9. Xyaum Zwm Rau Los Ntawm Kuv Tes Dej Num

Nyob rau xyoo 2012, thaum kuv tab tom ua hauj lwm nyob hauv Taisvam, kuv tau lees txais Vajtswv Tus Uas Muaj Hwj Chim Loj Kawg Nkaus txoj hauj lwm ntawm tiam kawg lawm. Tom qab ntawd, kuv mam li paub tias kuv yog thawj tug tib neeg tuaj hauv lub teb chaws Fijlijpeej tuaj uas lees txais txoj hauj lwm ntawd. Kuv mas zoo siab heev, thiab kuv xav tias kuv tau txais koob hmoov lawm. Tom qab rov qab los rau hauv lub teb chaws Fijlijpeej xyoo 2014 lawm, kuv txawm pib tshaj tawm txog Vajtswv Tus Uas Muaj Hwj Chim Loj Kawg Nkaus lub nceeg vaj txoj moo zoo rau hauv kuv lub teb chaws. Tsis ntev ntawd, muaj ntau tus tib neeg Fijlijpeej txawm tau lees txais Vajtswv txoj hauj lwm ntawm tiam kawg. Kuv mas zoo siab heev, thiab txaus siab hais tias kuv ua tau tes dej num tshaj tawm txoj moo zoo lawm. Kuv cov kwv tij thiab cov muam khib kuv vim ua tes dej num tseem ceeb tiav hlo lawm, thiab vim kuv yog thawj tug nyob hauv lub teb chaws Fijlijpeej los lees txais Vajtswv txoj hauj lwm. Lawv puav leej xav hais tias kuv mas muaj hmoo heev. Thaum kuv pom tias lawv khib thiab hwm kuv li cas lawm, ces kuv pheej xav tias kuv zoo tshaj lwm tus, thiab kuv xav tias kuv tsim nyog rau ib tes dej num tseem ceeb zoo li ntawd.

Muaj ib hnub, kuv hnov hais tias tus kwv tij uas saib xyuas pawg ntseeg txoj hauj lwm txhua hnub ntawd yuav tsum tau mus ntxiv sij hawm rau nws daim ntawv tso cai tsav tsheb dua tshiab thiab yuav tsav tsis tau tsheb rau lub sij hawm ntawd. Peb tus thawj coj paub tias kuv tsav tsheb tau ces txawm nug seb kuv puas kam ua tus kwv tij ntawd tes dej num mus ib ntus. Kuv mas nyuaj siab tshaj, thiab xav hais tias, “Vim li cas nws cia li xav kom kuv los tsav tsheb nthawv nthav kiag tam sid? Yog hais tias kuv dhau los ua ib tug tsav tsheb lawm, kuv cov kwj tij thiab cov muam yuav xav li cas rau kuv?” Nyob hauv kuv lub siab mas, tsuas yog kev tshaj tawm txoj moo zoo thiab kev ua tim khawv rau Vajtswv thiaj li yog ib tes dej num tseem ceeb, tes dej num uas tuaj yeem coj tau ntau tus tib neeg uas tos ntsoov Vajtswv qhov kev tshwm sim los rau ntawm Nws xub ntiag tau xwb. Kev tsav tsheb mas tsuas yog ib txoj hauj lwm uas niaj hnub ua, uas ua tim khawv tsis tau rau Vajtswv hlo li los sis tsis ua kom lwm tus hwm kuv tau li. Ua rau kuv tag kev cia siab heev.Kuv tsis to taub tias qhov no ho tshwm sim rau kuv tau li cas, thiab ua rau kuv txhawj tsam kuv tus thawj coj yuav cia kuv ua tes dej num ntawd mus. Ua rau kuv muaj kev xav phem ntau heev, kuv thiaj li tsis kam ua tes dej num no, thiab kuv haj tseem tsis xav kom kuv cov kwv tij thiab cov muam paub tias twb hloov pauv kuv tej dej num lawm.

Hnub tom qab ntawd, muaj ib txhia kwv tij thiab muam tau qhia kuv tias lawv hnov tias kuv tau los tsav tsheb khiav hauj lwm qee yam rau pawg ntseeg lawm. Thaum hnov lawv hais li no ua rau kuv txaj muag thiab nyuaj siab heev. Ces kuv txawm tsis xav ua tes dej num no kiag li. Kuv ntxhov siab thiab tsis mloog hais, tab sis saib rau sab nraud mas kuv ua txuj tsis ua li cas. Kuv tsis xav kom lawv pom qhov kuv qaug zog thiab saib tsis taus kuv, yog li ntawd kuv thiaj li teb lawv hais tias, “Tej no yog Vajtswv tej kev npaj tseg, thiab kuv ua Nws tsaug rau tej no.” Tsuas yog thaum kuv hais li ntawd lawm xwb, kuv thiaj li ras dheev tias, txawm kuv paub kab lus hais tias “Vajtswv muaj hwj chim kav tag nrho txhua yam,” los xij, thaum tshwm sim qhov xwm txheej tiag lawm, ces kuv yeej tsis lees txais Nws lub hwj chim kav lawm. Kuv cov lus tsis haum li kuv xav. Saib rau sab nraud, kuv mas mloog lus kawg, tab sis qhov tseeb tiag kuv tsis xav lees txais qhov xwm txheej uas Vajtswv tau tsim ntawd. Kuv ua tsis tau li cas tab sis xav hais tias, “Tus thawj coj puas tau ua yuam kev txog qhov muab kuv los tsav tsheb? Tes dej num no tsis haum rau kuv kiag li. Kuv tsim nyog los tshaj tawm txoj moo zoo, ua cas kuv ho los ua ib tug tsav tsheb tau li cas?” Ces kuv txawm xav phem ntau zuj zus. Kuv xav hais tias ntshe vim nws xav tias kuv tsis phim los tshaj tawm txoj moo zoo ntag es nws thiaj li kom kuv los ua tus tsav tsheb. Vim kuv xav hais tias kev tsav tsheb tsuas cheem tsum kuv ob txhais tes xwb, tsis cheem tsum kev to taub lub neej txoj sia los sis kev nrhiav tej hauv paus ntsiab lus ntawm qhov tseeb, thiab tsuas yog siv lub zog ua hauj lwm xwb, yog li kuv tsuas tsav tsheb raws li qhov hais kom kuv tsav xwb. Tom qab sij hawm dhau mus ib ntus lawm, kuv tsis tau txais kev to taub txog lub neej txoj sia li, kuv mas dhuav tsav tsheb tsaj, ces thaum kawg kuv thiaj li tsis xav ua tes dej no mus ntxiv lawm.

Muaj ib hnub, ib tug kwv tij uas tshaj tawm txoj moo zoo nrog kuv yav dhau los tau hu kuv thiab nug hais tias, “Kwv Tij, muaj qee qhov chaw uas peb xav mus, koj puas kam tsav tsheb thauj peb mus tod? Thaum hnov qhov ntawd ua rau kuv hnov tu siab thiab txaj muag. Kuv xav hais tias, “Tej zaum, kuv tus kwv tij tsuas saib kuv zoo li ib tug tsav tsheb uas tsis muaj meej mom li lawm xwb. Nws thiaj li saib tsis taus kuv.” Kuv nyuaj siab thiab xav phem heev, thiab haj tseem tsis muaj kev txhawb siab rau kuv tej dej num li lawm. Thaum lub sij hawm ntawd, zoo li kuv ua kuv tes dej num tiav, los kuv mas ntxhov quas niab rau hauv nruab siab, thiab xav tas li tias kuv cov kwv tij thiab cov muam yuav xav li cas rau kuv. Ces tsuas yog kuv tsis lees txais tes dej num no xwb, thiab kuv haj yam tsis xav nyeem Vajtswv txoj lus los sis tsis mus koom cov rooj sib tham li. Raws li txoj kev xav txawm kuv twb paub lawm tias, yuav muaj dab tsi tshwm sim los xij, kuv yuav tsum ua kuv tej dej num kom tiav yam li yog ib tug neeg raug tsim tawm los, tab sis kuv khiav tsis dim kuv tus yam ntxwv xav phem thiab ua twj ywm. Thaum kawg, kuv thiaj li tsis hnov tias muaj Vajntsujplig txoj hauj lwm mus ntxiv lawm, thiab hnov zoo li kuv tes dej num yog ib txoj hauj lwm sab yeeb ceeb. Kuv tsuas lam nkag mus thiab tawm mus, tos ntsoov kom hnub ntawd dhau mus xwb. Kuv lub siab mas tsaus ntuj nti thiab nyuaj siab puv npo, kuv tsis muaj kev tig ras to taub txog Vajntsujplig rau hauv tej rooj sib tham li, thiab kuv ib txwm hnov qhuav qhawv tas li. Ces kuv txawm thov Vajtswv hais tias, “Vajtswv, kuv paub tias kuv tus yam ntxwv tsis yog lawm, tab sis kuv tseem txhawj txog qhov uas kuv cov kwv tij thiab cov muam xav txog kuv. Thov coj kuv kom kuv tuaj yeem ua raws thiab lees txais tes dej num no tau.”

Tom qab ntawd, kuv tau nyeem ib txhia ntawm Vajtswv cov lus tias, “Kev zwm rau uas muaj tseeb yog dab tsi? Thaum Vajtswv ua qee yam uas mus raws li koj txoj hau kev, thiab koj hnov tau tias txhua yam tau txaus siab thiab zoo lawm, thiab ua rau koj raug saib siab, koj hnov qhov no zoo li muaj yeeb koob kawg, thiab koj hais tias ‘ua tsaug os Vajtswv’ thiab tuaj yeem zwm rau Nws txoj kev coj kev qhia thiab tej kev npaj. Txawm li cas los xij, thaum uas koj raug hais kom mus ua dej num rau ntawm ib qho chaw uas tsis paub ces koj yeej tsis muaj peev xwm raug saib siab, thiab hauv qho chaw uas tsis muaj leej twg lees paub koj, ces koj tso tseg tsis hnov kev zoo siab thiab pom tias nws nyuaj los zwm rau. … Kev zwm rau thaum tsis muaj xwm txheej dab tsi yeej ib txwm yooj yim. Yog koj kuj tuaj yeem zwm rau hauv tej xwm txheej tsis zoo thiab—cov nyob hauv tej yam uas tsis mus raws koj txoj hau kev thiab koj hnov mob, qhov ntawd ua rau koj qaug zog, qhov ntawd ua rau koj lub cev txom nyem thiab rhuav tshem koj lub suab npe, qhov ntawd tsis tuaj yeem ua tau raws li koj kev tsab ntse thiab kev khav theeb, thiab qhov ntawd ua rau koj txom nyem siab ntsws—ces koj thiaj li muaj kev loj hlob tiag tiag” (Vajtswv Kev Sib Qhia Los). Vajtswv txoj lus tau nthuav tawm txoj kev qias vuab tsuab hauv kuv lub siab. Kuv rov nco qab tau thaum kuv lees txais Vajtswv txoj hauj lwm ntawm tiam kawg, kuv tau thov Vajtswv hais tais, “Txawm Vajtswv yuav npaj qhov xwm txheej dab tsi los xij, los sis txawm kuv yuav ntsib tej kev nyuaj los sis kev ntsib kev pom tej kev sim siab loj tshaj los xij, kuv yuav lees txais thiab ua raws. Txawm yuav muaj dab tsi tshwm sim los xij, kuv yuav raws Vajtswv qab.” Tab sis tam sim no, kuv nyob rau hauv qhov xwm txheej tiag lawm, tab sis kuv tsis lees txais qhov ntawd li. Ces kuv mam li ras dheev kiag tam sim ntawd tias kuv txoj kev mloog lus rau Vajtswv lub hwj chim kav thiab txoj kev npaj tseg mas tsuas yog lo lus xwb. Thaum pawg ntseeg kom kuv mus tshaj tawm txoj moo zoo, kuv ntseeg hais tias qhov ntawd yog ib teg dej num tseem ceeb, thiab kuv cov kwv tij thiab cov muam kuj tau qhuas thiab hwm kuv lawm thiab, yog li kuv thiaj li nyiam tes dej num ntawd heev, thiab kuv mas nquag plias thiab sib zog ntsos ua tes dej num ntawd tshaj. Tab sis thaum tus thawj coj kom kuv los tsav tsheb, ces kuv hnov zoo li kuv poob kiag qhov raug saib siab los ntawm txhua tus lawm vim kev ua ib tug neeg tsav tsheb mas tsis muaj leej twg quav ntsej txog, thiab ua rau txaj muag heev. Kuv xav hais tias cov kwv tij thiab cov muam yuav tsis hwm kuv zoo li qhov lawv keev hwv lawm. Yog li ntawd, nyob puag hauv kuv nruab siab, kuv tsis lees txais tes dej num no, thiab kuv haj tseem xav hais tias kuv tus thawj coj tej kev npaj mas tsis yog lawm. Kuv saib kuv lub hwj chim thiab lub meej mom loj heev, thiab kuv mas twm xeeb thiab coj nruj rau kuv tej dej num. Kuv tsuas xav ua tes dej num uas ua rau kuv muaj ntsej muaj muag thiab muaj neeg qhuas kuv xwb, tsis yog tes dej num uas tsis tseem ceeb. Thaum tau muab tes dej num ntawd rau kuv uas yuav tsis ua rau kuv muaj ntsej muaj muag los sis tsis ua rau lwm tus qhuas kuv, ces thiaj li ua rau tawm tsam thiab yws rau hauv kuv lub siab puv npo, thiab ua rau kuv tus kheej tsis mloog lus, uas ua rau kuv plam Vajntsujplig txoj hauj lwm thiab nyob hauv txoj kev tsaus ntuj nti. Los ntawm Vajtswv txoj lus los, kuv to taub lawm tias yog kuv xav los mloog Vajtswv lus tiag tiag, ces tsis yog kuv yuav tsum ua raws li Vajtswv tej kev npaj tseg, thaum qhov xwm txheej haum rau kuv xwb, qhov tseem ceeb tshaj ntawd, ces kuv yuav tsum ua raws thaum nws tsis haum. Tab txawm tias ua rau kuv poob ntsej muag los sis kuv cov kwv tij thiab cov muam tsis hwm kuv los xij, kuv yuav tsum lees txais thiab ua raws.

Tom qab ntawd, nyob rau hauv ib lub rooj sib tham, kuv qhib siab lug sib qhia txog kuv tus yam ntxwv, thiab kuv cov kwv tij thiab cov muam tau xa ib nqe lus ntawm Vajtswv txoj lus tuaj rau kuv tias, “Ntxwgnyoog siv dab tsi los ua kom tib neeg nyob twj ywm rau hauv nws txoj kev tswj hwm? (Lub koob meej thiab tau txais.) Yog li, Ntxwgnyoog siv lub koob meej thiab tau txais los tswj hwm tib neeg cov kev xav, kom txog rau thaum txhua tus neeg tuaj yeem xav txog lub koob meej thiab tau txais. Vim xav tau koob npe thiab nyiaj txiag, lawv thiaj sib zog peem, raug kev txom nyem, thiab tiv kev poob ntsej muag, fij txhua yam uas lawv muaj txhawm rau lub koob meej thiab tau txais, thiab lawv yuav ua kev txiav txim los yog txiav txim siab rau lub hom phiaj ntawm lub koob meej thiab tau txais. Nyob rau hauv txoj kev no, Ntxwgnyoog khi tib neeg nrog cov hlua khi saib tsis pom, thiab lawv tsis muaj lub zog thiab tsis muaj lub siab tawv los muab lawv tshem pov tseg tau. Lawv tsis paub hais tias lawv coj tej khawb hlau li thiab maj mam mus lawm tom ntej yam nyuab kawg nkaus. Rau qhov txiaj ntsig ntawm lub koob meej thiab tau txais no, tib neeg zam Vajtswv thiab ntxeev siab rau Nws thiab dhau los ua neeg lim hiam heev tuaj. Los ntawm txoj hau kev no, ib tiam dhau ib tiam raug rhuav tshem nyob rau hauv Ntxwgnyoog lub koob meej thiab tau txais. Tam sim no los saib ntawm Ntxwgnyoog tej kev ua hauj lwm seb, tsis yog nws qhov kev siab phem txaus ntshai ntxim ntxub tshaj plaws lod? Tej zaum hnub no nej tseem tsis tau tuaj yeem pom tshab Ntxwgnyoog qhov kev siab phem txaus ntshai vim nej xav tias ib tug tib neeg tsis tuaj yeem nyob tau yam tsis muaj lub koob meej thiab tau txais. Nej xav tias yog tias tib neeg tso tseg lub koob meej thiab tau txais lawm, lawv yuav tsis muaj peev xwm pom txoj hau kev mus tom ntej, yuav tsis muaj peev xwm pom lawv cov hom phiaj, tias lawv lub neej yav pem suab yuav tsaus ntuj nti ntsia tsis pom. Tab sis, maj mam, muaj ib hnub twg nej txhua tus yuav paub txog lub koob meej thiab tau txais yog cov hlua khi loj kawg nkaus uas Ntxwgnyoog siv los khi tib neeg. Thaum hnub ntawd los txog, koj yuav tau tawm tsam Ntxwgnyoog txoj kev tswj hwm huv si thiab tawm tsam cov hlua khi uas Ntxwgnyoog siv los khi koj. Thaum lub sij hawm los txog uas koj xav kom koj muab txhua yam uas Ntxwgnyoog tau muab cog rau hauv koj lawm tso pov tseg, ces koj yuav tsoo kom tawg tag huv si kom dim ntawm Ntxwgnyoog thiab koj yeej yuav tsis nyiam txhua yam uas Ntxwgnyoog tau muab rau koj kiag li. Tsuas yog thaum ntawd xwb tib neeg thiaj yuav muaj kev hlub tiag thiab xav paub Vajtswv tiag” (“Vajtswv Tus Kheej, tus Uas Tsuas Yog Tib Tug Xwb VI” nyob hauv Txoj Lus Tshwm Hauv Lub Cev Nqaij Daim Tawv). Tom qab ua tib zoo xav txog Vajtswv txoj lus lawm, kuv paub tias lub laj thawj uas kuv pheej xav tias ua ib tug neeg tsav tsheb mas yog tej yam uas tsis tshwj xeeb li, tias nws tau ua rau kuv poob ntsej poob muag thiab puas rau kuv tus duab, thiab tias kuv tus kheej yuav ua raws tag nrho li ntawd tsis tau vim Ntxwgnyoog tau ua piam sij lawm. Ntxwgnyoog siv suab npe thiab txiaj ntsim los tswj kav tib neeg lub siab, thiab ua kom tib neeg peem rau suab npe thiab txiaj ntsim thiab fij txhua yam rau tej ntawd. Kuv los kuj raug Ntxwgnyoog ntxias dag thiab ua qias vuab tsuab yam xav tsis txog li thiab. Kuv nco tias kuv niam thiab txiv tau qhia kuv thaum tseem yog me nyuam yaus lawm tias yuav kom lwm tus hwm thiab qhuas tau li cas. Yog li ntawd, suav txij thaum hnub nyoog tseem yau los, kuv ntseeg hais tias kuv yuav tsum nyob siab tshaj thiab zoo tshaj lwm tus. Ntxiv rau qhov no, tej zej tsoom sawv daws thiab xov xwm los kuj txhawb nqa tej kev xam pom no thiab, thiab kuv pom tias ib txhia tib neeg uas muaj suab npe thiab muaj meej mom siab mas raug saib zoo dua cov tib neeg dog dig, yog li ntawd kuv thiaj li txiav txim siab ua mus tom ntej ntxiv thiab kom txhua tus qhuas. Tom qab kuv tau lees txais Vajtswv txoj hauj lwm nyob rau tiam kawg lawm, los kuv tseem ua neej raws li tej kev xav no, thiab kuv ntseeg yuam kev tias tes dej num tshaj tawm txoj moo zoo mas tseem ceeb thiab ua rau lwm tus qhuas thiab hwm, tab sis tsis muaj leej twg hwm cov uas niaj hnub saib xyuas tej hauj lwm li. Kuv xav txog tej dej num uas zoo dua los sis phem dua, thiab xav ua tes dej num dab tsi los xij uas yuav ua rau kuv nrov npe dua. Thaum kuv tus thawj coj kom kuv los tsav tsheb raws li peb txoj hauj lwm tim tsum, txhua yam uas kuv xav txog mas yog kuv tus kheej lub ntsej lub muag thiab lub meej mom, thiab nyob hauv kuv nruab siab, ces kuv tsis tuaj yeem lees txais los sis ua raws tes hauj lwm ntawd tau. Kuv tsis nrhiav Vajtswv txoj kev xav kiag li, thiab kuv tsis xav txog tej kev tim tsum ntawm pawg ntseeg txoj hauj lwm li. Kuv mas twm xeeb thiab ntxim ntxub tshaj! Thaum ntawd kuv thiaj li paub tias kev xav ua tes dej num tshaj tawm txoj moo zoo txuas txiv mas tsis yog kev xav rau Vajtswv txoj kev xav tiag. Kuv ces xav tau tes dej num qib siab es txhua tus thiaj li qhuas kuv. Kuv ces tsuas xav khav kuv tes dej num thiab ua kom tib neeg hwm kuv, kom kuv tau suab npe thiab tau txais txiaj ntsim xwb. Thaum tus thawj coj kom kuv los tsav tsheb, kuv txoj kev ntshaw kom raug qhuas ces tawg ntsoog mos nyoos lawm, yog li ntawd kuv thiaj li thau twj ywm, thiab haj tseem tsis muaj lub zog txhawb siab rau kev ua kuv tes dej num li lawm. Kuv xav txog qhov ib txhia kwv tij thiab muam uas keev muaj lub meej mom thiab lub ntsej lub muag sab yeeb ceeb, tab sis lawv muaj peev xwm tso tej ntawd tseg, thiab txawm pawg ntseeg yuav npaj kom lawv ua dab tsi los xij, txawm tias lawv tes dej num yuav tseem ceeb los sis tsis tseem ceeb los xij, lawv yuav tseem lees txais thiab ua raws. Muab kuv tus kheej piv rau tej ntawd, kuv txaj muag heev. Kuv tsis muaj ib qho chaw hauv kuv lub siab rau Vajtswv li, los sis haj tseem tsis mloog Vajtswv lus hlo li. Tam sim no kuv paub hais tias kev caum raws suab npe, kev tau txais txiaj ntsim, thiab lub meej mom mas tsis muaj qab hau ua luaj li. Yog hais tias kuv pheej caum zoo li no mus, ntshe kuv yeej yuav tsis to taub qhov tseeb li, thiab tsis ntev, kuv yuav raug ntiab tawm.

Tom qab ntawd, kuv tau nyeem qee nqe lus ntawm Vajtswv cov lus tias, “Kev to taub txog qhov muaj tiag ntawm qhov tseeb mas tsis yog ib qho yooj yim. Qhov tseem ceeb ces yog tsom ntsoov rau qhov kev nrhiav qhov tseeb thiab qhov kev muab qhov tseeb coj los xyaum ua. Koj yuav tsum tuav rawv tej no rau hauv koj lub siab txhua hnub. Txawm hais tias koj yuav ntsib tej teeb meem dab tsi los xij, tsis txhob pheej tiv thaiv koj tus kheej tej kev ntshaw xwb; tiam sis, xyaum nrhiav qhov tseeb thiab xav txog yus tus kheej. Txawm hais tias yuav muaj tej kev qias vuab tsuab twg uas raug muab nthuav tawm rau hauv koj los xij, koj tsis txhob cia tej ntawd dhau mus yam tsis tshuaj xyuas li; nws yog ib qho zoo heev yog tias koj tuaj yeem xav txog qhov ntawd thiab lees paub koj lub ntsiab tseeb uas qias vuab tsuab. Yog tias, nyob rau hauv tej xwm txheej txhua txhua hnub, koj tej kev xav yeej xav txog tias yuav daws koj tus moj yam qias vuab tsuab li cas, yuav xyaum ua raws qhov tseeb li cas, thiab tej hauv paus ntsiab lus ntawm qhov tseeb yog dab tsi, ces koj muaj peev xwm los kawm siv qhov tseeb los daws koj tej teeb meem raws li Vajtswv cov lus. Qhov ua li no, koj yuav hloov tau tus moj yam, thiab maj mam to taub txog qhov muaj tiag ntawm qhov tseeb. Yog tias koj lub siab muaj tej kev xav txog qhov tias yuav ua li cas thiaj li tau qhov hauj lwm kom siab zog, ntawm qhov yuav ua li cas rau ntawm lwm tus xub ntiag, ntawm qhov yuav ua li cas kom lawv qhuas koj, ces koj yuam kev lawm. Nws txhais hais tias koj ua hauj lwm rau Ntxwgnyoog; koj tab tom ua dej num. Yog tias koj lub siab muaj tej kev xav txog qhov tias yuav hloov pauv li cas kom koj thiaj li yuav zoo li ib tug noob neej zuj zus, kom mus raws li Vajtswv tej kev npaj siab, kom muaj peev xwm txog qhov kev zwm rau Nws thiab kev hwm Nws, thiab qhia kom pom txoj kev tswj thiab lees txais yuav Nws txoj kev tshawb xyuas txhua yam koj ua kom meej, ces koj tus yam ntxwv yuav zoo zuj zus tuaj. Qhov no yog qhov txhais hais tias yog ib tug neeg uas nyob rau ntawm Vajtswv lub xub ntiag. Tej yam zoo li no, muaj ob txoj kev: Ib txoj tsuas yog hais txog tus cwj pwm, kev ua yus tus kheej tej hom phiaj, tej kev ntshaw, tej kev npaj siab, thiab tej kev npaj kom tiav xwb; qhov no yog nyob rau ntawm Ntxwgnyoog lub xub ntiag thiab nyob hauv nws lub hwj chim. Lwm txoj kev ces yog hais txog qhov tias yuav ua li cas kom tau zoo raws li Vajtswv lub siab nyiam, to taub txog qhov muaj tiag ntawm qhov tseeb, zwm rau Vajtswv, thiab tsis muaj kev nkag siab yuam kev los sis kev tsis mloog Nws lus, kom tus tib neeg ntawd thiaj li yuav hwm Vajtswv thiab ua nws tes dej num kom tau zoo. Qhov no yog ib tug uas ib txwm nyob rau ntawm Vajtswv xub ntiag” (“Tsuas Yog Xyaum Ua Raws Qhov Tseeb Nkaus Xwb Ib Tug Tib Neeg Thiaj Li Muaj Kev Ua Neej” nyob hauv Tej Kev Sib Tham ntawm Khetos ntawm Tiam Kawg). Tom qab nyeem Vajtswv txoj lus tag lawm, kuv paub tias, yog kuv xav tau txais txoj kev ntseeg Vajtswv uas yog, los mus caum raws qhov tseeb thiab hloov pauv kuv tus moj yam, ces kuv yuav tsum hloov pauv kuv tej kev xam pom ntawm kev nrhiav uas tsis yog. Txawm tias kuv yuav khav theeb los sis ua kom lwm tus qhuas kuv tes dej num los xij, kuv yuav tsum lees txais kuv tes dej num thiab ua tes dej num ntawd ncaj ncees. Qhov no yog tus cwj pwm uas kuv yuav tsum coj rau kuv tes dej num, thiab lub laj thawj uas cov neeg raug tsim tawm los yuav tsum muaj. Yog hais tias kuv ua kuv tej dej num yam tsis nrhiav qhov tseeb, thiab tsis mloog Vajtswv lus, yog tias kuv tsuas ua tes dej num kom nrhiav tau suab npe thiab lub meej mom, thiab kom kuv cov kwv tij thiab cov muam hwm xwb, ces qhov no txhais hais tias kuv tab tom taug txoj kev tawm tsam Vajtswv. Yog hais tias kuv tsis hloov pauv kuv txoj hau kev, ces thaum kawg, tsis yog tsis lees txais yuav kuv xwb tab sis tseem yuav raug tshem tawm thiab. Kev ntseeg Vajtswv thiab ua kuv tej dej num kom tiav mas cheem tsum kuv tej kev txhawb siab, tsi ntsees rau kev nrhiav thiab kev xyaum ua raws qhov tseeb, tso kuv tej kev ntshaw thiab kev xav tau tseg, thiab ua txhua yam mus raws li Vajtswv tej kev cheem tsum. Tsuas yog thaum ntawd xwb kuv thiaj li yuav mloog Vajtswv hais, thiab tsuas nyob rau txoj hau kev no xwb kuv thiaj li hloov pauv kuv tus moj yam qias vuab tsuab tau. Thaum kuv to taub qhov no lawm, kuv muaj ib txoj hau kev coj, thiab los hauv kuv nruab siab los, ces kuv txaus siab lees txais kuv txoj kev tsav tes dej num. Txawm hais tais tib neeg yuav hwm kuv los sis tsis hwm los xij, kuv yuav tsum ua kuv tej dej num kom zoo tshaj plaws li qhov kuv ua tau.

Tom qab ntawd, kuv tau nyeem lwm nqe lus ntawm Vajtswv txoj lus tias: “Niaj hnub no, thaum nej ua ib teg dej num nyob rau hauv Vajtwv lub tuam tsev, txawm nws yuav loj los sis me, txawm nws siv dag siv zog los sis siv nej lub hlwb, txawm nws yog ua tiav sab nraud los sis hauv pawg ntseeg los xij, tes dej num uas koj ua ntawd tsis yog nyob nyob es cia li tshwm xwb; qhov no tsis yog koj xaiv, nws yog Vajtswv coj. Nws yog vim Vajtswv cov lus txib nkaus xwb koj thiaj li ua, thiab muaj txoj kev paub txog txoj num thiab lub luag hauj lwm no, thiab muaj peev xwm ua tes dej num no. Nyob rau ntawm cov tsis ntseeg mas, yeej muaj ntau tus uas ntxim nyiam, ntse, los sis muaj peev xwm. Tiam sis Vajtswv puas nyiam lawv? (Tsis nyiam.) Vajtswv tsuas nyiam nej pab tib neeg no xwb. Nws ua kom nej ua txhua hom qauv, ua txhua hom dej num thiab lub luag hauj lwm ntawm Nws tes hauj lwm cawm tib neeg, thiab thaum kawg, thaum Vajtswv txoj kev npaj cawm tib neeg los xaus thiab tiav hlo lawm, qhov no yuav muaj yeeb koob thiab meej mom npaum li cas! Yog li ntawd, thaum ua lawv tes dej num niaj hnub no, tib neeg raug kev txom nyem me ntsis, thaum lawv yuav tsum tau muab ntau yam tso tseg thiab muab lawv tus kheej fij, thaum lawv them ib tug nqi, thaum lawv poob lub meej mom, suab npe thiab kev nplua nuj hauv ntiaj teb no lawm, ces cuag nkaus li Vajtswv tau muab tej ntawd tshem tawm ntawm lawv mus lawm ntag—tiam sis lawv tau txais qee yam uas loj dua thiab zoo dua. Lawv tau txais dab tsi los ntawm Vajtswv los? Tsuas yog thaum koj ua tau koj tes dej num zoo, thaum koj ua tau Vajtswv cov lus txib tiav hlo rau koj, thaum koj muab tag nrho koj lub neej txoj sia ua neej nyob txhawm rau koj txoj num thiab tes hauj lwm uas Vajtswv txib kom ua thiab koj ua ib lub neej uas tsim nyog lawm xwb—ces tsuas yog thaum ntawd xwb koj thiaj li yog ib tug neeg tiag tiag! Thiab vim li cas Kuv thiaj li hais tias koj yog ib tug neeg tiag tiag? Vim hais tias Vajtswv tau xaiv koj lawm, Nws tau cia koj ua tes dej num ntawm ib tug neeg uas Vajtswv tsim nyob rau hauv Nws txoj kev cawm tib neeg, thiab yuav tsis muaj ib qho nuj nqis los sis lub ntsiab lus uas loj dua rau koj lub neej txoj sia li lawm” (“Cov Hauv Paus Ntsiab Lus ntawm Txoj Kev Xyaum Ua Uas Hais Txog Kev Zwm Rau Vajtswv” nyob hauv Tej Kev Sib Tham ntawm Khetos ntawm Tiam Kawg). “Yog koj xav muab txhua yam uas koj ua fij rau kom ua tau zoo raws Vajtswv txoj kev xav, ces koj ua tsis tau ib teg dej num nkaus xwb; koj yuav tsum lees txais txhua cov lus txib uas Vajtswv muab tso rau koj. Txawm tias nws yuav raug raws los sis tsis raug raws li koj tej kev xaiv thiab poob rau hauv koj tej kev ntshaw thiab tsis poob los xij, los sis yog qee yam uas koj tsis xyiv fab ua los sis yeej tsis tau ua dua li, los sis yog qee yam uas nyuaj, los koj tseem yuav tau lees txais tej ntawd thiab zwm rau. Tsis yog koj yuav tsum tau lees txais tej ntawd nkaus xwb, tiam sis koj yuav tsum rau siab ntso koom tes, thiab kawm txog tej ntawd thiab ua kom tau txais kev to taub qhov tseeb. Txawm tias koj tiv kev txom nyem, raug txaj muag, thiab yeej tsis muaj koob nrov npe los xij, koj tseem yuav tsum tau muab koj qhov kev fij rau. Koj yuav tsum xam tias tej ntawd li yog koj tes dej num uas yuav tau ua kom tiav hlo; tsis yog tus kheej txoj hauj lwm, tiam sis li yog koj tes dej num ntag. Tib neeg tsim nyog to taub lawv tej dej num li cas? Nws yog thaum tus Tswv Tsim—Vajtswv—muab ib txoj hauj lwm rau ib tug neeg ua, thiab thaum txog theem ntawd, tus neeg ntawd tes dej num tshwm tuaj. Tej hauj lwm uas Vajtswv muab rau koj, cov lus txib uas Vajtswv muab rau koj—tej no yog koj tej dej num. Thaum koj caum raws tej ntawd li yog koj cov hom phiaj, thiab koj muaj ib lub siab hlub Vajtswv tiag tiag, koj tseem muaj peev xwm tsis lees txais thiab lod? (Tsis yog.) Qhov no tsis yog ib qho ntawm qhov seb koj muaj peev xwm los tsis muaj—koj tsis tsim nyog yuav tsis kam lees txais tej ntawd. Koj tsim nyog lees txais tej ntawd. Qhov no yog txoj kev xyaum ua raws. Txoj kev xyaum ua raws yog dab tsi? (Kev muab tag nrho txhua yam fij rau.) Muab txhua yam fij rau kom ua tau zoo raws Vajtswv txoj kev xav. Tej kev dag uas tsi ntsees rau theem ntawm no nyob qhov twg? Nws yog nyob ‘hauv txhua yam.’ ‘Txhua yam’ tsis tau txhais tias yog tej yam uas koj nyiam los sis ua tau zoo, yog tej yam uas koj haj yam swm tsawg. Tej thaum, koj ua tsis tau qee yam zoo, tej thaum koj yuav tsum tau kawm, tej thaum koj yuav ntsib tej kev nyuaj thiab tej thaum koj yuav tsum tiv kev txom nyem. Txawm li cas los xij, txawm yuav yog txoj hauj lwm dab tsi los xij, tsuav nws yog raug txib ntawm Vajtswv los xwb, ces koj yuav tsum lees txais tej ntawd los ntawm Nws, xam tej ntawd li yog koj tes dej num, muab fij rau tej ntawd kom tiav hlo, ua kom tau zoo raws Vajtswv txoj kev xav: Qhov no yog txoj kev xyaum ua raws. Txawm yuav muaj dab tsi tshwm sim rau koj los xij, koj yuav tsum nrhiav qhov tseeb tas li thiab kiag thaum koj paub meej tias hom twg ntawm kev xyaum ua raws uas haum raws li Vajtswv txoj kev xav lawm, ces koj yuav tsum xyaum ua raws tej ntawd. Tsuas yog ua li no nkaus xwb thiaj li yog qhov kev xyaum ua raws qhov tseeb, thiab tsuas yog thaum ntawd xwb koj thiaj li to taub qhov muaj tiag ntawm qhov tseeb” (“Tib Neeg Tsuas Muaj Kev Zoo Siab Tiag Tiag los ntawm Kev Coj Ncaj Nkaus Xwb” nyob hauv Tej Kev Sib Tham ntawm Khetos ntawm Tiam Kawg). Tom qab nyeem Vajtswv txoj lus tag lawm, kuv paub tias tsis lam nyob nyob es yuav muaj ib tes dej num tshwm sim los, , thiab tsis muaj ib tug tib neeg twg npaj tes dej num ntawd tseg li. Tej dej num ntawd los ntawm Vajtswv lub hwj chim kav thiab txoj kev txiav txim ua ntej los. Txawm kuv tsis nyiam tsav tsheb los xij, nws raug npaj rau kuv raws li tej kev tim tsum ntawm pawg ntseeg txoj hauj lwm lawm, thiab nws yeej muaj txiaj ntsig rau qhov ntawd lawm, yog li ntawd kuv tsis tuaj yeem ua raws kuv tus kheej siab nyiam tau, kuv yuav tsum muaj laj thawj thiab mloog lus. Tej dej num los ntawm Vajtswv los, tej ntawd yog ib txoj kev txhawb tsa los ntawm Nws los—nws yog kuv lub luag hauj lwm. Yog li txawm tias qhov ntawd tsis haum raws li kuv tej kev xam pom los xij, kuv yuav tsum ua kuv lub luag hauj lwm kom kawg siab kawg ntsws puv npo thiab ua kuv tes dej num kom tau raws li ib tug neeg raug tsim tawm los. Tsuas yog ua lub neej li no xwb thiaj li tseem ceeb thiab muaj qab hau. Yav dhau los, kuv qaug rau suab npe thiab txiaj ntsim lawm, kuv tsis to taub Vajtswv lub hwj chim kav, yog li ntawd kuv thiaj li ua kuv tes dej num tsis raug, ces kuv thiaj li tsis pom tej dej num zoo dua thiab phem dua. Qhov tseeb ces nyob hauv Tsev lub tsev yeej tsis muaj ib tes dej num twg yuav nyob siab dua los sis qis dua, peb tsuas nyias ua nyias tej hauj lwm sib txawv xwb. Tag nrho ob txoj hauj lwm ntawm kev tshaj tawm txoj moo zoo thiab kev tsav tsheb mas puav leej yog ib feem tseem ceeb ntawm pawg ntseeg txoj hauj lwm, thiab kuv yuav tsum lees txais tes dej num dab tsi los xij uas tau muab rau kuv. Txawm kuv yuav ua tes dej num dab tsi rau hauv Vajtswv lub tsev los xij, Vajtswv xav kom peb caum raws qhov tseeb thiab mob siab rau kev to taub txog lub neej txoj sia. Yog hais tias kuv tsuas ua kuv tej dej num kom tau txais kev qhuas thiab kom tau txais suab npe thiab lub meej mom xwb, ces kuv yuav ua tes dej num tsis tiav raws li yog ib tug neeg raug tsim tawm los, kuv yuav dag kuv tus kheej kom mus txog thaum kawg. Kuv yuav ntxeev siab thiab tawm tsam Vajtswv. Yog tias muaj li kis no, ces txawm tias lwm cov tib neeg qhuas kuv los xij, Vajtswv yuav tsis pom zoo, yog li yuav muaj txiaj ntsig dab tsi? Kev ua ib tug tsav tsheb ces zoo li yuav tsis muaj ib yam dab tsi ua rau kuv zoo, tab sis qhov xwm txheej no ua rau kuv tso kuv txoj kev ntshaw rau suab npe thiab lub meej mom tseg tau, thiab qhia kom kuv mloog lus. Qhov no yog Vajtswv txoj kev cawm rau kuv. Qhov tseeb tiag, kev tsav tsheb leg hauj lwm rau ub rau no rau pawg ntseeg, ua rau kuv tau ntsib ntau yam uas cheem tsum xav txog rau tej kev ntshaw ntawm Vajtswv lub tsev, sij hawm twg uas kuv tim tsum nrhiav qhov tseeb thiab ua raws li tej hauv paus ntsiab lus. Qhov no tsis yog ib lub cib fim zoo tshaj rau kuv los xyaum ua raws qhov tseeb thiab ua kuv tes dej num kom tiav es thiaj li ua rau Vajtswv txaus siab lod? Thaum kuv paub qhov no lawm, kuv thiaj lithov Vajtswv hais tias, “Vajtswv, kuv tus cwj pwm ua kuv tes dej num mas ua rau Koj tag kev cia siab lawm. Txij no mus, kuv yuav lees txais Koj txoj kev soj ntsuam thiab ua kuv tej dej num kom kawg siab kawg ntsws ntawm txoj kev hlub rau Koj.” Tom qab kuv thov Vajtswv tag lawm, kuv hnov kaj siab, thiab kuv muaj kev ruaj siab los ua kuv tes dej num kom raug zoo.

Muaj ib zaug, kuv tau tsav tsheb rau kuv cov kwv tij thiab cov muam thaum lawv mus yuav khoom. Kuv ntsia lawv ua tib zoo xaiv tej khoom, muab tus nqi thiab qhov zoo los sib piv kom txhob ua rau muaj qhov tsis muaj txiaj ntsig rau Vajtswv lub tsev. Kuv rov qab xav txog qhov kuv coj tus cwj pwm tsis yog rau kuv tes dej num txij li thaum kuv tau pib tsav tsheb tam rau tus kwv tij ntawd los. Kuv tsuas ua yam uas kuv tus thawj coj tau npaj tseg xwb, thiab yeej tsis xav tias yuav ua tes dej num kom zoo li. Kev ua kuv tej dej num kom tiav raws li no mas phom sij rau Vajtswv thiab ua rau Nws ntxub kuv. Tom qab ntawd, ces kuv thiaj li tsis txhawj ntxiv lawm txawm lwm tus yuav hwm los sis tsis hwm kuv los xij. Tiam sis, kuv yeej mob siab xav txog pawg ntseeg tej kev ntshaw, thiab kuv kuj ua tib zoo ua thiab tib zoo xav rau kuv tes hauj lwm. Thaum kuv ua kuv tej dej num li ntawd, kuv hnov kaj siab lug, thiab tsis hnov sab mus ntxiv lawm. Kuv tau txais ntau yam heev los ntawm kuv txoj kev ntsib kev pom, thiab kuv to taub tias Vajtswv muab ib tes dej num uas kuv tsis nyiam los ua kom kuv tig xav thiab paub tias kuv txoj kev caum raws lub koob lub npe thiab lub meej mom mas tsis yog lawm, los mus cawm kuv kom dim plaws ntawm txoj saw hlau thiab tej kev quab yuam ntawm lub koob lub npe thiab lub meej mom. Nws tau coj kuv los rau txoj kev caum raws qhov tseeb lawm. Qhov no puav leej yog Vajtswv txoj kev hlub rau kuv. Kuv to taub Vajtswv tej kev xav zoo thiab pom tias txawm Vajtswv yuav npaj txhua yam li cas los xij, txawm tej ntawd tsis haum raws li kuv tej kev xav phem los xij, tej ntawd puav leej muaj txiaj ntsim rau kuv lub neej. Kuv yuav tsis ntxeev siab rau Vajtswv mus ntxiv lawm. Kuv yuav tsum mloog Vajtswv lus ua kom Nws txaus siab.

Tsis ntev tom qab ntawd, kuv tus kwv tij tau daim ntawv tso cai tsav tsheb tshiab lawm thiab tau rov qab los tsav tsheb txuas ntxiv, ces tus thawj coj tau kom kuv los saib xyuas tej hauj lwm txhua yam. Thaum kuv hnov qhov xov xwm ntawd lawm, kuv xav hais tias, “Zaum no, kuv yuav tsis cia kuv tej kev nyiam los tswj kuv tej dej num li lawm. Kuv yuav tsum lees txais thiab ua raws li Vajtswv tej kev coj kev qhia thiab tej kev npaj.” Kuv paub tias qhov no yog lwm lub hwv tsam uas Vajtswv tau muab rau kuv los cob qhia kuv tus kheej thiab kom to taub Nws cov lus. Vim kuv txoj kev ntsib kev pom yav dhau los, kuv thiaj li tsis muaj tej kev xav phem nyob rau hauv kuv tes dej num tshiab ntxiv lawm, kuv thiaj li tsis thuam kuv tes dej num mus ntxiv, thiab kuv thiaj li tsis muaj kev tu siab lawm thaum lwm tus tsis qhuas kuv. Tiam sis, kuv ua kuv tes dej num kom muaj qab hau thiab muaj tiag thiab ua kom tau raws li Vajtswv txoj kev xav. Kuv tau nyeem qee nqe lus ntawm Vajtswv cov lus tias, “Rau ntawm nej txhua tus uas ua nej tes dej num puv npo, txawm tias koj yuav nkag siab qhov tseeb zoo npaum li cas los sis nkag siab ntiav li cas los xij, txoj hau kev ntawm kev xyaum ua uas yooj yim tshaj plaws kom to taub qhov muaj tiag ntawm qhov tseeb mas yuav tsum xav txog tej kev ntshaw ntawm Vajtswv lub tsev hauv txhua yam, thiab tso koj tej kev ntshaw ntawm tej kev twm xeeb, koj tus kheej tej kev xav, tej kev txhawb siab ntsws, lub koob lub npe, thiab lub meej mom tseg. Muab tej kev ntshaw ntawm Vajtswv lub tsev tso ua ntej tshaj—qhov no yog qhov tsawg kawg nkaus uas yus yuav tsum tau ua. Yog ib tug neeg ua nws tes dej num tsis tuaj yeem ua tau ntau li qhov no, ces nws muaj peev xwm hais tau tias yuav ua nws tes dej num tau li cas? Qhov no tsis yog ua yus tes dej num. Koj yuav tsum xav txog tej kev ntshaw ntawm Vajtswv lub tsev ua ntej tshaj plaws, xav txog Vajtswv tus kheej tej kev ntshaw, thiab xav txog Nws tes dej num, thiab muab tej kev xav no xav ua ntej thiab tseem ceeb tshaj plaws; tsuas yog tom qab ntawd nkaus xwb koj thiaj li tuaj yeem xav txog kev ruaj khov ntawm koj lub meej mom los sis lwm tus pom koj li cas. Nej tsis xav tias nws yuav ua rau yooj yim dua thaum nej muab nws faib ua cov kauj ruam no thiab sib cog lus rau qee yam los? Yog koj ua qhov no mus ib ntus, koj yuav hnov tias kev ua tau zoo raws Vajtswv yeej tsis nyuaj li. Ntxiv rau qhov no, yog koj yuav tsum muaj peev xwm ua kom tau koj lub luag hauj lwm puv npo, ua koj yam uas yuav tau ua thiab tej dej num, tso koj tej kev ntshaw ntawm kev qia dub tseg, tso koj tus kheej tej kev npaj siab thiab tej kev txhawb siab ntsws tseg, muaj kev xav rau Vajtswv txoj kev xav, thiab muab tej kev ntshaw ntawm Vajtswv thiab Nws lub tsev tso ua ntej. Ces tom qab txoj kev ntsib kev pom qhov no mus ib ntus lawm, koj mam li hnov tias qhov no yog ib txoj hau kev zoo rau kev ua neej nyob. Nws yog kev ua neej nyob ncaj ncees thiab siab dawb paug, yog tsis yog ib tug muaj paus ntsis los sis tsis muaj ib qho zoo li, thiab tsuas yog ua neej nyob thiab ntxim hwm dua li qhov coj lub siab nqaim los sis siab phem. Koj mam li hnov tias qhov no yog yam uas ib tug neeg yuav tsum ua neej nyob thiab coj li cas. Maj mam ib qho zuj zus, txoj kev xav tau nyob hauv koj lub siab ua raws li koj tus kheej tej kev ntshaw thiaj li yuav muaj tsawg zuj zus mus” (“Muab Koj Lub Siab Tiag rau Vajtswv, thiab Koj Thiaj Li Tuaj Yeem Tau Txais Qhov Tseeb” nyob hauv Tej Kev Sib Tham ntawm Khetos ntawm Tiam Kawg). Vajtswv txoj lus ua rau kuv lub siab kaj lug. Thaum peb ua peb tej dej num tiav lawm, peb yuav tsum lees txais Vajtswv txoj kev soj ntsuam, thiab tso peb tej kev ntshaw, tej kev xav thiab tej kev txhawb siab tseg. Peb yuav muab peb lub siab fij dawb paug rau, ua txhua yam kom muaj txiaj ntsim rau Vajtswv lub tsev, thiab ua txhua yam kom zoo tshaj plaws li qhov peb tsim nyog ua. Tsuas yog ua li no xwb peb thiaj li ua tiav tes dej num ntawm ib tug raug tsim tawm los, ua neej nyob tau ncaj ncees, thiab ua yam uas tib neeg tsim nyog ua. Thaum kuv xyaum ua li no lawm, kuv hnov tias kuv muaj kev thaj yeeb, thiab kaj siab lug.

Tam sim no kuv zoo siab heev rau kuv tes dej num, thiab kuv tau txais ntau yam heev lawm. Kuv paub hais tias yog tsis raug qhia tshwm los ntawm tej uas muaj tseeb, thiab yog tsis muaj txoj kev txiav txim ntawm Vajtswv txoj lus, ntshe kuv yuav tsis paub kuv tus kheej txoj kev qias vuab tsuab li, thiab yuav tsis muaj peev xwm pom feem tseem ceeb ntawm txoj kev nrhiav qhov tseeb. Tom qab tau ntsib tau pom qhov no lawm, kuv kuj paub hais tias, tes dej num uas kuv ua mas Vajtswv tau npaj tseg lawm, thiab nws saib raws li kuv tej kev tim tsum rau kev to taub txog lub neej txoj sia, yog li ntawd kuv yuav tsum lees txais thiab mloog lus, caum raws qhov tseeb, ua kuv tej dej num kom kawg siab kawg ntsws, thiab rais los ua ib tug uas mloog Vajtswv lus tiag tiag thiab tau txais kev pom zoo los ntawm Vajtswv.