32. Ib Tug Txiv Plig Kav Tos Liv Txoj Kev Xaiv

Kuv niam kuv txiv tu kuv nyob rau hauv Pawg Ntseeg Kav Tos Liv ces kuv thiaj li tau los ua ib tug pov thawj thaum kuv loj hlob tuaj. Tom qab ntawd, pawg ntseeg txawm tsuag zuj zus lawm. Cov tswv qhia thiab cov pov thawj pheej muaj kev sib tawm tsam thiab sib txeeb hwj chim tas li, thiab cov txiv dawb thiab cov poj dawb pheej sib khib thiab sib cav sib ceg tas li xwb. Muaj ib tug ntawm peb cov uas pab tswv qhia chim siab vim tus thawj tswv qhia tsis muab nws tsa ua tus tswv qhia uas loj, yog li ntawd nws thiaj li koom nrog lwm cov pov thawj thiab hais tias vim tus thawj tswv qhia ntawd twb muab pawg ntseeg cov nyiaj coj mus siv yuav tsheb thiab yuav vaj tsev, thiab twb mus koom Pawg Ntseeg Peb Tug Kheej tag lawm, nws yuav tsum raug muab rho tawm ntawm nws txoj hauj lwm mus. Lawv haj tseem nrog cov ntseeg uas txhawb tus tswv qhia ntawd sib ntaus thiab. Tej kev sib khib thiab kev sib ntxub no thiaj li loj zuj zus tuaj thiab cov pov thawj muaj kev sib tawm tsam uas ua rau pawg ntseeg tawg tag nrho los ua ntau pawg lawm. Qias kuv heev thaum pom lawv sib txeeb lub meej mom li ntawd. Qhov ntawd mas tsis zoo li ib pawg ntseeg kiag li, tiam sis tsuas zoo li lub ntiaj teb uas tsaus ntuj nti lawm xwb. Tus thawj tswv qhia txawm pib muab kuv cais tawm vim kuv tsis xav koom nrog Peb Tug Kheej. Nws thiaj li kom ib tug pov thawj los ua tus pab kuv, tiam sis tseeb tiag yog kom tus pov thawj ntawd tuaj txeeb kuv txoj hauj lwm xwb. Tom qab ntawd ces tus pov thawj ntawd tuaj lawm, nws ua kom cov ntseeg muab kuv ntiab tawm mus, ces tsis ntev ntawd pawg ntseeg thiaj li tawg ua ob pawg lawm, thiab muaj ntau yam kev cov nyom tshwm sim tuaj. Kuv tsis xav tau ib feem ntawm tej ntawd li, yog li ntawd kuv thiaj li sau kuv daim ntawv thov tawm mus rau tus tswv qhia ntawd lawm. Kuv tawm ntawm pawg ntseeg uas sib ntxub thiab sib cov nyom ntawd mus koom dua lwm pawg ntseeg uas nyob saum roob, nrog rau ntau tus txiv dawb thiab poj dawb lawm.

Kuv xav hais tias pawg ntseeg ntawd cov tswv cuab coj zoo thiab tsis khav theeb tsis muaj ntau tus sib txeeb hwj chim, ces ntshe nyob rau ntawm pawg ntseeg ntawd yuav zoo dua. Tiam sis kuj ceeb tias, txhua yam nyob rau ntawm pawg ntseeg ntawd tsuas qhuav qhawv xwb thiab. Cov ntseeg ntawd txoj kev ntseeg sov sem so xwb, lawv pheej ua txhaum, thiab twb tsis ua raws li cov kev cai li. Lawv coj tsis ncaj, pheej nthe rau tib neeg thiab muaj kev cov nyom. Cov tsis ntseeg mas niaj hnub tuaj yws txog lawv rau kuv. Lawv yog cov teeb meem uas kuv daws tsis tau. Kuv mloog zoo li sab ntsujplig qhuav qhawv xwb thiab tsis muaj ib yam dab tsi tshiab los hais thaum qhuab qhia li.

Thaum uas kuv tsis paub ua li cas, nyuaj siab, thiab tsis muaj kev pab, Txiv Plig Luv thiab Leej Tsob Hwb Zag ua tim khawv rau kuv txog Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg, hais tias tus Huab Tais Yes Xus twb rov qab los lawm. Kuv ceeb tag li thaum hnov li ntawd. Kuv tsis muaj cuab kav ntseeg qhov ntawd tag nrho, tiam sis kuv kuj tsis muaj cuab kav tsis ntseeg qhov ntawd tag nrho thiab. Kuv thiaj li xav hais tias tiam kawg twb los txog lawm yog li ntawd pawg ntseeg thiaj li tsis muaj txoj kev kaj thiab tsis muaj Leej Ntuj Plig Ntshiab tes hauj lwm. Nruab hnub peb ua txhaum, hmo ntuj ces los lees txim xwb, thiab xyaum ua tsis tau raws li Tswv Ntuj cov lus li. Kuv pheej tsis kaj siab thiab haj tseem ntshai thiab, muaj qhov ntshai hais tias tsam muaj qee yam tsis zoo tshwm sim. Kuv ntshaw hnub uas Huab Tais rov qab los los cawm peb kom dim ntawm txoj kev tsaus ntuj thiab kev nyuaj siab ntawd. Yog li ntawd thaum nkawv ua tim khawv hais tias Huab Tais Yes Xus twb rov qab los lawm, ces kuv xav kom qhov ntawd muaj tseeb nkaus xwb, tiam sis kuv ntshai ntseeg qhov ntawd tag nrho. Kuv xav paub ntxiv txog qhov Huab Tais Yes Xus rov qab no heev, yog li ntawd kuv thiaj li hais kom ob tug kwv tij ntawd qhia kuv ntxiv. Nkawv qhia ntau yam heev rau kuv thiab nyeem ib co ntawm Vajtswv Tus Uas Muaj Hwj Chim Loj Kawg Nkaus cov lus, nrog rau ib zaj lus uas raug kuv siab heev. Vajtswv Tus Uas Muaj Hwj Chim Loj Kawg Nkaus hais tias, “Tom qab Yehauvas tes hauj lwm lawm, Yexus rais los muaj cev nqaij daim tawv los ua Nws tes hauj lwm nrog tib neeg. Nws tes hauj lwm mas tsis yog muab cais ua nyob ib leeg xwb, tab sis yog tsim tsa rau saum Yehauvas tes hauj lwm. Nws yog tes hauj lwm rau ib tiam tshiab uas Vajtswv ua tom qab Nws tau muab Tiam Muaj Kev Cai xaus tseg lawm. Zoo ib yam li, tom qab Yexus tes hauj lwm xaus lawm, Vajtswv ua Nws tes hauj lwm ntxiv mus rau tiam tshiab, vim tag nrho Vajtswv txoj kev cawm tib neeg mas yeej tsuas muaj mus lawm tom ntej nkaus xwb. Thaum tiam qub dhau lawm, ib tiam tshiab yuav los hloov, thiab thaum tes hauj lwm qub raug ua tiav lawm, yuav muaj tes hauj lwm tshiab los ua ntxiv mus rau Vajtswv txoj kev cawm tib neeg. Qhov kev yug los ua neeg no yog Vajtswv qhov kev yug los ua neeg zaum ob, uas raws ntsaws Yexus tes hauj lwm. Tseeb tiag, qhov kev yug los ua neeg no mas tsis yog nws tshwm sim ua nws ib qho nkaus xwb; nws yog theem peb tom qab Tiam Muaj Kev Cai thiab Tiam Hmoov Hlub. Txhua zaum Vajtswv pib ib theem tshiab ntawm tes hauj lwm, yuav tsum muaj ib qho kev pib dua tshiab thiab nws yuav tsum coj ib tiam tshiab los. Thiab yeej muaj qhov kev hloov kom phim rau tej ntawd nyob rau hauv Vajtswv tus moj yam, nyob rau hauv tus yeeb yam ntawm Nws qhov kev ua hauj lwm, nyob rau ntawm qhov chaw ntawm Nws tes hauj lwm, thiab nyob rau hauv Nws lub npe. Yog li tos thiaj li hais tias nws yog ib qho nyuab rau tib neeg lees txais Vajtswv tes hauj lwm nyob rau hauv tiam tshiab. Tab sis tsis hais Nws txawm yuav raug tawm tsam los ntawm tib neeg zoo li cas los xij, Vajtswv yeej ib txwm ua Nws tes hauj lwm, thiab ib txwm coj tag nrho noob neej mus lawm tom ntej. Thaum Yexus los rau hauv tib neeg lub ntiaj teb no, Nws coj Tiam Hmoov Hlub los thiab muab Tiam Muaj Kev Cai xaus tseg. Nyob rau tiam kawg, Vajtswv yuav rov rais los muaj cev nqaij daim tawv ib zaug ntxiv, thiab qhov uas yug los ua neeg no ces Nws yuav muab Tiam Hmoov Hlub xaus tseg thiab coj Tiam Lub Nceeg Vaj los. Tag nrho cov uas muaj cuab kav lees txais qhov kev yug los ua neeg zaum ob ntawm Vajtswv yuav raug coj mus rau Tiam Lub Nceeg Vaj, thiab tshaj qhov ntawd ces yuav muaj cuab kav lees txais kiag Vajtswv txoj kev coj kev qhia. Txawm hais tias Yexus yeej tau ua hauj lwm ntau heev nrog tib neeg lawm, los Nws tsuas yog ua tiav qhov kev txhiv tag nrho noob neej thiab rais mus ua qhov kev theej txhoj rau tib neeg tej kev txhaum xwb; Nws tsis tau muab tag nrho tib neeg tus moj yam qias vuab tsuab tshem pov tseg. Yuav cawm tib neeg tawm tag nrho ntawm Ntxwgnyoog txoj kev haub ntxias mas tsis yog Yexus yuav tsum rais mus ua ib qho kev theej txhoj thiab ris tag nrho tib neeg tej kev txhaum nkaus xwb, tab sis Vajtswv yuav tsum tau ua tes hauj lwm loj tshaj los tshem kom tag nrho tib neeg tus moj yam qias vuab tsuab pov tseg. Thiab yog li ntawd, tam sim no tib neeg twb raug zam txim rau lawv tej kev txhaum lawm, Vajtswv tau rov los rau lub cev nqaij daim tawv los coj tib neeg mus rau tiam tshiab, thiab tau pib tes hauj lwm ntawm kev qhuab ntuas thiab kev txiav txim. Tes hauj lwm no tau coj tib neeg mus rau ib qho chaw siab dua lawm. Tag nrho cov uas zwm rau Nws txoj kev tswj fwm yuav tau txais qhov tseeb uas siab tshaj thiab tau txais koob hmoov ntau tshaj. Lawv yuav tau nyob rau hauv tus duab ci pom kev tiag tiag, thiab lawv yuav tau qhov tseeb, txoj kev, thiab txoj sia” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej). Ces nkawv qhia ntau yam ntxiv rau kuv. Kuv mam li kawm paub hais tias Vajtswv tes hauj lwm mas mus rau yav tom ntej tas li xwb, tias Huab Tais Yes Xus ua tes dej num ntawm kev txhiv dim thiab txoj kev ntseeg Huab Tais ntawd tsuas yog kom peb tej kev txhaum raug zam xwb, tiam sis qhov ntawd tseem daws tsis tau peb tus yeeb yam txhaum thiab, yog li ntawd peb thiaj li ua ib lub neej uas thaum nruab hnub ua txhaum ces hmo ntuj los lees txim xwb, thiab peb tseem raug txoj kev txhaum khi. Yuav kom cawm tau tib neeg dim ntawm txoj kev txhaum thiab Ntxwgnyoog lub hwj chim tiag tiag mas, Vajtswv yuav tsum tau ua dua theem hauj lwm, uas yog muab qhov tseeb nthuav tawm los txiav txim thiab yaug peb kom dawb huv. Qhov ntawd yog qhov daws peb tus yeeb yam txhaum thiab tus moj yam qias vuab tsuab tiag tiag kom peb thiaj li khiav dim txoj kev txhaum, raug yaug kom dawb huv, thiab tau nkag mus rau hauv Vajtswv lub nceeg vaj. Lub ntiaj teb ntawm sab kev lig kev cai ntseeg plam Leej Ntuj Plig Ntshiab tes hauj lwm los ntev lawm. Yuav kom tau txais tus Ntsujplig txoj kev coj qhia thiab kev pab ntawm qhov tseeb mas, peb yuav tsum lees txais qhov tseeb uas Vajtswv nthuav tawm nyob rau hauv Nws tes hauj lwm ntawm tiam kawg, thiab taug Nws cov hneev taw. Qhov ntawd xwb thiaj li yog tib txoj kev loj hlob nyob rau hauv lub neej. Tom qab ntawd kuv thiaj li nyeem Txoj Lus Tshwm Hauv Lub Cev Nqaij Daim Tawv ntau heev. Kuv yeej nyeem tsis txaus li—kuv lub siab cia li nyiam Vajtswv cov lus li lawm. Txhua hmo kuv nyob nyeem Vajtswv cov lus txog ntua 2 teev sawv ntxov los sis lig tshaj ntawd. Ib ntus tom qab ntawd, kuv thiaj li paub tseeb hais tias Vajtswv Tus Uas Muaj Hwj Chim Loj Kawg Nkaus yog tus Huab Tais Yes Xus uas twb rov qab los lawm ntag, ces kuv lees txais Vajtswv tes hauj lwm ntawm tiam kawg yam zoo siab heev lawm. Yog li ntawd kuv thiaj li coj cov kwv tij thiab cov muam uas qhia Vajtswv Tus Uas Muaj Hwj Chim Loj Kawg Nkaus txoj moo zoo ntawd tuaj rau hauv kuv pawg ntseeg tuaj pab coj cov ntseeg uas yog cov ntseeg tseeb los rau ntawm Vajtswv lub xub ntiag. Peb sib sau ua ke thiab nyeem Vajtswv Tus Uas Muaj Hwj Chim Loj Kawg Nkaus cov lus ua ke thiab pom txoj kev qhuab qhia tshiab txhua hnub. Mloog zoo li qhov ntawd mas txhawb zog thiab xyiv fab heev. Peb tab tom koom tus Me Nyuam Yaj rooj tshoob!

Coob tus tswv qhia thiab pov thawj ntawm cheeb tsam ntawd tau ua txhua yam los tav kuv kev. Tus xub thawj mas yog Tswv Qhia Tshaus ntag, uas yog tus hais tias, “Kuv hnov hais tias koj tau koom Qhov Xob Laim Sab Hnub Tuaj lawm. Koj tsis tham yam tseem tseem ceeb rau kuv, thiab cia li coj coob tus ntseeg nrog koj lawm. Qhov ko yog ib txoj kev ntxeev siab rau Huab Tais lawm. Thaum Nws rov qab los mas Nws yeej yuav xub qhia rau peb cov uas yog cov tswv qhia ua ntej xwb. Yog ua cas kuv thiaj li tsis paub tias Nws twb rov qab los lawm tiag tiag no mas? Cia li tso tseg es rov qab los nawb. Kuv paub hais tias koj nyob rau pem toj siab mas lub neej yeej nyuaj. Yog koj rov qab los, peb yuav saib xyuas txhua yam kev nyuaj los sis kev cheem tsum uas koj muaj.” Nws kuj hais ntau yam uas tuam mom thiab teem txim rau Vajtswv Tus Uas Muaj Hwj Chim Loj Kawg Nkaus thiab. Kuv tsuas ceeb tag li xwb. Nws yog ib tug tswv qhia, thiab tau hais ntau zaus hais tias Huab Tais yuav rov qab los sai sai no, yog li ntawd peb yuav tsum coj cov ntseeg los thov Tswv Ntuj thiab ceev faj zov txais tos Huab Tais, tiam sis tam sim no uas Huab Tais twb rov qab los lawm, nws tsis muaj txoj kev npaj siab uas yuav nhriav, thiab haj tseem hais lus tuam mom thiab teem txim rau xwb. Nws tsis yog ib tug ntseeg tseeb kiag li. Kuv pheej tshaj tawm txoj moo zoo, uas nws tsis cuam tshuam li.

Ces Tswv Qhia Vaj txawm nrog lwm tus tuaj hais rau kuv, lawv sawv daws puav leej luag ntxhi hais tias, “Tswv Qhia Tshaus hais kom kuv tuaj hais koj mus ntsib nws tom tsev no. Nws txhawj xeeb txog koj txoj kev noj qab nyob zoo heev li, ntshai tsam koj yuav taug txoj kev tsis yog!” Kuv meem txom heev thaum hnov nws hais li ntawd. Lawv tsis quav ntsej txog qhov cov ntseeg raug kev nyuaj siab li, tiam sis lawv txhua tus puav leej npaj hais txog kuv txoj kev ntseeg Vajtswv Tus Uas Muaj Hwj Chim Loj Kawg Nkaus xwb. Qhov no yog ib qho kev ua tib zoo ua kom kuv tsis txhob lees txais Vajtswv tes hauj lwm ntawm tiam kawg xwb. Kuv thiaj li hais rau nws hais tias, “Nej txhua tus puav leej npaj siab muab kuv tshem tawm ntawm kuv txoj kev ntseeg xwb. Ntau pawg ntseeg nyob ntsiag to lawm xwb, tsis muaj Leej Ntuj Plig Ntshiab tes hauj lwm los tau ntau xyoo lawm. Cov kwv tij thiab cov muam txoj kev ntseeg tsuag zuj zus lawm thiab lawv nyob rau ntawm lub voj voog uas ua txhaum tag ces lees txim xwb. Kuv twb lees txim rau Tswv Ntuj lawm tiam sis tseem raug kev txhaum khi, thiab kuv mob siab heev li. Kuv kawm paub los ntawm Vajtswv Tus Uas Muaj Hwj Chim Loj Kawg Nkaus cov lus los hais tias peb txoj kev ntseeg Huab Tais tsuas yog zam tej kev txhaum xwb, tiam sis tsis yog kev ua kom dawb huv. Yog daws tsis tau peb tus yeeb yam txhaum, ces peb yeej yuav khiav tsis dim qhov kev txhaum khi ntawd li. Huab Tais twb rov qab los nyob rau tiam kawg lawm, tab tom nthuav tawm qhov tseeb thiab ua tes hauj lwm txiav txim los daws lub hauv paus keeb cag ntawm tib neeg ntiaj teb txoj kev txhaum, kom peb thiaj li dim ntawm txoj kev txhaum. Vajtswv Tus Uas Muaj Hwj Chim Loj Kawg Nkaus cov lus qhia kuv txog txoj kev raug ntxuav kom dawb huv thiab raug cawm dim tiag tiag, thiab tom qab tshawb xyuas txoj kev ntawd lawm, kuv paub tseeb hais tias Vajtswv Tus Uas Muaj Hwj Chim Loj Kawg Nkaus yog tus Huab Tais uas twb rov qab los lawm. Kuv yuav tsis tso kuv txoj kev ntseeg tseg txawm koj yuav hais li cas los xij.” Ces Tswv Qhia Vaj txawm hais tias, “Yeej muaj tseeb tias pawg ntseeg tsis muaj Leej Ntuj Plig Ntshiab tes hauj lwm thiab qhov Huab Tais nrog pawg ntseeg nyob, tiam sis qhov ntawd tsuas yog ib ntus, thiab yog Huab Tais sim peb xwb. Tsuav peb nyob khov kho mus kom txog thaum kawg xwb, ces peb yeej yuav pom txoj kev rov loj hlob tuaj ntawm pawg ntseeg xwb. Yog koj coj txhua tus mus rau hauv Qhov Xob Laim Sab Hnub Tuaj lawm, ces pawg ntseeg yuav tsis muaj leej twg lawm, yog li peb yuav rov loj hlob tuaj tau li cas? Huab Tais tab tom yuav rov qab los, tiam sis Nws tseem tsis tau los. Koj xav hais tias Nws yuav tsis qhia rau tus Vaj Qhia thaum Nws rov qab los kiag li no lod? Huab Tais twb muab tus yuam sij qhib lub ceeb tsheej rau Petus lawm, ces Petus muab tus yuam sij ntawd rau tus Vaj Qhia uas hloov Petus chaw lawm. Nyob rau hauv Txoj Kev Ntseeg Kav Tos Liv mas, tus Vaj Qhia yog tus loj tshaj plaws, hos cov tswv qhia ntawm cov ntseeg mas qis dua. Tag nrho cov thawj coj uas yog tswv cuab no puas leej yog Tswv Ntuj tsa, yog li ntawd yog Huab Tais twb rov qab los lawm ces Nws yeej yuav qhia peb ua ntej xwb. Vim tus Vaj Qhia thiab cov tswv qhia twb tsis tau hnov txog qhov Huab Tais rov qab los ntawd li, ces qhov xov xwm no yeej yog cuav xwb. Yog koj mus rau Qhov Xob Laim Sab Hnub Tuaj yam tus Vaj Qhia thiab cov tswv qhia tsis pom zoo, qhov ntawd tsis yog txoj kev tso kev ntseeg tseg lod?” Kuv txeev xav li ntawd thiab, tiam sis kuv nug txog qhov ntawd tseeb tseeb thaum kuv tshawb xyuas Vajtswv Tus Uas Muaj Hwj Chim Loj Kawg Nkaus tes hauj lwm. Tswv Qhia Vaj hais tias Huab Tais yuav qhia qhov Nws rov qab los ntawd rau lawv ua ntej tso, tiam sis kuv paub hais tias Huab Tais Yes Xus yeej tsis hais li ntawd li, thiab qhov ntawd tsis muaj nyob rau hauv phau Vajluskub. Yuav kom txais tos tau qhov Nws rov qab los ntawd mas, peb yuav tsum tau saib Huab Tais tus kheej cov lus. Huab Tais hais tias, “Saib nawb, Kuv sawv ntawm qhov rooj khob. Yog ib tug neeg twg hnov Kuv lub suab es qhib qhov rooj rau Kuv, ces Kuv yuav los rau nws thiab yuav nrog nws noj mov ua ke, thiab nws nrog Kuv noj ua ke” (Qhib Yav Tom Ntej 3:20). “Kuv tseem muaj ntau yam yuav hais rau nej: tiam sis tam sim no nej ris tsis taus tej ntawd. Tiam sis thaum Nws, tus Ntsujplig ntawm qhov tseeb, los txog lawm, Nws yuav qhia qhov tseeb rau nej txhua tus” (Lub Moo Zoo Raws Li Zam 16:12–13). Tswv Ntuj cov lus mas yeej meej heev lawm. Nws yuav hais lus kom ntau ntxiv thiab qhia peb txog qhov tseeb thaum Nws los, thiab tsuas yog peb hnov Nws lub suab thiab lees txais qhov tseeb ntawm Tswv Ntuj xwb mas peb thiaj li txais tos tau Huab Tais. Huab Tais Yes Xus hais tias, “Kuv cov yaj yeej mloog Kuv lub suab: thiab Kuv paub cov yaj ntawd, thiab cov yaj ntawd caum raws Kuv qab” (Lub Moo Zoo Raws Li Zam 10:27). Cov ntseeg zoo li Petus thiab Mathai uas raws Huab Tais qab ntawd txhua tus puav leej mloog tej uas Nws qhuab qhia thiab tsuas yog thaum ntawd xwb lawv thiaj li paub hais tias Nws yog tus Mexiyas uas lawv tos ntsoov. Thiab Huab Tais txiav txim siab seb peb puas yog ib feem ntawm Nws pab yaj raws li qhov seb peb puas hnov Nws lub suab xwb. Vim li ntawd qhov tseem ceeb uas los tshuaj xyuas txoj kev tseeb ces yog los mloog Huab Tais lub suab thiab siv lub suab ntawd los zeem thiab lees txais Nws xwb. Qhov ntawd thiaj li tsuas yog tib qho uas peb ua xwb. Thiab nws hais nyob rau hauv Qhia Tshwm ntau zaus hais tias, “Tus uas muaj pob ntseg cia li mloog yam uas Leej Ntuj Plig Ntshiab hais rau cov pawg ntseeg nawb” (Qhib Yav Tom Ntej Tshooj 2, 3). Huab Tais yuav tsis qhia qhov Nws rov qab los ntawd rau cov thawj coj thiab cov tswv qhia ntawm sab kev lis kev cai ntseeg ua ntej thaum Nws los nyob rau tiam kawg, tiam sis Nws hais ncaj qha rau cov pawg ntseeg, kom lawv hnov Nws lub suab. Vajtswv Tus Uas Muaj Hwj Chim Loj Kawg Nkaus tau nthuav tawm ntau qhov tseeb, nthuav ntau lo lus zais tob ntawm phau Vajluskub tawm lawm. Qhov no muaj tiav raws li qee yam uas Huab Tais Yes Xus tau hais lawm tias: “Thaum Nws, tus Ntsujplig ntawm qhov tseeb, los txog lawm, Nws yuav qhia qhov tseeb rau nej txhua tus. Vim Nws yuav tsis hais txog Nws Tus Kheej xwb; tiam sis tej uas Nws hnov, Nws yuav hais, thiab tej uas yuav los, Nws yuav qhia rau nej” (Lub Moo Zoo Raws Li Zam 16:13). Huab Tais cov lus yeej hais meej lawm tias cov uas hnov Nws lub suab thiab caum Nws qab ntawd thiaj li yog Nws cov yaj, thiab lawv tsuas yog cov uas thiaj li tuaj yeem txais tos Huab Tais xwb. Yog li ntawd kuv thiaj li teb Tswv Qhia Vaj hais tias, “Koj hais tias tus Vaj Qhia thiab cov tswv qhia yuav tsum paub ua ntej txog qhov Huab Tais rov qab los, tiam sis qhov no puas yog raws li Huab Tais txoj lus? Huab Tais Yes Xus yeej tsis tau hais ib yam dab tsi zoo li ntawd li, thiab Leej Txiv Tswv Ntuj los sis Leej Ntuj Plig Ntshiab yeej tsis hais li thiab. Tsis muaj ib yam dab tsi zoo li ntawd teev tseg nyob rau hauv phau Vajluskub li. Yog li ntawd qhov koj tab tom hais no tsis yog noob neej txoj kev xav phem xwb lod? Yuav kom txais tos tau Huab Tais mas, peb yuav tsum ua raws li Huab Tais kheej cov lus, tsis yog ua raws li peb tej kev xav phem thiab tej kev xav hauv nruab siab. Muaj teev tseg nyob rau hauv phau Vajluskub Qub hais tias tus me tub Xamuyee ua dej num rau Yaves uas Eli ua tus saib xyuas. Raws li noob neej tej kev xav phem mas, Yaves tsim nyog qhia rau Eli ua ntej tso, tiam sis qhov ntawd tsis yog qhov Yaves ua. Nws hu tus me tub Xamusyee ntawd plaub zaug los qhia Nws lub siab nyiam rau tus me nyuam tub Xamuyee ntawd. Thiab thaum Huab Tais Yes Xus los, tsis yog qhia rau cov pov thawj hlob thiab cov xib fwb uas qhia Vajtswv txoj lus hos, Nws ho tshwm los rau cov neeg yug yaj pom thiab qhia lawv txog qhov tus Huab Tais Yes Xus los yug. Pom tseeb tseeb lawm hais tias Huab Tais tsis ua hauj lwm raws li tib neeg tej kev xav phem. Txawm ib tug tib neeg twg yuav yog ib tug ntseeg los ntev npaum li cas lawm los sis lawv lub meej mom yuav yog dab tsi los xij, tsuav lawv txaus siab hlo tso lawv tej kev xav phem tseg, txo hwj chim nrhiav, thiab mloog Vajtswv lub suab xwb, mas lawv thiaj li yuav pom Vajtswv qhov kev tshwm sim. Huab Tais twb los rau tiam kawg lawm, tab tom nthuav qhov tseeb, tab tom ua tes dej num ntawm kev txiav txim. Nws tsis tas yuav tos leej twg tej tswv yim los sis qhia rau ib tug tib neeg tshwj xeeb twg li. Qhov no yog Vajtswv tus kheej tes hauj lwm uas tsis muaj tib neeg tuaj yeem cuam tshuam tau li. Tus uas ntxeev siab ces tsuas ua txhaum rau Vajtswv tus moj yam nkaus xwb, zoo ib yam nkaus li cov xib fwb uas qhia Vajtswv txoj lus thiab cov Falixais uas tuav rawv rau lawv tus kheej tej kev xav phem uas tawm tsam Huab Tais Yes Xus thiab muab Nws ntsia rau saum tus ntoo khaub lig xwb. Lawv ua txhaum loj heev thiaj li raug Vajtswv teem txim thiab rau txim. Qhov ntawd tsis yog ib qho kev qhia iab iab uas tsim nyog peb tig xav txog lod?”

Nws tsuas hais yam npau taws heev hais tias, “Koj tsis paub cai li, tseem muaj cuab kav tawm tsam tus Vaj Qhia thiab! Koj puas paub hais tias, Txiv Plig Luv, raug ncaws tawm ntawm pawg ntseeg mus lawm tom qab mus koom Qhov Xob Laim Sab Hnub Tuaj no. Cov tswv cuab ntawm pawg ntseeg tsis kam txais yuav nws thiab tab txawm nws tsev neeg los tawm tsam qhov ntawd thiab. Nws tso txoj kev ua pov thawj tseg, thiab muab nyiaj muab tsheb tso tseg. Koj tsis xav tias qhov ntawd yog ib qho teeb meem no lod?” Hais tias Pawg Ntseeg Kav Tos Liv ntawd yeej tsis muaj Leej Ntuj Plig Ntshiab tes hauj lwm li, thiab tus tswv qhia ntawd mas muaj nyiaj, muaj meej mom, thiab muaj kev zoo siab nyob rau ntawm nws lub ntsis nplaig, zoo nkaus li tus tsis ntseeg xwb. Qhov ntawd ua dej num rau Vajtswv tau li cas? Ces yog li ntawd, txawm lawv yuav ua txhua yam los tav kuv kev los xij, kuv txiav txim siab los raws Vajtswv Tus Uas Muaj Hwj Chim Loj Kawg Nkaus qab. Kuv thiaj li hais tias, “Phau Vajluskub hais tias, ‘Peb yuav tsum mloog Tswv Ntuj lus, dua li mloog tib neeg lus’ (Hauj Lwm 5:29). Kuv tsuas ua raws li Tswv Ntuj cov lus xwb, tsis ua raws li tib neeg cov lus. Koj tso qhov kev xav ko tseg thiab tsis txhob tawm tswv yim rau kuv lawm los tau lawm.” Nws tawm mus yam npau taws heev thaum nws pom hais tias kuv tsis mloog nws hais.

Tom qab ntawd, Tswv Qhia Tshaus thiab Tswv Qhia Vaj pheej tuaj tav kuv kev tas li. Nkawv hais tias, “Txiv Plig Vej, koj cia li tsis paub qab hau lawm tsis tau! Yav tas los, vim qhov pab koj kom tau los ua ib tug pov thawj, cov tswv qhia thiab lwm tus pov thawj thiaj li yeem raug kaw los tiv thaiv koj, tiv kev txom nyem loj heev los pab koj thaum cob qhia koj tau li 10 xyoo kom koj qhuab qhia tau. Peb twb muab zaub mov thiab dej haus rau koj lawm. Koj niam koj txiv siv zog ua hauj lwm heev kom koj thiaj li tau koj ua pov thawj sai, tiam sis koj muab nkawv pov rau tom ntug kev vim Qhov Xob Laim Sab Hnub Tuaj ntawd. Koj puas tseem tuaj yeem fim cov tswv qhia thiab cov pov thawj mas? Koj puas tseem tuaj yeem fim koj niam koj txiv mas? Tso txoj kev ntseeg no tseg es rov qab los nrog peb. Peb tos ntsoov koj xwb.” Kuv ntxhov siab thaum nkawv hais tej ntawd. Kuv xav txog txhua lub xyoo uas cov tswv qhia saib xyuas kuv ntawd—lawv yeej ua ntau yam heev li lawm. Cov tub ceev xwm taug kuv qab tau ntau xyoo thiab cov tswv qhia npaj txhua yam txawj xav heev rau kuv, kom kuv muaj kev nyab xeeb. Kuv tsev neeg txom nyem thiab cov tswv qhia ntawd saib xyuas kuv. Kuv ntshai tsam nws yog qhov uas kuv tsis paub qab hau yog kuv tsis mloog nkawv hais. Tiam sis kuv paub hais tias Vajtswv Tus Uas Muaj Hwj Chim Loj Kawg Nkaus yog Huab Tais Yes Xus uas twb rov qab los lawm thiab kuv tig kuv lub nraub qaum rau Nws tsis tau. Yog li ntawd kuv thiaj li thov Vajtswv hais tias: “Au Vajtswv, kuv qaug zog. Thov pub kom kuv muaj kev ntseeg thiab lub zog kom kuv tsis txhob raug tej kev haub ntxias sab nraud ntxias tau. Kuv xav raws Koj qab kom mus txog thaum kawg.” Tom qab ntawd kuv thiaj li nthuav Txoj Lus Tshwm Hauv Lub Cev Nqaij Daim Tawv ces txawm pom zaj lus no: “Txij thaum koj yug quaj quaj los rau hauv lub ntiaj teb no, koj pib ua koj tes num kom tiav. Vim Vajtswv txoj kev npaj thiab Nws txoj kev tsa, koj ua koj lub luag hauj lwm thiab pib koj lub neej mus. Txawm koj yav tag los zoo li cas, thiab txawm koj txoj kev mus tom ntej zoo li cas los, yeej tsis muaj ib tug twg muaj cuab kav khiav dhau tej kev coj kev taw qhia thiab tej kev npaj ntawm Ntuj Ceeb Tsheej, thiab tsis muaj ib tug twg tswj tau lawv tus kheej txoj hmoo, rau qhov tsuas yog Nws uas yog tus kav tag nrho txhua yam xwb mas thiaj muaj peev xwm ua tau tes hauj lwm ntawd. Txij hnub muaj tib neeg tshwm sim los, Vajtswv yeej ua hauj lwm los lawm, tswj lub qab ntuj khwb, taw tej cai uas pauv mus los rau txhua yam thiab txoj kab ntawm lawv txoj kev txav mus los. Zoo ib yam li txhua yam, Vajtswv siv tej khoom qab zib thiab nag thiab lwg pub rau tib neeg tau noj yam ntsiag to uas tib neeg tsis paub txog; zoo ib yam li txhua yam, tib neeg ua neej nyob rau hauv qab txoj kev kev coj kev taw qhia ntawm Vajtswv txhais tes yam tib neeg tsis paub txog li” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Yog lub Hauv Paus ntawm Tib Neeg Txoj Sia). Kuv kuj nco tau tias Huab Tais Yes Xus hais tias: “Saib tej noog saum nruab ntug nawb, lawv tsis cog, thiab lawv tsis sau, los sis sau los rau hauv txhab li: tiam sis nej Leej Txiv saum ntuj ceeb tsheej pub rau lawv noj. Nej tsis muaj nqis tshaj cov noog ntawd lod?” (Lub Moo Zoo Raws Li Mas Tais 6:26). Vajtswv saib xyuas tej noog saum nruab ntug—tsuas xav txog noob neej xwb! Vajtswv tsim kuv, thiab Nws muab kuv txoj sia rau kuv. Kuv tej zaub mov, kuv tej khaub ncaws puav leej yog Vajtswv muab rau kuv. Qhov tus tswv qhia ntawd saib xyuas kuv yog vim Vajtswv tej kev npaj xwb, thiab lub hwv tsam uas kuv tau los ua dej num rau Vajtswv li ib tug pov thawj ntawd los kuj yog Nws txiav txim siab thiab, thiab qhov ntawd yog Nws txoj kev hlub. Vajtswv yog Tus uas tsim nyog kuv ua tsaug. Yog kuv ntxeev siab rau Vajtswv los pauj ib tug tib neeg txoj kev siab zoo xwb, ces qhov ntawd yuav yog qhov tsis paub qab hau kiag li! Cov tswv qhia thiab cov pov thawj ntawd los kuj khib thiab ntshaw lub hwj chim, ntshaw tej uas muaj txiaj ntsim ntawm lub meej mom thiab. Huab Tais twb rov qab los lawm, thiab tsis yog lawv tsis kam tshawb xyuas qhov ntawd xwb, tiam sis lawv pheej tsis pub lwm tus raws Vajtswv qab, haj tseem tshaj tawm tej lus dag thiab hais lus tuam mom thiab. Qhov ntawd tsis yog txhob txwm ua phem lod? Txawm ntxim zoo li lawv zoo heev los xij, lawv yeej tsis sim mus coj tib neeg los rau ntawm Huab Tais lub xub ntiag, mus pab lawv kom paub Huab Tais kom tau txais qhov tseeb thiab txoj sia los ntawm Nws los li. Qhov ntawd yog mus coj tib neeg los rau ntawm lawv tus kheej lub xub ntiag, mus ua kom tib neeg qhuas thiab raws lawv qab, uas muab tib neeg thawb kom deb ntawm Huab Tais mus zuj zus xwb. Qhov ntawd ua rau kuv nco txog qee yam uas Huab Tais hais rau cov Falixais hais tias: “Cov uas yog xib fwb qhia Tswv Ntuj txoj kev cai thiab cov Falixais uas ntsej muag ncaj siab nkhaus, nej yuav raug kev puas tsuaj lau; vim nej kaw lub ceeb tsheej saum ntuj ceeb tsheej rau tib neeg, rau qhov nej tus kheej tsis nkag mus rau hauv; thiab cov uas yuav mus rau hauv, nej tsis pub nkag mus. Cov uas yog xib fwb qhia Tswv Ntuj txoj kev cai thiab cov Falixais uas ntsej muag ncaj siab nkhaus, nej yuav raug kev puas tsuaj lau: vim nej txeeb cov poj ntsuam tej vaj tse, thov Tswv Ntuj ntev ntev. Vim qhov no nej yuav tau txais txoj kev txiav txim loj dua” (Lub Moo Zoo Raws Li Mas Tais 23:13–14). Cov tswv qhia thiab cov pov thawj tuav txhua tus ruaj heev rau hauv lawv lub hwj chim, thiab tsis pub tib neeg txais tos qhov Huab Tais rov qab los. Qhov ntawd txawv ntawm cov xib fwb uas qhia Vajtswv txoj lus thiab cov Falixais li cas? Lawv tsis yog cov tub qhe phem uas Vajtswv tes hauj lwm ntawm tiam kawg muab nthuav tawm lod? Qhov xav txog lawv ntawd mas ntshe yuav yog ib qho kev ntxeev siab rau Huab Tais tiag tiag!

Tom qab ntawd, thaum cov thawj coj uas nyob rau lwm lub xeev paub txog kuv txoj kev ntseeg Vajtswv Tus Uas Muaj Hwj Chim Loj Kawg Nkaus lawm, lawv txawm pib tab kaum, thiab tawm tsam kuv. Lawv muaj tej lus yws, kev tawm tsam, thiab kev teem txim puv npo, hais tias kuv txoj kev ntseeg yog ib txoj kev ntxeev siab rau Huab Tais, tias kuv yog ib tug neeg ntxeev siab thiab tsim nyog raug teem txim. Qhov phem tshaj plaws mas yog qhov hais tias lawv tsim txhua yam thiab muab tej uas muaj tseeb ntxeev los hais lus phem rau Pawg Ntseeg ntawm Vajtswv Tus Uas Muaj Hwj Chim Loj Kawg Nkaus thiab hais lus tuam mom Vajtswv Tus Uas Muaj Hwj Chim Loj Kawg Nkaus. Yuav luag tsis muaj leej twg yuav cia li ua siab txias txias mloog kuv hais li. Kuv chim heev. Kuv thiaj li xav hais tias, yog ua li cas es cov tib neeg no, hais tias ua hauj lwm rau Vajtswv, ho ua li ntawd ne? Txhua yam uas tawm hauv lawv lub qhov ncauj tuaj mas yog kev teem txim thiab kev hais lus tuam mom nkaus xwb, yog li ntawd Vajtswv thiaj li ntxub heev. Tau li ib ntus lawm, los qhov ntawd mloog zoo li qee yam uas khi kuv lub siab ruaj heev, es kuv thiaj li tsis muaj kev kaj siab li. Kuv paub hais tias qhov lawv teem txim thiab tsis kam txais yuav kuv li ntawd mas, lawv cov ntseeg yeej yuav coj rau kuv zoo tib yam nkaus li ntawd xwb xwb li, yog li ntawd tej zaum lawv yeej yuav nto qob ncaug rau kuv txhua qhov chaw uas kuv mus li. Qhov no mas ua rau kuv mob siab thiab tag kev cia siab heev. Kuv nco txog qhov Huab Tais hais tias: “Thaum lawv cem nej, thiab tsim txom nej, thiab hais lus phem rau nej yam tsis muaj tseeb yog vim Kuv, ces nej twb tau koob hmoov lawm” (Lub Moo Zoo Raws Li Mas Tais 5:11). Vajtswv los ua cev nqaij daim tawv thiab los rau hauv lub ntiaj teb los cawm tib neeg ntiaj teb, thiab raug lub ntiaj teb ntawm sab kev lis kev cai ntseeg tsim txom. Tib neeg mas siab phem heev, phem heev rau Vajtswv, thiab peb cov uas raws Vajtswv qab los yeej yuav raug hom lus phem zoo li no thiab, tiam sis qhov txom nyem txhawm rau txoj kev ncaj ncees ntawd mas yuav tau koob hmoov thiab muaj qab hau heev. Thaum xav li ntawd lawm, kuv thiaj li tsis txhawj txog lwm tus tib neeg txoj kev teem txim thiab kev tsis kam txais yuav lawm. Tej zaum lawv yuav saib kuv zoo li ntawd, tiam sis qhov muaj lub hwv tsam los txais tos Huab Tais, nyeem Vajtswv cov lus thiab txais Nws txoj kev pab ntawd mas yog txoj koob hmoov uas loj kawg nkaus li. Vajtswv yog txhua yam rau kuv, thiab qhov muaj Nws ces yog qhov muaj txhua yam lawm. Qhov no nplij tau kuv lub siab thiab ua rau kuv muaj kev kaj siab heev. Nyob rau hauv kuv pawg ntseeg qub mas, tsis muaj kev txhawb kuv ntawm sab ntsujplig li, tiam sis tsuas ua neej nyob rau hauv txoj kev tsaus ntuj xwb. Tiam sis qhov raws Vajtswv Tus Uas Muaj Hwj Chim Loj Kawg Nkaus qab ntawd, mas muaj qhov tseeb txhawb kuv thiab kuv tuaj yeem pom txoj kev cawm dim nyob puag tim npoo ntuj. Qhov ntawd mas zoo li tuag lawm es sawv rov qab los ntag. Kuv nrhiav tau txoj kev uas tau txoj sia ntev dhawv mus ib txhis lawm, ces txawm cov thawj coj Kav Tos Liv yuav txiav txim thiab teem txim rau kuv npaum li cas los xij, kuv yuav raws Vajtswv Tus Uas Muaj Hwj Chim Loj Kawg Nkaus qab. Tom qab ntawd kuv txawm nyeem zaj lus ntawm Vajtswv Tus Uas Muaj Hwj Chim Loj Kawg Nkaus cov lus no. “Nyob rau txhua kauj ruam ntawm tes dej num uas Vajtswv ua rau hauv tib neeg, sab nraud ces nws tshwm muaj kev sib tshuam mus los ntawm tib neeg, li uas yog yug ntawm tib neeg tej kev npaj los sis los ntawm tib neeg txoj kev sib cuam tshuam. Tab sis nyob rau tom qab, txhua kauj ruam ntawm tes dej num, thiab txhua yam uas tshwm sim, yog ib lo lus twv los ntawm Ntxwgnyoog rau ntawm Vajtswv xub ntiag, thiab cheem tsum tib neeg tuav lawv tej lus tim khawv khov kho rau Vajtswv. Muab thaum Yauj raug sim coj los ua piv txwv: Nyob rau tom qab, Ntxwgnyoog muaj ib qho lus twv nrog Vajtswv, thiab yam uas muaj tshwm sim rau Yauj yog tej kev ua ntawm tib neeg thiab kev sib cuam tshuam ntawm tib neeg. Nyob rau tom qab txhua kauj ruam ntawm tes dej num uas Vajtswv ua rau hauv nej yog Ntxwgnyoog lo lus twv nrog Vajtswv—nyob rau tom qab nws yog ib ntsug rog” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Txoj Kev Hlub Vajtswv Xwb Thiaj Yog Txoj Kev Ntseeg Vajtswv Tiag). Qhov nyeem qhov no pab kuv pom hais tias qhov lawv tawm tsam kuv ntawd yog ib feem ntawm ntsug rog ntawm sab ntsujplig thiab yog ib qho kev sim kuv uas loj heev. Lawv siv nyiaj txiag, hwj chim, thiab lub meej mom los sim kuv siab kom ntxeev siab rau Vajtswv, thiab lawv npau taws heev rau kuv thaum lawv tsis tau li qhov lawv xav tau. Lawv xav quab yuam kuv kom tso kuv txoj kev ntseeg Vajtswv Tus Uas Muaj Hwj Chim Loj Kawg Nkaus tseg. Ua txhua yam kom kuv tsis txhob raws Vajtswv qab thiab lees txais Nws txoj kev cawm dim, lawv mas ua Ntxwgnyoog txoj hauj lwm lawm tiag tiag li. Kuv tsis tuaj yeem poob rau Ntxwgnyoog tej tswv yim dag. Cov thawj coj yim txiav txim thiab teem txim rau kuv, ces kuv yim pom qhov tseeb uas lawv ntxub qhov tseeb thiab tawm tsam Vajtswv npaum li cas xwb. Lawv yeej tsis muaj ib tug twg nrhiav los sis ntshaw Vajtswv qhov kev tshwm sim, los sis txais tos qhov Huab Tais rov qab los li. Lawv puav leej yog cov tsis ntseeg, yog cov Falixais niaj hnub no uas ua hauj lwm tawm tsam Vajtswv.

Kuv ceeb tag li uas muaj ib tag kis thaum tseem ntxov ntxov, uas ntuj sib faib sia ntawd, thaum kuv nyob rau hauv pawg ntseeg thov Vajtswv nrog cov txiv dawb thiab poj dawb uas nyuam qhuav lees txais Vajtswv Tus Uas Muaj Hwj Chim Loj Kawg Nkaus, ces Txiv plig Vaj thiab Lis nkawv txawm nrog ib co ntseeg uas tsis mob siab ntseeg tuaj, tej zaum li 70 leej los sis tshaj ntawd, ces lawv sawv daws cia li tsoo nkag los rau hauv pawg ntseeg lub qab khav. Lawv lub ntsej muag mas txaus ntshai tiag tiag li, thiab kuv xav hais tias lawv nyiam ua nruj ua tsiv kom cov kwv tij thiab cov muam tsis txhob nrhiav txoj kev tseeb. Kuv me ntsis ntshai ces thiaj li thov Vajtswv ceev ceev hais tias, “Vajtswv! Kuv lub siab me heev, thov pub kom kuv muaj kev ntseeg thiab lub zog kom kuv tsis txhob nyo hau rau cov hwj chim phem ntawm sab kev lis kev cai ntseeg no.” Kuv siab nqig me ntsis lawm tom qab thov Vajtswv, tsis tshua ntshai lawm. Kuv ua siab txias txias mus cuag lawv thiab hais tias, “Txiv Plig Vaj, Txiv Plig Lis, vim li cas neb thiaj li coj tag nrho cov tib neeg no tuaj rau ntawm no?” Txiv Plig Vaj thiaj li hais rau kuv hais tias, “Koj tau lees txais Qhov Xob Laim Sab Hnub Tuaj lawm, thiab phem tshaj ntawd, koj kuj coj cov ntseeg mus koom lawm thiab. Qhov txais tos qhov Huab Tais rov qab los ntawd mas yog ib qho teeb meem loj heev, tiam sis koj mus rau Qhov Xob Laim Sab Hnub Tuaj yam ntsiag to tsis qhia rau peb li. Koj ntxeev siab lawm! Koj hnov qab Huab Tais tus kheej cov lus lawm lod? Vajluskub hais tias, ‘Ces yog muaj ib tug neeg twg hais rau nej hais tias: Leej Npleev nyob ntawm no, los sis nyob tod, tsis txhob ntseeg tus ntawd. Vim yeej yuav muaj cov Leej Pleev cuav thiab cov yaj saub cuav tshwm tuaj, thiab yuav ua tej txuj ci tseem ceeb thiab tej txuj ci phim hwj ntau heev los dag (seb dag puas tau) cov xaiv tseg’ (Lub Moo Zoo Raws Li Mas Tais 24:23–24). Yog li ntawd txhua qhov xov xwm uas hais txog qhov Huab Tais rov qab los yug ua neeg zaum ob ntawd yog cuav xwb. Koj raug dag thiab koj tau ntxeev siab rau Huab Tais lawm, yog li ntawd tsuas muab ib lub hwv tsam rau koj ua zaum kawg lawm xwb. Tso Qhov Xob Laim Sab Hnub Tuaj Tseg thiab coj lwm tus rov qab los rau hauv pab pawg, mas koj thiaj li tseem yuav tau ua ib tug pov thawj li qub.” Kuv hais khov heev hais tias, “Txiv Plig Vaj, koj ua tau raws li koj xav tau rau kuv, tiam sis qhov tsis pub tib neeg tshuaj xyuas txoj kev tseeb, tsis pub hnov Tswv Ntuj lub suab thiab txais tos qhov Huab Tais rov qab los ntawd mas yeej lees txais tsis tau kiag li. Muaj tseeb hais tias yeej muaj cov Khetos cuav thiab cov cev Vajtswv lus cuav nyob rau tiam kawg, tiam sis Huab Tais Yes Xus hais tias Nws yeej yuav rov qab los xwb xwb li no laiv. Peb cia li txais tos tsis tau qhov Huab Tais tus kheej rov qab los ntawd vim ntshai cov Khetos cuav xwb tsis tau. Qhov ntawd tsis yog koj rov ua rau mob koj tus kheej xwb lod? Huab Tais Yes Xus qhia kom peb yuav tsum ceev faj cov Khetos cuav vim lawv nthuav tawm tsis tau qhov tseeb, tiam sis tsuas ua tej txuj ci thiab tej yam uas phim phim hwj los dag tib neeg xwb. Tsuas yog tus Khetos ntawm lub cev nqaij daim tawv xwb thiaj li nthuav tawm tau qhov tseeb, muab tau txoj sia rau tib neeg, thiab taw peb mus rau txoj kev cawm dim, mus rau hauv Vajtswv lub nceeg vaj. Khetos yog Vajtswv tus Ntsujplig uas nyob rau hauv lub cev nqaij daim tawv thiab Nws muaj lub ntsiab tseeb uas muaj hwj chim qaum ntuj, yog li ntawd tsuas yog Nws xwb thiaj li nthuav tau qhov tseeb tawm los txhawb thiab saib xyuas noob neej, tsuas yog Nws xwb thiaj li nthuav tau Vajtswv tus moj yam tawm thiab ua tau tes dej num ntawm kev txhiv dim tiav log thiab cawm tau tib neeg dim. Tsis muaj ib tug noob neej twg ua tau li ntawd, thiab tsis muaj ib tug noob neej twg xyaum ua tau li ntawd li. Vajtswv Tus Uas Muaj Hwj Chim Loj Kawg Nkaus tau tshwm los thiab tab tom ua hauj lwm nyob rau tiam kawg, muab tej lus zais tob uas nyob rau hauv Vajtswv txoj kev npaj cawm tib neeg 6,000 xyoo thiab tej kev yug los ua neeg ntawd nthuav tawm, muab txhua qhov tseeb uas ntxuav tib neeg ntiaj teb kom dawb huv thiab cawm tib neeg ntiaj teb kom dim tiag tiag ntawd nthuav tawm. Tsuas yog Vajtswv Tus Kheej xwb thiaj li ua tau txhua yam hauj lwm no. Dhau ntawm Vajtswv lawm, puas muaj leej twg uas nthuav tawm tau qhov tseeb? Leej twg thiaj li nthuav tawm tau tes dej num ntawm kev txiav txim nyob rau tiam kawg? Leej twg thiaj li ntxuav tau tib neeg ntiaj teb kom dawb huv thiab cawm tau tib neeg ntiaj teb dim tiag tiag? Yeej tsis muaj ib tug tib neeg twg li. Vajtswv Tus Uas Muaj Hwj Chim Loj Kawg Nkaus nthuav tawm ntau qhov tseeb heev ua pov thawj qhia tau tag nrho hais tias Nws yog Huab Tais Yes Xus uas twb rov qab los lawm, tias Nws yog tus Khetos ntawm tiam kawg ntag.”

Txiv Plig Vaj hais ua qhov muag hlaws hlo hais tias, “Peb tsis quav ntsej hais tias koj yuav hais yog npaum li cas li! Koj tsis xav tig rov qab los, thiab txiav txim siab tuag nthi rau Qhov Xob Laim Sab Hnub Tuaj lawm. Cov tswv qhia tau hais rau peb kom tuaj ceeb toom rau koj kom cia li tso tseg thiab muab Qhov Xob Laim Sab Hnub Tuaj cov ntawv ntawd cob rau lawv tam sid.” Ces Txiv Plig Lis taw tes rau kuv thiab hais tias, “Cia li muab cov yuam sij qhib lub koom txoos thiab tus qhuab qhia Qhov Xob Laim Sab Hnub Tuaj ntawd rau peb!” Txiv Plig Vaj hais kom cov ntseeg, “Tshawb txhua qhov chaw, thiab nrhiav tau tag nrho lawv cov ntawv ntawm Qhov Xob Laim Sab Hnub Tuaj! Lawv ntseeg tsis tau yog tsis muaj cov ntawv ntawd.” Ces nws txawm hais kom lawv ob peb tug tuav kuv, thiab ib tug leej tsob hwb txawm txhos caug ntua rau ntawm kuv xub ntiag thiab qw hais tias, “Koj ntseeg tsis tau Vajtswv Tus Uas Muaj Hwj Chim Loj Kawg Nkaus! Peb yuav ua li cas yog koj tsis ua peb tus pov thawj ntxiv lawm? Koj yuav tsum coj peb kev mus rau saum ntuj ceeb tsheej….” Kuv nti tsis dim ntawm lawv. Yam uas kuv ua tau ces yog ntsia lawv nqa tuam txhob thiab hlau sib tw nkag mus rau hauv pawg ntseeg lub qab khav, ces kuv hnov tej qhov rooj qhov rai tawg tag li xwb. Kuv npau taws heev thiab txhawj heev im Kwv Tij Tsheej Nkaub, tus uas qhia txoj moo zoo, nyob sab hauv ces yog lawv ntes tau nws lawm mas ntshe yuav muaj teeb meem. Muaj lwm tus uas tseem tshiab rau Vajtswv Tus Uas Muaj Hwj Chim Loj Kawg Nkaus txoj moo zoo ntawm tiam kawg thiab tsis tau muaj lub hauv paus kev ntseeg zoo. Kuv ntshai tsam lawv yuav tsis muaj lub zog sawv khov kho rau hom kev tab kaum zoo li ntawd. Tsis ntev ntawd, txhua chav hauv lub tsev pe hawm ntawd raug lawv muab tshawb ntxeev tag li, thiab lawv haj tseem muab lub tsev ntaub sib ntsib ua puas tag li lawm thiab. Nyob rau hauv Txoj Kev Ntseeg Kav Tos Liv mas, lub tsev ntaub sib ntsib ntawd yog lub dawb huv, thiab tsuas yog cov pov thawj xwb thiaj li kov tau lub tsev ntaub sib ntsib ntawd. Kuv pom hais tias cov tib neeg ntawd mas siab tawv heev thiab tsis hwm Vajtswv li. Tiam sis lawv yeej tseem tsis tso tseg li. Lawv mus rau ntawm pawg ntseeg cov tswv cuab tej tsev, mus hem lawv thiab mus taug xaiv ces txawm muab tau feem ntau ntawm cov tswv cuab ntawd cov phau ntawv uas hais txog Vajtswv cov lus lawm. Lawv muab nws ntaus sab heev ces nws sawv tsis taus hauv pem teb los li thiab haj tseem hais tias lawv yuav coj nws mus rau tub ceev xwm thiab. Kuv npau taws heev, ces kuv thiaj li hais rau lawv hais tias, “Tsheej Nkaub yog ib tug ntseeg tseeb. Muab nws ntaus sab heev li lawm los haj tseem hem tias yuav coj nws mus rau tub ceev xwm thiab—nej puas muaj ib lub siab uas txawj xav li? Nej puas yog cov ntseeg Tswv Ntuj? Tswv Ntuj mas ncaj ncees, thiab txhua yam kev phem uas ua tawm tsam Nws yeej yuav raug rau txim xwb xwb li.” Lawv tsis muab nws coj mus rau tub ceev xwm tom qab lawv hnov kuv hais li ntawd lawm. Ces Txiv Plig Vaj txawm hais rau kuv hais tias, “Yog cov thawj coj lawm mas peb yeej paub zoo txog yam peb tab tom ua, thiab kuv cia siab hais tias koj yeej to taub. Cia li nrog peb rov qab mus rau ntawm tswv qhia lub tsev.” Ces kuv thiaj li hais rau nws hais tias, “Kuv yuav tsis nrog nej mus. Kuv twb hnov Tswv Ntuj lub suab lawm thiab kuv tab tom taug tus Me Nyuam Yaj cov hneev taw. Kuv txiav txim siab taug txoj kev no lawm!” Tom qab ntawd ces lawv thiaj li tawm mus yam npau taws heev lawm. Hmo ntawd, kuv tsuas pw saum txaj xwb, tsis tsaug zog li. Tej xwm txheej hnub ntawd tshwm rau hauv kuv lub hlwb zoo li ib zaj yeeb yaj kiab. Kuv ntxhov siab heev thiab kuv xav paub hais tias yog ua li cas es cov tswv qhia thiab cov pov thawj uas ua tub qhe rau Huab Tais los ntev lawm ntawd thiaj li yuav ntxub peb qhov tshuaj xyuas txoj kev tseeb ua luaj li. Lub tsev pe hawm yog ib qho chaw pe hawm, tiam sis lawv muaj cuab kav ua rau lub tsev pe hawm ntawd puas tag li, muab ib tug kwv tij uas qhia txoj moo zoo ntawd ntaus, thiab muab cov ntseeg cov phau ntawv uas hais txog Vajtswv cov lus ntawd nqa mus tag li lawm. Lawv muaj peev xwm ua txhua yam kev phem. Cov pov thawj ntawd muaj kev sib raug zoo nrog rau tsoom fwv, yog li ntawd yeej tsis qhia li tias thaum twg lawv yuav muab kuv qhia rau tub ceev xwm. Kuv yeej ib txwm tsis kam mus koom pawg ntseeg uas tsoom fwv khiav, yog li ntawd tus thawj coj ntawm Pab Pawg Me Uas Saib Xyuas Kev Ruaj Ntseg Ntawm Lub Teb Chaws thiaj li saib kuv zoo li ib qho chaw tab kaum. Yav dhau los ntawd mas nws tau hem kuv lawm, hais tias qhov kuv tsis koom Pawg Ntseeg Peb Tug Kheej ntawd tau ua rau Qhov Chaw Ua Hauj Lwm Saib Xyuas Kev Ruaj Ntseg Rau Pej Xeem ntawm Lub Nroog Ntawd cem nws, thiab nws yuav qhia kuv hais tias dab tsi yog dab tsi thaum nws muaj lub hwv tsam. Tam sim no yog ib tug ntseeg Vajtswv Tus Uas Muaj Hwj Chim Loj Kawg Nkaus lawm, yog tub ceev xwm ntes tau kuv, ces tej zaum lawv kawg muab kuv tsim txom kom tuag xwb. Lub ntiaj teb ntawm sab kev lig kev cai ntseeg txoj kev teem txim thiab Pawg Koom Tsham txoj kev caum mas ua rau kuv mob siab heev. Kuv tsuas taug Huab Tais cov hneev taw, raws tus Khetos ntawm tiam kawg qab xwb. Vim li cas qhov ntawd thiaj li nyuaj ua luaj li? Hmo ntawd kuv pw tsis tsaug zog li. Kuv thiaj li thov Vajtswv hais tias, “Vajtswv, thov pab kuv thiab pub kom kuv muaj kev ntseeg thiab lub zog kom kuv thiaj li yuav kov yeej kuv txoj kev qaug zog ntawm sab cev nqaij daim tawv thiab sawv khov kho kom dhau qhov xwm txheej no.” Ces kuv txawm xav txog ib zaj nkauj qhuas Vajtswv uas hais txog Vajtswv cov lus: “Vajtswv Tus Uas Muaj Hwj Chim Loj Kawg Nkaus, yog lub taub hau ntawm txhua yam, siv Nws lub hwj chim huab tais los ntawm Nws lub zwm txwv. Nws kav tag nrho lub qab ntuj khwb thiab txhua yam, thiab Nws yog tus coj peb thoob plaws lub ntiaj teb. Peb yuav tsum txav los ze Nws txhua lub sij hawm, thiab los cuag Nws ntsiag to, tsis txhob plam ib lub sij hawm kiag li, thiab cov lus qhia rau peb kawm txhua lub sij hawm. Txhua yam, los ntawm ib puag ncig uas nyob ib ncig ntawm tib neeg, xwm txheej thiab txhua yam, tag nrho muaj nyob yog los ntawm kev tso cai ntawm Nws lub zwm txwv. Tsis txhob cia tej kev chim kev yws tshwm sim rau koj lub siab ntxhov, tsis li ntawd Vajtswv yuav tsis muab Nws txoj hmoov hlub rau koj. … Kev ntseeg zoo li ib ya cav tuam ua tus choj: Cov uas tuav rawv txoj sia yuav hla nyuaj heev, tiam sis cov neeg uas npaj txhij fij lawv tus kheej tuaj yeem hla dhau mus, ruaj siab rau txhais ko taw thiab tsis txhawj. Yog tias tib neeg txaj muag thiab muaj txoj kev xav ntshai, nws yog vim Ntxwgnyoog tau dag ntxias lawv lawm, ntshai tias peb yuav hla tus choj ntawm txoj kev ntseeg mus cuag Vajtswv” (Raws Tus Me Nyuam Yaj Qab thiab Hu Cov Nkauj Tshiab, Qhov Pib ntawm Kev Mob Kev Nkeeg Yog Vajtswv Txoj Kev Hlub). Thaum hu zaj nkauj qhuas Vajtswv no tas li ua rau kuv muaj zog hauv nruab siab tuaj. Muaj tseeb. Lub qab ntuj khwb, txhua yam puav leej nyob rau hauv Vajtswv ob txhais tes, nrog rau kuv txoj hmoo tib si, yog li ntawd txawm kuv raug ntes los sis tsis raug ntes los kuj nyob rau ntawm Vajtswv thiab. Ntxwgnyoog paub kuv tej kev qaug zog yog li ntawd nws thiaj li siv lub npe, lub meej mom, thiab txoj kev nyab xeeb ntawm yus tus kheej los tawm tsam kuv, los ua kom kuv ntxeev siab rau Vajtswv Tus Uas Muaj Hwj Chim Loj Kawg Nkaus, thiab Vajtswv los kuj tab tom siv qhov xwm txheej ntawd los sim kuv txoj kev ntseeg thiab, los saib seb kuv puas tau txiav txim siab tso txhua yam tseg es los raws Vajtswv qab mus li. Muaj qee yam kev txom nyem, tiam sis kuv yeej hnov Vajtswv coj qhia thiab pub kuv muaj lub zog. Kuv nco tau tias Huab Tais hais tias “Rau qhov tus uas yuav cawm nws txoj sia, yuav plam txoj sia ntawd: tiam sis tus uas plam nws txoj sia rau Kuv, yuav tau txoj sia” (Lub Moo Zoo Raws Li Mas Tais 16:25). Yuav kom txhiv tau tib neeg ntiaj teb dim mas, Huab Tais Yes Xus yuav tsum raug lub ntiaj teb ntawm sab kev lis kev cai ntseeg thiab tsoom fwv muab ntsia rau saum tus ntoo khaub lig, thiab cov thwj tim uas raws Nws qab ntawd puav leej raug tsim txom. Muaj ib txhia raug xuas pob zeb ntaus tuag, ib txhia raug xuas nees cab tuag, ib txhia raug dai caj dab tuag lawm. Lawv raug tua tuag vim txoj kev tshaj tawm txoj moo zoo, ua tau tim khawv zoo heev li. Vajtswv pom zoo qhov ntawd. Qhov raws Vajtswv qab ntawd yog txoj kev ntawm tus ntoo khaub lig. Huab Tais Yes Xus twb ua ib tug qauv rau peb lawm. Peb yuav tsum haus los ntawm lub khob iab iab uas Huab Tais haus, thiab taug txoj kev uas Nws taug ntawd. Tam sim no uas kuv raws Vajtswv Tus Uas Muaj Hwj Chim Loj Kawg Nkaus qab lawm, ces tab txawm yog kuv yuav raug Pawg Koom Tsham ntes thiab tsim txom los xij, qhov ntawd yog txhawm rau txoj kev ncaj ncees xwb. Vajtswv yuav pom zoo thiab qhov ntawd yuav yog ib qho uas tau koob meej. Txawm tom qab ntawd kuv yuav ntsib dab tsi los xij, kuv npaj txhij yuav muab kuv txoj sia rau qhov ntawd, yuav raws Vajtswv qab mus kom txog qhov kawg kiag.

Tom qab ntawd kuv txawm xav hais tias vim li cas cov tswv qhia thiab cov pov thawj thiaj li tsis ntshaw los tshawb xyuas Vajtswv tes hauj lwm ntawm tiam kawg li, tiam sis tawm tsam tes hauj lwm ntawd heev ua luaj li. Ces kuv txawm nyeem qhov no nyob rau hauv Vajtswv Tus Uas Muaj Hwj Chim Loj Kawg Nkaus cov lus: “Nej puas xav paub lub hauv paus keeb cag ntawm qhov uas vim li cas cov Falixais thiaj li tawm tsam Yexus mas? Nej puas xav paub lub ntsiab tseeb ntawm cov Falixais? Lawv ces muaj tej kev npau suav nruab hnub puv npo txog tus Mexiyas. Tshaj qhov ntawd, lawv tsuas ntseeg hais tias tus Mexiyas yuav los, tab sis tsis duam nrhiav qhov tseeb ntawm lub neej. Thiab yog li ntawd, txawm yog niaj hnub no kiag los lawv tseem tos ntsoov tus Mexiyas, vim lawv tsis muaj ib qho kev paub txog txoj kev ntawm lub neej txoj sia li, thiab tsis paub hais tias txoj kev ntawm qhov tseeb yog dab tsi. Yuav ua cas, nej hais nas, es cov neeg ruam, tawv ncauj thiab tsis paub tab li ntawd thiaj yuav tau txais Vajtswv tej koob hmoov mas? Yuav ua cas lawv thiaj yuav pom tus Mexiyas? Lawv tawm tsam Yexus vim lawv tsis paub txoj xub ke ntawm Vajntsujplig tes hauj lwm, vim lawv tsis paub txoj kev ntawm qhov tseeb uas Yexus tau hais txog, thiab, tshaj qhov ntawd, vim lawv tsis to taub tus Mexiyas. Thiab vim lawv tsis tau pom dua tus Mexiyas li thiab yeej tsis tau nrog dua tus Mexiyas ua ke li, lawv thiaj ua yuam kev rau qhov uas tsuas lam tuav rawv tus Mexiyas lub npe rau thaum uas tab tom siv txhua yam los tawm tsam lub ntsiab tseeb ntawm tus Mexiyas xwb. Cov Falixais nyob rau hauv lub ntsiab tseeb ces tawv ncauj, khav theeb, thiab tsis ua raws li qhov tseeb. Qhov tseem ntsiab ntawm lawv txoj kev ntseeg Vajtswv ces yog: Tsis hais Koj tej kev qhuab qhia yuav tob npaum li cas, tsis hais Koj lub hwj chim yuav siab npaum li cas li, Koj yeej tsis yog Khetos tshwj tsis yog hais tias Koj raug hu ua tus Mexiyas. Txoj kev ntseeg no tseem tsis yog tej yam txawv heev thiab txaus luag heev thiab lod?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Thaum lub Sij Hawm Koj Pom Yexus Lub Cev Sab Ntsujplig, Vajtswv Yuav Tsim Lub Ntuj thiab Lub Ntiaj Teb Tshiab Lawm). Los ntawm qhov no kuv thiaj li kawm paub hais tias cov Falixais tawm tsam Huab Tais Yes Xus vim lawv yeej tawv ncauj thiab khav theeb hauv nruab thiab los. Lawv ntxub qhov tseeb thiab tsis kam txais yuav qhov tseeb ntawd. Lawv hnov Huab Tais Yes Xus cov lus, tiam sis qhia tsis tau hais tias cov lus ntawd puas yog los ntawm Leej Ntuj Plig los, thiab lawv yuav tsis lees paub hais tias Nws hais qhov tseeb. Lawv pom hais tias Huab Tais cia cov dig muag pom kev, kho cov mob ruas zoo, thiab tsa cov tuag sawv rov qab los muaj txoj sia, ua ntau yam txoj ci tseem ceeb thiab phim hwj, tiam sis lawv yuav tsis lees paub hais tias Nws yog tus Mexiyas uas tau muab hais ua lus faj lem lawm, uas yog Vajtswv Tus Kheej ntag. Lawv ntseeg hais tias Nws tsuas yog ib tug tib neeg xwb, thiab haj tseem hais lus tuam mom Nws hais tias Nws ntiab dab tawm los ntawm tus thawj dab lub hwj chim xwb. Lawv tsis paub Vajntsujplig tes hauj lwm, tsis txais yuav qhov tseeb, los sis ua raws li Vajtswv cov lus li. Lawv tuav rawv rau lub npe “Mexiyas” thiab pheej ua raws li lawv tus kheej tej kev xav phem thiab tej kev xav hauv nruab siab, thiab thaum kawg thiaj li muab Huab Tais Yes Xus ntsia rau saum tus ntoo khaub lig lawm. Tam sim no Huab Tais twb rov qab los ua Vajtswv Tus Uas Muaj Hwj Chim Loj Kawg Nkaus lawm, tab tom nthuav tawm ntau qhov tseeb los txiav txim thiab yaug tib neeg txoj kev qias vuab tsuab kom dawb huv thiab tab meeg nthuav Vajtswv tus moj yam uas ncaj ncees, muaj hwj chim, thiab ua txhaum tsis tau rau ntawd tawm. Vajtswv Tus Uas Muaj Hwj Chim Loj Kawg Nkaus cov lus mas muaj hwj chim thiab muaj cai heev, thiab tau ua rau cov ntseeg Vajtswv tseeb uas nyob rau txhua pab ntseeg lub siab nyob tsis tswm li. Lawv lees paub hais tias Vajtswv Tus Uas Muaj Hwj Chim Loj Kawg Nkaus cov lus yog qhov tseeb thiab yog Vajntsujplig cov lus rau cov pawg ntseeg. Tiam sis cov tswv qhia thiab cov pov thawj tsis to taub qhov no. Lawv tuav rawv rau tej nqe Vajluskub ncaj ncaj thiab lawv tus kheej tej kev xav phem xwb, tos ntsoov qhov Huab Tais rov qab los thiab qhia lawv ua ntej yam khav theeb heev. Lawv tsis nrhiav qhov tseeb los sis sim mloog Vajtswv lub suab kiag li, tiam sis cia li tsis pub tib neeg lees txais Vajtswv tes hauj lwm ntawm tiam kawg yam chim siab heev li xwb. Tej uas lawv ua no nthuav lawv lub ntsej muag tseeb uas ntxub qhov tseeb thiab ntxub Vajtswv tawm. Lawv yog cov Falixais niaj hnub no ntag.

Tom qab lawv tuaj nrhiav cov phau ntawv ntawd lawm, ces kuv nrog rau ob peb tug txiv dawb thiab poj dawb uas xav qhia txoj moo zoo ntawd txawm ncaim pawg ntseeg mus lawm. Ob peb hnub tom qab ntawd, muaj ib tug kwv tij xa ib tsab xov tuaj rau kuv qhia kuv kom tsis txhob rov qab mus lawm txawm yuav zoo li cas los xij, hais tias hnub tom qab uas kuv ncaim mus lawm ntawd, tub ceev xwm tuaj rau ntawm pawg ntseeg tuaj ntes kuv. Thaum lawv nrhiav tsis tau kuv lawm, ces lawv txawm pib pw rau ntawm pawg ntseeg ntawd tos kuv. Lawv ntes ntau tus tib neeg uas nyuam qhuav lees txais txoj moo zoo, thiab quab yuam kom lawv qhia seb kuv nyob qhov twg. Tus kwv tij ntawd thiaj li hais tias tus thawj coj ntawm Pab Pawg Me Uas Saib Xyuas Kev Ruaj Ntseg Ntawm Lub Teb Chaws ntawd tau koom siab nrog cov leej tsob hwb ntawm ntau cov ntseeg muab kuv qhia tawm, hais tias kuv tsis tau koom nrog Peb Tug Kheej lawm thiab qhia lwm tus leej tsob hwb thiab cov pov thawj kom tsis txhob koom thiab, yog li ntawd qhov ntawd yog ncaj qha tawm tsam Tsoom Fwv ntag. Qhov loj tshaj ntawd mas yog qhov hais tias tus thawj coj hais tias qhov tshaj tawm txog Qhov Xob Laim Sab Hnub Tuaj yog ib qho kev txhaum cai uas raug txim tuag, thiab lawv tuaj yeem xuas phom tua kom tuag. Tub ceev xwm hem lawv hais tias lawv raug txim tau yog lawv tsis qhia tias kuv nyob qhov twg. Kuv npau taws heev thaum kuv hnov qhov xov xwm ntawd. Pawg Koom Tsham tau ua rau kuv meem txom tsis tso tseg los tau ntau lub xyoo lawm kom kuv mus koom Peb Tug Kheej, thiab tam sim no uas kuv raws Vajtswv Tus Uas Muaj Hwj Chim Loj Kawg Nkaus qab thiab qhia txoj moo zoo ntawm tiam kawg lawm, mas kuv haj yam yog tus pos uas chob lawv ntxiv. Lawv xav ntes kuv thiab xav pom kuv tuag kiag tam sim ntawd lawm xwb. Pawg dab Koom Tsham ntawd mas yog cov niag dab uas siab phem heev! Tiam sis kuv paub nyob hauv kuv lub siab hais tias yog cov tswv qhia tsis tso cai, ces lawv tus kheej yeej tsis lam ua li ntawd li. Qhov ua li ntawd haj yam qhia tau lawv tus yeeb yam phem tseeb tuaj. Kuv xav txog cov Falixais. Yuav kom cov ntseeg Yudais txhob lees txais Huab Tais Yes Xus txoj kev cawm dim mas, lawv yuav tsum ua hauj lwm nrog tsoom fwv Loos los muab Huab Tais ntsia rau saum tus ntoo khaub lig yam phem heev, thiab caum thiab tsim txom Nws cov thwj tim. Tam sim no los cov thawj coj ua hauj lwm nrog Pawg Koom Tsham ntes kom tau kuv thiab quab yuam kuv kom tso kuv txoj kev ntseeg Vajtswv Tus Uas Muaj Hwj Chim Loj Kawg Nkaus tseg. Lawv yeej tsis txawv cov Falixais puag thaum ub li!

Tsis ntev ntawd kuv mam li paub hais tias tub ceev xwm twb soj tus tswv tsev uas kuv nyob ntawd lawm, yog li ntawd cov kwv tij thiab cov muam thiaj li muab kuv nyiag tawm kiag tam sim ntawd lawm. Hnub tom qab ntawd, kuv mam li paub hais tias nkawm niam txiv uas yog tus tswv tsev ntawm lub tsev kuv nyob ntawd raug ntes lawm. Tub ceev xwm muaj kuv ib daim duab thiab xav paub tias kuv nyob qhov twg lawm. Tom qab ntawd ces kuv yuav tsum tau khiav tas li kom txhob raug ntes lawm xwb. Kuv pheej nkaum kom khiav dim Pawg Koom Tsham tas li xwb, thiab xav paub seb thaum twg lub sij hawm uas pheej nkaum kom khiav dim ntawd thiaj li mam xaus. Nyob rau haum lub sij hawm Hloov Pauv Kab Lis Kev Cai ntawd, kuv tus txiv txawm raug ntaus tuag lawm vim yog ib tug Kav Tos Liv xwb, thiab nws lub cev doog ntsuab tag vim cov saw hlau khi thiab ua caws pliav tag vim raug muab kos. Qhov ntawd tseem nyob rau hauv kuv lub siab. Kuv thiaj li xav hais tias kuv tsis paub xyov lawv yuav tsim txom kuv li cas yog kuv poob mus rau hauv Pawg Koom Tsham ob txhais tes lawm.

Muaj ib zaj nkauj qhuas Vajtswv uas hais txog Vajtswv cov lus uas coj kuv kev thiab ua rau kuv muaj kev ntseeg. “Koj yuav tsum raug kev txom nyem rau qhov tseeb, koj yuav tsum muab koj tus kheej rau qhov tseeb, koj yuav tsum tiv kev poob ntsej muag rau qhov tseeb, thiab yog yuav kom tau qhov tseeb ntau dua ces koj yuav tsum muaj kev txom nyem kom ntau. Qhov no yog qhov uas koj tsim nyog ua. Koj yuav tsum tsis txhob muab qhov tseeb cuam pov tseg es tsuav kom tau lub neej thaj yeeb lug nrog tsev neeg xwb, thiab koj yuav tsum tsis txhob poob koj lub meej mom thiab txoj kev ncaj ncees rau tej qho kev zoo siab ib nyuag pliag xwb. Koj yuav tsum nrhiav tag nrho tej uas zoo nkauj thiab zoo, thiab koj yuav tsum nrhiav ib txoj kev hauv lub neej uas muaj qab hau dua” (Raws Tus Me Nyuam Yaj Qab thiab Hu Cov Nkauj Tshiab, Koj Yuav Tsum Muab Txhua Yam Tso Pov Tseg txhawm rau Qhov Tseeb). Thaum hu zaj nkauj qhuas Vajtswv no, kuv xav txog lub ntsiab lus ntawm zaj nkauj qhuas Vajtswv no thiab to taub Vajtswv lub siab nyiam zoo me ntsis tuaj lawm. Qhov raws Vajtswv qab thiab tau txais qhov tseeb ntawd mas cheem tsum qee yam kev txom nyem. Tsuas yog los ntawm kev txom nyem thiab tej kev sim siab xwb mas peb txoj kev ntseeg thiaj li yuav zoo tiav log tau thiab peb thiaj li muaj kev thoob tsib to nrog txog ntau yam. Kuv raug lub ntiaj teb ntawm sab kev lis kev cai ntseeg tsis lees txais thiab muag tawm vim kuv raws Vajtswv Tus Uas Muaj Hwj Chim Loj Kawg Nkaus qab lawm, yog li ntawd tam sim no kuv thiaj li raug tus zaj loj liab ploog caum, es thiaj li khiav tas li xwb. Kuv ua neej nyob ntshai rwg thiab txom nyem me ntsis. Tiam sis tej kev paub ntawd ua rau kuv pom qhov tseeb meej ntxiv hais tias cov thawj coj ntawd mas ntxub qhov tseeb, thiab ntxub Vajtswv. Kuv kuj paub Vajtswv txoj kev coj qhia lawm tiag tiag thiab. Thaum twg kuv nyuaj siab thiab qaug zog, Vajtswv yuav coj kuv kev kom to taub Nws lub siab nyiam, txhawb kuv lub zog thiab ua rau kuv muaj kev ntseeg, kom kuv thiaj li tsis qaug zog thiab ntshai ntxiv lawm. Kuv tus kheej yeej hnov hais tias Vajtswv coj kuv kev tas li thiab saib ntsoov kuv. Thiab muaj kev nyuaj siab me ntsis, tiam sis qhov ntawd muaj qab hau thiab muaj nuj nqis. Tab txawm yog thaum kawg kuv raug ntes los xij, kuv paub hais tias qhov ntawd yog Vajtswv tso cai xwb, thiab kuv twb npaj txhij los zwm rau Vajtswv thiab Nws tej kev coj kev qhia lawm. Kuv twb npaj txhij los raws Vajtswv qab lawm txawm txhua yam yuav nyuaj npaum li cas los xij, yeej yuav tsis ua ywj fab ywj fwj li!

Lawv tas zog ua txhua yam los ua kom kuv tsis txhob tshaj tawm txoj moo zoo. Muaj ib hnub kuv mus ntsib ib tug neeg rau ntawm qhov chaw nres tsheb npav, ces kiag thaum kuv mus txog rau ntawm qhov chaw ntawd lawm, muaj ntau tus tib neeg cia li los vij puag ncig kuv thiab tuav nkaus kuv. Kuv ceeb tag li thiab tsis paub tias muaj dab tsi tshwm sim. Ces ib co ntawm kuv cov txheeb ze txawm tawm hauv ib lub tsheb los ces muab kuv ntsaws kiag rau hauv lub tsheb ntawd yam tsis piav qhia dab tsi li. Nyob rau lub sij hawm ntawd mas kuv tsis paub, tiam sis tom qab ntawd mam li paub hais tias tus tswv qhia ntawd hais kom Leej Tsob Hwb Feej hu kuv tsev neeg thiab lwm tus tswv cuab ntawm pawg ntseeg mus thiab qhia rau lawv hais tias kuv tau koom Qhov Xob Laim Sab Hnub Tuaj lawm, tias kuv noj tshuaj zoo siab thiab kuv puas hlwb lawm, thiab tias kuv tsis xav ua ib tug pov thawj thiab tsis quav ntsej txog nyiaj txiag li lawm. Nws hais tias kuv raug tswj kav thiab tias kuv tau rhuav kuv cov lus cog tseg rau Huab Tais lawm, es mus yuav ib tug poj ntsuam, thiab kuv cov me nyuam twb muaj hnub nyoog npaum ub npaum no lawm. Nws thov kuv cov phooj ywg thiab kuv tsev neeg kom nrog tus tswv qhia ntawd ua hauj lwm los muab kom tau kuv rov qab, los cheem kuv kom tsis txhob raws Vajtswv Tus Uas Muaj Hwj Chim Loj Kawg Nkaus qab thiab qhia txoj moo zoo lawm. Lawv nyiam cov thawj coj ntawd heev li, yog li ntawd koj cov txheeb ze thiaj li ntseeg tej uas lawv hais tiag tiag li. Lawv xav hais tias cov tswv qhia thiab cov pov thawj yeej tsis dag li. Kuv npau taws heev thaum kuv hnov li ntawd thiab haj yam pom tseeb ntxiv hais tias cov thawj coj ntawd yog cov dab phem uas muaj lub cev nqaij daim tawv ntag. Qhov ntawd hais nyob rau hauv phau Vajluskub hais tias, “Nej yog nej txiv uas yog tus dab phem tug, thiab nej yuav ua li nej txiv tej kev ntshaw xwb. Nws yog ib tug tua neeg txij thaum chiv keeb los lawm, thiab nws tsis nyob rau hauv qhov tseeb; vim qhov tseeb tsis nyob rau hauv nws. Thaum nws hais lus dag, nws hais nws xwb: vim nws yog ib tug dag, thiab yog cov dag leej txiv” (Lub Moo Zoo Raws Li Zam 8:44). Tsuas yog cov dab phem xwb thiaj li pheej dag thiab taug xaiv, ua tim khawv cuav los dag ntxias.

Ces lawv coj kuv mus rau ntawm ib tug tswv qhia qhov chaw nyob. Nws luag ntxhi xwb, thiab ua txuj hais rau kuv hais tias, “Koj rov qab los lawm sav—tus yaj uas ploj lawm rov qab los tsev lawm.” Ces nws txawm hais kom txhua tus tawm mus es nws nrog kuv tham ib leeg xwb. Nws thiab li hais tias, “Yav dhau los, koj xav kawm txuas ntxiv, tiam sis peb tsis pom zoo. Zaum no peb yuav pom zoo rau txhua yam uas koj cheem tsum thiab koj yuav mus kawm rau lub tsev kawm qib siab twg los tau. Muaj ntau lub tsev kawm ntawv uas muaj hwj chim qaum ntuj es tsis muaj cov kws qhia ntawv thiab muaj ntau cov ntseeg tsis muaj pov thawj. Yog koj tsis xav mus kawm nyob rau tsev kawm qib siab los, koj yeej tuaj yeem ua ib tug kws qhia ntawv nyob rau hauv ib lub tsev kawm ntawv uas muaj hwj chim qaum ntuj los tau los sis xaiv seb cov ntseeg twg uas koj nyiam mus ua ib tug pov thawj nyob rau hauv. Koj yuav tsis hluas ntxiv lawm, thiab koj muaj kev nyuaj nyob rau ntau lub xyoo dhau los no. Peb muaj nyiaj, muaj tsheb thiab muaj tsev txhij zog rau koj lawm. Cia li tso Qhov Xob Laim Sab Hnub Tuaj tseg es los ua ib tug pov thawj xwb, ces koj thiaj li yuav tsis muaj kev txhawj xeeb lawm.” Kuv tsis nyiam kiag li uas hnov nws hais li no. Tag nrho tej uas cov tswv qhia ntawd xav txog ces yog lub meej mom, nyiaj txiag, thiab lub npe xwb. Lawv ntseeg Huab Tais tiam sis tsis ua raws li Nws cov lus. Lawv tsis tshawb xyuas qhov xov xwm uas Huab Tais twb rov qab los lawm kiag li, tiam sis tsuas xav tiv thaiv lawv tus kheej lub npe thiab lub meej mom xwb, tsis pub lwm tus lees txais Vajtswv txoj moo zoo ntawm tiam kawg yam vwm ntsuav. Lawv lub meej mom thiab lub npe puas cawm tau lawv dim ntawm txoj kev txhaum tiag tiag? Yog li ntawd kuv thiaj li hais rau Tswv Qhia Tshaus hais tias, “Tswv Qhia, kuv tsis xav tau tej ntawd li. Thaum Ntxwgnyoog sim Huab Tais Yes Xus siab, nws siv nyiaj txiag thiab koob meej los ua kom Huab Tais Yes Xus txhos caug rau ntawm nws lub xub ntiag. Yog li ntawd tej uas koj tab tom hais no yog los ntawm leej twg los? Thaum koj tsa kuv ua ib tug pov thawj, peb sawv daws tau tsa tes cog lus rau Huab Tais hais tias yuav kwv tus ntoo khaub lig raws Nws qab mus kom tag sim neej. Tam sim no Huab Tais twb rov qab los lawm ces kuv thiaj li txiav txim siab mus raws Nws qab. Tsis muaj ib yam dab tsi ntawm pawg ntseeg txoj kev tawm tsam los sis kev tsis kam txais yuav ntawd tuaj yeem txwv tau kuv li.” Thaum nws pom hais tias nws ntxias tsis tau kuv lawm, ces nws txawm ceeb toom rau kuv hais tias, “Koj cia li tseg kiag tsis txhob qhia cov tswv cuab ntawm pawg ntseeg txog Qhov Xob Laim Sab Hnub Tuaj mas ntshe yuav zoo dua!” Ces Tswv Qhia Tshaus txawm coj kuv tawm mus noj mov, thiab ib co ntawm kuv cov txheeb ze kuj nyob rau ntawm qhov chaw ntawd thiab. Muaj ib tug ntawm lawv cov ntawd hais rau kuv hais tias, “Koj yog ib tug pov thawj nyob rau hauv peb tsev los tau ntau tiam lawm, thiab koj yog qhov peb tsev neeg muaj kev zoo siab. Peb yeej tsis xav tias koj yuav koom Qhov Xob Laim Sab Hnub Tuaj li. Tam sim no koj txiv twb muaj 80 xyoo lawm thiab koj los tseem tawm mus tshaj tawm Qhov Xob Laim Sab Hnub Tuaj dua li qhov saib xyuas koj niam koj txiv lawm thiab. Koj tau muab koj txoj kev ua pov thawj tso tseg lawm. Qhov no yog ib txoj kev ntxeev siab rau Huab Tais thiab koj yuav mus rau hauv dab teb vim qhov kev ntseev siab ntawd!” Ces kuv tus tij laug txawm hais ntxiv hais tias, “Kuv txom nyem ntau yam kom koj tau los ua ib tug pov thawj. Thaum koj nyob rau hauv tsev kawm ntawd uas muaj hwj chim qaum ntuj, peb yeej tsis tshua muaj ib yam dab tsi noj li, thiab kuv tseg ntshis zaub mov thiab nyiaj txiag rau koj xwb. Qhov ua kom qhov ntawd tshwm sim thiab ua kom koj tau ua pov thawj ntawd mas tsis yooj yim. Tiam sis tam sim no koj nrog Qhov Xob Laim Sab Hnub Tuaj lawm—koj tau ntxeev siab rau Huab Tais lawm. Koj tsis yog ib tug pov thawj thiab tsis quav ntsej txog nyiaj txiag li lawm. Koj puas hlwb lawm lod?” Kuv thiaj li teb hais tias, “Muaj tseeb tias kuv cheem tsum koj txoj kev txhawb kom thiaj li tau los ua ib tug pov thawj, tiam sis qhov uas koj hais tias kuv yuav tsis los tsev los saib xyuas wb niam wb txiv ntawd ne? Thaum tau txais txoj kev ua pov thawj lawm, kuv tsa tes cog lus rau Huab Tais lawm hais tias kuv yuav tso kuv lub tsev, tsev neeg, thiab txoj kev sib yuav tseg es los ua dej num rau Nws kom tag sim neej. Qhov ntawd hais nyob rau hauv phau Vajluskub hais tias, ‘Tus uas hlub niam hlub txiv dua hlub Kuv tsis tsim nyog ua Kuv tug; thiab tus uas hlub tub hlub ntxhais dua hlub Kuv tsis tsim nyog ua Kuv tug. Thiab tus uas tsis kwv nws tus ntoo khaub lig raws Kuv qab los tsis tsim nyog ua Kuv tug thiab’ (Lub Moo Zoo Raws Li Mas Tais 10:37–38). Koj hais tias kuv yuav tsum tso txoj kev qhia txoj moo zoo tseg es mus tsev mus hlub niam hlub txiv, tiam sis qhov ntawd puas mus raws li Huab Tais cov lus mas? Peb txoj kev ntseeg txhais hais tias kwv tus ntoo khaub lig thiab qhia txoj moo zoo, coj mus rau ntau lub tsev no laiv. Tam sim no Huab Tais twb rov qab los lawm thiab tab tom ua tes dej num ntawm kev txiav txim uas pib ntawm Vajtswv lub tsev mus, yog li ntawd qhov qhia txoj moo zoo no yog ib yam uas ncaj ncees heev.” Ua ntej kuv hais tsis tau tag, kuv tus tij laug txav kiag los zoo li nws yuav ntaus kuv, nws hais tias kuv yuav ua rau peb tsev neeg txaj muag mus ntau tiam thiab nws ua kom kuv ob txhais ceg dam yog kuv pheej qhia txoj moo zoo, ces txawm hais qee yam tuam mom heev. Tom qab ntawd, Tswv Qhia Tshaus muab kuv tso rau ntawm qhov chaw ntawd thiab tsis pub kuv tawm li, hais tias yuav tsum tau kho kuv tso. Yog kuv tawm mus ces kuv yuav raug raws qab, yam tsis muaj kev ywj pheej li, zoo li ib tug neeg txhaum cai ntag. Yog li ntawd kuv thiaj li thov Vajtswv thiab vam khom rau Vajtswv xwb. Hnub plaub, kuv thiaj li khiav dim thaum lawv tsis ceev faj lawm, rov qab mus rau ntawm cov kwv tij thiab cov muam thiab rov qab qhia txoj moo zoo mus ntxiv.

Kuv pom hais tias cov thawj coj ntawd tsis yog tsis pub kom tib neeg hnov Vajtswv lub suab thiab txais tos tus Tswv xwb, tiam sis kuj siv txhua yam tswv yim ntawd los dag ntxias cov ntseeg thiab thiab coj lawv mus rau txoj kev uas tawm tsam Vajtswv, muab cov ntseeg ntawd ua lawv cov khoom fij xwb. Thiab kuv tsev neeg ua hauj lwm tawm tsam Vajtswv, hais lus tuam mom Nws. Tej ntawd puav leej yog vim tus xib fwb ntawd tej lus dag, thiab nws tej kev tawm tsam Vajtswv xwb. Kuv nco txog thaum Huab Tais foom tsis zoo rau cov Falixais, Nws hais tias, “Cov uas yog xib fwb qhia Tswv Ntuj txoj kev cai thiab cov Falixais uas ntsej muag ncaj siab nkhaus, nej yuav raug kev puas tsuaj lau; vim nej kaw lub ceeb tsheej saum ntuj ceeb tsheej rau tib neeg, rau qhov nej tus kheej tsis nkag mus rau hauv; thiab cov uas yuav mus rau hauv, nej tsis pub nkag mus. … Cov uas yog xib fwb qhia Tswv Ntuj txoj kev cai thiab cov Falixais uas ntsej muag ncaj siab nkhaus, nej yuav raug kev puas tshau lau; vim nej mus thoob hiav txwv thiab daim av mus nrhiav kom tau ib tug los ntseeg; thaum tus ntawd los ntseeg lawm, nej ua rau nws tsim nyog poob rau hauv ntuj tawg tshaj nej tus kheej ob npaug” (Lub Moo Zoo Raws Li Mas Tais 23:13, 15). Cov tswv qhia thiab cov pov thawj kuj ua rau tib neeg los koom txoj kev ntseeg ntawd thiab, ces tom qab ntawd kom txhua tus mloog lawv hais, kom tawm tsam Vajtswv, thiab ua kom cov tib neeg ntawd yog cov me nyuam nyob hauv dab teb xwb. Lawv yog cov niag dab phem uas noj tib neeg cov ntsujplig ntag! Vajtswv Tus Uas Muaj Hwj Chim Loj Kawg Nkaus txoj lus hais tias, “Muaj ib txhia nyeem Vajluskub hauv tej tsev teev hawm uas loj kawg nkaus thiab qog cov lus ntawd tas hnub, tab sis tsis muaj ib tug twg ntawm lawv cov ntawd to taub lub hom phiaj ntawm Vajtswv tes hauj lwm li. Tsis muaj ib tug twg ntawm lawv cov ntawd muaj peev xwm paub txog Vajtswv; tseem muaj tsawg tus ntawm lawv cov ntawd thiaj muaj peev xwm ua raws li Vajtswv lub siab nyiam. Lawv txhua tus tsis tsim nqi dab tsi li, yog neeg phem, txhua tus sawv siab qhuab ntuas Vajtswv. Lawv txaus siab hlo tawm tsam Vajtswv rau thaum lawv tseem kwv rawv Nws tus chij. Hais tias ntseeg Vajtswv, lawv tseem noj noob neej li nqaij thiab haus noob neej li ntshav. Tag nrho cov tib neeg zoo li no yog cov dab phem uas nqos tib neeg tus ntsuj, cov thawj dab uas tav txoj kev ntawm cov uas xav taug mus rau txoj kev yog, thiab dawm thaiv cov uas nrhiav Vajtswv. Tej zaum lawv yuav mas zoo li ‘muaj lub cev zoo khov kho,’ tab sis cov uas caum raws lawv yuav ua cas paub tau tias lawv ces twb yog kiag cov tawm tsam khetos uas coj tib neeg sawv tawm tsam Vajtswv ntag? Cov caum raws lawv yuav ua cas paub tau tias lawv yog cov dab phem ciaj sia uas rau siab ntso nqos tib neeg tej ntsuj?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Txhua Tus Tib Neeg Uas Tsis Paub Vajtswv Yog Cov Tib Neeg Uas Tawm Tsam Vajtswv). Vajtswv cov lus qhia kuv hais tias cov thawj coj ntawm sab kev lis kev cai ntseeg ntawd yog hom tib neeg twg tiag tiag. Lawv ib txwm khav txog qhov lawv muaj cai los zam tej kev txhaum. Thaum cov ntseeg ua txhaum mas, cov ntseeg ntawd yuav tsum txhos caug rau ntawm lawv lub xub ntiag thiab lees txim mas thiaj li tau txais kev zam txim, yog li ntawd raws li cov ntseeg pom mas cov thawj coj ntawd zoo li Vajtswv ntag. Tam sim no uas Huab Tais twb rov qab los thiab tab tom nthuav tawm ntau qhov tseeb los cawm tib neeg ntiaj teb lawm, lawv yeej tsis nrhiav los sis cia cov ntseeg lees txais qhov tseeb ntawd li, tiam sis tshaj tawm tej lus dag, txiav txim, teem txim, thiab hais lus thuam Pawg Ntseeg ntawm Vajtswv Tus Uas Muaj Hwj Chim Loj Kawg Nkaus xwb. Lawv tsis hlub Vajtswv los sis qhov tseeb li, tiam sis tsuas nyiam lub meej mom thiab nyiaj txiag, thiab lawv ntshaw tej txiaj ntsim ntawm lub koob meej xwb. Lawv xav tiv thaiv lawv txoj hauj lwm thiab kev nrhiav noj nrhiav haus xwb, yog li ntawd lawv thiaj li tuav cov ntseeg ruaj ruaj rau hauv lawv xib teg, noj tib neeg cov ntsujplig tiam sis ho hais tias ua dej num rau Vajtswv thiab. Lawv yog cov tseem tseem dab phem ntag, yog cov tawm tsam Khetos uas nkaum rau hauv pawg ntseeg uas ntxub qhov tseeb thiab yog Vajtswv cov yeeb ncuab ntag. Qhov raug cov thawj coj ntawm sab kev lis kev cai ntseeg cuam tshuam tas li ntawd ua rau kuv pom tseeb tseeb hais tias lawv muaj ib lub ntsiab tseeb uas tawm tsam Vajtswv, tawm tsam Khetos. Nws yog Vajtswv Tus Uas Muaj Hwj Chim Loj Kawg Nkaus cov lus uas tsim kho kom kuv muaj kev thoob tsib to nrog, thiab ua rau kuv muaj kev ntseeg thiab lub zog kom kuv thiaj li kov yeej lawv tej kev sim siab thiab tej kev tawm tsam, kom pom hais tias lub ntsiab tseeb ces lawv yog cov tawm tsam Khetos ntag, kom dim ntawm lawv txoj kev coj nruj, es los raws Vajtswv qab. Kuv tus kheej paub hais tias Vajtswv Tus Uas Muaj Hwj Chim Loj Kawg Nkaus cov lus yog qhov tseeb thiab yog txoj sia. Kuv ua tsaug ntau ntau rau Vajtswv txoj kev cawm dim!