12. Dim Plaws Ntawm Txoj Kev Khib Tej Kev Khi Lawm

Nyob rau lub Ib Hlis Ntuj xyoo 2018, kuv nyuam qhuav lees txais Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg xwb. Tsis ntev ntawd, kuv txawm txais ib teg dej num los ua ib tug coj hu nkauj hauv cov nkauj yeeb yaj duab rau cov nkauj qhuas Vajtswv. Thaum pib, muaj ntau tus nus thiab viv ncaus paub kuv, lawv hais tias kuv hu tau nkauj zoo heev, thiab kuv mus qhov twg los xij, lawv yeej paub kuv. Thaum pom li ntawd mas, nyob hauv kuv lub siab kuv zoo siab heev li.

Ob peb hlis tom qab ntawd, ces kuv txawm raug xaiv los ua tus thawj coj ntawm pawg ntseeg. Muaj ntau tus neeg los tshiab uas yuav tau txhawb, thiab muaj ntau tes hauj lwm tshaj tawm txoj moo zoo uas yuav tsum tau taug qab. Yuav kom saib xyuas tau cov los tshiab ntawd tej teeb meem, mas kuv yuav tsum tau saib cov yeeb yaj kiab uas hais txog txoj moo zoo los pab kuv tus kheej kom to taub qhov tseeb txog Vajtswv tes hauj lwm, thiab txhua zaus thaum lawv muaj tej kev xav phem los sis tej teeb meem uas lawv tsis to taub, kuv muaj peev xwm los qhia lawv thiab daws lawv tej teeb meem yam nquag plias. Kuv cov nus thiab cov viv ncaus pheej qhuas kuv vim kuv lub peev xwm thiab txoj kev to taub zoo. Kuv zoo siab heev uas tau txais kev pom zoo ntawm kuv cov nus thiab cov viv ncaus. Txawm li cas los xij, kuv ua tsis tau zoo txog tes dej num tshaj tawm txoj moo zoo. Tom qab ntawd, tus Viv Ncaus Khetim raug xa tuaj rau peb pawg ntseeg tuaj tshaj tawm txoj moo zoo. Kuv pom tias tus Viv Ncaus Khetim yoog nws tes hauj lwm tau haum sai heev, nws muaj peev xwm sib qhia thiab daws tau txhua yam teeb meem uas lwm tus muaj hauv lawv tej dej num, thiab nws kuj nquag plias sib qhia thaum tuav tej rooj sib tham thiab. Kuv twb tsim nyog zoo siab tias tus Viv Ncaus Khetim rau siab ntso leg nws tes dej num, tiam sis xyov yog ua cas kuv tsis paub li, kuv cia li tsis nyiam nws xwb. Txhua zaus uas tus Viv Ncaus Khetim sib qhia nrog cov nus thiab cov viv ncaus, mas kuv haj tseem tsis xav pom nws li thiab. Tshwj xeeb yog thaum kuv hnov lawv hais tias lawv xav hais tias Viv Ncaus Khetim mas ua tau zoo heev uas lawv xav xaiv nws los ua tus tub leg num uas tshaj tawm txoj moo zoo, haj yam ua rau kuv meem txom tuaj thiab. Kuv xav hais tias, “Ua ntej koj tuaj, cov nus thiab cov viv ncaus sawv daws puav leej qhuas kuv vim kuv lub peev xwm zoo, kev to taub zoo, thiab kev ywg dej zoo, thiab lawv sawv daws puav leej hwm kuv, tiam sis tam sim no lawv sawv daws puav leej xav hais tias koj yog tus ua tau zoo tshaj plaws thiab lawv hwm koj lawm. Tam sim no leej twg thiaj li yuav hwm kuv?” Txij lub sij hawm ntawd los, kuv txawm pib khib tus Viv Ncaus Khetim, thiab kuv txhawj xeeb tsam nws hloov kuv qhov chaw hauv peb cov nus thiab cov viv ncaus lub siab lawm.

Tom qab ntawd, kuv pom tias tus Viv Ncaus Khetim pheej hu mus nug txog cov los tshiab tej yam ntxwv, thiab ntau tus uas los tshiab kuj nrhiav nws mus daws lawv tej teeb meem thiab. Muaj ib zaug, ib tug viv ncaus uas kuv ywg dej rau lawm muaj ntau yam kev nyuaj txog tes hauj lwm tshaj tawm txoj moo zoo thiab tau nug txog kuv lub tswv yim. Tom qab kuv tau sib qhia nrog nws tag lawm, nws txawm mus cuag tus Viv Ncaus Khetim. Thaum kuv paub tias nws mus cuag tus Viv Ncaus Khetim lawm, ua rau kuv tu siab heev. Kuv xav hais tias tej zaum nws yuav tsis khaws kuv tej lus qhia tiag tiag, yuav xav hais tias tus Viv Ncaus Khetim ua tau zoo dua kuv, thiab yuav tsis hwm kuv ntxiv lawm. Kuv tus siab heev, kuv thiaj li xav hais tias, “Vim kuv ua tes hauj lwm tshaj tawm txoj moo zoo tsis tau zoo hlo li, kuv yuav tsum tau sib zog ua hauj lwm los txhaws rau kuv tej kev ua tsis tau zoo. Ces kuv thiaj li yuav tsis phem tshaj tus Viv Ncaus Khetim, thiab yav tom ntej, yog hais tias cov nus thiab cov viv ncaus muaj teeb meem, lawv thiaj li yuav tuaj cuag kuv tsis yog tuaj cuag nws.” Ntau hnub tom qab ntawd, kuv pom tias Viv Ncaus Khetim noj hmo lig txhua hnub thiab nws khwv heev rau nws tes dej num, thiab muaj qee zaus nws ua hauj lwm ib hmos kaj ntug plaws. Yog li ntawd kuv kuj tau sim nyob kom lig ua kuv tes dej num thiab. Ua li ntawd, kom cov nus thiab cov viv ncaus pom tau tias kuv kuj leg lub luag hauj lwm tau zoo thiab tsis muaj qhov phem tshaj nws. Tom qab ntawd, pawg ntseeg tau muaj ib qho kev xaiv tsa txog ib tug pab tshaj tawm txoj moo zoo. Tseeb tiag, los ntawm txhua kis los, ces tus Viv Ncaus Khetim yog tus ua tau zoo tshaj plaws rau tes dej num no, tiam sis kuv tsis xav xaiv nws. Kuv xav hais tias yog nws muaj ib txoj hauj lwm nyob rau hauv pawg ntseeg lawm, ces tej zaum txhua tus yuav maj mam hloov mus rau nws thiab lawv yuav xav hais tias nws muaj peev xwm dua kuv, tiam sis xav hais tias cov thawj coj ntawm pawg ntseeg ua tsis tau txhua yam hauj lwm ib leeg xwb thiab cheem tsum cov pab los pab lawv, kuv xav hais tias xyov kuv puas yuav xaiv tus Viv Ncaus Khetim. Yog kuv xaiv nws lawm, cov nus thiab cov viv ncaus yeej yuav sau nthwv mus cuag nws thiab cia kuv nyob ib leeg. Tiam sis kuv yuav tsum tau lees paub tias tus Viv Ncaus Khetim muaj peev xwm zoo heev, thiab nws saib xyuas tau tes hauj lwm ntawm ib tug tub leg num uas tshaj tawm txoj moo zoo. Kuv xav txog qhov ntawd ntev heev, ces thaum kawg thiaj li xaiv nws yam tsis txaus siab li.

Muaj ib zaug, pawg ntseeg tab tom nrhiav ib tug nus los sis tus viv ncaus uas txawj lus Filipeej thiab lus Askiv zoo los kaw lus rau hauv pab pawg Suab Nkauj Yeeb Yaj Duab. Tus Viv Ncaus Khetim puav leej paub lus Filipeej thiab lus Askiv zoo tib si, ces thaum kawg, cov nus thiab cov viv ncaus tau xaiv nws lawm. Ua rau kuv meem txom heev, thiab kuv xav hais tias, “Kuv cov lus Filipeej thiab lus Askiv los kuj zoo thiab nas, yog li vim li cas es lawv thiaj li xaiv nws tiam sis ho tsis xaiv kuv ne?” Kuv khib nws heev, thiab kuv kuj ntxub nws me ntsis rau hauv kuv lub siab thiab. Lub sij hawm ntawd, vim tus Viv Ncaus Khetim muaj ib tug moj yam me ntsis khav theeb, peb cov thawj coj thiaj li tshuaj ntsuam xyuas seb nws ua nws tej dej num li cas, thiab lawv hais kom kuv sau ib daim ntawv tshuaj xyuas txog nws. Kuv zoo siab heev, thiab kuv xav hais txog nws tej kev ua tsis tau zoo ntxiv, kom peb cov thawj coj thiaj li yuav muab lwm tes dej num rau nws ces kuv thiaj li yuav tsis tau nyob ib puag ncig ntawm nws ntxiv lawm. Txawm tias thaum kawg kuv tsis ua li no los xij, kuv tseem xav kom nws tawm mus es kuv thiaj li yuav tsis txhawj xeeb txog cov nus thiab cov viv ncaus txoj kev hwm nws lawm. Kuv xav hais tias, “Ua ntej koj tuaj, cov nus thiab cov viv ncaus sawv daws puav leej tuaj nrhiav tej lus teb ntawm kuv. Tiam sis tam sim no muaj koj nyob rau ntawm no lawm, saib zoo li lawv pheej tuaj nrhiav koj lawm xwb es tsis yog nrhiav kuv lawm.” Thaum xav txog qhov ntawd ua rau kuv poob siab thiab ntxov siab. Tab txawm thaum wb ua dej num ua ke los, kuv yeej tsis xav pom nws li. Kev khib mas nyob rawv rau hauv kuv lub siab thaum lub sij hawm ntawd.

Tom qab ntawd, kuv muaj ntau qhov kev tsub heev kom mus taug qab txog pawg ntseeg tes hauj lwm, thiab kuv muaj qee yam teeb meem, tiam sis kuv tsis xav txog Vajtswv tej kev npaj siab li, thiab kuv tsis paub xyov yuav daws tej teeb meem ntawd li cas. Sab heev li. Kuv tsis hnov Vajntsujplig tes hauj lwm thiab txoj kev coj qhia lawm, thiab kuv ua kuv tej dej num tsis tau zoo li. Kuv tsis ras kiag li hais tias kuv tus yam ntxwv xav phem twb cuam tshuam rau kuv tej dej num lawm, los txog ntua rau thaum kuv pom Vajtswv Tus Uas Muaj Hwj Chim Loj Kawg Nkaus cov lus no nyob rau ntawm ib lub rooj sib tham uas hais tias, “Ua ib tug thawj coj pawg ntseeg mas koj tsis lam kawm kom paub siv qhov tseeb los daws teeb meem xwb, koj kuj yuav tau kawm kom paub thiab cob cov tib neeg muaj peev xwm thiab, cov uas koj yuav tsum txhob khib los sis txhob caij tsuj. Qhov xyaum ua li no mas thiaj li muaj txiaj ntsim rau pawg ntseeg tes hauj lwm. Yog koj cob qhia tau ob peb tug neeg nrhiav qhov tseeb los koom tes nrog koj es ua txhua tes hauj lwm tau zoo, thiab nyob rau thaum kawg, nej txhua tus muaj cov lus tim khawv uas hais txog txoj kev ntsib kev pom, ces koj thiaj li yog ib tug thawj coj los sis ib tug neeg ua hauj lwm uas tsim nyog. Yog hais tias koj muaj peev xwm saib xyuas txhua yam mus raws li cov hauv paus ntsiab lus, ces koj thiaj li ua raws li koj lub siajb uas ncaj ncees. Muaj ib txhia mas pheej ntshai tias tsam lwm tus zoo dua lawv los sis siab dua lawv, tias tsam lwm tus yuav raug qhuas ho lawv ces raug tsis saib tsis taus, ces qhov no thiaj li ua rau lawv tawm tsam thiab tsis xam txog lwm tus. Qhov no tsis yog ib kis ntawm txoj kev xam khib ntawm cov tib neeg muaj peev xwm lod? Qhov ntawd tsis yog twm xeeb thiab ntxim ntxub lod? Hom moj yam no yog dab tsi? Nws yog tus moj yam uas siab phem! Cov uas tsuas xav txog lawv tus kheej tej kev ntshaw xwb, cov uas tsuas ua tau zoo raws lawv tus kheej tej kev ntshaw nkaus xwb, es tsis xav txog lwm tus los sis ua tib zoo xav txog tej kev ntshaw ntawm Vajtswv lub tsev li, es muaj ib tug moj yam phem, ces Vajtswv tsis muaj kev hlub rau lawv li. Yog koj yeej muaj peev xwm tiag tiag txog qhov ua tib zoo xav txog Vajtswv tej kev npaj siab, ces koj yuav muaj peev xwm coj ncaj ncees rau lwm tus tib neeg thiab. Yog koj qhuas ib tug neeg zoo thiab cia lawv muaj kev cob qhia thiab ua tau ib teg dej num, es ntxiv ib tug neeg uas muaj peev xwm rau hauv Vajtswv lub tsev, ces qhov ntawd tsis yog yuav ua rau koj tes hauj lwm yooj yim dua lod? Ces koj yuav tsis ua lub siab ncaj ncees rau koj tes dej num lod? Qhov ntawd yog ib qho kev ua zoo rau ntawm Vajtswv lub xub ntiag; qhov ntawd yog kev txawj xav thiab lub ntsiab uas cov ua thawj coj yuav tsum muaj” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tshem Yus Tus Moj Yam Qias Vuab Tsuab Tawm Xwb Thiaj Li Tau Txais Kev Ywj Pheej thiab Kev Dim). Tom qab nyeem Vajtswv txoj lus tag lawm, kuv ras dheev hais tias kuv ua kuv tes dej num txhawm rau lub koob lub npe thiab lub meej mom, ua kom tib neeg hwm thiab qhuas kuv xwb. Thaum tus Viv Ncaus Khetim tuaj rau hauv pawg ntseeg lawm, kuv pom hais tias nws sib qhia tau qhov tseeb thiab daws tau teeb meem, thiab thaum lwm tus nrhiav nws los sib qhia es ho tsis nrhiav kuv ntawd, kuv ntshai tsam tus Viv Ncaus Khetim yuav txeeb kuv qhov chaw, yog li ntawd kuv thiaj li khib thiab nrog nws sib tw rau txhua fab. Kuv xav qhia hais tias kuv to taub qhov tseeb thiab tuaj yeem sib qhia thiab daws tau tib neeg tej teeb meem, kom kuv cov nus thiab cov viv ncaus thiaj li yuav hwm kuv. Thaum pawg ntseeg xaiv ib tug tub leg num uas tshaj tawm txoj moo zoo, kuv mam li paub hais tias tus Viv Ncaus Khetim muaj peev xwm ua txoj hauj lwm no, tiam sis kuv ntshai tsam nws yuav nyiag kuv lub koob meej, yog li ntawd kuv thiaj li tsis xav xaiv nws, thiab kuv ntxub thiab tsis nyiam nws nyob rau hauv kuv lub siab. Kuv haj tseem muaj tej kev npaj siab phem thiab tas zog ua kom paub tau tej uas nws ua tsis tau zoo. Kuv zoo siab thaum kuv pom nws nthuav tawm txoj kev qias vuab tsuab, thiab kuv xav sau qee yam phem rau hauv qhov kev tshuaj xyuas nws kom tshem tau nws tawm mus, kom kuv cov nus thiab cov viv ncaus thiaj li pom tej uas kuv ua tau zoo. Tsuas yog los ntawm tej kev qhia tshwm hauv Vajtswv txoj lus xwb thiaj li ua rau kuv ras dheev hais tias kuv khib nws lub peev xwm thiab tiv tsis taus qhov nws ua tau zoo dua kuv, thiab yam kuv qhia tshwm yog ib tug moj yam phem xwb. Nyob rau sab nraud mas, kuv rau siab ntso ua kuv tes dej num, tiam sis nyob rau hauv kuv lub siab mas, kuv tsis xav txog tes hauj lwm ntawm Vajtswv lub tsev li. Tus Viv Ncaus Khetim tau pab tes hauj lwm ntawm Vajtswv lub tsev thiab ua tes dej num tshaj tawm txoj moo zoo tau zoo dua tuaj. Txawm li ntawd los xij, kuv tsuas xav txog qhov tias yuav ua li cas thiaj li ua tau zoo dua nws nkaus xwb. Vajtswv saib peb lub siab thiab pom peb tus cwj pwm coj rau peb tej dej num meej heev. Kuv ua kuv tes dej num yam tsis muaj ib lub siab hwm Vajtswv li, thiab kuv tsuas quav ntsej txog kev caum suab npe, txiaj ntsig, thiab lub meej mom nkaus xwb. Kev coj li no qias Vajtswv heev.

Tom qab ntawd, kuv tau nyeem dua lwm zaj lus ntawm Vajtswv txoj lus. “Thaum hais txog ib yam dab tsi uas cuam tshuam rau lub koob lub npe, lub meej mom, los sis ib lub cib fim uas yuav nrov—piv txwv li, thaum nej hnov hais tias Vajtswv lub tsev npaj los txhawb ntau hom neeg uas muaj kev txawj—mas nej txhua tus lub siab dhia pig poog xwb, nej txhua tus yeej ib txwm xav ua kom muaj ib lub npe rau nej tus kheej thiab nrov xwb. Nej txhua tus puav leej xav ua kom tau lub meej mom thiab lub koob lub npe. Nej txaj muag rau qhov no, tiam sis nej tsis zoo siab yog nej tsis ua li no. Nej khib, ntxub, thiab yws thaum nej pom ib tug tib neeg twg nrov lawm, es thiaj li xav hais tias qhov ntawd mas tsis ncaj ncees li: ‘Vim li cas kuv thiaj li nrov tsis taus? Vim li cas lwm tus tib neeg thiaj li nrov tas li xwb? Vim li cas thiaj li tsis yog kuv zeeg li?’ Thiab tom qab nej tsis txaus siab lawm, nej sim los tswj qhov tsis txaus siab ntawd, tiam sis nej tswj tsis tau. Nej thiaj li thov Vajtswv ces zoo siab lawm ib ntus, tiam sis thaum nej ntsib qhov xwm txheej zoo li no dua, los koj kov tsis yeej li thiab. Qhov no tsis yog ib qho kev qhia kom pom tseeb txog ib lub siab uas tsis paub tab lod? Thaum pom hais tias tib neeg zoo li no lawm, tsis yog lawv twb mag Ntxwgnyoog rooj ntxiab lawm lod? Tej no yog cov saw hlau ntawm Ntxwgnyoog tus yam ntxwv qias vuab tsuab uas khi tib neeg ntag” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tshem Yus Tus Moj Yam Qias Vuab Tsuab Tawm Xwb Thiaj Li Tau Txais Kev Ywj Pheej thiab Kev Dim). Vajtswv txoj lus nthuav kuv tus yam ntxwv tawm. Kuv khib kuv tus viv ncaus vim kuv muaj ib txoj kev ntshaw suab npe thiab meej mom heev, thiab vim kuv xav nrov thiab nyob hauv tib neeg lub siab. Kuv nco tias, thaum nyob rau hauv tsev kawm ntawv qib siab mas, yuav kom lwm tus qhuas thiab hwm mas, kuv yuav tsum tau nrog kuv cov phooj ywg kawm ntawv ua ke sib tw, thiab tsuav yog peb nrov tshaj xwb, ces txawm peb ib leeg ua rau ib leeg mob los xij. Tom qab kuv ntseeg Vajtswv lawm los, kuv kuj tseem caum tib txoj kev qub hauv pawg ntseeg thiab. Thaum kuv pom tus Viv Ncaus Khetim ua tau zoo dua kuv lawm, kuv xav ua kom tshaj nws thiab haj tseem ntxub nws thiab, vim kuv xav tau tib neeg txoj kev pom zoo kom ntau ntxiv thiab cia siab ntsoov hais tias tib neeg yuav qhuas thiab pe hawm, uas qhia tias kuv mas khav theeb npaum li cas. Kuv kuj pom tias kuv tab tom caum lub koob lub npe thiab lub meej mom thiab, twb yog vim li ntawd kuv thiaj li ua tsis tau kuv tej dej num kom zoo, tsis tau txais Vajntsujplig tes hauj lwm, thiab mloog zoo li kuv lub siab nqaim zuj zus li lawm. Ib yam li Vajtswv txoj lus nthuav tawm hais tias, “Tej no yog cov saw hlau ntawm Ntxwgnyoog tus yam ntxwv qias vuab tsuab uas khi tib neeg ntag.” Tom qab ntawd, kuv pom lwm zaj lus ntawm Vajtswv txoj lus uas pab kuv to taub lub ntsiab tseeb thiab tej uas yuav rov los raug rau yus ntawm txoj kev caum lub koob lub npe thiab lub meej mom. Vajtswv Tus Uas Muaj Hwj Chim Loj Kawg Nkaus hais tias: “Ib txhia tib neeg ntseeg Vajtswv tab sis tsis caum qhov tseeb li. Lawv ib txwm ua neej raws lub cev nqaij daim tawv, ntshaw kev tau zoo ntawm sab cev nqaij daim tawv, yeej tuav rawv rau lawv tus kheej tej kev ntshaw uas twm xeeb tas li xwb. Txawm tias lawv ntseeg Vajtswv los tau pes tsawg xyoo lawm los xij, lawv yeej yuav tsis muaj hnub to taub qhov tseeb qhov muaj tiag li. Qhov no yog lub cim ntawm qhov coj txoj kev txaj muag los rau Vajtswv ntag. Koj hais tias, ‘Kuv twb tsis tau ua ib yam dab tsi los tawm tsam Vajtswv li. Ua li cas kuv ho coj kev txaj muag los rau Nws?’ Tag nrho koj tej tswv yim thiab tej kev xav mas puav leej phem. Tej kev npaj siab, tej hom phiaj, thiab tej kev txhawb siab ntsws uas txhawb yam koj ua, thiab qhov tshwm sim los ntawm koj tej kev ua ntawd mas yeej ua rau Ntxwgnyoog txaus siab, ua rau koj yog nws qhov kev tso dag ua si, thiab cia nws tau txais qee yam ntawm koj. Koj tsis tau ua tim khawv li ib tug Ntseeg Vajtswv tsim nyog ua li. Koj yog Ntxwgnyoog tug. Koj coj kev txaj muag los rau Vajtswv lub npe rau hauv txhua yam thiab koj tsis muaj lus tim khawv dab tsi tseeb li. Vajtswv puas yuav nco tej uas koj tau ua lawm? Thaum kawg, cov lus xaus uas Vajtswv hais rau koj tej kev ua, tus cwj pwm, thiab tej dej num uas koj tau ua lawm ntawd yog dab tsi? Puas yog qee yam tsis tas yuav tsum tau los ntawm qhov ntawd los, qee hom lus hais? Hauv phau Vajluskub, tus Tswv Yexus hais tias, ‘Coob leej yuav hais rau Kuv rau hnub ntawd tias, tus Tswv, tus Tswv, peb tsis tau tuav Koj lub npe tshaj tawm los, thiab tuav Koj lub npe ntiab dab tawm los, thiab tuav Koj lub npe ua ntau yam hauj lwm phim hwj los? Thiab thaum ntawd Kuv yuav hais meej rau lawv tias, Kuv yeej tsis paub nej li: cia li khiav ntawm Kuv mus, nej cov uas ua hauj lwm lim hiam’ (Mathai 7:22–23). Vim li cas tus Tswv Yexus thiaj li hais li no? Vim li cas coob tus ntawm cov neeg uas qhuab qhia, ntiab cov dab phem tawm, thiab ua ntau yam txuj ci tseem ceeb hauv tus Tswv lub npe thiaj li rais los ua cov neeg ua phem lawm? Qhov ntawd yog vim hais tias lawv tsis lees txais qhov tseeb uas Tswv Yexus nthuav tawm, lawv tsis ua raws li Nws cov lus txib, thiab nyob hauv lawv lub siab lawv tsis muaj qhov nyiam qhov tseeb li. Lawv tsuas xav muab lawv tes hauj lwm uas lawv ua los lawm, tej kev txom nyem uas lawv tau tiv lawm, thiab tej khoom fij uas muab rau tus Tswv ntawd pauv cov koob hmoov ntawm lub nceeg vaj saum ntuj ceeb tsheej xwb. Nyob rau qhov no, yog lawv sim los sib khom nrog Vajtswv, thiab yog lawv siv Vajtswv thiab ntxias dag Vajtswv xwb, yog li es Tswv Yexus thiaj li dhuav lawv, ntxub lawv, thiab muab lawv teem txim tias yog cov neeg ua phem. Niaj hnub no, tib neeg tab tom lees txais txoj kev txiav txim thiab kev rau txim ntawm Vajtswv cov lus, tab sis ib txhia tseem caum raws lub koob lub npe thiab lub meej mom, thiab pheej xav cais lawv tus kheej, pheej xav ua cov thawj coj thiab cov neeg ua hauj lwm es kom thiaj li tau lub koob lub npe thiab lub meej mom xwb. Txawm tias lawv sawv daws hais tias lawv ntseeg Vajtswv thiab raws Vajtswv qab, thiab lawv tso tseg thiab fij rau Vajtswv los xij, lawv ua lawv tej dej num kom tau koob meej, tau tshaj thawj, thiab tau meej mom xwb, thiab lawv pheej muaj tus kheej tej kev dag. Lawv tsis zwm los sis tsis ua lub siab ncaj rau Vajtswv li, lawv ua phem mus mus los los yam tsis tig xav txog lawv tus kheej kiag li, ces yog li ntawd lawv thiaj li rais los ua cov neeg ua phem lawm. Vajtswv tsis nyiam cov neeg ua phem no kiag li, thiab Vajtswv tsis cawm lawv” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tshem Yus Tus Moj Yam Qias Vuab Tsuab Tawm Xwb Thiaj Li Tau Txais Kev Ywj Pheej thiab Kev Dim). Tom qab nyeem zaj lus no txog Vajtswv Tus Uas Muaj Hwj Chim Loj Kawg Nkaus txoj lus tag lawm, ces ua rau kuv hnov nyuaj siab thiab txaj muag heev. Kuv pom hais tias kuv tus kheej tej tswv yim, tej kev xav, tej kev npaj siab, thiab tej kev txhawb siab mas ua tsis tau zoo raws Vajtswv kiag li, tej ntawd puav leej ua kom lwm tus qhuas kuv nkaus xwb. Thaum kuv pom kuv cov nus thiab cov viv ncaus xav mloog tus Viv Ncaus Khetim ntau dua kuv lawm, ua rau kuv khib, xav sib tw, xav kom tshaj nws, thiab haj tseem cia siab tias nws yuav raug xa mus rau lwm pawg ntseeg. Kuv pom hais tias, yog ib tug thawj coj ntawm pawg ntseeg, kuv tsis tau mob siab rau kev cob qhia tib neeg los ua pawg ntseeg tes hauj lwm, kuv tsis quav ntsej kuv tes dej num, taug txoj kev yuam kev, khib txog tus muaj peev xwm, thiab nyob rau hauv ib tug yam ntxwv uas caum suab npe thiab lub meej mom xwb. Kuv zoo ib yam nkaus li cov ua phem uas raug Tswv Yexus teem txim rau lawm. Lawv tsis muaj lub siab ncaj ncees rau Vajtswv li, thiab lawv txom nyem thiab tsuas ua hauj lwm los tuav lawv lub koob lub npe thiab lub meej mom thiab ua kom lwm tus hwm lawv xwb. Kuv zoo ib yam nkaus li ntawd ntag. Kuv raug kev txom nyem thiab muab kuv tus kheej fij kom kuv cov nus thiab cov viv ncaus qhuas thiab kom tuav tau kuv lub koob lub npe thiab lub meej mom xwb. Thaum kuv tas zog khav theeb, kuv tej kev npaj siab txog kuv tes dej num thiaj li tsis yog lawm, uas ua rau kuv tsis muaj hnub tau txais Vajntsujplig tes hauj lwm li lawm. Hauv kuv txoj kev sib qhia tsis muaj kev kaj, thiab kuv daws tsis tau teeb meem rau cov los tshiab. Kev khib yog ib yam uas phem heev, thiab nws yog qee yam uas Vajtswv ntxub. Tus Tswv Yexus hais tias: “Coob leej yuav hais rau Kuv rau hnub ntawd tias, tus Tswv, tus Tswv, peb tsis tau tuav Koj lub npe tshaj tawm los, thiab tuav Koj lub npe ntiab dab tawm los, thiab tuav Koj lub npe ua ntau yam hauj lwm phim hwj los? Thiab thaum ntawd Kuv yuav hais meej rau lawv tias, Kuv yeej tsis paub nej li: cia li khiav ntawm Kuv mus, nej cov uas ua hauj lwm lim hiam” (Mathai 7:22–23). Vajtswv ntxub cov uas nyob rau sab nraud uas saib zoo li taug txoj kev thiab tiv kev txom nyem rau Vajtswv tiag tiag, tiam sis qhov tseeb tiag lawv tsuas ua hauj lwm kom tau zoo raws lawv tus kheej tej kev npaj siab thiab tej kev txhawb siab nkaus xwb. Yam lawv ua yog ua rau yam uas muaj txiaj ntsim rau lawv tus kheeb xwb. Nws tsis yog los ua kom tau zoo raws Vajtswv los sis ua tim khawv rau Vajtswv kiag li. Vim yog li no es lawv thiaj li ua tau hauj lwm ntau heev, tiam sis Vajtswv tsis lees paub qhov ntawd li. Kuv pom kuv tus kheej ua ib yam nkaus li ntawd ntag. Nyob rau sab nraud mas kuv ua kuv tej dej num, tiam sis kuv tsis caum qhov tseeb los sis sim rov qab los xav kom paub kuv tus kheej, thiab kuv tsis xyaum kawm qhov zoo los ntawm kuv tus phooj ywg li. Tiam sis, kuv ho taug txoj kev tsis yog uas yog caum lub koob lub npe thiab lub meej mom xwb, yog li ntawd kuv yeej tsis txawv ntawm cov neeg ua phem li. Kuv xav txog qhov Povlauj tau fij ntau heev uas tsuas yog ua kom tau txais tej kaus mom vaj ntxwv thiab ua kom lwm tus hwm thiab pe hawm nws. Nws yeej tsis nrhiav kev hloov pauv nws tej moj yam qias vuab tsuab li, thiab yam nws ua tsis yog ua kom tau zoo raws Vajtswv, nws yog ua kom tau zoo raws nws tus kheej xwb. Thaum kawg, Vajtswv rau txim rau nws vim qhov ntawd. Yog kuv pheej ua kuv tej dej num mus ntxiv raws li kuv txoj kev xam pom rau kuv tus kheej tej kev ntshaw xwb, ces kuv yuav ua rau puas thiab tab kaum tes hauj lwm ntawm Vajtswv lub tsev, yuav cia li dhau los ua ib tug neeg ua phem zoo ib yam li Povlauj lawm, thiab raug Vajtswv ntxub ntxaug thiab raug rhuav tshem lawm. Thaum kuv ras dheev txog qhov no kiag lawm, kuv los rau ntawm Vajtswv lub xub ntiag los thov Vajtswv. Kuv hais tias, “Vajtswv Tus Uas Muaj Hwj Chim Loj Kawg Nkaus, kuv tsis xav cia kuv tus moj yam qias vuab tsuab los cuam tshuam kuv tes dej num, kuv xav kho kuv tus moj yam qias vuab tsuab thiab ua hauj lwm nrog kuv tus viv ncaus los ua kuv tes dej num. Vajtswv, thov coj kuv kev kom kuv daws tau qhov teeb meem no.”

Tom qab ntawd, kuv nyeem dua lwm zaj lus ntawm Vajtswv txoj lus. “Txhob ua tej yam rau koj tus kheej qhov txiaj ntsim tas li xwb thiab txhob xav xwm yeem txog koj tus kheej tej kev ntshaw xwb; txhob xam txog tib neeg tej kev ntshaw, thiab txhob xav rau koj tus kheej txoj kev khav theeb, kev muaj suab npe, thiab lub meej mom. Koj yuav tsum xub ua tib zoo xav txog tej kev ntshaw ntawm Vajtswv lub tsev, thiab muab tej ntawd ua yam uas yuav tau xub ua ua ntej tso. Koj yuav tsum xav txog Vajtswv tej kev npaj siab thiab pib los ntawm qhov ua twb zoo xav seb puas muaj kev tsis dawb huv nyob rau hauv txoj kev ua koj tes dej num los tsis muaj, seb koj puas ua lub siab ncaj ncees ua koj tej luag hauj lwm kom tiav, thiab seb puas muab koj tej tag nrho, thiab seb koj puas xav kom kawg lub siab txog koj tes dej num thiab txog pawg ntseeg tes hauj lwm los tsis xav. Koj yuav tsum ub tib zoo xav txog tej no. Yog xav txog tej no tas li thiab paub txog tej no, ces nws yuav yooj yim rau koj ua koj tes dej num kom tau zoo dua. Yog koj muaj rab peev xwm tsis zoo, yog koj txoj kev ntsib kev pom ntiav, los sis yog koj ua rau hauv koj txoj dej num tsis tau zoo, ces tej zaum yuav muaj qee yam ua tsis raug los sis ua tsis tau zoo txaus rau hauv koj txoj dej num, thiab tej zaum koj yuav tsis tau txiaj ntsim zoo—tab sis koj twb ua li qhov koj ua tau zoo tshaj plaws lawm. Koj tsis txaus siab rau koj tej kev ntshaw uas twm xeeb los sis tej kev nyiam. Tab sis, koj ho ua tib zoo xav txog pawg ntseeg tes hauj lwm thiab tej kev ntshaw ntawm Vajtswv lub tsev tas li. Tab txawm koj ua tsis tau txiaj ntsim zoo nyob rau hauv koj tes dej num los xij, koj lub siab twb tus lawm; yog, tshaj qhov no, koj nrhiav tau qhov tseeb los daws tej teeb meem uas nyob rau hauv koj tes dej num, ces koj yuav ua tau raws li tus qauv hauv txoj kev ua koj tes dej num, thiab nyob rau tib lub sij hawm ntawd, koj yuav muaj peev xwm to taub qhov tseeb qhov muaj tiag. Qhov no yog qhov uas txhais hais tias muaj lus tim khawv” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tshem Yus Tus Moj Yam Qias Vuab Tsuab Tawm Xwb Thiaj Li Tau Txais Kev Ywj Pheej thiab Kev Dim). Vajtswv txoj lus tau muab ib txoj kev xyaum ua raws rau kuv lawm. Peb yuav tsum txhob ua peb tej dej num rau ntawm lwm tus lub xub ntiag, kom lawv qhuas thiab hwm peb xwb. Peb yuav tsum muab peb lub koob lub npe tso tseg, xav txog tej uas muaj txiaj ntsim rau Vajtswv lub tsev, thiab muab peb tej dej num los ua ua ntej. Qhov no mas thiaj li haum raws li Vajtswv txoj kev xav. Tus Viv Ncaus Khetim ua tes dej num tshaj tawm txoj moo zoo tau zoo thiab mob siab leg nws tej dej num heev. Kuv twb tsis tsim nyog khib nws. Kuv tsim nyog xyaum los ntawm tej uas nws ua tau zoo los pab rau tej uas kuv ua tsis tau zoo, nrog nws sib raug zoo, thiab nrog nws ua kuv tes dej num kom tiav.

Muaj ib zaug, kuv xav tshaj tawm txoj moo zoo rau kuv tus nus, tiam sis nws muaj tej kev xav phem ntawm sab kev lig kev cai ntseeg tob heev, thiab kuv tsis paub xyov yuav ua tim khawv rau Vajtswv tes hauj lwm nyob rau tiam kawg rau nws tau li cas, thiab kuv kuj txhawj tsam kuv txoj kev qhia ho tsis meej, yog li ntawd kuv thiaj li xav nrhiav ib tug viv ncaus los ua kuv tus phooj ywg, ces kuv txawm xav txog tus Viv Ncaus Khetim, tiam sis kuv ho ua xyem xyav. Kuv xav hais tias, “Yog kuv coj nws ua kuv tus phooj ywg, qhov ntawd tsis ua pov thawj qhia tias kuv ua tau phem dua lod? Tias kuv ua tsis tau tim khawv rau Vajtswv tes hauj lwm los sis daws tsis tau tej kev xav phem ntawm sab kev lig kev cai ntseeg lod? Yog kuv cov nus thiab cov viv ncaus paub lawm, lawv puas yuav saib tsis taus kuv? Yog tus Viv Ncaus Khetim daws tau kuv tus nus tej kev xav phem ntawm sab kev lig kev cais ntseeg lawm, ces kuv cov nus thiab cov viv ncaus yeej yuav hwm nws xwb xwb li.” Thaum kuv muaj qhov kev xav li ntawd lawm, ces kuv mam li ras dheev hais tias kuv tab tom nrog nws sib tw kom tau lub suab lub npe thiab kom tau txiaj ntsig dua lawm thiab, yog li ntawd kuv thiaj li thov Vajtswv ntsiag to. Tom qab ntawd, kuv rov nco txog ib zaj lus ntawm Vajtswv txoj lus uas hais tias, “Koj yuav tsum kawm kom paub tso tej no tseg thiab muab tej no tso rau ib sab, es qhuas lwm tus, thiab pub lawv nyob siab tau. Txhob sib zog phoom los sis maj kom muaj lub cib fim los ua kom tau nyob siab los sis kom nrov. Koj yuav tsum muaj peev xwm los muab tej no tso rau ib sab, tab sis yuav tsum tsis txhob tso qhov ua koj tes dej num tseg. Ua ib tug neeg uas ua hauj lwm ntsiag to es tsis txhob khav theeb rau lwm tus thaum koj ua lub siab ncaj ncees ua koj tes dej num. Koj yim tso koj txoj kev khav theeb thiab lub meej mom tseg, thiab koj yim tso koj tus kheej tej kev ntshaw tseg, ces koj yim muaj kev thaj yeeb, yim muaj txoj kev kaj nyob rau hauv koj lub siab npaum li ntawd, thiab koj tus yam ntxwv yim zoo npaum li ntawd. Koj yim sib zog phoom thiab sib tw ntau npaum li cas, koj tus yam ntxwv yim tsaus ntuj npaum li ntawd. Yog koj tsis ntseeg Kuv, ces sim thiaj li pom!” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tshem Yus Tus Moj Yam Qias Vuab Tsuab Tawm Xwb Thiaj Li Tau Txais Kev Ywj Pheej thiab Kev Dim). Vajtswv txoj lus thiaj li qhia kom kuv paub. Kuv yuav tsum tau tso kuv txoj kev khav theeb tseg thiab koom tes nrog nws. Txoj kev xyaum ua raws uas zoo li no mas yuav pab tau kuv tej dej num. Yog kuv pheej khib nws thiab nrog nws sib tw kom tau lub suab lub npe thiab tau txiaj ntsig xwb, ces kuv tus yam ntxwv tsuas yuav muaj kev xav phem thiab tsaus ntuj nti mus ntxiv xwb, vim kev caum lub suab lub npe thiab lub meej mom yog Ntxwgnyoog txoj kev. Kuv thov Vajtswv hais tias, “Vajtswv Tus Uas Muaj Hwj Chim Loj Kawg Nkaus, kuv paub hais tias kuv tseem muaj ib tug moj yam qias vuab tsuab. Kuv khib kuv tus viv ncaus, thiab xav txog txoj kev nrog nws sib tw kom tau lub suab lub npe thiab txiaj ntsig xwb, tiam sis kuv tsim nyog muab kuv lub koob lub npe thiab lub meej mom tso tseg. Thov coj kuv kev los ntxeev siab tawm tsam lub cev nqaij daim tawv es xyaum ua raws li qhov tseeb los ua kom tau zoo raws Koj.” Tom qab kuv thov Vajtswv tag lawm, kuv hnov kaj siab lug tuaj, ces kuv tau mus ntsib tus Viv Ncaus Khetim mus piav qhia txog qhov xwm txheej ntawd rau nws. Nws pom zoo li ntawd kiag tam sim ntawd thiab nrog kuv sib tham tias yuav daws qhov ntawd li cas. Thaum kuv pom qhov ntawd lawm, raug kuv siab heev. Kuv xav txog qhov kuv pheej ua neej txhawm rau kuv tus kheej lub koob lub npe xwb thiab lam ua txuj sib raug zoo nrog rau tus Viv Ncaus Khetim xwb, tiam sis nws yeej tsis paub kuv tej kev xav tseeb li. Yog li ntawd, kuv thiaj li txiav txim siab los qhib siab lug rau tus Viv Ncaus Khetim. Tom qab noj hmo tag lawm, kuv nrog tus Viv Ncaus Cahtis tham, thiab sib qhia txog txhua yam kev qias vuab tsuab uas kuv tau qhia tshwm lawm. Tom qab hnov qhov no tag lawm, nws txawm hais tias, “Tsis ua li cas. Qhov tseeb tiag ces kuv haj yam qias vuab tsuab tshaj koj thaum hais txog qhov no. Hom kev sib qhia no mas zoo heev.” Tom qab kuv qhib siab lug qhia lawm, kuv kuj hnov kaj siab lawm ntau, thiab kuv tso tau kuv txoj kev khib nws tseg lawm. Tam sim no kuv ua tau kuv tej dej num nrog tus Viv Ncaus Khetim, thiab kuv muaj kev ruaj siab thiab kev kaj siab lawm ntau heev. Ua tsaug rau Vajtswv Tus Uas Muaj Hwj Chim Loj Kawg Nkaus!