၈၁၀ ပေတရုသည် ဘုရားကို သိကျွမ်းခြင်းအား အမြဲလိုက်စားခဲ့၏ကျူး

၁ ယေရှုနောက်သို့ ပေတရုပထမဉီးဆုံးလိုက်သည့်အခါ သူသည် ယေရှုကို တမန်တော်တစ်ပါးကဲ့သို့ ဘုရားသခင်၏ စေလွှတ်ခြင်း ခံရသောသူဟု ယုံကြည်ခဲ့ပြီး၊ ယေရှုကို ခရစ်တော်အဖြစ် သူမမြင်ခဲ့ပေ။ သူသည် ဘုရားသခင်၏ နှုတ်ကပတ်တော်များကို တွေ့ကြုံခဲ့ရသည်၊ မိမိကိုယ်ကိုယ် ကိုင်တွယ်ဖြေရှင်းခဲ့ပြီးဖြစ်ကာ၊ ဘုရားသခင်အတွက် ဆင်းရဲဒုက္ခကို ခံစားခဲ့ရပြီးဖြစ်သော်လည်း၊ ဘုရားသခင်၏ အမှုနှင့် သက်ဆိုင်သည့် အသိပညာ သူမရှိခဲ့ပေ။ တွေ့ကြုံမှုကာလတစ်ခု ကြာမြင့်ပြီးနောက်တွင်၊ ပေတရုသည် ယေရှုထဲ၌ ဘုရားသခင်၏ လုပ်ဆောင်ချက်များစွာကို မြင်တွေ့ခဲ့သည်၊ ဘုရားသခင်၏ နှစ်လိုဖွယ်ကောင်းမှုကို သူမြင်တွေ့ခဲ့ပြီး၊ ဘုရားသခင်၏ ဖြစ်တည်မှုကို ယေရှုအထဲ၌ များစွာ သူမြင်တွေ့ခဲ့သည်။ အလားတူပင် ယေရှု ပြောဆိုခဲ့သော နှုတ်ကပတ်တော်များကို လူသားက ပြောနိုင်မည် မဟုတ်သကဲ့သို့၊ ယေရှုပြုခဲ့သော အမှုကို လူသားက လုပ်ဆောင်နိုင်မည် မဟုတ်သည်ကိုလည်း ပေတရုတွေ့မြင်ခဲ့သည်။ ထို့အပြင်၊ ယေရှု၏ နှုတ်ကပတ်တော်များနှင့် လုပ်ဆောင်ချက်များတွင်၊ ပေတရုသည် ဘုရားသခင်၏ ဉာဏ်ပညာများစွာနှင့် ဘုရား သဘောသဘာဝ၏ အမှုများစွာတို့ကို တွေ့မြင်ခဲ့သည်။

၂ သူ၏ အတွေ့အကြုံများအတွင်းတွင်၊ ပေတရုသည် မိမိကိုယ်ကိုယ် သိရှိလာခဲ့ရုံမျှမက၊ ယေရှု၏ လုပ်ဆောင်ချက်တိုင်းကို သေချာ အာရုံစိုက်ခဲ့ပြီး၊ ယင်းမှ အသစ်သောအရာများစွာကို သူရှာဖွေတွေ့ရှိခဲ့သည်၊ အတိအကျ ဆိုရသော်၊ ယေရှုမှတစ်ဆင့် ဘုရားသခင် လုပ်ဆောင်ခဲ့သော အမှုထဲတွင် ဘုရားသခင်၏ လက်တွေ့ကျသော ဖော်ပြချက်များစွာ ရှိခဲ့သည်ဆိုသည်နှင့်၊ သူပြောဆိုခဲ့သော နှုတ်ကပတ်တော်များနှင့် သူပြုခဲ့သော လုပ်ဆောင်ချက်များအပြင် အသင်းတော်များကို ထိန်းကျောင်းခဲ့သည့် နည်းလမ်းနှင့် သူဆောင်ရွက်ခဲ့သော အမှုတို့တွင် ယေရှုသည် သာမန်လူသားနှင့် ကွာခြားသည်ဆိုသည်တို့ ဖြစ်သည်။ ထို့ကြောင့် ပေတရုသည် ယေရှုထံမှ သူသင်ယူသင့်သော သင်ခန်းစာများစွာကို သင်ယူခဲ့ရပြီး၊ ကားတိုင်ပေါ်တွင် ယေရှု သံမှိုဖြင့်ရိုက်ခံရတော့မည့်အချိန်တွင် သူသည်- ယေရှုအဖို့ သူ၏ရာသက်ပန် သစ္စာစောင့်သိမှုနှင့် သခင့်အတွက် သူခံစားခဲ့ရသည့် ဇောက်ထိုး ကားစင်တင်ခံရခြင်းတို့အတွက် အခြေခံ ဖြစ်လာခဲ့သည့် အသိပညာ- ယေရှုနှင့်ပတ်သက်သော အသိပညာ ပမာဏအချို့ကို ရရှိခဲ့ပြီးဖြစ်သည်။

“နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ဘုရားသခင်ကိုသိသောသူများသာလျှင် ဘုရားသခင်ကို သက်သေခံနိုင်ကြသည်” ကို ကောက်နုတ်၍ ဆီလျော်စွာ ပြုပြင်ထားသည်