27. Kev Tawg Paj Txi Txiv ntawm Kev Qhia Txoj Moo Zoo
Nyob rau lub Cuaj Hlis xyoo 2017, kuv tau ntsib ib tug neeg Filivpij uas Ntseeg Vajtswv hauv os lai, npe hu ua Thawslixam. Nws hais tias nws tsis tau txais ib yam dab tsi los ntawm pawg ntseeg tej hauj lwm los li, thiab nws pom lwm cov ntseeg coob tus uas ua raws li tej kev ntawm lub ntiaj teb sab nrawd lawm. Nws pawg ntseeg ua rau nws tu siab, ces nws thiaj li xav nrhiav ib pawg ntseeg uas muaj Vajntsujplig tes hauj lwm. Nws kuj hais tias nws xav nyeem ntxiv txog Vajtswv cov lus, paub Vajtswv, thiab ua lub neej tshiab thiab. Thaum pom nws txoj kev ntsaw ntawm sab ntsujplig, ces kuv txawm xav qhia txoj moo zoo rau nws kom nws thiaj li hnov Vajtswv lub suab thiab lees txais Vajtswv tes hauj lwm ntawm tiam kawg. Muaj ib zaug kuv thiaj li nug nws txog qhov nws xav tau los ntawm nws txoj kev ntseeg. Nws thiaj li hais tias, “Kuv xav mus rau Vajtswv lub nceeg vaj thiab nrog Nws nyob mus ib txhis, tab sis kuv yog ib tug neeg txhaum, thiab kuv tsis tsim nyog rau Nws lub nceeg vaj.” Kuv thiaj li qhia rau nws tias peb yuav tsum tau to taub cov qauv rau Vajtswv lub nceeg vaj yog peb xav mus rau hauv, thiab nug seb nws puas xav kawm txog kis no ntawm qhov tseeb. Nws thiaj li hais yam zoo siab hlo tias, “Xav tshaj plaws li!” Kuv pom tias nws yog ib tug ntseeg tiag uas xav los tshawb xyuas qhov ntawd, yog li kuv thiaj li kub siab lug qhia cov lus tim khawv txog Vajtswv tes hauj lwm ntawm tiam kawg. Tab sis thaum ntawd yog nws lub sij hawm mus ua hauj lwm lawm, yog li wb thiaj li yuav tsum tau muab wb qhov kev sib sau ntawv nyob rau hnub ntawd xaus tseg.
Tom qab ntawd mas, nws khwv heev rau nws txoj hauj lwm, ua hauj lwm thaum sawv ntxov tsees mus txog ntua rau yav lig nyob rau yav hmo ntuj, thiab tom qab ua hauj lwm tag ces nws sab heev thiab xav so lawm xwb. Tshaj ntawd, nws yuav tsum tau siv lub sij hawm uas nws muaj me ntsis ntawm txhua lub lim tiam mus ua pawg ntseeg tej hauj lwm xwb, yog li wb thiaj li tsis tshua muaj hwv tsam sib sau ntawv li. Nws nyob tom hauj lwm yuav luag txhua zaus uas kuv hu nws, yog li wb yeej tsis muaj sij hawm tham li. Ib ntus tom qab ntawd ces kuv txawm pib qaug zog lawm. Kuv thiaj li xav tias wb yuav tsum tau sib txuas lus hauv os lai vim wb tsis nyob rau ib lub teb chaws, yog li yog tias nws tsis muaj sij hawm nkag los rau hauv, kuv yuav qhia Vajtswv tes hauj lwm ntawm tiam kawg rau nws tau li cas? Kuv txawm pib xav tias kuv ua tsis tau li cas lawm, yog li kuv yuav tsum hnov qab txog qhov ntawd. Tej zaum lwm tus mam qhia txoj moo zoo rau nws. Thaum kuv tab tom yuav muab tso tseg ntawd, ces kuv txawm nco txog qee yam uas Vajtswv hais. “Koj puas paub txog lub nra saum koj ob lub xub pwg, koj txoj num, thiab koj lub luag hauj lwm? Koj txoj kev hnov tau ntawm tes num keeb kwm yog nyob qhov twg? Koj yuav ua li cas pab kom txaus nkaus tam li ib tug tswv nyob rau lwm tiam? Koj puas muaj lub siab khov kho ntawm txoj kev ua tus tswv? Koj yuav piav tus tswv ntawm txhua yam li cas? Nws puas yog tus tswv ntawm txhua yam tsiaj thiab ntawm cov khoom muaj lub cev nyob hauv lub ntiaj teb no? Cov phiaj xwm dab tsi uas koj muaj rau txoj kev nce qib ntawm tes dej num rau ntu tom ntej? Muaj pes tsawg tus tib neeg tab tom tos koj los ua lawv tus tswv saib xyuas? Puas yog koj txoj hauj lwm yog txoj hnyav? Lawv yog neeg pluag, ntxim tshua, dig muag, thiab poob plam, poob rau hauv txoj kev tsaus ntuj—qhov twg yog txoj kev tawm? Lawv ntshaw rau qhov kaj, zoo li lub hnub qub ntsa, nqis los tam sid thiab ntiab lub hwj chim ntawm txoj kev tsaus ntuj uas tau tsim txom tib neeg los tau ntau xyoo lawm li cas. Leej twg thiaj li tuaj yeem paub txog txhua yam uas lawv xav tau yam cia siab hlo, thiab lawv yuav ua li cas, nruab hnub thiab hmo ntuj, rau qhov no? Txawm tias muaj ib hnub twg thaum lub teeb tawm ntsa mus txog, cov neeg txom nyem siab no tseem raug kaw hauv lub qhov taub tsaus ntuj yam tsis muaj kev cia siab tias yuav raug tso tawm; thaum twg lawv mam li yuav tsis quaj ntsuag mus ntxiv lawm? Qhov txaus ntshai yog qhov hmoov phem ntawm cov ntsujplig nyias no uas tsis tau so siav li, thiab lawv tau raug khaws cia zoo li qhov txheej xwm no los ntev heev lawm los ntawm qhov tsis muaj kev hlub thiab keeb kwm phem heev. Thiab leej twg tau hnov lawv lub suab quaj? Leej twg tau saib rau ntawm lawv qhov xwm txheej cov kev txom nyem? Nws puas tau tshwm sim rau koj tias Vajtswv lub siab nyuaj thiab ntxhov li cas? Nws yuav ua li cas thiaj uv tau txoj kev pom noob neej uas tsis muaj txim, tus uas Nws tau tsim los ntawm Nws tus kheej ob txhais tes, raug kev txom nyem zoo li no? Tib neeg, tom qab kawg nkaus, yog cov neeg raug tsim txom uas raug tshuaj lom. Thiab txawm hais tias tib neeg muaj txoj sia nyob los txog niaj hnub no, leej twg yuav paub tias tib neeg tau raug tso tshuaj lom los ntawm tus phem los tau ntev dhau lawm? Puas yog koj tau hnov qab lawm tias koj yog ib tug ntawm cov neeg raug tsim txom? Puas yog koj yuav tsis kam siv zog, muab koj txoj kev hlub rau Vajtswv, los cawm cov neeg txom nyem no? Puas yog koj yuav tsis mob siab siv koj lub dag lub zog los them rov qab rau Vajtswv, tus uas hlub noob neej ib yam li Nws lub cev nqaij thiab roj ntshav?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Koj Yuav Tsum Koom Tes Li Cas mus rau Koj Txoj Num Yav Pem Suab?). Thaum ua tib zoo xav txog Vajtswv cov lus, ces kuv tsis zoo siab li. Kuv tsis tau ua txhua yam uas ua tau los qhia txoj moo zoo rau nws li, thiab kuv haj tseem tsis tau qhia rau nws tias Tswv Yexus twb rov qab los lawm thiab. Nws muaj lub siab ntseeg tus Tswv thiab xav kom to taub tus Tswv txoj kev xav, tab sis nws nyob rau hauv txoj kev tsaus ntuj nti ntawm sab ntsujplig xwb, tsis muaj kev txhawb li. Yog tias kuv tso nws tseg kiag thaum nws xav tau kev pab heev ntawd, ces thaum twg nws mam li hnov Vajtswv lub suab mas? Tam sim no tej kev puas tsuaj tab tom muaj ntau zuj zus tuaj, yog tias kuv tsis ua tim khawv rau Vajtswv tes hauj lwm ntawm tiam kawg kiag tam sim no, ces nws yuav plam txoj kev cawm dim. Kuv haj yam tsis zoo siab thaum xav li ntawd, ces thiaj li thov Vajtswv tias, “Vajtswv, kuv paub tias txhua yam yeej mus tau yog muaj Koj. Kuv xav siv tag nrho kuv lub zog los qhia txoj moo zoo rau tus Viv Ncaus Thawslixam. Thov coj kuv kev.” Tom qab thov Vajtswv lawm, ces cia li tshwm sim rau kuv tias nws muaj sij hawm luv, tab sis kuv tuaj yeem teem sij hawm ua ntej tau rau wb los thov Vajtswv ua ke. Yog li kuv thiaj li nug nws txog qhov ntawd ces nws pom zoo kiag tam sim ntawd. Ces wb thiaj li teem sij hawm rau 5 teev sawv ntxov txhua txhua hnub. Nyob rau ub sij hawm ntawd mas kuv khwv heev rau kuv tes dej num, thiab kuv ua hauj lwm txhua hmo. Kuv thiaj li xav tias kuv yuav luag tsis tau pws li yog tias kuv yuav tsum tau sawv kom ntxov li ntawd. Tab sis kuv hais rau kuv tus kheej tias yog kuv txhawj txog kuv lub cev qhov tau zoo xwb, ces qhov ntawd yuav ua rau qhov Thawslixam los nyob rau ntawm Vajtswv xub ntiag ntawd qee. Kuv hnov txhaum txog qhov ntawd. Kuv thiaj li nco txog qhov Vajtswv hais tias “Cev nqaij daim tawv yog Ntxwgnyoog li. Nyob rau hauv nws yog tej kev ntshaw tsis paub txaus, nws tsuas xav rau nws tus kheej xwb, nws xav zoo siab xyiv fab hlo thiab txaus siab rau txoj kev ua si, kaj siab lug rau txoj kev tub nkeeg thiab kev nyob dawb, thiab tau ua rau nws txaus siab mus txog ib theem uas koj yuav raug nws muab koj noj rau thaum kawg” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Txoj Kev Hlub Vajtswv Xwb Thiaj Yog Txoj Kev Ntseeg Vajtswv Tiag). Kuv thiaj li paub tias qhov ua kom lub cev nqaij daim tawv txaus siab ces txhais tias yog qhov ua kom Ntxwgnyoog txaus siab ntag. Kuv yuav tsis muab lus tim khawv thiab ua kuv tes dej num, thiab plam kuv lub hwv tsam los ua tim khawv rau Vajtswv tes hauj lwm ntawm tiam kawg. Kuv thiaj li thov Vajtswv, npaj txhij los tig nraub qaum rau cev nqaij daim tawv. Txawm yog tias kuv tiv kev txom nyem ntxiv los, kuv yuam tsum tau qhia txoj moo zoo rau nws. Wb thiaj li pib sib tham rau thaum sawv ntxov ntxov los thov Vajtswv thiab thaum kuv ua siab dawb paug thov Vajtswv rau nws, cia siab tias nws yuav muaj sij hawm rau wb los sib qhia txog Vajtswv cov lus ntxiv, ces nws txawm hais yam mob siab heev rau kuv tias, “Kuv paub tau tias koj siab zoo npaum li cas lawm. Ua tsaug rau koj txoj kev thov Vajtswv. Kuv zoo siab tiag tiag li.” Thaum hnov nws hais li no mas so siab heev, thiab kuv pom tias tib neeg tuaj yeem hnov txog qhov ntawd tiag tiag thaum ib tug neeg twg ua siab zoo lawm. Kuv thiaj li txiav txim siab twj ywm rau Vajtswv tias kuv yuav tsum qhia tej lus tim khawv txog Vajtswv tes hauj lwm ntawm tiam kawg rau nws. Yog li kuv thiaj li qhia rau nws tias kom wb siv qee lub sij hawm los sib qhia ua ke. Nws thiaj li pom zoo, thiab qees li 30 feeb los sib qhia txhua txhua hnub, thiab rov hais dua tias nws xav paub tias yuav mus rau hauv Vajtswv lub nceeg vaj li cas.
Ces wb thiaj li tham txog qhov ntawd rau hauv wb txoj kev sib qhia nyob rau hnub tom qab ntawd. Kuv hais tias, “Txhua tus ntseeg yeej xav nkag mus rau lub nceeg vaj saum ntuj ceeb tsheej, yog li peb tim tsum ua li cas? Peb yuav tsum tau mloog tus Tswv lus. Tus Tswv Yexus hais tias, ‘Tsis yog txhua tus uas hais rau Kuv tias, tus Tswv, tus Tswv, es yuav nkag tau mus rau hauv lub teb chaws saum ntuj ceeb tsheej; tab tsis nws uas ua raws li Kuv Leej Txiv uas nyob saum ntuj ceeb sheej lub siab nyiam’ (Mathai 7:21). Tus Tswv yeej qhia meej meej lawm. Tus yawm sij ua kom tau nkag mus rau hauv lub nceeg vaj saum ntuj ceeb tsheej mas yog ua raws li Vajtswv txoj kev xav. Qhov ntawd txhais tau li cas? Muab hais kom yooj yooj yim tias, qhov ua raws li Vajtswv txoj kev xav ces yog qhov muab tus Tswv cov lus coj los xyaum ua raws thiab ua raws li Nws cov lus txib. Nws txhais tau tias muab txoj kev txhaum tso tseg es muab Vajtswv cov lus coj los xyaum ua raws, thiab hlub thiab zwm rau Vajtswv tawm puag hauv nruab siab los. Cov tib neeg uas pheej dag, ua txhaum, thiab tawm tsam Vajtswv, tawm tsam Nws tej kev cheem tsum tas li, mas tsis yog ua raws li Nws txoj kev xav lawm, yog li lawv puas tsim nyog nkag mus rau lub nceeg vaj saum ntuj ceeb tsheej?” Nws thiaj li hais tias, “Tsis tsim nyog. Peb dag, ua txhaum los ntawm peb cov lus tas li, thiab muaj ntau tus ntseeg ua raws li lub ntiaj teb sab nraud tej kev ua, caum raws nyiaj lawm. Peb tsis pe hawm Vajtswv yam ua siab dawb paug thiab txawm cov xib fwb los yeej tsis zam li. Peb yuav mus rau hauv lub nceeg vaj saum ntuj ceeb tsheej li ntawd tau li cas?” Kuv thiaj li teb tias, “Yog mas. Peb twb raug Tswv Yexus txhiv dim thiab peb tej kev txhaum twb raug zam txim lawm, tab sis peb pheej dag thiab ua txhaum tas li. Peb ua txhaum thaum nruab hnub, ces lees txim thaum hmo ntuj xwb. Vajluskub hais tias, ‘Yog tsis muaj kev dawb huv ces tsis muaj tib neeg yuav pom tus Tswv li’ (Henplais 12:14). Tam sim no peb tsis dawb huv, thiab peb tsis tsim nyog rau Vajtswv lub nceeg vaj li no li. Tab sis txhua tus xav kom dim thiab tau mus rau hauv Nws lub nceeg vaj. Yog li Vajtswv ua kom qhov no tshwm sim rau peb li cas? Vajluskub hais tias, ‘Yog li ntawd Khetos tsuas raug muab xyeem tib zaug xwb yeej ris tau coob leej ntau tus tej kev txhaum lawm; thiab Nws yuav tshwm los rau cov uas nrhiav Nws pom ua zaum ob uas yog coj kev cawm dim los yam tsis muaj kev txhaum’ (Henplais 9:28). Tus Tswv rov qab los rau tiam kawg los cawm peb, los tso kom peb dim plaws los ntawm tej hlua khi ntawm txoj kev txhaum, los ua kom peb yog cov tib neeg uas zwm rau Vajtswv thiab ua raws li Nws txoj kev xav, kom peb thiaj li raug cawm dim plaws thiab nkag tau rau hauv Nws lub nceeg vaj.” Nws zoo siab heev uas tau hnov li no, ces thiaj li hais tias, “Kuv xav tso txoj kev ua txhaum tseg. Yog li Vajtswv cawm peb dim los ntawm txoj kev txhaum li cas?” Kuv thiaj li xa ob peb nqe Vajluskub mus rau nws. “Ntxuav lawv kom dawb huv los ntawm Koj qhov tseeb: Koj txoj lus yog qhov tseeb” (Yauhas 17:17). “Thiab kuv pom nyob rau ntawm sab tes xis ntawm Nws tus uas zaum saum lub zwm txwv mas muaj ib phau ntawv sau rau sab hauv thiab sab tom kawg tib si, muab xya lub cim coj los lo rau. Thiab kuv pom ib tug tub txib saum ntuj uas muaj zog tshaj tawm nrov nrov hais tias, Leej twg thiaj li tsim nyog los qhib phau ntawv ntawd, thiab tev cov cim ntawd tawm?” (Qhia Tshwm 5:1–2). “Saib nawb, tus Tsov Ntxhuav ntawm xeem Yuda, tus Cag ntawm Davi, tau yeej los mus qhib phau ntawv, thiab tev xya lub cim ntawd tawm” (Qhia Tshwm 5:5). Kuv hais tias, “Tus Tswv hais tias Nws yuav siv qhov tseeb los ua kom tib neeg dawb huv, thiab Qhia Tshwm thiab Phau Daniyee puav leeg hais tias ib phau ntawv uas raug nias cim rau lawm yuav raug muab qhib nyob rau tiam kawg. Phau ntawv no hais txog cov lus tshiab uas Vajtswv hais nyob rau tiam kawg, thiab qhov no yog qhov tseeb uas yuav ua kom tib neeg dawb huv. Tsuas yog Vajtswv Tus Kheej xwb thiaj li qhib tau phau ntawv ntawd thiab nthuav tawm tau qhov tseeb los cawm tib neeg. Tus Tswv hais ntau qhov tseeb los ntxuav kom peb dawb huv thiab hloov peb, los cawm peb los ntawm txoj kev txhaum thaum Nws los nyob rau tiam kawg. Phau Qhia Tshwm kuj hais ntau zaus heev thiab tias ‘Tus uas muaj pob ntseg, cia nws mloog qhov yam uas tus Ntsujplig hais rau pawg ntseeg’ (Qhia Tshwm Tshooj 2, 3). Vajtswv yuav hais lus rau cov pawg ntseeg nyob rau tiam kawg. Peb tsuas yog yuav tsum mloog Nws lub suab xwb. Peb yuav txais to tsis tau tus Tswv yog tias peb tsis hnov Nws lub suab, thiab qhov no yog peb tib lub hwv tsam los ua kom raug ntxuav kom dawb huv thiab raug cawm dim los ntawm Vajtswv xwb, kom tsim nyog rau Nws lub nceeg vaj.”
Thaum qhia txog qhov no, ces Thawslixam thiaj li nug kuv tias, “Vim li cas tus Tswv thiaj li tim tsum hais cov lus tshiab nyob rau tiam kawg? Kuv twb nyeem phau Vajluskub los tas kuv lub neej lawm thiab phau Vajluskub tau ua kom kuv muaj txoj kev ntseeg thiab qhia ntau yam heev rau kuv, qhia kev thev taus, kev ua siab ntau, thiab kev zam txim rau kuv. Kuv xav tias phau Vajluskub xwb txaus lawm, thiab peb tus xib fwb ib txwm hais tias Vajtswv txhua lo lus nyob rau hauv phau Vajluskub lawm, tias tsis muaj dab tsi nyob nraum qhov ntawd lawm es tseem yog Vajtswv txoj lus li.” Kuv pom tau tias Thawslixam muaj qee txoj kev xav phem txog qhov tus Tswv hais lus nyob rau tiam kawg, tias nws tsis lees txais, yog li kuv thiaj li tsis cam txog qhov nws hais ntawd ncaj qha. Kuv qhia kuv tus kheej txoj kev paub rau nws xwb. Kuv hais tias, “Kuv keev xav ib yam li ko thiab. Kuv xav tias txhua yam uas tus Tswv hais yeej nyob rau hauv phau Vajluskub lawm, thiab tsis muaj ib lo lus tshiab twg los ntawm Vajtswv los es dhau ntawm qhov ntawd li. Tab sis tom qab ntawd, kuv hnov ib tug nus hais txog qee yam uas Tswv Yexus tau hais lawm uas ua rau kuv pom qhov ntawd txawv hlo lawm. Tus Tswv Yexus hais tias: ‘Kuv tseem muaj ntau yam hais rau nej, tab sis nej ris tsis taus tej ntawd tam sim no. Txawm li cas los xij, thaum Nws, tus Ntsujplig ntawm qhov tseeb, los, Nws yuav coj nej mus rau qhov tseeb’ (Yauhas 16:12–13). Tswv Yexus yeej hais meej meej txog qhov ntawd lawm. Nws hais tias Nws muaj ntau yam los qhia ntxiv, tab sis tib neeg tsis muaj lub siab thiab uv tsis taus qhov ntawd. Nws yuav hais lus kom ntau ntxiv nyob rau tiam kawg los coj tib neeg kev kom to taub thiab to taub txhua qhov tseeb, kom peb thiaj li yuav dim ntawm txoj kev txhaum tej hlua khi thiab raug cawm dim plaws. Xav txog ib tug me nyuam yaus. Thaum nws tseem me es nws niam qhia nws hais lus thiab mus kev, nws niam puas yuav qhia nws kom ua lub neej zoo es nws thiaj li yuav saib xyuas tau Niam thiab Txiv? Yeej tsis yog li. Nws tseem me dhau lawm uas yuav to taub qhov ntawd, yog li thaum muaj hnub nyoog li ntawd, ces nws niam nws txiv tsuas qhia tej yam uas nws yuav to taub rau nws xwb. Ces thaum nws loj hlob tuaj thiab kawm ntau lawm, ces lawv mam li qhia txog lub neej rau nws ntxiv, zoo ib yam li yuav nrhiav ib txoj hauj lwm thiab muaj ib tsev neeg li cas. Qhov ntawd tsuas zoo ib yam li qhov Tswv Yexus ua tes hauj lwm ntawm kev txhiv dim nyob rau Tiam Hmoov Hlub raws li yam uas Nws txoj kev npaj cawm tib neeg thiab tib neeg cheem tsum, nthuav txoj kev lees txim hloov dua siab tshiab tawm, qhia tib neeg kom txo hwj chim thiab ua siab ntev, coj tus ntoo khaub lig, zam txim rau lwm tus xya caum tshooj xya zaus. Tab sis muaj lwm yam uas Tswv Yexus tsis qhia rau tib neeg—txhua qhov tseeb los ntxuav tib neeg kom dawb huv thiab cawm tib neeg. Nws tshwj tej no cia rau thaum tus Tswv los nyob rau tiam kawg, thiab qhov no yog phau ntawv uas nias cim rau lawm uas muab hais ua lus faj lem nyob rau hauv Phau Qhia Tshwm lawm. Ntev tshaj li 2,000 xyoo los no lawm los, tsis muaj leej twg nyeem phau ntawv ntawd li, vim tias tsis tau muab qhib mus kom txog thaum tus Tswv rov qab los nyob rau tiam kawg. Koj puas xav tias qhov muab sau rau hauv phau ntawv ntawd yuav muaj nyob rau hauv phau Vajluskub?” Nws thiaj li yam kub siab lug hais tias, “Qhov ntawd yuav tsis muaj nyob rau hauv phau Vajluskub.” Kuv thiaj li qhia txog qhov no rau nws ob peb zaug ntxiv mus txog ntua thaum nws hais tias nws to taub qhov ntawd lawm.
Kuv xav tias twb daws tau Viv Ncaus Thawslixam tej kev xav phem lawm no, tab sis hnub tom qab ntawd thaum kuv muab qhov tus Tswv hais cov lus tshiab nyob rau tiam kawg los hais dua, ces nws hais tias tag nrho tus Tswv cov lus rau tiam kawg yuav tsum muaj nyob hauv phau Vajluskub. Thaum xub thawj mas kuv xav tias kuv hnov yuam kev lawm no, tab sis tom qab nug nws tseeb tseeb lawm, mas kuv tag kev cia siab tshaj thiabqaug zog heev li. Kuv thiaj li xav tias thaum xub thawj nws yeej nyuaj heev los teem sij hawm nrog rau nws lawm, thiab tam sim no los nws tseem tsis to taub txawm tom qab kuv piav qhia ntau zaus lawm los xij. Nws puas yuav muaj peev xwm to taub tau qhov no? Kuv tsis hais dab tsi li, tab sis kuv txawm pib xav txog qhov thim rov qab. Tab sis tom qab ntawd kuv thiaj li paub tias qhov ntawd tsis yog qhov tias nws tsis tau txais dab tsi los ntawm wb txoj kev sib qhia los li. Qhov txiav txim rau ib tug neeg yooj yim li ntawd mas tsis raug raws li Vajtswv txoj kev xav lawm. Tom qab ntawd kuv thiaj li nco dheev txog qhov no los ntawm Vajtswv cov lus los tias: “Yog Vajtswv tau muab tes dej num tshaj tawm txoj moo zoo tso rau koj ua lawm, ces koj yuav tsum lees txais Vajtswv cov lus txib, yam muaj kev hwm thiab mloog lus. Koj yuav tsum mob siab saib txhua tus neeg uas xav txog txoj kev tseeb los ntawm txoj kev hlub thiab kev ua siab ntev, thiab koj yuav tsum muaj peev xwm tiv kev txom nyem thiab ua hauj lwm hnyav. Yuav tsum nquag leg lub luag hauj lwm rau txoj kev qhia txoj moo zoo; qhia qhov tseeb kom meej, ua li ntawd koj thiaj li ua tau rau Vajtswv tau ntsej muag. Qhov no yog tus cwj pwm uas txhua tus yuav tsum ua lawv tes dej num” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Kev Tshaj Tawm Txoj Moo Zoo Yog Tes Dej Num rau Txhua Tus Ntseeg Uas Yuav Tsum Tau Ua). “Yog hais tias ib tug neeg ua tib zoo xav txog txoj kev tseeb es pheej nug lus nug ntau lwm, koj yuav tsum ua li cas? Koj yuav tsum siv lub sij hawm thiab txhob dhuav los teb rau lawv, thiab yuav tsum ib txoj kev los qhia kom meej meej txog lawv nqe lus nug, kom txog thaum lawv to taub thiab tsis nug ntxiv lawm. Ces koj thiaj li yuav ua koj lub luag hauj lwm tau puv npo, thiab koj lub siab thiaj li tsis hnov txhaum lawm. Qhov tseem ceeb tshaj plaws, kojyuav dim tsis muaj kev txhaum rau Vajtswv hais txog qhov no lawm, vim hais tias tes dej num no, lub luag hauj lwm no, Vajtswv tau muab tso rau koj lawm” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Kev Tshaj Tawm Txoj Moo Zoo Yog Tes Dej Num rau Txhua Tus Ntseeg Uas Yuav Tsum Tau Ua). Kuv txaj muag rau kuv tus kheej heev thaum kuv xav txog yam uas Vajtswv cheem tsum. Kuv tsuas qhia ob peb zaug xwb, tab sis kuv ho tsis xav siv zog ntxiv lawm vim nws tseem tsis tau tso nws tej kev xav phem tseg. Kuv tsis muaj kev hlub li. Kuv muaj kev xav phem ntau heev thaum kuv xub los ua ib tug ntseeg thiab, tab sis tej nus thiab tej viv ncaus qhia rau kuv zaum tas zaum tuaj, thiab thov Vajtswv rau kuv ua ntej kuv tso tej kev xav phem ntawd tseg, es los nyob rau ntawm Vajtswv xub ntiag los txais Nws txoj kev cawm dim. Qhov no yog vim Vajtswv txoj kev hlub thiab kev ua siab ntev. Yog li vim li cas kuv thiaj li ua tsis tau siab ntev qhia rau nws thaum kuv qhia txoj hmoo zoo? Nyob rau theem no lawm, ces kuv thiaj li thov Vajtswv tias, “Au Vajtswv, yog tias nws yog Koj ib tug yaj no, ces thov koj coj kuv kev. Kuv yuav ua txhua yam li qhov kuv ua tau los koom tes nrog Koj os.” Tom qab thov Vajtswv lawm, ces kuv thiaj li xav txog qhov phau Vajluskub tau ua rau Thawslixam lub hauv paus ntawm txoj kev ntseeg los tau ntau lub xyoo ntawd lawm. Qhov ntawd yeej to taub tau tias nws yeej lees txais tsis tau tag nrho kiag tam siv thaum nws hnov Vajtswv cov lus tshiab rau tiam kawg uas tsis nyob rau hauv phau Vajluskub ntawd. Kuv thiaj li xav tias kuv yuav tham txog qhov ntawd rau nws tau los ntawm lwm txoj hau ke. Tom qab ntawd, kuv thiaj li qhia ob peb zaj lus ntawm Vajtswv cov lus rau nws. “Vajtswv Tus Kheej yog txoj sia, thiab qhov tseeb, thiab Nws txoj sia thiab qhov tseeb tshwm sim nyob ua ke. Cov uas tsis muaj peev xwm tau txais qhov tseeb ces yuav tsis muaj hnub tau txais txoj sia. Yog tsis muaj qhov kev qhia kev coj, kev txhawb nqa, thiab kev pab cuam ntawm qhov tseeb, ces koj tsuas tau tej lus, cov lus qhuab qhia, thiab, tshaj tag nrho ntawd, kev tuag nkaus xwb. Vajtswv txoj sia yeej muaj nyob tas mus li, thiab Nws qhov tseeb thiab txoj sia tshwm sim nyob ua ke. Yog koj nrhiav tsis tau lub hauv paus ntawm qhov tseeb, ces koj yuav tsis tau txais tej zaub mov yug txoj sia; yog koj tsis tau txais kev pab cuam ntawm txoj sia, ces koj yuav tsis muaj qhov tseeb tiag tiag li, thiab yog dhau ntawm tej kev xav hauv nruab siab thiab kev xav phem lawm, ces tag nrho koj lub cev ces tsis muaj dab tsi li tsuas yog nqaij tawv nkaus xwb—koj cev nyuag nqaij tsw phem nkaus xwb. Yuav tsum paub hais tias tej lus hauv phau ntawv mas tsis raug suav hais tias yog txoj sia, tej lus teev tseg hauv keeb kwm yuav muab coj los pe hawm li qhov tseeb tsis tau, thiab tej kev cai yav tag los yuav muab coj los siv ua cov lus uas hnov Vajtswv hais tam sim no tsis tau. Tsuas yog cov uas Vajtswv hais kiag thaum Nws los rau ntiaj teb no thiab nyob nrog tib neeg kiag mas thiaj yog qhov tseeb, txoj sia, Vajtswv tej kev xav, thiab Nws qhov kev ua hauj lwm tam sim no” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Khetos ntawm Tiam Kawg Nkaus Xwb Mas Thiaj Yuav Muab Tau Txoj Kev ntawm Txoj Sia Ntev Dhawv Mus Ib Txhis Rau Tib Neeg). “Qhov tseeb uas Kuv xav piav qhia rau ntawm no ces yog li no: Yam uas Vajtswv yog thiab muaj yog yam muaj mus tag ib txhis thiab tsis muaj chaw kawg. Vajtswv yog lub hauv paus ntawm txoj sia thiab txhua tsam yam; tsis muaj ib yam raug tsim tawm los muaj peev xwm piav tau txog Nws li. Thaum kawg, Kuv yuav tsum ceeb toom rau txhua tus txuas ntxiv tias: Txhob txwv Vajtswv rau hauv tej phau ntawv, rau hauv cov lus, los sis hauv Nws cov lus hais tawm dhau los ntxiv dua li lawm. Nws tsuas muaj ib lo lus los piav qhia txog tus xeeb ceem ntawm Vajtswv tes hauj lwm xwb: tshiab. Nws tsis nyiam taug tej qub kev los sis rov qab ua Nws tes hauj lwm dua; tshaj qhov no lawm, Nws tsis xav kom tib neeg pe hawm Nws los ntawm qhov muab Nws txwv rau hauv qee tus ciaj ciam. Qhov no yog Vajtswv tus moj yam” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Nqe Lus Xaus). Tom qab ntawd, kuv thiaj li qhia rau nws tias, “Vajtswv yog tus Tswv Tsim, thiab Nws txoj kev ntse mas tsis kawg li. Vajtswv yuav ib txwm nthuav tawm ntau qhov tseeb ntxiv raws li Nws txoj kev npaj ua hauj lwm thiab tib neeg tej kev tim tsum. Nws raug txwv rau qhov uas hais nyob rau hauv phau Vajluskub tau li cas? Tsis yog qhov ntawd txwv Vajtswv rau qhov muaj nyob rau hauv phau Vajluskub lod?” Ces kuv thiaj li qhia Suav zaj dab neeg txog ib tug qav uas nyob rau puag hauv qab ib lub qhov dej rau nws. Kuv hais tias, “Muaj ib tug qav uas nyob rau puag hauv qab ib lub qhov dej, es tsuas pom lub ntuj los ntawm lub qhov dej ntawd qhov khoob xwb, yog li tus qav ntawd thiaj li xav tias lub ntuj mas tsuas luaj li qhov khoob ntawd xwb. Ces muaj ib hnub txawm los nag xob nag cua los loj heev ua rau tus qav ntawd dhia tawm tau ntawm lub qhov dej los. Tus qav thiaj li pom tias lub ntuj loj dav heev, tias qhov tseeb tiag ces lub ntuj loj dua lub qhov dej ntawd qhov khoob. Tus qav thiaj li paub tias nws tsis pom tag nrho lub ntuj xwb vim tus qab nyob rau puag hauv qab lub qhov dej lawm.” Kuv thiaj li hais tias kuv los zoo li ntawd thiab, thiab tias kuv txoj kev to taub txog Vajtswv mas ntiav heev. Vajtswv mas loj heev li, ho peb mas me heev li. Vajtswv mas muaj nchuav lug! Nws cov lus mas zoo li cov dej cawm siav, ntws mus ib txhis thiab tsis muaj chaw kawg li. Peb yeej tsis tuaj yeem paub txog qhov Nws muaj thiab yog los ntawm peb tus kheej txoj kev xav li. Es peb yuav txwv Vajtswv tau li cas? Tswv Yexus tau hais lawm tias “Kuv yog txoj hau kev, qhov tseeb, thiab txoj sia” (Yauhas 14:6). Vajtswv yog lub hauv paus ntawm txoj sia. Kuv thiaj li nug nws seb Vajtswv puas nthuav tau qhov tseeb tawm tshaj li qhov muaj nyob rau hauv phau Vajluskub, tej yam uas haj tseem siab tshaj qhov ntawd, txhua yam uas tib neeg tim tsum nyob rau tiam kawg. Nws thiaj li hais tias, “Tseeb tiag mas Vajtswv yeej nthuav tawm tau kawg mas.” Kuv pom tau tias nws tej kev xav phem txawm pib ploj mus lawm zuj zus, ces nws lub siab txawm qhib lug lawm. Kuv thiaj li xa nqe qub ntawd mus rau nws: “Tus uas muaj pob ntseg, cia nws mloog qhov yam uas tus Ntsujplig hais rau pawg ntseeg” (Qhia Tshwm 2:7). Kuv thiaj li qhia rau nws tias qhov tus Ntsujplig hais rau cov pawg ntseeg mas yog kiag li qhov Tswv Yexus hais thaum Nws rov qab los nyob rau tiam kawg ntag. Thiab phau Vajluskub muaj ib qho teev tseg txog qhov uas Vajtswv tham txog thiab ua nyob rau Tiam Muaj Kev Cai thiab Tiam Hmoov Hlub. Qhov ntawd twb raug tib neeg muab teev tseg thiab tom qab ntawd muab coj los sib lo ua ib phau ntawv tom qab ua tes hauj lwm ntawd tiav lawm. Thaum kuv nug seb cov lus tshiab uas Tswv Yexus nthuav tawm thaum Nws rov qab puas nyob tau rau hauv phau Vajluskub ua ntej, ces nws txawm luag nyav thiab hais tias, “Tam sim no kuv to taub lawm. Tus Tswv cov lus thaum Nws rov qab los ntawd tsis muaj nyob rau hauv phau Vajluskub, thiab Vajtswv yeej hais tau cov lus dhau ntawm phau Vajluskub mus lawm.” Nws zoo siab tiag tiag li, ces thiaj li hais tias tib neeg tsis to taub Vajtswv zoo txaus. Nws xav nyeem Vajtswv cov lus kom ntau ntxiv es thiaj li to taub Nws ntxiv.
Kuv zoo siab heev li, thiab ua tsaug ntau ntau rau Vajtswv txoj kev coj qhia, uas pom tias Thawslixam lees paub tias tus Tswv yuav rov qab los thiab hais lus dua. Yog li kuv thiaj li nug nws tias, “Vim tias tus Tswv yuav rov qab los thiab hais lus ntxiv, koj xav tias Nws yuav siv txoj hau kev twg hais Nws cov lus?” Nws thiaj li hais tias, “Los ntawm tus Ntsujplig.” Kuv thiaj li qhia rau nws tias kuv keev xav li ntawd thiab, tab sis kuv tau tshuaj xyuas Vajluskub nrog cov nus thiab cov viv ncaus lawm ces pom tias Vajluskub hais tias: “Vim zoo ib yam nkaus li xob laim, uas laim txias saum ib sab ntuj tuaj, ci ntsa paug mus rau ib sab ntuj; yog li Neeg Leej Tub yuav zoo tib yam nkaus li ntawd nyob rau hnub Nws rov los. Tab sis ua ntej tshaj Nws yuav tsum raug kev txom nyem ntau yam, thiab yuav raug cov neeg tiam no tsis lees txais” (Luka 17:24–25); “Thiab nws zoo ib yam li lub sij hawm ntawm Nau-a tiam, yog li nwskuj yuav zoo li ntawd rau lub sij hawm thaum Neeg Leej Tub los thiab” (Luka 17:26); “Nej kuj yuav tsum npaj kom txhij: vim Neeg Leej Tub yuav los rau teev uas nej xav tsis txog ntawd” (Mathai 24:44). Kuv thiaj li hais tias, “Cov nqe no puav leej hais tias tus Tswv yuav rov qab los ua ‘Neeg Leej Tub.’ Neeg Leej Tub txhais tau tias Nws yog yug los ntawm tib neeg thiab muaj kev ua neej. Yuav tsis hu Nws li ntawd yog tias Nws nyob rau hauv lub cev ntsujplig. Vajtswv Yehauvas yog nyob rau hauv lub cev ntsujplig, yog li thiaj li tsis hu Nws ua neeg Leej Tub. Qhov ntawd txhais tau tias tus Tswv rov qab los rau hauv lub cev nqaij daim tawv nyob rau tiam kawg. Yog tias Nws ua lub cev ntsujplig uas sawv hauv qhov tuag rov los, es los rau saum ib tauv fuab thiab tshwm plaws los rau txhua haiv neeg pom, ces sawv daws yuav pliab, ntshai tshee hnyo, thiab tsis muaj leej twg yuav muaj cuab kav tsis kam lees Nws li. Ces tus Tswv cov lus uas hais tias ‘ua ntej tshaj Nws yuav tsum raug kev txom nyem ntau yam, thiab yuav raug cov neeg tiam no tsis lees txais’ yuav raug ua tiav tau li cas?” Nws zoo li Thawslixam tab tom xav txog qee yam, yog li kuv thiaj li nug nws tias, “Thaum tus Tswv tshwm los ua hauj lwm nyob rau tiam kawg, why li cas es Nws thiaj li txiav txim siab los nyob rau hauv lub cev nqaij daim tawv es tsis yog ua tus Ntsujplig los lawm?” Nws co co hau xwb. Kuv thiaj li hais tias, “Tib neeg pom tsis tau los sis kov tsis tau Vajtswv hauv lub cev ntsujplig. Yog tias lub cev ntsujplig cia li tshwm plaws los hais lus xwb, koj yuav xav li cas mas?” Nws hais tias, “Ntshai.” Kuv thiaj li teb tias, “Yog mas, tib neeg yeej yuav ntshai thiab tsis to taub. Vajtswv puas xav kom sawv daws ntshai thaum Nws hais lus rau peb? Yeej tsis xav li. Thiab cov neeg qias vuab tsuab mas tsuas dub dhau lawm; peb tsis tsim nyog pom Vajtswv tus Ntsujplig. Qhov pom Vajtswv tus Ntsujplig ntawd tsuas yuav tua kom peb tuag xwb. Vim li ntawd qhov Vajtswv los rau hauv lub cev nqaij daim tawv nyob rau tiam kawg los nthuav tawm qhov tseeb rau peb txoj kev cawm dim ntawd thiaj li tseem ceeb heev rau peb uas yog cov tib neeg qias vuab tsuab heev li.” Tom qab ntawd ces kuv thiaj li nyeem ntau zaj lus ntawm Vajtswv cov lus rau nws ntxiv. “Vajtswv txoj kev cawm tib neeg mas tsis yog yuav siv txoj kev ua hauj lwm ntawm tus Ntsujplig thiab lub koob meej ntawm tus Ntsujplig ua tau ncaj qha, vim Nws tus Ntsujplig mas tib neeg kov tsis tau thiab ntsia tsis pom, tib neeg yeej txav tsis tau ti li thiab. Yog Nws yuav cawm tib neeg ncaj qha uas yog siv qhov kev xav ntawm tus Ntsujplig, ces tib neeg yuav tsis muaj cuab kav tau txais Nws txoj kev cawm dim. Yog Vajtswv tsis muab lub cev sab nraud ntawm ib tug tib neeg uas raug tsim tawm ntawd coj los hnav, ces yuav tsis muaj kev rau tib neeg los txais txoj kev cawm dim no li. Vim tib neeg yeej tsis muaj kev yuav txav ti rau Nws tau hlo li, ib yam nkaus li qhov ua tsis muaj neeg muaj cuab kav mus ze tauv huab ntawm Yehauvas. Tsuas yog kev rais los ua ib tug tib neeg uas raug tsim tawm nkaus xwb, qhov ntawd ces yog, tsuas yog muab Nws Txoj Lus tso rau hauv lub cev nqaij daim tawv uas Nws tab tom yuav rais los ua ntawd xwb, mas Nws thiaj li yuav ua tau tes hauj lwm uas muab Txoj Lus tso kiag rau cov uas raws Nws qab xwb. Tsuas yog thaum ntawd xwb mas tib neeg tus kheej thiaj li yuav hnov thiab pom Nws Txoj Lus, thiab tshaj qhov ntawd tau txais Nws Txoj Lus, thiab ua li no ces thiaj li raug cawm tau tag nrho. Yog Vajtswv tsis rais los muaj lub cev nqaij daim tawv, ces tsis muaj ib tug uas muaj lub cev nqaij daim tawv thiab roj ntsha twg yuav muaj peev xwm tau txais qhov kev cawm dim loj ntawd li, los sis yuav tsis muaj ib tug neeg twg uas raug cawm li. Yog Vajtswv tus Ntsujplig ua hauj lwm ncaj qha nrog noob neej, ces tag nrho tib neeg yuav raug ntaus vau hlo, los tsis li ntawd, ces tsis muaj ib txoj kev twg uas yuav los chwv tau Vajtswv li, lawv yuav raug Ntxwgnyoog ntes tag nrho mus kaw” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Lus Zais Tob ntawm Kev Yug Los Ua Neeg (4)). “Qhov no yog qhov zoo ntawm Vajtswv qhov kev dhau los ua cev nqaij daim tawv: Nws tuaj yeem siv qhov zoo ntawm tib neeg ntiaj teb txoj kev paub thiab siv tib neeg hom lus los hais rau tib neeg, thiab los nthuav tawm txog Nws lub siab nyiam. Nws tau piav qhia los sis ‘tau txhais’ Nws tej lus tob tob rau tib neeg, cov lus uas muaj hwj chim qaum ntuj uas tib neeg cov nyom los to taub ua tib neeg hom lus, hauv tib neeg yam. Qhov no tau pab tib neeg to taub Nws lub siab nyiam thiab paub yam uas Nws xav ua. Nws kuj muaj kev sib tham nrog cov neeg los ntawm tib neeg txoj kev xav, siv tib neeg hom lus, thiab sib txuas lus nrog tib neeg raws li hom lus uas lawv to taub. Nws haj tseem tuaj yeem hais thiab ua tes dej num raws tib neeg hom lus thiab muaj kev paub kom tib neeg muaj peev xwm hnov tias Vajtswv yog tus siab dawb thiab swm zoo, kom lawv tuaj yeem pom txog Nws lub siab” (Txoj Lus, Phau 2. Hais Txog Qhov Kev Paub Vajtswv. Vajtswv Tes Hauj Lwm, Vajtswv Tus Moj Yam, thiab Vajtswv Tus Kheej III). Tom qab nyeem Vajtswv cov lus lawm, kuv qhia txuas ntxiv tias: “Vajtswv txiav txim siab los rau hauv lub cev nqaij daim tawv, thiab ua lub neej tiag nrog peb nyob ua ke kom Nws thiaj li nyob tau ze zog rau peb, thiab muab tau qhov tseeb rau peb los cawm peb. Qhov ntawd ce zoo ib yam nkaus li tej niam tej txiv nrog lawv tus me nyuam xwb. Ib leej niam leej txiv puas xav kom nkawv tus me nyuam ntshai txhua zaus uas tus me nyuam natwd pom nkawv? Yeej tsis xav li. Tej niam tej txiv yeej yuav tsis xav kom lawv tus me nyuam ntshai, es khiav nkaum thaum uas tus me nyuam pom lawv li, yog li es Vajtswv ne? Yog tias Vajtswv tsuas hais lus saum ntuj los xwb, ces peb yuav ntshai thiab khiav Nws. Vajtswv tsis xav kom peb khiav, es xav tias nyob ze Nws mas nyuaj heev, yog li qhov tus Tswv rov qab nyob rau tiam kawg ntawd yog zoo ib yam nkaus li thaum Tswv Yexus tshwm los ua hauj lwm ntag. Nws los rau hauv lub cev nqaij daim tawv, li Neeg Leej Tub uas yog ib tug neeg dog xwb, noj zaub mov thiab hais lus rau Nws cov thwj tim, thiab ib txwm pab daws lawv tej teeb meem thiab tej kev tsis to taub. Qhov pom tus tseem Vajtswv uas muaj sia nyob, ua neej nyob nrog tib neeg tiag tiag ntawd mas pab kom peb hnov nyob ze zog Vajtswv. Peb xav txav ze rau Nws, vam khom rau Nws. Tus Vajtswv yug los ua neeg yeej sib txuas lus tau nrog peb yam tsis muaj dab tsi kem li, thiab Nws yeej siv tau peb tus kheej hom lus los nthuav qhov tseeb tawm, los txhawb thiab yug peb. Nws siv tau tej qauv piv txwv thiab tej kev piv txwv es peb thiaj li to taub Nws txoj kev xav kom zoo dua qub, ces tom qab ntawd thiaj li yuav ua rau peb to taub yooj yim dua thiab to taub qhov tseeb. Vajtswv txoj kev hlub peb mas muaj qab hau heev, muaj tiag tiag li! Los ntawm qhov los ua cev nqaij daim tawv, Vajtswv uv txoj kev txaj muag thiab tiv txoj kev txom nyem loj heev los hais lus thiab ua hauj lwm rau peb kom to taub qhov tseeb, kom dim ntawm txoj kev txhaum, thiab raug cawm dim tag nrho. Qhov no yog Nws txoj kev cawm dim rau cov neeg qias vuab tsuab.” Thaum txog theem no lawm, Thawslixam thiaj li zoo siab kua muag los. Nws thiaj li hais tias, “Tam sim no kuv paub lawm. Tus Tswv tab tom rov qab los yug los ua neeg lub cev nyob rau tiam kawg. Kuv xav kom Vajtswv los nrog peb nyob ua ke rau hauv lub cev nqaij daim tawv thiab. Vajtswv tau them ib tug nqi loj heev rau peb txoj kev cawm dim. Peb tsis tsim nyog rau qhov ntawd li.…” Kuv zoo siab tiag tiag uas pom tias Thawslixam zoo siab npaum li cas, thiab kuv nco txog qee yam uas Vajtswv hais tias: “Koj puas muaj peev xwm txuas lus tau tus moj yam tau qhia los ntawm Vajtswv nyob rau txhua tiam nyob rau hauv txoj kev muaj tseeb, nrog hom lus phim uas qhia txog qhov tseem ceeb ntawm ib tiam ntawd? Koj puas yog tus uas tau ntsib tau pom Vajtswv tes dej num nyob rau tiam kawg, uas tuaj yeem piav qhia txog Vajtswv tus moj yam ncaj ncees kom ntxaws ntxaws? Koj ua puas tau tim khawv txog Vajtswv tus moj yam kom meej thiab tseeb? Koj yuav tshaj qhia li cas txog ntawm yam koj tau pom thiab ntsib dhau los mus rau cov neeg uas txim tshua, cov neeg pluag, thiab cov neeg ntseeg uas tshaib thiab nqhis txoj kev ncaj ncees thiab tab tom tos koj mus saib xyuas lawv?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Koj Yuav Tsum Koom Tes Li Cas mus rau Koj Txoj Num Yav Pem Suab?). “Kev ua tim khawv rau Vajtswv txoj hauj lwm, koj yuav tsum cia siab rau koj txoj kev paub dhau los, kev paub, thiab tus nqi uas koj tau them lawm. Tsuas yog raws li qhov no xwb koj thiaj tuaj yeem ua tau raws li Nws lub siab nyiam” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Cov Tib Neeg Uas yuav Raug Ua Kom Zoo Tshaj Plaws Yuav Tsum Raug Kev Tsim Kho Kom Zoo). Thaum kuv qhia txoj moo zoo ua ntej ntawd, feem ntau mas kuv tsuas qhia cov kev xav rau tib neeg xwb thiab kuv yeej tsis xav txog tias seb kuv puas muaj kev to taub txog Vajtswv tiag tiag, seb kuv puas qhia tau lus tim khawv los ntawm kuv tus kheej tej kev paub tiag tiag li. Txoj kev paub no qhia rau kuv tias txoj kev qhia txoj moo zoo mas tsis yog tsuas tham rau lwm tus xwb, tab sis nws ib lub hwv tsam rau kuv los paub Vajtswv kom zoo dua thiab. Kuv hnov tau Vajtswv txoj kev hlub los ntawm qhov kuv qhia Thawslixam thiab. Yog tias Nws tsis los ua hauj lwm thiab tham lus nyob rau hauv lub cev nqaij daim tawv, ces tsis muaj txoj hau kev uas peb yuav to taub tau qhov tseeb los sis muab peb tej moj yam qias vuab tsuab yaug kom dawb huv li. Peb tsuas yuav kawg raug rhuav tshem rau hauv tej kev puas tsuaj xwb. Kuv yim xav txog qhov ntawd, ces kuv yim xav tias Vajtswv txoj kev hlub peb mas loj thiab tseeb npaum li cas.
Ces Thawslixam thiaj li hais tias, “Txoj kev qhia hnub no mas puav leej yog qhov tshiab rau kuv tag nrho. Kuv tau txais ntau yam heev los ntawm qhov no los.” Kuv zoo siab uas tau hnov nws hais li no, ces kuv thiaj li qhia rau nws tias, “Tswv Yexus twb rov qab los yug los ua Vajtswv Tus Uas Muaj Hwj Chim Loj Kawg Nkaus lawm. Vajtswv Tus Uas Muaj Hwj Chim Loj Kawg Nkaus twb nthuav cov lus tshiab tawm lawm thiab tab tom ua tes hauj lwm kev txiav txim ntawm tiam kawg los yaug tig neeg kom dawb huv thiab cawm kom tib neeg dim plaws. Qhov no ua tiav cov lus faj lem hauv phau Vajluskub lawm, xam nrog ‘Rau qhov lub sij hawm tab tom los lawm uas txoj kev txiav txim yuav tsum pib ntawm Vajtswv tsev mus’ (1 Petus 4:17), thiab ‘Leej Txiv tsis txiav txim rau tib neeg, tab sis tau muab tag nrho qhov kev txiav txim rau leej Tub lawm’ (Yauhas 5:22).” Thawslixam zoo siab heev uas hnov tias tus Tswv twb rov qab los lawm, tab sis nws kuj tsis to taub thiab. Nws thiaj li nug kuv tias, “Tswv Yexus twb zam txim rau peb tej kev txhaum thaum Nws raug ntsia rau saum tus ntoo khaub lig lawm. Vim li cas tus Tswv thiaj li yuav tsum tau rov qab los ua tes hauj lwm kev txiav txim los cawm tib neeg nyob rau tiam kawg?” Kuv thiaj li nyeem ob zaj lus ntawm Vajtswv Tus Uas Muaj Hwj Chim Loj Kawg Nkaus cov lus rau nws los mus teb nws lo lus nug. “Koj tsuas paub hais tias Yexus yuav nqis los rau thaum tiam kawg xwb, tab sis Nws yuav nqis los li cas kiag? Ib tug neeg txhaum li nej, cov uas nyuam qhuav raug txhiv dim kiag, thiab tseem tsis tau hloov, los sis tsis tau raug Vajtswv muab tsim kho kom zoo tiav log, koj puas yuav ua kom raws nraim li Vajtswv tej kev xav? Rau koj, koj yeej tseem yog koj tus neeg qub, nws yeej muaj tseeb hais tias koj yeej raug Yexus cawm lawm, ces koj tsis yog txoj kev txhaum tug lawm vim Vajtswv txoj kev cawm dim, tab sis qhov no tsis tau yog pov thawj qhia hais tias koj tsis muaj kev txhaum los sis tsis muaj kev dawb huv. Koj ho yuav dawb huv tau li cas yog hais tias koj twb tsis tau hloov nas? Nyob rau sab hauv, koj tseem raug kev tsis dawb huv, twm xeeb thiab siab nqaim tas zog li, tab sis koj tseem xav nqis los nrog Yexus—cas koj mas yuav hmoov zoo ua luaj li! Koj tau plam ib kauj ruam ntawm koj txoj kev ntseeg Vajtswv lawm: Koj tsuas lam raug txhiv dim xwb, tab sis koj tsis tau hloov li. Yog koj xav ua kom raws nraim li Vajtswv tej kev xav, ces Vajtswv tus kheej yuav tsum tau ua tes hauj lwm muab koj hloov thiab yaug kom dawb huv; tsis li ntawd ces koj yuav tsis muaj hnub dawb huv li vim koj tsuas lam raug txhiv dim xwb. Nyob rau txoj kev no ces koj yuav tsis tsim nyog xyiv fab hlo los txais tej koob hmoov zoo nrog Vajtswv, vim koj tau plam ib kauj ruam ntawm Vajtswv tes hauj lwm cawm tib neeg lawm, uas yog kauj ruam tseem ceeb ntawm kev hloov thiab kev raug tsim kho kom zoo tiav log. Koj, ib tug neeg txhaum uas nyuam qhuav raug txhiv dim xwb, ces yog li ntawd thiaj tsis muaj cuab kav yuav tau txais Vajtswv tej qub txeeg qub teg ncaj nraim” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Hais Txog Lub Npe thiab Lub Koob Meej). “Txawm hais tias Yexus yeej tau ua hauj lwm ntau heev nrog tib neeg lawm, los Nws tsuas yog ua tiav qhov kev txhiv tag nrho noob neej thiab ua qhov kev theej txhoj rau tib neeg tej kev txhaum xwb; Nws tsis tau muab tag nrho tib neeg tus moj yam qias vuab tsuab tshem pov tseg. Yuav cawm tib neeg tawm tag nrho ntawm Ntxwgnyoog txoj kev haub ntxias mas tsis yog Yexus yuav tsum rais mus ua ib qho kev theej txhoj thiab ris tag nrho tib neeg tej kev txhaum nkaus xwb, tab sis Vajtswv yuav tsum tau ua tes hauj lwm loj tshaj los tshem kom tag nrho tib neeg tus moj yam qias vuab tsuab pov tseg. Thiab yog li ntawd, tom qab Vajtswv zam tib neeg tej kev txhaum lawm, Vajtswv tau rov los rau hauv lub cev nqaij daim tawv los coj tib neeg mus rau tiam tshiab, thiab tau pib tes hauj lwm ntawm kev qhuab ntuas thiab kev txiav txim. Tes hauj lwm no tau coj tib neeg mus rau ib qho chaw siab dua lawm. Tag nrho cov uas zwm rau Nws txoj kev tswj fwm yuav tau txais qhov tseeb uas siab tshaj thiab tau txais koob hmoov ntau tshaj. Lawv yuav tau nyob rau hauv tus duab ci pom kev tiag tiag, thiab lawv yuav tau qhov tseeb, txoj kev, thiab txoj sia” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej). Tom qab nyeem Vajtswv cov lus lawm, ces kuv thiaj li hais tias, “Tswv Yexus tau txhiv peb dim lawm. Txoj kev txhiv dim no ua tau dab tsi tiav? Peb raug txhiv dim ntawm peb tej kev txhaum lawm kom peb thiaj li tsis raug rau txim rau kev ua txhaum txoj cai lawm. Qhov no yog qhov uas Tswv Yexus tes hauj lwm kev txhiv dim tau ua tiav. Peb tej kev txhaum raug zam txim los ntawm peb txoj kev ntseeg tus Tswv lawm, tab sis peb tseem dag thiab ua txhaum txhua lub sij hawm. Peb ua neej nyob rau ntawm txoj kev ua txhaum rau yav nruab hnub, ces lees txim rau yav hmo ntuj xwb, yeej tsis muaj peev xwm khiav kom dim ntawm txoj kev txhaum tej saws hlau khi li. Qhov no yog vim li cas? Nws vim yog peb tsis tau tshem peb tus yeeb yam txhaum tawm. Tus yeeb yam txhaum no mas zoo li ib lub qog nqaij hlav uas nyob tob tob puag hauv peb nruab nrog lawm. Yog tias tsis tshem lub qog nqaij hlav ntawd tawm, ces yuav zam txim rau peb ib txhiab zaus, kaum txhiab zaus los tau, tab sis peb yeej yuav tsis dim ntawm txoj kev txhaum los sis tsim nyog rau lub nceeg vaj saum ntuj ceeb tsheej li. Vim li no tus Tswv thiaj li yuav tsum tau rov qab los nthuav ntau qhov tseeb tawm thiab ua tes hauj lwm txiav txim. Tes hauj lwm kev txiav txim ntawd yog los daws peb tej kev txhaum kom peb thiaj li yuav dim plaws tag nrho ntawm txoj kev txhaum tej saw hlau khi, thiab raug ntxuav kom dawb huv thiab raug cawm dim plaws.”
Thawslixam mas zoo siab heev uas tau hnov li no ces thiaj li hais yam maj heev hais tias, “Koj puas kam qhia txog tes hauj lwm kev txiav txim rau kuv? Vajtswv ua txoj kev txiav txim no los cawm kom peb dim ntawm txoj kev txhaum li cas?” Kuv thiaj li nyeem ib zaj lis ntawm Vajtswv cov lus rau nws. “Khetos ntawm tiam kawg siv ntau yam kev tseeb los qhia tib neeg, los qhia tshwm tib neeg qhov tseem ntsiab, thiab phua tawm tib neeg cov lus thiab lawv tes dej num. Cov lus no suav nrog ntau txoj kev tseeb, xws li tib neeg lub luag dej num, tib neeg yuav zwm rau Vajtswv li cas, tib neeg yuav tsum npuab siab rau Vajtswv li cas, tib neeg yuav tsum ua neej nyob li cas ntawm txoj kev ua neeg nyob, nrog rau Vajtswv txoj kev txawj ntse thiab tus moj yam, thiab lwm yam ntxiv. Cov lus no puav leej raug hais ncaj qha rau qhov tseem ntsiab ntawm tib neeg thiab nws tus yam ntxwv lwj liam. Tshwj xeeb, cov lus uas qhia tshwm txog qhov tib neeg tsis kam txais yuav Vajtswv li cas raug hais tawm rau qhov uas tib neeg yog ib tug duab ntawm Ntxwgnyoog, thiab yog tus yeeb ncuab lub zog tawm tsam Vajtswv. Thaum ua Nws txoj dej num ntawm txoj kev txiav txim, tsis yog Vajtswv cia li tshaj tawm meej meej txog tib neeg tus yam ntxwv yam yooj yim ua ob peb lo lus hais xwb; tiam sis Nws nthuav tawm thiab cob qhia rau ncua sij hawm ntev loo. Tag nrho cov hau kev nthuav tawm thiab kev qhuab qhia uas sib txawv no yeej muab tsis tau cov lus uas niaj hnub hais los hloov, tab sis muab qhov tseeb ntawm qhov uas tib neeg tsis muaj kiag li los hloov tau. Tsuas yog cov hau kev zoo li cov no xwb thiaj tuaj yeem raug hu tias yog txoj kev txiav txim; tsuas yog los ntawm txoj kev txiav txim li yam no xwb thiaj li tuaj yeem ua kom tib neeg yeem swb thiab ntseeg Vajtswv tag nrho, thiab ntau tshaj ntawd kom tau txais qhov kev paub tseeb ntawm Vajtswv. Qhov ua txoj dej num ntawm txoj kev txiav txim coj los qhia yog kom tib neeg nkag siab txog qhov tseeb ntawm Vajtswv thiab qhov tseeb txog nws tus kheej txoj kev tawm tsam. Tes dej num ntawm txoj kev txiav txim ua rau tib neeg muaj kev nkag siab ntau txog Vajtswv tej kev xav, lub hom phiaj ntawm Vajtswv tes dej num, thiab ntawm tej yam kev zais uas nws tsis tuaj yeem to taub. Nws kuj cia kom tib neeg xeev pom thiab paub txog nws lub ntsiab tseeb uas qias vuab tsuab thiab lub hauv paus ntawm nws txoj kev qias vuab tsuab, nrog rau kom tshawb pom txog tib neeg lub siab phem qias thiab. Cov txiaj ntsig no tau txais los ntawm tes dej num ntawm txoj kev txiav txim, rau qhov lub ntsiab tseem ceeb ntawm tes dej num no tseeb tiag yeej yog txoj dej num qhib tawm qhov tseeb, txoj hau kev, thiab txoj sia ntawm Vajtswv rau txhua tus neeg uas muaj kev ntseeg rau hauv Nws. Qhov dej num no yog tes dej num ntawm txoj kev txiav txim ua los ntawm Vajtswv los” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Ua tes Dej Num ntawm Txoj Kev Txiav Txim Nrog Qhov Tseeb). Tom qab nyeem qhov no lawm, ces kuv thiaj li hais tias, “Nyob rau tiam kawg mas, Vajtswv ua Nws txoj kev txiav txim los ntawm cov lus los muab tib neeg tus yeeb yam phem tawm tsam Vajtswv ntaws qhia tshwm. Nws nthuav tawm tag nrho peb tej kev qhia tshwm txog peb tus moj yam phem thiab tawm tsam Vajtswv kom peb thiaj li paub qhov tseeb txog qhov Ntxwgnyoog tau ua qias vuab tsuab rau peb tob npaum li cas lawm ho kuj pom Vajtswv tus moj yam dawb huv thiab ncaj ncees thiab. Raws li qhov raug txiav txim, rau txim, qhuab qhia thiab qhuab ntuas los ntawm Vajtswv cov lus, ces peb thiaj li pom tag nrhog tej moj yam phem uas peb nthuav tawm, xws li kev khav theeb thiab txawj dag. Tej zaum peb muaj peev xwm muab txhua yam fij rau Vajtswv, tab sis thaum muaj qee yam uas peb tsis nyiam tshwm sim, xws kev muaj mob los sis raug kev puas tsuaj, ces peb ho to taub yuam kev thiab liam rau Vajtswv. Tsuas yog thaum ntawd xwb peb thiaj li kom peb pom tias peb tseem muaj ib tug yeeb yam uas tawm tsam Vajtswv, thiab txawm peb muab txhua yam fij rau Vajtswv lo xij, qhov ntawd tsuas yog ua kom tau koob hmoov thiab phaj tshab, thiab tau mus rau hauv lub nceeg vaj saum ntuj ceeb tsheej xwb. Peb tab tom sib khom nrog Vajtswv xwb. Peb tsis muaj txoj kev pe hawm tseeb los sis kev zwm rau Vajtswv tseeb, haj yam tsis muaj txoj kev hlub tiag. Los ntawm kev txiav txim thiab kev rau txim ntawm Vajtswv cov lus thiab qhov raug nthuav tawm los ntawm txhua yam uas tshwm sim rau peb ntawd, ces peb thiaj li pom qhov tseeb ntawm peb txoj kev qias vuab tsuab thiab los ntxub txoj kev qias vuab tsuab ntawd. Peb kuj paub Vajtswv tus moj yam dawb huv, ncaj ncees uas tsis zam kev txhaum thiab ces peb thiaj li muaj kev hwm thiab kev zwm rau Vajtswv. Qhov no thiaj li yog tib txoj hau kev uas peb yuav pom tias Ntxwgnyoog tau ua rau peb qias vuab tsuab npaum li cas lawm. Yog tsis muaj Vajtswv txoj kev txiav txim thiab kev rau txim nyob rau tiam kawg, ces peb yeej tsis muaj peev xwm pom qhov tseeb ntawm peb txoj kev qias vuab tsuab los sis dim ntawm txoj kev qias vuab tsuab ntawd li. Tshwj xeeb mas yog peb yeej tsis muaj kev hlub los sis kev mloog Vajtswv lus li. Zoo ib yam nkaus li tus neeg mob, yog lawv tsis paub tias lawv muaj mob, ces lawv tsis mus kho los sis paub tias lawv tim tsum txoj kev kho mob dab tsi, yog li ces lawv yuav tsis zoo. Tab sis yog tias lawv mus cuag kws kho mob, ces kws kho mob yuav qhia tau rau lawv tias mob dab tsi, dab tsi ua rau mob, thiab yuav kho qhov ntawd li cas, ces lawv yuav zoo tuaj yog tias lawv ua raws li kws kho mob cov lus qhia. Yog li Vajtswv thiaj li txiav txim rau tib neeg los ntawm Nws cov lus nyob rau tiam kawg los daws peb tus yeeb yam txhaum thiab tej moj yam phem. Peb yuav tsum tau lees txais txoj kev txiav txim thiab txoj kev rau txim ntawm Nws cov lus ntawd kom thiaj li dim plaws txoj kev txhaum, tshem peb tej moj yam phem, qias vuab tsuab tawm, kom thiaj li raug Vajtswv cawm dim, thiab nkag mus rau hauv lub nceeg vaj saum ntuj ceeb tsheej.” Thaum txog theem ntawd lawm, Thawslixam thiaj li hais tias, “Tam sim no kuv to taub lawm. Tes dej num ntawm kev txiav txim yog Vajtswv txoj kev yaug peb kom dawb huv thiab txoj kev cawm peb dim. Kuv xav khiav kom dim ntawm lub neej ua txhaum es lees txim ntawd, yog li kuv thiaj li yuav tsum tau lees txais Vajtswv txoj kev txiav txim thiab txoj kev yaug kom dawb huv lawm.” Tom qab ntawd peb thiaj li saib ob peb zaj yeeb yaj duab txog txoj moo zoo ua ke thiab tom qab ntawd nyeem Vajtswv Tus Uas Muaj Hwj Chim Loj Kawg Nkaus cov lus ntau heev. Thawslixam qhia rau kuv yam zoo siab heev hais tias, “Cov lus no muaj cai thiab hwj chim zoo li ntawd. Cov lus no ua rau lub ntiaj teb co ntseeg nkaws. Qhov no yog Vajtswv lub suab ntag! Vajtswv Tus Uas Muaj Hwj Chim Loj Kawg Nkaus yeej yog tus Tswv Yexus uas rov qab los lawm tiag tiag li. Nws yog tus Tswv rov los ntxuav peb kom dawb huv thiab cawm peb!” Ces nws thiaj li maj nroos nug kuv tias, “Yuav ua li cas kuv thiaj li tau ib phau ntawv ntawm Vajtswv Tus Uas Muaj Hwj Chim Loj Kawg Nkaus cov lus? Kuv yuav qhia rau lwm tus ntseeg hauv nkuaj tau li cas?” Kuv thiaj li hais tias kuv tuaj yeem qhia nws rau cov tswv cuab hauv pawg ntseeg uas nyob hauv zos ces thiaj li xa ib phau hauv os lais ntawm Txoj Lus Tshwm Hauv Lub Cev Nqaij Daim Tawv mus rau nws lawm. Nws zoo siab heev—nws ob lub qhov muag hlaws hlo, thiab nws hais tias nws xav tau phau ntawv thiab nyeem Vajtswv Tus Uas Muaj Hwj Chim Loj Kawg Nkaus cov lus kom sai li sai tau. Thaum pom nws zoo siab heev uas los txais tos tus Tswv, ces kuv ua tsaug ntau ntau rau Vajtswv txoj kev qhuab qhia thiab kev coj qhia tiag tiag li uas cia Thawslixam los hnov Vajtswv lub suab thiab los rau hauv Nws lub tsev.
Tau ob peb hnub tom qab ntawd, ces nws qhia rau kuv tias nws tau qhia qhov xov xwm ntawd rau nws tus phooj ywg ze tshaj plaws tias tus Tswv twb rov qab los lawm, tus uas ceeb toom rau nws kom txhob ntseeg qhov ntawd. Nws tus xib fwb los kuj hu rau nws thiab hem nws, hais tias nws yuav raug ncaws tawm ntawm pawg ntseeg mus yog tias nws pheej tuav nws txoj kev ntseeg Vajtswv Tus Uas Muaj Hwj Chim Loj Kawg Nkaus. Nws hais tias, “Kuv ntseeg tias Vajtswv Tus Uas Muaj Hwj Chim Loj Kawg Nkaus yog Khetos ntawm tiam kawg lawm vim Nws cov lus yog qhov tseeb, thiab tsuas yog Khetos xwb thiaj li nthuav tau qhov tseeb tawm. Nws yog tus Tswv Yexus uas rov qab los lawm. Kuv yuav tsis raug kuv tus phooj ywg cuam tshuam, thiab tus xib fwb ntawd yeej cheem tsis tau kuv.” Nws kuj hais tias, “Kuv twb nrhiav pawg ntseeg tiag los tau ntau lub xyoo lawm, tab sis kuv ib txwm tag kev cia siab. Tsis muaj ib pawg ntseeg twg saib xyuas, ces thiaj li muaj ntau thiab ntau tus tswv cuab ua raws li tej kev xav sab nraud lawm. Kuv tsis muaj kev pab li. Kuv ua tsaug ntau ntau rau Vajtswv. Kuv yeej tsis npau suav tias kuv yuav hnov Vajtswv lub suab thiab tau txais tos tus Tswv li. Thaum kawg kuv nrhiav tau Vajtswv pawg ntseeg lawm.” Nws zoo siab heev thiab kuv pom nws ob lub qhov muag muaj kua muag—saib nws mas muaj kev cia siab tshaj li. Kuv zoo siab kawg nkaus li. Kuv pom tias thaum Vajtswv ib tug yaj hnov Nws lub suab, ces lawv yuav raws Nws qab thiab tuav rawv lawv txoj kev ntseeg txawm tias Ntxwgnyoog cuam tshuam li cas los xij. Tab sis xav txog qhov kuv twb qaug zog thiab xav tso tseg thaum kuv ntsib ib qho thaiv kev, ces kuv thiaj li npaj txhij los muab nws tso cia, thaum yuav luag tso txoj kev qhia lus tim khawv rau nws txog Vajtswv tes hauj lwm ntawm tiam kawg tseg, ces kuv muaj kev tu siab thiab kev txhaum puv npo. Kuv kuj pom tias tsuas yog Vajtswv xwb thiaj li hlub peb thiab saib xyuas peb tiag tiag, vim tias thaum kuv yuav tso tseg ntawd, ces Vajtswv cov lus qhia thiab coj kuv kev nchav sij hawm lawm, yog li kuv thiaj li pom tau kuv txoj kev ntxeev siab thiab thiaj li to taub qhov maj ceev ntawm Vajtswv txoj kev xav los cawm tib neeg lawm. Ces kuv thiaj li hloov tau me ntsis tuaj thiab ua tau kuv tes dej num tiav lawm.
Qhov no kuj yog ib txoj kev paub tob heev rau kuv thiab tias txoj kev qhia txoj moo zoo yog siv kuv tus kheej txoj kev paub thiab kev to taub txog Vajtswv tes hauj lwm thiab cov lus los ua tim khawv rau Vajtswv, los coj cov tib neeg uas ntshaw kom tus Tswv los ua ntej Vajtswv. Tsis muaj ib yam dab tsi muaj qab hau tshaj lawm. Kuv kuj hnov Vajtswv lub siab nyiam uas maj, thiab Nws txoj kev cia siab tias cov ntseeg tiag yuav los nyob rau ntawm Nws xub ntiag thiab txais Nws txoj kev cawm dim ntxiv. Muaj coob leej ntxiv uas nyob rau hauv txhua pab pawg tab tom muaj kev cov nyom txog txoj kev ua neej nyob rau hauv qhov tsaus ntuj nti, ntshaw Vajtswv tshwm los. Vajtswv mas nyuaj siab, thiab Nws txhawj lawv heev. Yog li kuv haj yam xav tias kev qhia txoj moo zoo yog kuv lub luag hauj lwm. Kuv tau cog lus rau Vajtswv tias txawm kuv ntsib teeb meem dab tsi los xij, kuv yuav vam khom Nws thiab ua kuv tes dej num thiab lub luag hauj lwm qhia txoj moo zoo kom tiav. Kuv yuav qhia lus tim khawv raws li kuv txoj kev to taub txog Vajtswv thiab coj Nws cov yaj los rau ntawm Nws xub ntiag, kom lawv thiaj li tau txais Nws txoj kev cawm dim nyob rau tiam kawg sai sai no.
