Kai Kimi Ahut Ahukum
Arnam asai kachomat along, nangtum Arnam alamm chekre peme nangji lapen nang methang ahok chepelong nangji. Bonta nangtum kopi si keklemji ningkehang mate kosonsi keklemji ningkehang ma, haladak ke nangtum arsikjit akardom mate kardom akenang avelo, lapen chenam-et si lahei ason ke akenang avelo. Alarke non, nangtum kesung kachetong nang atheke nangtum kosonsi Arnam asai kachotmat nangji thekthedet apotlo, lapen nangtum ke’ongdung manghulo. Nangtum ke’ongdung aron chinilo, bonta nangtum ahok ke ong’eh, lake kechokche angtheklo kalima? Nangtum along kechokche ongdung theklong lo, laso adilung. Pini arni, nangtum lapuson asat “sai-klembang,” ateng chepalong un’edetlo, lapen munthidam un’edetlo mate akaprek asat ta chepalong un’edetlo lapen Arnam alamm atengpen aketer ta chevar thekthedetlo. Nangtum abeh kachinghoi ahut ongdung ason ot’thip vek nangji. La kepudam atheke monit atum keklem nangji asai ke’ongdung doji. La henlo monit atum ke’otthip nangji, lapen lake keklem peme nangji asailo. Karjong Kangthir le Alang keklem nangji ason an pacheklemnang; pima monit atum thangnat ta chejokdun un’e. Monit atum kopi si keklem nangji ma otthip pen klem pame nangji lapen lahei asai ke Karjong Kangthir pen thangnat kacherap ave. Monit atum keklemvek nangji asai ke, Aron Barim aphan le ke’otthip ason thakthak non ta aron ason si ot thip nangji. Non ke Aron ke’otthip akai kali tema, bonta, ejahak alam ke otthipthe te chokche lapen lahei alam ke Aron Akai ahut kaningje alam asonlo. Lahei alam ke Karjong Kangthir aphan kachiki pen le keklem asai kali, bonta, lahei ke monit atum ke’otthip nangjivek ason penak. Bisar alam:
Arnam keklem asai along nang kangsai dunji nang’ot ave.
Arnam apharman karjappi abangphu aphan nang chedan nangne.
Arnam angno nang karjap adim chichini nangji lapen kaheno anat suiri.
Lam kaningje cherepik nangji, lapen nanglam nang sai keklem an ta Arnam nang kapeklemtoi ateng si klem nangji.
Arnam amen pen hakhi kecho abang plang nangji. Arnam asai lapen Alang ingho pen kebar alam an nang patepekdetri.
Arnam kaningje alam lapen kemangdam alam an kaningje charlipiri.
Langdamphruilo pulote, Arnam amen pen karjap abang aphan kachedanji le klemri.
Aovetin aphan ta ke’ongdung aron ke’otthipji si monit atum aphan Arnam semar pilo. Lapen si, monit atum akekroi, aning angthin lapen koan ahok doma lang’ilo. Bisar alam, Aron Barim arni ketok “Nangpi-nangpo aphan man pinon” pu alam langdam sinang. Laso alam pini akai ke ale do’o’edet tahai; dihu isi ke, lahei alam monit atum kedo-kethak kachekhang’iji aphanchot, lapen lake monit atum koan Arnam aphan kroilo ma pu kapangthek’i ason cheplangdetlo lapen Arnam aphan monit atum kekroi pu angtheklo. Nonke recho lapen rat kapangri akai lo pu sitame, ejahak aron ke monit atum otthipvek nangkok. Hako akai aron ke non akai amonit atum aphan ke chingbarbedet tahai, lapen non akai pen kachingbar memuchot aron monit atum ke’otji aphan dopik lapen lahei aron ke akenangsot. Lake Karjong Kangthir keklem asai pen thangnat kacherap ave lapen lahei aron ke monit atum si klem nangji.
Kangjinso Akai arni ahut, ke’ongdung Aron Akai arni ke’otthip aron kevar dopiklo pima laso akai ahut lahei aron aphan ale do’o’edetlo. Laheihei aron var’et pen aphi, kangjinso akai arni pen kacheton aron si monit atum otlo lapen pini anta laso aron si otthiplang. Pini monit atum kekroi a’Arnam kevang anke, lahei aron pidetlo lapen monit atum otthip nangnedetlo, lapen non akai pen kacheton aron si ke’ongdung atum rimlo. Pini arni, lahei asai keklem ke aron kali, bonta ale ketheklongji aphan si klemlo; laso aron ke pini-penap akai pen ta cheton, lapen thekma te aron cheplangdet tahai. Pangrumpet langdam pulote, pini aphan athe kelongji le nangtum laso aron aphan otthipnon. Penap aphan nangtum ajat ta mathari: pima, ajat le klem ta pini aphan si klemlo. Pima, penap vanglo te, nangtum kekroi nangji aphan memuchot aron nangklangji-sita laphandet nang kamatha nangning do’eri. Laso alar, Arnam aphan kachedandedetji le pini ke’otthip nangji aron an otthipnon. Pini arni, monit atum lahei aron kekroithip pen apar ajat ta ave:
Nang Arnam aphan kachongthuithapji bor-i-e det nangji atheke nang mek angden karjap abang angno, mate ajat asonta Alangliphan patudetri.
Nang ingno karjap a’Arnam amek angden lam juno, hijim meme alam lapen lam kangtang ningjeri.
Arnam amek angden along nanglam kedok, lam keme lapen Alang nangphan nang kachemesenji le pachobei nangne.
Arnam amek angden along nang ingtang’oi nangne. Arnam angho pen kebar alam an nang kroithip nangji, lapen patepekri, chedanri, lapen chetorko dunri.
Arnam kaningje alam kechoklim along nang ning kamatha aling lindunthapri. Kahingno atum ketot apham along keklokledetji le nang de aphan chirim pemenon.
Arnam nang kithikpi ang’ang pen kekapke detji le nang kengkam chelangpemenon. Nang jongsi patepek lote, Arnam aphan langrop si kachobei lapen chepethe’oi alam ningjepo, anke nangphan Arnam nang hijimpo.
Monit atum nang kangnek choichedetji lapen hi’i sobar atum nang kachongthuithedetji le Arnam kaningje alam nang ingho pen kalili-kalanglang pabarthapri.
Pini akai along a’Arnam keklem asai an nang kroipet nangji. Nang jongsi arjuthekthedet pu sitame, lam lindunthapri; kiri lapen kachingrum pen anpar nang ajat ta klem un’e.
Arnam ahokpet karjap adim majok ta patepek longle. Monit anchot jongbosi, Arnam aban keman pen anpar nang ajat ta klem longle. Nang monitchot pu alam pen apot Arnam aphan lam than nangne – lake kechokche asailo.
Majok ta Arnam amen pen karjap abang adim paparjapjenang; nang lamthe, nang sai keklem, lapen nang ning kamatha anta monit ateng si arjap nangji. Lake kekroivek nangji asonlo, monit atum arpulo, lapen majok ta larthap nangne; kelarji pu kabor’i abang ke aron karkan abanglo. Laso alam majok ta chematha nangji.
Arnam lam kaningje lapen monit pen kachingki penang an apor dinglo, lapen laso ajok monit atum Arnam alam kaporhi lapen ning kachibi charli ke kenangsot asai pusi mathalo. Majok ta keklemvoi asai aphan mathathe, lapen nang kekroivek nangji asai sita kroikre. Laso pen ajok, nang keklem asai along kisung ke’ongdung chetongnanglo. Nang jongsi Arnam alam keputang ateng pen kengkam kachejorji pu ahut kekroi nangji ason kroikredet pulo tangte, nang ke inut Arnam pen kahijim lapen kekoitang abanglo. Laso along kengkam kachejor ahut, ahokpet lapen do pame nangji. Lahei aron aphan kangnangchek aphamri ason pinchongche ra, aron ason ben kroithipnon. Pini arni, kopi si ale kelongji ma pu kamatha pen nang chepasiksak’iri; thihek pen pudamlo pulote, Karjong Kangthir asai keklem ke lapu henlo, lapen komat ma aron karkan abang aling akesung phovek nangji. Karjong Kangthir ke ingjinsose, lapen nang non kamatha ateng pen nang matha dunde. Nang jongsi pini arni Arnam aphan aning pathihak lote, Alang nangphan ado nangpiji. Nang jongsi Alang keklem ason angbong esonbak alam pen aning pathihak lote, Alang nangphan nangpejokjedetji. Nang Jisu alam koan kroi loma lapen koan ahokpet rengloma Alang lakhakhe. Nang jongsi pini Arnam ahukum arkan lote, Alang nangphan ado nangpiji, lapen nang pethilotpo. Koson si nang latum ahukum kroikredetji pu ke kedeng unpo? Nang kroivek nangji, kisung le pho nangkok sitame! Ajat anim rokom, angkang, adet lapen aro pen sita, non ephrang pen ke laso akekroi ateng pen si kroidunvek nangji. Majok aphan ta palomle, lapen majok aphan ta pajokpongpe! Pima, lahei asai ke pini Karjong Kangthir keklemji asailo, lapen majok ta laso asai aron parkankenang. Lake ason kethedung ason kalidet tahai, bonta laso asai anuttin amonit atum klemvek nangji lapen lake anuttin amonit aphan Jisu pen kikimpi aronlo, lake kithi pen kithur lapen sining angsong karlu abanglo. “Laso Akrong … (7)” along Jisu kipu nang mesen amonit ma mate pap pen keplengset amonit ma ke nang Arnam aphan pini kamatha aling pu tokte ma? Majok ta laso alam apot tengneri. Aron akai ahut, Pharisee atum aove ove anta Arnam aphan kroilo, bonta, Kangjinso Akai ahut latum Jisu aphan chininedetlo, lapen Alangliphan chedandutlo. Lasi, latum keklem ason anta thangnat ta plangpledetlo lapen ale avedet asonlo, lapen latum keklem asai Arnam dengdedetlo. Nang jongsi la theklonglo tangte, nang joike pen pap klemklelo. Pudamlo te, keongdung amonit atum Arnam aphan chedanlo. Arnam aphan kachedan domesen ma? Dokjok ma hodaklo? Nang la chinivek nangji; kachinine ason cheplangri. Pudamlo te, ejahak amonit atum ke aning arlo ke kroi ingtungte. Bonta, Ne nangphan nang kapereji ke nang klem langlangtha – lapen koson ma chomattha. Lason pulote keongdung amonit atum ke laso aphuthak mathathapthelo. Keongdung amonit atum Arnam alam porhilo, bonta aning arlo Alangphan hijimlo. Alangphaan lason chedan lote, nang ning arlo nokso pen nang kerotlut ason nang chetheklongle ma? Hem isi angbong ning kachetonte kalidet pulote, ok kerengno, mate nang somar aphuthaktong kisung akeongpi nang ok le kithi pen jokplot sita, Arnam ari nangphan nang’o’edetji. Nang kamatha lahei joikeji putong kitin ma? Ahokpet alam abang ke, laso alam kamathavek nangji atum ke Arnam adung kedo ke’ongdung arat atum. Apor dambom lote, nang la tengnedetji, lapen, chechininepin pen, nang asat along klochokji lapen ajat ason ta matha thekthedetji, lapen lahenlo nang pap keklo kapangcheng ke. Laso alam nangphan thangta kalidet ason si nang ketheklongma? Nang jongsi la klem peme lote, nang kemesen amonit kemanji angring do – Arnam angno vang pen Alang ingho pen mamat kemesen alam kedenglong. Nang jongsi klem pameme pulote, nang sungpikji – nang ke Arnam aphan kachedan abanglo, nang lam lapen nang keklem ason anta amo vangvelo, lapen derchet prapchet pu sita nangphan lang atarthui nangpondetpo. Anuttin ta laso aron apot ning chibi pemetu. Nang jongsi arkan lote, Arnam amen pen karjap abangphu nangphan nang pinremredet tahai, bonta Karjong Kangthir ke nangphuthak aning kithi jut un’e-pleng un’epo lapen Alangli nangphan nang pejok pongpelo. Nang keklem kechokche apot ado kepho nang chechak unma? Lasi, Arnam ajat le pu sitame, Alangli kaningjetang alam apot nang asai klemvek nangji, lapen un an pen kroithip nangji. Lake kejoike asai kali!