29. Kev Txiav Txim thiab Kev Rau Txim Yog Vajtswv Txoj Kev Hlub

Vajtswv cov lus hais tias: “Thaum kawg tib neeg ua tim khawv dab tsi rau Vajtswv? Tib neeg ua tim khawv tias Vajtswv yog tus Vajtswv ua ncaj ncees, tias Nws tus yam ntxwv yog kev ncaj ncees, kev npau taws, kev qhuab ntuas, thiab kev txiav txim; tib neeg ua tim khawv txog tus yam ntxwv ncaj ncees ntawm Vajtswv. Vajtswv siv Nws kev txaiv txim coj los ua kom tib neeg zoo tshaj plaws, Nws tau hlub tib neeg lawm, thiab cawm tib neeg lawm—tab sis muaj nyob hauv Nws txoj kev hlub ntau npaum li cas? Muaj kev txiav txim, meej mom loj tshaj, kev npau taws, thiab lus foom phem. Txawm tias Vajtswv tau foom phem rau tib neeg nyob rau yav dhau los, Nws tsis tau ntiab tib neeg kom poob mus rau hauv lub qhov ntuj tsis muaj chaw tws, tab sis Nws siv txoj hau kev ntawd coj los tsim kho tib neeg txoj kev ntseeg kom zoo; Nws tsis tau ua rau kom tib neeg tuag, tab sis tsuas ua rau kom tib neeg zoo tshaj plaws xwb. Lub tseem ntsiab ntawm cev nqaij daim tawv yog Ntxwgnyoog li—Vajtswv yeej hais yog tiag lawm—tab sis qhov tseeb uas ua los ntawm Vajtswv tsis tiav zoo raws li Nws cov lus. Nws foom phem rau koj kom koj thiaj yuav hlub Nws, thiab kom koj thiaj paub lub tseem ntsiab ntawm cev nqaij daim tawv; Nws rau txim rau koj kom koj thiaj ras, tso cai kom koj thiaj paub txog koj tej kev tsis zoo, thiab paub tej kev tsis tsim txiaj ntawm tib neeg. Vim yog li ntawd, Vajtswv cov lus foom phem, Nws cov kev txiav txim, thiab Nws lub meem moj loj kawg nkaus thiab kev npau taws—txhua yam no yog ua rau kom tib neeg zoo tshaj plaws xwb. Txhua yam Vajtswv ua nyob rau hnub no, thiab tus yam ntxwv ncaj ncees uas ua kom pom nyob rau hauv nej—txhua yam no yog ua rau kom tib neeg zoo tshaj plaws xwb. Ntawd yog kev hlub ntawm Vajtswv” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Kev Sim Siab Uas Mob Heev Xwb Thiaj Muaj Peev Xwm Paub Txog Vajtswv Txoj Kev Zoo Ntxim Hlub). Thaum tib neeg hais txog Vajtswv txoj kev hlub, kuv keev xav txog Nws txoj kev hlub tshua thiab kev khuv leej, Nws txoj hmoov hlub thiab tej koob hmoov. Kuv tsis to taub Nws txoj kev hlub ntawm kev txiav txim thiab kev rau txim kiag li. Tab sis tom qab tau ntsib tau pom tej ntawd tiag lawm, kuv thiaj li muaj qee qhov kev to taub rau tus kheej thiab pom tias Vajtswv cov lus yog qhov tseeb, thiab puav leej muaj qab hau heev, thiab tias kev txiav txim thiab kev rau txim ntawd yog Vajtswv txoj kev hlub thiab kev cawm dim rau tib neeg ntiaj teb.

Kuv keev leg tes hauj lwm saib xyuas, thiab tom qab lub Cuaj Hlis tsaib no kuv raug tshem tawm lawm vim tsis ua tes hauj lwm kom muaj qab hau. Ces tus thawj coj pawg ntseeg thiaj li npaj kom Viv Ncaus Vab los ua kuv tes hauj lwm. Qhov ntawd ua rau kuv xav tsis tag li. Kuv tau saib xyuas Viv Ncaus Vab tes hauj lwm ua ntej dhau los lawm, thiab tam sim no nws ho yuav los saib xyuas kuv tes. Qhov ntawd tsis yog ua rau pom tias kuv tsis muaj peev xwm lod? Kuv tau poob ntawm qhov ua ib tug saib xyuas los mus ua ib tug tswv cuab ntawm pab pawg saib xyuas lawm xwb. Qhov ntawd tsis txaj muag lod yog cov nus thiab cov viv ncaus uas paub kuv ntawd paub txog qhov no? Qhov kev xav no ua rau kuv tu siab heev uas tsis ua kuv tes dej num kom zoo. Tom qab ntawd nyob rau hauv pab pawg txoj kev sib tham txog peb tes hauj lwm, txhua tus cia li nyob ntsiag to tau ib chim. Kuv txawm xav tias txawm kuv tsis saib xyuas mus ntxiv lawm los xij, kuv twb muaj qee qhov kev ntsib kev pom txog kev saib xyuas cov ntseeg tsiab lawm, yog li kuv yuav tsum tau ris lub nra thiab nthuav kuv tej kev xav tawm. Ua li ntawd es txhua tus thiaj li yuav pom tias kuv tseem muaj lub luag hauj lwm tseem ceeb, thiab txhua tus thiaj li yuav hwm kuv. Yog li kuv txawm pib rau siab ntso nthuav kuv tej kev xav thiab tej tswv yim tawm, thiab tom qab ob peb qho kev sib tham lawm, ces tib neeg feem ntau pom zoo li kuv txoj kev xav. Nyob rau yuav luag txhua txoj kev sib tham, peb kawg yuav kuv tej tswv yim xwb, yog li kuv hnov zoo li kuv lub peev xwm zoo heev rau hauv pawg ntseeg. Kuv tsis muaj lub luag hauj lwm ua tus thawj saib xyuas, tab sis kuv tseem ua tau hom hauj lwm ntawd thiab. Ces kuv xav tias lwm tus yuav hwm kuv, thiab tom qab ntawd muaj ib hnub twg tej zaum kuv yuav raug nce qib dua. Tom qab ntawd kuv txawm pib nthuav tawm yam nquag nplias ntxiv tuaj, thiab ua ntej txhua qhov kev sib txoos ua ke, kuv tau ua txhua yam kom to taub tias cov los tshiab nyob li cas lawm thiab nrhiav qhov uas phim rau Vajtswv cov lus. Qhov ntawd siv sij hawm thiab dag zog ntau heev, tab sis kuv xav tias qhov ua ib txoj hauj lwm zoo ntawd thiaj li ua pov thawj tau rau kuv lub peev xwm, yog li qhov tiv taus tej ntawd mas yeej tsim nyog lawm. Kuv mas nquag plias rau kuv tes dej num xwb, muaj peev xwm los mus tshawb pom qee yam teeb meem hauv peb tes hauj lwm, thiab lwm tus pom zoo nrog tej kev daws thiab tej kev qhia uas kuv xav tawm. Kuv hnov zoo li txhua tus pom tias kuv ua hauj lwm hnyav npaum li cas, yog li tej zaum kuv yuav tau nce qib thaum tus thawj coj tshuaj xyuas peb tes hauj lwm thiab pom qhov kuv ua ntawd. Tab sis sij hawm dhau mus ib ntus, thiab zoo li tus thawj coj ntawd txawm tsis muaj kev xav nce qib rau kuv li. Kuv thiaj li pom tias cov ntseeg tshiab tau los koom pawg ntseeg coob zuj zus tuaj lawm, yog li thiaj li tim tsum tib neeg ntau leej ntxiv los tuav tej hauj lwm ntawd, tab sis zoo li qhov ntawd tsis muaj kev xav yuav nce qib rau kuv li. Thaum pom zoo li no lawm ua rau kuv nyuaj siab. Kuv xav tias kuv twb hloov pauv qee yam thiab ua kuv tes dej num tau zoo lawm. Vim pawg ntseeg tsis muaj kev pab txaus, vim li cas thiaj li tsis muab lwm lub hwv tsam rau kuv lawm? Tom qab raug tshem tawm ib zaug lawm, kuv yuav tsis muaj hnub muaj lwm lub hwv tsam los ua tus saib xyuas li lawm lod? Kuv tsis to tau qhov ntawd li. Kuv tsis paub tias yog vim li cas es qhov kuv ua hauj lwm hnyav ntawd thiaj li tsis tau txiaj ntsig. Kuv tsis muaj dab tsi? Tom qab ntawd, kuv xav tias kuv tseem ua hauj lwm tsis tau hnyav txaus los sis tsis tau zoo txhaus, los sis kuv tsis ua kom tau txaus. Kuv xav tias kuv yuav tsum tau sib zog ua hauj lwm mus ntxiv, thiab txhob tsi ntsees rau tej kev ua kom tiav nyob rau hauv kuv tes dej num xwb, tab sis kuj tsi ntsees rau kev to taub lub neej txoj sia thiab kev caum raws qhov tseeb thiab, yog li lwm tus thiaj li pom kuv tus kheej qhov kev nce qib. Ces Vajtswv yuav muaj kev hlub tshua rau kuv thiab muab lub hwv tsam rau kuv. Kuv xav tias yog muaj txoj kev caum raws “uas tsim nyog” lawm, ces yeej yuav hloov pauv ib hnub twg, thiab txawm tias tsis nce qib rau kuv los xij, kuv muaj peev xwm ua tau zoo nyob rau hauv peb pab pawg thiab tau txais kev qhuas los ntawm lwm cov nus thiab viv ncaus. Yog li kuv thiaj li muab tus kheej tso rau hauv peb pab pawg tes hauj lwm saib xyuas, thiab thaum cov los tshiab muaj teeb meem, kuv ua tib zoo xav txog tej teeb meem ntawd, nrhiav Vajtswv cov lus los mus qhia. Thaum kuv tsis to taub qee yam, ces kuv thov Vajtswv thiab nrhiav. Ib ntu tom qab ntawd, kuv saib xyuas cov los tshiab tau zoo zuj zus tuaj lawm. Nyob rau hauv ib lub rooj sib txoos ua ke tom qab ntawd, tus thawj coj pab pawg hais tias kuv tau ris ib lub nra rau kuv tes dej num lawm, thiab txawj daws cov ntseeg tshiab tej teeb meem. Kuv zoo siab heev rau kuv tus kheej. Kuv xav tias txhua tus yuav pib pom qhov kuv ua tau zoo npaum li cas lawm, thiab yog kuv tsim kho qhov kuv ua dej num kom zoo ntxiv, ces txhua tus yuav qhuas kuv. Ces kuv thiaj li yuav muaj hwv tsam rau kev nce qib. Tom qab ntawd kuv tus kheej thiaj li rau siab ntso rau kuv tes dej num. Dhau ntawm kuv tus kheej lub luag hauj lwm lawm, kuv kuj los ua lwm tes hauj lwm ntawm pab pawg raws li qhov kuv ua tau thiab, thiab muab lus xam pom thiab kev pab rau tus thawj saib xyuas thaum kuv pom teeb meem. Kuv los yeej tsis tso kuv txoj kev caum raws qhov tseeb tseg li thiab, tab sis tseem nyeem Vajtswv cov lus tas li thaum xyeej sij hawm. Kuv tau los rau ntawm Vajtswv xub ntiag los thov Vajtswv thiab nrhiav thaum twg los xij uas kuv tag kev cia siab thiab nquag plias koom txoj kev sib qhia nyob rau hauv tej kev sib txoos ua ke. Tab sis kuv tag kev siab heev thaum tseem tsis tau nce qib rau kuv tom qab ua hauj lwm hnyav los tau ib ntus lawm. Kuv xav tias txawm kuv ua hauj lwm hnyav npaum li cas los sis kuv ua tau zoo npaum li cas los xij, Vajtswv yeej yuav tsis pom zoo rau kuv, thiab tus thawj coj ntawd yeej yuav tsis nce qib rau kuv li. Yog li tag nrho tej ntawd yog dab tsi? Tom qab ntawd, kuv txawm tsis rau siab kiag li lawm, thiab thaum kuv pom cov los tshiab tsis tuaj sib txoos ua ke xwm yeem lawm, ces kuv tsuas lam nug txog tej ntawd lawm xwb tsis nug kom ntxaws ntxaws los sis tsis pab txhawb dab tsi li lawm. Tej thaum Viv Ncaus Vab kom kuv nrhiav Vajtswv cov lus rau cov nus thiab cov viv ncaus tej teeb meem tshwj xeeb los sis tej yam ua tsis tau zoo txaus ua ntej yuav sib txoos ua ke, kuv xav tias tsis yog kuv txoj hauj lwm, thiab tsis muaj leej twg yuav pom txawm tias kuv ua tau zoo npaum li cas los xij, yog li kuv txawm hais ub hais no kom dim xwb. Kuv tus kheej tus yam ntxwv txawm pib piam zuj zus thiab kuv cia li tsis paub xyov yuav hais lus thov li cas li lawm. Qhov nyeem Vajtswv cov lus ntawd yeej tsis hnov qhia kom paub li, thiab tej thaum kuv tseem ncaws dab ntub thiab xwb. Kuv hnov tsaus ntuj heev rau hauv kuv lub siab thiab tsis paub Vajntsujplig tes hauj lwm li lawm. Tsis ntev tom qab ntawd, kuv pom lwm cov nus thiab viv ncaus raug nce qib, hos kuv ces tseem yog tus tswv cuab qis tshaj plaws ntawm pab pawg saib xyuas xwb. Kuv haj yam qaug zog tuaj. Kuv twb ua hauj lwm hnyav heev los tau ntev lawm, tab sis tsis tau dab tsi li. Ntxim li kuv tsis muaj kev cia siab yuav raug nce qib lawm. Cov ntseeg uas zoo li kuv yeej tau ua cov thawj coj pawg ntseeg thiab cov thawj coj pab pawg lawm, thiab tau txais kev qhuas los ntawm lwm tus lawm, tab sis kuv ces yeej tsis raug nce qib li. Qhov ntawd txhais tau tias kuv ua tsis tau li tus ntseeg lod? Kuv xav phem heev uas ua rau kuv cia li tsis muaj kev txawb siab rau ib yam dab tsi I lawm.

Tom qab ntawd, kuv xav paub tias vim li cas kuv thiaj li nyuaj siab heev. Vim li cas kuv tsuas ua neej nyob txhawm rau lub meej mom xwb? Kuv txoj kev ntseeg tau npaum no lub xyoos puas yog kuv tsuas caum lub meej mom xwb? Ua li cas kuv ntxim hlub tshua ua luaj li? Vim li cas kuv thiaj li npau suav toog rau lub meej mom xwb? Kuv ntxub kuv tus kheej heev. Kuv txhos caug ntua rau ntawm Vajtswv xub ntiag los thov Vajtswv thiab hais tias, “Vajtswv, kuv xav caum raws qhov tseeb nyob rau hauv kuv txoj kev ntseeg, pauj rau Koj txoj kev hlub, thiab ua tes dej num ntawm ib tug raug tsim tawm los. Tab sis tam sim no kuv txoj kev ntshaw lub meej mom tau tsim txom kuv lawm, ua rau kuv nyuaj siab thiab ntxhov siab. Kuv tsis xav ua neej nyob li no, tab sis kuv pab tsis tau kuv tus kheej lawm. Vajtswv, thov qhia thiab cawm kuv, kom kuv thiaj li to taub kuv qhov teeb meem thiab daws qhov tau teeb meem ntawd.” Tom qab thov Vajtswv lawm, kuv nyeem zaj lus no ntawm Vajtswv cov lus. “Tus tawm tsam Khetos nws muaj nws tus moj yam thiab lub ntsiab tseeb, thiab qhov no yog qhov lawv txawv ntawm tus neeg dog dig. Txawm lawv tsis hais dab tsi nyob rau sab nraud tom qab raug hloov lawm los xij, hauv lawv lub siab lawv tawm tsam tas li li. Lawv tsis lees paub tej uas lawv ua yuam kev, thiab lawv yeej tsis muaj peev xwm paub tseeb tseeb txog lawv tus kheej li. Qhov no twb ua pov thawj tau ntev los lawm. Kuj tseem muaj lwm yam ntxiv txog tus tawm tsam Khetos uas yeej tsis hloov pauv hlo li thiab xws li: Txawm lawv yuav ua tej yam nyob rau qhov twg los xij, lawv xav kom ua tau zoo tshaj lwm tus, kom lwm tus hwm thiab qhuas; tab txawm yog lawv tsis muaj cai thiab tsis muaj npe ua ib tug thawj coj ntawm pawg ntseeg los sis ib tug thawj coj ntawm pab pawg los xij, lawv tseem xav ua cov uas ua tau zoo tshaj lwm tus txog qhov chiv meem thiab lub meej mom thiab. Txawm xyov lawv ua puas tau tes hauj lwm ntawd los xij, hom kev paub ua neej los sis lub neej txoj sia uas lawv muaj ntawd, lawv yuav tsim txhua txoj kev thiab siv tag nrho lub zog los nrhiav lub hwv tsam los muaj plhus, kom nkag tau mus rau hauv tib neeg lub siab, kom kov yeej lwm tus, ntxias thiab dag ntxias lwm tus, kom lwm tus thiaj li qhuas lawv li. Tus tawm tsam Khetos ne puas muaj qhov yuav qhuas? Tab txawm twb muab lawv rho tawm lawm los xij, ‘ib tug ntxhuav yuag yeej tseem loj dua ib tug nees,’ thiab lawv tseem yog ib tug dav dawb hau ya txhom qaib. Qhov no tsis yog tus tawm tsam Khetos txoj kev khav theeb thiab kev qhuas tias nws tus kheej coj ncaj, thiab lawv txoj kev uas ua tau zoo tshaj plaws lod? Lawv tus kheej tsis kam tso lub meej mom tseg es los ua ib tug ntseeg li sawv daws, los ua ib tug neeg dog dig lawm xwb. Lawv twb ua tsis tau lawv tes dej num kom khov kho nyob rau ntawm lawv qhov chaw ua lawv tus kheej tes dej num kom zoo, muab lawv tus kheej ua tes dej num ntawd thiab ua kom zoo tshaj plaws li. Tej no yeej tsis ua rau lawv txaus siab li. Lawv tsis kam ua hom tib neeg zoo li ntawd los sis ua tej yam zoo li ntawd. Lawv lub hom phiaj uas tseem ceeb tshaj plaws yog dab tsi? Yog kom lwm tus qhuas thiab hwm, thiab kom tau tuav lub hwj chim xwb. Yog li ntawd, tab txawm yog lawv tsis muaj ib lub meej mom tshwj xeeb rau lawv lub npe los xij, tus tawm tsam Khetos yuav siv zog ua kom tau rau lawv tus kheej, hais lus rau lawv tus kheej thiab ua kom ncaj ncees rau lawv tus kheej, ua txhua yam li lawv ua tau los qhia, vim ntshai tsam yuav tsis muaj leej twg pom lawv los sis cuab pob ntseg mloog lawv. Lawv yuav siv txhua lub hwv tsam kom tib neeg paub lawv zoo, kom lawv muaj ntsej muag tuaj, ua kom tib neeg pom lawv tej peev xwm thiab tej uas lawv ua tau zoo coob ntxiv, kom pom hais tias lawv zoo dua lwm tus. Hais txog qhov ua tej no mas, tus tawm tsam Khetos txaus siab hlo los tiv txhua yam kev txom nyem kom khav thiab qhuas tau lawv tus kheej, los ua kom txhua tus xav hais tias, tab txawm yog lawv tsis yog ib tug thawj coj, thiab tsis muaj lub meej mom lawm los xij, lawv tseem zoo dua cov tib neeg dog dig. Ua li no, tus tawm tsam Khetos thiaj li ua tiav lawv lub hom phiaj lawm. Lawv tsis kam ua ib tug neeg zoo li sawv daws, ua ib tug neeg dog dig; lawv xav tau lub hwj chim thiab ntsej muag, thiab kom lwm tus txhawb nqa xwb” (Txoj Lus, Phau 4. Kev Nthuav Tawm Cov Tawm Tsam Khetos. Yam Kaum Ob). Vajtswv cov lus hais tau raug kiag kuv taub hau ntag. Zoo li Vajtswv nyob kiag tod, tab tom muab kuv qhia tshwm kiag. Vajtswv hais tias cov tib neeg zoo li cov tawm tsam Khetos mas yeej xav tau npe thiab lub meej mom, xav muaj hwj chim thiab xav kom lwm tus qhuas txawm tias yuav yog li dab tsi los xij. Yuav ua kom tau txoj kev ntshaw tsiv nyaum ntawd puv npo mas, cov tawm tsam Khetos yuav tsum tau thev kom taus es cov tib neeg thiaj li pom, thiaj li qhuas lawv tus kheej, thiab kov yeej. Kuv tuaj yeem pom tias kuv txoj kev caum mas yog kiag li tus tawm tsam Khetos li ntag. Nyob rau hauv kuv txoj kev ntseeg, kuv xav kom muaj meej mom, xav ua ib tug thawj coj los sis xav ua ib tug thawj saib xyuas. Kuv xav ua kom tau zoo tshaj rau hauv kuv pab pawg, ces lwm tus thiaj li qhuas thiab txhawb nqa. Tom qab kuv raug tshem tawm lawm, los kuv yeej tsis hais txog kuv txoj kev ntshaw xav ua tus thawj saib xyuas. Kuv nquag plias mus koom tej kev sib tham txog tes hauj lwm thiab muab lus qhia, thiab kuv muab lus xam pom rau tus thawj saib xyuas kiag thaum kuv pom teeb meem, yog li nws thiaj li paub tias tsis yog kuv tsuas nrhiav teeb meem xwb, tab sis kuj muaj kev daws tej teeb meem thiab, tias kuv muaj kev txiav txim siab uas ntse thiab txawj txiav txim siab. Ces kuv thiaj li yuav raug nce qib. Kuv ua hauj lwm hnyav nyob rau hauv kuv tes dej num, kom lwm cov nus thiab viv ncaus thiaj li pom tias kuv ua tau tes hauj lwm uas muaj qab hau, ces kuv thiaj li muaj hwv tsam rau kev nce qib. Kuv mas nquag plias rau kev ua hauj lwm txawm tias tsis yog kuv lub luag hauj lwm tseem ceeb los xij, yeej npaj txhij los siv kuv lub sij hawm thiab lub zog ntau heev, xav kom txhua tus pom kuv ris lub nra rau kuv tes dej num thiab tuaj yeem ua hauj lwm tau ntau. Kuv yeej tsis txo kuv txoj kev caum raws qhov tseeb ib yam nkaus thiab, yog li lawv thiaj li yuav pom zoo rau kuv. Ces kuv thiaj li nrhiav txhua lub hwv tsam los ua pov thawj rau kuv tus kheej, los khav theeb thiab kov kom yeej tib neeg. Qhov ntawd tsis yog hom cwj pwm ntawm tus tawm tsam Khetos uas Vajtswv qhia tshwm lod?

Kuv nyeem qee qhov ntawm Vajtswv cov lus uas piav qhia tau txhij txhua txog lub ntsiab tseeb ntawm cov tawm tsam Khetos. Vajtswv Tus Uas Muaj Hwj Chim Loj Kawg Nkaus hais tias: “Rau ib tug tawm tsam Khetos mas, yog hais tias lawv lub koob lub npe los sis lub meej mom raug tawm tsam los sis raug tshem tawm mus lawm, qhov ntawd haj yam yog ib qho xwm txheej loj tshaj li qhov yuav txov lawv txoj sia lawm thiab. Txawm hais tias lawv yuav mloog tej lus qhuab qhia ntau npaum li cas los sis nyeem Vajtswv cov lus ntau npaum li cas los xij, lawv yuav tsis hnov tu siab los sis khuv xim rau qhov yeej tsis tau xyaum ua raws qhov tseeb thiab qhov lawv tau taug tus tawm tsam txoj kev, thiab rau ntawm txhua yam uas lawv muaj ntawm ib tug tawm tsam Khetos tus yeeb yam thiab lub ntsiab tseeb. Tiam sis, lawv ib txwm xav tas zog kom tau txais lub meej mom thiab ua kom lawv muaj lub koob lub npe ntau ntxiv. Qhov ntawd hais tau tias txhua yam uas hom neeg no ua ces yog ua rau ntawm lwm tus xub ntiag xwb, tsis yog ua rau ntawm Vajtswv xub ntiag. Vim li cas kuv ho hais li no? Qhov ntawd yog vim hais tias cov tib neeg zoo li ntawd mas nyiam lub meej mom uas lawv saib rau qhov ntawd cuag nkaus li yog lawv txoj sia ntag, cuag nkaus li yog lawv lub hom phiaj mus ib sim neej. Tshaj qhov ntawd, vim hais tias lawv nyiam lub meej mom heev dhau lawm, ces lawv yeej tsis ntseeg tias muaj qhov tseeb li, thiab haj tseem hais tau tias lawv tsis muaj kev ntseeg txog qhov muaj Vajtswv hlo li. Yog li ntawd, txawm lawv yuav xam li cas es thiaj li tau txais lub koob lub npe thiab lub meej mom los xij, thiab txawm lawv tas zog siv tej tshwm sim cuav los dag tib neeg thiab Vajtswv los xij, nyob paug hauv lawv nruab siab mas, lawv tsis muaj kev ras txog los sis tsis hnov txhaum li, twb tsis hais txog ib qho kev ntxhov siab li. Nyob rau hauv lawv txoj kev pheej caum lub koob lub npe thiab lub meej mom ntawd mas, lawv kuj tsis lees paub qhov Vajtswv tau ua yam tsis txaj muag li thiab. Vim li cas kuv thiaj li hais li ntawd? Nyob rau hauv tus tawm tsam Khetos lub nruab siab mas, lawv ntseeg hais tias, ‘Txhua lub koob lub npe thiab lub meej mom yog tib neeg tus kheej ua tau xwb. Tsuas yog tau txais ib qho chaw tiag taw khov kho nyob rau ntawm tib neeg thiab tau txais lub koob lub npe thiab lub meej mom lawm xwb mas lawv thiaj li yuav xyiv fab rau Vajtswv tej koob hmoov. Lub neej tsuas muaj nuj nqis thaum tib neeg tau txais lub hwj chim thiab lub meej mom kiag lawm xwb. Tsuas yog qhov no xwb thiaj li yog ib qho uas haum rau noob neej lub neej txoj sia. Tiam sis, qhov los ua neej li no uas yog los zwm rau Vajtswv txoj lus, rau Vajtswv lub hwj chim kav thiab tej kev npaj txhua yam, txaus siab hlo los ua txoj hauj lwm ntawm ib tug neeg uas raug tsim tawm los, thiab los ua neej zoo li ib tug neeg dog dig ntawd mas tais caus heev—yuav tsis muaj leej twg hwm lawv li. Tib neeg yuav tsum kov kom yeej lawv tus kheej tej teeb meem mas thiaj li yuav tau lub meej mom, lub koob lub npe, thiab txoj kev zoo siab; lawv yuav tsum tawm tsam kom tau tej ntawd thiab txeeb los ntawm ib tug cwj pwm uas zoo thiab rau siab ua. Yuav tsis muaj leej twg muaj tej ntawd rau koj—nyob twj ywm tos xwb yeej yuav tsis tau li.’ … Cov tawm tsam Khetos ntseeg hauv lawv lub siab hais tias tsuas yog tau lub koob lub npe thiab lub meej mom xwb mas lawv thiaj li yuav muaj ntsej muag thiab lawv thiaj li yog cov tib neeg uas raug tsim tawm los tiag tiag, thiab tias tsuas yog tau lub meej mom xwb mas lawv thiaj li yuav tau nqi zog thiab tau lub kaus mom vajntxwv, tsim nyog Vajtswv pom zoo, tau txais txhua yam, thiab yog ib tug neeg tiag tiag. Cov tawm tsam Khetos pom lub meej mom ntawd zoo li cas xwb? Lawv pom zoo li qhov tseeb; lawv saib lub meej mom ntawd yog lub hom phiaj siab tshaj plaws uas tib neeg caum. Qhov ntawd tsis yog ib qho teeb meem lod? Cov tib neeg uas pheej xav txog lub meej mom zoo li no yog cov tawm tsam Khetos tseem tseem ntag. Lawv yog tib hom tib neeg li Povlauj. Lawv ntseeg hais tias qhov nrhiav qhov tseeb, qhov nrhiav kev mloog Vajtswv lus, thiab qhov nrhiav kev coj ncaj puav leej yog tus txheej txheej uas coj yus mus rau lub meej mom uas saib tshaj plaws; tej ntawd tsuas yog tus txheej txheem xwb, tsis yog lub hom phiaj thiab tus qauv ntawm txoj kev ua neeg, thiab tej ntawd yog ua txhawm rau Vajtswv nkaus xwb. Qhov kev to taub no mas txawv thiab tsis txaus ntseeg kiag li. Tsuas yog cov tib neeg ruam uas ntxub qhov tseeb xwb thiaj li muaj ib lub tswv yim uas tsis txaus ntseeg zoo li no” (Txoj Lus, Phau 4. Kev Nthuav Tawm Cov Tawm Tsam Khetos. Yam Cuaj: (Ntu Peb)). Thaum nyeem zaj lus no ntawm Vajtswv cov lus no mas ua rau kuv mob ntsim tiag tiag. Zoo cuag nkaus li yam kuv muab zais rau hauv kuv lub siab lawm ntawd raug Vajtswv muab coj los tso rau saum qhov kaj. Kuv mloog zoo li kuv tsis muaj chaw nkaum li lawm. Kuv thiaj li pib rov tig xav txog kuv tus kheej, thiab kuv yim xav, ces kuv yim kuv hnov zoo li kuv txoj kev xav ntawd mas yog kiag li tus tawm tsam Khetos txoj ntag. Tag nrho kuv cov lus thiab tej kev ua mas npaj ntsees rau lub meej mom xwb, thiab txhua yam kuv ua mas xav kom tau txais kev qhuas xwb. Lub meej mom tseem ceeb rau kuv tshaj txhua yam lawm. Ua ntej tau txais kev ntseeg, kuv pheej xav kom zoo tshaj ib pab neeg coob coob tas li thiab kuv nyiam kom tau txais lwm tus txoj kev txhawb thiab kev pom zoo. Tom qab tau txais kev ntseeg lawm, kuv pheej xav caum txoj hauj lwm ua thawj coj mus ntxiv kom kuv thiaj li tau txais kev hwm thiab muaj lub luag hauj lwm tseem ceeb nyob rau hauv pawg ntseeg. Tom qab kuv raug tshem tawm lawm, kuv tsis muaj ib qho kev tu siab rau kuv tej kev ua txhaum yav dhau los li thiab tsis xav txog qhov yuav lees txim hloov dua siab tshiab thiab tsis xav ua kuv tes dej num kom zoo los them kuv tej nuj nqi rov qab rau Vajtswv li. Tiam sis, kuv siv lub fib cim ntawd los ua ib teg dej num khav theeb xwb. Kuv rau siab ntso rau kuv tes dej num thiab ua hauj lwm hnyav kom tau txais lub luag hauj lwm tseem ceeb rov qab los xwb. Thaum kuv tsis tau txais li ntawd tom qab sib zog ua hauj lwm hnyav lawm, ces kuv txawm qaug zog. Kuv hnov zoo li tsis muaj leej twg pom li, txawm kuv rau siab ntso rau kuv tes hauj lwm ntau npaum li cas los xij, txawm kuv ua tes hauj lwm zoo npaum li cas los xij. Kuv xav tias kuv tej kev mob siab ces ntshe tsis muaj txiaj ntsig li. Ua rau kuv tsis muaj siab ua kuv tes dej num kom tau zoo thaum kuv tsis tau txais lub meej mom. Kuv haj tseem to taub yuam kev thiab liam rau Vajtswv, cam nrog Nws thiab tawm tsam. Kuv raug tej kev xav txog lub npe thiab lub meej mom rub tawm mus lawm. Kuv ces tsis muaj kev txawj xav thiab tsis muaj qab hau li qhov ib tug raug tsim tawm los yuav tsum muaj. Kuv caum raws lub meej mom kawg siab kawg ntsws thiab kuv tsis xav ua ib tug tswv cuab dog dig ntawm pab pawg. Kuv mas phem thiab tsis paub txaj muag zoo ib yam nkaus li ib tug tawm tsam Khetos ntag, tsis muaj qab hau kiag si. Cov lus uas los ntawm Vajttswv los no mas pab tau kuv tiag tiag li: “Lawv ntseeg hais tias qhov nrhiav qhov tseeb, qhov nrhiav kev mloog Vajtswv lus, thiab qhov nrhiav kev coj ncaj puav leej yog tus txheej txheej uas coj yus mus rau lub meej mom uas saib tshaj plaws; tej ntawd tsuas yog tus txheej txheem xwb, tsis yog lub hom phiaj thiab tus qauv ntawm txoj kev ua neeg, thiab tej ntawd yog ua txhawm rau Vajtswv nkaus xwb.” Qhov no hnov zoo li kuv mag ib ncuav pias ntag. Qhov caum raws thiab qhov xyaum ua raws qhov tseeb yog ib yam zoo, thiab nws yog peb tes dej num li tib neeg. Peb yuav tsum tau caum raws qhov tseeb nyob rau hauv peb lub neej, thiab ua neej raws li Vajtswv cov lus. Txawm li cas los xij, kuv siv qhov kev caum raws thiab xyaum ua raws qhov tseeb los ua ib qho kev kov yeej rau tus kheej lub meej mom. Kuv ces xav muabqhov ntawd los pauv rau ib txoj hauj lwm. Qhov ntawd tsis yog coj rau qhov tseeb zoo li ib qho khoom kov ua si, zoo li tej yam raug caij tsuj xwb lod? Thaum muaj kev txhawb siab phem zoo li no nyob rau hauv kuv tes dej num lawm ces yeej yuav tsis tau txais Vajtswv txoj kev pom zoo li. Vajtswv cov lus qhia tias kuv txoj kev xav rau txhua yam mas yuam kev npaum li cas lawm. Kuv tsuas xav kom muaj lub meej mom thiab lub hwj chim, raug hwm, raug paub zoo, thiab raug qhuas xwb es kuv lub neej thiaj li muaj nqis. Yog tsis muaj lub meej mom li ib tug ntseeg, ces qhov ua ib tug neeg raws qab dog dig ntawd yuav ua lub neej uas ntxim khuv leej heev, thiab qhov ntawd yog ib qho tsis zoo. Cas yuav vwm ntsuav ua luaj li! Vajtswv cheem tsum kom peb yog tus raug tsim tawm los uas zoo, los tuav peb tus kheej qhov chaw, los zwm rau Vajtswv txoj kev cai thiab tej kev npaj tseg raws tes dej num, los ua raws li lub luag hauj lwm ntawm tib tug raug tsim tawm los. Tab sis kuv tsis xav nyob rau kuv qhov chaw, tab sis xav yog ib tug neeg ua tes hauj lwm tseem ceeb, muaj ib txoj hauj lwm siab thiab tau txais kev qhuas li ntawd ntau tuaj. Ces qhov ntawd yog tus moj yam phem. Qhov tseeb tiag, hauv tes hauj lwm saib xyuas, txawm tias kuv thev taus heev npaum li cas los sis kuv ua lub luag hauj lwm tseem ceeb npaum li cas los xij, qhov ntawd tsuas yog tes dej num uas kuv yuav tsum ua xwb. Nws yog kuv lub luag hauj lwm, tab sis kuv ces xav khav txog kuv tus kheej kom tau txais qee lub meej mom. Thaum ua tsis tiav kuv tej kev ntshaw uas vwm ntsuav, ces kuv txawm tsis xav ua kuv tes dej num lawm. Kuv ua kuv txoj kev ntshaw rau kev fij rau Vajtswv ntawd yuam kev lawm. Qhov kev fij zoo li ntawd mas tsis ncaj ncees thiab yog kev dag noj dag haus xwb. Txoj kev xyaum ua raws qhov tseeb thiab kev ua tes dej num ntawd ho zoo li cas xwb? Qhov ntawd mas tas zog siv thiab coj tsis ncaj rau Vajtswv xwb, thiab kuv taug tus tawm tsam Khetos txoj kev lawm. Vajtswv mas ncaj ncees thiab dawb huv thiab Nws pom puag hauv peb nruag siab nruab ntsws. Kuv tab tom taug txoj kev tsis yog lawm. Ces kuv yuav muaj peev xwm txais Vajntsujplig tes hauj lwm tau li cas? Kuv tus yam ntxwv mas piam zuj zus thiab kuv nyob rau txoj kev tsaus ntuj nti lawm. Qhov no yog Vajtswv tab tom tso kuv tseg thiab rau txim rau kuv ntag. Qhov ntawd yog thaum kuv pom tias kev caum raws lub npe thiab lub meej mom mas txaus ntshai ua luaj li. Kuv tsis paub kuv tus kheej, los sis xyov kuv ua puas tau tes hauj lwm uas muaj qab hau. Kuv tsuas caum raws lub meej mom, cia siab rau kev nce qib xwb. Ces kuv thiaj li plam txoj kev ua neeg uas yog thiab kev muaj qab hau thiab tsis muaj kev paub yus tus kheej lawm. Kuv xav txog ib zaj lus ntawm Vajtswv cov lus: “Muaj ib hnub twg nej txhua tus yuav paub txog lub koob meej thiab tau txais yog cov hlua khi loj kawg nkaus uas Ntxwgnyoog siv los khi tib neeg. Thaum hnub ntawd los txog, koj yuav tau tawm tsam Ntxwgnyoog txoj kev tswj hwm huv si thiab tawm tsam cov hlua khi uas Ntxwgnyoog siv los khi koj. Thaum lub sij hawm los txog uas koj xav kom koj muab txhua yam uas Ntxwgnyoog tau muab cog rau hauv koj lawm tso pov tseg, ces koj yuav tsoo kom tawg tag huv si kom dim ntawm Ntxwgnyoog thiab koj yeej yuav tsis nyiam txhua yam uas Ntxwgnyoog tau muab rau koj kiag li. Tsuas yog thaum ntawd xwb tib neeg thiaj yuav muaj kev hlub tiag thiab xav paub Vajtswv tiag” (Txoj Lus, Phau 2. Hais Txog Qhov Kev Paub Vajtswv. Vajtswv Tus Kheej, tus Uas Tsuas Yog Tib Tug Xwb VI). Vajtswv cov lus mas muaj tseeb tshaj. Kuv caum raws lub meej mom tsis tseg li, raug Ntxwgnyoog ze ua si thiab tsim txom. Kuv thiaj li plam Vajntsujplig txoj kev coj qhia thiab nyob rau txoj kev tsaus ntuj nti lawm. Kuv txoj kev ntshaw ntawd mas ua rau kuv piam sij loj heev. Kuv tauv tsis taus kuv cov kua muag thiab kuv ntxub qhov tawv ncauj, qhov kuv tsiv tsaim npaum li cas ntawd. Tag nrho lub sij hawm ntawd, kuv tau caum raws lub npe thiab lub meej mom, taug tus tawm tsam Khetos txoj kev xwb. Kuv tsim nyog raug tshem tawm thiab raug rau txim lawm. Tab sis Vajtswv tsis muab kuv lub hwv tsam rau kev cawm dim tshem tawm. Nws txawm teeb tsa tej xwm txheej los mus muab kuv lub ntsej muag tiag ntawd qhia tawm, siv Nws cov lus los ceeb toom thiab muab kuv qhia tshwm kom kuv thiaj li pom qhov teeb meem nyob hauv kuv txoj kev caum raws thiab tig rov qab. Tab sis kuv tsis nkag siab qhov ntawd li. Kuv to taub yuam kev thiab liam rau Vajtswv, xav phem thiab tawm tsam Vajtswv. Kuv mas tsis muaj qab hau kiag li. Kuv hnov txhaum ntau heev, thaum kuv paub qhov ntawd lawm, ces kuv thiaj li thov Vajtswv li no tias, “Vajtswv, kuv tsis xav caum lub npe thiab lub meej mom mus ntxiv lawm, tab sis yuav nrhiav qhov tseeb los daws kuv txoj kev qias vuab tsuab, thiab lees txim hloov dua siab tshiab tiag tiag. Thov coj kuv kev, qhia txoj hau kev rau kuv.”

Tom qab ntawd kuv nyeem lwm zaj lus ntawm Vajtswv cov lus: “Yam Vajtswv cheem tsum ntawm tib neeg tsis yog rab peev xwm ua kom tiav ib theem ntawm tej hauj lwm los sis tiav hlo ib txoj dej num loj, thiab Nws tsis xav kom lawv nqis tes ua ib txoj dej num lojj. Yam uas Vajtswv xav tau yog kom tib neeg muaj peev xwm ua txhua yam uas lawv tuaj yeem ua tau yam qhib siab lug, thiab muaj sia nyob raws li Nws cov lus. Vajtswv tsis xav kom koj yog ib tug zoo los sis ntxim hwm, los sis Nws tsis xav kom koj coj tej txuj ci tshwj xeeb los, los sis Nws tsis xav pom tej yam txawv txawv nyob rau hauv koj. Nws tsis xav tau tej yam zoo li no. Txhua yam uas Vajtswv xav tau ces yog xav kom koj mloog Nws cov lus thiab, thaum koj tau hnov tej lus ntawd lawm, muab tej lus ntawd coj los rau hauv lub siab thiab ua tib zoo mloog tej lus ntawd thaum koj xyaum ua yam qhib-siab-lug, kom Vajtswv cov lus thiaj li dhau los ua yam uas koj ua neej, thiab dhau los ua koj txoj sia. Yog li, Vajtswv thiaj li txaus siab hlo. Koj nrhiav kev zoo, kev ua neeg zoo, thiab kev muaj meej mom tas li; koj nrhiav kev qhuas tas li. Vajtswv yuav xav li cas thaum Nws pom qhov no? Nws tsis nyiam tej ntawd kiag li, thiab tsis xav tig ntsia tej ntawd li. Koj yim caum raws tej yam xws li kev zoo; kev ua neeg zoo; thiab kev ua kom tau zoo tshaj lwm, kom luag paub yus coob, kom zoo tshaj, thiab kom tsim nqi, ces Vajtswv yim ntxub thaum ntsib koj. Yog hais tias koj tsis thim xav txog koj tus kheej thiab tsis lees txim hloov dua siab tshiab, ces Vajtswv yuav ntxub koj thiab tso koj tseg. Nco ntsoov txhob ua tus uas Vajtswv pom tias ntxim dhuav; ua ib tug neeg uas Vajtswv hlub. Yog li ntawd, yus yuav ua li cas thiaj li tau txais Vajtswv txoj kev hlub? Ua los ntawm kev tau txais qhov tseeb uas muaj qab hau tiag, los ntawm kev sawv rau qhov chaw uas yog ib tug tib neeg raug tsim tawm los, los ntawm kev vam khom khov kho rau Vajtswv txoj lus ua ib tug tib neeg ncaj ncees thiab ua yus tej dej num, thiab los ntawm kev ua neej zoo li ib tug tib neeg tiag. Li no xwb ces txaus lawm. Nco ntsoov txhob tuav txoj kev ntshaw los sis tej kev npau suav uas tsis muaj qab hau, txhob nrhiav suab npe, tshaj thawj, thiab meej mom los sis kom zoo tshaj lwm tus. Tshaj qhov ntawd, txhob sim ua ib tug tib neeg muaj loj tshaj plaws los sis ib tug neeg zoo tshaj tib neeg, uas zoo dua lwm tus tib neeg thiab ua kom lwm tus pe hawm yus. Qhov ntawd yog txoj kev ntshaw ntawm kev ua neeg qias vuab tsuab, thiab nws yog Ntxwgnyoog txoj kev; Vajtswv tsis cawm cov tib neeg uas raug tsim tawm los zoo li no. Yog hais tias ib txhia tib neeg tseem caum suab npe, tshaj thawj, thiab meej mom thiab tsis kam lees txim hloov dua siab tshiab, ces yuav tsis muaj kev cawm tau lawv, thiab tsuas muaj ib qho yuav tshwm sim rau lawv xwb: raug tshem tawm” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Kev Ua Tes Dej Num Kom Tau Puv Npo Uas Tsim Nyog Cheem Tsum Kev Sib Koom Tes Zoo). Kuv pom los ntawm Vajtswv cov lus tias Nws tsis xav kom peb muaj koob nrov npe, zoo tshaj, los sis siab tshaj. Nws cia siab tias peb tuaj yeem ua tau zoo thiab ua tau peb tes dej num, thiab tsuas zwm rau Nws tej kev npaj tseg xwb. Tab sis kuv tsis ua kuv tes dej num kom ncaj ncees. Kuv tsis txaus siab ua neeg dog dig. Kuv ces tsuas xav tau txoj hauj lwm siab dua thiab xav kom zoo dua lwm tus xwb. Kuv mas khav theeb tshaj. Vajtswv yog tus Tswv Tsim, thiab Nws mas zoo tshaj thiab ntxim hwm heev. Nws tus kheej kiag tau rais los ua cev nqaij daim tawv, los rau hauv lub ntiaj teb los mus qhia qhov tseeb lawm, tab sis Nws yeej tsis khav theeb li. Tab sis, Nws ua Nws tes hauj lwm los cawm tib neeg ntiaj teb ntsiag tos xwb. Vajtswv mas txo hwj chim tshaj thiab zais ntsis, thiab ntxim hlub heev. Kuv txaj muag heev thaum kuv xav txog qhov ntawd, ces kuv thiaj li txiav txim siab tias kuv yuav tsum tau tso kuv lub cev nqaij daim tawv tseg thiab xyaum ua raws qhov tseeb xwb xwb li.

Tom qab ntawd, kuv tus kheej rau siab ntso kawg ntsiab kawg ntsws rau hauv kuv tes dej num thiab xav txog qhov yuav saib xyuas cov ntseeg tshiab li cas tiag tiag. Kuv hnov qab kuv lub meej mom lawm, tab sis zoo siab los ua ib tug neeg dog dig thiab ua kuv tes dej num kom tau zoo raws li qhov kuv tuaj yeem ua tau. Qhov muab qhov no coj los xyaum ua raws mas ua rau kuv kaj siab heev. Thaum kuv muab kuv lub siab tso rau qhov ntawd lawm, Vajtswv thiaj li qhia kuv, muab txoj kev ua kuv tes hauj lwm saib xyuas rau kuv. Tos kuv paub xwb, kuv twb ua kuv tes dej num tau zoo dua lawm. Kuv nco tau tias muaj ib zaug peb muaj ib lub rooj sib txoos ua ke rau cov ntseeg tshiab, tus viv ncaus uas los tshiab hauv pawg saib xyaus ntawd tsis swm cov ntseeg tshiab thiab tsis paub yuav nkag mus cuag lawv li cas. Kuv paub tias kuv yuav tsum tau pab, tab sis nws tshwm tsim rau kuv tias qhov ua tes hauj lwm npaj sib txuas lus nrog tib neeg ntawd mas qis heev. Qhov ntawd tsis ua rau kuv poob qis lod yog tias kuv thov ua li ntawd? Nyob rau theem ntawd kuv pom tias kuv yuam kev lawm, tias tej dej num mas tsis muaj qhov tseem ceeb uas sib txawv, thiab kev sib txuas lus kuj yog ib teg dej num thiab. Yog li vim li cas kuv thiaj li ua tsis tau li ntawd? Tom qab ntawd kuv thiaj li thov los pab txuas lus rau cov nus thiab cov viv ncaus. Thaum kuv ua li ntawd, kuv paub tias txawm yog tes dej num dab tsi los xij, tsuav yog koj muaj txoj kev xav uas yog thiab muaj peev xwm ua tau qhov ntawd nrog koj lub siab, ntsib Vajtswv tau, ces koj yuav kaj siab, thaj yeeb lug. Tej thaum thaum cov nus thiab cov viv ncaus nug txog lub ntsiab ntawm tes hauj lwm saib xyuas ces tus thawj saib xyuas txawm tsis khoom los teb lawv lus nug kiag li, ces kuv thiaj li ua txhua yam raws li qhov kuv ua tau los qhia lawv thiab daws txhua yam. Kuv tsis xav txog qhov yuav hwm kuv los tsis hwm kuv los sis xyov qhov ntawd puas tsim kho tau kuv lub meej mom li, tab sis tsuas xav ua hauj lwm kom haum nrog lwm tus thiab ua kuv tes dej num kom tau zoo xwb. Tom qab kuv hloov siab lawm, ces txhua yam txawm hloov rau hauv kuv tes dej num lawm thiab. Kuv hnov muaj ntau lub luag hauj lwm ntxiv thiab pom teeb meem ntau ntxiv, thiab kuv tus yam ntxwv thiaj li maj mam zoo tuaj lawm.

Muaj ib hnub, ib tug thawj coj tuaj ntsib kuv, thiab hais tias nws xav kom kuv los saib xyuas pawg ntseeg tes hauj lwm nrog lwm tus viv ncaus. Kuv mas ceeb tag li thaum hnov li ntawd. Kuv tsis paub xyov yuav piav kuv tej kev xav li cas li lawm. Hnov zoo li tag nrho kuv tej kev to taub yuam kev thiab qhov sib nrug deb ntawm Vajtswv txawm ploj mus kiag tam sid ntawd lawm. Kuv ib txwm siab nqaim thiab to taub Vajtswv yuam kev tas li. Kuv hnov zoo li kuv ua tsis tau kuv tes dej num li yav ua ntej dhau los lawm. Yog li txawm kuv yuav ua hauj lwm hnyav npaum li cas tom qab ntawd los xij, tsis muaj leej twg pom qhov ntawd. Vajtswv tsis muaj kev hlub tshua los sis tsis muab hwv tsam rau kuv ntxiv lawm. Tab sis Vajtswv mas tos ntsoov kuv tig rov qab los xwb. Nws npaj txhua yam kom kuv thiaj li nrhiav tau kuv qhov chaw, thiab lees txais tus Tswv Tsim tej kev npaj tseg. Kuv tas zog sib tw rau kuv tus kheej lub meej mom tas li, thiab ua tsawg kauj ruam los tsis tau li. Thaum kuv muab qhov ntawd tseg thiab tsuas xav txog kev ua kuv tes dej num lawm xwb, ces kuv thiaj li tau txais lwm cov lus txib uas tseem ceeb. Kuv pom tias Vajtswv lub ntsiab tseeb mas siab zoo thiab ntxim hlub npaum li cas. Vajtswv yeej tsis tshem ib tug twg tawm vim los ntawm tib yam nkaus xwb, thiab txawm tias Nws txoj kev txiav txim thiab kev rau txim muaj Nws txoj kev npau taws los xij, tej ntawd kuj muaj tag nrho Nws tej kev cia siab tib si thiab. Nws cia siab tias tom qab Nws txoj kev rau txim, tom qab tib neeg tau ntsib kev txom nyem lawm, ces lawv lub neej yuav loj hlob. Qhov no yog Vajtswv txoj kev hlub uas muaj nuj nqis tshaj plaws! Kuv ua tsaug ntau ntau rau Vajtswv txoj kev cawm dim rau kuv.

Kuv ib txwm keev peem los caum lub npe thiab lub meej mom tas li, uas tsuas ua rau kuv raug tsim txom thiab sab heev xwb. Yog tsis muaj kev txiav txim thiab kev qhia tshwm ntawm Vajtswv cov lus, ces kuv yeej tsis tau pom tias Ntxwgnyoog tau ua rau kuv qias vuab tsuab tob npaum li cas los sis kuv mob siab txog lub meej mom ntau npaum li cas. Kuv tseem sib tw rau txhua yam ntawd mus ntxiv, raug Ntxwgnyoog ze ua si, yam tsis muaj qhov zoo raws tib neeg li. Vim qhov no, kuv tus kheej thiaj li tau ntsib tau pom tias Vajtswv txoj kev txiav txim thiab kev rau txim yog Nws txoj kev tiv thaiv thiab txoj kev cawm dim uas zoo tshaj plaws, thiab qhov ntawd yog Nws txoj kev hlub. Ib yam li Nws hais tias, “Nyob rau hauv lawv lub neej, yog tib neeg xav kom raug yaug kom dawb huv thiab hloov tau lawv tus moj yam, yog lawv xav ua lub neej kom muaj qab hau thiab ua kom tau lawv tes dej num li ib tug uas raug tsim tawm los, ces lawv yuav tsum txais yuav Vajtswv txoj kev qhuab ntuas thiab kev txiav txim, thiab yuav tsum tsis txhob pub Vajtswv tej kev qhuab qhia thiab Vajtswv tej kev ntaus ncaim ntawm lawv mus li, es thiaj li yuav ua tau kom lawv tso tau lawv tus kheej dim ntawm Ntxwgnyoog txoj kev ntxias dag thiab txoj kev haub ntxias, thiab ua lub neej tau nyob rau hauv Vajtswv qhov kaj. Paub hais tias Vajtswv txoj kev qhuab ntuas thiab kev txiav txim yog qhov kaj, thiab qhov koj ntawm tib neeg txoj kev cawm dim, thiab hais tias yeej tsis muaj ib qho koob hmoov, hmoov hlub los sis kev tiv thaiv rau tib neeg uas yuav zoo tshaj lawm” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Petus Qhov Kev Ntsib Kev Pom: Nws Qhov Kev Paub txog Kev Qhuab Ntuas thiab Kev Txiav Txim).