vajtswv tiag, yog li thaum kuv pom tub ceev xwm tsiv nyaum thiab ua phem, ces kuv thiaj li ntshai thiab poob mus rau Ntxwgnyoog txoj kev sim siab yam xav tsis txog. Qhov xwm txheej no tau tshwm sim vim Vajtswv pom zoo thiab nyob rau hauv qab Vajtswv lub hwj chim kav lawm. Cov tub ceev xwm no tsis yog kuj nyob rau hauv Vajtswv ob txhais tes thiab lod? Vajtswv paub hom kev tsim txom uas kuv thev taus, yog li kuv yuav ua lub siab dawb paug vam khom rau Vajtswv thiab ntseeg tias Vajtswv yuav muab txoj kev ntseeg thiab lub zog rau kuv thiab coj kuv kev kom kov yeej tub ceev xeem txoj kev tsim txom. Thaum kuv paub li no lawm, kuv hnov dim pa ntshuas lawm ntau heev, thiab kuv thiaj li muaj txoj kev ntseeg los ntsib qhov xwm txheej no. Kuv ua tsis tau li cas tab sis hu tau zaj nkauj qhuas Vajtswv tias “Lub Neej Ua Tim Khawv” rau kuv tus kheej, Yog muaj ib hnub twg kuv tau muab txoj sia pua thiab tsis tuaj yeem ua tim khawv rau Vajtswv lawm, lub teb chaws txoj moo zoo tseem yuav tau txais kev tshaj tawm zoo li nplaim hluav taws kub tsis tseg los ntawm cov neeg dawb huv. Txawm kuv tsis paub tias kuv nyob deb npaum li cas lawm los xij, kuv tuaj yeem taug txoj kev fab no, Kuv tseem yuav ua tim khawv rau Vajtswv thiab fij rau kuv tus Vajtswv-lub siab hlub. Txhua yam uas kuv xav ua yog ua raws li Vajtswv txoj kev xav thiab ua tim khawv rau Khetos qhov kev tshwm sim thiab tes dej num. Kuv hnov tau tias muaj meej mom uas tau muab yus tus kheej los fij rau kev tshaj tawm thiab kev ua tim khawv rau Vajtswv. Tsis poob siab thiab ntshai txoj kev txom nyem, zoo li daim tseem kub uas nchuav hauv lub cub tawg, tawm los ntawm Ntxwgnyoog tus kheej los, tshwm sim ib pawg tub rog muaj yeej. Hu nkauj thooj txhij Vajtswv cov lus tshaj tawm mus thoob plaws lub ntiaj teb thiab qhov kaj tau tshwm sim, tau tshwm sim rau ntawm tib neeg lawm. Khetos lub chaws tshwm sim tuaj thiab raug teeb tsa ruaj khov rau hauv txoj kev txom nyem. Txoj kev txaus ntuj tab tom yuav dhau mus, ib qho kaj ntug ncaj ncees los lawm. Sij hawm thiab qhov muaj tseeb tiag tau ua tim khawv rau Vajtswv. (Raws Tus Me Nyuam Yaj Qab thiab Hu Cov Nkauj Tshiab). Kuv yim hu nkauj, ces kuv yim hnov zoo siab. Kuv xav tias nws yog ib lub meej mom zoo tshaj thiab yog txoj koob hmoov zoo tshaj plaws nyob rau hauv kuv lub neej txoj sia uas muaj peev xwm los txais tos qhov tus Tswv rov qab los rau tiam kawg, los hnov tus Tswv lub suab, los caum raws tus Khetos ntawm tiam kawg qab, thiab los tshaj tawm txoj moo zoo thiab ua kuv tes dej num kom tiav log. Tam sim no kuv raug Pawg Koom Tsham tsim txom, tab sis qhov no yog raug tsim txom txhawm rau txoj kev ncaj ncees, yog li qhov kev txom nyem no thiaj li muaj qab hau. Txawm kuv raug hom kev tsim txom dab tsi los xij, kuv yeej txaus siab hlo los vam khom rau Vajtswv los tuav tej lus tim khawv khov kho kom tiav hlo, thiab tsis swb rau Ntxwgnyoog. Ntau hnub tom qab ntawd, thaum raug hem thiab ntaus los ntawm tub ceev xwm, kuv thiaj li tsis tshua ntshai lawm. Kuv hu nkauj qhuas kuv tus kheej twj ywm thiab ua lub ntsej muag hluag nyav tas li. Muaj ib zaug, ib tug tub ceev xwm hais ib lo lus nyuaj tias, “Peb ntaus nws txhua hnub. Nws tseem muaj peev xwm luag nyav tau lawm mas?” Kuv thiaj li xav tias, “Nej tsis ntseeg Vajtswv, ntshe nej yeej yuav tsis muaj peev xwm hnov txog kev lom zem thiab kev thaj yeeb uas los ntawm Vajtswv los.”
Muaj ib hmo, Laj hais kom tub ceev xwm coj peb tawm mus kos npe rau tsab ntawv lees tso tseg. Lawv lub hom phiaj rau fab kev ntxuav hlwb thiab kev tsim txom peb mas yog yuam kom peb kos npe rau “Peb Daim Ntawv” ntawd kom peb thiaj li yuav ntxeev siab rau Vajtswv thiab nrog lawv poob mus rau dab tuag teb mus raug txim. Kuv paub tias kuv yuav khiav tsis dim qhov kev tsim txom rau hmo ntawd. Ces kuv thiaj li thov Vajtswv tias, “Vajtswv! Txawm tub ceev xwm yuav tsim txom kuv li cas los xij, kuv xav tuav tej lus tim khawv khov kho thiab ua kom Koj txaus siab.” Thaum ib tug tub ceev xwm pom tias kuv tsis sau dab tsi los ntev lawm, nws thiaj li sib sib zog ncaws kuv sab ceg. Laj nkag los, nws tsawv nkaus kuv lub ntsej tsho, rub kuv los, thiab sib sib zog npuaj kuv, ua rau kuv lub ntsej muag mob kub lug. Ces nws mam ncaws kuv pov rhees mus rau tim phab ntsa. Qhov mob ntawd mas mob phem tshaj ua rau kuv lub plab khov tag thiab tiv tsis taus li lawm. Nws sam hwm kom kuv sawv. Thaum kuv tseem sawv ib rau ntawm sab phab ntsa, ib tug tub ceev xwm txawm ncaws kuv ib ncaws taw dua ntxiv, ces kuv vau hlo rau tom ib sab. Lwm cov tub ceev xwm maj nroos los, ib txhia muab cov qws hluav taws xob los ntsws kuv ob sab ceg, ib txhia npuaj kuv lub ntsej muag, thiab ib txhia ncaws kuv lub plab, lub duav, thiab ob sab ceg, ces kuv dov pes lam thiab kiv pes lees rau hauv piam teb lawm. Lawv ntaus kuv mus ntxiv ntev li ib nrab teev, ces kuv thiaj li uv tsis taus qhov quaj qws vim mob thoob plaws kuv ib ce. Nws zoo li ib lub pob zeb loj, hnyav los nias rau saum kuv lub cev thiab ua rau kuv ua tsis taus pa li. Tom qab ntawd, Laj tsawv nkaus kuv lub ntsej tsho thiab nias kuv rau ntawm lub rooj zaum, tsawv nkaus kuv cov plaub hau, thiab rub kuv lub taub hau ib rau tom qab lub rooj zaum kom kuv tsa qhov muag ntsia. Nws hais lub suab lus hem tias, “Koj puas sau?” Kuv tsis hais dab tsi li. Nws npau taws heev ces nws tsawv nkaus kuv sab tes thiab muab nias rau ntawm lub rooj, ces hais kom ib tug tub ceev xwm uas yog txiv neej los ntsw kuv sab tes. Kuv sib sib zog ncab kuv cov ntiv tes thiab tig kuv lub duav raws li qhov kuv peem tau, yog li tus tub ceev xwm uas yog txiv neej ntawd thiaj li tsis paub tias yuav ntsw hluav taws xob rau kuv li cas. Peb nres ib pliag, ces Laj thiaj li hais tias, “Hnov qab qhov ntawd, thaum kawg koj yuav ceeb kuv.” Ces nws txawm tso kuv sab tes. Ib pliag tom qab ntawd, Laj pov ib pawg ntawv rau ntawm kuv xuv ntiag thiab hais tias, “Lawv puav leej kos npe tag lawm. Tsuas tshuav koj tib leeg lawm xwb!” Thaum kuv hnov li no lawm, ua rau kuv hnov kho siab zim thiab tu siab tshaj plaws. Muaj cov viv ncaus coob leej tiv kev txom nyem ua ke, tab sis nyob nyob, cia li hloov nthawv nthav lawm, tsuas tshuav kuv tib leeg lawm xwb, thiab kuv tsis paub tias tub ceev xwm yuav npaj tsim txom kuv li cas, yog li kuv thiaj li quaj hu thov Vajtswv rau hauv kuv lub siab. Thaum pom tias kuv tsis hais dab tsis li, Laj thiaj li cem kuv hais tias, “Koj mas tawv ncauj tshaj puas yog? Ntshe koj ib leeg yuav raug zam xwb lau? Ntaus nws kiag!” Tom qab ntawd, tub ceev xwm rov ncaws thiab ntaus kuv dua. Tom qab ntawd li kaum feeb, Laj hais tias tus qws ntsw hluav taws xob me dhau lawm ces thiaj li sam hwm kom nws cov tub txib mus nqa lub loj zog tuaj. Thaum xav txog qhov kuv yuav tau thev qhov kev tsim txom uas hnyav dua, ces kuv ntxhov siab heev. Kuv lub siab tuav tau tag nrho tej duab ntawm txhua hom khoom tsim txom uas tub ceev xwm siv. Kuv tsis paub xyov kuv tiv puas tau qhov kev tsim txom no lawm, los sis kuv yuav tau kos npe rau cov ntawv ntawd thiab ntxeev siab rau Vajtswv rau thaum lub sij hawm qaug zog. Kuv ua tsis tau li cas rau qhov kev meem txom no, yog li kuv thiaj li thov Vajtswv tias, “Vajtswv! Tam sim no kuv mas nyuaj siab tshaj. Kuv txhawj thiab ntshai, thiab kuv ntshai tsam kuv ua qee yam uas ntxeev siab rau Koj. Thov muab txoj kev ntseeg rau kuv thiab coj kuv kev kom kuv tuaj yeem tuav tej lus tim khawv tkhov kho.” Tom qab kuv thov Vajtswv lawm, Laj tau coj kuv mus rau hauv ib chav loj dav. Ib tug tub ceev xwm rub kuv los rau ntawm ib lub rooj zaum thiab nias kuv lub hau rau ntawm lub rooj hos lwm cov tub ceev xwm ces tuav kuv ob sab npab, ob sab tes, thiab ob sab ceg, ua kom kuv txav tsis tau li. Kiag thaum kuv nti, ces lawv ntsw cov qws hluav taws xob rau ntawm kuv txhais ko taw ntag. Ib tug tub ceev xwm tsawv nkaus kuv sab tes thiab yuam kom kuv sau tsab ntawv tso tseg txoj kev ntseeg. Kuv mas npau ntaws heev, thiaj li xav tias, “Nej tab tom yuam kom kuv sau tsab ntawv tso tseg txoj kev ntseeg, tab sis qhov no tsis txhais tau tias kuv tab tom ntxeev siab rau Vajtswv. Kuv ntseeg tias Vajtswv soj qab ntsoov txhua yam.”
Kuv tsis tsaug zog ib hmo nkaus thiab pheej xav paub tias kuv yuav ua li cas mus dhau qhov xwm txheej no. Ces kuv thiaj li xav txog Vajtswv txoj lus tias, “Thaum tib neeg tseem tsis tau raug cawm dim, lawv lub neej keev raug cuam tshuam tas li nrog, thiab raug tswj kav los ntawm, Ntxwgnyoog. Muab ua lwm lo lus hais, cov tib neeg uas tsis tau raug cawm dim yog cov neeg raug txim rau Ntxwgnyoog, lawv tsis muaj kev ywj pheej, lawv tsis tau raug tso los ntawm Ntxwgnyoog, lawv tsis tsim nyog los sis tsis muaj cai pe hawm Vajtswv, thiab lawv raug Ntxwgnyoog caum raws ti ti thiab tawm tsam phom sij kawg li. Cov tib neeg zoo li no tsis muaj kev zoo siab uas yuav hais txog li, lawv tsis muaj cai rau ib qho kev muaj nyob uas ib txwm yuav hais txog, thiab tshaj qhov no lawm lawv tsis muaj meej mom yuav hais txog. Tsuas yog koj sawv tiv thiab ua tsov rog nrog Ntxwgnyoog nkaus xwb, siv koj txoj kev ntseeg Vajtswv thiab kev mloog hais, thiab kev hwm Vajtswv los ua tej cuab yeej los ua tsov rog ciaj thiab tuag nrog Ntxwgnyoog, tej ntawd thiaj ua rau koj kov yeej Ntxwgnyoog puv npo thiab ua rau nws pos tw nthoob thiab kom ntshai thaum twg nws pom koj, kom nws tso nws tej kev tawm tsam thiab tej kev iab liam rau koj tseg kom tag nrho—tsuas yog thaum ntawd nkaus xwb koj thiaj li raug cawm dim thiab rais los muaj kev ywj pheej tau. Yog koj yeej txiav txim siab tawg ntawm Ntxwgnyoog mus du lug lawm, tiam sis tsis npaj txhij kom muaj tej cuab yeej uas yuav pab ua rau koj kom kov yeej Ntxwgnyoog, ces koj tseem yuav nyob rau qhov phom sij. Thaum lub sij hawm dhau mus, thaum koj raug Ntxwgnyoog tsim txom hnyav uas koj tsis muaj ib lub zog seem li lawm, tiam sis koj tseem tsis tuaj yeem hais lus tim khawv tau, koj tus kheej tseem tsis tau khiav dim Ntxwgnyoog tej kev iab liam thiab kev tawm tsam koj kom tiav hlo, ces koj yuav muaj kev cia siab me ntsis ntawm txoj kev cawm dim lawm xwb. Thaum kawg, thaum tshaj tawm Vajtswv txoj dej num rau thaum xaus, koj tseem yuav nyob hauv Ntxwgnyoog lub xib teg, tsis tuaj yeem tso koj tus kheej kom dim, thiab yog li koj yeej yuav tsis muaj hwv tsam los sis kev cia siab li. Qhov tshwm sim tau los ces yog cov tib neeg zoo li no yuav poob du lug mus rau hauv Ntxwgnyoog txoj kev kaw” (Txoj Lus, Phau 2. Hais Txog Qhov Kev Paub Vajtswv. Vajtswv Tes Hauj Lwm, Vajtswv Tus Moj Yam, thiab Vajtswv Tus Kheej II). Kuv paub tias txawm kuv twb muab kuv txoj sia mus ua kom Vajtswv txaus siab lawm los xij, thaum kuv raug kev tsim txom thiab kev txom nyem, ces kuv cia li txhawj txog kuv lub cev nqaij daim tawv thiab xav khiav kom dim tas li xwb. Ntxwgnyoog siv kuv qhov kev qaug zog los mus raws nrhiav thiab tawm tsam kuv yam tsis muaj kev hlub tshua li. Kuv raug yuam ntxuav hlwb, raug tsim txom, thiab raug yuam kom kos npe rau “Peb Daim Ntawv” ntxeev siab rau Vajtswv ntawd. Qhov no yog ib ntsug rog hnyav heev ntawm qhov ciaj thiab tuag. Yog kuv xav ntseeg thiab caum Vajtswv qab mus ntxiv, ces kuv yuav tsum tau vam khom rau Vajtswv, mauj kev ntseeg Vajtswv, thiab vam khom rau Vajtswv cov lus kom kov yeej Ntxwgnyoog txoj kev sim siab. Thaum kuv to taub Vajtswv txoj kev xav lawm, ces kuv thiaj li muaj txoj kev ntseeg los fim qhov yuav tshwm sim tom ntej. Tab sis thaum kuv xav txog qhov ib txhia nus thiab viv ncaus tiv tsis taus txoj kev tsim txom thiab tau kos npe rau “Peb Daim Ntawv” ntawd lawm, ces kuv mas ceeb tag, thiab ua rau kuv lees txais qhov ntawd tsis taus mus tau ib ntus. Kuv xav txog Vajtswv cov lus tias, “Niaj hnub no, Kuv tsuas yog ua tes dej num uas yog Kuv tes hauj lwm yuav tsum ua lawm xwb; Kuv yuav muab txhua tag nrho cov mog suav ua tej pawg, ua ke nrog cov txhauv ntawd. Nov yog Kuv tes dej num niaj hnub no. Yuav tsum muab cov txhauv ntawd pov tseg rau lub sij hawm uas Kuv yuav los cog, tom qab ntawd ces cov mog yuav raug sau mus cia rau hauv txhab, thiab cov txhauv uas tau muab pov tseg yuav tsum raug muab pov hlawv kom kub nyhiab mus ua hmoov av” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Koj Paub Dab Tsi ntawm Txoj Kev Ntseeg?). Nyob rau tiam kawg, Vajtswv siv txoj kev tsim txom ntawm tus zaj loj liab ploog los muab tag nrho txhua hom tib neeg nthuav tawm. Nws siv tej kev ntes thiab kev tsim txom ntawm Pawg Koom Tsham los muab cov ntseeg tiag, cov ntseeg cuav, cov tais caus, cov uas qi muag nti caum raws ib pawg neeg qab, thiab cov uas txheeb siv lub fib cim kom muaj kev cia siab tias yuav tau txais cov koob hmoov ntawd nthuav tawm. Cov uas tsis caum raws qhov tseeb thiab tsuas nrhiav kom lawv plab tsau xwb yuav mag muab qhia tshwm thiab tshem tawm, hos cov uas ntseeg Vajtswv tiag tiag thiab nyiam qhov tseeb ces Vajtswv yeej yuav cawm thiab ua kom zoo tiav log. Qhov no yog kev qhia tshwm pom meej meej ntawm Vajtswv tus moj yam ncaj ncees. Thaum raug ntes, cov uas ntseeg Vajtswv tiag tiag thiab nyiam qhov tseeb yuav thov Vajtswv tsis tu ncua, nrhiav qhov tseeb, tau txais qee qhov kev paub txog Vajtswv, muaj txoj kev ntseeg tiag, txaus siab hlo tso lawv lub neej tseg los caum raws Vajtswv qab, thiab tau txais cov lus tim khawv ntawm kev kov yeej Ntxwgnyoog. Cov uas tsis caum raws qhov tseeb thiab tsuas nrhiav kom lawv plab tsau xwb ces yuav ntxeev siab rau Vajtswv txawm tias yog ib qho kev txom nyem me me xwb los xij thiab yuav tso kev ntseeg ntseg. Lawv yuav raug nthua tawm thiab tshem tawm raws li qhov uas ib txwm muaj. Nyob rau qhov xwm txheej ntawd, txhua tus yuav tsum hais lawv txoj kev xav, txhua tus yuav tsum ua kom dhau raws li kev txib, thiab tsis muaj leej twg khiav dim tau li. Nws yog nkaus li Vajtswv cov lus hais tias, “Txawm tias yog tej kev sim siab no tsuas yog tej xwm txheej me me xwb los, txhua tus yuav tsum tau mus kom dhau tej no; tsuas yog tej kev sim siab uas nyuaj nyuaj mas thiaj li sib txawv ntawm ib tug mus rau lwm tus xwb” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Cov Lus nyob rau thaum Pib, Tshooj 41). Vajtswv siv tus zaj loj liab ploog txoj kev ua dej num los nthuav tawm thiab ua kom tib neeg zoo tiav log. Qhov ua hauj lwm li no mas ntse tshaj! Txawm tias lwm tus kos npe rau “Peb Daim Ntawv” ntawd thiab tais caus thim tawm lawm los xij, kuv yuav tsis cia lawv haub ntxias kuv thiab kuv yuav tsis ua raws li sawv daws ua. Yog kuv txhawj rau kuv lub cev nqaij daim tawv thiab ntshai kev txom nyem, ces thaum kawg kuv yuav ntog ib yam nkaus thiab. Kuv tsa tes cog lus rau kuv tus kheej tias txawm kuv raug tub ceev xwm ntaus tuag kiag los xij, qhov ntawd yuav zoo dua qhov nkim sij hawm ua neeg phem nyob rau hauv lub ntiaj teb no tom qab ntxeev siab rau Vajtswv lawm. Txawm kuv tau ntsib tej xwm txheej dab tsi rau hnub tom ntej los xij, kuv yeej yuav tsis ntxeev siab rau Vajtswv li. Tsuas yog tom qab ntawd xwb kuv thiaj li paub tias ob peb tug viv ncaus kuj raug tub ceev xwm yuam kom kos npe rau tsab ntawv tso tseg kev ntseeg ntawd thiab. Yuav kom yuam tau tib neeg ntxeev siab rau Vajtswv, ces cov tub ceev xwm no thiaj li tau siv txhua hom tswv yim uas ntxim ntxub thiab phem. Lawv mas ntxim ntshai thiab ntxim phem heev!
Hnub tom qab ntawd, thaum kuv nyob hauv chav kawm ces nyob nyob Laj txawm hu kuv tawm mus. Kiag thaum kuv tawm mus xwb, kuv pom kuv txiv thiab ob tug tub saib xyuas kev ruaj ntseg hauv kuv lub zos. Thaum kuv txiv pom kuv, nws txawm puag nkaus kuv thiab quaj, hais tias, “Thaum kawg no kuv tau ntsib koj lawm!” Thaum kuv saib kuv txiv cov plaub hau dawb nyob rau ntawm nws ob sab ntsos thiab nws lub ntsej muag laus uas txoom tag lawm ntawd, mas mob kuv lub siab kawg li thiab kua muag los puv nkaus kuv ob lub qhov muag. Ces Laj txawm muab ib tug cwj mem kua thiab ib daim ntawv thiab hais kom kuv rov sau daim ntawv tso tseg txoj kev ntseeg. Kuv paub tias tub ceev xwm tab tom siv kuv tej kev chim siab thiab zoo siab los yuam kuv kom txhob lees txais thiab ntxeev siab rau Vajtswv, yog li kuv thiaj li tsis kam lees sau. Ib tug tub saib xyuas kev ruaj ntseg hauv zos txawm cem kuv hais tias, “Tub ceev xwm thov kom koj sau tsab ntawv lees txim hloov dua siab tshiab rau thaum twg los lawm? Txawm tias lawv hais kom koj sau tsab ntawv kaum zaus los xij, koj yuav tsum tau sau.” Ces Laj thiaj li hais ntxiv tias, “Yog lawm, sau kaum zaus!” Nyob rau lub sij hawm ntawd, Huaj, tus neeg saib xyuas peb chav kawm, kuj los thiab hais ob peb lo lus uas ntxim muaj kuab heev tias, “Txhob ntshai. Tsuas ua siab tawv qhawv sau tsab ntawv kiag xwb.” Thaum kuv hnov nws tham lus mas qias kuv tshaj. Thaum nws pom tias kuv tsis quav ntsej nws, nws taw tes rau kuv thiab nthe tias, “Koj yuav tawm tsis tau mus yog tias koj tsis sau tsab ntawv, yog li maj nrawm nroos nawb!” Kuv txiv quaj thiab nws tas zog hais kuv tias, “Thov lau, cia li sau tsab ntawv kiag mas. Wb yuav mus tsev tsis tau yog tias koj tsis sau. Koj puas paub tias kuv yuav tsum tau khiav mus los ntau npaum li cas thiab kuv yuav tsum tau mus ntsib tib neeg ntau npaum li cas thiaj li nrhiav tau koj? Koj yuav tsum tau sau tsab ntawv no. Koj thiaj li tsis tau mus nkag nkuaj!” Ces Laj kuj hais npau taws ntsuav tias, “Yuav luag txhua kaum ob leeg twb kos npe rau tsab ntawv no lawm, tsuas tshuav koj tib leeg lawm xwb. Puas yog koj xav mus ua ib tug uas tawv ncauj tiag tiag?” Cov tub saib xyuas kev ruaj ntseg hauv zos los kuj tas zog hais kuv tias, “Nws yooj yim xwb. Tsuas sau ob peb lo lus xwb, ces peb mus tsev ua ke tau lawm. Yog koj tsis sau tsab ntawv no, koj tsev neeg qhov tso npe rau hauv zos yuav raug muab tshem tawm. Ces koj yuav tsis muaj npe nyob hauv zos lawm, thiab yeej yuav tsis tso cai cia koj rov qab nkag los nyob dua mus ntxiv li lawm.” Txhua tus nyob hauv chav txawm pib sib tham txog qhov yuav ua li cas. Kuv txiv hais lus ntxhi ob peb los nyuaj siab ntsuav rau kuv tias, “Kav tsij sau kiag, koj tsis tas yuav txhais lub ntsiab li qhov ntawd. Kom peb tawm tau ntawm qhov no ua ntej tso. Koj mam nyiag ntseeg tom qab ntawd los tau yog koj xav ntseeg. Vim li cas koj yuav tawv ncauj ua luaj li?” Kuv xav rau kuv tus kheej tias, “Leej twg thiaj li tsis xav tawm ntawm lub chaw dab phem no mus mas? Tab sis kuv tsis lam ua kom dhau qhov no kom tau tawm mus xwb. Kev kos npe rau ‘Peb Daim Ntawv’ ntawd ces yog qee yam uas ntxeev siab rau Vajtswv thiab ua txhaum rau Nws tus moj yam ntag.” Tab sis thaum raug kuv txiv tej lus taij thov thiab hais tas los hais thiab, ces kuv thiaj li swb lawm. Kuv thiaj li xav tias, “Puas yog Vajtswv npaj qhov xwm txheej no kom kuv siv lub hwv tsam no tawm mus?” Kuv thov Vajtswv tsis tu ncua los mus nrhiav rau hauv kuv lub siab tias, “Vajtswv! Koj txoj kev xav yog dab tsi?” Nyob rau lub sij hawm ntawd, kuv txawm cia li ras dheev tias tus nqi them rau qhov tawm mus mas yog kos npe rau daim ntawv uas tsis lees txais thiab ntxeev siab rau Vajtswv ntag. Ces kuv thiaj li tsis ua ib yam dab tsi los ntxeev siab rau Vajtswv li. Kuv kuj xav txog qhov cov neeg dawb huv coob leej nyob rau hauv txhua tiam raws li keeb kwm dhau los ces lawv yeem mus nyob txim thiab yeem raug tsim txom kom tuag ntau dua qhov ntxeev siab rau Vajtswv. Qhov laj thawj uas kuv yeem swb nyob rau qhov xwm txheej no mas vim hais tias kuv hlub cev nqaij daim tawv dhau lawm, thiab kuv tsis kam tiv kev txom nyem li. Vim Vajtswv txoj kev coj kev qhia, es kuv siab thiaj li nqig lawm ntau nyob rau lub sij hawm ntawd. Kuv thiaj li nco tau Vajtswv cov lus uas hais tias, “Nyob rau txhua kauj ruam ntawm tes dej num uas Vajtswv ua rau tib neeg ntawd mas, zoo li sab nraud tshwm muaj kev sib tshuam mus los ntawm tib neeg, cuag nkaus li yog yug ntawm tib neeg tej kev npaj los sis los ntawm tib neeg txoj kev cuam tshuam los. Tab sis nyob rau tom qab, txhua kauj ruam ntawm tes dej num, thiab txhua yam uas tshwm sim, yog ib lo lus twv los ntawm Ntxwgnyoog rau ntawm Vajtswv xub ntiag, thiab cheem tsum tib neeg tuav lawv tej lus tim khawv khov kho rau Vajtswv” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Txoj Kev Hlub Vajtswv Xwb Thiaj Yog Txoj Kev Ntseeg Vajtswv Tiag). Nyob rau lub sij hawm no, kuv haj yam to taub meej tias lawv cov lus mas yog kiag Ntxwgnyoog tej tswv yim dag thiab tej kev sim siab ntag. Tej ntawd yog ib qho kev sim rau kuv, thiab qhov no yog lub sij hawm uas kuv tim tsum los mus hais lus tim khawv rau Vajtswv. Kuv txiv raug Pawg Koom Tsham ntxias kom los tuaj Ntxwgnyoog tog los mus cuam tshuam kuv lub siab lub ntsws thiab hloov kuv txoj kev txiav txim siab. Kuv yuav ua tsis tau qee yam uas ntxeev siab thiab hais lus tuam mom Vajtswv los mus nrhiav kom muaj kev nplij siab rau ib ntus xwb, kuv haj yam ua tsis tau kom raug tswj los ntawm kuv tej kev xav es poob mus rau Ntxwgnyoog tej tswv yim dag. Tom qab sij hawm dhau mus ntev loo lawm, Laj pom tias kuv tseem tsis tau sau tsab ntawv, yog li nws thiaj li hais kom tub ceev xwm coj kuv rov qab mus rau hauv chav kawm. Ob peb hnub tom qab ntawd, lawv rov qab coj kuv txiv thiab kuv tus txiv hlob tuaj hais kuv dua, thiab nkawv kuj kom kuv txiv quaj thiab tsim teeb meem rau kuv, thiab hais nws txoj kev chim siab uas cuam tshuam rau ntawm kuv xub ntiag, tab sis thaum kawg, lawv tej tswv yim dag siv tsis tau. Thaum pom Laj tag kev cia siab lawm, kuv thiaj li kaj siab lug tom qab qhov vam khom rau Vajtswv los mus kov yeej Ntxwgnyoog tej kev sim siab lawm.
Yuam kom yuam tau peb los kos npe rau “Peb Daim Ntawv” ntawd mas, tub ceev xwm kuj yuav tsum tau siv ib lub tswv yim uas ntxim ntxub thiab phem thiab. Muaj ib hmo thaj tsam li ib tag hmo ntawd, Viv Ncaus Txiab Xim Meej thiab kuv raug yuam kom sawv twj ywm uas yog ib qho kev raug txim rau ntawm tshav puam. Tom qab ntawd ob peb tug tub ceev xwm tau coj wb rov qab los rau hauv chav kawm. Ces Laj thiaj li sam hwm kom kuv thiab Xim Meej wb hle wb cov ris tsho. Kuv thiaj li xav tias, “Tej zaum nws xav tias wb hnav cov ris tsho sov dhau lawm,” yog li kuv tus viv ncaus thiab kuv thiaj li hle wb lub tsho loj. Xav tsis txog li, Laj thiab tus tub ceev xwm txawm luag. Tom qab ntawd, Laj sam hwm kom Xim Meej hle nws lub ris, tab sis nws tsis kam hle. Ces ib tug tub ceev xwm txawm rub thiab swb nws lub ris poob los txog ib nrab kiag. Nws rub rov qab rau, thiab tom qab ntawd tus tub ceev xwm ntawd txawm los hle kuv cov ris tsho thiab. Kuv peem tas zog kom txhob hle tau, yog li Laj thiaj co taub hau rau lwm tus tub ceev xwm uas yog txiv neej los pab rub kuv lub ris tawm. Nyob rau lub sij hawm no, Yaj taug kev los nqa ib lub fwj uas ntim ib tug poj kab laug sab tsos daj lis uas loj heev, muaj tes taws ntev ntev ncig rau hauv lub fwj. Yaj nqa lub fwj uas ntim tus poj kab laug sab, yoj nws mus los rau ntawm wb xub ntiag thiab hais tias, “Nej puas nyiam noj poj kab laug sab?” Yaj txawm tsawv nkaus tus poj kab laug sab ntawd tawm los thaum nws tseem tab tom tham lus, thiab nws muab lub fwj tso rau tom hau ntej ntawm wb qhov ncauj. Kuv mas qias tshaj, yog li kuv thiaj li tig kuv lub taub hau rov qab rau. Cov tub ceev xwm puav leej luag zom zaws. Ces Laj hais tias, “Muab tus poj kab laug sab tso rau hauv nkawv ob ceg, los sis tso rau saum nkawv hauv siab, los sis tso rau hauv nkawv qhov ncauj.” Kuv npau taws, ntxub, thiab ntshai heev. Yog lawv muab tus poj kab laug sab ntawd tso rau hauv kuv lub ris tiag tiag no kuv yuav ua li cas? Nyob rau lub sij hawm ntawd, kuv txawm cia li ras dheev tias txhua yam yeej nyob rau hauv Vajtswv ob txhais tes, nrog rau tus poj kab laug sab no tib si. Yog Vajtswv tsis tso cai, ces tus poj kab laug sab no yuav ua tsis tau dab tsi rau kuv. Kuv yuav hais kom meej meej txog qhov no, thiab txawm tub ceev xwm tau ua rau kuv txaj muag thiab tsim txom kuv rau hnub ntawd li cas los xij, kuv yuav tsis yeem swb rau Ntxwgnyoog. Yaj pheej tas zog rub tus poj kab laug sab ntawd tawm ntawm lub fwj los, tab sis nws muab tsis tau tawm los li. Thaum kawg nws muab tau tawm los lawm, ua ntej nws yuav nqa tus poj kab laug sab los rau ntawm wb, tus poj kab laug sab ntawd cia li poob ntav rau hauv piam teb lawm. Ib pliag tom qab ntawd, ces Laj thiaj li hais kom nws tsum. Kuv paub tias qhov no yog Vajtswv txoj kev tiv thaiv wb. Kuv pom tias txhua yam nyob rau hauv Vajtswv ob txhais tes. Nws yog nkaus li qhov Vajtswv hais tias, “Ib yam twg thiab txhua yam, tsis hais ciaj los sis tuag, yuav hloov, pauv, ua dua tshiab, thiab yaj ntshis mus raws li Vajtswv tej kev xav. Qhov no yog txoj kev uas Vajtswv tswj fwm tag nrho txhua yam” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Yog lub Hauv Paus ntawm Tib Neeg Txoj Sia). Tom qab ntawd, tub ceev xwm rov los hle wb cov ris tsho tawm dua, kuv tau hle tag nrho tsuas tshuav kuv tib lub ris tuaj sab hauv lawm xwb. Laj tom hniav nkawv thiab hais tias, “Hle lub ris ko tawm! Hle lub ris ko tawm rau kuv!” Kuv sib sib zog peem raws li qhov kuv ua tau. Xav txog qhov raug hle liab qab thiab raug ntsia, raug ua phem, thiab raug thuam los ntawm lawv ntawd ua rau kuv txhaj muag. Kuv yim xav txog qhov ntawd, ces yim ua rau kuv tsis kaj siab li. Nyob rau lub sij hawm ntawd, kuv txawm cia li ras dheev tias thaum xav zoo li no mas ua rau kuv yuav raug Ntxwgnyoog tej tswv yim dag tau yooj yim. Qhov tub ceev xwm hle wb cov ris tsho tawm ntawd mas ua pov thawj tias lawv phem npaum li cas. Yuav kom yuam tau tib neeg ntxeev siab rau Vajtswv, ces lawv yeej npaj txhij los ua txhua yam txhaum thiab phem. Kuv raug ua kom txaj muag thiab raug tsim txim vim ntseeg Vajtswv xwb. Qhov no yog ib yam muaj koob meej, thiab tsis muaj ib yam dab tsi yuav ua rau txaj muag li. Tswv Yexus tus duab uas raug ntsia rau saum tus ntoo khaub lig txhawm rau txoj kev txhiv dim tib neeg ntiaj teb dim ntawd tshwm los rau hauv kuv lub siab lub ntsws. Vajtswv mas siab tshaj thiab dawb huv, tiam sis Nws thev tej kev txaj muag no twj ywm los txhiv tib neeg ntiaj teb. Vajtswv tau them ntau yam heev rau tib neeg ntiaj teb lawm, ces kuv mob siab heev, yog li kuv thiaj li thov Vajtswv tias, “Vajtswv, hnub no txawm lawv yuav ua rau kuv txaj muag npaum li cas los xij los sis txawm kuv yuav thev qhov mob dab tsi los xij, kuv yeej yuav tsis ntxeev siab rau Koj li.” Ces kuv txawm ntsia tub ceev xwm npau taws ntsuav. Nws saib zoo li ua txhaum lawm, ces thiaj li cia wb hnav ris tsho thiab tawm mus lawm. Kuv ua Vajtswv tsaug tawm puag hauv kuv nruab siab los vim tau coj wb los kov yeej lwm qhov kev sim siab ntawm Ntxwgnyoog. Hnub ntawd, Laj hem kuv hais tias, “Tam sim no tsuas tshuav koj tib leeg lawm xwb uas yog tus tsis tau kos npe rau daim ntawv. Txhua tus paub tias yam zoo tshaj plaws rau lawv yog dab tsi, tab tsis koj tsis paub. Yog koj tsis kos npe, ces koj yuav yog tus ris txoj kev liam rau txhua tus!” Kuv tsis quav ntsej nws li. Nws thiaj li hais tag kev cia siab nrho hais tias, “Zoo, sawv cev tam rau Pawg Ntseeg ntawm Vajtswv Tus Uas Muaj Hwj Chim Loj Kawg Nkaus, koj yeej lawm! Koj yeej lawm! Zoo siab nawb!” Nws txawm tig los ntsia kuv ib vuag, sawv tsees, ces taug kev tawm ntawm lub qhov rooj mus lawm yam tag kev cia siab nrho. Thaum pom Ntxwgnyoog txaj muag thiab ua tsis tau, kuv thiaj li ua tsaug ntau ntau rau Vajtswv, kuv paub tias nws yog Vajtswv cov lus thiab lub zog uas Vajtswv muab rau kuv uas ua rau kuv muaj txoj kev ntseeg los txog qhov uas kuv nyob rau tam sim no, thiab kuv qhuas Vajtswv nyob rau hauv kuv lub siab!
Muaj ib hnub, Laj tham rau kuv ib tag kis nkaus, thiab nyob rau yav tav su dua ntawd, ces txhua tus neeg nyob ntawm lub chaw ntxuav hlwb uas saib xyuas kev tsim kho rau kuv sawv daws tau hais kom kuv kos npe rau “Peb Daim Ntawv.” Lawv hais tias, “Yog koj kos npe rau tam sim no, koj tseem muaj hwv tsam tawm tau, tab sis tom qab hnub no lawm ces koj yuav tsis tau txais lwm lub hwv tsam li lawm. Koj yuav raug rau txim yim mus txog kaum xyoo. Thaum koj tawm los ces koj yuav laus li cas lawm?” Kuv mloog lawv cov lus sim siab ntawd, tab sis kuv tsis quav ntsej li. Kuv tsuas xav tias lawv ruam thiab tsis muaj qab hau xwb, thiab tias lawv nkim lawv tej lus xwb. Kuv xav txog qhov, thaum lub sij hawm ntxuav kuv lub hlwb thiab tsim txom kuv, Vajtswv ib txwm nyob ntawm kuv ib sab ntsiag to, coj kuv kev mus nrog tas li li cas, yog li kuv yuav txhawj ua tus dab tsi mas? Qhov kuv yuav raug txim pes tsawg xyoo thiab yuav ntsib kev txom nyem ntau npaum li cas, tag nrho tej no puav leej raug tso cai los ntawm Vajtswv lawm. Txawm tias kuv yuav tsum tau thev kev nyuaj thiab ntsib kev txom nyem mus ntev li cas rau yav tom ntej los xij, kuv yeej txaus siab ua raws li Vajtswv tej kev coj kev qhia thiab tej kev npaj tseg, nrog rau qhov uas tuav tej lus tim khawv khov kho rau Vajtswv. Thaj tsam thaum tsaus ntuj, kuv txiv txawm cia li tuaj. Nws sib khom lus nrog Laj los ntev lawm, thiab thaum kawg thiaj li tau them tus nqi tab tso tawm uas yog 5,000 nyiaj suav, tom qab qhov ntawd ces lawv tso kuv tawm lawm. Tom qab ntawd, kuv paub tias kuv txiv ib tug phooj ywg raug xa mus ua hauj lwm rau tod thaum lub sij hawm tseem ntxuav hlwb rau kuv tod, yog li kuv txiv thiaj li muaj hwv tsam los them nyiaj tso kuv tawm. Kuv paub tias qhov no yog ib txoj kev npaj tseg ntawm Vajtswv tej kev npaj tseg uas phim hwj heev li. Tsis li ntawd ces, ua li cas tub ceev xwm yuav tso cov neeg uas tsis kam lees kos npe rau “Peb Daim Ntawv” tawm tau yooj yim ua luaj?
Tom qab raug qhov kev tsim txom thiab kev ceeb laj txom nyem loj no lawm, kuv thiaj li pom txoj kev ntse ntawm Vajtswv tes hauj lwm tiag tiag. Vajtswv siv tus zaj loj liab ploog txoj kev tsim txom los pab ua kom kuv to taub qhov tseeb thiab tau txais kev thoob tsib, nrog rau qhov ua kom kuv txoj kev ntseeg zoo tiav log. Txawm tias kuv nyob rau ib qho xwm txheej phom sij thiab tau ntsib kev hem, kev hawv, raug ntxuav hlwb, thiab tub ceev xwm tsim txom txhua hnub los xij, Vajtswv nyob ntawm kuv ib sab, qhia kom kuv paub thiab coj kuv kev los ntawm Nws cov lus, ua rau kuv kov yeej Ntxwgnyoog tej kev sim siab thiab tuav tej lus tim khawv khov kho rau Vajtswv. Kuv kuj pom Pawg Koom Tsham lub ntsej muag phem thiab qias neeg thiab nws lub ntsiab tseeb phem ntawm kev tawm tsam thiab kev ntxub Vajtswv du lug lawm, thiab kuv muaj peev xwm ntxub thiab tso tej ntawd tseg tau tawm puag hauv kuv nruab siab los. Nyob rau tib lub sij hawm ntawd, kuv kuj tau ntsib tau pom qhov muaj cai thiab lub hwj chim ntawm Vajtswv cov lus tiag tiag, thiab kuv pom tias txhua yam nyob rau hauv Vajtswv ob txhais tes, tias Vajtswv kav tag nrho txhua yam, thiab txawm tej zaum Ntxwgnyoog yuav tsiv tsaim npaum li cas los xij, nws tsuas yog ib qho twj siv nyob rau hauv Vajtswv txoj kev ua dej num xwb. Txawm tias kuv yuav ntsib kev phom sij thiab kev ceeb laj txom nyem loj rau yav pem suab ntau npaum li cas los xij, kuv yuav raws Vajtswv qab kom mus txog thaum kawg!
