34. Dim Plaws Ntawm Tej Saw Hlau Xauv Tes Xauv Taw rau hauv Tsev Lawm
Thaum lub Rau Hli xyoo 2012, kuv tau lees txais Vajtswv Tus Uas Muaj Hwj Chim Loj Kawg Nkaus tes hauj lwm nyob rau tiam kawg lawm. Los ntawm qhov nyeem Vajtswv cov lus, kuv thiaj li paub tseeb hais tias Vajtswv Tus Uas Muaj Hwj Chim Loj Kawg Nkaus yog tus Tswv Yexus uas rov qab los lawm, uas yog tus Cawm Seej uas los rau hauv lub ntiaj teb los cawm tib neeg ntag, mas kuv thiaj li zoo siab heev. Kuv xav txog kuv tus txiv uas pheej txeev nrog nws tus thawj saib xyuas mus koom pawg ntseeg thaum nws tab tom kawm yuav tiav nyob rau hauv Teb Chaws Suav. Thaum nws mus txawv teb chaws, nws kuj txeev nrog cov neeg Suav uas nyob ze ntawd mus koom pawg ntseeg thiab. Kuv xav qhia txoj xov zoo ntawd rau nws kom sai li sai tau.
Kuv tus txiv rov qab los rau hauv Teb Chaws Suav thaum pib ntawm lub Cuaj Hlis ces kuv txawm ua tim khawv txog Vajtswv Tus Uas Muaj Hwj Chim Loj Kawg Nkaus tes hauj lwm nyob rau tiam kawg rau nws. Kuj ua rau kuv ceeb tag li tias tom qab nws hnov txog tes hauj lwm ntawd lawm, nws txawm nrhiav txhua hom lus xaiv uas Tsoom Fwv Koom Tsham Suav hais thiab tej lus tshaj tawm tsis zoo uas thuam Pawg Ntseeg ntawm Vajtswv Tus Uas Muaj Hwj Chim Loj Kawg Nkaus nyob os lai. Tom qab ntawd, nws ntsia ntsoov kuv yam npau taws heev thiab qw hais tias, “Saib no seb! Qhov koj ntseeg ntawd yog ‘Qhov Xob Laim Sab Hnub Tuaj’ xwb, uas Tsoom Fwv Koom Tsham Suav twb tau muab rhuav tshem los tau ntau xyoo lawm. Thaum lub sij hawm lawv ntes koj, ces koj yuav raug txiav txim mus nyob nkuaj xwb. Tsis pub koj ntseeg qhov no txiv lawm!” Ces nws txawm muab kuv cov phau ntawv uas hais txog Vajtswv txoj lus ntawd dua tag nrho lawm. Nyob rau lub sij hawm ntawd, mas kuv npau taws heev, tiam sis tom qab ntawd kuv xav hais tias kuv tus txiv tawm tsam kuv txoj kev ntseeg vim nws nyuam qhuav raug Tsoom Fwv Koom Tsham Suav tej lus xaiv dag xwb, ces nws yeej yuav to taub tom qab ntawd. Kuv paub hais tias txawm muaj dab tsi tshwm sim los xij, qhov ntseeg Vajtswv ntawd yog txoj kev yog hauv lub neej lawm, thiab tias kuv yeej yuav tsis tso tseg li. Tom qab ntawd, kuv tus txiv tau hu kuv txhua hnub los taug qab seb kuv mus qhov twg rau qhov twg. Nyob rau lub sij hawm ntawd, kuv yog ib tug ntxhais kawm ntawv qib siab, yog li ntawd yuav kom zam dhau nws txoj kev soj, mas kuv yuav tsum tau koom tej kev sib txoos ua ke uas nyob ze kuv lub tsev kawm ntawv, thiab tsuas mus tsev rau ob hnub so xwb. Thaum xaus ntawm lub xyoo 2012 ntawd, Tsoom Fwv Koom Tsham Suav txawm pib ib pab pawg uas phem heev los caij tsuj thiab ntes Pawg Ntseeg ntawm Vajtswv Tus Uas Muaj Hwj Chim Loj Kawg Nkaus. Nyob rau hauv is taws nev, this vis, thiab hauv ntawv xov xwm mas muaj tej lus xaiv thiab tej kev nkag siab yuam kev uas thuam thiab tawm tsam Pawg Ntseeg ntawm Vajtswv Tus Uas Muaj Hwj Chim Loj Kawg Nkaus txhua qhov chaw, thiab tsoom fwv siv qhov no los ua ib qho kev ntes cov ntseeg Vajtswv thoob plaws li. Kuv tus txiv ntshai tsam kuv raug ntes vim txoj kev ntseeg Vajtswv, uas tej zaum yuav cuam tshuam nws thiab wb tus ntxhais, yog li ntawd nws thiaj li txwv kuv nruj zuj zus tuaj. Nws kuj hem kuv thiab, hais tias nws yuav nrauj kuv yog kuv pheej ntseeg Vajtswv. Qhov no ua rau kuv chim siab heev. Nyob rau hauv Teb Chaws Suav, mas kev ntseeg Vajtswv tsis yog muaj kev phom sij tsam peb raug txiav txim mus nyob nkuaj xwb, peb kuv raug kev tsim txom los ntawm peb tsev neeg uas tsis ntseeg thiab. Txhua yam nyuaj heev rau peb! Yog kuv tus txiv thiab kuv sib nrauj, yuav muaj dab tsi tshwm sim rau wb tus ntxhais? Nyob rau ob peb hnub ntawd, mas kuv tsis muaj siab ua kuv tej dej num li. Kuv nyuaj siab heev.
Thaum ib tug ntawm cov viv ncaus paub tias kuv zoo li cas, ces nws txawm nyeem ib zaj lus ntawm Vajtswv txoj lus rau kuv mloog. Vajtswv hais tias: “Nyob rau txhua kauj ruam ntawm tes dej num uas Vajtswv ua rau tib neeg ntawd mas, zoo li sab nraud tshwm muaj kev sib tshuam mus los ntawm tib neeg, cuag nkaus li yog yug ntawm tib neeg tej kev npaj los sis los ntawm tib neeg txoj kev cuam tshuam los. Tab sis nyob rau tom qab, txhua kauj ruam ntawm tes dej num, thiab txhua yam uas tshwm sim, yog ib lo lus twv los ntawm Ntxwgnyoog rau ntawm Vajtswv xub ntiag, thiab cheem tsum tib neeg tuav lawv tej lus tim khawv khov kho rau Vajtswv. Muab thaum Yauj raug sim coj los ua piv txwv: Nyob rau tom qab, Ntxwgnyoog nrog Vajtswv sib twv, thiab yam uas muaj tshwm sim rau Yauj yog tej kev ua ntawm tib neeg thiab kev cuam tshuam ntawm tib neeg. Nyob rau tom qab txhua kauj ruam ntawm tes dej num uas Vajtswv ua rau hauv nej yog Ntxwgnyoog lo lus twv nrog Vajtswv—nyob rau tom qab nws yog ib ntsug rog” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Txoj Kev Hlub Vajtswv Xwb Thiaj Yog Txoj Kev Ntseeg Vajtswv Tiag). Vajtswv cov lus ua rau kuv to taub hais tias tej xwm txheej nyuaj uas nyob rau sab nraud no yog kuv tus txiv txwv thiab tsim txom kuv, tiam sis tseeb tiag mas qhov nyob tom qab ntawm qhov no ces yog Ntxwgnyoog txoj kev dag ntxias thiab kev cuam tshuam ntag. Vajtswv xav cawm kuv, hos Ntxwgnyoog tsim txhua yam kev cuam tshuam thiab kev tab kaum los ua kom kuv ntxeev siab rau Vajtswv, kom plam Nws txoj kev cawm dim, es thaum kawg kom raug cab nrog nws mus rau hauv ntuj tawg xwb. Ntxwgnyoog mas phem thiab lim hiam heev! Thaum paub li no lawm, kuv thiaj li thov Vajtswv hais tias, “Vajtswv, kuv lub siab mas me heev li, yog li ntawd kuv thov kom Koj pub kuv muaj kev ntseeg thiab pab kuv sawv khov kho tawm tsam Ntxwgnyoog tej kev cuam tshuam no. Tab txawm yog kuv tus txiv muab kuv nrauj los xij, kuv yuav tsis ntxeev siab rau Koj li, thiab kuv yuav tsis poob rau Ntxwgnyoog tej kev dag.” Tom qab kuv thov Vajtswv lawm, ces tsis nyuaj siab heev lawm, thiab kuv tshaj tawm txoj moo zoo txuas ntxiv thiab ua kuv tes dej num tiav.
Tsis ntev tom qab no, kuv raug tub ceev xwm ntes nyob rau hauv ib qho kev sib txoos ua ke. Tub ceev xwm iab liam kuv hais tias kuv “tsim teeb meem rau zej tsoom sawv daws” ces thiaj li muab kuv ceev tseg tau 30 hnub. Nyob rau ntawm qhov nug kuv ntawd, tub ceev xwm hem kuv hais tias, “Koj lub tsev kawm ntawv twb paub tias koj raug ntes vim ntseeg Vajtswv lawm, thiab lawv npaj muab koj ntiab tawm lawm. Tiam sis, yog koj koom tes nrog peb thiab qhia yam koj paub rau peb, ces peb mam li nrog tus thawj coj tsev kawm ntawv ntawd tham rau koj, es koj thiaj li kawm tau txuas ntxiv mus. Ua tib zoo xav txog qhov ntawd nawb!” Tom qab lawv tawm mus lawm, kuv ntsia rau ntawm cov pas hlau ntawm chav kaw neeg ntawd, mas kuv ntxhov siab thiab nyuaj siab heev. Kuv thiaj li xav hais tias, “Yog kuv raug ntiab tawm ntawm kuv lub tsev kawm ntawv mus vim txoj kev ntseeg Vajtswv xwb, mas ntshe qhov ntawd yuav yog ib qho teeb meem ntawm kev nom kev tswv xwb thiab qhov teeb meem ntawd yuav raug muab teev tseg rau hauv kuv qhov keeb kwm kawm ntawv thiab rau hauv tub ceev xwm cov ntaub ntawv, ces yuav tsis muaj ib lub tsev kho mob twg ntiav kuv li lawm, thiab kuv txoj kev npau suav uas los ua ib tug kws kho mob ntawd yuav tsis muaj dab tsi li. Nyuam qhuav muaj 30 xyoo xwb, kuv txoj kev kawm, tes hauj lwm, thiab lub neej yav tom ntej yuav cia li ploj mus tag nrho li lawm. Kuv yuav ua li cas ua neej nyob mus ntxiv? Kuv yuav ua li cas fim txoj kev ntxub ntxaug thiab txoj kev thuam luag ntawm cov tib neeg uas nyob ib puag ncig kuv?” Kuv noj tsis taus mov los sis pw tsis tsaug zog zoo tau ob peb hnub nkaus.
Nyob rau lub sij hawm ntawd, mas kuv nquag thov Vajtswv txog qhov no heev. Muaj ib tag kis, kuv tus kheej cia li nyooj ib zaj nkauj qhuas Vajtswv txoj lus yam xav tsis txog li “Lub Neej Muaj Nuj Nqis Tshaj Plaws”: “Koj yog ib yam muaj sia raug tsim los—koj yuav tsum pe hawm Vajtswv thiab caum raws ib lub neej muaj nuj nqis. Vim koj yog tib neeg, koj yuav tsum muab koj tus kheej fij rau Vajtswv thiab thev taus txhua yam kev txom nyem! Koj yuav tsum zoo siab thiab lees txais ib qho kev txom nyem me me uas koj tau ntsib rau niaj hnub no thiab ua ib lub neej muaj nuj nqis, zoo ib yam li Yauj thiab Petus. Nej yog cov neeg uas caum raws txoj hau kev yog, cov uas nrhiav kev tsim kho. Nej yog cov neeg uas sawv los hauv haiv neeg ntawm tus zaj loj liab ploog, cov uas Vajtswv hu ua cov ncaj ncees. Qhov ntawd tsis yog lub neej muaj nuj nqis tshaj plaws los?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Kev Xyaum Ua Raws (2)). Thaum kuv hu zaj nkauj qhuas Vajtswv ntawd, zoo li txhawb kuv heev, ces kuv thiaj li teev tsis tau kuv lub kua muag kom txhob ntws li. Kuv yog ib tug neeg uas raug tsim tawm los, yog li ntawd kuv tsim nyog ntseeg thiab pe hawm Vajtswv. Qhov no yog ntuj tsim thiab yog qhov yog uas kuv ua li no. Vajtswv npaj kom kuv los yug rau hauv ib tsev neeg uas ntseeg tus Tswv kom kuv thiaj li yuav paub tias muaj Vajtswv txij thaum yau los. Nyob rau tiam kawg, Vajtswv hlub tshua kuv thiab Nws cia kuv mloog tus Tswv lub suab thiab txais Nws. Nws cia kuv muaj kev xyiv fab rau txoj kev saib xyuas thiab pab cuam ntawm Vajtswv txoj lus, lees txais txoj lus ntawd txoj kev txiav txim thiab kev ntxuav kom dawb huv, thiab los txais ib lub hwv tsam uas Vajtswv yuav cawm kom dim. Qhov no yog ib qho koob hmoov uas zoo kawg nkaus li! Kuv xav txog ntau tus neeg uas tau raws Vajtswv qab los lawm tau ntau tiam. Yuav kom tshaj tawm tau Vajtswv txoj moo zoo mas lawv yuav tsum raug kev tsim txom thiab kev txom nyem, thiab muaj ntau tus haj tseem yeem tuag lawm thiab. Lawv txhua tus puav leej tsim tej lus tim khawv uas zoo heev, nrov heev rau Vajtswv. Qhov kuv txom nyem me me li no yog dab tsi xwb? Kuv xav hais tias, “Yog kuv tso txoj kev ntseeg Vajtswv tseg kom tiv thaiv tau kuv tus kheej tej kev ntshaw thiab lub neej yav tom ntej xwb no, kuv puas tseem muaj ib lub siab uas txawj xav mas? Kuv puas tsim nyog hu ua noob neej?” Qhov xav li ntawd ua rau kuv muaj zog, ces kuv thiaj li tau tsa tes cog lus hais tias txawm kuv yuav raug muab ntiab tawm los sis kuv lub neej yav tom ntej thiab txoj hmoo yuav zoo li cas, thiab txawm cov tib neeg uas nyob ib puag ncig kuv yuav tsis kam txais yuav kuv los sis hais lus thuam kuv li cas los xij, kuv yeej yuav tsis ntxeev siab rau Vajtswv li, thiab kuv yuav ua tim khawv rau Vajtswv. Thaum lawv nug kuv zaug kawg, kuv thiaj li ua siab txias txias qhia rau tub ceev xwm hais tias, “Yog tsev kawm ntawv muab kuv ntiab tawm lawm, ces kuv tsuas thov kom nej hais rau kuv tus txiv mus rau tom tsev kawm ntawv mus sau kuv cov khoom xwb.” Thaum tub ceev xwm pom tias kuv txiav txim siab zoo npaum li cas lawm, ces lawv txawm tawm mus lawm, zoo li tag kev cia siab heev. Kuv thiaj li ua ntau ntau rau Vajtswv.
Tom qab kuv dim plaws lawm, kuv tus txiv txawm hais yam npau taws heev hais tias, “Tub ceev xwm hais rau kuv hais tias yog koj rov qab raug ntes vim ntseeg Vajtswv dua, ces yuav tsis yog raug kaw li ib lub hlis lawm xwb. Qhov no yuav cuam tshuam kuv thiab wb tus ntxhais thiab. Wb tus ntxhais txoj kev kawm ntawv qib siab thiab tej kev cia siab kom tau hauj lwm ntawd yuav raug cuam tshuam, thiab nws yuav ua tsis tau hauj lwm rau hauv tsoom fwv. Koj tsis to taub li lod? Vim qhov koj raug ntes rau txoj kev ntseeg Vajtswv, kuv los kuj raug kev txom nyem ib lub hlis thiab. Kuv qhia tsis tau rau koj hais tias kuv quaj pes tsaug zaus lawm, thiab kuv yuav luag ua tsheb sib nraus. Qhov yuav ua kom tau koj tawm ntawm qhov chaw kaw neeg ntawd los, kuv tau mus thov kev pab thiaj li ua rau kuv tus kheej txaj muag tag li! Kuv tsis xav raug kev txom nyem zoo li ntawd dua lawm. Koj tso txoj kev ntseeg tseg puas tau, es xav txog wb tsev neeg thiab?” Tom qab ntawd, yuav kom txwv tau kuv tsis pub hu rau kuv cov nus thiab cov viv ncaus, mas nws saib kuv zoo li kuv yog ib tug neeg txhaum xwb. Nws tsis cia kuv tawm hauv tsev thiab tsis pub kuv muaj kev ywj pheej kiag li. Thaum nws mus ua hauj lwm lawm, nws kom nws niam saib kuv. Nws yeej hu tas li los nug seb kuv nyob qhov twg thiab kuv ua dab tsi lawm. Nws kuj tau qhia kuv tas li txog ntau yam ntawm Tsoom Fwv Koom Tsham Suav tej kev hloov mus los thiab txog tej tswv yim ua txhaum rau kuv kom paub lub txim ntawm txoj kev tsis mloog Tsoom Fwv Koom Tsham Suav lus kom tshem tau kuv tej tswv yim uas xav txog txoj kev ntseeg Vajtswv ntawd tawm mus. Nws kuj hais tias, “Kuv paub hais tias cov lus xaiv uas Tsoom Fwv Koom Tsham Suav hais txog koj pawg ntseeg ntawd yog cuav xwb. Koj xav ntseeg Vajtswv, tiam sis lawv tsis tso cai. Yog koj tsis mloog lus, ces lawv yuav rhuav tshem koj lub neej txoj sia. Saib cov tib neeg uas thaum kawg tuag yam tu siab heev nyob rau lub sij hawm Hloov Pauv Nom Tswv ntawd thiab Qhov Xwm Txheej nyob rau lub Rau Hli Tim Plaub ntawd seb. Yog koj tawm tsam Tsoom Fwv Koom Tsham Suav, mas koj yeej khiav tsis tau kom dim mus rau txawv teb chaws li.” Kuv niam pog kuj los koom hais tias, “Tsoom Fwv Koom Tsham Suav mas tsis zoo, tiam sis lawv tuav lub hwj chim. Peb tsuas yog cov tib neeg uas tsis tseem ceeb, thiab dog dig xwb, thiab peb tsis khov txaus mus tawm tsam lawv.” Tom qab ntawd, kuv raug tsev kawm ntawv muab ntiab tawm lawm vim kuv txoj kev ntseeg Vajtswv, thiab kuv tus txiv muab txhua yam tsis zoo uas tshwm sim rau wb tsev neeg ntawd liam rau kuv txoj kev ntseeg Vajtswv xwb. Thaum twg uas muaj ib yam dab tsi meem txom nws, mas nws yeej cem kuv, thuam kuv, thiab saib tsis taus kuv li. Lub neej zoo li no mas ua rau kuv nyuaj siab heev, thiab tshaj ntawd ntxiv, kuv nyeem tsis tau Vajtswv txoj lus los sis hu tsis tau rau kuv cov nus thiab cov viv ncaus li, yog li ntawd kuv thiaj li nyuaj siab heev, thiab kuv tsis paub xyov thaum twg lub sij hawm ntawd thiaj li yuav xaus mus.
Nyob rau ntu ntawd, kuv yeej thov Vajtswv tas li kom Nws qhia kuv, coj kuv kev, thiab pub kuv to taub Nws lub siab nyiam. Muaj ib hnub, kuv txawm nco txog ib zaj lus ntawm Vajtswv txoj lus: “Tus zaj loj liab ploog tsim txom Vajtswv thiab yog Vajtswv tus yeeb ncuab, thiab ces, nyob thaj av no, tib neeg raug rhuav ntsej muag thiab tsim txom vim lawv txoj kev ntseeg Vajtswv…. Vim tias, nws nqis tes mus rau ntawm thaj av uas tawm tsam Vajtswv, tag nrho Vajtswv tes dej num ntsib kev cuam tshuam loj heev, thiab Nws cov lus muaj ntau lo ua tsis tau kom tiav kiag tam sid; vim li ntawd, neeg lim hloov kom zoo dua los ntawm Vajtswv cov lus, uas kuj yog ib qhov ntawm kev txom nyem. Nws yog ib qho nyuaj kawg nkaus rau Vajtswv ua Nws tes dej num nyob ntawm thaj av uas tus zaj loj liab ploog nyob—tab sis nws yog los ntawm txoj kev nyuaj no uas Vajtswv ua ib theem ntawm Nws tes dej num, ua kom Nws txoj kev txawj ntse thiab txoj kev ua uas muaj hwj huaj loj tshwm tuaj, thiab siv lub cib fim no los ua kom pab neeg no muaj txhua yam txhij” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Tes Hauj Lwm Puas Yooj Yim Npaum Li Tib Neeg Xav?). Vim Vajtswv txoj lus, kuv thiaj li to taub hais tias vim tus zaj loj liab ploog ntawd tsis nyiam Vajtswv kiag li thiab tawm tsam Nws yam phem heev, yog cov ntseeg Vajtswv nyob rau hauv Teb Chaws Suav lawm, peb yuav tau nyiaj kev txom nyem ntau heev, tiam sis txoj kev txom nyem no muaj txiaj ntsim heev. Vajtswv siv hom kev tsim txom thiab kev ceeb laj txom nyem no los ua kom peb txoj kev ntseeg zoo tiav log thiab ua rau peb muaj kev thoob tsib to nrog. Tsuas yog vim kuv ntseeg Vajtswv xwb, es Tsoom Fwv Koom Tsham Suav thiaj li tau muab kuv ceev tseg, kom kuv lub tsev kawm ntawv muab kuv ntiab tawm, thiab siv kuv tsev neeg tes hauj lwm thiab lub neej yav tom ntej los hem kuv thiab yuam kom kuv tso txoj kev tseeb tseg. Tsoom Fwv Koom Tsham Suav mas phem tiag tiag li! Kuv tus txiv ua txhua yam los txwv kuv kom txhob ntseeg Vajtswv vim nws ntshai lawv tej kev ua phem. Thaum kuv tus kheej raug Tsoom Fwv Koom Tsham Suav txoj kev tsim txom mas ua rau kuv pom lawv lub ntsiab tseeb uas ua phem heev thiab ntxub qhov tseeb. Kuv thiaj li xav hais tias, “Tsoom Fwv Koom Tsham Suav yim tsim txom kuv, mas kuv yim tsis kam txais yuav lawv, tso lawv tseg, thiab raws Vajtswv qab kom mus txog thaum kawg xwb.” Kaum lub hli tom qab ntawd, kuv nrhiav tau ib lub cib fim los hu tau rau cov nus thiab cov viv ncaus lawm. Thaum kuv tau nyeem kiag Vajtswv txoj lus dua lawm, mas kuv zoo siab heev li, thiab haj yam paub tias Vajtswv txoj lus mas muaj nuj nqis heev li. Kuv yim nyeem, ces yim paub qhov tseeb thiab yim muaj zog.
Ntau lub hlis tom qab ntawd txawm muaj ib hnub, kuv tus txiv tshawb pom kuv phau ntawv pe hawm nyob rau hauv kuv chav. Thaum nws paub tias kuv tseem ntseeg Vajtswv, mas nws npau taws heev thiaj li xa tib nrig rau kuv vau hlo rau hauv av ces tom qab ntawd xuas nrig rau kuv lub taub hau yam tsawg kawg 20 zaus ntxiv. Kuv pom hnub qub, thiab kuv lub taub hau o luaj qe nquab. Kuv nco tau kuv tus txiv lub ntsej muag uas npau taws heev thiab qhov kuv tus ntxhais uas muaj 6 xyoo ntshai heev ces nws thiaj li pib quaj thov hais tias, “Txhob ntaus niam os! Txhob ntaus niam os! …” Kuv tus txiv thiaj li ntsiab nkaus kuv lub ntsej tsho thiab muab kuv pov mus rau nraum zoov thaum nws hais yam npau taws heev hais tias, “Yog koj pheej ntseeg Vajtswv, ces tawm ntawm kuv lub tsev mus!” Thaum kuv pom tias kuv tus txiv tau hloov li cas, nws siab phem thiab lim hiam npaum li cas, thiab nws tsis quav ntsej txog lub sij hawm uas wb nyob ua ke li cas lawm tiag tiag, mas kuv tu siab heev. Qhov uas nyiaj tsis taus kiag mas yog thaum pom tias kuv tus ntxhais ntshai npaum li cas rau nws txoj kev npau taws. Kiag thaum nws los ze kuv, mas kuv tus ntxhais xav hais tias nws yuav ntaus kuv xwb, yog li ntawd kuv tus ntxhais thiaj li khiav los rau ntawm kuv xub ntiag thiab tsa nws ob txhais tes me me los tiv thaiv kuv thiab hais tias, “Koj txav kom deb ntawm niam!” Qee zaus, thaum kuv nyob txheej sab saud, kiag thaum kuv tus txiv los ze tus ntaiv lawm, mas kuv tus ntxhais nthe nws kom tsis txhob nce mus rau txheej saud. Txhua zaus kuv pom kuv tus ntxhais lub ntsej muag mas yog ntshai thiab ntxhov siab nkaus xwb, txoj kev puas siab ntsws uas nyiaj txoj kev tsiv nyaum rau thaum hnub nyoog tseem me zoo li no, mas zoo li ib rab riam uas lij hauv kuv lub siab, thiab kuv haj yam ntxub tus zaj loj liab ploog ntawd ntxiv. Tag nrho tej kev puas tsuaj no yog Pawg Koom Tsham txoj kev tsim txom tsim xwb.
Muaj ib hnub, thaum kuv tus txiv mus ua hauj lwm los, nws thau nws lub xov tooj ntawm tes los thiab hais yam npau taws heev hais tias, “Saib seb, Tsoom Fwv Koom Tsham Suav rov qab ntes coob coob tus tib neeg dua lawm thiab. Koj puas tseem xav ntseeg? Koj puas xav tuag? Koj ntseeg tau Vajtswv los tsis ua cas, tiam sis tsis txhob muab kuv thiab wb tus ntxhais cab nrog koj. Yog koj rov qab raug ntes dua, ces wb lub neej yuav mus tsis taus li lawm. Yog kuv paub tias koj yuav taug txoj kev ntseeg Vajtswv, ces ntshe kuv twb tsis yuav koj li.” Qhov kuv tus txiv hais ntawd mas mob kuv siab heev li. Kuv rov qab xav txog lub sij hawm yav dhau los, qhov nws pub kuv muaj kev ywj pheej tsawg dua li ib tug neeg txhaum li cas tsuas yog vim kuv ntseeg Vajtswv xwb, qhov nws nquag ntaus kuv npaum li cas, thiab qhov no mob kuv tus ntxhais siab li cas, ces kuv mam li ras dheev hais tias kuv nyiaj tsis taus ntxiv lawm, yog li ntawd kuv thiaj li pom zoo rau kuv tus txiv qhov kev thov kom sib nrauj. Thaum nws pom tias kuv pheej ntseeg Vajtswv txuas ntxiv, ces nws txawm hu kuv tus nus thiab thov kom nws ntxias kuv. Kuv tus nus yeej ib txwm hlub kuv, thiab nws yeej ib txwm txaus siab rau kuv, tiam sis vim kuv raug Tsoom Fwv Koom Tsham Suav tsim txom, ces kuv thiaj li raug tsev kawm ntawv ntiab tawm thiab txwv tsis pub kuv kawm txuas ntxiv lawm. Yog tom qab ntawd kuv sib nrauj lawm, mas ntshe tej neeg zej zos yuav luag kuv heev. Kuv tus nus yuav tag kev cia siab heev! Kuv tsis paub yuav fim kuv tus nus li cas li lawm, kuv thiaj li quaj rau Vajtswv hauv kuv lub siab thiab thov kom Nws tiv thaiv kuv kom kuv ua tau tim khawv rau Vajtswv, thiab kom txawm yuav muaj dab tsi tshwm sim los xij, kuv yuav tsis tso kuv txoj kev ntseeg Vajtswv tseg li. Ces, kuv txawm nco tau ib zaj lus ntawm Vajtswv txoj lus uas hais tias: “Koj yuav tsum muaj Kuv lub siab tawv nyob rau hauv koj, thiab koj yuav tsum muaj cov hauv paus ntsiab lus thaum los ntsib nrog cov neeg txheeb ze uas tsis ntseeg. Rau Kuv tus txiaj ntsig, txawm li cas los, koj kuj yuav tsum tsis txhob yeem swb rau tej hwj chim tsaus ntuj. Vam khom rau Kuv lub tswv yim los taug txoj kev zoo tiav log; tsis txhob cia Ntxwgnyoog tej kev koom siab twg los tswj” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Cov Lus nyob rau thaum Pib, Tshooj 10). Qhov ntawd yog lawm. Vajtswv tsim noob neej, yog li ntawd txoj kev ntseeg Vajtswv thiab raws Vajtswv qab ntawd mas yog li ntuj tsim thiab yog qhov yog lawm. Peb yuav tsum sawv khov kho rau hauv peb txoj kev uas peb xaiv, thiab peb yuav tsum tsis txhob raug Ntxwgnyoog dag. Peb tsis tuaj yeem cia cov tib neeg uas nyob ze tshaj plaws cuam tshuam li thiab. Tom qab kuv tus nus tuaj txog lawm, kuv tus txiv pheej thuam kuv rau nws mloog, hais tias kuv yuav tsum tsis txhob ntseeg Vajtswv. Thaum kuv tus txiv pom tias kuv siab txias npaum li cas lawm, nws thiaj li tsa nws txhais tes los ntaus kuv, tiam sis kuv tus nus cheem nws lawm. Kuv tus nus ua siab txias txias hais rau kuv hais tias, “Koj twb yog ib tug neeg laus lawm, thiab koj tus kheej yeej txiav txim siab tau rau koj lub neej. Tiam sis koj yuav tsum xav txog tias yuav muaj dab tsi tshwm sim rau koj tus ntxhais yog neb sib nrauj lawm. Yog koj saib qhov tshwm sim rau kuv tus ntxhais ntawd, ces koj yeej yuav paub tias yuav muaj dab tsi tshwm sim rau koj tus ntxhais thiab. …” Kuv tus nus cov lus ua rau kuv tu siab tau ib ntus, vim kuv xav txog nws txoj kev sib nrauj, thiab qhov nws tus ntxhais raug cov tib neeg uas nyob ib puag ncig nws ntawd thuam luag thiab saib tsis taus. Qhov ib tug me nyuam tsis muaj ib leej niam ntawd mas txaj muag heev. Thaum txhua yam zoo li ntawd rau kuv nyob rau lub sij hawm ntawd lawm, ces yog tias kuv nrauj, los kuv tus txiv yeej yuav tau saib xyuas wb tus ntxhais xwb, thiab nws yuav ua ib tug me nyuam uas tsis muaj niam. Nws yuav tsis raug kev ntxub ntxaug thiab kev thuam luag los ntawm nws cov xib fwb qhia ntawv thiab cov phooj ywg kawm ntawv ua ke lod? Yog tsis muaj kuv nyob ntawm nws ib sab, yog nws nrog nws txiv thiab pog yawg uas tsis ntseeg ntawd nyob, nws puas yuav tau taug txoj kev uas ntseeg Vajtswv? Thaum kuv xav txog qhov nws tseem yau npaum li cas ntawd, kuv mloog zoo li kuv nyiaj tsis taus qhov ncaim nws mus li. Nyob rau ntu sij hawm ntawd mas kuv nyiaj siab tiag tiag li, yog li ntawd kuv thiaj li thov Vajtswv hais tias, “Vajtswv, kuv tso tsis taus kuv tus ntxhais tseg. Kuv pheej nyuaj siab rau nws lub neej yav tom ntej. Kuv thov kom Koj qhia kuv, coj kuv kev, thiab tiv thaiv kuv lub siab.”
Tom qab ntawd, kuv txawm nyeem ib zaj lus ntawm Vajtswv txoj lus. “Ntxiv rau ntawm kev yug thiab tu me nyuam lawm, cov niam cov txiv tseem muaj lub luag hauj lwm npaj rau lawv cov me nyuam txoj kev ua neej kom muaj kev loj hlob zoo, kom tsis muaj qhov txawv mus ntawm qhov txiav txim siab ua ntej ntawm tus Tswv Tsim uas tau txhawb nqa rau hauv ib tug neeg txoj hmoo. Tsis muaj leej twg muaj peev xwm tswj kav tau tias tib neeg lub neej yav tom ntej yuav zoo li cas; nws yeej raug npaj ua ntej los lawm ntev, thiab lawv niam thiab lawv txiv los yeej tsis muaj peev xwm hloov tau lawv txoj hmoo. Txawm yuav txhawj txog txoj hmoo los xij, txhua tus neeg yeej muaj kev ywj pheej, thiab txhua tus neeg yeej muaj lawv tus kheej txoj hmoo. Yog li, yeej tsis muaj leej twg niam thiab txiv muaj peev xwm tshem tau lawv txoj hmoo los sis muaj cai los haub ntxias ib qho me me li nyob rau hauv lub neej txoj sia. Nws tuaj yeem hais tau tias kev yug los rau hauv ib tsev neeg yeej raug npaj raws li txoj hmoo lawm thiab lub chaw tu kom tib neeg loj hlob yeej tsis tshaj qhov kev npaj ua kom tiav raws li tib neeg tes hauj lwm hauv lub neej txoj sia. Lawv tsis nyob rau hauv txoj kev txiav txim txog ib tug neeg txoj hmoo hauv lub neej txoj sia los sis hom txoj hmoo nyob hauv ib tug neeg uas yuav tau ua kom tiav hlo lawv tes hauj lwm. Thiab yog li ntawd, yeej tsis muaj leej twg niam thiab txiv muaj peev xwm pab ua kom tiav lawv lub luag hauj lwm rau hauv lub neej txoj sia, thiab kuj ib yam nkaus thiab, yeej tsis muaj leej twg cov kwv tij neej tsa muaj peev xwm pab ua lawv lub luag hauj lwm hauv lub neej txoj sia tau. Tib neeg ua tiav nws tes hauj lwm li cas thiab tag nrho ntawm qhov kev ua neej uas tib neeg ua nws lub luag hauj lwm yog raug npaj raws lawv txoj hmoo hauv lub neej txoj sia lawm. Muab hais ua lwm lo lus, yeej tsis muaj leej twg cheem tau tej yeeb yam haub ntxias rau ib tug neeg tes hauj lwm uas raug npaj ua ntej los ntawm tus Tswv Tsim lawm. Txhua tus tib neeg yuav loj hlob tiav niam tiav txiv rau ntawm tej chaw uas lawv loj hlob; dhau ntawd ces lawv mam li pib lawv tus kheej tej kev taug hauv lub neej txoj sia ib kauj ruam zuj zus thiab ua tiav hlo txoj hmoo uas tus Tswv Tsim tau npaj rau lawv. Raws li ib txwm muaj, yam tsis nco xav txog li, lawv nkag mus rau hauv lub hiav txwv loj thiab dav ntawm txoj kev ua neeg, thiab ua lawv tus kheej tes dej num hauv lub neej, lawv pib ua kom tiav hlo lawv lub luag hauj lwm raws li qhov raug tsim los ua tib neeg ntawm tus Tswv Tsim txoj kev npaj tseg ua ntej rau Nws lub hwj chim kav lawm” (Txoj Lus, Phau 2. Hais Txog Qhov Kev Paub Vajtswv. Vajtswv Tus Kheej, tus Uas Tsuas Yog Tib Tug Xwb III). Tseem muaj ib zaj lus ntxiv thiab. “Tib neeg tej kev npaj thiab tej kev xav yeej zoo tiav log lawm; lawv tseem tsis paub tias lawv yuav muaj pes tsawg tus me nyuam, lawv tej me nyuam lub cev thiab lub ntsej muag, rab peev xwm, thiab yav tom ntej tsis yog yam lawv yuav tau txiav txim, qhov ntawd tseem tsis yog lawv cov me nyuam txoj hmoo nyob rau hauv lawv ob txhais tes thiab los? Tib neeg tsis yog tus tswj lawv tus kheej txoj hmoo, tiam sis lawv xav hloov txoj hmoo ntawm cov neeg hluas; lawv tsis muaj hwj chim khiav kom dim lawv tus kheej txoj hmoo, tiam sis lawv tseem xav tswj kav lawv tej tub thiab tej ntxhais txoj hmoo. Puas yog lawv ntaus nqi lawv tus kheej siab dhau lawm? Tej no tseem tsis yog tib neeg txoj kev ruam thiab kev tsis paub qab hau dab tsi thiab los?” (Txoj Lus, Phau 2. Hais Txog Qhov Kev Paub Vajtswv. Vajtswv Tus Kheej, tus Uas Tsuas Yog Tib Tug Xwb III). Vim Vajtswv cov lus kuv thiaj li to taub hais tias Vajtswv tsim txhua yam thiab muaj hwj chim kav txhua yam, thiab tias tib neeg txoj hmoo puav leej nyob rau hauv Vajtswv ob txhais tes. Tej niam tej txiv tsuas yog nyob ntawm no tu lawv cov me nyuam kom loj hlob xwb, lawv hloov tsis tau lawv cov me nyuam txoj hmoo li. Kuv ib txwm xav tias kuv qhia tau thiab tswj tau kuv tus ntxhais lub neej, tias nws tuaj yeem muaj kev kaj siab tsuav kuv nyob ntawm nws ib sab xwb, thiab tias kuv yeej coj tau nws los ntseeg Vajtswv. Tiam sis thaum rov qab xav dua, kuv yeej tswj tsis tau kuv tus kheej txoj hmoo li, yog li ntawd kuv yuav tswj kuv tus ntxhais txoj hmoo tau li cas? Kuv xav txog qhov kuv tus ntxhais muaj mob thiab hnov qab ob peb hnub dhau los no, es kuv pab tsis tau nws qhov mob kiag li, kuv tsuas sawv tau ntawm ib sab ntsia xwb. Kuv tsuas thov tau Vajtswv kom tiv thaiv kuv tus ntxhais xwb. Kuv tus ntxhais plam taw thaum tab tom nce ces nws thiaj li poob tsag. Kuv ua tsis tau ib yam dab tsi hlo li. Tiam sis tsob ntoo qhuav uas nyob kiag ntawm taw ntawm lub tsag roob ntawd tau cawm nws. Tej xwm txheej no ua rau kuv to taub hais tias tab txawm yog kuv saib xyuas kuv tus ntxhais txhua txoj kev li ua tau los xij, yeej hais tsis tau tias nws yuav tsis muaj mob los sis raug kev puas tsuaj li. Tib neeg lub neej txoj sia yog nyob rau hauv Vajtswv ob txhais tes. Txoj kev txom nyem uas tib neeg nyiaj nyob rau hauv lawv lub neej txoj sia thiab txoj kev uas lawv taug ntawd Vajtswv twb npaj tseg ua ntej ntev los lawm. Tib neeg tsis muaj cai hais thiab tsis muaj cai cuam tshuam tej no li. Thaum kuv to taub tej no lawm, kuv kaj siab lawm ntau heev. Kuv thiaj li paub hais tias kuv yuav tsum muab kuv tus me nyuam tso rau hauv Vajtswv ob txhais tes thiab ua raws li Vajtswv lub hwj chim kav thiab tej kev npaj. Yog ib tug neeg uas raug tsim tawm los lawm, qhov no yog qhov uas kuv tsim nyog ua.
Tom qab ntawd, thaum kuv tus txiv pom hais tias kuv pheej yuav ntseeg Vajtswv li, ces nws thiaj li txiav txim siab muab kuv nrauj lawm. Nws hais kom kuv tawm mus tes dawb tes do xwb thiab tsis kam kuv saib xyuas wb tus ntxhais li. Nws haj tseem xav kom kuv txhob muaj cai tuaj saib li thiab. Thaum kuv nug nws txog qhov faib khoom ntawd, nws haj tseem muab ib lub khob hlau los ntaus kuv lub taub hau thiab. Kuv siv kuv ob txhais tes los tiv thaiv kuv tus kheej tiam sis kuv ob lub dab teg doog tag li, uas txhais tau hais tias kuv nqa tsis taus tej khoom hnyav los tau tshaj li ob lub hlis. Nws kuj siv zog ntaus kuv lub nraub qaum ntau zaus heev, uas ua rau kuv hnoos phem heev los tau tshaj li ib hlis. Tom qab txhua yam ntawd lawm, nws tau txeeb ntau pua txhiab nyiaj uas kuv khaws cia los ntawm kev ua hauj lwm los. Nws thiaj li hais tias, “Koj ntseeg Vajtswv, tsis yog lod? Ces thov kom koj tus Vajtswv muab zaub mov thiab dej rau koj.” Thaum kuv pom tias kuv tus txiv ua yam tsis tsim nyog thiab siab phem heev, ces kuv txawm nco txog Vajtswv cov lus uas hais tias, “Yog tib neeg npau taws npaum li hluav taws kub thiab npau taws thaum hais txog Vajtswv, ces nws puas tau pom Vajtswv? Nws puas paub tias Vajtswv yog leej twg? Nws tsis paub tias Vajtswv yog leej twg, tsis ntseeg Nws, thiab Vajtswv yeej tsis tau hais lus rau nws. Vajtswv yeej tsis tau tsim teeb meem rau nws, yog li vim li cas nws thiaj li npau taws? Peb puas hais tau tias tus neeg no yog neeg phem? Raws li neeg ntiaj teb feem ntau coj ua, kev noj, kev haus, thiab kev nrhiav raws siab nyiam, thiab kev caum tej yam muaj koob nrog npe—tej yam no yeej tsis xeeb txhob rau ib tug tib neeg zoo li no li. Txawm li cas los xij, thaum hais txog lo lus ‘Vajtswv,’ los sis txog qhov tseeb ntawm Vajtswv cov lus, nws npau taws. Qhov no tsis muaj ib tug yeeb yam phem los? Qhov no yog yam ua pov thawj txaus tias yog tib neeg tus yeeb yam phem” (Txoj Lus, Phau 2. Hais Txog Qhov Kev Paub Vajtswv. Vajtswv Tus Kheej, tus Uas Tsuas Yog Tib Tug Xwb V). Qhov Vajtswv cov lus nthuav tawm ntawd ua rau kuv pom tseeb tseeb txog kuv tus txiv tus yeeb yam phem uas tawm tsam Vajtswv. Thaum pib, thaum kuv tus txiv paub tias kuv ntseeg Vajtswv Tus Uas Muaj Hwj Chim Loj Kawg Nkaus lawm, ces nws txawm tawm tsam, thiab nws haj tseem muab kuv cov phau ntawv uas hais txog Vajtswv txoj lus ntawd dua tag li thiab. Tom qab ntawd, nws thiaj li pib ua txhua yam los cheem kuv kom tsis txhob ntseeg Vajtswv thiab nws saib kuv zoo li ib tug neeg raug txim xwb, tsis pub kuv muaj ib qho kev ywj pheej li, thiab pheej ntaus kuv yam phem heev. Zoo li nws xav muab kuv tua kom tuag. Thaum wb sib nrauj, nws txeeb tag nrho txhua yam uas yog kuv ntiag tug los ua kom kuv tsis muaj kev cia siab thiab ua kom kuv ua tsis tau kuv lub neej li. Nws lub hom phiaj yog ua kom kuv ntxeev siab thiab tsis lees paub Vajtswv xwb. Tam sim no kuv pom tseeb tseeb txog kuv tus txiv tus yeeb yam lub ntsiab tseeb lawm. Nws yog ib tug dab phem uas ntxub thiab tawm tsam Vajtswv. Kuv tus txiv thiab kuv hais lus tsis sib haum li. Nrog nws nyob, mas kuv tsis muaj kev ywj pheej, thiab kuv raug ntaus thiab raug txwv xwb. Zoo li no mas txom nyem heev! Qhov no yog ib lub tsev tau li cas? Tej no tsuas yog saw hlau xauv tes xauv taw xwb. Qhov no yog dab teb.
Tom qab kuv sib nrauj lawm, ces kuv tsis raug kuv tus txiv cuam tshuam thiab txwv ntxiv lawm. Kuv muaj peev xwm mus koom tej kev sib txoos ua ke thiab nyeem Vajtswv cov lus li qub lawm, thiab kuv maj nroos ua tej dej num nyob rau hauv pawg ntseeg. Kuv zoo siab thiab kaj siab lawm. Ua Vajtswv tsaug uas cawm kuv dim!
