Pitor Keklem Along Kephopon Heihui: Ado Kipi Lapen Kangsai Aphuthak Alang Kachinidam

Arnam le alangphan ado kipipon ahut, Pitor ardomlo, “O Arnam! Ne ok ke athikdutdedetlo, lapen Nang nephan ado pilo lapen nephan ingsailo. Nang ado kipi lapen akangsai along ne ke chehokponlo, lapen jongsi Nang le nephan akenang ave pu tame, Nang akangsai along ne ke Nang akangthir’et lapen kechoklim akun cheparidenglo. Nang le nephan kangsai ahut, laso pen ajok akaprek atum Nang akangsai along Nang akechoklim akun ketheklongji aphan, ne ningingsamlo. Ne jasemet kar’idam ke pima Nang kun heihui ketheklongdakji pima laso pen ajok Nang kangthir’et akun doan ke kadokave api doan ta ketheklongji aphan, lapen ke ne Nangphan ansose ingthirjir pen kanghon thekji lake Nang akangsai penlo lapen komatma kangthirjir abangphu ason kachingbardun kelongji aphanlo. Laso akangsai Nang keklem ke mesen, pima lason henlo Nang kangjinso ningkehangdam. Ne chinilo pima nelong ongdung kachedandong aot nonpu tame dobomlang, lapen pima Ne ke nonpu ta Nang thengno kevangji aot avedetlo. Nang nephan ansose kapangsaitoiji si ne ke ninghanglo, pherememe avarmon mate thedung akesungpik pen pu tamelo; Nang ajat le klempon tame, nephan ke la anam sodaklo. Nang kanghon ke puan akethe, lapen ne ke nemethang Nangphan si chehodaiji ninghanglo Nang akangjinso ateot along masapnat ta patepekpepin penlo.” Lake Pitor kachinidamlo alang Arnam asai keklem along phopondet aphilo, lapen lake alang Arnam aphan kanghon ahakhi tai silo. Pini arni, nangtum aphan ke nangchepahemphu etlo – bonta koson si laso kachepahemphu nangphan kachepaklanglo? Ajahak amonit atum pulo, “Ne kachepahai ke Arnam kangtuiving akangjinso lapen kachehokpik pen apot. Non ansi ne chinidamlo pima monit achethe ke ingkokvang lapen thangnat ta ardi ave. Monit atum alang akai ke kapasik si apor padamlo, asomar aove aphi aove kapachan lapen kelana an henlo. Pini arni, Arnam nangchepahemphudet aphi anchot si ne theklonglo pima lason ateng pen akerengbom ke jat ta ale ave; lake chenam si ajor kavenei achethelo. Ne kithiji lapen puan si kijutkokji tahailo!” Tangte lason amonit atum mat si kachepahemphutang pen Arnam ale longjima? Tangte latum kea sat kelang’i aphan ahormu lapen ajaton cheman unjima? Lason amonit atum doan ke dothing prangsetse pu akethanlo; latum ke ningkehangdam avedetlo, lapen methang aphan kachepameji bor’i’elo. Latum aphan chepahemphutanglo pule alakha enpondet pu tame, lason kibuiklui amonit atum doan ke kechoklimji aphan un’edetpo. Alang akai kijutji dokdok ahut an, alangphan pachoklim tangdet pen aphi, Pitor pulo, “O Arnam! Jongsi ne le masap aningkan batchet pen kedo nanglang pulote, Nang kangthirjir lapen karnukkrung akanghon kelongji si ne ninghangdamlo.” Alangphaan thengparpan athak kesakji apor nangkele ahut an, alang aning arlo alang ardomlo, “O Arnam! Nang apor ke non nangle tanglo; Nang nephan kisikpitang laso apor ke nangle tanglo. Ne Nang pharman thengparpan athak thi nangpo, laso ahakhi Nangphan ne chechak nangpo, lapen Ne ningthelo pima ne kanghon Nang akenangji ateng ningpangsamlo, lapen pima laso pen lake ingthir muchot manpo. Pini arni, Nang pharman kithiji undet puke, lapen Nang pharman si ingchinso thengparpan along chepasak haidet puke, ne methang aphan ningchepangsamlo lapen pachichinithu lethotlo, athe ke Nang akar’i heihui ningpangsam lapen Nang pharman thengparpan athak kithinang ki’undet pen anpar ke thangnat ta nephan ningkangsam dorplup avelo, lapen Nangphan si ne methang aphan kachipidet un, ne kai Nangphan si kachehodaidet unlo. O Arnam! Nangphan ke chinghon meme chenam! Nang henlo nephan kaparengdunlong, ne Nangphan ansose si kanghonji ningkehang dolang. Koan ma ne kerengtik anke, ne Nangphan inghonverpo. Nangphan ansose arnukkrung pen kanghonji si ne ninghang dolo. Nang nephan ingsailo, lapen ado nephan pilo, lapen nephan asat enlo athema ne ke ingthirthedet, athema ne ke pap klem tangdetlo. Lapen Nang kangthirjir akun doan nephan paklardak pen pacheklanglo. Lake nephan ahirjumelo, athema Nangphan ansose si arnukkrung pen inghon theklo, lapen laso ateng pen Nangphan ne chinghonbomji ninghanglo jongsi nephan le Nang inghonhedet pu tame. Ne ke Nang kangthirjir akun ketheklongji aphan ninghang dolo, pima lake nephan ansose si ajor kedo akai kerengdunji aboi nangpilo. Ne chemathalo pima ne kai nonke ajor do pemelo, pima Nang pharman ne ke thengparpan athak thilo, lapen Nang phan ajoine kithi puke ajor do peme. Tebonta nonpu ne ning ingsamsedet ason si dolang, athe ke Nang phuthak masapso ansi ne chinichotlang, ne chinilo pima ne ke Nang akar’idam heihui angton pen paplengpi thekthelo, lapen Nangphan kachitu ke masapsonatlo. Ne kai along, Nangphan angton pen ne methang kachitulapji ne ke un’edet khangjanglo; Ne ke laso pen helopiklang. Nonjong apor ahut ne aphi chelang lote, Nangphan kachoro nangji si dopik pu ne chemathalo, lapen labangso apor bonta nelong dolo pima kadokave ne akechokchedet doan kapachokji lapen kadokave akanghon pima Nangphan kachitute doan chitu thekji aphan.”

Monit atum ajor kedo akai kerengdun longji aphan ri nangji, lapen alang nonjong kephobom heihui pen ke ningchepangsamsedet nangji. Pitor arje ason kerengdunji aphan, alang Pitor kachinidam lapen keklem kephopon doan cheparideng longvek nangji. Monit atum pima ingtuiving lapen keongdung akethe ahormu aphan si ridun nangji. Alang Arnam akanghon karnukkrung, kangthir’et si ridunvek nangji, lapen ale kedo lapen ajor kedo akai si pima nangji. Laso akai anchot si; tangte monit atum Pitor ason thakthak anke chemandunpo. Nang ke kemesen ahin nang kilutdunji aphan keprangset pen si dover nangji, lapen methang aphan aphi kacherui pen ajok tangka ale aphan ajoine chehodaidundet si hala akeongpi akethe aphan ke panungthukuk puke chokcheveklo, ansose arsikjik pen, lapen ansose ahok keklem-kedam penlo. Nang akanghon ke asai paklangvek nangji, lapen laso kahenodak aot pen methang kachepajokji aphan nang atovar chirivek nangji, aron kekot kavedet akai ke pima marat-mareng atum pen kacheprek si avelo. Nang ke ajor kedo peme akai si rengdunvek nangji, ale kedo akai, lapen nang ke methang aphan chepalu nangne mate nang kai aphan kijui’i ahormu ason puke pinchongpon nangne. Athe komat si Arnam aphan kanghonji pu kemang anuttin tame, latum pima karjap pathir thekthedetji aphan puke akaprek thangnat ta kachongvaidamji ahokpet ke avelo lapen akangsai avelo. Kopuson si nang kai nang kedo nangpo? Kopuson si nang Arnam aphan kanghon nangpo, lapen laso akanghon pen Alangli akar’idam ningpangsam thekpo? Nang kai along ke thedung alam akaprek avelo. Lahei pen anpar tame, nanglong lason akemangdam lapen kachepaningdingdam dovek nangji, lapen komatmat ma kangdukvok ajor kave, komatmat ma keboidet atum ason ke cheplangdun nangnelo. Nang ke ajor kedo peme akai koson si kachomat longji lapen ajor kedo ahokpet kachomat longji aphan le charlinon, lapen laso ateng pen nang methang aphan ardi kachepavedet puke klemdetrinon. Nang thangnat ta chemathadamdepin pen, nang kai ke nanglong pen dampo; laso aphi anke, Arnam aphan nang kanghonji adunthu avarsai longjilang puhe? Tangte monit atum alang thilot aphi Arnam aphan inghon thekjima? Nang ke Pitor asonthot akemangdam lapen keme-heno kamunthithek dovek nangpo; nang ke ajor kedo peme si nangvekpo, lapen nang methang aphan nang kapathu’idet ason ke peman nangnelo. Monit pu ateng pen, lapen komat ma Arnam aphan kiri abangphu ateng pen, nang ke nang kai aphan kosonsi nang kachelanapon loma chelangdam peme nangvekji, kosonsi Arnam aphan nang methang kachipidet thekji, kosonsi Arnam aphan ajor kedo akekroi ansose kedo kethekjima, lapen kosonsi, nang Arnam aphan inghonlo, nang Alangliphan inghonvek nangpo ansose ingthirjir akrong pen, ansose kemesen pen, lapen ansose kechoklim pen. Pini arni, nang ke kosonsi nangphan chepahemphupon ateng pen anchot ke ningingsamdop chokchedetji, bonta nang mohut kedamji aphan laso atovar chithikvet nangkokpo. Nanglong kemangdam lapen kechoklim kemanji aphan keklemduthai dovek nangji, lapen nang methang aphan kaiketa un’edetji pu chemathaver nangne. Tangte ahok puke ningkedok ason dolangma? Tangte laso ahok ke monit aphan chinilor si khamkhema? Jongsi nang laso ahok aphan rilo, tangte nangphan la paremdetjima? Jongsi nang le kangsai kelongji aphan arjap pathir lote, tangte la nangphan paklodupjima? Jongsi lake ahokpet si nang chethe kiridam akemanglo tangte, nangphan chethe chepajokplotjima? Jongsi nang le laso ahok ateng kalidet, lake athema laso ahok nangphan langkranglo, bonta athe ke nang si laso ahok pen kedo chepahelolo; jongsi nang le kangsai kelongji aphan arjap paprap thekthe; pima lake kangsaiji along si kopine akechokche dokoklo, bonta athema nang kroidamlo lake akechok pen angtan aren ansi dokoklo; jongsi nang ke chethe longledetlang lapuan ajak kiding aningkan ridet aphi tame, lake athema chethe nangphan keme-kaheno kamunthidamthek kavedet apot kalilo, bonta athema nang si chethe aphuthak kamunthidam kavedetlo, lapen chethe aphan panungkuklo; jongsi nang le katheang along si dolo, lapen laso akatheang kelongji aphan thekthedetlo, lake athema laso akatheang nangphan kapaklar thekthedet apot kalilo, bonta athema nang si laso kedobom aketheang aphan thangnat ardi pidundedetlo, lapen lasi laso akatheang ke nanglong pen joijoi si chetrekjuilo. Jongsi nang le la ridundedet, tangte lake lason le pudet ta melo pima nang ke ale kavenei kevarchor asonlo, lapen nang kai along pherejulo, lapen kangting ajakong pen kachepajokji aphan aboi amat ta avelo. Nang ke boipik si mandetlo! Nang ke Sobar ajakong pen kachepajokji ta un’elo pima nangphan la komchen along chepidunlo, lapen laso akejok lapen kerengmesen akai along si dodunji ninghanglo lapen kachinine kachekrong pen si thipo. Kopima nang kachepalong nangji ke nang nang kiri pachepahemphuji; lake nang kanghor nangji adenglo. Jongsi nang le pachepahemphu along ningingsam dolo, tangte laso aketheang kedobom along nang dam pemelo. Nang ke laso ahok aphan kesung chechakvek nangji, nang ke laso ahok aphan mena chipivek nangji, nang ke laso ahok aphan ajoine katherak tame chechaklunvek nangpo, lapen koan ma laso ahok nang kelongji lapuan sose akesung si nang ke phoponvek nangpo. Lahenlo kopima nang keklemvek nangji. Nang ke laso ahok aphan padarchor nangne athe hemtun isi akai kerengmesenji aphan ajoine pen ke, lapen nang ke nang kai tangka ale kachehok’i aphan ajoine ke man-peng lapen angthikdut aot chepangbo nangne. Nang kadokave pima akeme lapen akechok si rivek nangji, lapen nang chethe atovar along pima ansose ajor kedo lasi rivek nangji. Jongsi nang le kahenopik akai ason si renglo, lapen thangnat akemangdam ta rirepin tangte, nang kai kachephangno kalilang puhe? Kopi si lason akai pen ke nang ale kelongpo? Nang ok aninghang ason doan ke padarthei nangpo pima laso isi ahok aphan ajoine, lapen doan ahokpet var’et nangne pima ningkarong kachipi’i aphan ajoine pen ke. Lason amonit atum ke athikdut mate man-peng ta avelo; alangtum akerengbom along ke thangnat ajor ta avelo.

Arnam monit aphan ado pilo lapen ingsailo athema lake Aalngli sai keklem along kenangsotlo, lapen, anpar tame, athema lake monit atum ta nangvekpo. Monit atum ado kipi lapen kangsai ke nangvekpo, lapen laso pen anchot si alang Arnam akanghon longdun unji. Pini arni, nangtum chenam si kroidun etlo, bonta nang le masapsobak akesung kachetong lote, nang ke sungdet titi; nang man-peng angdeng ke nonpu ta bipiklang, lapen nang ke nonpu ta lason ado kipi lapen kangsai pen ajok arnukkrung agian kelongji aphan phoponpik nangjilang. Pini arni, nangtum ke Arnam aphan asapso ke man-peng chipilo, lapen nang Arnam aphan pherelo, lapen Alangli henlo ahok Arnam lo pu nang chinilo, bonta nang ke Alangliphan thedung akanghon avedetlo, kangthirjir akanghon ta kelong durepiklang; nangtum akachinidam ke ale avepiklang, lapen nang man-peng angdeng ke nonpu ta dorplup kalilang. Nang le ahokpet lason avaramn chetong lote, nang ke nonpu ta lason ke phophepinlang, nang kilutdun ta keprangset ke masapsovetlang, lapen nang ke koson si keklem-kedamji ma jat ta abidi avepin. Ongdung amonit atum ke thiklaklo lapen lovi-losor thekthepin; latum ke alangtum aning arlo pen si joijoi pen Arnam aphan inghonlo, bonta keklem-kedam pen ke atovar avelo, mate latum doan ke alangtum kopi akemang aphuthak ta klardak kalilo. Komatmat ma kechoklim atum doan ke monit atheng le kelongchot kali, bonta ahok tame longponlo pima lake keme-kaheno kamunthidamthek alakha aphan litplotlo, pima lake ingtuivinglo hala keme-kaheno kamunthidamthek angdeng pen; latum ke alangtum keme-kaheno kamunthithek le ke’enchot kali Arnam akanghon kachituji aphan, bonta, laso pen ansose si dolang, latum Arnam aphan chini pemelo, lapen theklonglo pima Arnam ke inghonmeme, lapen monit atum akanghon kelong nangji atheng do, lapen ladak ke ongdung Arnam aphan kanghonji ason dopiklang; monit atum cherap thekthe bonta Alangliphan kanghon henlo! Arnam aphan akanghon ke komatmat ma kechoklim atum doan henlo athe ke alangtum mena jongjung akemang kapachunji aphan. Alangtum along ke ki’ik un’epin akanghon dolo, laso akanghon ke pima adular thangnat ta hanghelo, lapen kejor-kenam pu ason kalidet. Latum Arnam aphan inghonlo athema ajat apot ta kali alangtum Alangliphan kachinidam ajoinelo. Lason amonit atum ke Arnam kangjinso latum aphuthak pinon pipedetnon chinidamdelo, lapen ke Arnam aphan ningkapangsam pen anpar ke thangnat ta ningkarong avelo. Latum ke Arnam pen kijum-kebat aphan chedande, mate latum ke keme-kaheno kamunthithek pen alangtum Arnam aphan akanghon chelakhakhe: “Nang nephan nangpi tanglo, lasi adular ke Nangphan ne inghonlo; jongsi nephan Nang nangpipedet asonte, Nangphan adular nangkachipiji nelong thangnat ta ave.” Komatmat ma kechoklimtang atum doan ke kaiketa kroidamlo pima: “Arnam si Kapinchong abang, lapen Alangli sai itum aphuthak Alangli klemponlo. Athe ke ne laso avarsai, kepho nangji ason, lapen ke’undun nangji doan kechoklimji aphan ke longdunlo, ne kiridam ke ajor kedo akai ateng kerengdunji aphan, lapen ne ke Alangliphan ningpangsam nangji.” Lake lasonthotlo pima Pitor le keklem along kephopontanglo: Alang akeboinei ahut alang lasonlo, alang Arnam aphan ardomlo lapen pulo, “O Arnam! Ajat apor mate adim pu sitame, Nang chinilo pima ne ke kaiketa Nangphan si chemathalo. Ajat apor mate adim pu langdamdepin pen, Nang chinilo pima ne ke Nangphan si chinghonji ninghanglo, bonta ne man-peng angdeng ke bipik chenamlo, ne ke boidetlo lapen ingtangtedetlo, ne kanghon tame isi angdeng ansi dokoklo, lapen Nangphan ne kachingkime tame ardi masap ta avepinlo. Nang akanghon pen pangbardam pulote, ne ke kerengdunji aphan amat si atheng kalilo. Ne ninghang ke la anchotlo pima ne kai ale avepin pen padam nangne, lapen ke pima ne Nang kanghon adular kachitu unchot kali, bonta, anpar tame, pima ne Nangphan nelong kedoan kachipidet thekji aphan. Jongsi ne le Nangphan ningpangsamlo, tangte api pu ateng pen ke, ne phu ingsamjinpo, lapen anpar ke thangnat chohanghelo. Ne le boidet lapen ingtangtedet nonke puvoiphit tame, Nang nephan ningpathe ke chetengnenelo, lapen Nang kanghon tame ne tengnenelo. Nonke ne Nang kanghon adular kachitu pen anpar ke jat ta klemklelo. O Arnam, ne chemathadam henopik ason! Kopuson si Nangphan ne ning arlo akanghon ne kachipithu thekji, koson si ne keklem un’an ne keklem thekpo, lapen laso pen ajok Nang ninghang ason an paplengpi thekpo, lapen kadokave nelong kedoan Nangphan kachipithei thekpo? Nang chinilo monit atum akeboidet heihui doan; koson si Nang kanghon atheng ne kemandunpo? O Arnam! Nang chinilo ne ke man-peng kangdeihek abang, pima ne kanghon tame ardi avepin. Kosonsi ne keklem mesen thekpo pima lason avarman along ne keklemponpo? Ne chinilo ne ke Nang kanghon adular chituvek nangji, ne chinilo pima nelong kedoan ke pima ne Nangphan chipithu nangji, bonta pini arni ne man-peng angdeng ke bipik chenam. Ne arjulo pima Nang si nephan jakong lapen ningkethe pilo, lasi pima Nangphan kachipidetji aphan ne ke ansose si ingthirjir akanghon cheparideng longpo, lapen ansose nelong kedoan ason pen Nangphan chipithei thekpo; Nang kanghon adular ne kachitu thek anchot kali, bonta Nang ado kipi, kangsai lapen asatlang doan ne ke chomatthei ansose thekpo, lapen anpar ta ansose sungpik ahirjuno antalo. Nang kanghon ketheklongji aphan Nang nephan avarsai tholo, lapen ne ke Nangphan kachinghonji thekthedetlo, lapen ne le pini arni boidet lapen ingtangtedet puvoiphit tame, koson si ne Nangphan katengnepo? Nang kanghon, ado kipi lapen akangsai doan kadokave tame Nangphan pachinilonglo nephan, tebonta ne Nang kanghon kapaplengpiji thekthedet si chemathadamlo, athe Nang ke thepik chenam. Koson si ne kedoan kadokave ta pima Kapinchong abang aphan ne chipithei thekpo?” Lason henlo Pitor kachoningri, tebonta alang man-peng angdeng ke dorplup kalidetlo. Nonjong laso apor ahut, alang chemathalo nokek le alang aning along ketoklut ason thakthak. Alang ke aningdukpiklo; alang chininelo kopisi lason akepho ahut keklempon nangji. Tebonta alang ke kardom che’o’edetlo: “O Arnam! Monit atum ke aso thi’ivok asonlo aot, alang keme-kaheno kamunthithek tame ingtangte, lapen esonnat ahormu ne kelong nangji ke Nang kanghon adular kachitu thek henlo. Pini arni, ne chininelo koson si Nang kar’idam doan ne ningpangsam thekji, lapen ne ninghang ke ne kethek doan angton pen keklemji, nelong doan ajat ta kipitheiji, lapen Nangphan ne kedoan kachehodaidet thekji. Nang akangsai aphan langdamdepin pen, kopima Nang nephuthak kipitang mathadamdepin pen, kopi si nelong pen Nang kachepon donon avenon, nephan la masapso alamki Nanglong pen pajokplotnon. Penang an aphong, Nang le nephan ado kipi lapen nephan kangsaipon ahut, ne ningchingsamselo nemethang aphan, lapen kangthirjir kelongdunji aphan, mate Nang ninghang doan paplengpiji un’edetlo. Nang akanghon apot ne kachitudam ke ketoi bor’i pen si nangdolo, lapen nonjong laso apor ahut ne ke methang aphan ansose si chelangseletlo.” Lake athema alang Arnam akanghon akangthirjir si choridunlo pima lason si Pitor tame ardomlo. Alang ke ribomlo, lapen choningri padikrimlo, lapen anchot ta kalilang, alang ke methang aphan si akoi chipilo, lapen alang pap doan Arnam angno chethanlo. Arnam aphan alang kachoro si mathalo, lapen methang aphan ke chelangseletlo, tebonta alang konatne ke ningduklo lapen thiklaklo. Alang kaiketa lason si mathalo, Arnam akar’idam doan along kemesen kalidet pu asonlo pulo, lapen alang akemenei ason klem thekthedetlo. Lason akephobom ahut, Pitor ke Job akekroi ason si chorilo. Alang theklonglo kopuan kethe lone Job akekroi, athe Job ke theklong etlo pima angton tame alang doan ke Arnam pen si longponlo, lapen alanglong pen ajat tame Arnam kachepontheiji ta ajakong doveklo, pima Arnam ke Alangli mat aphan si kipiji ninghang doma piponpo – Arnam kangthir’et akun puke lason henlo. Job ke thangnat kapasimu avepin, lapen Arnam aphan kero pibom theklo. Pitor tame methang aphan chichinilo, lapen alang aning along alang ardomlo, “Pini ne keme-kaheno kamunthithek akerap cho’en pen Nang kanghon adular ne kachituji puke ningarong nangne lapen kopuan akanghon pen ne Nangphan kachipithuji doan, athema ne kamathathek doan tame kahenotanglo, lapen athema Nangphan Kapinchong abang ason ne ketheklongji ke un’edetlo. Athema ne ke nonpu ta Nangphan kanghonji atheng kalilang, ne ke nelong kadokave kedoan ason pen Nangphan kachehodai thekji aphan charlipik nangjilang, lake athe ne ninghanglor pen si klempo. Ne chini nangji kadokave ta pima Nang keklemtang doan, lapen akaprek ke chongvai athai avelo, lapen ne ke Nang kanghon langvek nangji, lapen Nangphan akero lapen Nang kangthir’et amen aphan karchopon ne thanthek nangji, laso pen ajok nelong pen Nang thedung anongnam kelongji aphan. Nangphan bangso ahakhi kipiji aphan ne ke karjap paprapji ninghang dolo. O Arnam! Nang kanghon ke anam sopik an lapen mepik chenam; kosonsi ne kahenodak atum arideng kerengdunji aphan ningkehangpo laho? Nang le nephan pinchong kalidet ma? Kosonsi ne le Sobar arideng along kerengdun thekpoma? Ne akar’idam ke pima ne angton abang tame Nang ado kipi along si kedo kangtunglo. Ne ke kahenodak atum kachepahemphu along kedodunji ke ninghanghepinlo. Jongsi nephan pangthirjir peman melang, lapen nelong kedoan pen Nangphan chehodaidet unlang, ne bang lapen ne ning Nang akangsai lapen ado kipi along kachipidetji ninghang dolo, athe Sobar aphan ne ningdokde pemelo, lapen laso kacharipon aber ke kedodunji aphan ne ninghanghepinlo. Nang nephan akangsai pen ajok, Nang kangthir’et akun Nang chepaklang tanglo; Ne ningaronglo, lapen masapsonat ta kapasimudam avedetlo. Jongsi ne le api ateng pen adeng cheklem theklo, ne ke ninghanglo pima nelong angton akai tame Nang akangsai pen kacherappetji aphan, laso pen ajok ne Nang kangthir’et akun chinidam longpo, lapen kahenodak atum akebaipon along pen chepajokplot methang thekpo.” Pitor kaiketa lason ardomlo, kaiketa lason si rilo, lapen alang ledamlo, pachingbardam pen ningje lote, ingtuiving Arnam arat ahavar. Arnam akanghon adular alang kachitu le kethekchot kali, bonta, akenangsotnei ke, alang isi api ateng pen adeng chepachun pemelo. Alang keme-kaheno kamunthithek pen alang akoi kipi anchot kali, bonta alang ke laso keme-kaheno kamunthithek angdeng pen abat palitplot theklo. Alang akardom doan ke Arnam aphan si ingtui muchotlo, lason ke alang akemang doan tame ansose ingtuithulo, lapen Arnam aphan alang akanghon tame ansose themuchotlo. Alang le keso aningdukpiklo chechaklo puvoiphit tame, nonpu ta Arnam aphan alang akanghon chetengnene, lapen nonpu ta Arnam aninghang ateng kachiniji aphan si chorivunglang. Alang akardom along alang ningjelo laheihui alamthe: “Ne ke Nang kanghon adular kachitu pen anpar ke jat ta kelongdam avelo. Ne ke Sobar angno Nangphan ahakhi chepipelo, Sobar akebaipon along pen ne methang aphan chepajok thekthelo, lapen nonpu ta ok angbong si dobomlo. Ne kanghon pen Sobar aphan kehai thekji si ne ar’ilo, kapatherakji, lapen si Nang akar’dam ningpangsampo. Ne ninghanglo ne angton pen Nangphan kachipiji, Sobar aphan ke masapsonat ta nelong kedoan ason chipipedetji, athe Sobar ke Nang hoturlo.” Laso ahin anatthu koan ma alang kiridam, lapuan si alang aphan japonlo, lapen lapuan si alang laheihui aphuthak kachinidam ingtui muchotlo. Thangnat ta chemathadamdepin pen, alang chinilo pima alang Sobar kebaipon along pen ke methang aphan chepajokvek nangpo, lapen Arnam ahin si angton pen chiruithuvek nangpo. Lason henlo Arnam arat ahavar alang kelongdam. Alang Sobar kepangrompon pen angtan nangbarplotlo, lapen ok aninghang ateng kachehok lapen ningcheparong mena aphan che’odetlo, lapen ke Arnam ado kipi lapen Alangli akangsai aphan si ongdung pen kephoji ninghang damlo. Alang pulo, “Nang ado kipi angbong le ne dolo puvoiphit tame, laso akesung-keboi pima chingvuikung pu sitame, nonpu ta ne ke Sobar kacharipon aber ke kedodunji ninghanghe, nonpu ta ne ke Sobar kapasalakpon along kachechakdunji ninghanghe. Nang ahirjuno kipi angbong si ne ke kedo ningcheparonglo, lapen ke Sobar ahirjume kipi angbong kedodun ke ningdukpiklo. Nang kangsai angbong kedo pen Nangphan ne chinghonlo, lapen lake nephan thedung aningkarong vanlo. Nang ado kipi lapen kangsai ke ingthir’et lapen choklimlo; lake pipotma nephan kecham pangthirji aphanlo, lapen anpar tame, lake nephan kapajokji aphanlo. Ne chethe angton pen dotik anke Nang akangsai angbong si kedoji ar’ilo laso pen ajok ne Nang kelana aber do longji meme. Malomsobak apor aphan antame Sobar kachepahemphu along ke ne dodunji ninghanghelo; Nang si nephan kecham pangthirji ninghanglo; jonghele ne kesung chechaknang tame, Sobar nephan kapaheno lapen kachongthui along ke dodunji ninghanghe. Ne, bangso api, Nang si enponvek nangji, Nang si cheparideng nangji, Nang si ingsai nangji, lapen Nang si ado kipi nangji. Ne ning chehok’lo jongsi Nang le nephan hirjume pipo pulote, athe Nang kanghon ne theklonglo. Nang ke Kapinchong abang, lapen ne ke eson api: Ne ke Nangphan chongthui longlelo lapen Sobar arideng kedoji longlelo, mate Sobar si nephan phangnodakji puta longlelo. Ne ke Nang losei si man nangpo, mate chaining alo, Sobar along kedodun alar ke. Nang ado kipi angbong si alar ke ne kedoji, ok akerengme kalipin pen, lapen lake nephan ningkarong vanpo jongsi ne le Nang akangjinso kachepangbo puvoiphit sitame. Nang akangjinso ke nelong avedet puvoiphit tame, nephan Nang ado kipi lapen kangsai kelong ningaronglo; lake Nang hin pen kemenei ahirjumelo, Nang kethenei akangjinsolo. Nang le kaiketa nephan ingtangkring lapen sedengkak titi puvoiphit tame, nonpu ta ne ke Nangphan kache’oji thekthelang, lapen nonpu ta dorplup pen Nangphan ne chinghon thekthelang. Nang hemtun along si ne kedoji ninghanglo, Nang le nephan ahirjuno kipi, ado kipi, lapen nangparemdet si ninghanglo, lapen Sobar arideng kedoji puke ne ninghanghedetlo, mate ne si mena ok aningkehang aateng kachingkhandun lapen kachepasik puke ninghanghelo, lapen ok apharman ne kerengpiji puke ne ningkehang avethu muchotlo.” Pitor akanghon ke ingthirjir akanghonlo. Laso akephopon pen ajok kechoklim keman, lapen lake kangtuinei angdenglo kepachoklim kemanlong; lapen akaprek ke ansose ajor kedo akai avedetlo. Alang Arnam ado kipi lapen akangsai dengdunlo, alang Arnam kangthir’et akun chebirtidunlo, lapen Pitor aphuthak ka thangnat ta anam kesodam puke ave. Alang pulo, “Sobar ke nephan hormu-hortar aningkarong si pilo, bonta ne ke laheihui doan birtidundedetlo. Arnam ado kipi lapen kangsai nephuthak vanglo – laso along ne ke kangjinso plengsetlo, laso along si ne ke ningkarong longlo, lapen laso along si ne ke hirjume dopetlo. Arnam akangsai aphan kalidet pu asonte ne ke Arnam aphan inghon thekthedetpo, ne ke nonpu ta Sobar arideng aber si dodunbompo, kachepahemphu lapen akejapon ateng si nonpu ta dopo. Jongsi halason henlo alam ke, ne ke kechoklim monit atheng chemanmelo, athe ne ke Arnam aphan ningpangsam thekthedetpo, lapen ne angton pen Arnam aphan chepidet un’edet chenampo. Arnam le nephan hirjume pipedet puvoiphit tame, nephan karengmemedet ke nangpipedetlo athema nelong aklong’et ke eson ame kekar’ang asonsi doverlo, lapen ningkangsam mate ningkarong kave pen, lapen Arnam ado kipi lapen kapakengpon puvoiphit tame lake nelong pen che’o’edetlo, Arnam ado kipi lapen kangsai along si ne ke Alangli kangthir’et akun thekponlonglo. Ne ke laso along chehokponlo; kai along ke lapen akaprek puanpin ale kedo mate ajor kedonei ahormu avedetlo. Alangli akeraikom lapen akelana ke kaphereme meme ado kipi, kangsai, ahirjunolo lapen kachepahailo puvoiphit tame, nonpu ta ne ke laheihui ason pen si ningarong chipilo, athe lahei pen nephan cham pangthirpo lapen nephan nanglar thekpo, Arnam adung an nephan patebokpo, lapen ne kanghon Arnam aphan ingthirjir si pemanpo. Lake nephan eson api ateng pen nedeng doan chepachun thek’ipo, lapen Arnam angno si nephan ponpo lapen Sobar akejapon pen nangpahelopo, laso pen ajok ne anpar ke Sobar aphan ru-theithelo. Ne le Sobar arideng arum dodedetlo pulo tangte, lapen nelong kedoan angton ne chipidet theklo lapen kadokave pima ne Arnam aphan keklempithek doan, aphi pen thangnat ta vungdunde si – lake pima ne le choklim pen kedor pemelo pu ahut si manpo. Lake Arnam ado kipi lapen kangsailo pima nephan pajoklo, lapen ne kai ke Arnam ado kipi lapen akangsai pen cheraphetlo. Bangso apirthe along ne chethe ke Sobar arideng si dolo, lapen jongsi lake Arnam ado kipi lapen akangsai pen kelana lapen keraikom kalidet pu asonte, ne ke Sobar arideng aber si kaiketa dobomji apotlo, lapen, anpar tame, ne ke ajor keplengset akai ateng pen kedoji mate avarsai longledetji apotlo. Jongsi Arnam ado kipi lapen kangsai nephan ke’o’e pen anchot si ne ke Arnam pen ajok cham pangthir longdun unji. Arnam kesodak alamthe lapen kangthir’et akun pen anchot si, lapen Arnam kangtangkring akangsai, ne ke kangtuiving keraikom longdunpo lapen katheang along si dodun longpo, lapen Arnam pen ahirjume longdunpo. Kecham pangthir ki’undet puke, lapen Sobar along pen methang aphan kachepajokthek, lapen Arnam akacheja angkang kedodunthek – lake ne kai along pini arni kethenei ahirjumelo.” Lahenlo Pitor ke kangtungnei angdeng kachomatponlong.

Lahenlo pima monit atum kechoklim patangdet aphi lote kelongdunvek nangji angdenglo. Jongsi nang le lapu anta longdundelang, tangte nang ke ajor kedo akai rengdun thekthelo. Monit atum ke ok angbong si dolo, athe ke alang monit atum ameherang along si dodunlo, lapen Arnam kangsai lapen ado kipi avete, monit ke Sobar asonthot si kahenolo. Koson si monit ke kangthirpo? Pitor kroidamlo pima Arnam ado kipi lapen kangsai pen ajok monit atum kemenei keraikom lapen kethenei akangjinso dolo pulo. Arnam ado kipi lapen akangsai pen anchotsi monit atum ke mekprangji lapen ok aphan langseletji, Sobar aphan langseletji pulo. Arnam kesodak kepakeng pen si monit aphan Sobar akejapon pen nangpajokpo, alang mena masapso apirthe along pen alangphaan pajokpo, lapen Arnam akatheang kedo along alangphaan padodun longpo. Laso pen kemenei akejok ke ado kipi lapen kangsai pen anpar avelo! Pitor ardomlo, “O Arnam! Nang nephan ado kipi lapen kangsai koan ma arjikiding, ne chinipo pima Nang nephan nang’o tekangkelo. Jongsi Nang le nephan ningkarong mate ningkangsam pipedet putame, lapen kesung along si nephan nangpadolo, lapen nephan lakha un’epin ado kipi si pasunglo tame, Nang nephan nang’o’etik anke, ne ning ke domesenpo. Pini arni, Nang ado kipi lapen akangsai ke nephan kemenei keraikom lapen nephan kethenei ahirjume si chemanlo. Nang nephan kipi akangjinso nephan nangrailo. Nang nephuthak kipi akangjinso pini arni ke Nang kangthir’et akun kachepaklangdak si manlo, lapen laso ado kipi lapen kangsai; anpar tame, lake isi asatlanglo, lapen, laso pen anpar ke pima, lake kesung kachechak achethelo.” Pitor ke ok aningkehang ason do’an achar kibi’et thek’lo lapen karnukkrung akanghon lapen kethenei akeraikom si rilo, athema alang ke ongdung kangjinso Arnam ado kipi lapen kangsai pen ajok longtanglo. Alang kai along, jongsi monit le cham pangthir kenangji lapen alang akun kachelar kelongji ninghang, jongsi alang ajor kedo akai kerengdunji lapen alang adeng eson api ateng kapachunji ninghang, tangte alang ke Arnam ado kipi lapen kangsai chodengvek nangji, lapen Arnam kapakeng lapen Arnam kachepahai alanglong pen pacheterek longledetvek nangji, lake athema alang Sobar kachongthuipon lapen kachejapon pen methang aphan chepajok thekji aphanlo, lapen Arnam akatheang along dodun thekpo. Arnam ado kipi lapen akangsai ke katheanglo pu pima chininon, lapen monit aphan kejok kipi akatheanglo, lapen pima akaprek kemenei ahirjume, kangjinso mate keraikom monit aphan ke avelo. Monit atum Sobar kachejapon along si dolo, lapen ok along si dodunbomlo; jongsi alangphan cham pangthirthe lapen Arnam keraikom longdundedet, tangte monit ke ansose si kachehelo dothu nangkok chemanpo. Jongsi alang Arnam aphan kanghonji ninghanglo, tangte alangphan cham pangthir lapen kejok longvek nangpo. Pitor ardomlo, “Arnam, Nang le nephan ingduk’op pen nekelana ahut ne le chehokjoklo, lapen kerengmesen si chemathalo; Nang nephan ado kipi ahut, ne ke thedung akerengme lapen ningkarong si ansose chemathalo. Ne le boidet puvoiphit tame, lapen kachethan un’edet akesung chechaklo, kachiru lapen ningkeoi le dolo puvoiphit tame, Nang chinilo pima laso ningkeoidam ke athema ne methang kechokche apot, lapen athema ne akaduredet apotlo. Ne chirulo athema Nang kar’idam ateng ne paplengpi thekthelo, ne ningduklo lapen chekobirlo athema ne ke Nang akenaangji ateng pen dordundedetlo, bonta laso angdeng an ne kelongji aphan ninghanglo, kadokave ne Nangphan ningpangsam thekji an keklemji ne ninghanglo. Nang ado kipi pen ajok nephan keraikom vanpilo, lapen nephan kemenei akejok si nangpilo; Nang akangsai pen ajok Nang kachechakthek lapen kachepaningding aot paklanglo. Nang ado kipi lapen akangsai avedet pu asonte, ne ke Nang akangjinso lapen kanghon theparpik chehok’idun longlelo. Pini arni, ne theklonglo kadokave ansose si pima Nang kanghon ke sining apar lithumulo lapen kadokave ahormu doan pen athak si chepahaidonglo. Nang kanghon ke kangjinso lapen kanghon theparpik puanchot kalidet, laso pen anpar si do, lake ado kipi lapen kangsai henlo. Nang ado kipi lapen kangsai pen si nephan ongdung nangpilo. Nang ado kipi lapen kangsai le avedet asonte, inutnat amonit tame kecham pangthir longledetji, lapen inutnat amonit tame Kapinchong abang akanghon chomatdun longledetji. Ne le son pharo anbak asatlang lapen akesung chechak etlo puvoiphit tame, lapen kithiji dokdok an dolo tame, lake nephan ahokpet pen Nangphan pachini longlo lapen kangtuiving akejok si palong’ilo. Jongsi Nang ado kipi lapen kangsai lapen kapakeng le nephan pen kacheheloji pu asonte, ne ke kangting along si do nangpo, Sobar kacheparideng arum si dodun nangpo. Kopilo tangte monit atum aok ale kedodamji lason? Jongsi Nang ado kipi lapen kangsai le nephan kache’oji pu asonte, lake pulote Nang Karjong nephan kache’otang ason thakthaklo, Nang ke nelong anpar k eave tanglo pu asonthotlo. Jongsi lason pu asonte, kosonsi ne kerengdunbom unjilang? Jongsi Nang le nephan keso pilo lapen ne kejokvan nangthijoklo, ne ke rengdunbom unjilang, bonta jongsi Nang ado kipi lapen kangsai ke nephan kache’oji pu asonte, ne ke kerengdunbomji apahn atovar si avedetpo. Jongsi ne le Nang ado kipi lapen kangsai longledet asonte, Nang kanghon ne ke chepangbo’etpo, laso akanghon pima puan akarnuk ne lamthe pen thandak un’e. Nang kanghon penpete, Sobar arideng si ne ke dodunbompo, lapen Nang nongthe arje thekdun longledetpo. Kosonsi tangte ne kerengdunbomjilang? Lason akangting ke chechak un’edetpo, lapuson akai. Nangphan nelong kedolong puke Nangphan kelanglong asonlo, lasi koson si Nangphan ne ke’o thekpo? Nangphan ne choningri padikrimlo, Nangphan ne choningriponlo ne kethenei akerengme nelong pen nangthiponrinon, jongsi lake malomso aphan kachechakpon alamthe pu sitame. Nang kanghon ne chehok’ilong tanglo, lapen pini arni Nanglong pen ne chepahelo un’elo; kosonsi Nangphan ne chinghonhedetji? Ne ningduk amekkri penang an chepabuponlo athema Nang kanghon ajoine, tebonta ne kaiketa chemathalo pima laso akai lasonsi ajor kedo peme, ansose nephan pangchothuthek, nephan ansose pachelarthek, lapen ansose si nephan la ahok kapalongthuthek pima lake api atum kacheparidengvek nangji asonlo.”

Monit atum angton akai ke Sobar arideng si dodun nanglo, lapen inutnat abangphu tame alangtum methang jongjung pen ke Sobar kapamanghupon along chepajokdun kethek abang avedetlo. Kadokave tame keterbung apirthe along si dolo, kechokchepik lapen kangtheidang, ajor mate ardi masapso ta avepin; latum kedo ke ok apharman akejokvan akai si dolo, meklangno aphan, lapen Sobar aphan. Alangtum akerengdun along masapsonat tame ardi kedo pu avedetlo. Monit ke ahok kiri ta thekthedetlo athe ke alangphaan Sobar arideng pen kapajokji aphanlo. Monit atum Arnam aphan kroilo puvoiphit tame lapen Bible porhi sitame, alang ke kopuson si Sobar akachejapon along pen amethang aphan kachepajokjima chinidamdedetlo. Lapuson si akai apar akai tame dambomlo, ajahak amonit atum ansi laso kachepatujoi alamm longdamlo, ajahak amonit atum ansi deng thekchotlo. Lason pen, monit le Sobar pen chekakdaklo puvoiphit tame, lapen ok pen ta chekaklo, alang ke kopuson si amethang aphan Sobar kebaipon apham pen chepajokji chininedetlo. Pini arni, tangte nangtum nonpu ta Sobar kachepahemphu arum si dobomlangma? Nang kechokche keklem apot ningchirui avema, lapen nang chemathathema masapso tame pima nang ke terbunglo lapen athikpetpedetlo. Arnam aphan khamkhedet aphi, nang phu along ingsamjin dolang lapen thedung kachehokjok si chemathalo. Nang kachehokjok athe ke nang kahenodak apot kalima? Laso aphu kangsamdop ke nang athikpetpedet apot penle kevang kalima? Monit ke monit atum ameherang along si dolo, alang kedo ke Sobar kebaipon akangting arumlo; havar adangpi angkang, karjong langno atum monit pen si dorappetlo, monit aok along si adim nangcheraidetlo. Pirthe along, nang ke kemepik sining hem rengme ason le kedo kalilo. Nang kedo bangso adim ke hi-i atum ahavar saidelo, monit atum ameherang, isi me atalo along. Monit jongsi checham pangthirthe, tangte alang ke keterbung si dolang; jongsi alang le keraikom ave lapen Arnam pen kelana ave, tangte alang ke nonpu ta Sobar kebengthip along si dolang; jongsi alang le kangsai lapen ado kipi longlelang, tangte alang ke Sobar kebaipon akangtingkuk akasiksak pen chepajokji atovar avelang. La kahenodak akun pima nang kachepaklangpon lapen athikpetpe asema pima nang kedolinbom heihui ke paklangdak dor’ilo pima nang ke nonpu ta Sobar kebengthip arum si dolang. Jongsi nang phu lapen kamathadam do’an cham pangthirthelang, lapen nang kun aphan ingsaise lapen ado pipelang, tangte nang angton abang arjon ke nonpu ta Sobar kacheraipon along si dodunbomlang, nang phu ke Sobar si chepahemphulo, nang kamatha heihui ke Sobar si chejaponbomlo, lapen nang angton abang arjon ke Sobar arideng pen si langchariponlo. Nang chinima nang koan si akehelo loma, nonjong, Pitor kedo ason atheng pen? Nang lason ajakong cheparideng loma? Koan si nang chinilo pini arni ado kipi lapen kangsai ahuthak? Koan si nang cheparidenglo pima Pitor kachinidam ateng doan? Jongsi, pini arni, nang ke chinine tangte, nang ke laso agian mohut anta kosonsi kelongdam unji? Komatne kilubup lapen angthin thebui abang nang ason ke chenam si ado kipi lapen kangsai aphuthak chinidam dedetpo. Jongsi nang ok aningkangsam si rironglo, lapen ok akerengme aphan si mathalo, tangte nangphan ke kecham pangthirji ale si avelo, lapen mo kijut ahut ke nang Sobar along si chiruithupo, athe kopima nang kerengbom ke Sobar henlo, lapen lake ok henlo. Pini arni lapuson karjapom along, penang amonit atum ke chethe aphan rirelo, athe ke pima latum cham pangthirji aphan, mate chethe karnukkrung akachiniji aphan kilutji aphuthak mathaletlelo. Laso abang lasi, koson si latum le kechoklim kemepo? Komatmat ma chethe aphan kiriredet atum anke kepachoklimji aphan avarsai ta avelo, lapen komatmat ma Arnam aphuthak kachinidam riredet, komat ma alangtum akun kachelarji aphan riredet, latum anke Sobar kangtingkuk kachejapon pen kachepajokji thekthelo. Latum doan ke matha parsikse alangtum Arnam aphuthak kachiniji aphan lapen alangtum akun kachelar pen alangtum kilutji aphan, komatmat ma dhorom aphan kekroichot atum asonthotlo, mat ma katalon lapen arnivang kedover kachingrum amei kedodun anchotlo kethek. Tangte lake apor kaphangnothap kalilangma? Jongsi, monit atum Arnam aphan kekroi along, alang le chethe aphuthak arsikjik pen mathathedet, laso ahok along kilutdunji aphan riredet, alang akun kachelarji aphan ta riredet, Arnam keklem asai aphuthak kachiniji aphan kiri duredetlo, tangte alangphan ke pachoklim si un’edetpo. Jongsi nang le kechoklimji ninghanglo, tangte nang Arnam asai chinidunvek nangji. Jongdamvet pen, nang Alangli ado kipi lapen kangsai ardi alam chinidamvek nangkokji, lapen kopi athe si laso asai monit aphuthak keklemlo. Tangte nang la dengdun thekpoma? Lapuson ado kipibom ahut ke, nang Pitor asonthot kachomatlong lapen kachinidam longdun thekloma? Jongsi nang le Arnam aphuthak kachiniji rilo lapen Karjong Kangthir keklem asai aphuthak, lapen jongsi nang le nang kun doan kachelarji rilo, tangte nangphan ke kapachoklimji aphan avarsai tame dolo.

Komatmat ma kepachoklim atum doan ke, laso asai angdeng pen kachepahemphu kelong ke akenangsotneilo; monit atum aphan ephong le kehaidong kelong anchot ta alang kechoklim asai aphuthak chomat longlo. Kachepahemphuponlong asai keklem pen anpar ke akaprek thedung ardi si avelo, athe ke Arnam asai ke’enji nangphan chokvetvedetpo. Nang ke birta keme kapachethang asai along nang keklemdun ke thangnat ta ardi avedetpo, athe nang ke chethe riredetlo, lapen kachelar lapen methang aphan kachepamiji riredetlo, lapen lasi nang ke chethe aphuthak choklim kachini avedetlo. Laso angdeng angdeng pen keklempon asai along, nang ke asai keklemchot abang lapen katherakmeme si puthot klemthulo, bonta jongsi padusi nang le Pitor asonthot riredetlo, lapen Pitor aphan le kapachoklim keklem akrong ateng pen nang kiridam chetontedet, tangte chenam si, nang ke nang kun along kachelar chomat longlelo. Jongsi nang ke komatne kechoklimji kiri abang ason, tangte nang ke hakhi chipi thekji, lapen nang pupo: “Laso angdeng angdeng Arnam asai keklem along, ne Arnam ado kipi lapen kangsaipon asai dengdunlo, lapen ne le thedung akesung chechaknang puvoiphit tame, ne ke chinidamlo koson si monit aphan Arnam kapachoklim ma, Arnam pen keklem kapachunpon asai ne longdunlo, Arnam kangthir’et aphuthak kachinidam ne longdunlo, lapen nephan Alangli ado kipi pen si pajoklo. Alangli kangthir’et akun ne phuthak vanglo lapen nephan hirjume lapen kangjinso vanlo; lake Alangli kangsai lapen ado kipilo pima nephan raikom lapen cham pangthir etlo. Jongsi nephan le Arnam ado pipelang lapen ingsaiselang, lapen jongsi ne phuthak le Arnam kesodak alamthe heihui vangvelang, Arnam aphan ne chiniedetji apotlo, lapen mate ne kejok longledetji apotlo. Pini arni ne theklonglo: Api ateng pen, kadokave ahormu Kapinchong abang pen kaselam doan kachehoklong anchot kali, bonta, akenangsot alam ke, kadokave api doan tame Arnam kangthir’et akun chelongdunlo lapen Alangli kangthir’et akangsaipon, athema Arnam akun ke monit atum ningcheparong longji aphan chenamlo. Api ateng pen pima Sobar kaphangnotanglo, Arnam kangthir’et akun chelongponvek nangji. Alangli kangthir’et akun along si ado kipi lapen kangsai dolo, lapen, anpar tame, thedung akanghon dolo. Pini arni ne le angton pen Arnam akanghon kelongdunji un’edetlang puvoiphit tame, ne la ketheklongji aphan kemesen akopai dolo, lapen laso along si nephan ke hirjume dopetlo.” Laso akrong henlo komatmat ma kechoklimtang atum doan kedam, lapen laso kachinidam henlo latum kaningjepon. Lason amonit atum doan ke Pitor asonthotlo; latum ke Pitor keklem kephopon atengthotlo. Lason amonit atum doan ke komatmat ma chethe kelongtang atum saidelo, mat ma ahok kelongtang. Latum le mo kijut ahut anta chomatponlonglo te, Arnam kangsai ahut ke latum Sobar kachejapon along angton pen chepahelo chenam si thekvekpo, lapen Arnam si longpo.

Monit atum aphan chepahemphupondet aphi, latum along ke kechokchedet ahakhi ke avelo. Latum ke Sobar aphan patherak pemelo, bonta Arnam alam ahok ateng rengdun thekthelang. Nang ke adunthu akejok longdundelang; nang ke pap athok ajir si longdunchotlang, tebonta nangphan ke pachoklimlelang – lake thedung keremlo. Nangtum doan ke chinivek nangji kopima nang kilutdun nangji, lapen kopi si nang kerengdun nangji, lapen lahei along nang lutdunvek nangji. Jongsi, mo kijut ahut, nang le kechoklim chodengdunlong pememedet, tangte nnag ke monit binong atheng kalidetpo, lapen nang ke ningkacheoi pen si plengsetpo. Adam lapen Eve aphan Arnam kapinchong kecheng ahut ke kangthir amonit saidelo, lason le ningje tame, Eden abiri along latum ke ingthirpetlo, aketerbang masap ta rorepinlo. Latum ke Jehovah aphan kroithiplo, lapen Jehovah aphan kachongthuidetji puke chinidamdepinlo. Lake athema latum aphan Sobar kachejapon kapasiksakdam longledetlo, Sobar abikar avepinlo, lapen ke monit akhei angbong angton pen kangthirneilo. Latum ke Eden abiri along si dolo, thangnat aketer tame avepinlo, ok aninghang ke cheparidengdepinlo, lapen Jehovah aphan man-peng kipi peme si dolo. Aphithu ke, latum aphan Sobar baipondet ke, latum phurui abikar si doronglo, lapen Jehovah aphan kachongthuidetji si mathalo, lapen latum Sobar kachejapon arum si doronglo. Kecheng ahut ke, latum ingthirpetlo lapen latum Jehovah aphan si man-peng pilo; laso angdeng ahut anchotsi latum monit atheng dolo. Laso pen aphi, latum aphan Sobar baipondet aphi ke, latum keme lapen kaheno kethakthek gian athengpi athe chodetlo, lapen Sobar kebaipon arum si dokoklo. Latum aphan pajo pen Sobar phangnodetlo, lapen monit arje binong ke chepangbodetlo. Kecheng ahut ke, monit atum Jehovah achethe si dolo, masapso tame athikdutde puke avepinlo, lapen alang aning along kaheno avepinlo. Laso arni anke, monit atum ahokpet monit atheng dolo. Sobar phangnodet aphi anke, monit atum hi-isarpo si chemanlo. Alang kamunthidam do’an ta kaheno lapen keterbung si plengsetlo, akeme lapen kangthir avepinlo. Lake tangte Sobar kalima? Arnam asai nang penang an chomatlong tanglo, tebonta nang ke chelar thekthe mate checham pangthirthedetlo. Nang nonpu ta Sobar arideng si dodunbomlo, lapen nonpu ta Arnam aphan chipidetdelang. Lake komatma chepahemphutanglo bonta kechoklim ke kalidetlang. Lapen kopi apot si pulo pima lason abang aphan ke kapachoklim kalidetlang? Lake athema laso abang ke chethe mate Arnam asai aphuthak kachiniji aphan riredetlo, lapen ke ok akerengme lapen tangka akedorplup kiri pen anpar ke thangnat ta avedetlo. Laso pen angthek ke, alangtum akai akun along thangnat ta kachelar avedetlo, lapen latum ke monit abinong’et kacheklang arje Arnam kapinchong ateng chelongthuthelo. Lason amonit atum doan ke kithitang arpum ason si dampo, latum doan ke kithitang atum ason pima akarjong avelo! Komatmat ma akarjong along alam aphuthak kachiniji kiriredet atum doan, matmat si kangthirjir riredet atum an, lapen mat si la ahok ateng kerengdunji kiriredet atum an, mat si kahenodak ahin kachepahemphulongji aphan anchot si ningkarong atum an, lapen Arnam alam ateng kedo lapen kangthi’et amonit kemanji matmat si kethekthedet atum an – laheihui amonit atum anke kejok kelongdundedet atum saidelo. Athe, jongsi alang le ahok avedet te, monit ke Arnam asatlang ahut ke karjap paprapdun thekthelo; komatmat ma Arnam asatlang ahut karjap paprapdunthek atum doan ke kejok kelongtang atum saidelo. Kopima ne kenangji amonit atum ke Pitor ason, kechoklimji aphan kiri amonit atum. Pini arni ahok ke komatmat ma kenangji lapen kiri atum aphan ansi piponlo. Laso akejok ke komatmat ma Arnam ahin pen kepajok kenangji atum doan aphan ke pajirlo, lapen lake nangtum kelongji aphan ajoine puchot kalilo. Laso akemangdam ke pima nangtum doan aphan Arnam palongnang pulo; nangtum doan Arnam aphan kelong pen ajok pima Arnam tame nangtum aphan kelongji meme pulo. Pini arni nangtum aphan ne laheihui alam than tanglo, lapen nangtum lahei arjulong etlo, lapen nangtum laheihui alam ateng si keklemvek nangpo. Mo kijut ahut ke, nangtum laheihui alam ateng keklempon apor ahut lote halaso ahut henlo ne nangtum aphan kelonglo laheihui alam pen ajoklo; lason apor ahut si, nangtum laheihui alam doan longponvek nangpo, lake pule pudet ta melo, nang ke laso kangtuiving akejok long tanglo. Nangtum le ephong cham tanglo pute, nang ke monit atheng abinong’et cheman tanglo. Jongsi nang le laso ahok ateng rengdun thekthedet, mate komatma kechoklim abang ason atengthot rengdun thekthedet, tangte lake lapule pudet ta melo pima nang ke monit kalilang, bonta kedamvoi kithitang abang, hi-isarpo, athema nang ke ahok ateng avedetlo, lason le pudet ta melo pima nang ke Jehovah achethe pen kalidetlo, lapen lasi nang ke kithitang abanglo pima karjong avedetlo! Nangchepahemphudet aphi hakhi kachipithek puke undet tahailo puvoiphit tame, kopima nang kelong ke bonta masapso akejok anchotlo, lapen nang ke karjong kedo kereng’ak abang ke chemanmedetlo. Nang le ado kipi lapen kangsai chomat long’etlo puvoiphit tame, laso pen angthek ke nang kun ke chelarle lapen chepamimelang; nang ke nonpu ta aban asonthot si dolang, nang ke nonpu ta Sobar apharmanlang, lapen nang ke komatma cham pangthirtang abang kalilang. Komatmat ma kechoklimtang atum doan anchot si ale kedoji, lapen lason amonit atum anchot si laso ahok achethe kelongtanglo. Arnisi ke, komatne ke nangphan pupo, “Nang ke Arnam asai chomatdunlong tanglo, lasi Alangli sai keklem aphuthak kopima thantha pupo. David ta Arnam asai chomat longtanglo, lapen Jehovah asai amo an theklonglo, Moses lethot tame Jehovah asai amo theklonglo, lapen latum banghini tame Jehovah asai amo pajirmi theklo, lapen Jehovak kamanghumeme aphuthak than theklo. Nangtum ta Arnam ok kachepharlotang kedamtang arni ahut keklemkang asai theklonglo; Alangli gian acho alam nang than thekjima? Tangte nang Alangli kemanghumeme asai keklem apot than thekjima? Kopi akenangji si Arnam nangtum aphan pilo, lapen kosonsi nangtum lahei chomatdun longlo? Nangtum Arnam asai kedamtang kejut arni ahut chomatdun longlo – kopilo nangtum thedung kelangdammek kedo? Nangtum laso apot than thekjima? Nangtum Arnam kangthir’et akun alam than thekjima?” Kopuson si nang laheihui akarju chetong lote kachethakdun kethekpo? Jongsi nang pulo, “Arnam ke puan si kangthirlo, Alangli ado pilo lapen itum aphan ingsailo, lapen itum aphan batbepin pen paklangdaklo; Arnam akun ke ahokpet chechakche monit atum akoi kipi apot ke; Arnam asai chomatdun long’et aphi ke, ne ke itum methang kapahi’i aot alam chini tanglo, lapen Arnam kangthir’et akun ahokpet si theklong tanglo,” tangte anut kaprek abang ke nangphan nangarju lemdetpo, “Arnam aphuthak akaprek kopipi dolo nang kachini? Koson si chethe along kilutdun kethekji? Tangte nang akaprek jongjung akemangdam ason doma?” Nang ke chethakdunpo, “Sobar nangphangnodet pen aphi, Arnam kapinchong api doan ke hi-isarpo si cheman’etlo, lapen ke gadho api pen kacheprek avelo. Pini arni, ne ke Arnam arideng along si dolo, lapen lasi ne ke Kapinchong abang akar’idam doan paplengpivek nangpo lapen Alangli kethan doan ajat tame dengdun nangvekpo. Ne ke akaprek chongvaiji athai avelo.” Jongsi nang le lapuson kepangbardam alam thanthekchot pulote, halaso abangphu ke nang kopima kaningje nangchinidundelo. Latum nangphan arjupo kopi akachinidam si dolo Arnam asai aphuthak pulote, latum ke nang jongjung kachomatlong alam si jongdamlo. Latum doan ke Arnam ado kipi lapen kangsai phodet pen aphi kopuson loma pusi nang kopima kachinidam kachiniji si arjulo, lapen laso along latum ke nang jongjung kephodam alam si jongdamlo, lapen pima nang laso ahok aphuthak kachini an kapathanji si arjulo. Jongsi nang le laso alam aphuthak than thekthedet, lake cheklanglo nang pini arni asai alam thangta chinine. Nang kaiketa lam kaningje alamthe ke pima chokche saidelo, mate pirthe angkangpi ta kachini saide; nang ke jongjung prekjek kepho alam ave, nang kachini ardi alam ta kave dure’olang, lapen nanglong ke ahokpet ahakhi kachipiji ta avelo, lasi anut kaprek atum ke nang lam dengdundelo. Arnam abe kidun kithiklak abang ason ke nang chemanri, lapen nangphan ningpakarkar’et ason aphan ke pima nang ridundetri. Akangsam mate akeso pu sitame nang mena aphan nang chephangnopo lapen nang kai aphan aphi bipo. Nang ke nangmena aphan lason prangsetse lapen keboidet ason pen chepahelo nangpo, lapen kemesen ahormu kiri pen le chepaplengsetnon lapen nang jongjung akeboi doan aphan chepaheinon, laso pen ajok nang ahok lapen laso ahok ateng kerengji long tahailo. Nang keboidet doan aphuthak kapheredam nangji athai ave, lapen nang kesung kephoji doan tame nang thedung akesung kali. Nang thedung akesung, lapen nang thedung kevangji arni kephoji ke, nang kangsam mate keso ta kalidet lapen ahok aphan nang kiridun ninghang kaduredet henlo. Nangtum along kedo kethenei akesung ke ningkethe kavedet akamathadam pen ajok nang ke kopima alam tame la kedothot ateng pen ningcheparongdun henlo, lapen thedung ahoturlo nangtum la ahok kiridun along. Jongsi nang kroichotlo athema laso alam ke pima ne kaningje doan ongparpiklo, tangte nang ke chenam si gian cheparidengdelang, lapen mate laso ahok ta chebirtitelo. Athikdut pu lason nang kedo ke hakhi kalidet, lapen lason athikdut ke ne dengdedetji. Komatne ke nangphan arju tahailo, “Chenam ta konat pen si nang Arnam kevanglo? Kopilo nangphan laso Arnam ardi kedo alam ke?” Nang chethakdunpo, “Alangli ardi kedo alam ke ado kipi lapen kangsai henlo.” Lapen alang puthupo, “Tangte Arnam ke monit aphan kangjinso lapen kanghon avedetma? Nang laso alam chininedetma?” Nang chethakdunpo, “Athe lake bang kaprek a’Arnam. Lake laso Arnam lo pima monit atum dhorom ateng kekroidam, lapen lason ke netum a’Arnam kalilo.” Jongsi nang ason amonit atum birta keme pachethangdam lote, nang ahokpet atovar pen kaprek si jalo, lapen lasi nang kopi ale dolangma? Kopuson si nanglong pen akaprek atum ke ahok atovar kelongdunpo? Nanglong ke laso ahok avedetlo, lapen ahok aphuthak thangnat ta ningje thekthe, mate, anpar tame, laso ahok ateng ta reng thekthe. Kopi pen ajok si nang Arnam angno kerenglonglo? Nang le birta keme pachethangdam lote anut kaprek aphan, lapen nang laso ahok aphuthak kachingrum lapen Arnam aphan hakhi karjappi ahut lote, jongsi nang le lahei apha chepahai un’edetlo pulo tangte, latum ke nang kethan alam pachobailo pupo. Tangte nang ke la adim kaphangnodun kalilangma? Arnam keklem asai koan lone nang ke chomat long’et tanglo, tebonta ahok aphuthak nang kaningjelo pute nang kethan ardi pavepin henlo. Tangte nang thangnat ta akemesak kave abang kalilangma? Kopilo nanglong ale kedolang? Kopuson si nangtum le Arnam asai aphuthak koan lone chomat longlo pupo, tebonta Alangli phuthak kachinidam masapsonat ta avedetlo? Kopi kechoklim kachinidam si nang kedolo Arnam aphuthak pu latum jongsi nangphan arjulote, lamthe aphan nang ke chepangbodetpo, mate kopine ardi kavedet alam si thakdunpo – pupo pima Arnam ke ingtangrak, pima nang thedung ahirjume kachodenglong ke ahokpet Arnam pen ningkarongnei kipi apotlo, lapen lake pima jongjung Arnam aphan ketheklong pen anpar ke kethedung avarsai keme pudam athai avelo. Kopi ale dolo lason kaningjedam pen? Lahei doan ke ajor avepin, kangtheidang alamthelo! Arnam asai aphuthak koan lone chomat longdet aphi tame, nang kachinidam ke pima Arnam pen ningkarongnei ke ahok alamlo puchotloma? Nang Arnam asai chinidunvek nangji, lapen si nang ahokpet Arnam ahakhi chechakdun thekpo. Kopuson si tangte komatmat ma ahok kelongle atum ke Arnam ahakhi chechakdun thekpo?

Jongsi koan lone asai, lapen penang alamthe, nang phuthak ajat ta phodamchunche, tangte mo Arnam asai kapachethangji apor nangkele ahut nang ke nang deng cheklemdun thekthedetpo, lapen ke therakpo lapen mahang juremtempo. Laso apor ahut, nang ke chemathapo pima Arnam aphan koan lone nang kachitu nangji dokoklo, pima nang Arnam aphan kachinidam ke pachobaibai si ongmunaklo. Jongsi nang le pini arni Arnam aphuthak kachinidamji rire, Alangli sai keklembom ahut, tangte mo aphi ke derpik khangjangpo. Mo kijut ahut ke, nang thangnat ta kachini alam kethanji avedetpo – nanglong ke ingthaidang si dopo, thangnat ta avepinpo. Arnam aphan kopilo tangte nang ke kipi kachepaklangponpo? Arnam aphan nang kelangji tangte therakjuje pen dojilangma? Non amat si nang ke nang kiri along klem chepeduk nangpo, laso pen ajok mo kijut ahut anke nang, Pitor ason si, monit aphan Arnam ado kipi lapen kangsai le kopuan lone ale kedo pu chinipo, lapen pima Alangli ado kipi lapen kangsai avetik ke monit atum kejok longle, lapen laso keterbung alongle along si kejangji arnukthu muchot si plangpo, ansose inghan kangther along kejang arnukthupo. Monit atum aphan ke Sobar si phangnodaklo, lahinhin angbong joijoi pen pachelangseletlo lapen lahinhin aphuthak si kekat chepanglit seroilo, Arnam aphan alangtum kaphere ke ingbodetlo. Alangtum athikdutde aot ke thepik anlo, alangtum kamunthidam alam heihui ke dopik anlo, lapen kadokave ta Sobar apharmanlo. Arnam ado kipi lapen kangsai ave te, monit atum kahenodak akun ke cham pangthir un’elo lapen alang ke kejok longlelo. Kopi si Arnam ok kachepharlotang abang ok dotik ahut sai keklem ke pima Karjong pen kethan atenglo, lapen laso asai Alangli keklempon ke Karjong kopuson si keklem laso atengthotlo. Pini arni, jongsi nang le laso asai aphuthak jat ta kachini ave, tangte nang ke kilupik abanglo, lapen penang an chepangbodetlo! Jongsi nang le Arnam akejok longdundelang, tangte nang akrkoi ke dhorom akekroilo, lapen nang ke komat ma dhorom aKhristian puchotlo. Athema nang ke kithitang kethan alam si cheparidenglo, nang ke Karjong Kangthir akimi asai chepangbo tanglo; akaprek, komatma Arnam akanghon si kiri, atum anke ahok lapen chethe longdunpo, tebontame nang akekroi ke Arnam kedeng meme atheng pu longdundelo. Alar ke, nang ke kaheno asai keklem abang si manpo, komatne pima kivirdet lapen kelangselet asai si klempo; nang ke Sobar kapachelai’i abang si chemandunpo, lapen ke Sobar kebengthip abanglo. Arnam ke monit atum kapakroidamji pu aphan kali, bonta alangphan kanghon, lapen kiri lapen alangphan karcho henlo. Jongsi nang le pini arni riredet, tangte mo lason arni nangle si nang pupo, “Aphrang ahut pen kopi si ne choklim pen Arnam abe dundedetlo, Alangliphan ningpangsam pememedetlo, ne kai along akun kachelarji riredetlo? Koson si ne ningchirui ke laso apor ahut Arnam aphan chipidet thekthedetlo, lapen Arnam alam gian doan chori dundedetlo. Aphrang ke Arnam penang an alam pulo; koson si ne choridundedet loma? Ne ke lupik khangjanglo!” Nang methang aphan nang ajahak angdeng anke chelangseletpo. Pini arni, ne kaningje alam doan nang kroikredetlo, lapen lahei aphuthak karju nang parsiksedetlo; laso asai kapachethang apor nangkele arni lote lapen nang angton pen la theklonglo, nang ke ningchiruipo, lapen halaso apor ahut ke nang manghuhakpo. Hirjume heihui dolo, tebonta nang ke lahei kelongdunji chininedetlo, lapen ahok ta dolo, tebonta nang kiridunji thekthedetlo. Nang methang aphuthak si nang ale kave pemandet kalilangma? Pini arni, Arnam asai keklemji adunthu angdeng ke kechengpo puvoiphit tame, nangphan ason akaprek aphrang ateng pen anpar nangkehangthu puke ave lapen kopima nang kereng nangji pu tamelo. Ladak penang an asai dolo, lapen penang an ahok dolo; tangte lahei ke nangphan kachiniji aphan dor’i’elangma? Tangte Arnam ado kipi lapen kangsai ke nang karjong aphan kangthurji un’elangma? Tangte Arnam ado kipi lapen kangsai ke nang methang aphan pachelangset un’edetma? Sobar kachejapon along nang kedodun kachehokjok doma, ningkangsam lapen ningkarong pen, lapen masapso ok akerengma pen? Nang ke tangte kadokave amonit angbong pen man-peng kavenei abang kalilangma? Komatmat ma kejok ke theklonglo bonta laso aphan kiriredet atum doan pen anpar akiluneinei ke madu ta avelo; laheihui amonit atum doan ke methang aphan ok aphan si ingchirlo lapen Sobar pen si chehoklo. Nang ningthelo pima nang Arnam aphan akekroi ke kesung kepho mate asat kelang along jokplotpo pulo, mate masapso anbak akesung pen. Nang kaiketa halahei ahormu si rilo pima lake ale kavenei, lapen chethe along thangnat ajor kavenei, alar ke ahok athengno nang mena chokche ta kekhangkhedet kamunthidam alam si bironglo. Nang ke puan si ale kavelo! Nang ke phak ason si renglo – kopi akacheprek si dolang ma nang, lapen ke phak lapen methan atum pen? Tangte komatmat ma ahok aphan kiriredet, lapen alar ke ok aphan si chinghonlo, latum doan ke kadokave ta hi-isarpo kalilangma? Komatmat ma karjong kave kithitang doan atum ke kadokave ta kithi arpum kedamvoi kalilangma? Kopuan alamthe si nangtum angbong kaningjejelang? Nangtum angbong masapso asai si klemchotlang puhe? Nangtum angbong kopuan si ne kapadordelangma? Lasi kopi apot si nang la longledetlo? Kopi si nanglong kedolang kapasimuji aphan? Lake tangte alam kalima athe nang kelongdun ke thangta kali pima nang ke ok aphan si chinghonparpiklo? Lapen lake tangte athema nang kamunthidam alam doan ke kechokchepiklo kalima? Tangte lake athema nang puanset kilu apot kalima? Jongsi nang laheihui ahirjume kachodengdunji thekthedetlo, tangte nang Arnam aphan akoi pijilangma nangphan pajokjedet apot? Kopilo nang kiri ke Arnam aphan kroidundet pen aphi ningkangsam kelong thekji aphan, nang somar atum keso pen jokvanji aphanlo, nang penan kemesen avoreng kelongji aphan, nang sopo inut mesen apiso kelongji aphan, nang sopi kemesen apenan kelongji aphan, nang kapangreng chainong alo lapen losei longle katiki peme thekji aphan, nang kacho’e ason doan ningkan arjon botor-bokan kemesenji aphanlo. Lahenlo kopima nang kiri. Nang kirirdam ke karengmesenji aphan anchotlo, nang hemtun isi kesung chetongtedetji aphan, tomon nanglong pen kedamphunji aphan, nang mahang aduk nangkephophedetji aphan, nang hemtun katiki ason lang kethe pen ponpeji aphan, nanglong ajat tame pherememe akesungpi pen jokvanji aphan, Arnam akelana angbong kedoji aphan, kerengmepik atar along kedoji aphan. Nang ason angthin thethe abang ke, komat ma ok aphan si kaiketa rilo – nanglong ning doma, nanglong karjong doma? Tangte nang ke hi-isarpo kalima? Ne nangphan pilo adular thangnat ta kachehangthuthedetji ahokpet atovar, tebonta nang ke la riredetlo. Tangte nang ke komat ma Arnam aphan kroi abang loma? Ne nangphuthak kechoklim monit achethe pajirlo, tebonta nang riredetlo. Tangte nang ke phak lapen methan pen kacheprek avedetloma? Phak atum ke monit ason chethe ridunde, latum ke kecham pangthir aphan rire, lapen latum ke chethe kopi loma chinidamde. Arnivang tame, alangtum ke ingkranglo cho longlo te, latum ke mekjangchotlo. Ne nnagphan nangpilo ahokpet atovar, tebonta nang ke chepalongledetlo: Nang rideng ke ingthaidanglo. Tangte nang ke lason achethe si dobomjilangma, phak atum achethe ason? Kopi ardi kedo si dolo lason amonit atum kerengbom ke? Nang chethe ke therakmeme lapen man-peng avelo, nang ke aketer lapen mek-no langno angbong si dodunlo, lapen nang ke jat akemangdam ta ridundelo; tangte nang kai ke kadokave pen man-peng kavenei kalilang puhe? Nang ingthin theklong pen Arnam aphan kelangji haijilangma? Jongsi nang lason ateng pen si dambomlang pulo tangte, nang ke thangnat ta kelongledetji kalima? Nangphan ahokpet atovar nangpi tanglo, bonta nang padusi ke longdun longdunde puke nang mena jongjung akiridam atenglo. Monit atum ningje pima Arnam ke ingthir’et a’Arnam, lapen pima monit atum koan arji kiding Alangliphan kroidun mo kijut arni an, Alangli chenam si monit atum aphan pachingbarpetji, athe Alangli ke kangthirnei abang. Jongsi monit le mo kijut arni anta Alangli abe si dunbom, Alangli tangte monit aphan arei bikokji puhe? Kadokave amonit atum aphan ta ne ke pachingbarpetlo, lapen kadokave amonit atum aphan ta Ne kangthir’et akun pen ingsailo, tebonta ne monit aphan pajoike pen kenangji ateng ason-amung padolang, lapen pima ne akenangji doan ke kadokave amonit atum pachunvek nangji, latum madunon puke langdamdelo. Ne ke nang koan ma kacharli kethek langlelo, mate kopuan arji kiding si lahei nang cheparidengma; ne kelangji ke nang Ne tovar along dunloma, lapen ahok aphan nang inghonma lapen kang’it doma avema anchotlo. Jongsi nanglong ahok ke duredetlo, lapen alar ke Ne men aphan katherak si vanronglo, lapen Ne tovar ateng pen kengkam chejorjedet, kelana lapen kachemathadun anchot si dunbom, tangte halaso apor ahut si ne ke nangphan papho chenampo lapen nang kaheno apot nangphan ado pipo, lapen tangte kopilo nnag kaningjeji dolang? Tangte nang ningje thekjima athe ke Arnam ke ingthirpetpe pu? Pini arni, jongsi nang le ne kaningjetang alam doan pangrumpetlo, tangte nang ke ne kedengpon mat ma chingkimesen abanglo. Nnag pulo nang ke kaiketa Arnam abe kidun lote kesung chechak nanglo, pima nang ke Alangli phiphi kedun karthat lapen kang’ar penpenlo, lapen Alangli pen si nang ke kemesen apor lapen kaheno anta padamlinlo, bonta nnag ke Arnam kaningjetang alam ateng rengredetlo; nang ke Arnam aphan kekapkrakji si ninghangchotlo lapen Arnam aphan an si methang aphan apor chepadamlo arnivang, lapen ajor kedo akai ke kerengdunji aphan mathathedet chenamlo. Nang lason si pulo, “Ajat alam along tame, ne kroilo Arnam ke ingthirpet. Ne Alangliphan kesung chechakpilo, Alangliphan ajoine chepeduklo, lapen methang amat Alangliphan chepidetlo, lapen ajat aman-peng longledet tame ne keklem chepedukpipiklo; nephan Alangli chenam ta aning doji.” Lake ahoklo pima Arnam ke ingthirpet, tebonta laso kangthirpet along ke akaprek ajat aketer aduk-abet rorepin: Ladak ke monit atum ninghang ason ave, lapen lake ok aninghang ason paterte, mate monit atum kenam-kejor antalo. Kadokave komat ma chedandong lapen kekhamkhe atum doan, kadokave komatma Alangli keja atovar pen kacheton dundedet, latum doan ke ado phovetpo; diya longledetji madu tame, lapen inutnat ta jokje! Ajahak amonit atum pulo, “Pini arni ne Nangpharman si klempilo; mo kijut nangle lote, nang masapso ahirjume nangpi unjima pupo?” Lasi ne nangphan arjulo, “Nang Ne lam ateng klemji thekloma?” Nang kaningje kangthir’et ke pima kejor-kenam ateng si damronglo. Nang mathalo pima ne ke ingthirpet lapen kadokave amonit atum aphan pachingbarpet puchotlo, lapen pima kadokave komatmat ma Nephan kekroi atum anke mo kijut arni anta Ne hirjume lapen kejok kelongji atum pulo. Ladak ke aklong ajor alam dolang Ne lamthe along pima “komatmat ma Ne phiphi kidun mo kijut arni anta latum ke kejokvekji atumlo”: Komatmat ma Ne be si do mo kijut arni anta latum ke Nephan angton pen kelong pemeji atumlo, latum doan ke komatma, Ne chepahemphutang aphilo, ahok rilo lapen pachoklim tanglo. Kopi ason-amung si nang kelong tanglo? Nang kelong ke mo kijut arni anta Ne phiphi kidun henlo, bonta kaprek kopilo? Nang Ne lam ateng pen keklemji chisikloma? Nang ke ne sonpho akenangji ateng pen eson ke chelong tanglo, tebonta nang ke akaprek sonphli doan ke kachepalongji mathathedetlo. Nang ke chenam akejoinei si rilo, kejoinei atovar, lapen nang methang aphan kopai keme pusi kiri pen chemathalo. Lason abangphu atum along nang ke Ne kangthir’et akun puke eson ado kipi lapen kangsailo, lake eson kangthirpet adai-areng ke’enlo, lapen lake kangthirpet adai-areng kipilo kadokave kahenodak atum doan aphan; kadokave komatma Ne tovar ateng pen kidundedet atum anke ado phovekpo, latum le jongsi mo kijut arni an aphiphi dun tame. Lason kangthirpet akun le monit aphan ado kipi paklang’ilo pulote, monit atum ke manghuhakpo, lapen ningchiruipo, Arnam aphiphi dundet aphi, alang ke Alangli tovar ateng dundedetlo. “Laso apor ahut, ne ke Arnam aphiphi dundet pen masapso kesung chechaklo, bonta Arnam atovar ateng dundedetlo. Kopi kachepajok ason si dolang? Ladak ke akaprek avelo bonta ado kipi kepho anchotlo!” Tebonta alang aphu along ke alang mathabomlang, “Ajatnon, ne ke kijut arni anta aphiphi dunlo, lasi jongsi Nang le nephan ado pi tame, lake kesungpik ado kipi kalidetpo, lapen laso ado kipi akenang ateng Nang ke nonpu ta nephan akenang doveklo. Ne chinilo Nang ke ingthirpet, lapen nephan pima lasonthot ke kai apar kai nangpemanmedetji. Athe ke pipotma, ne ke komatmat ma kapavedetji atum ason ke kalilo; komatmat ma kapavedetji atum doan ke karsikjik ado kipi longdunvekpo, tebontame nephan ado kipi ke ing’archetpo.” Kangthirpet akun puke nang kaningjedam ason kali. Lake lason alam kali athe komamat ma alangtum apap kachekobir kemesen atum anke kangjinso thepik pen si dolo. Kechoklim puke ingthirpet si do, lapen laso akun ke pima monit atum kechokche keklem ke chekhang un’e, lapen kadokave pima aketer doan lapen kachelarledetlang ke Arnam kachedondundet apot kejongdam henlo. Arnam kangthirpet akun ke aron kali, bonta kacheja aron ahukum: Lake Arnam kepangri ahavar along kacheja aron adeng, lapen laso kacheja aron adeng ke komat ma ahok kacheparidengdedet lapen kachelar thekthedetlang atum doan madunon laphan kangthirpet adai-arenglo, lapen kejok kelongji puke sirikut ta ave. Athe anuttin amonit ta kachingkime ateng thakvetvet lote, akeme atum anke nong’e longpo lapen kaheno atum anke ado phopo. Lake pulote monit atum kejut keledamji adim aphan klardak dopo; laso apor ke pima kepajok asai keklem kapajut ponpo, laso aphi ke, monit aphan kapajok asai ke anpar klemkledetpo, lapen komatmat ma kaheno keklemdet atum abangphutin aphuthak tame adai-areng ke’en ke vanvekpo. Ajahak amonit atum pulo, “Arnam ke komatmat ma Alangli be kedo atum doan abangphutin aphan ta chetengnene. Itum anuttin aphan ta Alangli ke ningdo’et. Itum aphan ke Arnam kapachoklimji pu kithiktang dolo. Komatmat la aber kepaklangpon atum doan aphan ke ningchibibe, komatma monit atum angbong kapachoklimji pu kithikpon itum pen aberchetlang aphan, itum ke athe Arnam pen chetong longbomlo; itum angbong inutnat aphan ta Arnam ke chetengnene, itum doan aphan ke Arnam si kadokave deng pemelo, lapen Arnam pen ajok itum doan aphan ke pachoklimji thik tanglo.” Nangtum kadokave ta lason kamunthidam si dolo. Lake kechoklimlo ma tangte? Nang ahok ateng keklem-kedam dolo ma mate ave? Nang chenam ta laheihui ason pachethangthap loma – nanglong katherak ave!

Pini arni, ajahak amonit atum Arnam kachejapon aphan rilo, bonta chepahemphudet pen aphi latum aphan menmen asai enphit heno. Pini arni kaningjetang alam ateng aphan, jongsi, monit atum aphan Arnam enpon lote, nang ke nonpu ta lahei chepachun thekthelang, tangte nangphan ke pachoklim klemklelang. Akaprek ahin pen pulote, kijut apor nangkele angdeng ahut monit aphan kapachoklim ke monit aphan Arnam pavirdetjima mate asai enponjima laso angbong pen si langdampo. Komatmat ma pachehemphu longtang atum anke kithiklak lapen kahenodak angthek saide pen anpar akaprek avelo; latum doan ke arpumlo lapen arjan ke’enponlo, bonta latum doan ke hala anut kaprek atum pen kacheprekdun saidelo. Monit akai akun kachelar pen anchot si, lapen arlo lapen athak pen tame alang kachelar kelong, lapuan si alangphan kechoklim peman unji. Pini, nang kolo abanglo kennagji: nangchepahemphudet, mate kechoklim kemanlong? Koloa bang si nang kelongji ninghanglo? Nang tangte kechoklim kemanji longji aphan ason-amung chokpetloma? Kopi ason-amung si nang nonpu kadure dolang? Kopuson si nang methang aphan chepachokpo, lapen koson si nang akadure doan ta chepachokpon ki’unpo? Koson si nang kechoklim keman unji akrong along kilutdun thekpo? Koson si nang angton pen chipidet thekpo? Nangphan kechoklimji aphan si nangpulo, lasi nang kangthirpetji aphan riloma? Tangte nang ke pima cham pangthir kelongji aphan ado kipi lapen kangsai kepho chomatji kiri abang loma? Nang ke cham ingthir’etji aphan riloma, lasi tangte nang ado kipi lapen kangsai kedengdunji ninghang loma? Nangphan Arnam aphan chiniji si pulo, bonta nang ke Alangli ado kipi lapen kangsai aphuthak kachinidam doloma? Pini, ongdung asai ke Alangli nanglong keklem ke ado kipi lapen kangsai henlo; laso asai aphuthak nang kachinidam kopilo, nang aphuthak le bangso asai keklempon? Laso ado kipi lapen akangsai pima nang kachomatlongtang ke nangphan cham pangthir loma? Tangte lake nangphan larphun loma? Tangte lake nanglong ajat tame kacheprek angthek doloma? Tangte nang pini arni laso asai apot lakdet doloma – ahirjuno, kangsai, lapen patujoi alam kepaklang – mate nang chemathama athe laheihui ahormu doan ke nangphan thedung ale dolo? Arnam aphan nang inghon, bonta kopi athe si nang Alangliphan kanghonlo? Nang Arnam aphan kanghon athe ke nang masapso akangjinso longponlo? Mate nang Arnam aphan kanghon ke Alangli ado kipi lapen kangsai pen ajaok cham ingthir tanglo? Kopi apot chenam ta nang Arnam aphan inghonlo? Kopi ason si Pitor kapaplengponlo kechoklim kemanlong aphan? Alang choklim tangdet pen aphi, kopi arsikjik atovar penlo laso alam kethanpon ke? Alang Hemphu Jisu aphan kanghon athe ke alang Alangliphan rilo, mate athema alang Alangliphan theklongledetlo, mate athe ke alangphan ke dengdedetlo? Mate alang Hemphu Jisu aphan kanghon ke lapuan sose athema asat kepho alang chechakji kroidunlo, lapen alang methang aketer lapen athikpetpe aot chichinilo, Hemphu akangthirpet alam chinipon longlo? Alang Arnam aphan akanghon ke ingthir’etlo athe ke Arnam ado kipi lapen kangsai, mate athe ke akaprek ahin pen ajoklo? Kopi abanglo? Nang Arnam aphan chinghonlo athema Arnam akangjinso apot, lapen athe ke pini arni Alangli nangphan masapso ahirjume pitanglo. Lake ahok akanghon loma? Kosonsi nang Arnam aphan inghon nangji? Nang Alangli ado kipi lapen kangsai deng nangjima, lapen, Alangli kangthirpet akun theklongdet pen aphi, Alangliphan ahokpet chinghon theklo, lason ke pima nang kroidun pemelo, lapen Alangli phuthak kachinidam dolo? Pitor ason thakthak, nang ningje haijima athe nang ke Arnam aphan inghon dordelo? Tangte lahenloma ado kipi lapen kangsai aphi kachepahemphuji nang kiridam ke, mate cham kangthirpetji aphan, keraikom lapen kelana aphan ado kipi lapen kangsai tangdet aphi? Laheihui angbong pen kolo abang si nang kiri? Nang kai ke ajor kedo abang loma, mate lake jongdam athai ave lapen ale amat si ave? Nang ok aphan si kenangjima, mate ahok aphan si nang kenangji? Kangsai aphan si nang kenangji doma mate karengmelo? Arnam asai koan lone chomat longdet pen aphi, lapen Arnam kangthirpet lapen kechoklim aot theklongdet pen, koson si nang kiri nangji? Koson si nang laso atovar dam nangji? Kosonsi nang kanghon Arnam aphan asai ateng keklempon nang thekji? Arnam ado kipi lapen kangsai nanglong ajat tame angthek doloma? Nang Arnam ado kipi lapen kangsai aphuthak kachinidam do ave puke kopima nang kereng atenglo, lapen kopi angdeng ansi nang Arnam aphan inghonlo! Nang ingtur ke nang Arnam aphan inghon pulo, tebonta kopima nang kedobom ke aban ateng pinak, kahenodak akun; Arnam aphan nang phererelo, lapen keme-kaheno kethakthek tame nanglong durepik anlo. Lason amonit atum Arnam aphan chinghon ma? Tangte lason amonit atum Arnam angno chepabihekma? Tangte komatmat ma Arnam ado kipi lapen kangsai kedeng atum loma? Nang pulo nang Arnam aphan chinghon lapen Alangliphan kroilo, tebonta nang ke nang kamunthidam alam pen che’o thekthedetlo. Nang sai keklem along, kilut, nang kaningje alamthe, lapen nang chethe along, Arnam aphan nang kanghon puke thangnat ta kacheklangpon ave, lapen Arnam aphan man-peng kipi puta ave. Lake komatne ado kipi lapen kangsai kepho kelong atum loma? Lason ke Pitor ason thakthak keman atum loma? Komatmat ma Pitor ason pulote gian si longchotlo, bonta laso ateng rengrelo? Pini arni, monit atum ahokpet achethe ateng kerengdunji aphan kopi ason-amung si kenangpo? Pitor akardom ke alang angho pen nangkebar alamthe anchot pen akaprek thangta kalidet ma? Lahei alamthe ke tangte alang ning arlo pen le kevang kalidetma? Pitor ardom chot anvetma, lapen ahok ateng asai along ke klem ponpedet? Komat aphan ajoinelo nang kiridam ke? Kopuson si nang methang aphan Arnam ado kipi lapen kangsai ahut nang keraikom lapen kecham pangthir chepalongdunpo? Arnam ado kipi lapen kangsai ke monit aphan ajat ale ta avema? Kadokave akangsai ta ado kipi puloma? Tangte la anchot henloma ningkangsam lapen ningkarong, hormu-hortar ahirjume lapen tangka akerengme, doan ke monit achethe aphan ale dopik loma? Jongsi amonit le kangsamjin lapen kerengmepik avarmon along dodunlo, kangsai kavepin akai pen, alangphan cham pangthir unjima? Jongsi monit le kachelarji lapen cham ingthirpetji ninghang do, koson si alang kechoklimji aphan kedengdun thekpo? Koloso atovar si nang pini arni chongvaidun nangpo?