1. Ib Tug Pov Thawj Txoj Kev Mus Tsev

Kuv tsev neeg yog cov ntseeg Kav Tos Liv los tau ntau tiam neeg lawm. Thaum kuv muaj 20 xyoo, kuv txiav txim siab muab kuv tus kheej fij rau Huab Tais thiab siv kuv lub neej ua dej num rau Nws. Tsis ntev ntawd, tom qab kawm tus txheej txheem kev ntseeg ntuj nyob rau hauv tsev kawm tau xya xyoo lawm, ces kuv raug muab tsa los ua ib tug pov thawj thaum muaj 27 xyoo, thiab thaum muaj 30 xyoo, kuv tau nce qib mus ua tus thawj pov thawj ntawm ib lub tsev teev hawm lawm. Nyob rau lub sij hawm ntawd mas, kuv khav theeb heev. Ib qho mas, kuv xav hais tias kuv tau los ua tus thawj pov thawj ntawm ib lub tsev teev hawm thaum tseem hluas heev, tiam sis, tom qab ntawd thaum hnov kuv tej lus qhuab qhia lawm, cov pov thawj thiab cov neeg sam kuj puav leej hais tias lawv tau txiaj ntsim heev thiab, yog li ntawd kuv thiaj li xav hais tias kuv to taub Ntawv Ntshiab thiab muaj kev paub txog Huab Tais lawm, thiab tias thaum Huab Tais los, ces Tswv Ntuj yuav pom zoo rau kuv nkag mus rau hauv lub cheeb tsheej saum ntuj ceeb tsheej.

Qhov ntawd yog nyob rau lub Rau Hli xyoo 2001, muaj ib hmos ces, Leej Tsob Hwb Vaj txawm maj nroos tuaj ntsib kuv tuaj hais tias muaj ob tug Ntseeg tuaj, thiab nkawv hais tau tob heev txog txoj kev ntseeg. Thaum kuv hnov hais tias nkawv yog cov Ntseeg lawm, ces kuv tsis tshua quav ntsej txog nkawv kiag li. Kuv xav hais tias Pawg Ntseeg Kav Tos Liv thiaj li yog pawg ntseeg tseeb, thiab muaj tag nrho qhov tseeb ntawm Yes Xus txoj kev cawm dim lawm. Kuv twb kawm kev ntseeg ntuj los tau ntau xyoo, thiab tau kawm txhua tshooj hauv phau Ntawv Ntshiab ib kab zuj zus lawm. Vim nkawv twb tuaj lawm, ces kuv thiaj li xav hais tias tej zaum kuv yuav tau nrog nkawv sib tham txog lo lus nug ntawm txoj kev ntseeg saib seb kuv puas hloov tau nkawv los rau txoj kev ntseeg Kav Tos Liv. Ces, Leej Tsob Hwb Vaj txawm coj kuv mus ntsib nkawv. Ib tug yog Kwv Tij Tsheej Sib, hos lwm tus yog Kwv Tij Txhiaj Nkaub. Tom qab kuv ntsib nkawv lawm, thaum kuv paub hais tias nkawv nyuam qhuav ntseeg Vajtswv tau li rau los sis xya xyoo xwb, mas kuv haj yam tsis tshua quav ntsej txog nkawv, Tiam sis vim xav kom nkawv los koom pawg ntseeg Kav Tos Liv, kuv thiaj li tseem ua siab ntev tham rau nkawv txog qhov keeb kwm ntawm cov Kav Tos Liv. Kuv kuj hais rau nkawv hias tias, “Yog neb xav kom paub tseeb tias yuav tau nkag mus rau hauv lub ceeb tsheej saum ntuj ceeb tsheej mas, neb yuav tsum koom pawg ntseeg tseeb, uas yog pawg ntseeg Kab Tos Liv.” Tiam sis tom qab ob tug kwv tij ntawd hnov qhov ntawd lawm, tsis yog nkawv tsis xav hloov xwb, nkawv tseem qhia rau kuv txog qhov pawg ntseeg ntawd zoo li cas thiab. Txhiaj Nkaub thiaj li hais tias, “Tag nrho cov Kav Tos Liv thiab cov Ntseeg Vajtswv ntawd, qhov pawg ntseeg zoo li cas ntawd tam sim no ces nyob do cuas cia lawm xwb. Cov neeg qhuab qhia nyeem vajluskub thiab tshaj tawm yam tsis muaj txoj kev kaj li, lawv qhia tsis tau tej lus qhuab qhia tshiab los sis kom tob, thiab ib txhia neeg qhuab qhia mas twb pib caum txhua yam ntawm lub ntiaj teb thiab tso txoj kev ua dej num tseg lawm. Thiab cov ntseeg muaj kev xav phem thiab qaug zog, lawv txoj kev ntseeg twb txias lawm, thiab nyob rau hauv tej rooj sib tham mas, lawv tham txog lawv tej kev khwv noj khwv haus txhua hnub los sis seb yuav khwv nyiaj li cas, thiab ib leeg qhia hauj lwm rau ib leeg, thiab rau hluas nkauj hluas nraug li lawm xwb. Ntau tus ntseeg caum cov tib neeg feem coob ntawm lub ntiaj teb lawm, thiab ib txhia haj tseem tig rov qab mus rau lub ntiaj teb lawm thiab. Tam sim no pawg ntseeg zoo li cas lawm puas muaj ib qho txawv ntawm qhov lub tuam tsev zoo li cas nyob rau Tiam Muaj Kev Cai li? Nyob rau thaum kawg ntawm Tiam Muaj Kev Cai ntawd mas, lub tuam tsev nyob do cuas cia lawm xwb. Tib neeg tab meeg pauv nyiaj nyob rau hauv lub tuam tsev, yuav thiab muag nyuj, yaj, thiab nquab taug, ces lub tuam tsev thiaj li dhau los ua ib lub qhov rau tub sab nkaum lawm. Txhais hais tias Vajntsujplig twb tsis ua hauj lwm nyob rau hauv lub tuam tsev ntawd lawm. Vajntsujplig ua hauj lwm nyob rau qhov twg lawm? Nyob rau lub sij hawm ntawd, Tswv Yexus pib ua tes hauj lwm tshiab nyob rau sab nraum lub tuam tsev, thiab Vajntsujplig tes hauj lwm tau hloov mus ua Tswv Yexus tes hauj lwm lawm. Qhov ntawd zoo li qhov muaj ib lub qhov cub nyob rau hauv ib chav thaum lub caij ntuj no. Nws sov so nyob rau hauv chav ntawd, Tiam sis yog muab lub qhov cub ntawd tshem tawm mus lawm, ces chav ntawd yuav no tuaj. Pawg ntseeg los zoo tib yam nkaus li ntawd thiab. Thaum Vajntsujplig ua hauj lwm nyob rau hauv pawg ntseeg, mas cov kwv tij thiab cov muam muaj kev ntseeg thiab ua siab ntev ntev caum, tiam sis thaum tsis muaj Vajntsujplig tes hauj lwm lawm, pawg ntseeg ntawd nyob do cuas cia xwb. Cov pawg ntseeg uas nyob txhua qhov chaw los puav leej zoo tib yam nkaus li lub tuam tsev uas nyob rau Tiam Muaj Kev Cai ntawd thiab. Txhua pawg ntseeg nyob do cuas cia xwb. Koj puas tau xav seb Vajntsujplig tes hauj lwm puas tau hloov chaw? Niaj hnub no Vajntsujplig ua hauj lwm nyob rau qhov twg?” Tom qab hnov qhov uas tus kwv tij ntawd hais lawm, kuv ceeb tag li. Kuv tsis xav hais tias nkawv yuav muab qhov lub tuam tsev nyob do cuas cia ntawd txuas rau Huab Tais Yes Xus tes hauj lwm li. Kuv nyuam qhuav to taub qhov no tshiab tshiab xwb. Peb yeej tsis to taub tej yam zoo li no nyob rau hauv peb pawg ntseeg li. Thiab kuv pom zoo raws li nkawv txoj kev ntsuam xyuas txog qhov pawg ntseeg zoo li cas ntawd. Tsuas xav txog txoj kev nyeem ntawv ntshiab thiab ceev Huab Tais hnub xwb, es thiaj li muaj ntau tus tswv cuab ntawm pawg ntseeg tsis ceev tej ntawd li lawm. Lawv tsuas zoo li cov tsis ntseeg, uas caum nyiaj txiag thiab tej kev zoo siab ntawm lub ntiaj teb lawm xwb, thiab nyob rau hauv pawg ntseeg thiaj li muaj tib neeg tsawg zuj zus lawm. Qhov no yog ib qho muaj tseeb. Pawg ntseeg yeej nyob do cuas cia lawm tiag. Kuv pom hais tias nkawv tej lus qhia mas mus raws li Ntawv Ntshiab thiab tej uas muaj tseeb, thiab nkawv to taub qee yam tob tob, yog li ntawd kuv thiaj li xav hais tias, “Kuv twb kawm phau Ntawv Ntshiab los tau ntau xyoo yam tsis muaj qhov kev to taub no li, tiam sis nkawv nyuam qhuav ntseeg tau ob peb xyoos xwb twb to taub lawm. Nws zoo li kuv tau saib tsis taus nkawv lawm.” Thaum kuv pom hais tias kuv yaum tsis tau nkawv, thiab teb tsis tau nkawv cov lus nug, ces kuv cia li ntxiv ob peb lo lus kom kuv tus kheej txhob txaj muag xwb, hais li ub li no, thiab mus tsev lawm.

Tiam sis kuv xav hais tias Leej Ntuj Plig Ntshiab yog pawg ntseeg tus ntsujplig, yog li ntawd yog Leej Ntuj Plig Ntshiab tsis ua hauj lwm nyob rau hauv pawg ntseeg lawm, ces Nws yuav ua hauj lwm nyob rau qhov twg? Nyob rau lub sij hawm ntawd mas kuv tsis to taub li, yog li ntawd kuv thiaj li tsis xav ntau txog qhov ntawd. Tom qab ntawd, ob tug kwv tij ntawd tuaj saib kuv ob peb zaug ntxiv. Rov qab pib qhia kiag ntawm lub ncauj lus uas qhia zaum tas los no, nkawv hais tias, “Vajtswv twb rov qab los yug ua neeg los nthuav tawm cov lus tshiab lawm, los ua tes hauj lwm txiav txim thiab ntxuav tib neeg kom dawb huv, cawm peb kom dim ntawm txoj kev ua kev txhaum qhev, thiab coj peb nkag mus rau hauv lub nceeg vaj saum ntuj ceeb tsheej.” Kuv ntxhov siab heev thaum kuv hnov li ntawd. Kuv thiaj li xav hais tias, “Neb puas to taub phau Ntawv Ntshiab tiag tiag mas? Huab Tais Yes Xus twb ua tes dej num ntawm kev txhiv dim tiav lawm, thiab Nws yuav ua ib lub cev ntsujplig rov qab los rau saum ib tauv huab los txiav txim rau qhov kawg ntawm tib neeg. Yuav ua li cas ua tau tias Nws rov qab los yug ua neeg dua los ua tes hauj lwm tshiab?” Nyob rau lub sij hawm ntawd, kuv cia li nco hais tias twb muaj qee tus neeg qhia kuv tsis ntev los no, txog qhov tib neeg tshaj tawm Qhov Xob Laim Sab Hnub Tuaj lawm. Nkawv hais tias tus Tswv twb rov qab los yug ua neeg los ua tes hauj lwm tshiab lawm, thiab nkawv tej lus qhuab qhia mas tob heev. Kuv xav hais tias tej zaum nkawv ntseeg Qhov Xob Laim Sab Hnub Tuaj lawm. Kuv xav hais tias Pawg Ntseeg Kav Tos Liv yog pawg ntseeg uas qub tshaj plaws, thiab vim twb tsis muaj leej twg hnov txog Qhov Xob Laim Sab Hnub Tuaj dua li, ces nws yeej tsis yog ib pawg ntseeg uas qub tshaj plaws. Vim pawg ntseeg ntawd tsis yog ib pawg ntseeg uas qub tshaj plaws, mas lawv tej lus qhuab qhia yeej yuam kev lawm xwb xwb li. Yog li ntawd, kuv thiaj li cuam tshuam nkawv thiab nug hais tias, “Neb puas ntseeg Qhov Xob Laim Sab Hnub Tuaj? Neb hais tias tus Tswv twb rov qab los yug ua neeg lawm thiab tab tom ua tes hauj lwm tshiab no. Qhov no yeej tsis muaj hnub li. Kuv tsis ntseeg qhov ntawd. Yog neb txhob txwm tshaj tawm txoj moo zoo no rau kuv xwb, ces kav tsij txuag neb tus kheej lub zog xwb!” Ob tug kwv tij ntawd tseem ua siab ntev ntev qhia kuv, tiam sis vim kuv tej kev xav phem muaj zog dhau lawm, kuv thiaj li tsis mloog nkawv hais kiag li. Kuv hais rau nkawv yam npau taws vog hais tias, “Qhov neb tshaj tawm ntawd cov nyom rau tej kev ntseeg qub, thiab kuv tsis xav hnov ntxiv lawm!” Thaum ob tug kwv tij ntawd pom kuv tus cwj pwm lawm, ces nkawv txawm tsum tsis qhia kuv lawm. Tom qab ntawd, nkawv tuaj ob zaug ntxiv, tiam sis vim kuv lub siab uas tawm tsam nkawv, txawm nkawv yuav qhia npaum li cas los xij, txhua yam uas nkawv hais ces nkag sab pob ntseg no tshwm sab tod lawm xwb. Thaum kawg, nkawv thiaj li tso ib phau ntawv hu ua Txoj Lus Tshwm Hauv Lub Cev Nqaij Daim Tawv tseg rau kuv, thiab hais kom kuv tshuaj xyuas phau ntawv ntawd. Thaum kuv pom nkawv tus cwj pwm uas kub siab lawm, kuv yuav txaj muag heev yog kuv tsis kam, yog li ntawd kuv thiaj li cia nkawv tso phau ntawv ntawd tseg.

Kuv xav paub xav pom me ntsis thaum kuv nyuam qhuav tau txais phau ntawv ntawd, thiab kuv xav pom seb muaj dab tsi nyob rau hauv phau ntawv ntawd kiag. Yog li ntawd, kuv thiaj li nthuav phau ntawv ntawd, saib thoob plaws cov ntsiab lus, thiab tom qab ntawd cia li nthuav mus rau ob peb nplooj, ces kuv txawm pom qee qhov, xws li seb puas muaj Vaj Peb Leeg thiab qhov kawg thiab lub hom phiaj ntawm noob neej. Qhov ntawd mas txawv ntawm peb tej kev ib txwm qhuab qhia lawm, yog li ntawd kuv thiaj li muab phau ntawv ntawd kaw thiab tsis saib ntxiv lawm. Kuv xav hais tias twb yog ib tug thawj pov thawj ntawm lub tsev teev hawm lawm, ces nws yog kuv tes dej num los tiv thaiv cov yaj, kuv yuav tsum tau qhia rau cov pov thawj thiab cov neeg sam kom lawv thiaj li yuav tsis raug dag. Yog li ntawd, thaum muaj ib tug neeg tshiab thim rov qab lawm, kuv thiaj li hais tias, “Peb nyob rau tiam kawg lawm, ces thiaj li muaj ntau tus Khetos cuav tshwm tuaj. Ob peb hnub dhau los no, kuv ntsib cov tib neeg uas tuaj ntawm Qhov Xob Laim Sab Hnub Tuaj tuaj. Lawv hais tias Huab Tais twb rov qab los yug ua neeg lawm, thiab tab tom ua tes hauj lwm tshiab. Qhov no muaj tau li cas? Kuv saib lawv phau ntawv li ob peb nplooj, mas qhov phau ntawv ntawd qhia mas txawv ntawm peb tej kev ib txwm ntseeg lawm. Kuv paub tseeb hais tias Qhov Xob Laim Sab Hnub Tuaj tsis yog los ntawm Tswv Ntuj los!” Kuv kuj hais rau lawv kom ceev faj thiab tsis txhob mus ntsib cov tib neeg ntawd, tsis txhob nyeem cov tib neeg ntawd cov ntawv los sis mloog lawv cov lus li, thiab yuav tsum tiv thaiv cov tswv cuab ntawm pawg ntseeg kom tsis txhob raug cov tib neeg ntawd dag. Nyob rau lub sij hawm ntawd, tom qab lawv hnov kuv hais lawm, cov pov thawj thiab cov neeg sam thiaj li hais tias qhov no yog ib qho tseem ceeb ntawm txoj kev cawm cov plig, thiab tias yuav tsum tau tiv thaiv cov tswv cuab ntawm pawg ntseeg. Nyob rau lub sij hawm ntawd, kuv pom hais tias txhua tus yeej mloog lus heev tom qab hnov kuv hais lawm, thiab kuv mloog zoo li kuv twb ua tau ib yam uas ncaj ncees heev lawm, los sis yam tsawg kawg ua tus thawj pov thawj lub luag hauj lwm uas los tiv thaiv cov yaj kom tiav lawm, yog li ntawd kuv tsis paub hais tias kuv tab tom tawm tsam Vajtswv kiag li.

Ob peb hnub tom qab qhov xwm txheej no lawm, Txhiaj Nkaub tuaj saib kuv thiab nug kuv seb kuv puas tau nyeem Vajtswv Tus Uas Muaj Hwj Chim Loj Kawg Nkaus cov lus. Kuv hais tias, “Vajtswv Tus Uas Muaj Hwj Chim Loj Kawg Nkaus cov lus mas txawv peb tej kev ib txwm qhuab qhia, yog li ntawd kuv yuav tsis tshuaj xyuas cov lus ntawd, thiab kuv yuav tsis cia lwm tus tshuaj xyuas cov li ntawd li thiab, vim qhov no yog ib qho tseem ceeb ntawm txoj kev ntseeg. Peb yuav tsis ntxeev siab rau Huab Tais vim txoj kev mloog nej tej lus qhuab qhia li.” Tom qab Txhiaj Nkaub hnov li no lawm, nws thiaj li ua siab ntev ntev qhia kuv, hais tias, “Koj twb tsis tau nyeem Vajtswv Tus Uas Muaj Hwj Chim Loj Kawg Nkaus cov lus es. Koj tsuas pom ob peb yam uas txawv koj pawg ntseeg txoj kev ib txwm qhuab qhia xwb, yog li ntawd koj thiaj li tau txiav txim siab lawm hais tias qhov no tsis yog Vajtswv txoj lus thiab tes hauj lwm, thiab koj thiaj li tsis kam tshuaj xyuas. Koj tsis xav hais tias qhov no yog tsis quav ntsej hlo li lod? Vajtswv Tus Uas Muaj Hwj Chim Loj Kawg Nkaus hais tias: ‘Kuv hais qhia rau nej kom ua twb zoo taug txoj kev ntawm kev ntseeg Vajtswv. Tsis txhob lam dhia mus rau qhov xaus lus; tshaj qhov ntawd, tsis txhob lam ua dog dig thiab ua twb zoo xav rau nej txoj kev ntseeg Vajtswv. Nej yuav tsum paub hais tias, yam tsawg kawg nkaus, cov uas ntseeg Vajtswv yuav tsum muaj kev txo hwj chim thiab muaj lub siab hwm Vajtswv. Cov uas twb tau hnov qhov tseeb lawm thiab tab sis ho tsa ntswg rau xwb ces yog cov ruam thiab tsis paub dab tsi li. Cov uas twb tau hnov qhov tseeb lawm thiab tab sis tseem ho lam tau lam dhia mus rau qhov xaus lus los sis cem nws ces yog raug kev khav theeb mooj lawm. Tsis muaj ib tug twg uas ntseeg Yexus es yuav zoo tsim nyog mus foom los sis cem lwm tus li. Nej sawv daws yuav tsum ua ib tug neeg uas txawj xav thiab lees txais qhov tseeb’ (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Thaum lub Sij Hawm Koj Pom Yexus Lub Cev Sab Ntsujplig, Vajtswv Yuav Tsim Lub Ntuj thiab Lub Ntiaj Teb Tshiab Lawm). Peb pom tau hais tias yuav kom ntseeg tau tus Tswv mas, peb yuav tsum muaj lub siab uas hwm Vajtswv. Peb qi muag nti thuam tsis tau thaum peb pom hais tias Vajtswv cov lus thiab tes hauj lwm ntawd tsis haum raws li peb tej kev xav phem los sis txoj kev xav hauv nruab siab. Yog peb tsis muaj tus cwj pwm uas txo hwj chim thiab nrhiav kev los rau ntawm Vajtswv lub xub ntiag, es peb pheej siv peb tej kev xav hauv nruab siab los tshuaj xyuas Vajtswv cov lus tshiab thiab tes hauj lwm tshiab xwb, ces yuav mus ua kev txhaum loj uas tawm tsam thiab teem txim rau Vajtswv yam yooj yim heev. Qhov no tsuas zoo ib yam li thaum Tswv Yexus los ua hauj lwm, es cov Falixais pom hais tias Nws cov lus thiab tes hauj lwm mas dhau txoj cai lawm xwb. Lawv txhob txwm nrhiav qee yam los tawm tsam Tswv Yexus, teem txim rau Nws, thiab thaum kawg dag cov pej xeem kom muab Tswv Yexus ntsia rau saum tus ntoo khaub lig xwb. Qhov no mas txhaum Vajtswv tus moj yam loj heev, thiab thaum kawg lawv thiaj li raug foom tsis zoo thiab raug rau txim lawm. Qhov no yog ib qho kev kawm kom paub tiag tiag li. Niaj hnub no, hais txog qhov tus Tswv rov qab los ntawd, peb yuav tsum tau ceev faj txog qhov ntawd, vim hais tias yog peb teem txim rau qhov ntawd yuam kev, ces tej zaum peb yuav hais lus tuam mom Vajntsujplig. Tswv Yexus hais ntev los lawm hais tias: ‘Tag nrho txhua yam kev txhaum thiab kev hais lus thuam yuav raug muab zam tau rau tib neeg: tab sis kev hais lus thuam tus Vajntsujplig yuav tsis raug zam tau rau tib neeg li’ (Mathai 12:31). Qhov ua qhov kev txhaum no mas yuav yog ib qho phem heev! Vim Vajtswv Tus Uas Muaj Hwj Chim Loj Kawg Nkaus twb tau tshwm los ua hauj lwm lawm, ces thiaj li muaj ntau tus thawj coj ntawm ntau pab ntseeg tau qi muag nti teem txim rau Vajtswv Tus Uas Muaj Hwj Chim Loj Kawg Nkaus tes hauj lwm lawm. Ib txhia haj tseem hais lus phem thiab tuam mom Vajtswv Tus Uas Muaj Hwj Chim Loj Kawg Nkaus thiab. Muaj ntau tus ntawm cov uas tawm tsam tiag tiag raug rau txim lawm. Yog peb tsis ceev faj, ces peb tuaj yeem plam peb lub hom phiaj yam yooj yim heev.”

Nyob rau lub sij hawm ntawd, kuv xav hais tias, “Kuv tab tom xav txog kuv pawg ntseeg cov tswv cuab thiab tiv thaiv lawv kom txhob raug dag xwb. Qhov no txhaum rau Huab Tais tau li cas?” Tiam sis thaum kuv ua tib zoo xav txog qhov ntawd, kuv xav hais tias qhov tus kwv tij ntawd hais yeej tsim nyog lawm. Kuv tsis paub ntau txog Qhov Xob Laim Sab Hnub Tuaj li, tiam sis kuv txawm sid maj nroos los teem txim rau Qhov Xob Laim Sab Hnub Tuaj lawm, thiab kuv qhia tib yam nkaus li ntawd rau cov pov thawj thiab cov neeg sam. Yog kuv tau teem txim rau Qhov Xob Laim Sab Hnub Tuaj ntawd yuam kev li nws hais lawm tiag, ces ntshe qhov ntawd yuav txhaum rau Tswv Ntuj lawm. Lub txim ntawm qhov ua txhaum ntawd mas ntshe loj heev. Yog li ntawd, kuv thiaj li hais rau Txhiaj Nkaub hais tias, “Kuv yeej tsis tau xav txog qhov koj tau hais lawm ntawd li, tiam sis kuv mam li ceev faj rau yav tom ntej.” Tiam sis tom qab ntawd muaj qee yam tshwm sim nyob rau hauv peb pawg ntseeg uas ua rau kuv tig xav. Muaj ib zaug, kuv pom peb tus tswv qhia, thiab nws hais rau kuv yam tu siab heev li hais tias muaj ntau tus pov thawj nyob hauv peb cheeb tsam pheej hais li ub li no kom txhob tau muab tej khoom fij ntawd rau pawg ntseeg, thiab muaj ib txhia pov thawj uas ua kev phem kev qias raws li siab nyiam tsis kam lees txim hloov dua siab tshiab li. Muaj ib tug pov thawj laus lawm tau nthuav tawm twj ywm hais tias nws tau nyiag tej khoom fij ntawd twj ywm mus rau lwm tus lawm, uas yog tus teeb tsa ib lub chaw ua hauj lwm. Thaum kuv hnov tej no lawm, kuv thiaj li xav hais tias, “Ua ib tug pov thawj lawm, kev nkim thiab nyiag tej khoom fij thiab ua kev phem kev qias raws li siab nyiam ntawd mas yog tej kev txhaum Huab Tais uas loj heev. Huab Tais hais tias: ‘Tshwj yog nej lees txim hloov dua siab tshiab lawm xwb, mas nej sawv daws thiaj li yuav tsis zoo li cov uas raug puas tsuaj ntawd’ (Lub Moo Zoo Raws Li Lus Kas 13:3). Yog cov pov thawj ua neej nyob rau hauv txoj kev txhaum thiab yeej tsis lees txim hloov dua siab tshiab li, lawv yuav ua li cas nkag tau mus rau hauv lub ceeb tsheej saum ntuj ceeb tsheej? Nyob rau yav dhau los mas, tsuas yog ob peb tug pov thawj xwb thiaj li ua tej yam zoo li ntawd, tiam sis tam sim no, muaj ntau tus pov thawj tau poob rau txoj kev phem lawm.” Kuv tsuas xav txog txoj kev puas tsuaj hauv pawg ntseeg uas Txhiaj Nkaub tham txog rau kuv ntawd lawm xwb. Kuv xav hais tias, “Nyob rau yav dhau los, thaum Leej Ntuj Plig Ntshiab ua hauj lwm nyob rau hauv pawg ntseeg, mas thaum peb ua txhaum, ces Leej Ntuj Plig Ntshiab qhuab qhia peb. Tiam sis tam sim no, muaj ntau tus pov thawj ua txhaum rau Tswv Ntuj, vim li cas tsis muaj kev qhuab qhia los ntawm Leej Ntuj Plig Ntshiab los li? Leej Ntuj Plig Ntshiab tsis ua hauj lwm rau hauv pawg ntseeg lawm tiag tiag lod?” Kuv tsis to taub li lawm.

Tsis ntev ntawd, ib ntus tom qab ntawd lawm, Txhiaj Nkaub thiab lwm tus rov qab tuaj saib kuv dua. Kuv yeej tseem muaj qee qhov kev tawm tsam lawv nyob rau lub sij hawm ntawd thiab. Kuv thiaj li xav hais tias, “Nej pheej ua tim khawv hais tias Huab Tais twb rov qab los yug ua neeg los ua tes hauj lwm tshiab lawm no. Puas muaj ib lub hauv paus hauv ntawv ntshiab rau qhov hais li no? Kuv xav hais tias hnub no kuv yuav cia li nug nej qee lo lus nug ncaj qha lawm xwb. Yog nej teb tsis tau cov lus nug ntawd, ces cia peb tsis txhob tham ntxiv lawm.” Yog li ntawd, kuv thiaj li nug lawv hais tias, “Ntawv Ntshiab hais tias nyob rau tiam kawg, Huab Tais yuav ua ib lub cev ntsujplig rov qab los rau saum ib tauv huab no, tiam sis nej ho ua tim khawv hais tias Nws twb rov qab los yug ua neeg los ua tes hauj lwm tshiab lawm. Nej lub hauv paus rau qhov hais li no yog dab tsi?” Txhiaj Nkaub txawb teb hais tias, “Nyob rau tiam kawg mas, qhov tus Vajtswv uas yug los ua neeg los ntawd Vajtswv twb npaj tseg los ntev lawm, thiab muaj pov thawj nyob rau hauv Tswv Yexus tus kheej tej lus faj lem lawm. Piv txwv li, Luka 17:24–25 hais tias: ‘Vim zoo ib yam nkaus li xob laim, uas laim txias saum ib sab ntuj tuaj, ci ntsa paug mus rau ib sab ntuj; yog li Neeg Leej Tub yuav zoo tib yam nkaus li ntawd nyob rau hnub Nws rov los. Tab sis ua ntej tshaj Nws yuav tsum raug kev txom nyem ntau yam, thiab yuav raug cov neeg tiam no tsis lees txais.’ ‘Yog li ntawd nej kuj yuav tsum npaj kom txhij: vim Neeg Leej Tub yuav los rau teev uas nej xav tsis txog ntawd’ (Mathai 24:44). ‘Zoo ib yam nkaus li lub sij thaum Nau-a tiam, yog li qhov kev rov los ntawm Neeg Leej Tub los kuj yuav zoo tib yam nkaus li ntawd thiab’ (Mathai 24:37). Raws li koj pom, Tag nrho cov nqe no puav leej hais txog ‘Neeg Leej Tub.’ Nyob rau ntawm no ‘Neeg Leej Tub’ yog hais txog dab tsi? Peb txhua tus puav leej paub hais tias Tswv Yexus yog Neeg Leej Tub thiab yog tus Vajtswv uas yug los ua neeg. Tsis muaj qhov tsis ntseeg txog qhov no li. Neeg Leej Tub yog hais txog Vajtswv tus Ntsujplig uas hnav lub cev nqaij daim tawv los ua ib tug tib neeg dog dig, uas hais tau hais tias, qhov ntawd yog hais txog Vajtswv txoj kev yug los ua neeg ntag. Yog li ntawd, tus Tswv hais ua lus faj lem tias ‘qhov kev rov los ntawm Neeg Leej Tub’ qhia hais tias thaum Nws rov qab los, yuav zoo li lub cev nqaij daim tawv uas yug los ua neeg ntag. Ntxiv ntawd, tej nqe Vajluskub kuj hais tias: ‘Tab sis ua ntej tshaj Nws yuav tsum raug kev txom nyem ntau yam, thiab yuav raug cov neeg tiam no tsis lees txais.’ Qhov no txhais li cas? Txhais hais tias thaum tus Tswv rov qab los, tib neeg tsis paub los sis tsis lees paub Nws, thiab tag nrho tiam ntawd yuav teem txim thiab tsis kam txais yuav Nws. Qhov no qhia hais tias tsuas yog thaum tus Tswv los ua Neeg Leej Tub xwb, Nws thiaj li yuav raug tej no tau thiab raug tiam no tsis kam txais yuav. Yog Nws ua lub cev ntsujplig rov qab los es muaj ib tug Yudais lub ntsej muag, muaj hwj chim thiab tshwm los rau txhua tus tib neeg pom yam muaj koob meej heev, ces leej twg thiaj li yuav pom Nws es tsis txhos caug thiab pe hawm? Yog li Nws yuav nyiaj txoj kev txom nyem loj tau li cas? Nws yuav raug tiam no tsis kam txais yuav li cas? Yog li ntawd, yeej paub tseeb hais tias tus Tswv yuav rov qab los yam li Neeg Leej Tub uas yug los ua neeg nyob rau tiam kawg.”

Tom qab hnov tej lus qhia no los ntawm nws los lawm, kuv txawm ceeb tag li. Nws tej lus qhia puav leej tsim nyog thiab muaj qab hau! Tsis muaj ib tug ntawm cov neeg kawm txog kev ntseeg thiab cov neeg paub sab ntsujplig uas nyob rau hauv lub ntiaj teb ntawm sab kev lis kev cai ntseeg piav qhia tau meej meej txog Huab Tais Yes Xus lo lus faj lem li. Lawv txhua tus puav leej hais tias qhov no yog Huab Tais lo lus zais tob, uas noob neej tsis tuaj yeem to taub tag nrho. Kuv kawm phau Ntawv Ntshiab los tau ntau xyoo lawm, tiam sis txhua zaus uas kuv pom nqe no, kuv yeej tsis to taub li. Kuv tsis paub tias vim li cas Huab Tais thiaj li yuav tsum tau raug kev txom nyem, vim Nws twb ua lub cev ntsujplig los lawm. Qhov ntawd ua rau kuv ceeb tag li hais tias cov tib neeg uas tuaj ntawm Qhov Xob Laim Sab Hnub Tuaj tuaj ntawd ho piav qhia tau lo lus zais tob ntawm lo lus faj lem no. Tias lawv tuaj yeem pom txhua yam tseeb heev uas ua rau kuv hloov kuv txoj kev xav txog lawv lawm! Kuv xav paub hais tias, “Puas yog Huab Tais rov qab los yug ua neeg lawm tiag tiag?” Txawm li cas los xij, thaum kuv xav txog ntau lo lus faj lem hauv phau Ntawv Ntshiab uas hias tias Huab Tais yuav los rau saum ib tauv huab, kuv yeej tseem xav tsis tawm li. Yog li ntawd kuv thiaj li nug nws hais tias, “Muaj ntau lo lus faj lem hauv phau Ntawv Ntshiab hais tias nyob rau tiam kawg mas, Huab Tais yuav ua lub cev ntsujplig tab meeg nqis los txiav txim rau txhua tus tib neeg. Piv txwv li, Huab Tais hais tias: ‘Thiab thaum ntawd Neeg Leej Tub lub cim yuav tshwm nyob rau saum ntuj: ces tom qab ntawd txhua haiv neeg hauv lub ntiaj teb yuav quaj nyiav: thiab lawv yuav pom Neeg Leej Tub nrog lub hwj chim thiab lub meej mom loj nrog cov huab saum ntuj los’ (Lub Moo Zoo Raws Li Mas Tais 24:30). ‘Saib nawb, Nws nrog cov huab los, thiab txhua lub qhov muag yuav pom Nws, thiab lawv yog cov uas nkaug Nws ntag. Thiab txhua haiv neeg hauv lub ntiaj teb yuav quaj ntsuag vim Nws los lawm’ (Qhib Yav Tom Ntej 1:7). Yog qhov Huab Tais rov qab los ntawd yeej yog los yam li lub cev nqaij daim tawv uas yug los ua neeg tiag tiag, ces tej lus faj lem no ho muaj tiav tau li cas?”

Txhiaj Nkaub qhia hais tias, “Tswv Yexus hais ua lus faj lem hais tias thaum Nws rov qab los nyob rau tiam kawg, Nws yuav nqis los rau saum ib tauv huab, thiab tab meeg txiav txim rau txhua haiv neeg thiab txhua tus neeg. Tej lus faj lem no yeej yuav muaj tiav xwb xwb li. Tiam sis Vajtswv los yug ua neeg twj ywm ua ntej tso, ces tom qab ntawd mam li tab meeg tshwm los rau txhua tus pom nyob rau saum ib tauv huab. Muab hais ua lwm lo lus ces, tus Tswv ua ob txoj kev rov qab los. Txoj ua ntej yog, Nws ua cev nqaij daim tawv los nthuav qhov tseeb tawm, thiab los txiav txim thiab ntxuav tib neeg kom dawb huv los tsim ib pab ua cov kov yeej. Tom qab ntawd, txoj kev puas tsuaj loj mam nqis los, thiab tes hauj lwm ntawm Vajtswv txoj kev yug los ua neeg yam zais ntshis ntawd mam li tiav. Tom qab txoj kev puas tsuaj ntawd lawm, Vajtswv mam li tab meeg tshwm nrog lub yeeb koob los rau txhua tus pom, thiab muab nqi zog rau cov neeg zoo hos rau txim rau cov neeg phem. Yog li ntawd, nyob rau ntu ntawm Vajtswv txoj kev yug los ua neeg thiab tes hauj lwm zais ntshis ntawd, cov uas tawm tsam thiab teem txim rau Vajtswv, thiab tom qab ntawd tsis kam lees txim hloov dua siab tshiab, ces yuav plam tag nrho lawv lub hwv tsam los tau txoj kev cawm dim thiab thaum kawg quaj tom hniav qas qawv nyob rau hauv txoj kev puas tsuaj xwb. Qhov no muaj tiav raws li lo lus faj lem nyob rau hauv Phau Qhia Tshwm: ‘Saib nawb, Nws los nrog cov huab; thiab txhua lub qhov muag yuav pom Nws, thiab lawv kuj yog cov nkaug Nws los yeej pom tib si: thiab txhua hom neeg hauv ntiaj teb yuav quaj tu siab vim yog Nws’ (Qhia Tshwm 1:7).”

Tom qab hnov nws tej lus qhia lawm, mloog zoo li kuv lub siab kaj lug lawm. Qhov Huab Tais rov qab los zaum ob ntawd tsis yog tsuas tab meeg nqis los rau saum ib tauv huab xwb. Ua ntej tab meeg nqis los, Nws xub los yug ua neeg twj ywm tso. Nov yog ob txoj kev uas Huab Tais los tshwm los rau tib neeg pom. Nyob rau yav tas los, kuv tsuas paub tib txoj kev uas Huab Tais los tshwm los rau tib neeg pom xwb. Kuv paub hais tias kuv muaj kev to taub ib sab xwb. Thaum no yog thaum kuv pom hais tias Qhov Xob Laim Sab Hnub Tuaj nthuav lo lus zais tob ntawm lo lus faj lem hauv phau Ntawv Ntshiab ntawd tawm, thiab lawv txoj kev piav qhia mas tsim nyog thiab muaj qab hau heev, yog li ntawd kuv thiaj li xav hais tias tej zaum qhov ntawd yog los ntawm Tswv Ntuj los thiab tsim nyog tshuaj xyuas lawm. Tom qab ntawd, kuv txaus siab hlo kawm nrog lawv thiab nyeem Vajtswv Tus Uas Muaj Hwj Chim Loj Kawg Nkaus cov lus yam tsis muaj kev tawm tsam li lawm. Tom qab nyeem Vajtswv Tus Uas Muaj Hwj Chim Loj Kawg Nkaus cov lus tau li ib ntus lawm, kuv paub tseeb tseeb hauv nruab siab tuaj lawm hais tias Huab Tais yuav ua lub cev nqaij daim tawv uas yug los ua neeg rov qab los xwb, Tiam sis kuv tseem paub tsis meej thiab. Kuv paub tseeb txog qhov tseem ceeb ntawm txoj kev yug los ua neeg lawm, tiam sis kuv yuav ua li cas paub tseeb tias Vajtswv Tus Uas Muaj Hwj Chim Loj Kawg Nkaus yog tus Huab Tais Yes Xus uas twb rov qab los lawm? Kuv nco tau hais tias pawg ntseeg Kav Tos Liv yog pawg ntseeg tseeb, thiab muaj tag nrho qhov tseeb ntawm Yes Xus txoj kev cawm dim. Kuv paub hais tias tsuas yog Txoj Kev Ntseeg Kav Tos Liv xwb peb thiaj li nkag tau mus rau hauv Tswv Ntuj lub nceeg vaj, Yog kuv lees txais Vajtswv Tus Uas Muaj Hwj Chim Loj Kawg Nkaus, thiab ncaim ntawm kuv txoj kev ntseeg mus lawm, ces ntshe yog kuv ntxeev siab rau Huab Tais lawm. Kuv yuav ua li cas nkag tau mus rau hauv Tswv Ntuj lub nceeg vaj? Kuv tsis to taub lo lus nug no, yog li ntawd kuv thiaj li tseem tsis tshua kaj siab pes tsawg. Kuv hnov hais tias Pov thawj Yuam Ntxoov Kim kuj tau lees txais Vajtswv Tus Uas Muaj Hwj Chim Loj Kawg Nkaus tes hauj lwm nyob rau tiam kawg lawm thiab, yog li ntawd kuv thiaj li xav mus ntsib nws. Yav tas los mas nws yog ib tug Kav Tos Liv, thiab wb tej kev qhuab qhia thiab tej kev xav zoo tib yam xwb, yog li ntawd kuv thiaj li xav hnov seb nws to taub qhov teeb meem ntawd li cas. Ob peb hnub tom qab ntawd, kuv txawm pom Ntxoov Kim ces kuv qhia nws txhua yam txog kuv tej kev txhawj xeeb.

Tom qab mloog tag lawm, nws qhia kuv hais tias, “Yav tas los los kuv muaj kev txhawj xeeb tib yam li koj thiab. Kuv txhawj hais tias qhov ntseeg Vajtswv Tus Uas Muaj Hwj Chim Loj Kawg Nkaus ntawd yog qhov ntxeev siab rau Huab Tais Yes Xus. Tiam sis hais txog lo lus nug no mas, qhov tseem ceeb tshaj plaws ces yog kom paub seb Vajtswv Tus Uas Muaj Hwj Chim Loj Kawg Nkaus thiab Huab Tais Yes Xus puas yog tib tug Ntsujplig xwb, seb Nkawv puas yog tib tug Vajtswv los ua hauj lwm xwb. Nyob rau Tiam Muaj Kev Cai mas, nws yog Yehauvas los ua hauj lwm, hos nyob rau Tiam Hmoov Hlub mas, nws yog Huab Tais Yes Xus los ua hauj lwm. Txawm Vajtswv Tus Uas Muaj Hwj Chim Loj Kawg Nkaus lub npe hloov pauv thiab tes hauj lwm Nws ua ntawd sib txawv los xij, koj puas hais tau hais tias Yes Xus thiab Yehauvas tsis yog ib tug Vajtswv? Koj puas hais tau hais tias qhov ntseeg Huab Tais Yes Xus ntawd yog qhov ntxeev siab rau Yehauvas? Yeej hais tsis tau kiag li. Yog li ntawd, qhov yuav txiav txim siab seb Nkawv puas yog tib tug Vajtswv ntawd tsis yog txiav txim siab raws li Nkawv ob lub npe. Qhov tseem ceeb tshaj plaws ces yog saib seb Vajtswv Tus Uas Muaj Hwj Chim Loj Kawg Nkaus nthuav tawm puas tau qhov tseeb thiab ua puas tau tes hauj lwm uas cawm noob neej xwb. Tsuav yog Nws nthuav tawm tau qhov tseeb thiab Vajtswv lub suab, thiab ua tau tes hauj lwm uas cawm tib neeg xwb, ces Nws yog Vajtswv Tus Kheej ntag. Peb txhua tus puav leej paub hais tias nyob rau Tiam Muaj Kev Cai ntawd mas, Yehauvas tawm tej kev cai thiab tej lus txib los coj tib neeg ua neej nyob rau hauv lub ntiaj teb, kom lawv thiaj li paub tias kev txhaum yog dab tsi, yuav ua kev cai xyeem theej txhoj rau tej kev txhaum li cas, thiab yuav pe hawm Vajtswv li cas. Tiam sis nyob rau thaum kawg ntawm Tiam Muaj Kev Cai ntawd, tib neeg haj yam ua kev txhaum ntau tuaj xwb, ces txawm yuav fij khoom ntau npaum li cas los theej tsis tau tej kev txhaum ntawd li lawm. Txhua tus puav leej nyob rau hauv txoj kev phom sij uas raug txoj cai ntawd muab teem txim thiab muab tua pov tseg, yog li ntawd Yehauvas thiaj li hais ua lus faj lem rau cov cev Yehauvas lus hais tias: ‘Saib nawb ib tug nkauj xwb yuav xeeb tub, thiab yuav yug ib tug tub, thiab lawv yuav muab Nws lub npe hu ua Emanu-ee’ (Lub Moo Zoo Raws Li Mas Tais 1:23), ‘Rau qhov twb muaj ib tug ME NYUAM YUG los rau peb lawm, thiab muab ib tug tub pub rau peb lawm, thiab txoj kev xav nyob rau saum Nws xwb pwg’ (His Xais 9:6). Yehauvas hais rau cov neeg His Xas Lais ua lus faj lem hais tias tus Mes Xias yuav los ua qhov khoom theej txhoj uas txhiv noob neej, tom qab ntawd, Tswv Ntuj los yug ua neeg los ua Huab Tais Yes Xus raws li tau cog lust seg thiab raws li lub hauv paus ntawm txoj kev cai tes hauj lwm, los ua tes dej num ntawm kev txhiv noob neej. Huab Tais Yes Xus nthuav ntau qhov tseeb tawm thiab qhia txoj kev lees txim hloov dua siab tshiab rau tib neeg, ces tom qab ntawd txawm raug ntsia rau saum tus ntoo khaub lig ua qhov khoom theej noob neej lub txhoj mus ib txhis lawm, uas yog qhov ua tiav tes dej num ntawm kev txhiv txhua tus noob neej. Tom qab ntawd, tib neeg tsuas yuav tsum tau lees txais Yes Xus Pleev los ua lawv tus Cawm Seej xwb. Thaum lawv ua txhaum, lawv tsuas yuav tsum tau lees txim hloov dua siab tshiab rau Huab Tais Yes Xus xwb, ces tom qab ntawd Huab Tais yuav zam lawv tej kev txhaum, lawv yuav tsis raug tua tuag vim ua txhaum txoj kev cai lawm, thiab tib neeg kuj tsim nyog los rau ntawm Tswv Ntuj lub xub ntiag los thov Tswv Ntuj los nrhiav Tswv Ntuj txoj hmoov hlub thiab tej koob hmoov lawm. Yog li ntawd, Huab Tais Yes Xus tes hauj lwm ua rau cov yaj suab tej lus faj lem hauv phau Ntawv Ntshiab Qub muaj tiav lawm. Qhov ntawd cawm tib neeg dim los ntawm txoj kev ua txoj kev cai qhev, muab Tiam Muaj Kev Cai ntawd xaus mus, thiab coj noob neej mus rau Tiam Hmoov Hlub lawm. Qhov no ua pov thawj qhia tau hais tias Huab Tais Yes Xus yog tus Cawm Seej, tias tus Mes Xias twb los lawm, thiab tias Yes Xus thiab Yehauvas yog tib tug Ntsujplig thiab yog tib tug Vajtswv xwb. Ib yam nkaus li Huab Tais Yes Xus hais tias: ‘Kuv nyob rau hauv Leej Txiv, thiab Leej Txiv nyob rau hauv Kuv’ (Lub Moo Zoo Raws Li Zam 14:11). ‘Kuv thiab Leej Txiv yog tib tug xwb’ (Lub Moo Zoo Raws Li Zam 10:30). Tom qab Huab Tais Yes Xus ua tes dej num ntawm kev txhim dim tag lawm, cov uas ntseeg Huab Tais ces lawv tej kev txhaum twb raug muab zam lawm, tiam sis tib neeg tus yeeb yam txhaum tseem tsis tau muab daws. Lawv yeej tseem pheej ua txhaum thiab tawm tsam Tswv Ntuj tas li, thiab tsis tau dim plaws ntawm txoj kev ua kev txhaum qhev. Saib qhov ntawd mas peb yeej tseem dag thiab dag ntxias kom tau tshaj thawj rau yus tus kheej. Peb yeej tseem khib, ntxub lwm tus, thiab txeeb lub hwj chim. Thaum kev mob nkeeg los sis kev puas tsuaj los, peb yeej tseem liam rau Tswv Ntuj, tsis lees paub Tswv Ntuj, thiab ntxeev siab rau Tswv Ntuj. Muaj hais nyob rau hauv phau Ntawv Ntshiab hais tias: ‘Tus uas ua txhaum, ces yog ua txoj kev txhaum qhev. Tam sim no tus qhev ntawd tsis nyob rau hauv lub tsev ntawd mus ib txhis lawm; tiam sis tus tub yuav nyob rau hauv lub tsev ntawd mus ib txhis’ (Lub Moo Zoo Raws Li Zam 8:34–35), ‘Yuav tsum dawb huv vim Kuv dawb huv’ (Les Vis 11:44). Tswv Ntuj mas yeej dawb huv, thiab qhov uas Nws xav tau yog tus uas yeej mloog Nws cov lus tiag tiag thiab muaj kev txoj kev dawb huv, tiam sis peb yeej tseem pheej ua txhaum, qias neeg, thiab qias vuab tsuab, tsis dim ntawm txoj kev ua kev txhaum qhev, thiab tsis tsim nyog nkag mus rau hauv lub ceeb tsheej saum ntuj ceeb tsheej. Yog li ntawd, Huab Tais Yes Xus thiaj li hais ua lus faj lem lawm hais tias Nws yuav rov qab los nthuav qhov tseeb tawm thiab ua tes dej num ntawm kev txiav txim nyob rau tiam kawg, cawm peb kom dim ntawm txoj kev txhaum thiab Xas Tas txoj kev haub ntxias, thiab coj peb mus rau hauv Tswv Ntuj lub ceeb tsheej. Ib yam nkaus li Huab Tais Yes Xus hais tias: ‘Kuv tseem muaj ntau yam yuav hais rau nej: tiam sis tam sim no nej ris tsis taus tej ntawd. Tiam sis thaum Nws, tus Ntsujplig ntawm qhov tseeb, los txog lawm, Nws yuav qhia qhov tseeb rau nej txhua tus’ (Lub Moo Zoo Raws Li Zam 16:12–13), ‘Thiab yog tus tib neeg twg hnov Kuv tej lus, thiab tsis khaws tej lus ntawd, Kuv tsis txiav txim rau nws: vim Kuv tsis yog los txiav txim rau lub ntiaj teb, tiam sis yog los cawm lub ntiaj teb. Tus uas ntxub Kuv, thiab tsis txais yuav Kuv tej lus, twb muaj ib tug txiav txim rau nws lawm; txoj lus uas Kuv tau hais lawm, tib txoj lus ntawd ntag yuav txiav txim rau nws nyob rau tiam kawg’ (Lub Moo Zoo Raws Li Zam 12:47–48). Thiab nyob rau hauv Pob Zeb Tsab Ntawv Ib 4:17, uas hais tias, ‘Vim twb txog lub sij hawm lawm, uas txoj kev txiav txim yuav tsum tau pib rau ntawm Tswv Ntuj lub tsev mus.’ Nyob rau tiam kawg, Huab Tais Yes Xus yuav ua lub cev nqaij daim tawv rov qab los, raws li tau cog lus tseg lawm, uas yog Vajtswv Tus Uas Muaj Hwj Chim Loj Kawg Nkaus los nthuav tawm txhua qhov tseeb uas cheem tsum los ntxuav noob neej kom dawb huv thiab cawm noob neej kom dim, thiab raws li Huab Tais Yes Xus tes hauj lwm mas, Nws ua tes dej num ntawm kev txiav txim uas pib ntawm Tswv Ntuj lub tsev los daws tib neeg tus yeeb yam txhaum thiab coj noob neej mus rau txhua qhov tseeb. Qhov no ua rau Huab Tais Yes Xus lo lus faj lem muaj tiav tag nrho lawm.”

Tom qab ntawd, nws nyeem ib zaj lus ntawm Vajtswv Tus Uas Muaj Hwj Chim Loj Kawg Nkaus cov lus rau kuv mloog. Vajtswv Tus Uas Muaj Hwj Chim Loj Kawg Nkaus hais tias: “Txawm hais tias Yexus yeej tau ua hauj lwm ntau heev nrog tib neeg lawm, los Nws tsuas yog ua tiav qhov kev txhiv tag nrho noob neej thiab ua qhov kev theej txhoj rau tib neeg tej kev txhaum xwb; Nws tsis tau muab tag nrho tib neeg tus moj yam qias vuab tsuab tshem pov tseg. Yuav cawm tib neeg tawm tag nrho ntawm Ntxwgnyoog txoj kev haub ntxias mas tsis yog Yexus yuav tsum rais mus ua ib qho kev theej txhoj thiab ris tag nrho tib neeg tej kev txhaum nkaus xwb, tab sis Vajtswv yuav tsum tau ua tes hauj lwm loj tshaj los tshem kom tag nrho tib neeg tus moj yam qias vuab tsuab pov tseg. Thiab yog li ntawd, tom qab Vajtswv zam tib neeg tej kev txhaum lawm, Vajtswv tau rov los rau hauv lub cev nqaij daim tawv los coj tib neeg mus rau tiam tshiab, thiab tau pib tes hauj lwm ntawm kev qhuab ntuas thiab kev txiav txim. Tes hauj lwm no tau coj tib neeg mus rau ib qho chaw siab dua lawm. Tag nrho cov uas zwm rau Nws txoj kev tswj fwm yuav tau txais qhov tseeb uas siab tshaj thiab tau txais koob hmoov ntau tshaj. Lawv yuav tau nyob rau hauv tus duab ci pom kev tiag tiag, thiab lawv yuav tau qhov tseeb, txoj kev, thiab txoj sia” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej). Tom qab nyeem Vajtswv txoj lus lawm, Ntxoov Kim thiaj li qhia hais tias, “Nyob rau Tiam Hmoov Hlub mas, Huab Tais Yes Xus ua tes dej num ntawm kev txhiv dim thiab zam tib neeg tej kev txhaum, tiam sis qhov ntawd tsuas yog ib nrab ntawm tes hauj lwm cawm dim xwb. Vajtswv Tus Uas Muaj Hwj Chim Loj Kawg Nkaus tes dej num ntawm kev txiav txim mas thiaj li yog tes hauj lwm uas cawm noob neej kom tiav log. Tsuas yog lees txais Vajtswv txoj kev txiav txim nyob rau tiam kawg, peb txoj kev qias vuab tsuab raug yaug kom dawb huv, peb tus kheej dim ntawm txoj kev txhaum, thiab tsis raug cov dab phem tswj kav ntxiv lawm xwb mas peb thiaj li dim tau tiag tiag thiab tsim nyog coj nkag mus rau hauv Tswv Ntuj lub ceeb tsheej saum ntuj ceeb tsheej. Yog li ntawd, Vajtswv Tus Uas Muaj Hwj Chim Loj Kawg Nkaus tes dej num ntawm kev txiav txim yog ua Huab Tais Yes Xus tes dej num ntawm kev txhim dim txuas ntxiv xwb, thiab kuj yog tes dej num uas muab tiam no xaus thiab. Vajtswv Tus Uas Muaj Hwj Chim Loj Kawg Nkaus yog qhov Huab Tais Yes Xus rov qab los ntag, thiab Vajtswv Tus Uas Muaj Hwj Chim Loj Kawg Nkaus thiab Yes Xus yog tib tug Ntsujplig thiab tib tug Vajtswv xwb.”

Nws tej lus qhia txog peb theem ntawm tes hauj lwm raws li phau Ntawv Ntshiab thiab tej uas muaj tseeb, mas kuv lub siab thiaj li kaj lug lawm. Tam sim no kuv paub lawm hais tias qhov Huab Tais rov qab los ntawd yog los ua tes dej num ntawm kev txiav txim los daws peb tus yeeb yam txhaum thiab cawm peb kom dim ntawm txoj kev ua kev txhaum qhev ntag. Kuv thiaj li paub hais tias tseeb tiag peb nyob rau hauv txoj kev txhaum thiab tsis muaj hwj chim los pab peb tus kheej kom dim. Peb ua txhaum, ces lees txim, thiab tom qab peb lees txim tag lawm, los peb rov qab ua txhaum dua. Peb ua peb lub neej nyob rau hauv lub voj voog no tsis muaj hnub kawg li. Tsis tas hais txog cov tib neeg ntseeg dog dig li, tab txawm yog cov pov thawj los twb khiav tsis dim txoj kev ua kev txhaum qhev. Qhov no yog ib qho tseeb uas tsis lees paub tsis tau. Nyob rau yav tas los, kuv yeej tsis to taub qhov no tias vim li cas li, tiam sis tam sim no kuv to taub lawm. Peb yeej cheem tsum Huab Tais theem hauj lwm kawg los ntxuav tib neeg kom dawb huv tag nrho nyob rau tiam kawg. Zoo li tag nrho tej ntawd tsim nyog lawm hais tias Vajtswv Tus Uas Muaj Hwj Chim Loj Kawg Nkaus tes dej num ntawm kev txiav txim yog Tswv Ntuj pib. Tom qab ntawd, Ntxoov Kim txawm nyeem lwm zaj lus ntawm Vajtswv Tus Uas Muaj Hwj Chim Loj Kawg Nkaus cov lus rau kuv mloog, Vajtswv Tus Uas Muaj Hwj Chim Loj Kawg Nkaus hais tias: “Tes hauj lwm hnub no tau thawb tes hauj lwm ntawm Tiam Hmoov Hlub mus lawm tom ntej; qhov ntawd ces yog, tes hauj lwm ntawm tag nrho qhov kev npaj cawm tib neeg rau-txhiab-xyoo tau txav mus tom ntej lawm. Txawm hais tias Tiam Hmoov Hlub tau los xaus lawm, los Vajtswv tes hauj lwm yeej tau nce qib los lawm thiab. Vim li cas Kuv thiaj pheej hais tag los hais thiab hais tias theem ntawm tes hauj lwm no yog tsim tsa los ntawm Tiam Hmoov Hlub thiab Tiam Muaj Kev Cai? Vim tes hauj lwm niaj hnub no yog ib qho txuas ntxiv los ntawm tes hauj lwm uas ua nyob rau ntawm Tiam Hmoov Hlub xwb, thiab yog ib qho ua tshaj lawm tom ntej rau qhov uas ua nyob rau ntawm Tiam Muaj Kev Cai. Peb theem no yeej sib txuas khov kho, nrog rau ib lub cheeb ntawm txoj saw hlau no txuas sib ti nkaus rau lub tom ntej. Vim li cas Kuv kuj ho hais tias theem no ntawm tes hauj lwm mas yog ua nyob rau saum theem uas Yexus ua tiav lawm? Piv xam hais tias yog theem no tsis yog tsim tsa nyob rau saum tes hauj lwm uas Yexus ua tiav lawm, ib qho kev raug ntsia rau saum tus ntoo khaub lig yuav tsum tshwm sim rau theem no, thiab ces tes hauj lwm txhiv dim ntawm theem dhau los yuav raug muab coj rov los ua dua ib zaug ntxiv thiab. Qhov no yuav tsis muaj qab hau dab tsi li. Thiab yog li ces nws yuav tsis yog tes hauj lwm uas muab ua tiav hlo lawm, tab sis hais tias tiam ntawd tau txav mus lawm tom ntej lawm thiab qib ntawm tes hauj lwm tau raug muab nce siab dua li yav tas los lawm. Nws kuj hais tau hais tias theem no ntawm tes hauj lwm yog tsim tsa nyob rau ntawm lub hauv paus ntawm Tiam Muaj Kev Cai thiab rau saum daim txiag zeb ntawm Yexus tes hauj lwm xwb. Vajtswv tes hauj lwm mas ua ib theem dhau ib theem, thiab theem no tsis yog ib qho pib tshiab. Tsuas yog qhov sib sau ua ke kiag ntawm peb theem ntawm tes hauj lwm mas thiaj li xam tau hais tias yog qhov kev npaj cawm tib neeg rau-txhiab-xyoo. Tes hauj lwm ntawm theem no mas ua nyob rau saum lub hauv paus ntawm tes hauj lwm ntawm Tiam Hmoov Hlub. Yog ob theem no ntawm tes hauj lwm tsis muaj kev sib cuam tshuam dab tsi li, ces vim li cas qhov kev raug ntsia rau saum tus ntoo khaub lig ho tsis raug muab coj rov los ua dua ib zaug ntxiv nyob rau theem no? Vim li cas Kuv ho tsis ris tib neeg tej kev txhaum lawm, tab sis ho tsuas los txiav txim thiab qhuab ntuas tib neeg ncaj qha lawm xwb? Yog hais tias Kuv tes hauj lwm los txiav txim thiab rau txim rau tib neeg ntawd tsis ua raws li qhov kev raug ntsia rau saum tus ntoo khaub lig, thiab yog qhov Kuv los tam sim no tsis yog xeeb los ntawm tus Vajntsujplig, ces Kuv yuav tsis zoo tsim nyog los txiav txim thiab qhuab ntuas tib neeg. Nws yog kiag qhov uas vim Kuv yog ib tug nrog Yexus ces Kuv thiaj li los ncaj qha los qhuab ntuas thiab txiav txim rau tib neeg ntag. Tes hauj lwm ntawm theem no mas yog tsim tsa tag nrho nyob rau saum tes hauj lwm ntawm theem ua ntej ntawd. Yog vim li ntawd ces thiaj tsuas yog tes hauj lwm zoo li hom no xwb mas thiaj li coj tau tib neeg, ib kauj ruam zuj zus, mus rau txoj kev cawm dim. Yexus thiab Kuv yog los ntawm tib tug Ntsujplig los xwb. Txawm hais tias Wb tsis sib txheeb nyob rau hauv Wb ob lub cev nqaij daim tawv, los Wb ob tug Ntsujplig yog tib tug xwb; txawm hais tias qhov tseem ntsiab ntawm tej Wb ua thiab tes hauj lwm uas Wb ua ntawd tsis yog tib qho, los Wb yeej zoo ib yam nyob rau hauv lub ntsiab tseem ceeb; Wb ob lub cev nqaij daim tawv zoo sib txawv, tab sis qhov no tsuas yog vim qhov kev hloov nyob rau hauv tiam ntawd thiab tej kev cai tswj Wb tes hauj lwm uas sib txawv ntawd xwb; Wb tes hauj lwm qhuab qhia los kuj zoo tsis sib thooj, ces tes hauj lwm Wb coj los thiab tus moj yam Wb nthuav tawm rau tib neeg los kuj sib txawv. Yog vim li ntawd es tej uas tib neeg pom thiab to taub niaj hnub no thiaj li tsis zoo li tej nyob rau yav tag los, uas yog vim qhov sib txawv nyob rau hauv tej tiam ntawd. Vim tag nrho tej ntawd ces Nkawd thiaj li sib txawv nyob rau qhov uas seb yog poj niam los txiv neej thiab lub cev ntawm Nkawd ob lub cev nqaij daim tawv, thiab qhov uas Nkawd tsis yog yug los rau tib tse neeg, haj yam tsis yog tib lub caij nyoog, Nkawd ob tug Ntsujplig mas txawm li cas los yeej yog tib tug xwb. … Yehauvas tus Ntsujplig tsis yog leej txiv rau Yexus tus Ntsujplig, thiab Yexus tus Ntsujplig tsis yog leej tub rau Yehauvas tus Ntsujplig: Nkawd yog ib tug thiab yog tib tug Ntsujplig xwb. Qhov uas me ntsis yuav zoo li ntawd, ces yog tus Vajtswv uas yug los ua neeg ntawm niaj hnub no thiab Yexus mas tsis sib txheeb los ntawm roj ntsha, tab sis Nkawd yog tib tug xwb, qhov no ces vim yog Nkawd tus Ntsujplig yog tib tug xwb. Vajtswv muaj peev xwm ua tau tes hauj lwm ntawm kev hlub tshua thiab kev siab dawb siab zoo, ib yam nkaus li tes hauj lwm ntawm kev txiav txim ncaj ncees thiab ntawm kev qhuab ntuas tib neeg, thiab qhov ntawm kev cem foom rau tib neeg; thiab nyob rau thaum kawg, Nws muaj peev xwm ua tau tes hauj lwm ntawm qhov rhuav tshem lub ntiaj teb thiab rau txim rau cov lim hiam. Tsis yog Nws Tus Kheej ua tag nrho tej no lod? Qhov no tsis yog lub hwj huaj uas loj tsis muaj chaw kawg ntawm Vajtswv lod?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Ob Qho Kev Yug Los Ua Neeg Ua Rau Qhov Tseem Ceeb ntawm Kev Yug Los Ua Neeg Tiav Hlo). Ntxoov Kim qhia txuas ntxiv hais tias, “Txawm Tswv Ntuj tau ua lub ntsiab ntawm peb theem ntawm tes hauj lwm ntawd sib txawv thiab Tswv Ntuj lub npe sib txawv nyob rau txhua tiam los xij, txhua theem ntawd puav leej yog tib tug Ntsujplig thiab tib tug Vajtswv ua xwb. Peb theem ntawm tes hauj lwm ntawd mas sib txuas zoo heev, thiab txhua txhua theem puav leej yog ua txuas ntawm theem tas los, kom tob dua thiab siab dua theem tas los, kom txog ntua thaum kawg uas tib neeg dim ntawm Ntxwgnyoog txoj kev tswj fwm thiab raug coj mus rau hauv Vajtswv lub nceeg vaj lawm. Yog li ntawd, tsis yog peb ntxeev siab rau Huab Tais los ntawm qhov lees txais Nws tes hauj lwm tshiab. Tiam sis, yog peb tab tom caum Nws tes hauj lwm xwb.”

Tom qab hnov nws tej lus qhia lawm, kuv lub siab haj yam kaj tuaj. Peb theem ntawm tes hauj lwm ntawd mas sib txuas zoo heev, ib theem hauj lwm twg yeej txuas rau theem tas los, thiab tsis muaj ib theem twg ntawm hauj lwm twg es tsis txuas rau lwm theem li. Qhov no tsis yog kiag peb theem ntawm tes hauj lwm uas tib tug Vajtswv ua xwb lod? Yehauvas, Huab Tais Yes Xus, thiab Vajtswv Tus Uas Muaj Hwj Chim Loj Kawg Nkaus zoo li yeej yog tib tug Vajtswv tiag tiag li. Kuv yeej ib txwm xav lawm hais tias pawg ntseeg Kav Tos Liv yog pawg ntseeg tseeb, tsuas yog Txoj Kev Ntseeg Kav Tos Liv xwb thiaj li yuav cawm tau cov plig thiab coj tau cov plig ntawd mus rau hauv lub ceeb tsheej saum ntuj ceeb tsheej, thiab qhov tawm ntawm Txoj Kev Ntseeg Kav Tos Liv ntawd mas yog qhov ntxeev siab rau Huab Tais thiab plam koj lub hwv tsam uas los tau txoj kev cawm dim lawm. Tam sim no kuv to taub lawm hais tias qhov kuv khaws ntawd tsuas yog tes dej num ntawm kev txhiv dim uas Huab Tais Yes Xus ua xwb. Yog kuv lees txais Vajtswv Tus Uas Muaj Hwj Chim Loj Kawg Nkaus tes dej num ntawm kev txiav txim, ces yog kuv taug tus Me Nyuam Yaj cov hneev taw xwb, thiab tsis yog kuv ntxeev siab rau Huab Tais li. Txawm li cas los xij, yog kuv nyob rau hauv Txoj Kev Ntseeg Kav Tos Liv thiab vam khom rau Huab Tais Yes Xus txoj kev cawm dim xwb, ces kuv yuav tsis tau txais Tswv Ntuj txoj kev cawm dim nyob rau tiam kawg, thiab yuav tsis tau nkag mus rau hauv lub ceeb tsheej saum ntuj ceeb tsheej li. Nyob rau theem no, kuv paub tseeb hauv nruab siab hais tias Vajtswv Tus Uas Muaj Hwj Chim Loj Kawg Nkaus tes dej num ntawm kev txiav txim yog Tswv Ntuj tes hauj lwm tshiab nyob rau tiam kawg ntag. Tom qab ntawd, Ntxoov Kim txawm qhia kuv txog qhov tseeb ntawm Vajtswv cov npe, uas nyob rau hauv txhua zaj hauv phau Ntawv Ntshiab, qhov Vajtswv txiav txim siab rau qhov kawg thiab lub hom phiaj ntawm noob neej li cas, thiab lwm yam. Tom qab mloog nws tej lus qhia lawm, kuv thiaj li muaj kev xav ntau heev. Kuv twb ntseeg tus Huab Tais los tau ntau ntau xyoo lawm, tiam sis kuv yeej tsis tau hnov tej lus qhuab qhia uas zoo npaum li no li. Kuv xav hais tias yam uas kuv tau hnub ntawd mas zoo heev. Hnub ntawd kuv to taub ntau dua li uas kuv to taub nyob rau hauv txoj kev ntseeg Huab Tais los tau npaum li no xyoo!

Hnub ntawd, Ntxoov Kim nyeem Vajtswv Tus Uas Muaj Hwj Chim Loj Kawg Nkaus cov lus ntau heev rau kuv mloog. Kuv pom hais tias Vajtswv Tus Uas Muaj Hwj Chim Loj Kawg Nkaus tau nthuav ntau qhov tseeb thiab tej lus zais tob tawm lawm, thiab kuv paub zoo zoo hais tias Vajtswv Tus Uas Muaj Hwj Chim Loj Kawg Nkaus cov lus yog Vajtswv lub suab. Tom qab kuv rov qab los txog tsev rau hnub ntawd lawm, kuv txawm nyeem ib zaj lus ntawm Vajtswv Tus Uas Muaj Hwj Chim Loj Kawg Nkaus cov lus: “Nws tsis yog ib qho nyuab uas yuav nug txog ib yam zoo li no, tab sis peb txhua tus yuav tsum tau paub ib qho tseeb no: Nws tus uas yog tus Vajtswv uas yug los ua neeg ntawd mas yuav muaj lub ntsiab tseem ceeb li Vajtswv, thiab Nws tus uas yog tus Vajtswv uas yug los ua neeg yuav muaj yam tshwm sim kom pom li Vajtswv. Vim Vajtswv rais los muaj cev nqaij daim tawv, Nws yuav coj tes hauj lwm Nws npaj siab yuav ua los, thiab vim Vajtswv rais los muaj cev nqaij daim tawv, Nws yuav nthuav qhov uas Nws yog ntawd tawm, thiab yuav muaj peev xwm coj qhov tseeb los rau tib neeg, muab txoj sia pub rau lawv thiab taw qhia txoj kev rau lawv. Lub cev nqaij daim tawv uas tsis muaj lub ntsiab tseem ceeb ntawm Vajtswv ces yeej tsis yog tus Vajtswv uas yug los ua neeg tiag tiag li; ntawm qhov no mas yeej muaj tseeb li ntawd. Yog tib neeg npaj siab tshawb xyuas nws puas yog tus Vajtswv uas yug los ua neeg lub cev nqaij daim tawv, ces lawv yuav tsum ua kom paub tseeb los ntawm tus moj yam uas Nws nthuav tawm thiab tej lus uas Nws hais. Ces hais tau hais tias, yuav kom paub meej hais tias seb qhov ntawd puas yog Vajtswv lub cev nqaij daim tawv uas Nws yug los rau los tsis yog, thiab seb qhov ntawd puas yog txoj kev tseeb los tsis yog, yus yuav tsum tau muab cais tawm ntawm lub hauv paus ntawm Nws lub ntsiab tseem ceeb. Thiab yog li ntawd, qhov txiav txim siab tias seb nws puas yog lub cev nqaij daim tawv ntawm tus Vajtswv uas yug los ua neeg ntawd, mas qhov tseem ceeb yog nyob rau hauv Nws lub ntsiab tseem ceeb (Nws tes hauj lwm, Nws tej lus hais tawm, Nws tus moj yam, thiab lwm yam ntxiv), tsis nyob rau ntawm qhov uas zoo li cas nyob sab nraud. Yog tib neeg tsuas tshawb xyuas Nws lub ntsej muag sab nraud kom meej xwb, es tsis quav ntsej Nws lub ntsiab tseeb li, ces qhov no qhia hais tias tib neeg tsis nkag siab thiab tsis paub dab tsi li” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej). Kuv to taub los ntawm zaj lus no los hais tias yuav kom paub seb Vajtswv Tus Uas Muaj Hwj Chim Loj Kawg Nkaus puas yog qhov Huab Tais tshwm los mas, ua ntej tshaj plaws kuv yuav tsum tau saib rau ntawm cov lus uas Nws nthuav tawm thiab tes hauj lwm uas Nws ua tso. Yog Nws nthuav tau qhov tseeb tawm thiab ua tau tes hauj lwm uas cawm tib neeg thiab ntxuav tib neeg kom dawb huv, ces Nws yuav tsum yog qhov Huab Tais tshwm los xwb. Muaj ib zaug Huab Tais Yes Xus hais tias: “Kuv yog txoj kev, yog qhov tseeb, thiab yog txoj sia. Tsis muaj leej twg mus cuag tau Leej Txiv li, tsuas yog mus ntawm Kuv mus xwb” (Lub Moo Zoo Raws Li Zam 14:6). Yog li ntawd, tsis muaj leej twg nthuav tau qhov tseeb tawm los cawm tib neeg li, tsuas yog Tswv Ntuj xwb. Tom qab ntawd, kuv siv sij hawm txhua hnub los nyeem Vajtswv Tus Uas Muaj Hwj Chim Loj Kawg Nkaus cov lus. Ob hlis tom qab ntawd, kuv thiaj li to taub ntau yam ntxiv lawm, xws li tej lus zais tob txog txoj kev yug los ua neeg thiab Vajtswv lub npe, qhov sib txawv ntawm Vajtswv tes hauj lwm thiab noob neej tes hauj lwm, yuav paub cov Khetos tseeb los ntawm cov Khetos cuav li cas, thiab lwm yam. Kuv pom hais tias Vajtswv Tus Uas Muaj Hwj Chim Loj Kawg Nkaus cov lus mas muaj ntau thiab txawv heev, uas qhib kuv ob lub qhov muag. Nyob rau lub sij hawm ntawd, kuv xav hais tias, “Dhau ntawm tus Huab Tais uas rov qab los lawm, leej twg thiaj li nthuav tau ntau qhov tseeb tawm thiab nthuav tau ntau lo lus zais tob tawm? Tseeb tiag ces Huab Tais twb rov qab los lawm, thiab tab tom ua tes hauj lwm txiav txim tshiab thiab ntxuav tib neeg kom dawb huv.” Tam sim no kuv thiaj li paub tseeb tseeb lawm hais tias Vajtswv Tus Uas Muaj Hwj Chim Loj Kawg Nkaus tes dej num ntawm kev txiav txim mas yog Huab Tais tes hauj lwm tshiab, thiab tias Vajtswv Tus Uas Muaj Hwj Chim Loj Kawg Nkaus yog qhov Huab Tais rov qab los ntag!

Huab Tais Yes Xus, tus uas kuv tau cia siab rau ntau xyoo tias yuav pom los ntawd, tau rov qab los lawm tiag tiag, thiab kuv muaj hmoo heev uas tau lees txais Vajtswv tes hauj lwm nyob rau tiam kawg, tshwj xeeb yog qhov xav txog tias cov kwv tij thiab cov muam no twb tshaj tawm txoj moo zoo rau kuv los tau ze li ib xyoos lawm. Nyob rau ntu no, kuv tau tawm tsam thiab tsis kam txais yuav, thiab yog qhov ntawd tsis yog vim Vajtswv txoj kev hlub tshua thiab kev cawm dim, thiab cov kwv tij thiab cov muam uas tshaj tawm txoj moo zoo rau kuv tas zog, ces ntshe kuv twb tsis tau los rau ntawm Vajtswv lub xub ntiag kiag li, yog li ntawd kuv thiaj li ua tsaug ntau ntau rau Vajtswv. Tiam sis tom qab ntawd kuv nco tau hais tias kuv tsis tau tshuaj xyuas Vajtswv tes hauj lwm ntawm tiam kawg li. Kuv cia li qi muag nti txiav txim thiab teem txim rau tes hauj lwm ntawd lawm xwb, Thiab haj tseem txwv tes hauj lwm ntawd nyob rau hauv pawg ntseeg kom thaiv tau cov tswv cuab ntawm pawg ntseeg txhob tshawb xyuas thiab. Thaum kuv xav txog qhov no mas, kuv tu siab heev, thiab kuv ntxub kuv tus kheej vim dig muag dhau lawm es thiaj li tsis paub Vajtswv, tsis muaj kev hwm Vajtswv, thiab tawm tsam Vajtswv. Tsis yog kuv zoo ib yam li cov Fas Lis Xais uas tawm tsam Huab Tais Yes Xus lod? Thaum xub thawj mas, kuv xav hais tias vim kuv twb tau kawm kev ntseeg Tswv Ntuj los tau ntau xyoo thiab tau ua dej num rau Huab Tais lawm, ces kuv yeej paub ob peb yam txog Huab Tais lawm no. Tiam sis kuv yeej tsis xav tias kuv yuav “txais tos” Huab Tais li no li. Kuv tsis kaj siab kiag li nyob rau lub sij hawm ntawd. Kuv tawm tsam Huab Tais thiab ua txhaum loj heev, yog li ntawd Huab Tais yuav ua li cas rau kuv? Kuv txhos caug ntua rau ntawm Vajtswv lub xub ntiag los thov lees kuv tej kev txhaum. “Vajtswv Tus Uas Muaj Hwj Chim Loj Kawg Nkaus, kuv khav theeb dhau lawm. Kuv tsis paub Koj, yog li ntawd kuv thiaj li tawm tsam thiab txiav txim rau Koj tes hauj lwm lawm, thiab kuv muab pawg ntseeg kaw thiab txwv cov tswv cuab ntawm pawg ntseeg kom txhob nrhiav thiab tshuaj xyuas. Qhov uas kuv ua ntawd zoo ib yam nkaus li cov Fas Lis Xais ntag, thiab tsim nyog Koj rau txim rau kuv lawm. Kuv tsis tsim nyog tau Koj txoj kev cawm dim kiag li!” Nyob rau lub sij hawm ntawd mas, kuv muaj kev tu siab thiab ntxhov siab tas li xwb. Txhua zaus kuv nyeem Vajtswv Tus Uas Muaj Hwj Chim Loj Kawg Nkaus cov lus uas muab tib neeg txoj kev tawm tsam Vajtswv qhia tshwm mas, kuv nyuaj siab heev li. Kuv xav hais tias kuv twb raug teem txim thiab tias Vajtswv yuav tsis cawm kuv lawm. Tom qab ntawd, kuv qhib siab lug qhia rau kuv cov kwv tij thiab cov muam txog qhov kuv zoo li cas ntawd, ces lawv txawm nyeem ib zaj lus ntawm Vajtswv txoj lus rau kuv mloog ces thiaj li nplij tau kuv lub siab heev lawm. Vajtswv hais tias: “Txhua tus tib neeg uas tau raug zwm rau kev kov yeej los ntawm Vajtswv cov lus yuav muaj qhov hwj tsam txaus rau kev cawm dim; Vajtswv txoj kev cawm dim ntawm txhua tus tib neeg no yuav qhia Nws lub siab dawb zoo uas loj tshaj plaws. Hauv lwm lo lus, lawv yuav raug nthuav tawm txog lub siab ntev uas loj tshaj plaws. Tsuas yog tib neeg thim ntawm txoj kev uas tsis yog lawm rov qab los xwb, thiab tsuas yog lawv tuaj yeem hloov siab lees txim xwb, Vajtswv yuav muab ntau qhov hwj tsam rau lawv kom tau txais Nws txoj kev cawm dim. Thaum tib neeg ntxeev siab tawm tsam Vajtswv thawj thawj zaug, Nws tsis muaj lub siab xav tua lawv pov tseg; tiam sis, Nws ua txhua yam li Nws ua tau los cawm lawv. Yog tias qee leej neeg tsis muaj chaw seem rau kev cawm dim li, ces Vajtswv yuav muab lawv cuam pov tseg. Qhov laj thawj uas Vajtswv rau txim qeeb rau ib co tib neeg zoo li ntawd mas vim yog tias Nws xav cawm txhua leej txhua tus uas tuaj yeem cawm tau. Nws txiav txim, qhia kom paub, thiab tsuas yog coj tib neeg los ntawm cov lus xwb, thiab tsis siv ib tug pas los muab lawv cob rau kev tuag li. Kev siv cov lus los coj kev cawm dim los rau tib neeg yog lub hom phiaj thiab qhov tseem ceeb ntawm theem kawg ntawm txoj hauj lwm” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Koj Yuav Tsum Muab Txoj Koob Hmoov ntawm Lub Meej Mom Tso Rau Ib Sab thiab Nkag Siab Txog Vajtswv Lub Siab Nyiam los Coj Kev Cawm Dim los rau Tib Neeg). Tom qab lawv nyeem Vajtswv cov lus lawm, muaj ib tug kwv tij txawm hais tias, “Peb raug Ntxwgnyoog muab ua qias vuab tsuab lawm, ces peb txhua tus puav leej muaj tus moj yam qias vuab tsuab, thiab peb tsis muaj kev hwm Vajtswv li. Thaum peb pom hais tias Vajtswv cov lus thiab tes hauj lwm tsis mus raws li peb tej kev xav phem, ces peb yuav ntxeev siab thiab tawm tsam, thiab tsis lees paub thiab teem txim rau yam yooj yim heev. Tiam sis thaum peb to taub qhov tseeb, tuaj yeem tig tawm ntawm txoj kev tsis yog rov qab los, thiab lees txim hloov dua siab tshiab rau Vajtswv tiag tiag lawm, ces Vajtswv yeej tseem muab lub hwv tsam los cawm kom peb dim. Tiam sis cov uas tawv ncauj, tsis lees txim hloov dua siab tshiab, thiab tawm tsam Vajtswv heev ntawd ces Vajtswv twb teem txim rau lawm, thiab nyob rau thaum kawg, lawv txhua tus yuav raug rau txim.” Thaum kuv hnov li no mas, kuv tu siab heev li. Kuv xav hais tias, “Kuv tawm tsam Vajtswv thiab ua phem npaum li no lawm, tiam sis Vajtswv hlub tshua txog kuv thiab cawm kuv. Vajtswv txoj kev hlub kuv mas loj heev! Nyob rau yav tom ntej, kuv yuav tsum tshaj tawm txoj moo zoo ntxiv los pauj Vajtswv txoj kev hlub thiab qhia cov muaj lub siab ncaj ncees txog txoj xov zoo uas hais txog qhov Huab Tais rov qab los, kom lawv thiaj li hnov Vajtswv lub suab thiab txais tos Huab Tais thiab.” Yog li ntawd, tom qab ntawd, kuv txawm pib tshaj tawm txoj moo zoo. Muaj ib zaug, kuv ua tim khawv rau ib tug tswv cuab ntawm pawg ntseeg txog Vajtswv Tus Uas Muaj Hwj Chim Loj Kawg Nkaus tes hauj lwm tshiab. Kuv ceeb tag li thaum tus tswv qhia paub lawm. Nws thiaj li hu kuv thiab hais kom kuv mus ntsib nws.

Kuv nco tau hais tias thaum kuv mus txog rau ntawm lub koom txoos lawm, kuv ntsib tus thawj pov thawj uas muaj hnub nyoog li yim caum tawm xyoo lawm uas nyob rau ntawm qhov rooj. Nws qhia kuv twj ywm hais tias tus xib fwb ntawd mas tawm tsam kuv txoj kev ntseeg Qhov Xob Liam Sab Hnub Tuaj heev li, thiab ntxias kuv kom lees tej uas kuv ua yuam kev rau tus tswv qhia ntawd, lees txim hloov dua siab tshiab, thiab thov nws kom ua siab ntev rau kuv. Thaum kuv hnov qhov nws hais ntawd mas, kuv chim siab heev li. Yog li ntawd kuv thiaj li thov Vajtswv ceev ceev. “Vajtswv Tus Uas Muaj Hwj Chim Loj Kawg Nkaus! Hnub no kuv raug qhov xwm txheej no lawm, es kuv tsis paub tias yuav fim qhov xwm txheej no li cas. Thov tiv thaiv kuv, thiab pub kuv muaj kev ntseeg thiab kev txiav txim siab. Txawm yuav muaj dab tsi tshwm sim rau tom ntej los xij, kuv thov kom Koj coj kuv kev kom kuv thiaj li sawv tau khov kho rau ntawm txoj kev tseeb.” Tom qab kuv thov Vajtswv lawm, kuv paub tias kuv muaj peev xwm tswj tau kuv tus kheej kom siab txias me ntsis lawm. Thaum kuv pom tus tswv qhia ntawd, nws xub nug kuv seb kuv puas ntseeg Qhov Xob Laim Sab Hnub Tuaj, ces kuv txawm hais tias kuv ntseeg. Nws npau taws heev thiaj li hais tias, “Kuv hnov hais tias koj muaj kev sib raug zoo nrog cov tib neeg ntawm Qhov Xob Laim Sab Hnub Tuaj ntev los lawm no, tiam sis kuv tsis xav ib yam dab tsi txog qhov ntawd li. Kuv xav hais tias vim koj twb yog ib tug pov thawj thiab yog tus kws tshaj lij txog kev ntseeg lawm, ces koj yuav tsis lees txais Qhov Xob Laim Sab Hnub Tuaj li. Kuv ntseeg tsis tau tias koj lees txais Qhov Xob Laim Sab Hnub Tuaj lawm tiag tiag li!” Kuv ua siab ntev ntev piav qhia txhua yam rau nws, hais tias, “Kuv tsis yog qi muag nti lees txais Qhov Xob Laim Sab Hnub Tuaj ntawd. Kuv twb tshuaj xyuas Qhov Xob Laim Sab Hnub Tuaj ntawd tau tshaj li ib nrab xyoo thiab nyeem Vajtswv Tus Uas Muaj Hwj Chim Loj Kawg Nkaus txoj lus ntau heev lawm. Cov lus no yog qhov tseeb, yog tej yam uas tsis muaj noob neej hais tau li, thiab Vajtswv Tus Uas Muaj Hwj Chim Loj Kawg Nkaus yog tus Huab Tais uas rov qab los lawm ntag—” Txawm li ntawd los xij, ua ntej kuv hais tag, tus tswv qhia ntawd lub siab twb kub heev li lawm. Nws thiaj li hias tias, “Qhov hais tias seb Qhov Xob Laim Sab Hnub Tuaj puas yog tus Huab Tais uas rov qab los lawm ntawd mas yog tus Vaj Qhia txiav txim siab. Tus Vaj Qhia yeej tsis yuam kev txog tej teeb meem ntawm txoj kev ntseeg li. Yog tus Vaj Qhia lees paub Qhov Xob Laim Sab Hnub Tuaj ntawd, mas peb thiaj li yuav lees paub thiab. Yog nws tsis lees paub, thiab hais tias Qhov Xob Laim Sab Hnub Tuaj ntawd yog txoj kev ntseeg tsis yog, ces peb yuav ntseeg tsis tau Qhov Xob Laim Sab Hnub Tuaj ntawd li!” Tom qab hnov qhov nws hais lawm, kuv txawm xav hais tias, “Tus Vaj Qhia ntawd los kuj yog ib tug tib neeg qias vuab tsuab thiab xwb. Yog nws tsis nrhiav, ces Leej Ntuj Plig Ntshiab yuav tsis qhia nws los sis qhia kom nws paub qhov tseeb, thiab nws yuav tsis to taub Huab Tais tes hauj lwm tshiab. Koj ntseeg Huab Tais, tiam sis tsis yog mloog Nws cov lus hos, koj ho qi muag nti mloog tus Vaj Qhia uas yog ib tug tib neeg lus. Qhov no yog kev ntseeg Huab Tais tau li cas? Tsis yog qhov no tsuas yog kev ntseeg ib tug tib neeg xwb lod?” Thaum xav li no lawm, kuv thiaj li ua tim khawv rau Vajtswv Tus Uas Muaj Hwj Chim Loj Kawg Nkaus tes hauj lwm nyob rau tiam kawg txuas ntxiv, tiam sis nws tsis mloog kiag li. Nws hais tias, “Tus Vaj Qhia tsis tau hais tias Qhov Xob Laim Sab Hnub Tuaj yog Huab Tais tes hauj lwm nyob rau tiam kawg, yog li ntawd peb ntseeg tsis tau. Txawm Qhov Xob Laim Sab Hnub Tuaj ntawd yuav yog txoj kev tseeb thiab tsis yog los nyob ntawm Vaj Qhia txoj kev txiav txim siab xwb!”

Qhov ko muaj tseeb. Thaum xub thawj, kuv kuj pe hawm tus Vaj Qhia thiab, thiab xav hais tias tus Vaj Qhia sawv cev rau Huab Tais, yog li ntawd peb yuav tsum tau mloog tus Vaj Qhia lus rau txhua yam li. Tiam sis tom qab ntawd, kuv nyeem ib co ntawm Vajtswv Tus Uas Muaj Hwj Chim Loj Kawg Nkaus cov lus uas hloov kuv tej kev xav txog qhov ntawd. Kuv nco tau hais tias muaj ib zaj lus uas hais li nram qab no. Vajtswv Tus Uas Muaj Hwj Chim Loj Kawg Nkaus hais tias: “Yeej muaj ntau yam kev ntseeg loj nyob rau hauv lub ntiaj teb, thiab tib yam twg mas nws yeej muaj nws tus thawj, los sis tus coj, thiab cov ntseeg uas nyob thoob plaws rau ntau lub teb chaws thiab ntau thaj chaw thoob plaws lub ntiaj teb; yuav luag txhua txhua lub teb chaws, tsis hais loj los me li, yeej muaj ntau yam kev ntseeg uas sib txawv nyob rau hauv. Txawm li cas los xij, tsis hais yuav muaj tsawg yam kev ntseeg nyob thoob plaws lub ntiaj teb, tag nrho cov neeg nyob hauv lub qab ntuj khwb no ces thaum kawg tsuas muaj nyob rau hauv txoj kev coj qhia ntawm ib tug Vajtswv nkaus xwb, thiab qhov uas muaj lawv nyob ntawd mas tsis yog coj los ntawm cov thawj los sis cov coj ntawm tej kev ntseeg. Qhov no ces hais tias noob neej tsis yog raug coj los ntawm ib tug thawj los sis ib tug coj twg ntawm ib txoj kev ntseeg twg; tab sis, tag nrho noob neej yog raug coj los ntawm tus Tswv Tsim, tus uas tsim lub ntuj thiab lub ntiaj teb thiab tag nrho txhua yam, thiab tus uas kuj tsim noob neej thiab—qhov no yog ib qho tseeb. Txawm hais tias lub ntiaj teb yuav muaj ntau yam kev ntseeg loj, tsis hais lawv yuav loj npaum li cas li, tag nrho lawv puav leej yog muaj nyob rau hauv txoj kev tswj fwm ntawm tus Tswv Tsim, thiab lawv yeej tsis muaj ib tug uas yuav muaj peev xwm tshaj tus ciaj ciam ntawm qhov kev tswj fwm no li. Tib neeg txoj kev loj hlob, txoj kev nce qib ntawm lub zej lub zos, kev loj hlob ntawm kev kawm txuj txog fab kev tshawb fawb qhov tseeb txog tej ntuj tsim—txhua yam ces yeej muab sib cais tsis tau tawm ntawm tej kev npaj ntawm tus Tswv Tsim li, thiab tes hauj lwm no mas tsis yog tej yam uas ib tug thawj ntawm ib yam kev ntseeg twg yuav ua tau li. Ib tug thawj coj ntawm tej kev ntseeg mas tsuas yog tus thawj coj rau ib yam kev ntseeg twg xwb, thiab tsis muaj cuab kav yuav sawv cev rau Vajtswv tau, los sis tsis muaj cuab kav yuav sawv cev tau rau Tus uas tsim lub ntuj thiab lub ntiaj teb thiab tag nrho txhua yam. Ib tug thawj coj ntawm tej kev ntseeg tsuas coj tau tag nrho cov uas nyob rau hauv txoj kev ntseeg xwb, tab sis lawv tsis muaj peev xwm yuav txib tau tag nrho txhua yam uas raug tsim tawm los nyob rau hauv ntuj qab plab—qhov no yog ib qho tseeb uas tag nrho sawv daws yeej lees paub. Ib tug thawj coj ntawm tej kev ntseeg tsuas lam yog tus thawj coj xwb, thiab tsis muaj peev xwm yuav sawv sib txig nrog Vajtswv (tus Tswv Tsim) tau. Tag nrho txhua yam mas nyob rau hauv tus Tswv Tsim ob txhais tes, thiab nyob rau thaum kawg ces tag nrho lawv yuav rov qab los rau hauv tus Tswv Tsim ob txhais tes. Noob neej yeej yog Vajtswv tsim tawm, thiab tsis hais yuav ntseeg yam kev ntseeg twg li, txhua txhua tus neeg yuav rov qab los rau hauv Vajtswv txoj kev tswj fwm—qhov no yog qhov uas zam tsis dhau li. Tsuas yog Vajtswv nkaus xwb thiaj yog tus Siab Tshaj Plaws ntawm tag nrho txhua yam, thiab tus txoov kav uas siab tshaj plaws tag nrho txhua yam uas raug tsim tawm los ces yuav tsum tau rov qab los rau hauv Nws txoj kev tswj fwm. Tsis hais ib tug tib neeg lub meej mom yuav siab npaum li cas li, tus tib neeg ntawd yeej tsis muaj cuab kav yuav coj tau noob neej mus rau ib txoj hau kev kawg uas phim lawv li, thiab tsis muaj leej twg yuav muaj cuab kav muab txhua yam cais tawm raws li lawv hom tau li” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Paub Peb Theem Ntawm Vajtswv Tes Hauj Lwm Ces Yog Txoj Kev Mus Paub Vajtswv). Kuv to taub los ntawm zaj lus no los hais tias tus Vaj Qhia mas tsuas yog ib tug thawj coj, yog ib tug tib neeg uas raug tsim tawm los xwb, tsis yog ib tug uas sawv cev rau Tswv Ntuj. Tswv Ntuj yog tus Tswv Tsim. Nws tsim txhua yam nyob rau hauv lub ntiaj teb, thiab tib neeg huv si, thiab coj noob neej los txog rau niaj hnub no. Tsuas yog Tswv Ntuj xwb thiaj li muaj lub hwj chim kav tag nrho noob neej txoj hmoo, thiab tsuas yog Tswv Ntuj xwb thiaj li nthuav tau qhov tseeb tawm los cawm tib neeg thiab coj peb mus rau txoj hau kev kawg uas zoo kawg nkaus. Ib tug neeg uas raug tsim tawm los, los sis ib tug Vaj Qhia los sis ib tug thawj coj yeej ua tsis tau tes hauj lwm no li. Txawm cov vaj qhia muaj ib lub meej mom siab los xij, lawv kuj yog cov tib neeg uas qias vuab tsuab thiab. Lawv nthuav tsis tau qhov tseeb tawm, ces tsis tas hais txog qhov ua tes hauj lwm uas cawm noob neej li, yog li ntawd txawm lawv lub meej mom yuav siab npaum li cas los xij, lawv yeej sawv cev tsis tau rau Tswv Ntuj. Yog Tswv Ntuj los ua tes hauj lwm tshiab, es lawv tsis nrhiav, ces Leej Ntuj Plig Ntshiab yuav tsis qhia lawv los sis qhia kom lawv paub qhov tseeb li, thiab thaum kawg, lawv yuav raug Tswv Ntuj muab tso pov tseg thiab muab rhuav tshem mus. Cov pov thawj hlob thiab cov Fas Lis Xais nyob rau yav thaum ub, kuj muaj lub meej mom siab thiab, tiam sis thaum Huab Tais Yes Xus los ua hauj lwm, lawv tsis muaj lub siab xav nrhiav li, lawv tawm tsam thiab teem txim rau Huab Tais Yes Xus xwb, ces nyob rau thaum kawg, lawv thiaj li raug Tswv Ntuj foom tsis zoo thiab rau txim rau lawm.

Ces tus tswv qhia ntawd txawm hais kom kuv tsis txhob muaj kev sib txuas lus nrog rau cov tib neeg uas nyob rau hauv Qhov Xob Laim Sab Hnub Tuaj ntawd lawm. Kuv tsis pom zoo, yog li ntawd nws thiaj li npau taws heev ces txawm hais tias, “Ces koj tej dej num uas ua tus thawj pov thawj ntawd yuav tau muab ncua tso. Tsis txhob kov cov chaw khaws nyiaj txiag thiab tom qab ntawd mus rau txheej tsev hauv qab av mus xav seb koj tau ua dab tsi lawm.” Thaum kuv hnov nws hais li ntawd lawm, kuv ceeb tag li. Kuv tsis xav tias nws yuav muab kuv rho tawm sai npaum li ntawd. Kuv nyuaj siab me ntsis. Nyob rau ntau lub xyoo uas kuv yog tus thawj pov thawj ntawd mas, txawm kuv mus qhov twg los xij, kuv yeej muaj cov pov thawj thiab cov neeg sam nrog kuv mus, mloog kuv tej lus thiab ua raws li kuv hais, tiam sis tom qab tus tswv qhia ntawd muab kuv rho tawm lawm, ces kuv paub hais tias qhov ntawd yuav tsis zoo li qub lawm. Kuv kuj xav txog qhov kuv tau ua hauj lwm ntau npaum li cas es thiaj li mam tau los ua ib tug pov thawj thiab tus thawj pov thawj thiab. Thaum kuv pib raws Vajtswv Tus Uas Muaj Hwj Chim Loj Kawg Nkaus qab thiab xaiv kuv txoj kev lawm, ces kuv ua tsis tau ib tug pov thawj thiab tus thawj pov thawj mus ntxiv lawm. Txawm kuv twb paub tseeb tseeb txog Vajtswv Tus Uas Muaj Hwj Chim Loj Kawg Nkaus tes hauj lwm nyob rau tiam kawg lawm los xij, kuv yeej tseem tsis muaj cuab kav muab kuv tus kheej txiav tawm ntawm Txoj Kev Ntseeg Kav Tos Liv mus kom tag nrho thiab. Kuv thiaj li xav hais tias, “Qhov kev xaiv no tsis yog ib qho uas tsis tseem ceeb. Kuv yuav tsum tau ua tib zoo xav ua ntej kuv txiav txim siab.” Tom qab ntawd, kuv mus rau txheej tsev hauv qab av raws li tus tswv qhia ntawd hais. Nyob rau hauv, kuv thiaj li ntsib Pov thawj Zuag, uas yog tus uas lawv muab tso rau hauv kom xav txog nws txoj kev ua nkauj ua nraug. Kuv hais rau nws hais tias kuv raug muab xa rau hauv no vim kuv lees txais Vajtswv Tus Uas Muaj Hwj Chim Loj Kawg Nkaus tes hauj lwm nyob rau tiam kawg lawm. Nws ceeb tag li thaum nws hnov qhov no. Nws hais tias nws ua txhaum kev ua nkauj ua nraug rau thaum lub sij hawm lub siab muag, tiam sis yog nws lees nws txoj kev txhaum rau Huab Tais, nws yeej tseem yuav dim tau. Nws xav hais tias kuv qhov teeb meem mas loj dua, thiab hais tias qhov ntawd yog ib lo lus nug txog txoj kev ntseeg, tias yog peb txoj kev ntseeg yuam kev lawm, ces peb yuav nkag tsis tau mus rau hauv lub nceeg vaj saum ntuj ceeb tsheej.

Tom qab li ob los sis peb hnub ntawd lawm, Pov thawj Vaj coj tau tus saib xyuas nyiaj txiag los rau txheej tsev hauv qab av los nrog kuv txheeb xyuas cov chaw khaws nyiaj txiag. Kuv pom qhov kev saib tsis taus nyob rau hauv Pov thawj Vaj ob lub qhov muag thaum nws ntsia kuv, thiab thaum nws nug txog cov chaw khaws nyiaj txiag ntawd mas, qhov ntawd zoo li nws nug ib tug neeg raug txim ntag. Txhua yam ntawd mas meem txom heev. Tom qab nkawv mus lawm, mas kuv poob ntsej muag thiab nyuaj siab heev. Kuv pw saum txaj xav txog qhov thaum kuv khiav lub tsev teev hawm ntawd mas, txhua tus puav leej hwm kuv. Txawm kuv mus saib tsev neeg twg los xij, cov pov thawj thiab cov neeg sam yeej tawm tuaj tos kuv yam tsis nug dab tsi li, thiab tus tswv tsev los yeej kub siab lug npaj txiv hmab txiv ntoo kom kuv zoo siab. Cov pov thawj thiab cov neeg sam ib txwm tos ntsoov mloog kuv qhuab qhia, thiab feem ntau lawv yeej tos ntsoov kuv txiav txim siab xwb thaum tham txog ib teg hauj lwm twg. Thiab feem ntau mas kuv npaj lawv tes hauj lwm xwb, thiab lawv txhua tus puav leej mloog thiab ua raws li kuv hais. Tiam sis tam sim no, kiag thaum kuv raug rho tawm lawm xwb, mas lawv saib tsis taus kuv thiab tsis hwm kuv li lawm, thiab nyob rau txheej tsev hauv qab av ntawd mas tsis muaj leej twg nrog kuv tham li lawm. Yog ua li cas es txhua yam txawv tag tsis zoo li thaum kuv yog ib tug thawj pov thawj lawm? Ces kuv thiaj li xav hais tias yog kuv xaiv los raws Vajtswv Tus Uas Muaj Hwj Chim Loj Kawg Nkaus qab, ces ntshe kuv yuav tsis tau lub neej uas muaj kev xyiv fab li ua ib tug thawj pov thawj dua lawm, thiab tag nrho lub meej mom thiab txoj kev xyiv fab uas kuv tau txais los ntawm qhov ua tus thawj pov thawj ntawd yuav ploj mus. Qhov kev xav ntawd ua rau kuv poob siab me ntsis. Tiam sis tom qab ntawd kuv ho xav hais tais, “Vajtswv Tus Uas Muaj Hwj Chim Loj Kawg Nkaus yeej yog tus Huab Tais Yes Xus uas rov qab los lawm tiag. Yog kuv tsis raws Vajtswv Tus Uas Muaj Hwj Chim Loj Kawg Nkaus qab vim kuv lub meej mom thiab txoj kev xyiv fab xwb, kuv puas tseem yog ib tug ntseeg Vajtswv tiag tiag? Vajtswv puas tseem yuav cawm kuv?” Kuv yeej tsis paub tias yuav xaiv txoj kev twg tiag tiag li lawm, thiab kuv nyuaj siab heev li. Kuv tau txhos caug ntua thov Vajtswv thov kom Nws coj kuv kev kom kuv thiaj li yuav tsis raug lub meej mom thiab lub koob lub npe tswj kav mus ntxiv lawm es kom muaj peev xwm los taug Vajtswv cov hneev taw. Tom qab thov Vajtswv lawm, kuv nco txog ib zaj lus ntawm Vajtswv txoj lus uas kuv cov kwv tij thiab cov muam nyeem rau kuv mloog: “Vajtswv yeej txo Nws Tus Kheej lub hwj chim los rau theem uas Nws ua Nws tes dej num rau hauv cov neeg lwj liam thiab coj tsis ncaj no, thiab kho kom pawg neeg no zoo tiav log. Vajtswv tsis yog los ua cev nqaij daim tawv los nyob thiab noj rau ntawm cov neeg, los saib xyuas cov neeg, thiab los muab yam uas tib neeg xav tau rau lawv xwb. Qhov tseem ceeb tshaj ces Nws ua Nws tes dej num uas muaj hwj chim loj ntawm kev cawm dim thiab kev kov yeej cov neeg uas coj tsis ncaj no. Nws tau los rau hauv lub siab ntawm tus zaj loj liab ploog muab kev cawm rau cov neeg coj tsis ncaj no, yog li ntawd tej zaum txhua tus tib neeg yuav raug hloov thiab raug ua tus neeg tshiab. Qhov kev txom nyem loj tshaj plaws uas Vajtswv thev taus tsis yog qhov kev txom nyem uas Vajtswv yug los ua neeg thev taus nkaus xwb, tab sis tag nrho txhua yam ces Vajtswv tus Ntsujplig ntsib kev txaj muag loj tshaj plaws—Nws txo lub hwj chim thiab zais Nws Tus Kheej ntau heev yog li ntawd Nws thiaj dhau los ua ib tug tib neeg dog dig. Vajtswv raug yug los ua ntej thiab muaj cev nqaij daim tawv yog li tib neeg thiaj pom tias Nws muaj txoj sia ua neeg nyob thiab muaj kev xav tau ib yam li kev ua neej. Qhov no yeej txaus ua pov thawj tau tias Vajtswv tau txo Nws Tus Kheej lub hwj chim ntau kawg nkaus lawm. Vajtswv tus Ntsujplig yeej paub rau hauv cev nqaij daim tawv lawm. Nws tus Ntsujplig nyob siab heev thiab loj heev, tiam sis Nws tsuas coj ib yam li ib tug neeg dog dig xwb, coj li ib tug neeg xyuam xim, txhawm rau ua tes dej num ntawm Nws tus Ntsujplig. Rab peev xwm, kev nkag siab, kev txawj xav, kev ua tib neeg, thiab kev ua neej nyob ntawm nej txhua tus pom tias nej tsis tsim nyog kiag li los lees txais Vajtswv tes dej num zoo li no. Nej tsis tsim nyog kiag li uas cia Vajtswv los thev tej kev txom nyem zoo li no tam rau nej tus kheej qhov txiaj ntsig. Vajtswv yog tus zoo tshaj plaws. Nws tseem ceeb heev, thiab tib neeg yeej qis tiag tiag li, tiam sis Nws tseem ua tes dej num rau lawv thiab. Nws tsis yog yug los ua neeg muab kev npaj rau tib neeg, hais lus rau tib neeg xwb, tab sis Nws tseem ua neej nyob nrog tib neeg thiab. Vajtswv txo lub hwj chim, ntxim hlub heev” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Cov Neeg Uas Npaj Ntsees Rau Kev Xyaum Ua Xwb Thiaj Muaj Peev Xwm Raug Ua Kom Zoo Tiav Log). Muaj tseeb, tsis muaj ib lub teb chaw twg uas tawm tsam Vajtswv loj npaum li lub Teb Chaws Suav lawm. Vajtswv los yug ua neeg nyob rau hauv tus zaj loj liab ploog ntawd lub teb chaws los hais lus thiab ua hauj lwm, tiam sis raug Pawg Koom Tsham tsim txom thiab hais lus phem rau, thiab raug tag nrho sab kev lis kev cai ntseeg teem txim thiab tsis kam txais yuav. Vajtswv yog tus siab kawg nkaus, thiab zoo heev li, tiam sis Nws nyiaj txoj kev poob ntsej muag loj es los rau hauv lub ntiaj teb, thiab txhua yam uas Vajtswv ua yog los cawm peb xwb. Tom qab ntawd kuv thiaj li pom hais tias Vajtswv mas txo hwj chim thiab ntxim hlub tiag tiag! Ces kuv txawm xav txog qhov kuv tsuas xav xyiv fab rau tej txiaj ntsim ntawm lub meej mom ntawd li cas xwb, qhov kuv xyiv fab rau lwm tus tej lus qhuas thiab hwm kuv li cas, thiab qhov uas tab txawm thaum kuv paub hais tias kuv twb nrhiav tau Vajtswv tes hauj lwm lawm los xij, kuv yeej tseem tsis kam muab kuv lub meej mom tso tseg es raws Vajtswv qab ntawd thiab. Qhov no tsis yog paub txoj kev tseeb tiam sis txhob txwm tawm tsam xwb lod? Qhov no tsis yog tsis paub qab hau xwb lod? Thaum kuv paub li no lawm, kuv hnov txhaum loj thiab txaj muag heev. Nyob rau ti lub sij hawm ntawd, kuv npaj kuv tus kheej los muab kuv txoj hauj lwm tso tseg.

Ob peb hnub tom qab ntawd, kuv tus kwv tij los rau tsheej tsev hauv qab av los ntxias kuv thiab hais kom kuv xav. Nws hais tias yog kuv tsis lees txim hloov dua siab tshiab li, ces tus tswv qhia ntawd yuav muab kuv ntiab tawm ntawm pawg ntseeg mus. Thaum kuv hnov li ntawd, kuv ceeb tag li. Kuv yeej tsis tau hnov ib yam dab tsi xws li kev ntiab tawm nyob rau hauv pawg ntseeg no dua li. Nyob rau lub sij hawm ntawd kuv thiaj li xav hais tais, “Yog kuv raug ntiab tawm mus lawm, cov tswv cuab ntawm pawg ntseeg uas kuv paub thiab tag nrho cheeb tsam ntawd yuav tsis kam txais yuav kuv lawm.” Tom qab kuv tus kwv tij ntawd tawm mus lawm, kuv tswj tsis taus kuv tus kheej kom txhob ntxhov siab li. Txij thaum lub sij hawm uas kuv ntseeg Huab Tais los, yeej tsis tau tshwm sim rau kuv tias kuv yuav raug ntiab tawm li. Nyob rau lub sij hawm ntawd mas kuv xav txog tej no tas li li. Txhua zaus uas kuv pom tej lus faj lem hauv phau Ntawv Ntshiab uas hais txog Tswv Ntuj tes hauj lwm nyob rau tiam kawg mas, kuv xav txog cov kwv tij thiab cov muam uas ua tim khawv rau kuv txog Vajtswv Tus Uas Muaj Hwj Chim Loj Kawg Nkaus tes hauj lwm thiab tej zaj lus ntawm Vajtswv txoj lus uas kuv nyeem ntawd. Tej kev xav no nkag los rau hauv kuv lub siab zoo li tej no yog los ntawm ib zaj yeeb yaj kiab los. Vajtswv Tus Uas Muaj Hwj Chim Loj Kawg Nkaus yog tus Huab Tais uas rov qab los lawm ntag, thiab kuv tso txoj kev raws Nws qab ntawd tseg tsis tau! Tiam sis thaum xav txog qhov tawm ntawm pawg ntseeg mus los sis raug muab ntiab tawm ntawd mas, kuv txiav txim siab tsis tau li.

Tom qab ntawd, tus tswv qhia ntawd los rau txheej tsev hauv qab av los nug seb kuv xav li cas lawm. Thaum nws pom hais tias kuv tseem ntseeg Vajtswv Tus Uas Muaj Hwj Chim Loj Kawg Nkaus txuas ntxiv, mas nws npau taws heev, ces nws txawm hais tias, “Koj txoj kev ntseeg Qhov Xob Laim Sab Hnub Tuaj ntawd mas tsis yog ib qho teeb meem me me xwb. Koj yuav tsum tau tig xav txog koj tus kheej tiag tiag nawb. Yog koj paub koj tus kheej, lees txim hloov dua siab tshiab, thiab tsis kam txais yuav Qhov Xob Laim Sab Hnub Tuaj tiag tiag, ces peb tuaj yeem hnov qab txog qhov koj ua yuam kev thiab koj tuaj yeem ua koj txoj hauj lwm uas ua tus thawj pov thawj li qub.” Tom qab tus tswv qhia ntawd tawm mus lawm, Pov thawj Zuag, tus uas nyob ntawd, kuj los ntxias kuv thiab. Nws hais tias, “Koj yuav tsum tau sau qhov xaus ntawm koj txoj kev xav. Yog koj sau tau zoo, ces koj tuaj yeem ua ib tug thawj pov thawj txuas ntxiv. Yog koj tsis sau, ces tus tswv qhia ntawd yuav tsis tso koj tseg!” Tom qab hnov li ntawd lawm, kuv thiaj li paub hais tias tus tswv qhia ntawd hais ua zaum kawg rau kuv lawm, thiab yog kuv tsis sau qhov kuv xav li cas ntawd tawm li, ces kuv txoj hauj lwm ua tus thawj pov thawj ntawd yuav poob mus, thiab kuv yuav raug muab ntiab tawm ntawm pawg ntseeg mus. Thaum xav txog qhov no mas, kuv tu siab me ntsis. Txawm kuv paub tias kuv tsim nyog xaiv los raws Vajtswv Tus Uas Muaj Hwj Chim Loj Kawg Nkaus qab los xij, kuv yeej tseem tsis tshua kam tso kuv txoj hauj lwm tseg. Nws yog ib lub sij hawm uas nyuaj heev, yog li ntawd kuv thiaj li quaj heev rau Vajtswv, hais tias, “Vajtswv Tus Uas Muaj Hwj Chim Loj Kawg Nkaus, hnub no kuv ntsib kuv qhov kev xaiv zaum kawg lawm. Thov coj kuv kev thiab coj kuv kom xaiv qhov yog.” Tom qab kuv thov Vajtswv lawm, kuv xav txog ib zaj lus ntawm Vajtswv cov lus uas kuv cov kwv tij thiab cov muam nyeem rau kuv mloog. Vajtswv hais tias: “Vajtswv yeej yuav tsis rov qab pib dua nyob rau lwm qhov lawm. Vajtswv yuav ua kom tiav qhov tseeb no: Nws yuav ua kom txhua tus neeg thoob plaws qab ntuj khwb los nyob ntawm Nws xub ntiag thiab pe hawm tus Vajtswv hauv ntiaj teb, thiab Nws tes hauj lwm hauv lwm qhov chaw yuav xaus, thiab tib neeg yuav raug yuam kom tshawb nrhiav txoj hau kev tseeb. Nws yuav zoo li Yauxej: Txhua tus neeg tuaj cuag nws rau zaub mov noj, thiab pe hawm nws, rau qhov nws muaj khoom noj. Yuav kom zam tau kev tshaib kev nqhis, tib neeg yuav raug yuam kom nrhiav txoj hau kev tseeb. Tag nrho pab pawg ntseeg yuav raug kev tshaib nqhis hnyav heev, thiab tsuas yog tus Vajtswv niaj hnub no xwb thiaj yog lub qhov dej txhawv cawm siav, muaj dej haus tsis tu ncua uas tau muaj dej txaus siv rau tib neeg, thiab tib neeg yuav los rau thiab vam khom Nws” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Lub Nceeg Vaj Ib Txhiab Xyoo Tau Los Txog Lawm). Muaj tseeb. Tam sim no, cov pawg ntseeg uas nyob rau txhua qhov chaw nyob do cuas cia lawm xwb, thiab tsis muaj Leej Ntuj Plig Ntshiab tes hauj lwm li lawm. Cov tswv qhia thiab cov pov thawj qhuab qhia tsis muaj qab hau li, thiab tsuas tham txog tej kev xav ntawm kev ntseeg thiab tej kev qhuab qhia ntawm sab kev lis kev cai ntseeg los sis hais kom tib neeg soj ntsuam tej kev cai dab qhuas ntawm sab kev lis kev cai ntseeg thiab tej kev cai uas tib neeg tsim xwb. Tiam sis qhov tuav rawv rau tej no pab tsis tau thiab tsim kho tsis tau tib neeg lub neej ib qho me me li, thiab txhua tus ua neej nyob rau hauv lub voj voog ntawm qhov ua txhaum, es lees txim txhaum, ces rov qab ua txhaum dua tas li xwb. Txawm koj yuav siv zog npaum li cas los xij, koj yeej daws tsis tau qhov teeb meem ntawm qhov ua txhaum ntawd li. Tab txawm cov thawj coj kiag los yeej zam tsis dhau tej kev txhaum loj xws li nyiag tej khoom fij thiab kev ua kev nkauj kev nraug li, tsuas zoo ib yam li Pov thawj Zuag uas nrog kuv nyob rau txheej tsev hauv qab av xwb uas yog tus tsis paub txaj muag txog txoj kev ua txhaum ib txoj kev txhaum loj zoo li no li. Qhov kev ua txhaum txog ntua qib zoo li no mas txaus hlub heev. Niaj hnub no Txoj Kev Ntseeg Kav Tos Liv tsis muaj dab tsi li lawm tsuas yog ib lub pas hawv uas tsw tswv phem lawm xwb! Pawg Ntseeg ntawm Vajtswv Tus Uas Muaj Hwj Chim Loj Kawg Nkaus mas txawv. Peb nyeem Vajtswv Tus Uas Muaj Hwj Chim Loj Kawg Nkaus cov lus nyob rau hauv txhua txhua lub rooj sib tham, uas pab tau peb to taub qhov tseeb, thiab pab cuam thiab muaj txiaj ntsim rau peb lub neej. Yog kuv tsis caum Vajtswv Tus Uas Muaj Hwj Chim Loj Kawg Nkaus tes hauj lwm es tsis tau txais qhov tseeb uas Vajtswv nthuav tawm nyob rau tiam kawg, ces kuv yeej khiav tsis dim txoj kev txhaum li. Kuv yuav daig nyob rau hauv txoj kev txhaum txhua hnub daws tsis tau li. Lub ntsiab ntawm qhov kom txhua tus txhawb nyob rau hauv txoj kev ntseeg ntawd yog dab tsi?

Ces kuv xav txog ib co lus ntawm Vajtswv txoj lus. Vajtswv Tus Uas Muaj Hwj Chim Loj Kawg Nkaus hais tias: “Khetos yog tib neeg lub rooj vag nkag mus rau hauv lub nceeg vaj thaum tiam kawg, thiab tsis muaj ib tug twg uas yuav lug kev hla Nws tau li. Tsis muaj leej twg yuav raug Vajtswv muab kho kom zoo tag nrho tau li tshwj tsis yog los ntawm Khetos. Koj ntseeg Vajtswv, ces yog li koj yuav tsum txais yuav Nws cov lus thiab ua raws li Nws txoj kab kev. Koj txhob tsuas xav txog qhov kom tau txais koob hmoov nkaus xwb yam uas tsis lees txais qhov tseeb thiab tsis lees txais qhov kev muab txoj sia. Khetos los thaum tiam kawg kom Nws muab txoj sia rau txhua tus uas muaj lub siab dawb paug ntseeg Nws. Qhov muaj tes hauj lwm no yog yuav muab tiam qub xaus thiab nkag mus rau tiam tshiab, thiab tes hauj lwm no yog txoj kev uas cov yuav nkag mus rau tiam tshiab yuav tsum tau taug. Yog koj tsis lees paub Khetos thiab tseem teem txim rau, saib tsis taus, los sis tsim txom Nws, ces koj yuav raug hlawv mus ib txhis thiab yuav tsis tau nkag mus rau Vajtswv lub nceeg vaj. Vim li no tus Khetos no mas Nws Tus Kheej ces yog kiag qhov kev qhia tawm txog tus Vajntsujplig, qhov kev qhia tawm txog Vajtswv, Tus uas Vajtswv tso siab rau los ua Nws tes hauj lwm hauv ntiaj teb, yog li Kuv thiaj hais tias yog koj tsis muaj peev xwm txais yuav tag nrho tej uas tus Khetos ntawm tiam kawg ua ntawd, ces yog koj hais lus tuam mom tus Vajntsujplig. Qhov kev ua pauj rau cov uas hais lus tuam mom tus Vajntsujplig ntawd yog yam uas yog thiab pom tseeb rau txhua tus huv si. Kuv kuj qhia koj li no hais tias: Yog koj tawm tsam tus Khetos ntawm tiam kawg ntawd, yog koj tsis kam lees yuav tus Khetos ntawm tiam kawg, ces yuav tsis muaj leej twg muaj cuab kav los ris koj lub txim rau qhov no li. Dhau ntawd mus, txij theem ntawd no mus lawm tom ntej ces koj yuav tsis muaj ib lub cib fim ntxiv kom tau txais Vajtswv qhov kev pom zoo lawm; txawm hais tias koj xav los theej txhoj rau koj tus kheej los xij, koj yuav tsis muaj peev xwm pom Vajtswv lub ntsej muag dua ntxiv lawm. Qhov no vim qhov koj tab tom tawm tsam ntawd tsis yog ib tug tib neeg, qhov koj tab tom tsis kam txais yuav ntawd tsis yog ib tug neeg uas tsis tseem ceeb, tab sis yog Khetos. Koj puas paub hais tias lub txim ntawm qhov no yog dab tsi? Koj tsis yog ua yuam kev ib qho me me xwb, tab sis ua txhaum ib lub txim loj kawg nkaus. Yog li ntawd Kuv hais qhia txhua tus neeg kom txhob lam zim nej cov kaus hniav thiab txhob lam yoj nej cov kaus tes kaus taw, los sis lam tau lam cem rau qhov tseeb, vim tsuas yog qhov tseeb xwb mas thiaj muab tau txoj sia rau koj, thiab yeej tsis muaj dab tsi hlo li tsuas yog qhov tseeb nkaus xwb thiaj li yuav ua rau koj rov yug dua tshiab thiab pom Vajtswv lub ntsej muag dua ib zaug ntxiv” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Khetos ntawm Tiam Kawg Nkaus Xwb Mas Thiaj Yuav Muab Tau Txoj Kev ntawm Txoj Sia Ntev Dhawv Mus Ib Txhis Rau Tib Neeg). Vajtswv Tus Uas Muaj Hwj Chim Loj Kawg Nkaus muab qhov tseeb, txoj kev, thiab txoj sia rau peb. Qhov tseeb no thiaj li yog tib txoj kev uas ntxuav tau peb kom dawb huv thiab cawm tau peb kom dim. Qhov uas kuv tuaj yeem lees txais qhov tseeb uas Vajtswv Tus Uas Muaj Hwj Chim Loj Kawg Nkaus nthuav tawm hnub no thiab muaj ib txoj kev los hloov pauv kuv tus moj yam qias vuab tsuab ntawd, mas yog Tswv Ntuj txoj kev txhawb thiab txoj hmoov hlub tiag tiag li. Yog kuv xaiv los nyob rau hauv Txoj Kev Ntseeg Kav Tos Liv, ntshaw txoj kev xyiv fab ntawm lub meej mom, thiab tsis kam txais yuav Tswv Ntuj txoj kev cawm dim nyob rau tiam kawg, ces ntshe kuv yeej yuav raug Tswv Ntuj teem txim mus ib txhis thiab yuav plam tag nrho kuv lub hwv tsam uas los tau txoj kev cawm dim li lawm! Ces kuv tsuas yuav zoo li cov pov thawj hlob thiab cov Fas Lis Xais nyob rau yav tas los lawm xwb. Lawv tuav lub meej mom siab nyob rau ntawm cov Yus Das, thiab xyiv fab rau qhov txhua tus qhuas thiab txhawb, tiam sis thaum Huab Tais Yes Xus los, lawv paub tseeb tseeb hais tias Huab Tais Yes Xus cov lus mas muaj cai thiab muaj hwj chim, tiam sis vim xav tiv thaiv kom tau lawv lub meej mom thiab tej nyiaj txiag, ces lawv thiaj li tsis kam lees txais Huab Tais Yes Xus txoj kev cawm dim, thiab haj tseem muab Nws ntsia rau saum tus ntoo khaub lig lawm thiab, ces nyob rau thaum kawg, lawv thiaj li raug Tswv Ntuj foom tsis zoo thiab rau txim rau mus ib txhis lawm. Nyob rau theem no, kuv paub hais tias kuv tsis tuaj yeem taug cov Fas Lis Xais cov hneev taw! Kuv twb lees txais Vajtswv Tus Uas Muaj Hwj Chim Loj Kawg Nkaus tes hauj lwm tshiab, xyiv fab rau txoj kev siab xyuas thiab kev pab cuam ntawm Vajtswv txoj lus lawm. Kuv tuaj yeem tig xav txog kuv tus kheej nyob rau hauv Vajtswv txoj lus thiab nrhiav tau lub hauv paus ntawm kuv txoj kev txhaum, thiab kuv to taub tias yuav ua li cas thiaj li ntxuav tau txoj kev qias vuab tsuab kom dawb huv lawm. Tsuas yog taug txoj kev no xwb mas kuv thiaj li yuav dim thiab Tswv Ntuj thiaj li yuav pom zoo. Qhov ntawd tsis muaj nqis thiab muaj qab hau dua li muaj lub meej mom siab lod? Thaum xav li no, ces kuv kaj siab heev lawm. Kuv pom tseeb tseeb hais tias tsis muaj dab tsi tsim nyog rau qhov tuav rawv rau txoj kev ntseeg ntawd li, thiab kuv tsis tas yuav nyob rau ntawm txoj kev ntseeg ntawd mus ntxiv lawm. Yog li ntawd, kuv thiaj li tso kuv tej hauj lwm uas ua pov thawj thiab ua tus thawj pov thawj tseg thiab txiav txim siab tawm tiag tiag lawm.

Txawm kuv raug qee yam kev txom nyem li ob peb hnub nyob rau tsheej tsev hauv qab av los xij, txoj kev coj qhia thiab kev coj ntawm Vajtswv txoj lus ntawd ua rau kuv to taub hais tias lub meej mom tsis yog qhov uas kuv yuav tsum caum, thiab Vajtswv yeej tsis pom zoo rau qhov ntawd li, thiab kuv paub hais tias txoj kev mus tom hauv ntej mas do dus lawm xwb. Nyob rau yav tas los, kuv xav hais tias kev to taub Vajluskub thiab to taub txoj kev ntseeg ntawd ces yog paub Vajtswv lawm. Kuv tsis paub tias tej kev xav ntawm kev ntseeg uas kuv to taub ntawd puav leej yog tej kev xav phem thiab tej kev xav hauv nruab siab txog Vajtswv xwb. Tej ntawd tsis mus raws li qhov tseeb kiag li. Tej ntawd yog ib qho thaiv kev ruaj heev uas ua rau kuv txwv Vajtswv thiab tawm tsam Vajtswv tes hauj lwm, thiab kuj ua rau kuv haj yam khav theeb thiab qhuas tias kuv tus kheej coj ncaj tuaj, yam tsis txo hwj chim los nrhiav los sis hwm Vajtswv li. Yog hais tias qhov ntawd tsis yog vim Vajtswv Tus Uas Muaj Hwj Chim Loj Kawg Nkaus txoj kev hlub tshua, ces ntshe kuv yeej tsis muaj hnub tau txais Nws txoj kev cawm dim li! Thiab thaum kuv ntshaw lub meej mom thiab kev xyiv fab thiab tsis paub tias yuav xaiv qhov twg, Vajtswv siv Nws cov lus los qhia kuv thiab coj kuv kev ntau zaus thiab coj kuv los muab kuv txoj hauj lwm tso tseg es los caum Nws tes hauj lwm xwb. Yog hais tias qhov ntawd tsis yog vim Vajtswv txoj kev saib xyuas thiab kev txhawb, ces ntshe kuv yeej yuav tsis tig los cuag Vajtswv li, vim li ntawd kuv thiaj li xav hais tias Vajtswv txoj kev hlub mas tseem ceeb thiab muaj tiag.