98. Qhov Uas Tsis Pom ntawm ib Tsev Neeg Txoj Kev Raug Tsim Txom
Kuv niam thiab kuv tus viv ncaus qhia Vajtswv Tus Uas Muaj Hwj Chim Loj Kawg Nkaus txoj moo zoo ntawm tiam kawg rau kuv nyob rau lub Kaum Hlis Ntuj xyoo 2009. Tom qab lees txais txoj moo zoo ntawd lawm, kuv txawm nyeem Vajtswv cov lus txhua hnub, thiab mus koom tej kev sib txoos ua ke thiab nrog cov nus thiab cov viv ncaus kawm ua ke. Kuv thiaj li maj mam to taub qee qhov tseeb los ntawm Vajtswv cov lus los; Kuv kawm paub txog lub hauv paus keeb cag ntawm txoj kev tsaus ntuj thiab kev phem hauv lub ntiaj teb, peb tsim nyog caum dab tsi nyob rau hauv peb lub neej, thiab yuav ua lub neej li cas thiaj li muaj nqis. Qhov nrhiav txoj kev yog nyob rau hauv lub neej ntawd ua rau kuv zoo siab heev, kaj siab heev, thiab tsistxhawj xeeb hlo li. Kuv tus txiv thiab tus ntxhais pom hais tias tom qablos ua ib tug ntseeg lawm ces feem ntau kuv muaj kev kaj siab dua, yog li ntawd nkawv thiaj li tsis tawm tsam kuv txoj kev ntseeg lawm. Tom qab ntawd, kuv tus txiv yuav tsum tau tawm ntawm thaj chaw uas wb nyob no mus ua hauj lwm, yog li ntawd kuv thiaj li tau saib xyuas wb ob tug me nyuam thiab kuj tshaj tawm txoj moo zoo thiab.
Muaj ib hmos nyob rau thaum lub caij nplooj ntoo hlav xyoo 2013 ntawd, kuv tus txiv cia li hu kuv thiab hais ua lub suab nyaum nyaum hais tias, “Txij no mus, cia li ua yam koj tsim nyog ua thiab nyob hauv tsev xwb—tsis txhob ntseeg Vajtswv ntxiv lawm. Lawv hais tej xov xwm nyob os lai thiab hauv this vis hais tias cov ntseeg Vajtswv Tus Uas Muaj Hwj Chim Loj Kawg Nkaus ntawd tso lawv tsev neeg tseg lawm. Tsis txhob mus kom txog qhov uas koj tig koj lub nraub qaum rau wb tsev neeg. Tsis tas li ntawd xwb, qhov muaj txoj kev ntseeg ntawd yog tawm tsham txoj kev cai nyob hauv Teb Chaw Suav thiab koj yuav raug ntes yog nom tswv paub. Cov tib neeg dog dig zoo li wb yuavmus tawm tsam Pawg Koom Tsham tau li cas? Yog tsoom fwv hais tias koj ntseeg tsis tau ces tsis txhob ntseeg xwb. Tsis txhob nyob nyob es cia li tsim teeb meem nawb!” Vim ntshai tsam kuv lub xov tooj raug tub ceev xwm soj lawm, ces kuv thiaj li tsis cia nws tham txuas ntxiv. Kuv chim sib heev tom qab kuv khwb xov tooj lawm. Yog ua cas nws ho cia li qi muag nti mloog Pawg Koom Tsham tej lus dag ntawd? Nws paub hais tias kev ntseeg Vajtswv yog ib qho zoo thiab nws txhawb kuv txoj kev ntseeg, yog li ntawd vim li cas nws thiaj li tav kuv kev kiag thaum nws hnov lawv tej lus dag ntawd? Yeej pom tseeb tias txoj kev caum raws Vajtswv qab ntawd yog txoj kev yog nyob rau hauv lub neej lawm—vim li cas Pawg Koom Tsham thiaj li tsis cia tib neeg ntseeg? Peb cov ntseeg tsis ua dab tsi txhaum cai li, yog li ntawd vim li cas lawv thiaj li pheej ntes thiab tsim txom peb? Tom qab ntawd kuv qhia qhov uas kuv paub tsis meej rau ib tug viv ncaus nyob rau hauv ib lub rooj sib txoos ua ke, ces nws txawm qhia ib zaj lus ntawm Vajtswv cov lus rau kuv. Vajtswv hais tias: “Tus zaj loj liab ploog tsim txom Vajtswv thiab yog Vajtswv tus yeeb ncuab, thiab ces, nyob thaj av no, tib neeg raug rhuav ntsej muag thiab tsim txom vim lawv txoj kev ntseeg Vajtswv, … Vim tias, nws nqis tes mus rau ntawm thaj av uas tawm tsam Vajtswv, tag nrho Vajtswv tes dej num ntsib kev cuam tshuam loj heev, thiab Nws cov lus muaj ntau lo ua tsis tau kom tiav kiag tam sid; vim li ntawd, neeg lim hloov kom zoo dua los ntawm Vajtswv cov lus, uas kuj yog ib qhov ntawm kev txom nyem. Nws yog ib qho nyuaj kawg nkaus rau Vajtswv ua Nws tes dej num nyob ntawm thaj av uas tus zaj loj liab ploog nyob—tab sis nws yog los ntawm txoj kev nyuaj no uas Vajtswv ua ib theem ntawm Nws tes dej num, ua kom Nws txoj kev txawj ntse thiab txoj kev ua uas muaj hwj huaj loj tshwm tuaj, thiab siv lub cib fim no los ua kom pab neeg no muaj txhua yam txhij. Nws yog los ntawm neeg txoj kev txom nyem, los ntawm lawv tej peev xwm, thiab los ntawm tag nrho tus moj yam phem ntawm cov neeg nyob ntawm thaj av phem no uas Vajtswv ua Nws tes dej num ua kom huv thiab muaj yeej, es kom, dhau ntawm no mus, Nws yuav tau yeeb koob, thiab Nws yuav tau cov uas yuav ua tim khawv rau tej yam Nws ua. Cov ntawd yog tag nrho qhov tseem ceeb ntawm tag nrho tej kev raug txhiv Vajtswv tau ua rau pab neeg no” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Tes Hauj Lwm Puas Yooj Yim Npaum Li Tib Neeg Xav?). Tom qab nyeem qhov no lawm, nws qhia li no hais tias: “Pawg Koom Tsham yog cov ntseeg tias tsis muaj Vajtswv; lawv yog ib tug dab uas tawm tsam Vajtswv thiab lawv yeej zam tsis tau rau tus uas muaj kev ntseeg, pe hawm Vajtswv li. Lawv twb ntes thiab tsim txom Cov Ntseeg Vajtswv txij li thaum lawv kav los lawm. Tam sim no Vajtswv Tus Uas Muaj Hwj Chim Loj Kawg Nkaus twb tshwm los lawm thiab tab tom ua hauj lwm nyob rau tiam kawg, nthuav tawm qhov tseeb los cawm tib neeg ntiaj teb, ces Pawg Koom Tsham ntawd thiaj li ntshai tsam tib neeg yuav nyeem Vajtswv Tus Uas Muaj Hwj Chim Loj Kawg Nkaus cov lus, to taub qhov tseeb thiab muaj kev thoob tsib to nrog. Ces tib neeg yuav pom lawv lub ntsej muag phem thiab yuav tsis raug lawv dag ntxiv lawm—tib neeg yuav tsis caum lawv ntxiv lawm. Vim li ntawd lawv thiaj li nce lawv txoj kev tawm tsam thiab kev teem txim rau Vajtswv, thiab lawv txoj kev tsim txom cov ntseeg yam phem heev ntxiv. Lawv kuj tau tshaj tawm txhua hom lus xaiv thiab lus dag los dag peb cov phooj ywg thiab tsev neeg uas tsis ntseeg, thiab ntxias kom lawv los tab kaum thiab cuam tshuam peb cov uas ntseeg thiab. Pawg Koom Tsham xav kom txhua tus tsis lees paub thiab ntxeev siab rau Vajtswv kom peb thiaj li plam Vajtswv txoj kev cawm dim es thaum kawg raug rau txim nyob rau hauv ntuj tawg nrog lawv. Yog peb raug peb tsev neeg txwv thiab tso txoj kev caum raws Vajtswv qabthiab kev ua ib teg dej num tseg, ces qhov ntawd txhais hais tias peb poob rau Ntxwgnyoog tej tswv yim dag thiab peb plam peb lub hwv tsam los tau txoj kev cawm dim lawm. Vajtswv cia peb raug Pawg Koom Tsham txoj kev txwv thiab raug ntes—Nws tab tom siv lawv los ua ib tug neeg ua Vajtswv tes dej num kom peb thiaj li pom lawv lub ntsiab tseeb uas phem tiag tiag, kom muaj kev thoob tsib to nrog txog lawv, thiab tsis kam txais yuav lawv. Nyob rau tib lub sij hawm no, los ntawm qhov no es Vajtswv thiaj li ua tau kom peb txoj kev ntseeg zoo tiav log thiab ua kom peb yog cov kov yeej. Vajtswv lub siab nyiam uas zoo nyob rau hauv qhov no!” Tom qab mloog tus viv ncaus no tej lus qhia lawm, ua rau kuv paub tseeb hais tias Vajtswv tso cai rau Pawg Koom Tsham caij tsuj thiab kuv tsev neeg cuam tshuam kom kuv thiaj li pom tag nrho hais tias Pawg ntawd yog Ntxwgnyoog, yog dab—yog Vajtswv ib tug yeeb ncuab. Qhov no yog txoj kev ntse nyob rau hauv Vajtswv tes hauj lwm. Pawg Koom Tsham tshaj tawm tej lus dag los ua kom tib neeg yuam kev es tib neeg thiaj li nrog lawv tawm tsam Vajtswv thiab tsim txom cov ntseeg, tab kaum thiab rhuav tshem Vajtswv tes hauj lwm. Qhov no yog Pawg Koom Tsham txoj kev npaj siab uas phem, thiab kuv paub tias kuv tsis tuaj yeem poob rau Ntxwgnyoog tej tswv yim dag.
Tom qab ntawd tus viv ncaus ntawd txawm nyeem lwm zaj lus ntawm Vajtswv cov lus rau kuv: “Raws li cov neeg ntseeg Vajtswv, nej txhua tus yuav tsum ua tsaug rau qhov uas nej tau txais txoj kev zoo siab tshaj plaws thiab kev cawm dim uas hnub no tau txais Vajtswv tes dej num nyob rau tiam kawg thiab tag nrho tes hauj lwm ntawm Nws txoj kev npaj uas Nws ua nyob rau hauv nej. Vajtswv tau mob siab heev txog Nws tes hauj lwm nyob rau hauv pab tib neeg no thoob plaws lub qab ntuj khwb. Nws tau muab tag nrho cov ntshav ntawm Nws lub plawv los theej nej lub txhoj; Nws tau rov txhiv nej thiab muab tag tus Ntsujplig cov dej num thoob plaws lub qab ntuj khwb rau nej. Vim li ntawd nej yog cov muaj hmoo. Ntau tshaj ntawd, Nws tau muab Nws lub yeeb koob tshem tawm los ntawm Yixayee, cov neeg Nws xaiv, los rau nej, thiab Nws yuav ua kom lub hom phiaj ntawm Nws txoj kev npaj tshwm sim tag nrho los ntawm pab no. Yog li ntawd, nej yog cov yuav tau txais Vajtswv lub cuab tam, thiab ntau tshaj qhov no, nej yog cov txais Vajtswv lub yeeb koob” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Tes Hauj Lwm Puas Yooj Yim Npaum Li Tib Neeg Xav?). Nyeem qhov no mas ua rau kuv zoo siab heev. Yuav kom cawm tau peb cov uas raug Ntxwgnyoog muab ua qias vuab tsuab dhau hwv lawm mas, Vajtswv yuav tsum tau los ua cev nqaij daim tawv thiab los rau hauv ntiaj teb los ua hauj lwm dua zaum ob, los raug Pawg Koom Tsham thiab lub ntiaj teb ntawm sab kev lis kev cai ntseeg txoj kev tawm tsam, kev teem txim, thiab haj tseem raug tuam mom thiab. Nws tau nyiaj tej kev poob meej mom loj kawg nkaus, nthuav tawm qhov tseeb, muab tag nrho Nws cov ntshav, hws, kua muag thiab ua Nws tes hauj lwm los cawm tib neeg ntiaj teb. Qhov no yog Vajtswv txoj kev hlub uas loj tshaj plaws! Vajtswv tes hauj lwm tab tom yuav xaus lawm. Lub hwv tsam los tau txoj kev cawm dim no yog ib lub cib fim uas ib sim neej tsuas muaj ib zaug xwb kuv thiaj li yuav plam tsis tau—txawm Pawg Koom Tsham yuav caij tsuj npaum li cas los sis kuv tus txiv yuav tav kuv kev npaum li cas los xij, kuv paub hais tias kuv yuav tsum muaj kev ntseeg thiab caum raws Vajtswv qab. Tom qab ntawd, kuv tus txiv txawm pheej hu kuv tag los hu dua ua kom kuv tsis txhob ntseeg Vajtswv, haj tseem cog lus twv rau kuv thiab. Nws yog ib yam uas mob siab, tiam sis kuv paub hais tias qhov muaj kev ntseeg ntawd yeej yogthiab tsim nyog lawm, yog li ntawd nws thiaj li tsis txhawb kuv li lawm thiab kuv tseem pheej ua ib teg dej num txuas ntxiv.
Ces nyob rau lub Tsib Hlis Ntuj xyoo 2014, thaum kuv tus txiv pom hais tias kuv tseem tsis tau tso kuv txoj kev ntseeg tseg, nws txawm rov qab los ntawm qhov chaw uas kuv ua hauj lwm los rau hauv wb lub zos. Nws hais nyaum nyaum rau kuv hais tias, “Kuv twb hais rau koj tas los hais dua lawm hais tias koj yuav tsum tau muab koj txoj kev ntseeg tso tseg no ne, tiam sis koj tsis mloog li. Txhua tus neeg nyob os lai thiab nyob hauv this vis hais zom zaws hais tias tib neeg tso lawv tsev neeg tseg tom qab los ua cov ntseeg lawm, es koj tseem nyiam qhov ntawd thiab lod?” Kuv xav rau kuv tus kheej hais tias qhov Pawg Koom Tsham liam tias cov ntseeg tso lawv tsev neeg tseg ntawd tsuas yog liam rau cov uas raug kev tsim txom xwb. Lawv tsis xav cia tib neeg muaj kev ntseeg thiab taug txoj kev yog, yog li ntawd lawv thiaj li ntes thiab tsim txom cov Ntseeg Vajtswv yam npau taws heev, qhuab yuam coob tus nus thiab viv ncaus kom khiav tawm ntawm lawv tsev mus es mus nyob ib qho chaw rau ib qho chaw. Cov nus thiab cov viv ncaus yeej tsis muaj peev xwm mus tau tsev li vim yog Pawg Koom Tsham txoj kev caij tsuj, tiam sis lawv hais tias peb tso peb tsev neeg tseg tom qab los ua cov ntseeg lawm. Qhov ntawd tsis yog muab qhov tseeb ntxeev lod? Yog li ntawd kuv thiaj li hais rau kuv tus txiv hais tias, “Txhua yam nyob os lai yog cuav xwb. Tej ntawd tsuas yog Pawg Koom Tsham tej lus dag los teem txim, iab liam rau Pawg Ntseeg ntawm Vajtswv Tus Uas Muaj Hwj Chim Loj Kawg Nkaus xwb….” Tiam sis nws tsis mloog kuv hais hlo li. Nws tsuas hais tias, “Txawm li cas los xij qhov ntawd yog qhov lawv hais nyob rau hauv is taws nev, yog li ntawd yog koj pheej ntseeg Vajtswv, yog tsoom fwv paub ces koj yuav raug ntes thiab raug xa mus rau hauv tsev laj cuj. Pawg Koom Tsham muaj peev xwm ua tau txhua yam huv si. Yog lawv hais tias koj yuav tsum tsis txhob ntseeg, ces txhob ntseeg xwb. Ib lub qe yuav tsoo tau ib lub pob zeb li cas? Kuv yuav nyob hauv tsev zov koj. Yog koj pheej ntseeg, ces wb kawg sib nrauj xwb!” Kuv txawm xav hais tias: Yog wb sib nrauj es wb ob tug me nyuam tsis muaj leej twg saib xyuas nkawv ne? Nkawv puas yuav kawg taug tau txoj kev yuam kev? Qhov tsis muaj leej niam txoj kev hlub thaum tseem hluas li no yuav ua rau nkawv mob siab heev! Qhov xav hais tias yuav mob siab npaum li cas ntawd ntshe yuav ua rau wb ob tug me nyuam tu siab heev. Kuv thiaj li maj nrawm nroos los rau ntawm Vajtswv lub xub ntiag los thov hais tias: “Vajtswv! Kuv tus txiv xav nrauj kuv, thiab kuv tso tsis tau kuv ob tug me nyuam tseg. Thov tiv thaiv kuv thiab ua rau kuv sawv khov kho.” Tom qab kuv thov Vajtswv lawm kuv thiaj li xav txog qee yam uas Vajtswv hais tias: “Tib neeg txoj hmoo ces yog Vajtswv ob txhais tes tswj. Koj tsis muaj peev xwm yuav tswj tau koj tus kheej: Txawm hais tias tib neeg mas yeej tsuas maj nroos thiab ua ub ua no rau lawv tus kheej tag mus li xwb, los lawv yeej tsis muaj peev xwm yuav tswj tau lawv tus kheej li. Yog koj muaj cuab kav paub tau koj tus kheej tej yam uas yuav tshwm sim tom ntej, yog koj muaj cuab kav tswj tau koj tus kheej txoj hmoo, es ua koj puas tseem yuav yog ib tug uas raug tsim tawm mas?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Rov Tsim Kho Tib Neeg lub Neej Raws Li Ib Txwm Muaj thiab Coj Lawv mus rau ib Txoj Hau Kev Kawg Uas Zoo Kawg Nkaus). Vajtswv cov lus ua rau kuv lub siab kaj lug thiab qhia kuv tias tib neeg txoj hmoo yeej yog nyob tag nrho rau hauv Vajtswv ob txhais tes tiag tiag li. Qhov uas kuv ua tau ntau tshaj plaws ces yog maj mam saib xyuas kuv ob tug me nyuam hauv nkawv lub neej kom zog xwb, tiam sis kuv txiav txim siab tsis tau tias txij thaum ntawd mus lawm xyov nkawv yuav muaj txoj hmoo zoo li cas, los sis nkawv yuav raug kev txom nyem npaum li cas. Kuv yuav tsum tau muab nkawv tso rau hauv Vajtswv ob txhais tes thiab zwm rau Vajtswv tej kev coj kev qhia thiab tej kev npaj. Txoj kev xav no ua rau kuv kaj siab tuaj—nws tsis mob siab ntsws ntxiv lawm. Kuv kuj paub hais tias kuv tus txiv raug Pawg Koom Tsham tej lus dag dag lawm thiab, qhov ua txhua yam kom kuv tsis txhob caum raws Vajtswv qab thiab hem kuv tias yuav sib nrauj ntawd puav leej yog Ntxwgnyoog tej tswv yim dag xwb. Kuv tsis ntseeg. Yog li ntawd kuv thiaj li hais rau nws hais tias, “Kuv yeej yuav tsis tso kuv txoj kev ntseeg tseg kiag li. Qhov ntseeg Vajtswv thiab qhov nyeem Vajtswv cov lus ntawd yog kev ua ib tug neeg zoo thiab taug txoj kev yog. Vim li cas koj thiaj li pheej tuaj lawv tog thiab tav kuv kev?” Ces nws cia li muab kuv thawb ntiag rau saum txaj thiab nthe nqho npau taws heev hais tias, “Peb lub tsoom fwv mas tawm tsam txoj kev cai ntseeg. Yog Pawg Koom Tsham tsis xav kom koj ua ib tug ntseeg, ces kuj tsis txhob ua ib tug ntseeg xwb! Leej twg thiaj li yuav kov yeej lawv?” Wb tus ntxhais pom tag nrho qhov no thiab ntshai heev ces nws thiaj li khiav kiag los hais tias, “Txiv, koj ua dab tsi? Niam twb zoo siab heev lawm txij li thaum niam pib ntseeg Vajtswv los. Kev ntseeg yog ib qho zoo! Txhob cuam tshuam rau qhov ntawd!” Kuv tus txiv tsis mloog nws hais ib qho me me li, thiab haj tseem xuas ncuav pias rau nws thiab. Kuv npau taws heev! Nws ntaus wb tus ntxhais vim wb tus ntxhais hais qee yam los tiv thaiv kuv xwb. Kuv pom kuv tus txiv tab tom ua raws li cov koom tsham hais thiab ua txhua yam li ib tug neeg vwm los ua kom kuv tsis txhob ntseeg—nws twb tsis paub dab tsi li lawm. Kuv tsis xav hais dab tsi ntxiv rau nws li lawm ces kuv cia li coj wb tus ntxhais rov qab mus rau tom nws chav lawm xwb. Thawj yam nyob rau hnub tom qab ntawd ces yog wb mus cuag Qhov Chaw Ua Hauj Lwm Pab Pej Xeem. Ua ntej wb pib ua wb cov ntaub ntawv sib nrauj, kuv tus txiv tus txiv ntxawm txawm tuaj txog thiab vim nws tej lus qhia, kuv tus txiv thiaj li txiav txim siab tsis nrauj lawm.
Tom qab ntawd kuv tus txiv pheej caij tsuj thiab tav kuv txoj kev ntseeg. Nws pheej hais lus ua dog ua dig thiab ua ntsej muag phem phem thaum uas nws pom kuv mus koom rooj sib txoos ua ke los lawm. Nws tus cwj pwm kuj phem zuj zus tuaj lawm thiab. Muaj ib hmos kwv yees li 10 teev tsaus ntuj ntawd kuv tus txiv rov los txog tsev, qaug cawv heev, thiab rub kuv sawv saum txaj los, hais npau taws vog hais tias, “Vim tam sim no koj ntseeg Vajtswv lawm, es kuv thiaj li tsis muaj ntsej muag tawm rau hauv lub ntiaj teb hlo li lawm. Txhua tus tham zom zaws txog koj txoj kev cai ntseeg lawm. Tam sim no wb cov phooj ywg xav li cas rau wb? Yog koj pheej ntseeg txoj kev ntseeg tus Vajtswv no, ces koj yuav raug tsoom fwv ntes thiab raug qhuab ntuas. Thaum kawg, wb tsev neeg yuav tsis muaj leej twg tsa tau taub hau li. Koj ntseeg mus ntxiv tsis tau lawm!” Kuv ib txwm yog ib tug neeg siab me, yog li ntawd kuv ntshai thaum kuv pom tias nws nyaum npaum li cas. Nws npau taws heev ntshe nws haus cawv ntau dhau lawm—kuv tsis paub xyov nws yuav ua li cas. Kuv pheej hu Vajtswv kom los tiv thaiv kuv thiab kuv tswj kom maj mam ua lub siab txias. Thaum pom hais tias kuv tseem tsis tso kuv txoj kev ntseeg tseg, kuv tus txiv haj yam npau taws tshaj. Nws tsawv nkaus kuv saum txaj los thiab muab kuv pov rau hauv pem teb, ces xuas nrig ntaus kuv lub ntsej muag ntaus zaus, ua rau kuv ob lub qhov muag doog ntsuab xiab. Kuv hais rau nws hais tias, “Qhov kuv muaj kev ntseeg ntawd yeej tsis txhaum dab tsi li. Vim li cas koj thiaj li ntaus kuv? Vim li cas koj thiaj li pheej tuaj Pawg Koom Tsham tog caij tsuj kuv?” Nws yeej tsis mloog kuv hais ib qho li, tiam sis cia li tsawv nkaus kuv thiab muab kuv nqa mus rau ntawm qhov rai, ua zoo li ib tug neeg vwm tag li. Kuv thiaj li thov Vajtswv hauv kuv lub siab tag los thov dua. Nws muab kuv nqa mus rau saum lub qhov rai kiag, tuav kuv ob sab dab taw, thiab cia kuv lub taub hau dai rau hauv, nrog rau kuv lub cev tag nrho dai rau sab nraum lub qhov rai ntawd. Ces nws txawm nthe nqho hais tias, “Hais rau kuv! Hais rau kuv tias koj yuav tso koj txoj kev ntseeg tseg! Yog koj tsis hais, ces kuv yuav muab koj pov kiag ntawm no lawm hauv!” Wb nyob rau tshooj tsib, yog li ntawd yog nws muab kuv pov rau hauv, ces kuv kawg tag li ntawd. Kuv ntshai heev, thiab kuv thov Vajtswv hais tias, “Vajtswv! Thov tiv thaiv kuv thiab muab kev ntseeg rau kuv. Tab txawm kuv tuag hnub no los, kuv yeej tseem yuav tsis swb rau Ntxwgnyoog li!” Nyob rau lub sij hawm ntawd kuv cia li xav kiag txog Yauj txoj kev ntsib kev pom. Los ntawm nws tej kev sim siab, Vajtswv yeej saib ntsoov nws, thiab Ntxwgnyoog los kuj ntsia ntsoov thiab. Thaum kawg, Yauj ua tim khawv rau Vajtswv, hos Ntxwgnyoog txaj muag thiab thim rov qab mus lawm. Yog li ntawd hauv kuv lub siab kuv thiaj li hu rau Ntxwgnyoog hais tias, “Ntxwgnyoog, kuv tsis quav ntsej tias koj yuav siv tej tswv yim phem dab tsi los tawm tsam kuv—kuv yeej yuav tsis muaj hnub ntxeev siab rau Vajtswv li. Kuv yeej yuav ntseeg Vajtswv thiab raws Nws qab mus li, tab txawm kuv tuag los xij!” Thaum kuv txiav txim siab tau li no lawm ces mloog zoo li kuv lub cev sib heev lawm, thiab tab txawm kuv raug dai rov quav los xij, tsis hnov zoo li ntshav ntws los puv nkaus kuv lub taub hau li. Hnov zoo li muaj ib lub zog tuav rawv kuv lub cev. Kuv paub meej meej rau hauv kuv hais tias kuv tus txiv twb tsis tshua muaj zog nyob rau lub sij hawm ntawd thiab yuav tsis muaj peev xwm tuav tau kuv. Qhov no yog Vajtswv txoj kev tiv thaiv, yog li ntawd kuv thiaj li ua Vajtswv tsaug tag los ua tsaug dua hauv kuv lub siab. Kiag thaum ntawd, wb ob tug me nyuam tuaj tim lwm lub qhov rai pom qhov uas tab tom tshwm sim ntawd—nkawv txawm khiav kiag los khob qhov rooj. Nkawv quaj thiab qw, tiam sis kuv tus txiv twb muab lub qhov rooj xauv sab hauv lawm, yog li ntawd nkawv thiaj li nkag tsis tau los. Wb tus ntxhais mus tuaj tim lwm lub qhov rai qw hais tias, “Txiv, koj xav tias koj tab tom ua dab tsi?” Nws quaj nrov nrov, thiab tas zog qw rau nws txiv kom tsis txhob muab kuv pov rau hauv. Ces zoo li nws txiv cia li feeb meej, ces nws txawm muab kuv rub rov qab los lawm. Kuv zoo siab heev ua Vajtswv tsaug. Yog tias tsis yog vim Vajtswv txoj kev tiv thaiv, ces ntshe kuv twb tag sim neej lawm.
Hmo ntawd kuv pw tsis tsaug zog kiag li. Kuv xav txog lub sij hawm uas kuv tus txiv thiab kuv siv zog ua hauj lwm ua ke—wb yeej ib txwm sib haum heev, thiab thaum kuv tau txais kuv txoj kev ntseeg thawj zaug ntawd, nws tsis tav kuv kev kiag li. Tiam sis tam sim no nws ntseeg Pawg Koom Tsham tej lus dag thiab caij tsuj kuv, zaum tas zaum thiab. Nws cia li tsis mloog kuv hais li lawm, txawm kuv yuav piav qhia txhua yam rau nws los xij, nws haj tseem hem kuv tias yuav muab kuv nrauj kom kuv tso kuv txoj kev ntseeg tseg thiab. Nws haj tseem tsa nws ob txhais tes los ntaus kuv, thiab twb yuav luag muab kuv pov saum lub qhov rai tsev tshooj tsib los. Saib zoo li nws yog ib tug neeg uas txawv hlo li lawm. Yog ib qho uas tu siab heev, thiab chim siab heev. Kuv tsis to taub tias nws hloov pauv li ntawd tau li cas. Kiag thaum ntawd, kuv xav txog cov lus uas los ntawm Vajtswv los no: “Cov ntseeg thiab cov tsis ntseeg ces tsis sib haum; tsis li ntawd xwb, lawv tseem sib tawm tsam ib leeg rau ib leeg” thiab “Leej twg los xij uas tsis ntseeg tus Vajtswv uas yug los ua neeg ces yog cov phem thiab, tshaj qhov ntawd, yuav taug rhuav tshem. … Ntxwgnyoog yog leej twg, cov niag dab phem yog leej twg, thiab leej twg yog Vajtswv cov yeeb ncuab yog hais tias tsis yog cov neeg tawm tsam uas tsis ntseeg Vajtswv?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv thiab Tib Neeg Yuav Nkag Mus So Ua Ke). Kuv ras dheev hais tias tsis yog kuv tus txiv yog tus hloov pauv, tiam sis qhov ntawd yog qhov nws lub ntsiab tseeb raug muab nthuav tawm lawm. Nws paub zoo tias kev ntseeg Vajtswv yog ib qho zoo, tiam sis nws tseem tuaj Pawg Koom Tsham tog tawm tsam kuv thiab. Hauv lub ntsiab tseeb, nws ntxub thiab tawm tsam Vajtswv. Vim li ntawd nws thiaj muaj peev xwm ua phem heev rau kuv. Nws yuav luag muab kuv tua, thiab nws tsis paub dab tsi li lawm—qhov ntawd yog ib txoj kev qhia kom pom meej txog ib tug dab ntag! Kuv ua neej nyob nrog ib tug dab uas tawm tsam Vajtswv heev, yog li ntawd wb nyias taug nyias txoj kev lawm—wb yuav ua li cas zoo siab tau ua ke? Thaum xub thawj mas nws zoo rau kuv, tiam sis qhov ntawd tsuas yog vim kuv yug nws ob tug me nyuam thiab saib xyuas txhua yam hauj lwm hauv tsev xwb. Tiam sis tam sim no kuv txoj kev ntseeg cuam tshuam rau nws tus kheej tej kev ntshaw lawm, nws lub ntsej muag tseeb thiaj li tshwm tuaj. Qhov ras dheev txog qhov no pab tau kuv muaj kev thoob tsib to nrog txog kuv tus txiv lub ntsiab tseeb tiag tiag, thiab kuv muaj peev xwm tso tau nws tseg me ntsis hauv kuv lub siab lawm. Tom qab ntawd, kuv nyeem qhov no hauv Vajtswv cov lus: “Thaum Vajtswv ua hauj lwm, mob siab txog ib tug neeg twg, thiab saib tus neeg ntawd, thiab thaum Nws txaus siab thiab pom zoo rau tus neeg no, Ntxwgnyoog thiaj li soj qab ti ti, ua txhua yam los ntxias tus neeg ntawd thiab ua kom lawv liam sim. Yog tias Vajtswv xav kom muab tau tus neeg no, ces Ntxwgnyoog yuav ua txhua yam ntawm nws lub hwj chim los cuam tshuam Vajtswv, siv ntau yam kev phem npaj los ntxias, cuam tshuam thiab rhuav Vajtswv txoj hauj lwm kom puas tsuaj, kom thiaj li ua tiav nws lub hom phiaj uas nyob zais nkoos. Lub hom phiaj no yog dab tsi? Nws tsis xav kom Vajtswv muab tau ib leeg tus twg li; nws xav txeeb cov uas Vajtswv xav muab kom tau, nws xav tswj kav lawv, tswj lawv, ua tus saib xyuas lawv kom lawv pe hawm nws, yog li lawv thiaj koom nrog nws ua kev phem kev qias. Qhov no tsis yog Ntxwgnyoog txoj kev xav phem lov?” (Txoj Lus, Phau 2. Hais Txog Qhov Kev Paub Vajtswv. Vajtswv Tus Kheej, tus Uas Tsuas Yog Tib Tug Xwb IV). Kuv xav txog Vajtswv cov lus, thiab ras hais tias Ntxwgnyoog siv txhua hom tswv yim phem los rhuav tshem tib neeg txoj kev ntseeg, ua txhua yam los nrog Vajtswv sib tw txeeb tib neeg. Ua li ntawd kom txhua tus thiaj li yuav pe hawm Ntxwgnyoog thiab ntxeev siab rau Vajtswv, ces tom qab ntawd plam lawv lub hwv tsam los tau txoj kev cawm dim. Qhov nyob khov kho rau hauv koj txoj kev ntseeg Vajtswv, qhov mloog Nws lus tas li, thiab qhov ua tim khawv rau Nws ntawd thiaj li yog tib txoj kev uas los tawm tsam rov qab rau Ntxwgnyoog tej tswv yim dag thiab thiaj li ua rau nws txaj muag tshaj plaws xwb. Kuv xav txog Yauj txoj kev ntsib kev pom: Yauj hwm Vajtswv thiab zam kev phem, hos Ntxwgnyoog ntxub Yauj, thiab tawm tsam thiab sim nws. Ntxwgnyoog ua rau Yauj plam tag nrho txhua yam uas nws muaj thiab cov me nyuam, thiab tsis yog Yauj tsis liam Vajtswv xwb tiam sis nws haj tseem qhuas Vajtswv lub npe thiab. Ntxwgnyoog ua rau Yauj lub cev mob ua rwj thoob plaws, thiab ua rau nws tus poj niam tawm tsam nws, ua txhua yam kom nws tso Vajtswv tseg. Tsis yog Yauj tsis ua raws li nws poj niam hais xwb, tiam sis nws tseem cem nws poj niam tias yog ib tug poj niam ruam thiab. Thaum kawg, Yauj ua tau tim khawv nrov ncha moo lug rau Vajtswv—Ntxwgnyoog txaj muag tshaj plaws. Kuv rov qab tig xav txog yam kuv tau ntsib tau pom lawm, tej lus dag uas Pawg Koom Tsham tau tsim, qhov lawv siv kuv tus txiv zaum tas zaum thiab los tawm tsam kuv txoj kev ntseeg, ua kom kuv ntxeev siab rau Vajtswv es kom thaum kawg poob mus rau hauv ntuj tawg thiab raug rau txim nrog lawv. Kuv paub hais tias kuv yuav tsum tau ua raws li Yauj tus qauv, thiab txawm Ntxwgnyoog yuav siv tej tswv yim phem dab tsi los tawm tsam kuv los xij, kuv tsis tuaj yeem swb rau nws, tiam sis kuv yuav tsum muaj txoj kev ntseeg Vajtswv, vam khom rau Nws thiab ua tim khawv. Thaum xav li no lawm ua rau kuv kaj siab tuaj, thiab kuv hnov muaj kev ywj pheej yam kuv tsis tau muaj dua los li. Tom qab qhov no lawm, kuv tus txiv pom hais tias kuv txiav txim siab ntseeg Vajtswv mus li thiab tshaj tawm txoj moo zoo lawm, yog li ntawd nws thiaj li tsis txhawj nws tus kheej dhau txog kuv txoj kev ntseeg lawm.
Tom qab ntawd kuv tus ntxhais xeem nkag mus rau hauv tsev kawm ntawv qib siab, tiam sis kuv tus tub tsis xeem. Kuv tus txiv xav ua txhua yam li nws muaj hwj chim los ua kom kuv tus tub tau mus ua tub rog. Muaj ib hnub, kuv tus txiv txawm rov los hais rau kuv yam npau taws heev hais tias, “Koj thiab koj niam tau ua rau kuv sab tiag tiag li! Muaj ib hnub, kuv tus txiv txawm rov los hais rau kuv yam npau taws heev hais tias, Koj thiab koj niam tau ua rau kuv sab tiag tiag li! Kuv ua txhua yam kom wb tus tub tau mus ua tub rog, tiam sis lawv paub hais tias koj niam yog ib tug ntseeg, yog li ntawd kuv yuav tsum tau hais txhua yam li kuv hais tau los ntxias lawv, siv nyiaj, thiab xa phaj tshab mus ua kom koj tau nkag. Tam sin no tsis xav tias txhua yam yuav tau li lawm! Yog koj tuav koj txoj kev ntseeg es tsoom fwv paub txog, ces wb tus tub yuav tsis tau mus ua tub rog li thiab wb tus ntxhais yuav nkag tsis tau mus rau hauv tsev kawm ntawv qib siab. Nkawv yuav tsis muaj lub neej yav tom ntej ntxiv lawm. Vim li cas koj thiaj li tsis xav txog wb lub tsev, wb ob tug me nyuam li? Yog tias koj pheej tuav koj txoj kev ntseeg, ces tsis muaj hau kev uas wb yuav mus tau ua ke ntxiv lawm. Wb kawg sib nrauj xwb. Ua tib zoo xav nawb!” Kuv npau taws heev thaum nws hais li ntawd. Pawg Koom Tsham mas phem tshaj plaws li—lawv muab kuv ob tug me nyuam lub neej yav tom ntej los ua kom kuv ntxeev siab rau Vajtswv. Kuv ntxub lawv tag siab nrho li! Tiam sis thaum kuv xav txog qhov kev cuam tshuam rau kuv ob tug me nyuam lub neej yav tom ntej vim yog kuv txoj kev ntseeg, tias nkawv yeej yuav yws thiab ntxub kuv xwb xwb li, ua rau kuv chim siab heev thiab mloog zoo li kuv tshuav nkawv nqi. Ces kuv xav txog cov lus no uas los ntawm Vajtswv los: “Tib neeg caum txoj hauj lwm dab tsi, tib neeg ua dab tsi rau txoj kev ua ib lub neej, thiab kev nplua nuj hauv tib neeg lub neej yuav muaj ntau npaum li cas los tsis yog yuav raug txiav txim los ntawm lawv niam thiab lawv txiv, lawv tej kev tshaj lij, lawv tej kev mob siab los sis lawv tej kev xav tau tshaj qhov muaj peev xwm ua tau, tab sis tej no yeej raug txiav txim ua ntej los ntawm tus Tswv Tsim lawm” (Txoj Lus, Phau 2. Hais Txog Qhov Kev Paub Vajtswv. Vajtswv Tus Kheej, tus Uas Tsuas Yog Tib Tug Xwb III). Yeej muaj tseeb. Tib neeg txoj hmoo yeej nyob rau hauv Vajtswv ob txhais tes, thiab kuv ob tug me nyuam txoj hmoo los nyob rau hauv Vajtswv ob txhais tes thiab. Txawm nkawv yuav muaj hom kev khwv noj khwv haus twg los xij, txawm nkawv lub neej yav tom ntej yuav zoo li cas los xij Vajtswv twb txiav txim siab rau qhov ntawd ntev los lawm. Nws tsis yog ib yam dab tsi uas kuv tuaj yeem tswj tau, thiab nws tsis yog ib yam uas Pawg Koom Tsham yog tus txiav txim siab. Tsis tas li ntawd, tab txawm Pawg Koom Tsham yeej ua kom kuv ob tug me nyuam tsis tau nkag mus rau hauv tsev kawm qib siab thiab nkawv nrhiav tsis tau cov hauj lwm uas tsim nyog los xij, qhov ntawd txhais tau hais tias lawv tej cai phem dhau lawm—nws yuav tsis yog yam kuv ua txhaum ib qho li. Thaum kuv xav li ntawd lawm, kuv maj mam tso kuv tej kev txhawj xeeb tseg thiab kuv hais rau kuv tus txiv hais tias, “Kuv twb ua zoo xav lawm. Kuv txoj kev ntseeg tsis muaj dab tsi txhaum, tiam sis yog koj ntshai tsam kuv cuam tshuam thiab xav sib nrauj heev, ces cia wb mus ua ntawv sib nrauj.” Nws hais tias, “Yog wb sib nrauj, koj yuav tsis tau ib yam khoom vaj tse dab tsi li!” Thaum hnov li ntawd kuv npau taws heev. Wb twb sib yuav tau 20 xyoo lawm, tiam sis nws xav sib nrauj vim kuv ntseeg Vajtswv xwb, wb tsev neeg muaj nyiaj li ib plhom tawm yuam es tsis pub ib lub nyiaj npib rau kuv li. Nws xav tso kuv tawm mus tes dawb tes npliag xwb. Tsis muaj siab ntsws kiag li! Kuv pom qhov tseeb ntawm ib nkawm niam txiv txoj kev sib hlub lawm, yog li ntawd kuv thiaj li nrog kuv tus txiv sib nrauj yam tsis yig hlo li.
Kuv kaj siab heev li, ywj siab heev thaum wb tawm ntawm Qhov Chaw Ua Hauj Lwm Saib Xyuas lawm. Nws yog Vajtswv coj kuv kev ib kauj ruam zuj zus, thiab txoj kev qhuab qhia los ntawm Nws cov lus los, uas ua rau kuv kov yeej Ntxwgnyoog tej kev sim siab thiab tej kev tawm tsam. Kuv ua tsaug ntau ntau rau Vajtswv txoj kev hlub tshua thiab kev tiv thaiv! Nyob rau hauv Teb Chaws Suav, kev ntseeg Vajtswv mas raug kev caij tsuj thiab kev txom nyem ntau heev, tiam sis txawm kuv yuav ntsib yuav pom dab tsi nyob rau yav tom ntej los xij, kuv yeej paub tseeb tseeb tias kuv yuav raws Vajtswv qab kom mus txog thaum kawg kiag!
