87. Thaum Kawg Kuv Nrhiav Tau Txoj Kev los Ua Kom Dawb Huv Lawm

Kuv yug los rau hauv ib tsev neeg ntseeg Kav Tos Liv ces thaum muaj 13 xyoos ntawd kuv txawm pib kawm txog txoj hauv paus kev ntseeg thiab ua kev cai raus dej los koom Txoj Kev Ntseeg Kav Tos Liv raws kev raws cai lawm. Tom qab ntawd, kuv thiaj li txiav txim siab los ua ib tug pov thawj los ua dej num rau Tswv Ntuj. Kuv tau mus rau hauv ib lub tsev kawm thaum kuv muaj 22 xyoos uas yog qhov chaw kuv kawm txog Tswv Ntuj txoj lus thiab Vajluskub thiab kawm lwm yam ntxiv thiab. Tiam sis sij hawm dhau mus lawm los kuv yeej tseem tsis hnov nyob ze rau ntawm Tswv Ntuj li, thiab kuv txoj kev ntshaw yuav poj niam kom muaj cuab muaj yig ntawd txawm pheej tshwm tuaj zuj zus. Kuv thov Tswv Ntuj tas zog li, tiam sis kuv yeej tseem txwv tsis tau txoj kev xav ntawd li. Kuv tus kheej twb tsa tes cog lus lawm hais tias kuv yuav ua tus neeg dawb huv nyob rau ntawm Tswv Ntuj lub xub ntiag kom kuv thiaj li tau nkag mus rau hauv lub ceeb tsheej saum ntuj ceeb tsheej tiam sis kuv xav muab lo lus cog tseg ntawd tso tseg. Tsis yog kuv ua txhaum thiab dag Tswv Ntuj xwb lod? Kuv yuav ua li cas nkag tau mus rau hauv Tswv Ntuj lub ceeb tsheej mas? Kuv kawm nyob rau hauv lub tsev kawm ntawd tau 10 xyoo nkaus. Tom qab kuv kawm tiav lawm, kuv thiaj li mus rau hauv ib lub tsev kawm nyob hauv Idausnisxias tau ib xyoos ntxiv thiab tiam sis kuv pheej muaj tej kev xav tsis dawb huv ib ntus mus rau ib ntus. Kuv qaug zog heev. Tom qab kuv kawm tag lawm, kuv thiaj li txiav txim siab los ua ib tug ntseeg dog dig lawm xwb. Kuv thiaj li los tsev los yuav poj niam lawm. Tiam sis nyob rau lub neej txhua hnub ntawd mas, kuv pheej nrog kuv poj niam sib cav txog tej yam me me hauv tsev thiab kuv siab tsis ntev li. Qee zaus mas kuv dag kom tiv thaiv tau kuv tus kheej tej kev ntshaw xwb. Kuv thiaj li pheej los rau ntawm Tswv Ntuj lub xub ntiag los lees txim thiab lees txim hloov dua siab tshiab vim tej no tiam sis tom qab ntawd los kuv pheej rov qab ua tej ntawd dua li thiab. Kuv xav kho kuv txoj kev sib raug zoo nrog Tswv Ntuj los ntawm qhov mus Pe Hawm thiab thov Tswv Ntuj kom ntau ntxiv, tiam sis qhov ntawd kho tsis tau kuv tej teeb meem li.

Ces kuv txawm tuaj mus rau Teb Chaws Mekas nyob rau xyoo 2014 ntawd lawm. Kuv ntsib Lis thiab Luv, yog ib txij nkawm uas yog lwm cov ntseeg nyob rau ntawm Kev Pe Hawm. Thaum twg uas kuv muaj hwv tsam mas kuv yeej muab tej teeb meem ntawm txoj kev ntseeg ntawd los tham rau nkawv. Kuv nco tias muaj ib zaug thaum peb tab tom qhia Vajluskub, Luv txawm hais tias nws paub ib tug leej tsob hwb uas mob siab ntseeg uas paub cov nqe hauv phau phau Vajluskub zoo heev uas ntseeg Qhov Xob Laim Sab Hnub Tuaj. Nws hais tias ob peb tug tswv cuab uas mob siab heev ntawm pawg ntseeg los kuj koom thiab. Nws thiaj li xav paub seb Qhov Xob Laim Sab Hnub Tuaj ntawd yog pawg ntseeg dab tsi thiab vim li cas thiaj li muaj coob tus ntseeg uas kub siab tau koom lawv lawm. Kuv los kuj paub qhov no tsis meej li thiab, vim kuv kuj paub ib tug leej tsob hwb uas mob siab ntseeg uas tau koom Qhov Xob Laim Sab Hnub Tuaj lawm thiab. Kuv tsis paub xyov Qhov Xob Laim Sab Hnub Tuaj tshaj tawm dab tsi los sis vim li cas lawv thiaj li ua rau ntau tus ntseeg uas coj nruj los koom lawv lawm. Puas yuav yog Vajntsujplig tshoov lawv? Kuv xav hais tias kuv yuav tsum tau tshawb saib seb qhov tshwj xeeb uas pawg ntseeg ntawd tshaj tawm txog yog dab tsi. Kuv xav paub seb lawv puas pab tau kuv txoj kev pe hawm thiab kev paub Vajtswv. Thaum xav li no lawm, kuv thiaj li hais rau Lis thiab Luv hais tais kuv xav mus tshawb Pawg Ntseeg ntawm Tswv Ntuj Tus Muaj Hwj Huam. Nkawv pom zoo nrog kuv mus thiab.

Thaum peb mus, muaj ib tug muam txawm tso ib daim yeeb yaj duab uas hu ua Lub Hauv Paus thiab Kev Loj Hlob ntawm Pawg Ntseeg ntawm Tswv Ntuj Tus Muaj Hwj Huam rau peb saib. Vim qhov no, kuv thiaj li kawm paub hais tias Huab Tais Yexus twb rov qab los lawm, raws nraim li qhov kuv tau cia siab los ntev lawm ntag. Nws yog Tswv Ntuj Tus Muaj Hwj Huam uas muaj cev nqaij daim tawv uas tab tom nthuav tawm ntau qhov tseeb los ua tes dej num ntawm kev txiav txim nyob rau tiam kawg. Vim li ntawd cov tib neeg nyob rau txhua pab ntseeg uas nyiam qhov tseeb thiab ntshaw Vajtswv qhov kev tshwm sim ntawd thiaj li nyeem Tswv Ntuj Tus Muaj Hwj Huam cov lus, pom hais tias cov lus ntawd yog qhov tseeb thiab yog Vajtswv lub suab, thiab lees txais Tswv Ntuj Tus Muaj Hwj Huam tes hauj lwm. Thiab Tswv Ntuj Tus Muaj Hwj Huam txoj moo zoo los kuj tau nthuav tawm ntawm lub Teb Chaws Suav uas nyob rau Sab Hnub Tuaj mus rau ntau lub teb chaws ntawm sab hnub poob lawm thiab, muaj tiav raws li Huab Tais Yexus lo lus faj lem uas hais tias: “Xob laim tim sab hnub tuaj tuaj, thiab ci mus txog ntua rau sab hnub poob; yog li thaum Neeg Leej Tub los kuj yuav zoo ib yam nkaus li” (Mathai 24:27). Kuv ceeb tag li hais tias qhov ntawd yog qhov uas lo lus faj lem no muaj tiav lawm. Kuv tau nyeem lo lus faj lem no los tau npaum ntawd xyoo tiam sis tsis to taub li. Ces muaj ib tug kwv tij txawm tso ib daim yeeb yaj kiab tshaj tawm txoj moo zoo uas hu ua Phau Vajluskub thiab Vajtswv. Daim yeeb yaj kiab no haj yam txhawb kuv heev thiab kuv pom hais tias muaj tej lus zais tob ntau heev nyob rau hauv phau Vajluskub. Kuv twb nyeem ntau phau ntawv ntawm sab ntsujplig lawm tiam sis tsis muaj ib tug tub kawm txog kev ntseeg los sis tub kawm txog phau Vajluskub twg uas tau piav qhia kom meej meej txog qhov tseeb uas txhawb phau Vajluskub, seb phau Vajluskub los li cas los, thiab qhov phau Vajluskub muaj feem xyuam rau Vajtswv. Kuv kawm tau ntau yam heev los ntawm daim yeeb yaj kiab ntawd los. Kuv thiaj li pom tau lawm hais tias vim li cas es ntau tus ntseeg uas kub siab lug ntseeg ntawd thiaj li lees txais Vajtswv Tus Uas Muaj Hwj Chim Loj Kawg Nkaus tom qab hnov Nws cov lus lawm. Kuv thiaj li txiav txim siab los tshawb xyuas Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg.

Nyob rau hauv peb txoj kev sib tham, cov kwv tij thiab cov muam uas nyob hauv Pawg Ntseeg ntawm Vajtswv Tus Uas Muaj Hwj Chim Loj Kawg Nkaus hais tias nyob rau tiam kawg mas, Vajtswv Tus Uas Muaj Hwj Chim Loj Kawg Nkaus nthuav ntau qhov tseeb tawm los ua tes dej num ntawm kev txiav txim uas yog pib ntawm Vajtswv lub tsev los yaug tib neeg ntiaj teb kom dawb huv thiab cawm tib neeg ntiaj teb tib zaug xwb kom tsis muaj ntxiv lawm. Kuv paub tsis meej li thaum hnov qhov no, vim Tswv Yexus hais tias “Yeej hais meej tag nrho lawm tias” rau saum tus ntoo khaub lig lawm. Qhov ntawd yuav tsum txhais hais tias Vajtswv tes hauj lwm uas los cawm tib neeg ntiaj teb ntawd twb tag lawm, yog li ntawd vim li cas Vajtswv thiaj li yuav tau los txiav txim rau tib neeg ntiaj teb los ntxuav kom peb dawb huv thiab cawm peb? Kuv xav paub tiam sis nws lig lawm, yog li ntawd kuv thiaj li npaj rov qab tuaj rau hnub tom ntej. Kuv zoo siab heev thaum los txog tsev. Kuv kawm tau me ntsis los ntawm tej lus qhia hnub ntawd los thiab mloog zoo li kuv txav ze zog rau ntawm tus Tswv lawm. Ntxim zoo li tiasVajtswv Tus Uas Muaj Hwj Chim Loj Kawg Nkaus tes hauj lwm yeej yog tus Tswv tes hauj lwm nyob rau tiam kawg tiag. Nws yuav zoo heev yog tus Tswv rov qab los lawm tiag tiag thiab kuv yuav tau nrog Nws nyob ua ke ib yam li Petus. Qhov kev xav no mas zoo siab heev li thiab ua rau kuv xav mus koom lub rooj sib txoos ua ke nyob rau hnub tom ntej ntxiv thiab.

Kiag thaum kuv tawm hauj lwm los hnub tom qab ntawd, kuv txawm maj nroos mus rau ntawm peb qhov chaw sib txoos ua ke thiab nug kiag ib tug muam hais tias, “Nej hais tias Tswv Yexus twb rov qab los lawm thiab nthuav ntau qhov tseeb tawm los ua tes dej num ntawm kev txiav txim lawm no. Qhov ntawd muaj tau li cas mas? Thaum nyob rau saum tus ntoo khaub lig, Nws hais tias ‘Yeej hais meej tag nrho lawm tias.’ Qhov ntawd txhais hais tias Vajtswv tes hauj lwm los cawm tib neeg ntiaj teb ntawd ces twb tiav lawm. Peb tej kev txhaum twb raug zam los ntawm peb txoj kev ntseeg lawm—peb ncaj ncees thiab raug cawm dim los ntawm txoj kev ntseeg lawm, thiab thaum tus Tswv los nyob rau tiam kawg ntawd Nws coj tau peb ncaj qha mus rau hauv Nws lub nceeg vaj lawm xwb. Vim li cas Nws thiaj li yuav ua tes hauj lwm cawm dim ntxiv?”

Tus muam ntawd txawm hais tias, “Tswv Yexus hais tias ‘Yeej hais meej tag nrho lawm tias’ vim Nws tes hauj lwm txhiv dim twb tiav lawm. Qhov ntawd tsis tau txhais hais tias tag nrho Vajtswv tes hauj lwm los cawm tib neeg ntiaj teb ntawd twb tag lawm. Yog peb txiav txim siab tias Vajtswv tes hauj lwm los cawm tib neeg ntiaj teb ntawd twb tiav lawm vim Tswv Yexus hais tias ‘Yeej hais meej tag nrho lawm tias’ thiab tias Nws yuav tsis ua tes hauj lwm tshiab thaum Nws rov qab los lawm, ces vim li cas Tswv Yexus thiaj li hais tej lus faj lem no mas? Tus Tswv hais tias: ‘Kuv tseem muaj ntau yam hais rau nej, tab sis nej ris tsis taus tej ntawd tam sim no. Txawm li cas los xij, thaum Nws, tus Ntsujplig ntawm qhov tseeb, los, Nws yuav coj nej mus rau qhov tseeb: vim Nws tsis hais ntawm Nws Tus Kheej xwb; tab sis yam uas Nws hnov, Nws yuav tsum hais: thiab Nws yuav qhia nej paub txog tej uas yuav los’ (Yauhas 16:12–13). ‘Tus uas tsis lees Kuv, thiab tsis txais yuav Kuv tej lus, muaj ib tug txiav txim rau nws: txoj lus uas Kuv tau hais lawm, tib qho no yuav txiav txim rau nws nyob rau hnub kawg’ (Yauhas 12:48). Kuj muaj nyob rau hauv 1 Petus 4:17 thiab uas hais tias: ‘Rau qhov lub sij hawm tab tom los lawm uas txoj kev txiav txim yuav tsum pib ntawm Vajtswv tsev mus.’ Tej lus faj lem no qhia hais tias nyob rau tiam kawg, thaum tus Tswv rov qab los, Nws yuav nthuav ntau qhov tseeb tawm ntxiv thiab ua tes dej num ntawm kev txiav txim, kom thiaj li yaug tau tib neeg ntiaj teb kom dawb huv thiab cawm tau tib neeg ntiaj teb kom dim tag nrho. Yog peb ua raws li tib neeg tej kev xav phem xwb es hais tias Vajtswv tes hauj lwm cawm dim ntawd twb ua tag nrho li lawm, ces tej lus faj lem no yuav muaj tiav tau li cas? Phau Vajluskub kuj hais ua lus faj lem hais tias nyob rau tiam kawg ntawd, tus Tswv yuav muab cov yaj cais tawm ntawm cov tshis, cov mog tawm ntawm cov txhauv, cov nkauj xwb ntse tawm ntawm cov nkauj xwb ruam, thiab cov tub qhe zoo tawm ntawm cov phem, cais mus raws li lawv hom. Qhov ntawd ces zoo ib yam nkaus li Tswv Yexus hais tias: ‘Tus uas tseb cov noob zoo ntawd yog Neeg Leej Tub. Thiab daim teb ces yog lub ntiaj teb. Thiab cov noob zoo ntawd yog lub nceeg vaj cov me nyuam; hos cov nroj ces yog tus phem cov me nyuam. Tus yeeb ncuab uas tseb cov noob ntawd yog tus dab phem; lub caij sau qoob ces yog qhov kawg ntawm lub ntiaj teb; thiab cov neeg sau qoob ces yog cov tub txib saum ntuj. Yog li ntawd ces cov txhauv raug muab sau los ua ke thiab raug muab hlawv rau hauv hluav taws lawm; yog li yuav tsum muaj li no nyob rau thaum kawg ntawm lub ntiaj teb. Neeg Leej Tub yuav txib Nws cov tub txib saum ntuj los, ces lawv yuav sau txhua yam uas tawm tsam, thiab tej uas ua lim hiam tawm ntawm Nws lub nceeg vaj mus; Thiab yuav muab lawv pov rau hauv lub qhov hluav taws: yuav muaj kev quaj nyiav thiab zom hniav qawv. Ces cov ncaj ncees yuav ci ntsa iab yam li lub hnub rau hauv lawv Leej Txiv lub nceeg vaj. Leej twg muaj pob ntseg, cia nws mloog nawb’ (Mathai 13:37–43). Qhia Tshwm kuj hais ua lus faj lem hais tias Vajtswv yuav tsim ib pab kov yeej nyob rau tiam kawg thiab tias Nws lub nceeg vaj yuav los rau hauv ntiaj teb. Qhov no yog tag nrho tes hauj lwm uas tus Tswv ua nyob rau tiam kawg lawm. Yog peb ua raws li tib neeg txoj kev to taub uas Tswv Yexus hais tias ‘Yeej hais meej tag nrho lawm tias’ uas txhais tias Vajtswv tes hauj lwm los cawm tib neeg ntiaj teb ntawd twb tag lawm, ces tej lus faj lem ntawd yuav muaj tiav tau li cas? Yog li ntawd ces txoj kev to taub txog tus Tswv cov lus no yeej tsis yog kiag li lawm thiab tsis mus raws li tus Tswv lub ntsiab lus thiab qhov tseeb ntawm Vajtswv tes hauj lwm lawm.”

Kuv ntseeg tag nrho los ntawm tus muam no txoj kev qhia, thiab kuv ncaws hau tas li thaum kuv mloog. Kuv xav hais tias nws hais yog lawm. Vim li cas kuv thiaj li tsis tau txeev pom qee yam tseeb tseeb li? Tus muam ntawd txawm mus nyeem ntau zaj lus ntawm Vajtswv Tus Uas Muaj Hwj Chim Loj Kawg Nkaus cov lus ntxiv: “Rau tag nrho tej uas tib neeg tau raug txhiv dim thiab zam txim rau ntawm lawv tej kev txhaum, ces tsuas muab xam cuag nkaus li Vajtswv tsis nco qab txog tib neeg tej kev ua txhaum lawm thiab tsis ua rau tib neeg raws li lawv tej kev ua txhaum xwb. Txawm li cas los xij, thaum tib neeg, cov uas nyob rau hauv lub cev nqaij daim tawv, tsis tau raug tso tawm ntawm txoj kev txhaum, ces lawv tsuas muaj yuav ua kev txhaum ntxiv mus xwb, nthuav tawm tas zog txog lawv tus moj yam phem qias vuab tsuab yam tsis muaj chaw kawg li. Qhov no yog lub neej uas tib neeg ua, ib lub voj voog kiv mus los uas tsis muaj chaw xaus ntawm kev ua txhaum thiab tau txais kev zam txim. Feem coob ntawm noob neej ces ua txhaum yav nruab hnub ces lees txim thaum yuav tsaus ntuj xwb. Txoj kev no, txawm hais tias qhov kev theej txhoj rau kev txhaum ces yeej siv tau mus ib txhis rau tib neeg, los nws yuav tsis muaj cuab kav cawm tau tib neeg los ntawm txoj kev txhaum. Tsuas yog ib nrab ntawm tes hauj lwm ntawm txoj kev cawm dim thiaj li raug ua tiav xwb, vim tib neeg tseem muaj ib tug moj yam qias vuab tsuab” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Lus Zais Tob ntawm Kev Yug Los Ua Neeg (4)). “Txawm hais tias Yexus yeej tau ua hauj lwm ntau heev nrog tib neeg lawm, los Nws tsuas yog ua tiav qhov kev txhiv tag nrho noob neej thiab ua qhov kev theej txhoj rau tib neeg tej kev txhaum xwb; Nws tsis tau muab tag nrho tib neeg tus moj yam qias vuab tsuab tshem pov tseg. Yuav cawm tib neeg tawm tag nrho ntawm Ntxwgnyoog txoj kev haub ntxias mas tsis yog Yexus yuav tsum rais mus ua ib qho kev theej txhoj thiab ris tag nrho tib neeg tej kev txhaum nkaus xwb, tab sis Vajtswv yuav tsum tau ua tes hauj lwm loj tshaj los tshem kom tag nrho tib neeg tus moj yam qias vuab tsuab pov tseg. Thiab yog li ntawd, tom qab Vajtswv zam tib neeg tej kev txhaum lawm, Vajtswv tau rov los rau hauv lub cev nqaij daim tawv los coj tib neeg mus rau tiam tshiab, thiab tau pib tes hauj lwm ntawm kev qhuab ntuas thiab kev txiav txim. Tes hauj lwm no tau coj tib neeg mus rau ib qho chaw siab dua lawm. Tag nrho cov uas zwm rau Nws txoj kev tswj fwm yuav tau txais qhov tseeb uas siab tshaj thiab tau txais koob hmoov ntau tshaj. Lawv yuav tau nyob rau hauv tus duab ci pom kev tiag tiag, thiab lawv yuav tau qhov tseeb, txoj kev, thiab txoj sia” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej). “Lub hom phiaj ntawm Vajtswv tes hauj lwm ntawm kev qhuab ntuas thiab kev txiav txim ces yog nyob hauv lub ntsiab tseeb uas los mus ntxuav kom tib neeg dawb huv, kom thaum kawg thiaj li tau so; yog tsis muaj kev ntxuav kom dawb huv, tsis muaj ib tug tib neeg twg uas yuav raug cais mus ua ntau pab raws li lawv hom, los sis nkag mus so li. Tes hauj lwm no ces yog tib neeg tib txoj kev nkag mus so xwb. Tsuas yog Vajtswv tes hauj lwm ntawm kev ua kom dawb huv no xwb thiaj li yuav ntxuav tau tib neeg tawm ntawm lawv txoj kev tsis ncaj ncees, thiab tsuas yog Nws tes hauj lwm ntawm kev qhuab ntuas thiab kev txiav txim xwb thiaj li yuav coj tau qhov kev kaj los rau tej tseem ntsiab ua tsis mloog lus ntawm noob neej, yog li ntawd thiaj li cais kiag cov uas yuav raug cawm tau tawm ntawm cov yuav tsis raug cawm tau, thiab cov uas yuav seem nyob tawm ntawm cov uas yuav tsis seem nyob. Thaum tes hauj lwm no xaus, cov neeg uas pub cia nyob ces sawv daws yuav raug ntxuav kom dawb huv thiab nkag mus rau ib tug yam ntxwv uas siab zog uas lawv yuav tau ib lub neej zoo dua rau zaum ob nyob rau hauv ntiaj teb; muab ua lwm yam lus hais ces, lawv yuav pib lawv lub sij hawm ua neeg nyob rau txoj kev tau so, thiab nyob ua ke nrog Vajtswv. Tom qab uas cov tsis pub nyob tau raug qhuab ntuas thiab txiav txim rau tag lawm, ces qhov uas lawv yog tus neeg zoo li cas tiag ntawd yuav raug muab qhia tshwm tag nrho, tom qab ntawd ces lawv sawv daws yuav raug rhuav tshem tag nrho thiab, zoo li Ntxwgnyoog, yuav tsis tau txais kev tso cai pub kom dim nyob rau hauv ntiaj teb lawm. Cov tib neeg nyob rau yav tom ntej ces yuav tsis muaj hom neeg no nyob rau hauv ntxiv lawm; cov neeg zoo li ntawd tsis tsim nyog nkag mus rau hauv daim av ntawm qhov chaw so uas zoo tshaj plaws, los sis lawv yeej tsis tsim nyog yuav koom rau hauv hnub so uas Vajtswv thiab tib neeg yuav sib faib ntawd, vim lawv yog daim phiaj rau kev rau txim thiab yog cov neeg lim hiam, tsis ncaj ncees. … Tag nrho lub hom phiaj ntawm Vajtswv tes hauj lwm loj kawg nkaus ntawm kev rau txim rau cov phem thiab kev muab phaj tshab rau cov zoo ces yog muab tag nrho cov tib neeg ntxuav ntxaws ntxaws kom dawb huv kom Nws thiaj li coj tau ib co tib neeg dawb huv tiag tiag nkag mus rau qhov chaw so mus ib txhis. Theem no ntawm tes hauj lwm mas yog qhov tseem ceeb tshaj; nws yog theem kawg ntawm tag nrho Nws tes hauj lwm ntawm kev cawm tib neeg” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv thiab Tib Neeg Yuav Nkag Mus So Ua Ke).

Tom qab nyeem Vajtswv Tus Uas Muaj Hwj Chim Loj Kawg Nkaus cov lus no lawm, tus muam ntawd txawm qhia li no hais tias: “Tswv Yexus ua tes dej num ntawm kev txhiv dim nyob rau Tiam Hmoov Hlub, txhiv tib neeg ntiaj teb tawm ntawm lawv tej kev txhaum. Tsuav yog peb ntseeg Nws, thov, lees txim, thiab lees txim hloov dua siab tshiab xwb, ces peb tej kev txhaum twb raug zam lawm. Peb tuaj yeem xyiv fab rau tus Tswv txoj hmoov hlub, thiab yuav tsis raug teem txim thiab rau txim raws li txoj kev cai vim peb tej kev txhaum lawm. Qhov no yog lub ntsiab lus tiag ntawm qhov hais tias “dim vim txoj kev ntseeg” thiab qhov no yog qhov Tswv Yexus tes dej num ntawm kev txhiv dim ua tiav. Tswv Yexus xam peb tej kev txhaum thiab peb tsis ua tej kev txhaum loj ntxiv lawm; qee zaus peb ua ntau yam zoo lawm. Tiam sis peb tseem tsis tau dim ntawm txoj kev txhaum. Peb tseem dag thiab ntxias dag vim peb tus kheej tej kev ntshaw, peb siab hlob, khib, ntxub, thiab zais tej kev xav phem. Peb tawm tsam tsis tau tej kev sim siab ntawm lub ntiaj teb tej kev coj, peb ntshaw nyiaj txiag thiab nyiam kev khav theeb. Peb hais lus thuam cov tib neeg uas ua tej yam peb tsis nyiam yam tsis txo hwj chim li. Peb muaj tus moj yam phem puv npo xws li kev khav theeb, kev dag, dhuav qhov tseeb, thiab ntau yam ntxiv. Tus moj yam phem no mas nyob khov dua li tej kev txhaum sab nrawd. Ntxwgnyoog muab tus moj yam no cog rau hauv peb thiab yog lub hauv paus keeb cag ntawm txoj kev txhaum thiab kev tawm tsam Vajtswv. Yog daws tsis tau tej no mas, peb yeej tseem ua txhaum thiab peb yeej dim tsis tau ntawm kev txhaum tej hlua khi li. Vajluskub hais tias: ‘Nej yuav tsum dawb huv; rau qhov Kuv dawb huv’ (1 Petus 1:16). Vajtswv mas dawb huv thiab yog li ntawd ces Nws lub nceeg vaj los kuj dawb huv thiab. Nws tso cai tsis tau rau cov tib neeg qias neeg nkag mus rau hauv. Peb cov uas ua txhaum txhua hnub yog txoj kev txhaum cov tub qhe, yog li ntawd peb yuav ua li cas tsim nyog nkag mus rau hauv Vajtswv lub nceeg vaj? Tswv Yexus tes dej num ntawm kev txhiv dim tsuas yog ib feem ntawm Vajtswv tes hauj lwm los cawm tib neeg ntiaj teb xwb, tsis yog tag nrho. Peb tej kev txhaum twb nyuam qhuav raug zam lawm tiam sis peb tseem tsis tau dim ntawm txoj kev txhaum ntawd los sis tsis tau tso Ntxwgnyoog txoj kev haub ntxias tseg. Vajtswv tseem muab tsis tau tau tib neeg ntiaj teb rag nrho. Vajtswv Tus Uas Muaj Hwj Chim Loj Kawg Nkaus twb los nyob rau tiam kawg lawm. Nws nthuav ntau qhov tseeb tawm thiab ua tes dej num ntawm kev txiav txim los yaug peb tus moj yam qias vuab tsuab kom dawb huv thiab daws peb tus yeeb yam phem uas ua txhaum tawm tsam Vajtswv, kom peb thiaj li tshem tau txoj saw hlau khi ntawm txoj kev txhaum pov tseg tag nrho, raug cawm dim tiag tiag, thiab tau nkag mus rau hauv Vajtswv lub nceeg vaj. Vajtswv Tus Uas Muaj Hwj Chim Loj Kawg Nkaus qhov kev tshwm sim thiab tes hauj lwm kuj nthuav cov tub qhe zoo thiab cov tub qhe phem, cov yaj thiab cov tshis, cov mog thiab cov txhauv, cov nkauj xwb ntse thiab cov nkauj xwb ruam tawm thiab. Cov uas tsis kam mloog tus Tswv lub suab, cov uas tsis lees paub thiab teem txim rau Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg ntawd yog cov nkauj xwb ruam, yog cov txhauv, yog cov tub qhe phem uas thaum kawg yuav poob mus rau kev puas tsuaj, quaj tom hniav qas qawv. Cov uas zeem tau Vajtswv lub suab nyob rau hauv Vajtswv Tus Uas Muaj Hwj Chim Loj Kawg Nkaus cov lus thiab lees txais Nws tes hauj lwm ntawm tiam kawg yog cov nkauj xwb ntse, yog cov mog, thiab yog cov yaj. Lawv raug Vajtswv txoj kev txiav txim ntawm tiam kawg, raug ntxuav kom dawb huv, thiab thaum kawg raug qaws mus rau hauv Vajtswv lub nceeg vaj lawm. Qhov no muaj tiav raws li tej lus faj lem uas nyob rau hauv Qhia Tshwm lawm. Yog li ntawd thaum Vajtswv tes dej num ntawm kev txiav txim los xaus lawm, ces Vajtswv tes hauj lwm los cawm tib neeg ntiaj teb yuav tiav tag nrho lawm thiab.”

Tus muam ntawd tej lus qhia ua rau kuv rua muag. Kuv mam li ras dheev hais tias Tswv Yexus tsuas ua tes dej num ntawm kev txhiv dim xwb thiab tsuas yog Vajtswv Tus Uas Muaj Hwj Chim Loj Kawg Nkaus tes hauj lwm txiav txim uas nyob rau tiam kawg xwb thiaj li yuav yaug tau tib neeg ntiaj teb kom dawb huv thiab cawm tau tib neeg ntiaj teb kom dim tag nrho. Peb raug txhiv dim ntawm peb tej kev txhaum lawm vim yog peb txoj kev ntseeg, tiam sis peb tus yeeb yam txhaum ntawd mas yeej tseem nyob li qub, vim li ntawd peb thiaj li tseem ua neej nyob rau hauv tus yam ntxwv ua txhaum thiab lees txim tas li. Yav dhau los yam uas kuv ua tau ces yog yuam kuv tus kheej kom tsis txhob ua txhaum, nyeem Vajluskub thiab ua raws li lub tsev kawm ntawd tej kev cai xwb, tiam sis qhov no cheem tsis tau kuv kom txhob ua txhaum li. Ces kuv mam li to taub hais tias tib txoj kev uas yuav daws tau teeb meem ntawm txoj kev ua txhaum ntawd ces yog raug Vajtswv txiav txim thiab yaug kom dawb huv nyob rau tiam kawg xwb. Kuv thiaj li kub siab lug nug tus muam no hais tias Vajtswv Tus Uas Muaj Hwj Chim Loj Kawg Nkaus ua tes dej num ntawm kev txiav txim los yaug tib neeg kom dawb huv li cas. Ces nws txawm tso lwm daim yeeb yaj duab uas nyeem txog Vajtswv cov lus. Vajtswv Tus Uas Muaj Hwj Chim Loj Kawg Nkaus hais tias: “Khetos ntawm tiam kawg siv ntau yam kev tseeb los qhia tib neeg, los qhia tshwm tib neeg qhov tseem ntsiab, thiab phua tawm tib neeg cov lus thiab lawv tes dej num. Cov lus no suav nrog ntau txoj kev tseeb, xws li tib neeg lub luag dej num, tib neeg yuav zwm rau Vajtswv li cas, tib neeg yuav tsum npuab siab rau Vajtswv li cas, tib neeg yuav tsum ua neej nyob li cas ntawm txoj kev ua neeg nyob, nrog rau Vajtswv txoj kev txawj ntse thiab tus moj yam, thiab lwm yam ntxiv. Cov lus no puav leej raug hais ncaj qha rau qhov tseem ntsiab ntawm tib neeg thiab nws tus yam ntxwv lwj liam. Tshwj xeeb, cov lus uas qhia tshwm txog qhov tib neeg tsis kam txais yuav Vajtswv li cas raug hais tawm rau qhov uas tib neeg yog ib tug duab ntawm Ntxwgnyoog, thiab yog tus yeeb ncuab lub zog tawm tsam Vajtswv. Thaum ua Nws txoj dej num ntawm txoj kev txiav txim, tsis yog Vajtswv cia li tshaj tawm meej meej txog tib neeg tus yam ntxwv yam yooj yim ua ob peb lo lus hais xwb; tiam sis Nws nthuav tawm thiab cob qhia rau ncua sij hawm ntev loo. Tag nrho cov hau kev nthuav tawm thiab kev qhuab qhia uas sib txawv no yeej muab tsis tau cov lus uas niaj hnub hais los hloov, tab sis muab qhov tseeb ntawm qhov uas tib neeg tsis muaj kiag li los hloov tau. Tsuas yog cov hau kev zoo li cov no xwb thiaj tuaj yeem raug hu tias yog txoj kev txiav txim; tsuas yog los ntawm txoj kev txiav txim li yam no xwb thiaj li tuaj yeem ua kom tib neeg yeem swb thiab ntseeg Vajtswv tag nrho, thiab ntau tshaj ntawd kom tau txais qhov kev paub tseeb ntawm Vajtswv. Qhov ua txoj dej num ntawm txoj kev txiav txim coj los qhia yog kom tib neeg nkag siab txog qhov tseeb ntawm Vajtswv thiab qhov tseeb txog nws tus kheej txoj kev tawm tsam. Tes dej num ntawm txoj kev txiav txim ua rau tib neeg muaj kev nkag siab ntau txog Vajtswv tej kev xav, lub hom phiaj ntawm Vajtswv tes dej num, thiab ntawm tej yam kev zais uas nws tsis tuaj yeem to taub. Nws kuj cia kom tib neeg xeev pom thiab paub txog nws lub ntsiab tseeb uas qias vuab tsuab thiab lub hauv paus ntawm nws txoj kev qias vuab tsuab, nrog rau kom tshawb pom txog tib neeg lub siab phem qias thiab. Cov txiaj ntsig no tau txais los ntawm tes dej num ntawm txoj kev txiav txim, rau qhov lub ntsiab tseem ceeb ntawm tes dej num no tseeb tiag yeej yog txoj dej num qhib tawm qhov tseeb, txoj hau kev, thiab txoj sia ntawm Vajtswv rau txhua tus neeg uas muaj kev ntseeg rau hauv Nws. Qhov dej num no yog tes dej num ntawm txoj kev txiav txim ua los ntawm Vajtswv los” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Ua tes Dej Num ntawm Txoj Kev Txiav Txim Nrog Qhov Tseeb). Tom qab wb saib daim yeeb yaj duab ntawd lawm, tus muam ntawd qhia txuas ntxiv mus hais tias, “Vajtswv Tus Uas Hwj Chim Loj Kawg Nkaus nthuav ntau qhov tseeb tawm nyob rau tiam kawg los txiav txim rau tib neeg thiab yaug tib neeg kom dawb huv. Nws nthuav tawm txhua qhov tseeb uas tib neeg ntiaj teb yuav tsum tau to taub thiab to taub qhov tseeb txog qhov raug yaug kom dawb huv thiab raug cawm kom dim tiag tiag. Nws tau nthuav tawm tej lus zais tob txog Nws txoj kev npaj cawm tib neeg 6,000 xyoo, thiab nthuav tawm tej lus zais tob ntawm Vajtswv tes hauj lwm uas nyob rau hauv cev nqaij daim tawv, thiab tej lus zais tob ntawm Nws tes hauj lwm txiav txim nyob rau tiam kawg thiab ntawm Nws lub npe ntawd. Nws kuj muab lub hauv paus keeb cag ntawm qhov uas vim li cas tib neeg ntiaj teb thiaj li ua txhaum thiab tawm tsam Vajtswv thiab qhov tseeb ntawm peb txoj kev qias vuab tsuab uas Ntxwgnyoog ua thiab txhua hom yam ntxwv qias vuab tsuab ntawd qhia tshwm thiab. Tseem ceeb tshaj qhov ntawd yog, Nws nthuav Vajtswv tus moj yam uas dawb huv, ncaj ncees, thiab tawm tsam tsis tau ntawd tawm thiab qhia peb tias leej twg ua rau Nws txaus siab, leej twg ua rau qias Nws, leej twg nkag tau mus rau hauv Vajtswv lub nceeg vaj thiab leej twg yuav raug rau txim, thiab txoj hau kev kawg thiab qhov tshwm sim rau txhua hom tib neeg. Nws kuj muab txoj kev rau peb los hloov peb tus moj yam ntawm lub neej txoj sia thiab. Cov neeg Vajtswv xaiv tab tom raug Vajtswv cov lus txiav txim thiab rau txim, es thaum kawg thiaj li pom hais tias Ntxwgnyoog tau ua rau peb qias vuab tsuab npaum li cas lawm, tias peb muaj tus moj yam phem puv npo xwb, xws li khav theeb thiab dag. Peb ua neej nyob tsis tau kom zoo nkaus li tib neeg li lawm. Peb kuj pom Vajtswv tus moj yam ncaj ncees uas tsis zam kev ua txhaum thiab tsis muaj kev hwm Vajtswv thiab. Peb yuav tsum pib los lees txim hloov dua siab tshiab thiab ntxub peb tus kheej tiag tiag, thiab txaus siab hlo los muab lub cev nqaij daim tawv tso tseg thiab xyaum ua raws li qhov tseeb. Tom qab ntawd peb tus moj yam qias vuab tsuab thiaj li yuav maj mam hloov pauv thiab peb tsis ntxeev siab thiab tawm tsam Vajtswv heev lawm, tiam sis peb yuav muaj kev zwm rau Nws.” Tom qab tus muam ntawd qhia tag lawm ces nws txawm tso lwm daim yeeb yaj duab uas hais lus tim khawv uas hu ua Txoj Kev Kaj Tseeb Tshwm Los rau kuv saib. Tus neeg tseem ceeb hauv daim yeeb yaj duab ntawd muaj qee yam kev txawj me me uas nws kav lwm tus, thiab nws saib tsis taus txhua tus. Nws khav txiv thiab xav kom txhua tus mloog nws hais xwb. Nws yog ib tug ntseeg thiab nws thov Vajtswv thiab lees txim ntau heev, tiam sis nws siab luv thiab cem lwm tus. Tag nrho cov uas nrog nws ua hauj lwm ua ke ntawd txav deb ntawm nws thiab nws poj niam thiab tus ntxhais puav leej ntshai nws. Nws yeej tsis muaj ib tug neeg uas ntseeg siab tau li. Ua neej nyob rau hauv txoj kev txhaum, nws thiaj li raug tej kev txom nyem phem heev li. Tom qab nws lees txais Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg lawm, ces txoj kev txiav txim thiab kev qhia tshwm ntawm Vajtswv cov lus thiaj li qhia nws hais tias qhov pheej muab nws tus kheej tso ua ntej, kev tsav nws tus kheej, thiab kev quab yuam kom lwm tus mloog nws hais ntawd yog vim nws khav theeb thiab tsis muaj qab hau, thiab tias tej no yog tej kev nthuav tawm txog tus moj yam phem. Qhov no mas qias Vajtswv thiab cais lwm tus. Thaum nws ras dheev txog qhov no lawm, nws thiaj li ntxub nws tus kheej thiab tu siab tiag tiag li. Tom qab ntawd ces nws coj zoo me ntsis rau lwm tus lawm thiab thaum ntsib ib qho teeb meem twg, nws muab cev nqaij daim tawv tso pov tseg, nrhiav qhov tseeb, thiab mloog lwm tus hais lawm. Nws thiaj li tsis khav theeb li yav dhau los lawm.

Thaum saib daim yeeb yaj duab no ua rau kuv zoo siab heev. Kuv pom hais tias Vajtswv Tus Uas Muaj Hwj Chim Loj Kawg Nkaus cov lus yog qhov tseeb, tias tej lus ntawd yeej yaug tau tib neeg kom dawb huv thiab hloov tau tib neeg tiag tiag. Kuv txawm pib nyeem Vajtswv Tus Uas Muaj Hwj Chim Loj Kawg Nkaus cov lus txhua zaus uas kuv muaj hwv tsam thiab saib tej yeeb yaj kiab uas tshaj tawm txoj moo zoo thiab tej yeeb yaj duab hu nkauj qhuas Vajtswv uas tuaj ntawm Pawg Ntseeg ntawm Vajtswv Tus Uas Muaj Hwj Chim Loj Kawg Nkaus tuaj. Kuv yim saib, ces kuv yim paub meej nyob rau hauv kuv lub siab xwb. Kuv thiaj li paub tseeb hais tias Vajtswv Tus Uas Muaj Hwj Chim Loj Kawg Nkaus cov lus yog qhov tseeb thiab yog Vajntsujplig lub suab lawm, tias Vajtswv Tus Uas Muaj Hwj Chim Loj Kawg Nkaus yog tus Tswv uas rov qab los lawm ntag. Kuv thiaj li lees txais Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg lawm. Ua Vajtswv tsaug.