Kaheno Monit Atum ke Ansose si Arnam Monit Kacheparje Abang pen Kejok Kelong Nangji Akenang Dolo

Arnam ok kacheman ke athema Alangli sai ajaton ke Sobar akarjong kalidet, mate thangnat ta kepaphome ason kali, bonta monit, komatma ok abanglo lapen Sobar si kaphangnotanglo. Lake klardaklo athema monit aok ke henotanglo pima Arnam si Alangli sai ajaton aphan monit aok si pemanlo; anpartame, monit ke kahenodak nangji ajatonlo, Arnam ke monit aphan si Alangli sai ajaton pemanlo kadokave Alangli kepajok asai angdengtin along. Monit ke arnisi thivek nangji, ok lapen avi tame, lapen Arnam Inutpet anchot si monit aphan pajok unji. Lason pen si, Arnam ok chemanvek nangji pima Alangli sai keklemponji aphan monit asonthot aok-abang ateng chepindeng nanglo, laso ajok Alangli sai angthek kemesen longji meme pulo. Arnam Alangli sai klardak pen keklemji aphan ok chemanvek nangji athema monit ke ok pinaklo, lapen pap pen kachepahaidetji mate amethang aphan ok pen chepaheloji un’edetlo. Arnam ok chepharlotang abang atiri lapen angthek ke monit atiri lapen angthek pen thedung kacheprek dolo puvoiphit tame, tebonta Alangli arje kacheklang ke monit ason si pima pangtheklo; Alangli ke jongjong amonit ason si cheklangponlo, lapen jongjong amonit akai ason si rengdunlo, lapen komatmatma Alangliphan ketheklong atum anke jongjong amonit pen paprek thekthelo. Laso jongjong araje kacheklang lapen jongjong monit atheng pen henlo Alangliphan ke Alangli kangthir’et asai jongjong monit atheng along kapachunji dorlo. Alangli ok si Alangliphan Alangli sai jongjong monit atheng along paklemtoilo, lapen monit angbong Alangli sai paklemji aphan cherapdunlo, lapen Alangli monit atheng, anpartame, Alangliphan monit angbong kepajok asai paklemji aphan cherapdunlo. Alangli jongjong monit atheng pen ajok ongdung monit angbong pamanghu’et ason dolo puvoiphit tame, lason kapamanghu ke Alangli sai keklempon mesen along thangnat ta pasiksakdundelo. Pathihek pen, Alangli jongjong ok keklem asai ke monit aphan kangtuiving ale dolo. Ongdung amonit atum Alangli jongjong monit atheng dengdundelo puvoiphit tame, Alangli sai ke nonputa angthek longbomlang, lapen laheihui angthek doan ke Alangli jongjong monit atheng kachoro longponlo. Laso along jat ta kamanghuji avelo. Alangli sai along pen ok along, monit ke batai kep mate penang an ansose ason si longdamlo Alangli jongjong monit atheng aphan monit angbong kamunthidamthap kedo pen pulote, lapen lason kamunthidamthap ke angton pen kapadusi ke Alangli sai si pangromlappo. Lapen laso angthek ke pima Alangli sai kelongtang, atheke pudam lote, laso kachinidam pima monit atum Alangliphan, Alangli phuthak monit kamunthidamthap aphan ardi kedo helopiklang. Alangli sai ok along keklempon ke kamathadunji mate kipunji aphan atovar amat si avelo, athe Alangli ok ke pima thangnat ta monit abang aok ason si chingbarbelo, athak abang arpum ke pangthekme puvoiphit tame, arlo atiri ke lason kalidetlo. Alangli ok ke penang an kamunthidamthap alam monit angbong Arnam aphuthak pathurlo, tebonta Alangli ok ke monit aphan ongdung gian palong ponlo, lapen ke majok amonit aphan tame chepahemphudet unlo lason athak cheklang abang arpum cheparideng pen. Athe Alangli ke monit jongjong ason kalidet, bonta Arnam lo tame monit ason athak abang arpum ke, lapen inutnat tame angton pen pangthek thekthe mate Alangliphan chinidamde. Lason ketheklongledet lapen kepaphodam un’edet a’Arnam aphan ke kadokave tame ingho lapen denglo. Jongsi Arnam ke Karjong puanchotlo pima monit aphan patheklonglelo, lake monit aphan joipiklo Arnam along kekroidunji. Monit atum alangtum kamathadam along joike pen chejadun longpo, latum Arnam arje methang ningkachingsam lapen methang ningkarongpon aphan aling si ajat arje tame chongvaipo. Lason pen si, monit atum alangtum mena Arnam akar’idam lapen ningkehangnei latum aphan kapaklemtoi aling si klemponpo, thangnat ningkangthakrik avepin penlo. Kopi si akeonglang, monit atum kroilo pima latum pen anpar ke madu tame Arnam aphan chepabi lapen chehodaidet puke avelo, lapen pima kadokave kaprek atum anke Gentile amethan saidelo, lapen Arnam aphan athikpetpelo. Lake pudammelo pima lahenlo kopima komatmat si Arnam aphan kekroi ke klardakde lapen kekroi kethan aron alam ateng pen kiri atumlo; kopima latum kiri ke kadokave tame chingbarkrilo, masapta akacheprek avelo. Lake pima Arnam araje alangtum kamathadam along ke cheprekdak chotlo, tebonta alangtum arlo atiri along ke chenam si isinatlo.

Monit ke sungselo alang Arnam aphan kekroi kejokvan pen lapen Arnam aphan aninghang aling ateng pen si kroilo. Lahenlo isi “ajakong lapen kejokvan monit aphan,” laso pen atheke madu tame chejokdun un’elo, athe monit atum alangtum mena Arnam aphan si kroilo lapen anut kaprek a’Arnam aphan kali; lake alangtum mena salajong akhi-adatlo, lapen akeongpi atum lason salajong akhi-adat cheparidengpon dolo. Monit atum laso akhi-adat ke kemepik acholo pusi hoklo, bonta Arnam aphan ke kangdeinei mate ale kavenei pen akaprek thangta kalilo, athe Arnam abirudhe pu keklardak kejongdam pen anpar ke laso salajong akhi-adat monit along thekdam longlelo. Lake athema Arnam ok kachepharlotang abang asai ke pima Arnam ok chemanlo kepapho un’edet arpum pen, lapen komatma monit atum ketheklong lapen ke’otlong henlo. Alangli ke arpum kavedet aKarjong kali, but oklo pima monit theklongji lapen laso pen chepapho longji. Tebontame, ongdung Arnam monit atum kekroidam ke ok kavedet Arnam pima kumlin aphan saidelo, atheke la doan arpum puke avedetlo. Lason pen si, Arnam ok kachepharlotang abang ke komatmatma Arnam along kekroi atum akeongpi aphan ke hotur ason si chemanlo, lapen komatmatma Arnam ok kachepharlo ahok aphuthak kedengdedet atum an, lason thakthak si, Arnam aphan kekhamkhedun atum chemandetlo. Monit ke kamunthidamthap pen si plengset ke athema alang kemathadam akrong apot kali, mate athema alang kachedandong apot ta kalilo, bonta athema laso salajong akhi-adat monit along kedo apotlo. Lake athema laso akhi-adat pen pima akeongpi amonit atum thilo, lapen lake laso keklardakdedet a’Arnam pima kepaphodam un’edet henlo, ketheklongledet, lapen ahok along ke avedet pima monit achethe phangnolo. Monit achethe aphan ke Arnam ok chepharlotang abang le ke’obup kali, sining athak kedo Arnam ta kalilo, bonta monit mena kemathadam a’Arnam henlo. Laso athe ke pima Arnam ok chepharlotang abang ok nangcheman si vanglo athema kaheno monit atum akenangdam ajoklo. Lake athema monit akenangji dokoklo, Arnam aphan kali, lapen kadokave Alangli athok-ajir lapen kisung kachechak anke monit akhei aphan ajoinelo, lapen Arnam Amethang ale apharman kalipin henlo. Ladak ke jat ta ale kedo kave mate nongne puke Arnam aphan avelo; Alangli ke ajahak mohut rot longledetpo, bonta pima atheke Alangliphan abinong’et kachitu nangji dokok. Kadokave pima Alangli keklem lapen athok-ajir monit akhei aphan kachipi ke lasi pima Alangli thedung anong’e kelongji meme pu kali, bonta ingthir’et pen monit akhei apharmanlo. Arnam asai ok along ke penang an kemathadam un’edet akisung-keboi dolo puvoiphit tame, laso angthek ke pima kepadusi ke halahei Karjong asai keklemponphit aphan kelong abatpik anlang. Ok keklem asai ke akeongpi akesung chechak nangveklo, lapen laso aok ke Karjong asonthot thedung angthek ke cheparideng movelo, Alangli ke Karjong asonthakthak mekbin ason asai amo ke klempon un’elo, Karjong asonthot ajakong chepahemphupon ke Alangli cheparideng move durechetlang. Tebonta laso asai keklem arlo atiri ke la kachethangklong kalidet aok si pima Karjong keklemponphit asai aphan mute akangtuimunak chemanlo, lapen laso aok Methang henlo kadokave monit akenangji doan alamthaklo. Athe komatma kejok kenangji, Karjong ke’enpon ardi ke pima hala ok pen anpar aber kijumlang: Karjong asai ke somindar adangpi pachetanglap unlo, kadokave inglong, langroi, langteng, lapen talopi kedoan, tebonta ok asai keklem ke ansose si akemethulang athe Alangli pen kachetongponlong anuttin amonit aphan. Kopilo ansose dolang, Arnam aok kepapholong arpum ke monit chini pemelo lapen kroidam peme unlo, lapen ke anpartame Arnam aphuthak monit akachinidam parnuklo, lapen monit aphuthak Arnam ahokpet asai amo keklempon keongdung angthek tekangpo. Karjong asai keklem ke kachepatujoi along si chenomthiplo; lake monitchot atum kachinidamji ke sungkrunglo, lapen latum ketheklongji puke ansose si akejoi kalilang, lapen lasi latum ke kangthaidang kemathadam alam along si chiki nangkoklo. Ok asai keklem ke, bontame, jongjong ason, lapen ahok ateng si klemponlo, lapen kethek-kere pen si plengsetlo, lapen ke laso ahok si pima monit atum jongjong amek pen tame pathek longloklo; monit ke salajong si Arnam asai aphuthak kethek-kere chomatdun longlo, lapen ke alang keongpik kemathadam alam akerap enpon nangnelo. Lahenlo akechoklim lapen ahokpet ardilo Arnam asai ok along keklem. La Karjong ke pima monit ketheklongledet lapen alangphan pamathadam kisungkrung ahormu anchot si klemlo, athe langdam sinang Karjong atur kapatheang, Karjong kedamvoi, lapen Karjong akachejapon, bonta monit aphan komatma kamathathek, laheihui ke thangnat ta klardak alamjor pi thekthelo. Latum ke kedamvoi si padorlo, mate angkang thetan alamjorlo, lapen ke lamthe pen kethan-kemum dunji pi thekthelo. Arnam asai ok along keklem, bontame, thedung akacheprek do: Ladak ke lamthe kechoklim akachejapon dolo, lake klardak ningkehangdam do, lapen ke klardak kenangji akemangdam do. Lapen lasi monit ke thangnat ta mek kave ason ke do nangnelo, mate alang kemathadam enpon nangnelo, anparta tahaiji bo puke nangne ongchotlo. Lahenlo keklardak ok along keklem asailo, lapen laso thedung akachepreklo Karjong asai pen. Karjong keklem asai ke kithikdam angkang apahn anchotlo lapen ok keklem asai aphan larplot un’elo. Ok keklem asai ke monit aphan ansose si akechok lapen kenangji akemangdam pilo lapen ansose si ahokpetlang, Karjong asai pen ale kedonei akachinidam thulang. Laso asai pima kehenodak amonit aphan ke kethenei alelo pima atheke choklim alamthe si padorlo, klardak akemangdam si ridamlo, lapen atheke theklong lapen papholonglo. Ahokpet asai lapen apor pen kethan-kemumdun anchot si monit atum aninghang ateng chetonji, lapen ahok asai anchot si monit aphan alang kahenodak lapen kangthirthedet akun pen pajok unji. Lake Arnam ok chepharlotang abang pen anchot si longdam unji; Arnam ok chepharlotang abang anchot si monit aphan alang abarim kahenodak lapen kangthirthedet akun pen pajok unji. Karjong ke Arnam along kedolor arlo atirilo puvoiphit tame, lason asai ke Alangli ok pen anchot si klem thekji. Jongsi le inutpet arideng pen si klemdetlo, tangte lake Alangli sai akechokpik kemanji un’edetpo – lake pangdeise pen ahok alamlo. Akeongpi amonit atum athema laso aok pen ajok Arnam ahotur si cheman’etlo, Alangli sai Alangli kepatang lote, komatmatma Alangli birudhe atum anke Alangli hotur anchot le kangtonji kalilo, bonta adular ke Alangli pharman ahakhi si chemanpo. Latum ke apharman hakhi si chemanpo pima Alanglihin pen si chepahemphu tanglo, hakhi atumlo pima Alangli pen si do rappetlo lapen Alanglilong pen chekakdak un’elo. Alangli monit aphan Alangli sai ok along keklempon akenangsot alam monit aphan pachinipo, lapen monit ke laso aok akenangsot alam monit kerengdunbom alamjor aphan pachinipo, monit achethe kachingthurpon aphan Alangli ardi ahok alam pachinipo, lapen, anpartame, chinipo pima laso aok atheke monit chechakdun longledetji kerengver chethe alang si chemanpo. Arnam ok chepharlotang abang ke Arnam angthek lapen adim-aklong kachingbar chehelovinglo puvoiphit tame, lapen monit aphan ke Alangli hokpet aman angdeng pen pachingbar un’e asonlo, laso aok, komatma Arnam ahokpet arje cheparidengde, mate Arnam ahokpet angthek kave, pima Arnam aKarjong menmen asai klemphit un’e tame hala ke unpo. Lason henlo ahokpet arlo ardi lapen ale Arnam ok chepharlotang abang, lapen laso ardi lapen ale henlo monit atum kachoroji lapen kedengji kethekthe. Kadokave monit akhei atum Arnam aKarjong aphan ke langlo lapen Arnam aok aphan ke langroplo puvoiphit tame, kosonsi latum kelang mate kematha pu jongdamdepin pen, akechokpet ok ardi lapen ale ke halahei Karjong pen abatpik anlang. Ahoklo, lake monit akhei aphan kaphangnoji pu ajoinelo puchotlo. Athe anuttin komatma ahok aphan kiri lapen Arnam arje kacheklang aphan kar’idun atum an, Karjong asai keklem ke kedamvoi mate ningperung ansi pador thekchotpo, lapen pima la pajirmi un’edet lapen kahemandam un’edet manghumeme ason pamathathek anchotpo, lapen laso kapamatha pima lake thedung, keme pangbardam un’edet, lapen ningpadokdun meme, tebonta kadokave tame cheparideng lapen kelong un’edet. Monit lapen Arnam aKarjong ke achar pen lahinhin chelangprong anchotlo unji, athe ke latum angbong thedung adak dokoklo, lapen latum lahinhin chingbarbelo, atheke monit lapen Arnam ke ketheklongledet akethak pen si paprekdaklo. Ahokpet tame, lahenlo Karjong pen monit aphan kapamanghu kipi, lake athema Karjong lapen monit angbong ke isinat chingbarbe lapen elongvet apirthe along ke do rappet henlo pulo, lapen athema Karjong ke thangnat monit apot cheparidengdelo. Lasi monit ke Karjong aphan akenang avedetlo, athe monit akenangji akeongpi ke Karjong menmen klempiphit un’edetlo. Ok keklem asai ke monit aphan akechok akemang paridun longlo, klardak alamthe, lapen laso pamatha ke pima Alangli ke ahokpet lapen mesen, pima Alangli ke chepabihek lapen jongjong asonlo. Alangliphan monit le pherelo meme puvoiphit tame, athe akeongpi amonit atum ke Alangli joike pen chechak unlo: Alangli raje monit aphan patheklonglo, lapen Alangli se parjulonglo, lapen Alangliphan achar pen teng’ai nangnelo alang kelangji aphan. Laso aok monit aphan patebokdamlong pusi mathalo, adak kahelo kave pen, athe laso aok ke monit kedo apirthe along amat si dolo.

Kadokave komatmatma ok along kedo atum aphan anke, alangtum akun kachelar ke akemang do nangji kiridunji aphan, lapen Arnam aphan kachini akenang ke ahok asai amo lapen ahok Arnam arje kelangdun henlo. La sonni tame Arnam ok kachepharlotang abang anchot si longdamji, lapen la sonni sitame jongjong lapen ahokpet aok atum si pachundam unchotji. Laso apot si ok chepharlotang abang ke akenangsotlo, lapen laso apot si kadokave kaheno monit atum anke akenang dolo. Monit atum ke Arnam aphan kachini akenang do tangdet apot, alangtum aning arlo pen keklarkledet lapen kepachobai amekbin Arnam doan arje ke pavirthei nangvekpo, lapen latum doan ke alangtum kahenodak akun chepavethei nangji akenang do tangdetlo apot, latum aphrangsi ke alangtum kahenodak akun aphan chinivek nangpo. Jongsi monit le monit atum aning arlo pen keklarkledet Arnam amohor kepadar asai anchot si klemlo pulote, alang ke akechoklim angthek longdundedetpo. Keklarkledet Arnam amohor ke monit aning arlo along pen paklangdak thekthe, kapadarphit ta un’e, mate lamthe jongjung pen le angton kapache’o’etji ta un’e. Lason keklem along, kapadusi ke monit atum along pen laso angkur kachesakhet ahormu kapadarchorji nonpu un’edetpo. Laheihui keklardakde lapen mekbin ason ahormu doan aphan keklem-kedam a’Arnam lapen ahokpet Arnam amohor, lapen monit atum pajo pen latum aphan kapachinilong pen palardet anchot si angthek keme longdam unji. Monit pangtheklo pima laso Arnam komatma alang kedamtang apor ahut kiridam ke klarkledet lapen mekbin asonlo. Pima atheke laso angthek kelongji ke Karjong jasemet akejabang apot kali, ajahak abangphu atum akethanpon apot ta kali, bonta Arnam ok chepharlotang abang ajoinelo. Monit kamunthidamthap alam ke thangbakbe si dolo Arnam ok chepharlotang abang Alangli sai keklem peme ahut ke, athema Arnam ok chepharlotang abang jongjong kedo lapen ahok angthek ke monit kahemandam keklardakde lapen mekbin ason a’Arnam pen ke akaprek adularlo. Monit abinong’et kamunthidamthap alam ke Arnam ok chepharlotang abang pen adular pacheprekdet aphi anchot si chinipinpo. Arnam ok chepharlotang abang pen pachingbarbetik ke, monit kamunthidamthap alam chini longledetji; akaprek alam penke, ahok kacheklang pen pacheprekpre te, keklardakde ahormu anke chini un’edetpo. Inutnat tame laso asai keklemji aphan lamthe akerap en thekthedetlo, lapen inutnat tame laso asai lamthe akerap pen kethanji thekthedetlo. Arnam Amethang anchot si Alangli mena asai klem unji, lapen koanma monit alam ingcholo pu sitame, alang ke Arnam kemesen lapen ahok kacheklang aphuthak kethan pajirmi thekthedetji. Monit ke ansose keklem-kedam pen si Arnam aphan chinichotji lapen ke ansose keklar pen Alangliphan theklong unji, jongsi Arnam amethang amat le monit angbong klemlo lapen Alangli mohor lapen Alangli abang arpum angton pen chepaklangdaklo pulote. Laso angthek kedo ke ok along madu amonit tame longdam un’edetji. Ahoklo, Arnam aKarjong tame laso angthek ke longdam un’elo. Arnam ke kaheno amonit aphan Sobar akebaipon pen pajoktheklo, bonta laso asai ke menmen Arnam aKarjong ke klem pachunponphit un’elo; bontame, lake Arnam aKarjong ok chepindeng abang si klem pachun unchotji, Arnam ok chepharlotang abanglo. Laso aok ke monit lapen ke Arnam lo, lake monit si monit jongjong atheng chepindenglo lapen ke plenglim akangthirpet Arnam chepindengponlo. Lapen lasi, laso aok le Arnam aKarjong kalidetlo puvoiphit tame, lapen Karjong pen ke akacheprek thepiklo tame, lake nonputa Arnam ok chepharlotang Amethanglo komatma monit aphan kepajok abanglo, komatma Karjonglo lapen ke ok ta isinatlo. Kopisi Alangliphan kehanglo ma pu sitame, kepadusi ke nonputa Arnam Amethang si komatma monit akhei aphan pajoklo. Athe Arnam aKarjong ke ok pen thakdak un’elo, lapen ok keklem asai tame Arnam aKarjong keklem asailo; lake chenam si pima laso asai keklempon Karjong angthek pen kalidet puchotlo, bonta ok angthek akerap pen si klemponlo. Karjong jongjong keklemponphit nangji asai anke pima thangnat ta ok chepharlo akenang avelo, lapen pima ok keklempon nangji asai anke Karjong ke klemponphit un’elo, lapen ke Arnam ok chepharlotang abang anchot si klem unji. Lahenlo kopima laso asai akenangji, lapen lake kopima kaheno monit atum akenangji. Arnam asai sonthom angdeng along, isi angdeng si Karjong ke asai klemponphit unlo, lapen kedolang hini angdeng anke Arnam ok chepharlotang abang si klemponlo, lapen Karjong amat ke kalidetlo. Aron Akai ahut Karjong asai klempon ke monit kahenotang akun kapachelarji alam ave, lapen Arnam aphuthak monit akachinidam nangji ta thangnat kacherap ave. Arnam aok Kanghon-Kangjinso Akai lapen Khristo Kepangri Arat Akai along keklem asai, bontame, monit kaheno akun lapen alang Arnam aphan kachini aphuthak dolo, lapen ke kepajok asai akenangsot lapen arsikjik angdenglo. Laso apot si, kahenodak monit atum ke ansose si Arnam ok chepharlotang abang pen kejok akenang dolo, lapen ke ansose si Arnam ok chepharlotang abang asai keklemponphit akenang dolo. Monit atum ke alangphan kiviji, kerapdunji, lang kipiji, kapangkrangji, kangsaiji lapen ado kipiji aphan Arnam ok chepharlotang abang akenang do, lapen alang ke ansose si kangjinso lapen thedung pap kadiya Arnam ok chepharlotang abang pen akenang dolo. Arnam ok along abang anchot si monit atum ningchetheklong unji, monit aphan kivi abang, monit aphan kaike kerapver, lapen kadokave laso along ke pini arni lapen kedamtang ahut ok chepharlotang abang akenangsot dolo.

Monit aphan ke Sobar si phangno tanglo lapen ke kadokave Arnam pinchongtang api angbong ke kangtuineilo, laso apot si monit ke Arnam pen akepajok akenang dolo. Arnam kepajok ajaton ke monit henlo, Sobar kali, lapen pima atheke kejokji abang ke monit aok henlo, lapen monit akarjong henlo, lapen hi-isarpo kalidetji. Sobar ke Arnam angton kepavirklungji ajatonlo, monit ke Arnam kepajokji ajatonlo, lapen monit aok aphan ke Sobar si phangnodet tanglo, lasi kechengsi kejok kenangjivek ke monit aok henlo. Monit aok ke akeongpi thedung kahenotang dolo, lapen lake kopine atheke Arnam abirudhe si mantanglo, lasi pima lake cheklangdak pen khamkhelo lapen Arnam kerengver apot patepeklo. Laso kahenotang aok aphan ke chenam si kekhangji un’e, lapen ansose kisung kelangji mate kelarji puke laso ok kahenotang akun pen anpar jat ta avelo. Sobar ke monit aok along vanglo kapasiksak kangthurji aphan, lapen monit aok aphan enpon si Arnam asai aphan pasiksakdunlo lapen Arnam akemangdam aphan phangnodunlo, lapen lasi monit ke Sobar cheman tanglo, lapen Arnam ahotur si chemandetlo. Athe monit aphan kepajok nangji, alangphan aphrangsi chepahemphudet nanglang. Lake athema laso apot si pima Arnam thurlo chedanji aphan lapen ok cheman si vanglo Alangli keklempon si asai an kacheklemji aphan, lapen Sobar pen kachedanji aphanlo. Alangli akemang ke monit aphan pap pen kapajok henlo, komatma kaheno tanglo, lapen Sobar aphan kaparem lapen kapavirklung henlo, atheke Alangliphan si chedandundonglo. Alangli Sobar aphan Alangli monit aphan chepahemphupon asai pen ajok paremdetpo, anke laso apor ahut si Alangli kahenodak monit akhei aphan pajoklo. Lasi, laso asai ke pima ephongvet pen sonni akemang kepachunlo. Alangli ok along si sai klemlo, lapen ok along si ningjelo, lapen kadokave asai ta ok along si klemponlo atheke monit pen kemesen kachelangrapji aphan, lapen monit aphan memuchot pen chepahemphuji pulo. Kepajutsi pima Arnam ok kacheman ke, Alangli sai kepajutsi arni apot ta ok along si ingtonponpo. Alangli kadokave amonit aphan tame angdeng thakreppo, Alangli angton kisik-kedang pajutpo, lapen ke kadokave ok along Alangli sai doan pajutpo. Kadokave Alangli sai pirthe athak along pajutthei aphi lote, Alangli ke angton pen kehaidong si manpo. Ok along sai keklempon, Arnam ke angton pen si monit akhei aphan chepahemphudetpo, lapen angton pen si monit akhei aphan cheparidengpo. Tangte laso kipudam ke pima Alangli angton kisik-kedang kepajutlo pu kalima? Arnam le Alangli sai ok along kangtonlo pute, Alangli Sobar aphan parem pemepo lapen ke kehaidong si dopo, Sobar anpar ke monit aphan kephangnoji avarsai avedetpo. Arnam ok chepharlotang kechengsi abang asai ke monit apap apot kapajok lapen kadiya henlo. Nonke monit akhei aphan kachepahemphu lapen angton pen kelong’et asailo, laso pen ajok Sobar ke anpar thangnat ta asai keklemji atovar avelo, lapen ke angton pen si ingbodetpo, lapen Arnam ke angton pen hai pemepo. Laso asai henlo ok along keklempon, lapen ke Arnam Amethang si keklempon asailo. Arnam asai kethom angdeng kecheng ahut asai ke Karjong amat si klemponphitlo, lapen ok le keklem kalilo. Arnam asai kethom angdeng kepajutsi asai abang ke, bontame, Arnam ok chepharlotang abang si klemponpo, lapen Karjong amat le keklemji kalilo. Pap pen kapajok asai angbong angdeng tame ok along Arnam si klemponlo. Angton kisik-kedang asai along, akenangsotnei asai ke monit aphan Sobar akebaiponrup pen kapajok henlo. Akenangsotnei asai ke angton pen kaheno amonit aphan chepahemphupon, lasi chepahemphupontang amonit atum aning along abinong’et Arnam aphan kangduk-kardomji si vanthupo, lapen kemesen akai-achethe kedo longji si alangphan pemanpo, lake pudam lote, Arnam pinchongtang api atum kemesen akai aphanlo. Laso asai ke arsikjiklo, lapen lahenlo atirilo kisik-kedang asai along. Kepajok asai kethom angdeng along, Aron Akai along asai kechengsi angdeng ke kisik-kedang asai atiri pen chehelovinglo; kepajok asai ke masapsonat anchot si cheklanglo, lapen lake Arnam asai monit aphan kapajokji pu Sobar kebengthip pen kecheng kalidetlang. Kechengsi angdeng asai ke Karjong si klemponphitlo athema, aron aber ateng ke, aron ansi kedengdunthip nangji si monit ke chinilo, lapen monit along ansose ahok ke avedetlo, lapen Aron Akai along asai ke athema monit akun kapachelar along ke masap si klemchotlo, Sobar avaikang along pen kosonsi monit aphan kapajok nangjima asai pu tame ardi kipidun jumheklo. Lasi Arnam aKarjong laso kangtuinei joike asai angdeng kapatang ke pima monit kahenodak akun aphuthak anset mathadamdelo. Laso asai angdeng ke masapso si kisik-kedang atiri along pen chepho chotlo, lapen ke thangnat ta thedung akacherap monit aphan kepajok asai binong’et pen ke avedetlo, lapen lasi lake Arnam lethot ta Alangli sai salajong keklemponji aphan ok kacheman akenang avedetlo. Karjong keklempontang asai ke kethandak lapen kachinidamlapji kalidet, lapen lake monit aphan papheredamduk lapen paledam un’edet ason si dolo; Karjong ke menmen kepajok asai keklemphitji aphan apun chokvet kalidetlo, lapen ke monit aphan chethe kipiphitji tame chokchedetlo. Monit aphan akemeneiji ke Karjong asai pachelarphun si pima monit atum katebok paledam’un henlo, lake pudam lote, kopima monit aphan akemeneiji ke Arnam monit jongjong nangkeman, jongjong abangphu ason pen Alangli sai keklem henlo. Laso akenangji ke Arnam ok chepharlodet si Alangli sai keklemponji aphan Karjong adular endet nangpo, lapen monit aphan ke, Arnam asai keklemji akaprek thangnat ta kemenei akrong avelo. Laheihui kethom asai andgeng angbong pen, sonni angdeng abang ke ok si klemponlo, lapen laheihui sonni angdeng ke kisik-kedang asai along akenangsotnei aphar pulo. La hini ok kachepharlopon ke chemesen pen akenang isivetlo lapen latum lahinhin angbong choklim pen ardi chipi pemelo. Arnam ok chepharlotang abang kechengsi angdeng ke adunthu angdeng aphan anujok parjaplo, lapen lake pudam melo pima phongni Arnam ok kachepharlo ke isi choklim selamlo lapen ke lahinhin angbong chingbarbedetlo. Laheihui Arnam asai hini angdeng ke Arnam si Alangli ok chepharlotang angthek ahut klemponlo athema lahei doan ke puan si kisik-kedang asai angton pen akenangsotlo. Lake lason le pudamdet tamelo pima, phongni Arnam ok kachepharlo asai avedet pulote, angton kisik-kedang asai tame menmen si chingtonkokpo, lapen monit akhei aphan kapajok asai tame lam kaningjechot pen anpar jat ta kalidetpo. Laso asai akenangsot puke ajat tame monit akhei akenangji ateng si langpo, monit akhei kahenodak ahokpet cheklang penlo, lapen Sobar amo kevangve lapen kapasiksakdun asai koan arsik loma. Akechok abang keklem amo ke komatma Keklem Abang asai kacheklempon asema aphuthak si langdammekpo, lapen asai akenangsot ateng penlo. Laso asai akenangsot pu nangle lote, kopi adichi pen si asai keklempon nangjima – Arnam aKarjong si menmen asai klemphitpo, mate Arnam ok chepharlotang abang si asai klem, mate monit pen ajok si sai klemlo – kechengsi kapavirji ke monit pen ajok sai keklem henlo, lapen, asai keklem asema kelangdam ateng pen, lapen Karjong asai lapen pima hala ok asai keklem asema ateng pen si, la kepadusi ke ingvaipo pima ok asai keklempon si ansose ale kedo loma monit aphan mate Karjong keklemponphit asai loma, lapen pima lake ansose ale kedo pilo. Lake Arnam kamathadamlo halaso apor Alangli Karjong loma mate ok ahin pen si asai keklempon patang nangjima pu kangvai ahutlo. Asontin asai angdeng along sitame akenangsot lapen ardi alam dolo. Lahei doan ke aklong kavedet kahemandam alam kalilo, mate lahei doan ke aron avepin menmen kachongvai pu kalilo; laso along kopine kethek-kere gian doveklo. Lason henlo kadokave Arnam asai along ahokpet kachepatujoi kedo. Isi jongdamvet pen, lapuan sose Arnam akemangdam dolang lason monit angbong Arnam ok chepharlotang abang salajong thedung asai keklempon along. Laso apot si, Arnam akethek-kere lapen angton pen Alangli bang arpum doan ke Alangli sai asontin amo, kematha, lapen abidi along si cheklanglo; lake kangthimlimnei lapen aron-atang ateng keklem abang Arnam lo. Laheihui kemepik kemathadam lapen abidi alam doan ke monit aphan kamunthidunji sungkrunglo, lapen monit aphan kekroidunji sungkrunglo, lapen, anpartame, monit aphan ke kachinidunji sungkrunglo. Monit ahin pen keklem asai ke kadokave ta kepathikvet keklem kekroi ateng pen si klemlo, atheke, monit aphan, chundam peme asonlo. Tebonta Arnam asai pen pangbardam lote, chenam si thepik khangjanglo akacheprek kedo; Arnam asai amo doan thepiklo lapen Arnam asai ke angkang kethepik an ledamlo puvoiphit tame, lahei doan anung anat ke penang an sik peme lapen klardak akemangdam dolo lapen pima monit kahemandam un’edet an akisik-kedangpon dolo. Alangli sai ke angdengtin tame keklem kekroi chepathikvet ateng pen keklem anchot ta kali, bonta angdengtin along tame penang an monit alam pen kepajirmidam un’edet ason-amung dolo, lapen laheihui doan ke pima monit aphan ke patheklongledet ahormu saidelo. Karjong asai loma mate Arnam ok chepharlotang abang keklem asai loma pu langdamdepin pen, asontin tame Alangli sai akemangdam dolo. Alangli ke aklong’et kemangdan avepin ke sai klemkle, lapen Alangli ke akenangsot kave asai klemkledetji. Karjong le sai keklemponphit ahut, lake Alangli kemangdam penlo, lapen Alangli monit kacheman ahut (atheke pudam lote, Alangli athak abang arpum kachelarphun ahut) keklem asai, lake ansose si Alangli akemangdam dothulo. Kopi athe si Alangli chiksikmek’et pen Alangli angthek kachelar nangpo? Kopi athe si Alangli chisikding pen bangphu ason chemanlo komatma chepabiheklo lapen ke aduk donanglo?

Alangli sai ok along keklem henlo akenangsotneilo, atheke asai ateng pen si la thanponlo, lapen ke la Inut abang komatma kepadusi asai kapajutji ke Arnam ok chepharlo abanglo, lapen Karjong kalilo. Ajahak atum kroilo pima Arnam ke kopine kachininedet apor ahut pirthe along vangji meme lapen monit along cheklangji, haladak si Alangli jongjung pen angton monit akhei aphan ingsaipo, latum aphan inut pen inut anuttin aphan batbepin pen asat langpo. Komatmatma lason ateng kamathadam atum anke ok kachemanpon asai angdeng aphuthak chininelo. Arnam ke monit aphan inut pen inut ingsaise, lapen Alangli ke monit aphan inut pen inut asat langle; lason si keklem pulote lake ado kipi asai kalidetpo. Tangte lake kadokave monit akhei doan kaheno ke isinat kalidetloma? Tangte lake kadokave monit akhei doan atiri isinat kalidetloma? Kopisi kangsaipon ke monit akhei kahenodak atiri, Sobar kaphangnodak monit atiri, lapen kadokave monit apap doanlo. Arnam ke monit atum masapso lapen ale kavedet akechokche apot ke ingsaisedetji. Kangsai asai ke apahrman cheklangdak, lapen lake komatne abangphu aphan si keprekjek pen asai klemponji lapu kali. Bontame, laso asai atheke isi adilung amonit atum aphan si ingsaichotji pima kadokave monit apharman si latum pacheklangji aphanlo. Salajong Alangli sai isi adilung amonit atum along keklempon pen, Arnam ok along akerap pen Alangli sai angton monit akhei apharman asai pacheklangponpo, laso aphi pajo pen pangdangpo. Lason henlo kosonma kangsai asai tame keklempon. Arnam ke komatne prekjek amonit aphan mate komatne prekjek adilung amonit atum aphan ke ingsaide, bonta alar ke angton monit akhei along kangthirthedet atum doan aphan si ingsailo – Arnam abirudhe kithur amonit, athe langdam sinang, mate Alangphan monit man-peng kipi thekthe, mate Arnam asai along monit kapasiksakdun, lapen dopiklang. Kopisi kangsaima ke monit akhei atiri Arnam aphan kekhamkhedun, lapen laso sai henlo kepajut arni ahut kachepahemphuji asailo. Arnam ok chepharlotang abang asai lapen alammthe ke monit atum kethek’long doan ke kejutsi arni ahut thedung akelok anghoi angno kangsai sai henlo. Laso asai pima nonjong Arnam ok chepharlotang abang keklempon ke thedung akelok anghoi angno kangsai pen isinatlo. Pini arni Arnam ok chepharlotang abang ke komatma angton monit akhei aphan kijutji arni kangsaiji a’Arnam lo. Laso a’ok lapen Alangli sai, Alangli lammthe, lapen Alangli angton akun do’an ta Alanglilong angton saidelo. Alangli sai angkang ke thikvet anchotlo puvoiphit tame, lapen somindar adangpi along an klemdamphit un’elo tame, kangsai asai atiri ke kadokave monit akhei aphan kangsaipon atenglo – China along kangvaitang amonit atum apharman ajoine anchot lapu kalilo, mate isi kijumhek aphai amonit atum aphan ajoklo lapu kalilo. Arnam asai ok along keklempon ahut, laso asai angkang ke somindar adangpi apharman kalidetlo puvoiphit tame, laso asai kacheklang ke somindar adangpi aphanlo, lapen Alanli ok angkangpi angbong asai Alangli keklem patangdet aphi, Alangli laso asai somindar adangpi tame menmen si pangdangdamvekpo, lasonthot si pima Jisu abirta keme le somindar adang the-bi Alangli kithi pen kithur lapen sining kachedamthu aphuthak kapangdang asonlo. Lake Karjong asai mate ok keklem asailo pu langdamdepin pen, laso asai ke pima isi kepathikvet angkang angbong ansi klemchotlo, bonta atheke somnidar adangpi asai apharman si cheklangponlo. Kijutsi arni ahut, Arnam Alangli sai Alangli ok chepharlotang angthek along cheklang si klemji, lapen Arnam ok along abang henlo Arnam komatma thedung akelok anghoi angno monit aphan kangsaiponji. Alangli ke Karjonglo mate ok penlo pu langdamdepin pen, Alangli ke komatma kangsai asai keklemji a’Arnam lo komatma kijut arni ahut monit akhei aphan kangsaiponji abanglo. Lake Alangli sai along kepathikpon atenglo, lapen lake Alangli athak kacheklang amohor mate prekjam ason-amung alam pen ateng le kepathikpon kali. Monit atum laheihui alam kamunthidamthap birtilo puvoiphit tame, madu ta Arnam ok chepharlotang abang kangsai lapen kadokave monit akhei aphan chepahemphuji pu ahok alam ke var un’elo. Kopisi monit atum mathaloma langdamdepin pen, kopipi si ahok cheklangloma, ajat punon, lake ahoklo. Madu tame ningje un’e pima “Arnam keklempon asai ke, bonta ok ke Arnam kalilo.” Lake amo kevangve alamlo, athe laso asai keklem unji ke Arnam ok along abang pen akaprek ke avelo. Laso asai ke kapatang tangdetlo apot si, laso asai angthun ke batai phongni aphan Arnam monit aphan kangsaiji ke cheklangthuthelo; Arnam Alangli adunthu ok chepharlotang abang ke kadokave angton pen kisik-kedang asai ingtontheilo, lapen laso aphi ke adunthu Arnam asai angdeng ke avedetpo. Athema hala komatma inut kangsai ke monit henlo, monit komatma ok abanglo lapen ke henodak tanglo, lapen lake Sobar akarjong le pima kangsaipon kalilo, laso kangsai asai ke laso apot si karjong apirthe along le keklem kalidetlo, bonta monit angbonglo. Madu tame kechok muchot, lapen apun-achaklo puke, Arnam ok along abang pen anpar monit kahenodak aok aphan kangsai asai keklempon ke avelo. Jongsi kangsai le Arnam aKarjong si klemponphit pu asonte, lake kadokave ta dengmeme kalidetji apotlo. Anpartame, lason asai monit atum ke kedengdunji sungkrung, athe monit along Karjong ke nangchepathengnono vang un’edet, lapen athema laso apot si, angthek cheklang tame menmen kalidetlo, ansose si monit atum ke akoi kipi un’edet Arnam akun aphan klardak pen ketheklongji ke aveongchotpo. Sobar aphan angton pen kehaidetji ke jongsi Arnam ok along abang kahenodak monit akhei aphan ingsaidet aphilo. Monit ason thakthak jongjong amonit atheng ason do si, Arnam ok along abang monit atum akangthirthedet aphan ingsaiponphit unji; lake Alanglilong kedolor kangthirpet, lapen ke Alanglilong akethek pen akeme akeongpik pu angtheklo. Arnam anchot si apun-achaklo, lapen ke keklem unji abanglo, monit aphan kangsaiji, athe Alangli ke ahok pen lapen kangthirpet si plengsetlo, lapen lasi Alangli ke monit aphan ingsai unlo. Komatmatma ahok ateng lapen kangthirpet pen kalidet atum anke bang aphan kangsaiji apun kalilo. Jongsi laso asai le Arnam aKarjong si klemponpi, tangte lake Sobar aphan kehaidetlo pu pudam un’edetpo. Karjong ke kereng abang pen anpar sose kedolorvek akangtui angdeng aboilang, lapen ok aphuthak ke haidonglang. Jongsi laso asai Karjong le klemponphit tangte, Alangli ke kadokave monit athikpetpe akun doan ingsai thekthelo lapen kadokave monit akangthirthedet anta pangdak un’elo. Athe kangsai asai tame Arnam aphan monit kamunthidamthap alam pen ajok si klemponji, lapen monit ke Karjong aphan thangnat kamunthidamthap alam avedet, lapen lasi Karjong ke monit akangthirthedet doan mesen pen kapangdakji un’edetlo, lason akangthirthedet doan angton pen kangpu’akji un’emuchotlo. Arnam ok chepharlotang abang ke kadokave komatmatma Alangliphan kachininedet atum anke ahotur saidelo. Monit kamunthidamthap alam lapen Alangliphan abirudhe kithur kangsaidam pen ajok, Alangli monit akhei kadokave athikpetpe akun an paklangponlo. Alangli ok along asai keklem angthek doan ke halahei Karjong asai keklem pen anpar cheklangdak muchotlo. Lapen lasi, kadokave monit akhei aphan kangsai ke Karjong jongjung klemponphit un’edetlo bonta Arnam ok chepharlotang abang si asailo. Arnam ok along abang aphan ke monit atum theklong lapen papholong, lapen Arnam ok along abang ke monit aphan angton pen chepahemphudet unlo. Arnam ok keman abang pen alang akachepho along, monit ke kekhamkhe abang pen athikpet anat si paphrangdunlo, kisung-keboi kepho pen kedengdunthek abanglo, kamunthidamthap alam pen kethek kachini si dolo, lapen ke’otang abang pen kanghon si longlo – laheihui doan ke Arnam ok chepharlotanag abang asai keklem angtheklo. Monit ke Alangli kangsai kedengdunthek pen ajok anchot si kejok longdunji, monit ke Alangli angho pen kebar alamthe doan pen ajok si pajo pen Alangliphan chiniji, monit aphan chepahemphuji ke Alangli henlo pima Alangliphan kekhamkhebom ahutlo, lapen alang ke Alanglilong pen Alangli ado kipi kedengdun ahut si chethe aphan dorplup longdunpo. Lahei kadokave asai ke Arnam ok along keklem asailo, lapen Alangli angthek Karjong ason along keklempon asai kalilo. Arnam ok chepharlotang abang keklem asai henlo kethenei asailo, lapen doan pen kemenai asailo, lapen Arnam asai kethom angdeng along karsikjiknei asai ke la sonni angdeng ok kachepharlo asai henlo. Monit akeongpik kahenodak henlo Arnam ok chepharlotang abang asai aphan kethenei akechaknaplo. Jongdamvet pen, kijut arni ahut monit atum aphan keklempon asai ke thedung akesungneipo, lapen avarmon tame tihurnutji, lapen abangphutin amonit atum ajakong tame boikhi saideji. Tebonta laso asai kepajut ahut anke, lake ajatnon kemesen angthek si longdampo, akechokche avepin pen; lahenlo ok along keklem asai angthek pulo, lapen laso angthek ke ansose si pima Karjong keklem asai pen anpar kroidam memelo. Arnam asai pasonthom angdeng ke ok along si pajutponkokpo, lapen lahei ke Arnam ok chepharlotang abang si pajutvek nangji. Kenangsotnei lapen karsikjiknei asai ke ok along si klemponji, lapen monit aphan kepajok tame Arnam ok along abang si salajong klemponvek nangji. Kadokave monit akhei atum mathalo puvoiphit tame pima Arnam ok along abang ke monit pen chephosap kalidet asonlo, ahokpet tame laso aok ke angton monit akhei alekha lapen kerengbom aphuthak si ardi pilo.

Arnam asai angdengtin tame kadokave monit akhei aphan ajoine si klem pachunponlo lapen ke angton monit akhei aphan ansi jongdamlo. Lake Alangli ok along keklem asailo puvoiphit tame, lake nonpu kadokave monit akhei aphan si jongdamlo; Alangli ke kadokave monit akhei aphan an Arnam lo, lapen Alangli ke kadokave pinchong api doan lapen pinchongchedet api doan tame a’Arnam lo. Alangli sai ok along ke isi kepathikvet angkang anchotlo puvoiphit tame, lapen laso asai akemangdam ta isi pathikvet anchotlo tame, Alangli aphongtin ok keman pen Alangli sai keklempon along Alangli sai keklemji aphan Alangli ajaton chongvailo pima lake apharman kangtuiving pemelo; Alangli atheke sai keklemji aphan isi jongjong lapen anongchethangklongkledet amonit adilung atum aphan ke ingvaive, bonta alar ke Alangli sai ajaton ke Alangli sai ok along keklem apharman cheklang peme isi adilung amonit atum aphan si enponlo. Laso adilung amonit atum aphan kangvai ke athema Alangli sai ok along keklem ke thikvet angkang anchot, lapen ke Alangli ok chepharlotang abang aphan si jasemetpet sik-dangchot, lapen Alangli sai ok along keklemji aphan anchot si jasemet ingvailo. Arnam kangvai Alangli sai keklemji ajaton ke ahok ajor avedet lapu kali, bonta lake keklem kekroi chepathikvet ateng pen si klemponlo: Laso asai keklem ajaton ke Arnam ok along keklempon asai aphan akerap dovek nangji, lapen angton monit akhei apharman cheklangpithekvek nangji. Langdam sinang, Jihudi atum Jisu salajong pap pen kapajok dengdun pen ajok angton monit akhei apharman cheklangpi theklo, lapen Chinese atum Arnam ok chepharlotang abang salajong kachepahemphupon kedengdun pen ajok angton monit akhei apharman cheklangpi theklo. Jihudi atum angton monit akhei apharman cheklangpi along atiri alam do, lapen lasonthot si Chinese amonit atum angton monit akhei apharman cheklangpi tame Arnam salajong kachepahemphupon kedengdun atiri alam dolo. Jihudi atum angbong pap pen kapajok asai anpar ke thangnat ta pap kapajok akenangsot alam pangdakdelo, lapen Chinese amonit atum angbong chepahemphupon asai keklem pen anpar ke thangnat ta kapajirmidam peme lapen kachepahemphu asai kichun alam pangdakdelo. Arnam ok chepharlotang abang asai lapen alamthe keklang ke isi masapso adilung amonit atum aphan si jongdamvet chotlo, bonta ahokpet ke, Alangli sai laso masapso adilung angbong ke somindar adangpi aphan asailo, lapen Alangli lamthe ke angton monit akhei aphan si jongdamlo. Alangli sai ok along keklempon kapajut nangledet aphi, komatmatma Alangli phiphi kidun atum anke latum angbong Alangli sai keklem apot kapangdangji chengpo. Alangli sai ok along aphuthak kemenei ason ke pima Alangli kechoklim alamthe lapen ningperung alamthe tekang theklo, lapen Alangli ke komatmatma Alangli phiphi kidun atum an aphan ke prekjek akar’idam dolo, laso pen ajok aphithu ke Alangli phiphi kidun atum anke kadokave Alangli sai ok along keklempon athak ansose choklim lapen thirklong pen damthekpo, lapen Alangli akar’idam angton monit akhei aphan, komatma laso ateng pen kedengdunthek. Arnam ok along abang asai anchot si monit angbong ahokpet Arnam ke monit pen do-thak rappetlo pu alam pachun thekji. Laso asai pen anchot si monit aningkehang Arnam amohor kelangji aphan paplengpi unji, Arnam asai kachinidunji aphan, lapen Arnam ahin pen kaningje alam karjudun longji aphan. Arnam ok chepharlotang abang akai kijut kevanji ke monit akhei along Jehovah cheklangdet aphi anchotlo, lapen Alangli tame monit akhei atum keklardakdedet a’Arnam aphan kekroidun akai pajutpo. Jongdamvet pen, Arnam ok chepharlotang abang kepajutsi asai ke kadokave monit akhei aphan pima ansose ahokpet akai along vanglo, ansose keklem-kedam pen, lapen ansose kemepik penlo. Alangli ke aron lapen kekroi kethan aron alam akai le kapajut anchot kali bonta, ansose akenangsot ke, Alangli monit akhei aphan komatma ahokpet lapen jongjong a’Arnam aphan paklanglo, komatma ingthirpet lapen choklim, komatma kisik-kedang asai kangpupon lapen komatma kachepatujoi alam lapen monit akhei atum kijut keledamji adim paklangponlo, komatma monit akhei aphan pinchonglo lapen kisik-kedang asai kepajut an vanlo, lapen komatma ningkan suri aphan chepatujoi si dolo. Alangli keklardakdedet akai ke angton kepajut si vanlo, Alangli angton monit akhei atum Arnam arje lang ingtunglo bonta ketheklongledet akai atheke ingtonponlo, Alangli atheke angton monit akhei atum Sobar aphan kelana akai tame pajutlo, lapen Alangli angton monit akhei aphan kadokave choklim pen akimi akai ahin chejaponlo. La kadokave ke Arnam ok along abang Arnam aKarjong adular keklem asai alelo. Arnam le Alangli ok along sai klemlo te, komatmatma Alangli phiphi kidun atum anke halahei ahormu atheke hini ta kedo lone mate kavelone apot ke anpar ridundelo lapen ar’idundelo, lapen latum ke keklardakde a’Arnam akar’idam along pen ke chepahelodun asonpo. Arnam le Alangli sai ok along pangdangpon lote, komatmatma Alangli phiphi kidun atum anke pima Alangli ok along keklemtang asai kadokave adhorom lapen asong along laso asai pachethangpo, lapen latum ke kadokave Alangli lamthe angton monit akhei ano along kethan paletheipo. Kadokave pima komatmat si karjulongtang atum anke Alangli birta keme karjulong ke Alangli sai ahokpet saide apotlo, monit salajong ketheklong lapen karjulong ahormu saidepo, lapen ke ahokpet lapen dengrong alam kalilo. Lahei ahokpet alam doan kea the Alangli kapangdang asai pu angtheklo, lapen latum doan ke pima Alangli laso asai kapachethangpon ajaton ke’en saidelo. Ahok alam kedo avepin pen, Alangli birta keme kadokave adet lapen kadokave adim angkang an chethangdamdedetji; ahok alam avepin ke bonta monit kahemandam alam anchot, Alangli angton somindar adangpi kachepahemphuji asai ke klem un’edetji. Karjong ke monit atum papholong si chinidakde, lapen monit aphan patheklongledet, lapen Karjong asai ke monit aphan Arnam asai angthek lapen ahok kacheklang anpar tekang thekthelo. Monit ke Arnam ahokpet arje theklongledetlo, alang ke kaiketa keklardakde Arnam aphan si kroidunlo pima kavedet abang aphan. Monit ke Arnam arje theklongledetlo, mate monit ke salajong Arnam pen kaningje alam arjudun longlelo. Monit kahemandam alam an, ajatnon, ingtheidang, lapen Arnam ahokpet arje pen palarplot un’e; Arnam along kedolor akun, lapen Arnam Amethang keklem asai, monit atum ke chobaibai pen adular cheman un’e. Sining angsong along kedo ketheklongledet a’Arnam lapen Alangli sai pirthe along Arnam ok chepharlotang abang anchot si van unji komatma Alangli sai monit anglum keklemponvek abang. Lahenlo akemenei atovarlo Arnam aphan monit along nangkacheklang, atheke monit Arnam aphan theklonglo lapen Arnam ahokpet arje chinidunpo, lapen lake Arnam ok nangchepharloledet abang ke longdam un’e. Laso angdeng along Alangli sai keklem pen ajok, Arnam asai ke chenam si akemenei angthek longdamlo, lapen ke angton akichun pemelo. Arnam salajong keklempon asai ok along ke angton phant throk sirkep an Alangli kisik-kedang asai angton pen pachun long’etlo. Laso aok ke Alangli sai kadokave along kemesen kecheng si pajirponlo, lapen kadokave Alangli sai keklem thanpruilo, lapen kadokave Alangli sai pangdangponlo, lapen kadokave laso asai aphan kabirtipon kapadusi amunglo. Laso apot si, akaprek Arnam ok chepharloji abang ke avedetpo Arnam asai phli angdeng keklemponji abang, lapen batai kethom Arnam ok chepharlopon thangnat ta kemanghumeme asai keklemji avedetpo.

Arnam ok along keklempon asai angdengtin along Alangli sai angton akai apharman si cheklanglo, lapen lake isi kejongdamvet apor aphan le cheklangpi lapu kali, hala monit keklem asai ason. Lapen lasi Alangli kejutsi ok chepharlopon keklem asai kepajut aphan kipudam ke pima Alangli sai ke angton kepajutdamlo pu kalilo, athe Alangli sai ok along ke angton akai apharman si cheklanglo, lapen atheke Alangli sai ok along Alangli keklempon apor anchot ke cheklang kalidetlo. Lake chenam si pima Alangli pajutlo Alangli sai angton akai pima Alangli ok along kedo ahutlo, laso aphithu ke kadokave adim anta ingdanglo. Arnam ok chepharlotang abang Alangli birta keme pachethang amo chundamdet aphi, Alangli mohut asai ke komatmatma Alanglilong aphiphi kidun atum an aphan si Alangli arpu pekdetpo. Lason pen si, Alangli sai ke angton akai along tame angthun mitmepin pen klembompo. Ok kachemanpon angton akai along asai choklim kijutlo pu kipudamji ke somindar adangpi ingdangdamlap aphi anlo. Arnam ok chepharlo abang asai ke akimi akai si pangchenglo, lapen komatmatma Alangli sai angthun klembom atum anke komatma Alangli ke’enpon atum saidelo. Monit keklempon asai ke kadokave Arnam ok chepharlotanag abang asai amo angbong si dopetlo, lapen lake laso angkang along pen angtan dam un’elo. Jongsi Arnam ok chepharlotang abang Alangli sai keklemji aphan vangvedet asonte, monit ke akai abarim akejut an chevan thekthedetji apotlo lapen ke akimi akai along chelodun thekthedetji apotlo. Monit keklempon asai ke alang adeng angkang anchotlo pima lake monit atum ke klem un’edetji, lapen lake Arnam asai apharman pu cheklang un’elo. Arnam ok chepharlotang abang anchot si pima Alangli keklempon nangji asai keklem aphan vangji lapen pachunji, lapen Alangli dular ke, inutnat tame laso asai Alangli dular klempi un’e. Ahoklo, kopima Ne kaningjedam ke ok kachepharlopon asai apharman ateng penlo. Laso Arnam ok chepharlo abang ke kechengsi pima monit kamunthidamthap alam pen chetontedet asai angdeng si nangklemlo. Laso asai keklem akemangdam ke monit aphan chepahemphuponji pulo. Ihin ateng abang ke, Arnam ok chepharlopon ke monit kamunthidamthap alam pen chetontelo, laso along batdunthu pen atheke Alangli ansose klemlo pima monit kamunthidamthap alam kachetondundedet apot, lapen lasi monit ke ansose cheparsikjik kelangdam si Alangli phuthak pemanronglo. Alangli ke monit atum anglum komatma Alangli phuthak prekjam kamunthidamthap alam kedopik atum aphan chepahemphupon asai si klemchotlo. Latum kosonsi Alangliphan chemeloma langdamdepin pen, Alangli birta keme pachethang amo ephong le Alangli ketang lote, kadokave amonit atum tame Alangli kacheraidet angbong si chemanvek nangpo. Laso asai ahokpet alam ke Chinese amonit atum angbong le jongdamvong kalilo, bonta lake kosonsi angton monit akhei aphan chepahemphupondetji apharman si cheklanglo. Laso angthek ke pima lahei amonit atum kelongdam doan ke pima angton monit akhei atum kelongdamji angthek pen aphrang kelong atumlo, lapen laso angthek asai ke pima Alangli mohut keklemponji ke laheihui amonit atum along angthek pen abatpik si dopo. Arnam ok along keklem asai ke thedung akenangsot le kethan ta kali, mate lake kachinidet le kebangthip ta kalilo. Lake ahok lapen choklimlo, lapen laso asai atheke isi pen isi pangrum lote hinilo. Lake madu pen tame chepatujoijelo, mate madu aphan tame chongthuithelo. Kopima monit atum ketheklong anke ahok lapen choklim ahormu saidelo, lapen kopima monit kelongdam ke ahok atenglo lapen kethek-kerelo. Mo asai jut lote, monit ke akimi gian Alangli phuthak longpo, lapen komatmatma ahokpet kiri atum anke Alangli phuthak anpar ke thangnat ta munthithap alam avedetpo. Laso angthek ke Alangli sai Chinese amonit atum along apot lapu kalilo, bonta laso angthek apharman cheklang ke angton monit akhei aphan Alangli kachepahemphupon asai apotlo, athe angton monit akhei aphan kachepahemphupon asai keklem ale kedo pen anpar laso aok ke thangnat ta avelo, lapen laso aok along asai, lapen laso aok asontin along. Lahei doan ke pini arni Alangli sai aphan alelo, lapen mohut Alangli sai aphan tame alelo. Laso aok ke angton monit akhei aphan chepahemphuponpo lapen ke angton monit akhei aphan longpetpo. Atheke laso pen ajok angton monit akhei atum Arnam aphan ketheklong pen anpar akeme asai ke avedetlo, lapen Arnam alam karju, lapen Arnam aphan kachini. Monit keklem asai ke isi pathikvet akangkang ansi cheklang unchotlo, lapen Arnam Alangli sai klem lote Alangli ke isi pathivet abangphu aphan anchot le kaningje kali, bonta angton monit akhei aphan si ningjedamlo, lapen kadokave komatmatma Alangli alam kedeng atum an. Laso kejut pima Alangli kepangdak ke kadokave monit akhei akijutdamlo, komatne inut kepathivet abangphu akijut kalilo. Alangli madu aphan tame prekjek akelame ke pipelo, mate Alangli madu aphan ta kephodun nangji tame klemklelo, lapen Alangli sai, lapem kaningje ke, angton monit akhei aphanlo. Laso Arnam ok chepharlotang abang laso apot si monit atum aphan angton pen thakponvetvet patang etlo, angton monit akhei aphan ingsaipon’etlo, lapen angton monit akhei aphan sitame kijut keledam nangji adim mesen thikpi’etlo. Arnam Alangli sai China along ansi klemchotlo puvoiphi tame, ahokpet ke Alangli somindar adangpi si bangso asai chepathik tang’etlo. Alangli inghonghelo Alangli sai angton monit akhei along kangdangdam anke Alangli kaningjeji lapen kisik-kedang angdeng pen angdeng selamle aphrang. Tangte lake derpikpedetjima? Non Alangli ke mohut asai laso aphrang keklemdetji aphan un pemelo. Athema laso Inut ke komatma Arnam ok along keklem abanglo, Alangli ke isi pathikvet angkang along adui-ahoi avepin asai klemlo, lapen laso aphithu Alangli monit aphan pima monit adeng ateng asai pacheklemponpo; lahenlo Alanngli keklem kekroidam kechepathikpon alam. Alangli ke isi apor ahut ansi monit pen dorappetji lapen ke angton akai asai kijutdam anke monit along dodun rappet un’edetji. Lake athema Alangli ke Arnam pima Alangli mohut akai asai laso aphrang si thanlo. Laso aphithu, Alangli angton monit akhei aphan Alangli lamthe pen apun-achak ateng thakvetpo, lapen monit akhei atum Alangli angdeng pen angdeng asai Alangli lamthe ateng pen lutdun nangpo. Madu tame chepajok un’e, lapen kadokave ra laso atengthot si klemdun nangvekpo. Lasi, mohut along ke Alangli lamthe pen si akai tame chejaponpo, lapen Karjong le kachejaji kalilo.

Arnam ok along sai ke ok along amat si klem nangvekpo. Jongsi lake Arnam aKarjong si klemponphit pulo tangte, lake thangnat angthek tame longledetpo. Jongsi lake Karjong si klemphitlo pu sitame, laso asai ke thedung akenang thangnat ta avedetpo, lapen pakroidunmeme ke padusi kalidetpo. Kadokave api doan ta Kapinchong abang asai ke akenang dojima avema puke kachiniji ninghang do, lapen kopisi la apharman cheklang’ilo, lapen kopisi la keklem ajoinelo, lapen Arnam asai ke angton pen si chepahemphu loma lapen kethek-kere loma kali, lapen lake kemepik ale lapen akenangsotlo pu kalima kalangloma. Alangli keklem laso asai ke angton monit akhei aphan kepajokji apharmanlo, Sobar aphan keparemdetji ajoinelo, lapen kadokave ahormu angbong Amethang ahakhi che’otlongji aphanlo. Lasonsi, laso asai pima Alangli keklem ke thedung akenangsot dovek nangji. Monit aok aphan ke Sobar phangnodetlo, lapen lake kachecharche karnuk litpiklo, lapen akeongpi henodet tanglo. Kopi apot si Arnam salajong ok along sai keklem loma pu akenang kethenei athe ke athema Alangli kepajok asai ajaton ke monit henlo, komatma ok kedo, lapen athema Sobar laso monit aok akerap pen Arnam asai pasiksakdunlo. Sobar pen kachedan ke chenam ta monit aphan chepahemphutdetji pu asailo, lapen laso apor ahut si, monit ke Arnam kepajok asai ajatonlo. Lason pen si, Arnam ok chepharlo abang asai ke akenangsotlo. Sobar ke monit aok aphan phangnodetlo, lapen monit ke Sobar ahormu si chemandetlo, lapen Arnam keparemdetji ajaton si chemandundetlo. Lason pen si, Sobar pen kachedan asai keklem lapen monit akhei aphan kapajok pirthe along klanglo, lapen Arnam amat ta Sobar pen chedanji aphan monit nangcheman nangkoklo. Lahenlo keklem-kedam kemenei asai pulo. Arnam ok along keklembom ahut, Alangli ke chenam ta Sobar pen si ok along chedanbomlo. Alangli ok along sai keklem ahut, Alangli ke karjong apirthe along si Alangli sai klembomlo, lapen Alangli sai angton pen karjong apirthe along keklem apot pirthe along si ahok pemandetlo. Komatma inut chepahemphu puke monit aphanlo, monit ke komatma Alangliphan athikpet klaidetlo, lapen komatma inut kaparemdet puke Sobar pen kacherap ahormu aphanlo (ahoklo, lake monit amatlo), komatma Alangliphan ke ahoturlo, lapen laso komatma inut kapadusi kapajok puke monit aphan lethotlo. Lason pen si, Arnam aphan lake ansose akenang dolo monit cheman si komatma athak kapinchong abang-arpum kedo abang, laso pen ajok Alangli Sobar pen ahokpet akachedan klem thekpo, monit aphan chepahemphupon, komatma Alangliphan athikpet kalidet lapen Alangli sonthot athak abang-arpum kedo atum, lapen monit aphan kepajok, komatma Alangli sonthot athak abang-arpum kedo atum lapen Sobar aduk kanghoitang atumlo. Alangli hotur ke monitlo, Alangli chepahemphuponji ajaton ke monit henlo, lapen Alangli kepajok ajaton tame monitlo, komatma Alangli si pinchonglo. Lasi Alangli ke monit chemanvek nangpo, lapen lason pen si, Alangli sai tame ansose kejoi chemanpo. Alangli ke Sobar aphan parem unlo lapen monit akhei aphan chepahemphu longlo, lapen, anpartame, monit akhei aphan pajok longlo. Laso aok ke mesen lapen ahokpet puvoiphit tame, Alangli ke bang pen isinat aok ason kalilo: Alangli ke pima monit jongjong aok asonlo, bonta pima monit lapen Arnam kacherapdun aok pinak. Lahenlo Alangli lapen monit angbong kacheprekdam, lapen lake lahenlo Arnam angthek pu kacheklang. Lason aok anchot si laso asai pima Alangli keklemji kar’idam klem unji, lapen Arnam ok along birta keme asai patang unji, lapen monit anglum Alangli sai angton pen patang longji. Jongsi lason kalidet pute, Alangli sai monit angbong ke kaiketa ingthaidangpo lapen chokchedetpo. Arnam le Sobar akarjong pen chedan theklo lapen chepahaipondetlo puvoiphit tame, kahenotang monit aban asema ke peme thekthejilang, lapen komatmatma Arnam aphan athikpet kalidet lapen Alangliphan kekhamkhe atum anke ahokpet Alangli chepahemphupon along aphan chemanmedetji, lake pudam lote, Alangli chenam si monit akhei aphan chepahemphu un’elo, lapen ke angton monit akhei aphan longpetpelo. Jongsi Alangli sai pirthe along pachun un’edet, tangte Alangli kisik-kedang ke kijut nangleledet khangjangpo, lapen angton monit akhei ke kesang along lutdun longledetpo. Jongsi Arnam le la kadokave Alangli pinchongtang api doan pen kesang along lut un’edet lote, lason kisik-kedang asai angthek ke kalite avedet chenampo, lape Arnam anongthe adak-atur tame lapusi avedetpo. Alangli ok ke chepahemphu ajakong avelo puvoiphit tame, Alangli keklem asai ke laso angthek longledetpo. Lake patepek un’edet akronglo Alangli sai along. Alangli sai ke chepahemphu ajakong cheparideng longloma mate longle tame, Alangli Arnam Amethang sai klembom untik ke, Alangli henlo Arnam Amethang amatlo. Koan si jongjong lapen mesen laso aok ke pu langdamdepin pen, Alangli keklem nangji asai anke Alangli klem unlo, athe laso aok ke Arnam lo lapen lake monit jongjong anchot kalidet. Laso aok athe ke laso asai klem unlo pima monit ke un’elo athema Alangli aklong’et atiri ke pima monit pen chingbarbedetlo, lapen Alangli monit aphan pajokthek pu athe ke pima Alangli angthek ke monit pen chingbarbedetlo. Laso aok ke puan si akenangsotlo monit akhei aphan athema Alangli ke monitlo, lapen anpar tame, Alangli ke Arnam lo, athema Alangli ke laso asai klem unlo pima madu jongjong amonit atum ok along la klem un’elo, lapen athema Alangli kahenodak amonit aphan pajoktheklo, komatma pirthe along Alangli pen kedorappet atumlo. Alangli ke monit pen pachingbarkrilo puvoiphit tame, Arnam ok chepharlo abang ke kaprek ale kedo abangphu pen anpar ansose si monit akhei aphan akenangsotlang, athe Alangli laso asai klem unlo pima Arnam aKarjong ke la klem un’edetji, ansose si Arnam aKarjong Arnam Amethang aphan hakhi kachipiji aphan anpar unmulo, lapen lake monit akhei aphan kelongdamji ke Arnam aKarjong pen anpar ansose si unmulang. Laso angthek ke, laso aok jongjong lapen mesen puvoiphit tame, Alangli monit akhei aphan kacherapdun lapen Alangli monit akhei kedolongbom along akenangsot ke Alangliphan anam kethekpik abang si pemanlo, lapen madu amonit aphan ta laso aok ke kalakha un’edet ahokpet ale lapen akenangsotlo. Laso aok ke Sobar aphan phangnophit un’edet puvoiphit tame, Alangli ke Alangli sai akerap pen monit akhei aphan chepahemphu unlo lapen Sobar aphan parem unlo, lapen Alangli kacheja arideng si Sobar aphan kachehodaidet peman unlo. Lake athema Arnam ke ok chepharlotanglo pima Alangli Sobar aphan parem unlo lapen ke monit akhei aphan pajok unlo. Alangli ke Sobar aphan pavirdet teng’ai nangnelo, bonta alar ke ok cheman si monit akhei aphan kachepahemphu asai klemlo, komatma Sobar pen kephangnotang. Lason pen si, Alangli ke Alangli pinchongtang api doan angbong Amethang ahakhi chipiponthek pemepo, lapen kahenodak amonit aphan Alangli kapajokthek pemepo. Arnam ok chepharlo abang Sobar aphan kaparem ke thedung ahakhi si chemanlo, lapen ke ansose si kroidunmemelo, Arnam aKarjong Sobar aphan menmen kapavirdet pen anpar. Arnam ok along abang ke monit aphan ansose si rapdunlo Kapinchong abang aphan kachiniji lapen ke Alangli pinchongtang api doan angbong Amethang ahakhi kachipilong peme thekji aphan.