Monit Aphan Arnam Ke’enpon Aphuthak

Inutnat tame salajong si kerengji puke un’edetji jasemet komatmatma Karjong Kangthir ahin pen keprekjek kachejadun lapen kethan-kemumdun atum ansi unchotji, athe latum ke komatma Arnam ke’entang atum asai lapen kivipon aphan akenang dokok. Lasi, akaitin along tame Arnam prekjam amonit atum komatma Alangli sai apharman pu ajoine pen mondoli heihui kivipon aphuthak keklem ketongpik atum aphan lanalo. Lake pudamlo pulote, Arnam asai ke komatma Alangli kelang kedengme lapen chikidamme atum pen ajok si klemponpo; Karjong Kangthir ke latum along aklong aphar pima Karjong Kangthir asai aphan ke’enmeji apun-achak si envek nangpo, lapen latum aphan anke Karjong Kangthir ahin pen pachoklim peman si Arnam ke’enponji atheng pinchonglo. Athema monit akethek pen kachinidamji ke durepiklang, alangphan ke komatma Arnam ke’entang atum si vipondet nangjilang; lake Moses aphan le Arnam ke’enpon pen isinatlo, alanglong Alangli pima halaso apor ahut ke’enmeji atheng akeongpi longdamlo, lapen atheke Alangli enpon si Arnam asai halaso angdeng ahut paklem’ilo. Laso angdeng along, Arnam monit aphan ke’en pen alanglong ephar tame ale cho’enlo pima Karjong Kangthir ahin pen sai keklem ke’enpon kemeji aphan, lapen Karjong Kangthir si alangphan chejaponpo lapenthu lasonsi ahin kedolang anta pachoklimpo, hala ke-enponnodak aphar doan.

Komatma Arnam ke’enpontang abang asai keklempon ke Khristo mate Karjong Kangthir asai keklem pen pajalangdun rappetji aphanlo. Laso amonit aphan ke monit angbong si Arnam lanalo, alang ke kadokave Arnam kangvaitang atum doan aphan chejaponji si dolo, lapen alangphan Arnam kelana ke monit atum kajalangdun rappet asai kepaklem’iji aphanlo. Komatne lason abang pen si, komatma monit atum kajalangdun rappet asai keklemthek abang, alang pen ajok si ansose monit aphan Arnam akenangji heihui lapen asai anta pima Karjong Kangthir le monit angbong keklem nangji an longdam unpo. Laso alam ahin kaprek pen chethandamthu lote: Arnam akemang laso amonit aphan ke’enpon ke pima kadokave komatma Arnam aphiphi kidun pen Arnam akar’idam kemesen kachini’iji aphan pulo, lapen ke Arnam akenangji heihui ansose kelongdunji aphanlo. Athema monit atum anke Arnam alamthe mate Arnam akar’idam menmen pen chinidam un’edetlo, Arnam si komatne matma lason asai keklem’iji ke’enme aphan lanalo. Laso abangphu komatma Arnam ke’enpon aphan ke monit atum aphan Arnam atheke kejapon pu akronglo pule pudet ta choklo, Arnam lapen monit angbong kachingki-chethan komatma “lamlar” keklemdun abanglo. Lasi, lason amonit ke komatmatma Arnam ahemtun along sai keklem atum mate komatma Alangli risangho atum pen cheprekdaklo. Latum ason, alangphan ke komatne komatma Arnam aphan kiru-kethai abang pumelo, tebonta alang asai keklem atiri kenangsot along lapen Arnam alangphan ke’enpon aklong alam ke akaprek sai klembang lapen arisangho atum pen alang ke thedung akacheprek dolo. Alang sai keklem kenangsot atiri lapen alangphan ke’enpo aklong alam pen langdam lote, alangphan ke Arnam si kisikpontang atheke Arnam asai aphan, lapen alang ke Arnam Amethang asai along jalangdun rappetlo. Madu amonit tame alang dular ke alang sai klempi un’elo – lake kangthirpet asai arep-arei along kachekak un’edet pima monit atum kajalangdun rappet pulo. Akaprek sai klembang mate risangho atum keklempon asai ke, lasonsi, bontame akaitin ahut mondoli aphan penang an aphar kisik-kedangpon heihui keklemji lapen kepachun’iji aphan pulo, mate mondoli achethe kelang-kelanaji aphan pu ajahak kejoike chethe aphan ketoi asailo. Lahei sai klembang lapen risangho atum anke Arnam le arpu kepekpon kali, latum ke komatma Karjong Kangthir si ke’enlo pu kehokdamji ke aphi alamlo. Latum aphan anke mondoli atum angbong si ingvaiponlo lapen, latum aphan seke pidet lapen penang an apor aphan tiki-inghoidet aphi, komatma kibi meji atheng atum aphan doan padopo, lasonsi komatma kibi meji atheng kalidet atum doan aphan ke latum konat pen si kevangma toithujuipo. Athema lahei amonit atum anke mondoli atum angbong pen si ingvailo, ajahak atum ke alangtum keja abang mandet aphi ahokpet alir cheklanglo, lapen ajahak atum ante penang an henodak asai klemlo lapen kedengmeji atheng pen sun nangtuk dolo. Komatma Arnam ke’enpon amonit ke, ahin kaprek pen langdam lote, komatne hala Arnam ahin pen si sikdangtang abanglo, lapen komatma isi kithirklong ajakong cheparideng abanglo, lapen ke monit apun-achak choklo. Alangphan ke Karjong Kangthir si kecheng ahut pen sikdanglo lapen pachoklimlo, lapen ke angton pen Karjong Kangthir si chejaponlo, lapen, jasemetpet alang sai keklempon ahut, alangphan than-mumdunlo lapen Karjong Kangthir si hukum piponlo – laso pen ajok lake Arnam kangvaitang atum aphan kachejapon akrong pen akaprek suiphitphelo, athe Arnam si Alangli mena asai aphan arpu che’enpon pemelo, lapen kedoan apor tame Alangli mena asai Arnam klemponlo.