16. Kev Pom Tshab Plaws Tus Xib Fwb Txoj Kev Ua Phem
Kuv tau ntsib ib tug muam os lai nyob rau lub Cuaj Hlis Ntuj Xyoo 2020. Nws hais rau kuv hais tias Tswv Yexus twb rov qab los ua Vajtswv Tus Uas Muaj Hwj Chim Loj Kawg Nkaus lawm, thiab Nws tab tom nthuav tawm qhov tseeb los ua tes dej num ntawm kev txiav txim. Kuv zoo siab heev uas tau hnov txog qhov tus Tswv rov qab los ntawd thiab tau pib los koom kev tuaj sib txoos ua ke os lai thiab tshawb xyuas Vajtswv Tus Uas Muaj Hwj Chim Loj Kawg Nkaus tes hauj lwwm. Los ntawm qhov nyeem Vajtswv Tus Uas Muaj Hwj Chim Loj Kawg NKaus cov lus, kuv thiaj li tau kawm paub txog tus cag ntawm tib neeg txoj kev qias vuab tsuab los ntawm Ntxwgnyoog lawm, Vajtswv peb theem ntawm tes hauj lwm los cawm tib neeg, tej lus zais tob ntawm kev yug los ua neeg, Vajtswv tes dej num ntawm kev txiav txim nyob rau tiam kawg, thiab ntau qhov tseeb ntxiv uas kuv yeej tsis tau hnov dua li. Vim nrhiav thiab tshawb nrhiav tau ib ntus, kuv thiaj li mam ruaj siab tias Vajtswv Tus Uas Muaj Hwj Chim Loj Kawg Nkaus yog tus Tswv Yexus uas rov qab los lawm, thiab tau mus koom Pawg Ntseeg ntawm Vajtswv Tus Uas Muaj Hwj Chim Loj Kawg Nkaus lawm. Kuv nyiam txoj kev txhawb ntawm txoj kev nyeem Vajtswv cov lus txhua hnub thiab kuv hnov muaj qhov yug ntawm sab ntsujplig zoo li kuv yeej tsis tau muaj dua los li. Yog muab sib piv mas, kuv tus xib fwb tej lus qhuab qhia puav leej yog hais txog tej qub qub, tej uas qhuav qhawv thiab ntxim dhuav heev xwb, yeej tsis muaj ib qho kaj li. Lawv tsis muaj kev tsim kho kiag li, yog li ntawd kuv thiaj li tsis mus koom pawg ntseeg tej dej num lawm.
Ces nyob rau lub Ob Hlis Ntuj Xyoo 2021, muaj ib pab tub rog nyob rau hauv lub Teb Chaws Phabmab, thiab is taws nej raug txiav lawm. Ces kuv thiaj li koom tsis tau tej kev tuaj sib txoos ua ke os lai ntxiv lawm. Tsis ntev tom qab ntawd, muaj ob peb tug kwv tij tuaj rau hauv kuv lub zos thiab hais tias nkawv xav teeb tsa tej rooj sib txoos ua ke nyob rau cheeb tsam ntawd. Peb muaj 20 leej tib neeg mus koom nkawv nyob rau lub sij hawm ntawd. Kuj ceeb tias, tom qab kev tuaj sib txoos ua ke li ob peb zaug xwb, muaj qee tus tib neeg tau muab peb coj mus qhia rau peb tus xib fwb ntawm cheeb tsam ntawd lawm. Nws tau pib qhia cov tib neeg hauv pawg ntseeg hais tias peb yuav mus sib txoos ua ke os lai tiam sis tsis mus koom pawg ntseeg, thiab peb yuav tsis mloog cov thawj coj hais lawm. Nws dag hais tias peb tab tom yuav ua peb ib pab. Nws hais kom sawv daws tsis txhob ua ib yam dab tsi nrog peb li. Yuav luag txhua tus hauv peb lub zos mas yeej yog cov Ntseeg Vajtswv xwb, thiab lawv sawv daws puav leej hwm tus xib fwb ntawd thiab mloog nws lus. Vim yog nws tej kev tawm tsam thiab tej kev txiav txim, xov xwm txog peb txoj kev ntseeg Vajtswv Tus Uas Muaj Hwj Chim Loj Kawg Nkaus thiaj li nrov mus thoob lub nroog ntawd, ces txhua tus, nrog rau peb tej txheeb ze, tej phooj ywg, thiab tej neeg zej zog los cia li pib cem peb li lawm vim qhov tsis mus koom pawg ntseeg los sis tsis mloog xib fwb lus ntxiv lawm, hais tias ua li ntawd mas phem heev. Txhua qhov chaw uas kuv mus mas, tib neeg taw tes nki rau kuv xwb thiab kuv tsev neeg los kuj tawm tsam kuv txoj kev ntseeg Vajtswv Tus Uas Muaj Hwj Chim Loj Kawg Nkaus thiab. Kuv ntxhov siab heev. Kuv yeej ib txwm muaj kev sib raug zoo uas zoo heev nrog rau kuv tej phooj ywg thiab tej neeg zej zog, peb ib txwm ib leeg pab ib leeg, tiam sis tam sim no lawv saib kuv zoo li ib tug pos uas nyob ntawm lawv ib sab, zoo li ib tug yeeb ncuab lawm xwb. Kev ntseeg yog yus tus kheej txoj kev ywj pheej. Peb tsuas xyaum ua raws peb txoj kev ntseeg yam tsis ua ib yam dab tsi txhaum kev cai li. Vim li cas tus xib fwb ntawd thiaj li yuav txiav txim thiab teem txim rau peb thiab hais kom cov neeg zej zog txais yuav peb? Ua rau kuv nyuaj siab ua ntej kuv paub qhov ntawd, ces thiaj li tau los thov Vajtswv hais tias: “Vajtswv, tus xib fwb ntawd tab tom tawm tsam peb thiab tab txawm txhua tus uas txheeb ze kuv los puav leej tsis kam txais yuav kuv lawm. Kuv ntxov siab heev. Vajtswv, kuv tsis to taub tias vim li cas lawv thiaj li saib peb zoo li no. Thov qhia kuv kom to taub qhov no zoo dua thiab khiav kom dim kuv txoj kev nyuaj siab.” Ces kuv xav txog ib zaj lus ntawm Vajtswv cov lus. Vajtswv Tus Uas Muaj Hwj Chim Loj Kawg Nkaus hais tias, “Vajtswv ua Nws tes hauj lwm, Vajtswv mob siab txog ib tug neeg twg, saib tus neeg ntawd, thiab txhua lub sij hawm uas Ntxwgnyoog ua Nws txhua kauj ruam. Tus uas Vajtswv txaus siab, Ntxwgnyoog kuj saib ntsoov thiab, raws qab. Yog tias Vajtswv xav tau tus neeg no, Ntxwgnyoog yuav ua txhua yam ntawm nws lub hwj chim los cuam tshuam Vajtswv, siv ntau yam kev phem npaj los ntxias, tab kaum thiab ua kom txoj hauj lwm Vajtswv ua puas tsuaj, txhua yam yog ua kom tiav nws lub hom phiaj uas nyob zais nkoos. Lub hom phiaj no yog dab tsi? Nws tsis xav kom Vajtswv tau ib leeg tus twg li; txhua tus uas Vajtswv xav tau nws xav tau rau nws tus kheej, nws xav tswj kav lawv, tswj lawv, ua tus saib xyuas lawv kom lawv pe hawm nws, yog li lawv thiaj koom nrog nws ua kev phem kev qias. Qhov no tsis yog Ntxwgnyoog txoj kev xav phem lov? … Kev tawm tsam nrog Vajtswv, thiab taug Nws qab, Ntxwgnyoog lub hom phiaj yog rhuav tshem txhua txoj hauj lwm ua Vajtswv xav ua, xav kav thiab tswj cov neeg uas Vajtswv xav tau, kom txhua tus neeg uas Vajtswv xav tau puas tsuaj ploj mus. Yog tias lawv tsis raug puas tsuaj ploj mus, ces kom lawv los nyob hauv Ntxwgnyoog txoj kev tswj kav, kom raug nws siv—qhov no yog nws lub hom phiaj” (Txoj Lus, Phau 2. Hais Txog Qhov Kev Paub Vajtswv. Vajtswv Tus Kheej, tus Uas Tsuas Yog Tib Tug Xwb IV). Qhov no pab kuv pom hais tias qhov tus xib fwb ntawd tas zog ua txhua yam los thaiv peb kom txhob raws tus Khetos ntawm tiam kawg qab ntawd mas tseeb tiag yog ib txoj kev sib ntaus sib tua ntawm sab ntsujplig. Vajtswv nthuav tawm qhov tseeb los txiav txim thiab yaug cov tib neeg ntawm tiam kawg kom dawb huv. Nws yog los cawm thiab muab kom tau ib pab neeg uas ntseeg tiag tiag. Tiam sis Ntxwgnyoog yog Vajtswv tus yeeb ncuab, thiab nws siv txhua txoj kev dag los cuam tshuam thiab ua kom Vajtswv tes hauj lwm puas tsuaj kom tib neeg thiaj li yuav khiav tawm ntawm Vajtswv mus, ntxeev siab rau Nws, thiab nyob rau hauv nws lub hwj chim. Ces nws thiaj li tswj tau lawv thiab thaum kawg lawv thiaj li yuav raug rau txim nyob rau hauv ntuj tawg nrog nws. Kuv pom cov thawj coj hauv pawg ntseeg mas yog Ntxwgnyoog cov tub txib xwb. Lawv hnov lawm hais tias tus Tswv twb rov qab los lawm, tiam sis tsis hais tias tshawb xyuas qhov ntawd hos, lawv tseem txwv lwm tus kom tsis txhob tshawb xyuas thiab. Lawv tej lus qhuab qhia yeej txhawb tsis tau txoj kev loj hlob ntawm sab ntsujplig li, tiam sis lawv tsis cia tib neeg nrhiav txoj kev tseeb li thiab. Thaum pom tias peb tsis mus koom pawg ntseeg thiab tsis raws lawv qab lawm, ces lawv thiaj li teem txim thiab hais lus cuav cem peb, xav kom peb ntxeev siab rau Vajtswv Tus Uas Muaj Hwj Chim Loj Kawg Nkaus thiab rov qab los rau lawv pawg ntseeg, rov qab los nyob rau hauv lawv qab kev tswj fwm. Ces tom qab ntawd peb yuav plam Vajtswv txoj kev cawm dim ntawm tiam kawg. Thaum ras dheev txog qhov no, kuv hais rau kuv tus kheej hais tias kuv tsis tuaj yeem qaug quav rau Ntxwgnyoog txoj kev dag ntxias. Kuv tsis tuaj yeem tso Vajtswv Tus Uas Muaj Hwj Chim Loj Kawg Nkaus tseg es mus caum lawv qab, tiam sis kuv yuav tsum sawv kom khov kho.
Tom qab ntawd, ib txhiab ntawm cov ntseeg tshiab thiab cov uas tshawb nrhiav Vajtswv tes hauj lwm ntawm tiam kawg tau qaug zog thiab thim rov qab lawm. Txawm hais tias txhua tus uas nyob ib puag ncig peb tau tawm tsam los xij, peb cov uas tseem nyob yeej tsis tsum tej kev tuaj sib txoos ua ke li. Tus xib fwb ntawd npau taws heev thaum nws paub txog qhov no ces thiaj li kom qee tus neeg ua hauj lwm hauv pawg ntseeg tuaj rau ntawm kuv tsev tas li, hais nias qees kom kuv cia li mus rau tom tus xib fwb ntawd tsev xwb. Kuv npau taws rau qhov ntawd thiaj li xav hais tias kuv tsuas yog pe hawm Vajtswv thiab sib qhia xwb, thiab qhov ntawd yog kuv txoj kev ywj pheej. Vim li cas tus xib fwb ntawd thiaj li tas zog los tav kuv kev? Kuv kuj xav mus mloog nws hais, saib seb nws xav tias kuv ua dab tsi yuam kev lawm. Hmo tsaus ntuj ntawd, kuv thiaj li mus rau tom tus xib fwb ntawd tsev nrog rau ob peb tug kwv tij thiab nkauj muam. Ib txhia thawj coj nyob tod thiab. Tus xib fwb ntawd hais tias, “Kuv tau hnov txog nej tej kev tuaj sib txoos ua ke os lai lawm. Mas tam li yog nej cov thawj coj lawm, ces nws yog peb lub luag hauj lwm los ceeb toom rau nej txog txoj kev taug lwm txoj kev.” Kuv thiaj li teb hais tias, “Peb mloog lawv tej lus qhuab qhia, tiam sis peb tsis tau ntxeev siab rau tus Tswv. Tswv Yexus twb rov qab los lawm thiab tab tom ua ib kauj ruam tshiab ntawm tes hauj lwm—” Kuv twb hais tsis tau tag, nws txawm siv cuam tshuam kuv yam npau taws ntsuav hais tais, “Li ko xwb txaus lawm! Peb yuav tsis mloog lwm lo lus uas hais txog qhov no lawm. Nej yuav tsum tau txiav txim siab hnub no. Nej yuav ntseeg lwm tus Vajtswv mus li, los sis rov qab los rau hauv peb pawg ntseeg?” Thaum nws hais lus, nws txawm thau ib phau ntawv sau los uas muaj tag nrho peb cov npe sau rau hauv phau ntawv ntawd. Nws hais lus yuam qees hais tias, “Yog hais tias nej yeej yuav mloog lawv tej lus qhuab qhia mus li, ces cia li suam nej lub npe, yog tsis li ntawd ces muab kos tawm. Nej yuav txom nyem siab ntsws heev yog nej tsis mloog kuv lus! Peb yuav tsis ua ib yam dab tsi rau tej kev sib yuav, tej kev tuag, los sis tej kev yug hauv nej tsev neeg, tsis ua ib yam dab tsi ntawm tej ntawd hlo li. Peb yuav tsis pab npaj ib yam dab tsi li.” Tsis muaj leej twg hais ib yam dab tsi li. Kuv txawm me ntsis ua xyem xyav, xav hais tias yog kuv tsis sau ib yam dab tsi li, los tus xib fwb ntawd yeej tseem yuav nrhiav lwm txoj hau kev los tav kuv txoj kev ntseeg. Yog hais tias kuv suam kuv lub npe tawm lawm, ces cov thawj coj ntawd yuav tsis npaj ib yam dab tsi los pab kuv tsev neeg li lawm. Tej no yog tej kab lis kev cai qub ntawm zej zog, thiab tej ntawd tseem ceeb heev rau txhua tus, thiab tsis quav ntsej tsis tau li, thiab txhua tus hauv lub zos ntawd puav leej mloog cov thawj coj ntawd lus. Yog hais tias lawv tsis tuaj tshwm, mas yeej tsis muaj leej twg tuaj li thiab, thiab tsis muaj leej twg pab li thiab. Txhua tus puas yuav tsis kam txais yuav kuv? Tiam sis kuv paub tias tus Tswv twb rov qab los lawm, yog li ntawd yog hais tias kuv kos kuv lub npe tawm thiab rov qab los koom pawg ntseeg, ces qhov ntawd tsis yog kev tsis lees paub thiab kev ntxeev siab rau Vajtswv lod? Thaum lub sij hawm ntawd, kuv tsis paub tias yuav ua li cas li, yog li ntawd kuv thiaj li tau thov kom Vajtswv coj kev. Ces kuv thiaj li nco dheev txog tej yam uas Tswv Yexus tau hais lawm tias: “Tsis muaj ib twg tib neeg twg uas tuav khais laij liag lawm es tseem tig mus saib rov tom qab, es tseem phim rau Vajtswv lub nceeg vaj li” (Luka 9:62). Muaj tseeb. Kuv yog ib tug ntseeg, ib tug uas caum raws qab. Hauv txoj kev ntseeg, peb yuav tsum tau hwm Vajtswv, zwm rau Nws tes hauj lwm, thiab ua raws li Nws. Kuv yuav ua li cas hu tau kuv tus kheej ua ib tug ntseeg yog hais tias kuv saib tus xib fwb ntawd muaj nqis dua Vajtswv lawm? Kuv yuav ua li cas phim rau lub nceeg vaj? Thaum ntawd, kuv thiaj li thov Vajtswv hais tias, “Au Vajtswv, kuv xav ua tim khawv rau Koj hnub no. Txawm yuav muaj dab tsi tshwm sim los xij, kuv xav raws Koj qab xwb.” Ces tom qab ntawd kuv lub siab thiaj li txias zog tuaj lawm thiab kuv thiaj li txiav txim siab suam kuv lub npe nyob ntxiv. Kuj muaj lwm tus suam lawv lub npe ib yam nkaus thiab, thiab tsuas muaj ib tug muam xwb thiaj li kos nws lub npe tawm. Tus xib fwb ntawd tau hais npau taws vog hais tias, “Qhov no yog nej txoj kev xaiv, thiab txij no mus peb nyias taug nyias txoj kev lawm. Tam sim no peb tsis txhawj xeeb txog nej tej hauj lwm lawm.”
Tom qab los txog tsev lawm, kuv tej kev tshawj xeeb rov tshwm tuaj. Feem ntau yog, txawm muaj dab tsi tshwm sim rau cov tsev neeg hauv peb lub zos los xij, peb yeej hais kom tus xib fwb ntawd tuaj thov Vajtswv rau peb thiab tuaj saib xyuas txhua yam kev cai ntawm sab kev lig kev cai ntseeg xwb. Peb yeej ua tsis tau ib yam dab tsi ntawm tej ntawd li yog hais tias tus xib fwb ntawd tsis quav ntsej peb, thiab txhua tus yuav tsis lees paub peb thiab tawm tsam peb. Kuv tsis paub tias xyov lawv yuav siv tej tswv yim twg los ua kom peb tsis txhob tau xyaum ua raws peb txoj kev ntseeg, los sis thaum twg txhua yam ntawd mam li xaus mus. Thaum xav txog txhua yam ntawd mas ua rau kuv mob taub hauv heev li thiab kuv tsis paub tias xyov yuav ua li cas thiaj li dhau qhov ntawd. Kuv thiaj li thov Vajtswv kiag tam sim ntawd hais tias, “Vajtswv, kuv pom tau tias kuv lub siab me npaum li cas tiag. Kuv pheej txhawj xeeb txog lwm tus tej lus cem thiab kev tsis kam txais yuav xwb. Kuv ntshai tsam ntsib qhov no thiab kuv qaug zog lawm. Vajtswv, thov coj kuv kev kom dhau qhov no lau.” Tom qab ntawd, kuv nrhiav ib tug muam os lai kom txhawb kuv thiab qhia nws txog yam uas kuv tab tom ntsib. Nws thiaj li xa ib zaj lus ntawm Vajtswv cov lus tuaj rau kuv. Vajtswv Tus Uas Muaj Hwj Chim Loj Kawg Nkaus hais tias, “Tom qab tau txais cov lus tim khawv los ntawm Yauj los rau thaum xaus ntawm nws tej kev sim siab lawm, Vajtswv tau txiav txim siab tias Nws yuav tsum muab tau ib pawg neeg—los sis ntau dua ib pawg neeg—ntawm cov neeg zoo li Yauj, tiam sis Nws tau txiav txim siab tsis tso cai rau Ntxwgnyoog los tawm tsam los sis txim txom lwm tus neeg los ntawm tej tswv yim uas nws tau sim siab, tau tawm tsam, thiab tau tsim txom Yauj, los ntawm qhov twv nrog Vajtswv; Vajtswv tsis tso cai rau Ntxwgnyoog los ua tej yam zoo li no rau tib neeg, cov uas qaug zog, ruam, thiab tsis paub qab hau dua ntxiv lawm—qhov Ntxwgnyoog tau sim Yauj siab ntawd txaus lawm! Qhov tsis tso cai rau Ntxwgnyoog tsim txom tib neeg li cas los xij raws li nws siab nyiam ntawd yog Vajtswv txoj kev hlub tshua. Rau Vajtswv, nws yeej txaus lawm tias Yauj tau raug kev txom nyem los ntawm Ntxwgnyoog qhov kev sim siab thiab tsim txom. Vajtswv tsis tso cai rau Ntxwgnyoog rov ua tej yam zoo li no dua ntxiv lawm, vim txoj sia thiab txhua yam ntawm cov tib neeg uas caum raws Vajtswv yog raug tswj kav thiab raug coj raug qhia los ntawm Vajtswv, thiab Ntxwgnyoog tsis muaj cai yuav los siv Vajtswv cov neeg xaiv tseg raws li siab xav lawm—nej yuav tsum paub kom meej txog theem no! Vajtswv txhawj txog tib neeg qhov tsis muaj zog, thiab to taub lawv tej kev ruam thiab kev tsis paub qab hau. Txawm tias, yuav kom tib neeg tuaj yeem raug cawm tiav hlo, Vajtswv yuav tsum muab lawv cob rau Ntxwgnyoog los xij, Vajtswv tsis txaus siab xav pom tib neeg raug muab ua si zoo li ib tug neeg ruam thiab raug tsim txom los ntawm Ntxwgnyoog, thiab Nws tsis xav pom tib neeg ntsib kev txom nyem tas mus li. Vajtswv tau tsim tib neeg, thiab qhov uas Vajtswv tswj kav thiab tnpaj txhua yam txog tib neeg ntawd yog raug tsa los ntawm Ntuj Ceeb Tsheej thiab lees paub los ntawm lub ntiaj teb; qhov no yog Vajtswv lub luag hauj lwm, thiab nws yog lub hwj chim uas Vajtswv tswj kav tag nrho txhua yam! Vajtswv tsis tso cai rau Ntxwgnyoog los tsim txom thiab ua phem saib tsis tau tib neeg raws li siab xav, Nws tsis tso cai rau Ntxwgnyoog los siv ntau lub tswv yim los coj tib neeg kom yuam kev, thiab, tshaj qhov ntawd, Nws tsis tso cai rau Ntxwgnyoog los cuam tshuam rau Vajtswv lub hwj chim kav tib neeg, los sis Nws tsis tso cai rau Ntxwgnyoog los caij tsuj thiab rhuav tshem tej kev cai uas Vajtswv tswj kav tag nrho txhua yam, tsis muaj qhov yuav hais txog ntawm Vajtswv txoj dej num loj ntawm kev tsim kho thiab txoj kev cawm tib neeg ntiaj teb! Cov neeg uas Vajtswv xav cawm, thiab cov uas tuaj yeem hais tau lus tim khawv rau Vajtswv, yog cov tseem ceeb thiab txoj kev kaj dawb huv ntawm Vajtswv txoj dej num npaj cawm tib neeg rau-txhiab-lub xyoo, nrog rau tus nqi ntawm Nws tej kev mob siab rau hauv Nws txoj dej num rau txhiab lub xyoo. Vajtswv lam cia li muab cov neeg no rau Ntxwgnyoog tau li cas?” (Txoj Lus, Phau 2. Hais Txog Qhov Kev Paub Vajtswv. Vajtswv Tes Hauj Lwm, Vajtswv Tus Moj Yam, thiab Vajtswv Tus Kheej II). Los ntawm Vajtswv cov lus los, kuv thiaj li pom hais tias txawm peb yuav ntsib dab tsi los xij, Vajtswv cia kom tej ntawd tshwm sim, thiab txhua yam puav leej nyob rau hauv Nws ob txhais tes. Yog Nws tsis tso cai, ces txawm Ntxwgnyoog yuav nyaum los sis nws xav ua kom peb raug mob npaum li cas los xij, nws yeej ua tsis tau ib yam dab tsi li. Vajtswv cia kom txhua yam uas tab kaum ntawd tshwm sim. Qhov ntawd yog Nws sim kuv siab, thiab kuj yog cawm kuv ib yam nkaus thiab. Nws cia siab tias kuv yuav zoo li Yauj, thiab ua tim khawv khov kho kom dhau qhov xwm txheej ntawd. Nws kuj yog li ntawd thiab es kom kuv thiaj li vam khom rau Vajtswv nyob rau ib cheeb tsam puag ncig ntawd, thiab tau ntsib tau pom Nws tes hauj lwm thiab cov lus kom kuv thiaj li muaj txoj kev ntseeg Vajtswv tseeb. Tiam sis kuv mag Ntxwgnyoog lub vas lawm. Kuv xav tiv thaiv kuv txoj kev sib raug zoo ntawm kuv tus kheej es kom tsis txhob raug tsis lees txais yuav thiab raug cem. Kuv pheej ntshai rwg tsam qee yam phem tshwm sim tuaj. Kuv tsis to taub Vajtswv lub siab nyiam. Kuv thiaj li ua siab txias txias thiab thov Vajtswv hais tias, “Au Vajtswv, tam sim no kuv to taub lawm hais tias Koj yog tus tso cai rau txhua yam no. Nws yog los cawm kuv thiab ntxuav kuv kom dawb huv tag nrho, los ua kom kuv txoj kev ntseeg zoo tiav log. Kuv npaj txhij los ua tim khawv rau Koj lawm. Tiam sis kuv lub siab mas me heev, thov pab txhawb kuv txoj kev ntseeg kom dhau qhov no lau.”
Kuv xav hais tias vim kuv twb txiav txim siab los caum raws Vajtswv Tus Uas Muaj Hwj Chim Loj Kawg Nkaus qab lawm, ces tus xib fwb ntawd yuav tso kuv tseg thiab kuv tuaj yeem tuaj sib txoos ua ke tau li qub. Tiam sis tsis yog li ntawd, vim yog tus xib fwb ntawd txoj kev ua phem thiab tej kev txiav txim, ces cov neeg uas nyob lwm lub zos thiaj li pheej cuam tshuam tas li ntxiv. Lawv hais lus saib tsis taus peb, cem peb, thiab nthe peb tim ntsej tim muag rau ntawm peb tsev neeg, hais tias peb tsis ua raws li tej kev cai ntawm sab kev lig kev cai ntseeg, ua txhaum tej kev cai ntawm lub zos ntawd lawm. Lawv hais tias yog peb pheej ua raws li peb txoj kev ntseeg mus ntxiv, ces lawv yuav muab peb coj mus qhia rau tsoom fwv kom peb raug ntes. Kuv tsev neeg tiv tsis tau qhov kev ntxhov siab no li lawm. Lawv pheej pib sib cav tas li, hais kom kuv tso kuv txoj kev ntseeg tseg. Lwm tus los kuj raug lawv tsev neeg ua rau meem txom ib yam nkaus li thiab. Ib txhia raug ncaws tawm, thiab haj tseem nkag tsis tau los rau hauv lawv tus kheej lub tsev li lawm thiab. Tus xib fwb ntawd tau tshaj tawm tej lus dag, hais tias peb muaj teeb meem ntau yam tom tsev vim tib qho peb tsis mloog cov thawj coj lus los sis tsis mus koom pawg ntseeg xwb. Nws kuj xav nug ob tug kwv tij uas tuaj txhawb peb ntawd thiab. Ua rau kuv npau taws heev. Cov thawj coj ntawd nkag siab qhov tseeb yuam kev lawm. Yog hais tias nws tsis yog vim lawv tej kev tawm tsam, ces peb yeej yuav tsis muaj tej teeb meem ntawd li. Tom qab ntawd tus muam ntawd txawm hais rau ob tug kwv tij uas tuaj txhawb ntawd kom tsis txhob tuaj lawm es thiaj li zam dhau tej kev phom sij ntawd. Txhua tus puav leej xav phem thiab qaug zog thaum lub sij hawm ntawd thiab peb tsis muaj siab tuaj sib txoos ua ke los sis ua peb tes dej num li lawm. Kuv los kuj muaj qee qhov kev qaug zog thaum kuv pom qhov no tshwm sim thiab. Kuv tsis paub xyov yuav pab thiab txhawb cov kwv tij thiab cov nkauj muam li cas, ces kuv cia li mloog zoo li txoj kev ntseeg ntawd mas nyuaj heev. Kuv tsis to taub qhov ntawd li. Peb tsuas yog cov ntseeg uas tuaj sib txoos ua ke thiab nyeem Vajtswv cov lus xwb. Vim li cas lawv thiaj li tsis cia peb nyob peb, tiam sis ho txiav txim siab los quab yuam peb mus kom ti ntsa nkaus? Kuv mob siab heev, kuv thiaj li hu Vajtswv hais tias, “Vajtswv, kuv qaug zog heev lawm thiab kuv tswj tsis tau kuv tej kev xav li lawm. Kuv yuav ua li cas thiaj li nyob tau rau ntawm txoj kev ntseeg no? Thov qhia kuv thiab coj kuv kev.” Ces kuv txawm xav txog qee yam uas Tswv Yexus tau hais lawm tias: “Yog lub ntiaj teb ntxub nej, ces nej paub hais tias nws ntxub kuv ua ntej nws ntxub nej lawm. Yog nej yog lub ntiaj teb li, ces lub ntiaj teb yeej yuav hlub lub ntiaj teb tus kheej: tab sis vim nej tsis yog lub ntiaj teb li, tab sis Kuv tau xaiv nej tawm ntawm lub ntiaj teb lawm, yog li ntawd lub ntiaj teb thiaj li ntxub nej” (Yauhas 15:18–19). Nws cia li ua rau kuv nkag siab tam sim ntawd hais tias lawv ntxub thiab caij tsuj peb vim lawv yeej ntxub qhov Vajtswv rov qab los, thiab lawv yeej tawm tsam Vajtswv. Vajtswv twb yug los ua neeg nyob rau tiam kawg lawm, nthuav tawm qhov tseeb txog Nws tes dej num ntawm kev txiav txim los cawm tib neeg thiab yaug tib neeg ntiaj teb kom dawb huv. Nws qhov kev tshwm sim thiab tes hauj lwm tab tom qhia tshwm txog cov tib neeg ntiaj teb. Lawv tsis nyiam qhov tseeb, tiam sis lawv ntxub qhov tseeb, thiab ntxub Vajtswv. Lawv ntseeg ib tug Vajtswv uas pom tsis meej nyob saum ntuj, vim li ntawd lawv thiaj li tab tom txiav txim thiab teem txim rau Vajtswv tes hauj lwm thiab cov lus hauv lub cev nqaij daim tawv. Tsuas zoo ib yam li thaum Tswv Yexus los ua hauj lwm xwb, es cov thawj coj Yudais tsis kam lees txais qhov tseeb uas Nws tau nthuav tawm, lawv thiaj li ua txhua yam kom kawg nkaus los teem txim thiab hais lus tuam mom Nws. Cov ntseeg uas yog neeg Yudais los tuaj lawv tog, tsis kam txais yuav tus Tswv thiab, thiab thaum kawg lawv tau muab Nws ntsia rau saum tus ntoo khaub lig lawm. Lub ntiaj teb no mas phem tiag tiag li! Tiam sis sab kev lig kev cai ntseeg lub hwj chim ntawm sab ntiaj teb yim tsis kam txais yuav thiab yim teem txim, ces yim ua rau pom meej tseeb tias qhov ntawd yog txoj hau kev tseeb, thiab yog Vajtswv tes hauj lwm. Nws rov ua rau kuv ntshaw taug txoj kev no ob npaug ntxiv!
Thaum cov kwv tij thiab cov nkauj muam paub txog yam uas tab tom tshwm sim no lawm, lawv thiaj li xa Vajtswv Tus Uas Muaj Hwj Chim Loj Kawg Nkaus ib zaj lus tuaj rau kuv. Vajtswv Tus Uas Muaj Hwj Chim Loj Kawg Nkaus hais tias, “Tsis txhob poob siab, tsis txhob qaug zog, thiab Kuv yuav ua tej ntawd kom meej rau koj. Txoj kev mus rau lub nceeg vaj yeej tsis tshua du pes tsawg; tsis muaj yam yuav yooj yim li! Koj xav kom tej koob hmoov los rau koj yooj yim, koj tsis xav lov? Hnub no, txhua tus yuav ntsib tej kev sim siab uas iab siab. Yog tsis muaj tej kev sim siab no, lub siab hlub uas nej muaj rau Kuv ntawd yuav tsis loj hlob kom muaj zog dua qub thiab nej yuav tsis muaj txoj tseem kev hlub rau Kuv li. Txawm tias yog tej kev sim siab no tsuas yog tej xwm txheej me me xwb los, txhua tus yuav tsum tau mus kom dhau tej no; tsuas yog tej kev sim siab uas nyuaj nyuaj mas thiaj li sib txawv ntawm ib tug mus rau lwm tus xwb. Kev sim siab yog koob hmoov los ntawm Kuv los, thiab muaj nej pes tsawg leej txeev los rau ntawm Kuv xub ntiag thiab txhos caug thov Kuv cov koob hmoov? Cov me nyuam luab sab es! Nej ib txwm xav tias nej tau Kuv ob peb lo lus zoo lawm ces twb suav hais tias yog Kuv tej koob hmoov lawm no, tiam sis nej tsis nco tias tej kev iab siab los yog ib qho ntawm Kuv tej koob hmoov thiab. Cov uas tau saj Kuv cov kev iab kev daw lawm yeej yuav tau saj Kuv cov lus qab zib thiab. Qhov ntawd yog Kuv cov lus cog tseg thiab Kuv qhov koob hmoov rau nej. Tsis txhob xyeej los noj thiab haus thiab zoo siab rau Kuv cov lus. Thaum qhov tsaus ntuj dhau mus lawm, qhov kaj sib sau los ua ke. Qhov tsaus ntuj tshaj plaws yog ua ntej thaum yuav kaj ntug; tom qab lub sij hawm no lawm lub ntuj yuav maj mam ci zuj zus tuaj, thiab dhau ntawd ces lub hnub tawm tuaj. Tsis txhob ntshai los sis poob sia li” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Cov Lus nyob rau thaum Pib, Tshooj 41). Txhawb kuv heev thaum kuv nyeem qhov no. Peb tab tom ua raws li Vajtswv tes hauj lwm tshiab, raug cov thawj coj cuam tshuam thiab raug lwm cov neeg zej zog coj tsis ncaj rau peb. Qhov ntawd yeej zam tsis dhau li. Vim rau qhov tib neeg raug Ntxwgnyoog muab ua qias vuab tsuab tob dhau heev lawm, thiab lub ntiaj teb mas tsaus ntuj nti thiab phem heev li. Yeej tsis muaj ib tug twg ntawm lawv cov ntawd txais tos qhov Vajtswv rov qab los li. Qhov raws Vajtswv qab mas tsis yog ib qho yooj yim. Yuav kom nkag tau mus rau hauv Vajtswv lub nceeg vaj thiab tau txais Nws txoj kev pom zoo mas, peb yuav tsum tau ntsib tau pom hom kev tsim txom thiab kev txom nyem ntawd. Vajtswv yog lub zog txhawb peb thiab yeej nrog nraim peb tas li. Yeej tsis muaj ib yam dab tsi ua rau kuv ntshai li lawm. Kuv tsuas thov Vajtswv thiab vam khom rau Vajtswv xwb, ces Nws yeej yuav coj peb kev kom kov yeej tus xib fwb ntawd tej kev tab kaum xwb xwb li. Kuv xav txog cov kwv tij thiab cov nkauj muam uas yog Neeg Suav tej kev ntsib kev pom uas kuv tau pom nyob rau hauv tej yeeb yaj kiab thiab yeeb yaj duab. Lawv raug tsoom fws Suav caij tsuj, caum, thiab raug soj qab, thiab raug ntes txhua lub sij hawm. Lawv tsev neeg los kuj raug cuam tshuam, thiab lawv tej khoom muaj nqi ub no los raug txeeb mus lawm thiab raug tshem tawm hauj lwm tib si thiab. Lawv ntau tus raug kaw rau hauv tsev laj cuj thiab raug tsim txom yam lim hiam kawg li. Lawv txom nyem heev li, tiam sis lawv muaj peev xwm vam khom rau Vajtswv thiab ua tim khawv txog kev kov yeej Ntxwgnyoog. Ces tom qab ntawd kuv xav txog qhov Vajtswv raug kev txom nyem rau hauv Nws txoj kev yug los ua neeg ob zaug li cas. Thaum Tswv Yexus yug los ua neeg thiab los rau hauv lub ntiaj teb los txhiv tib neeg ntiaj teb ntawd, Nws raug teem txim thiab cov neeg Yudais hais lus tuam mom rau, thiab thaum kawg raug ntsia rau saum tus ntoo khaub lig. Nyob rau tiam kawg, Vajtswv kuj tau yug los ua neeg dua, thiab Nws tab tom nthuav tawm qhov tseeb los cawm tib neeg ntiaj teb. Nws raug tawm tsam, raug teem txim, raug tsis kam txais yuav thiab raug hais lus tuam mom los ntawm Ntxwgnyoog txoj kev tswj fwm thiab lub ntiaj teb ntawm sab kev lig kev cai ntseeg tej hwj chim tawm tsam Khetos. Vajtswv txom nyem heev los cawm tib neeg ntiaj teb thiab kuv txoj kev nyem mas twb tsis tsim nyog hais txog li. Vajtswv dawb huv, thiab txhua yam ntawm Nws txoj kev txom nyem mas yog txhawm rau peb txoj kev cawm dim. Kuv txoj kev txom nyem mas txhawm kom kuv tau txais qhov tseeb thiab kom raug cawm dim, yog li ntawd nws yog qee yam uas kuv yuav tsum tau ua siab ntev thev. Txawm txoj kev ntsib kev pom ntawd ua rau kuv mob siab heev los xij, kuv tau txais qee qhov kev thoob tsib to nrog txog cov thawj coj lawm thiab kuv muaj kev ntseeg Vajtswv ntxiv. Vajtswv yeej sim siv tej cheeb tsam ib puag ncig los qhia peb txog qhov tseeb, los ua kom peb txoj kev ntseeg zoo tiav log tiag taig. Nws yog ib txoj koob hmoov los ntawm Vajtswv los! Tom tom qab kawm Vajtswv lub siab nyiam tag lawm ua rau kuv siab txias lawm ntau heev, thiab kuv tawm tau ntawm kuv txoj kev nyuaj siab lawm. Ces kuv txawm maj nroos los npaj ib lub rooj sib txoos ua ke rau tag nrho kuv cov kwv tij thiab cov nkauj muam uas tseem daig rau hauv ib tug yam ntxwv xav phem. Txhua tus muaj peev xwm to taub Vajtswv lub siab nyiam los ntawm peb txoj kev sib qhia, tau txais txoj kev ntseeg los raws Vajtswv qab mus ntxiv, thiab tsis nyuaj siab ntxiv lawm. Peb tau pib ua ib lub neej nyob hauv pawg ntseeg li ib txwm muaj lawm, qhia txoj moo zoo thiab ua tim khawv, thiab txhua tus puav leej hnov txhawb siab lawm.
Tiam sis cov thawj coj pheej ua txhua yam los tuav peb cia. Muaj ib zaug, thaum ib tug muam tus txiv tau tuag vim muaj ib tug mob, tag nrho nws tsev neeg tau nias qees kom nws cia li mus thov txim rau tus xib fwb ntawd kom nws thiaj li yuav pab thov Vajtswv thiab ua kev cai rau lub ntees. Cov thawj coj thiaj li tau siv lub fib cim ntawd los nias qees hais nws kom tso nws txoj kev ntseeg Vajtswv Tus Uas Muaj Hwj Chim Loj Kawg Nkaus tseg thiab tig rov qab los rau hauv pawg ntseeg. Kuv mas npau taws heev. Nws twb quaj ntsuag rau nws tus txiv lawm, tiam sis cov thawj coj ntawm sab kev ntseeg tseem muab ntsev coj los nphoo rau lub qhov txhab, nias qees kom nws lees qhov ua yuam kev, kom tau nws rov qab los rau hauv pawg ntseeg thiab raws lawv qab. Qhov ntawd mas ntxim ntxub heev! Ib tug xib fwb uas siab dua tau los nrog peb tham, thiab nws tau hais ntau yam heev txog kev teem txim thiab hais lus tuam mom Vajtswv. Nws tas zog hais kom peb tso peb txoj kev ntseeg tseg. Tiam sis peb twb muaj kev thoob tsib to nrog lawm, yog li ntawd peb thiaj li tsis ua li cas. Thaum cov thawj coj thiab cov thawj coj hauv zos pom tias peb nyob ruaj khov heev lawm, ces lawv thiaj li hais kom lwm cov neeg zej zog cais thiab tshem peb tawm, hais tias “Cov tib neeg no tsis kam mloog peb lus, yog li ntawd kav tsij cia lawv muaj lawv tus kheej txoj kev ntseeg. Saib nej cov me nyuam kom zoo, kom lawv nyob kom deb ntawm cov tib neeg no. Tus uas muaj kev sib cuag nrog lawv los sis nug txog lawv txoj kev ntseeg ces yuav ua rau muaj kev cuam tshuam rau lawv tsev neeg tag nrho, thiab peb yuav tsis pab lawv ib yam dab tsi li.” Lawv kuj npaj ib pab hluas tshwj xeeb thiab uas raug teeb tsa los ntawm cov tub ntxhais hluas ntawm pawg ntseeg, tseem ceeb ces yog los saib peb nkaus xwb. Tus uas muaj kev sib cuag nrog rau peb yuav raug hu mus rau tim tus xib fwb ntawd lub tsev uas yog coj mus nug. Qhov ntawd pab ua rau kuv pom lawv lub niag ntsej muag uas tawm tsam Vajtswv meej ntxiv. Lawv muab cov ntseeg khi khov kho tswj rau hauv lawv xib teg, tsis cia lawv los rau ntawm Vajtswv lub xub ntiag los mloog Nws lub suab li. Kuv tau xav txog cov Falixais. Thaum Tswv Yexus los, Nws tes hauj lwm thiab cov lus puav leej muaj hwj chim puv npo, tiam sis lawv tsis nrhiav los sis tsis tshawb nrhiav li. Ntshai rwg tsam cov ntseeg raws Tswv Yexus qab lawm thiab plam lawv lub meej mom thiab kev ua neej nyob, lawv ua txhua yam los teem txim rau Nws thiab haj tseem muab Nws ntsia rau saum tus ntoo khaub lig thiab. Lawv muab cov ntseeg nyem rau hauv lawv xib teg, tsuas cia tib neeg pe hawm lawv nkaus xwb, tsis kam muab Vajtswv cov yaj rov qab rau Vajtswv li. Lawv yog cov tub qhe phem, thiab cov xib fwb thiab cov txwj laug niaj hnub nim no mas yeej tsis txawv lawv li. Kuv nco txog tus Tswv cov lus uas cem lawv hais tias: “Muab kev puas tsuaj rau nej, cov kws sau ntawv, cov Falixais, cov neeg dag! Vim nej kaw lub nceeg vaj saum ntuj ceeb tsheej rau tib neeg lawm: vim nej tus kheej yuav tsis tau nkag mus, los sis nej yeej txwv cov uas yuav nkag mus rau hauv tib si” (Mathai 23:13). “Muab kev puas tsuaj rau nej, cov kws sau ntawv, cov Falixais, cov neeg dag! Vim nej ncig lub hiav txwv thiab daim av mus muab ib tug neeg hloov nws txoj kev ntseeg, thiab thaum nws ua tau li ntawd lawm, nej muab nws ua ib tug me nyuam rau ntuj tawg tshaj nej tus kheej lawm ob npaug” (Mathai 23:15). Cov thawj coj niaj hnub nim no mas zoo kiag li cov Falixais yav thaum ub ntag. Lawv yog cov tub qhe phem uas thaiv txoj kev mus rau hauv lub nceeg vaj. Nws zoo nkaus li qhov Vajtswv Tus Uas Muaj Hwj Chim Loj Kawg Nkaus hais ntag. “Muaj ib txhia nyeem Vajluskub hauv tej tsev teev hawm uas loj kawg nkaus thiab qog cov lus ntawd tas hnub, tab sis tsis muaj ib tug twg ntawm lawv cov ntawd to taub lub hom phiaj ntawm Vajtswv tes hauj lwm li. Tsis muaj ib tug twg ntawm lawv cov ntawd muaj peev xwm paub txog Vajtswv; tseem muaj tsawg tus ntawm lawv cov ntawd thiaj muaj peev xwm ua raws li Vajtswv lub siab nyiam. Lawv txhua tus tsis tsim nqi dab tsi li, yog neeg phem, txhua tus sawv siab qhuab ntuas Vajtswv. Lawv txaus siab hlo tawm tsam Vajtswv rau thaum lawv tseem kwv rawv Nws tus chij. Hais tias ntseeg Vajtswv, lawv tseem noj noob neej li nqaij thiab haus noob neej li ntshav. Tag nrho cov tib neeg zoo li no yog cov dab phem uas nqos tib neeg tus ntsuj, cov thawj dab uas tav txoj kev ntawm cov uas xav taug mus rau txoj kev yog, thiab dawm thaiv cov uas nrhiav Vajtswv. Tej zaum lawv yuav mas zoo li ‘muaj lub cev zoo khov kho,’ tab sis cov uas caum raws lawv yuav ua cas paub tau tias lawv ces twb yog kiag cov tawm tsam khetos uas coj tib neeg sawv tawm tsam Vajtswv ntag? Cov caum raws lawv yuav ua cas paub tau tias lawv yog cov dab phem ciaj sia uas rau siab ntso nqos tib neeg tej ntsuj?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Txhua Tus Tib Neeg Uas Tsis Paub Vajtswv Yog Cov Tib Neeg Uas Tawm Tsam Vajtswv). Cov thawj coj tsis yog tsuas tsis tshawb nrhiav Vajtswv tes hauj lwm tshiab xwb, tiam sis thaum lawv paub tias lwm tus neeg tab tom tshawb xyuas tes hauj lwm tshiab ntawd, ces lawv ua txhua yam los tav cov tib neeg ntawd kev, ntshai tsam cov ntseeg yuav raws Vajtswv Tus Uas Muaj Hwj Chim Loj Kawg Nkaus qab thiab tsis pe hawm thiab tsis raws lawv qab lawm, los sis tsis muab khoom fij rau lawv lawm. Lawv siv tej kab ke thiab tej kab lig kev cai qub hauv zos los tswj tib neeg, yuam kom lawv rov qab mus koom pawg ntseeg. Lawv hais tias lawv yog cov ntseeg, tiam sis lawv tsis muaj kev hwm Vajtswv ib qho me me li. Saib tus yeeb yam mas, lawv yog cov niag dab phem uas ntxub Vajtswv thiab qhov tseeb ntag. Lawv tab tom thaiv peb txoj kev mus rau hauv lub nceeg vaj. Kuv paub tias Vajtswv pub kom muaj txhua yam kev caij tsuj no los pab tsim kho peb txoj kev thoob tsib to nrog, kom peb thiaj li khiav dim cov thawj coj ntawd txoj kev tswj kav tiag tiag. Cov thawj coj ntawd tej kev tawm tsam mas tsis muaj peev xwm ua rau kuv muaj tus yam ntxwv xav phem li lawm, tiam sis qhov tseeb tiag ces yog lawv txhawb kuv txoj kev ntseeg kom ruaj khov xwb. Kuv kuj muaj peev xwm khiav dim ntawm lawv tej kev nruj kev tsiv thiab qhia txoj moo zoo thiab ua tim khawv txuas ntxiv mus thiab. Sij hawm dhau mus, ib txhia ntawm kuv tej phooj ywg thiab tej neeg txheeb ze txawm pib tau txais kev thoob tsib to nrog txog cov thawj ntawd tus cwj pwm ib yam nkaus lawm thiab, thiab lawv ib txhia tau lees txais Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg lawm. Qhov no qhia rau kuv hais tias Vajtswv txoj kev ntse mas yog siv mus raws Ntxwgnyoog tej tswv yim dag. Cov xib fwb ntawd txoj kev caij tsuj thiab kev thaiv kev tau pab cais cov tshis tawm ntawm cov yaj lawm. Ib txhia nrog cov thawj coj ntawd tawm tsam peb, tiam sis ib txhia tau los paub txog lawv lub ntsiab tseeb tiag lawm. Lawv hnov Vajtswv lub suab thiab tig los cuag Vajtsvw lawm. Vajtswv tes hauj lwm mas phim hwj heev! Qhov kev ntsib kev pom no qhia rau kuv hais tias txhua qhov xwm txheeej puav leej muaj Vajtswv txoj kev xav uas zoo. Nws yog txhua yam uas peb cheem tsum, thiab nws yog txhua yam uas cawm peb dim thiab ua kom peb zoo tiav log. Kuv thiaj li txiav txim siab hais tias txawm kuv yuav ntsib dab tsi rau yav tom ntej los xij, kuv twb npaj txhij los zwm rau Vajtswv tej kev npaj thiab vam khom rau Nws lawm. Ua Vajtswv Tus Uas Muaj Hwj Chim Loj Kawg Nkaus tsaug!
