36. Kev Mloog Vajtswv Lub Suab thiab Kev Tos Txais Tus Tswv
Vajtswv Tus Uas Muaj Hwj Chim Loj Kawg Nkaus hais tias: “Tej zaum muaj coob leej ntau tus yuav tsis quav ntsej txog cov lus uas Kuv hais, tab sis Kuv tseem xav qhia rau txhua tus neeg uas hu ua neeg dawb huv uas raws Yexus qab hais tias, thaum koj pom Yexus caij tauv huab dawb nqis saum ntuj ceeb tsheej los kiag ntawm nej tus kheej lub qhov muag, qhov no yuav yog kev tshwm sim rau zej tsoom tau pom txog lub Hnub ntawm kev ncaj ncees. Tej zaum qhov ntawd yuav yog lub sij hawm uas koj muaj kev zoo siab heev, tab sis koj yuav tsum paub tias lub sij hawm koj pom Yexus nqis saum ntuj ceeb tsheej los kuj yog lub sij hawm uas koj mus rau hauv ntuj tawg mus raug txim. Ntawd yuav yog lub sij hawm kawg ntawm Vajtswv txoj kev npaj cawm tib neeg thiab nws yuav yog lub sij hawm uas Vajtswv muab nqi zog rau cov neeg zoo thiab rau txim rau cov neeg phem. Rau qhov kev txiav txim ntawm Vajtswv yuav xaus ua ntej tib neeg pom cov cim qhia, thaum tsuas muaj kev nthuav tawm ntawm qhov tseeb nkaus xwb. Cov uas lees txais qhov tseeb thiab tsis nrhiav tej txuj ci tseem ceeb, thiab yog li ntawd tau raug ntxuav kom dawb huv lawm, yuav tau rov qab mus rau ntawm xub ntiag ntawm Vajtswv lub zwm txwv thiab nkag mus rau tus Tswv Tsim txhais tes puag. Tsuas yog cov uas tuav ruaj ruaj qhov kev ntseeg hais tias ‘Tus Yexus uas tsis caij ib tauv huab dawb ces yog ib tug khetos cuav’ thiaj li yuav raug muab cob rau kev rau txim rau mus tag ib txhiab ib txhis xwb, vim lawv tsuas ntseeg tus Yexus uas ua tej txuj ci tseem ceeb xwb, tab sis tsis muaj ib qho kev lees paub txog tus Yexus uas tshaj tawm txog txoj kev txiav txim hnyav thiab tso txoj kev tseeb txoj sia li. Thiab yog li ntawd ces nws tsuas muaj tib qho hais tias Yexus saib xyuas lawv thaum Nws rov los yam qhib lug rau saum ib tauv huab dawb xwb” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Thaum lub Sij Hawm Koj Pom Yexus Lub Cev Sab Ntsujplig, Vajtswv Yuav Tsim Lub Ntuj thiab Lub Ntiaj Teb Tshiab Lawm). Vajtswv Tus Uas Muaj Hwj Chim Loj Kawg Nkaus cov lus nthuav tawm hais tias qhov uas cov ntseeg qhia yuam kev loj tshaj plaws txog txoj kev txais tos tus Tswv mas yog qhov tuav rawv rau phau Vajluskub uas hais ncaj ncaj thiab tos ntsoov Nws los rau saum ib tauv huab raws li lawv xav hauv nruab siab xwb. Tab txawm thaum lawv hnov hais tias Nws twb rov qab los lawm, hais tias Nws tab tom nthuav qhov tseeb tawm thiab tab tom ua tes hauj lwm txiav txim nyob rau tiam kawg los xij, lawv tsis tshuaj xyuas los sis sim mloog Vajtswv lub suab li. Vim li ntawd, lawv thiaj li plam lawv lub hwv tsam uas raug tus Tswv coj mus rau hauv lub nceeg vaj saum ntuj ceeb tsheej lawm. Thaum txog hnub uas tib neeg pom Tswv Yexus nqis los rau saum ib tauv huab, ces Vajtswv tes hauj lwm uas yaug tib neeg ntiaj teb kom dawb huv thiab cawm tib neeg ntiaj teb kom dim ntawd twb tiav lawm. Lawv yuav raug rau txim, ces quaj tom hniav qawv. Qhov tuav rawv rau lawv tus kheej tej kev xav phem thiab tej kev xav hauv nruab siab uas tsis nrhiav qhov tseeb los sis mloog Vajtswv lub suab ntawd mas phom sij heev li! Qhov ua raws li tej kev xav phem thiab tej kev xav hauv nruab siab zoo li no, es kuv thiaj li yuav luag plam kuv lub hwv tsam los txais tos tus Tswv.
Kuv txeev ua ib tug qhuab qhia rau ib pawg ntseeg hauv tsev. Thaum xyoo 1996 ntawd, kuv tsis muaj dab tsi thiab nrhiav tsis tau kev pab li, yog li ntawd kuv thiaj li pheej mus mloog lwm cov lus qhuab qhia. Muaj ib zaug, kuv hnov qee tus neeg hais tias Qhov Xob Laim Sab Hnub Tuaj tab tom ua tim khawv hais tias Tswv Yexus twb ua lub cev nqaij daim tawv rov qab los lawm, hais tias Nws tab tom nthuav qhov tseeb tawm thiab tab tom ua tes hauj lwm txiav txim ntawm tiam kawg, thiab muaj ntau tus kwv tij thiab muam twb koom Qhov Xob Laim Sab Hnub Tuaj lawm. Kuv ceeb tag li, thiaj li xav hais tias, “Tus Tswv twb rov qab los lawm lod? Qhov ntawd muaj tau li cas? Muaj hais nyob rau hauv phau Vajluskub hais tias, ‘Nej cov neeg Kalilais, vim li cas nej saw ntsia tuaj rau saum ntuj? Tib tug Yexus no, uas tau raug muab coj tawm ntawm nej los mus rau saum ntuj lawm, ces yuav rov los zoo tib yam nkaus li qhov uas nej pom Nws mus rau saum ntuj lawm’ (Tubtxib Tes Haujlwm 1:11). Tus Tswv yuav tsum ua Nws lub cev ntsujplig uas sawv hauv qhov tuag rov qab los rau saum ib tauv huab, tab meeg tshwm los rau peb pom. Vim peb twb tsis tau pom ib yam zoo li ntawd li, ua li cas thiaj li hais tau tias Nws twb rov qab los lawm? Feem uas hais txog Vajtswv tes dej num ntawm kev txiav txim nyob rau hauv lub cev nqaij daim tawv mas haj yam tsis txaus ntseeg.” Yog li ntawd, kuv yeej tsis mloog los sis tshawb xyuas Qhov Xob Laim Sab Hnub Tuaj tej lus qhuab qhia li.
Muaj ib hnub, Kwv Tij Vexatoos uas nyob rau hauv peb pawg ntseeg txawm caw ob peb tug qhuab qhia tuaj. Nws hais tias lawv tej lus qhuab qhia mas muaj Vajntsujplig txoj kev qhuab qhia mas peb txhua tus yuav kawm tau qee yam. Kuv zoo siab heev ces thiaj li caw lwm tus kwv tij thiab muam tuaj koom thiab. Nyob rau hauv qhov kev sib txoos ua ke ntawd, Ob Tug Muam Lelas thiab Ntxawm tau muab Vajluskub coj los dhos rau nkawv tej lus qhia txog lub ntsiab lus ntawm Vajtswv tes hauj lwm nyob rau Tiam Muaj Kev Cai thiab Tiam Hmoov Hlub, thiab tej lus zais tob txog Vajtswv cov npe. Nkawv tham txog qhov peb nyob rau hauv ib lub voj voog ntawm txoj kev ua txhaum thiab lees txim li cas, qhov peb qias neeg thiab qias vuab tsuab thiab tsis tsim nyog pom tus Tswv li cas. Nkawv kuj hais tias Vajluskub hais ua lus faj lem hais tias tus Tswv yuav txiav txim rau tib neeg ntiaj teb thiab yaug tib neeg ntiaj teb kom dawb huv thaum Nws rov qab los nyob rau tiam kawg los daws peb tus yeeb yam txhaum thiab. Qhov ntawd xwb thiaj li yog tib txoj kev uas peb yuav dim ntawm txoj kev txhaum tiag tiag thiab tsim nyog rau lub nceeg vaj saum ntuj ceeb tsheej. Ib yam li Tswv Yexus hais tias, “Kuv tseem muaj ntau yam hais rau nej, tab sis nej ris tsis taus tej ntawd tam sim no. Txawm li cas los xij, thaum Nws, tus Ntsujplig ntawm qhov tseeb, los, Nws yuav coj nej mus rau qhov tseeb” (Yauhas 16:12–13). “Rau qhov Kuv tsis yog los txiav txim rau lub ntiaj teb, tab sis los cawm lub ntiaj teb. Tus uas tsis lees Kuv, thiab tsis txais yuav Kuv tej lus, muaj ib tug txiav txim rau nws: txoj lus uas Kuv tau hais lawm, tib qho no yuav txiav txim rau nws nyob rau hnub kawg” (Yauhas 12:47–48). Ob tug muam ntawd tej lus qhia mas zoo heev. Nyob rau hauv kuv txoj kev ntseeg los tau kaum tawm xyoo no kuv yeej tsis tau hnov ib yam dab tsi zoo li ntawd li. Kuv tim tsum hnov ntxiv, yog li ntawd kuv thiaj li caw nkawv tuaj rau hauv kuv tsev tuaj qhia ntxiv. Muaj ib hmos, Lelas hais txog Vajtswv Tus Uas Muaj Hwj Chim Loj Kawg Nkaus cov lus uas hais tias, “Xob Nroo Xya Suab—Qhia Txog Yav Tom Ntej Hais Tias Txoj Moo Zoo Ntawm Lub Nceeg Vaj Yuav Raug Nthuav Tawm Mus Thoob Qab Ntuj Khwb.” Nws ua tim khawv hais tias Tswv Yexus twb rov qab los ua Vajtswv Tus Uas Muaj Hwj Chim Loj Kawg Nkaus, uas yog tus Khetos ntawm tiam kawg lawm ntag. Tshwj xeeb mas yog thaum kuv hnov Vajtswv cov lus hais txog “qhov xob laim mas yog laim sab Hnub Tuaj mus rau Hnub Poob,” kuv mam li ras hais tias nov yog Qhov Xob Laim Sab Hnub Tuaj. Kuv ceeb tag li tiam sis kuj tag kev cia siab thiab. Ua li cas muaj tau li ntawd? Kuv tsis tau hnov tej lus qhuab qhia uas zoo tag npaum li no los tau ntau xyoo lawm. Kuv zoo siab heev thiaj li xav hais tias kuv nrhiav tau Vajntsujplig tes hauj lwm thiab thaum kawg tau txais cov dej cawm txoj sia los pab lawm. Kuv yeej tsis tau xav dua hais tias yuav yog Qhov Xob Laim Sab Hnub Tuaj li! Twb muab sau tseg rau hauv phau Vajluskub lawm hais tias tus Tswv yuav rov qab los rau saum ib tauv huab, yog li ntawd Nws yuav tsum coj peb ncaj qha mus rau saum ntuj ceeb tsheej xwb. Ua li cas es lawv ho hais tias tus Tswv twb ua lub cev nqaij daim tawv rov qab los lawm? Kuv tsis xav hnov lwm lo lus ntxiv lawm. Yog kuv cia lawv coj kuv mus yuam kev, ces kuv xav hais tias txhua yam uas kuv tau nyiaj dhau los ntawm kuv txoj kev ntseeg los tau ntau xyoo lawm ntawd yuav tsis muaj qab hau li. Kuv xav muab nkawv ntiab tawm mus lawm xwb. Tiam sis tom qab ntawd, thaum nrog nkawv nyob los tau ob lub lim tiam tawm lawm, kuv thiaj li pom hais tias nkawv ua neej zoo heev. Yog lub caij ntuj no tshaj plaws li, mas no heev li, thiab twb dhau ib tag hmo lawm. Kuv xav hais tias qhov muab nkawv ntiab tawm mus ntawd yuav yog qhov phem tshaj plaws li. Kuv nyuaj siab heev. Nws zoo li ib qho uas cov nyom heev li—kuv tsis paub tias Vajtswv lub siab nyiam yog dab tsi li. Kuv thov kev zam txim ces kuv txawm rov qab mus rau hauv kuv chav pw uas yog qhov chaw kuv txhos caug rau ntawm tus Tswv lub xub ntiag thov hais tias: “Au tus Tswv, ob tug muam no tej lus qhia yeej muaj qhov kev kaj tiag tiag, tiam sis kuv ntshai tsam raug dag. Kuv tsis paub li lawm. Kuv tsis paub tias kuv tsim yog ua li cas li lawm. Tus Tswv, thov coj kuv kev lau.” Tom qab thov Vajtswv lawm ces kuv txawm nco tau hais tias Tswv Yexus qhia peb kom hlub tib neeg. Qhov muab nkawv ncaws tawm ntawd yuav tsis mus raws li tus Tswv lub siab nyiam. Tab txawm kuv cia nkawv nyob los xij, qhov ntsib ob tug muam ntawd ua rau kuv hnyav siab heev. Kuv paub hais tias nkawv tej lus qhia mas zoo heev thiab yog los ntawm Vajntsujplig tes hauj lwm los, tiam sis nkawv tej lus qhia hias tias Vajtswv twb rov qab los ua lub cev nqaij daim tawv lawm ntawd mas tsis haum rau kuv tus kheej tej kev xav phem li. Qhov ntawd ua rau kuv pom hais tias kuv tsuas nug tau nkawv xwb seb nkawv hais li cas. Yog li ntawd kuv thiaj li nug nkawv hais tias: “Neb ua tim khawv hais tias Tswv Yexus twb rov qab los ua lub cev nqaij daim tawv lawm no. Kuv lees txais tsis tau qhov no li. Twb muab sau meej meej rau hauv phau Vajluskub lawm hais tias, ‘Nej cov neeg Kalilais, vim li cas nej saw ntsia tuaj rau saum ntuj? Tib tug Yexus no, uas tau raug muab coj tawm ntawm nej los mus rau saum ntuj lawm, ces yuav rov los zoo tib yam nkaus li qhov uas nej pom Nws mus rau saum ntuj lawm’ (Tubtxib Tes Haujlwm 1:11). Qhov ntawd yog Tswv Yexus lub cev ntsujplig uas tau nce mus rau saum ntuj ceeb tsheej tom qab Nws sawv hauv qhov tuag rov qab los lawm, yog li ntawd yuav tsum yog Nws lub cev ntsujplig uas rov qab los rau saum ib tauv huab thaum Nws rov qab los. Ua li cas neb ho hais tau hais tias Nws twb rov qab los ua cev nqaij daim tawv lawm no?”
Lelas thiaj li ua siab ntev ntev teb hais tias, “Muaj ntau lo lus faj lem hauv Vajluskub uas hais txog qhov tus Tswv rov qab los ua cev nqaij daim tawv. Tus Tswv Yexus hais tias: ‘Xob laim tim sab hnub tuaj tuaj, thiab ci mus txog ntua rau sab hnub poob; yog li thaum Neeg Leej Tub los kuj yuav zoo ib yam nkaus li’ (Mathai 24:27). ‘Nej kuj yuav tsum npaj kom txhij: vim Neeg Leej Tub yuav los rau teev uas nej xav tsis txog ntawd’ (Mathai 24:44). ‘Vim zoo ib yam nkaus li xob laim, uas laim txias saum ib sab ntuj tuaj, ci ntsa paug mus rau ib sab ntuj; yog li Neeg Leej Tub yuav zoo tib yam nkaus li ntawd nyob rau hnub Nws rov los. Tab sis ua ntej tshaj Nws yuav tsum raug kev txom nyem ntau yam, thiab yuav raug cov neeg tiam no tsis lees txais’ (Luka 17:24–25). Nyob rau hauv Tswv Yexus tej lus faj lemuas hais txog qhov Nws rov qab los ntawd mas, Nws hais txog ‘Neeg Leej Tub los,’ ‘thaum Neeg Leej Tub los,’ thiab ‘nyob rau hnub uas Neeg Leej Tub los’ ntau zaus heev. ‘Neeg Leej Tub’ txhais hais tias yog Tus uas yug los ntawm tib neeg thiab muaj kev ua neej. Yog Nws muaj lub cev ntsujplig, ces yuav tsis muab Nws hu ua Neeg Leej Tub. Vajtswv Yehauvas yog lub cev ntsujplig, yog li ntawd hu tsis tau Nws ua Neeg Leej Tub. Cov tub txib qaum ntuj yog ntsujplig, yog li ntawd hu tsis tau lawv ua Neeg Leej Tub. Muab Tswv Yexus hu ua Khetos, Neeg Leej Tub, vim Nws yog Vajtswv tus Ntsujplig uas los ua cev nqaij daim tawv thiab Nws yog Neeg Leej Tub uas muaj kev ua neej. Yog li ntawd thaum Tswv Yexus hais tias ‘thaum Neeg Leej Tub los’ thiab ‘Neeg Leej Tub los’ ntawd yog hais txog qhov tus Tswv rov qab los ua cev nqaij daim tawv nyob rau tiam kawg ntag.”
Ces Ntxawm txawm hais tias, “Tswv Yexus hais ua lus faj lwm txog qhov Nws tus kheej rov qab los hais tias: ‘Tab sis ua ntej tshaj Nws yuav tsum raug kev txom nyem ntau yam, thiab yuav raug cov neeg tiam no tsis lees txais.’ Vajtswv tau ua lub cev nqaij daim tawv tshwm los ua Nws tes hauj lwm yam li Neeg Leej Tub nyob rau tiam kawg lawm. Zoo ib yam li Tswv Yexus Khetos, nyob sab nraud saib mas Nws zoo li ib tug neeg leej tub dog dig xwb. Tib neeg tsis pom hais tias Nws yog Khetos ces thiaj li saib Nws zoo li ib tug neeg dog dig xwb. Cov uas nyob rau hauv lub ntiaj teb ntawm sab kev lis kev cai ntseeg thiab cov uas yog feem ntawm Ntxwgnyoog txoj kev tswj hwm kuj koom ua ke los teem txim thiab tawm tsam tus Khetos ntawm tiam kawg thiab. Qhov no muaj tiav kiag raws nraim li tus Tswv lo lus faj lem ntag: ‘Tab sis ua ntej tshaj Nws yuav tsum raug kev txom nyem ntau yam, thiab yuav raug cov neeg tiam no tsis lees txais.’ Yog qhov ntawd zoo li noob neej tej kev xav es tus Tswv ua Nws lub cev ntsujplig los nyob rau tiam kawg, tshwm los rau saum ib tauv huab nrog rau txhua lub koob meej thiab tab meeg qhia Nws Tus Kheej rau txhua tus tib neeg pom, ces txhua tus yeej yuav txhos caug ntua rau ntawm Nws lub xub ntiag, nyo hau thiab pe hawm Nws xwb, thiab yuav tsis muaj leej twg tawm tsam Nws li. Ces lo lus faj lem no yuav muaj tiav tau li cas?”
Qhov no pab kuv pib to taub hais tias yog tus Tswv cia li ua Nws lub cev ntsujplig tshwm ncaj qha los nyob rau tiam kawg xwb, ces txhua tus uas pom Nws yuav txhos caug ntua rau hauv av, thiab yuav tsis muaj leej twg tawm tsam Nws li. Ces lo lus faj lem uas hais tias, “Tab sis ua ntej tshaj Nws yuav tsum raug kev txom nyem ntau yam, thiab yuav raug cov neeg tiam no tsis lees txais,” ntawd yeej yuav tsis muaj tiav li. Kuv xav txog Qhov Xob Laim Sab Hnub Tuaj tab tom ua tim khawv hais tias Tswv Yexus twb rov qab los lawm thiab lub ntiaj teb ntawm sab kev lis kev cai ntseeg thiab Tsoom Fwv Koom Tsham Suav tab tom ua txhua yam los tawm tsam thiab teem txim rau Qhov Xob Laim Sab Hnub Tuaj ntawd li cas. Qhov ntawd tsis yog muaj tiav raws li tus Tswv lo lus faj lem uas hais txog qhov cov tib neeg tiam no yuav tsis kam txais yuav no lod? Vajtswv Tus Uas Muaj Hwj Chim Loj Kawg Nkaus puas yog tus Tswv Yexus uas rov qab los lawm tiag tiag? Phau Vajluskub yeej hais ua lus faj lem txog qhov Neeg Leej Tub los tiag tiag, tiam sis tseem muaj qee yam uas kuv tsis to taub thiab. Tus Tswv kuj hais tias: “Saib nawb, Nws los nrog cov huab; thiab txhua lub qhov muag yuav pom Nws, thiab lawv kuj yog cov nkaug Nws los yeej pom tib si: thiab txhua hom neeg hauv ntiaj teb yuav quaj tu siab vim yog Nws” (Qhia Tshwm 1:7). Kuv xav paub hais tias lo lus faj lem ntawd yuav muaj tiav tau li cas yog tus Tswv twb rov qab los yug ua neeg muaj lub cev ua Neeg Leej Tub lawm. Yog li ntawd kuv thiaj li qhia nkawv txog qhov kuv paub tsis meej.
Lelas qhia txog qhov no hais tias: “Tus Tswv mas muaj lub siab ncaj ncees. Nws txhua lo lus yeej yuav muaj tiav. Tsuas yog tos kom yog sij hawm xwb. Muaj ntau lo lus faj hauv Vajluskub heev uas hais txog qhov tus Tswv rov qab los. Dhau ntawm qhov hais txog Nws los rau saum ib tauv huab lawm, kuj tseem muaj tej lus faj lem uas hais txog qhov Nws los ua cev nqaij daim tawv thiab los twj ywm thiab. Piv txwv li tus Tswv hais tias, ‘Thiab thaum ib tag hmo muaj ib lub suab quaj hu tias, Saib nawb, tus nraug vauv tuaj lawm laus; nej tawm mus ntsib nws’ (Mathai 25:6). ‘Tab sis ntawm hnub ntawd thiab teev ntawd mas tsis muaj neeg paub, tsis hais cov tub txib qaum ntuj, los sis leej Tub li, tab sis tsuas yog Kuv Txiv nkaus xwb’ (Mathai 24:36). Thiab muaj lo lus faj lem nyob rau hauv Qhia Tshwm hais tias, ‘Saib nawb, Kuv los li ib tug tub sab’ (Qhia Tshwm 16:15). Nyob rau hauv tej lus faj lem uas hais txog ‘li ib tug tub sab,’ ‘thaum ib tag hmo muaj ib lub suab quaj,’ thiab ‘tsis muaj neeg paub li’ ntawd yog Nws tab tom tham txog qhov rov qab los twj ywm ntag. Tus Tswv ua ob txoj kev sib txawv los nyob rau tiam kawg. Nws yug los ua neeg twj ywm los ua Neeg Leej Tub, thiab Nws kuj tab meeg los rau saum ib tauv huab thiab. Qhov ntawd yog, Nws xub los ua cev nqaij daim tawv twj ywm los nthuav qhov tseeb tawm thiab txiav txim rau tib neeg ntiaj teb thiab yaug tib neeg ntiaj teb kom dawb huv, thiab los ua kom muaj ib pab kov yeej ua ntej tej kev puas tsuaj. Thaum tus Vajtswv uas muaj cev nqaij daim tawv ua Nws tes hauj lwm uas cawm tib neeg ntiaj teb twj ywm ntawd tag lawm, ces tej kev puas tsuaj mam li tshwm sim, ces Nws yuav muab nqi zog rau cov neeg zoo thiab rau txim rau cov neeg phem. Tsuas yog thaum ntawd xwb Vajtswv thiaj li yuav tab meeg los rau saum ib tauv huab, nthuav Nws Tus Kheej tawm rau txhua haiv neeg thiab txhua tus tib neeg pom. Thaum ntawd yog thaum tej lus faj lemuas hais txog qhov tus Tswv los ntawd yuav tab meeg muaj tiav tag nrho ntag. Txhua tus uas lees txais Vajtswv Tus Uas Muaj Hwj Chim Loj Kawg Nkaus tes dej num ntawm kev txiav txim, cov uas raug yaug lawv tus moj yam qias vuab tsuab dawb huv lawm ntawd Vajtswv yuav tiv thaiv thiab cawm kom dim ntawm tej kev puas tsuaj. Lawv yuav tau nkag mus rau hauv Vajtswv lub nceeg vaj. Tiam sis cov uas tsis kam txais yuav Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg, cov uas ua txhua yam li lawv ua tau los tawm tsam thiab teem txim rau tes hauj lwm ntawd yuav raug rau txim nyob rau hauv tej kev puas tsuaj, yuav quaj tom hniav qawv. Qhov no yuav muaj tiav raws li lo lus faj lem nyob rau hauv Qhia Tshwm: ‘Saib nawb, Nws los nrog cov huab; thiab txhua lub qhov muag yuav pom Nws, thiab lawv kuj yog cov nkaug Nws los yeej pom tib si: thiab txhua hom neeg hauv ntiaj teb yuav quaj tu siab vim yog Nws’ (Qhia Tshwm 1:7).” Ces nws nyeem ib zaj lus ntawm Vajtswv Tus Uas Muaj Hwj Chim Loj Kawg Nkaus cov lus rau kuv mloog. “Tej zaum muaj coob leej ntau tus yuav tsis quav ntsej txog cov lus uas Kuv hais, tab sis Kuv tseem xav qhia rau txhua tus neeg uas hu ua neeg dawb huv uas raws Yexus qab hais tias, thaum koj pom Yexus caij tauv huab dawb nqis saum ntuj ceeb tsheej los kiag ntawm nej tus kheej lub qhov muag, qhov no yuav yog kev tshwm sim rau zej tsoom tau pom txog lub Hnub ntawm kev ncaj ncees. Tej zaum qhov ntawd yuav yog lub sij hawm uas koj muaj kev zoo siab heev, tab sis koj yuav tsum paub tias lub sij hawm koj pom Yexus nqis saum ntuj ceeb tsheej los kuj yog lub sij hawm uas koj mus rau hauv ntuj tawg mus raug txim. Ntawd yuav yog lub sij hawm kawg ntawm Vajtswv txoj kev npaj cawm tib neeg thiab nws yuav yog lub sij hawm uas Vajtswv muab nqi zog rau cov neeg zoo thiab rau txim rau cov neeg phem. Rau qhov kev txiav txim ntawm Vajtswv yuav xaus ua ntej tib neeg pom cov cim qhia, thaum tsuas muaj kev nthuav tawm ntawm qhov tseeb nkaus xwb. Cov uas lees txais qhov tseeb thiab tsis nrhiav tej txuj ci tseem ceeb, thiab yog li ntawd tau raug ntxuav kom dawb huv lawm, yuav tau rov qab mus rau ntawm xub ntiag ntawm Vajtswv lub zwm txwv thiab nkag mus rau tus Tswv Tsim txhais tes puag. Tsuas yog cov uas tuav ruaj ruaj qhov kev ntseeg hais tias ‘Tus Yexus uas tsis caij ib tauv huab dawb ces yog ib tug khetos cuav’ thiaj li yuav raug muab cob rau kev rau txim rau mus tag ib txhiab ib txhis xwb, vim lawv tsuas ntseeg tus Yexus uas ua tej txuj ci tseem ceeb xwb, tab sis tsis muaj ib qho kev lees paub txog tus Yexus uas tshaj tawm txog txoj kev txiav txim hnyav thiab tso txoj kev tseeb txoj sia li. Thiab yog li ntawd ces nws tsuas muaj tib qho hais tias Yexus saib xyuas lawv thaum Nws rov los yam qhib lug rau saum ib tauv huab dawb xwb. Lawv ces tawv ncauj dhau heev lawm, ntseeg lawv tus kheej loj dhau heev lawm, khav theeb dhau heev lawm. Cov neeg phem li ntawd yuav ua cas tau phaj tshab los ntawm Yexus mas? Yexus qhov kev rov qab los yog ib qho kev cawm dim loj heev rau cov uas muaj cuab kav lees txais qhov tseeb, tab sis rau cov uas tsis muaj cuab kav lees txais qhov tseeb ces nws yog ib qho cim ntawm txoj kev teem txim. Nej yuav tsum xaiv nej tus kheej txoj kev taug, thiab yuav tsum tsis txhob hais lus tuam mom tus Vajntsujplig thiab tsis lees txais qhov tseeb. Nej yuav tsum tsis txhob ua ib tug neeg ruam thiab neeg khav theeb, tab sis ua ib tug uas zwm rau txoj kev coj qhia ntawm Vajntsujplig thiab nqhis thiab nrhiav qhov tseeb; tsuas tus yam ntxwv zoo li no xwb mas nej thiaj yuav tau txiaj ntsig” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Thaum lub Sij Hawm Koj Pom Yexus Lub Cev Sab Ntsujplig, Vajtswv Yuav Tsim Lub Ntuj thiab Lub Ntiaj Teb Tshiab Lawm).
Kuv ob lub qhov muag cia li qhib kiag lawm. Kuv pom hais tias qhov tus Tswv rov qab los ntawd muaj tshwm sim rau hauv ntau theem. Thaum xub thawj, Nws los ua cev nqaij daim tawv thiab hais lus thiab ua hauj lwm twj ywm xwb, ces tom qab ntawd Nws mam li tab meeg los rau hauv ib tauv huab, tshwm los rau txhua tus tib neeg pom. Kuv pom hais tias kuv twb txiav txim siab rau qhov tus Tswv los ntawd kom txog qhov kawg kiag lawm vim yog kuv tej kev xav phem thiab tej kev xav hauv nruab siab xwb. Lub tswv yim uas hais tias Nws yeej los ua tsis tau cev nqaij daim tawv li ntawd mas yuam kev lawm. Kuv siv tsis tau lub tswv yim ntawd ntxiv lawm. Kuv xav txog Tswv Yexus cov lus no: “Txhua tus uas thov ces yuav tau txais; thiab tus uas nrhiav ces yuav pom; thiab tus uas khob ces nws yuav qhib rau” (Mathai 7:8). Tam sim no ntsib qhov tus Tswv rov qab los lawm, kuv yuav tsum muaj ib lub siab uas ntshai Vajtswv thiab tshuaj xyuas qhov no tiag tiag kom tau raws li tus Tswv lub siab nyiam. Yog tsis li ntawd, ces tej zaum kuv yuav raug tus Tswv muab ntiab tawm mus thiab!
Ces kuv txawm nug nkawv hais tias, “Vim tus Tswv twb xub los ua cev nqaij daim tawv los ua hauj lwm twj ywm thaum Nws rov qab los lawm, peb yuav ua li cas thiaj li paub tseeb hais tias Vajtswv Tus Uas Muaj Hwj Chim Loj Kawg Nkaus yog tus Vajtswv uas muaj cev nqaij daim tawv, yog tus Khetos ntawm tiam kawg?” Lelas txawm teb yam zoo siab heev hais tias, “Tau ntau txhiab xyoo lawm, yeej tsis muaj leej twg to taub tej lus zais tob, thiab qhov tseeb txog txoj kev yug los ua neeg ntawd tias yog dab tsi thiab qhov peb yuav paub tus Vajtswv uas muaj cev nqaij daim tawv ntawd li cas li. Tam sim no Vajtswv Tus Uas Muaj Hwj Chim Loj Kawg Nkaus tau nthuav tag nrho tej lus zais tob thiab qhov tseeb no tawm rau peb lawm.” Ces nws txawm nyeem ob peb zaj lus ntawm Vajtswv Tus Uas Muaj Hwj Chim Loj Kawg Nkaus cov lus rau kuv mloog. “Qhov ‘kev yug los ua neeg’ yog Vajtswv qhov kev tshwm sim rau hauv lub cev nqaij daim tawv; Vajtswv ua hauj lwm nrog cov tib neeg ntiaj teb uas raug tsim tawm los rau hauv tus yam ntxwv ntawm lub cev nqaij daim tawv. Yog li ntawd vim Nws yog Vajtswv qhov kev yug los ua neeg, Nws thiaj li yuav tsum ua lub cev nqaij daim tawv ua ntej tso, lub cev nqaij daim tawv nrog kev ua neej; qhov no yog qhov tseem ceeb tshaj uas yuav tsum tau muaj. Qhov tseeb, qhov muaj tshwm sim ntawm Vajtswv kev yug los ua neeg yog qhov tias Vajtswv ua neej nyob thiab ua hauj lwm hauv lub cev nqaij daim tawv, tias Vajtswv hauv Nws lub ntsiab tseem ceeb kiag rais los ua lub cev nqaij daim tawv, rais los ua ib tug tib neeg” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Lub Ntsiab Tseeb Ntawm Lub Cev Nqaij Daim Tawv Uas Vajtswv Muaj). “Kev yug los ua neeg txhais tias Vajtswv tus Ntsujplig rais los ua ib lub cev nqaij daim tawv, ntawd yog, Vajtswv rais los ua lub cev nqaij daim tawv; tes dej num uas lub cev nqaij daim tawv ua yog tes dej num ntawm tus Ntsujplig, uas yog qhov raug paub nyob rau hauv lub cev nqaij daim tawv, raug nthuav tawm los ntawm lub cev nqaij daim tawv. Tsis muaj leej twg li tsuas yog Vajtswv lub cev nqaij daim tawv xwb thiaj muaj cuab kav ua tau tes hauj lwm tshaj tawm ntawm tus Vajtswv yug los ua neeg tiav log; ntawd yog, tsuas yog Vajtswv lub cev nqaij daim tawv yug los ua neeg xwb, qhov kev ua neej no—thiab tsis muaj leej twg lawm—muaj cuab kav nthuav tawm tau tes dej num uas muaj hwj chim qaum ntuj” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Lub Ntsiab Tseeb Ntawm Lub Cev Nqaij Daim Tawv Uas Vajtswv Muaj). “Tus Vajtswv uas yug los ua neeg ces hu ua Khetos, thiab Khetos yog lub cev nqaij daim tawv uas Vajtswv tus Ntsujplig hnav. Lub cev nqaij daim tawv no tsis zoo li ib tug tib neeg uas yog lub cev muaj cev nqaij daim tawv. Qhov txawv ces yog vim Khetos tsis yog muaj cev nqaij daim tawv thiab roj ntsha; Nws yog qhov kev yug los ua neeg ntawm tus Ntsujplig. Nws muaj ob yam uas yog kev ua neeg thiab lub hwj chim qaum ntuj. Nws lub hwj chim qaum ntuj mas tsis muaj ib tug neeg twg muaj li. Nws kev ua neej txhawb tag nrho Nws txhua yam kev coj kev ua nyob rau hauv lub cev nqaij daim tawv, thaum lub sij hawm uas Nws lub hwj chim qaum ntuj ua tes hauj lwm ntawm Vajtswv Tus Kheej kiag” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Lub Ntsiab Tseeb Ces Yog Kev Mloog Lus Raws Leej Txiv Saum Ntuj Ceeb Tsheej Txoj Kev Xav). “Nws tus uas yog tus Vajtswv uas yug los ua neeg ntawd mas yuav muaj lub ntsiab tseem ceeb li Vajtswv, thiab Nws tus uas yog tus Vajtswv uas yug los ua neeg yuav muaj yam tshwm sim kom pom li Vajtswv. Vim Vajtswv rais los muaj cev nqaij daim tawv, Nws yuav coj tes hauj lwm Nws npaj siab yuav ua tawm los, thiab vim Vajtswv rais los muaj cev nqaij daim tawv, Nws yuav ua tawm kom pom hais tias Nws yog leej twg, thiab yuav muaj peev xwm coj qhov tseeb los rau tib neeg, muab txoj sia pub rau lawv thiab taw qhia txoj kev rau lawv. Lub cev nqaij daim tawv uas tsis muaj lub ntsiab tseem ceeb ntawm Vajtswv ces yeej tsis yog tus Vajtswv uas yug los ua neeg tiag tiag li; ntawm qhov no mas yeej muaj tseeb li ntawd. Yog tib neeg npaj siab nug seb nws puas yog tus Vajtswv uas yug los ua neeg lub cev nqaij daim tawv, ces lawv yuav tsum ua kom paub meej los ntawm tus moj yam uas Nws nthuav tawm thiab tej lus uas Nws hais. Ces hais tau hais tias, yuav kom paub meej hais tias seb qhov ntawd puas yog Vajtswv lub cev nqaij daim tawv uas Nws yug los rau los tsis yog, thiab seb qhov ntawd puas yog txoj kev tseeb los tsis yog, yus yuav tsum tau muab cais tawm ntawm lub hauv paus ntawm Nws lub ntsiab tseem ceeb. Thiab yog li ntawd, kev muab soj ntsuam xyuas seb nws puas yog lub cev nqaij daim tawv ntawm tus Vajtswv uas yug los ua neeg los tsis yog, tus yawm sij nyob rau hauv Nws lub ntsiab tseem ceeb (Nws tes hauj lwm, Nws tej lus hais tawm, Nws tus moj yam, thiab lwm cov yeeb yam), ntau dua qhov kev tshwm sim sab nraud. Yog tib neeg tsuas tshawb xyuas Nws lub ntsej muag sab nraud kom meej xwb, es tsis quav ntsej Nws lub ntsiab tseeb li, ces qhov no qhia hais tias tib neeg tsis nkag siab thiab tsis paub dab tsi li” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej).
Tom qab nyeem Vajtswv Tus Uas Muaj Hwj Chim Loj Kawg Nkaus cov lus lawm ces Lelas qhia txuas ntxiv. “Khetos yog tus Vajtswv uas muaj cev nqaij daim tawv. Nws yog Vajtswv tus Ntsujplig uas hnav cev nqaij daim tawv uas tau los ua ib tug neeg dog dig, los ua hauj lwm thiab hais lus rau tib neeg. Tus Vajtswv yug los ua neeg ntawd zoo li ib tug neeg dog dig xwb, tsis muaj hwj chim siab los sis tshaj ntuj tsim li. Nws muaj txhua yam ntawm ib tug neeg dog dig uas muaj kev xav, thiab kev tu siab. Nws noj, pw, thiab hnav khaub ncaws ib yam li ib tug neeg dog dig, thiab Nws nrog tib neeg nyob ua ke thiab nrog lawv tham tiag tiag. Tiam sis dhau ntawm qhov kev ua neej lawm, Nws kuj muaj ib lub ntsiab tseeb uas muaj hwj chim qaum ntuj, uas tib neeg tsis muaj thiab. Vim li ntawd Khetos thiaj li ua tau Vajtswv tus kheej tes hauj lwm. Nws tuaj yeem muab tiam qub xaus thiab pib dua ib tiam tshiab. Nws lub ntsiab tseeb yog qhov tseeb, yog txoj kev, thiab yog txoj sia. Nws tuaj yeem nthuav qhov tseeb tawm, coj thiab pab tib neeg rau txhua txhia qhov chaw, lub sij hawm twg los tau—Nws tuaj yeem muab ib txoj hau kev rau peb xyaum ua raws. Khetos kuj tuaj yeem qhia tej lus zais tob tawm, nthuav Vajtswv tus moj yam, yam uas Nws muaj thiab yam uas yog Nws, thiab Nws txoj kev muaj hwj chim loj kawg nkaus thiab lub tswv yim tawm thiab. Khetos cov lus ua tau txhua yam tiav. Tsis muaj ib tug tib neeg twg uas ua tau li no. Tswv Yexus zoo li ib tug tib neeg dog dig xwb, tiam sis Nws muaj ib lub ntsiab tseeb uas muaj hwj chim qaum ntuj. Qhov Nws tshwm los thiab tes hauj lwm ntawd pib Tiam Hmoov Hlub hos xaus Tiam Muaj Kev Cai. Nws nthuav qhov tseeb tawm, muab txoj kev lees txim hloov dua siab tshiab rau peb, thiab zam peb tej kev txhaum. Nws nyiaj thiab ua siab ntev, thiab qhia peb kom zam txim xya caum zaus xya. Nws qhia txog Vajtswv tus moj yam uas ua siab dawb siab zoo thiab lub siab hlub tshua. Nws kuj tau ua ntau qhov cim thiab tej txuj ci phim hwj thaum Nws ua hauj lwm thiab, xws li kho cov dig muag pom kev, ua rau cov neeg ceg tawv mus kev, hais ib lo lus xwb ua rau dej hiav txwv tus lawm, tsa cov tuag sawv rov qab los, muab tsib lub ncuav thiab ob tug ntses pub rau 5,000 leej noj, thiab ntau yam ntxiv. Qhov no nthuav Vajtswv txoj kev muaj cai thiab lub hwj chim tawm tiag tiag. Tswv Yexus tes hauj lwm thiab cov lus thiab tus moj yam uas Nws nthuav tawm ntawd ua pov thawj qhia txaus lawm tias Nws yog tus Vajtswv uas muaj cev nqaij daim tawv ntag. Tsuas yog Vajtswv xwb thiaj li nthuav tau qhov tseeb tawm, muab tiam qub xaus mus es pib dua ib tiam tshiab, nthuav Vajtswv tus moj yam thiab lub tswv yim ntawm Nws tes hauj lwm tawm. Dhau ntawm Khetos lawm, tsis muaj leej twg nthuav tau qhov tseeb tawm, nthuav yam uas Vajtswv muaj thiab yam uas yog Vajtswv tawm, los sis ua Vajtswv tus kheej tes hauj lwm kom tiav li. Qhov no kuj yog qhov uas peb txiav txim siab tau seb Vajtswv Tus Uas Muaj Hwj Chim Loj Kawg Nkaus puas yog tus Vajtswv uas muaj cev nqaij daim tawv, uas yog tus Khetos ntawm tiam kawg thiab. Qhov no tsis yog txiav txim siab raws li qhov seb Nws zoo li cas, Nws yug los rau hauv tsev neeg twg, Nws lub meej mom yog dab tsi, los sis seb Nws puas muaj ib lub koob meej li. Tsis yog tej ntawd kiag li. Qhov uas tseem ceeb tshaj plaws ces yog nrhiav thiab tshuaj xyuas Vajtswv Tus Uas Muaj Hwj Chim Loj Kawg Nkaus tes hauj lwm thiab cov lus, saib seb Nws nthuav puas tau qhov tseeb tawm thiab ua puas tau Vajtswv tes hauj lwm xwb. Yog Nws nthuav qhov tseeb thiab Vajtswv tus moj yam tawm, yog Nws ua Vajtswv tes hauj lwm los cawm tib neeg ntiaj teb, ces txawm tej zaum Nws zoo li ib tug neeg dog dig uas tsis muaj ib lub meej mom los sis ib lub hwj chim dab tsi li los xij, thiab txawm tib neeg yuav teem txim thiab tsis kam txais yuav los xij, Nws yog tus Vajtswv uas muaj cev nqaij daim tawv. Nws yog Khetos ntag.”
Los ntawm nws txoj kev qhia, kuv thiaj li to taub zoo dua lawm hais tias tus Vajtswv uas muaj cev nqaij daim tawv ntawd nthuav tau qhov tseeb tawm thiab ua tau Vajtswv tes hauj lwm. Qhov ntawd xwb thiaj li yog lub hauv paus uas txiav txim siab seb tus tib neeg ntawd puas yog Khetos. Ntxawm qhia txuas ntxiv hais tias: “Hais tseeb txog qhov seb Vajtswv Tus Uas Muaj Hwj Chim Loj Kawg Nkaus puas yog tus Vajtswv uas muaj cev nqaij daim tawv ntawd mas, peb cia li saib qhov kev tshwm sim xwb tsis tau. Peb yuav tsum paub tseeb los ntawm Nws cov lus, Nws tes hauj lwm, thiab tus moj yam uas Nws nthuav tawm los. Nyob rau tiam kawg, Vajtswv Tus Uas Muaj Hwj Chim Loj Kawg Nkaus tab tom nthuav ntau qhov tseeb tawm thiab tab tom ua tes dej num ntawm kev txiav txim uas pib ntawm Vajtswv lub tsev txog lub hauv paus ntawm Tswv Yexus tes dej num ntawm kev txhiv dim. Nws tau muab Tiam Hmoov Hlub xaus thiab nkag mus rau Tiam Lub Nceeg Vaj lawm. Vajtswv Tus Uas Muaj Hwj Chim Loj Kawg Nkaus tau hais lus tawm ntau heev lawm. Nws tau nthuav tawm cov lus zais tob txog Vajtswv txoj kev npaj cawm tib neeg 6,000 xyoo, cov lus zais tob txog Nws peb theem hauj lwm, cov lus zais tob txog Vajtswv txoj kev yug los ua neeg thiab zaj lus uas hais txog phau Vajluskub ntawd. Nws tau nthuav tawm txog qhov Ntxwgnyoog ua rau tib neeg ntiaj teb qias vuab tsuab li cas, qhov Vajtswv cawm tib neeg ntiaj teb li cas, qhov Vajtswv ua tes dej num ntawm kev txiav txim thiab kev yaug tib neeg kom dawb huv nyob rau tiam kawg li cas, qhov Nws cais tib neeg mus raws li lawv hom thiab txiav txim siab rau qhov kawg ntawm tib neeg thiab tib neeg lub hom phiaj, thiab lwm yam li cas. Vajtswv Tus Uas Muaj Hwj Chim Loj Kawg Nkaus nthuav Nws tus moj yam uas tseem ceeb heev tawm los txiav txim thiab muab peb tus yeeb yam phem uas tawm tsam Vajtswv thiab peb tus moj yam qias vuab tsuab ntawd qhia tawm. Nws qhia txoj hau kev uas muab txoj kev txhaum tso pov tseg es thiaj li raug yaug kom dawb huv ntawd rau peb thiab.” Ntxawm kuj qhia txog nws tus kheej txoj paub txog qhov raug Vajtswv cov lus txiav txim thiab rau txim thiab. Nws hais tias, “Kuv tsis pom hais tias kuv khav theeb, twm xeeb, thiab txawj ntxias npaum li cas txog ntua thaum kuv raug Vajtswv cov lus txiav txim, rau txiv, sim, lim kom dawb huv, qhuab ntuas, thiab qhuab qhia li. Kuv muaj kev ntseeg thiab muab kuv tus kheej fij rau Vajtswv, tiam sis kuv tseem ua txhaum thiab tawm tsam Vajtswv txhua lub sij hawm vim yog kuv tus yeeb yam phem. Piv txwv li, kuv ib txwm nyiam khav kom tib neeg hwm kuv. Kuv cia li cem lwm tus yam khav theeb heev thiab kom lawv ua li kuv hais xwb. Kuv dag thiab dag ntxias lwm tus los tiv thaiv kuv tus kheej lub npe thiab lub meej mom. Muaj ntau yam ntxiv. Los ntawm txoj kev txiav txim thiab kev rau txim ntawm Vajtswv cov lus, kuv thiaj li pom hais tias kuv ua neej raws li kuv tus moj yam phem xwb thiab tsis muaj qhov zoo nkaus li tib neeg kiag li. Kuv kuj ras lawm hais tias Nws tus moj yam ncaj ncees mas tsis zam txoj kev ua txhaum li thiab kuv pib hwm Nws me ntsis hauv kuv lub siab lawm. Kuv kuj muaj kev tu siab thiab kev ntxub kuv tus kheej, thiab pib mob siab rau kev xyaum ua raws li qhov tseeb los daws kuv tus moj yam phem thiab lees txim hloov dua siab tshiab tiag tiag rau Vajtswv lawm thiab. Muaj qee yam uas maj mam hloov nyob rau hauv kuv tus moj yam qias vuab tsuab lawm. Tej uas Vajtswv Tus Uas Muaj Hwj Chim Loj Kawg Nkaus tes hauj lwm thiab cov lus ua tiav ntawd twb txaus kom paub tseeb tias Nws yog tus Vajtswv uas yug los ua neeg, tias Nws yog tus Khetos ntawm tiam kawg lawm.”
Ob tug muam ntawd tej lus qhia ua rau kuv lub siab kaj lug. Kuv pom hais tias qhov tseem ceeb uas yuav kom paub tseeb txog Neeg Leej Tub qhov kev tshwm sim, thiab paub tseeb tias Nws yog tus Khetos uas muaj cev nqaij daim tawv mas yog los saib seb Nws nthuav puas tau Vajtswv cov lus thiab tus moj yam tawm, thiab seb Nws ua puas tau tes hauj lwm los xaus tiam qub thiab pib dua tiam tshiab xwb. Vajtswv Tus Uas Muaj Hwj Chim Loj Kawg Nkaus tau nthuav ntau qhov tseeb tawm thiab tab tom ua tes dej num txiav txim rau tib neeg ntiaj teb thiab yaug tib neeg ntiaj teb kom dawb huv. Nws twb pib Tiam Lub Nceeg Vaj thiab xaus Tiam Hmoov Hlub lawm. Tseeb tiag qhov ntawd txhais tau hais tias Nws yog Khetos, tus Tswv uas rov qab los lawm! Yav dhau los mas kuv yeej tsis to taub qhov tseeb li. Kuv cia li tos ntsoov tus Tswv ua Nws lub cev ntsujplig los rau saum ib tauv huab es tom qab ntawd coj cov ntseeg ncaj qha mus rau saum lub nceeg vaj saum ntuj ceeb tsheej yam dig muag ntsuav xwb, yog li ntawd kuv thiaj li tsis nrhiav los sis tshuaj xyuas thaum kuv hnov tias Nws twb rov qab los li lawm. Kuv yuav luag plam kuv lub hwv tsam uas tau nrog tus Tswv nyob ua ke. Cas kuv yuav ruam ua luaj li!
Tom qab ntawd, kuv xav nyeem Vajtswv Tus Uas Muaj Hwj Chim Loj Kawg Nkaus cov lus heev. Kuv kawm paub ntau qhov tseeb thiab ntau lo lus zais tob uas yav dhau los kuv yeej tsis to taub li, thiab paub tseeb tseeb lawm hais tias Vajtswv Tus Uas Muaj Hwj Chim Loj Kawg Nkaus yog tus Tswv Yexus uas rov qab los lawm ntag! Kuv qhia Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg rau tshaj li 100 tawm tus kwv tij thiab muam nyob rau hauv kuv cheeb tsam lawm. Thaum lawv nyeem Nws cov lus thiab hnov Nws lub suab lawm, mas lawv xyiv fab los kua muag. Lawv tig los cuag Vajtswv Tus Uas Muaj Hwj Chim Loj Kawg Nkaus thiab lees txais Nws tes hauj lwm ntawm tiam kawg, thiab tau koom tus Me Nyuam Yaj rooj mov lawm!
