१२ सर्वशक्तिमान् परमेश्वर मानिसको आड हुनुहुन्छ
१
तँ यो र त्यो कुरासँग डराउनु हुँदैन; तैँले जतिसुकै कठिनाइ र खतरा सामना गरे पनि, तँ कुनै पनि अड्चनमा नपरी, मेरो अगाडि स्थिर रहनुपर्छ, ताकि मेरो इच्छा विना रोकटोक पूरा होओस्। यो तेरो कर्तव्य हो। तैँले सबै सहनैपर्छ; मेरा लागि, तँ सबै कुरा त्याग्न र आफ्नो सारा शक्तिले मलाई पछ्याउन तयार हुनैपर्छ, अनि कुनै पनि मूल्य चुकाउन तयार हुनैपर्छ। अहिले मैले तँलाई जाँच गर्ने समय हो: के तँ तेरो बफादारी मलाई अर्पण गर्नेछस्? के यो बाटोको अन्त्यसम्म तँ मलाई बफादारीपूर्वक पछ्याउन सक्छस्?
२
नडरा; मेरो आड हुँदा, यस बाटोलाई कसले कहिल्यै छेक्न सक्छ र? यो कुरा याद राख्! याद राख्! सबै थोकमा मेरा असल अभिप्रायहरू हुन्छन्, र सबै थोक मेरो छानबिनमुनि हुन्छन्। तैँले बोल्ने र गर्ने सबै थोकमा के तँ मेरो वचन पछ्याउन सक्छस्? जब तँमाथि आगोका जाँचहरू आइपर्नेछन्, के तैँले घुँडा टेकेर कराउनेछस्? कि तँ डरले लुरुक्क पर्नेछस्, अगाडि बढ्न सक्नेछैनस्?
३
ख्रीष्टको लोकातीत जीवन देखा परिसकेको छ; तँ डराउनुपर्ने कुरा केही छैन। शैतानहरू हाम्रा पाउमुनि छन्, र तिनीहरूको समय धेरै टिक्नेछैन। झट्ट बिउँझी! व्यभिचारको यस स्थानबाट उम्की; आफूलाई मृत्युको रसातलबाट आजाद गर्! जेसुकै भए तापनि मप्रति बफादार बन्, र साहसी भएर अघि बढ्; म तेरो अटल चट्टान हुँ, त्यसैले ममाथि भर पर्!
—वचन, खण्ड १। परमेश्वरको देखापराइ र काम। प्रारम्भमा ख्रीष्टका वाणीहरू, अध्याय १०
