80. Qhov Khiav Kom Dim Lus Xaiv

Nyob rau lub Kaum Hli xyoo 2016, kuv tuaj rau tim Nus Yauj, ces tom qab ntawd tau ua kev cai raus dej rau hauv Tswv Yexus lub npe nyob rau ntawm ib pawg ntseeg uas yog neeg Suav, los ua ib tug Ntseeg Vajtswv lawm. Tiam sis tom qab tau li ib xyoos tawm nyob rau hauv pawg ntseeg ntawd lawm, kuv tsuas kawm tau tias yuav thov Vajtswv thiab hu nkauj qhuas Vajtswv li cas xwb, thiab kuv txoj kev paub tus Tswv thiab kuv txoj kev to taub Vajluskub mas ntiav ntiav xwb, uas ua rau kuv tag kev cia siab lawm. Yog li ntawd, kuv tus kheej thiaj li pheej tshawb tej lus qhuab qhia nyob rau hauv YusThuj kom kuv thiaj li to taub tus Tswv lub siab nyiam.

Nyob rau lub Peb Hlis xyoo 2018, kuv ntsib ob peb tug kwv tij thiab muam nyob rau hauv Nus Yauj thiab kawm tau ntau qhov tseeb thiab lus zais tob uas kuv yeej tsis tau paub dua nyob rau yav dhau los los ntawm qhov sib txoos ua ke thiab kawm nrog lawv, zoo li zaj lus uas txhawb phau Vajluskub, kev yug los ua neeg yog dab tsi, kev cawm dim yog dab tsi, qhov sib txawv ntawm cov Khetos tseeb thiab cov cuav, qhov sib txawv ntawm Vajtswv tes hauj lwm thiab tib neeg tes hauj lwm, thiab lwm yam ntxiv. Nws yog ib qho rua qhov muag thiab kuv kawm tau ntau yam heev. Kuv xyiv fab rau cov rooj sib txoos ua ke ntawd heev li. Nyob rau ntawm ib lub rooj sib txoos ua ke, Kwv Tij Nplais nyeem ntau lo lus uas tsis nyob rau hauv phau Vajluskub. Qhov no ua rau kuv ceeb tag li ces kuv txawm nug tias cov lus ntawd yog leej twg cov. Nws hais tias cov lus no yog Vajtswv Tus Uas Muaj Hwj Chim Loj Kawg Nkaus, uas yog tus Khetos ntawm tiam kawg, cov lus hais tawm. Thaum kuv hnov lub npe “Vajtswv Tus Uas Muaj Hwj Chim Loj Kawg Nkaus,” kuv ceeb tag li. Tus xib fwb thiab cov txwj laug tau ceeb toom rau peb tas li kom tsis txhob muaj kev sib txuas lus nrog Pawg Ntseeg ntawm Vajtswv Tus Uas Muaj Hwj Chim Loj Kawg Nkaus cov tswv cuab kiag li. Lawv hais tias lawv ntseeg ib tug tib neeg xwb, tsis yog Yexus Khetos. Kuv thiaj li poob siab nthav, thiab pib ntxhov siab heev uas kuv zaum tsis tswm li lawm. Tom qab ntawd kuv tsis khaws tej uas Nplais hais ntawd li, ces kuv txawm thov kev zam txim thiab tawm ntawm lub rooj sib txoos ua ke ntawd mus lawm.

Thaum kuv rov qab los txog tsev lawm, kuv pw ntxeev tiaj khwb rwg saum txaj, pw tsis tsaug zog li, vim qhov kuv mus koom tej rooj sib txoos ua ke nrog cov tswv cuab ntawm Pawg Ntseeg ntawm Vajtswv Tus Uas Muaj Hwj Chim Loj Kawg Nkaus pheej tshwm nyob rau hauv kuv lub hlwb. Lawv tej lus qhia mas zoo thiab muaj qab hau heev li, thiab muaj txiaj ntsim heev rau kuv. Tiam sis yam uas tus xib fwb thiab cov txwj laug hais txog Pawg Ntseeg ntawm Vajtswv Tus Uas Muaj Hwj Chim Loj Kawg Nkaus ntawd mas nrov ntxhe ntws hauv kuv ob lub pob ntseg xwb. Kuv thiaj li chim siab, ces kuv tsis paub tias xyov yuav mloog leej twg hais li lawm. Kuv txawm thau kuv lub xov tooj los thiab mus rau lub vej xaij uas kuv tso siab tshaj plaws, uas yog Vikiphidias, mus saib seb Vikiphidias ho piav li cas txog Pawg Ntseeg ntawm Vajtswv Tus Uas Muaj Hwj Chim Loj Kawg Nkaus. Thaum kuv nyeem hauv Vikiphidias hais tias Pawg Ntseeg ntawd yog ib tug tib neeg tsim los, tias pawg ntseeg ntawd yog noob neej ib lub koom haum xwb tsis yog Vajtswv ib pawg ntseeg, thiab muaj tej lus tshaj tawm tsis zoo tuaj ntawm Tsoom Fwv Koom Tsham Suav tuaj, ces kuv cia li ntshai kiag tam sim ntawd lawm thiab tsis muaj cuab kav mloog lawv tej lus qhia ntxiv li lawm. Kuv tab tom yuav muab tag nrho tej ntaub ntawv sib txuas lus nrog lawv ntawd tshem tawm, tiam sis thaum kuv tab tom yuav muab tej ntawd rho tawm pov tseg, ces kuv txawm nco tau qhov kuv tau paub lawv li cas. Lawv ncaj ncees, muaj kev hlub thiab ua siab ntev rau lwm tus, thiab kuv qhuas lawv tus cwj pwm, qhov lawv ua neej, thiab qhov lawv tham lus heev. Kuv tsuas tau txais qhov zoo los ntawm lawv los xwb. Lawv tsis zoo li tej uas kuv pom nyob os lai. Qhov no ua rau kuv xav. Tiam sis kuv ntseeg tej uas nyob rau hauv Vikiphidias heev dhau lawm, yog li ntawd tom qab ua tib zoo xav lawm, kuv tseem txiav txim siab muab tag nrho tej ntaub ntawv sib txuas lus uas kuv muaj nrog rau Pawg Ntseeg ntawm Vajtswv Tus Uas Muaj Hwj Chim Loj Kawg Nkaus ntawd rho tawm pov tseg thiab qhia rau Kwv Tij Petus, tus uas tab tom nrog kuv tshuaj xyuas Vajtswv Tus Uas Muaj Hwj Chim Loj Kawg Nkaus tes hauj lwm, txog qhov kuv paub. Petus hais tias qhov txais tos tus Tswv ntawd mas yog ib qho tseem ceeb uas peb yuav tsum tau ua tiag tiag, thiab yaum kom kuv tsis txhob txiav txim rau qhov ntawd ua dog ua dig, tiam sis kom thov Vajtswv ntxiv thiab nrhiav tus Tswv txoj kev coj qhia…. Kuv hnov cov nyom heev li, thiaj li xav hais tias, “Qhov nws hais ntawd yeej nkag siab. Qhov txais tos tus Tswv ntawd yeej yog ib qho tseem ceeb uas peb yuav tsum ua tib zoo saib. Yog Vajtswv Tus Uas Muaj Hwj Chim Loj Kawg Nkaus yog tus Tswv Yexus uas rov qab los lawm ntawd, es kuv tsis saib mus rau qhov ntawd, ces kuv yuav tsis plam kuv lub hwv tsam los txais tos tus Tswv lod?” Yog li ntawd kuv thiaj li thov tus Tswv hais tias, “Tus Tswv! Tam sim no kuv paub tsis meej li lawm. Pawg Ntseeg ntawm Vajtswv Tus Uas Muaj Hwj Chim Loj Kawg Nkaus tej lus qhuab qhia mas pab tau heev thiab kuv tau txais ntau yam. Tiam sis Vikiphidias hais tias nws yog noob neej ib lub koom haum xwb tsis yog Vajtswv pawg ntseeg. Tus Tswv! Kuv tsis paub li lawm os. Kuv ntshai tsam kuv mus yuam kev, ces kuv thiaj li thov Koj txoj kev coj qhia.”

Muaj ib hnub, thaum kuv tab tom mus koom pawg ntseeg, muaj ib tug muam hais ib zaj lus rau kuv hais tias: “Muaj ib tug ntseeg tus Tswv thov Vajtswv kom cawm nws thaum lub sij hawm muaj kev puas tsuaj, yog li ntawd Vajtswv thiaj li los cawm nws peb zaug, tiam sis nws puav leej plam txhua zaus. Nws hais tias, ‘Kav liam. Kuv twb thov tus Tswv lawm. Tus Tswv mam li cawm kuv.’ Ces tom qab nws tuag lawm, nws thiaj li paub hais tias Vajtswv twb los cawm nws peb zaug lawm, thiab nws tuag lawm vimnws tsis txais tej kev cawm ntawd.” Nyob rau hauv pawg ntseeg, kuv ceeb tag li thaum pom kuv tus xib fwb qhia tib zaj lus ntawd kiag ntag. Kuv ceeb tag li, thiaj li xav hais tias, “Qhov no tsis txaus ntseeg kiag li! Kuv hnov ob tug tib neeg qhia tib zaj lus ntawd rau kuv rau tib hnub ntawd, hais kom kuv txais qhov Vajtswv los cawm kuv. Puas yog tus Tswv hais kom kuv tshuaj xyuas Vajtswv Tus Uas Muaj Hwj Chim Loj Kawg Nkaus tes hauj lwm txuas ntxiv?” Yog li ntawd, kuv thiaj li txiav txim siab mus tshuaj xyuas Qhov Xob Laim Sab Hnub Tuaj txuas ntxiv lawm.

Kuv tau nrog Nplais tham thiab qhia kuv txoj kev paub tsis meej rau nws lawm. Kuv hais tias, “Kuv paub hais tias muaj qhov tseeb nyob hauv koj tej lus qhia thiab muaj Vajntsujplig tes hauj lwm mas. Qhov ntawd pab tau kuv heev. Tiam sis kuv pom nyob rau hauv Vikiphidias hais tias Pawg Ntseeg ntawm Vajtswv Tus Uas Muaj Hwj Chim Loj Kawg Nkaus yog ib tug txiv neej xeem Tshaus no tsim tawm los xwb, tias pawg ntseeg ntawd yog tib neeg ib lub koom haum xwb tsis yog Vajtswv pawg ntseeg. Kuj muaj tej lus tshaj tawm tsis zoo ntau heev tuaj ntawm Tsoom Fwv Koom Tsham Suav tuaj nyob rau hauv is taws nev thiab, yog li ntawd thiaj li ua rau kuv tsis tshua ntseeg thiab kuv xav muab qhov no tham rau koj.” Nplais thiaj li teb hais tias, “Thaum tshuaj xyuas txoj kev tseeb mas, peb vam khom tsis tau rau tej vej xaij uas tsis ntseeg, qee pab pawg, ntau pab nom tswv, los sis yam uas tib neeg hais. Peb yuav tsum saib seb txoj kev no puas muaj qhov tseeb, seb nws puas yog Vajtswv tes hauj lwm xwb. Qhov no yog lub hauv paus, tej hauv paus ntsiab lus uas tseem ceeb tshaj plaws. Thaum Tswv Yexus los ua hauj lwm, cov Falixais tau npaj txhua yam lus xaiv hais txog Nws thiab hais ntau yam lus tuam mom, hais tias Nws tsis yog xeeb los ntawm Vajntsujplig, tias Nws cov lus mas tsis muaj tseeb, thiab tias Tswv Yexus ntiab dab tawm uas yog siv dab tus vaj ntxwv. Lawv haj tseem hais tias Nws twb tsis tau raug tsa sawv hauv qhov tuag rov qab los, thiab ntau yam ntxiv. Coob tus Yudais mloog cov pov thawj hlob, cov xib fwb uas qhia Vajtswv txoj kev cai thiab cov Falixais hais thiab tsis muaj cuab kav raws tus Tswv qab li. Tiam sis Petus, Yauhas thiab lwm tus mas pom hais tias qhov Nws qhuab qhia, Nws tej txuj ci tseem ceeb thiab Nws tes hauj lwm puav leej yog los ntawm Vajtswv los thiab muaj Vajtswv txoj kev muaj cai thiab hwj chim, yog li ntawd lawv thiaj li raws Tswv Yexus qab thiab tau txais Nws txoj kev cawm dim lawm. Txhua yam no qhia hais tias qhov uas tseem ceeb hauv txoj kev tshuaj xyuas txoj kev tseeb ntawd ces yog saib seb txoj kev ntawd puas muaj qhov tseeb thiab Vajntsujplig tes hauj lwm xwb. Qhov ntawd yog lub hauv paus ntsiab lus.” Ces Nplais txawm nyeem ib zaj lus ntawm Vajtswv Tus Uas Muaj Hwj Chim Loj Kawg Nkaus cov lus. Vajtswv Tus Uas Muaj Hwj Chim Loj Kawg Nkaus hais tias: “Lub hauv paus ntsiab lus uas tseem ceeb tshaj plaws hauv kev los nrhiav txoj hau kev tseeb yog dab tsi? Koj yuav tsum tau saib seb puas yog los sis tsis yog txoj hauj lwm ntawm tus Vaj Ntsujplig nyob rau txoj kev no, seb cov lus no puas yog kev qhia txog qhov tseeb los tsis yog, leej twg hais lus tim khawv rau, thiab nws coj tau dab tsi los rau koj. Kev cais qhov txawv ntawm txoj kev tseeb thiab txoj kev cuav cheem tsum muaj ob peb yam ntawm kev paub tseem ceeb, qhov tseem ceeb tshaj plaws uas yog los qhia seb puas muaj los yog tsis muaj txoj hauj lwm ntawm tus Vaj Ntsujplig tshwm nyob rau ntawd. Rau qhov lub ntsiab tseeb ntawm tib neeg txoj kev ntseeg Vajtswv yog kev ntseeg Vajtswv tus Ntsujplig, thiab tab txawm tias lawv txoj kev ntseeg Vajtswv qhov kev los yug tias vim cev nqaij daim tawv no yog lub cev ntawm Vajtswv tus Ntsujplig, uas txhais tau hais tias txoj kev ntseeg zoo li no yeej tseem yog kev ntseeg tus Ntsujplig. Muaj ntau yam sib txawv ntawm tus Ntsujplig thiab lub cev nqaij daim tawv, tab sis vim hais tias lub cev nqaij daim tawv no yog los ntawm tus Ntsujplig, thiab yog Txoj lus rais los ua cev nqaij daim tawv, yog li yam uas tib neeg ntseeg kuj tseem yog ntseeg Vajtswv lub ntsiab tseeb uas xeeb txawm los thiab. Yog li, hauv kev cais qhov sib txawv seb puas yog los tsis yog txoj kev tseeb, ua ntej txhua yam koj yuav tsum saib seb nws puas muaj los tsis muaj txoj hauj lwm ntawm tus Vaj Ntsujplig, tom qab ntawd koj yuav tsum saib seb puas muaj qhov tseeb los tsis muaj nyob rau hauv txoj hau kev no” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Cov Uas Paub Vajtswv thiab Nws Tes Hauj Lwm Xwb Thiaj Yuav Tuaj Yeem Ua Tau Rau Vajtswv Txaus Siab). Nplais qhia mus ntxiv hais tias, “Nyob rau tiam kawg, Vajtswv Tus Uas Muaj Hwj Chim Loj Kawg Nkaus ua tes dej num ntawm kev txiav txim uas yog pib ntawm Vajtswv lub tsev tuaj mus. Nws nthuav txhua qhov tseeb tawm los yaug tib neeg ntiaj teb kom dawb huv thiab cawm tib neeg ntiaj teb kom dim, xws li tej hom phiaj ntawm Vajtswv tes hauj lwm cawm tib neeg, tej zaj lus uas txhawb tes hauj lwm ntawm Tiam Muaj Kev Cai, Tiam Hmoov Hlub, thiab Tiam Lub Nceeg Vaj thiab yam uas ua tiav los ntawm tes hauj lwm ntawd, tej lus zais tob ntawm Vajtswv txoj kev yug los ua neeg thiab lub npe, thiab ntau yam ntxiv. Vajtswv Tus Uas Muaj Hwj Chim Loj Kawg Nkaus txiav txim thiab muab tib neeg tus yeeb yam phem thiab qhov tseeb ntawm lawv txoj kev qias vuab tsuab uas tawm tsam Vajtswv, lub hauv paus keeb cag ntawm kev phem thiab kev tsaus ntuj hauv lub ntiaj teb, qhov Ntxwgnyoog ua rau tib neeg ntiaj teb qias vuab tsuab li cas thiab qhov Vajtswv cawm tib neeg ntiaj teb li cas ntawd qhia tshwm. Nws kuj muab ib txoj kev rau peb los muab txoj kev qias vuab tsuab ntawd ntiab tawm kom tau txais Vajtswv txoj kev cawm dim thiab nthuav tej kev tshwm sim tawm rau txhua hom tib neeg thiab. Txhua qhov tseeb uas Nws nthuav tawm ntawd thiab Nws tes hauj lwm txiav txim muaj tiav tag nrho raws li Tswv Yexus tej lus faj lem uas hais tias: ‘Kuv tseem muaj ntau yam hais rau nej, tab sis nej ris tsis taus tej ntawd tam sim no. Txawm li cas los xij, thaum Nws, tus Ntsujplig ntawm qhov tseeb, los, Nws yuav coj nej mus rau qhov tseeb’ (Yauhas 16:12–13). Qhov no kuj ua rau lo lus faj lwm no muaj tiav nyob rau hauv 1 Petus thiab: ‘Rau qhov lub sij hawm tab tom los lawm uas txoj kev txiav txim yuav tsum pib ntawm Vajtswv tsev mus’ (1 Petus 4:17). Ntau tus ntseeg tseeb nyob rau txhua pab ntseeg uas ntshaw Vajtswv qhov kev tshwm sim thiab tes hauj lwm twb tau pom lawm hais tias Vajtswv Tus Uas Muaj Hwj Chim Loj Kawg Nkaus cov lus yeej yog qhov tseeb thiab yog Vajtswv lub suab lawm. Lawv twb txiav txim siab lawm hais tias Vajtswv Tus Uas Muaj Hwj Chim Loj Kawg Nkaus yog tus Tswv Yexus uas rov qab los lawm es thiaj li tau los rau ntawm Vajtswv xub ntiag lawm. Txhua yam uas los ntawm Vajtswv los yuav loj hlob. Nyuam qhuav tau li 20 tawm xyoo xwb, Vajtswv Tus Uas Muaj Hwj Chim Loj Kawg Nkaus lub nceeg vaj txoj moo zoo twb nthuav mus thoob plaws Teb Chaws Suav thiab tam sim no nthuav mus thoob plaws lub ntiaj teb lawm. Qhov no yog Vajtswv lub hwj chim thiab txoj kev muaj cai uas tshwj xeeb thiab yog cov txiv ntawm Vajntsujplig tes hauj lwm. Nws yog ib qho qhia pom tseeb txog Vajtswv lub tswv yim thiab txoj kev uas muaj hwj chim loj kawg nkaus. Tej uas muaj tseeb no ua pov thawj qhia hais tias Vajtswv Tus Uas Muaj Hwj Chim Loj Kawg Nkaus yog tus Tswv Yexus uas rov qab los lawm ntag, tias Nws tes hauj lwm yog txoj kev tseeb thiab yog Vajtswv qhov kev tshwm tsim thiab tes hauj lwm nyob rau tiam kawg.”

Thaum hnov Nplais tej lus qhia, kuv thiaj li xav tias tsuas yog qee yam uas los ntawm Vajtswv los xwb mas thiaj li yuav tawg paj txiv txi ntau tuaj. Vajtswv Tus Uas Muaj Hwj Chim Loj Kawg Nkaus cov lus mas yeej yog qhov tseeb tiag tiag thiab tej lus ntawd yeej nthuav ntau cov lus zais tob thiab txhua qhov tseeb tawm tiag tiag li. Dhau ntawm Vajtswv lawm leej twg thiaj li nthuav tau qhov tseeb tawm? Yog kuv tsis nyeem Vajtswv Tus Uas Muaj Hwj Chim Loj Kawg Nkaus qhov tseeb nyob rau hauv kuv txoj kev tshawb txoj kev tseeb tiam sis cia li qi ntseeg Tsoom Fwv Koom Tsham Suav tej lus dag uas muab tso rau hauv vej xaij thiab tshaj tawm yam dig muag ntsuav xwb, mas ntshe qhov ntawd yuav yog ib qho uas ruam kawg li. Nplais hais kom kuv saib daim yeeb yaj kiab uas hu ua Cov Liab Txoj Kev Kawm nyob hauv Tsev. Tus neeg tseem ceeb hauv daim yeeb yaj kiab ntawd leej txiv coj Pawg Koom Tsham Pab Ntaus Thawj thiab qhov nws hais ntawd tsuas zoo ib yam li qhov kuv pom nyob rau hauv Vikiphidias xwb. Nws hais tias pawg ntseeg ntawd yog ib tug txiv neej uas yog xeem Tshaus tsim tsa los xwb, tias tag nrho cov tswv cuab ntawm pawg ntseeg ntawd puav leej hu nws ua tus neeg uas Vajntsujplig siv, thiab lawv mloog nws tej lus qhuab qhia tas li xwb, yog li ntawd qhov ntawd txhais tau hais tias nws yog tib neeg ib lub koom haum xwb, thiab tsis yog Vajtswv pawg ntseeg. Qhov no yog qhov uas tus neeg tseem ceeb hauv daim yeeb yaj kiab ntawd teb hais tias: “Leej twg tsim Kev Ntseeg Vajtswv? Leej twg tsim Kev Ntseeg Kav Tos Liv? Povlauj los sis Petus yog tus tsim lod? Leej twg tsim Kev Ntseeg Yudais? Yog Mauxe lod? Tsis yog txhua yam no tsis muaj qab hau lod? Tsoom Fwv Koom Tsham Suav uas tsis ntseeg tias muaj Vajtswv mas yeej tsis lees paub tias muaj ib tug Vajtswv li, thiab haj yam tsis lees paub tias Vajtswv twb los ua cev nqaij daim tawv lawm thiab. Txawm tus Khetos uas yug los ua neeg yuav nrhuav qhov tseeb tawm ntau npaum li cas, Nws tes hauj lwm yuav loj npaum li cas, los sis Nws txoj kev cawm dim yuav loj npaum li cas los xij, lawv yuav ua txhua yam li lawv ua tau los tsis lees paub, zais, thiab teem txim rau qhov ntawd. Lawv xav hais tias Kev Ntseeg Vajtswv thiab Kev Ntseeg Kav Tos Liv ces yog tib neeg tsim ib yam nkaus thiab xwb thiab qhov no yeej tsis muaj qab hau kiag li. Yog tias tsis yog txhawm rau Tswv Yexus qhov kev tshwm sim thiab tes hauj lwm ces yeej yuav tsis muaj ib tug ntseeg los sis ib tug raws tus Tswv qab thiab yeej tsis muaj Kev Ntseeg Vajtswv li. Qhov ntawd yog qhov muaj tseeb. Txawm cov tub txib yuav muaj peev xwm npaum li cas los xij, lawv yuav ua li cas tsim tau ib pawg ntseeg? Tsuas yog vim tib neeg lees txais cov tub txib txoj kev coj thiab kev saib xyuas xwb, qhov ntawd puas txhais tau hais tias Kev Ntseeg Vajtswv yog tib neeg tsim? Pawg Ntseeg ntawm Vajtswv Tus Uas Muaj Hwj Chim Loj Kawg Nkaus tshwm los puav leej vim yog Vajtswv qhov kev tshwm sim thiab tes hauj lwm xwb. Vim Vajtswv Tus Uas Muaj Hwj Chim Loj Kawg Nkaus nthuav ntau qhov tseeb tawm heev, thiab vim tib neeg paub hais tias nws yog Vajtswv lub suab es lawv thiaj li los rau ntawm Vajtswv lub xub ntiag, ces txawm muaj pawg ntseeg ntawd lawm xwb. Tom qab Vajtswv Tus Uas Muaj Hwj Chim Loj Kawg Nkaus pib Nws tes hauj lwm lawm, Nws ua tim khawv rau tus tib neeg uas Vajntsujplig siv los ua tus thawj coj Pawg Ntseeg. Nws zoo li Mauxe nyob rau Tiam Muaj Kev Cai, los sis cov tub txib nyob rau Tiam Hmoov Hlub. Vajtswv siv nws los txhawb, saib xyuas, thiab coj cov neeg Vajswv xaiv. Nws ua noob neej tes dej num. Cov neeg Vajtswv xaiv ntawd tuav Vajtswv Tus Uas Muaj Hwj Chim Loj Kawg Nkaus lub npe thov Vajtswv thiab nyob rau hauv tej rooj sib txoos ua ke lawv nyeem thiab sib qhia txog Vajtswv Tus Uas Muaj Hwj Chim Loj Kawg Nkaus cov lus. Cov neeg Vajtswv xaiv lees txais thiab zwm rau tus tib neeg no txoj kev coj raws li Vajtswv Tus Uas Muaj Hwj Chim Loj Kawg Nkaus cov lus. Tsoom Fwv Koom Tsham Suav tab meeg hais tej lus dag, hais tias peb txoj kev ntseeg yog nyob rau hauv tus tib neeg no. Lawv tsis lees paub Vajtswv Tus Uas Muaj Hwj Chim Loj Kawg Nkaus qhov kev tshwm sim thiab tes hauj lwm, thiab tsis lees paub qhov tseeb uas Nws nthuav tawm. Lawv muaj tej kev txhawb siab uas zais ntshis. Yog tias tsis yog txhawm rau Vajtswv Tus Uas Muaj Hwj Chim Loj Kawg Nkaus qhov kev tshwm sim thiab tes hauj lwm ces yeej tsis muaj Pawg Ntseeg ntawm Vajtswv Tus Uas Muaj Hwj Chim Loj Kawg Nkaus li. Qhov ntawd yog ib qho muaj tseeb.” Kuv mloog zoo li tus neeg tseem ceeb hauv daim yeeb yaj kiab ntawd hais yog lawm. Muaj Pawg Ntseeg vim yog Vajtswv qhov kev tshwm sim thiab tes hauj lwm xwb, tiam sis tsuas yog vim Vajtswv siv qee tus neeg los coj Pawg Ntseeg ntawd xwb, es Tsoom Fwv Koom Tsham Suav cia li hais tias Pawg Ntseeg ntawd yog ib tug tib neeg tsim. Tsis yog qhov ntawd tsis muaj qab hau li lod? Tsoom Fwv Koom Tsham Suav paub hais tias cov Ntseeg Vajtswv uas nyob rau hauv Pawg Ntseeg ntawm Vajtswv Tus Uas Muaj Hwj Chim Loj Kawg Nkaus ntawd ntseeg Vajtswv Tus Uas Muaj Hwj Chim Loj Kawg Nkaus, yog li ntawd vim li cas lawv thiaj li hais tias nws yog tib neeg ib lub koom haum, uas ib tug tib neeg tsim? Thaum kuv xav txog qhov no, tus neeg tseem ceeb hauv daim yeeb yaj kiab ntawd hais txuas ntxiv mus hais tias, “Yog li ntawd vim li cas Tsoom Fwv Koom Tsham Suav thiaj li hais tias Pawg Ntseeg ntawd yog tib neeg ib lub koom haum xwb? Vim li cas lawv thiaj li tsis hais txog Vajtswv nyob rau hauv lub cev nqaij daim tawv li? Vim li cas lawv thiaj li tsis hais txog Txoj Lus Tshwm Hauv Lub Cev Nqaij Daim Tawv li? Txhua qho tseeb uas Vajtswv Tus Uas Muaj Hwj Chim Loj Kawg Nkaus nthuav tawm ntawd yog yam uas Tsoom Fwv Koom Tsham Suav ntshai tshaj plaws vim lawv paub hais tias tag nrho cov ntseeg Vajtswv Tus Uas Muaj Hwj Chim Loj Kawg Nkaus ntawd lees txais Nws vim lawv nyeem Txoj Lus Tshwm Hauv Lub Cev Nqaij Daim Tawv lawm. Yog li ntawd lawv thiaj li ua txhua yam los cuam tshuam tib neeg los ntawm qhov hais tias Pawg Ntseeg ntawm Vajtswv Tus Uas Muaj Hwj Chim Loj Kawg Nkaus yog ib tug tib neeg tsim xwb kom npog tau qhov tseeb uas Vajtswv Tus Uas Muaj Hwj Chim Loj Kawg Nkaus, tus Khetos ntawm tiam kawg, tau tshwm los thiab tab tom ua hauj lwm. Lawv lub hom phiaj tseeb ntawm qhov ua li no ces yog los txwv kom tib neeg txhob raws Vajtswv qab xwb. Lawv ntxeev qhov tseeb, pheej nias qees hais tias pawg ntseeg ntawm Vajtswv qhov kev tshwm sim thiab tes hauj lwm ntawd yog tib neeg ib lub koom haum xwb. Qhov no yog qhov lawv hais tias tim ub tim no kom tau caij tsum thiab tsim txom Pawg Ntseeg ntawm Vajtswv Tuas Uas Muaj Hwj Chim Loj Kawg Nkaus xwb.” Tshuas yog thaum ntawd xwb kuv thiaj li ras hais tias Tsoom Fwv Koom Tsham Suav hais tias Pawg Ntseeg ntawm Vajtswv Tus Uas Muaj Hwj Chim Loj Kawg Nkaus yog tib neeg ib lub koom haum xwb ntawd yog ib qho txhob txwm dag txog tej uas muaj tseeb thiab yog ib qho kev hais tias tim li ub tim li no kom caij tsuj tau thiab tsim txom tau Pawg Ntseeg ntawm Vajtswv Tus Uas Muaj Hwj Chim Loj Kawg Nkaus xwb. Tsis tas li ntawd xwb, lawv hais li no los dag tib neeg thiab txwv kom tib neeg txhob muaj kev ntseeg thiab txhob raws Vajtswv qab. Qhov ntawd yog Tsoom Fwv Koom Tsham Suav txoj kev txhawb siab uas phem!

Tom qab saib zaj yeeb yaj kiab ntawd lawm, Nplais thiaj li qhia hais tias, “Tsoom Fwv Koom Tsham Suav txoj kev tsim tej lus xaiv thiab tej kev teem txim rau Pawg Ntseeg ntawm Vajtswv Tus Uas Muaj Hwj Chim Loj Kawg Nkaus no mas yeej muab cais tsis tau tawm ntawm lawv tus yeeb yam phem uas ntxub qhov tseeb thiab tawm tsam Vajtswv. Peb txhua tus puav leej paub hais tias Tsoom Fwv Koom Tsham Suav ntseeg tias tsis muaj Vajtswv thiab lawv ntseeg Maj-Lesneej txoj kev ntseeg. Lawv ntxub qhov tseeb thiab Vajtswv txoj kev tshwm sim thiab tes hauj lwm tshaj txhua yam, thiab txij li thaum tsim tsa tau lub teb chaws nyob rau xyoo 1949 ntawd los, lawv tau caij tsuj thiab tsim txom tej kev ntseeg. Lawv tau teem txim raucov pawg ntseeg hauv tsev yam li cov dab phem, thiab tau hlawv thiab rhuav tshem cov Vajluskub uas luam tawm los yam suav tsis txheeb li lawm. Lawv tau ntes, tsim txom, thiab kaw cov Ntseeg Vajtswv thiab cov Kav Tos Liv yam suav tsis txheeb li lawm. Txoj kev tsim txom txoj kev ntseeg haj yam phem ntxiv txij li thaum Xim Tsheej Pheem los muaj hwj chim lawm. Pawg ntseeg Peb-Tug Kheej twb raug kaw thiab rhuav tshem lawm, thiab cov khaub lig ntoo raug rhuav pov tseg tag yam suav tsis txheeb li lawm. Tsoom Fwm Koom Tsham Suav haj tseem npaj los muab phau Vajluskub thiab phau Khaulas sau dua los rhuav tshem tau tej kev ntseeg kom ploj mus tag nrho thiab. Txij li thaum tus Khetos ntawm tiam kawg, uas yog Vajtswv Tus Uas Muaj Hwj Chim Loj Kawg Nkaus, tshwm los rau hauv Teb Chaws Suav lawm, ces Tsoom Fwv Koom Tsam Suav thiaj li tau caum Nws tua, ua kub ua ntxhov, ntes thiab tsim txom cov Ntseeg Vajtswv yam npau taws heev. Muaj coob leej tau raug kaw thiab raug tsim txom yam phem heev mus txog ntua thaum lawv tuag tes tuag taw los sis tuag kiag lawm, thiab ntau plhom tus tib neeg tau raug qhuab yuam kom khiav tawm ntawm lawv tej vaj tse mus lawm. Tsoom Fwv Koom Tsham Suav kom tej xov xwm tshaj tawm tej lus xaiv thiab tsim teeb meem los hais lus nkaug thiab hais lus phem rau Pawg Ntseeg ntawm Vajtswv Tus Uas Muaj Hwj Chim Loj Kawg Nkaus. Qhov no yog los ntxias thiab dag cov tib neeg hauv lub Teb Chaws Suav thiab hauv lub ntiaj teb kom lawv thiaj li yuav tawm tsam thiab teem txim tau rau Pawg Ntseeg ntawd ib yam nkaus thiab. Lawv ua txhua yam los rhuav tshem Vajtswv tes hauj lwm ntawm tiam kawg kom ploj mus. Peb pom tau los ntawm tej uas muaj tseeb no los hais tias Tsoom Fwv Koom Tsham Suav yog ib tug dab phem uas tawm tsam Vajtswv, thiab dag thiab ua rau tib neeg puas tsuaj. Lawv yog tus tsiaj nyaum, yog tus zaj loj loj uas nyob rau hauv Qhia Tshwm! Qhov no muaj tiav kiag raws li vajluskub tej lus faj lem: ‘Thiab Tus zaj loj loj ntawd raug muab ntiab tawm mus lawm, uas yog tus nab txwj nab laug, hu ua tus Dab Phem, thiab Ntxwgnyoog, uas dag ntxias tag nrho lub ntiaj teb’ (Qhia Tshwm 12:9). ‘Tus tsiaj nyaum rua nws lub qhov ncauj hais lus tuam mom Vajtswv, tuam mom Nws lub npe, thiab Nws lub tsev ntaub, thiab cov uas nyob saum ntuj ceeb tsheej huv si’ (Qhia Tshwm 13:6). Qhov mloog Tsoom Fwv Koom Tsham Suav tej lus dag rau thaum tshuaj xyuas txoj kev tseeb thiab nrhiav Vajtswv qhov kev tshwm sim thiab tes hauj lwm ntawd mas tsis txaus luag kawg li! Thiab ib co tib neeg nyeem tej uas nyob rau hauv Vikiphidias thaum tshawb xyuas txoj kev tseeb ntawd, hais tias lawv ntseeg lub vej xaij ntawd thiab lawv tsuas ntseeg qhov ntawd xwb yog Vikiphidias hais tias qhov ntawd yog txoj kev tseeb lawm. Lawv siv Vikiphidias los txiav txim siab seb qhov ntawd puas yog txoj kev tseeb. Qhov ntawd puas mus raws li qhov tseeb? Vikiphidias puas muaj qhov tseeb? Nws yog cov tsis ntseeg ib lub vej xaij xwb. Lawv khaws tej ntawv los lo ua ke thiab sau txhua yam los ntawm cov tsis ntseeg txoj kev xav xwb. Cov tsis ntseeg txhua tus puav leej raug Ntxwgnyoog muab ua qias vuab tsuab loj heev thiab tau ntxeev siab rau Vajtswv lawm. Lawv tsis yog cov tib neeg uas muaj kev ntseeg. Lawv tsuas ua raws li feem coob thiab hais lus dag tag los hais dua xwb. Lawv tsuas qog raws li Tsoom Fwv Koom Tsham Suav hais xwb. Vim li cas ho tsis nug Pawg Ntseeg ntawd kiag? Vim li cas thiaj li tsis qhia tawm txog Pawg Ntseeg ntawd kom ncaj ncees thiab kom yog? Vajtswv Tus Uas Muaj Hwj Chim Loj Kawg Nkaus cov lus nthuav ntau qhov tseem tawm heev thiab cov lus ntawd nroov thoob plaws lub ntiaj teb sab kev lis kev cai ntseeg kiag thiab. Vim li cas lawv ho tsis qhia tawm txog qhov muaj tseeb no? Cov tswv cuab ntawm Pawg Ntseeg ntawm Vajtswv Tus Uas Muaj Hwj Chim Loj Kawg Nkaus txhua hom lus tim khawv ntawm lawv txoj kev paub txog Vajtswv tes hauj lwm ntawd twb muab tso nyob os lai los tau ib ntus lawm. Vim li cas thiaj li tsis hais txog tej ntawd kiag li? Tsoom Fwv Koom Tsham Suav tau tsim txom Pawg Ntseeg yam phem heev thiab qhov no twb tau muab tshaj tawm rau saum cov koom haum saib kev ncaj ncees rau leej tib neeg thoob ntiaj teb cov vej xaij lawm. Vim li cas lawv thiaj li hais txog qhov ntawd li? Vim li cas lawv thiaj tsuas tshaj tawm tej lus dag txog tej lus xaiv thiab lus phem txog Pawg Ntseeg los ntawmTsoom Fwv Koom Tsham Suav thiab lub ntiaj teb sab kev lis kev cai ntseeg xwb? Tsis yog lawv txhob txwm zais qhov tseeb thiab tshaj tawm tsoom fwv tej lus dag xwb lod? Qhov no hais txog qhov teeb meem dab tsi? Qhia hais tias lawv yog cov cuab yeej tshaj tawm uas Ntxwgnyoog siv los dag tib neeg. Yog peb ntseeg Vikiphidias thaum tshawb xyuas txoj kev tseeb, yog peb ntseeg lawv tej lus dag, ces qhov ntawd tsis yog ruam heev lod? Coob tus tib neeg tau ua yuam kev li no nyob rau hauv lawv txoj kev tshuaj xyuam ntawm txoj kev tseeb lawm. Yog lawv pom hais tias tsoom fwv thiab lub ntiaj teb sab kev lis kev cai ntseeg teem txim rau qee yam li tsis yog txoj kev tseeb, ces lawv yeej yuav tsis ntseeg qhov ntawd li. Lawv puas tseem yog cov ntseeg tiag mas? Qhov tsis nrhiav Vajtswv cov lus los sis tsis hnov Vajtswv lub suab hauv lawv txoj kev tshawb, tiam sis ho ntseeg Ntxwgnyoog cov lus, thiab ntseeg Tsoom Fwv Koom Tsham Suav thiab cov thawj coj sab kev lis kev cai ntseeg ces txhais hais tias lawv ntseeg thiab raws Ntxwgnyoog qab, tias lawv twb raug tus tsiaj nyaum dag thiab coj mus lawm, tias lawv muaj tus tsiaj nyaum ntawd lub cim lawm.”

Kuv ntseeg tag nrho Nplais tej lus qhia. Kuv ib txwm xav hais tias Vikiphidias yog qhov chaw khaws ntaub ntawv uas loj tshaj plaws nyob os lai uas khaws txhua yam. Kuv tau tso siab rau Vikiphidia heev lawm, tiam sis tom qab ntawd kuv thiaj li ras dheev hais tias qhov ntawd yog cov tsis ntseeg ib lub vej xaij xwb. Nws tsis muaj qhov tseeb, thiab Vajtswv tsis ua tim khawv rau qhov ntawd li. Nws yog ib qhov cuab yeej uas ua dej num rau Ntxwgnyoog xwb. Txhua yam kev ntseeg yuam kev uas Tsoom Fwv Koom Tsham Suav muab ntxeev tso tawm ntawd, Vikiphidias hais raws li tej kev nkag siab yuam kev no xwb. Yuav ua li cas tso siab tau rau lawv hais ntawd? Kuv txoj kev tshuaj xyuas txog txoj kev tseeb ntawd yuav tsum yog mus raws li Vajtswv cov lus xwb. Kuv yuav tsum tau saib seb txoj kev no puas muaj qhov tseeb, seb txoj kev no puas yog Vajtswv nthuav tawm, thiab seb txoj kev no puas muaj Vajntsujplig tes hauj lwm, vim tsuas yog Vajtswv xwb thiaj li yog qhov tseeb, txoj hau kev, thiab txoj sia, thiab tsuas yog Vajtswv xwb thiaj li nthuav tawm tau qhov tseeb thiab qhia tau rau peb txog txoj kev muab txoj kev txhaum tso tseg es thiaj raug cawm dim. Tiam sis tab txawm yog kuv pom tias Vajtswv Tus Uas Muaj Hwj Chim Loj Kawg Nkaus txoj lus yog qhov tseeb thiab tias txoj lus ntawd yog los ntawm Vajtswv los los xij, kuv yeej tseem raug Tsoom Fwv Koom Tsham Suav tej lus xaiv thiab cov lus uas lub vej xaij ntawd muab tso tawm ntawd tswj, thiab tsis muaj cuab kav tshuaj xyuas Vajtswv Tus Uas Muaj Hwj Chim Loj Kawg Nkaus tes hauj lwm li. Kuv yeej paub tsis meej kiag li! Tiam sis ua tsaug rau cov kwv tij thiab cov muam txoj kev pab kuv thiab qhia qhov tseeb rau kuv ua ntu zus es kuj thia li tsis raug dag. Yog tsis li ntawd, ces ntshe kuv twb plam kuv lub hwv tsam los txais tos qhov tus Tswv rov qab los lawm.

Ces Nplais txawm qhia txuas ntxiv hais tias: “Vim txhua yam no puav leej yog Tsoom Fwv Koom Tsham Suav tej lus dag uas siv los dag tib neeg thiab thaiv tib neeg kom txhob tshawb xyuas txoj kev tseeb, vim li cas Vajtswv thiaj li cia tej kev tsim tej lus dag no muaj nyob? Vajtswv tej kev npaj siab thiab lub tswv yim zoo mas yeej txhawb qhov Nws cia Tsoom Fwv Koom Tsham Suav tshaj tawm tej lus dag no. Peb yeej yuav paub thaum saib rau ntawm qhov uas Vajtswv Tus Uas Muaj Hwj Chim Loj Kawg Nkaus hais tias: ‘Nyob rau hauv Kuv qhov phiaj xwm, Ntxwgnyoog tau, txij puag thaum pib los, soj nraim txhua txhua kauj ruam thiab, zoo li tus qauv piv txwv ntawm Kuv lub tswv yim, tau npaj nrhiav kev thiab tswv yim los cuam tshuam Kuv qhov phiaj xwm thaum xub thawj. Tab sis ua Kuv puas muaj cuab kav swb rau nws tej tswv yim ntxias dag ntawd? Tag nrho txhua yam uas nyob rau saum ntuj ceeb tsheej thiab hauv ntiaj teb puav leej ua raws li Kuv tej hom phiaj ntawm tes dej num; ua Ntxwgnyoog tej tswv yim ntxias dag tseem yuav txawv thiab lod? Qhov no ces yog kiag qhov uas Kuv lub tswv yim los tshuam rau; nws yog kiag qhov uas phim hwj txog Kuv tej kev ua, thiab nws yog qhov tseem ntsiab ntawm txoj kev ua hauj lwm ntawm tag nrho Kuv txoj kev npaj cawm tib neeg. Nyob rau tiam tsim tsa lub nceeg vaj, Kuv yeej tseem tsis zam kom dhau Ntxwgnyoog tej tswv yim ntxias dag, tab sis ua tes hauj lwm uas Kuv yuav tsum tau ua ntxiv mus xwb. Nyob rau hauv lub qab ntuj khwb thiab tag nrho txhua yam, Kuv tau xaiv Ntxwgnyoog tej kev ua los ua Kuv tus qauv piv txwv. Qhov no tseem tsis yog qhov kev tshwm sim ntawm Kuv lub tswv yim thiab lod? Qhov no tsis yog kiag qhov kev phim hwj txog ntawm Kuv tes hauj lwm thiab lod?’ (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Cov Lus rau Tag Nrho Lub Qab Ntuj Khwb, Tshooj 8). Vajtswv cov lus qhia rau peb hais tias nyob rau hauv Nws tes hauj lwm mas, Nws tsis zam Ntxwgnyoog tej kev dag ntxias li tiam sis siv tej kev dag ntxias ntawd ua dej num los txiav txim siab rau qhov tshwm sim rau txhua hom tib neeg. Vajtswv tes hauj lwm nyob rau Tiam Lub Nceeg Vaj ntawd yog theem kawg ntawm Nws txoj kev cawm tib neeg ntiaj teb kom dim lawm. Vajtswv nthuav qhov tseeb tawm los txiav txim rau tib neeg thiab yaug kom tib neeg dawb huv rau thaum uas kuj muab tib neeg cais mus raws lawv hom, muab nqi zog rau cov tib neeg zoo thiab rau txim rau cov tib neeg lim hiam, thiab xaus tes hauj lwm uas nyob rau tag nrho tiam ntawd. Vajtswv yuav muab txhua tus uas ntseeg Nws thiab nyiam qhov tseeb tiag tiag los ua cov kov yeej thiab coj lawv nkag mus rau hauv Nws lub nceeg vaj. Nws yuav muab cov tsis ntseeg uas tsuas nrhiav noj kom lawv lub plab tsau xwb thiab txhua tus tib neeg phem thiab cov tawm tsam Khetos uas tawm tsam Vajtswv ntawd qhia tshwm thiab ntiab tawm mus. Tej lus dag uas Tsoom Fwv Koom Tsham Suav tshaj tawm no yog tej khoom uas Vajtswv siv los ua kom Nws tes hauj lwm tiav. Cov ntseeg tseeb thiab cuav, cov mog thiab cov txhauv, cov yaj thiab cov tshis puav leej yuav raug muab nthuav tawm rau hauv tej lus dag no. Qhov no yog ib qho kev sim txhua tus uas lees txais Vajtswv tes hauj lwm ntawm tiam kawg yuav tsum tau tiv kom dhau. Tus Tswv Yexus hais tias: ‘Kuv cov yaj yeej hnov Kuv lub suab, thiab Kuv paub lawv, thiab lawv caum raws Kuv qab … thiab yuav tsis muaj ib tug tib neeg twg uas muab lawv chua tawm ntawm Kuv txhais tes mus tau li’ (Yauhas 10:27–28). Vajtswv cov yaj yeej hnov Nws lub suab, thiab txhua tus ntseeg tseeb uas nyiam qhov tseeb tsis quav ntsej tej uas Tsoom Fwv Koom Tsham Suav los sis lub ntiaj teb sab kev lis kev cai ntseeg hais, los sis tej uas tub xov xwm sau los sis nyob rau hauv tej vej xaij li. Lawv tsuas saib seb qhov ntawd puas yog qhov tseeb, seb nws puas yog Vajtswv lub suab xwb. Thaum lawv paub tseeb hais tias Vajtswv Tus Uas Muaj Hwj Chim Loj Kawg Nkaus cov lus yog qhov tseeb thiab yog Vajtswv lub suab lawm, ces lawv raws Nws qab, yam tsis raug ib tug tib neeg, ib yam dab tsi, los sis ib qho xwm txheej twg cuam tshuam li. Lawv txiav txim siab los raws Vajtswv qab. Lawv yog cov nkauj xwb ntse. Cov tsis ntseeg, cov uas tsis nyiam qhov tseeb thiab tsuas nrhiav noj kom lawv lub plab tsau xwb yeej tsis nrhiav qhov tseeb, tiam sis cia li lees txais Ntxwgnyoog tej lus dag yam dig muag ntsuav thiab haj tseem nrog Tsoom Fwv Koom Tsham Suav tshaj tawm tej lus dag thiab, txiav txim thiab teem txim rau Vajtswv tes hauj lwm ntawm tiam kawg yam npau taws ntsuav. Lawv puav leej raug muab qhia tshwm li cov txhauv, li cov tub qhe phem, thiab li cov tawm tsam Khetos. Lawv yuav raug ntiab tawm mus thiab raug tso tseg quaj tom hniav qas qawv nyob rau hauv tej kev puas tsuaj. Tsoom Fwv Koom Tsham Suav thiab lub ntiaj teb sab kev lis kev cai ntseeg tej lus dag muab cov mog thiab cov txhauv, cov yaj thiab cov tshis, cov tub qhe zoo thiab cov tub qhe phem nthuav tawm. Thaum kawg, Vajtswv yuav txiav txim siab rau qhov tib neeg ua tau los los ntawm qhov lawv ua Vajtswv tes hauj lwm li cas, los ntawm yam uas lawv tau ua tiav lawm. Ntxwgnyoog tej lus dag thiab tej kev dag ntxias ntawd yog ua dej num rau Vajtswv tes hauj lwm nkaus xwb.”

Qhov ntawd mas phom sij heev li. Tej lus xaiv thiab tej lus dag no yuav luag muab xauv rau sab nraum lub rooj loog ntawm lub nceeg vaj. Qhov kev xav no ua rau kuv ntshai heev. Qhov muaj ib txoj kev ntseeg tseeb mas phom sij heev tiam sis tsis muaj kev thoob tsib to nrog thiab tsis nrhiav qhov tseeb. Tam sim no kuv paub hais tias qhov tseem ceeb uas los tshuaj xyuas txoj kev tseeb ntawd ces yog los mloog Vajtswv lub suab thiab saib seb nws puas yog qhov tseeb, saib seb puas yog Vajtswv tes hauj lwm xwb. Peb yeej ntseeg tsis tau Tsoom Fwv Koom Tsham Suav tej lus dag li thiab peb yuav tsum muaj kev thoob tsib to nrog txog yam uas cov xib fwb, cov txwj laug, thiab cov vej xaij ntawd hais thiab. Peb tsis tuaj yeem cia li ntseeg tej uas lawv hais ntawd yam dig muag ntsuav, los sis peb mag tau Ntxwgnyoog lub voj hlua thaum twg los tau thiab plam lub hwv tsam los txais tos tus Tswv thiab raug qaws mus rau hauv lub nceeg vaj saum ntuj ceeb tsheej. Qhov khiav kom dim lus xaiv thiab qhov txais tos qhov tus Tswv rov qab los ntawd yog Vajtswv txoj kev hlub tshua kuv thiab kev cawm kuv dim! Ua tsaug rau Vajtswv Tus Uas Muaj Hwj Chim Loj Kawg Nkaus!