4. Ib Tug Thawj Coj Ntawm Pawg Ntseeg Tsis Yog ib Tug Nom
Kuv lub npe hu ua Mathi-us, thiab kuv twb lees txais yuav Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg peb xyoos dhau los lawm. Kuv los ua ib tug thawj coj ntawm pawg ntseeg thaum lub Kaum Hli Ntuj xyoo 2020. Kuv paub tias nws yog ib lub luag hauj lwm loj thiab kuv nyuaj siab me ntsis, tiam sis kuv kuj zoo siab heev thiab. Kuv xav hais tias kuv raug xaiv los ua tes dej num ntawd vim kuv muaj peev xwm zoo dua lwm tus. Kuv rau siab ntso ua kuv tes dej num tiag tiag, ua kom zoo tshaj plaws los mus qhia lwm tus kom pab tau lawv tej teeb meem hauv lawv tej dej num. Sij hawm dhau mus, kuv txawm pib muaj peev xwm daws tau ntau yam teeb meem, thiab qhov chaw twg los xij uas xav tau kuv mus qhia, ces kuv yeej maj nroos mus yam tsis yig hlo li. Kuv xav qhia rau txhua tus hais tias kuv yog ib tug thawj coj zoo heev thiab yog ib tug daws tau teeb meem zoo.
Ces ib txhia tawm tsam Khetos txawm pib tshaj tawm tej lus xaiv lus ncua rau hauv pawg ntseeg. Lawv tshaj tawm txog Pawg Koom Tsham tej lus dag uas tuam mom Vajtswv nyob rau hauv tej pab pawg uas tuaj sib txoos ua ke, ntxeev tej uas muaj tseeb thiab tig tej uas nyob sab hauv tawm, txiav txim rau tes hauj lwm ntawm Vajtswv lub tsev. Lawv xav coj tib neeg kom mus yuam kev, kom ncaim ntawm Vajtswv mus. Kuv tau tsa tej kev sib txoos ua ke thiab sib qhia kom ntau npaum li kuv ua tau, thiab kuv mloog zoo li kuv yog ib tug thawj tub rog, coj cov tub rog tawm tsam tsheej pab yeeb ncuab! Kuv xav qhia tias kuv tuaj yeem tiv thaiv tau txhua tus es kom lawv thiaj li pom tias kuv ris tau ib lub nra hnyav, tias kuv yeej leg lub luag hauj lwm tiag tiag. Tiam sis qhov tseeb tiag mas, kuv qaug zog heev. Kuv tus kheej twb tsis paub tias xyov yuav thaiv qee yam ntawm cov tawm tsam Khetos tej kev ntseeg yuam kev li cas li thiab tej ntawd cuam tshuam rau kuv ib yam nkaus thiab. Tiam sis kuv tsis xav nthuav tawm kuv txoj kev qaug zog rau lwm tus. Kuv xav kom loj thiab muaj zog, xav hais tias qhov ntawd yog kev ua ib tug tseem thawj coj. Kuv yeej tsis qhib sib lug txog kuv tus kheej tus yam ntxwv tiag tiag li vim kuv xav hais tias yog kuv qhia tej cim ntawm ib tug thawj coj txoj kev qaug zog lawm, ces ntshe kuv yuav plam qhov kev tshwm sim uas muaj zog ntawd. Ces lawv yuav xav li cas rau kuv? Lawv puas yuav xav hais tias kuv tsuas hais tau kev qhuab qhia xwb thiab tsis muaj qhov muaj tiag ntawm qhov tseeb li? Kuv xav hais tias ua ib tug thawj coj ntawm pawg ntseeg lawm, mas kuv yuav tsum tawv, zoo li yam li ib tug thawj pwm tsav los sis tus thawj coj tub rog. Kuv tsis tuaj yeem cia ib tug twg pom kuv txoj kev qaug zog li! Yog li ntawd nyob hauv tej kev tuaj sib txoos ua ke, kuv pheej tham txog kuv txoj kev to taub “tob” txog Vajtswv cov lus thiab kuv tus kheej txoj kev ntsib kev pom xwb, zoo li cov kwv tij thiab cov muam tuaj yeem tshaj tawm txoj moo zoo tau zoo dua los ntawm kuv qhov kev pab. Tiam sis kuv cia li saib tej uas kuv ua tsis tau thiab tej kev qias vuab tsuab yam tsis tseem ceeb li, hloov tsuag tsuag mus rau tej yam uas kuv ua yog lawm. Yog hais tias kuv tsaug zog rau hauv ib qho kev tuaj sib txoos ua ke kuv yeej tsis lees qhov ntawd li, thiab yog hais tias kuv muaj ib qho teeb meem, ces kuv yuav hais tias kuv mam li nrhiav kev daws kuv txoj kev qaug zog ntawd kom sai li sai tau. Kuv tham txog qhov kuv ywg dej rau cov ntseeg tshiab li cas thiab qhov kuv muab tej cib fim rau lawv kawm los qhia txog kuv tej kev ua zoo. Thaum qhia txog kuv txoj kev ntsib kev pom mas, kuv nyiam tham txog kuv tej kev fij rau Vajtswv, hais tias kuv yuav ua kuv tes dej num kom thawm hmo li cas, cia siab tias txhua tus yuav hwm kuv. Tus muam Malanetis uas yog kuv tus npoj yaig qhuas kuv heev vim kuv yeej ib txwm pab nws txog Vajtswv cov lus uas hais txog nws tus yam ntxwv. Kuv zoo siab heev, txaus siab heev thaum nws nthuav tawm txog nws txoj kev qhuas. Cov kwv tij thiab cov muam uas xyaum ua tes dej num ywg dej kuj qhuas kuv heev thiab, thiab muaj ib zaug ib tug muam hu tuaj rau kuv hais tias nws muaj peev xwm ua nws tes dej num lawm es ua tsaug rau yam uas nws tau kawm los ntawm kuv. Qhov no ua rau kuv khav theeb heev. Kuv yeej tsis qhia nws hais tias kuv txoj kev sib qhia uas pab tau zoo ntawd mas puav leej yog Vajtswv txoj kev coj qhia, tias qhov ntawd yog los ntawm Vajtswv txoj kev qhuab qhia los xwb, yog li txhua lub yeeb koob yuav tsum mus rau Nws. Ib txhia kwv tij thiab nkauj muam hais tias “Amees” tom qab kuv qhov kev sib qhia tag lawm, los sis “Mathi-us hais yog heev lawm,” los sis “kuv ua tsaug ntau ntau rau Mathi-us txoj kev sib qhia.” Muaj qee zaus lawv hais lus qhuas kuv, thiab lawv pheej thov kuv lub tswv yim txog tej kev txiav txim siab hauv lawv tej dej num, nug kuv hais tias, “Mathi-us, qhov no puas ua cas?” Kuv yeej hais tau tias kuv yog ib tug neeg tseem ceeb nyob rau hauv lawv lub siab. Thaum kuv pom hais tias lawv qhuas kuv npaum li cas lawm, ua rau kuv hnov tsis tshua kaj siab pes tsawg, tiam sis kuv nyiam qhov lawv hwm. Nws ua rau kuv zoo siab. Ces txawm muaj ib hnub, kuv pom ib daim yeeb yaj duab uas hais lus tim khawv hu ua “Kev Puas Tsuaj Los Ntawm Kev Khav Theeb.” Nws raug kuv siab heev. Ib tug muam, uas kuj yog ib tug thawj coj thiab, pheej txhawb nqa nws tus kheej txog nws tes dej num tas li. Nws tau ua txhaum rau Vajtswv tus moj yam thiab raug qhuab ntuas los ntawm ib tug mob. Qhov teeb meem yog qhov tias Vajtswv qias nws tus cwj pwm lawm. Thaum kuv pom daim yeeb yaj duab ntawd lawm ua rau kuv kua muag ntws sis thiab kuv mam ras dheev hais tias kev khav theeb kom lwm tus qhuas, ces yog kuv tab tom tawm tsam Vajtswv lawm ntag. Kuv taug ib tug tawm tsam Khetos txoj kev lawm. Kuv yeej ras tsis txog li hais tias kev khav theeb tuaj yeem yog ib qho teeb meem loj tag npaum li ntawd. Kuv qhia rau kuv tus kheej tas zog hais tias, “Kuv tau ua rau Vajtswv npau taws lawm.” Kuv ntshai heev thiab tsis paub yuav ua li cas li lawm.
Ces kuv txawm nyeem ib zaj lus uas nyob hauv Vajtswv cov lus uas pab ua rau kuv to taub txog kuv txoj kev qias vuab tsuab. Vajtswv cov lus hais tias, “Qhuas thiab hais lus tim khawv rau lawv tus kheej, khav lawv tus kheej, sim ua kom tib neeg qhuas lawv—cov noob neej qias vuab tsuab muaj peev xwm ua tau tej no. Qhov no yog qhov uas tos nco xwb ces tib neeg twb ua lawm thaum lawv raug tswj fwm los ntawm tej yeeb yam phem, thiab nws yog qhov uas yeej muaj tas li rau tag nrho cov noob neej qias vuab tsuab. Tib neeg ib txwm qhuas thiab hais lus tim khawv rau lawv tus kheej li cas? Lawv ua li cas thiaj li ua tau lub hom phiaj no? Ib txoj kev ces yog hais lus tim khawv txog qhov uas lawv raug kev txom nyem npaum li cas, lawv tau ua hauj lwm ntau npaum li cas, thiab lawv tau siv lawv tus kheej ntau npaum li cas lawm. Lawv tham txog tej no yam li yog lawv tus kheej qhov peev txheej. Qhov ntawd ces yog, lawv siv tej yam no ua qhov peev txheej uas lawv siv los qhuas lawv tus kheej, uas muab tau ib qho chaw siab zog, tawv zog, ruaj khov zog nyob hauv tib neeg lub siab rau lawv, es kom muaj neeg coob zog saib taus, qhuas, hwm, thiab haj tseem hawm, pe hawm, thiab caum lawv qab. Qhov ntawd yog qhov kev mooj tau loj tshaj plaws. Tej uas lawv ua kom ua tau lub hom phiaj no—tag nrho lawv tej kev qhuas thiab hais lus tim khawv rau lawv tus kheej—puas muaj laj thawj? Yeej tsis muaj li. Tej ntawd ces tshaj tus ciaj ciam ntawm qhov kev paub tias dab tsi yog qhov tsim nyog lawm. Cov neeg no tsis txaj muag kiag li: Lawv muaj plhus ntxhias hais lus tim khawv txog tej uas lawv tau ua rau Vajtswv thiab lawv tau raug kev txom nyem ntau npaum li cas rau Nws lawm. Lawv haj tseem khav lawv tej peev xwm, kev txawj, kev ntsib kev pom, thiab kev tshaj lij tshwj xeeb, los sis lawv tej tswv yim ntshe rau lawv tus kheej tej kev coj kev ua thiab tej tswv yim phem uas lawv siv los ua si nrog tib neeg thiab. Lawv tej kev qhuas thiab kev hais lus tim khawv rau lawv tus kheej ces yog khav lawv tus kheej thiab thuam lwm tus xwb. Lawv kuj tseem npog thiab zais lawv tus kheej, zais lawv tej kev qaug zog, tej yam tsis zoo, thiab tej yam ua tsis tau kom tib neeg txhob pom es kom tib neeg tsuas pom lawv qhov zoo xwb. Lawv twb tsis tau luag qhia rau lwm tus tib neeg thaum uas lawv xav phem; lawv tsis muaj lub siab tawv txaus yuav qhib siab lug thiab sib qhia nrog lwm tus, thiab taum lawv ua tej yam dab tsi yuam kev lawm, lawv sib zog muab qhov ntawd zais thiab npog cia xwb. Yeej tsis hais txog tej kev phom sij uas lawv tau tsim rau Vajtswv lub tuam tsev thaum lawv ua lawv tes dej num li. Thaum lawv tau pab me ntsis nyiaj los sis ua tau ib yam dab tsi me me tiav hlo, txawm li ntawd los xij, lawv mas maj nroo khav txog qhov ntawd xwb. Lawv tos tsis taus los qhia tag nrho lub ntiaj teb kom paub hais tias lawv muaj peev xwm npaum li cas, lawv lub peev xwm siab npaum li cas, lawv zoo npaum li cas, thiab lawv zoo tshaj li tej tib neeg dog dig npaum li cas. Qhov no tseem tsis yog ib txog kev qhuas thiab hais lus tim khawv rau lawv tus kheej thiab lod? Kev qhuas thiab hais lus tim khawv rau koj tus kheej puas nyob rau hauv tus ciaj cim ntawm qhov paub tias dab tsi yog qhov tsim nyog ntawm txoj kev ua neej mas? Yeej tsis nyob li. Yog li ntawd thaum tib neeg ua li no, hom nthuav tawm tus moj yam zoo li cas mas? Tus moj yam khav theeb yog ib qho kev tshwm sim loj, dhau ntawd ces yog kev dag, uas muaj feem xyuam rau qhov kev txhua yam li qhov ua tau los ua kom lwm tus tib neeg saib lawv tsim txiaj. Lawv zaj keeb kwm mas ntom kawg nkaus; lawv tej lus ces yeej pom meej meej hais tias muaj kev txhawb siab thiab tswv yim ntxias dag, thiab lawv nrhiav tau ib txoj kev los zais qhov tseeb uas lawv khav theeb, tab sis qhov kawg tau los ntawm tej lawv hais ces yog qhov hais tias tseem ua kom tib neeg xav hais tias lawv zoo tshaj lwm tus, hais tias tsis muaj ib tug nrog lawv sib txig sib luag li, hais tias lwm tus mas yeej zoo swb lawv tag nrho. Thiab qhov no tseem tsis yog qhov kawg uas tau los ntawm tej tswv yim phem uas nyiag ua zais ntshis lod? Tus moj yam twg uas nyob rau ntawm lub ntsiab ntawm tej twv yim phem zoo li ntawd mas? Thiab puas tseem muaj ib lub ntsiabtwg ntawm txoj kev lim hiam nyob rau hauv mas? Qhov no yog hom moj yam lim hiam” (“Lawv Qhuas thiab Hais Lus Tim Khawv Txog Lawv Tus Kheej” nyob hauv Qhov Kev Nthuav Tawm Cov Tawm Tsam Khetos). Qhov nyeem Vajtswv cov lus yog ib qho qhib tau kuv lub siab. Kuv thiaj li pom tau meej heev tias yam dab tsi nyob nraim nkoos rau hauv kuv lawm. Kuv xav tsim ib tug yam ntxwv rau kuv tus kheej uas yog ua ib tug neeg khov kho, ib tug neeg uas zoo tiav log. Thaum kuv qhia txog kuv txoj kev ntsib kev pom kuv tau qhia txog kuv tej kev ua uas “muaj lub siab tawv heev,” tham txog tej kuv ua tau zoo, tiam sis yeej tsis tshua tham txog tej uas kuv ua tsis tau li. Yog hais tias kuv qaug zog los sis xav phem, los sis ntsib qee yam teeb meem, los sis tab txawm thaum kuv muaj tus yam ntxwv phem tshaj plaws los xij, kuv tsuas hais tias, “Kuv tsis ua li cas. Kuv tab tom raug kev sim siab me ntsis lawm, tiam sis kuv yuav tiv kom dhau qhov ntawd los ntawm Vajtswv txoj kev pab.” Tiam sis qhov tseeb tiag, kuv mas mob siab heev. Kuv pheej tham txog qhov kuv raug kev txom nyem rau kuv tes dej num li cas, kom ua ib qho kev qhia tias kuv mob siab leg lub luag hauj lwm npaum li cas. Tiam sis txhua yam mas tsis yog li ntawd kiag li. Thaum kuv muab txhua yam fij rau hauv kuv tes dej num, feem ntau yog txhawm rau kuv lub npe thiab lub meej mom xwb. Thaum pom lwm tus qhuas kuv ua rau muaj qee yam sib do nyob hauv kuv lub siab, thiab kuv paub tias qhov no tsis zoo. Tiam sis kuv tseem tsis ua ib yam dab tsi los cheem kom tau qhov ntawd li. Kuv tsis tau qhia tib neeg kom txhob qhuas kuv vim kuv xav kom lawv hwm thiab qhuas kuv, thiab haj tseem xav kom hloov tau Vajtswv qhov chaw hauv tib neeg lub siab thiab. Tsis yog kuv khav theeb ib yam li tus thawj tub txib qaum ntuj thiab lod? Kuv tsis tau coj lwm tus los rau ntawm Vajtswv lub xub ntiag, tiam sis kuv coj lawv los rau ntawm kuv tus kheej lub xub ntiag xwb. Thaum kuv ras dheev hais tias kuvnhloov tau Vajtswv qhov chaw rau hauv cov kwv tij thiab cov muam lub siab lawm, ces kuv ntshai tshee hnyo thiab paub hauv kuv lub siab hais tias Vajtswv ntxub kuv tus cwj pwm lawm. Thaum ntsib tej uas muaj tseeb lawm, kuv tau thov Vajtswv hais tias, “Vajtswv, kuv tau khav theeb lawm, xav kom txhua tus pom kuv yog tus uas nyob rau qib siab dua thiab tus uas daws tau tag nrho lawv tej teeb meem. Kuv tab tom txeeb Koj lub yeeb koob. Vajtswv, kuv xav lees txim hloov dua siab tshiab rau Koj.” Kuv mas tu siab heev. Ces kuv tau sau ib tsab ntawv thov txim uas nthuav tawm txog tus tseem tseem kuv thiab kuv txoj kev txhawb kuv tus kheej, thiab muab xa mus rau txhua pab uas tuaj sib txoos ua ke. Kuv kuj qhia rau txhua tus meej meej hais tias lawv yuav tsum tsis txhob qhuas kuv lawm. Kuv paub ob peb tug tib neeg uas hwm kuv heev, yog li ntawd kuv thiaj li sau ntawv xa mus rau lawv kom soj ntsuam kuv tus kheej. Ob peb hnub tom qab, tus Muam Malanetis qhia kuv ncaj ncaj hais tias nws tau qhuas kuv nyob rau yav dhau los thiab hais tias kuv yog tus tseem ceeb nyob hauv nws lub siab. Kuv mas txaj muag tiag tiag uas tau hnov qhov no thiab mloog zoo li nws yog qhov ua pov thawj txog kuv txoj kev phem. Kuv pom kuv tus kheej qhov tsis zoo nkauj thaum lub sij hawm ntawd. Kuv tau khav theeb kom lwm tus qhuas. Kuv mas tsis muaj qab hau hlo li. Qhov ntawd ua tau ib teg dej num li cas? Vajtswv tau txhawb kuv mus rau ib qib hauj lwm ua tus thawj coj, tiam sis qhov ntawd yog qhov kuv them rov qab rau Nws lod? Kuv hnov txaj muag yam kuv tsis tau hnov dua los li. Tiam sis kuv tseem tsis nrhiav qhov tseeb los daws kuv txoj kev qias vuab tsuab tiag tiag li thiab, yog li ntawd tsis ntev xwb kuv twb rov qab zoo li qub lawm.
Muaj ib pab tuaj sib txoos ua ke os lai uas lwm cov thawj coj ntawm pawg ntseeg kuj tuaj koom ib yam nkaus thiab. Kuv mloog zoo li cov kwv tij thiab cov muam qhov kev sib qhia mas yooj yim heev ces ua rau kuv ntxhov siab. Kuv xav hais tias lawv txoj kev sib qhia mas ntiav ntiav xwb thiab lwm cov thawj coj los tsis hais ib yam dab tsi kom muaj vaj huam siab li. Kuv xav qhia lawv hais tias txoj kev sib qhia uas zoo yog zoo li cas, los qhia kuv tus kheej txoj kev to taub rau txhua tus kom lawv thiaj li yuav kawm tau ntau yam los ntawm yam kuv hais. Kuv xav qhia lawv txog txoj kev. Yog li ntawd kuv twb ua twb zoo npaj yam uas kuv xav hais lawm. Kuv xav txog qhov hais qee yam kom muaj kev tig ras to taub ntxiv, kom kuv tseem ceeb dua thiab qhia qee yam muaj muaj kuab. Kuv rov qab xav txog qhov kev hais lus uas qhia txog kuv txoj kev sib qhia uas zoo tshaj plaws lawm. Kuv xav ua pov thawj qhia tias kuv muaj ib txoj kev to taub siab dua, kom lwm tus thiaj li yuav nco kuv txoj kev paub tob ntawd tus txiaj ntsim. Kuv siv ntau qhov yam piv txwv thiab ntau qhov kev sib piv kom lawv thiaj li yuav paub tias kuv hais tau ntxaws, qhia tau zoo. Thaum kuv qhia tag lawm, kuv zoo siab heev uas hnov txhua tus hais tias “Amees.” Ces kuv txawm tshawb lub qhov rais sau ntawv uas sib tham mus los ntawd saib seb puas pom cov kwv tij thiab cov muam hais qee yam zoo txog kuv txoj kev sib qhia. Thaum peb sib qhia yuav luag tag, Kwv Tij Zeb tau qhia qee yam kev sib qhia yam tsis hais txog Vajtswv cov lus li qhov peb ib txwm hais, uas hais raws li txhua yam hauv cov lus ntawd, tiam sis nws hais txog kuv txoj kev sib qhia, hais tias peb yuav tsum ua txhua yam raws li kuv txoj kev sib qhia. Nws siv kuv txoj kev sib qhia ua lub hauv paus rau nws txoj kev to taub tag nrho li. Kuv pom hais tias kuv txhawb nqa kuv tus kheej dua lawm, ua rau lwm tus pe hawm kuv. Ua rau kuv tsis kaj siab tiag tiag li nyob rau lub sij hawm thaum ntawd. Kuv nco qab txog Vajtswv cov lus qee lo uas peb nyuam qhuav sib qhia dhau los no. Vajtswv cov lus hais tias, “Yog cov kwv tij thiab cov nkauj muam muaj peev xwm sib ntseeg siab rau hauv lawv sawv daws, muaj kev sib pab rau ntawm lawv sawv daws, thiab muab kev sib pub ib tug rau ib tug lawm, ces txhua tus neeg yuav tsum hais txog nws tus kheej tej kev ntsib kev pom tiag. Yog koj tsis hais ib yam dab tsi txog koj tus kheej tej kev ntsib kev pom tiag—yog koj tsuas tas zog hais tej lus ntawm kev qhuab qhia kom meej thiab hais tej lus qub thiab hais mus hais los txog txoj kev ntseeg Vajtswv xwb, thiab tsis qhib txog yam uas nyob hauv koj lub siab hlo li—ces koj tsis yog ib tug neeg ncaj ncees, thiab koj tsis muaj peev xwm ntawm kev ua ib tug neeg ncaj ncees tau” (“Lub Hauv Paus Kev Xyaum Ua Raws Yooj Yim Tshaj Plaws ntawm Kev Ua ib Tug Neeg Ncaj Ncees” nyob hauv Tej Kev Sib Tham ntawm Khetos ntawm Tiam Kawg). “Thaum hais lus tim khawv rau Vajtswv, nej yuav tsum tham kom ntau txog qhov Vajtswv txiav txim thiab qhuab ntuas li cas rau tib neeg, yam kev sim siab twg uas Nws siv tsim kho tib neeg kom zoo thiab hloov pauv lawv tej moj yam. Nej kuj yuav tsum tham txog qhov raug nthuav tawm kev lwj liam ntau npaum li cas rau hauv nej qhov kev ntsib kev pom thiab, nej thev taus ntau npaum li cas thiab thaum kawg nej raug txeeb tau li cas los ntawm Vajtswv; tham txog qhov nej muaj kev paub tiag ntawm Vajtswv txoj dej num ntau npaum li cas, nej yuav tsum ua tim khawv li cas rau Vajtswv thiab pauj Nws rov qab rau Nws txoj kev hlub. Nej yuav tsum muab lub ntsiab tseem ceeb nkag rau hauv hom lus no, nrog rau muab nws tso rau hauv kom muaj txheej txheem yooj yim. Txhob tham txog tej kev xav qhuav qhawv. Tham txog yam muaj tseeb thiab muaj tiag kom ntau. Qhov no yog yam nej yuav tsum ntsib thiab pom. Txhob npaj nej tus kheej kom zoo nkaus li muaj txhij txhua lawm, txhob sib zog khav tej kev xav qhuav qhawv; kev ua li ntawd yuav ua rau tshwm sim nej qhov kev khav theeb thiab tsis muaj qab hau. Nej yuav tsum tham kom ntau txog tej yam muaj tseeb los ntawm nej txoj kev ntsib kev pom tiag uas yog qhov tseeb tseeb thiab los hauv lub siab los; qhov no yog qhov muaj txiaj ntsig tshaj plaws rau lwm tus, thiab tsim nyog tshaj plaws rau lawv pom” (“Tsuas Yog los ntawm Kev Caum Raws Qhov Tseeb Xwb Yus Thiaj Tuaj Yeem Ua Tau ib qho Hloov Pauv rau hauv Tus Moj Yam” nyob hauv Tej Kev Sib Tham ntawm Khetos ntawm Tiam Kawg). “Yog hais tias koj tsis caum qhov tseeb, thiab tas zog ntxias kom tau tib neeg, tas zog xav los ua kom tau zoo raws li koj tus kheej tej hom phiaj thiab tej kev ntshaw, thiab ua kom koj tus kheej txoj kev ntshaw lub meej mom tiav xwb, ces koj taug cov tawm tsam Khetos txoj kev lawm. Puas muaj ib yam dab tsi ntsig txog cov tawm tsam Khetos txoj kev uas haum xeeb nrog rau qhov tseeb li? (Tsis muaj li.) Yog li qhov nws tsis haum nrog rau qhov tseeb ne yog dab tsi? Cov tib neeg no ua txhawm rau dab tsi? (Txhawm rau lub meej mom.) Yam uas qhia tau tseeb nyob rau hauv cov tib neeg uas ua txhua yam txhawm rau lub meej mom yog dab tsi? Ib txhia hais tias, ‘Lawv pheej hais tej lus txog kev qhuab qhia xwb, lawv yeej tsis sib qhia txog qhov muaj tiag ntawm qhov tseeb li, lawv pheej hais rau lawv tus kheej xwb, lawv yeej tsis txhawb nqa los sis ua tim khawv rau Vajtswv li. Cov tib neeg uas zoo li no qhia tau tseeb tias yog ua txhawm rau lub meej mom xwb.’ Vim li cas lawv thiaj li hais tej lus txog kev qhuab qhia? Vim li cas lawv thiaj li tsis txhawb nqa thiab ua tim khawv rau Vajtswv li? Vim hais tias, hauv lawv lub siab, tsuas muaj lub meej mom thiab chiv meem nkaus xwb—yeej tsis muaj Vajtswv hlo li. Cov tib neeg zoo li no pe hawm lub meej mom thiab lub hwj chim, chiv meem mas yog qhov tseem ceeb tshaj plaws rau lawv, chiv meem thiab lub meej mom tau dhau los ua lawv lub neej txoj sia lawm; tsis muaj Vajtswv nyob hauv lawv lub siab li, lawv tsis ntshai Vajtswv, haj yam tsis mloog Nws lus; txhua yam uas lawv ua ces yog txhawb nqa lawv tus kheej, ua tim khawv rau lawv tus kheej, thiab khav theeb kom lwm tus qhuas xwb. Yog li ntawd, lawv thiaj li pheej khav txog lawv tus kheej, txog yam lawv tau ua tiav lawm, lawv raug txom nyem npaum li cas lawm, lawv ua tau zoo raws Vajtswv npaum li cas lawm, lawv tiv npaum li cas thaum lawv raug qhuab ntuas, txhua yam puav leej yog ua kom tib neeg khuv leej thiab qhuas xwb. Cov tib neeg no yog tib hom neeg li cov tawm tsam Khetos, lawv taug Povlauj txoj kev. Yog li lawv qhov kawg yog dab tsi? (Lawv dhau los ua cov tawm tsam Khetos thiab raug rhuav tshem.)” (“Yuav Kom Daws Tau Yus Tus Moj Yam Qias Vuab Tsuab, Mas Yus Yuav Tsum Muaj ib Txoj Kev Tshwj Xeeb ntawm Kev Xyaum Ua Raws” nyob hauv Tej Kev Sib Tham ntawm Khetos ntawm Tiam Kawg). Kuv pom los ntawm Vajtswv cov lus hais tias kuv yuav tsum tau qhib kuv lub siab thiab qhia txog kuv txoj kev ntsib kev pom tiag tiag, hais lus kom yooj yim, zam tej lus qhuav qhawv thiab tej lus khav theeb uas hais mus hais los tsis muaj qab hau. Ib tug thawj coj tseeb qhia txog lawv tus kheej txoj kev ntsib kev pom thiab kev to taub txog Vajtswv cov lus, coj lwm tus kev kom to taub qhov tseeb thiab coj lawv los rau ntawm Vajtswv lub xub ntiag. Ib tug tawm tsam Khetos qhia tej lus uas qhuav qhawv los khav theeb kom lwm tus qhuas thiab hwm, thiab coj lwm tus los rau ntawm lawv lub xub ntiag xwb. Kuv tus kheej los, kuv tsuas hais tej kev xav uas qhuav qhawv xwb thiab tsis muaj ib txoj kev rau tib neeg xyaum ua raws li. Kuv tsis tau daws ib qho teeb meem dab tsi tiag tiag li. Kuv lub hom phiaj tsis yog los pab lawv kom to taub qhov tseeb thiab to taub txog qhov muaj tiag ntawm Vajtswv cov lus, tiam sis yog los ua kom lawv hwm kuv xwb. Tej uas yuav rov los raug rau yus vim txoj kev khav theeb ntawd mas meej tseeb heev. Lwm tus hwm kuv thiab tsis ua tim khawv rau Vajtswv cov lus, tiam sis ho siv kuv txoj kev sib qhia ua qhov lawv siv. Tib neeg pheej hais tej yam zoo li, “Ua tsaug rau Mathi-us txoj kev sib qhia” los sis “Ib yam li Kwv Tij Mathi-us tau hais lawm.” Kuv xav txog qhov Povlauj pheej khav theeb thiab tsis ua tim khawv rau Tswv Yexus cov lus. Qhov ntawd ua rau cov ntseeg qhuas thiab ua tim khawv rau Povlauj cov lus los tau 2,000 xyoo. Tsis yog kuv ua ib yam nkaus li Povlauj, thiab taug tib txoj kev uas tus tawm tsam Khetos taug uas tawm tsam Vajtswv lod? Kuv ntshai heev thiab ntxub kuv tus kheej tiag tiag li. Kuv thov Vajtswv hais tias, “Au Vajtswv, kuv ua yuam kev li qub lawm. Koj cov lus qhia txoj kev rau kuv taug, tiam sis kuv tseem raws Ntxwgnyoog qab, ua kom txaus kuv txoj kev khav theeb xwb. Kuv tab tom coj li Ntxwgnyoog dua lawm thiab. Vajtswv, thov pab kuv, thov cawm kuv lau!”
Muaj ib hmos thaum kuv tab tom npaj rau ib lub rooj sib txoos ua ke, kuv pom zaj lus no: “Qhov kev caiv loj tshaj plaws hauv tib neeg qhov kev ua dej num rau Vajtswv yog dab tsi? Nej puas paub? Ib txhia tib neeg uas ua dej num uas yog cov thawj coj yeej xav sim ua kom txawv, kom lub taub hau thiab lub xwb pwg siab dua lwm cov, thiab nrhiav qee yam kev ntxias dag tshiab uas yuav ua rau Vajtswv pom tias lawv mas muaj peev xwm ua luaj li. Txawm li cas los xij, lawv tsis tsi ntsees rau kev to taub qhov tseeb thiab to taub txog qhov uas muaj tseeb ntawm Vajtswv cov lus; lawv mas ib txwm nyiam khav theeb. Qhov no tsis yog kiag qhov kev nthuav tawm txog ib tug yeeb yam khav theeb ntag lod? … Nyob rau hauv txoj kev tiam Vajtswv, mas tib neeg xav ua kom huaj vam tshaj, ua tej yam loj tshaj, hais cov lus zoo tshaj, ua tes hauj lwm loj tshaj, npaj tej rooj sib txoos loj tshaj, thiab ua tau cov thawj coj zoo tshaj. Yog koj ib txwm muaj tej kev ntshaw loj zoo li no, ces koj yuav ua txhaum Vajtswv txoj kev cai tswj fwm; cov tib neeg uas ua li no ces yuav tuag sai sai ntag. Yog koj tsis coj kom zoo, tsis npuab siab, thiab tsis ua tib zoo ua koj tes dej num rau Vajtswv, ces sai sai no los sis tsis ntev no, koj yuav ua txhaum rau Nws tus moj yam” (“Yog Tsis Muaj Qhov Tseeb, Ces Yus Yeej Yuav Ua Txhaum Rau Vajtswv Xwb Li” nyob hauv Tej Kev Sib Tham ntawm Khetos ntawm Tiam Kawg). Cov lus uas los ntawm Vajtswv los no ua rau kuv ib ce tuag tag lawm. Los ntawm txoj kev qhia tshwm no kuv pom kuv lub hom phiaj thiab txoj kev ntshaw phem uas xav kom ua tiav hlo txhua yam loj. Kuv xav tswj txhua lub rooj sib txoos ua ke los nthuav qhia txog kuv cov lus zoo. Kuv nyiam khav theeb thiab yeej tsis plam ib lub cib fim los ua li ntawd li. Kuv xav kom lwm tus qhuas thiab hais tias, “Kwv Tij Mathi-us tuav tau tej rooj sib txoos ua ke tau zoo kawg nkaus li! Tsis muaj lwm tus thawj coj zoo dua nws lawm!” Vim tej kev ntshaw no, thiaj li ua rau kuv maj nroos mus ntawm ib lub rooj sib txoos ua ke mus rau ib lub, ua hauj lwm, sib txoos ua ke, daws teeb meem. Kuv nyiam txoj kev ua thawj coj li ntawd. Tiam sis thaum kuv nyeem “Yog koj ib txwm muaj tej kev ntshaw loj zoo li no, ces koj yuav ua txhaum Vajtswv txoj kev cai tswj fwm; cov tib neeg uas ua li no ces yuav tuag sai sai ntag.” ua rau kuv tshee hnyo, thiab kuv hnov ntshai tob tob nyob puag hauv kuv nruab siab. Kuv xav hais tias kuv twb ua tau zoo raws Vajtswv lawm, tiam sis kuv ras dheev tias kuv ua rau qias Nws heev. Kuv ua rau qias kuv tus kheej ib yam nkaus thiab. Kuv tsuas xav ua qee yam kom zoo tshaj, tshaj tawm qee yam uas siab tshaj xwb. Kuv tsis muaj siab ua tim khawv rau Vajtswv los sis xyaum ua raws qhov tseeb li, thiab kuv tsis ris lub nra rau cov kwv tij thiab cov nkauj muam lub neej txoj sia li. Tej ntawd puav leej yog los txhawb nqa kuv tus kheej thiab kom ua tau ib tug neeg tshwj xeeb nyob rau hauv lwm tus lub siab xwb. Qhov ntawd yog ib txoj kev ua txhaum rau Vajtswv tej kev cai tswj fwm, uas hais tias, “Tib neeg yuav tsum tsis txhob ua tus loj dua, los sis tsis txhob qhuas nws tus kheej siab dua. Nws yuav tsum pe hawm thiab qhuas Vajtswv.” “Cov tib neeg ua ntseeg Vajtswv yuav tsum mloog Vajtswv lus thiab pe hawm Nws. Tsis txhob tsa los yog ntsia rau ib tug tib neeg twg; tsis txhob muab Vajtswv tso ua ntej, lwm tus tib neeg uas koj nrhiav rau zeeg ob, thiab koj tus kheej rau zeeg peb. Yuav tsum tsis muaj ib tug tib neeg twg tswj ib qho chaw hauv koj lub siab, thiab koj yuav tsum tsis txhob xav txog tib neeg—tshwj xeeb yog cov koj hwm—kom sib luag nrog Vajtswv los sis ua kom nws sib txig sib luag nrog Nws. Qhov no yog yam uas nyiaj tsis tau rau Vajtswv” (“Kaum Txoj Cai Kev Uas Yuav Tsum Tau Mloog los ntawm Cov Tib Neeg Uas Vajtswv tau Xaiv Tseg hauv Tiam Lub Nceeg Vaj” nyob hauv Txoj Lus Tshwm Hauv Lub Cev Nqaij Daim Tawv). Nws tsis yog tsuas yog kev txhawb nqa yus tus kheej uas ua txhaum rau tej kev cai tswj fwm xwb, tiam sis haj tseem phem tshaj ntawd thiab, kuv tau ua rau lwm tus taug txoj kev uas yuam kev thiab txoj kev tawm tsam Vajtswv vim yog lawv qhuas ib tug tib neeg xwb. Lub txim mas hnyav heev thiab yeej yuav ua rau Vajtswv npau taws xwb xwb li. Kuv ntshai heev. Kuv xav hais tias tej zaum Vajtswv yuav tsis zam txim rau kuv li lawm vim txoj kev ua txhaum rau Nws tus moj yam. Kuv ntxov siab heev. Kuv thiaj li Vajtswv hais tias, “Vajtswv, kuv nyuaj siab tiag tiag li. Kuv tsis paub tias kuv ua rau Koj npau taws, thiab kuv xav los lees txim hloov dua siab tshiab. Au Vajtswv, thov pab kuv kom to taub Koj lub siab nyiam.”
Thaum kuv tsis muaj kev ntshai lawm, ces kuv txawm nyeem zaj no ntawm Vajtswv cov lus uas hais tias: “Hnub no Vajtswv txiav txim rau nej, qhuab ntuas nej, thiab rau txim rau nej, tiam sis koj yuav tsum paub tias qhov ntawm koj txoj kev rau txim yog rau koj kom paub koj tus kheej. Nws rau txim, foom tsis zoo, txiav txim, thiab qhuab ntuas kom koj paub koj tus kheej, kom koj tus yam ntxwv thiaj li yuav hloov pauv, thiab, tshaj ntawd ntxiv, kom koj thiaj li yuav paub koj txoj kev tsim nyog, thiab kom pom tias txhua yam ntawm Vajtswv cov dej num yeej ncaj ncees thiab ua raws li Nws tus yam ntxwv thiab kev cheem tsum ntawm Nws txoj hauj lwm, tias Nws ua hauj lwm raws li Nws txoj kev npaj tseg rau tib neeg txoj kev cawm dim, thiab tias Nws yog tus Vajtswv ncaj ncees uas hlub, cawm, txiav txim, thiab qhuab ntuas tib neeg. Yog tias koj tsuas paub tias koj yog neeg muaj meej mom qis, tias koj coj tsis ncaj thiab tsis mloog lus, tiam sis tsis paub tias Vajtswv xav npaj Nws txoj kev cawm dim los ntawm kev txiav txim thiab kev qhuab ntuas uas Nws ua rau hauv koj hnub no, ces koj yuav tsis muaj txoj hau kev tau txais kev paub, tsawg dua qhov koj muaj peev xwm mus tom ntej txuas ntxiv. Vajtswv tsis tau los tua kom tuag los sis rhuav tshem, tiam sis los txiav txim, foom tsis zoo, qhuab ntuas, thiab cawm. Txog thaum Nws li 6,000-xyoo kev npaj cawm tib neeg los txog ze—ua ntej Nws nthuav tawm txog txhua yam kev tshwm sim ntawm tib neeg—Vajtswv txoj hauj lwm hauv ntiaj teb yog rau txoj kev cawm dim; nws lub hom phiaj tsuas yog ua kom cov tib neeg uas hlub Nws ua tiav—ua tib zoo—thiab coj lawv los rau kev zwm rau hauv qab Nws thaj chaw tswj fwm” (“Koj Yuav Tsum Muab Txoj Koob Hmoov ntawm Lub Meej Mom Tso Rau Ib Sab thiab Nkag Siab Txog Vajtswv Lub Siab Nyiam los Coj Kev Cawm Dim los rau Tib Neeg” nyob hauv Txoj Lus Tshwm Hauv Lub Cev Nqaij Daim Tawv). Nyeem qhov no ua rau kuv muaj kev kaj siab. Kuv xav hais tias kuv tau ua txhaum rau Vajtswv yam zam txim tsis tau li lawm, tiam sis qhov ntawd tsis yog li ntawd. Vajtswv qhuab ntuas kuv, tiam sis Nws tsis ntxub kuv. Nws xav kom kuv hloov pauv. Kuv tau pom Vajtswv txoj kev ncaj ncees, thiab Nws txoj kev ua siab ntev thiab kevzam txim. Kuv paub tias zaum no kuv yuav tsum tau nrhiav qhov tseeb thiab daws kuv txoj kev qias vuab tsuab.
Kuv nyeem dua lwm zaj lus ntawm Vajtswv cov lus uas hais tais: “Yog ib tug neeg ncaj ncees, koj yuav tsum xub qhib koj lub siab ua ntej kom txhua tus neeg tuaj yeem saib pom nws, pom txhua yam uas koj tab tom xav, thiab tig ntsia koj lub ntsej muag tiag ib pliag; koj yuav tsum txhob sim ua cuav tsab los sis npog koj tus kheej kom xws li yog neeg zoo. Tsuas yog ua li ntawd nkaus xwb tib neeg thiaj li tso siab rau koj thiab xam tias koj yog neeg ncaj ncees. Qhov no yog lub hauv paus xyaum ua raws, thiab yog yam yuav tsum muaj ua ntej, ntawm kev ua ib tug neeg ncaj ncees. Koj ib txwm ua txuj, ib txwm lom txwm ua kom yog kev dawb huv, kev muaj txiaj ntsim, kev zoo thiab lom txwm coj tej qauv zoo tshaj. Koj tsis cia tib neeg pom koj txoj kev lwj liam thiab koj tej kev ua tsis tau. Koj muab ib tug duab cuav rau tib neeg kom lawv ntseeg tias koj yog neeg coj ncaj, zoo tshaj, qhuas yus tus kheej-tias muab kev fij tuag nti, tsis xaiv ntsej muag, thiab tsis qia dub. Qhov no yog kev ntxias dag. Txhob muab coj los xyaum ua ib qho cuav, thiab txhob muab koj tus kheej npog; dua ntawd, qhib koj tus kheej thiab koj lub siab rau lwm tus pom. Yog koj tuaj yeem qhib koj lub siab rau lwm tus pom, thiab qhib tag nrho koj tej kev xav thiab tej kev npaj ua—tag nrho ntawm sab zoo thiab sab phem—ces koj tseem tsis yog neeg ncaj ncees los? Yog koj tuaj yeem qhib koj tus kheej lub siab rau lwm tus pom, ces Vajtswv, los ib yam nkaus, yuav pom koj thiab hais tias, ‘Koj twb qhib koj tus kheej lub siab rau lwm tus pom lawm, thiab yog li koj yeej yog tus coj ncaj ncees los rau ntawm Kuv xub ntiag lawm, tau ib yam nkaus.’ Yog koj tsuas qhib koj tus kheej lub siab rau Vajtswv nkaus xwb thaum lwm tus tib neeg tsis pom, thiab ib txwm ua txuj ua kom yog tus zoo tshaj thiab muaj txiaj ntsim los sis ntxim zoo li yog tus coj ncaj ncees thiab tsis qia dub thaum nyob rau hauv lawv txoj kev sib koom, ces Vajtswv yuav xav thiab hais dab tsi? ‘Koj yog tus neeg txawj dag tiag tiag; koj yog tus neeg hais lus zoo siab nkhaus thiab siab nqaim tiag tiag li; thiab koj tsis yog ib tug neeg ncaj ncees li.’ Yog li Vajtswv yuav txiav txim rau koj. Yog koj xav ua ib tug neeg ncaj ncees, ces txawm koj yuav nyob rau ntawm Vajtswv los sis lwm tus tib neeg lub xub ntiag thaum twg los xij, koj yuav tsum muaj peev xwm muaj ib lub siab uas dawb paug thiab qhib lug txog yam uas koj tuaj yeem qhia tau kom pom tseeb, thiab txog tej lus hauv koj lub siab. Qhov no puas ua tau yooj yim? Nws yuav tsum siv sij hawm; nws yuav tsum sib zog tsoo sab hauv los, thiab peb yuav tsum xyaum ua raws kom xwm yeem. Ib qho me me zuj zus, peb lub siab yuav qhib lug thiab peb yuav muaj peev xwm qhib plho peb tus kheej lub siab” (“Lub Hauv Paus Kev Xyaum Ua Raws Yooj Yim Tshaj Plaws ntawm Kev Ua ib Tug Neeg Ncaj Ncees” nyob hauv Tej Kev Sib Tham ntawm Khetos ntawm Tiam Kawg). Zaj lus no pab kuv to taub yam Vajtswv xav tau ntawm kuv. Nws xav kom kuv ua ib tug neeg coj ncaj ncees. Qhov ntawd yog, kuv yuav tsum tau xyaum los rhuav kuv txoj kev qias vuab tsuab pov tseg thiab qhia tej kev xav uas coj ncaj ncees rau lwm tus kom lawv thiaj li pom kuv txoj kev qaug zog thiab tej kev nyuaj siab. Yog hais tias kuv pheej txhawb nqa kuv tus kheej es tsis nthuav tej uas kuv ua tsis tau thiab yam tsis zoo tawm, tiam sis tsuas ua ib tug yam ntxwv cuav txog kuv tus kheej los ntawm kuv txoj kev sib qhia xwb, ces qhov ntawd yog ib qho dag xwb. Nws yuav tsis ncaj ncees rau lwm tus los sis rau Vajtswv lawm. Hnub ntawd kuv pom tias kuv yuav tsum tau ua ib tug neeg coj ncaj ncees xwb xwb li. Kuv kuj tau txais qee txoj kev to taub txog kuv tus kheej tej tswv yim uas yuam kev rhuav lawm thiab. Kuv xav hais tias ib tug thawj coj mas yuav tsum yog ib tug tib neeg uas muaj lub siab tawv qhawv tsis muaj kev qaug zog li, zoo li qee tus thawj coj hauv lub ntiaj teb, uas nyob rau ib theem siab dua lwm tus, zoo dua lwm tus. Tiam sis qhov ntawd tsis yog qhov Vajtswv xav tau. Vajtswv xav tau cov tib neeg uas yooj yim thiab coj ncaj ncees xwb. Cov tib neeg zoo li no thiaj li qhib siab lug txog lawv tej kev ua txhaum, lawv nyiam thiab xyaum ua raws qhov tseeb. Lawv mob siab rau cov kwv tij thiab cov nkauj muam txoj kev to taub txog lub neej txoj sia, thiab nrhiav tej hauv paus ntsiab lus ntawm qhov tseeb, tsis yog nrhiav los ua kom lawv tej hom phiaj tiav hlo xwb. Kuv nco tau qhov Tswv Yexus hais tias: “Tab sis tsis txhob cia leej twg hu nej ua Lanpi: vim rau qhov nej tsuas muaj ib tug Xib Fwb xwb, uas yog Khetos; thiab nej sawv daws ces yog kwv tij xwb. … Tsis txhob cia leej twg hu nej ua xib fwb: Vim rau qhov nej tsuas muaj ib tug Xib Fwb xwb, uas yog Khetos. Tab sis tus uas loj tshaj plaws ntawm nej yuav tsum ua nej tus qhev. Thiab leej twg los xij uas qhuas nws tus kheej ces yuav raug poob qis; thiab tus uas txo nws tuj kheej lub hwj chim ces yuav raug qhuas” (Mathai 23:8–12). Kuv tau ua txuj txhua lub sij hawm thaum kuv ua ib tug thawj coj, cia siab hais tias tib neeg yuav pe hawm kuv. Kuv ras dheev hais tias kuv mas nyob deb ntawm yam Vajtswv cheem tsum heev. Ib tug thawj coj mas ua lub luag hauj lwm ntawm ib tug tub qhe, ib tug tub qhe uas muaj ib lub luag hauj lwm loj heev. Lawv yuav tsum tau nco ntsoov lawv lub luag hauj lwm rau hauv siab tas li, qhov ntawd yog los ywg dej thiab txhawb cov kwv tij thiab cov nkauj muam, nrhiav qhov tseeb los pab lawv daws teeb meem. Ib tug thawj coj mas tsis yog ib tug nom thiab tsis yog nyob siab tshaj lwm tus. Vajtswv yog tus Tswv Tsim, thiab txhua tus noob neej yog cov uas raug tsim tawm los xwb, txawm lawv yuav nyob rau qib twg los xij. Peb txhua tus yuav tsum pe hawm tus Tswv Tsim xwb. Lub sij hawm ntawd kuv thiaj li to taub kuv tes dej num thiab lub luag hauj lwm, hais tias kuv yuav tsum nyob rau hauv qhov chaw ntawm ib tug raug tsim tawm los thiab ua kuv tes dej num kom zoo. Kuv muaj ib txoj kev hloov pauv nyob rau hauv kuv lub siab txij thaum ntawd los lawm ces kuv thiaj li tau pib ua ib tug neeg coj ncaj ncees lawm. Thaum kuv paub kiag tias kuv tab tom txhawb nqa kuv tus kheej, ces kuv txawm qhib siab lug muab qhia tawm kiag thiab nco ntsoov qhia tshwm txog kuv txoj kev qias vuab tsuab thiab tej kev ua txhaum. Qee zaus qhov ua li ntawd mas nyuaj siab ntsws kawg li, tiam sis qhov ntawd qhia rau kuv tias kuv coj tsis ncaj ncees npaum li cas lawm tiag tiag. Kuv ua ntau yam thiab dag lwm tus heev li. Kuv yim qhib siab lug muab qhia tawm, ces kuv yim pom kuv tej yam ntxwv tseeb thiab tus yeeb yam tseeb. Kuv ras heev tias kuv tsis muaj ib yam dab tsi li. Nyob rau hauv kuv txoj kev sib qhia tag nrho, kuv tau muab kuv tus kheej tso rau qhov chaw siab, txhawb tib neeg lub zog thiab pab tib neeg los ntawm kev qhuab qhia xwb. Tiam sis tam sim no kuv tau pib qhia txog kuv tus yam ntxwv tseeb rau cov kwv tij thiab cov nkauj muam, uas yog qhia ncaj ncaj lawm. Kuv yeej muaj tej kev nyuaj siab tib yam nkaus li lawv muaj, tib hom kev qias vuab tsuab li lawv muaj thiab, thiab kuv yog ib tug thawj coj, tiam sis peb yeej zoo ib yam nkaus xwb. Peb tsuas muaj tej dej num sib txawv xwb. Thaum kuv ua li no lawm, kuv tsis hnov zoo li kuv ntse dua lwm tus li lawm. Tiam sis, kuv muaj peev xwm xyaum los ntawm lawv tej kev ntsib kev pom thiab tau txais kev qhuab qhia los ntawm lwm tus txoj kev sib qhia. Ua ntej ntawd mas kuv tsis tshua cuab pob ntseg mloog lwm tus txoj kev sib qhia li, xav khav theeb ntxhias hais tias kuv yog tus uas pab cuam txoj kev qhuab qhia rau lwm tus. Ua tsaug rau Vajtswv cov lus, uas ua rau kuv muaj ib txoj kev sib raug zoo uas zoo zog nrog rau lwm tus, kom kuv thiaj li to taub lawv zoo dua thiab tuaj yeem pom lawv tus yam ntxwv tseeb. Kuv pom hais tias Vajtswv tej kev npaj ua rau kuv tau txais ntau yam heev los ntawm lawv los thaum kuv pab lawv. Kuv kawm tau ntau yam heev los ntawm peb txoj kev sib qhia ua ke. Kuv tso tseg txoj kev khav theeb thiab qhuas tias kuv tus kheej tseem ceeb lawm. Kuv muaj peev xwm coj rau lwm tus kom sib txig sib luag, kom tsim nyog dua thiab zoo dua, thiab qee zaum mas kuv cia li hnov qab txog kuv lub meej mom uas yog ib tug thawj coj thaum tab tom sib qhia lawm. Kuv ua Vajtswv tsaug ntau ntau rau txoj kev hloov pauv kuv no.
Qee zaum mas kuv tseem ntes tau kuv tus kheej txoj kev khav theeb thiab qhov ntawd qhia kuv tias Ntxwgnyoog tau ua rau kuv qias vuab tsuab npaum li cas lawm. Nws tsis yog ib yam uas cia li dhau mus xwb, tiam sis nws nyob rau hauv kuv cov pob txha, hauv kuv cov ntshav lawm. Yog tsis muaj qhov tseeb txhawb, yog tsis muaj Vajtswv txoj kev txiav txim thiab kev rau txim, ces ntshe kuv tas zog ua rau cov kwv tij thiab cov nkauj muam nyob rau hauv kuv txoj kev tswj kav thiab tas zog nrog Vajtswv sib tw xwb. Qhov ntawd yog ib qho muaj tseeb. Txoj kev tsis hloov pauv mas phom sij heev. Nws tsuas yog qhov tseeb xwb thiaj li pab ua rau kuv dim plaws ntawm kuv tus moj yam phem. Yog tsis muaj qhov tseeb ntawd, ces ntshe kuv twb dhau los ua ib tug tawm tsam Khetos thiab raug teem txim lawm. Ua tsaug rau Vajtswv txoj kev coj qhia, kuv thiaj li hloov kuv txoj kev xav lawm, thiab tam sim no kuv muaj qhov pom kuv tes dej num uas yog ib tug thawj coj tseeb dua lawm. Qhov tseem ceeb tshaj yog, Vajtswv tab tom cawm kuv los ntawm txoj kev raug kuv tus moj yam phem tswj. Ua Vajtswv Tus Uas Muaj Hwj Chim Loj Kawg Nkaus tsaug!
