Arnam Asai Lapen Monit Asai

Kopuan monit asai keklem si Karjong Kangthir asailo lapen kopuan si monit akethektang dolo? Lake ningjeme tahailo pima monit atum nonpu ta lahei akarju alam chininelang, lapen laso athe ke pima latum Karjong Kangthir asai keklem aron-atang chinidundelang. Ne jongsi pulo “monit asai” puke, Ne, chenam ta, halahei komatma Karjong Kangthir asai kedo atum asai keklem mate hala komatma Karjong Kangthir si ke’enpon atum aphan si jongdamlo. Ne ke pima monit aningkehang ateng pen keklem asai aphan le kejongdam kali, bonta arisangho atum, klembang atum, mate jongjong kortemar lapen ingjirmar atum pima Karjong Kangthir asai angkang angbong kedo atum akeklem aphanlo. Ladak, “monit asai” puke Arnam ok nangchepharlo abang asai aphan le kejongdam kali, bonta monit atum along Karjong Kangthir asai keklem angkang lapen aron-atang aphan si pulo. Lahei aron-atang anke Karjong Kangthir asai keklem aron-atang lapen angkang saide pulo, lahei anke Arnam ok nangchepharlo abang asai keklem aron-atang lapen angkang pen chingbarbelo. Monit asai along ke monit akenangsot atiri lapen aron-atang dolo, lapen Arnam asai along ke Arnam kenangsot atiri lapen aron-atang dolo.

Karjong Kangthir asai keklem aroi along, lake Arnam amena asai mate monit atum asai pen si ke’en pu sitame, lake Karjong Kangthir asailo. Arnam Amethang kenangsot atiri ke Karjong henlo, atheke Karjong Kangthir mate bang throksi aKarjong pusi pulo. La kadokave along, Latum anke Arnam aKarjong saidelo, Arnam aKarjong aphan le prekjam akai along prekjam amen pen hanglo puvoiphit tame. Alangtum kenangsot atiri ke nonpu isinatlo. Laso apot si, Arnam Amethang asai ke Karjong Kangthir asai amatlo, lason si Arnam ok nangchepharlo abang asai tame Karjong Kangthir asai keklem pen kacheprek avelo. Monit atum asai komatma ke’enpontang atum antame Karjong Kangthir asailo. Tebonta Arnam asai ke Karjong Kangthir paplenglim akethanpon henlo, atheke ahok kechoklimlo, bontame monit atum asai ke’entang ke penang an monit atum akamatha alam pen si chingvuinok, lapen lake Karjong Kangthir jongjung pen kethanpon kalilo, Alangli paplenglim akethanpon le salajong dovetlo. Karjong Kangthir asai ke prekjam dopik lapen ajat ahut tame ingtonkok pu avelo. Karjong Kangthir asai ke prekjam amonit atum along keklem paprekjamlo; lake prekjam akedoivet si cheklanglo, lapen lake akaitin ta prekjamlo, lason si adettin along antalo. Ahoklo, Karjong Kangthir asai doan penang an prekjam akrong pen si klmelo lapen penang an aron-atang ateng penlo puvoiphit tame, kosonma asai keklem kapatangpon mate komat amonit atum along loma langdamdepin pen, laso akedoivet ke kaiketa cheprekjamlo; kadokave asai prekjam amonit atum along keklempon anta aron-atang doreplo, lapen kadokave along tame lake laso ajaton akedoivet si cheklangponlo. Lake athema Karjong Kangthir asai ke angkangpi along jongdamvet lapen chenam si lakha pemelo. Ok nangchepharlo along keklempon asai ke monit atum aphuthak keklempon ateng asai asonthot kalilo, lapen asai tame prekjamlo, lason si, hala komat abangphu along si keklempon loma alang akethek aboi pen atenglo. Ok nangchepharlo along asai keklempon ke monit atum aphuthak klemkle, lapen lake pima monit atum aphuthak keklemtang asai asonthot kalilo. Thihek pen, ajat pen le koson si keklempon tame, prekjam ajaton along keklmepon asai ke kaiketa chingbarbelo, lapen atheke Alangli keklem asai aron-atang ke keprekjam amonit atum angdeng lapen asema komatma Alangli keklempon atengthot pen si cheprekjamlo. Karjong Kangthir asai prekjam amonit atum along anke alangtum along kedolor kenangsot atiri ateng penlo lapen latum aphan pima halaso akenangsot atiri pen abat ke hanghelo, mate latum along Alangli sai keklem tame pima alangtum along kedovek kethek ajakong pen abat kalilo. Lasi, Karjong Kangthir asai monit aphuthak ke halaso asai ajaton akedoivet monit atum aphan patheklonglo. Monit along kedolor akedoivet ke chelarlelo; alanglong kedolor kethek aboi ke ongparpe. Karjong Kangthir monit atum aphan enponlo mate latum along asai keklempon ke alangtum kethek aboi koanma kedo arlo ateng penlo, pima latum laso along pen ale long’iji aphanlo. Monit atum along Karjong Kangthir sai keklem ke’entang ahut, halahei amonit atum akethek-kere lapen kedolor aboi anke pacheklangdaklo, athe pachepatujoijelo. Alangtum along kedolor kethek aboi ke asai keklem kapachunpon along si enponlo. Lake pudammelo pima Alangli monit atum along pen ephar enlo pima Alangli sai aphan ke’enponme ateng pen, atheke pima asai angthek kepalong’iji aphan pulo. Akacheprek ke, ok nangchepharlo along keklem asai ke jasemet Karjong asai si cheklangponlo lapen ke monit atum aphu tarlok lapen akamatha aketer-ke’er avepinlo; monit anong’e tame, mate monit akachomatlong, mate monit along kedo plangmena akethek pen tame ledam un’elo. Kadokave akeongpi prekjam Karjong Kangthir asai anke monit aphan ale lapen kapathekthu muchotji aphanlo. Bontame, ajahak amonit atum ke pachoklim unlo lapen ke akaprek atum aphan anke kechoklimji aphan ason cheparidengdelo, atheke latum aphan pachoklim un’elo lapen ke kejokji tame sungkrunglo, lapen latum along Karjong Kangthir asai dolo puvoiphit tame, latum anke kapadusi ahut virdetpo. Lake pudammelo pima Karjong Kangthir asai le monit atum aphan kapame muchotji aphan puvoiphit tame, ningjemelo pima halahei kadokave komatma Karjong Kangthir asai kelongtang atum anke angton pen choklimpo, athema penang amonit atum alangtum kiri kekhandun atovar ke kechoklimji aphan atovar kalidetlo. Latum along ke Karjong Kangthir asai ephar ansi dochotlo, monit atum akajalangdun ateng mate monit atum kiri kekhandun akechok ta kalilo. Lasi, Karjong Kangthir asai lahei amonit atum along ke hala komatma kechoklim abang aphan keklemji si vanglo. Karjong Kangthir asai aphan ke monit atum jasemet theklonglelo, mate monit atum amethang pen jasemetpet ta papho longlelo. Lake halahei sai anong’e kedo atum pen anchot si than thekpo, atheke pima Karjong Kangthir asai ke monit atum kaningjepon ateng si abe kidun atum aphan padorlo.

Karjong Kangthir asai ke penang an ajat amonit atum along si penang an prekjam ason pen pachunponlo lapen paplengponlo. Arnam ok nangchepharlo abang asai ke angton akai along asai apharmanlo, lapen ke monit atum bangso akai along angton kilutdun apharmanlo puvoiphit tame, monit atum kilutdun thanplir asai aphuthak nonpu ta komatma Karjong Kangthir ke’enpon amonit atum ahin pen klempon nangjilang, Arnam ok nangchepharlo abang kali. Lasi, Arnam asai, mate Arnam amena birta keme pachetak anke, Arnam ok nangchepharlo abang asailo, atheke Alangli dular monit ke klemdun thkethelo. Karjong Kangthir asai ke penang an prekjam ajat amonit atum pen ajok si paplenglo; inutnat abangphu tame angton pen longdamdelo, lapen inutnat abangphu tame angton pen thanplir thekthelo. Komatma hala mondoli kachejapon atum tame Karjong Kangthir asai angton pen apharman paklang thekthelo; latum ajahak kepaphrangpon asai ansi klem unchotlo. Karjong Kangthir asai ke lasi sonthom aphar an thakmelo: Arnam amena asai, komatma ke’entang amonit atum asai, lapen kadokave hala Karjong Kangthir aroi along kedo atum aphan asai henlo. Arnam amena asai ke angton akai aphan chejaponlo; hala komatma ke’entang atum asai ke, Arnam Alangli amena asai keklem patangdet pen aphi ketoi mate hokum kelongtang, kadokave Arnam aphiphi kidun atum aphan pachejaponlo, lapen lahei atum henlo komatma Arnam asai pen jalang rappet; Karjong Kangthir asai keklem hala aroi along kedo atum aphuthak ke kadokave Alangli mena asai an palangtoilo, lake athe, Alangli angton kisik-kedang lapen Alangli hakhi an palangtoilo, lason si hala komatma pachoklimmeji atum aphan kapachoklim klemlo. La doan pangrompet pen, lahei sonthom aphar anke Karjong Kangthir keplenglim asailo, bonta Arnam Amethang asai avete, kisik-kedang asai ke angton keplenglimji aphan sangkokpo. Arnam Amethang asai ke kadokave monit akhei atum asai pen si jalanglo, lapen lake angton akai along asai apharmanlo, atheke pima Arnam amena asai ke Karjong Kangthir asai asontin kachelar lapen kachihung apharman si cheklanglo, bontame arisangho atum asai ke Arnam amena asai vangdet aphi anlo lapen laso pen si aphiphi dunlo, lapen lake isi akai aphan chejaponpelo, mate lake bangso angton akai along Karjong Kangthir akedambom apharman kalilo. Latum ke monit keklem nangji asai ateng si klemchotlo, atheke kadokave kisik-kedang asai pen thangnat klemdun thekthelo. Arnam asai Amethang keklempon ke kisik-kedang asai along kepathiktang apotlo. Monit asai ke pima monit atum komatma ke’enpon kapapleng atum adeng chotlo, lapen lake kisik-kedang asai pen ajat ta kacherap avelo. Ahokpet ke pima latum doan ke Karjong Kangthir asailo pu sitame, asai angthek lapen kachepaklangpon kacheprekjam ajok, Arnam amena asai lapen monit asai angbong klardak alamjor kacheprek dokoklo. Anpartame, Karjong Kangthir asai keklempon kangdang tame ajatontin along prekjam angthek pen kacheprek dolo. Lahei anke Karjong Kangthir asai keklempon aron-atang lapen angkanglo.

Monit asai ke alang kachomatlong lapen alang monit atheng si jongdamlo. Kopima monit kepador laoen alang keklem asai ke alang pharman cheklanglo. Monit aklong akachinidam, monit akamathadamthek, monit abidi doan, lapen alang kangchopik kahemandam alam anta kadokave alang sai along dopetlo. Monit akethek ke alang sai eson jongdamvet theklo, lapen inut abangphu akethek ke alang sai angton aphar chemanlo. Monit asai ke alang kachomatlong thantheklo. Ajahak amonit atum kaheno kachomat ahut, akeongpi alam alangtum akachingrum along ke kahenodak amung si dolo. Jongsi alangtum kachomat isi apor ahut ke mesenlo lapen latum anke kemesen aphar along cheparideng akrong si jasemetpet dolo te, alangtum akachingrum ke ningrungphomlo, lapen monit atum kemesen aketoi ahukum si latum along pen longdunpo. Jongsi klembang le isi apor ahut an henodaklo te, alang kachingrum tame kaiketa kahenodak amung si cheponpo. Lason ajat akachingrum ke ningoimemelo, lapen kaprek atum ke mathakrang pen alang kachingrumdundet aphi aningduklut si chemanpo. Aphiphi kidun atum angdeng kachelar ke pima kejapon abang alinglo. Ajat tame klembang aning arlo kedo, pima lahenlo alang kaningjepon, lapen monit angdeng ateng pen si Karjong Kangthir asai chelardunbomlo. Alangli ke monit atum kachomatdamlong ateng pen si klemlo lapen latum aphan toi bor’i’elo, bonta alangtum kachomatlong kejoike angkung ateng pen si monit atum aphan kehang padolo. Lake pudammelo pima monit akachingrum ke Arnam alamthe pen cheprekdaklo. Kopima monit atum kachingrum anke alangtum salajong aklong akachinidam lapen kachomatlong si pachinilo, alangtum Arnam asai ateng pen aklong akachinidam lapen kachomatlong si chethanponlo. Latum asai ke kiri henlo, Arnam asai mate kaningjedet aphi, kopima latum keklem charli nangji mate kilutdun nangji atenglo, lapen ansi aphiphi kidun atum aphan pachinipo. Laso apot si, monit asai ke alang kilut lapen keklempon si cheklanglo. Ahoklo, lason asai ke monit atum kacharli angkung lapen kachomatlong mate monit atum ajahak akamatha pen si chingvuinoklo. Tebontame, Karjong Kangthir klemlo, monit along mate Arnam ok nangchepharlo along pu tame, klembang atum ke kaiketa kopima latum along kedo ateng si chethanlo. Lake Karjong Kangthir komatma keklem abanglo puvoiphit tame, laso asai ke kopima monit along kedolor athak si planglo, athema Karjong Kangthir ke kepangcheng adim avete asai klemklelo. Akaprek ahin pen, laso asai ke thangnat ta kali pen si vanglo, bonta kaiketa ahok-ahak akephopon lapen ahok-ahak ason pen chedon si klemponlo. Lason pen anchot si monit akun chekirlaphun unji lapen alang abarim akamathadamthap lapen abarim kamunthidam anta chelarpo. Kopima monit kaningje anke kopima alang ketheklong, kachomatlong, lapen kahemanthek atenglo, lapen lake monit akamunthidam pen ta chepalong unlo, lake jongsi kekroi kethan alam mate kapahanchathap pu tamelo. Monit asai ke monit akachomatlong angkang pen, mate kopima monit ketheklong, mate kopima monit kahemandamthek mate kelongdam abat dam un’elo, halaso asai ajam kethe-kibi pu sitamelo. Kadokave Arnam kaningjepon anke kopima Alangli Amethang atenglo, lapen lake monit ahin pen longdam un’elo – lake, monit akamathadam tame paledam un’elo. Alangli sai kadokave monit akhei aphan kejopon si Alangli ningjelo, lapen lake monit atum kachomatlongplir alam pen chephophelo, bonta lake alar Alangli mena kisik-kedang ateng penlo. Kopima monit kaningje anke alang chomatlong atenglo, lason si kopima Arnam kaningje anke Alangli bang amatlo, atheke Alanglilong kedolor akunlo, monit ke laso along ledam un’elo. Monit akachomatlong ke alang Arnam kaningjepon Alangli bang amat ateng pen aklong kachinidam lapen kethek-kere kelong henlo. Lason aklong kachinidam lapen akethek-kere anke monit abang pusi pulo, lapen alangtum kaningje atiri ke monit along kedolor akun lapen kethek aboi henlo – laso apot si latum aphan anke monit abang pusi pulo. Monit ke kopima alang kachomatlong lapen ketheklong pen si chingrum theklo. Inutnat tame pima atheke latum chomat longlepinlang, theklonglepinlang, mate alangtum kamathadam ledam un’elang, halahei ahormu latum along chepaklong longlelang pulote latum chingrum thekthedetji. Jongsi kopima monit kaningje ke alang kachomatlong pen kali pulote, lake alang kahemandam mate kapatampak alam chotlo. Joike pen langnang, alang lamthe along thangnat ta ahokpet avelo. Hamphang along kacherap alam pen nang le chephosap longlelang pulote, nang ke hamphang along karsikjik akachepho heihui an klardak pen chingrum thekthedetpo. Jongsi nang le hemtun ave, kaprek atum le hemtun alam kachethan ason, nang ke kopima latum kaningjepon anke akeongpi alam chininedetpo. Lasi, kopima monit akachingrum lapen asai alang keklem anke alang arlo abang apun si cheklanglo. Jongsi komatne chingrumlo alaang ado kipi lapen kangsai aphuthak akachinidam pen, bonta nang ke chomat longlepinlang pulote, nang ke alang akethek-kere patepek haihedetdelo, lason sip hat pharo isi akechok pu chipudak ta haihelo. Lake athema alangtum akachingrum ke kopine pima nang kachomat longlepinlang, kopine nang kachininepinlang, lapen nang phu tarlok pen hemandam un’elo. Alangtum kachinidam pen, kadokave nangtum ke’enmeji ke mohut ado kipi lapen kangsai kephoji atovar kedam anchotlo. Bonta laso atovar ke kekroi kethan alam akachini anchotlo; lake nang mena akachinidam lapen nang kachomatlong adim thijok un’elo. Chenam ta nang mathalo kopima latum kaningje anke chokpet asonlo, bonta nang mena kachinidam along, nang penang an akrong along asai ateng keklem kali si longji. Chenam ta nang ajahak kopima nang karjulong alam kamatha ke angton pen asai ateng kalilo; nang kamathathap laso apor ahut alam si pangsomlo, lapen nang dengdetlo puvoiphit tame, nang kroimorem pen si klemlo. Bonta nang mena kachomat along, atheke nang kamathathap pen kelong akethek-kere ke nang arnivang asai chemandetpo, lapen koanma nang laso ateng keklem, lapuan sose si nang ahok ale lapen nang karjulong alamthe alamjor chinidampo. Nang mena kachomatlong longdet pen aphi, nang anke kopima nang kachomatlongtang akachinidam nang kelong nangji aphuthak alam ningje unpo. Laso along, nang hala komat akethek-kere si ahok lapen asai ateng lapen komat akethek si kekroi kethan alam aron anchot lapen ardi kavepin pu latum angbong thakthekpo. Lasi, nang akethek kejongdam ahok kachedon ke nang asai ateng kachomatlong pen si ongdung kachikiponlo. Nang kachomat along ahok dolo pulote, nang akachini tame asai ateng lapen ardi doklongpo. Nang kachomat pen ajok, nang aklong alam kangsaithek peme long unlo, nang akethek parnuk muchotmelo, lapen nang gian lapen koson si nang methang aphan kachipujima menmen kamathathek ta chepabat unlo. Monit atum komatma ahok cheparidengde pen kethek alam kaningje anke kethan aron alamchotlo, koanma ardi doklong pu sitamelo. Lason ajat abangphu anke repik anlo tahai jasemet ok aphuthak langdamlo pulote bonta karjong aphuthak lelo te thakvet thekthelo. Lake athema lason amonit atum ke karjong aphuthak alam an angton pen chomat longlepinlang. Lahei amonit atum anke komatma karjong alam pen patheang longlelang lapen karjong alam aphuthak chinidamdelo. Nang akethek alam ajat le ningje tame, nang bang methang dotik anke, lake nang salajong kachomatlonglo, nang ahok akethek apotlo. Kopima monit atum komatma kekroi aron alam ningjechot – lahei amonit atum anke komatma ahok mate non kedobom alam cheparidengdelo – kachethandam antame alangtum abang methang pulo, athema latum ke alangtum kethan aron alam arjidingklui pen kiri kachepeduk pen si nanglelo lapen lake alangtum kamathadam parsikpik pen angtheklo. Tebonta lake kethan aron alam anchotlo, kahemandam alam pen thangnat ta kalilo! Kadokave ajat amonit atum kachomatdam anke latum along kacheklangpon alamlo. Madu tame karjong akachomatlong ave te ahok akachinidam aphuthak ningje thekthelo, mate prekjam karjong alam aphuthak chokpet akachinidam avelo. Kopima monit kaningje ke kopima alanglong arlo kedo atenglo – lake ahok-ahaklo. Jongsi komatne abang karjong alam kachinidam lapen ahok akachiniji aphan ninghanglo, labangso abang ahok kachomatlong dovek nangji. Jongsi nang le klardak pen monit atum akai along chingbarri akamatha alam than thekthelo te, koan akijum si nang karjong alam aphuthak kethandamji kethekpo? Komatma mondoli kejapon atum, monit atum aphan chethe kipipon, lapen monit atum aphan arisangho atum an ahokpet chomatlongvek nangji; latum akechoklim karjong alam chinidamvek nangji lapen akechoklim akachoro lapen ahok aphan kachomatlong dovek nangji. Lason amonit atum anchot si komatma mondoli kejaponthek klembang mate risangho atheng chemanji. Kali pulote, latum ke paphisipo aphiphi kidunji lapen chejapon un’elo, komatma monit atum aphan chethe kipipon arisangho kemanji heloving alamlo. Lake athema risangho atum asai keklem nangji ke ketong nangji mate kachesong nangji kalu; lake chethe aphan kethan-kemumpon asai lapen anut kaprek aphan alangtum akun kapachekirlapon si klem nangji. Hala komatma laso asai ateng kacheklem atum anke anghor ardikklui arpu aphang along archakpon nanglo, pima lake anut kaprek atum parphangpon un’edetji. Laso ajat asai ke keklempon unji ke halatum kopuson achethe loma kedo, lake, hala komatma ahok kachomatlongtang atum anlo. Lake jongjung komatne pima kache’othek, komatma ketongthek, mate komatma amethang aphan chipidetji aningkehang atum klem un’edetji; monit atum komatma ahok kachomatlongtang ave, komatma kangchai mate kangsai longledetlang, lason ajat asai ke latum klem un’elo. Monit atum kethektang ave te, komatma ahok ateng kavedet atum anke, laso ahok klardak pen theklonglelo athema latum amethang anta lason abang pen avedetlang. Lasi, lason ajat abangphu anke kejaponthek asai klem un’edet anchot ta kali, bonta, jongsi latum le arjidingklui an ahok ateng pen dodedetlo pulote, latum ke kivirdet nangji ajaton si chemanpo. Nang aklong alam kaningje ke nang chethe along kachomatlongtang akesung angthek si arjappo, atheke nangphan ado kipi ason apotlo, lapen atheke nangphan kangsaidet alam aphuthaklo. Lake asat kelang aphan ahokpetlo: Komatne aphan pacharkle’etlo, komatne ke boidetlo – lahei adim an henlo komatne kachomat nangji, atheke komatne abang atovar longpo. Langdam sinang, jongsi komatne abang pangri-pangdon along katherak pen chechak nangkoklo tame, latum kaiketa chingrumpo, “Chorolo Arnam, Arnam anong pethenang, Ne Arnam aning akar’idam aphan pangsamvek nangji lapen nekai dingpi chehodaidet nangji, lapen Ne pangri-pangdon ke Arnam aridneg si angton pen hodaidet nangji. Ne ke nekai dingpi Arnam aphan si kachipidetji aseme kipi ninghanglo.” Kadokave monit along kedoan kachepaklangpon unji ke kopima alang kachingrum pen ajoklo. Bangphu kaningje alam aboi, latum kaningje ase thedung mate bihek tame – lason alam anke chomatlongtang alam kalilo lapen kopima latum along kedo lapen komatma pu cheklangklelo. Lahei ahormu ke bangso amonit aot-adur keme mate kaheno, mate alangtum asema keme mate kaheno pusi than thekchotlo, bonta latum ke komatne kachomatlongtang abang pen chepangbardam un’elo. Amethang aphan kaningje ahut kachepaklang kethekji, mate lam kaningje keprap mate kethek tame, lake abe kachinghoi alamlo lapen inut abang akethek panglar un’elo. Nang le nang salajong akethek aphuthak kaningje ahut, nang kachingrum ke pima atheke nang akenangsot lapen kadokave ahormu anta nanglong si dolo pulo. Ne kethan ke Ne bang amethang si klanglo, bonta kopima Ne kaningje ke monit keledam un’edet pinaklo. Kopima Ne kaningje ke pima atheke monit kachomatdam apot kalilo; lapen lake kopine pima monit thekdam longlelo; lake kopine pima monit paphodam un’elo, bonta lake kopima Ne lahenlo. Ajahak amonit atum pima Ne kachingrum ke kopima Ne kachomatlongtang apot pusi choro thekchotlo, bonta latum ke pima lake Karjong pen si jasemet kethanlo pu pangthek thekthedetlo. Ahoklo, kopima Ne kaningje ke athe Ne kachomatlongtang atenglo. Lake Ne komatma kisik-kedang asai ningkan suri throk an patang’etlo. Ne asontin tame kecheng monit akhei aphan kasorjon pen non an chomattheilo; koson si Ne le laso aphuthak chethan-chemum thekthedetpo? Monit asema alam nangle lote, Ne klardak si theklonglo; Ne arjidingkui pen lang pangchinglo. Koson si Ne le laso aphuthak klardak pen kethanji un’edetpo? Ne monit akedoivet klardak pen theklong tanglo, Ne ke monit aphan ado kipiji lapen alangphan kangsaiji apun-achak dolo, athema kadokave amonit ta Nelong pen si vanglo bonta Sobar ahin pen si phangnotheilo. Ahoklo, Ne tame Ne keklemtang asai an kangchapji aphan apun-achak choklo. Laso asai ke Ne ok le keklem kalidet puvoiphit tame, lake Karjong amethang pen si jasemet vanglo, lapen lahenlo kopima Nelong kedo lapen kopima Ne henlo. Laso apot si, Ne ke kachethanji aphan lapen laso asai Ne keklem nangji ateng pen keklemji apun-achak dolo. Kopima monit atum kaningje ke kopima latum kachomatlongtang apotlo. Lake kopima latum ketheklong, kopima alangtum kamatha paledam’un, lapen kopima alangtum kamatha pen kenepthek henlo. Lake kopima latum chingrum theklo. Arnam ok nangchepharlo abang kaningje alamthe anke Karjong pen amethang si ningjeponlo lapen lahei kaningjepon asai ke pima Karjong keklemtang apotlo, atheke ok ke chomatlonglelang mate theklonglelang, tebonta Alangli nonpu Alangli bang arpum si ningjeponlo, athe ok kenangsot atiri ke Karjong henlo, lapen Alangli Karjong asai si thanponlo. Laso asai ke Karjong klempontang’etlo, lake ok ahin pen keledam un’edetlo puvoiphit tame. Ok nangchepharlodet aphi, ok ahin akethanpon pen ajok, Alangli monit atum aphan Arnam abang pachinilo lapen monit atum aphan Arnam akun lapen pima Alangli keklemtang asai patheklonglo. Monit asai ke monit atum aphan kopima latum kilutdun nangji lapen kopima latum kachinidun nangji alam thedung akeklardak pilo; lake monit atum aphan ahok alam kachini lapen kachomatlongji si kachejaponlo. Monit asai ke monit atum aphan parengpo; Arnam asai ke akimi atovar lapen akimi akai monit akhei aphan ingpuponlo, lapen monit atum aphan pima atheke kithidetji arpum atum an kachinine apot paklanglo, latum aphan Alangli kun aphuthak pachinitoilo. Arnam asai ke kadokave monit akhei aphan kejapon henlo.

Kadokave Karjong Kangthir asai doan ke monit atum ale aphan si klempinlo. Lake kadokave monit atum aphan kangthurpon aphuthaklo; ladak ke monit atum aphan thangnat ta ale ave asai pu avelo. Ahok le arnukpik mate ingdaiplang pu sitame, lapen hala komatma ahok aphan kedeng atum aboi ajat tame, kopima Karjong Kangthir keklem, lake monit atum aphan ale dolo. Bonta Karjong Kangthir asai ke jasemet klemphit un’e; lake komatma Alangli pen kajalangdun rappet amonit atum pen ajok si thanvek nangji. Lason pen anchot si Karjong Kangthir asai angthek ke long unji. Ahoklo, Karjong Kangthir le jasemet sai keklem ahut, lake kadokave thangnat ta akaheno avelo; bonta Karjong Kangthir le monit pen ajok keklem ahut lote, lake terdet titilo lapen Karjong Kangthir asai binong kalidetlo. Lason ajok si, ahok tame prekjam aphant kachelar dokoklo. Aphiphi kidun atum Karjong Kangthir abinong’et akemang longdundelo bonta Karjong Kangthir asai lapen monit akethek lapen kachomatlong penpen akacherap si longlo. Kopima aphiphi kidun atum Karjong Kangthir asai ephar kelongdun anke akechoklo, tebonta monit kachomatdam lapen akethek latum kelong anke chepreklo athema klembang atum anta akapreklo. Klembang atum Karjong Kangthir akatheang lapen akepare pen ajok laso akatheang lapen akepare ateng si chomatdambomlo. Lahei kachomat along anke monit aphu tarlok lapen kacharli si cherappetlo, lasonthot si monit atheng abang ta dolo, lapen laso aphi, latum kelong nangji akethek-kere lapen aklong alam longdamlo. Lahenlo ahok chomatlongdet pen aphi monit asai keklem akronglo. Lason keklem akrong ke kaiketa isinat kali, athema monit atum kachomat cheprekjam lapen monit atum kachomatdam ahormu anta cheprekjamlo. Lason pen si, Karjong Kangthir pen kipi akatheang atengthot si prekjam akethek lapen asai keklem angthek klanglo, athema hala komatma katheang kelong atum anta cheprekjamlo. Ajahak amonit atum masapso akechokche asai keklem ahut klemdet do lason si ajahak atum ke thedung akechokche klemlo, lapen ajahak atum ke thangnat klemkle bonta akechokche anatlo. Lake athema monit atum alangtum akethek pen kachinidam tame cheprekjam lapen athema alangtum along kedolor aboi tame prekjamlo. Ajahak amonit atum along ke kethan abirta arjulongdet aphi isi ahin akachinidam ansi dolo, lapen ajahak amonit atum along ke ahok alam arjulongdet aphi akaprek si chinidamlo. Ajahak amonit atum ke masapso tevarchetlo, lason si ajahak atum ke angton pen ahok aphuthak alamjor amat si chininedetlo. Laso apot si, komatne abang akachinidam ke koson si bang aphan kejapon si langdamlo; lake ahokpetlo, athema inut asai keklem ke inut abang amethang kosonma atenglo. Monit atum aphan hala komatma ahok aphuthak akechoklim kachini pen kejapon anke ahok aphuthak kechoklim kachini si dolo. Jongsi monit atum alangtum kachinidun along kechokche dolang pu tame, latum angbong inut-banghini si dochotlo, lapen anuttin amat ke kalilo. Jongsi komatne abang kechokche alang ahok aphuthak kachinidam along dokoklo pulote, hala komatma alanglong aphiphi kidun atum anta kechokche do theklorlo, lapen lahei amonit atum anke alamthetin kaningje along tame akechokche si dolo. Aphiphi kidun atum ahok aphuthak kachini aphant ke klembang atum ateng si thedung langlo. Ahoklo, Arnam pen kevang ahok ke choklimlo lapen akechokche si avelo, lapen lake chenam-chenumlo. Klembang atum, tebonta, choklim kalilo lapen angton pen chikidam meme pu ningjenolo. Jongsi klembang atum along asai ateng keklem akrong pen ahok aphan asai keklem along jokpon pulote, aphiphi kidun atum anta asai ateng keklem akrong si dopo. Jongsi klembang atum along ahok ateng asai keklemji akrong ave bonta kethan aron alam anchot pulote, aphiphi kidun atum anke ahokpet avelo. Aphiphi kidun atum kethek aboi lapen asema anke mahang kethek pen si pathiklo lapen ke klembang atum pen si pacherapponlo, bonta atheke aphiphi kidun atum ahok aphuthak lapen Arnam aphan kachini kahelo ke klembang atum pen ajoklo (lake ajahak amonit atum aphan anchotlo). Klembang le ajat pu tame, lasonsi aphiphi kidun atum anta alang kejapon atenglo. Kosonma klembang kachepaklang ke alang mena atenglo, thangnat ta kepekpon kibi avepin. Hala komatma alang phiphi kidun kidun atum aphan an alang akehang ke kopima alang methang akar’idam mate kachepalongji ki’un’an henlo. Akeongpi klembang atum ke kopima latum amethang keklem pen ajok si alangtum aphiphi kidun atum aphan ta hanglo, aphiphi kidun atum le angton longdun’et un’elo pu sitame – lapen pima atheke inut kelongle ajok inut abang kilutdunji akebeng-kephan planglo.

Hala komatma kangchaitang, kangsir longtang, kangsai kephotang lapen ado kipi kelongtang atum asai along ke kisuipengji aphan helopik alamlo, lapen alangtum asai keklem kepaklangpon ke ansose akechokpetlo. Hala komatma alangtum plangmena ateng aphan chiki pen asai along ke thedung akechokche si klemlo. Kechoklimle amonit atum asai keklang ke alangtum plangmena aninghang ateng ong’ongchot, atheke Karjong Kangthir asai aphan thedung akebeng-kephan chemandetlo. Tebontame kemesen amonit atum kethek aboi ke, latum Arnam ketoi ahukum ateng asai klemkle aphang kangchai, kangsirpon, lapen kangsai chetongdet nangjilang. Jongsi latum lason akangsai chetongtedetlo pulote, alangtum asai, ajat tame koanma mesen sita, ahok ateng keklem aron pen chedondelo lapen kaiketa alangtum plangmena lapen monit atum akeme ason pen si athe manlo. Hala komatma kangchaitang, kangsirtang, lapen kangsaitang atum asai anke hala komatma kangchaichedet, kangsirsedet, lapen kangsaisedet atum pen ansose si akechokpetlo. Hala komatma kangsai kachetongtelang atum kachethan anke thangnat ta kali bonta monit aok lapen akamathalo, akeongpi monit kereset lapen mahangthekdet pen akethek pen si chingvuikunglo. Lake monit akechokpet pen Arnam asai kepaklang kalilo. Hala komatma lason amonit atum aphiphi kidun anke latum angno alangtum along kedo kethek aboi si vanlo. Athema latum ke monit aklong alam kachini lapen kachomatlong akeongpi chethanlo, atheke la Arnam abinong’et akemang pen ke chekakdundak ason anlo lapen kisui helothupik manlo, lason ajat abangphu asai ke Arnam angno monit atum aphan van thekthelo, bonta latum aphan monit angno si ponlo. Lasi, hala komatma kangsai lapen ado kipi kephophelang atum anke Arnam ketoi ahukum asai keklemji apun-achak chokchelo. Apun-achak kechok aklembang asai ke monit atum aphan choklim atovar si vanlo lapen latum aphan ahok along thedung kilutdam si piponlo. Alang sai ke monit atum aphan Arnam angno vantheklo. Laso along, alang keklem asai ke inut pen inut along cheprekjamlo lapen ke aron kokhethelo, monit atum aphan mena ajakong lapen kejokvan piponlo, lapen pajo pen achethe along pathe-padingji unlo lapen ahok along akeongpi kilutdun ansose dopo. Apun-achak chokche aklembang asai ke lason phodundepinlang. Alang asai ke luvoklo. Alang ke monit atum aphan aron along ansi van unchotlo, lapen kopima alang kehang monit atum aphan anke inut pen inut akacheprek avelo; alang asai keklem ke monit atum ahokpet akenangji ateng pen kalilo. Lason ajat asai along, penang an aron lapen penang an kekroi kethan aron alam dolo, lapen lake monit atum aphan ahokpet along vanvelo, mate kejoike achethe along kechanji asai keklem longlelo. Lake monit atum aphan isi-hini ardi kavedet aron along anchot si ke’otdun pamanlo. Laso keparepon ke monit atum aphan kisuiphit akrong ponrong chotpo. Alang nangphan kejapon ke alang ason pemanlo; alang nangphan kevan ke kopima alanglong kedo lapen alang asonthotlo. Aphiphi kidun atum kejapon abang apun-achak chokloma chokchema pu kelangdamji akenangsotnei ke, latum kejapon atovar kopunat loma lapen alangtum asai angthek kopuson loma, lapen aphiphi kidun atum ahok ateng pen aron-atang longdun loma longlema, lapen latum alangtum kachekirlaji aphan keklem asai kelong akrong chekengma chekengkema pu henlo. Nang prekjam amonit atum keprekjam asai angbong thakvet nangpo; nang ke kiludet aphiphi kidun abang kalidet nangpo. Lake monit atum kilutdam along alam athe doveklo. Jongsi nang le komat abang akejapon along si tovar dolo lapen kavelo pu thakvet thekthe te, nangphan ke joike pen pamanghu unlo. Kadokave laso along ke nang mena akai pen athe kacherap dolo. Kechoklimle amonit atum asai along ke ongdung plangmena si keonglo; lake ongdung monit aninghang ateng pen si chingvuikunglo. Alangtum abang plangmena ke – kopima latum amahang kethek ahut pen atenglo. Lake athe kepholongtang aphi mate ahokpet kachekirlatang aphi an pu achethe kalilo. Koson si lason abangphu le hala komatma chethe kiri abang aphan kerapdun unpo? Laso achethe pima monit along abinong’e kedo ke alanglong kedolor akereset lapen ketheklo. Lason aning kereset mate akethek ajat ke Arnam chenam monit aphan akehang pen helochetlang. Jongsi monit le choklimlelang lapen alang kahenodak akun aphan ingchaiche lapen ingsirselang pulote, kopima alang kaningje lapen ahok angbong ajam thetan adak dokokpo; kopima alang kaningje ke keklardakde ahormu pen chingvuikungpo, lason si alang kahemandam lapen ihin anatthu kachomatdamvet henlo. Anpartame, koson si alang keklempon pu tame, monit atum ke pangrumpet akemangdam avelo lapen kadokave amonit atum ta kilutdunji aphan chekengvet ahok avelo pusi chemathalo. Kopima akeongpi monit atum aphan akehang ke alangtum kethek pen angtanlo, jongsi latum anke tharlon along kapardonchontoi avokak ason thakthaklo. Lahenlo monit aninghang ateng pen asailo. Monit kahenodak akun, alang kamatha, lapen alang kapahanchathap anke kadokave ta alang aok-abang along chingvuisailo. Monit ke ahok aphan asai ateng pen keklemji le amahang nangkethek kalilo, mate alanglong ahok aphan jasemet kachinidunji ajakong ta avelo. Laso along pima monit kahenodak akun – lason ajat plangmena abangphu sai keklem ahut, tangte kebeng-kephan avedetjima? Bonta monit komatma kechoklim abang ke ahok aphan chomat longlo pima monit atum kachinivek nangji, lapen alangtum kahenodak akun alam chinidam’etlo, laso ajok keklardakde lapen chobeibei ahormu alang asai along pajo pen avebomlo, monit atum aot kelangnodak ta jumbomlo, lapen alang asai lapen kiru-kethai anta Arnam akenangji angdeng ateng pen chetebokbom si vanglo. Lasi, alang asai ke ahokpet along lutdun tanglo lapen lake kachekok ahok si chemanbomlo. Monit aphu tarlok along akamatha along jongvet pen Karjong Kangthir asai aphan khanglo. Monit along ingchoklong kahemandam lapen keme-kaheno kangsaithek dolo, lapen alanglong athepi doan kapangsamthek arjidingklui pen kethektang dolo. Jongsi lahei aphar pen monit aphan kangchai lapen kapachokdun avedet, latum anke kadokave sai keklem karangkha saidelo. Laso apot si, monit asai ke kethedung aphant akechoklimnei longdam un’elo, jasemetpet kechoklimle amonit atum asai along.

Monit asai ke isi angkang lapen ahoi along ansi dochotlo. Inut abangphu ke isi angdeng ansi asai klem unchotlo lapen ke angton akai amat ke asai klempet un’elo – kali pulote, alang monit atum aphan aron angbong pen si chejapon nangpo. Monit asai ke isi kejongvet apor lapen angdeng along ansi jok unchotpo. Lake athema monit kachomatlong tame angkang dokoklo. Komatne abang monit asai pen Arnam asai angbong pachingbar un’elo. Monit asai ateng keklem akrong lapen alang ahok aphuthak kachini anke kadokave ta isi jongvet angkang ansi unchotlo. Nang punolo pima monit kedam atovar ari ke angton pen tame Karjong Kangthir aninghang atenglo, athema monit aphan ke Karjong Kangthir anchot si kapatheang unchotji, lapen Karjong Kangthir pen si angton paplengsetji pu un’elo. Monit kachomatlong ahormu anke kadokave kemsen monit atheng angkang along ansi dolo lapen jongjung monit aphu tarlok along akamatha ahoi an abat kap un’elo. Kadokave hala komatma abinong’et ahok ateng kerengthek atum anke laso ahoi angbong si chomatlonglo. Latum ahok aphan chomatlong ahut, lake kaiketa jongjung monit achethe Karjong Kangthir pen kapatheangtang akachomatpon henlo; laso kachomatdam akrong ke pima jongjung monit achethe pen pasuiponpelo. Latum Karjong Kangthir pen kapatheangtang ahok si alangtum monit akai-achethe kerengbom anujokpi athak chomatlonglo. Anpartame, laso ahok ke abangphutin along tame cheprekjamlo, lapen laso akarnuk ke abangphutin angdeng pen si cheraplo. Komatne abang pumelo pima latum kedam atovar ke komatne abang ahok aphan kiri jongjung monit achethe asonlo, lapen laphan ke Karjong Kangthir kapatheangtang jongjung abangphu kedam atovar pu hokmelo. Madu ta ningjenolo pima laso atovar latum kedam ke Karjong Kangthir kedam atovarlo. Jongjung monit kachomatdam along, athema monit atum komatma kiridun chingbarbelo, Karjong Kangthir asai tame chingbarbelo. Laso along, athema monit atum kachomatlong avarmon lapen alangtum kachomatlong ahoi anke chingbarbedetlo, lapen athema alangtum aphu tarlok lapen kamunthidam anta kachingvuikung ajaok, alangtum kachomatlong anta prekjam aphant pen si chingvuikunglo. Anuttin abangphu tame alangtum akacheprekjam, salajong ateng pen si ahok aphan kachinidam dolo. Alangtum kachinidam ahok alamjor ke chokpetpelang lapen lake ihin mate ajahak aphar anchotlang. Ahok kachini amonit kachomatlong angkang ke inut pen inut along cheprekjamlo atheke anuttin abangphu ateng aren penlo. Lason pen si, lasonthot ahok kachinidam, prekjam amonit atum kachethanpon ke, chingbarpetpelo. Lake pudammelo, monit kachomatlong ke kaiketa angdeng-ahoi dolo lapen Karjong Kangthir akar’idam ateng pen angton cheklang un’elo, mate Arnam asai ason ke monit asai thekdamlong un’elo, jongsi kopima monit kachethan anke Arnam akar’idam ateng pen chetebokhetlo pu sitame, lapen jongsi monit akachomatlong ke pima Karjong Kangthir asai kapachoklim keklem pen chetebokhetlo pu tame. Monit ke Arnam aban anchotlo man unji, pima Arnam alangphan kepekpon asai keklempon henlo. Monit ke Karjong Kangthir kapatheangpon akachinidam lapen alang salajong kachomatlong pen kelong ahok alam ansi than thekchotlo. Monit ke apun-achak kali lapen Karjong Kangthir kedodamji aphan ason-amung chokpetpelo. Alang ke pima Arnam asai henlo alang sailo pu hokdamnolo. Monit along ke monit akeklem-kedam aron-atanglo, lapen kadokave amonit atum along tame prekjam kachomatlong lapen cheprekjam ason-amung cheparideng dolo. Monit asai ke kadokave alang Karjong Kangthir kapatheang arum along kachomatlong saide si dolo. Lahei kachomatlong anke monit abang amat si cheklang’ilo lapen Arnam abang apharman mate Karjong Kangthir aninghang ateng cheklangklelo. Laso apot si, monit kedam atovar aphan ke Karjong Kangthir kedam atovarlo pu hoknolo, athema monit asai ke Arnam asai apharman cheklangklelo, lapen monit asai lapen monit kachomatlong anke Karjong Kangthir akar’idam angton plenglim kalilo. Monit asai ke aron along keklodunbupji ason do, lapen alang asai keklem adichi ke isi ahoi angkang ansi joike pen dochotlo, lapen lake monit atum aphan jokvan akrong ahin chejapon thekthelo. Akeongpi aphiphi kidun atum isi ahoi angkang angbong si dolo, lapen alangtum kachomatdam akrong tame laso angkang along ansi dochotlo. Monit akachomatdam ke kaiketa angdeng-ahoi do; alang asai keklem adichi tame isi-hini ajat along ansi chingtonkoklo lapen Karjong Kangthir asai mate Arnam Amethang asai pen pangbardam un’elo. Lake athema monit kachomatdamlong ke, mo kijut ahut, angdeng-anghoi dokok. Tebontame Arnam ke Alangli sai cheklemlo, lake aron ta kokhethelo; bontame lake pachunlo, lake isi adichi along anchot lapu kalilo. Arnam asai along ke ajat tame aron avelo – kadokave Alangli sai anke thoplot lapen jokvanlo. Alangli phiphi kidun koanma apor monit enpon pu langdamdepin pen, alang ke ajat aron tame pima Arnam asai keklempon kacheja anke paklarpon un’elo. Alangli sai ke aron ateng chokvet puvoiphit tame, lake kaiketa akimi akrong along si klemlo lapen kaiketa akimi kachingthurpon dolo, lapen lake monit paledam un’elo. Isivet akai along, Arnam prekjam asai ajat tame dolo tahai lapen prekjam akrong pen monit atum aphan jalo tahai, atheke monit atum aphan kaiketa akimi kilutdun lapen kachelar pemanpibomlo. Nang Alangli sai aron theklong un’elo athema Alangli ke kaiketa akimi akrong along klembomlo, lapen laso pen si Arnam aphiphi kidun atum anke aron along kokhethelo. Arnam Amethang asai ke kaiketa monit atum kapahancha alam patepeklo lapen latum pen chedan’ilo. Hala komatma alam karju lapen Alangliphan kiri ahok aning pen atum anchot si alangtum akun kachekirlaphun doji lapen ke jokvan pen rengdun unji, ajat aron ta kekokhet kave mate ajat dhorom akamatha pen kekhang ta avelo. Monit asai ke monit atum aphan alang mena akethek lapen kopima alang amena kelong unji ateng pen si pahanglo. Lahei akenangji angdeng anke isi kithikvet angkang along ansi dochotlo, lapen asai keklem adichi tame angdeng-anghoi dolo. Aphiphi kidun atum lasi laso kithikvet angkang arlo matha pememe pen dodunlo; apor kedambom along, lahei ahormu aron lapen ajutang cheman’ilo. Jongsi isi akai along asai le komatne matma Arnam salajong kepachoklim phophelang lapen kangsai longlelang pulote, alang aphiphi kidun atum anke kadokave ta dhorom kirimthip abang lapen Arnam aphan kekhangthip thekser abang si mantheipo. Laso apot si, jongsi komatne le apun-achak kechok akejabang pulote, halaso abangphu ke kangsai phovek nangji lapen kepachoklim dengvek nangji. Hala komatma kangsai kephotang atum, latum le Karjong Kangthir asai dolo puvoiphit tame, keklardakde lapen ahokhe ahormu si thanponlo. Apor ateng pen, latum monit atum aphan keklardakde lapen kethekdakde mekbin ason aron along si chejaponlo. Laso asai pima Arnam keklem ke monit aok pen chedondelo. Lake monit akamatha pen ta chedondelo, bonta monit kapahancha alam pen chedan’ilo; lake keklardakde dhorom alir kihi pen patertelo. Arnam asai angthek ke komatne matma Alanglihin pen kapachoklimlelang abang ke long un’elo; latum anke monit akamatha pen abat ledam un’elo.

Monit aphu tarlok along asai keklem ke monit aphan kelongdamji joipik. Dhorom apirthe along Pastor lapen kejabang atum, langdam sinang, alangtum anong’e lapen kedo adim angdeng pen alangtum asai along si chikilo. Monit atum komatma latum aphiphi kidun anke alangtum anong’e pen ajok si arjikiding apor aphan lutsaipo lapen ajahak alangtum abang arpum pen ajok baiponpo. Latum ke monit atum anong’e, akethek lapen kere ansi mon’elo, lapen latum ke kethekdakde mekbin ason ahormu lapen penang an kethedung, ahokhedet kekroi kethan alam (ahoklo, lahei akeongdung kekroi kethan alam anke longdam un’elo) aphan si ardi chipilo. Latum ke monit atum akun kachelar along ke ardipipelo, bonta alar ke monit atum aphan kapachetak lapen sai paklemji sis eke pilo, monit atum akethek muchot lapen alangtum dhorom kekroi kethan alam akeongdung si ingthurlo. Latum ke koanma monit atum akun kachelartang loma mate koan si monit atum ahok aphuthak kachinidam loma puke ardi pipelo. Latum ke monit atum kenangsot atiri pen amethang aphan mathaletlelo, lapen latum ke monit atum jongjung lapen aphu me-heno angdeng aphuthak ke kachiniji bor’i’elo. Latum ke monit atum kapahancha alam along chedandundelo, mate latum ke alangtum kapahancha alam ta pangdakdelo, latum ke monit atum aphan alangtum akechokchedet mate kahenodak apot kangchai dunji ke heloving alamlo. Akeongpi atum komatma aphiphi kidun an alangtum anong’e pen si ru-thailo, lapen kadokave latum keklem anke dhorom kekroi kethan alam lapen dhorom aphuthak kacharli alam aphuthak saidelo, atheke ahok keplangbom pen chephophepinlo lapen angton ta monit atum achethe aphan kapajirji un’elo. Chenam ta, alangtum asai atiri ke kethek-kere si lanalo, komatma thangnat ta kali dhorom alam aphuthak kacharli pen angdeng chepa’un thekser abang mo aphi asai keklem lapen kejapon abang aphan si lanalo. Arnam ningkan suri throk kisik-kedang asai along ajat aron tame nang thekdam longma? Ladak ke penang an aron lapen atang pima monit keklem asai along dolo, lapen monit aphu tarlok ke aron-atang aphan si chikipiklo. Kopima monit kethanpon, laso apot ke, pima alang kethek angkang angbong kedo akethek lapen kachini kelongdam penlo. Monit ke laso pen akaprek ke thangnat ta thanpon thekthedetlo. Monit akachomatdam mate akachini ke alang mahangthekdet pen anong’e mate alang asema pen le kithur kalilo, latum ke athema Arnam akethan-kemum lapen jasemet kivipon pen ajok si thurlo. Monit ke laso kivipon kedengdunji ansi thkechotlo lapen kopima kangthir abang jasemet kethan alam ke pima kethanji ajakong avelo. Monit ke kangbop atiri ke cheman un’elo; alang ke kangbop atiri pen pima nangkili alang harlung along kapangpendun ansi thekchotlo. Lahenlo monit atum ajakonglo, pima madu tame monit atum anke kedovek nangji ajakonglo. Jongsi komatne abang laso ajakong pima Arnam alamthe kedengdun chepangbodetlo lapen monit mathathek asema chepangbodetlo pulote, halaso abangphu ke kopima anam kesonei ason si chepangbodetlo, lapen kasorjontang amonit adeng si pangbodetlo. Jongsi inut abangphu le Arnam alamthe mate Alangli sai aphuthak ajat akethek mate kachomatlong ta ave pulote, laso abangphu ke alang adeng chepangbolo, alang keklem nangji adeng kasorjontang abang ateng pen, lapen kasorjontang abang aman angdeng chepangbodetlo. Lake Arnam ajakonglo kopima akangthirpet alam kachethanji, lake ok along mate jasemet Karjong pen si chethanlo pu sitame, lake Arnam birta keme asai keklemlo. Monit alang mena akethek lapen kachini an kachethanpon ke (lake, kopima alang ke pusi chethanlo) Arnam asai mate laso aphi ahut; lahenlo monit ajakonglo lapen monit adenglo, lapen lake kopima monit kachepalongvek nangji lahenlo. Monit kachethanpon ke kopima Arnam kachethan aber si kedo helopiklang puvoiphit tame, lapen monit kachethanpon ke penang an aron kangnanghet do pu sitame, monit ke alang kepachunvek nangji adeng pachunvek nangji lapen keklem nangji kopima alang klemvek nangji. Monit ke asontin ta monit alang adeng kepachun’un ateng pen si klem nangji, lapen alanglong masapsonat tame kachepathikpipon ke avedet nangji.

Ningkan koan lone klemdet pen aphi, monit ke alang penang an aningkan asai keklem kachomatlong apot pathihek pen thanpo, lasonthot si alang kachobirtidun gian lapen aron antalo. Komatma arjidingklui apor pen keklemtang abang ke Karjong Kangthir asai keklem-kedam kopuson si akamatha an chinidunlo; alang ke Karjong Kangthir sai keklem ahut lapen Alangli keklemkledet ahut tame chinilo; alang ke koson si anghor parphangponbom ahut kachingrum nangjima chinidunlo; lapen alang ke Karjong Kangthir asai jongjong angdeng lapen chethe along monit atum kechan-kejar jongjong angdeng antame chidun’etlo. Lason abangphu henlo komatma ningkan koan pen lone keklem abang lapen Karjong Kangthir asai tame chinilo. Hala komatma arjidingklui pen keklemtang atum ke chokdak si ningjelo lapen tongtelo; latum le thangnat ta nningje athai avedet ahut pu tame, latum anke dovet ingsamjinlo. Arlo pen, latum ke Karjong Kangthir asai kiriji aphan ardombom ta unlo. Latum anke sai keklemji aphan thekserlo. Laso abangphu komatma arjidingklui apor pen keklemtang abang, komatma ongdung kethekser lapen ke penang an angkung kacharlitang abang, pima Karjong Kangthir asai arlo pen ongdung kekhang ta dolo; lahenlo alang arjidingklui apor pen keklempon akechokche. Inut abangphu komatma nonhet si sai keklem kapangchenglang abang ke monit atum kacharli angkung mate kachomatlong pen henodundejilang lapen lake jongdamvet pen koson si Karjong Kangthir asai keklem aphuthak chinidundedetjilang. Bontame, laso asai keklemponbom ahut, alang pajo pen koson si Karjong Kangthir asai keklempon aphuthak charlidunpo lapen kopima Karjong Kangthir asai kelongdunji aphan cheroktok chemanpo, kopima akaprek atum akeboidet along chenam ketongdunji aphan, lapen lason si pima hala komatma asai cheparidengvek nangji atum kachinisar along antalo. Apor kedambom along, alang lason again lapen ketheksar asai alam kachinidun ke alang aripak anung asonlo, lapen sai keklembom ahut joike pen enlongji asonlo. Bontame, Karjong Kangthir le Alangli sai akrong kapacheprek ahut, alang ke nonputa alang abarim akethek asai along lapen abarim aron asai ansi cheotdunthipverlang lapen akimi kemesen asai keklem aphuthak ke masapso ansi chinidunlo. Ningkan koan pen lone keklem lapen Karjong Kangthir keplenglim kedodun lapen keparedun tangdet ke alangphan ansose asai along kacharli angkung lapen ansose kachomatlong si piponlo. Lason ahormu pen alangphan mena ningchetheklong si piponlo pima lake ane chepathe kalilo. Akaprek ahin pen, alang ke alang mena asai pen ningchingsamponlo lapen alang Karjong Kangthir asai aphuthak kelongdun kadokave kachinisar an apot ningaronglo. Jongdamvet pen, kelongdun mate kachichinidun halahei ahormu pen pima alang methang along akaprek atum alangphan lapuan ningkethe pipelang; lake pima Karjong Kangthir asai alanglong pen ke virvedetji asonlo, tebonta akaprek atum ke lason keprekjek kelongji apun-achak kalidetlo. Alang asonthot amonit atum anchot si, komatma ningkan koan pen lone keklemtang lapen laso abang ke’en ke kedengmeme ale kedo pu anke apun-achak chok’ilo. Lahei ahormu ke alang Karjong Kangthir akimi asai kedengdunji aphan thedung akechaknap si chemanlo. Jongsi alang akimi sai dengdun unlo pu tame, alang ejovet angbong pen ke klem un’elo. Alang ke chenam si penang an kekkek-kangkang akrong dengde aphrangjong pho nangpo. Laso akepho ke pajo pen chetevarthuji, alang abarim kamathathap alam an ingsirdet lapen alang abarim akun doan ingsaidet aphilo. Lahei angdeng phopontheithe pulote, alang che’o’e lapen joike pen akimi akethan alam lapen asai pima alang abarim akamathathap alam pen kachetonte pulote dengdedetji. Lahenlo kisungnei alamlo monit along kachetong nangji, lapen lake kachelar unji joike kalilo. Jongsi, inut klembang, alang le Karjong Kangthir asai kachinidam ephong longlo lapen laso ajam kethepik alam pajirmi theklo, lapen jongsi alang ke alang kachomatlongtang asai an chekhang theklo lapen abarim asai chini pen akimi asai dnegdun unlo pulote, alang ke kereset amonitlo lapen apun-achak choklim aklembanglo. Monit atum kaiketa lasonlo: Latum penang aningkan aphan alangtum sai keklemthek alam pajirmi thekthepin pen si klemlo, mate, alangtum kachomatlong lapen asai aphuthak gian kelong an than pajirmithekdet aphi, latum anke akimi asai aphan kedengdunji pen chaknaplo lapen akimi lapen abarim asai aphan choklim pen chininelo mate mesen pen lang peme thekthelo. Monit atum chenam si la cheparidengthipji sungkrung! Nangtum akeongpi atum anke lasonlo. Hala komatma ningkan koan lone pen Karjong Kangthir asai kachomatlongtang atum akimi asai kedengji sungkrunglo, lapen latum anke kaiketa kamathathap pen si plengsetlo pima latum ke che’o thekthedetlo, lason inut amonit komatma nonhet si keklem kechenglang abang ke laso asai aphuthak chinisar alam longduntongtelang lapen ke ajahak kejoinei alam aphuthak tame koson si kangsaivet thekjima thekthelang. Nangtum monit atum anke chenam si sungkrunglo! Hala ajahak akleng atum anke puan si cheparokalo lapen mena kethek chekronglo pima latum konat pen si kevangma chetengnedet anlo. Latum kaiketa akibi amonit atum aphan longroplo, tebonta latum tame akimi asai dengdun thekthelo lapen ke latum kepangrumtang lapen koan aningkan pen lone kibi kamathathap alam che’o un’elo. Hala akibi kethek pamemelang atum anke Karjong Kangthir akimi asai masapso dengdun thekji lapen ke prangsetlo puvoiphit tame, latum kaiketa kisung vanglo pulote manghudet titilo lapen kopi si keklemjima chininelo. Latum anke ninghangpiklo tame thek pememelang. Latum along ke masapso akachini ansi Karjong Kangthir asai aphuthak dochotlo lapen alangtum akai along la enpon thekthelo; lake hala angton pen kekroi kethan aron alam asonthotlo. Nangtum ason penang an amonit atum dolo; bang koan atum si asai enmeji aphan athenglo? Bang koan dolo komatma Karjong Kangthir kapatheang lapen adak-atur kapaklar karjuduntheklo lapen Arnam akar’idam ateng chedondun kisiktheklo? Lake hala nangtum komatma nonpu anta aphiphi kidunbom atum anke chingkimesen asonlo, bonta, ahokpet ke, nang nangatum kamathathap alam che’o thekthelang, nang ke nonpu ta Baibel along si ribomlang, keklardakde along si kroidunbomlang, mate kamathathap along si manghudunlang. Ladak ke komatma pini arni akechok asai kiritarlip peme mate aklong’et alam kachiniji atum avelo. Nangtum anke pini arni akrong aphan nang abarim kamathathap pen si dengdunlo. Kopilo nangtum lason akekroi pen kelongji? Lake pumelo pima nangtum along anke penang an chepatujoi kamathathap alam pima keklangklelang dopiklo, lapen pima nangtum anke lahei kapatujoiji si arsikjik chepedukpon keklemlo, lahei doan joike pen pangdakde si dolo. Nangtum ke akimi asai athikpet pen dengdundelo, lapen nang ke nang abarim kamathathap alam an kache’odetji kemang avelo; nangtum along ke penang an kereng’iji aphan alam aphuthak dolo, lapen latum anke akenangsot thepiklo. Nang ke nang abarim kamathathap alam che’o’elo lapen nang ke akimi asai ateng keklemji ninghanghepinlo. Nang ning ke phere ongchotlo, lapen nang ning aklong pen akimi asai angdeng ke’enji pusi ninghanghelo. Lason thangnat ta ale kavedet abang nangtum ason ke birta keme kapachethang asai klem unjima? Tangte nang ke somindar adangpi kapangdangponji asai klempon thekjima? Lahei nangtum akeklempon anke nangtum akun nang kachekirlaphunji lapen Arnam aphan kachiniji pen khangcheklo. Jongsi nang lason ateng dambomlo te, nang ke kivirdet nangjivek abanglo.

Nang chinivek nangji koson si Arnam asai pen monit asai angbong kethakvet meji. Kopi si nang monit asai along kethekdam longji? Ladak ke penang an monit kachomatlong aphar alang asai along dolo; kopima monit kachethan anke kopima alang ateng henlo. Arnam amena asai tame kopima Alanglilong kedo ateng si chethanlo, bonta Alangli bang ke monit pen chepreklo. Monit abang ke monit kachomatlong lapen achethe (kopima monit kachomatdam mate kephopon anke alang achethe alonglo, mate alanglong kedo kereng’iji alam aphuthak saidelo) si cheklangponlo, lapen prekjam avarmon along kedo amonit atum prekjam abang si cheklanglo. Nang hamphang aphuthak chomatlonglo pu tame lapen koson si ang hemtun along nang kedo binong lapen laso along kachomatpon anke kopima nang kethanpon along pen si theklongpo, nang Arnam ok nangchepharlo abang asai Alangli hamphang aphuthak kachini doma avema puke thekdam longlelo. Alangli ke monit akedoivet alam chini pemelo lapen kadokave ajat asai keklempon atheke kadokave ajat amonit atum ateng pen paklangtheklo. Alangli ke kahenodak akun lapen monit atum kachedandong aot-adur tame mesen pen paklang theklo. Alangli ke pirthe aphan akar’ipik amonit atum anglum dodelo, bonta Alangli ke kithidetji abang asema lapen kadokave pirthe akhi kar’ipik amonit atum akahenopik aphuthak si cheroktoklo. Lake Alangli bang lasonlo. Alangli ke pirthe pen thangnat ta chephophe pu tame, Alangli pirthe aphan kelang nangji aron chinilo, athema Alangli monit atum asema angton pen chinidamlo. Alangli ke Karjong asai aphuthak pima monit amek pen ketheklongledet lapen monit ano pen karjulongledet anta chinidamlo, pini arni lapen kedamtang apot jokjaklo. Laso along ke gian dolo pima lake kereng’iji alam aphuthak kalilo lapen manghumeme kalilo pima monit atum aphan kachiniji sungkrunglo. Lake Alangli bangle, monit atum aphan chingpudang lapen ke monit atum along pen chepatujoilo. Kopima Alangli kethanpon anke ahir kedojot kethekpik abangphu abang ason kalilo, bonta Karjong along kedolor acho lapen abang atenglo. Alangli ke pirthe adang humrirelo bonta asontin tame chinidun’etlo. Alangli ke “monit atum” komatma kethekthe mate aklong alam kachinine aphan si birta enlo, bonta Alangli ke pima thedung amonit akachini pen abat kangtuiving alamthe si ningjeponlo. Alangli ke komatma monit atheng kavepin atum lapen komatma monit akhei achethe lapen kachingrum aphuthak kachininepin ra kiludet lapen kamanghuvong isi adilung angbong so dodunlo, bonta Alangli ke monit akhei aphan kemesen monit atheng pen kepadoji arjumelo, lasonthot si monit akhei kangdeihek monit atheng lapen atiri pangdakponlo, madu ok lapen vi abangphu atum pen abang kangtuineilo. Alangliphan, lake kasiksak’ir, ardi kavedet, lapen Alangli keklemvek nangji lapen monit akhei kahenodak akedoivet angton pen kapangdakji asai keklem kangthirthedet hamphang akai pen kachomatdam akenang avelo. Kangthirthedet hamphang achethe ke Alangli ok aphan kapakengdunji pupelo. Alangli sai lapen alamthe ke monit athikpet kalidet anchot si pangdaklo lapen monit aphan kachomatdam lapen pirthe aphan koson si kelangjima pu kacharliji ke pajirjelo. Alangli ke hamphang mate monit ahemtun aphan Alangli monit aphan chethe pen kipipon ahut kiritarlipji akenang avelo. Monit aphan kapaklangdak lapen kangsai ke Alangli ok kachomatlong ateng pen kepaklangpon kalilo; lake Alangli kepaklanglo monit akangthirthedet doan atheke arjidingklui arni pen monit athikpetpe aot-adur kachinitang lapen monit akhei kahenodak apot kelangselet penlo. Laso asai Alangli keklem ke kadokave Alangli kun monit aphan kepaklang lapen Alangli bang kachethanpon si pudamlo. Alangli anchot laso asai keklem unji; lake kopine ok lapen vi abangphu longdam un’edetji. Alangli sai pen, monit ke Alangli koson abangphu loma pu than thekthedetji. Monit ke Alangliphan kasorjontang abangphu pu Alangli sai ateng pen ke thak thekthedetji. Alangli bang arpum si Alangliphan kasorjontang abangphu ateng pen pathak un’edetlo. Monit ke Alangliphan monit kali puan si jongdam unchotlo, bonta Alangliphan koloso aphar along si atheke kibijima chininelo, lasi monit ke Alangliphan Arnam pu aphar along si amen irdundet nangkoklo. Lake monit atum lason keklemdet ke matha pememe pen kalilo, athe Arnam ke monit atum angbong pima monit keklem un’edet asai doan akeongpi klemponlo.

Arnam keklem asai ke Alangli ok kachomatlong apot apharman kalilo; monit keklem asai ke alang kachomatlong pen atenglo. Anuttin tame alangtum mena kachetonglong aphuthak si chethanlo. Arnam ke jasemet ahok alam thantheklo, tebonta monit kachomatlong alam kachethan ke pima alang ahok aphuthak kachomatlong ateng pen chinglitkoilo. Arnam asai ke ajat aron ta ave lapen lake apor kapathik ave mate elongvet adim along anchotji pu kalilo. Alangli ke kopima Alangli kedobom ajat apor ahut tame thantheklo, nahok adim tamelo. Alangli ninghang aling si Alangli klemlo. Monit asai ke athe lapen kepho’i ason dokok; lahei ave lote, alang ke sai klem thekthelo lapen alang Arnam aphan kachini alam mate ahok aphuthak kachomatlong thanthakthelo. Kopine lake Arnam amena asailo mate monit asailo pu kethanji aphan, nang la sonni angbong akacheprek pachingbar nangvekpo. Jongsi Arnam Amethang asai keklemtang avedet lapen monit anchot si sai keklemlo pulote, nang joike pen chinipo pima monit akethan anke ingtuiving, madu tame kepaledam un’edet abatlo; alangtum kaningje ate’ot, alangtum sai keklem aron-atang, lapen alangtum kachomatlongtang lapen sai keklem ponbom adichi anke akaprek atum kepaledam un’elo. Nangtum kadokave ta lahei amonit atum aphan mesen kethek aboi lapen ingtuiving akethek apot si ningdokdunlo, bonta nang Arnam asai lapen alamthe koan akangtuiloma Alangli monit atheng ateng pen thekdam longlelo. Alar ke, Alangli jongjunglo, lapen, sai keklem ahut, Alangli ke mesenlo lapen ahokpetlo tebonta kithidetji amonit atum ke lakhadam un’edetlo, laso apot si atheke monit atum Alangliphan karcho aman-apeng kipi ason chemathalo. Chenam ta inut abangphu kachomatlong alang sai along ke jongdamvet pen paphrang’olo, mate alang kahemandam lapen keme-kaheno kamathathek anta jongdamvet pen paphrang’olo, lapen alang monit atheng tame jongdamvet pen mesenlo; lason amung ke monit atum aningkedok si longchotpo, bonta alangtum kamanghuhak lapen kaphere ke ingthurthelo. Monit atum kadokave ta hala komatma sai keklem mesen aphan si ar’idunlo, komatma jongdamvet pen chomatlong arnukkrung abang, lapen komatma ahok ateng asai keklempon, bonta lason amonit atum ke pamanghuhakji un’elo, kapar’idun lapen aningkapaso chotlo. Bonta monit atum komatma Arnam asai chomatlongtang abang ke Arnam aphan ar’idundelo; alar ke, Alangli sai ke monit atum keledam un’edet lapen monit atum kachinidunpetpedet pusi latum mathalo, lake pima cham’elo lapen mepik khangjanglo. Monit atum Arnam asai chomatlong ahut, alangtum kechengsi Alangliphan kachinidam ke pima Alangliphan ke chinidamdak un’e, reset, lapen mepik khangjanglo, lapen atum chininepin pen si Alangliphan man-peng pen archolo lapen Alangli keklem kachepatujoi doan asai mathadunlo, atheke monit akamathadam’un angkang pen abat si dolo. Monit atum aningkehang ke Alangli akenangji ateng pen keklemdam’un chotlo, Alangli ninghang ateng ningkapangsam; latum ke Alangli pen abat dam ingtungtelo, athema Alangli keklem asai ke monit akamatha lapen kahemandam pen abat si dolo lapen Alangli dular ke monit klem-dam un’elo. Monit amethang amat ta alang mena akadure alam chichininelo, tebonta Arnam ke akimi asai tho’etlo lapen monit aphan laso akimi lapen ansose akemepik apirthe along kevanji si vanglo, lapen ajok monit akhei doan tame akimi kachingthurdun dolo lapen ke akimi kechengponthu longlo. Kopima monit atum kamatha Arnam aphan ke kero aman kali, mate alar ke, kero aman anchot ta kalilo. Alangtum arnukkrung kachomatlong ke manghuhak lapen kanghon henlo; alangtum akamatha ke pima Arnam ke chenam si mepik khangjanglo. Alangli keklem asai ke pima monit klem un’elo lapen kaningje alam anta monit ke ningje thekthelo. Monit atum komatma Arnam asai kachomatlongtang anke kaiketa kapajirmi un’edet akamathadam dolo. Monit atum arnukkrung kachomatlong pen Arnam akanghon aphan chinidunlo; latum Alangli kanghonmeme apot chemathalo, pima Alangli sai ke resetlo, mepik anlo, lapen lason si latum angbong jut un’edet ajakong ingthurponlo. Lake kaphere kali mate ahut-adak pen akanghon lapen aman-apeng kali, bonta monit aphan Arnam akanghon-kangjinso kedo karnukkrung alamlo lapen alangphan chepaningdinglo. Bontame, monit atum komatma Alangli ado kipi lapen kangsai kephotang atum anke Alangli jakongthaepar alam chinilo lapen pima Alangli ke thangnat adai kedo chechakchelo. Monit atum komatma Alangli sai akeongpi chomatlongtang atum anke Alangliphan chinidamdak un’elo; kadokave komatma ahokpet Alangliphan archolo pu atum anke chinilo pima Alangli sai ke monit atum kamathathap pen chingbarbelo bonta kaiketa alangtum akamathathap abirudhe si thurlo. Alangli monit atum alangphan aningpadokri lonang mate Alangliphan kachehodaidet arpum kipipon pu nangnelo; alar ke, latum ahokpet karcho aman-apeng kipi lapen ahokpet kachehodaidet si longnangpo. Alangli lapuan akeongpi asai along, madu tame ahok kachomatlong atum ke Alangliphan karcho aman-apeng kipi si mathalo, atheke kar’idun aningkedok pen ingtui muchotlang. Monit atum ke Alangli kun theklonglo atheke Alangli ado kipi lapen kangsaipon asai pen ajok, lapen latum lasi Alangliphan man-peng pen archolo alangtum aning along. Arnam aphan ke aman-apeng pen karchovek nangji lapen alam karjudunvek nangji si jongdamlo, athema Alangli bang lapen Alangli kun anke hala kasorjontang abang atum pen chingbarbelo lapen ke hala sorjontang abang atum doan pen ingtuimulo. Arnam ke amena si hachelo lapen akai apar akai ta doverlo, Alangli ke kasorjontang abang kalilo, lapen Arnam anchot si karcho aman-apeng lapen athikpetnei kelong nangji apunlo; monit ke laso aphan apun-achak chokche. Lasi, kadokave komatma Alangli sai kachomatlongtang lapen ahokpet Alangliphan kachini atum anke Alangli pharman karcho aman kipi dolo. Bontame, hala komatma alangtum Alangli phuthak kamathathap alam che’othekthelang atum an – hala komatma Alangliphan chenam si Arnam pu kehok thekthe – Alangliphan thangnat karcho aman pipelo, lapen latum Alangli phiphi dunlo puvoiphit tame, latum aphan anke chepahemphuphelo; latum anke athikpet amonit atum kalidet asemalo. Kopima Alangli lason keklem pen kepalongdamji puke kadokave sorjontang api doan ta Kapinchong Abang aphan karcho aman kipi aning palong’etnang pulo, Alangliphan ro-archothek, lapen Alangli kepangri along thangnat hanghepin pen chehodaidundet henlo. Lahenlo kepadusi angtheklo pima kadokave Alangli sai kepalongdamji pu kipudam. Jongsi monit atum komatma lason asai chomatlongtang aphi Arnam aphan karcho aman pipedetlo, masapsonat tame, lapen jongsi alangtum kedamtang athikpetpe aot angton pen chelar thekthelang pulote, latum anke chenam-chenum si virdetvekpo. Jongsi inut abangphu Arnam aphuthak akamatha ke Alangliphan aningkedokdun anchotlo mate Alangliphan achar pen man-peng kipi chepaklangchot anvetlo, lapen masapsonat ta Alangliphan kanghon avelo pulote, lahenlo angthek ke pima inut abangphu Arnam aphan kanghon kavedet aning nangle tanglo, lapen laso abangphu ke kechoklimji aphan amung duredetlo. Jongsi puan akeongpi asai inut abangphu ahokpet akanghon longdam thekthedetlo pulote, laso abangphgu ke Arnam aphan longlelang lapen ahok aphan ningaklong pen riredetlo. Inut abangphu komatma Arnam aphan kanghon kave lote ahok aphan ta kanghon avelo lapen lasi Arnam aphan ta longlelo, Arnam akedeng kelongji ke durepik anlo. Lason amonit atum, bontame latum Karjong Kangthir asai chomatlonglo, lapen bontame latum ke kangsai ta chomatlo, tame Arnam aphan karcho aman chipi thekthelo. Lahei amonit atum anke komatma kachelar un’edet asemalo lapen komatma kahenopik akun kedo atumlo. Kadokave komatma Arnam aphan karcho aman chipi thekthedet atum anke virdetvekpo, kangsai ado kepho nangvekji ajatonlo, lapen ke hala komatma kaheno keklem atum aphan kangsai asonlo, anpar tame hala komatma kangthirthedet asai keklem atum pen ansose si chechaknangpo.