Kehai Lapen Kerem Kelongji ke Pima Monit Kedam Akrong Alinglo

Ongdung amonit atum Arnam aphan akekroi ke alangtum mohut kemang adim keledamji ajoine, mate malomsonat ningarong kachipi aphan. Athe komatmat ma thangnat ta kachepho lason avepinlang atum anke, latum Arnam aphan akekroi ke sining hemrengme kilutdun longji aphanlo, nong’e kelongji aphan. Latum Arnam aphan kroikre atheke kechoklimji aphan, mate Arnam pinchongtang api ateng adeng kacheklemji aphan kali. Lake pulote pima ongdung amonit atum ke alangtum arpu heihui kapachunji aphan, mate alangtum adeng kapatangji aphan ajoine Arnam aphan kroikre. Monit atum Arnam aphan kekroi pen ajor kedo akai-achethe kedoji aphan ke durepik an, mate lason komatmat si kekroi abang kedolo, pima monit ke reng’et apot, alang ke Arnam aphan chinghonvek nangji athema lake Sining angsong pen ahukumlo lapen pirthe along aron-atanglo keklem nangji, lapen ke monit atum kedolor pachun nangji asailo. Lason pen si, prekjam amonit atum alangtum mena-mena kemangdam, alangtum keklempon akemang lapen laso ningketheklong kedo’i doan tame cheprekjamlo puvoiphit sitame, lapen, kopi si akeonglo, athe ongdung alangtum karchodam doan athe ke latum isinat saide. Kedamtang koan lone asuri aningkan pen, penang an kekroi amuluk atum thi’etlo, lapen penang an atum ke thilo lapen puthot mahang thekthulo. Lake inut anchot mate banghini amonit atum komatma Arnam aphan si kiri, mate suri isi mate hini atum kali, tebonta ongdung laheihui amonit atum akiridam ke alangtum mena mohut kachetongji aphan lapen alangtum mohut anongthe ningkethe ajoine aphanchotlo. Komatmatma Khristo aphan si chipidet atum ke jumhek lapen laso angbong helopiklang. Penang an kekroi kachepathirklong atum tame alangtum mena apham along amat chingnangchek si thilo, lapen kehai’undet amonit aphai atum anke, anparta, ardi kedo masapovetlang. Pini arni an, kopi athe si monit atum keremdet, mate alangtum kehaidong abidi kopilo, lahei nonputa latum chininelang. Komatmatma Khristo aphan kiri si ningchepalut’it atum nonputa alangtum menmen aklong’et alam longlelang, latum ke laheihui kemanghumeme ason aklong an ledamdelang, athema latum k echini amat si chinine. Latum chepadukkruplo alangtum kiri along puvoiphit tame, latum kedam akrong ke alangtum pen aphrang atum keremtang kedam akronglo, lapen lake kehaidong akrong kalilo. Lason pen si, koson si latum akiri langdamdepin pen, latum tangte kedam akrong ke pima kangting anatthu kalima? Tangte latum kopima kelong ke kethordak athe kalima? Monit atum komat si kedamtang apor ahut kehaitang anke kopai keme mate kisung kephoji mo kijut ahut ke pu kethandammekji sungkrung khangjang. Koanma kaheno akesung kedolo, tangte, athe komatmat amonit atum si komatma keremtang atum akengbot aphiphi kiridun atum anke? Latum ke tangte ansose kethedung keremdetji along le karjap kalilangma? Kopi ale dolo latum kedam akrong along? Tangte latum ke alangtum apor phangnothap kalima? Monit atum alangtum keklem kiridam longlok mate longledet pu langdamdepin pen, ladak, thihek pen, latum keklem ke eson athe dolo, lapen lake pima alangtum kehai mate kerem puke latum ninghang aling ateng pen kiridun pu apot kali.

Monit atum Arnam aphan kekroi doan pen karsiknei akenangsot ke pima alang athikpet aning kedo, lapen ke pima alang amethang aphan apor chipidet, lapen ahokpet alam karjudun. Kopilo monit aphan akesungnei ke alang akai dingpi ahok akekroi aphan kachepalardun henlo, laso pen ajok alang angton ahok alam longpo, lapen alang adeng Arnam pinchong api ateng pachunpo. Lahenlo kopima komatsi kerem atum anke kelong un’edetji, lapen lake komatmatma Khristo aphan kiriredet atum anke ansose si longdunthuthelo. Athema monit ke Arnam aphan amethang angton pen kachipidet along ke mesense, athema monit ke Kapinchong abang aphan alang adeng kacheklemji ninghanghe, athema monit ke ahok aphan theklonglo bonta patepeklo lapen alang mena akrong si damlo, athema monit ke kaiketa komat si keremdet atum kedam akrong aling si aphiphi dunlo, athema monit ke kaiketa Sining hemrengme aphan cheklangsak pen kroikrelo, lasi, monit ke kaiketa remdetlo, kaiketa Sobar kachomosoi along si pondet titilo, lapen ke amena apham along si chingnangcheklo. Athema monit ke Khristo aphan chininelo, athema monit ke laso ahok aphuthak kachini lapen kachomat longledetlo, athema monit ke Paul aphan ansi archo aretlo lapen sining angsong aphan ke kar’i lit’onglo, athema monit ke kaiketa chohanglo pima Khristo alang lam karjuji lapen Arnam aphan si chotoilo, lasi halahei thedung amonit atum lapen komatmatma pirthe along akachelar kachomat longtang atum anke nonputa thi nangkok, lapen nonpu Arnam ado kipi angbong thibomlo. Kadokave lason amonit atum aphan Ne kipudunji ke pima latum ningduk akithi si thilo, lapen pima latum akephodam ke – alangtum kithi – lake keklem choklim kalipin penlo. Laso alangtum kerem ke tangte Sining hemrengme aron aphan ansose kachechak un’edet kalima? Laso ahok kevang ke pirthe along monit penlo, tebonta laso ahok monit angbong kepon ke Khristo. Lake Khristo pen vanglo, pima, Arnam Amethang penlo, lapen lake monit le kopine keklem undetji kali. Tebonta Khristo si laso ahok pajirlo; Alangli kevang ke monit atum alang ahok aphan kiridam along kichunji ma chunche pu kangvaiji kali. Lasi lasonlo pima ahok along kerem mate kehai ke kadokave monit akiridam abersilo. Monit atum kehai mate kerem ahok along puke Khristo pen thangnat chephodamklok ave, bonta alar ke alang kiridam ateng penlo. Monit kemang kijut adim keledam laoen alang kehai mate kerem puke Arnam aphu athak bikoknon, laso pen ajok Arnam Amethang si parpu nangji, athema lake Arnam Amethang apharman alam kalidet, bonta lake Arnam pinchongtang api doan pima keklemvek nangji adeng chenamlo. Ongdung amonit atum ke laso Paul lapen Pitor atum kiridam lapen kepajut adim keledam aphuthak masapso ansi chinidamchot, tebonta monit atum Pitor lapen Paul atum laso pen kephodamjivek alam ke jat ta chininepin, lapen ke Pitor kehai chepatujoi alam, mate Paul kerem’idet ason ke pima mathadamkranglo. Lapen lasi, jongsi monit atum alangtum akiridam akenangsot alam aphuthak angton pen kelangji thekthedetlo, tangte laso kiridam ke nangtum ongdung atum ke nonpu remvekpo, lapen jongsi kijumhek aphai atum anchot si hailo tame, latum ke Pitor pen ke nonputa chingbar dundelo. Jongsi laso akrong nang kiridam ke chokpetlo, tangte nang kehaiji aphan ningkethe do; jongsi laso akrong nang kiridam ahok along ke kechokchedet pulote, nang ke kehaiji aphan kaiketa un’elo, lapen ke Paul asonthot si kijutdam chetongpo.

Pitor ke komatma inut kapachoklimtang amonit. Ado kipi lapen kangsai kepho kachetonglong pen aphi ansi, lapen lasi Arnam aphan kangthir’et akanghon longlo, lake alangphan angton pen pachoklimlo; alang kedam akrong ke kechoklimji akronglo. Lake pima pulote, ha kecheng ahut pen tame, laso akrong pima Pitor kedam ke akechoklo, lapen alang Arnam aphan kekroidun pen ningkerung kelong ta akechoklo, lapen lasi alang ke inut kechoklim abang manlo lapen alang akimi akrong along damlo pima monit ke aphrang lason kedam longlepinlang. Tebontame, laso akrong pima Paul ha kecheng pen kedam ke Khristo pen kachetontedet akronglo, lapen lake athema Karjong Kangthir alangphan ke’enponji ninghang ajoine chotlo, lapen Alangli sai aphan ajoine alang anong’e lapen kadokave alang akeme ason an ale cho’enponlo, pima alang ke aningkan do’olo Khristo apharman sai keklempi. Alang ke komatma Karjong Kangthir asai keklem’i aphan ke’en abanglo, lapen alangphan ke’en’edet ke athema Jisu ke alang monit atheng aphan si jasemetpet kelang, bonta athema alang nong’e apot kali. Alang ke Jisu apharman klempi theklo athema alangphan ke parunhuplo, atheke alang la keklemji aningkarong apot kali. Alang ke lason asai klem theklo athema Karjong Kangthir akatheang lapen akachejapon dolo, lapen alang keklem asai ke alang kiridam apharman, mate alang monit atheng pen kalipinlo. Paul keklem ke inut ban asai ason si chepaklanglo, lake pulote pima alang ke thanbang ason asai si klemlo. Pitor, ke cheprekdak, puvoiphi tame: Alang tame ajahak asai klemlo; lake Paul ason thakthak kethedung asai kali, bonta alang mena kilutdunji aphan kiribom ahut si alang ta klemponlo, lapen alang sai ke Paul keklem pen akachepreklo. Pitor asai ke Arnam pinchongtang api atum adeng kacheklempon nangji atenglo. Alang ke thanbang atum ason ke sai klemkledetlo, bonta Arnam aphan kanghon kiribom ahut si klemponlo. Paul keklembom asai along ke alang salajong akiridam tame dolo: Alangli kiripon ke alang mohut aningkethe aphan pen anpar thangta kalilo, lapen alang kemesen kijut adim keledamji aningkehang. Alang ke kangsir dengdedetlo alang keklembom ahut, mate alang kangchei lapen kephoji dengdedetlo. Alang kekroidam ke pima koan arjikiding alang keklem pen Arnam aninghang ason ningkapangsam, lapen kadokave pima alang keklem ke Arnam aphan si ningkapangsam, tangte nong’e ke kithikpiding alangphan dolo. Alang sai along ke thangnat ta methang kephopon avepin – lake kadokave tame mena aphanchot, lapen kachelar kiridambom angbong le keklem kalipin. Asontin alang akeklem along ke kejor-kenam, ladak ke Arnam pinchongtang api ateng adeng mate kachipidet pu avepin. Alang sai keklemponbom ahut Paul aban akun along kachelar thangnat ta cheklangklepin. Alang sai ke bang aphan kelang-kelana anchotlo, lapen ke alang mena akun along ke kachelar van thekthedetlo. Paul alang sai damvet si klemponbomlo, kapachoklim mate kachetongpon avepin pen si, lapen alang ke nong’e aphan si ningrunglo. Pitor ke cheprekjek: Alang ke komatma kangchei lapen kephopon chetong longtang abang lapen ke kangsir tame chetong longlo. Pitor keklem asai akemang lapen ningkirung ke hala Paul pen akenang cheprekdak. Pitor ke akeongpi asai klemkledetlo puvoiphit tame, alang akun ke penang an kachelar dolo, lapen alang kopima kiri ke ahok henlo, lapen choklim kachelar. Alang sai ke keklem nangji asai pu ajoine le keklempon kali. Paul ke ongdung asai klemlo puvoiphit tame, lake kadokave asai ta Karjong Kangthir si klemlo, lapen Paul ke laso asai along chelangdun rappetlo puvoiphit sitame, alang thangnat ta chomat dundepin. Pima Pitor ke sai keklem jumchet athema alang pen ajok Karjong Kangthir akeongpi asai klemkledet puchot. Alangtum keklem aphai keong puke latum choklim kalima kalangma pu langdamde; inut abang akiridam kekhan ke nong’e kelongji aphan, lapen pima anut kaprek abang ke kapadusi Arnam aphan kanghon thekji aphan, lapen Arnam pinchongtang api ateng alang adeng chepachunji aphan, lapuan si klempo pima alang Arnam ninghang kapachunpiji apharman ingdukjin araje tame chipidet unlo. Athak pen tame latum ke chingbarbe, lapen lasi alangtum akenangsot alam banghini ta cheprekdaklo. Nang puthip un’edetji latum aphan komat si kopuan akeong asai keklem pen ajok kapachoklim loma puke. Pitor kerengji kiri ke komatma Arnam aphan kanghon abang arje henlo, Arnam alam ateng karjudun abang ason henlo, kangprun lapen kangchei tame kedengdunthek abang, lapen Arnam pinchongtang api ateng alang adeng kapachunthek abang ason henlo. Alang ke Arnam aphan apor chipidet ta unlo, Arnam arideng si angton pen amethang aphan pidet unlo, lapen kithi anta Alangliphan si kroipo. Pima lahenlo alang keklemji kachepathik lapen, anpartame, pima lahenlo alang kelong. Lake jasemetpet akenang ke pipot si kijut ahut alang lapen Paul akacheprek alam athe. Karjong Kangthir Pitor along keklem asai ke pima alangphan pachoklimji aphan, lapen Paul along Karjong Kangthir keklem asai ke alangphan ke’enponchot. Lake athema alangtum asema lapen alangtum kiridam aphuthak kelangdam tame isinat kalidet. Banghini along tame Karjong Kangthir sai ke dolo. Pitor ke laso asai amethang along si enlo, lapenthu bang aphan ta piponlo; Paul, tebontame, Karjong Kangthir asai ke angton pen tame bang aphan si pajir chotlo, lapen amethang aphan ke jat ta chepalongledetlo. Lason pen si, alang penang an aningkan Karjong Kangthir asai chomatlongdet aphi, Paul along akachelar kedo ke kavedet ason ansi manlo. Alang nonpu tame alang methang kedolor angdeng ansi doverlo, lapen alang kedamtang aPaul ason si doverlo. Lake pima penang an aningkan aphi sai keklem kesung chechakdet aphi, alang kosonsi “sai” keklem nangji charlilonglo, lapen kachechak’un tame charlilo, bonta alang aban asema – alang kangtuiving kachepate lapen khi-dat kapangrum asema – nonpu ta dolang. Penang an aningkan sai klemdet aphi tame, alang kehenodak akun alang chichininedetlo, mate alang aban akun an alang amethang aphan che’o’edetlo, lapen lake nonpu ta alang sai along klardak pen theklonglo. Alanglong ke keklem kethektang anchot si dolo, bonta lason masapso kethek pen anchot ke alangphan pachelar un’e lapen kereng aphuthak lapen alang kiridam akenangsot alam alang kamathadam kapachelarji un’e. Alang penang an aningkan Khristo apharman sai klempilo puvoiphit tame, lapen Hemphu Jisu aphan pathithuthelo pu tame, alang aning along ke Arnam aphuthak kachinidam akachelar avedetlo. Lake athe piloma alang keklem ke Arnam aphan amethang apor chipidetji pu apot kalidet, bonta alang ke alang mohut kijut keledamji adim aphan ajoine si sai klem nangkok apot. Athe, kecheng ahut, alang Khristo aphan aduk inghoilo, lapen Khristo along chehodaidedetlo; alang ke Khristo aphan chinilor ta kekhamkhe chedandong abang si manlo, lapen Karjong Kangthir asai thangnat ta kachininedet abang si manlo. Alang sai ketangpo pu ahut an, nonputa alang Karjong Kangthir asai chini dundelang, lapen ke alang methang along kedo aot-adur ateng akiridam si cheparjanlo, Karjong Kangthir aningkehang aphan masapsonat ta ardi pipepinlo. Lapen lasi alang asema ke Khristo pen chelangseletlo lapen ahok alam kroikredetlo. Komatne lason abang, komatma Karjong Kangthir asai aphan ke’obup, lapen komatma Khristo aphan kekhamkhe – kosonsi lason abang ke kejok kelongpo? Monit atum kejok kelongji ma kelongle loma pu kelangdamji ke koan si alang sai keklem pen pu kalidet, mate koan si alang apor kachipidet, bonta alar kelangdamji ke alang Karjong Kangthir asai chiniloma chinine, alang ahok ateng sai klem thekloma thekthe, lapen alang kiridam aphuthak ahok ateng pen cheton loma chetonte.

Pitor le Jisu aphiphi kidun kecheng pen aphi methang kapaklang avelang puvoiphit tame, alang asema ke, ha kecheng ahut pen ta, komatma Karjong Kangthir aphan kachipidetthek lapen Khristo aphan kiri abanglo. Alang Karjong Kangthir aphan kachingkime ke ingthirjir: Alang ke nongme lapen keplang-kephi rirelo, bonta alar ke ahok aphan athikpet si ningrunglo. Pitor le Khristo aphan batai kethom an kachinine chekrongdet puvoiphit tame, lapen alang Hemphu Jisu aphan asat langlo puvoiphit tame, lason masapsovet monit atum akeboi kedo ke alang asema pen cherapre, lake alang mohut akiridam along thangnat ta phodunde, lapen lake alang asat kelang ke hala Khristo abirudhe kithur atumlo pu dorchit an pangthekno. Pirthe adang kadokave amonit atum tame monit akeboidet ke doreplo – tangte nang Pitor aphan kacheprekchet nangji pu mathadam puhe? Tangte monit atum Pitor aphuthak kopine prekchet kamathadam doma athe ke alang kiludet kechokche penang an klemdet apot? Lapen tangte monit atum Paul aphan ningdok’oma athe ke kadokave alang keklem an apot, lapen kadokave alang ketok alo an apot? Kosonsi monit le monit akedoivet kedo pen ajok kelangdam kethekpo? Chenam ta komatma bangso kemathadunthek kedo pen ajok lason ardi kavedet ason kopine langthekma? Pitor keso kachechak penang an aningkan apot ke Baibel along ketokpon avedet puvoiphit tame, laso pen ke pima Pitor ke choklim kachomatlong avedetlo, mate pima Pitor aphan pachoklimlelang pu jongdam un’e. Kosonsi Arnam keklem asai le angton pen monit atum kachinidam unji? Jisu salajong le Baibel along ketokpon kedoan alam ke kangvaipon kali, bonta aphithu aove atum si kepangrumpon. Laso pen ajok lasi, kadokave pima Baibel along ketokpon doan ke monit atum kekroidam kamatha ason pen ajok le kangvaipon kalima? Anpar sita, Pitor lapen Paul atum akijutdam ke ketokpon alo along kethan pachinine, lasi monit ke Pitor lapen Paul aphan alang mena kamunthidam ateng pen si ingsaidamlo, lapen alang mena aningkehang aling pen ajoklo. Lapen athema Paul ke ongdung asai klemlo, athema alang “keklem kacherapdun” doan ke thedung, alang mulukpi akekroi longlo. Tangte monit ke la kamathakrang ason aphan si ardi pichotlo kalima? Kosonsi monit le monit akedoivet pen ajok si kelang damji pu kethekpo? Jongdamdedet sita, pima Paul aphan ke ningkan suri aphan karcho’iji ahormu si pemanlo, komatma alang sai mathakrang pen patepek abang? Pitor ke inut ok kiri abang, lasi koson pen alang keklem kacherapdun ke Paul ason thakthak akethedungpo? Latum angbong keklem kacherapdun pen langdamlo te, Paul si Pitor aphrang ke nong’e long nangjilang, lapen alang si komatma Arnam kechekroi kelongdun’un abang plangdet nangjilang apotlo. Komat si lason kahemandampo, Alangli Paul aphan kelangdam along, alang nong’e pen ajok si Arnam alangphan sai paklem’ilo, tebonta Arnam Pitor aphan ke pachoklimlo. Lake pulote athema alam ke Hemphu Jisu si Pitor lapen Paul aphan ta ha kecheng pen kepathiktang do’etlo: Latum ke, bontame, alangtum kedolor asema heihui pen ajok si pachoklimlo mate sai paklem’ilo. Lapen lasi, kopima monit atum ketheklong ke monit athak kacheklang keklem kacherapdun chotlo, tebontame kopima Arnam ketheklong ke monit akedoivetlo, lason thkathak si monit atum kecheng pen kidunji pu akronglo, lapen monit akiridam keklemthek aningkirunglo. Monit atum alangtum kamunthidam alam pen ateng si monit aphan linlo, lapen alangtum mena akekroidam ketheklong ateng penlo, tebonta inut amonit akejutdam ke alang athak kacheklangsak pen apot le kelangdamji kali. Lapen lasi Ne pulo pima jongsi nang kecheng ahut pen tame kehaidong akrong along si damlo, lapen nang kiridam aphuthak ke akechok abanglo kecheng pen tame, pulote nang ke Pitor asonlo; jongsi nang ke keremdet akrong si damronglo, tangte nang ajat anam le tupon sitame, nang akejutdam ke Paul asonthakthak si isinatpo. Ajat alam pu tame, nang kijut kemang adim ke, lapen nang remlo mate hailo pu siatme, la hini ta nang kiridam ke chokloma mate chokchedetma pusi langdamji, tebonta nang kangduk kardom, mate nang pima anam kitu apot kali. Pitor lapen Paul atum akenangsot alam, lapen pima latum kemangdam kachepeduk ke, cheprekjam; monit ke laheihui ahormu kepalongdam un’edetji, lapen Arnam anchot si alangtum angton pen lahei chiniji. Athe kopima Arnam ketheklong ke monit akedoivet henlo, bontame monit ke alang mena akenangsot alam thangnat chinine. Monit ke monit along kedo akenangsot alam mate alang ahokpet atheng kachelangji thekthelo, lapen lasi Paul lapen Pitor atum kerem lapen kehai athe sitame kapatangthekdunji un’edetlo. Kopi apot si ongdung amonit atum Paul aphan karcholo lapen Pitor aphan kali athema Paul aphan ke rat asai si enlo, lapen monit ke laso asai longdun theklo, lapen lasi monit atum ke Paul “kelong kichun” heihui apot choro theklo. Pitor keklem kephopon ke, lasonsi, monit atum theklongle, lapen pima lake monit atum kelong un’edet ason si alang ke kiri, lapen lasi monit ke Pitor along ardi pidundelo.

Pitor aphan choklim kapeman ke kephopon lapen kangsirpon ajoinelo. Alang pulo, “Ne ajat apor ahut tame Arnam ninghang ateng ningpangsamvek nangji. Laso along pima Ne keklem ke Ne Arnam aninghang ateng ningpangsamji si richotlo, lapen Nephan le ado nangpi, mate ingsai, nonpu Ne ke keklemji ningarong si do.” Pitor ke kadokave Arnam aphan si chipilo, lapen alang asai, lamthe, lapen akai dingpi tame kadokave Arnam aphan kanghonji ajoinelo. Alang ke komatma kangthir’et kiri abang, lapen koanma alang kephoponlong, lapuan sose akethedung si alang aning arlo ke arnukkrung pen Arnam aphan alang akanghon dolo. Paul, tebontame, athak cheklangsak asai si klemlo, lapen alang keklem chepeduklo puvoiphit tame, alang kachepeduk anke alang keklem kapamesenji pu aphan ajoine lapen lake nong’e kelong’iji aphan. Alang tangte pima alang jongsi nong’e longle pu chini, alang ke alang sai ingtonkokji. Pitor ke alang ningarlo ahok akanghon aphan si chelana pemelo, lapen pima lake asai pen lapen kichun unji. Alang ke nong’e longji longle puke mathadamde, bonta alang kun kachelarji aphan si mathalo. Paul ke keklem kachepedukpikji si matha’elo, alang ke athak kacheklang asai lapen kangduk kardom aphan si matha’elo, lapen monit jongjong atum kepho longlelang kekroi kethan alam aphuthak si matha’elo. Alang ke amethang aklong’et pen kachelarji mate Arnam aphan ahok kanghonji aphan ke thangnat ta mathethelo. Pitor kachetongpontang ason anke ahok akanghon lapen Arnam aphuthak ahok kachinidam kelongji aphanlo. Alang kephopon anke Arnam pen kachepho chetebok kelongji aphanlo, lapen laso ateng asai keklemji aphan. Paul keklem asai ke athema Jisu pen kepekpontang apot si klemlo, lapen alang kar’idam ahormu kelongji aphan si klemlo, tebonta laheihui ke alang methang lapen Arnam aphuthak kachiniji pen kacheraplok ave. Alang sai ke salajong ado kipi lapen kangsai pen kachepajokji aphanchot. Kopima Pitor kiridam ke ahok akanghon, lapen kopima Paul kiri ke kangthirpet aphutup kelongji aphan. Pitor penang an aningkan Karjong Kangthir asai chomat longlo, lapen ke Khristo asai keklem chinidun longlo, lasonthot si amethang aphan kethedung kachichini ta dolo. Lapen lasi, alang Arnam aphan akanghon ke ingthirpet. Penang an aningkan kangsirpon pen alang Jisu aphan lapen akai aphuthak kachini rungphaklo, lapen alang akanghon ke atin-aje avepin akanghonlo, lake kechaknap kave kevangbon akanghonlo, lapen alang adular thangnat ta chohanghe, mate alang ajat ale aphan ningthedamde. Paul penang an aningkan sai klemlo, tebonta alang Khristo aphuthak thedung kachinidam cheparideng longledetlo, lapen alang amethang aphan kachinidam tame masapsovet ningoi meme henlo. Alang ke chenam si Khristo aphan kanghon ave, lapen alang sai lapen akrong tame pima alang kedambom anta kijut ahut anong kelong’iji aphanlo. Kopima alang kiri ke kemesen aphutup aphan, ahok akanghon kalidet. Alang prangset pen rirelo, bonta ainitilo, alang ke alang adeng cheklemklelo, bonta alang kiridam si khansiplo Karjong Kangthir asai ingtonkok aphi an sitame, Lapen lasi, alang kiridam ke angthek ave pima alang ke Arnam pinchongtang api atheng chemanmelo; lake Pitor henlo komatma Arnam pinchongtang api atheng kemandun athe ke alang adeng cheklemlo. Monit ke mathalo pima kadokave komatmatma Arnam aphan keklem cherapdun atum anke nong’e long nangji pulo, lapen pima koan kethe keklem kacherapdun, lapuan sose si lake pima latum Arnam aningkedok longpo pu pathiklo. Monit akedoivet pu kelangdam ke kachepalar do, lapen alang ke Arnam pinchongtang api ateng adeng kacheklemji aphan kiri prangsetselo. Athe Arnam ke, koanma monit atum Arnam aphan ahok akanghon kiri lapen Arnam aphan athikdut choklim, laso kipudam ke alangtum Arnam pinchongtang api ateng adeng kacheklemji aphan kirilo, lapuan si latum ke Arnam pen kedengpon longdun unpo. Arnam kelangdam alam ke pima monit aphan alang abinong’et adeng lapen atheng kachepamethuji si hanglo. Monit ke Arnam kapinchong api, lapen lasi monit ke Arnam aphan amethang abat kengkam chejor si hang nangne, lapen Arnam pinchongtang api ateng alang adeng kacheklem pen anpar ke thangta klem nangne. Pitor lapen Paul kijut keledamji adim ke latum Arnam pinchongtang api ateng pen alangtum adeng cheklem thekloma thekthema pu penlo, lapen alangtum keklem kacherapdun pu kethe-kibi pu kali; alangtum kijut keledamji adim kepangthekji ke pima latum kecheng ahut pen kopi si kiriloma, kopuan asai si latum keklem loma pu ateng kali, mate bang kaprek monit atum latum aphuthak kehokdam apot kali. Lapen lasi, Arnam pinchongtang api ateng pen inut abang adeng prangset pen keklemji kiri ke kehaiji akronglo; Arnam aphan ahok kanghonji pu akrong kiri ke kechoklimnei akronglo; inut abnag aban akun kachelarji pu kiri, lapen Arnam aphan ingthirjir akanghon kiridun, lake kehaiji akronglo. Lason kehaiji akrong ke Arnam pinchongtang api atum abinong’et kacheklang arje lason thakthak si abinong’et adeng kachelongthuji akronglo. Lake kachepamithuji akronglo, lapen lake kadokave Arnam asai kecheng pen kejut an akemangdamlo. Jongsi la monit akiridam ke salajong phangnothap ason si hanglo lapen ajor kave ahormu si kar’idun chephangnodetlo, tangte laso angthek pima kelongji ke monit akun along kachelar avelo. Lahenlo kachepamithuji asai keklem akesungdam kedo. Lake theklorlo Karjong Kangthir keklem asai kali, lapen laso kethandak ke pima lason thakthak akiridam aphan Arnam ke dengdedetji. Kopi ale si dolang lason akiridam ke pima Arnam le kedengdedet pulote?

Paul keklem asai ke monit angno si chepaklanglo, bonta kosonsi alang Arnam aphan ingthirjir akanghon doloma lapen koan si alang Arnam aphan alang ningarlo epn kanghon akarnuk doloma – laheihui ason ke monit theklongle. Alang keklem asai kopima la anchot si monit ke theklongji, ladak pen monit kachinidam ke alangphan chenam ta Karjong Kangthir si asai enponlo, lapen lasi monit mathalo pima Paul ke Pitor pen mechetlo, pima alang keklem ke themunaklo, athe alang ke mondoli aphan padordun theklo. Pitor ke alang mena apharman akephodam ansi chelangchotlo lapen jumhek amonit atum aphan ansi alang keklemponbom ahut longchotlo. Alanglong pen ke ajahak masapso – kachini alo si dochotlo, bonta komat si chini koanma alang Arnam aphan akanghon ke alang ningarlo karnuk loma? Arni keklang, arni kichidam an, Paul Arnam apharman si klempilo: Koan asai do loma kapachun nangji dotik an, alang klem patanglo. Alang mathalo pima lason pen si alang phutup longdunpo pulo, lapen Arnam aphan ningpangsampo pulo, tebonta alang sai pen ajok amethang aphan kachelarji aphan akrong rirelo. Pitor akai along ajat tame pima Arnam aninghang aphan ningpangsamse apot anke alangphan padonodaklo. Jongsi lake Arnam akar’idam ningpangsamse, tangte alang ke aningoipik si chemathapo, lapen ke kopine alang Arnam aning kapangsamji aphan keklem chepedukmeji kemesen atovar si choridamthupo. Alang kai along akibinei lapen ke ale kavenei apor kachetong ahut tame, alang amethang aphan Arnam akar’idam si ningpangsamji aphan klembomlo. Alang aban akun aphuthak le keledamlo pulote alang chepajumje kehang ke, alang amethang aphan ahok along aklong kilutji pu akenang along tame cheparsikpiklo. Paul kiri ke chobeibei anongnam lapen man-peng aphanchot. Alang kiridam ke amethang aphan monit angno kachepaklang’iji puchot, lapen chethe along kilutdunji aphan ke thangnat akarnuk akengkam aphan ridunde. Kopima alang kematha ke aron alam kethan aphuthak anchot, bonta ahok apot kali. Ajahak amonit atum pulo, “Paul ke Arnam apharman sai klempik anlo, kopi apot si alangphan Arnam aning avedetlo? Pitor ke Arnam apharman klempilo sitame masapsonat, lapen mondoli aphan tame thedung keklem kacherapdun pu ave, kopi apot si tangte alangphan ke pachoklimlo?” Pitor Arnam aphan inghonlo elong angdeng an, Arnam akenangji ateng pen; lason amonit atum anchot si lason hakhi chipi thekji. Lapen Paul ke kopilo? Kopuan aphant ansi Paul Arnam aphan chinghonlo? Nang chinima? Kopi si Paul asai ke keklemdamlo? Lapen kopi si Pitor asai ke keklemdamlo? Pitor ke ongdung asai klemklelo, bonta nang chiniloma alang aningarlo akarnuk along kopilo kedo? Paul asai ke mondoli atum aphan ketoi ahukum heihui, lapen mondoli aphan kacherapdun pen chingbarlo. Kopima Pitor kephoponlong ke alang akai akun kachelar henlo; alang kephopon ke Arnam aphan kanghon henlo. Nonke pima nang chinilo alangtum akenangsot akacheprek alam, nang theklonglo komat si, kapadusi ke, Arnam aphan ahokpet kekroilo, lapen komat si Arnam aphan ahokpet kekroikrelo. Latum angbong inut ke ahokpet Arnam aphan inghonlo, lapen anut kaprek abang ke ahokpet Arnam aphan inghonhe; inut abang ke alang akun chelarpon longlo, lapen inut abang ke lapu kali; inut ke chepabihek pen ruthailo, lapen monit atum pangthek joikekelo, lapen anut kaprek abang aphan ke monit atum archolo, lapen ke thedung arje cheklanglo; inut ke kangthir si rilo, lapen inut abang ke kalilo, lapen alang ke ingthirthedet puvoiphit tame, alanglong ke kangthirjir akanghon cheparideng movelo; inut ke monit atheng cheparideng pemelo, lapen inut abang ke kalilo; inut ke Arnam pinchongtang api ateng si chemathadam dolo, lapen anut kaprek abang ke avelo. Lason heihui henlo Paul lapen Pitor atum akenangsot alam kacheprekdam kedo. Pitor kedam akrong ke pima kehaidong akronglo, laso akrong ke monit atheng kachepamithu kelongji akronglo lapen Arnam pinchongtang api ateng adeng chepamithu longpo. Pitor kacheklang ke kadokave komatmatma kehaidong atum apharmanlo. Paul kedam akrong ke keremdet akronglo, lapen alang kacheklangpon ke kadokave komatmatma amethang aphan chobeibei ason along kachipi lapen apor kapedam atum apharman, lapen Arnam aphan athikpet pen chinghonhe. Paul kacheklang ke kadokave komatmatma ahok kelongledetlang atum apharmanlo. Alang Arnam aphan akekroi along, Pitor kiridam ke asontin tame Arnam aphan ningkapangsam henlo, lapen kadokave pima Arnam pen kevang an kekroidunji si rilo. Masapsonat ta kejongdun patepekpepin pen, alang ke ado kipi lapen kangsai tame dengdunlo, lason thakthak si kangsir, thedung akesung lapen alang kai along kavepin pen kedam, isinat ta lahei alang Arnam aphan kanghon ke lar un’elo. Tangte lake kapadusi Arnam aphan akanghon kalilangma? Tangte lake Arnam pinchongtang api ateng pen adeng kachepachun kalilangma? Ado kipi, kangsai, mate thedung akesung ahut pu tame, nang ke kaiketa kithi ahut anta kachepabihek kelongji unpo, lapen lahenlo kopima Arnam pinchongtang api kelongvek nangji, lahenlo Arnam aphan kanghon akangthirpet. Jongsi monit le lapuan longlo pulote, alang ke Arnam pinchongtang api atheng chenamlo, lapen laso pen anpar akeme ke Kapinchong abang akar’idam ningpangsam avelo. Mathanon pima nang ke Arnam aphan sai klempi theklo, tebonta nang ke Arnam alam arjujelo, lapen ke Arnam aphan ahokpet inghon thekthedetlo. Lason pen ajok, nang ke tangte Arnam pinchongtang api ateng pen adeng chepachun thekthedet anchot kali, bonta nang ke Arnam kapinrem abang si chemanpo, athe nang ke komatma ahok kelongledet abanglo, komatma Arnam alam karju thekthedet abang, lapen komatma Arnam aphan athikdutdedetlo. Nang Arnam apharman sai keklempiji si matha’elo, lapen laso ahok ateng asai keklemji mate methang aphan kachiniji ke mathathedetlo. Nang ke Kapinchong abang aphan chinine lapen pangthekthedetlo, lapen alam ta arjuje mate Kapinchong abang aphan inghonhelo. Nang ke komatne Arnam aphan plangmena athikdut kavedet aot abang, lapen lason amonit atum Kapinchong abang aphan kachinghon avedetlo.

Ajahak amonit atum pulo, “Paul ke kemesen ongdung asai klemlo, lapen alang mondoli anghor thedung parphangponlo lapen latum aphan penang an klem cherapdunlo. Paul ketok son krethom alo ke ningkan suri hini Kanghon-Kangjinso Akai apot angtheklo, lapen ke son Phli Birta Keme alo along adunthulo. Komat si alang pen pangbar unji? Madu tame John pen Kepaklang alam ke lardet un’e, tebonta Paul ketok alo ke chethe pilo, lapen laso asai pima alang keklem ke mondoli heihui aphan ale dolo. Komat si lason ahormu kelong abang dolo? Lapen kopi asailo Pitor keklem?” Monit le bang aphan linlo tangte, alang ke alangtum keklem kacherapdun ateng pen si langlo. Arnam le monit aphan linlo tangte, Alangli ke monit asema ateng pen si langlo. Komatmat si chethe kiri atum angbong, Paul ke komatma alang mena kedoivet apot kachininedet abanglo. Alang ke chepabihekhe mate athikpetpelo ajat ahin pen tame, mate alang ke alang akenangsot alam ta chinine, pima lake Arnam pen akachepreklo. Lapen lasi, alang ke komatma angton pachoklim pen kephoponnang abanglo, lapen ke komatma ahok ateng asai keklempon abanglo. Pitor ke lapu kali. Alang ke alang akechokchedet ason, keboidet ason, lapen alang kahenodak akun Arnam pinchongtang api ateng pen chichinilo, lapen lasi alang ke kekelmji aphan akrong ta dolo alang akun kachelar’iji aphan; alang ke hala komatmatma kethan kekroi alam kelongdun bonta ahokpet ke cheparideng longledet atum angbong kalilo. Komatmatma kachelar atum anke akimi amonit kejok kelong atum saidelo, latum doan ke komatmatma ahok kelongdunji aphan atheng atunlo. Monit atum komatsi kachelarledet atum anke komatmatma kebantang ason atum saidelo; latum doan ke komatmatma kejok kelongledet atumlo, lake pima, komatmatma Arnam aningkedokde lapen ke’otang atumlo. Latum aphan ke Arnam aningchibibelo kopuan thedung asai alangtum le klemlo pu sitame. Nang le lason nang mena akiridam pen pangbardamlo pulote, nang ta kapadusi ke hala Pitor ason thakthak abangphu atenglo mate Paul ason thanthedet ta cheklangtang nangji pulo. Jongsi kopima nang kiridam along nonputa ahok avelang, lapen jongsi pini arni an nang ke nonputa Paul ason ane thekloi lapen ingtang’oi aot dokoklang, lapen ke alang ason si nonputa athikpetpe alam ningje lapen kethek chekrongbomlang, tangte nang ke theklorlo komatma keremdet kahenodak abanglo. Jongsi nang Pitor asonthot si ridunlo, jongsi nang kiri ke keklem-kedam lapen ahokpet akachelar, lapen ke ane chepathethe mate ninghang aling klemkle, bonta nang deng kacheklemji si ridunlo, tangte nang ke Arnam pinchongtang api ateng komatma kehaidong kelongji abanglo. Paul ke alang mena akenangsot mate kahenodak apot chichininedetlo, alang mena angthikdut kalidet aot tame kachini durepik anlo. Alang Khristo aphan theklor kelangselet kekhangdun puke alang chethanthe, mate alang abat ta aningchiruire. Alang ke masapso si than pajirmi chotlo lapen, alang aning arklong’et ke, alang Arnam aphan angton pen chehodaidelo. Alang Damascus atovar along chingkoibuplo puvoiphit tame, alang ke amethang aphan aklong’et pen chelangledetlo. Alang ke keklembom apot si chehok chotlo, lapen alang ke amethang aphan kachichiniji ta chelangledetlo lapen alang aban akun tame kisungkrungkrung alam apor ahut anta chelarlelo. Alang ke ahok alam kaningje apot anchot si ningchepangsamlo, bang atum aphan alang mena kethek kachinidam ateng pen ningkapangsam si padorlo, lapen anpar ke Jisu arisangho atum aphan amethang ningcheparengmeji apot aduk inghoihelo lapen alang aban apap doan amethang aphan diyalo. Bangso akemang pima alang kiridam ke ajat ta kalilo bonta mohut aphutup lapen kachelarvoi asai aphanlo, alang kiridam akemang ke ik’un’e akangjinso aphanlo. Alang ke dorchit an ahok aphan rirelo, mate alang ke laso ahok eth eke alang kedamtang ahut chininedet ta akarnukkrung an kedamji aphan ke rirelo. Alang kachinidam amethang aphan ke laso apot si pachobeilo pulo, lapen alang ke ado kipi lapen kangsai dengdelo. Lake pima alang keklem undet apot le alang amena asema mate akenangsot alam kachini dolo pule kipudam kali; alang kejongdam ke athak kacheklang asai anchot. Kopima alang kachepeduk athe ke, anpartame, chelarledet, bonta gian henlo. Alang sai ke angton pen ta Jisu le Damascas atovar anat kedam kacheklang angtheklo. Lake alang abinong’et ta keklemji pu pathiktang apotlo, mate laso asai ke pima alang aban akun kangcheipon dengdundet pen aphi si keklanglo. Alang koson si keklem loma langdamde, alang aban akun ke chelarle, lapen lasi alang sai ke alang kedamtang apap adular kachitu puke kalidetlo bonta alang akai ahut mondoli angbong sai keklempichot ansi planglo. Athe lason abang ke, komat si aban akun kachelarledet – lake pulote, komatma kejok kelongle abanglo, lapen ke anpar ansose ahok kavelo – alang ke komatma Hemphu Jisu kedengpontang abang ke kachemandunji aphan un’edet khangjanglo. Alang ke komatma kanghon lapen Jisu aphan man-peng kipi plengset abang kalilo, mate alang ke komatma ahok kiridun abang kechoklim kalidetlo, alang ke komatma ok kachepharlotang abang kemanghumeme ason kiridun ke durepiklang. Alang ke komatma lam chobei kaningjethekchot abanglo, lapen komatma alang pen kangtui muchot abang mate komatma ahok kacheparidengtang abang aphan ke chepabidundelo. Alang ke pima alang pen kacheprekdak amonit atum lapen ahok aphan, mate alang pen kachememedet aphan, jasemetpet ke komatmatma kemesen anongnam kedo lapen kethek-kere ongdung cheparideng amonit atum aphan anke aningsodunlo. Alang ke kidukdet amonit atum komatma ahok atovar kiridun lapen ahok aphan pen anpar ajat ta langledet atum aphan anke kachingkiji aninghanghelo, lapen alar ke amethang aphan hala abarim dhorom asong kacheja atum komatma kekroi aron alam kethanchot atum, lapen ke kethek-kere keongparpik atum aphan ansi mathadunlo. Alang ke Karjong Kangthir akimi keklem asai aphan inghonhelo lapen Karjong Kangthir akimi asai keklempon ason aphan lanadundelo. Adular ke, alang halahei aron lapen kekroi aron alam kethan pima la kedoprong ahok aphan kangtui muchot apot ansi ardi pidunlo. Alanglong kedovek akedoivet lapen angton pen kopima alang kiridam, alang ke komatma ahok aphan kiri aKhristian puke hok un’elo, Arnam ahemtun along kekroi thirklong aban kemanji tame kalipinlang, athe alang chongthui-chobei litpik, alang athikpetpe aot thepik an. Alang le Hemphu Jisu abanlo puvoiphit sitame, alang ke sining arat adonri kilutdun longji aphan chenam ta atheng kalidetlo, athe alang akeklem-kedam doan ha kecheng pen kijut anta ingthirpetlo pu hok un’edetlo. Alangphan ke komatma chongthui-chobei abang pusi theklongchotlo, lapen ke kangthirthedet ansi klemlo, tebonta komatma Khristo aphan klempidunlo. Alangphan ke kahenodak pu hok un’e puvoiphit tame, alangphan ke komatma kangthirthedet keklem abang amonit pusi kehokmelo. Alang ke sai klempiklo, tebonta alangphan ke alang sai koan loma keklem pu pen ke ingsai un’e, bonta laso keklem akeme lapen akenang ateng pen anchotji. Lason pen anchot si lake laso alam aklong’et paledam unji. Alang ke kaiketa kroilo: “Ne sai keklemji aphan theklo, Ne ongdung amonit atum pen mechetlo; Ne ke madu ta un’edet Hemphu anghor kaparphang unji abanglo, lapen Ne asonthot ningkachirui karsik ke madu ta un’e, athe nephan ke thedung atur paklang tanglo, lapen Ne laso thedung atur theklong’etlo, lapen lasi bang akaprek atum pen ne ningkachirui ke arnukchetlo.” Laso apor ahut, lake kopima alang aningarlo alang kamathadamlo. Alang keklem asai kapajut ahut ke, Paul pulo: “Neli ron chedan pame tanglo, neli kekat kachebai paplengdun peme tanglo, lapen non dhoromipet pen akedo-kethak apot kepi kehai anong’e neliphan nebipiding tanglo.” Alang kachedan, sai keklem, lapen kachepatedun ke angton pen tame athe ke kangthirpet aphutup aphan ajoine chotlo, lapen alang keklem ke prangsetse pen aphrang damdelo. Alang ke aninghanghepin pen si alang sai cheklemlo puvoiphit tame, lake lasonlo pima alang sai ke alang akechokche apot kapakeng’iji aphan ajoine chotlo, alang kamathadamthap alam akoi kedoan kapakeng’iji aphan puchotlo. Alang ningkethedam ke alang sai patangji aphan chotlo, alang kachepate kapatangji, lapen alang kachedan doan un’an pen chedanji puchotlo, laso pen ajok alang kadokave prapjin pen alang kar’inei kangthirpet aphutup kelongdunji aphan ajoinelo. Kopima alang kar’idam ke Hemphu Jisu aphan alang keklem-kedam lapen ahok akethek-kere pen kachetongdamji pu kalidet, bonta laso pen ajok alang un’an pen asai keklem kapatang henlo, laso pen ajok alang nong’e kelongji aphan pima alang sai ke alang Hemphu Jisu aphan kachetong pen alangphan longlo. Alang sai keklempon ke amethang akerengmesen aphan, lapen mohut aphutup pen kachelarji pu kachepek aphanchot. Kopima alang kiri ke ahok lapen Arnam aphan kalidet, bonta phutup aphan anchotlo. Koson si tangte lason akiridam ke hala isi angdeng an keledunpo? Alang ningkirungdam, alang sai, alang kipitang anam, lapen kadokave alang kachepeduk – alang kemesen kahemandam alam si kadokave lahei aphan dothiplo, lapen alang angton pen keklem ta alang mena ninghang ateng penlo. Alang angton pen sai keklem along, alang kipitang anam apot ke masapsonat ta ningkehangdam avedet; alang ke kopine kelong’iji aphan anchot si klemlo. Alang kachepeduk anta alang adeng ateng kacheklemji pu aningkehang pen kali, bonta halaso kopine kelongji aphan akemang pen ajok si aning kapahang chotlo. Tangte lason kachepeduk along ke ale doma? Komat si alang kangthirthe kachepeduk apot kachoroji? Komat si lason kachepeduk along aningkehang dolo? Alang sai ke mohut aphan amangmun si plengchenlo, kemesensan akemangdam si plengchenlo, lapen monit akun kachelarji pu akrong ke la avedetlo. Alang kachingkime koan do tame ahok chekrongchot; alang sai keklem ke chethe pipelo, bonta kachingkimesen atheng pu kapachobeilo; lake hala kachepathik along si dolo. Kosonsi lason asai le monit aphan alang abinong’et adeng kachepamithuji along kachejapon thekpo?

Kadokave pima Pitor kiridam ke Arnam aning aphan. Alang kiridam ke Arnam aninghang kapaplengji aphan, lapen kesung-keboi doan chechaknang pu sitame, nonputa alang ke Arnam aninghang paplengji chisikding. Laso pen anpar inut Arnam aphan kekroi abang kethedung kiridam ke avelo. Kopima Paul kiridam ke alang mena ok pen, alang mena kamunthidamthap pen, lapen alang mena kemangdam lapen abidi pen si keter plengset. Alang ke Arnam pinchongtang api atheng nahok penta cheman un’e, komatma Arnam aninghang kapaplengji le kiri abang ta kali. Pitor kiridam ke Arnam kisik-kedang along kachipidundet henlo, lapen alang keklem ke thedung kalidetlo puvoiphi tame, alang kiridam kekhan aningkirung lapen laso akrong pima alang kedam ke akechoklo; alang le penang an amonit atum aphan longledetlo puvoiphit tame, alang ke ahok atovar si ridun longlo. Athema laso pen apot lake pulo pima alang ke Arnam pinchongtang api atheng chemanlo. Pini arni, jongsi nang le sai klembang kali, nang ke Arnam pinchongtang api ateng adeng cheklemthek nangji lapen Arnam akisik-kedang along angton pen kachipidundetji si ridun nangji. Nang ke Arnam ajat le nangpu ta arjudunlap thek nangji, lapen kadokave akesung lapen akangsir doan tame chechakdunthei nangji, lapen nang le boidetlo puvoiphit tame, nang ningarlo ke Arnam aphan kanghonthek si nang dovek nangji. Komatmatma alangtum mena achethe arpu kache’en’un atum anke Arnam pinchongtang api ateng adeng kacheklemji ninghanglo, lapen lason amonit atum kiridam aphuthak kemathadam tame akechok abanglo. Laheihui amonit atum aphan henlo Arnam kenangji. Jongsi nang ongdung asai klemlo, lapen nag kethan alam bang atum longdunlo, bonta nang methang amat ke chelarledet, lapen thangnat ahakhi ta arjap thekthe, mate ajat akechok kephodam ave, laso ke pima mo kijut ahut nang chethe, nonputa kopima nang hakhi kachipi thekthedet abang si manpo, tangte nang ke komatma kachelar abang loma? Tangte nang ke komatma ahok aphan kiri abang loma? Laso apor ahut, nangphan Karjong Kangthir nang’enlo, bonta nangphan Alangli nangke’en ahut, Alangli nanglong pen pima asai ke’enme aphar si enponlo, lapen Alangli asai kevangvedet aphar anke nanglong pen en’edetlo. Jongsi nang kachelarji si rilo, tangte nang ke laso asai ke’enbom ahut si nangphan pajo pen pachoklimpo. Tebonta Karjong Kangthir ke nang kapadusi longdun loma longle puke arpu nangchodeng dundelo, lapen lake nang kiridam kekhan along ateng si langdampo. Jongsi nang salajong akun along thangnat ta kachelar avedet, tangte pima nang kiridam aphuthak kemathadam tame akechokchelo. Jongsi nangphan ke nong’e longdundelo, tangte pima nang mena akasiksaklo, lapen athema nang methang si ahok ateng asau klemkledetlo lapen ke Arnam akar’idam ateng paplengpi thekthedetlo. Lapen lasi, nang salajong kachomatdamlong pen anpar kethedung akenangsot ke avelo, lapen nang salajong kilutdun pen anpar akasiksakdamji ke avelo! Ajahak amonit atum pajut ahut kaningje ke, “Ne akeongpi asai Nangli pharman klemlo, lapen Ne le chehokmeme kehai kelongdam avedetlo puvoiphit sitame, nonpu Ne ke kachepeduk along ardi chipi pemelo. Tangte Nangli nephan siningrengme along chethe athe kecho longji aphan palut longleloma?” Nang chinivek nangji kopima Ne ningkehang amonit atum ke; komatmatma kangthirthedet atum anke Khristo kepangri arat arlo lutdun longledetji, komatmatma kangthirthedet atum anke kangthir achatai along kaphangnodamdetji puke longledetji. Nang le sai akeongpi klempiklo puvoiphit tame, lapen penang an aningkan klemlo, jongsi kepajut ahut nang ke nonputa kaheno chiliungthutbung abang, tangte lake pima nang Ne kepangri arat alongri arlo kilutji ninghang puke Sininghemrengme aron along ke chechakdop un’elo. Pirthe kecheng anujok pen pini arni antame, Ne kepangri arat alongri arlo Ne ninghang ateng pen kachetontedet atum aphan anke Ne lapuan kapajoike pen palut longlepinlang. Lake sining angsong aronlo, lapen madu tame phangno un’elo! Nang chethe rivek nangji. Pini arni, komatmatma kepachoklim atum doan ke Pitor aphan asonthakthaklo: Latum doan ke komatmatma alangtum mena akun along kachelarji kiri atumlo, lapen komatma Arnam apharman hakhi kachipiji lapen alangtum Arnam pinchongtang api ateng adeng kacheklemji ninghang atumlo. Lason amonit atum aphan anchot si pachoklimji. Jongsi nang ke nong’e aphan si langchotlo, lapen nang mena akai akun ke chelarji rirelo, tangte kadokave nang kachepeduk doan ta ale avedetpo – lake kelar un’edet ahok alamlo!

Pitor lapen Paul atum angbong akenangsot kacheprek alam nang chinivek nangji pima kadokave komatmatma chethe kiriredet atum anke kachepeduk ale avelo! Nang Arnam aphan kroilo lapen Arnam aphiphi dunlo, lapen lasi nang ningarlo nang Arnam aphan inghonvek nangji. Nang ke nang kahenodak akun doan arei padarvek nangji, nang Arnam akar’idam kapaplengpiji si rivek nangji, lapen nang ke Arnam pinchongtang api ateng adeng si cheklemvek nangji. Nang kroilo lapen Arnam aphiphi duntangdetlo apot, nang ke Alangliphan si ajat tame chipithei nangji, lapen ke salajong aningkehang mate akenang doan ke hanghedet nangji, lapen nang Arnam akar’idam kapachunpiji aphan si longvek nangji. Nangphan pinchong tangdetlo apot, nangphan ke pima Hemphu si pinchonglo apot alam arjuvek nangji, athe nang ke nangmethang aphan kedolor kachepahemphuji un’e, lapen nang mena kijut keledam adim aphuthak kachejaponji ajakong ave. Nang ke komatma Arnam aphan kekroi abanglo apot si, nang ke kangthirjir lapen kachelar si ridun nangji. Nang ke Arnam pinchongtang api tangdetlo apot, nang ke nang deng along si che’otthip nangji, lapen nang dim chibi nangji, lapen nang ke nang deng pen abat kamkedet nangji. Lake nangphan kekhangji aphan kalilo, mate kekroi kethan alam pen nangphan keberthipji kali, bonta alar ke nang deng kacheklem aphan nang kedam akrong pen, lapen lake kelongji aphan – lapen longvek nangji – kadokave komatmatma kangthirpet pen keklem atum an. Jongsi nang le Pitor lapen Paul angbong akenangsot alam pangbardam lote, nang chiniji kosonsi nang kiridun nangji. Pitor lapen Paul kedamtang akrong along, isi akrong ke kechoklimji aphan, lapen isi akrong ke kevirdetji aphanlo; Pitor lapen Paul banghini ta hini prekjam akrong si thanlo. Karjong Kangthir asai banghini tame longdunlo puvoiphit tame, lapen latum Karjong Kangthir akatheang lapen adak-atur longdunlo, lapen banghini ta denglo pima Hemphu Jisu latum aphan kepekpon ateng, latum angbong athe kapathedam ke isinat kalidetlo: Inut si ahok athe pathelo, lapen anut kaprek ke kalidetlo. Alangtum akenangsot alam along pen, pima latum keklem asai, pima latum athak kachepaklang apot an, lapen alangtum akijutdam along, nang chinidamvek nangji koloso akrong si nang dun nangji, koloso akrong si nang kedamdedet nangji. Latum kedam akrong ke hini ta klardak kacheprek do. Paul lapen Pitor, latum kedam hini akrong aphuthak klardak akethan atumlo, lapen lasi ha kecheng ahut pen latum ke laheihui sonni akrong angthek pi pemelo. Kopipilo Paul kachetongpon ardi kedo asonson, lapen kopi apot si alang pachunchedetlo? Kopipilo Pitor kachetongpon ardi kedo asonson, lapen kosonsi laso kephodam pen kechoklim unlo? Jongsi nang pangbarlo latum angbong kopima ardi kipi, tangte nang chinipo ahokpet kopima Arnam ningkehang abangphu kopuson, Arnam akar’idam kopi loma, Arnam akun ke kopi loma, kopuson abangphu aphan si padusi ke kapachoklimjima, lapen ke koson abangphu aphan si kapachoklimledetjima; nang chinipo kopi akun si dopo komatmatma kechoklim atum anke, lapen kopi akun si dopo komatmatma kechoklimledet atum an – laheihui akenangsot alam aphuthak ke Pitor lapen Paul akephopon along si chechartheipo. Arnam si kadokave ahormu ta pinchonglo, lapen lasi Alangli kadokave kapinchongtang ason doan ta Alangli kachepahemphu aber si bilo lapen Alangli kachepahemphupon along si pachehodaitheilo; Alangli si kadokave ahormu aphan anta hokum pilo, laso ajok kadokave ahormu tame Alangli rideng si dolo. Arnam kapinchong ahormu kedo’an, marat-mareng, thengpi-thengphang, monit-monor, inglong-arlok, lapen langroi-langjeng, lapen talo-langbi do’an – kadokave tame Alangli kachepahemphu aber si do’etvek nangji. Sining angsong lapen longle athak kadokave ahormu kedo’an tame Alangli si chepahemphulongvek nangji. Latum along ajat ta avelo lapen kadokave ta Alangli kisik-kedang along si chipitheivek nangji. Lake Arnam si hukum pilo, lapen lake Arnam along si langchari ajakong dolo. Arnam si asontin tame hukum pilo, lapen kadokave ahormu aphan ta aron pilo lapen keme-kaheno angdeng pilo, asontin aphan tame kopi-koson ahormu ma thakvetlo, lapen alangtum mena angdeng pireplo, Arnam akar’idam ateng penlo. Koanma kethedung puvoiphit sitame lake, Arnam abat ke asontin tap alit un’elo, kadokave ahormu ta Arnam pinchongtang monit akhei aphan si ru-thailo, lapen Arnam alamm asontin ta patepek haihe mate Arnam along kenangji chohang haihelo. Laso apot si monit ke, Arnam pinchongtang api ateng pen, monit adeng cheklemvek nangji. Alang ke ahemphulo mate la kadokave ason kelena abanglo puvoiphit sitame, koanma monit aman-peng kangtuilo la kadokave ahormu angbong pu sitame, bonta alang ke Arnam kachepahemphu aber ke kibihek amonit arpum chotlang, lapen ke akenangsot ardi kavedet amonit abang pu akeongpik ke kalilo, Arnam pinchongtang apilo, lapen Arnam pen athak ke do un’elo. Arnam pinchongtang api ateng pen, monit ke Arnam pinchongtang api ateng adeng keklemji si rivek nangji, lapen kaprek ajat alam pupe si Arnam aphan kanghonji rivek nangji, athe Arnam ke monit akanghon kelong nangji aot dolo. Komatmatma Arnam aphan kanghonji kiri atum ke methang ale aphan ri nangnelo mate pima latum salajong akar’idam ason ke riredet nangpo; lahenlo kiridam akechoknei pu kipudam. Jongsi kopima nang kiridam ke ahokpetlo, jongsi kopima nang keklem-kedam ke ahok atenglo, lapen jongsi kopima nang kelongdam ke nang kachelarlo, tangte laso akrong pima nang kedam ke akechok abanglo. Jongsi kopima nang kiri ke ok ahirjume aphan, lapen kopima nang keklem-kedam ke ahokpet nang mena kamunthidam ateng, lapen jongsi nang kun along thangnat ta kachelar ave, lapen nang ke ok along Arnam aphan masapta athikpetpe pulote, lapen nang ke nonputa keklardakdedet, tangte kopima nang kiridam ke nangphan meherang si chenam ta nangponpo, athe laso akrong pima nang kedam ke keremdet akronglo. Nangphan pachoklimjima mate pavirdetjima pu kelangdamji ke nang mena akiridam ateng penlo, lake pima pulote monit atum kedam akrong ateng pen si kehai mate kerem ke longpo.