40. Raug Txwv

Nyob rau xyoo 2004 ntawd, ces kuv tau lees txais Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg lawm, thiab tsis ntev ntawd, ces kuv raug qhia tawm vim tshaj tawm txoj moo zoo. Nyob rau hnub ntawd, kuv ua hauj lwm nyob rau hauv tsev kho mob, ces kuv cov npoj yaig qhia rau kuv tias tus tuam thawj hauv tsev kho mob tab tom nrhiav kuv. Kuv thiaj li mus rau tom tus tuam thawj ntawd lub chaw ua hauj lwm ces txawm pom muaj ob tug tub ceev xwm hnav tsoos tsho tub ceev xwm sawv nyob rau tod. Nkawv hais rau kuv tias, “Muaj neeg qhia tawm tias koj ntseeg Qhov Xob Laim Sab Hnub Tuaj thiab tau tshaj tawm txoj moo zoo rau txhua qhov chaw no. Qhov Xob Laim Sab Hnub Tuaj yog lub teb chaws lub hom phiaj rhuav tshem tseem ceeb, thiab txhua tus ntseeg Qhov Xob Laim Sab Hnub Tuaj yog cov ua txhaum txoj cais uas yuav raug rau txim kaw!” Nkawv kuj hem kuv thiab, hais tias yog kuv tseem ntseeg Vajtswv ntxiv, ces nkawv yuav txiav kuv tawm ntawm kuv txoj hauj lwm mus tau txhua lub sij hawm, thiab txawm tias kuv mus ua hauj lwm los xij, tej zaum yuav tsis them nyiaj rau kuv lawm. Txawm yog kuv tus txiv txoj hauj lwm thiab kuv tus tub qhov tau mus kawm ntawv qib siab, mus ua ib tug tub rog, los sis mus txawv teb chaws los xij yuav raug cuam tshuam. Nkawv hais tias yog muaj ib hnub twg nkawv ntes tau kuv tshaj tawm txoj moo zoo, ces kuv yuav raug xa mus kaw. Nyob rau lub sij hawm ntawd mas, kuv yeej txhawj tsim tsawv. Kuv thiaj li xav tias, “Yog tias kuv tsis tso kuv txoj kev ntseeg Vajtswv tseg, ces tub ceev xwm yuav tsis tso qhov ntawd tseg li. Yog tias kuv poob kuv txoj hauj lwm thiab kuv tus txiv txoj lag luam raug cuam tshuam, ces yav tom ntej peb yuav nyob tau li cas? Thiab yog tias kuv raug ntes thiab raug xa mus kaw no, leej twg yuav saib xyuas kuv tus tub yau? Yog tias kuv tus tub lub neej yav tom ntej raug cuam tshuam los ntawm kuv txoj kev ntseeg Vajtswv, ces kuv yuav tshuav nws nqi ntau heev li …” Kuv yim xav txog qhov ntawd, ces kuv yim chim siab. Kuv thiaj li thov Vajtswv kom tiv thaiv kuv. Nyob rau lub sij hawm ntawd, kuv thiaj li xav txog ib zaj lus ntawm Vajtswv txoj lus. “Txij thaum koj yug quaj quaj los rau hauv lub ntiaj teb no, koj pib ua koj tes num kom tiav. Vim Vajtswv txoj kev npaj thiab Nws txoj kev tsa, koj ua koj lub luag hauj lwm thiab pib koj lub neej mus. Txawm koj yav tag los zoo li cas, thiab txawm koj txoj kev mus tom ntej zoo li cas los, yeej tsis muaj ib tug twg muaj cuab kav khiav dhau tej kev coj kev taw qhia thiab tej kev npaj saum Ntuj Ceeb Tsheej, thiab tsis muaj ib tug twg tswj tau lawv tus kheej txoj hmoo, rau qhov tsuas yog Nws uas yog tus kav tag nrho txhua yam xwb mas thiaj muaj peev xwm ua tau tes hauj lwm ntawd” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Yog lub Hauv Paus ntawm Tib Neeg Txoj Sia). Kuv ua tib zoo xav txog Vajtswv txoj lus, ces kuv thiaj li to taub lawm tias: Txhua tus txoj hmoo yog nyob rau hauv Vajtswv lub hwj chim kav. Txawm muaj dab tsi tshwm sim rau peb tsev neeg los yeej yog nyob rau hauv Vajtswv ob txhais tes, thiab yeej tsis muaj leej twg txiav txim siab tau rau qhov ntawd li. Vajtswv yog tus Tswv Tsim, ces yeej tsis txawv thiab yeej yog qhov uas tib neeg ntseeg Vajtswv thiab pe hawm Nws. Tub ceev xwm xav siv kuv tus txiv thiab kuv txoj hauj lwm thiab kuv tus tub lub neej yav tom ntej coj los hem kuv, los yuam kom kuv tso txoj hau kev tseeb tseg thiab ntxeev siab rau Vajtswv. Qhov no mas ntxim ntxub tshaj li! Nyob rau lub sij hawm ntawd, kuv thiaj li txiav txim siab tias txawm kuv lub neej yav tom ntej zoo li cas los xij, kuv yeej yuav tsis ua li Ntxwgnyoog hais li. Ces tub ceev xwm txawm hais kom kuv qhia kuv tej nus thiab tej viv ncaus tawm, tab sis mas kuv tsis kam li, ces nkawv thiaj li yuav tsum tau tawm mus lawm.

Tom qab ntawd, ces nkawv nquag tuaj hauv tsev kho mob tuaj nug seb kuv puas tseem ntseeg Vajtswv los sis tshaj tawm txoj moo zoo. Qee zaus kuv tseem tab tom phais neeg mob, tab sis txawm maj npaum li cas los xij, qhov phais neeg mob ntawd yuav tsum tau raug cuam tshuam. Ces txawm pib ua rau kuv npau taws. Kuv thiaj li xav tias, “Kuv tsuas ntseeg Vajtswv thiab ua raws li txoj kev yog xwb, thiab kuv twb tsis tau ua dab tsi phem li, yog li yog vim li cas tub ceev thiaj li pheej tuaj thab kuv tas li, es kom kuv ua tsis tau kuv txoj hauj lwm kaj siab li?” Qhov pheej tshuaj nug kuv tas li ntawd ua rau muaj kev kub ntxhov thoob plaws hauv tsev kho mob. Kuv cov npoj yaig saib kuv zoo li yog ib tug neeg phom sij heev. Ib txhia txawm tuaj tom kuv pob tws tham txog kuv, ho lawv ib txhia ces nug kuv ncaj qha tias, “Thaum koj ntseeg Vajtswv koj ua dab tsi? Vim li cas tub ceev xwm thiaj li pheej tuaj tshuaj xyuas nug koj tas li? Koj txoj kev ntseeg Vajtswv coj tub ceev xwm tuaj kiag rau ntawm peb qhov rooj. Qhov no yog ib qho teeb meem loj.” Tus tuam thawj tus cwj pwm uas coj rau kuv los kuj hloov lawm thiab. Nws keev coj zoo rau kuv heev, tab sis tom qab qhov xwm txheej ntawd lawm, ces txhua zaus nws pom kuv, nws yeej nug kuv tas li tias, “Koj tsis tawm mus tshaj tawm, puas yog?” Nws kuj hais kom kuv qhib kuv lub xov tooj 24 teev kiag, kom thiaj li hu tau kuv tas li thiab. Muaj ib zaug, tus tuam thawj ntawd hais rau kuv tias, “Tub ceev xwm tau tuaj ntawm no tuaj nrhiav koj ntau zaus lawm vim koj txoj kev ntseeg Vajtswv. Txhob ntseeg Vajtswv mus ntxiv lawm. Koj yeej ib txwm ua tau koj txoj hauj lwm zoo, thiab txhua tus hais lus zoo txog rau kuv. Txhob rhuav koj lub neej yav tom ntej vim koj txoj kev ntseeg Vajtswv xwb. Qhov ua li ntawd tsis tsim nyog. Yog tias thaum kawg koj raug ntes los sis raug qhov phem tshaj no, raws li yog koj tus tuam thawj, ces yuav tsis yooj yim rau kuv piav qhia li thiab …” Nyob rau lub sij hawm ntawd, ces kuv niaj hnub raug tus thawj coj soj ntsuam tas li thiab kuv cov npoj yaig saib kuv txawv txawv kawg li, mas kuv chim siab thiab nyuaj siab heev. Kuv thiaj li thov Vajtswv kom muaj kev ntseeg thiab lub zog, thiab thov kom Nws pab kom kuv sawv khov kho rau qhov xwm txheej ntawd. Tom qab ntawd, kuv thiaj li nyeem ib zaj lus ntawm Vajtswv txoj lus tias, “Tus zaj loj liab ploog tsim txom Vajtswv thiab yog Vajtswv tus yeeb ncuab, thiab ces, nyob thaj av no, cov uas ntseeg Vajtswv yog cov raug rau kev poob ntsej muag thiab kev caij tsuj…. Vim tias, nws nqis tes mus rau ntawm thaj av uas tawm tsam Vajtswv, tag nrho Vajtswv tes dej num ntsib kev cuam tshuam loj heev, thiab siv sij hawm ntev mas Nws cov lus thiaj tiav; vim li ntawd, neeg lim hloov kom zoo dua los ntawm Vajtswv cov lus, uas kuj yog ib qhov ntawm kev txom nyem. Nws yog ib qho nyuaj kawg nkaus rau Vajtswv ua Nws tes dej num nyob ntawm thaj av uas tus zaj loj liab ploog nyob tab sis nws yog los ntawm txoj kev nyuaj no uas Vajtswv ua ib theem ntawm Nws tes dej num, ua kom Nws txoj kev thoob tsib thiab txoj kev ua uas muaj hwj huaj loj tshwm tuaj, thiab siv lub cib fim no los ua kom pab neeg no muaj txhua yam txhij” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Tes Hauj Lwm Puas Yooj Yim Npaum Li Tib Neeg Xav?). Vim Vajtswv txoj lus, kuv thiaj li to taub Nws txoj kev npaj siab lawm. Teb Chaws Suav yog ib lub teb chaws uas Tsoom Fwv Koom Tsham kav, thiab yog qhov chaw tawm tsam Vajtswv hnyav tshaj plaws. Cov uas ntseeg Vajtswv hauv Teb Chaws Suav yuav raug kev tsim txom thiab kev txaj muag yam zam tsis dhau li, tab sis Vajtswv siv Tsoom Fwv Koom Tsham ua tus neeg ua Vajtswv tes dej num los ua kom peb txoj kev ntseeg zoo tiav log, es kom thiaj li tsim tau ib pab kov yeej. Qhov no yog Vajtswv txoj kev ntse. Kuv thiaj li xav txog qhov, vim kuv ntseeg Vajtswv thiab taug txoj kev yog, kuv raug tub ceev xwm thab thiab soj thiab kuj tau tiv txoj kev txaj muag thiab kev thuam los ntawm cov npoj yaig thiab cov phooj ywg li cas lawm, es kuv thiaj li paub tias qhov no yog raug kev tsim txom rau txoj kev ncaj ncees thiab nws yog ib yam uas muaj koob meej heev. Thaum kuv to taub li no lawm, ces kuv thiaj li tsis nyuaj siab heev lawm, thiab kuv thiaj li cog lus rau kuv tus kheej tias txawm Tsoom Fwv Koom Tsham pheej tas zog los tav kev thiab tsim txom kuv li cas los xij, kuv yeej yuav raws Vajtswv qab mus kom txog thaum kawg.

Nyob rau lub sij hawm ntawd, ces kuv tus txiv mus ua lag luam nyob rau lwm cheeb tsam lawm. Kuv ntshai tias nws yuav txhawj txog kuv, yog li kuv yeej tsis qhia rau nws li. Nyob rau lub Ib Hlis xyoo 2005 ntawd, kuv tus txiv mus ua lag luam rov qab los, ces thaum nws paub txog qhov ntawd, nws poob siab heev li. Nws ua lub ntsej muag hnya pauv hais rau kuv tias, “Tsoom fwv hais tias cov neeg uas ntseeg Vajtswv Tus Uas Muaj Hwj Chim Loj Kawg Nkaus yog cov ua txhaum nom tswv txoj cai thiab yuav raug ntes thiab raug kaw tau txhua lub sij hawm, thiab yog tias Tsoom Fwv Koom Tsham Suav txhom tau koj, ces lawv yuav ntaus kom koj tshuav tuag thiab rhuav tshem koj tsev neej lub neej.” Nws hais tias wb tus tub lub neej yav tom ntej thiab nws txoj kev lag luam yuav raug cuam tshuam tib si, ces nws thiaj li thov kom kuv tso txoj kev ntseeg Vajtswv Tus Uas Muaj Hwj Chim Loj Kawg Nkaus tseg. Kuv thiaj li xav tias, “Kuv tus txiv txoj kev ntseeg tus Tswv mas tsuas yog lub npe xwb. Nws yeej tsis to taub dab tsi hlo li. Qhov uas nws muaj qee qhov kev txhawj xeeb ntawd yeej tsis txawv li. Tsoom Fwv Koom Tsham tsim txom cov ntseeg Vajtswv, thiab haj tseem mus raws peb tsev neeg thiab. Leej twg thiaj li yuav tsis ntshai?” Kuv kuj xav txog qhov tias ua li cas es nws thiaj li tawm mus ua lag luam deb tas li xwb. Es kuv twb tsis muaj sij hawm los ua tim khawv rau Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg rau nws li, yog li kuv yuav tsum siv lub cib fim no los nyeem Vajtswv Tus Uas Muaj Hwj Chim Loj Kawg Nkaus cov lus rau nws ntxiv. Kuv thiaj li qhia ntau heev rau nws. Nws tsis mloog hlo li. Nws tsuas lam hais kom dhau xwb tias, “Wb lub neej yeej mus tau zoo lawm, yog li cia wb cia li xyiv fab rau Tswv Yexus txoj hmoov hlub xwb. Wb tsis tas lees txais tes dej num ntawm kev txiav txim li.” Nws ntshai muaj feem xyuam yog tias kuv raug ntes lawm, yog li nws txawm pib tas zog txwv kuv kom txhob ntseeg Vajtswv. Tom qab ntawd, ces nws txawm pib saib ntsoov kuv zoo heev li lawm. Yog tias kuv mus ua hauj lwm tsis los tsev raws li sij hawm, ces nws yeej hu nug kuv seb kuv nyob qhov twg lawm thiab hais kom kuv los tsev, thiab nws tsis coj li qub lawm es mus saib nws cov phooj ywg hmo ntuj. Tiam sis, nws tsuas zaum hauv tsev saib ntsoov kuv lawm xwb. Thaum txog sij hawm uas kuv tawm mus rau tej rooj sib tham mas, nws txhob txwm hais kom kuv pab ua yam ub yam no. Nws yeej tas zog siv txhua txoj hau kev los txwv kuv kom txhob ntseeg Vajtswv los sis txhob ua kuv tej dej num. Thaum pib mas, kuv hnov raug txwv heev, tab sis tom qab ntawd, ces kuv nco tau ib zaj lus ntawm Vajtswv txoj lus. Vajtswv hais tias, “Koj yuav tsum muaj Kuv lub siab tawv nyob rau hauv koj, thiab koj yuav tsum muaj cov hauv paus ntsiab lus thaum los ntsib nrog cov neeg txheeb ze uas tsis ntseeg. Rau Kuv tus txiaj ntsig, txawm li cas los, koj kuj yuav tsum tsis txhob yeem swb rau tej hwj chim tsaus ntuj. Vam khom rau Kuv lub tswv yim los taug txoj kev zoo tiav log; tsis txhob cia Ntxwgnyoog tej kev koom siab twg los tswj” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Cov Lus nyob rau thaum Pib, Tshooj 10). Thaum kuv xav txog Vajtswv txoj lus ntawd, ces kuv to taub tias, nyob sab nraud mas, kuv tus txiv pheej tas zog tav kuv txog kev ntseeg Vajtswv, tab sis Ntxwgnyoog tej kev dag nyob tom qab ntawm qhov no, thiab nws xav kom kuv ntxeev siab thiab tsis lees paub Vajtswv. Kuv tsis tuaj yeem swb Ntxwgnyoog li. Tom qab ntawd, kuv thiaj li nrhiav kev zam kom dhau kuv tus txiv txoj kev soj, thiab mus koom tej rooj sib tham thiab mus ua kuv tej dej num ntsiag to lawm. Ua ke ntawd, kuv kuj nrhiav hwv tsam los tham rau kuv tus txiv thiab, cia siab tias nws yuav nrhiav thiab tshuaj xyuas Vajtswv Tus Uas Muaj Hwj Chim Loj Kawg Nkaus tes hauj lwm. Tab sis kuv tus txiv pheej zam qhov ntawd, hais tias nws yeej yuav ntseeg thaum cov pov thawj thiab cov pov thawj uas yog poj niam pib los ntseeg lawm. Nws kuj hais kom kuv txhob mus koom tej rooj sib tham los sis tshaj tawm txoj moo zoo kom kuv thiaj li zam dhau qhov raug ntes thiab raug xa mus kaw thiab. Kuv pom tias kuv tus txiv tsis nyiam qhov tseeb los sis txais qhov tus Tswv los hlo li, yog li kuv thiaj li tsis tham txog qhov ntawd rau nws lawm. Kuv thiaj li xav tias, “Txawm li cas los xij, kuv yuav tsum tau ntseeg Vajtswv thiab ua kuv tes dej num. Kuv yuav raug nws txwv tsis tau.”

Nyob rau yav tag los mas, nws yeej mus ua lag luam tom qab Suav Lub Xyoo Tshiab tag, tab sis xyoo ntawd nws tsis mus qhov twg li. Muaj ib hnub, nws cia li txhos caug ntua rau hauv av quaj thov kuv tias, “Koj nquag tawm mus koom tej rooj sib tham thiab mus tshaj tawm txoj moo zoo heev. Yog tias koj raug ntes thiab raug xa mus kaw lawm, peb yuav ua neej li cas rau yav tom ntej? Yuav muaj dab tsi tshwm sim rau tsev neeg no, thiab wb tus tub? Koj yuav tsum tau xav txog wb tsev neeg, thiab wb tus tub lub neej yav tom ntej …” Txhua lub xyoo los no kuv yeej tsis keev pom kuv tus txiv quaj dua li. Thaum pom nws txhos caug quaj thov kuv ua rau kuv zoo siab heev, ces kuv txawm pib quaj thiab. Yuav kom plij tau nws siab, ces kuv thiaj li hais tias, “Txhua yam yog nyob rau hauv Vajtswv ob txhais tes. Txawm kuv yuav raug ntes, txawm muaj dab tsi tshwm sim rau wb tus tub nyob rau yav tom ntej los xij, txhua yam ntawd yog nyob hauv Vajtswv ob txhais tes. Txhua yam uas peb ua tau ces yog vam khom rau Vajtswv kom paub txhua yam. Peb tsis tsim nyog txhawj tag npaum li.” Ces kuv tus txiv, kua muag teev yees, thiaj li ncaws hau nto hais tias, “Tub ceev xwm twb nrhiav tau koj lawm. Yog tias koj tseem pheej ntseeg li no, ces tsis ntxov los lig koj yeej yuav raug ntes, ces tom qab ntawd txhua yam yuav puas tsuaj.” Thaum pom kuv tus txiv mob siab li ntawd, kuv tu siab thiab chim siab heev. Txhua yam no yog Tsoom Fwv Koom Tsham ua xwb! Peb ntseeg Vajtswv thiab tshaj tawm txoj moo zoo kom tib neeg thiaj li lees txais tau Vajtswv txoj kev cawm dim nyob rau tiam kawg thiab dim txoj kev puas tsuaj xwb. Qhov no yog cawm tib neeg, thiab tsis muaj dab tsi tshaj ntawd li lawm, tab sis Tsoom Fwv Koom Tsham pheej tas zog tav kev thiab cuam tshuam peb yam ntxhov hnyo. Lawv tsuas yog ib pawg Ntxwgnyoog thiab dab phem uas tawm tsam Vajtswv xwb! Vajtswv cov lus hais tias, “Tej poj koob yawm txwv ntawm cov neeg txheej thaum ub? Cov thawj coj uas ntxim hlub tshaj? Lawv tag nrho yeej tawm tsam Vajtswv! Lawv tej kev cuam tshuam ua rau tag nrho cov nyob hauv qab ntuj raug tso tseg rau hauv ib qho xwm txheej ntawm txoj kev tsaus ntuj thiab kev kub ntxhov. Kev ywj pheej fab kev ntseeg? Tej cai yam raug cai thiab tej uas pej xeem xav tau? Tag nrho tej no ces yog kev ntxias dag los npog kev txhaum xwb! … Vim li cas ho yuav tsim tej kev tav kev uas tua tsis tshab no rau Vajtswv tes hauj lwm? Vim li cas ho siv ntau yam kev ntxias dag uas sib txawv los dag Vajtswv cov neeg? Qhov kev ywj pheej tiag thiab tej cai thiab tej yam tib neeg nyiam uas raug kev cai ntawd nyob qhov twg? Txoj kev ncaj ncees nyob qhov twg? Txoj kev kaj siab nyob qhov twg? Kev sov siab ntawd nyob qhov twg? Vim li cas ho siv tej tswv yim ntxias dag los dag Vajtswv cov neeg?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tes Hauj Lwm thiab Kev To Taub (8)). Nyob sab nraud mas Tsoom Fwv Koom Tsham txhawb txoj kev ywj pheej rau txoj kev ntseeg, tab sis lawv yeej siv txhua txoj hau kev los quab yuam thiab ntes cov uas ntseeg Vajtswv, thiab lawv haj tseem siv tes hauj lwm thiab tsev neeg los yuam kom tib neeg tsis kam lees Vajtswv thiab ntxeev siab rau Vajtswv thiab. Qhov ntawd mas ntxim ntxub tshaj li! Yog tsis vim Tsoom Fwv Koom Tsham txoj kev tsim txom, ces kuv tus txiv yeej tsis tas zog txwv kuv vim yog ntshai li. Qhov twg uas Tsoom Fwv Koom Tsham txhais tes phem cev mus txog, ces nws coj txoj kev puas tsuaj mus rau. Nyob rau lub sij hawm ntawd mas, kuv tus txiv ua raws li Tsoom Fwv Koom Tsham hais thiab tsub kom kuv tso kuv txoj kev ntseeg Vajtswv tseg es los tiv thaiv nws tes hauj lwm thiab tsev neeg, yog li kuv mloog nws hais tsis tau.

Tom qab ntawd, ces kuv tus txiv kuj nyeem Tsoom Fwv Koom Tsham txoj kev ib liam Pawg Ntseeg ntawm Vajtswv Tus Uas Muaj Hwj Chim Loj Kawg Nkaus nyob os lais ntau heev li thiab, nws yeej tsis mus ua lag luam li lawm thiab nyob hauv tsev saib ntsoov kuv xwb. Nws kuj mus ncig nug seb kuv mus cuag leej twg thiab seb kuv hu rau leej twg thiab. Nws haj tseem mus rau hauv lub tuam txhab xov tooj mus luam kuv daim ntawv hu xov tooj 6 lub hlis los thiab, ces tom qab ntawd txawm nug kuv txog cov zauv xov tooj ib tug zuj zus. Yuav kom soj tau kuv, ces nws thiaj li xa kuv mus ua hauj lwm thiab tos kuv los txhua hnub, thiab nws raws kuv qab mus rau txhua qhov chaws uas kuv mus. Kuv mloog zoo li kuv raug saw hlau xauv lawm, tsis muaj kev ywj pheej hlo li. Kuv ua tsis tau lub neej rau hauv pawg ntseeg thiab kuv ua tsis tau kuv tes dej num lawm, uas ua rau kuv tu siab heev, yog li kuv thiaj li siv qhov kuv tus txiv tsis saib xyuas ntawd los nyiag kev tawm mus tshaj tawm txoj moo zoo lawm. Tom qab kuv tus txiv paub, nws thiaj li hais yam npau taws npleev tias “Yog tias koj tseem tawm tau mus tshaj tawm txoj moo zoo rau thaum kuv saib ntsoov koj li no thiab, ces kuv yeej pab tsis tau koj lawm. Tam sim no yog Tsoom Fwv Koom Tsham muaj lub hwj chim, yog li yog koj pheej tseem ntseeg li no, ces tsis ntxov los lig koj yuav raug ntes, thiab tsev neeg no yuav tawg tag. Yog li, cia wb sib nrauj. Thaum twg wb sib nrauj lawm ces koj ntseeg tau yam uas koj xav ntseeg, thiab qhov ntawd yuav tsis ua rau wb tus tub los sis lwm tus mob lawm.” Thaum kuv hnov tias nws xav muab kuv nrauj no, kuv yeej tsis ntseeg li. Txhua yam uas kuv ua yog ntseeg Vajtswv xwb. Qhov ntawd ua rau mus txog qhov sib nrauj tau li cas? Puas yog txhua lub xyoo uas wb nyob ua ke ntawd tsis muaj qab hau li? Qhov xav txog qhov kuv tsev neeg uas zoo heev ntawd yuav raug Tsoom Fwv Koom Tsham muab rhuav tshem mas ua rau kuv nyuaj siab, thiab nws yog qhov tseeb uas kuv lees txais tsis tau li. Kuv thiaj li thov Vajtswv tias, “Vajtswv, thov muab txoj kev ntseeg thiab lub zog rau kuv, kom kuv thiaj li sawv tau khov kho rau qhov xwm txheej no os.” Tom qab kuv thov Vajtswv lawm, ces kuv thiaj li nco txog zaj lus no ntawm Vajtswv txoj lus. “Txoj kev ntseeg thiab kev hlub ntau tshaj plaws mas yog cheem tsum tau los ntawm peb rau hauv theem no ntawm txoj dej num. Peb yuav rhais ruam yuam kev los ntawm ib qho kev tsis xyuam xim me me, vim theem no ntawm txoj dej num mas txawv ntawm tag nrho cov theem uas muaj dhau los lawm: Yam uas Vajtswv tab tom ua kom zoo tiav log yog tib neeg txoj kev ntseeg, uas yog ob qho ntawm qhov pom tsis tau thiab tuav tsis tau. Yam uas Vajtswv ua yog hloov cov lus los ua txoj kev ntseeg, los ua txoj kev hlub, thiab los ua txoj sia. Tib neeg yuav tsum ua mus kom txog ib theem uas lawv thev taus ntau puas zaus ntawm tej kev lim kom tib neeg dawb huv thiab muaj kev ntseeg kom ntau dua Yauj. Lawv yuav tsum thev taus kev txom nyem thiab txhua yam ntawm kev tsim txom yam tsis tso Vajtswv tseg li. Thaum lawv ua raws li ntawd mus txog thaum tuag, thiab muaj kev ntseeg loj rau Vajtswv lawm, ces theem no ntawm Vajtswv txoj dej num thiaj raug ua tiav hlo lawm” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Txoj Kev … (8)). Kuv ua tib zoo xav txog Vajtswv txoj lus, ces tom qab ntawd kuv thiaj li to taub tias nyob hauv Nws tes hauj lwm ntawm tiam kawg mas, Vajtswv siv Nws cov lus thiab ntau txoj kev sim siab thiab kev lim kom dawb huv los ua kom tib neeg txoj kev ntseeg zoo tiav log. Kuv thiaj li xav txog Ntxwgnyoog txoj kev sim Yauj siab. Tib hmos xwb nws plam nws cov me nyuam thiab txoj kev nplua nuj lawm, ces tom qab ntawd mob sawv hlwv thoob plaws ib ce. Nyob rau txoj kev sim siab loj li ntawd, Yauj yeej tsis yws Vajtswv li, tab sis pheej qhuas Vajtswv lub npe xwb. Nws sawv khov kho thiab ua tim khawv rau Vajtswv hauv txoj kev sim nws siab. Ces kuv thiaj li xav txog kuv tus kheej. Kuv tsev neeg tawg vim yog Tsoom Fwv Koom Tsham txoj kev tsim txom, thiab kuv twb yws lawm. Kuv pom tias kuv lub siab me dhau lawm, thiab kuv tsis muaj lus tim khawv hlo li. Thaum kuv xav txog qhov ntawd mas, kuv tu siab heev, yog li kuv thiaj li thov Vajtswv cog lus tias txawm kuv tus txiv muab kuv nrauj lawm los xij, kuv yuav tsis tso kuv txoj kev ntseeg Vajtswv tseg li.

Xav tsis txog li, ob peb hnub tom qab ntawd, ces kuv tus txiv txawm los thov txim rau kuv hais tias nws txhaum lawm. Nws hais tias nws tsis tsim nyog hais txog kev sib nrauj li, thiab hais tias nws hnov raug Tsoom Fwv Koom Tsham yuam. Tau tsis ntev tom qab ntawd, ces kuv tus txiv cia li hais rau kuv tias, “Yog tias kuv ntxias tsis tau koj, ces kuv yuav koom nrog koj ntseeg Vajtswv Tus Uas Muaj Hwj Chim Loj Kawg Nkaus.” Nyob rau lub sij hawm ntawd mas kuv kuj ceeb tag li thiab tiag. Kuv yeej xav tias nws yeej xav zoo lawm tiag tiag no, yog li wb thiaj li nyeem Vajtswv txoj lus ua ke nyob rau hauv tsev. Tau ib lub lim tiam tom qab ntawd, nws txawm hais kom kuv coj nws mus koom ib lub rooj sib tham. Kuv thiaj li xav tias nws tus cwj pwm txawv me ntsis lawm, yog li kuv thiaj li tsis pom zoo. Kuv ceeb tag li thaum nws tig los rau kuv es hais tias, “Yog tias koj tsis coj kuv mus koom rooj sib tham, ces kuv yuav tsis ntseeg lawm.” Nws kuj hais tias nws ua li no los ntxias kom kuv hloov siab xwb. Tsuas yog thaum ntawd kuv thiaj li paub tias kuv tus txiv lam ua txuj ntseeg Vajtswv xwb, thiab nws lub hom phiaj yog los nrhiav seb peb npaj peb tej rooj sib tham rau qhov twg kom nws thiaj li soj thiab tswj tau kuv xwb. Kuv yeej tsis xav tias kuv tus txiv yuav ua li ntawd li. Tom qab ntawd, ces wb thiaj li muaj kev sib cov nyom lawm. Muaj ib hnub, kuv tab tom nyeem Vajtswv txoj lus nyob rau hauv tsev, ces thaum kuv tus txiv cia li pib khob qhov rooj hais tias, “Kuv ua tsis tau lub neej zoo li no mus ntxiv lawm. Wb los txog rau qhov no tau li cas?” Kuv thiaj li qhib qhov rooj, ces nws tso sas ntws los rau kuv zoo li ib niag neeg vwm, tsawv nkaus kuv caj dab, thiab nthe kuv tias, “Vim li cas koj thiaj li txiav txim siab ntseeg Vajtswv Tus Uas Muaj Hwj Chim Loj Kawg Nkaus ua luaj li? Puas yog wb tsev neeg thiab tus tub tsis tseem ceeb rau koj? Puas yog tej ntawd twb tsis tseem ceeb npaum li tus Vajtswv uas koj ntseeg lawm?” Kuv raug nyem caj pas hnyav heev uas kuv ua tsis taus pa li lawm, yog li kuv thiaj thov kom Vajtswv los cawm kuv. Kuv nriaj, ces nws thiaj li tso lawm. Nyob rau lub sij hawm ntawd mas, kuv mob siab heev, thiab tag kev cia siab heev. Tom qab ntawd, kuv thiaj li nyeem ib zaj lus ntawm Vajtswv txoj lus. “Vim li cas ib tug txiv ho hlub nws tus poj niam? Vim li cas ib tug poj niam ho hlub nws tus txiv? Vim li cas me nyuam ho hwm thiab ua li niam txiv hais? Vim li cas niam txiv ho hlub me nyuam tag npaum li? Neeg ho khaws tej kev xav dab tsi cia rau hauv siab? Lawv yeej tsis npaj siab yuav ua kom tau raws li lawv tus kheej tej kev npaj thiab kev ntshaw rau lawv tus kheej li lod?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv thiab Tib Neeg Yuav Nkag Mus So Ua Ke). Thaum kuv ua tib zoo xav txog Vajtswv txoj lus, ces kuv nug kuv tus kheej tias, “Kuv tus txiv puas hlub kuv tiag tiag ne?” Kuv thiaj li xav txog txhua lub xyoo ntawm wb txoj kev sib yuav ntawd. Kuv tus txiv yeej paub zoo tshaj lwm tus txog tej uas kuv tau muab tso tseg vim wb tsev neeg, thiab nws yeej paub tias kuv twb ntseeg tus Tswv txij thaum kuv tseem yog me nyuam yaus los lawm thiab tos ntsoov qhov tus Tswv los xwb, tab sis thaum kuv txais tus Tswv, ces nws tsis yog tsuas tsis txhawb kuv xwb, nws tseem tuaj Tsoom Fwv Koom Tsham tog thiab tawm tsam kuv los tiv thaiv nws tus kheej tej kev ntshaw, muab kev sib nrauj los hem kuv, thiab haj tseem muab kuv nyem caj dab yam phem heev li thiab. Haj tseem tsis hwm txoj kev niam txiv uas wb muaj me me li thiab. Qhov no yuav hu tias yog txoj kev hlub tiag tau li cas? Kuv kuj xav txog qhov, txawm kuv tus txiv ntseeg Tswv Yexus los xij, nws tsuas ntseeg los taij txoj hmoov hlub li cas xwb. Nws yeej tsis tos ntsoov qhov tus Tswv los hlo li. Thaum Vajtswv los nyob rau tiam kawg los nthuav qhov tseeb tawm thiab ua tes hauj lwm ntawm kev cawm dim, ces vim yog ntshai raug Tsoom Fwv Koom Tsham ntes thiab ntshai Ntxwgnyoog txoj kev tswj kav, ces nws tsis lees txais Vajtswv tes hauj lwm tshiab, thiab nws ua raws li Tsoom Fwv Koom Tsham yuam kom kuv tso txoj kev ntseeg tseg. Kuv thiaj li pom tias kuv tus txiv tsis yog ib tug ntseeg Vajtswv tiag hlo li. Nws yog ib tug tsis ntseeg Vajtswv xwb. Kuv tus txiv thiab kuv tsis yog taug tib txoj kev hlo li, yog li kuv thiaj li tsis tuaj yeem cia nws txwv kuv li.

Tom qab ntawd, kuv tus txiv thiaj li muab txoj kev sib nrauj los hem kuv ntau zaus uas yog yuam kom kuv tso txoj kev ntseeg Vajtswv tseg. Thaum kuv xav tias kuv yuav plam kuv tsev neeg tiag tiag li, ces kuv yeej tseem ua tsis tau ib siab tso kuv tsev neeg tseg. Nyob rau lub sij hawm ntawd, ces kuv niaj hnub thov Vajtswv kom Vajtswv coj kuv kev xwb. Muaj ib hnub, ces kuv thiaj li pom ib zaj lus ntawm Vajtswv txoj lus. “Raws li ib tug neeg dog dig, thiab tus uas nrhiav txoj kev hlub Vajtswv, to taub qhov tseeb txog lub teb chaws kom dhau los ua ib tug neeg ntawm Vajtswv cov neeg yog nej lub neej yav tom ntej uas tseeb tiag, thiab lub neej uas muaj nuj nqis thiab tseem ceeb tshaj plaws; tsis muaj leej twg tau txais koob hmoov ntau dua nej lawm. Vim li cas Kuv thiaj hais li no? Vim hais tias cov neeg uas tsis ntseeg Vajtswv ua neej nyob rau sab cev nqaij daim tawv xwb, thiab lawv ua neej nyob rau Ntxwgnyoog, tiam sis hnub no nej ua neej nyob rau Vajtswv, thiab ua neej nyob ua kom tau li Vajtswv lub siab nyiam. Twb yog vim li ntawd Kuv thiaj li hais tias nej lub neej yog qhov tseem ceeb tshaj plaws. Tsuas yog pab pawg neeg no xwb, uas tau raug xaiv los ntawm Vajtswv lawm, thiaj li muaj peev xwm ua lub neej uas tseem ceeb tshaj plaws: Tsis muaj leej twg hauv ntiaj teb no uas muaj peev xwm ua lub neej uas muaj nuj nqis thiab muaj txiaj ntsig zoo li no li lawm” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Paub Vajtswv Txoj Hauj Lwm Uas Tshiab Tshaj Plaws thiab Ua Raws Li Nws Cov Hneev Taw). Kuv keev xav tias qhov muaj ib tse neeg uas zoo siab, txoj kev hlub uas sib raug zoo nrog kuv tus txiv, thiab qhov muaj tej khoom uas tim tsum puv ntia mas thiaj li yog lub ntsiab ntawm txoj kev zoo siab, thiab txoj kev ua neej li ntawd mas thiaj li muaj qab hau. Tab sis tam sim no, kuv pom meej meej tias txoj kev hlub ntawm niam txiv tsuas muaj thaum ib tug tsis cuam tshuam rau ib tug tus kheej tej kev ntshaw xwb. Nyob rau yav tag los, thaum kuv rau siab hauj lwm rau kuv tsev neeg thiab kuv tus txiv, ces kuv tus txiv txawj kuv heev, tab sis tam sim no kuv ntseeg Vajtswv lawm, ces nws pom tias Tsoom Fwv Koom Tsham Suav tsim txom cov ntseeg thiab nws tej kev ntshaw muaj kev phom sij, yog li nws txawm pib tsim txom kuv, thiab xav muab kuv nrauj. Muab hais kom yooj yooj yim ces, qhov hu tias yog txoj kev hlub ntawm niam txiv ntawd tsuas yog kev sib siv xwb. Lub neej zoo li ntawd yuav muaj kev zoo siab tau li cas? Kuv thiaj li xav txog qhov nws soj kuv tau ob peb lub hlis dhau los ntawd li cas, thiab qhov nws txwv tsis pub kuv mus koom tej rooj sib tham thiab ua kuv tej dej num ntawd li cas. Ces kuv mus ntsib tsis tau kuv tej nus thiab tej viv ncaus li lawm, thiab kuv lub siab tsis kaj thaum nyeem Vajtswv txoj lus nyob rau hauv tsev li, thiab kuv yuav tsum tau xav txog ntau txoj hau kev los tswj kuv tus txiv thawm kuv tawm mus tshaj tawm txoj moo zoo. Kuv tsis muaj kev ywj pheej kiag li, cuag nkaus li kuv raug txoj hlua uas ntsia tsis pom khi es ua tsis taus pa li, thiab yog tias txhua yam pheej zoo li no mus ntxiv, tsis yog kuv lub neej tsuas yuav raug kev txom nyem xwb, kuv kuj yuav plam lub hwv tsam uas tau los txais qhov tseeb thiab Vajtswv txoj kev cawm dim thiab. Tsis tsim nyog li. Qhov no yog thaum kuv paub tseeb zuj zus tias txoj kev sib yuav sib hlub ntawm kev ua lub neej mas tsis yog txoj kev zoo siab tiag. Kuv tsuas ua tau lub neej kom muaj qab raws li kev caum raws qhov tseeb thiab ua tej dej num ntawm ib tug uas raug tsim los xwb. Kuv kuj nco txog Tswv Yexus cov lus tias, “Tus uas hlub niam hlub txiv dua li hlub Kuv tsis tsim nyog ua Kuv tug: thiab tus uas hlub tub hlub ntxhais dua li hlub Kuv tsis tsim nyog ua Kuv tug. Thiab tus uas tsis kwv nws tus ntoo khaub lig thiab raws Kuv qab, tsis tsim nyog ua Kuv tug” (Mathai 10:37–38). Kuv thiaj li xav txog ntau tus neeg dawb huv ntawm txhua tiam, thiab qhov, ua Vajtswv cov lus txib, lawv tau tso lawv tej vaj tse thiab tej hauj lwm tseg es hla dhau tej dej hiav txwv mus tshaj tawm txoj moo zoo thiab ua tim khawv rau Vajtswv, tiv kev txom nyem, thiab tso lawv txoj sia tseg li cas thiab. Lawv lo lus tim khawv thiaj li tau txais Vajtswv txoj kev pom zoo. Vajtswv yeej npaj tseg ua ntej lawm tias kuv yuav yug los rau hauv tiam kawg thiab xaiv kuv los cuag Nws kom kuv thiaj li tau txais Nws txoj kev cawm dim. Qhov no yog ib lub cib fim uas muaj tsawg kawg nkaus, thiab yog Vajtswv txoj hmoov hlub thiab txoj kev txhawb kuv. Yog kuv ua tsis tau kuv tej dej num kom tsim nyom vim yog kuv tus txiv tej kev txwv xwb, ces kuv yuav tshuav Vajtswv nqi ntau heev, thiab kuv yuav tsis txawj xav li! Thaum paub li ntawd lawm, kuv thiaj li cog lus tias kuv yuav ua li cov neeg dawb huv yav tag los ua thiab tso txhua yam tseg, ua raws Vajtswv qab, thiab ua tej dej num ntawm ib tug uas raug tsim tawm los.

Muaj ib hmo, tom qab kuv nyuam qhuav mus koom ib lub rooj sib tham los txog tsev, kuv qhib qhov rooj ces txawm pom tias muaj neeg coob heev tuaj rau hauv kuv tsev, kuv cov npoj yaig thiab kuv tus txiv cov phooj ywg thiab cov txheeb ze, ces thaum lawv pom dheev kuv xwb, lawv txhua tus puav leej hais ntxias kom kuv tso txoj kev ntseeg Vajtswv tseg. Muaj ib txhia hais tias lawv pom tshaj tawm nyob rau hauv This Vis tias Tsoom Fwv Koom Tsham tau ntes ntau tus ntseeg Vajtswv Tus Uas Muaj Hwj Chim Loj Kawg Nkaus lawm, thiab ib txhia ntseeg raug rau txim kaw tsawg kawg yog 10 xyoo. Lwm tus hais tias cov ntseeg Vajtswv Tus Uas Muaj Hwj Chim Loj Kawg Nkaus yuav tsis yog tsuas raug rau txim kaw xwb yog lawv raug ntes, muaj ntau tus raug ua rau tuag tes tuag taw thiab raug tua tuag rau hauv nkuaj, thiab lawv tsev neeg los raug kev txom nyem thiab. Ib txhia kuj pheej hais tej lus dag thiab tej lus paj lus cua los ntawm Tsoom Fwv Koom Tsham los iab liam Pawg Ntseeg thiab, thiab hais tias cov ntseeg Vajtswv tso lawv tsev neeg tseg. Thaum hnov txhua yam no ua rau kuv npau taws heev. Yog tsis vim Tsoom Fwv Koom Tsham txoj kev tsim txom, ces kuv tsev neeg thiab cov phooj ywg yeej yuav tsis tawm tsam kuv thiab cem kuv li no li. Tsoom Fwv Koom Tsham muab qhov tseeb ntxeev thiab tshaj tawm tej lub paj lus cua kom cov neeg uas tsis paub qhov tseeb nrog Tsoom Fwv Koom Tsham tawm tsam Vajtswv thiab raug Vajtswv teem txim, thiab nyob rau thaum kawg yuav raug nrhuav tshem nrog Tsoom Fwv Koom Tsham mus. Tsoom Fwv Koom Tsham tsuas phem nkaus xwb! Vim muaj txhua yam ntawd nyob hauv siab, kuv thiaj li cem lawv tias, “Yog nej tsis to taub tias kev ntseeg Vajtswv yog dab tsis, ces txhob tham txog nws lawm. Nej puas paub tias vim li cas kuv thiaj li ntseeg Vajtswv tas zog txawm tias muaj tej kev phom sij no los xij? Vim tus Tswv Cawm twb los nthuav qhov tseeb tawm ntau heev los cawm tib neeg, pab kom peb khiav dim Ntxwgnyoog txoj kev haub ntxias, thiab pab kom peb khiav dim txoj kev puas tsuaj lawm. Qhov no yog ib lub cib fim uas muaj tsawg kawg nkaus! Tsoom Fwv Koom Tsham tsis pub tib neeg ntseeg Vajtswv, caij tsuj thiab tsim txom cov neeg uas ntseeg Vajtswv yam ntxhov hnyo, ntes thiab kaw ntau tus neeg. Muaj ntau tus neeg uas rov qab los tsev tsis tau lawm, muaj ntau tus uas tau tuag tes tuag taw thiab raug ntaus tuag lawm, thiab muaj ntau tus Ntseeg Vajtswv uas lawv tej vaj tse twb tawg tag lawm. Txhua yam ntawd tsis yog Tsoom Fwv Koom Tsham ua lod? Yeej pom tseeb tias nws yog Tsoom Fwv Koom Tsham tsim txom cov neeg uas ntseeg Vajtswv thiab rhuav tshem Cov Ntseeg Vajtswv tsev neeg, tab sis lawv ho muab tig los hais tias cov ntseeg Vajtswv tso lawv tsev neeg tseg. Qhov ntawd tsis yog ntxeev qhov yog thiab qhov tsis yog lod? Nej tsis yog tsis ntxub Tsoom Fwv Koom Tsham xwb, tab sis nej pheej tas zog txwv kom kuv txhob ntseeg Vajtswv. Nej tsis paub qhov txawv ntawm qhov yog thiab qhov tsis yog lod? Txoj kev ntseeg Vajtswv ntawd yog kuv tus kheej txoj kev xaiv. Txawm tias kuv mus nyob nkuaj los xij, kuv txiav txim siab mus raws Vajtswv Tus Uas Muaj Hwj Chim Loj Kawg Nkaus qab lawm.” Thaum lawv pom tias lawv ntxias tsis tau kuv lawm, ces lawv thiaj li txiav txim siab tias yam lawv ua tau ces yog tawm mus lawm xwb. Kuv tus txiv thiaj li hais yam tag kev cia siab nrho rau kuv tias, “Ntshe tsis muaj leej twg hloov tau koj lub siab lawm, yog li ces cia wb sib nrauj. Koj ntseeg Vajtswv Tus Uas Muaj Hwj Chim Loj Kawg Nkaus, thiab tsoom fwv nrhuav tshem cov neeg zoo li koj. Thaum qhov ntawd tshwm sim, ces koj yuav tuav tsis tau koj txoj hauj lwm, thiab tej zaum haj tseem yog koj txoj sia thiab. Tab sis peb xav tuav peb txoj sia cia, yog li saib zoo li tsis muaj lwm txoj kev xaiv lawm. Tsoom Fwv Koom Tsham muab tib neeg thawb mus rau ces kaum uas nti tsis taus li lawm.” Kuv muaj ntsis tus siab tom qab hnov li no, tab sis kuv yeej paub tseeb tias txog lub sij hawm los xaiv lawm. Kuv thiaj li xaiv ua raws Vajtswv qab thiab caum raws qhov tseeb thiab txoj sia, thiab Vajtswv txoj kev cawm dim, ho kuv tus txiv thiaj li xaiv mus ua raws li Tsoom Fwv Koom Tsham los tiv thaiv nws txoj hauj lwm thiab lub neej yav tom ntej lawm. Wb tsuas yuav tau sib faib kev lawm xwb. Nyob rau lub sij hawm ntawd, kuv thiaj li thov Vajtswv tias, “Vajtswv, txawm kuv tus kheej nyob rau qhov xwm txheej twg los xij, kuv yuav us raws Koj qab mus kom txog thaum kawg.”

Tag kis sawv ntxov tom qab ntawd, ces kuv tus txiv thiab kuv thiaj li mus rau tim lub Chaws Saib Xyuas Kev Ncaj Ncees Rau Pem Xeem mus ua kom tiav cov txheej txheem sib nrauj, mus muab kaum ob lub xyoos ntawm txoj kev sib yuav ntawd xaus tseg. Txij thaum ntawd los, ces kuv thiaj li mus koom tau cov rooj sib tham thiab ua tau kuv tej dej num, thiab kuv thiaj li muaj kev ruaj siab thiab kaj siab lawm. Kuv xav tias tib lub neej uas muaj qab hau mas yog qhov ua tej dej num ntawm ib tug uas raug tsim tawm los xwb.