68. Tam Sim No Kuv Paub Tias Yuav Ua Tim Khawv Li Cas rau Vajtswv Lawm
Nyob rau lub Plaub Hlis xyoo 2021 ntawd, kuv tau ua hauj lwm nrog Viv Ncaus Tsheej, qhia txoj moo zoo. Kuv twb muaj qee txoj kev paub rau qhov ntawd lawm, yog li tau ib ntus tom qab ntawd, kuv txawm pib ua tau zoo dua nws lawm. Kuv khav rau ntawm nws xub ntiag txog qhov kuv ua txhua yam li cas, kuv teb cov uas muaj feem yuav hloov kev ntseeg tej lus nug li cas. Kuv qhia ncaj heev li. Viv Ncaus Tsheej qhuas heev li. Muaj ib zaug, ces ib co nus thiab viv ncaus tsis tuaj koom tej kev txoos lawm. Thaum ntawd kuv thiaj li qhia rau lawv ces lawv thiaj li pib tuaj koom li txhua zaus lawm. Kuv paub tias nws yog Vajtswv coj lawv kev, txhawb lawv siab, tab sis kuv yog hom uas qhuas kuv tus kheej, xav tias kuv yeej muaj kuv feem. Thiab kuv tsuas khav theeb rau Viv Ncaus Tsheej, hais tias, “Kuv vam khom rau Vajtswv, qhia ob peb nyuag lo xwb ces tom qab ntawd lawv xav tuaj koom tej kev sib txoos ua ke lawm.” Nws thiaj li hais qhuas ntxhias tias, “Ua Vajtswv tsaug! Koj mas txawj daws txhua yam los ntawm kev qhia.” Kuv nyiam heev thaum hnov nws hais li ntawd. Thiab muaj ib zaug, thaum nws teb tsis tau ib tug uas nws tshaj tawm rau cov lus nug, ces nws ntsoos heev. Kuv thiaj li nug nws tias nws hais li cas rau lawv lawm, ces nws thiaj li piav qhia rau kuv. Thaum ntawd kuv xav tias nws tsis muaj kev paub. Tej lus nug ntawd yog tej lus nug uas teb tau yooj yim thiab kuv teb tej lus nug ntawd tau sai heev. Kuv yuav tsum tau qhia nws, qhia nws tias kuv qhia txoj moo zoo li cas. Kuv thiaj li qhia tias yuav qhia li cas thiaj li zoo ntxiv. Viv Ncaus Tsheej nyiam qhov uas kuv hais ntawd, ces thiaj li hais tias nws yeej tsis muaj kev paub kiag li, thiab thov kom kuv pab nws ntxiv. Kuv thiaj li hais tias peb yuav tsum tau vam khom rau Vajtswv, tab sis hauv kuv lub siab mas kuv zoo siab rau kuv tus kheej heev dhau lawm. Kuv xav tias kuv ua tau zoo heev lawn.
Nyob rau ib lub rooj sib txoos ua ke, ib tug thawj coj thiaj li nug peb tias tsis ntev los no peb kawm tau dab tsi hauv peb tes dej num. Viv Ncaus Tsheej thiaj li hais tias nws tau pom lawm tias nws tsis muaj kev paub npaum li cas, tias muaj ntau lo lus nug dhau lawm uas nws teb tsis tau. Nws thiaj li hais tias kuv nrhiav tau Vajtswv cov lus los qhia ceev heev li. Tus thawj coj thiaj li luag ntxhi rau kuv thiab ncaws hau nto. Kuv paub tias tsis ntev los no kuv ua tiav qee yam rau hauv peb tes hauj lwm lawm ces kuv thiaj li qhia rau tus thawj coj ntawd tias kuv paub ntau npaum li cas, tias kuv teb tau tib neeg cov lus nug. Kuv thiaj li txhob txwm tshuam lus, hais tias, “Qhov teb lawv tej lus nug ntawd mas nyuaj heev li.” Tus thawj coj ntawd thiaj li nug tias, “Cov lus nug dab tsi?” Kuv thiaj li maj nroos muab qee yam los xav, xav seb cov lus nug twg thiaj li yuav khav kuv tej kev txawj tau zoo tshaj plaws. Kuv thiaj li xaiv cov nyuaj tshaj plaws, kom tus thawj coj ntawd thiaj li xav tias kuv teb tau cov nyuaj tshaj plaws thiab saib kuv mas ntse heev. Yog li kuv thiaj li tsuas pheej tham, piav thiab luag nqhuas, tham txog tias kuv teb tib neeg cov lus nug li cas thiab tias kuv ua kom lawv ntseeg rau thaum kawg li cas. Kuv tham tshaj qhov tseeb, piav txhua yam nyuaj tshaj li qhov muaj, cuag nkaus li lwm tus yeej daws tsis tau tej teeb meem no es tsuas yog kuv xwb thiaj li yog tus uas daws tau. Kuv xav kom tus thawj coj xav tias kuv muaj qee qhov muaj tiag ntawm qhov tseeb, tias kuv yog tus zoo tshaj txhua tus uas qhia txoj moo zoo. Tus thawj coj ntawd thiab lwm cov nus thiab viv ncaus puav leej qhuas kuv, ces kuv thiaj li ntseeg loo qhov ntawd lawm. Tom qab nug txog peb tes hauj lwm qhia txoj moo zoo lawm, ces tus thawj coj ntawd thiaj li qhia txog tej hauv paus ntsiab lus rau peb. Tom qab nws hais ob peb lo lus, ces kuv thiaj li xav tias kuv muaj qee txoj kev paub ntsig txog qhov ntawd uas kuv tsim nyog muab qhia kiag thiab. Thaum txoj kev qhia dhau lawm, ces kuv yuav tsis muaj hwm tsam tham los txog qhov ntawd lawm. Kuv tos tsis taus qhov yuav txeeb tham li, yog li kuv thiaj li hais tias, “Tseem muaj ntau heev ntxiv thiab.” Ces kuv thiaj li suav xam tag nrho kuv txoj kev paub thiab qhia tias kuv tau saib xyaus ib txhia hloov kev ntseeg li cas lawm. Txhua tus mas ncaws hau nto xwb ces thaum kuv tham ntawd kuv haj yam muaj siab. Cov nus thiab cov viv ncaus thiaj li hais raws li lawv tus kheej tej kev xam pom tab sis kuv yeej tsis yuav ib qho li. Kuv xav tias lawv tsis muaj kev paub tob tiag los sis tsis muaj tej kev xav uas muaj nqi li. Kuv tsuas pheej qhia kuv tej kev xam pom xwb, tsis muab hwv tsam rau lwm tus tham li. Kuv tsuas xav qhia kom tag nrho kuv tus kheej txoj kev paub xwb, kom tus thawj coj thiaj li yuav pom tias kuv muaj peev xwm, tias kuv nrhiav tau cov hauv paus ntsiab lus hauv kuv tes dej num, tias kuv muaj kev txawj. Thaum tham lus mas, qhov ntawd qhia rau kuv paub tias tej zaum kuv khav theeb lawm. Yog li kuv thiaj li sim tham kom qeeb, tswj kuv lub suab, thiab tham me ntsis txog kuv txoj kev qias vuab thiab tej kev ua yuam kev lawm. Tab sis kuv kuj xav tias tej tswv yim uas muaj qab hau no yuav tsum tau muab qhia rau sawv daws kom muaj txiaj tsim, nws puav leej yog kuv txoj kev paub uas tau nqis tes ua los lawm. Kuv tsis qhia vim yog ntshai khav theeb xwb tsis tau. Thaum xav li ntawd lawm, ces kuv tsuas pheej tham tsis so li lawm. Thaum ntawd kuv thiaj li pom tus thawj coj ncaws hau pom zoo thiab zoo li lwm tus los lawv pom zoo thiab. Ces kuv xyiv fab rau qhov ntawd heev li. Yog li rau txoj kev sib txoos ua ke ntawd, ces txhua tus tsuas mloog kuv tham xwb. Tsis yog li ntawd xwb, tab sis nyob rau hauv tej kev sib txoos ua ke mas kuv yeej tsis tham txog kuv tej yam ntxwv phem los sis tej qauv ntawm tej kuv ua tsis tiav rau lwm tus li. Kuv xav tias nws yuav rhuav kuv ntsej muag, yog li kuv thiaj li xaiv tej kuv ua tau zoo tham xwb. Tom qab ob peb txoj kev sib txoos ua ke lawm ces txhua tus thiaj li xav tias kuv qhia txoj moo zoo tau zoo heev, ces ib txhia neeg hauv tes dej num ntawd thiaj li pib vam khom kuv lawm. Lawv thiaj li thov kom kuv tham ncaj qha rau cov neeg uas tuav rawv lawv tej kev xav phem khov kho. Kuv haj yam nyiam qhov ntawd, thiab kuv xyiv fab rau qhov raug hwm li ntawd.
Thaum kuv txaus siab heev rau kuv tus kheej lawm, ces Vajtswv txoj kev qhuab qhia thiaj li los raug kuv. Kuv txawm pib ntsib teeb meem ntau heev thiab ua tsis tiav ib yam dab tsi li. Kuv thiaj li xav tias kuv nyiam khav thiab khav theeb thaum qhia rau lwm tus, ces tam sim no kuv thiaj li ua dab tsi los tsis nce qib li lawm. Puas yog Vajtswv qias kuv, es Nws nkaum kuv lawm? Ces kuv thiaj li qib siab qhia txog kuv tus yam ntxwv rau Viv Ncaus Tsheej ces nws thiaj li hais tias, “Txij li thaum kuv paub koj los mas, kuv yeej pom tias koj nyiam khav heev. Koj tham puv kiag sij hawm thaum tus thawj coj tuaj koom lub rooj sib txoos ua ke. Koj txiav nws lus ua ntej nws tham tag, thiab kuv twb nug tsis tau ib lo lus nug li. Kuv yeej paub tias piv tsis tau koj kiag li, thaum pom tag nrho koj txoj kev paub ntawm kev qhia txoj moo zoo.” Thaum hnov li ntawd ces hnov phem heev li. Kuv yeej tsis xav tias kuv txoj kev khav theeb ntawd yuav ua rau nws raug txwv li. Qhov ntawd tsis yog kev ua phem lod? Kuv thiaj li los rau ntawm Vajtswv xub ntiag los tig xav txog kuv tus kheej tiag tiag, ces thiaj li nco txog Vajtswv cov lus no: “Txhua tus ntawm cov uas taug cov tawm tsam Khetos txoj kev mas tsa lawv tus kheej thiab hais lus tim khawv rau lawv tus kheej xwb. Lawv mus khav txog lawv tus kheej rau ub rau no thiab khav lawv tus kheej dhau qhov muaj tseeb, thiab lawv tsis muab Vajtswv los rau hauv lawv lub siab kiag li. Koj puas muaj ib qho kev ntsib kev pom txog yam uas Kuv tab tom tham txog no li? Tib neeg coob leej ntau tus tas zog hais lus tim khawv rau lawv tus kheej xwb tias: ‘Kuv tau raug kev txom nyem li no thiab li tod; kuv tau ua tiav tes hauj lwm no tes hauj lwm tod; Vajtswv muab kuv saib siab yam tshwj xeeb heev; Nws hais kom kuv ua yam ub yam no; tam sim no kuv zoo li no thiab li tod.’ Lawv txhob txwm hais lus ua lub suab zoo li ntawd thiab xyaum coj tus yeeb yam zoo li ntawd. Thaum kawg, ib txhia tib neeg cia li xav tias cov tib neeg no yog Vajtswv. Thaum lawv tau los txog kiag rau qib ntawd lawm, ces Vajntsujplig twb tau muab lawv tso tseg ntev lawm. Txawm hais tias, thaum lub sij hawm ntawd, lawv tsis tau raug muab tshem tawm los sis ntiab tawm mus, es lawv pheej nyob ua dej num los xij, lawv txoj hmoo yeej yog los li ntawd, thiab yam uas lawv ua tau ces tsuas yog tos lawv txoj kev rau txim xwb” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tib Neeg Thov Ntau Yam Xav Tau ntawm Vajtswv Heev Lawm). Vajtswv cov lus mas ua rau kuv mob siab heev. Kuv tau ntsib ntau yam teeb meem heev ces thiaj li tsis hnov Vajtswv txoj kev coj qhia li lawm. Qhov ntawd puav leej yog vim kuv tau ua rau Vajtswv qias vim kuv txoj kev khav lawm. Vajtswv tus moj yam ncaj ncees yeej tsis zam tib neeg tej kev ua txhaum li. Kuv thiaj li ntshai me ntsis lawm. Kuv thiaj li paub tias yog kuv pheej ua li ntawd mus, ces Vajtswv yuav tso kuv tseg vim txoj kev qias. Kuv yuav tsum tau nrhiav qhov tseeb los daws qhov teeb meem no.
Kuv nyeem ib zaj lus ntawm Vajtswv cov lus uas muab cov tawm tsam Khetos qhia tshwm tias. “Qhuas thiab hais lus tim khawv rau lawv tus kheej, khav lawv tus kheej, sim ua kom tib neeg qhuas lawv—cov noob neej qias vuab tsuab muaj peev xwm ua tau tej no. Qhov no yog qhov uas tos nco xwb ces tib neeg twb ua lawm thaum lawv raug tswj fwm los ntawm tej yeeb yam phem, thiab nws yog qhov uas yeej muaj tas li rau tag nrho cov noob neej qias vuab tsuab. Tib neeg ib txwm qhuas thiab hais lus tim khawv rau lawv tus kheej li cas? Lawv ua li cas thiaj li ua tau lub hom phiaj no? Lawv hais lus tim khawv tias lawv tau ua hauj lwm ntau npaum li cas, lawv raug kev txom nyem ntau npaum li cas, lawv tau siv lawv tus kheej ntau npaum li cas, thiab lawv tau them tus nqi dab tsi lawm. Lawv siv tej yam no ua qhov peev txheej uas lawv siv los qhuas lawv tus kheej, uas muab tau ib qho chaw siab zog, tawv zog, ruaj khov zog nyob hauv tib neeg lub siab rau lawv, es kom muaj neeg coob zog saib taus, qhuas, hwm, thiab haj tseem hawm, pe hawm, thiab caum lawv qab. Vim xav ua lub hom phiaj no kom tiav, tib neeg thiaj li ua ntau yam uas ua tim khawv rau Vajtswv nyob saum daim tawv, tiam sis qhov tseem ceeb tiag tiag ces yog los txhawb thiab los ua tim khawv rau lawv tus kheej xwb. Qhov ua li ntawd puas tsim nyog? Tej ntawd ces tshaj tus ciaj ciam ntawm qhov kev paub tias dab tsi yog qhov tsim nyog lawm. Cov neeg no tsis txaj muag kiag li: Lawv muaj plhus ntxhias hais lus tim khawv txog tej uas lawv tau ua rau Vajtswv thiab lawv tau raug kev txom nyem ntau npaum li cas rau Nws lawm. Lawv haj tseem khav lawv tej peev xwm, kev txawj, kev ntsib kev pom, kev tshaj lij tshwj xeeb, lawv tej tswv yim ntshe rau lawv tus kheej tej kev coj kev ua, tej tswv yim phem uas lawv siv los ua si nrog tib neeg, thiab ntau yam ntxiv. Lawv tej kev qhuas thiab kev hais lus tim khawv rau lawv tus kheej ces yog khav lawv tus kheej thiab thuam lwm tus xwb. Lawv kuj tseem npog thiab zais lawv tus kheej, zais lawv tej kev qaug zog, tej yam tsis zoo, thiab tej kev tu ncua kom tib neeg txhob pom es kom tib neeg tsuas pom lawv qhov zoo xwb. Lawv twb tsis tau luag qhia rau lwm tus tib neeg thaum uas lawv xav phem; lawv tsis muaj lub siab tawv txaus yuav qhib siab lug thiab sib qhia nrog lwm tus, thiab taum lawv ua tej yam dab tsi yuam kev lawm, lawv sib zog muab qhov ntawd zais thiab npog cia xwb. Yeej tsis hais txog tej kev phom sij uas lawv tau tsim rau pawg ntseeg tes hauj lwm thaum lawv ua lawv tes dej num li. Thaum lawv tau pab me ntsis nyiaj los sis ua tau ib yam dab tsi me me tiav hlo, txawm li ntawd los xij, lawv mas maj nroo khav txog qhov ntawd xwb. Lawv tos tsis taus los qhia tag nrho lub ntiaj teb kom paub hais tias lawv muaj peev xwm npaum li cas, lawv lub peev xwm siab npaum li cas, lawv zoo npaum li cas, thiab lawv zoo tshaj li tej tib neeg dog dig npaum li cas. Qhov no tseem tsis yog ib txog kev qhuas thiab hais lus tim khawv rau lawv tus kheej thiab lod?” (Txoj Lus, Phau 4. Kev Nthuav Tawm Cov Tawm Tsam Khetos. Yam Plaub: Lawv Qhuas thiab Hais Lus Tim Khawv Txog Lawv Tus Kheej). Tsis yog kuv khav theeb thiab qhuas kuv tus kheej ib yam li Vajtswv piav qhia lod? Kuv tsis ua tim khawv rau Vajtswv li, tab sis kuv tsuas khav theeb kom tib neeg hwm kuv xwb. Kuv siv kuv txoj kev paub qhia txoj moo zoo los ua tus kheej pob peev, xav tias kuv ntse thiab txawj tham, ces tsuas muab los khav xwb. Thaum kuv ua qee yam zoo, ces kuv khav rau tus viv ncaus uas kuv nrog ua hauj lwm ntawd txog kuv lub peev xwm daws teeb meem, thiab thaum kuv pom nws ua qee yam tsis tiav, ces kuv qhia tag nrho kuv txoj paub rau nws. Kuv khav rau nws tas li, muab kuv lub peev xwm coj los khav. Kuv muab qhov pab nws ntawd los ua qhov ntis ntsej muag, tab sis qhov tseeb ces tsuas yog khav kuv tus kheej xwb. Kuv xav kom nws xav tias kuv zoo dua nws, ces vim li ntawd, thaum kawg nws thiaj li txwv nws tus kheej thiab xav phem lawm. Nws thiaj li vam khom rau kuv hauv nws tes dej num, es ho tsis vam khom Vajtswv. Thaum tus thawj coj tuaj koom peb txoj kev sib txoos ua ke mas, kuv yog tus tshwj xeeb rau tag nrho lub sij hawm ntawd, khav txog qhov kuv daws tej teeb meem nyuaj los muab kuv lub peev xwm khav kom tus thawj coj ntawd thiaj li yuav muab kuv saib tseem ceeb, xav tias kuv muaj qee qhov kev txawj thiab daws tau tej teeb meem tiag. Thaum tus thawj coj qhia txog tej hauv paus ntsiab lus, kuv twb tsis tos kom nws tham tag ua ntej kuv twb cuam tsuam, tham txog qhov kuv qhia txoj moo zoo raws li tej hauv paus ntsiab lus, muab kuv lub peev xwm los khav kom lwm tus hwm. Kuv pom tias kuv mas ntxim ntxub thiab txawj dag heev li. Vim tias kuv ib txwm yeej cuam tshuam tib neeg thiab khav theeb rau hauv tej kev sib txoos ua ke, tsis muab hwv tsam rau lwm los qhia li, ces tej kev sib txoos ua ke ntawd thiaj li rais los ua kuv tus kheej txoj kev khav, txeeb lwm tus lub hwv tsam los nug lawv tej lus nug. Thiab kuv tswj tsis taus kuv lub siab kom xav txog Vajtswv cov lus thiab mloog lwm tus tej kev paub li, tab sis muab tag nrho kuv txoj kev xav tso rau qhov seb kuv yuav qhia li cas lwm tus thiaj li qhuas kuv xwb. Nyob rau tej kev sib txoos ua kev ces kuv kawm tsis tau ntau li. Kuv paub tias kuv muaj tej kev ua txhaum thiab tej kev ua tsis tau ntau heev li, tab sis kuv ntshai tsam rhuav lub ntsej muag uas lwm tus muaj rau kuv lawm, yog li kuv thiaj li npog tej kev ua tsis tau zoo no cia, es tsuas tham txog tej kuv ua zoo xwb. Ces lwm tus ntawm pab pawg qhia txoj moo zoo thiaj li qhuas kuv thiab vam khom rau kuv. Kuv coj lawv los rau ntawm kuv tus kheej xub ntiag, thiab tsis yog kuv tsis ntshai xwb, tab sis kuv tseem nyiam qhov ntawd heev thiab. Kuv thiaj li pom los ntawm kuv tus cwj pwm tias kuv tsis siv zog ua kom Vajtswv txaus siab rau kuv tes dej num li, tab sis kuv mas ntxias dag thiab cuab tib neeg xwb.
Kuv thiaj li nyeem zaj lus no ntawm Vajtswv cov lus uas pab kuv to taub kuv tus yeeb yam thiab lub ntsiab tseeb lawm. “Ib txhia tib neeg pe hawm Povlauj tshwj xeeb. Lawv nyiam tawm mus sab nrauv thiab hais tej lus thiab ua txoj dej num, lawv nyiam mus sib sau ua ke thiab sib qhuab qhia, thiab lawv nyiam cov tib neeg uas mloog lawv hais, pe hawm lawv, thiab nyob ncig lawv. Lawv nyiam kom muaj meej mom rau hauv lwm tus nruab siab, thiab lawv qhuas nws thaum lwm tus pom tus duab uas lawv tau qhia tawm. Cia peb los tshuaj xyuas lawv tus yeeb yam los ntawm tej cwj pwm no: Dab tsi yog lawv tus yeeb yam? Yog lawv coj zoo li no tiag tiag, ces yeej qhia pom txaus lawm tias lawv yog neeg khav theeb thiab tsab ntse. Lawv tsis pe hawm Vajtswv kiag li; lawv nrhiav ib lub meej mom siab dua thiab xav muaj hwj chim tshaj lwm tus, xav kom muaj tej ntawd, thiab xav muaj meej mom rau hauv lawv nruab siab. Qhov no yog tus duab qub qub ntawm Ntxwgnyoog. Tej xwm txheej ntawm lawv tus yeeb yam uas pom meej yog kev khav theeb thiab kev tsab ntse, ib qho kev tsis txaus siab pe hawm Vajtswv, thiab ib qho kev ntshaw uas xav kom lwm tus pe hawm. Tej tus cwj pwm zoo li no tuaj yeem ua rau koj pom meej rau hauv lawv tus yeeb yam” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Yuav Paub Tib Neeg Tus Yeeb Yam Li Cas). Qhov no thiaj li ua rau kuv paub tias qhov khav tas li ntawd mas yog raug tswj los tawm ib tug yeeb yam khav theeb lawm. Kuv nyiam qhov raug qhuas thiab raug txhawb txij li thaum kuv tseem me los lawm, yog li qhov ntawd thiaj li yog qee yam uas kuv ib txwm cawm raws rau hauv lub neej lawm. Kuv thiaj li pheej ua li ntawd txawm yog tom qab tau txais txoj kev ntseeg lawm los xij, thiaj li khav thiab khav theeb thaum twg kuv muaj lub hwv tsam. Kuv nyiam ua qhov ntawd heev, kuv thiaj li xyiv fab thaum kuv pom ib tug neeg twg qhuas. Kev tshaj txoj moo zoo yeej yog kuv lub luag hauj lwm, kuv tes dej num, thiab txhua yam ua tau zoo mas yog vim Vajtswv txoj kev coj qhia xwb. Tab sis kuv raug txoj kev khav theeb tswj lawm, ces kuv thiaj li siv tej peev xwm los sis txoj kev paub los ua tus kheej pob peev. Kuv mloog zoo li kuv yog ib tug muaj peev xwm heev, ces kuv thiaj li tsis mloog lwm tus li lawm. Kuv kuj txeeb txhua lub hwv tsam los khav rau ntawm cov nus thiab cov viv ncaus xub ntiag thiab, tias kuv qhia txoj moo zoo zoo npaum li cas, tab sis yeej tsis hais txog tej kuv ua tsis tau zoo los sis tej kev ua tsis tau li. Yog li cov nus thiab cov viv ncaus thiaj li pib vam khom rau kuv es ho tsis vam khom rau Vajtswv lawm, thiab Vajtswv thiaj li tsis muaj ib qho chaw nyob rau hauv lawv lub siab li lawm. Vajtswv yuav tsim nyog muaj qhov chaw dawb huv hauv tib neeg lub siab, tab sis kuv coj lwm tus los nyob rau ntawm kuv xub ntiag lawm, yog li hauv lawv lub siab thiaj li tsuas muaj tib qho chaw rau kuv lawm xwb. Tsis yog kuv nrog Vajtswv sib tw rau lub meej mom lod? Kuv thiaj li xav txog Povlauj, tus uas khav theeb tshaj nyob rau hauv Tiam Hmoov Hlub. Nws yeej tsis qhuas Tswv Yexus Khetos rau hauv nws ntau tsab ntawv li, thiab nws tsis ua tim khawv rau yam uas Tswv Yexus tes hauj lwm ua rau tib neeg li. Nws tsuas qhuas nws tus kheej qhov zoo txog nws tej kev txawj thiab lub peev xwm xwb, cuab lwm tus kom lawv thiaj li yuav qhuas thiab ua raws li nws. Nws ua tim khawv tias nws tsis yog ib tug uas qis dua lwm tus twb txib, thiab thaum kawg hais tias nws ua neej li Khetos lawm, uas ua txhaum rau Vajtswv tus moj yam loj heev. Povlauj qhuas nws tus kheej tas li kom ua rau lwm tus neeg qhuas nws, los txog rau theem uas tau 2,000 xyoo lawm los cov ntseeg muab nws cov lus saib zoo li Vajtswv tus kheej cov lus, uas yog lub hauv paus rau lawv txoj kev ntseeg, thiab tej hauv paus ntsiab lus uas muab coj los xyaum ua raws. Nws cov lus tseem zoo tshaj Vajtswv tus kheej cov lus rau lawv lawm thiab, ua rau Vajtswv tsuas yog tus duab lawm xwb. Povlauj thiaj li dhau los ua tus thawj tawm tsam Khetos thiab raug Vajtswv muab rau txim lawm. Kuv thiaj li paub tias kuv zoo kiag li Povlauj ntag. Kuv tsis qhuas Vajtswv rau hauv kuv tes dej num li, tab sis tsuas khav theeb thiab cuab tib neeg lub siab xwb. Qhov ntawd yog kev ua dej num tau li cas? Kuv tsuas yog khiav kuv tus kheej txoj lag luam, tawm tsam Vajtswv thiab nrog Nws sib txeeb ib qho chaw xwb. Qhov ntawd mas ua txhaum rau Vajtswv loj heev. Thaum ntawd kuv thiaj li ntshai tiag thiab thiaj li pom tias qhov ntawd phom sij npaum li cas. Kuv thiaj li los rau ntawm Vajtswv xub ntiag thiab thov Vajtswv tias, “Vajtswv, kuv tsis xav ua lub neej tawm tsam Koj, nyob rau hauv kuv tus moj yam qias vuab tsuab lawm. Thov qhuab qhia kuv yog tias kuv khav theeb dua. Vajtswv, thov coj kuv kev kom muaj kev to taub tob dua txog kuv tus kheej os.”
Tom qab ntawd kuv thiaj li nyeem ib zaj lus ntawm Vajtswv cov lus uas ua rau kuv txaj muag rau kuv tus kheej heev. “Tsis txhob xav hais tias koj to taub txhua yam. Kuv hais rau koj hais tias tag nrho tej koj tau pom thiab tau ntsib mas tsis txaus rau kom koj to taub ib feem ntawm ib txhiab ntawm Kuv txoj kev npaj cawm tib neeg hlo li. Yog li ces vim li cas koj coj tau khav theeb ua luaj li? Qhov nyuag kev tshaj lij me me thiab kev paub me me uas koj muaj ntawd ces tsis txaus rau Yexus siv rau ib xi nkoos ntawm Nws tej hauj lwm li! Koj muaj kev ntsib kev pom ntau npaum li cas tiag? Tej uas koj tau pom thiab tag nrho tej uas koj tau hnov hauv koj lub sij hawm ntawm lub neej txoj sia thiab tej uas koj xav hauv nruab siab ces tseem tsawg tshaj tes hauj lwm Kuv ua nyob rau ib pliag ntshis! Koj yuav tsum tseg kiag tsis txhob xawb ub xawb no thiab nrhiav teeb meem. Koj yuav khav npaum li qhov koj xav khav los tau, tab sis koj ces tsis yog dab tsi tshaj li ib tug raug tsim tawm los uas twb tsis npaum li ib tug ntsaum! Tag nrho tej uas koj muaj hauv koj plab ces tseem tsawg tshaj li qhov uas muaj nyob rau hauv tus ntsaum lub plab! Tsis txhob xav hais tias, tsuav yog koj muaj me me kev ntsib kev pom thiab xub txawm me ntsis xwb, ces koj txawm yuav qw yoj teg yim taw thiab hais lus loj loj tau no nawb. Koj tej nyuag kev ntsib kev pom thiab koj tej nyuag kev xub txawm zog ntawd tsis yog tshwm sim los ntawm tej lus Kuv hais lod? Koj puas xav hais tias lawv yog muab pauv koj tus kheej tej dag zog thiab hauj lwm hnyav xwb lod? Niaj hnub no, koj twb pom hais tias Kuv tau rais los muaj lub cev nqaij daim tawv lawm, thiab nyob rau qhov xwm txheej no nkaus xwb ces nyob hauv koj ces twb muaj tswv yim xav ntau kawg nkaus lawm, thiab muaj tej kev xav phem tsis paub kawg tshwm rau hauv li. Yog tsis muaj Kuv qhov kev yug los ua neeg, ces txawm yog koj yuav muaj kev tshaj lij ntau npaum li cas, los koj yeej tsis muaj tej tswv yim xav ntau npaum ntawd; thiab koj tej kev xav phem ntawd tsis yog tshwm sim ntawm tej no tuaj lod?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Ob Qho Kev Yug Los Ua Neeg Ua Rau Qhov Tseem Ceeb ntawm Kev Yug Los Ua Neeg Tiav Hlo). Kuv tsis muaj qhov muaj tiag ntawm qhov tseeb li, tab sis tsuas paub qee qhov kev qhuab qhia xwb. Kuv muaj qee txoj kev paub thiab ua me ntsis hauj lwm xwb, ces tsis quav ntsej lwm tus li lawm, thiab haj tseem tsis quav ntsej Vajtswv thiab. Kuv txeeb Vajtswv lub koob meej. Kuv khav theeb yam tsis muaj qab hau kiag li. Thaum qhia txoj moo zoo, ces kuv yeej paub zoo tias Vajtswv yog tus txhawb Nws tus kheej tes hauj lwm xwb. Qee zaus qee tus yuav nug ib lo lus nug uas kuv tsis paub xyov yuav teb li cas, yog li kuv thiaj li thov Vajtswv. Tom qab Vajntsujplig qhia rau kuv lawm kuv thiaj li paub tias yuav teb lo lus nug li cas. Qee zaus kuv twb tsis hais ntau, tab sis kuv tsuas nyeem Vajtswv ib co lus xwb, ces tib neeg yuav cia li nco tau Vajtswv lub suab thiab npaj txhij los nrhiav Nws tes hauj lwm ntawm tiam kawg lawm. Kuv thiaj li pom tias nws puav leej raug ua tiav los ntawm txoj kev coj qhia ntawm Vajtswv cov lus, tias Nws txhawb tib neeg lub siab. Muaj ib zaug, kuv qhia txoj moo zoo rau ib tug viv ncaus hauv pawg ntseeg tus nus. Ua ntej ntawd mas yeej muaj ob peb tug neeg qhia nws lawm, tab sis nws raug txwv los ntawm nws tej kev xav phem ces txawm tsis tshawb xyuas qhov ntawd li lawm. Kuv thiaj li tsis muaj kev ntseeg siab heev, tab sis kuv tsuas npaj me ntsis raws li kuv txoj kev paub yav dhau los xwb. Thaum kuv tham rau nws txog qhov uas kuv twb muab xav tseg lawm ntawd, ces nws tsis yog tsuas tsis quav ntsej xwb, tab sis nws haj muab tej kev xav phem ntau uas nws muaj lawm coj los tham thiab. Ces kuv tsis paub tias yuav qhia li cas lawm, yog li kuv thiaj li thov Vajtswv thiab vam khom rau Vajtswv, thov kom Vajtswv coj nws kev. Tom qab ntawd nws thiaj li saib ib daim yeeb yaj duab hais lus tim khawv thiab raug txhawb los ntawm txoj kev qhia ntawd heev thiab xav los tshawb xyuas Vajtswv tes hauj lwm tshiab heev. Kuv mas ceeb tag li. Tsuas yog peb caug tawm feeb xwb ces nws hloov hlo li lawm. Kuv thiaj li paub tias nws tsis yog vim kuv qhia tau zoo, tab sis yog vim Vajtswv tau txhawb nws lawm xwb. Thaum kuv tej kev txhawb siabtsis yog nyob rau hauv kuv tes dej num lawm, ces txawm kuv tham zoo npaum li cas los xij li, yeej tsis muaj ib tug twg xav los lees txais txoj moo zoo li. Kuv txoj kev paub thiaj li qhia rau kuv tias hauv tes dej num mas, peb tej kev txawj thiab lub peev xwm tsuas yog los txhawb lub luag hauj lwm xwb, thiab tej ntawd yeej tsis yog tshab txhais lub ntsiab. Vajtswv cov yaj yeej hnov Nws lub suab. Cov uas Vajtswv tau xaiv tseg ua ntej lawm ntawd yeej hnov Nws lub suab nyob hauv Nws cov lus thiab xav tshuaj xyuas txoj hau kev tseeb. Yog tias nws tsis yog tus Vajtswv xaiv tseg, ces txawm tham lus zoo heev li los yeej tsis ua hauj lwm. Txawm tsis muaj peev xwm li los xij, yog tias tus ntawd lub siab nyob yog chaw, Thiab lawv vam khom rau Vajtswv tiag tiag li, ces lawv yuav tau txais Nws txoj kev coj qhia, thiab qhov ntawd yuav ua tau tag nrho tib yam nkaus. Txhua txoj kev ua tiav hauv peb tej dej num yeej yog los ntawm Vajntsujplig txoj kev qhuab qhia thiab txoj kev coj qhia ntawm Vajtswv cov lus los. Yog tsis li ntawd ces txawm peb hais ntawm peb tus kheej ntau npaum li cas los xij, peb yeej yuav txhawb tsis tau ib tug uas ntxim yuav li. Peb pab qhov me tshaj plaws thiab tsuas mus khav rau ub rau no, mus txeeb Vajtswv lub koob meej xwb. Qhov ntawd tsis muaj qab hau li. Kuv thiaj li mloog zoo li kuv mas dig muag heev li. Kuv muab tag nrho kuv tus kheej lub koob meej rau txoj kev ua tiav me me ntawd xwb, thiab siv qhov ntawd los ua qhov khav. Kuv mas tsis paub txaj muag kiag li. Thaum rov xav txog txoj kev kuv khav theeb ntawd mas, kuv tsis zoo siab li. Kuv yog ib tug neeg txaus luag heev, muab los khav yam dig muag ntsuav. Yog tias Vajtswv tsis teeb tej xwm txheej nyuaj ntawd rau kuv thiab tom qab ntawd kom ib tug viv ncaus cem kuv, ces kuv tseem ruam li qub, tsis paub txog tus kheej li. Thaum paub li no lawm, ces kuv thiaj li los rau ntawm Vajtswv xub ntiag los thov Vajtswv, xav los lees txim hloov dua siab tshiab, los tso txoj kev qhuas kuv tus kheej thiab khav theeb tseg.
Tom qab ntawd, ces kuv thiaj li rau siab nrhiav seb kuv yuav tsum qhuas thiab ua tim khawv rau Vajtswv li cas. Kuv thiaj li nyeem ib zaj lus ntawm Vajtswv cov lus. “Thaum hais lus tim khawv rau Vajtswv, nej yuav tsum tham kom ntau txog qhov Vajtswv txiav txim thiab qhuab ntuas li cas rau tib neeg, yam kev sim siab twg uas Nws siv tsim kho tib neeg kom zoo thiab hloov pauv lawv tej moj yam. Nej kuj yuav tsum tham txog qhov raug nthuav tawm kev lwj liam ntau npaum li cas rau hauv nej qhov kev ntsib kev pom thiab, nej thev taus ntau npaum li cas, nej ua pes tsawg yam los tawm tsam Vajtswv, thiab thaum kawg nej raug txeeb tau li cas los ntawm Vajtswv; tham txog qhov nej muaj kev paub tiag ntawm Vajtswv txoj dej num ntau npaum li cas, nej yuav tsum ua tim khawv li cas rau Vajtswv thiab pauj Nws rov qab rau Nws txoj kev hlub. Nej yuav tsum muab lub ntsiab tseem ceeb nkag rau hauv hom lus no, nrog rau muab nws tso rau hauv kom muaj txheej txheem yooj yim. Txhob tham txog tej kev xav qhuav qhawv. Tham txog yam muaj tseeb thiab muaj tiag kom ntau. Qhov no yog yam nej yuav tsum ntsib thiab pom. Txhob npaj nej tus kheej kom zoo nkaus li muaj txhij txhua lawm, txhob sib zog khav tej kev xav qhuav qhawv; kev ua li ntawd yuav ua rau tshwm sim nej qhov kev khav theeb thiab tsis muaj qab hau. Nej yuav tsum tham kom ntau txog tej yam muaj tseeb los ntawm nej txoj kev ntsib kev pom tiag thiab hais tawm hauv siab tuaj kom ntau ntxiv; qhov no yog qhov muaj txiaj ntsig tshaj plaws rau lwm tus, thiab tsim nyog tshaj plaws rau lawv pom” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tsuas Yog los ntawm Kev Caum Raws Qhov Tseeb Xwb Yus Thiaj Tuaj Yeem Ua Tau ib qho Hloov Pauv rau hauv Tus Moj Yam). Vajtswv cov lus thiaj li qhia rau kuv Tias txoj kev qhuas thiab ua tim khawv rau Vajtswv yog kev ua tim khawv rau Nws tes hauj lwm, Nws tus moj yam, tham txog peb tus kheej txoj kev qias vuab tsuab thiab txoj kev ntxeev siab thiab qhov peb kawm paub txog peb tus kheej los ntawm kev txiav txim ntawm Nws cov lus li cas. Ces lwm tus thiaj li yuav muaj kev thoob tsib thiab pom Vajtswv txoj kev ncaj ncees thiab Nws txoj kev hlub peb. Tab sis kuv tsuas tham txog tej kuv ua tau zoo thaum qhia txoj moo zoo xwb, yuav luag tsis tham txog txoj kev qias vuab tsuab uas kuv tau khav los sis qhov uas kuv tawm tsam Vajtswv li. Kuv tsis ua tim khawv rau Vajtswv thiab kuv tim tsum khav kuv tus kheej, nthuav tawm qhov kuv ua kom tus kheej zoo tuaj, khav theeb, nthuav kuv tej teeb meem thiab tej kev ua yuam kev thaum qhia txoj moo zoo, thiab qhia seb tus Ntsujplig coj kuv kev li cas. Kuv tim tsum qhia tag nrho tej ntawd, kom lwm tus thiaj li yuav pom kuv tseeb tseeb thiab kuj pom seb Vajtswv ua tes hauj lwm li cas. Ces lawv thiaj li yuav muaj kev ntseeg los vam khom rau Vajtswv hauv lawv tes dej num, kom tau txais Vajtswv txoj kev coj qhia. Thaum kuv qhib siab lug qhia li ntawd lawm, ces txhua tus thiaj li paub tias lawv yeej tsis muaj Vajtswv nyob hauv lawv lub siab tiag tiag. Lawv thiaj li xav los hloov, los vam khom rau Vajtswv rau hauv lawv tes dej num.
Tom qab ntawd kuv thiaj li pom ib daim yeeb yaj duab ntawm Vajtswv cov lus. Vajtswv Tus Uas Muaj Hwj Chim Loj Kawg Nkaus hais tias, “Tib neeg yuav ua li cas thiaj li paub Vajtswv tus moj yam thiab yam uas Nws muaj thiab yam uas yog Nws? Thiab lawv yuav ua li cas thiaj li paub Nws lub hwj chim, thiab Nws qhov hwj huaj uas loj tsis muaj chaw kawg thiab lub tswv yim? Puas muaj leej twg paub hais tias Vajtswv twb ua hauj lwm nrog txhua tus tib neeg thiab txhua yam los tau pes tsawg xyoo lawm? Tsis muaj leej twg paub kiag hais tias Vajtswv twb ua hauj lwm thiab cawm txhua tus tib neeg ntiaj teb los tau pes tsawg xyoo kiag lawm, tsis muaj leej twg paub tseeb tseeb kiag li. Vajtswv tsis muab tej yam zoo li no qhia tawm rau tib neeg ntiaj teb li. Tiam sis yog Ntxwgnyoog yuav ua li no me ntsis, nws puas yuav muab qhov pes tsawg xyoo ntawd tshaj tawm? Nws yeej yuav muab tshaj tawm xwb xwb li. Ntxwgnyoog tus kheej xav khav kom nws thiaj li yuav ntxias tau ntau tus tib neeg ntxiv thiab kom lawv coob tus ntxiv ua rau nws tau ntsej muag. Vim li cas Vajtswv thiaj li tsis muab qhov hauj lwm no qhia tawm? Muaj ib kis ntawm Vajtswv lub ntsiab tseeb uas yog txo hwj chim thiab zais ntsis. Qhov txawv ntawm txoj kev txo hwj chim thiab kev zais ntsis ntawd yog dab tsi? Yog kev khav theeb thiab kev khav. … Cov tawm tsam Khetos los yeej tsis muaj qhov txawv li thiab: Lawv khav txog txhua yam me me uas lawv ua rau ntawm txhua tus lub xub ntiag. Thaum hnov lawv hais mas zoo li lawv tab tom ua tim khawv rau Vajtswv ntag—tiam sis yog koj ua tib zoo mloog mas koj yuav pom hais tias lawv tsis yog ua tim khawv rau Vajtswv, tiam sis yog khav, thiab tsim tsa lawv tus kheej xwb. Qhov kev txhawb siab thiab lub ntsiab tseeb uas nyob tom qab ntawm qhov lawv hais ntawd ces yog los nrog Vajtswv sib tw txeeb cov neeg uas xaiv tseg, thiab lub meej mom xwb. Vajtswv txo hwj chim thiab zais ntsis, hos Ntxwgnyoog khav txog nws tus kheej. Puas muaj qhov sib txawv? Muab kev khav piv rau kev txo hwj chim thiab kev zais ntsis: qhov twg yog qhov zoo? (Kev txo hwj chim thiab kev zais ntsis.) Piav qhia puas tau tias Ntxwgnyoog txo hwj chim? (Tsis tau.) Vim li cas? Txiav txim los ntawm nws tus yeeb yam phem thiab lub ntsiab tseeb mas, pom tias nws yog ib qho khoom seem uas tsis muaj nuj nqis li; qhov Ntxwgnyoog tsis khav txog nws tus kheej mas ntshe yuav yog ib qho uas txawv tshaj plaws li. Yuav ua li cas hais tau tias Ntxwgnyoog ‘txo hwj chim’? ‘Kev txo hwj chim’ ntawd yog hais txog Vajtswv xwb. Qhov Vajtswv yog leej twg tiag tiag, Vajtswv lub ntsiab tseeb, thiab Vajtswv tus moj yam mas siab thiab tsim nyog hwm heev, tiam sis Nws yeej tsis khav li. Vajtswv txo hwj chim thiab zais ntsis, Nws tsis cia tib neeg pom yam uas Nws twb ua tag lawm, tiam sis thaum Nws ua hauj lwm yam tsis muaj leej twg paub zoo li no, mas pab tau, txhawb tau, thiab coj tau noob neej kev yam tsis tu ncua li—thiab txhua yam no puav leej yog Vajtswv npaj tseg lawm. Puas yog vim txoj kev zais ntsis thiab kev txo hwj chim es Vajtswv thiaj li tsis qhia txog tej no, thiab tsis hais txog tej no li? Vajtswv yeej txo hwj chim tiag tiag vim Nws muaj peev xwm ua tej no tiam sis yeej tsis hais txog los sis qhia txog tej no, tsis muab tej no tham rau tib neeg li. Koj muaj tus cai dab tsi los hais txog kev txo hwj chim vim koj twb tsis muaj peev xwm ua tej zoo li no? Koj twb tsis ua tej ntawd ib qho li, tiam sis hos pheej ua kom tau ntsej muag vim tej ntawd—qhov no hu ua tsis paub txaj muag li. Vim qhov coj tib neeg ntiaj teb kev ntawd, Vajtswv thiaj li ua tes hauj lwm uas loj tag npaum li no, thiab Nws tswj hwm tag nrho lub qab ntuj khwb. Nws txoj kev muaj cai thiab lub hwj chim mas loj heev, tiam sis Nws yeej tsis tau txeev hais tias, ‘Kuv lub peev xwm mas loj tshaj plaws li nawb.’ Nws yeej tseem nyob zais ntsis nrog txhua yam, tswj hwm tag nrho txhua yam, yug thiab pab noob neej, cia txhua tus noob neej nyob ib tiam dhau ib tiam txuas ntxiv. Piv txwv li, muab tej huab cua thiab tshav ntuj, los sis tag nrho txhua yam khoom siv uas cheem tsum rau noob neej kom muaj nyob—txhua yam ntawd ntws nto tawm los yam tsis tu ncua li. Qhov uas Vajtswv muab rau tib neeg ntawd mas tsis muaj lus nug li lawm. Yog li ntawd yog tias Ntxwgnyoog ua tau qee yam zoo, nws puas yuav nyob ntsiag to, thiab ua ib tug neeg tshaj lij tshaj plaws uas nyob twj ywm xwb? Yeej tsis nyob twj ywm li. Nws zoo li qhov uas muaj cov tawm tsam Khetos ib txhia uas nyob rau hauv pawg ntseeg uas nyuam qhuav ua tes hauj lwm uas phom sij heev, cov uas muab txhua yam fij thiab nyiaj kev txom nyem, cov uas tej zaum haj tseem raug mus nyob nkuaj lawm thiab; kuj muaj ib txhia uas twb tau pab ib kis ntawm tes hauj lwm ntawm Vajtswv lub tsev ib zaug lawm thiab. Lawv yeej tsis hnov qab tej no li, lawv xav hais tias lawv tsim nyog tau ntsej muag rau tej no kom mus tag sim neej, lawv xav hais tias tej no yog lawv qhov peev txheej mus ib sim neej li—uas qhia tau hais tias tib neeg mas me npaum li cas! Tib neeg mas yeej me tiag tiag li, thiab Ntxwgnyoog mas tsis paub txaj muag li” (Txoj Lus, Phau 4. Kev Nthuav Tawm Cov Tawm Tsam Khetos. Yam Xya: Lawv Yog Neeg Phem, Lim Hiam, thiab Txawj Dag (Ntu Ob)). Qhov Vajtswv txo hwj chim thiab zais ntawd ua rau kuv txaj muag tiag tiag li. Vajtswv mas muaj hwj chim loj heev, tab sis Nws tseem los ua cev nqaij daim tawv thiab los rau hauv ntiaj teb, nthuav ntau qhov tseeb tawm los cawm tib neeg. Txawm tias Nws tes hauj lwm loj npaum li cas los sis Nws nthuav ntau qhov tseeb tawm npaum li cas los xij, Nws yeej tsis khav li. Nws tsuas saib tib neeg twj ywm xwb. Vajtswv lub ntsiab tseeb mas siab zoo kawg nkaus li. Tab sis kuv yog ib lub plua av xwb, tsis muaj dab tsi hlo li, thiab kuv ntshaw txoj kev qhuas, kev tawm tsam Vajtswv rau ib qho chaw. Kuv khav txog txhua yam me me uas kuv ua, ntshai tsam lwm tus tsis pom qhov ntawd. Tseeb tiag ces, Vajtswv yeej ua txhua tes hauj lwm ho kuv tsuas koom tes me ntsis xwb. Kuv tseem txeeb Vajtswv lub koob meej yam tsis paub txaj muag, khav kuv tej kev txawj thiab lub peev xwm tas li thiab. Kuv xav dag tib neeg, coj lawv tawm ntawm Vajtswv mus. Kuv yim xav txog qhov ntawd ces kuv yim txaj muag—Vajtswv qias qhov ntawd heev li. Kuv tsis xav ua hom tib neeg zoo li ntawd ntxiv lawm.
Nyob rau tej kev sib txoos ua ke tom qab ntawd, ces kuv thiaj li tso qhov tham txog tej kuv ua zoo uas zoo li yav tag los ntawd tseg lawm, tab sis kuv txhob txwm qhuas thiab ua tim khawv rau Vajtswv, tham ntxiv txog kuv txoj kev qias vuab tsuab thiab txoj kev ntxeev siab, uas ua rau kuv muaj tej kev ua tsis tau, thiab tham txog Vajtswv txoj kev qhuab ntuas thiab txoj kev coj qhia kom kuv thiaj li kawm tau tej hauv paus ntsiab lus thiab txoj kev xyaum ua raws. Kuv kuj qhia thiab qhib siab lug qhia txog kuv tus kheej tej kev txhawb siab thiab, kom lwm tus thiaj li pom Vajtswv txoj kev ncaj ncees, tias kuv tsuas yog ib tug neeg qias vuab tsuab xwb, thiab lawv thiaj li yuav kawm paub los ntawm tej kuv ua tsis tau. Ntau zaus mas, kuv tseem muaj qhov xav khav theeb me ntsis thiab, tab sis tom qab kuv paub li ntawd lawm, ces kuv thiaj li thov Vajtswv thiab cheem kiag kuv tus kheej tam sim ntawd lawm. Kuv mloog zoo li zoo dua tuaj lawm ntau heev tom qab muab coj los xyaum ua raws li ntawd lawm. Kuv tau ntsib kiag lawm tias Vajtswv txoj txiav txim thiab txoj kev teem txim muaj txiaj ntsig rau kuv lub neej tshaj li qhov kuv hais tau lawm. Kuv kuj tau saj Vajtswv txoj kev hlub thiab kev cawm kuv lawm thiab. Ua tsaug rau Vajtswv!