Birta Keme Kapachethang Asai Keklem pen Monit Aphan Kapajok Asai si Keklemlo

Monit atum kadokave ta pirthe along Ne sai keklem akemangdam chini peme nangji, lake, Ne kopisi padusi jasemetpet kelongji akar’ima, lapen kopi angdeng ansi Ne laso asai kapachunche aphrang kelongdamjima. Jongsi, pini arni an Ne pen damrappet tangdet aphi, monit atum Ne sai kopi aphan ma chinidamdelang pulote, Ne pen kedamrappet ke latum ale avepinlo kalilang puhe? Jongsi monit atum Ne phiphi nangdun, latum Ne ningkehang ta chini nangji. Ne bangso apirthe along ningkan suri sose sai klembom tanglo, lapen pini arni anta, lasonsi Ne sai keklem Ne ingtontepinlang. Ne sai along penang an ason-amung dolo chenam, la akemangdam ke chelarle; monit aphan Ne kangsaiji lapen kangchek pen ado kipiji le plengset tame, langdam sinang, Ne kopima keklem ke alangphan kapajokji aphan anchot si klembomlo, lapen Ne birta keme kapachethang pemeji aphan si klemlo lapen monit aphan kapachoklim tangdet aphi Gentile amuluk kedoan atum along Ne sai kapangdangji aphan si klemlo. Lasi pini, labangso apor penang an amonit atum arjidingklui pen kamatha sung’it akarnuk along kejanglut ra kedobom ahut, Ne sai Ne ke cheklembomlo, Ne ke monit aphan kangsai lapen kangchek pen ado kipi asai Ne klembom nangvekpo. Ne kopima kaningje alam monit atum arjuselet tanglo pu chinilorlo, lapen Ne sai keklem along alang mena aphan thangnat aningkehang chemathathelo tame, Ne arpu Ne ke cheklem ponbomlo, pima Ne sai akemangdam ke chelarle si dolo, lapen Ne ahokpet akemangdam ke chinghang un’elo. Ne kangsai asai keklempon ke monit atum Nelam karju thek pemeji aphan, lapen Ne kangchek pen ado kipi asai keklempon ke ansose monit atum choklim pen kachelar thekji aphanlo. Ne kisik-kedangdam apharman si Ne la kopima klemlo puvoiphit tame, Ne keklemtang asontin doan monit aphan ale kapavepin puke klemklepinlang, pima alongritin akhei tame Israel anpar si Ne akar’idam kedo Israel aso atum asonthot kachingkime, alangtum aphan monit binong kapachemanji, laso ajok Israel pen angtan ahavar along Ne keng kachepathirthip longji aphanlo. Lake Ne kisik-kedangdamlo; Gentile aso atum angbong kapachunbom Ne sai lahenlo. Nonpu anta, Ne kisik-kedangdam alam penang an amonit atum chininepinlang, athema latum lahei aphan ke aningkehangdun amat si ave, lapen alangtum mohut akai lapen keledamji akemang aphan anchot si chelameronglo. Ne kopisi kaningjedam doma, latum ke Ne keklem asai pen akaprek si chemanronglo, alar ke penap alangtum kemangdam keledamji aphan si akele ardi chipironglo. Lason ateng le jongsi dambomlo lepute, Ne sai kopuson si kangdangpo? Pirthe adang kopuson si Ne birta keme kapangdang unpo? Chini tame Ne sai le kapangdang lote, nangtum aphan nangpachihijikjamji lapen nangtum aphan ingtangkring pen tengkhengdutji pima Jehovah le Israel along akhei doan aphan katengkheng asonpo. Laheihui doan kapachunpon athe ke Ne birta keme pirthe atok-ano kapangdangji aphanlo, lapen ke Gentile aso along an kepaledamji aphanlo, laso pen akesarsar atum Ne men aphan kirung pangtuiji aphan lapen osomar atum antalo, lapenthu doan akheitin lapen alongritin amonit atum angho along Ne men kangthir kapachehokji aphanlo. Lake laso apot si, la kapajut akai ahut, Gentile aso angbong Ne men rung pangtui longji meme, laso pen ajok Gentile aso atum Ne kekhi asai theklong’iji lapen Ne kekhi asai ateng pen si latum Nephan Kangtangrak Arnam pu nanghangpo, lapen lason pen ajok prapjin pen Ne lamthe heihui kepaleji aphanlo. Ne ke Israel aso atum a’Arnam anchot kali pusi Ne kadokave amonit atum aphan pachiniponpo, bonta kadokave Gentiles aso atum doan aphan ta a’Arnam chenamlo, Ne le ahirjuno kipitang atum doan apharman penpenlo. Kadokave kapinchongtang kedoan a’Arnam lo Ne ke pusi doan amonit aphan Ne pima patheklongji. Lahenlo Ne kethenei asai, kapajut arni anta Ne asai kemangdam ajor, lapen mo kijut arni an laso asai anchot si pachunponji.

Monit atum aphan angton pen Ne ningkan suri sose kisik-kedangpon alam kijut arni ahut anchot si la pangdak longpo. Monit atum aphan Ne kisik-kedangdam kachepatujoi alam nonpu ansi Ne angton pen kangpuponlo, lapen monit atum Ne sai akemangdam aphuthak chinipon longlo lapen ke, anparta, Nelong kachepatujoi alam doan ta nonke pachini theilo. Ne ke monit aphan alang kemang adim keleji aphan kamatha’e kedo apot anta angton pen kethantanglo. Nelong kachepatujoi doan alam ta monit aphan Ne ke paklangdak tanglo, ningkan 5,900 sose bangso alam kachepatujoi pen. Komatlo Jehovah ke? Komatlo Messiah ke? Komatlo Jisu ke? Nangtum lahei doan chinipet nangpo. Ne sai ke laheihui amen pen si pangchengponlo. Nangtum la chinidamloma? Kopuson si Ne men kangthir rat angno kapangdakpo? Nephan laso angbong pen ajat tame Ne men nangkehang alongri kedoan atum along kopuson si Ne men kapachethangdampo? Ne sai ke ingdangbomlo, lapen chenam si Ne la angton pen pangdangvekji kadokave alongri along. Pima pulote Ne sai ke nangtum along pen si klempon tanglo, Jehovah le Israel adet David ahem along biresak kivi atum aphan katengkhengpon ma lason thakthak si Ne nangtum aphan vipo, alongritin along nangphan nangpachihijikjampo. Pima mo kijut arni ahut, kadokave alongri aphan tame Ne masapsap si nangpachet’ipo lapen alangtum amonit atum aphan akimi nangthakjampo. Ne puthot kevangthu lote, Ne kekar’ang ame pen ahoi kethaktang ateng si alongritin tame chedovetpo. Halaso apor ahut, Ne monit akhei aphan Nemena chepaklangdakpo hala kekhor’ang arni ason, Kangthir’et abang amohor si Nemena aphan alangtum angno chepaklangpo pima latum lason theklonglepinlang, prekjam alongritin angbong dampo, lasonsi Ne, Jehovah, Jihudi akhei atum angbong aphrang kedam ason thakthak. Lapendetlo tangte, monit akhei aphan alangtum akai bangso apirthe along Ne si chejaponpo. Ladak latum Ne nongthe chenam si theklongpo, lapen athak inghun anujokpi latum chenam si theklongpo alangtum akai latum aphan kachejaji aphan, pima Ne ke kangthir adim heihui along si Ne cheklangpo. Monit atum Ne kechoklim binong Ne arni theklongpo, lapen Ne nongthe kacheklangdak antalo. Lason kachemanji ke mo Ne pirthe along kadokave kachepahemphu ahut lapen Ne sopomar penang an aphan anongthe vanpo. Pirthe along nahok tame, monit atum angphun patongruipo, lapen Ne kedo ahem ke monit akhei angbong si pathirthip pen kimponpo, pini arni Ne keklemponbom asai arlong athak. Monit atum Nephan nangru-thaipo, lasonsi, kardomhem along. Hongplang along, keterbui lapen kahijim meme ahormu keplengchen doan, Ne panghangphun si pachet’ipo lapen akimi selamthupo. Kejaimi biresak aso lapen chaining aso aphan kangthir ahongplang along si bipo. Pini arni akardomhem aphan Ne phanghodetpo lapen akimi si selamthupo. Non karjapbom akardomhem, kahenodak amonit atum si plengchen, lake phangnodakpo, lapen Ne kikimthumiji abang ke Nephan kachibihek atum si kedo paplengchenpo. Latum ke puthot arjapthupo lapen Nephan ru-thai si Ne kardomhem anong apharman sai klempo. Nangtum chenam si Ne thedung anongthe kelong arni theklongvekpo, lapen Ne la kardomhem kaphangnothudet pen akaprek akimi kikimthu anta nang labangso arni chenam si theklongvekpo. Lapenthu, pirthe monit atum along Ne kedo ahem kevangji arni nangtum chenam si theklongvekpo. Ne la kardomhem katengkheng lote, lasonsi Ne kedo ahem pirthe amonit atum along Ne chevanpo, latum Ne kevang kethekponlong asonthotlo. Kadokave alongri Ne phangno’et aphi lote, Ne la pangrumthu’et si akimi pinchongpo, halaso adimthot si Ne kardomhem kimponpo lapen Ne hongplang selampo, laso pen ajok kadokave ta Nephan kethok-kejir meji aphan, Ne kardomhem along Nephan ru-thaipo, lapen Gentile aso atum along Ne sai keklempon latum methang angthikdut pen apor chipipo. Non kedobom Israel aso atum ason si latum dopo, kurusar atum achoi lapen aphutup pen si chematleppo, Ne nongthe penpenlo, Jehovah, alangtum angbong dolo, lapen latum aphan Ne jakong pen pakomchenlo lapen ke latum pen kedo pathirlo. Ne sai la Gentile aso atum angbong tame lason thakthak si peplangponpo. Israel along Ne sai keklempon ateng, Gentile aso atum along ta Ne sai lapuson si manpo, athema Ne sai Israel angkang pangdangponpo lapen Gentiles aso atum doan along pachethangpo.

Nonke apor kemelo Ne Karjong thedung asai keklemji aphan, lapen Gentile aso atum angbong Ne sai Ne kapangchengji aporlo. Laso pen anpar ta, kapinchongtang ason-amung doan Ne kethakvetji aphan lake isi aporlo, alangtum kedo nangji adim ateng anuttin ta kapadovetvetji aphanlo, laso pen ajok Ne sai keklemji joikepo lapen mesenpo pulo. Lapen lasi, Ne nangtum aphan akehang ke lahenlo nonpu anta nang bang arpum angton pen Ne sai doan aphan chipidetnon, lapen, anpar tame, nang klardak pen theklongpo lapen nanglong Ne keklemtang asai doan tame pangthek thekpo, lapen ansose keme muchot keplang thekji aphan nang kedoan ajakong Ne sai along chipidundetnon. Lahenlo kopima nang kachinivek nangji. Nangtum hejan angbong kachebohong ke ington nangpo, aphrang alam kachephurdamthu, mate ok akerengme aphan kiridam, laso pen si Ne sai nangpanglendundetpo, lapen nang mohut akai keklarchenji aphan panglen’ipo. Nangphan keraiji puke heloving si, lason keklem pen ajok nanglong kivir si vangrongpo. Tangte lake nang kilunei kalijilang puhe? Lason pen ke pini nang akar’ipik pen ningkarong kedo ajoine henlo mohut kevangji arni aphan nangmena chepavirpo, tebonta pini nang keso kachechaknang alar henlo nangphan nangkerai ponbom. Laheihui aphuthak nang klardak pen ningchibi nangji, pima nang mena aphan nang kachepajok un’edetji asat along kachingnang dundedetji aphanlo, lapen ke kamathakrang kechokche klem ra karthatbui ahunmelan along pen chepajok un’e si arni aphan kethek longledet mandetji. Karthatbui ahunmelan keprai ahut anke, nang mena aphan nang kethedung arni kangsai angbong si chetheklongpo. Halso apor ahut anke, Ne arni monit akhei atum along si patebokpo. Koson si nang Ne kangsai pen chepajok unpo? Koson si nang hala kikru’ang angtang keso kedo arni aphan kachechak unpo? Nelong akeongpi ason monit aphan Ne kipi ahut, alang aningaklong pen chehok thekthedetlo, bonta madu ta kethek longledet adim si arep anatthu bikoklo. Ne arni monit along vanglo pulo tangte, alang Nelong akeongpi ason kelongdunji aphan un’edetpo, mate Ne hako pen kaningjetang ahok alam ke kethordak alamthe si longpo. Alang hangtarampo lapen chirupo, athema katheangplin atur alang chepangbodetlo lapen kangtingkuk along si klochuilo. Nangtum kopima pini ketheklong ke Ne ingho along kereset anokso anchotlang. Ne ri along keot angchin nang theklonglelang mate monit aphan Ne kapachodet ame akar pen, lapen laso ajoine si Ne thengno nangtum nonpu ta anechepathe’oi lapen mena aphan kachekhangkhedet dobomlang. Laso ajoine si Ne hem along mat si nangtum Ne pen chedanlo, Ne ingho pen Ne kepabartang alam pima nang monit ade pen chebohongdunlo. Nephan monit atum phereredetlo, lapen pini arni anta alang amena amat Nephan nangkelangselet si dobomlang tame, alang phererepin pen si dolo. Nangtum angho along ke kangthirthe atum ade lapen aso si nanglong dolo. Nangtum alamthe lapen asai amo heihui ke hala Eve aphan le pap kapaklemdettoi kebaithek aphurui asonthotlo. Nang ke amek alar amek lapen aso alar aso si lahinhin chohangronglo, lapen Ne thengno si nang nangdim-aklong, nongnam, lapen mena jongjung ale aphan kachevung chepedukbomlo, tebonta nang chichininelang pima Ne ke nangtum alamthe lapen asi amo doan joijoi pen nanglangdunbomlo. Ne thengno nangtum vangve aphranglang, Ne ke nangtum aning aklong’et along pangdak tanglo. Ne kacheparideng ari pen kaiketa monit atum ke kachepajokji si mon’e lapen Ne kelang kapangthekdunver amek pen ta chepareset si chepatuji, bonta Ne ke alang alamthe lapen asai amo doan pen menmen chepahedundepinlang. Alar ke, Ne chinilor tame halahei alamthe lapen asai amo doan Ne mek along palutponji, laso pen Ne monit atum akechokche apot ingchek longji lapen alang kachekhangdun pen kangsai kapachunji aphan. Laso apot si, Ne kangsai anghoi angno si monit alamthe lapen asi amo doan ta cheklangklepin pen kaike ta dolo, lapen Ne kangsai ke monit aphan padokokke, pima alang kachekhangdun akele litpik anlo. Ne sai ke monit atum Ne Karjong athengno kaningjepon lapen keklempon alamthe lapen asai amo kedoan kapangjir lapen kapangthir henlo. Laso akhrong pen si,^[a] Ne pirthe ke’o tekang ahut anta, monit atum Nephan athikdut si alangtum chelang pemepo, lapen Ne sai along Ne kangthir’et ru-thai atum ason si Nephan nangru-thaipo, mo kijut arni antame kepachoklimji aphan pirthe along Ne sai paklem longbompo.

Kapachini:

a. Abinong’et alamjir along ke “Laso akhrong pen si” pu alamseng ave.