70. Qhov Vajtswv Tshwm Los Ua Hauj Lwm nyob rau hauv Teb Chaws Suav Mas Tseem Ceeb Tshaj Plaws
Muaj ib hnub, kuv saib ib yeeb yam duab hu nkauj qhuas, “Vajtswv Tau Muab Nws lub Yeeb Koob Coj Mus rau sab Hnub Tuaj Lawm” uas raug kuv siab tiag tiag li. Lub ntsiab nkauj nyeem tias, “Kuv muab Kuv lub yeeb koob rau Yixayee thiab rov qab muab lub yeeb koob ntawd tshem tawm mus lawm, yog li thiaj li coj cov Yixayee mus rau Sab Hnub Tuaj, thiab kuj coj txhua tus tib neeg mus rau Sab Hnub Tuaj thiab, coj lawv txhua tus mus rau qhov kaj kom lawv thiaj li rov los sib sau tau ua ke nrog rau qhov kaj ntawd, thiab koom nrog qhov kaj ntawd, es tsis txhob tau tshawb nrhiav mus ntxiv lawm. Kuv yuav tsum ua li no es kom txhua tus uas tab tom nrhiav thiaj li rov pom qhov kaj ntawd dua, pom lub yeeb koob uas Kuv tau muab rau Yixayee lawm, pom hais tias Kuv ntshaw qhov no txij thaum nqis saum ib tauv huab dawb los nrog tib neeg nyob los lawm, thiab pom tej huab dawb uas suav tsis txheeb thiab tej txiv uas muaj nplua mias. Haj yam ntau tshaj ntawd, Kuv yuav tsum ua li ntawd kom lawv thiaj li pom Yixayee tus Vajtswv Yehauvas, pom cov Yudai tus ‘Tswv’, pom tus Mexiya uas tos ntsoov los tau ntev lawm, thiab pom tag nrho qhov Kuv tshwm los, uas yog Tus uas raug cov vaj ntxwv ntawm txhua tiam tsim txom. Kuv yuav ua hauj lwm rau tag nrho lub qab ntuj khwb thiab yuav ua hauj lwm zoo heev, nthuav tawm tag nrho Kuv lub yeeb koob thiab tag nrho Kuv tej kev ua rau tib neeg nyob rau tiam kawg, thiab nthuav Kuv lub ntsej muag uas muaj yeeb koob tawm rau tag nrho cov uas tau tos Kuv los tau ntau xyoo lawm ntawd, rau cov uas ntshaw kom Kuv los saum ib tauv huab dawb los, rau cov Yixayee uas nthsaw pom qhov Kuv tshwm los dua ib zaug ntxiv, thiab rau txhua tus tib neeg ntiaj teb uas tsim txom Kuv, es kom sawv daws thiaj li paub hais tias Kuv twb ntshaw qhov no txij thaum muab Kuv lub yeeb koob tshem tawm es muab coj mus rau Sab Hnub Tuaj lawm, thiab hais tias lub yeeb koob ntawd tsis nyob rau hauv Yudia lawm, vim tiam kawg twb los txog lawm!” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Xob Nroo Xya Suab—Qhia Txog Yav Tom Ntej Hais Tias Txoj Moo Zoo Ntawm Lub Nceeg Vaj Yuav Raug Nthuav Tawm Mus Thoob Qab Ntuj Khwb). Daim yeeb yaj duab no ua rau kuv ceeb tag li lawm tiag tiag. Vajtswv coj Nws lub yeeb koob tawm ntawm Yixayee mus rau sab Hnub Tuaj nyob rau tiam kawg. Nyob rau hauv Teb Chaws Suav, uas yog lub teb chaws tawm tsam Vajtswv heev tshaj li txhua lub teb chaws, Nws tau tshwm los ua Nws tes hauj lwm thiab nthuav qhov tseeb tawm los txeeb thiab cawm txhua tus tib neeg thoob plaws hauv lub qab ntuj khwb. Qhov no yog Vajtswv txoj kev muaj hwj chim loj kaug nkaus thiab txoj kev ntse. Nyob rau yav dhau los, kuv tsis paub Vajtswv tes hauj lwm. Raws li kuv tej kev xav phem mas, kuv xav tias tus Tswv yuav tshwmlos rau hauv Yixayee rau thaum Nws rov qab los. Tsuas yog tom qab kuv nyeem Vajtswv Tus Uas Muaj Hwj Chim Loj Kawg Nkaus cov lus lawm xwb ces kuv thiaj li to taub feem tseem ceeb tshaj ntawm Vajtswv qhov kev tshwm sim thiab tes hauj lwm nyob rau hauv Teb Chaws Suav.
Kuv nrhiav tau kev ntseeg tus Tswv nyob rau xyoo 1997 lawm, thiab kuv yog ib tug uas mob siab nrhiav. Thaum twg kuv muaj sij hawm kuv yeej mus pab ua hauj lwm dawb rau tim pawg ntseeg, thiab kuv yeej muab ib feem kaum xwm yeem txhua hli. Nyob rau hauv lub Plaub Hlis xyoo 2011 ntawd, kuv tau los ua hauj lwm nyob rau Kaum Lim Qab Teb, thiab txawm kuv ua hauj lwm khwv npaum li cas los xij, kuv tseem mus koom kev pe hawm rau hnub xya thiab. Tab sis tus xib fwb tej lus qhuab qhia mas yeej ib txwm zoo tib yam li qhov qub tas li xwb. Cov neeg tuaj koom ncaws hau los sis yeej kawg ib tug tham rau ib tug xwb. Tsis muaj kev xyiv fab los sis kev txhawb zog hlo li. Sij hawm dhau mus, ces kuv txawm tso tseg tsis xav mus ua dej num lawm. Tab sis vim kuv yog ib tug Khixatia lawm, ces qhov kuv tsis mus koom ntawd ua rau kuv xav tias tsis yog lawm. Yog li kuv thiaj li yuam kuv tus kheej kom mus ntxiv.
Tom qab ntawd, muaj ib hnub, kuv txawm cia li mus ntsib kuv ib tug ntawm kuv cov phooj ywg qub hauv pawg ntseeg. Nws tau caw kuv mus rau tim nws tsev thiab nws tus phooj ywgAunre kuj mus thiab. Yog thawj zaug uas peb tau sib ntsib, tab sis peb cia li sib raug zoo kiag tam sim ntawd. Peb txawm sib tham txog peb tej xwm txheej thiab kuj hais txog txoj kev kho siab zim nyob hauv pawg ntseeg. Aunre thiaj li qhia rau kuv txog txoj kev kho siab zim nyob rau hauv pawg ntseeg uas feem ntau yog vim Vajtswv tab tom ua tes hauj lwm tshiab, thiab Vajntsujplig tes hauj lwm tau hloov lawm, thiab tias peb yuav tsum zoo li cov nkauj xwb ntse, nrhiav Vajtswv qhov kev tshwm sim thiab tes hauj lwm, thiab mloog Nws lub suab, kom thiaj li tau txais tos tus Tswv thiab tau txais kev txhawb zog ntawm cov dej muaj sia. Kuv pom tias qhov nws hais ntawd mas hais tau tseeb heev lawm. Tom qab ntawd, Aunre txawm hais tias: “Tswv Yexus twb rov qab los lawm, Nws twb yug los ua neeg nyob rau hauv cev nqaij daim tawv ua Vajtswv Tus Uas Muaj Hwj Chim Loj Kawg Nkaus lawm, thiab tau tshwm los ua Nws tes hauj lwm hauv Teb Chaws Suav, nthuav qhov tseeb tawm thiab ua tes dej num ntawm kev txiav txim uas pib ntawm Vajtswv lub tsev los mus cawm thiab ntxuav tib neeg kom dawb huv tag nrho. Vajtswv Tus Uas Muaj Hwj Chim Loj Kawg Nkaus tau pib Tiam Lub Nceeg Vaj thiab tau xaus Tiam Hmoov Hlub lawm. Tag nrho cov uas lees txais Nws tes hauj lwm nyob rau tiam kawg yog cov nkauj xwb ntse tau muab coj los rau ntawm Vajtswv lub zwm txwv xub ntiag; lawv tab tom txais txoj kev npaj ntawm Vajtswv txoj lus thiab tab tom koom tus Me Nyuam Yaj rooj tshoob.” Kuv mas yoob tag rau qhov Aunre hais ntawd thiab ua rau ntseeg nws nyuaj kawg li tias: “Tus Tswv twb rov qab los lawm lod? Thiab Nws tau los rau Teb Chaws Suav lawm lod? Nyob rau lub sij hawm ntawm Phau Vajluskub Qub thiab Tshiab ntawd, Vajtswv ua Nws tes hauj lwm nyob rau hauv Yixayee, thiab hais nyob rau hauv phau Valuskub tias: ‘Thiab nyob rau hnub ntawd Nws ob txhais ko taw yuav sawv rau saum lub roob Txiv Aulib, uas nyob ntawm lub nroog Yeluxalees hauv ntej mus sab hnub tuaj, thiab lub roob Txiv Aulib ntawd yuav tawg ua ob sab ib sab mus rau sab hnub tuaj hos ib sab mus rau sab hnub poob, thiab yuav muaj ib lub vos hav loj heev; thiab lub roob ntawd ib nrab yuav txav mus rau sab qaum teb, thiab ib nrab mus rau sab qab teb’ (Xekhaliya 14:4). Nyob rau tiam kawg, tus Tswv yuav tsum los txog rau hauv Yixayee rau saum lub Roob Txiv Ntoo Roj. Nws los rau hauv Teb Chaws Suav tau li cas?” Kuv txawm qhia qhov kuv paub tsis tseeb rau Aunre.
Nws tsuas luag nyav thiab hais tias: “Cov lus faj lem uas hais txog qhov tus Tswv rov qab los ntawd mas puav leej yog cov lus zais tob heev. Peb tsis tuaj yeem nkag siab cov lus faj lem ntawd lub ntsiab kom mus txog rau thaum cov lus faj lem ntawd tiav lawm thiab peb pom tias Vajtswv tau ua Nws tes hauj lwm li cas lawm—ces tsuas yog thaum ntawd xwb txhua tus thiaj li tuaj yeem to taub tias cov lus faj lem no txhais tau li cas. Peb yuav tsum txhob txwv Vajtswv tes hauj lwm uas yog siv lub ntsiab ncaj ncaj ntawm cov lus faj lem, uas raws li peb tej kev xav phem thiab tej kev xav hauv nruab siab xwb, vim hais tias yog ua li ntawd ces peb yeej yuav tawm tsam Vajtswv xwb xwb li. Muab cov Falixais ua piv txwv. Lawv saib rau ntawm lo lus faj lem txog qhov tus Mexiyas los, tuav rawv rau lo lus faj lem ntawd lub ntsiab uas ncaj ncaj xwb, xav tias thaum tus Tswv los ces Nws yuav raug hu ua Mexiyas. Vim li ntawd, thaum Tswv Yexus los es Nws tsis yog hu ua Mexiyas, ces lawv thiaj li xav tias qhov ntawd tsis haum li lub ntsiab lus ntawm lo lus faj lem lawm, ces lawv puav leej tsis kam lees thiab tawm tsam Tswv Yexus. Tsis tseem ceeb tias Tswv Yexus yuav muaj cai thiab hwj chim npaum li cas li—lawv yeej tsis lees txais qhov ntawd, ces thaum kawg thiaj li tau muab Nws ntsia rau saum tus ntoo khaub lig lawm. Vajtswv thiaj li foom phem thiab rau txim rau lawv. Yog peb txwv Vajtswv tes hauj lwm raws li lub ntsiab lus uas ncaj ncaj ntawm cov lus faj lem nyob hauv phau Vajluskub, thiab tsis tshuaj xyuas qhov tseeb txoj Vajtswv qhov kev tshwm sim thiab tes hauj lwm li, ces peb yeej yuav yuam kev tib yam li cov Falixais xwb xwb li. Nyob rau tiam kawg, Vajtswv Tus Uas Muaj Hwj Chim Loj Kawg Nkaus ua tes dej num ntawm kev txiav txim uas pib ntawm Vajtswv lub tsev mus, nthuav tawm txhua qhov tseeb uas cawm thiab ntxuav tib neeg kom dawb huv, zoo li ib lub teeb ci ntsa iab tshwm nyob rau Sab Hnub Tuaj. Tsuas yog tau 20 tawm xyoo xwb, Vajtswv Tus Uas Muaj Hwj Chim Loj Kawg Nkaus tes hauj lwm nyob rau tiam kawg twb raug tshaj tawm mus thoob plaws Teb Chaws Suav lawm, thiab tam sim no haj tseem nthuav dav mus rau lwm haiv neeg thoob plaws hauv lub ntiaj teb lawm thiab. Txoj Lus Tshwm Hauv Lub Cev Nqaij Daim Tawv, uas yog ib qho khaws Vajtswv Tus Uas Muaj Hwj Chim Loj Kawg Nkaus cov lus cia ua ke, twb raug muab txhais tshaj li 20 hom lus lawm, thiab raug muab tshaj tawm nyob os lai kom tib neeg tag nrho hauv ntiaj teb los mus nrhiav thiab tshuaj xyuas. Vajtswv Tus Uas Muaj Hwj Chim Loj Kawg Nkaus tes hauj lwm raug tshaj tawm mus zoo li xob laim, ci ntsa iab ntawm Sab Hnub Tuaj mus rau Sab Hnub Poob, deeg daws tag nrho lub ntiaj teb thiab muaj tiav raws li Tswv Yexus cov lus faj lem tag nrho lawm: ‘Xob laim tim sab hnub tuaj tuaj, thiab ci mus txog ntua rau sab hnub poob; yog li thaum Neeg Leej Tub los kuj yuav zoo ib yam nkaus li’ (Mathai 24:27). Thiab nws kuj muaj tiav raws li cov lus faj lem nyob rau hauv Phau Malakhi 1:11 lawm thiab: ‘Vim rau qhov txij thaum hnub tuaj mus txog ntua rau hnub poob Kuv lub npe yuav nrov ncha moog lug rau ntawm Lwm Haiv Neeg, Yehauvas tus uas muaj hwj chim loj kawg nkaus hais li ntawd ntag.’” Thaum hnov li no, thiaj nco tau kiag tam sim ntawd: Tus Tswv twb rov qab los rau hauv Teb Chaws Suav lawm, tsis yog Yixayee, thiab phau Valuskub twb muab qhov no hais ua lus faj lem ntev heev los lawm.
Txuas ntxiv ntawd, Aunre tau nyeem ib zaj lus ntawm Vajtswv Tus Uas Muaj Hwj Chim Loj Kawg Nkaus cov lus rau kuv mloog tias, “Qhov tseeb, Vajtswv yog Tus Tswv ntawm txhua yam. Nws yog tus Vajtswv ntawm txhua yam uas tsim los. Nws tsis yog tsuas yog cov neeg Yixayee thiab cov neeg Yudais tus Vajtswv xwb; Nws yog tus Vajtswv ntawm txhua yam uas tsim los. Ob theem dhau los ntawm Nws tes dej num tau tshwm sim nyob rau hauv teb chaws Yixayee, uas tau tsim qee qhov kev xav tsis meej rau tib neeg. Lawv ntseeg tias Yehauvas tau ua Nws tes dej num hauv teb chaws Yixayee, hais tias Yexus Tus Kheej tau ua Nws tes dej num hauv lub xeev Yudas, thiab ntxiv mus, tias Nws tau yug los ua neeg los ua hauj lwm—thiab txawm li cas los xij, tes dej num no tsis mus tsis dhau ntawm teb chaws Yixayee. Vajtswv tsis tau ua hauj lwm hauv teb chaws Iyiv los sis teb chaws Isdias; Nws tsuas yog ua hauj lwm nyob rau hauv cov neeg Yixayee xwb. Yog li tib neeg tsim ntau yam kev xav, thiab cais Vajtswv tes dej num nyob hauv qee qhov kev paub. Lawv hais tias thaum Vajtswv ua hauj lwm, Nws yuav tsum ua rau hauv cov neeg xaiv tseg, thiab hauv teb chaws Yixayee; cawm rau cov neeg Yixayee, Vajtswv tsis ua hauj lwm rau lwm haiv neeg, los sis tsis muaj ib yam dab tsi tseem ceeb tshaj rau Nws tes dej num. Lawv nruj tshwj xeeb tshaj yog thaum hais txog kev ua kom Vajtswv yug los ua neeg los rau tib qho, thiab tsis tso cai rau Nws hla dhau ntawm cov ciam teb ntawm teb chaws Yixayee. Cov no tsis yog tib neeg cov kev xav xwb lod? Vajtswv tsim lub ntuj thiab lub ntiaj teb thiab txhua yam, Nws tsim txhua yam uas tsim los, yog li cas Nws thiaj txwv cia Nws tes dej num ua rau hauv teb chaws Yixayee xwb? Yog muaj tseeb li ntawd, yam dab tsi uas yog lub ntsiab ua rau Nws tsim txhua yam uas tsim los? Nws tsim lub ntiaj teb tag nrho, thiab Nws tau ua Nws txoj kev npaj cawm neeg ntiaj teb rau-txhiab-xyoo uas tsis yog nyob hauv teb chaws Yixayee nkaus xwb, tab sis nyob rau txhua tus neeg hauv qab ntuj khwb. …Yog tias Vajtswv yuav ua raws li tib neeg cov kev xav, Nws tsuas yog cov neeg Yixayee tus Vajtswv xwb, thiab yog li ntawd yuav tsis muaj peev xwm txuas ntxiv Nws tes dej num mus rau Lwm Haiv Neeg, vim Nws tsuas yog cov neeg Yixayee tus Vajtswv xwb thiab tsis yog tus Vajtswv ntawm txhua yam uas tsim los. Cov lus faj lem hais tias Yehauvas lub npe yuav nrov ncha mus rau Lwm Haiv Neeg, uas nws yuav nthuav mus rau Lwm Haiv Neeg. Vim li cas qhov no ho tau muab hais ua lus faj lem tseg? Yog tias Vajtswv tsuas yog cov neeg Yixayee tus Vajtswv xwb, ces Nws tsuas yog ua hauj lwm rau hauv teb chaws Yixayee xwb. Tsis tas li ntawd, Nws yuav tsis nthuav tawm tes dej num no, thiab Nws yuav tsis hais qhov lus faj lem zoo li no. Vim tias Nws tau hais qhov lus faj lem no, Nws yuav nthuav Nws tes dej num mus rau Lwm Haiv Neeg, hauv txhua lub teb chaws thiab txhua thaj av. Vim Nws tau hais li no, Nws yuav tsum ua; nov yog Nws txoj hau kev, vim Nws yog tus Tswv uas tsim lub ntuj thiab lub ntiaj teb thiab ib puas tsav yam, thiab yog tus Vajtswv ntawm txhua yam uas tsim los. Txawm hais tias Nws ua hauj lwm rau hauv cov neeg Yixayee, los sis thoob plaws lub xeev Yudas, tes dej num Nws ua yog tes dej num ntawm tag nrho lub qab ntuj khwb, thiab tes dej num ntawm txhua tus tib neeg. Tes dej num Nws ua niaj hnub no uas nyob hauv lub teb chaws ntawm tus zaj loj liab ploog—hauv haiv neeg Txawv Teb Chaws—tseem yog tes dej num ntawm txhua tus tib neeg. Teb chaws Yixayee tuaj yeem yog lub hauv paus rau Nws tes dej num hauv ntiaj teb; tib yam nkaus li, Suav Teb kuj tuaj yeem yog lub hauv paus rau Nws tes dej num ntawm Lwm Haiv Neeg. Tam sim no puas yog Nws tseem tsis tau ua tiav lo lus faj lem tias ‘lub npe ntawm Yehauvas yuav raug qhuas nyob hauv Lwm Haiv Neeg?’” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Yog Tus Tswv ntawm Txhua Yam uas Tsim Los).
Tom qab nyeem Vajtswv Tus Uas Muaj Hwj Chim Loj Kawg Nkaus cov lus lawm, Aunre txawm qhia tias: “Vajtswv yog tus Tswv uas tsim txhua yam, Nws kav tag nrho lub qab ntuj khwb thiab tswj tag nrho tib neeg txoj hmoo. Vajtswv tsis yog tus Vajtswv cov Yixayee nkaus xwb, tab tsis Nws haj tseem yog tus Vajtswv uas tsim txhua yam thiab. Vajtswv muaj cai los ua Nws tes hauj lwm nyob rau hauv ib lub teb chaws twg thiab rau ntawm ib haiv neeg twg los tau. Tab sis txawm tias Nws yuav tshwm los thiab ua hauj lwm nyob rau hauv lub teb chaws twg los xij, Nws tes hauj lwm yog ua ncaj nraim mus rau txhua tus tib neeg, thiab kom coj tau lawv mus rau lawv txoj kev vam meej. Piv txwv li yyob rau hauv Tiam Muaj Kev Cai ntawd, Vajtswv Yehauvas ua hauj lwm nyob rau hauv Yixayee, tshaj tawm Nws txoj cai thiab pib Tiam Muaj Kev Cai. Tom qab ntawd, siv daim av no ua ib lub chaw, ces Nws mam li maj mam nthuav Nws tes hauj lwm dav mus rau lwm daim av, kom txhua lub teb chaws thiab txhua haiv neeg thiaj li yuav hwm Nws lub npe tias yog tus loj tshaj. Nyob rau hauv Tiam Hmoov Hlub mas, Tswv Yexus ua tes hauj lwm ntawm kev txhiv dim nyob rau hauv Yudias xwb. Tab sis Tswv Yexus tsis yog tsuas txhiv cov neeg Yudais xwb, Nws txhiv txhua tus tib neeg. Tam sim no, tau ob txhiab xyoo tom qab ntawd lawm, Tswv Yexus txoj moo zoo raug tshaj tawm mus rau txhua ceg kaum ntawm lub ntiaj teb lawm. Nyob rau hauv tiam kawg, Vajtswv Tus Uas Muaj Hwj Chim Loj Kawg Nkaus twb los lawm thiab Nws tshwm los thiab pib ua hauj lwm nyob rau hauv Teb Chaws Suav ua ntej yuav nthuav qhov ntawd kom dav mus thoob plaws lub qab ntuj khwb. Tam sis no Vajtswv Tus Uas Muaj Hwj Chim Loj Kawg Nkaus cov lus thiab tes hauj lwm mas zoo npaum li ib lub teeb ci ntsa iab tuaj Sab Hnub Tuaj tuaj, raug tshaj tawm thiab ua tim khawv rau ntawm txhua lub teb chaws nyob rau Sab Hnub Poob lawm. Tib neeg coob heev tau hnov Vajtswv lub suab nyob rau hauv Vajtswv Tus Uas Muaj Hwj Chim Loj Kawg Nkaus cov lus, thiab tau los rau ntawm Vajtswv lub zwm txwv xub ntiag los los lees txais kev txiav txim thiab kev ntxuav kom dawb huv ntawm Nws cov lus lawm. Peb pom tau tias txawm yog tiam twg los xij, thaum Vajtswv txiav txim siab los ua hauj lwm nyob rau ntawm ib haiv neeg los sis nyob hauv ib lub teb chaws, Nws ib txwm xaiv ib qho chaw los ua hauj lwm ua ntej ces tom qab ntawd, uas yog siv qhov chaw no los ua ib tug qauv, mam li maj mam nthuav Nws tes hauj lwm kom dav mus rau lwm qhov chaw mus ua kom tiav Nws tes hauj lwm cawm tib neeg. Qhov no yog lub hauv paus ntsiab lus txhawb Vajtswv tes hauj lwm. Yog peb mus raws li peb tej kev xav phem thiab tej kev xav hauv nruab siab xwb, uas yog xav tias vim Vajtswv ua hauj lwm rau hauv Yixayee nyob rau Tiam Muaj Kev Cai thiab Tiam Hmoov Hlub xwb, ces Vajtswv yuav tsum yog tus Vajtswv ntawm Yixayee xwb, txoj moo zoo tsuas tawm tau ntawm Yixayee mus xwb, cov neeg Yixayee thiaj li yog cov neeg uas Vajtswv xaiv xwb thiab tsuas yog cov neeg no xwb thiaj li tsim nyog tau txais Vajtswv cov koob hmoov xwb, thiab Vajtswv yuav tsis tshwm los ua hauj lwm nyob rau hauv Lwm Haiv Neeg Li, ces tsis yog peb txwv Vajtswv lod? Vajtswv hais tias, ‘Lub npe ntawm Yehauvas yuav raug qhuas nyob hauv Lwm Haiv Neeg,’ yog li ces qhov no yuav ua tau tiav thiab muaj tiav tau li cas? Vajtswv los ua cev nqaij daim tawv nyob rau tiam kawg thiab ua Nws tes hauj lwm nyob hauv Teb Chaws Suav, ib lub teb chaws uas kav los ntawm txoj kev tsis ntseeg Vajtswv, rhuav tshem tib neeg tej kev xav phem. Nws tseem qhia tawm tias Nws tsis ua hauj lwm mus raws li cov kev cai xwb, tab sis mus raws li Nws tus kheej txoj kev npaj ua. Nws kuj qhia tawm rau peb tias tsis yog Nws tsuas cawm cov neeg Yixayee xwb, tab sis kuj cawm lwm haiv neeg thiab, thiab tias Nws tsis yog cov neeg Yixayee tus Vajtswv xwb, tab sis yog tus Vajtswv ntawm txhua haiv neeg. Nws yog tus Vajtswv ntawm txhua tus uas raug tsim tawm los. Vajtswv tshwm los ua hauj lwm rau ntawm qhov chaw twg los xij, qhov ntawd tseem ceeb tas li, thiab Nws ib txwm xaiv lub chaw uas yuav pab cawm tib neeg kom tau zoo tshaj plaws rau lub hom phiaj.”
Aunre qhov kev qhia ua rau kuv txaj muag heev. Kuv tsis to taub Vajtswv tiag tiag li. Thaum paub tias Vajtswv ua Nws tes hauj lwm nyob rau Tiam Muaj Kev Cai thiab Tiam Hmoov Hlub nyob rau huav Yixayee, ces kuv thiaj li xav tias Vajtswv tsuas tshwm los ua hauj lwm nyob rau hauv Yixayee xwb. Yog Vajtswv ua Nws tes hauj lwm nyob rau hauv Yixayee dua rau tiam kawg, ces kuv haj yam yuav txwv Nws mus ntxiv vim yog tus Vajtswv ntawm haiv neeg Yixayee, thiab tias yuav tsis kam lees txais Vajtswv los ua Tswj Kav txhua tus tib neeg ntiaj teb! Qhov chaws twg uas Vajtswv tshwm los ua Nws tes hauj lwm mas yeej ib txwm yog ib qho kev tig xav txog Nws txoj kev npaj ua thiab Nws txoj kev ntse. Peb tsis tsim nyog tawm tswv yim rau Vajtswv tes hauj lwm, haj yam tsis tsim nyogtxwv Nws tes hauj lwm li thiab. Tab sis kuv tseem muaj qee qhov kev tshwj tseg. Teb Chaws Sauv yog ib lub teb chaws tswj kav los ntawm ib lub tsoom fwv uas tsis ntseeg tias muaj Vajtswv. Nws yog ib lub teb chaws uas phem tshaj plaws vim tsis kam lees txais thiab tawm tsam Vajtswv. Yog Vajtswv tsis npaj siab tshwmlos ua hauj lwm nyob rau hauv Yixayee, vim li cas Nws ho tsis ua hauj lwm nyob rau hauv cov teb chaws zoo li Teb Chaws Meskas los sis Teb Chaws As Kiv, uas Kev Ntseeg feem yog txoj kev ntseeg uas tseem ceeb? Vim li cas Nws thiaj li xaiv ua Nws tes hauj lwm nyob rau txhua qhov txhia chaw hauv Teb Chaws Suav mas? Kuv nug cov lus nug no rau Aunre. Ces Aunre txawm hais tias, “Vajtswv Tus Uas Muaj Hwj Chim Loj Kawg Nkaus twb hais meej tseeb txog qhov no lawm. Vajtswv Tus Uas Muaj Hwj Chim Loj Kawg Nkaus hais tias: ‘Tes hauj lwm ntawm Yehauvas yog kev tsim lub ntiaj teb, nws yog qhov chiv keeb; theem no ntawm tes hauj lwm yog qhov kawg ntawm tes hauj lwm, thiab nws yog qhov xaus kiag. Nyob rau thaum pib, Vajtswv tes hauj lwm mas yog ua los ntawm cov xaiv tseg nyob rau hauv Yixayee, thiab nws yog qhov pib kiag ntawm ib tiam tshiab nyob rau hauv qhov chaw uas dawb huv tshaj plaws ntawm txhua qhov. Theem kawg ntawm tes hauj lwm ces yog ua nyob rau hauv lub teb chaws uas tsis dawb huv tshaj txhua lub teb chaws li, los txiav txim rau lub ntiaj teb thiab coj tiam ntawd los rau ib qhov chaw xaus. Nyob rau ntawm theem thib ib, Vajtswv tes hauj lwm yog ua nyob rau hauv qhov chaw uas kaj tshaj txhua txhia qhov, thiab theem kawg ces yog ua nyob rau hauv qhov chaw uas tsaus tshaj txhua txhia qhov chaw, thiab qhov kev tsaus ntuj no yuav raug ntiab tawm mus, qhov kev kaj yuav tshwm tuaj, thiab tag nrho cov neeg yuav raug txeeb tau. Thaum cov neeg ntawm qhov chaw uas tsis dawb huv tshaj thiab tsaus tshaj txhua txhia qhov chaw no tau raug txeeb tau lawm, thiab tag nrho cov pej xeem tau lees paub hais tias muaj ib tug Vajtswv, tus uas yog tus Vajtswv tiag, thiab txhua tus neeg tau ntseeg lawm, ces qhov tseeb no yuav raug siv los ua qhov kev txeeb tau thoob plaws lub qab ntuj khwb. Theem no ntawm tes hauj lwm mas yog ua ib qho cim xwb: Thaum uas tes hauj lwm ntawm tiam no raug ua tiav tag lawm, tes hauj lwm rau txhiab xyoo ntawm kev cawm tib neeg yuav los rau qhov xaus tag nrho. Thaum cov nyob rau hauv qhov chaw uas tsaus ntuj tshaj plaws ntawd raug txeeb tau lawm, ces nws kuj hais tau tias yuav zoo li ntawd rau txhua txhia qhov chaw thiab. Zoo li ntawd, tsuas yog qhov kev txeeb tau nyob rau hauv Suav Teb xwb thiaj li muaj ib qho cim uas muaj qab hau. Suav Teb muaj tag nrho txhua yam ntawm txoj kev tsaus ntuj, thiab cov neeg hauv Suav Teb sawv cev rau tag nrho cov uas muaj cev nqaij daim tawv, ntawm Ntxwgnyoog, thiab muaj cev nqaij daim tawv thiab roj ntsha. Nws yog cov neeg Suav uas yog cov uas raug ua qias vuab tsuab tshaj plaws los ntawm tus zaj loj liab ploog, tus uas muaj kev tawm tsam loj tshaj plaws rau Vajtswv, cov uas lawv txoj kev ua neeg ces yog qhov poob qis tshaj plaws thiab tsis dawb huv tshaj plaws, thiab lawv yog tus tseem tseem qauv rau tag nrho tej tib neeg qias vuab tsuab. … Nws yog nyob rau hauv cov neeg hauv Suav Teb uas muaj kev qias vuab tsuab, kev tsis dawb huv, kev tsis ncaj ncees, kev tawm tsam, thiab kev ntxeev siab tshwm sim tuaj tag nrho thiab nthuav tawm zoo li cas los muaj tag nrho li. Nyob rau ib sab tes, ces lawv yog cov muaj peev xwm qis, thiab nyob rau lwm sab tes, ces lawv lub neej thiab txoj kev xav mas tig rov qab lawm, thiab lawv tej cwj pwm, ib ncig ntawm kev thooj zej koom zos, tsev neeg ua yug rau—tag nrho ces puav leej txom nyem thiab tig rov qab deb heev. Lawv lub meej mom, los ib yam nkaus li, yeej poob qis thiab. Tes hauj lwm nyob rau qhov chaw no thiaj li yog ib qho ntaus cim sawv cev lwm qhov, thiab tom qab tes hauj lwm sim ua no raug ua tiav tag nrho lawm, Vajtswv tes hauj lwm tom qab ntawd yuav yooj yim dua lawm. Yog hais tias kauj ruam no ntawm tes hauj lwm muab ua tau tiav hlo lawm, ces tes hauj lwm tom qab ces yeej cia li ua tau mus tus yees lawm xwb. Thaum kauj ruam no ntawm tes hauj lwm raug ua tiav hlo lawm, ces qhov ua tau zoo tshaj plaws ntawd yeej raug ua tau tag nrho lawm, thiab kev txeeb tau thoob plaws lub qab ntuj khwb yuav los txog rau qhov xaus tag nrho. Qhov tseeb, thaum tes hauj lwm nrog nej tau muab ua tiav hlo lawm, qhov no ces yuav cuag nkaus li qhov kev ua tiav thoob plaws lub qab ntuj khwb lawm. Qhov no yog qhov tseem ceeb uas vim li cas Kuv ho kom nej ua tus qauv xyaum raws thiab tus qauv piv txwv. Kev ntxeev siab, kev tawm tsam, kev tsis dawb huv, kev tsis ncaj ncees—tag nrho ces yeej pom muaj nyob rau hauv cov neeg no, thiab nyob rau hauv lawv ces yeej sawv cev rau tag nrho tej kev ntxeev siab ntawm noob neej. Lawv mas thiaj tseem tseem yog tej yam dab tsi tiag. Yog li ntawd, lawv thiaj li raug muab coj los ua tus qauv rau qhov kev txeeb tau, thiab thaum uas lawv raug txeeb tau lawm ces lawv yuav cia li rais mus ua ib co qauv piv txwv thiab qauv xyaum raws rau lwm tus’ (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Lub Zeem Muag ntawm Vajtswv Tes Hauj Lwm (2)). Peb tuaj yeem pom los ntawm Vajtswv cov lus los tias Vajtswv xaiv qhov chaw thiab lub hom phiaj ntawm Nws tes hauj lwm hauv txhua theem raws li qhov tim tsum ntawm Nws tes hauj lwm. Qhov ntawd ib txwm muaj lub ntsiab lus tshwj xeeb tas li, thiab ib txwm txhawb txoj kev cawm tib neeg ntiaj teb tas li. Piv txwv li, Vajtswv ua thawj ob theem ntawm tes hauj lwm nyob rau hauv Yixayee vim hais tias cov Yixayee yog cov neeg Vajtswv xaiv. Lawv ntseeg thiab pe hawm Vajtswv, lawv muaj kev ntshai Vajtswv nyob hauv lawv lub siab thiab yog cov qias vuab tsuab tsawg tshaj plaws ntawm tag nrho cov tib neeg ntiaj teb. Yog li ntawd qhov ntawd thiaj li yog qhov yooj yim tshaj plaws rau Vajtswv los tsim ib pawg neeg uas peb hawm Vajtswv ua qauv los ntawm qhov ua hauj lwm ua ke nrog lawv. Thiab qhov ua li no, Vajtswv tes hauj lwm thiaj li yuav tshaj tawm mus tau sai dua thiab du dais kom tag nrho cov tib neeg thiaj li kawm paub txog qhov muaj Vajtswv thiab tes hauj lwm thiab haj tseem yuav muaj tib neeg coob los rau ntawm Vajtswv xub ntiag thiab txais Nws txoj kev cawm dim. Vajtswv ob theem xub thawj ntawm tes hauj lwm ntawd raug ua tiav nyob rau hauv Yixayee mas yog lub cim tiag. Vajtswv xaiv tag nrho Yixayee mus raws li tej kev tim tsum ntawm Nws tes hauj lwm. Nyob rau tiam kawg, Vajtswv ua tes dej num ntawm kev txiav txim thiab kev ntxuav kom dawb huv. Nws nthuav tawm qhov tseeb los txiav txim thiab qhia tib neeg txoj kev qias vuab tsuab thiab kev tsis ncaj ncees tshwm, qhia tawm Nws tus moj yam ncaj ncees, chim siab thiab ua txhaum tsis tau rautxhua tus neeg pom. Yog li Nws yuav tsum xaiv cov neeg qias vuab tshuab tshaj plaws, cov neeg tawm tsam Vajtswv tshaj plaws los ua qauv piv txwv. Tsuas yog ua li ntawd xwb mas thiaj li ua Vajtswv tes hauj lwm tau tiav hlo kom zoo tshaj plaws. Raws li txhua tus paub, hais txog txhua tus neeg, ces cov Neeg Suav tau raug Ntxwgnyoog ua qias vuab tsuab ntau tshaj plaws lawm. Lawv yog haiv neeg tsis vam meej, tsis dawb huv, qis heev, tsis kam lees txais Vajtswv, thiab tawm tsam Vajtswv tshaj plaws nyob rau ntawm txhua tus neeg. Lawv yog tus qauv ntawm txhua tus neeg qias vuab tsuab. Los ntawm qhov ua tes dej num ntawm kev txiav txim nyob rau hauv Teb Chaws Suav, thiab tsom ntsoov rau cov Neeg Suav uas muaj tus moj yam qias vuab tsuab, Vajtswv thiaj li nthuav tib neeg ntiaj teb tawm tau txhij txhua thiab meej tshaj plaws thiab qhov tseeb uas Nws nthuav tawm ntawd yog qhov tiav log tshaj plaws thiab muaj peev xwm nthuav tawmm Nws tus moj yam dawb huv thiab ncaj ncees tau tshaj plaws. Vajtswv siv qhov tseeb uas raug nthuav tawm los ntawm Nws tes hauj lwm rau cov Neeg Suav uas raug xaiv tseg los mus txeeb thiab cawm txhua tus tib neeg ntiaj teb thiab ua kom lawv pom Nws tus moj yam dawb huv thiab ncaj ncees, kom lawv sawv daws thiaj li los rau ntawm Vajtswv xub ntiag los qhuas Nws. Qhov no yog txoj kev ntse ntawm Vajtswv tes hauj lwm. Yog Vajtswv ua tau kom cov neeg qias vuab tsuab tshaj plaws ntawd tau txhua yam puv npo, ces qhov ua kom lwm tus tau txhua yam puv npomas yog ib qho tseem ceeb thiab Ntxwgnyoog yuav swb du lug. Los ntawm qhov ua hauj lwm nyob rau hauv Teb Chaws Suav, Vajtswv yuav tau txais cov lus tim khawv nrov tshaj plaws thiab lub yeeb koob loj tshaj plaws. Yog Vajtswv tes hauj lwm ntawm tiam kawg raug ua tiav nyob rau hauv Yixayee los sis rau ntawm cov teb chaws uas feem ntau yog neeg Khixatia zoo li Teb Chaws Meskas los sis Teb Chaws As Kiv, ces yuav ua tsis tau lub hom phiaj kawg ntawm kev txeeb thiab kev cawm txhua tus tib neeg ntiaj teb tiav. Yog li ntawd raws li kev tim tsum ntawm tes dej num ntawm kev txiav txim, Vajtswv thiaj li tau tshwm los thiab tab tom ua hauj lwm nyob rau hauv Teb Chaws Suav, uas yog qhov muaj txiaj ntsim tshaj plaws. Vim lub hom phiaj thiab thaj chaw ntawm Vajtswv tes hauj lwm thiab tej yuav ua tau los thaum kawg nyob rau hauv txhua theem, ces peb pom tau tias Vajtswv tes hauj lwm mas ntse thiab phim hwj tiag tiag li!” Thaum hnov li no, kuv thiaj li hais zoo siab hlo tias, “Yog kawg, Yixayee yog ib ib lub teb chaws uas pe hawm Vajtswv thiab cov neeg yog cov muaj kev qias vuab tsuab tsawg tshaj plaws rau ntawm tib neeg ntiaj teb. Yog tus Tswv rov qab los ua hauj lwm nyob rau hauv Yixayee, ces yuav ua Vajtswv qhov kev kov yeej yuav tsis tau txais txiaj ntsim zoo. Teb Chaws Suav Teb yog lub teb chaws uas tsis vam meej thiab tawm tsam Vajtswv tshaj plaws ntawm txhua lub teb chaws, yog li los ntawm qhov kev txeeb cov Neeg Suav ntawd, tsis yog tsuas ua Nws qhov kev kov yeej kom tau txais txiaj ntsim zoo tshaj plaws xwb, Nws kuj qhia tshwm meej txog Nws txoj kev muaj hwj chim loj kawg nkaus, Nws txoj kev ntse thiab Nws tej kev ua uas phim hwj kom tau zoo dua thiab. Tam sim no kuv pom lawm tias qhov Vajtswv tab tom ua hauj lwm nyob rau hauv Teb chaws Suav nyob rau tiam kawg mas tseem ceeb tshaj! Kuv tsis paub Vajtswv tes hauj lwm tab sis tau txwv Nws tes hauj lwm los ntawm qhov siv tej kev xav phem thiab tej kev xav hauv nruab siab—kuv mas kav theeb ua luaj li!”
Tom qab ntawd ces Aunre txawm hais tias: “Txawm Vajtswv yuav ua Nws tes hauj lwm li cas los sis nyob rau qhov chaw twg los xij, yeej ib txwm muaj tej lus zais tob thiab qhov tseeb uas yuav tau nrhiav. Hais txog qhov uas peb tsim nyog txais tos tus Tswv qhov rov qab los li cas ntawd, ces Tswv Yexus twb qhia rau peb lawm tias: ‘Thiab thaum ib tag hmo muaj ib lub suab quaj hu tias, Saib nawb, tus nraug vauv tuaj lawm laus; nej tawm mus ntsib nws’ (Mathai 25:6). ‘Kuv cov yaj yeej hnov Kuv lub suab’ (Yauhas 10:27). Nws muaj lo lus faj lim no nyob hauv Qhia Tshwm ib yam nkaus thiab: ‘Saib nawb, Kuv sawv ntawm qhov rooj, thiab khob: yog tias tus tib neeg twg hnov Kuv lub suab, thiab qhib qhov rooj, Kuv yuav los rau nws, thiab yuav nrog nws noj mov, thiab nws nrog Kuv’ (Qhia Tshwm 3:20). Yog li, nyob rau ntawm qhov kev txais tos tus Tswv qhov rov qab los thiab nrhiav Nws qhov kev tshwm sim ntawd, qhov tseem ceeb tshaj plaws ces yog yuav tsum tau mloog Vajtswv lub suab. Yog peb hnov cov lus tim khawv tias tus Tswv twb rov qab los lawm, ces peb yuav tsum nrhiav thiab tshuaj xyuas qhov ntawd, saib seb puas muaj kev nthuav tawm txog qhov tseeb thiab seb nws puas yog Vajtswv lub suab. Txawm hais tawm qhov tseeb rau lub chaw twg los xij, yeej yuav yog Vajtswv lub suab ib yam nkaus, nrog rau Nws qhov kev tshwm sim thiab tes hauj lwm. Qhov no mas yeej muaj tseeb tiag tiag li. Ib yam nkaus li Vajtswv Tus Uas Muaj Hwj Chim Loj Kawg Nkaus hais tias, ‘Qhov uas tib neeg ntseeg tias ib yam dab tsi tsis muaj tseeb tau ntau npaum twg, yuav ua rau muaj tseeb tau ntau npaum li ntawd, vim hais tias Vajtswv txoj kev txawj ntse mas yeej siab tshaj lub ntuj lawm, Vajtswv tej kev xav siab dua tib neeg tej kev xav lawm, thiab Vajtswv ua Nws txoj hauj lwm dhau ntawm tib neeg txoj kev xav thiab tej kev xav phem mus lawm. Yim muaj qee yam uas tsis ntseeg tias ua tau npaum li cas, ces yim nrhiav qhov tseeb nyob rau qhov ntawd npaum li ntawd; yim muaj qee yam uas tib neeg tej kev xav phem xav tsis txog, ces yim muaj Vajtswv tej kev npaj siab ntau npaum li ntawd. Qhov no yog vim hais tias, txawm Nws yuav tshwm los rau qhov twg los xij, Vajtswv yeej tseem yog Vajtswv, thiab Nws lub ntsiab tseeb yeej yuav tsis hloov raws li qhov chaw ntawd los sis raws li tus xeeb ceem ntawm qhov Nws tshwm los ntawd li. Vajtswv tus moj yam yeej yuav tsis hloov txawm Nws tej hneev taw nyob rau qhov twg los xij, thiab tab txawm Vajtswv tej hneev taw nyob rau qhov twg los xij, Nws yog tus Vajtswv ntawm txhua tus neeg, ib yam li tus Tswv Yexus tsis yog tsuas yog tus Vajtswv rau cov neeg Yixayee nkaus xwb, tab sis kuj yog Vajtswv rau txhua haiv neeg nyob rau sab Axias, Yuslauv, thiab Asmeskas, thiab ntau tshaj ntawd, Nws yog tib tug thiab tsuas yog tib tug Vajtswv rau tag nrho lub qab ntuj khwb no xwb. Yog li ntawd cia peb los tshawb nrhiav Vajtswv tej kev npaj siab thiab nrhiav qhov Nws tshwm los ntawd nyob rau hauv Nws cov lus hais tawm thiab cov lus, thiab caum raws Nws tej hneev taw mus! Vajtswv yog qhov tseeb, yog txoj hau kev, thiab yog txoj sia. Nws cov lus thiab qhov Nws tshwm los ntawd muaj sib law sib liag mus, thiab Nws tus moj yam thiab tej hneev taw ntawd yeej muab qhia rau tib neeg ntiaj teb yam qhib siab lug rau txhua lub sij hawm’ (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Txuas Tom Kawg 1: Qhov Kev Tshwm Sim ntawm Vajtswv Tau Coj Mus rau hauv ib Tiam Tshiab Lawm).” Vajtswv Tus Uas Muaj Hwj Chim Loj Kawg Nkaus cov lus daws kuv txoj kev tsis paub tseeb tau du lug lawm. Cov lus ntawd qhia tawm tej lus zais tob ntawm Vajtswv qhov kev tshwm sim thiab tes hauj lwm, uas txawv kiag ntawm kuv tej kev xav phem nyob rau yav dhau los ntawd. Kuv twb xav txais tos qhov tus Tswv rov qab los tau ntau lub xyoos lawm, tab sis yeej tsis paub tias kuv tab tomtxwv Vajtswv qhov kev tshwm sim thiab tes hauj lwm raws li qhov kuv xav tseg thiab raws li cov lus ncaj ncaj hauv phau Valuskub. Kuv mas khav theeb thiab dig muag ua luaj! Tom qab lub rooj sib txoos ua ke ntawd tag lawm, ces kuv txawm siv sij hawm mus thov Aunre txog ib phau ntawv ntawm Txoj Lus Tshwm Hauv Lub Cev Nqaij Daim Tawv uas raug nthuav tawm los ntawm Vajtswv Tus Uas Muaj Hwj Chim Loj Kawg Nkaus.
Qhov nyeem Vajtswv Tus Uas Muaj Hwj Chim Loj Kawg Nkaus cov lus ntawd, kuv pom tias Nws daws tau tej lus zais tob ntau heev ntawm phau Vajluskub li cas, xws li Vajtswv txoj kev npaj cawm tib neeg rau txhiab xyoo rau txoj kev cawm tib neeg ntiaj teb dim, qhov keeb kwm mus los txog phau Vajluskub thiab Vajtswv peb theem hauj lwm, lub ntsiab lus ntawm Vajtswv cov npe, cov lus zais tob ntawm kev yug los ua neeg, qhov tseem ceeb ntawm Vajtswv tes hauj lwm txiav txim nyob rau tiam kawg, qhov Vajtswv npaj qhov ua tau los thiab lub hom phiaj ntawm txhua hom tib neeg li cas, qhov Khetos lub nceeg vaj tshwm sim los rau hauv lub ntiaj teb no tau li cas, thiab ntau yam ntxiv. Vajtswv Tus Uas Muaj Hwj Chim Loj Kawg Nkaus tau nthuav tawm qhov tseeb ntau npaum li ntawd, thiab tej ntawd puav leej yog tej lus zais tob thiab qhov tseeb uas kuv yeej tsis tau hnov ua ntej dua li. Dua li ntawm Vajtswv lawm ces tsis muaj lwm tus neeg twg daws tau tej lus zais tob no li lawm. Cov lus uas Vajtswv Tus Uas Muaj Hwj Chim Loj Kawg Nkaus nthuav tawm ntawd mas muaj cai, muaj hwj chim thiab muaj meej mom puv npo. Tej lus ntawd yog Vajtswv cov lus hais—tej lus ntawd yog Vajtswv lub suab ntag. Kuv thiaj li paub tseeb tseeb tias Vajtswv Tus Uas Muaj Hwj Chim Loj Kawg Nkaus yog tus Tswv Yexus uas rov qab los lawm. Ces kuv thiaj li lees txais Vajtswv Tus Uas Muaj Hwj Chim Loj Kawg Nkaus tes hauj lwm yam tsis yig li, ces tam sim no kuv thiaj li tab tom raws li tus Me Nyuam Yaj cov hneev taw.
