Գլուխ 66

Իմ գործը շարունակվել է մինչ այս փուլը և ամբողջությամբ ընթացել է Իմ ձեռքի իմաստուն կարգավորումներին համապատասխան, և դա ամբողջությամբ Իմ մեծ հաջողությունն է եղել։ Մարդկության մեջ ո՞վ կարող էր նման բան անել։ Մի՞թե փոխարենը մարդիկ չեն խաթարում Իմ տնօրինումը։ Այնուամենայնիվ, պետք է իմանաս, որ ոչ ոք չի կարող Իմ փոխարեն անել Իմ գործը, առավել ևս՝ խոչընդոտել այն, քանի որ չկա ոչ մի մարդ, ով կարող է ասել կամ անել այն բաները, որոնք Ես եմ անում և ասում։ Թեև սա այդպես է, մարդիկ դեռ չեն ճանաչում Ինձ՝ իմաստուն, Ամենակարող Աստծուս։ Արտաքուստ չէիք համարձակվի բացահայտորեն հակադրվել Ինձ, սակայն ձեր մտքերում ու գաղափարներում հակառակվում եք Ինձ։ Հիմարնե՛ր։ Չգիտե՞ք, որ Ես այն Աստվածն եմ, Ով դիտարկում է մարդու սրտի ամենախորքը։ Չգիտե՞ս, որ դիտարկում եմ քո յուրաքանչյուր խոսքն ու գործը։ Ասում եմ քեզ սա. մեղմ խոսքեր այլևս երբեք չեն արտաբերվի Իմ շրթունքներից։ Փոխարենը՝ Իմ խոսքերը բոլորն էլ կլինեն խիստ դատաստանի խոսքեր, և Ես կտեսնեմ՝ արդյո՞ք կարող ես դիմանալ դրանց, թե՞ ոչ։ Այսուհետ նրանք, ովքեր չեն մոտենում Ինձ իրենց սրտերում, այսինքն՝ նրանք, ովքեր անկեղծ սեր չունեն Իմ հանդեպ, նրանք են, ովքեր բացահայտորեն մարտահրավեր են նետում Ինձ։

Այսօր Սուրբ Հոգու գործը հասել է մի կետի, որտեղ նախկին մեթոդն այլևս չի օգտագործվի, փոխարենը՝ նոր մեթոդ է իրականացվում։ Նրանք, ովքեր դրական և ակտիվ կերպով չեն համագործակցում Ինձ հետ, կընկնեն Հադես՝ մահվան մի անդունդ (և այս մարդիկ հավիտյան կորստյան կմատնվեն)։ Նոր մեթոդը հետևյալն է. եթե ձեր մտքերն ու գաղափարները ճիշտ չեն, ապա Իմ դատաստանն անմիջապես կգա ձեզ վրա։ Սա ներառում է կառչելն աշխարհից, հարստությունից, ձեր ընտանիքից, ամուսնուց, կնոջից, երեխաներից, ծնողներից, ուտելուց և խմելուց, հագուստից և բոլոր նման բաներից, որոնք հոգևոր ոլորտի մաս չեն կազմում։ Սրբերի լուսավորությունը գնալով ավելի ակնհայտ կդառնա. այսինքն՝ կյանքի զգացումները կդառնան է՛լ ավելի ակնհայտ ու մշտապես շարժման մեջ կլինեն։ Յուրաքանչյուր ոք, ով ամենափոքր իսկ խաթարումն առաջացնի, կտրուկ անկում կապրի՝ շատ հետ մնալով կյանքի վազքուղում։ Ովքեր անտարբեր են, ովքեր նվիրումով չեն ձգտում, լիովին կլքեմ և կանտեսեմ նրանց բոլորին՝ առանց բացառության։ Նրանք հազար տարի ստիպված կլինեն տառապել աղետների մեջ։ Ինչ վերաբերում է նրանց, ովքեր ջերմեռանդորեն են ձգտում, այսինքն՝ նրանց, ովքեր մշտապես խաթարումներ են առաջացնում, կվերացնեմ նրանց տգիտությունը, կդարձնեմ նրանց հավատարիմ Ինձ, և նրանք կունենան իմաստություն ու խելք։ Այդպիսով կձգտեն է՛լ ավելի մեծ հավատով։ Կրկնապատկում եմ Իմ օրհնությունները Իմ բոլոր անդրանիկ որդիների վրա, և Իմ սերը գալիս է ձեզ վրա բոլոր ժամանակներում։ Միշտ հոգ եմ տանում ձեր մասին և պաշտպանում եմ ձեզ, և թույլ չեմ տա, որ ընկնեք Սատանայի ցանցը։ Ես սկսել եմ Իմ գործն Իմ ընտրյալ մարդկանց բազմության մեջ. այսինքն՝ ավելացրել եմ ևս մեկ գործի նախագիծ։ Սա նրանք են, ովքեր ծառայություն կմատուցեն Քրիստոսին հազար տարի, և մարդկանց մեծ բազմություն կհավաքվի Իմ թագավորությունում։

Որդինե՛րս, դուք պետք է ինտենսիվացնեք ձեր կրթումը։ Շատ գործ է սպասում ձեզ, գործ, որը պետք է ստանձնեք և ավարտեք։ Ես միայն ցանկանում եմ, որ շտապեք և հասունանաք, որպեսզի կարողանաք ավարտել այն գործը, որը հանձնարարել եմ ձեզ։ Սա ձեր սրբազան պատասխանատվությունն է, և այն պարտավորությունը, որը դուք՝ Իմ անդրանիկ որդիները, պետք է կատարեք։ Ես կպաշտպանեմ ձեզ, մինչև հասնեք ճանապարհի ավարտին, և կպահպանեմ ձեզ, որպեսզի կարողանաք հավերժ վայելել հրաշալի օրհնություններն Ինձ հետ միասին։ Ձեզնից յուրաքանչյուրը պետք է ունենա ներըմբռնում այն փաստի վերաբերյալ, որ Ես կազմակերպել եմ բազմաթիվ զոհաբերվող խաղաքարեր և միջավայրեր՝ բոլորը ձեզ կատարելագործելու համար։ Այս ամենն Իմ օրհնություններն են, չգիտեի՞ք։ Բոլորդ Իմ սիրելի որդիներն եք։ Քանի դեռ անկեղծորեն սիրում եք Ինձ, Ես չեմ լքի ձեզնից և ոչ մեկին. թեև սա կախված է նրանից, թե արդյոք կկարողանա՞ք ներդաշնակորեն համագործակցել Ինձ հետ։