თავი 83

თქვენ არ იცით, რომ მე ვარ ყოვლისშემძლე ღმერთი და არც ის იცით, რომ ყოველი მოვლენა და საგანი ჩემს ხელთაა! რას ნიშნავს, რომ ყოველივე ჩემ მიერ არის დადგენილი და აღსრულებული? თითოეული ადამიანის კურთხევა თუ გასაჭირი ჩემს აღსრულებასა და ჩემს ქმედებებზეა დამოკიდებული. რისი მიღწევა შეუძლია ადამიანს? რისი მიღწევა შეუძლია ადამიანს ფიქრით? ამ უკანასკნელ ეპოქაში, ამ გარყვნილ ეპოქაში, ამ ბნელ სამყაროში, რომელიც სატანამ გარკვეულწილად გახრწნა, რამდენად მცირედნი შეიძლება იყვნენ ჩემი განზრახვების შესაბამისნი? იქნება ეს დღეს, გუშინ თუ უახლოეს მომავალში, ყველას სიცოცხლე ჩემ მიერ არის განსაზღვრული. მიიღებენ ისინი კურთხევას თუ შეხვდებიან უბედურებას, და მეყვარებიან თუ შემძულდებიან მე, ყოველივე ზუსტად ჩემ მიერ იქნა განსაზღვრული ერთი ხელის მოსმით. თქვენ შორის ვინ ბედავს იმის მტკიცებას, რომ საკუთარ ნაბიჯებს თავადვე განსაზღვრავს და საკუთარი ბედს თავადვე აკონტროლებს? ვინ ბედავს ამის თქმას? ვინ ბედავს იყოს ასეთი ამპარტავანი და თავშეუკავებელი? ვის არ ეშინია ჩემი? ვინ არ მემორჩილება გულში? ვინ ბედავს იმოქმედოს თვითნებურად და დაუფიქრებლად? მე მათ ადგილზევე გავკიცხავ და აბსოლუტურად აღარ მექნება წყალობა კაცობრიობის მიმართ და აღარც შემდგომ ხსნას მივანიჭებ. ეს დრო — ანუ ის მომენტი, როდესაც თქვენ მიიღეთ ჩემი სახელი — არის უკანასკნელი დრო, როდესაც მე რაიმე შემწყნარებლობას გამოვიჩენ კაცობრიობის მიმართ. სხვა სიტყვებით რომ ვთქვათ, მე გამოვარჩიე კაცობრიობის ნაწილი, რომლებიც, თუმცა მათი კურთხევა შესაძლოა არ იყოს მარადიული, დიდად დატკბნენ ჩემი მადლით; შესაბამისად, თუნდაც არ იყოს წინასწარგანსაზღვრული, რომ მარადიულად იქნები კურთხეული, ეს არ ნიშნავს იმას, რომ ცუდად გეპყრობიან და ბევრად უკეთეს მდგომარეობაში ხარ, ვიდრე ისინი, ვინც პირდაპირ იტანჯება გასაჭირით.

ჭეშმარიტად, ჩემმა სამსჯავრომ უკვე მიაღწია პიკს და შევიდა უპრეცედენტო ტერიტორიაზე. ჩემი სამსჯავრო თითოეულ ადამიანს ეხება და ახლა ეს არის მრისხანე სამსჯავრო. წარსულში ეს იყო დიდებული სამსჯავრო, მაგრამ ახლა ის სრულიად განსხვავებულია. წარსულში ადამიანები შიშის ნატამალსაც არ გრძნობდნენ, სანამ არ შეხვდებოდნენ ჩემს აღსრულებულ სამსჯავროს; ახლა კი, როგორც კი ერთ სიტყვას მაინც გაიგონებენ, შიშისგან გონებას კარგავენ. ზოგიერთს მაშინაც კი ეშინია, როცა უბრალოდ პირს ვაღებ. თუ ჩემი ხმა გაისმის, როდესაც საუბარს ვიწყებ, მათ ისე ეშინიათ, რომ არ იციან რა ქნან და იმ დროს გულწრფელად სურთ მიწის ორმოში დაიმალონ ან ყველაზე ბნელ კუთხეში დარჩნენ დამალულნი. ასეთი ადამიანების გადარჩენა შეუძლებელია, რადგან ისინი არაწმინდა სულებით არიან შეპყრობილნი. როდესაც მე განვსჯი დიდ წითელ დრაკონს, ძველ გველს, ისინი მფრთხალნი ხდებიან და იმისაც კი ეშინიათ, რომ სხვებმა არ დაინახონ; ჭეშმარიტად, ისინი სატანის შთამომავლები არიან, სიბნელეში შობილნი.

მე ხშირად წარმოვთქვამდი ხოლმე სიტყვებს: „წინასწარგანსაზღვრა და არჩევა“. ზუსტად რას ნიშნავს ისინი? როგორ ვსაზღვრავ წინასწარ და ვირჩევ? რატომ შეიძლება არ იყოს ვინმე წინასწარგანსაზღვრულთა და რჩეულთა შორის? როგორ შეგიძლიათ ამის გაგება? ეს საკითხები ჩემგან ნათელ ახსნას მოითხოვს და აუცილებელს ხდის, რომ უშუალოდ თქვენ გესაუბროთ. მე რომ ეს ყველაფერი თქვენში გამომემჟღავნებინა, მაშინ უგუნურნი ცრუდ ირწმუნებდნენ, რომ ეს სატანის მიერ ბოძებული აზრი იყო! მე უსამართლოდ შემელახებოდა სახელი! ახლა მე პირდაპირ ვისაუბრებ და არაფერს დავმალავ: როდესაც მე შევქმენი ყოველივე, პირველად შევქმენი ის საგნები, რომლებიც ემსახურება კაცობრიობას (ყვავილები, ბალახი, ხეები, მერქანი, მთები, მდინარეები, ტბები, ხმელეთი და ოკეანე, ყოველგვარი მწერი, ფრინველი და ცხოველი; ზოგიერთი კაცობრიობის საკვებია, ზოგიერთი კი — კაცობრიობის სანახავი.) სხვადასხვა სახის მარცვლეული შეიქმნა კაცობრიობისთვის სხვადასხვა ტერიტორიებს შორის არსებული განსხვავებების მიხედვით; მხოლოდ ყოველივე ამის შექმნის შემდეგ დავიწყე ადამიანების შექმნა. არსებობს ორი ტიპის ადამიანი: პირველნი არიან ჩემი რჩეულნი და წინასწარგანსაზღვრულნი; მეორენი ფლობენ სატანის სულიერ მონაცემებს და ეს ტიპი შეიქმნა მანამ, სანამ მე სამყაროს შევქმნიდი, მაგრამ რადგან ისინი მთლიანად გაიხრწნენ სატანის მიერ, მე ისინი მივატოვე. შემდეგ მე შევქმენი ჩემ მიერ არჩეული და წინასწარგანსაზღვრული ტიპი, რომელთაგან თითოეული სხვადასხვა ხარისხით ფლობს ჩემს სულიერ მონაცემებს; შესაბამისად, დღეს ჩემ მიერ რჩეულთაგან თითოეული სხვადასხვა ხარისხით ფლობს ჩემს სულიერ მონაცემებს. მიუხედავად იმისა, რომ ისინი სატანის მიერ გაიხრწნენ, ისინი მაინც ჩემ მიერ არიან რჩეულნი; თითოეული ნაბიჯი ჩემი მართვის გეგმის ნაწილია. მიზეზი, რის გამოც პატიოსანი ხალხი ფლობს ძალაუფლებას სასუფეველში, არის ის, რომ ეს ჩემ მიერ წინასწარ იყო დაგეგმილი. ისინი, ვინც მრუდენი და მზაკვარნი არიან, ვერასოდეს იქნებიან პატიოსანნი, რადგან ისინი სატანისგან არიან შობილნი და სატანის მიერ არიან შეპყრობილნი; ისინი მისი მსახურნი არიან და თავიდან ბოლომდე მის ბრძანებას ექვემდებარებიან. თუმცა, ყოველივე ამის მიზანი ჩემი ნების აღსრულებაა. მე ეს მკაფიოდ განვაცხადე, რათა თავიდან ამეცილებინა თქვენი ვარაუდები. ვიზრუნებ მათზე, ვისაც სრულვყოფ, და დავიცავ მათ; რაც შეეხება მათ, ვინც მძულს, როგორც კი მათი მსახურება დასრულდება, ისინი ჩემი სამყოფელიდან უნდა გავიდნენ. როდესაც ამ ადამიანებზე ვსაუბრობ, ვბრაზდები; მათი ხსენებისთანავე ძალიან მსურს დაუყოვნებლივ გავუსწორდე მათ. მიუხედავად ამისა, მე თავშეკავებული ვარ ჩემს ქმედებებში; მე ზომიერი ვარ ჩემს ქმედებებსა და საუბარში. მე შემიძლია სიბრაზის ჟამს სამყარო ძირს დავამხო, მაგრამ ისინი, ვინც მე წინასწარ განვსაზღვრე, გამონაკლისს წარმოადგენენ; დამშვიდების შემდეგ, მე შემიძლია სამყარო ავამაღლო. სხვა სიტყვებით რომ ვთქვათ, მე ვაკონტროლებ ყველაფერს. როდესაც ვხედავ, რომ სამყარო იმ დონემდე გაიხრწნა, რომ მისი ყურება აუტანელია, მე მას დაუყოვნებლივ გავანადგურებ. განა არ შემეძლო ამის გაკეთება მხოლოდ ერთი სიტყვის წარმოთქმით?

მე თავად ვარ პრაქტიკული ღმერთი; მე არ წარმოვადგენ ზებუნებრივ ნიშნებსა თუ სასწაულებს — მაგრამ ჩემი საოცარი საქმეები ყველგანაა. წინ მდებარე გზა შეუდარებლად უფრო მანათობელი გახდება. ჩემი თითოეული ნაბიჯის გაცხადება არის ის გზა, რომელსაც მე გიჩვენებთ თქვენ და ეს არის ჩემი მართვის გეგმა. სხვა სიტყვებით რომ ვთქვათ, მომავალში ეს გაცხადებები კიდევ უფრო მრავალრიცხოვანი და სულ უფრო ნათელი გახდება. ათასწლოვან სასუფეველშიც კი — უახლოეს მომავალში — თქვენ უნდა წახვიდეთ წინ ჩემი გაცხადებების შესაბამისად და მიჰყვეთ ჩემს ნაბიჯებს. ყოველივე დასრულებულია და ყოველივე მომზადებულია; მარადიული კურთხევები გელით თქვენ კურთხეულთა შორის, ხოლო მათ, ვინც გასაჭირი უნდა დაითმინოს, მარადიული გაკიცხვა ელით. ჩემი საიდუმლოებები მეტისმეტად მრავალრიცხოვანია თქვენთვის; ის, რაც ჩემთვის უმარტივესი სიტყვებია, თქვენთვის ყველაზე რთულია. ამიტომ, მე სულ უფრო მეტს წარმოვთქვამ, რადგან თქვენ მეტისმეტად ცოტა გესმით და გჭირდებათ, რომ მე თითოეული სიტყვა აგიხსნათ. მაგრამ ნუ იქნებით ზედმეტად შეშფოთებულნი; მე თქვენ დაგელაპარაკებით ჩემი საქმის შესაბამისად.