Վերջաբան
Թեև այս խոսքերը չեն կազմում Աստծու արտահայտությունների ամբողջությունը, դրանք բավարար են, որպեսզի մարդիկ հասնեն Աստծուն ճանաչելու և խառնվածքի փոփոխություն ապրելու նպատակներին։ Գուցե կան ոմանք, ովքեր մտածում են, որ քանի որ Աստծու գործը Չինաստանի մայրցամաքային մասում ավարտվել է, սա ապացուցում է, որ Նա ավարտել է այն բոլոր խոսքերն ասելը, որոնք Նա պետք է ասեր, և որ անհնար է` Նա նոր բան ունենա ասելու, քանզի Աստված միայն ի վիճակի է ասելու այս խոսքերը։ Ավելին՝ կան այնպիսիք, ովքեր հավատում են, որ «Եվ Բանը մարմին դարձավ» գիրքը պարունակում է Աստծու բոլոր արտահայտությունները Թագավորության Դարաշրջանում, և որ այս գիրքը ձեռք բերելը համարժեք է Աստծու ամեն ինչը ձեռք բերելուն, կամ որ այս գիրքն ապագայում կառաջնորդի մարդկությանը ճիշտ այնպես, ինչպես Աստվածաշունչն արեց։ Ես վստահ եմ, որ նման տեսակետ ունեցողները փոքրամասնություն չեն կազմում, որովհետև մարդիկ միշտ սիրում են սահմանափակումներ դնել Աստծու վրա։ Թեև նրանք բոլորը հռչակում են, որ Աստված ամենակարող է և ամենապարփակ, նրանց բնությունը դեռևս հեշտացնում է նրանց համար Աստծուն որոշակի շրջանակում սահմանափակելը։ Յուրաքանչյուր ոք ճանաչում է Աստծուն, բայց միևնույն ժամանակ յուրաքանչյուր ոք նաև դիմադրում և սահմանափակում է Նրան։
Աստծու գործը Թագավորության Դարաշրջանում դեռ նոր է սկսվել։ Այս գրքում պարունակվող Աստծու բոլոր արտահայտումները պարզապես ուղղված են նրանց, ովքեր հետևում էին Նրան այդ ժամանակ, և դրանք լոկ մի մասն են Նրա արտահայտությունների, որոնք արվել են Նրա ներկայիս մարմնացման ընթացքում՝ դրանք չեն ներկայացնում այն ամենը, ինչ Աստված է։ Ավելին՝ չի կարելի ասել, որ այն ընդգրկում է ողջ գործը, որ Աստված կանի այս մարմնացման ընթացքում։ Աստված Իր խոսքերը կուղղի տարբեր ազգությունների և ծագման մարդկանց, և Նա կնվաճի ողջ մարդկությանը և վերջ կդնի հին դարաշրջանին։ Ուստի, ինչպե՞ս կարող էր Նա ամեն ինչ ավարտել՝ Իր խոսքերի միայն նման փոքր մասն արտահայտելուց հետո։ Պարզապես Նրա գործը բաժանված է տարբեր ժամանակահատվածների և տարբեր փուլերի՝ Նա գործում է Իր ծրագրի համաձայն և արտահայտում է Իր խոսքերն Իր քայլերին համապատասխան։ Ինչպե՞ս կարող էր մարդն ընդհանրապես ըմբռնել Աստծու ամենակարողությունն ու իմաստությունը։ Փաստը, որ Ես ցանկանում եմ բացատրել այստեղ, հետևյալն է՝ այն, ինչ Աստված ունի և է, հավերժորեն անսպառ և անվերջ է։ Աստված կյանքի և բոլոր բաների աղբյուրն է՝ Նրան ոչ մի ստեղծված էակ չի կարող ըմբռնել ։ Ի վերջո, Ես դեռ պետք է հիշեցնեմ բոլորին՝ այլևս երբեք մի՛ սահմանափակեք Աստծուն գրքերում, բառերում կամ Նրա անցյալի արտահայտումներում։ Կա միայն մեկ բառ՝ Աստծու գործի միակ բնութագիրը նկարագրելու համար՝ նոր։ Նա չի սիրում գնալ հին ճանապարհներով կամ կրկնել Իր գործը՝ ավելին, Նա չի ցանկանում, որ մարդիկ սահմանափակեն Իրեն որոշակի շրջանակում՝ Իրեն երկրպագելիս։ Սա է Աստծու խառնվածքը։
